ԵԴ1/2682/01/24

Դ Ա Տ Ա Վ Ճ Ի Ռ
Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ու Թ Յ Ա Ն Ա Ն Ու Ն Ի Ց

10.12.2024թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը՝

ՆԱԽԱԳԱՀՈւԹՅԱՄԲ ԴԱՏԱՎՈՐ՝ Մ. ՇԱՀՎԵՐԴՅԱՆԻ
ՔԱՐՏՈւՂԱՐՈւԹՅԱՄԲ՝ Կ. ԱՍԱՏՐՅԱՆԻ

Մասնակցությամբ՝

ՀԱՆՐԱՅԻՆ ՄԵՂԱԴՐՈՂ՝ Դ. ՄԱՐԳԱՐՅԱՆԻ
ՄԵՂԱԴՐՅԱԼ՝ Վ. ՖԱՐՍԱԴԱՆՅԱՆԻ

Դռնբաց դատական նիստում քննեց քրեական գործն ըստ մեղադրանքի՝
Վիտալի Օլեգի Ֆարսադանյանի, ծնված՝ 23.08.1986թ., Ադրբեջանի Հանրապետությունում, ազգությամբ հայ, ՀՀ քաղաքացի, նախկինում չդատված, ամուսնացած, խնամքին երկու անչափահաս երեխաներ, չի աշխատում, հաշվառված և բնակվում է՝ Երևան քաղաքի Ն.Սուրենյանց փողոցի 11Ա շենքի 2-րդ բնակարանում:
Մեղադրվում է ՀՀ քրեական օրենսգրքի 344-րդ հոդվածի 2-րդ մասով և երկու դրվագ ՀՀ քրեական օրենսգրքի 344-րդ հոդվածի 1-ին մասով:
Դատաքննությամբ և գործի տվյալներով պարզվեց հետևյալը.
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ավագ քննիչ Ա.Թովմասյանի կողմից 18.08.2023թ. ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60220023 քրեական վարույթը:
ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի ավագ քննիչ Ա.Թովմասյանի կողմից 16.11.2023թ. ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60-0723-23 քրեական վարույթը:
ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի ավագ քննիչ Ա.Թովմասյանի կողմից 16.11.2023թ. ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60-0726-23 քրեական վարույթը:
ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի ավագ քննիչ Ա.Թովմասյանի կողմից 29.11.2023թ. ՀՀ քրեական օրենսգրքի 344-րդ հովդածի 1-ին մասով նախաձեռնվել է թիվ 60-5066-23 քրեական վարույթը:
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ավագ քննիչ Ա.Թովմասյանի 23.01.2024թ. որոշմամբ՝ թիվ 60-5066-23 քրեական վարույթը միացվել է թիվ 60220023 քրեական վարույթին:
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ավագ քննիչ Ա.Թովմասյանի 02.02.2024թ. որոշմամբ՝ թիվ 60-0723-23 և թիվ 60-0726-23 քրեական վարույթները միացվել են թիվ 60220023 քրեական վարույթին:
Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ.Մարգարյանի 24.09.2024թ. որոշմամբ՝ Վիտալի Օլեգի Ֆարսադանյանի նկատմամբ ՀՀ քրեական օրենսգրքի 344-րդ հոդվածի 2-րդ մասով և 2 դրվագ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երկրորդ բաժնի ավագ քննիչ Հ.Միսակյանի կողմից 25.09.2024թ. Վիտալի Օլեգի Ֆարսադանյանին հանձնվել է հանրային քրեական հետապնդում հարուցելու մասին՝ 24.09.2024թ. որոշման պատճենը, պարզաբանվել մեղադրանքի փաստական հիմքը և իրավական գնահատականն ու ՀՀ քրեական դատավարության օրենսգրքի 43-րդ հոդվածով նախատեսված՝ նրա իրավունքները և պարտականությունները, ինչպես նաև նրան է հանձնվել դրանց ցանկը, որի մասին կազմվել է արձանագրություն:
Թիվ 60220023 քրեական վարույթի նյութերը մեղադրական եզրակացությամբ 07.10.2024թ. մուտքագրվել է Երևան քաղաքի առաջին ատյանի ընդհանուր իրավասության քրեական դատարանում:
Վիտալի Օլեգի Ֆարսադանյանին ՀՀ քրեական օրենսգրքի 344-րդ հոդվածի 2-րդ մասով և 2 դրվագ 344-րդ հոդվածի 1-ին մասով մեղադրանք է ներկայացվել այն բանի համար, որ նա 2023թ. փետրվարի 21-ին և 2023թ. հուլիսի 25-ին վարել է ավտոմեքենա՝ զրկված լինելով տրանսպորտային միջոցներ վարելու իրավունքից, իսկ 2023թ. ապրիլի 14-ին վարել է ավտոմեքենա՝ զրկված լինելով տրանսպորտային միջոցներ վարելու իրավունքից և միաժամանակ գտնվելով ոչ սթափ վիճակում:
Այսպես.
ՀՀ ոստիկանության պարեկային ծառայության կողմից թիվ 8180162861 վարչական իրավախախտման գործով 2022թ. հոկտեմբերի 5-ին կայացված որոշմամբ՝ Վիտալի Օլեգի Ֆարսադանյանը 1(մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2022թ. նոյեմբերի 15-ից մինչև 2023թ. նոյեմբերի 15-ը, որի մասին ծանուցվել է 2023թ. փետրվարի 7-ին՝ պարեկային ծառայության կողմից իր նկատմամբ կազմված վարչական իրավախախտման վերաբերյալ թիվ 8180245049 արձանագրության միջոցով: Տեղյակ լինելով, որ զրկված է տրանսպորտային միջոցներ վարելու իրավունքից՝ Վիտալի Օլեգի Ֆարսադանյանը, զրկման ժամկետը դեռ չլրացած՝ 2023թ. փետրվարի 21-ին, ժամը՝ 0945-ի սահմաններում, Երևան քաղաքի Շիրակի փողոցում վարել է «ԲՄՎ» մակնիշի «36 VF 651» հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության կրտսեր պարեկ Բենիկ Ֆահրադյանի կողմից նույն օրը, ժամը՝ 0950-ին, կազմվել է վարչական իրավախախտման վերաբերյալ թիվ 8180247018 արձանագրությունը:
Բացի այդ, թիվ 8180162861 վարչական իրավախախտման գործով կայացված որոշմամբ զրկված լինելով տրանսպորտային միջոցներ վարելու իրավու քից և այդ մասին ծանուցված լինելով՝ Վիտալի Օլեգի Ֆարսադանյանը, զրկման ժամկետը դեռ չլրացած՝ 2023թ. ապրիլի 14-ին, ժամը՝ 2315-ի սահմաններում, գտնվելով ոչ սթափ վիճակում (սթափության զննման կտրոնի համարը՝ 00006)՝ մեկ լիտր արտաշնչած օդի մեջ մաքուր ալկոհոլի պարունակությունը 0.346մգ/լ (առնվազն՝ 0,3114մգ/լ՝ նկատի ունենալով ստուգաչափող թիվ 91101147 ալկոտեստեր սարքի չափման ճշտության հնարավոր 10% սխալանքը), Երևան քաղաքի Հրազդանի կիրճում վարել է «ԲՄՎ» մակնիշի «36 VF 651» հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Նարեկ Մխիթարյանի կողմից 2023թ. ապրիլի 15-ին, ժամը՝ 0110-ին, կազմվել է վարչական իրավախախտման վերաբերյալ թիվ 8180252091 արձանագրությունը:
Բացի այդ, թիվ 8180162861 վարչական իրավախախտման գործով կայացված որոշմամբ զրկված լինելով տրանսպորտային միջոցներ վարելու իրավունքից և այդ մասին ծանուցված լինելով՝ Վիտալի Օլեգի Ֆարսադանյանը, զրկման ժամկետը դեռ չլրացած՝ 2023թ. հուլիսի 25-ին, ժամը՝ 1130-ի սահմաններում, Երևան քաղաքի Հ.Արղության փողոցում վարել է «ԲՄՎ» մակնիշի «97 CC 007» հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության կրտսեր պարեկ Լևոն Բաղդասարյանի կողմից նույն օրը, ժամը՝ 1138-ին, կազմվել է վարչական իրավախախտման վերաբերյալ թիվ 8180261201 արձանագրությունը:
Ներկայացված մեղադրանքում Վիտալի Ֆարսադանյանն իրեն լիովին մեղավոր ճանաչեց, և օգտվելով իր սահմանադրական իրավունքից՝ դատարանում ցուցմունք տալու ցանկություն չհայտնեց:
Սահմանված հերթականությամբ և հաջորդականությամբ հետազոտվեցին հետևյալ ապացույցները.
Մեղադրյալ Վիտալի Ֆարսադանյանի կողմից մինչդատական վարույթում տրված ցուցմունքը, համաձայն որի՝ տեղեկացված է եղել վարելու իրավունքից զրկված լինելու մասին, սակայն վերոնշյալ օրերին առանց վարորդական իրավունքի, իսկ մի դեպքում էլ՝ նաև ոչ սթափ վիճակում, վարել է ավտոմեքենա: Ընդունում է իր մեղավորությունը, պատրաստ է ենթարկվել քրեական պատասխանատվության: ՀՀ քրեական օրենսգրքի 344-րդ հոդվածի 2-րդ մասով և երկու դրվագ ՀՀ քրեական օրենսգրքի 344-րդ հոդվածի 1-ին մասով իրեն ներկայացված մեղադրանքում իրեն ամբողջությամբ մեղավոր է ճանաչում:
Զննում կատարելու մասին 19.09.2024թ. արձանագրությունը, համաձայն որի.
• Ալկոհոլի պարունակության ստուգման կտրոնի համաձայն՝ ստուգաչափման սարքի համարն է՝ 91100937, զննման համարը՝ 00185, զննման ամսաթիվը՝ 07.02.2023թ., զննման ժամը՝ 00:36:35, վերջին ստուգաչափման ամսաթիվը՝ 21.11.2022թ., դատարկ թեստ՝ 0.000մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.509մգ/լ, վարորդի անունն է՝ Վիտալի ազգանունը՝ Ֆարսադանյան, տրանսպորտոյին միջոցի համարանիշը՝ 36 VF 651, Վ/Վ համարը՝ RI667221, Պ/Ծ ազգանունը՝ Բարսեղյան, կրծքանշանի համարը՝ 02059, ստորաբաժանում՝ 2-րդ գումարտակ, 3-րդ վաշտ:
• 2023թ. փետրվարի 7-ին, ժամը՝ 0040-ին, Երևան քաղաքի Մաշտոցի պողոտայում ՀՀ ՆԳՆ ոստիկանության պարեկային ծառայության Երևան քաղաքի 2-րդ գումարտակի 3-րդ վաշտի պարեկ Շիրազ Կորյունի Բարսեղյանի (02059) կողմից կազմվել է վարչական իրավախախտման վերաբերյալ թիվ 8180245049 արձանագրությունը, համաձայն որի՝ Վիտալի Օլեգի Ֆարսադանյանը 2023թ. փետրվարի 6-ին, ժամը՝ 2345-ին, Երևան քաղաքի Մաշտոցի պողոտայում «ԲՄՎ» մակնիշի «36 VF 651» հաշվառման համարանիշի տրանսպորտային միջոցը վարել է տրանսպորտակին միջոցներ վարելու իրավունքը զրկված և ոչ սթափ վիճակում: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է՝ 203.1 թիվը:
• ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության համաձայն՝ Վիտալի Ֆարսադանյանին (ծնված՝ 23.08.1986թ., անձնագիր՝ AT0659952, հասցե՝ ք.Երևան, Արաբկիր, Քանաքեռ ՀԷԿ Բանավան, 11 շենք, 35 բնակարան) 2022թ. օգոստոսի 21-ին տրվել է թիվ RJ667221 վարորդական իրավունքի վկայականը, որի նատմամբ զրկում է կիրառվել 15.11.2022թ. մինչև 15.11.2023թ. ընկած ժամանակահատվածի համար:
• ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերության կողմից տրված թիվ 084204 ստուգաչափման վկայականի համաձայն՝ վկայականն ուժի մեջ է 2022թ. նոյեմբերի 21-ից մինչև 2023թ. նոյեմբերի 21-ը, ստուգաչափման սարքի գործարանային համարն է՝ 91100937, տեսակը՝ Jupiter X/RP, չափման տիրույթը՝ 0.000-0,200մգ/լ, ճշտության դասը, կարգը /սխալանքը/՝ 10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրով՝ MU2835-2008, ստուգաչափող անվան դիմաց առկա է ստորագրություն և նշված է Ա.Գուլքանյան, իսկ բաժնի /լաբորատորիայի/ վարիչ անվան դիմաց առկա է ստորագրություն և նշված է Գ.Մարտիրոսյան:
• 2022թ. սեպտեմբերի 20-ին, ժամը՝ 0139-ին, Երևան քաղաքի Հրազդանի կիրճում ՀՀ ՆԳՆ ոստիկանության պարեկային ծառայության Երևան քաղաքի 4-րդ գումարտակի 2-րդ վաշտի պարեկ Հակոբ Սամվելի Պարոնյանի (01139) կողմից կազմվել է վարչական իրավախախտման վերաբերյալ թիվ 8180162861 արձանագրությունը, համաձայն որի՝ Վիտալի Օլեգի Ֆարսադանյանը նույն օրը, ժամը՝ 0130-ին, Երևան քաղաքի Հրազդանի կիրճում «ԲՄՎ» մակնիշի «36 VF 651» հաշվառման համարանիշի տրանսպորտային միջոցը վարել է ոչ սթափ վիճակում: Արձանագրությանը ծանոթանալու, իրավունքների և պարտականությունների քաղվածքը և խախտման քննարկման վայրի ու ժամանակի վերաբերյալ ծանուցումը ստանալու փաստը հաստատվել է ստորագրությամբ: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է՝ 68 թիվը: Տվյալ արձանագրության հիման վրա կայացված որոշման համաձայն՝ մեկ տարվա ընթացքում կրկին տրանսպորտային միջոցը ոչ սթափ վիճակում վարելու համար Վիտալի Օլեգի Ֆարսադանյանի նկատմամբ կիրառվել է վարելու իրավունքից զրկում՝ մեկ տարի ժամկետով:
• Ալկոհոլի պարունակության ստուգման կտրոնի համաձայն՝ ստուգաչափման սարքի համարն է՝ 91101012, զննման համարը՝ 00502, զննման ամսաթիվը՝ 20.09.2022թ., զննման ժամը՝ 01:30:00, վերջին ստուգաչափման ամսաթիվը՝ 27.06.2022թ., դատարկ թեստ՝ 0.000մգ/լ, ստուգաչափման ձևաչափը՝ ավտոմատ, այկոհոլի պարունակությունը՝ 0.515մգ/լ, վարորդի անունն է՝ Վիտալի, ազգանունը՝ Ֆարսադանյան, տանսպորտային միջոցի համարանիշը՝ 36 VF 651, Վ/Վ համարը՝ RJ667221, Պ/Ծ ազգանունը՝ Պարոնյան, կրծքանշանի համարը՝ 01139, ստորաբաժանում՝ 4-րդ գումարտակ, 2րդ վաշտ:
• ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերության կողմից տրված թիվ 073343 ստուգաչափման վկայականի համաձայն՝ վկայականը ուժի մեջ է 2022թ. հունիսի 27-ից մինչև 2023թ. հոնիսի 27-ը, ստուգաչափման սարքի գործարանային համարն է՝ 91101012, տեսակը՝ Jupiter XRP, չափման տիրույթը՝ 0.000+1.200մգ/լ + 1.92մգ/լ, ճշտության դասը, կարգը /սիալանքը/՝ 0.1-0.15±8%>0.15±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրով՝ MJ2835-2008, ստուգաչափողի անվան դիմաց առկա է ստորագրություն և նշված է Ա.Գուլքանյան, իսկ բաժնի /լաբորատորիայի/ վարիչի անվան դիմաց առկա է ստորագրություն և նշված է Գ.Մարտիրոսյան:
• 2023թ. փետրվարի 21-ին, ժամը՝ 0950-ին, Երևան քաղաքի Շիրակի փողոցում ՀՀ ՆԳՆ ոստիկանության պարեկային ծառայության Երևան քաղաքի 2-րդ գումարտակի 1- ին վաշտի պարեկ Բենիկ Արամի Ֆահրադյանի (01665) կողմից կազմվել է վարչական իրավախախտման վերաբերյալ թիվ 8180247018 արձանագրությունը, համաձայն որի՝ Վիտալի Օլեգի Ֆարսադանյանը նույն օրը, ժամը՝ 0945-ին, Երևան քաղաքի Շիրակի փողոցում «ԲՄՎ» մակնիշի «36 VF 651» հաշվառման համարանիշի տրանսպորտային միջոցը վարել է զրկված լինելով տրանսպորտային միջոց վարելու իրավունքից: Արձանագրությանը ծանոթանալու, իրավունքների և պարտականությունների քաղվածքը և խախտման քննարկման վայրի ու ժամանակի վերաբերյալ ծանուցումը ստանալու փաստը հաստատվել է ստորագրությամբ: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է՝ 201.1 թիվը:
• 2023թ. հուլիսի 25-ին, ժամը՝ 1138-ին, Երևան քաղաքի Հ.Արղության փողոցում ՀՀ ՆԳՆ ոստիկանության պարեկային ծառայության Երևան քաղաքի 4-րդ գումարտակի 1-ին վաշտի պարեկ Լևոն Մկրտչի Բաղդասարյանի (11481) կողմից կազմվել է վարչական իրավախախտման վերաբերյալ թիվ 8180261201 արձանագրությունը, համաձայն որի՝ Վիտալի Օլեգի Ֆարսադանյանը նույն օրը, ժամը՝ 1130-ին, Երևան քաղաքի Հ.Արղության փողոցում «ԲՄՎ» մակնիշի «97 CC 007» հաշվառման համարանիշի տրանսպորտային միջոցը վարել է զրկված լինելով տրանսպորտային միջոց վարելու իրավունքից: Արձանագրությանը ծանոթանալու, իրավունքների և պարտականությունների քաղվածքը և խախտման քննարկման վայրի ու ժամանակի վերաբերյալ ծանուցումը ստանալու փաստը հաստատվել է ստորագրությամբ: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է՝ 201.1 թիվը:
• Ալկոհոլի պարունակության ստուգման կտրոնի համաձայն՝ ստուգաչափման սարքի համարն է՝ 91101147, զննման համարը՝ 00006, զննման ամսաթիվը՝ 07.02.2023թ., զննման ժամը՝ 23:31:29, վերջին ստուգաչափման ամսաթիվը՝ 09.11.2022թ., դատարկ թեստ՝ 0.000մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.346մգ/լ, վարորդի անունն է՝ Վիտալի, ազգանունը՝ Ֆերսադանյան, տրանսպորտային միջոցի համարանիշը՝ 36 VF 651, AT0659952, Պ/Ծ ազգանունը՝ Մխիթարյան, կրծքանշանի համարը՝ 11772, ստորաբաժանում՝ 3-րդ գումարտակ, 1-ին վաշտ:
• 2023թ. ապրիլի 15-ին, ժամը՝ 0100-ին, ՀՀ ՆԳՆ ոստիկանության ԵՔՎ Մաշտոցի բաժնի Դավիթաշենի բաժանմունքում ՀՀ ՆԳՆ ոստիկանության պարեկային ծառայության Երևան քաղաքի 2-րդ գումարտակի 1-ին վաշտի պարեկ Նարեկ Մինոյի Մխիթարյանի (11772) կողմից կազմվել է վարչական իրավախախտման վերաբերյալ թիվ 880252091 արձանագրությունը, համաձայն որի՝ Վիտալի Օլեգի Ֆարսադանյանը 2023թ. ապրիլի 14-ին, ժամը՝ 2315-ին, Երևան քաղաքի Հրազդանի կիրճում «ԲՄՎ» մակնիշի «36 VF 651» հաշվառման համարանիշի տրանսպորտային միջոցը վարել է տրանսպորտային միջոց վարելու իրավունքից զրկված և ոչ սթափ վիճակում: Արձանագրությանը ծանոթանալու, իրավունքների և պարտականությունների քաղվածքը և խախտման քննարկման վայրի ու ժամանակի վերաբերյալ ծանուցումը ստանալու փաստը հաստատվել է «Ֆարսադանյան» ձեռագիր գրառմամբ և ստորագրությամբ: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է՝ 202.1 թիվը:
Զննում կատարելու մասին 30.09.2024թ. արձանագրությունը, համաձայն որի՝ ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերության կողմից տրված թիվ 097639 ստուգաչափման վկայականն (փոխարինվող ստուգաչափման վկայական՝ թիվ 083556) ուժի մեջ է 2022թ. նոյեմբերի 9-ից մինչև 2023թ. նոյեմբերի 9-ը, ստուգաչափման սարքի գործարանային համարն է՝ 91101147, տեսակը՝ Jupiter XR/P, չափման տիրույթը՝ 0.00-2.00մգ/լ, ճշտության դասը, կարգը /սխալանքը/՝ +10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրով՝ MU2835-2008, ստուգաչափող անվան դիմաց առկա է ստորագրույթուն և նշված է Ա.Գուլքանյան, իսկ բաժնի /լաբորատորիայի/ վարիչ անվան դիմաց առկա է ստորագրություն և նշված է Գ.Մարտիրոսյան:
Արտավարութային փաստաթուղթ ճանաչված և վարույթի նյութերին կցված՝ Վիտալի Օլեգի Ֆարսադանյանի վերաբերյալ կայացված վարչական իրավախախտման վերաբերյալ թիվ 8180245049, թիվ 8180162861, թիվ 8180247018, թիվ 8180261201 և թիվ 8180252091 արձանագրությունները, ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերությունից ստացված ստուգաչափման վկայականների պատճեները և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվությունը:
Դատարանը, քրեական վարույթի ընթացքում հավաքված և մեղադրանքի հիմքում դրված ապացույցների ձևի և բովանդակության վերլուծության, միմյանց հետ համադրելու և ապացույցների ստացման աղբյուրները վերհանելու միջոցով, դրանք պատշաճ իրավական ընթացակարգի շրջանակներում ստուգման ենթարկեց և հետազոտված յուրաքանչյուր ապացույց գնահատեց վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, հետևաբար՝ ղեկավարվելով անմեղության կանխավարկածով և հիմնվելով պատշաճ ապացուցման արդյունքների վրա՝ հանգում է հետևության, որ ապացուցված է մեղադրյալ Վիտալի Օլեգի Ֆարսադանյանին վերագրվող փաստական հանգամանքները (արարքը) և այդ արարքների քրեական հակաիրավականությունը, այդ արարքները կատարվել են նրա կողմից և ապացուցված է վերջինիս մեղավորությունը տվյալ արարքները կատարելու մեջ:
Դատարանը այդպիսի հետևության է հանգում, քանի որ դատաքննության ընթացքում մեղադրյալի մեղավորությունը հաստատվեց «հիմնավոր կասկածից վեր» ապացուցողական չափանիշին համապատասխան:
Անդրադառնալով ապացուցված արարքների նկատմամբ քրեական օրենսգրքի կիրառման ենթակա հոդվածի, հոդվածի մասի կամ կետի հարցին՝ դատարանը գտնում է, որ մեղադրյալ Վիտալի Ֆարսադանյանին մեղսագրված արարքները համապատասխանում են ՀՀ քրեական օրենսգրքի 344-րդ հոդվածի 2-րդ մասի և 2 դրվագ ՀՀ քրեական օրենսգրքի 344-րդ հոդվածի 1-ին մասի հատկանիշներին, որոնցով և պետք է ենթարկվի քրեական պատասխանատվության:
Պատիժ նշանակելիս դատարանը հաշվի է առնում կատարված հանցանքների բնույթն ու վտանգավորության աստիճանը, հանցագործությունների շարժառիթը և նպատակը, մեղադրյալի անձը բնութագրող, ինչպես նաև նրա պատասխանատվությունը և պատիժը մեղմացնող և ծանրացնող հանգամանքներն ու նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությունը:
Դատարանը մեղադրյալ Վիտալի Ֆարսադանյանի անձը բնութագրող հանգամանք է դիտում վերջինիս՝ նախկինում դատապարտված չլինելը :
Դատարանը մեղադրյալ Վիտալի Ֆարսադանյանի պատասխանատվությունը և պատիժը մեղմացնող հանգամանք է համարում այն, որ խնամքին ունի երկու անչափահաս երեխաներ՝ Էլեն Վիտալիի Ֆարսադանյան, ծնված՝ 02.10.2010թ. և Միլենա Վիտալիի Ֆարսադանյան, ծնված՝ 03.11.20214թ., զղջացել է կատարած արարքների համար և ընդունել մեղքը, ինչը որպես մեղավոր անձի հետհանցավոր դրական վարքագիծ, վկայում է այն մասին, որ նա լրիվ գիտակցել է իր արարքների հանրային վտանգավորությունը և զղջացել է դրանց համար:
Դատարանը մեղադրյալ Վիտալի Ֆարսադանյանի պատասխանատվությունը և պատիժը ծանրացնող հանգամանքներ չհայտնաբերեց:
Պատիժ նշանակելը քրեական գործերով արդարադատության իրականացման կարևոր և պատասխանատու բաղադրամասերից է, ուստի՝ օրենսդրի կողմից մեծապես կարևորվում է յուրաքանչյուր դեպքում անձի նկատմամբ պատիժ նշանակելիս քրեաիրավական նորմերով ամրագրված օրինականության, արդարության, պատասխանատվության անհատականացման և մարդասիրության սկզբունքների պահպանումը:
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»:
Հանցագործության համար մեղավոր ճանաչված անձի նկատմամբ նշանակվող պատժի նպատակներն են.
«(…) վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները» (Տե՛ս ՀՀ քրեական օրենսգրքի 55-րդ հոդվածի 2-րդ մասը):
Շարադրված հոդվածների վերլուծությունից հետևում է, որ ՀՀ քրեական օրենսգրքի 55-րդ հոդվածի 2-րդ մասով սահմանված՝ սոցիալական արդարությունը վերականգնելու նպատակը բխում է արդարության և պատասխանատվության անհատականացման սկզբունքն ամրագրած՝ ՀՀ քրեական օրենսգրքի 7-րդ հոդվածի 1-ին մասի բովանդակությունից: Մասնավորապես՝ նշված հոդվածի այն պահանջից, ըստ որի՝ հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը (Արդարության և պատասխանատվության անհատականացման սկզբունքի ու «Պատիժ» հասկացությանը և դրա նպատակների վերաբերյալ Վճռաբեկ դատարանն իրավական դիրքորոշում է հայտնել թիվ ՎԲ-50/07, թիվ ՎԲ-192/07, թիվ ՎԲ-201/07 և թիվ ԱՎԴ2/0059/01/08 որոշումներում):
ՀՀ քրեական օրենսգրքի 69-րդ հոդվածի 1-ին և 2-րդ մասերի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ»:
Վճռաբեկ դատարանը մշտապես ընդգծել է, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Հետևաբար՝ կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա (Տե՛ս, mutatis mutandis, Վճռաբեկ դատարանի՝ Գառնիկ Գալստյանի գործով` 16.12.2014թ., թիվ ԵՄԴ/0027/01/14, Էդվարդ Ադամյանի գործով` 16.12.2014թ., թիվ ԵԷԴ/0048/01/14, Արարատ Ավագյանի և Վահան Սահակյանի գործով` 31.10.2014թ., թիվ ԵԿԴ/0252/01/13, Արմեն Շահբազյանի գործով` 15.08.2014թ., թիվ ԵՇԴ/0143/01/13, Նարեկ Սարգսյանի գործով` 22.12.2011թ., թիվ ԵԿԴ/0042/01/11 և Գարուշ Մադաթյանի գործով՝ 17.02.2009թ., թիվ ԵՇԴ/0029/01/08 որոշումները):
Մեղադրյալին մեղսագրվող հանցանքի հանրային վտանգավորության աստիճանի և բնույթի վերաբերյալ Վճռաբեկ դատարանը իրավական դիրքորոշում է արտահայտել Գ.Մադաթյանի վերաբերյալ գործով կայացրած որոշմամբ, համաձայն որի՝ «Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության՝ հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված կոնկրետ հանցանքի առանձնահատուկ հատկանիշները, որոնք կարող են ազդել հանրության վտանգավորության վրա՝ հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում՝ հանցավորի կատարած արարքը և հանցագործությանը նրա մասնակցության աստիճանը» (տե՛ս Գարուշ Մադաթյանի գործով Վճռաբեկ դատարանի՝ 17.02.2009թ., թիվ ԵՇԴ/0029/01/08 որոշման 14-րդ կետը):
Ավելին՝ Վճռաբեկ դատարանը մշտապես ընդգծել է, որ հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա (տե՛ս Վճռաբեկ դատարանի` Գառնիկ Սեյրանի Գալստյանի գործով` 16.12.2014թ., թիվ ԵՄԴ/0027/01/14, Արարատ Ավագյանի և Վահան Սահակյանի գործով՝ 31.10.2014թ., թիվ ԵԿԴ/0252/01/13 և այլ որոշումներ):
Ինչ վերաբերում է հանցագործության կատարման հանգամանքներին, ապա Վճռաբեկ դատարանն արձանագրել է, որ դրանք յուրաքանչյուր քրեական գործով պետք է գնահատման ենթարկվեն հանցագործության՝ հանրության համար վտանգավորության աստիճանի ու բնույթի համատեքստում: Գնահատման արդյունքում դատարանը պետք է պարզի հանցավոր վարքագծի դրսևորմանը նախորդող և ուղեկցող հանգամանքները, հանցավոր վարքագծի դրսևորման եղանակը, հանցավոր մտադրության իրականացման աստիճանը և այլն:
Դրանից բացի, դատարանի հետևությունները, ի թիվս այլոց, պետք է հիմնված լինեն օբյեկտիվ գոյություն ունեցող այնպիսի տվյալների համակողմանի վերլուծության վրա, որոնք բնութագրում են արարքը, հանցավորի կողմից արարքի հանրորեն վտանգավոր հետևանքները նախատեսելու բնույթն ու աստիճանը, հանցավորի անձը և վկայում են պատիժը պայմանականորեն չկիրառելու հիմքերի առկայության մասին (տե՛ս թիվ ԵԷԴ/0132/01/13, ԵԱՔԴ/0078/01/09, ԵԿԴ/0042/01/11, ՍԴ/0109/01/12, ԱՎԴ/0082/01/12, ԵԱՔԴ/0091/01/14 և ՎԲ-50/70 գործերով որոշումները):
ՀՀ քրեական օրենսգրքի ընդհանուր մասի վերը թվարկված դրույթներից և Վճռաբեկ դատարանի վերոնշյալ իրավական դիրքորոշումներից հետևում է, որ հանցագործության համար մեղավոր ճանաչված անձի նկատմամբ պատժատեսակի և պատժաչափի վերաբերյալ դատարանի որոշումը պետք է հիմնված լինի կատարած հանցագործության, դրա առանձնահատկությունների, գործի կոնկրետ հանգամանքների, հանցավորի անձի, պատասխանատվությունը և պատիժը մեղմացնող կամ ծանրացնող հանգամանքների բազմակողմանի գնահատման վրա՝ օրինականության, արդարության, պատասխանատվության անհատականացման և մարդասիրության սկզբունքներին համապատասխան, նպատակ ունենալով ապահովել ՀՀ քրեական օրենսգրքի 55-րդ հոդվածի 2-րդ մասում նշված պատժի նպատակների իրագործման հնարավորությունը:
Դրանից բացի, Վճռաբեկ դատարանն Ա.Սարգսյանի գործով կայացրած որոշմամբ ընդգծել է, որ. «28. (...) [Ը]նտանեկան դրությունը որպես այլ մեղմացնող հանգամանք, անհրաժեշտ է հաշվի առնել [մեղադրյալի] նկատմամբ պատիժ նշանակելիս և այդ կապակցությամբ դատարանը յուրաքանչյուր անգամ պետք է անդրադառնա հետևյալ հարցերին՝
1. արդյոք [մեղադրյալը] հանդիսանում է իր ընտանիքի միակ կերակրողը:
2. արդյոք նրա խնամքին գտնվում են անչափահաս երեխան կամ զառամյալ ծնողները:
3. արդյոք առկա են ընտանիքում նրա բացասական վարքագիծը (հարբեցողություն, թմրամոլություն, դաժան վերաբերմունք ընտանիքի անդամների նկատմամբ և այլն) հիմնավորող փաստական տվյալներ: (...)» (տե՛ս Ալեքսան Երեմի Սարգսյանի գործով Վճռաբեկ դատարանի՝ 02.06.2009թ., թիվ ՀՅՔՐԴ3/0109/01/08 որոշման 28-րդ կետը):
Ինչպես հետևում է վերոգրյալից, ընտանիքի միակ կերակրող հանդիսանալը և խնամքին անչափահաս երեխայի կամ զառամյալ ծնողների առկայությունը, որպես ընտանիքում անձի ունեցած դերը բնութագրող և հետևաբար՝ նրա պատասխանատվությունն ու պատիժը մեղմացնող հանգամանքներ, պետք է առանձին գնահատվեն և մեկի գոյությունը չպետք է կապվի մյուսի հետ: Կոնկրետ դեպքում Վ.Ֆարսադանյանի խնամքին են գտնվում 10 և 14 տարեկան անչափահաս երեխաները, որպիսի պայմաններում ամբաստանյալ Վիտալի Ֆարսադանյանի նկատմամբ պատիժ նշանակելիս դատարանը պարտավոր է հաշվի առնել նաև վերջինիս նկատմամբ նշանակվող պատժի ազդեցությունը նրա ընտանիքի անդամների և կենսապայմանների վրա:
ՀՀ քրեական օրենսգրքի 67-րդ հոդվածի 5-րդ մասի համաձայն՝
«Առաջին անգամ ոչ մեծ ծանրության հանցագործություն կատարած անձը չի կարող դատապարտվել ազատազրկման»:
Վերոգրյալի հաշվառմամբ նկատի ունենալով, որ Վիտալի Ֆարսադանյանն առաջին անգամ կատարել է ոչ մեծ ծանրության հանցագործություններ ՝ դատարանը գտնում է, որ ՀՀ քրեական օրենսգրքի 344-րդ հոդվածի 2-րդ մասով օրենքի ուժով վերջինս չի կարող դատապարտվել ազատազրկման:
Այսպիսով՝ հաշվի առնելով Վ.Ֆարսադանյանի կատարած հանցանքների բնույթն ու վտանգավորության աստիճանը, հանցագործությունների շարժառիթը և նպատակը, գործի հանգամանքները, քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը և հանցագործությունների ծանրությունը, վերջինիս անձը բնութագրող, ինչպես նաև նրա պատասխանատվությունը և պատիժը մեղմացնող հանգամանքները, ծանրացնող հանգամանքների բացակայությունը, նշանակվող պատժի` վերջինիս վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությունը, հանցանքների սանկցիաներով նախատեսված՝ նշանակման ենթակա պատիժների առավելագույն և նվազագույն սահմանների շրջանակում, իր հայեցողության շրջանակներում ղեկավարվելով պատժի նշանակման օրինականության, արդարության, պատասխանատվության անհատականացման և մարդասիրության սկզբունքներով, օրենքով և ներքին համոզմամբ, դատարանը գտնում է, որ Վիտալի Օլեգի Ֆարսադանյանի նկատմամբ ՀՀ քրեական օրենսգրքի 344-րդ հոդվածի 2-րդ մասի և 2 դրվագ ՀՀ քրեական օրենսգրքի 344-րդ հոդվածի 1-ին մասի սանկցիաներով պատիժ պետք է նշանակել այդ հանցագործությունների համար նախատեսված պատիժներից առավել մեղմ պատժի՝ տուգանքի ձևով, քանի որ այն կարող է ապահովել պատժի նպատակները:
Տուգանքի ձևով պատիժ նշանակելիս դատարանն ուշադրություն է դարձնում նաև մեղադրյալի ու նրա ընտանիքի գույքային դրությանը, ինչպես նաև մեղադրյալի՝ եկամուտ ստանալու հնարավորությանը(նրա վաստակի չափը, ընտանիքի ապահովվածությունը և այլն), մասնավորապես՝ ՀՀ պետական եկամուտների կոմիտեից ստացված տեղեկատվության համաձայն՝ մեղադրյալ Վիտալի Ֆարսադանյանը սույն գործով իրեն մեղսագրվող հանցանքներն ավարտվելու օրվան՝ 21.02.2023-25.07.2023թթ. նախորդող 12 ամիսների ընթացքում չի հանդիսացել վարձու աշխատող, հետևաբար՝ դատարանը գտնում է, որ տուգանքի չափը պետք է հաշվարկել հանցանքները կատարելու պահին նվազագույն աշխատավարձի՝ 75.000(յոթանասունհինգ հազար) ՀՀ դրամի չափով:
Ընդ որում, թեպետ իրավահպատակ վարքագիծը բնորոշ է հասարակության լայն շրջանակներին և յուրաքանչյուր քաղաքացու հասարակական պարտքն է, հետևապես անձի կողմից նախկինում հանցանք կատարած կամ դատապարտված չլինելը, ինչպես նաև նոր հանցանք չկատարելը չեն կարող դիտարկվել որպես անձի պատասխանատվությունը և պատիժը մեղմացնող հանգամանքներ, այդուհանդերձ՝ մեղադրյալ Վ.Ֆարսադանյանի՝ նախկինում դատապարտված չլինելու և առաջին անգամ ոչ մեծ ծանրության հանցանքներ կատարած լինելու հանգամանքը գնահատելով վերջինիս կողմից դրանց հետևանքները նախատեսելու բնույթի և աստիճանի կոնտեքստում, և ելնելով նաև մարդասիրության սկզբունքից, նրա դրսևորած հետհանցավոր դրական վարքագծից, ընտանեկան և սոցիալական դրությունից, սոցիալական միջավայրում մեղադրյալի զբաղեցրած տեղից և սոցիալական միջավայրում նրա բնութագրերից ու բոլոր այս հանգամանքների բազմակողմանի, լրիվ և օբյեկտիվ հետազոտության վրա հիմնված ներքին համոզմամբ՝ դատարանը հանգում է հետևության, որ տուգանքի նվազագույն չափերը նշանակելով հնարավոր է հասնել ՀՀ քրեական օրենսգրքի 55-րդ հոդվածի 2-րդ մասով նախատեսված պատժի նպատակներին՝ սոցիալական արդարության վերականգնմանը, պատժի ենթարկված անձի վերասոցիալականացմանն ու հանցագործությունների կանխմանը, ինչպես նաև ապահովել ՀՀ քրեական օրենսգրքի 7-րդ և 69-րդ հոդվածներով սահմանված՝ արդարության, պատասխանատվության անհատականացման և պատիժ նշանակելու ընդհանուր սկզբունքները:
ՀՀ քրեական օրենսգրքի.
• 53-րդ հոդվածի 1-ին և 4-րդ մասերի համաձայն՝
«1. Հանցագործությունների համակցություն է համարվում միևնույն անձի կողմից մեկ կամ մեկից ավելի արարքներով սույն օրենսգրքով նախատեսված երկու կամ ավելի հանցանք կատարելը, եթե նա դրանցից ոչ մեկի համար քրեական պատասխանատվության չի ենթարկվել:
(…)
4. Հանցագործությունների համակցության դեպքում անձը ենթակա է քրեական պատասխանատվության յուրաքանչյուր հանցագործության համար` սույն օրենսգրքի Հատուկ մասի համապատասխան հոդվածով կամ հոդվածի մասով»:
• 74-րդ հոդվածի 1-ին և 9-րդ մասերի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
(…)
9. Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն ժամկետը կամ չափը:
Վերոգրյալի հաշվառմամբ նկատի ունենալով, որ Վիտալի Օլեգի Ֆարսադանյանը կատարել է ՀՀ քրեական օրենսգրքի 344-րդ հոդվածի 2-րդ մասով և 2 դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքներ, որոնցից ոչ մեկի համար քրեական պատասխանատվության չի ենթարկվել՝ դատարանը գտնում է, որ հանցագործությունների համակցությամբ յուրաքանչյուր հանցագործության համար առանձին պատիժ նշանակելով` վերջնական պատիժը պետք է որոշել ՀՀ քրեական օրենսգրքի 74-րդ հոդվածի 1-ին և 9-րդ մասերով սահմանված կարգով՝ նշանակված պատիժները լրիվ գումարելու միջոցով:
Դատարանը նաև պարզեց, որ մեղադրյալ Վ.Ֆարսադանյանը չի կարող անհապաղ և ամբողջությամբ վճարել նշանակված տուգանքը, սակայն պատրաստակամ է այն վճարել մաս առ մաս:
ՀՀ քրեական օրենսգրքի 59-րդ հոդվածի 8-րդ մասի համաձայն՝
«Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ (...)»:
Նկատի ունենալով, որ մեղադրյալ Վիտալի Ֆարսադանյանը, նյութական դրությունից ելնելով, ի վիճակի չէ անհապաղ և ամբողջությամբ վճարելու տուգանքը, այսինքն՝ տուգանքի անհապաղ վճարումն անհնար է՝ դատարանը գտնում է, որ նրան պետք է թույլատրել նշանակվող տուգանքը մաս առ մաս վճարել 1 տարվա ընթացքում:
Անդրադառնալով ապացույցների տնօրինման հարցին՝ դատարանը գտնում է, որ արտավարութային փաստաթուղթ ճանաչված և վարույթի նյութերին կցված՝ Վիտալի Օլեգի Ֆարսադանյանի վերաբերյալ կայացված վարչական իրավախախտման վերաբերյալ թիվ 8180245049, թիվ 8180162861, թիվ 8180247018, թիվ 8180261201 և թիվ 8180252091 արձանագրությունները, ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերությունից ստացված ստուգաչափման վկայականների պատճեները և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվությունը պետք է պահել վարույթի նյութերի հետ՝ դրանք պահելու ամբողջ ընթացքում:
Քննարկելով խափանման միջոցի հարցը՝ դատարանը գտնում է, որ մեղադրյալ Վիտալի Օլեգի Ֆարսադանյանի նկատմամբ կիրառված խափանման միջոց բացակայելու արգելքը վերացնելու կամ փոխելու հիմքեր չկան, հետևաբար՝ այն պետք է թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո, Վիտալի Օլեգի Ֆարսադանյանի նկատմամբ սույն քրեական գործի շրջանակներում կիրառված սահմանափակումները (այդ թվում՝ ՀՀ սահմանային անցակետերով ելքի արգելքը) պետք է վերացնել:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 364-րդ, 464.4-րդ և 464.5-րդ հոդվածներով՝ դատարանը.

Վ Ճ Ռ Ե Ց

Վիտալի Օլեգի Ֆարսադանյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով և երկու դրվագ ՀՀ քրեական օրենսգրքի 344-րդ հոդվածի 1-ին մասով.
ՀՀ քրեական օրենսգրքի 344-րդ հոդվածի 2-րդ մասով դատապարտել տուգանքով՝ նվազագույն աշխատավարձի հնգապատիկի՝ 375.000(երեք հարյուր յոթանասունհինգ հազար) ՀՀ դրամի չափով,
Երկու դրվագ ՀՀ քրեական օրենսգրքի 344-րդ հոդվածի 1-ին մասով, յուրաքանչյուր դրվագով դատապարտել տուգանքով՝ նվազագույն աշխատավարձի հնգապատիկի՝ 375.000(երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին և 9-րդ մասերի կիրառմամբ՝ նշանակված պատիժները լրիվ գումարելու միջոցով Վիտալի Օլեգի Ֆարսադանյանի նկատմամբ վերջնական պատիժ նշանակել տուգանք՝ 1.125.000(մեկ միլիոն հարյուր քսանհինգ հազար) ՀՀ դրամի չափով:
Վիտալի Օլեգի Ֆարսադանյանին թույլատրել նշանակված՝ 1.125.000(մեկ միլիոն հարյուր քսանհինգ հազար) ՀՀ դրամ տուգանքը մաս առ մաս վճարել 1(մեկ) տարվա ընթացքում:
Վիտալի Օլեգի Ֆարսադանյանի նկատմամբ կիրառված խափանման միջոց բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռն օրինական ուժի մեջ մտնելուց հետո, Վիտալի Օլեգի Ֆարսադանյանի նկատմամբ սույն քրեական գործի շրջանակներում կիրառված սահմանափակումները (այդ թվում՝ ՀՀ սահմանային անցակետերով ելքի արգելքը) վերացնել:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ Մ. ՇԱՀՎԵՐԴՅԱՆ