Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0190/01/11
2012թ.
ք. Երևան
պ
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐՆԵՐ՝ Շ.ԴՈւՐՅԱՆ
Հ. ՀՈՎՀԱՆՆԻՍՅԱՆ
ՄԵՂԱԴՐՈՂ-ԴԱՏԱԽԱԶ՝ Ս. ՍԱՐԳՍՅԱՆ
ՊԱՇՏՊԱՆ` Ա. ՎԱՐԱԳՅԱՆ
ՀԱՆՐԱՅԻՆ ՊԱՇՏՊԱՆՆԵՐ` ԷԴ. ԱՐԱՄՅԱՆ
Ս. ՄԿՐՏՉՅԱՆ
ՏՈւԺՈՂԻ ՆԵՐԿԱՅԱՑՈւՑԻՉ` Վ. ԵՍԱՖՅԱՆ

2012թ. Մայիսի «21»-ին, Երևան քաղաքում.
Դռնբաց դատական նիստում քննեց քրեական գործն, ըստ մեղադրանքի՝ Մրազ Շիրինի Շամոյանի /ծնված՝ 20.11.1989թ. ՀՀ Արմավիրի մարզի Արմավիր քաղաքում, ազգությամբ եզդի, Հայաստանի Հանրապետության քաղաքացի, թերի միջնակարգ կրթությամբ, փաստացի ամուսնացած, խնամքին երկու անձ, չի աշխատել, նախկինում` Արմավիրի մարզի առաջին ատյանի ընդհանուր իրավասության դատարանի 12.05.2010թ. հմ. ԱՐԴ/0052/01/10 դատավճռով ՀՀ քր. օր-ի 327 հոդվածի 1-ին մասով դատապարտվել է ազատազրկման 2 /երկու/ տարի ժամկետով, ՀՀ քր. օր-ի 70 հոդ-ի կիրառմամբ պատիժը պայմանականորեն չի կիրառվել, սահմանվել է փորձաշրջան 2 /երկու/ տարի ժամկետով, պատիժը չկրած, ֆիզիկապես առողջ, հանդիսացել է ՀՀ ՊՆ 68617 զորամասի ժամկետային զինծառայող, բնակվել է ՀՀ Արմավիրի մարզի Երասխահուն գյուղում, ներկայումս` ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 21.11.2011թ-ից։
Մեղադրվում է ՀՀ Քրեական օրենսգրքի 177 հոդվածի 2-րդ մասի 1-ին, 2-րդ, 3-րդ կետերով և 268 հոդվածի 1-ին մասով։

Մուշեղ Արայի Մահորյանի /ծնված՝ 06.02.1991թ. ՀՀ Շիրակի մարզի Արթիկ քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, չամուսնացած, խնամքին ոչ ոք, չի աշխատել, նախկինում` Շիրակի մարզի առաջին ատյանի ընդհանուր իրավասության դատարանի 02.07.2009թ. հմ. ՇԴ2/0013/01/09 դատավճռով ՀՀ քր. օր-ի 177 հոդվածի 2-րդ մասի 1-ին և 3-րդ կետերով դատապարտվել է ազատազրկման 2 /երկու/ տարի 6/ վեց/ ամիս ժամկետով, ՀՀ ԱԺ 19.06.2009թ. Համաներման որոշման 1-ին
կետի 1-ին ենթակետի կիրառմամբ ազատվել է պատժից, ֆիզիկապես առողջ, հանդիսացել է ՀՀ ՊՆ 68617 զորամասի ժամկետային զինծառայող, բնակվել է ՀՀ Շիրակի մարզի Արթիկ քաղաքի Տոնականյան փողոցի 1-ին շենքի, հմ. 11 հասցեի բնակարանում, ներկայումս` ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 21.11.2011թ-ից։
Մեղադրվում է ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով։

Վաչագան Ավետիքի Անդրեասյանի /ծնված՝ 29.11.1991թ. ՀՀ Լոռու մարզի Վանաձոր քաղաքում, ազգությամբ հայ, Հայաստանի Հանրապետության քաղաքացի, 8-ամյա կրթությամբ, չամուսնացած, խնամքին ոչ ոք, չի աշխատել, նախկինում դատապարտված` Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 23.09.2011թ. դատավճռով ՀՀ քր. օր-ի 360 հոդվածի 2-րդ մասով դատապարտվել է կալանքով 1 /մեկ/ ամիս ժամկետով, դատվածությունը չմարված, ֆիզիկապես առողջ, հանդիսացել է ՀՀ ՊՆ 68617 զորամասի ժամկետային զինծառայող, բնակվել է ՀՀ Լոռու մարզի Վանաձոր քաղաքի Շինարարների փողոցի հմ.8/2 հասցեում, ներկայումս` ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 08.12.2011թ-ից։
Մեղադրվում է ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով։
Արթուր Սաշայի Վարաբյովի /ծնված՝ 30.11.1991թ. ՀՀ Արարատի մարզի Արարատ քաղաքում, ազգությամբ հայ, Հայաստանի Հանրապետության քաղաքացի, 8-ամյա կրթությամբ, չամուսնացած, խնամքին ոչ ոք, չի աշխատել, նախկինում չդատապարտված, ֆիզիկապես առողջ, հանդիսացել է ՀՀ ՊՆ 68617 զորամասի ժամկետային զինծառայող, բնակվել է ՀՀ Արարատի մարզի Արարատ քաղաքի Մասիվի փողոցի 5-րդ շենքի հմ.12 հասցեի բնակարանում, ներկայումս` ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 23.11.2011թ-ից։
Մեղադրվում է ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով։

1.Գործի դատավարական նախապատմությունը

2011թ. նոյեմբերի «05»-ին, ժամը «02»-ի սահմաններում ՀՀ ՊՆ 68617 զորամասի ժամկետային զինծառայողներ Մրազ Շիրինի Շամոյանի, Մուշեղ Արայի Մահորյանի և Վաչագան Ավետիքի Անդրեասյանի կողմից նախնական համաձայնությամբ ՀՀ ՊՆ 68617 զորամասի ակումբից գույքի գաղտնի հափշտակություն կատարելու դեպքի առթիվ 14.11.2011թ. ՀՀ Պաշտպանության նախարարության քննչական ծառայության 4-րդ կայազորային քննչական բաժնում ՀՀ Քրեական օրենսգրքի 177 հոդվածի 2-րդ մասի 1-ին և 3-րդ կետերի հատկանիշներով հարուցվել է հմ.90281611 քրեական գործը։
ՀՀ ՊՆ 68617 զորամասի ժամկետային զինծառայողներ Մրազ Շիրինի Շամոյանի խուզարկությամբ թմրամիջոց հայտնաբերելու փաստի առթիվ, 02.11.2011թ. ՀՀ Պաշտպանության նախարարության քննչական ծառայության 4-րդ կայազորային քննչական բաժնում ՀՀ Քրեական օրենսգրքի 268 հոդվածի 1-ին մասի հատկանիշներով հարուցվել է հմ.90281011 քրեական գործը։
29.11.2011թ. որոշմամբ ՀՀ Քրեական օրենսգրքի 177 հոդվածի 2-րդ մասի 1-ին և 3-րդ կետերի հատկանիշներով հարուցված հմ.90281611 և ՀՀ Քրեական օրենսգրքի 268 հոդվածի 1-ին մասի հատկանիշով հարուցված հմ.90281011 քրեական գործերը միացվել են։
21.11.2011թ. որոշմամբ Մրազ Շիրինի Շամոյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով։ 13.12.2011թ. որոշմամբ Մ.Շամոյանին առաջադրված մեղադրանքի ծավալը լրացվել է և նրան ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով և ՀՀ Քրեական օրենսգրքի 268 հոդվածի 1-ին մասով մեղադրանք է առաջադրվել այն բանի համար, որ. «Հանդիսանալով ՀՀ ՊՆ 68617 զորամասի ժամկետային զինծառայող` շարքային, 05.11.2011թ. նախնական համաձայնության գալով համածառայողներ, կոչումով շարքայիններ` Վաչագան Ավետիքի Անդրեասյանի, Մուշեղ Արայի Մահորյանի և Արթուր Սաշայի Վարաբյովի հետ, ժամը «02»-ի սահմաններում ՀՀ ՊՆ 68617 զորամասի ակումբի պահեստի դուռը բանալիով բացելու եղանակով, ապօրինի մուտք են գործել ներս և գաղտնի հափշտակել թվով 6 հատ` յուրաքանչյուրը 40.500 ՀՀ դրամ արժողության «Ֆիլիպս» տեսակի Դի-Վի-Դի նվագարկիչ, 2 հատ` յուրաքանչյուրը 84.000 ՀՀ դրամ արժողության երաժշտական կենտրոն և 1 հատ 144.900 ՀՀ դրամ արժողության հզորացուցիչ սարքավորում` ՀՀ ՊՆ-ին պատճառելով խոշոր չափ կազմող, ընդհանուրը` 555.900 ՀՀ դրամի նյութական վնաս։ Դեպքից անմիջապես հետո Մ.Շամոյանը քննությամբ չպարզված երկու քաղաքացիների հետ, ըստ նախնական համաձայնության, գողացված ապրանքը տեղափոխել են զորամասից։ Բացի այդ, Մրազ Շիրինի Շամոյանը, 2011թ. սեպտեմբեր ամսվա վերջին, գտնվելով ազատ արձակման մեջ, Երասխահուն գյուղից ՀՀ ՊՆ 68617 զորամաս վերադառնալու ճանապարհին, չհասած Նուբարաշեն թաղամաս, գազալցակայանի արտաքնոցի մոտ, նկատելով Մարիխուանա տեսակի թմրամիջոցի թուփ, առանց իրացնելու նպատակի, պոկելու եղանակով քաղել է այն, ապօրինի փոխադրել զորամաս, որի կեսը չորացրել և օգտագործել է ծխելու եղանակով, իսկ մնացած 1,571 գրամն ապօրինի եղանակով պահել է իր մոտ։ Այնուհետև ՀՀ ՊՆ Երևանի կայազորի ՌՈ բաժնի աշխատակիցների կողմից 21.10.2011թ. ժամը «20։30»-ի սահմաններում Մ.Շամոյանի անձնական խուզարկությամբ վերջինիս զինվորական բաճկոնի առջևի ձախ գրպանում առկա զինգրքույկի միջից հայտնաբերվել է այն, ինչից հետո Մ.Շամոյանը բերման է ենթարկվել բաժին»։
21.11.2011թ. որոշմամբ Մուշեղ Արայի Մահորյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով։ 13.12.2011թ. որոշմամբ Մ.Մահորյանին առաջադրված մեղադրանքի ծավալը լրացվել է և նրան ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով մեղադրանք է առաջադրվել այն բանի համար, որ նա. «Հանդիսանալով ՀՀ ՊՆ 68617 զորամասի ժամկետային զինծառայող` շարքային, 05.11.2011թ. ժամը «02»-ի սահմաններում նախնական համաձայնության գալով համածառայողներ, կոչումով շարքայիններ` Վաչագան Ավետիքի Անդրեասյանի, Մրազ Շիրինի Շամոյանի և Արթուր Սաշայի Վարաբյովի հետ, ՀՀ ՊՆ 68617 զորամասի ակումբի պահեստի դուռը բանալիով բացելու եղանակով, ապօրինի մուտք են գործել ներս և գաղտնի հափշտակել թվով 6 հատ` 40.500 ՀՀ դրամ արժողության «Ֆիլիպս» տեսակի Դի-Վի-Դի նվագարկիչ, 2 հատ` 84.000 ՀՀ դրամ արժողության երաժշտական կենտրոն և 1 հատ 144.900 ՀՀ դրամ արժողության հզորացուցիչ սարքավորում` ՀՀ ՊՆ-ին պատճառելով խոշոր չափ կազմող, ընդհանուրը` 555.900 ՀՀ դրամի նյութական վնաս»։
23.11.2011թ. որոշմամբ Արթուր Սաշայի Վարաբյովը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով այն բանի համար, որ նա. «Հանդիսանալով ՀՀ ՊՆ 68617 զորամասի ժամկետային զինծառայող` շարքային, 05.11.2011թ. ժամը «02»-ի սահմաններում նախնական համաձայնության գալով համածառայողներ, կոչումով շարքայիններ` Մրազ Շիրինի Շամոյանի, Մուշեղ Արայի Մահորյանի և Վաչագան Ավետիքի Անդրեասյանի հետ, ՀՀ ՊՆ 68617 զորամասի ակումբի պահեստի դուռը բանալիով բացելու եղանակով, ապօրինի մուտք են գործել ներս և գաղտնի հափշտակել թվով 6 հատ` 40.500 ՀՀ դրամ արժողության «Ֆիլիպս» տեսակի Դի-Վի-Դի նվագարկիչ, 2 հատ` 84.000 ՀՀ դրամ արժողության երաժշտական կենտրոն և 1 հատ 144.900 ՀՀ դրամ արժողության հզորացուցիչ սարքավորում` ՀՀ ՊՆ-ին պատճառելով խոշոր չափ կազմող, ընդհանուրը` 555.900 ՀՀ դրամի նյութական վնաս»։
08.12.2011թ. որոշմամբ Վաչագան Ավետիքի Անդրեասյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով այն բանի համար, որ նա. «Հանդիսանալով ՀՀ ՊՆ 68617 զորամասի ժամկետային զինծառայող` շարքային, 05.11.2011թ. ժամը «02»-ի սահմաններում նախնական համաձայնության գալով համածառայողներ, կոչումով շարքայիններ` Մրազ Շիրինի Շամոյանի, Մուշեղ Արայի Մահորյանի և Արթուր Սաշայի Վարաբյովի հետ, ՀՀ ՊՆ 68617 զորամասի ակումբի պահեստի դուռը բանալիով բացելու եղանակով, ապօրինի մուտք են գործել ներս և գաղտնի հափշտակել թվով 6 հատ` 40.500 ՀՀ դրամ արժողության «Ֆիլիպս» տեսակի Դի-Վի-Դի նվագարկիչ, 2 հատ` 84.000 ՀՀ դրամ արժողության երաժշտական կենտրոն և 1 հատ 144.900 ՀՀ դրամ արժողության հզորացուցիչ սարքավորում` ՀՀ ՊՆ-ին պատճառելով խոշոր չափ կազմող, ընդհանուրը` 555.900 ՀՀ դրամի նյութական վնաս»։
22.12.2011թ. որոշմամբ հմ.90281611 քրեական գործից անջատվել է Վաչագան Ավետիքի Անդրեասյանի, Մուշեղ Արայի Մահորյանի, Մրազ Շիրինի Շամոյանի և Արթուր Սաշայի Վարաբյովի հետ գողությանը մասնակցած և անձը չպարզված երկու անձանց վերաբերյալ մասը, որին շնորհվել է 90286211 համարը։
Քրեական գործն ըստ մեղադրանքի Մրազ Շիրինի Շամոյանի` ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով և ՀՀ Քրեական օրենսգրքի 268 հոդվածի 1-ին մասով, Մուշեղ Արայի Մահորյանի` ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով, Արթուր Սաշայի Վարաբյովի` ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով և Վաչագան Ավետիքի Անդրեասյանի` ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով 28.12.2011թ. կազմված և 29.12.2011թ. հաստատված մեղադրական եզրակացությամբ 29.12.2011թ. ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2.Ապացույցների հետազոտում և գնահատում

Դատարանի հետևությունները հիմնված են դատաքննությամբ հետազոտված հետևյալ ապացույցների վրա։
Տուժող` ՀՀ Պաշտպանության նախարարության ներկայացուցիչ Վիգեն Աշոտի Եսաֆյանի ցուցմունքով այն մասին, որ ամբաստանյալներ Մրազ Շիրինի Շամոյանի, Մուշեղ Արայի Մահորյանի, Վաչագան Ավետիքի Անդրեասյանի և Արթուր Սաշայի Վարաբյովի կողմից ՀՀ ՊՆ թիվ 68617 զորամասի ակումբից հափշտակվել է թվով 6 հատ` յուրաքանչյուրը 40.500 ՀՀ դրամ արժողության «Ֆիլիպս» տեսակի Դի-Վի-Դի նվագարկիչ, 2 հատ` յուրաքանչյուրը 84.000 ՀՀ դրամ արժողության երաժշտական կենտրոն և 1 հատ 144.900 ՀՀ դրամ արժողության հզորացուցիչ սարքավորում, որի հետևանքով ՀՀ Պաշտպանության նախարարությանը պատճառվել է ընդհանուրը` 555.900 ՀՀ դրամ գումարի նյութական վնաս։ Դատաքննութամբ տուժողի ներկայացուցիչը քաղաքացիական հայց էր ներկայացրել ամբաստանյալներից 555.900 ՀՀ դրամ գումար բռնագանձելու պահանջով, սակայն հաշվի առնելով, որ դատաքննությամբ ամբաստանյալները վերականգնել են պատճառված վնասը` հրաժարվեց քաղաքացիական հայցից։
Վկաներ` Արմեն Համբարձումի Եղոյանի ցուցմունքով այն մասին, որ ամբաստանյալներ Մրազ Շիրինի Շամոյանի, Մուշեղ Արայի Մահորյանի, Վաչագան Ավետիքի Անդրեասյանի և Արթուր Սաշայի Վարաբյովի հետ համածառայողներ են եղել։ 2011թ. հոկտեմբերի «21»-ին սպիտակեղեն ստանալու նպատակով մտել է վաշտի պահեստարան, որտեղ գտնվել են նաև համածառայողներ Սամվել Սարգսյանը, Լևոն Չիլինգարյանը, Ռազմիկ Գոգինյանը և Մրազ Շամոյանը։ Իր հետևից անմիջապես պահեստարան են մտել Ռազմական ոստիկանության աշխատակիցները և ստուգել իրենց բոլորի գրպաններն ու Մրազ Շամոյանի մոտից, ինչպես իրենք են հայտարարել, կանեփանման խոտազանգված են հայտնաբերել։ Հայտնաբերվածի վերաբերյալ արձանագրություն է կազմվել, որի տակ ստորագրել է նաև ինքը, որից հետո ոստիկանության աշխատակիցները հեռացել են ու իրեն այլևս ոչինչ հայտնի չէ։
Վկա` Նժդեհ Ժորայի Մանասերյանի ցուցմունքով այն մասին, որ ամբաստանյալներ Մրազ Շիրինի Շամոյանի, Մուշեղ Արայի Մահորյանի, Վաչագան Ավետիքի Անդրեասյանի և Արթուր Սաշայի Վարաբյովի հետ ծառայել է ՀՀ ՊՆ թիվ 68617 զորամասում։ 2011թ. նոյեմբեր ամսին, իրեն է մոտեցել համածառայող Մրազ Շամոյանը և գողություն կատարելու առաջարկ արել։ Ինքը հրաժարվել է ու առաջարկել է նրան այլևս իրեն նման առաջարկ չանել։ Մի քանի օր անց տեսել է, թե ինչպես է Մուշեղ Մահորյանը Մրազ Շամոյանին բանալիներ տալիս, իսկ դրանից օրեր անց տեղեկացել է, որ զորամասի ակումբից գողություն է կատարվել։ Վկան հայտնեց նաև, որ իրեն հայտնի չէ, թե գողությունն ով է կատարել և վստահորեն չի կարող ասել, թե Մ.Մահորյանն ինչ բանալիներ է Մ.Շամոյանին տվել։
Վկա` Վիրաբ Վարդգեսի Իրիցյանի ցուցմունքով այն մասին, որ ամբաստանյալներ Մրազ Շիրինի Շամոյանին, Մուշեղ Արայի Մահորյանին, Վաչագան Ավետիքի Անդրեասյանին և Արթուր Սաշայի Վարաբյովին ճանաչել է ՀՀ ՊՆ թիվ 68617 զորամասում ծառայելու ընթացքում։ 2011թ. նոյեմբեր ամսին, համածառայող Մրազ Շամոյանն իրեն զորամասի ակումբից գողություն կատարելու առաջարկ է արել, որից ինքը հրաժարվել է։ Մի քանի օր անց, երբ հրավիրվել է ոստիկանություն, տեղեկացել է, որ զորամասի ակումբից գողություն է կատարվել։
Վկա` Մարգո Գևորգի Պետրոսյանի ցուցմունքով այն մասին, որ աշխատում է ՀՀ ՊՆ թիվ 68617 զորամասում, որպես ակումբի պետ։ 2011թ. նոյեմբեր ամսին, գույքագրման նպատակով մտել է զորամասի ակումբ և ստուգման արդյունքում պարզել, որ ակումբից բացակում են 6 հատ չշահագործված «Ֆիլիպս» տեսակի Դի-Վի-Դի նվագարկիչ, 2 հատ չշահագործված երաժշտական կենտրոն և 1 հատ շահագործված հզորացուցիչ սարքավորում, որի կապակցությամբ սկզբում զեկուցել է զորամասի հրամանատարին, այնուհետև` դիմել ոստիկանությանը։
Վկա Լևոն Մաթևոսի Չիլինգարյանի ցուցմունքով այն մասին, որ ամբաստանյալներ Մրազ Շիրինի Շամոյանի, Մուշեղ Արայի Մահորյանի, Վաչագան Ավետիքի Անդրեասյանի և Արթուր Սաշայի Վարաբյովի հետ համածառայողներ են եղել։ 2011թ. հոկտեմբեր «21»-ին, համածառայողներ Սամվել Սարգսյանի, Արմեն Եղոյանի, Ռազմիկ Գոգինյանի և Մրազ Շամոյանի հետ գտնվել է զորամասի պահեստարանում, երբ այնտեղ են մտել Ռազմական ոստիկանության աշխատակցները և ստուգել իրենց բոլորի գրպանները։ Ինքը չի նկատել, թե ում մոտից ինչ են հայտնաբերել, սակայն ոստիկանների հայտարարությամբ Մրազ Շամոյանի մոտից կանեփանման խոտազանգված են հայտնաբերել։ Կատարվածի վերաբերյալ արձանագրություն է կազմվել, որի տակ ստորագրել են նաև ինքը, որից հետո Ոստիկանության աշխատակիցները հեռացել են ու իրեն այլևս ոչինչ հայտնի չէ, քանի որ արդեն ավարտել է ծառայություն ու զորացրվել է։
Ամբաստանյալներ Վաչագան Ավետիքի Անդրեասյանը, Արթուր Սաշայի Վարաբյովը, Մուշեղ Արայի Մահորյանը և Մրազ Շիրինի Շամոյանն առաջադրված մեղադրանքներում իրենց լիովին մեղավոր ճանաչեցին և զղջացին կատարածի համար, դատաքննությամբ հրաժարվեցին ըստ էության ցուցմունքներ տալուց սակայն դատաքննությամբ վերականգնեցին հանցագործությամբ ՀՀ Պաշտպանության նախարարությանը պատճառված ամբողջ վնասը։
21.10.2011թ. անձնական խուզարկություն կատարելու վերաբերյալ կազմված արձանագրությամբ այն մասին, որ 2011թ. հոկտեմբերի «21»-ին, ժամը «21։30»-ին, ՀՀ ՊՆ թիվ 68617 զորամասի 1-ին գումարտակի 1-ին վաշտի հմ.10 պահեստանոցում, ՀՀ ՊՆ թիվ 68617 զորամասի 1-ին գումարտակի 1-ին վաշտի 2-րդ դասակի 1-ին ջոկի պարտադիր զինծառայող, շարքային Մրազ Շիրինի Շամոյանի անձնական խուզարկությամբ վերջինիս զինվորական համազգեստի բաճկոնի առջևի ձախ գրպանում առկա զինգրքույկի միջից հայտնաբերվել է սպիտակ տետրի թղթով փաթեթավորված կանաչ գույնի չորացած կանեփանման խոտազանգված, որի վերաբերյալ Մ.Շամոյանը հայտարարել է, որ այն պատկանում է իրեն և հանդիսանում է «պլան»։ Հայտնաբերվածը փաթեթավորվել և առգրավվել է։
Տոքսիկոքիմիական փորձաքննության հմ.11-3020 եզրակացությամբ այն մասին, որ Մրազ Շամոյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ, որոնց օգտագործման ժամանակահատվածը համապատասխանում է մոտ մեկ ամսվա վաղեմության։
Նյութագիտական փորձաքննության հմ.11-3047 եզրակացությամբ այն մասին, որ փորձաքննությանը ներկայացված թղթյա փաթեթով փաթեթավորված, յուրահատուկ հոտով, բուսական ծագում ունեցող, դեղնականաչավուն, 1,571 գրամ հաստատուն չոր քաշով մանրացված զանգվածն իրենից ներկայացնում է «Մարիխուանա» տեսակի թմրամիջոց, որի բաղադրության մեջ առկա է տետրահիդրոկաննաբինոլ թմրաակտիվ բաղադրատարր։
Համաձայն ՀՀ ՊՆ թիվ 68617 զորամասից տրված հմ. 881/1467 տեղեկանքի ՀՀ ՊՆ թիվ 68617 զորամասի ակումբի կուլտուր-լուսավորչական գույքերի արժեքները կազմել են` Դի-Վի-Դի նվագարկչի մեկ միավորի արժեքը` ՀՀ 40.500 դրամ, երաժշտական կենտրոնի մեկ միավորի արժեքը` ՀՀ 80.400 դրամ, իսկ ԻՆՏԵՐ-Մ ռադիոընդունիչի մեկ միավորի արժեքը` ՀՀ 144.900 դրամ։
Համաձայն ՀՀ ՊՆ թիվ 68617 զորամասի ակումբի կուլտուր-լուսավորչական գույքի գույքագրման ակտերի զորամասի ակումբից բացակայում են թվով 6 հատ «Ֆիլիպս» տեսակի Դի-Վի-Դի նվագարկիչ, 2 հատ երաժշտական կենտրոն և 1 հատ ԻՆՏԵՐ-Մ ռադիոընդունիչ։
Իրեղեն ապացույց ճանաչված և ՀՀ ՊՆ քննչական ծառայության 4-րդ կայազորային քննչական բաժնի իրեղեն ապացույցների սենյակում պահվող «Ֆիլիպս» տեսակի Դի-Վի-Դի նվագարկչով, 1,571 գրամ հաստատուն քաշով «Մարիխուանա» տեսակի թմրամիջոցով։

3. Դատարանի իրավական վերլուծությունը

ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։
ՀՀ Քրեական դատավարության օրենսգրքի 353 հոդվածի համաձայն` դատավճիռ կայացնելիս դատարանն իրավունք ունի հիմնվել միայն դատաքննությամբ հետազոտված ապացույցների վրա, իսկ ՀՀ քրեական դատավարության օրենսգրքի 104 հոդվածի համաձայն` քրեական գործով ապացույցներ են ցանկացած փաuտական տվյալները, որոնց հիման վրա oրենքով որոշված կարգով հետաքննության մարմինը, քննիչը, դատախազը, դատարանը պարզում են քրեական oրենuգրքով նախատեuված արարքի առկայությունը կամ բացակայությունը, այդ արարքը կաuկածյալի կամ մեղադրյալի կողմից կատարելը կամ չկատարելը և մեղադրյալի մեղավորությունը կամ անմեղությունը, ինչպեu նաև գործի ճիշտ լուծման համար նշանակություն ունեցող այլ հանգամանքներ։ Քրեական դատավարությունում որպեu ապացույցներ թույլատրվում են` կասկածյալի ցուցմունքները, մեղադրյալի ցուցմունքները, տուժողի ցուցմունքները, վկայի ցուցմունքները, ... փորձագետի եզրակացությունը, իրեղեն ապացույցները, քննչական և դատական գործողությունների արձանագրությունները, այլ փաuտաթղթերը։
ՀՀ Քրեական օրենսգրքի 177 հոդվածի 1-ին մասի համաձայն հանցագործություն է համարվում գողությունը, այսինքն` ուրիշի գույքի զգալի չափերով գաղտնի հափշտակությունը։ Նույն հոդվածի 2-րդ մասի 1-ին, 2-րդ և 3-րդ կետերով քրեորեն հետապնդելի է համարվում գողությունը, որը կատարվել է մի խումբ անձանց կողմից նախնական համաձայնությամբ, խոշոր չափերով, պահեստարան կամ շինություն ապօրինի մուտք գործելով։
ՀՀ Քրեական օրենսգրքի 268 հոդվածի 1-ին մասի համաձայն հանցագործություն է համարվում` առանց իրացնելու նպատակի զգալի չափերով թմրամիջոցներ կամ հոգեմետ նյութեր ապoրինի ... ձեռք բերելը, պահելը, փոխադրելը...։
Համաձայն ՀՀ քրեական օրենսգրքի 3-րդ հոդվածի` քրեական պատասխանատվության միակ հիմքը հանցանք, այսինքն այնպիսի արարք կատարելն է, որն իր մեջ պարունակում է քրեական օրենքով նախատեսված հանցակազմի բոլոր հատկանիշները։
Համաձայն ՀՀ քրեական օրենսգրքի 4-րդ հոդվածի` Հայաստանի Հանրապետության քրեական օրենսգիրքը հիմնվում է օրինականության, օրենքի առաջ հավասարության, պատասխանատվության անխուսափելիության, անձնական պատասխանատվության, ըստ մեղքի պատասխանատվության, արդարության և պատասխանատվության անհատականացման ու մարդասիրության սկզբունքների հիման վրա։ Նույն օրենսգրք 8-րդ հոդվածի համաձայն` անձը ենթակա է քրեական պատասխանատվության միայն անձամբ իր կատարած հանցանքի համար։
Դատաքննությամբ հիմնավորվեց, որ ամբաստանյալներ Մրազ Շիրինի Շամոյանը, Վաչագան Ավետիքի Անդրեասյանը, Մուշեղ Արայի Մահորյանը և Արթուր Սաշայի Վարաբյովը նախնական համաձայնության գալով, 2011թ. նոյեմբերի «05»-ին, ժամը «02»-ի սահմաններում, ապօրինի մուտք են գործել ՀՀ ՊՆ 68617 զորամասի ակումբի պահեստ և այնտեղից գաղտնի հափշտակել` յուրաքանչյուրը 40.500 ՀՀ դրամ արժողությամբ «Ֆիլիպս» տեսակի Դի-Վի-Դի թվով 6 հատ նվագարկիչ, յուրաքանչյուրը 84.000 ՀՀ դրամ արժողությամբ թվով 2 հատ երաժշտական կենտրոն և 144.900 ՀՀ դրամ արժողությամբ թվով 1 ԻՆՏԵՐ-Մ տեսակի ռադիոընդունիչ։
Բացի այդ, ամբաստանյալներից Մրազ Շիրինի Շամոյանը, 2011թ. սեպտեմբեր ամսվա վերջին, ազատ արձակումից ՀՀ ՊՆ 68617 զորամաս վերադառնալու ճանապարհին, Նուբարաշեն թաղամասի մոտակայքում գտնվող գազալցակայանի արտաքնոցի մոտ Մարիխուանա տեսակի թմրամիջոցի թուփ նկատելով, ապօրինի` պոկելու եղանակով քաղել է այն, փոխադրել զորամաս, կեսը չորացրել և օգտագործել է ծխելու եղանակով, իսկ մնացած 1,571 գրամը հետագայում օգտագործելու համար պահել է իր մոտ, որն էլ ՀՀ ՊՆ Երևանի կայազորի ՌՈ բաժնի աշխատակիցների կողմից Մրազ Շամոյանի անձնական խուզարկությամբ հայտնաբերվել և առգրավվել է։
ՀՀ Քրեական օրենսգրքի 175 հոդվածի 4-րդ մասի համաձայն` սեփականության դեմ ուղղված հանցագործությունների գլխում խոշոր չափ է համարվում հանցագործության պահին սահմանված նվազագույն աշխատավարձի 500-ապատիկից 3000-ապատիկը չգերազանցող գորմարը /արժեքը/։ Համաձայն քրեական գործում առկա ապացույցների ամբաստանյալների կողմից տուժող` ՀՀ Պաշտպանության նախարարությանը պատճառված վնասը գերազանցում է հանցագործության պահին սահմանված նվազագույն աշխատավարձի 500-ապատիկի չափը։
Համաձայն 18.04.2003թ. ընդունված ՀՀ Քրեական օրենսգրքի` թմրամամիջոցների և հոգեմետ նյութերի զգալի, խոշոր և առանձնապես խոշոր չափերը սահմանող հավելվածի 32-րդ տողի` մարիխուանա չորացված զգալի չափ է համարվում 0,5 գրամ չափից մինչև 5,0 գրամը ներառյալ, այսինքն` Մրազ Շամոյանի մոտից հայտնաբերված 1,571 գրամ հաստատուն քաշով «Մարիխուանա» տեսակի թմրամիջոցը հանդիսանում է զգալի չափի։
Դատարանը քննարկելով նախաքննության ընթացքում, որպես ընթերակա, քննչական գործողությանը մասնակցած, այնուհետև, որպես վկա հարցաքննված և դատակոչված Ռազմիկ Մանվելի Գոգինյանի դատաքննության ցուցմունքների արժանահավատության հարցը, գտնում է, որ դրանք պետք է ճանաչել անթույլատրելի և հանել ապացույցների շարքից հետևյալ պատճառաբանությամբ.
Համաձայն ՀՀ Քրեական դատավարության օրենսգրքի 81 հոդվածի 2-րդ կետի` ընթերական պետք է ունակ լինի լրիվ և ճշտորեն ընկալելու իր ներկայությամբ կատարվող գործողությունները։ Իսկ համաձայն նույն օրենսգրքի 86 հոդվածի 2-րդ կետի 1-ին ենթակետի` որպես վկա չեն կարող կանչվել և հարցաքննվել անձինք, որոնք ֆիզիկական կամ հոգեկան պակասությունների հետևանքով ունակ չեն ճիշտ ընկալելու և վերարտադրելու քրեական գործով պարզելու ենթակա հանգամանքները։ ՀՀ Քրեական դատավարության օրենսգրքի 105 հոդվածի 1-ին կետի 6-րդ ենթակետի համաձայն` քրեական գործով վարույթում մեղադրանքի հիմքում չեն կարող դրվել և որպես ապացույց օգտագործվել այն նյութերը, որոնք ձեռք են բերվել այն անձից, որն ունակ չէ ճանաչել փաստաթուղթը կամ այլ առարկան, հաստատել դրա իսկությունը, հայտնել դրա առաջացման հանգամանքների մասին։ Դատաքննությամբ պարզվեց, որ որպես վկա դատակոչված Ռազմիկ Մանվելի Գոգինյանն ունի հոգեկան թերի զարգացվածություն, ինչի հետևանքով զուրկ է ճիշտ ընկալելու և վերարտադրելու քրեական գործով պարզելու ենթակա հանգամանքները, սովորել է Արմավիրի մարզի հատուկ օժանդակ դպրոցում և ավարտել միայն 8-րդ դասարանը, պարտադիր զինվորական ծառայության է զորակոչվել սահմանափակումներով, չի տիրապետում հայերեն գրավոր խոսքին, անտառաճանաչ է և դատաքննությամբ չճանաչեց քրեական գործում առկա նախաքննության ընթացքում կազմված անձնական խուզարկություն կատարելու արձանագրությունը և որպես վկա տրված ցուցմունքը` չհաստատելով դրանց իսկությունը։
Այսպիսով, դատաքննությամբ հետազոտված ապացույցների բազմակողմանի, լրիվ և օբյեկտիվ հետազոտության վրա հիմնված ներքին համոզմամբ և բոլոր ապացույցների` միմյանց հետ համադրելու և դրանք վերաբերելիության և թույլատրելիության սահմաններում գնահատելու արդյունքում, դատարանը գալիս է այն հետևության, որ ամբաստանյալներ Վաչագան Ավետիքի Անդրեասյանը, Մուշեղ Արայի Մահորյանը և Արթուր Սաշայի Վարաբյովը կատարել են արարք, որը նախատեսված է ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով, իսկ ամբաստանյալ Մրազ Շիրինի Շամոյանը կատարել է արարքներ, որոնք նախատեսված են ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով և 268 հոդվածի 1-ին մասով, որի համապատասխան էլ պետք է ենթարկվեն քրեական պատասխանատվության։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով, իսկ ՀՀ Քրեական օրենսգրքի 48 հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Դատարանը հաշվի է առնում, որ ամբաստանյալները երիտասարդ են, նախաքննության ընթացքում տվել են ինքնախոստովանական ցուցմունքներ, կատարած արարքի համար իրենց մեղավոր են ճանաչել և զղջացել են, ամբողջությամբ վերականգնել են հանցագործությամբ տուժողին պատճառված նյութական վնասը, ամբաստանյալներից Արթուր Վարաբյովը նախկինում արատավորված չի եղել, միայնակ է հոգացել ընտանիքի` վատառողջ մոր և մանկուց 2-րդ կարգի հաշմանդամ քրոջ կարիքները, ամբաստանյալներից Մրազ Շամոյանը խնամքին ունի երկու փոքրահասակ երեխա։ Դատարանը գտնում է, որ գործով բացակայում են ամբաստանյալ Արթուր Սաշայի Վարաբյովի պատասխանատվությունը և պատիժը ծանրացնող հանգամանքները, ամբաստանյալ Մուշեղ Արայի Մահորյանի պատասխանատվությունը և պատիժը ծանրացնող հանգամանքները բացակայում են ՀՀ Քրեական օրենսգրքի 84 հոդվածի 3-րդ կետի նկատառումով, իսկ ամբաստանյալներ Վաչագան Ավետիքի Անդրեասյանի և Մրազ Շիրինի Շամոյանի պատասխանատվությունը և պատիժը ծանրացնող հանգամանքը, դատարանը դիտում է հանցագործության ռեցիդիվը։
Քննարկելով նշանակվող պատժի հարցը, դատարանը գտնում է, որ ամբաստանյալների նկատմամբ պետք է ազատազրկման ձևով պատիժ նշանակել, սակայն հաշվի առնելով, որ ամբաստանյալներից Մրազ Շիրինի Շամոյանը Արմավիրի մարզի առաջին ատյանի ընդհանուր իրավասության դատարանի 12.05.2010թ. հմ.ԱՐԴ/0052/01/10 դատավճռով ՀՀ Քրեական օրենսգրքի 327 հոդվածի 1-ին մասով դատապարտվել է ազատազրկման 2 /երկու/ տարի ժամկետով, իսկ ՀՀ Քրեական օրենսգրքի 70 հոդվածի կիրառմամբ պատիժը պայմանականորեն չի կիրառվել և սահմանվել է փորձաշրջան 2 /երկու/ տարի ժամկետով։ Նոր հանցագործությունը Մ.Շամոյանի կողմից կատարվել է փորձաշրջանի ընթացքում, ուստի դատարանը գտնում է, որ պետք է կիրառել ՀՀ Քրեական օրենսգրքի 70 հոդվածի 7-րդ մասի դրույթը և վերացնել պատժի պայմանականորեն չկիրառելը ու կիրառելով ՀՀ Քրեական օրենսգրքի 67 հոդվածի 1-ին և 4-րդ մասերի դրույթները` դատավճիռների համակցությամբ Մրազ Շամոյանի նկատմամբ նոր նշանակվող պատժին մասնակիորեն գումարել նախորդ դատավճռով նշանակված պատժի չկրած մասը։
ՀՀ Քրեական օրենսգրքի 69 հոդվածի 3-րդ կետի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման, կարգապահական գումարտակում պահելու ձևով նշանակված պատժին` մեկ oրը հաշվելով մեկ oրվա դիմաց...։ Վերոգրյանի համաձայան դատարանը գտնում է, որ ամբաստանյալներ Մրազ Շիրինի Շամոյանի, Արթուր Սաշայի Վարաբյովի և Մուշեղ Արայի Մահորյանի նկատմամբ նշանակվող պատիժներին պետք է հաշվակցվեն նաև ՀՀ ՊՆ Երևանի կայազորի ՌՈ բաժնի պետի կողմից ՀՀ ՊՆ 68617 զորակասի ակումբից գողություն կատարելու համար Մրազ Շիրինի Շամոյանին, Արթուր Սաշայի Վարաբյովին և Մուշեղ Արայի Մահորյանին կարգապահական մեկուսարանում 10 /տասն/ օր և թմրամիջոց պահելու համար Մրազ Շիրինի Շամոյանին 7 /յոթ/ օր պահելու ժամկետները։
Քննարկելով իրեղեն ապացույցների հարցը, դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված և ՀՀ ՊՆ քննչական ծառայության 4-րդ կայազորային քննչական բաժնի իրեղեն ապացույցների սենյակում պահվող «Ֆիլիպս» տեսակի Դի-Վի-Դի նվագարկիչը պետք է վերադարձնել ՀՀ Պաշտպանության նախարարության թիվ 68617 զորամասին, իսկ 1,571 գրամ հաստատուն քաշով «Մարիխուանա» տեսակի թմրամիջոցը պետք է ոչնչացնել։
Քննարկելով քաղաքացիական հայցի հարցը և հաշվի առնելով, որ տուժող` ՀՀ Պաշտպանության նախարարության ներկայացուցիչ Վիգեն Աշոտի Եսաֆյանը հրաժարվեց քաղաքացիական հայցի պահանջից` ամբաստանյալների կողմից հանցագործությամբ պատճառված վնասն ամբողջությամբ վերականգնելու պատճառաբանությամ, ուստի դատարանը գտնում է, որ ՀՀ Քրեական դատավարության օրենսգրքի 161 հոդվածի պահանջներով պետք է ընդունել տուժողի ներկայացուցչի քաղաքացիական հայցից հրաժարվելը և քրեական դատավարությունում քաղաքացիական հայցով վարույթը կարճել։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360 հոդվածներով, դատարանը

Վ Ճ Ռ Ե Ց
Մրազ Շիրինի Շամոյանին մեղավոր ճանաչել ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով և ՀՀ Քրեական օրենսգրքի 268 հոդվածի 1-ին մասով։
ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով դատապարտել ազատազրկման 3 /երեք/ տարի ժամկետով։
ՀՀ Քրեական օրենսգրքի 268 հոդվածի 1-ին մասով դատապարտել ազատազրկման 6 /վեց/ ամիս ժամկետով։
ՀՀ Քրեական օրենսգրքի 66 հոդվածի 3-րդ մասի կիրառմամբ պատիժները մասնակի գումարելու միջոցով պատիժ նշանակել ազատազրկում 3 /երեք/ տարի 3 /երեք/ ամիս ժամկետով։
ՀՀ Քրեական օրենսգրքի 69 հոդվածի կիրառմամբ, նշանակված պատժի մեջ հաշվակցել կարգապահական մեկուսարանում պահելու ձևով արգելանքի տակ գտնվելու 17 /տասնյոթ/ օրը և պատիժ նշանակել ազատազրկում` 3 /երեք/ տարի 2 /երկու/ ամիս 13 /տասներեք/ օր ժամկետով։
ՀՀ Քրեական օրենսգրքի 67 հոդվածի 1-ին և 4-րդ մասերի կիրառմամբ, դատավճիռների համակցությամբ, նոր նշանակված պատժին մասնակիորեն գումարել Արմավիրի մարզի առաջին ատյանի ընդհանուր իրավասության դատարանի 12.05.2010թ. հմ.ԱՐԴ/0052/01/10 դատավճռով նշանակված պատժի չկրած մասը և վերջնական պատիժ նշանակել ազատազրկում` 3 /երեք/ տարի 6 /վեց/ ամիս ժամկետով։
Պատժի սկիզբը հաշվել 2011թ. նոյեմբերի «21»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Մ.Շամոյանի նկատմամբ ընտրված կալանք խափանման միջոցը թողնել անփոփոխ, մինչև դատավճռի օրինական ուժի մեջ մտնելը։

Վաչագան Ավետիքի Անդրեասյանին մեղավոր ճանաչել ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով և դատապարտել ազատազրկման 3 /երեք/ տարի ժամկետով։
Պատժի սկիզբը հաշվել 2011թ. դեկտեմբերի «08»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Վ.Անդրեասյանի նկատմամբ ընտրված կալանք խափանման միջոցը թողնել անփոփոխ, մինչև դատավճռի օրինական ուժի մեջ մտնելը։

Մուշեղ Արայի Մահորյանին մեղավոր ճանաչել ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով և դատապարտել ազատազրկման 3 /երեք/ տարի ժամկետով։
ՀՀ Քրեական օրենսգրքի 69 հոդվածի կիրառմամբ, նշանակված պատժի մեջ հաշվակցել կարգապահական մեկուսարանում պահելու ձևով արգելանքի տակ գտնվելու 10 /տասն/ օրը և վերջնական պատիժ նշանակել ազատազրկում` 2 /երկու/ տարի, 11 /տասնմեկ/ ամիս 20 /քսան/ օր ժամկետով։
Պատժի սկիզբը հաշվել 2011թ. նոյեմբերի «21»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Մ.Մահորյանի նկատմամբ ընտրված կալանք խափանման միջոցը թողնել անփոփոխ, մինչև դատավճռի օրինական ուժի մեջ մտնելը։

Արթուր Սաշայի Վարաբյովին մեղավոր ճանաչել ՀՀ Քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով և դատապարտել ազատազրկման 2 /երկու/ տարի 3 /երեք/ ամիս ժամկետով։
ՀՀ Քրեական օրենսգրքի 69 հոդվածի կիրառմամբ, նշանակված պատժի մեջ հաշվակցել կարգապահական մեկուսարանում պահելու ձևով արգելանքի տակ գտնվելու 10 /տասն/ օրը և վերջնական պատիժ նշանակել ազատազրկում` 2 /երկու/ տարի, 2 /երկու/ ամիս 20 /քսան/ օր ժամկետով։
Պատժի սկիզբը հաշվել 2011թ. նոյեմբերի «23»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Ա. Վարաբյովի նկատմամբ ընտրված կալանք խափանման միջոցը թողնել անփոփոխ, մինչև դատավճռի օրինական ուժի մեջ մտնելը։

Դատավճիռն օրինական ուժի մեջ մտնելուց հետո իրեղեն ապացույց հանդիսացող և ՀՀ ՊՆ քննչական ծառայության 4-րդ կայազորային քննչական բաժնի իրեղեն ապացույցների սենյակում պահվող «Ֆիլիպս» տեսակի Դի-Վի-Դի նվագարկիչը վերադարձնել ՀՀ Պաշտպանության նախարարության թիվ 68617 զորամասին, իսկ 1,571 գրամ հաստատուն քաշով «Մարիխուանա» տեսակի թմրամիջոցը` ոչնչացնել։

Քրեական դատավարությունում քաղաքացիական հայցով վարույթը կարճել` քաղաքացիական հայցից տուժողի ներկայացուցչի հրաժարվելու պատճառաբանությամբ։

Դատավճիռը կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։

ԴԱՏԱՎՈՐ Ա. ՕՀԱՆՅԱՆ