ԵԴ1/2742/01/24

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

28 նոյեմբերի 2024թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան),

Նախագահությամբ՝ դատավոր Մ.Մելքոնյանի,
քարտուղարությամբ` Ս.Գևորգյանի,
մասնակցությամբ`
մեղադրող Կ․Ստեփանյանի,
մեղադրյալ Ն․Գոջաբաշյանի,

Դռնբաց դատական նիստում քննության առնելով քրեական վարույթն ըստ մեղադրանքի Նորայր Մարտիրոսի Գոջաբաշյանի (ծնված՝ 24.03.1996թ. ՀԾՀ 340396013, ՀՀ քաղաքացի, նախկինում չդատված, հաշվառված ք.Երևան, Նորք-Մարաշ 13-րդ փողոց 6-րդ տուն) ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով

Պ Ա Ր Զ Ե Ց

1. Գործի դատավարական նախապատմությունը.
1.1 2023 թվականի հոկտեմբերի 19-ին ՀՀ ՔԿ ԵՔՔՎ ՃՏՀ քննության բաժնի քննիչ Ալլա Գևորգյանը կազմել է արձանագրություն ՀՀ քրեական օրենսգրքի 344-րդ հոդվածի 1-ին մասով թիվ 60-0302-23 քրեական վարույթը նախաձեռնելու մասին:
1.2 2024 թվականի փետրվարի 15-ին թիվ 60030223 քրեական վարույթի քննությունը հանձնարարվել է ՀՀ ՔԿ ԵՔՔՎ ՃՏՀ քննության բաժնի քննիչ Տիրայր Կարապետյանին:
1.3 2024 թվականի հուլիսի 30-ին ՀՀ ՔԿ ԵՔՔՎ ՃՏՀ քննության բաժնի քննիչ Տիրայր Կարապետյանը կազմել է արձանագրություն ՀՀ քրեական օրենսգրքի 344-րդ հոդվածի 2-րդ մասով թիվ 60-2844-24 քրեական վարույթը նախաձեռնելու մասին:
1.4 2024 թվականի սեպտեմբերի 02-ին ՀՀ ՔԿ ԵՔՔՎ ՃՏՀ քննության բաժնի քննիչ Տիրայր Կարապետյանը որոշում է կայացրել թիվ 60030223 քրեական վարույթով ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում առկա Նորայր Մարտիրոսի Գոջաբաշյանի վարորդական վկայականի վերաբերյալ տեղեկատվության քաղվածքի, Նորայր Մարտիրոսի Գոջաբաշյանի վերաբերյալ 2023թ. հունվարի 24-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշումը (8180244006), Նորայր Գոջաբաշյանի վերաբերյալ 2022 թվականի հունիսի 2-ին կազմված վարչական իրավախախտման վերաբերյալ արձանագրության (կից լրացված վարչական իրավախախտման որոշում՝ 8180139744), Նորայր Գոջաբաշյանի վերաբերյալ 2024 թվականի հունիսի 1-ին՝ կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 8180409257), Նորայր Մարտիրոսի Գոջաբաշյանին սթափության զննության ենթարկելու վերաբերյալ 01938 զննման համարի կտրոնի, 91100920 համարի սարքի ստուգաչափման թիվ 115132 վկայականի պատճենները որպես արտավարութային փաստաթուղթ ապացույց ճանաչելու մասին:
1.5 2024 թվականի սեպտեմբերի 13-ին ՀՀ դատախազության Երևան քաղաքի Շենգավիթ վարչական շրջանի դատախազության ավագ դատախազ Կ.Ստեփանյանը որոշում է կայացրել Նորայր Մարտիրոսի Գոջաբաշյանի նկատմամբ ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին:
1.6 2024 թվականի սեպտեմբերի 14-ին ՀՀ ՔԿ ԵՔՔՎ ՃՏՀ քննության բաժնի քննիչ Տիրայր Կարապետյանը որոշում է կայացրել թիվ 60030223 քրեական վարույթով մեղադրյալ Նորայր Մարտիրոսի Գոջաբաշյանի նկատմամբ որպես խափանման միջոց բացակայելու արգելք կիրառելու մասին:
1.7 2024 թվականի հոկտեմբերի 09-ին թիվ 60030223 քրեական վարույթը, հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստանալով թիվ ԵԴ1/2742/01/24 դատական համարը, մակագրվել և ստացվել է նույն դատարանի դատավոր Մասիս Մելքոնյանի աշխատակազմում:
1.8 2024 թվականի հոկտեմբերի 10-ին Երևան քաղաքի առաջին ատյանի ընդհանուր իրավասության քրեական դատարանը, նախագահությամբ դատավոր Մասիս Մելքոնյանի, որոշում է կայացրել թիվ ԵԴ1/2742/01/24 քրեական գործը վարույթ ընդունելու և նախնական դատալսումներ նշանակելու մասին:
1.9 2024 թվականի նոյեմբերի 28-ին նախնական դատալսումների ժամանակ Դատարանը ի թիվս այլ հարցերի քննարկել է նաև մ եղադրյալի նկատմամբ ընտրված խափանման միջոցըև փոփոխելու, անփոփոխ թողնելու, վերացնելու կալ այլ խափանման միջոց ընտրելու հարցը։
2. Մեղադրանքի փաստական նկարագրությունը.
2.1 Նորայր Մարտիրոսի Գոջաբաշյանի նկատմամբ ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում է հարուցվել այն արարքի կատարման համար, որ նա տրանսպորտային միջոցներ վարելու իրավունքից զրկված լինելով վարել է տրանսպորտային միջոց, ինչպես նաև չունենալով տրանսպորտային միջոց վարելու իրավունք, հարբած (ոչ սթափ) վիճակում վարել է տրանսպորտային միջոց:
Այսպես.
Նորայր Մարտիրոսի Գոջաբաշյանը 2022թ. հունիսի 2-ից մինչև 2023թ. հունիսի 2-ը մեկ տարի ժամանակով զրկված լինելով տրանսպորտային միջոցներ վարելու իրավունքից, այդ ժամանակահատվածում՝ 2023 թվականի հունվարի 24-ին, ժամը 02:50-ին Երևան քաղաքի Թամանցիների փողոցում վարել է «Մերսեդես» մակնիշի, 07 NG 707 հաշվառման համարանիշով տրանսպորտային միջոցը, ինչը հայտնաբերվել է ՀՀ ոստիկանության պարեկային ծառայության աշխատակիցների կողմից և կազմվել է վարչական իրավախախտման վերաբերյալ արձանագրություն:
Բացի այդ, Նորայր Մարտիրոսի Գոջաբաշյանը, չունենալով տրանսպորտային միջոց վարելու իրավունք, 2024 թվականի հունիսի 1-ին, ժամը 03:25-ին Երևան քաղաքի Ամիրյան փողոցում վարել է «Ինֆինիտի» մակնիշի, 07 NG 707 հաշվառման համարանիշով տրանսպորտային միջոցը՝ գտնվելով ոչ սթափ (հարբած) վիճակում' արտաշնչած մեկ լիտր օդում մաքուր ալկոհոլի պարունակությունը 0,229 մգ/լ, ինչը հայտնաբերվել է ՀՀ ոստիկանության պարեկային ծառայության աշխատակիցների կողմից և կազմվել է վարչական իրավախախտման վերաբերյալ արձանագրություն:
3.Դատաքննության ընթացքում հետազոտված թույլատրելի ապացույցները.
3.1․ 2024 թվականի նոյեմբերի 28-ին տեղի ունեցած դատական նիստում մեղադրյալ Նորայր Գոջաբաշյանը հրաժարվել է ցուցմունք տալուց և հարցերին պատասխանելուց, միաժամանակ հայտնեց, որ իրեն մեղավոր է ճանաչում:
(դատական նիստի արձանագրություն՝ 28.11.2024թ.)
3.2․ Դատարանը, հաշվի առնելով այն հանգամանքը, որ մեղադրյալ Ն.Գոջաբաշյանը, օգտվելով իր իրավունքից, հրաժարվել է ցուցմունք տալուց, որոշում է կայացրել հրապարակել մեղադրյալ Ն.Գոջաբաշյանի նախաքննական ցուցմունքները:
(դատական նիստի արձանագրություն՝ 28.11.2024թ.)
3.3․ Նախաքննության ընթացքում 2024 թվականի սեպտեմբերի 14-ին որպես մեղադրյալ հարցաքննվելիս մեղադրյալ Նորայր Գոջաբաշյանը ցուցմունք է տվել այն մասին, որ ունեցել է «B, C» կարգերի վարորդական իրավունքի վկայական: 2022 թվականի հունիսի 2-ին՝ զրկվել է տրանսպորտային միջոցներ վարելու իրավունքից 1 տարի ժամկետով՝ տրանսպորտային միջոցը ոչ սթափ վիճակում վարելու համար: Վարչական իրավախախտման վերաբերյալ թիվ 8180139744 որոշման իր օրինակը ստացել է և համարվել է ծանուցված: 2023 թվականի հունվարի 24-ին՝ ժամը ստուգ չի հիշում՝ գիշերային ժամի, Երևան քաղաքի Թամանցիների փողոցում «Մերսեդես» մակնիշի 07 NG 707 հաշվառման համարանիշի ավտոմեքենան վարել է տրանսպորտային միջոցներ վարելու իրավունքից զրկված, ինչի կապակցությամբ Պարեկային ծառայության համապատասխան ծառայողների կողմից կազմվել է վարչական իրավախախտման վերաբերյալ թիվ 8180244006 արձանագրությունը: Արձանագրությունը կազմելուց հետո պարեկային ծառայողները ծանոթացրել են արձանագրության բովանդակության հետ, ինչի վերաբերյալ որևէ առարկություն չի ներկայացրել և ստորագրել է արձանագրության համապատասխան տողերում: 2024 թվականի հունիսի 1-ին՝ ժամը ստույգ չի հիշում՝ գիշերային ժամի, Երևան քաղաքի Ամիրյան փողոցում «Ինֆինիտի» մակնիշի 07 NG 707 հաշվառման համարանիշի ավտոմեքենան, վարել է ոչ սթափ վիճակում չունենալով տրանսպորտային միջոցներ վարելու իրավունք, ինչի կապակցությամբ պարեկային ծառայողները կանգնեցնելով իրեն, ստուգել են իր փաստաթղթերը, սթափությունը և կազմել են վարչական իրավախախտման վերաբերյալ թիվ 8180409257 արձանագրությունը: Արձանագրությունը կազմելուց հետո պարեկային ծառայողները ծանոթացրել են արձանագրության բովանդակության հետ, ինչի վերաբերյալ, որևէ անհամաձայնություն չի ունեցել և ստորագրել է արձանագրության համապատասխան տողերում: Հայտարարել է, որ ընդունում է իր մեղավորությունը, զղջում է կատարվածի համար: Խնդրել է հաշվի առնելով այդ հանգամանքը հնարավորինս մեղմ վերաբերվել, ինչպես նաև ցանկանում է, որ սույն քրեական վարույթով կիրառվի արագացված դատաքննության կարգ:
(Հատոր 1, Գ.Թ. 47-49)
3.4․ Զննություն կատարելու մասին արձանագրության համաձայն՝ զննության է ենթարկվել քրեական վարույթում առկա փաստաթղթերը, համաձայն որի՝ 2023թ. հունվարի 24-ին ժամը՝ 03:00-ին, Երևան քաղաքի Թամանցիների փողոցում ՀՀ ոստիկանության պարեկային ծառայության Երևան քաղաքի գնդի ավագ պարեկ Ռազմիկ Լալայանի (02313) կողմից Նորայր Մարտիրոսի Գոջաբաշյանի (ծնվ. 24.03.1996թ.,անձ. AN0635869, բն. ք. Երևան, Նորք-Մարաշ 13-րդ փողոց 6-րդ տուն) վերաբերյալ կազմվել է վարչական իրավախախտման վերաբերյալ արձանագրությունը (կից չլրացված վարչական իրավախախտման որոշում՝ 8180244006), այն մասին, որ վերջինս 2023թ. հունվարի 24-ին՝ ժամը 02:50-ին, Երևան քաղաքի Թամանցիների փողոցում վարել է «Մերսեդես» մակնիշի 07 NG 707 հաշվառման համարանիշի ավտոմեքենան՝ զրկված լինելով տրանսպորտային միջոց վարելու իրավունքից: Արձանագրության համապատասխան տողերում առկա են ծանուցվողի (վարորդի) ու պարեկային ծառայողի ստորագրությունները:
3.5․ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրի Արշակ Սամվելի Թանգյանի տվյալների (ՀԾՀ 3601830116) մուտքագրման արդյունքում ստացված տեղեկատվության քաղվածքի պատճենի համաձայն՝ Նորայր Մարտիրոսի Գոջաբաշյանը տրանսպորտային միջոցներ վարելու իրավունքից 2022 թվականի հունիսի 2-ին զրկվել է 1 տարի ժամկետով՝ (զրկման սկիզբ 02.06.2022թ, զրկման ավարտ 02.06.2023թ):
3.6․2022թ. հունիսի 2-ին ժամը՝ 04:05-ին, Երևան քաղաքի Բաղրամյան պողոտայում ՀՀ ոստիկանության պարեկային ծառայության Երևան քաղաքի գնդի կրտսեր պարեկ Անդրանիկ Հարոյանի (05042) կողմից Նորայր Մարտիրոսի Գոջաբաշյանի (ծնվ. 24.03.1996թ., անձ. AN0635869, բն. ք.Երևան, Նորք-Մարաշ 13-րդ փողոց 6-րդ տուն) վերաբերյալ կազմվել է վարչական իրավախախտման վերաբերյալ արձանագրություն, այն բանի համար, որ վերջինս 2022թ. հունիսի 10-ին ժամը՝ 03:45-ին, Երևան քաղաքի Բաղրամյան պողոտայում «ՎԱԶ» մակնիշի 31 OV 003 հաշվառման համարանիշի ավտոմեքենան վարել է ոչ սթափ վիճակում, ինչից հետո կայացվել է վարչական իրավախախտման վերաբերյալ թիվ 8180139744 որոշումը՝ Նորայր Մարտիրոսի Գոջաբաշյանին տրանսպորտային միջոցներ վարելու իրավունքից 1 տարի ժամկետով զրկելու վերաբերյալ: Վարչական իրավախախտման արձանագրության որոշման համապատասխան տողերում առկա են ծանուցվողի (վարորդի) պարեկային ծառայողի ստորագրությունները:
3.7․2024թ. հունիսի 1-ին ժամը՝ 03:40-ին, Երևան քաղաքի Մ.Մաշտոցի պողոտայում ՀՀ ոստիկանության պարեկային ծառայության Երևան քաղաքի գնդի ավագ պարեկ Ռազմիկ Լալայանի (02313) կողմից Նորայր Մարտիրոսի Գոջաբաշյանի (ծնվ, 24.03.1996թ.,անձ. AN0635869, բն. ք.Երևան, Նորք-Մարաշ 13-րդ փողոց 6-րդ տուն) վերաբերյալ կազմվել է վարչական իրավախախտման վերաբերյալ արձանագրությունը (կից չլրացված վարչական իրավախախտման որոշում՝ 8180409257), այն մասին, որ վերջինս 2024թ. հունիսի 1-ին՝ ժամը 03:25-ին, Երևան քաղաքի Ամիրյան փողոցում վարել է «Ինֆինիտի» մակնիշի 07 NG 707 հաշվառման համարանիշի ավտոմեքենան՝ չունենալով վարելու իրավունք և ոչ սթափ վիճակում: Արձանագրության համապատասխան տողերում առկա են գրառումներ, ծանուցվողի (վարորդի) ու պարեկային ծառայողի ստորագրությունները:
3.8․Նորայր Գոջաբաշյանին սթափության զննության ենթարկելու վերաբերյալ կտրոնի պատճենի համաձայն՝ զննության սարքի համարն է 91100920, զննման համարը՝ 01938, զննման ամսաթիվը՝ 01.06.2024թ., ստուգումը կատարվել է ավտոմատ, ժամը 03:33:52-ին, ալկոհոլի պարունակությունը՝ 0.229մգ/լ, վարորդի անունը՝ Նորայր, ազգանունը՝ Գոջաբաշյան տրանսպորտային միջոցի համարանիշը՝ 07 NG 707, անձ. Al0405705, Պ/Ծ-ի ազգանուն (Բաղդասարյան կրծքանշանի համար 09280):
Առկա է նաև սթափության 91100920 համարի սարքի ստուգաչափման թիվ 115132 վկայականի պատճենի համաձայն՝ ստուգաչափման թվականն է 30.01.2024., այն ուժի մեջ է մինչև 30.01.2025թ.» Չափման միջոցի անվանումը և տեսակը՝ ալկոտեստեր, գործարանային համարը՝ 91100920 տեսակը՝ «Jupiter x/RP», չափման (0.000-2.000մգ/), ճշտության կարգը և դասը (սխալանքը) տիրույթը՝ 0+0,145%,0.1 -0.15+8%>0.15+10%, արտադրողը՝ Չինաստան, պատկանում է ՀՀ ՊԾ:
3.9․ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրի Նորայր Մարտիրոսի Գոջաբաշյանի տվյալների (ՀԾՀ 3403960013) մուտքագրման արդյունքում ստացված տեղեկատվության քաղվածքի պատճենի համաձայն՝ Նորայր Մարտիրոսի Գոջաբաշյանը տրանսպորտային միջոցներ վարելու իրավունքից 2022 թվականի հունիսի 2-ին զրկվել է 1 տարի ժամկետով՝ (զրկման սկիզբ 02.06.2022թ, զրկման ավարտ 02.06.2023թ): 2022թ. հունիսի 2-ին ժամը՝ 04:05-ին, Երևան քաղաքի Բաղրամյան պողոտայում ՀՀ ոստիկանության պարեկային ծառայության Երևան քաղաքի գնդի կրտսեր պարեկ Անդրանիկ Հարոյանի (05042) կողմից Նորայր Մարտիրոսի Գոջաբաշյանի (ծնվ. 24.03.1996թ., անձ. AN0635869, բն. ք. Երևան, Նորք-Մարաշ 13-րդ փողոց 6-րդ տուն) վերաբերյալ կազմվել է վարչական իրավախախտման վերաբերյալ արձանագրություն, այն բանի համար, որ վերջինս 2022թ. հունիսի 10-ին ժամը' 03.45-ին, Երևան քաղաքի Բաղրամյան պողոտայում «ՎԱԶ» մակնիշի 31 OV 003 հաշվառման համարանիշի ավտոմեքենան վարել է ոչ սթափ վիճակում, ինչից հետո կայացվել է վարչական իրավախախտման վերաբերյալ թիվ 8180139744 որոշումը՝ Նորայր Մարտիրոսի Գոջաբաշյանին տրանսպորտային միջոցներ վարելու իրավունքից 1 տարի ժամկետով զրկելու վերաբերյալ: Վարչական իրավախախտման արձանագրության և որոշման համապատասխան տողերում առկա են ծանուցվողի (վարորդի) և պարեկային ծառայողի ստորագրությունները:
(Հատոր 1, Գ.Թ. 3-5, 15-19, 27-29)
3.10․Արտավարութային փաստաթղթերը ապացույց ճանաչելու մասին որոշման համաձայն՝ որպես արտավարութային փաստաթուղթ ապացույց է ճանաչվել թիվ 60030223 քրեական վարույթով ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում առկա Նորայր Մարտիրոսի Գոջաբաշյանի վարորդական վկայականի վերաբերյալ տեղեկատվության քաղվածքի, Նորայր Մարտիրոսի Գոջաբաշյանի վերաբերյալ 2023թ. հունվարի 24-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշումը (8180244006), Նորայր Գոջաբաշյանի վերաբերյալ 2022 թվականի հունիսի 2-ին կազմված վարչական իրավախախտման վերաբերյալ արձանագրության (կից լրացված վարչական իրավախախտման որոշում՝ 8180139744), Նորայր Գոջաբաշյանի վերաբերյալ 2024 թվականի հունիսի 1-ին՝ կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 8180409257), Նորայր Մարտիրոսի Գոջաբաշյանին սթափության զննության ենթարկելու վերաբերյալ 01938 զննման համարի կտրոնի, 91100920 համարի սարքի ստուգաչափման թիվ 115132 վկայականի պատճենները:
(Հատոր 1, Գ.Թ. 30-31)
4.Դատարանի իրավական վերլուծությունները.
4.1. Վերլուծելով մեղադրյալ Նորայր Մարտիրոսի Գոջաբաշյանին ներկայացված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
• ապացուցված է մեղադրյալ Նորայր Մարտիրոսի Գոջաբաշյանին վերագրվող փաստական հանգամանքները, մասնավորապես՝ մեղադրյալ Նորայր Մարտիրոսի Գոջաբաշյանի կողմից տրանսպորտային միջոցներ վարելու իրավունքից զրկված լինելով կրկին տրանսպորտային միջոց վարելու փաստը և տրանսպորտային միջոցներ վարելու իրավունքից զրկված անձի կողմից ոչ սթափ վիճակում տրանսպորտային միջոց վարելու փաստը.
• ապացուցված է վերոգրյալ արարքների քրեական հակաիրավականությունը, որը նախատեսված է 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով.
• ապացուցված է մեղադրյալ Նորայր Մարտիրոսի Գոջաբաշյանի կողմից 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով նախատեսված վերոգրյալ արարքները կատարելը.
• ապացուցված է մեղադրյալ Նորայր Մարտիրոսի Գոջաբաշյանի մեղավորությունը 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով նախատեսված արարքները կատարելու մեջ:
4.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
4.3. ՀՀ Սահմանադրության 71-րդ հոդվածի համաձայն՝ 1. Հանցանք կատարած անձի պատժի հիմքը նրա մեղքն է: 2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին:
4.4. ՀՀ քրեական օրենսգրքի 7-րդ հոդվածի 1-ին մասի համաձայն`
Հանցանք կատարած անձին քրեական պատասխանատվության «պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին հանցավորի անձնավորությանը:
4.5. ՀՀ քրեական օրենսգրքի 55-րդ հոդվածի 2-րդ մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ: 2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
4.6. ՀՀ քրեական օրենսգրքի 69-րդ հոդվածի համաձայն`
Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: 2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները: 4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ: Պատիժ նշանակելը քրեական գործով արդարադատության իրականացման վճռական պահն է, որը պետք է դառնա կատարված հանցանքի հասարակական վտանգավորության գնահատման լիարժեք չափանիշ, պատժի ենթարկվող անձին վերասոցիալականացնելու, ինչպես մեղադրյալի, այնպես էլ այլ անձանց կողմից հանցագործությունները կանխելու գործուն միջոց: Արդարության և պատասխանատվության անհատականացման սկզբունքը պատժի տեսակը և չափը որոշելու բազմաթիվ դրույթների ու չափանիշների հետ մեկտեղ անխզելիորեն կապված է պատասխանատվությունը և պատիժը մեղմացնող ու ծանրացնող հանգամանքները հետազոտելու և հաշվի առնելու հետ: ՀՀ քրեական դատավարության օրենսգրքի 102-րդ հոդվածում թվարկված են յուրաքանչյուր քրեական գործով ապացուցման ենթակա փաստական հանգամանքները: Այդ հոդվածի 5-րդ կետի համաձայն՝ քրեական օրենքով նախատեսված պատասխանատվությունը մեղմացնող կամ խստացնող հանգամանքները հաստատվում են միայն ապացույցների հիման վրա: Ընդ որում, անձի պատասխանատվությունը և պատիժը մեղմացնող ու ծանրացնող հանգամանքների գնահատումը յուրաքանչյուր կոնկրետ գործով պատիժ նշանակելիս հնարավորություն է տալիս դատարանին պատկերացում կազմել հանցանքի հանրության համար վտանգավորության աստիճանի, բնույթի, ինչպես նաև հանցավորի անձնավորության մասին և յուրաքանչյուր կոնկրետ գործով անհատականացնել պատիժը: Պատժի անհատականացման կարևորությունն այն է, որ դա լուրջ երաշխիք է ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակների իրականացման համար:
4.7. Վերոհիշյալ իրավադրույթների և ՀՀ վճռաբեկ դատարանի որոշումների համատեքստում, ուսումնասիրելով մեղադրյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մեղադրյալ Նորայր Մարտիրոսի Գոջաբաշյանի նկատմամբ, նրա կատարած հանցանքի համար պատիժ նշանակելիս` Դատարանը հաշվի է առնում հանցանքի բնույթն ու հանրության համար վտանգավորության աստիճանը, հանցավորի անձը բնութագրող հանգամանքները, այն, որ նա դատվածություն չունի:
4.8. Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալի պատասխանատվությունը և պատիժը մեղմացնող հանգամանք, հաշվի է առնում այն, որ նա ներկայացված մեղադրանքում իրեն լիովին մեղավոր է ճանաչել և տվել է խոստովանական ցուցմունք: Մեղադրյալի պատասխանատվությունն ու պատիժը ծանրացնող հանգամանքներ Դատարանը չի արձանագրում:
4.9. Դատարանը հարկ է համարում արձանագրել, որ 2021 թվականի մայիսի 05-ին ընդունված Հայաստանի Հանրապետության քրեական օրենսգրքի 344-րդ հոդվածի 1-ին մասով տուգանքի չափը սահմանված է առավելագույնը տասնապատիկի չափով՝ հաշվի առնելով նոր օրենքով նախատեսված համապատասխան կարգավորումները, Նորայր Մարտիրոսի Գոջաբաշյանի նկատմամբ տուգանք կարող է նշանակվել 375.000-ից մինչև 750.0000 ՀՀ դրամ գումարի չափով, իսկ Հայաստանի Հանրապետության քրեական օրենսգրքի 344-րդ հոդվածի 2-րդ մասով Նորայր Մարտիրոսի Գոջաբաշյանի նկատմամբ տուգանք կարող է նշանակվել 375.000-ից մինչև 1.500.000 ՀՀ դրամ գումարի չափով, ուստի Դատարանը գտնում է, որ մեղադրյալ Նորայր Մարտիրոսի Գոջաբաշյանի նկատմամբ ՀՀ քրեական օրենսգրքի 334-րդ հոդվածի 1-ին մասով անհրաժեշտ է տուգանքի չափ նշանակել նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով, իսկ ՀՀ քրեական օրենսգրքի 344-րդ հոդվածի 2-րդ մասով անհրաժեշտ է տուգանքի չափ նշանակել նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով, իսկ պատիժների մասնակի գումարման արդյունքում մեղադրյալ Նորայր Մարտիրոսի Գոջաբաշյանի նկատմամբ որպես վերջնական պատիժ պետք է նշանակվի տուգանք 700․000 /յոթ հարյուր հազար/ ՀՀ դրամի չափով, որով հնարավոր կլինի հասնել ՀՀ քրեական օրենսգրքով սահմանված պատժի նպատակներին:
Միաժամանակ Դատարանը գտնում է, որ Նորայր Մարտիրոսի Գոջաբաշյանին իր նկատմամբ որպես վերջնական պատիժ նշանակված 700․000 /յոթ հարյուր հազար/ ՀՀ դրամի չափով տուգանքը պետք է թույլատրել վճարել մաս առ մաս՝ 12 ամիս ժամկետով:
4.10. ՀՀ քրեական դատավարության 348-րդ հոդվածի համաձայն դատավճռում պետք է շարադրվեն նաև հետևյալ հարցերի պատասխանները.
• գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
• որ գույքն է ենթակա բռնագրավման, ինչ չափով և ինչպիսի հիմքով,
վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման,
• ինչպես պետք է պահպանվեն և տնօրինվեն ապացույցները,
• դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
• ում վրա և ինչ չափով պետք է դրվեն վարութային ծախսերը։
4.11. Քննարկելով մեղադրյալի նկատմամբ ընտրված խափանման միջոցի հարցը՝ Դատարանը գտնում է, որ մեղադրյալ Նորայր Մարտիրոսի Գոջաբաշյանի նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
4.12. Նկատի ունենալով, որ սույն քրեական գործով գույքային հայց, գույք բռնագրավելու անհրաժեշտություն, արգելադրված գույք, վարույթային ծախսեր, ապացույցների պահպանման և տնօրինման հարցեր առկա չեն, Դատարանը այդ հարցերին չի անդրադառնում:
4.13. Քննարկելով ապացույցների պահպանման և տնօրինման հարցը, ղեկավարվելով ՀՀ քրեական դատավարության օրենսգրքի 99-րդ հոդվածով՝ Դատարանը գտնում է, որ արտավարութային ապացույց ճանաչված ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում առկա Նորայր Մարտիրոսի Գոջաբաշյանի վարորդական վկայականի վերաբերյալ տեղեկատվության քաղվածքը, Նորայր Մարտիրոսի Գոջաբաշյանի վերաբերյալ 2023թ. հունվարի 24-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշումը (8180244006), Նորայր Գոջաբաշյանի վերաբերյալ 2022 թվականի հունիսի 2-ին կազմված վարչական իրավախախտման վերաբերյալ արձանագրության (կից լրացված վարչական իրավախախտման որոշում՝ 8180139744), Նորայր Գոջաբաշյանի վերաբերյալ 2024 թվականի հունիսի 1-ին՝ կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 8180409257), Նորայր Մարտիրոսի Գոջաբաշյանին սթափության զննության ենթարկելու վերաբերյալ 01938 զննման համարի կտրոնի, 91100920 համարի սարքի ստուգաչափման թիվ 115132 վկայականի պատճենները պետք է պահվեն վարութային նյութերի հետ դրանց ամբողջ ընթացքում:
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 30-31-րդ, 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց

1. Նորայր Մարտիրոսի Գոջաբաշյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանք կատարելու համար և նրա նկատմամբ այդ արարքը կատարելու համար պատիժ նշանակել տուգանքը՝ հանցանքը կատարելու պահին գործող նվազագույն աշխատավարձի հնգապատկի չափով 375․000 ՀՀ դրամի չափով:
2. Նորայր Մարտիրոսի Գոջաբաշյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանք կատարելու համար և նրա նկատմամբ այդ արարքը կատարելու համար պատիժ նշանակել տուգանքը՝ հանցանքը կատարելու պահին գործող նվազագույն աշխատավարձի հնգապատիկի չափով 375․000 ՀՀ դրամի չափով:
3. Պատիժների մասնակի գումարման կարգի կիրառմամբ Նորայր Մարտիրոսի Գոջաբաշյանի նկատմամբ վերջնական պատիժ սահմանել տուգանքը 700․000 /յոթ հարյուր հազար/ՀՀ դրամի չափով։
4. Դատավճիռն օրինական ուժի մեջ մտնելուց հետո թույլատրել Նորայր Մարտիրոսի Գոջաբաշյանին դատավճռով նշանակված 700․000 /յոթ հարյուր հազար/ ՀՀ դրամը վճարել մաս առ մաս` 12 /տասներկու/ ամսվա ընթացքում:
5. Նորայր Մարտիրոսի Գոջաբաշյանին նկատմամբ ընտրված խափանման միջոց բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:
6. Ապացույց ճանաչված արտավարութային փաստաթղթերը պահել քրեական գործի նյութերում:
7. Դատավճիռը կարող է բողոքարկվել ՀՀ վերաքննիչ քրեական դատարան այն ստանալու օրվանից հետո` մեկամսյա ժամկետում:

ԴԱՏԱՎՈՐ ՄԱՍԻՍ ՄԵԼՔՈՆՅԱՆ