Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0176/01/11
2012թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐՆԵՐ՝ Հ. ՀՈՎՀԱՆՆԻՍՅԱՆ
Շ. ԴՈւՐՅԱՆ
ՄԵՂԱԴՐՈՂ-ԴԱՏԱԽԱԶ՝ Հ. ՍԱՐԳՍՅԱՆ
ՊԱՇՏՊԱՆ` Լ. ԳՐԻԳՈՐՅԱՆ

2012թ. Հունվարի «27»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն, ըստ մեղադրանքի՝ Արմեն Հայկազի Թումանյանի /ծնված՝ 03.01.1982թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին երեք անձ, նախկինում դատապարտված /Երևան քաղաքի Կենտրոն և Նորք-Մարաշ համայնքների ընդհանուր իրավասության դատարանի 23.04.2009թ. հմ.ԵԿԴ0040/01/09 դատավճռով ՀՀ Քր. օր-ի 258 հոդվածի 3-րդ մասի 2-րդ կետով դատապարտվել է ազատազրկման 6/վեց/ ամիս ժամկետով, պատժի սկիզբը հաշվվել է 03.12.2008թ-ից/, դատվածությունը չմարված, հաշվառված է ք.Երևան, Նոր Արեշ 33-րդ փողոցի, հմ. 1/1 հասցեի տանը, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 10.08.2011թ-ից։
Մեղադրվում է ՀՀ Քրեական օրենսգրքի 203 հոդվածի 1-ին մասով։
Շահեն Կարենի Օսիպյանի /ծնված՝ 01.10.1980թ. Երևան քաղաքում, ազգությամբ հայ, Հայաստանի Հանրապետության քաղաքացի, բարձրագույն կրթությամբ, ամուսնացած, խնամքին երկու անձ, «ՕՍԻՊ» ՍՊ ընկերության տնօրեն, նախկինում չդատապարտված, վատառողջ, հաշվառված է ք.Երևան, Նոր Արեշ 35-րդ փողոցի, հմ. 28 հասցեի տանը/։
Սույն գործով արգելանքի տակ է եղել 10.08.2011թ-ից մինչև 22.12.2011թ։
Մեղադրվում է ՀՀ Քրեական օրենսգրքի 38-203 հոդվածի 1-ին մասով


1. Գործի դատավարական նախապատմությունը


Արմեն Հայկազի Թումանյանի կողմից կեղծ վճարային փաստաթղթեր հանդիսացող բանկային քարտեր իրացնելու նպատակով պատրաստելու դեպքի առթիվ 10.08.2011թ-ին ՀՀ Կառավարությանն առընթեր ազգային անվտանգության ծառայության քննչական վարչությունում ՀՀ Քրեական օրենսգրքի 203 հոդվածի 1-ին մասի հատկանիշներով հարուցվել է թիվ 58209511 քրեական գործը։
12.08.2011թ. որոշմամբ Արմեն Հայկազի Թումանյանը որպես մեղադրյալ է ներգրավվել ՀՀ Քրեական օրենսգրքի 203 հոդվածի 2-րդ մասի 2-րդ կետով։ 01.11.2011թ. Ա.Թումանյանին առաջադրված մեղադրանքը փոփոխվել է և նրան նոր ծավալով մեղադրանք է առաջադրվել ՀՀ Քրեական օրենսգրքի 203 հոդվածի 1-ին մասով այն բանի համար, որ. «Շահեն Կարենի Օսիպյանի օժանդակությամբ, 2011թ. օգոստոսի «08»-ին, Ամերիկայի Միացյալ Նահանգներից «Ֆեդեքս» փոստային ծառայության միջոցով ստացել է առաքում, որի մեջ եղել են 75 հատ բանկային քարտեր` իր, Շահեն Օսիպյանի, Կարեն Իսպիրյանի, Արթուր Գրիգորյանի, Նատալյա Պոպովայի, Վահագն Գիլավյանի, Արմեն Այվազյանի, Արթուր Սարգսյանի, Արմեն Օսիպյանի և Դավիթ Գրիգորյանի տվյալներով։ Այնուհետև, Շահեն Օսիպյանից ստանալով քարտերի վրա այլ անձանց հաշվեհամարները սպասարկող բանկային տեղեկություններ ձայնագրելու համար նախատեսված տեխնիկական միջոցները և վերջինիցս տեղեկանալով դրանց կիրառման եղանակին, 2011թ. օգոստոսի «09»-ին, Շահեն Օսիպյանի վարձակալած` Երևան քաղաքի Արգիշտի փողոցի 11/4 շենքի 148-րդ բնակարանում, իրացնելու նպատակով պատրաստել է ԱՄՆ-ի բանկերում այլ անձանց հաշվեհամարները սպասարկող բանկային 3712-906200-03002, 3717-113918-42013, 3717-110189-71005, 3717-018755-11028, 3717-124548-51024, 3717-153344-23013, 3717-125061-32001, 3710-851319-94008, 3717-154430-91008, 3717-114575-41004, 3712-909043-73006, 3715-781020-12008, 3717-103012-81015, 3717-150768-81014, 3717-095559-61009, 3717-088598-02000, 3715-780720-42001, 3717-142484-21007, 3715-789753-21031, 3712-906619-61001 և 3715-776000-51005 համարների կեղծ վճարային փաստաթղթեր հանդիսացող, գույքային իրավունքների մասին վկայող կամ տրամադրող թվով 21 բանկային կեղծ քարտեր, որոնց վրա արտաքինից դաջված են եղել իր և այլ անձանց անվանական տվյալները։ Արմեն Թումանյանը 2011թ. օգոստոսի «10»-ին, Երևան-Մոսկվա չվերթով մեկնելիս նշված թվով 21 քարտերն իր ուղեբեռում թաքցրած վիճակում փորձել է տեղափոխել Հայաստանի Հանրապետութունից, սակայն «Զվարթնոց» օդանավակայանում, սահմանային հսկողությունն անցնելու ընթացքում, դրանք հայտնաբերվել են ՀՀ Կառավարությանն առընթեր ազգային անվտանգության ծառայության աշխատակիցների կողմից, իսկ մնացած թվով 54 բանկային քարտերի վրա այլ անձանց տվյալներով տեղեկություններ ձայնագրելու փաստը չի պարզվել և դրանք առ այսօր չեն հայտնաբերվել»։
12.08.2011թ. որոշմամբ Շահեն Կարենի Օսիպյանը որպես մեղադրյալ է ներգրավվել ՀՀ Քրեական օրենսգրքի 203 հոդվածի 2-րդ մասի 2-րդ կետով։ 01.11.2011թ. Շ.Օսիպյանին առաջադրված մեղադրանքը փոփոխվել է և նրան նոր ծավալով մեղադրանք է առաջադրվել ՀՀ Քրեական օրենսգրքի 38-203 հոդվածի 1-ին մասով այն բանի համար, որ նա. «Քննությամբ չպարզված «Օլյա» անունով անձից ստանալով բանկային քարտերի վրա այլ անձանց հաշվեհամարները սպասարկող բանկային տեղեկությունները Երևան քաղաքում ձայնագրելու և այդ քարտերը Մոսկվա տեղափոխելու առաջարկ` համաձայնել է դրան։ Շահեն Օսիպյանը 2011թ. հուլիս ամսին, «Օլյա» անունով անձից ստացել է բանկային քարտերի վրա այլ անձանց հաշվեհամարները սպասարկող բանկային տեղեկությունները ձայնագրելու համար նախատեսված տեխնիկական միջոցները և վերջինիցս տեղեկացել դրանց կիրառման եղանակին։ Այնուհետև, իր օժանդակությամբ, 2011թ. օգոստոսի «08»-ին, Ամերիկայի Միացյալ Նահանգներից «Ֆեդեքս» փոստային ծառայության միջոցով Արմեն Հայկազի Թումանյանը ստացել է առաքում, որի մեջ եղել են 75 հատ բանկային քարտեր` իր, Արմեն Թումանյանի, Կարեն Իսպիրյանի, Արթուր Գրիգորյանի, Նատալյա Պոպովայի, Վահագն Գիլավյանի, Արմեն Այվազյանի, Արթուր Սարգսյանի, Արմեն Օսիպյանի և Դավիթ Գրիգորյանի տվյալներով։
Արմեն Թումանյանին հանձնելով քարտերի վրա այլ անձանց հաշվեհամարները սպասարկող բանկային տեղեկություններ ձայնագրելու համար նախատեսված տեխնիկական միջոցները և վերջինիս տեղեկացնելով դրանց կիրառման եղանակին, 2011թ. օգոստոսի «09»-ին, տրամադրել է իր վարձակալած` Երևան քաղաքի Արգիշտի փողոցի 11/4 շենքի 148-րդ բնակարանը, որտեղ Արմեն Թումանյանը իրացնելու նպատակով պատրաստել է ԱՄՆ-ի բանկերում այլ անձանց հաշվեհամարները սպասարկող բանկային 3712-906200-03002, 3717-113918-42013, 3717-110189-71005, 3717-018755-11028, 3717-124548-51024, 3717-153344-23013, 3717-125061-32001, 3710-851319-94008, 3717-154430-91008, 3717-114575-41004, 3712-909043-73006, 3715-781020-12008, 3717-103012-81015, 3717-150768-81014, 3717-095559-61009, 3717-088598-02000, 3715-780720-42001, 3717-142484-21007, 3715-789753-21031, 3712-906619-61001 և 3715-776000-51005 համարների կեղծ վճարային փաստաթղթեր հանդիսացող, գույքային իրավունքների մասին վկայող կամ տրամադրող թվով 21 բանկային կեղծ քարտեր, որոնց վրա արտաքինից դաջված են եղել Արմեն Թումանյանի և այլ անձանց անվանական տվյալները։ Արմեն Թումանյանը 2011թ. օգոստոսի «10»-ին, Երևան-Մոսկվա չվերթով մեկնելիս նշված թվով 21 քարտերն իր ուղեբեռում թաքցրած վիճակում փորձել է տեղափոխել Հայաստանի Հանրապետութունից, սակայն «Զվարթնոց» օդանավակայանում, սահմանային հսկողությունն անցնելու ընթացքում, դրանք հայտնաբերվել են ՀՀ Կառավարությանն առընթեր ազգային անվտանգության ծառայության աշխատակիցների կողմից, իսկ մնացած թվով 54 բանկային քարտերի վրա այլ անձանց տվյալներով տեղեկություններ ձայնագրելու փաստը չի պարզվել և դրանք առ այսօր չեն հայտնաբերվել»։
07.12.2011թ. որոշմամբ «Օլյա» անունով անձի, Արման Այվազյանի և բանկային քարտերի վրա նշված տվյալներով այլ անձանց վերաբերյալ գործի մասն անջատվել է սույն` թիվ 58209511 քրեական գործից, որին շնորհվել է 58215211 համարը։
Քրեական գործը 12.12.2011թ. կազմված և 13.12.2011թ. հաստատված մեղադրական եզրակացությամբ 13.12.2011թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։


2. Արագացված դատական քննություն


Ամբաստանյալներ Արմեն Հայկազի Թումանյանը և Շահեն Կարենի Օսիպյանը խորհրդակցելով իրենց պաշտպան Լիանա Գրիգորյանի հետ /փաստաբանական գործունեության արտոնագիր հմ. 892/, դատարանին արագացված դատական քննության կարգ կիրառելու համար գրավոր միջնորդություն ներկայացրեցին, հայտնելով, որ համաձայն են իրենց առաջադրված մեղադրանքի հետ, նրանում իրենց լիովին մեղավոր են ճանաչում և զղջում են կատարածի համար, նշեցին նաև, որ արագացված դատական քննության կարգ կիրառելու մասին միջնորդությունները ներկայացնում են կամավոր և գիտակցում են դրա բնույթն ու հետևանքները։
Մեղադրող-դատախազ Հ.Սարգսյանն ամբաստանյալների միջնորդությունների դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշեց կիրառել դատական քննության արագացված կարգ։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Արմեն Հայկազի Թումանյանը կատարել է արարք, որը նախատեսված է ՀՀ Քրեական օրենսգրքի 203 հոդվածի 1-ին մասով, իսկ Շահեն Կարենի Օսիպյանը կատարել է արարք, որը նախատեսված է ՀՀ Քրեական օրենսգրքի 38-203 հոդվածի 1-ին մասով, որով և պետք է ենթարկվեն քրեական պատասխանատվության։


3. Դատարանի իրավական վերլուծությունը


Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 18 հոդվածի 1-ին մասի դրույթների համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է քրեական oրենuգրքով։
ՀՀ Քրեական օրենսգրքի 203 հոդվածի 1-ին մասի համաձայն հանցագործություն է համարվում` կեղծ վճարային փաuտաթղթեր` արժեթղթեր կամ արժույթ կամ արժեթուղթ չհամարվող, uակայն գույքային իրավունքների մաuին վկայող, դրանք uահմանող կամ տրամադրող այլ փաuտաթղթեր իրացնելու նպատակով պատրաuտելը կամ իրացնելը։
ՀՀ Քրեական օրենսգրքի 38 հոդվածի 1-ին մասի համաձայն` օժանդակող է համարվում այն անձը, ով հանցագործությանն oժանդակել է խորհուրդներով, ցուցումներով, տեղեկատվություն կամ միջոցներ, գործիքներ տրամադրելով կամ խոչընդոտները վերացնելով, ինչպեu նաև այն անձը, ով նախապեu խոuտացել է պարտակել հանցագործին, հանցագործության միջոցները կամ գործիքները, հանցագործության հետքերը կամ հանցավոր ճանապարհով ձեռք բերված առարկաները, ինչպեu նաեւ այն անձը, ով նախապեu խոuտացել է ձեռք բերել կամ իրացնել այդպիuի առարկաները։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով, իսկ ՀՀ Քրեական օրենսգրքի 48 հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Դատարանը հաշվի է առնում, որ ամբաստանյալներից Արմեն Թումանյանը երիտասարդ է, բնութագրվում է դրականորեն, ընդունել է մեղքը և զղջացել է կատարածի համար, ունի նորակազմ ընտանիք, խնամքին ունի երկու փոքրահասակ երեխա և մեկ անաշխատունակ տատ, իսկ որպես Ա.Թումանյանի պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու ռեցիդիվը։ Ամբաստանյալ Շահեն Օսիպյանի վերաբերյալ դատարանը հաշվի է առնում, որ նա երիտասարդ է, բնութագրվում է դրականորեն, ընդունել է մեղքը և զղջացել է կատարածի համար, ունի նորակազմ ընտանիք, նախկինում դատապարտված չի եղել, խնամքին ունի երկու փոքրահասակ երեխա, «Սրբա-գոտկային օստեոխոնդրոզ /L5-S1/» հիվանդությամբ տառապող կին, վատառողջ է` տառապում է «Հեպատիտ C» հիվանդությամբ և ունի հետևողական խնամքի կարիք, բացի այդ բացակայում են ամբաստանյալի պատասխանատվությունը և պատիժը ծանրացնող հանգամանքները։
Վերագրյալների հիման վրա ամբաստանյալ Շահեն Օսիպյանի նկատմամբ պատիժ նշանակելու հարցը քննարկելիս, դատարանը գտնում է, որ նրա նկատմամբ պետք է ազատազրկման ձևով պատիժ նշանակել, սակայն հաշվի առնելով Շահեն Օսիպյանի անձը բնութագրող տվյալները, նրա առողջական վիճակը, խնամքի տակ գտնվող անձանց և նրանց առողջական վիճակը, ինչպես նաև հանցագործության կատարման մեջ նրա դերն ու նշանակությունը, գալիս է այն հետևության, որ վերջինիս ուղղվելը հնարավոր է առանց պատիժը կրելու, ուստի գտնում է, որ պետք է կիրառել ՀՀ Քրեական օրենսգրքի 70 հոդվածը և նրա նկատմամբ ազատազրկման ձևով նշանակվող պատիժը պայմանականորեն չկիրառել` սահմանելով փորձաշրջան։ Ամբաստանյալ Արմեն Թումանյանի նկատմամբ պատիժ նշանակելու հարցը քննարկելիս, դատարանը գտնում է, որ նրա նկատմամբ պետք է ազատազրկման ձևով պատիժ նշանակել։
Քննարկելով իրեղեն ապացույցներ հանդիսացող թվով 21 բանկային քարտերի տնօրինման հարցը, դատարանը գտնում է, որ դրանք պետք ոչնչացնել, սակայն հաշվի առնելով, որ վերջիններս չնայած իրեղեն ապացույց են ճանաչվել սույն` հմ. ԵԷԴ/0176/01/11 /նախաքննության համարը 58209511/ քրեական գործով, սակայն առկա է «Օլյա» անունով անձի, Արման Այվազյանի և բանկային քարտերի վրա նշված տվյալներով այլ անձանց վերաբերյալ սույն գործից անջատված 58215211 համարով մաս, որի նախաքննությունը դեռևս ավարտված չէ և իրեղեն ապացույցների առարկայական առկայությունը կարող է կարևոր ապացուցողական նշանակություն ունենալ քործի օբյեկտիվ և բազմակողմանի քննության համար, գտնում է, որ սույն դատավճիռն օրինական ուժի մեջ մտնելուց հետո թվով 21 բանկային քարտերը պետք է ի պահ հանձնել թիվ 58215211 քրեական գործի նախաքննությունն իրականացնող` ՀՀ Կառավարությանն առընթեր ազգային անվտանգության ծառայության քննչական վարչությանը, իսկ դրանց ոչնչացումն իրականացնել թիվ 58215211 քրեական գործով վերջնական դատական ակտ կայացվելուց հետո։
Քննարկելով այլ ապացույց ճանաչված Արմեն Թումանյանի և Շահեն Օսիպյանի կողմից օգտագործվող բջջային հեռախոսահամարներով իրականացված հեռախոսազրույցների գաղտնալսումների ձայնագրություններով սկավառակների և Արմեն Թումանյանի տվյալներով 10.08.2011թ. Երևան-Մոսկվա թիվ 0908 չվերթի նստեցման կտրոնի հարցը, դատարանը գտնում է, որ դրանք պետք է պահել քրեական գործի հետ։
Դատարանը քննարկելով Շահեն Կարենի Օսիպյանի նկատմամբ կալանավորման այլընտրանքային խափանման միջոց ընտրված գրավի դիմաց վճարված գումարը վերադարձնելու հարցը, գտնում է, որ դատավճիռն օրինական ուժի մեջ մտնելուց հետո պետք է Շահեն Կարենի Օսիպյանին կալանքից ազատելու դիմաց Կարեն Օսիպյանի կողմից Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 900023294011 դեպոզիտ հաշվին 22.12.2011թ. հմ.111222036496041 վճարման անդորրագրով, որպես գրավի գումար, մուծված ՀՀ 500.000 /հինգ հարյուր հազար/ դրամը վերադարձնել Կ.Օսիպյանին։
Ելնելով վերոգրյալներից և ղեկավարվելով ՀՀ Քրեական դատավարության օրենսգրքի 357-360, 3753 հոդվածներով, դատարանը
Վ Ճ Ռ Ե Ց

Արմեն Հայկազի Թումանյանին մեղավոր ճանաչել ՀՀ Քրեական օրենսգրքի 203 հոդվածի 1-ին մասով և դատապարտել ազատազրկման` 2 /երկու/ տարի ժամկետով։
Պատժի սկիզբը հաշվել 2011թ-ի օգոստոսի «10»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։

Շահեն Կարենի Օսիպյանին մեղավոր ճանաչել ՀՀ Քրեական օրենսգրքի 38-203 հոդվածի 1-ին մասով և դատապարտել ազատազրկման` 2 /երկու տարի ժամկետով։
ՀՀ Քրեական օրենսգրքի 69 հոդվածի կիրառմամբ, նշանակված պատժի մեջ հաշվակցել 2011թ. օգոստոսի «10»-ից մինչև 2011թ. դեկտեմբերի «22»-ն արգելանքի տակ գտնվելու 4 /չորս/ ամիս 12 /տասներկու/ օրը և վերջնական պատիժ նշանակել ազատազրկում` 1 /մեկ/ տարի 7 /յոթ/ ամիս 18 /տասնութ/ օր ժամկետով։
ՀՀ Քրեական օրենսգրքի 70 հոդվածի կիրառմամբ, նշանակված` ազատազրկում 1 /մեկ/ տարի 7 /յոթ/ ամիս 18 /տասնութ/ օր ժամկետով պատիժը պայմանականորեն չկիրառել, սահմանել փորձաշրջան 2 /երկու/ տարի ժամկետով։
Շ.Օսիպյանի վարքի նկատմամբ վերահսկողությունը դնել ՀՀ Արդարադատության նախարարության քրեակատարողական վարչության ազատությունից զրկելու հետ չկապված պատիժների կատարման բաժնի համապատասխան ստորաբաժանման վրա։
Դատավճիռն օրինական ուժի մեջ մտնելուց հետո իրեղեն ապացույցներ ճանաչված թվով 21 բանկային քարտերն ի պահ հանձնել ՀՀ Կառավարությանն առընթեր ազգային անվտանգության ծառայության քննչական վարչությանն, իսկ թիվ 58215211 քրեական գործով վերջնական դատական ակտ կայացվելուց հետո իրեղեն ապացույցներ ճանաչված թվով 21 բանկային քարտերը` ոչնչացնել։
Այլ ապացույց ճանաչված Արմեն Թումանյանի և Շահեն Օսիպյանի կողմից օգտագործվող բջջային հեռախոսահամարներով իրականացված հեռախոսազրույցների գաղտնալսումների ձայնագրություններով սկավառակները և Արմեն Թումանյանի տվյալներով 10.08.2011թ. Երևան-Մոսկվա թիվ 0908 չվերթի նստեցման կտրոնը` պահել քրեական գործի հետ։
Դատավճիռն օրինական ուժի մեջ մտնելուց հետո Շահեն Կարենի Օսիպյանին կալանքից ազատելու դիմաց Կարեն Օսիպյանի կողմից Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 900023294011 դեպոզիտ հաշվին 22.12.2011թ. հմ.111222036496041 վճարման անդորրագրով, որպես գրավի գումար, մուծված ՀՀ 500.000 /հինգ հարյուր հազար/ դրամը` վերադարձնել Կարեն Օսիպյանին։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։


ԴԱՏԱՎՈՐ Ա. ՕՀԱՆՅԱՆ