Հիմնական
Գործի համար:
ԵԷԴ/0136/01/11
Վիճակագրական տողի համար :
1.14
Պատասխանող
Ռիմա Սիմոնյան
Ռիմա Սիմոնյան Գրիգորի
Ռիմա Սիմոնյան
Դատավոր
Քրեական վերաքննիչ
Սերգեյ Չիչոյան
Էրեբունի և Նուբարաշեն
Վլադիմիր Գրիգորյան
Վճռաբեկ
Դավիթ Ավետիսյան
Հովհաննես Ղուկասյան
Հոդվածներ
Էրեբունի և Նուբարաշեն
Հոդված ՀՀ քրեական օրենսգրքի 117-րդ հոդված
Վճռաբեկ
Հոդվածը 407 Մաս 3
Դատավոր
Քրեական վերաքննիչ
Սերգեյ Չիչոյան
Էրեբունի և Նուբարաշեն
Վլադիմիր Գրիգորյան
Վճռաբեկ
Դավիթ Ավետիսյան
Հովհաննես Ղուկասյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Քրեական վերաքննիչ | 2012-03-28 | 14:00 | 2 | Կայացվել է | ||
| Էրեբունի և Նուբարաշեն | 2011-12-08 | 10:30 | 1 | Նշանակվել է դատական նիստ | ||
| Էրեբունի և Նուբարաշեն | 2011-10-10 | 14:00 | 1 |
Գործ ԵԷԴ/0136/01/11
Ո Ր Ո Շ Ո Ւ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
28 մարտի 2012թ. ք.Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ
ՆԱԽԱԳԱՀՈՂ ԴԱՏԱՎՈՐ Ս. ՉԻՉՈՅԱՆ
ԴԱՏԱՎՈՐՆԵՐ Ե. ԴԱՐԲԻՆՅԱՆ
Գ. ԱՎԵՏԻՍՅԱՆ
ՔԱՐՏՈՒՂԱՐՈՒԹՅԱՄԲ Տ. ՀԱԿՈԲՅԱՆԻ
ՄԱՍՆԱԿՑՈՒԹՅԱՄԲ
ՄԵՂԱԴՐՈՂ Հ. ՄՈՎՍԵՍՅԱՆԻ
ՊԱՇՏՊԱՆ Գ. ՄԱԼԽԱՍՅԱՆԻ
ՏՈՒԺՈՂ Ժ. ՍԱՐԴԱՐՅԱՆԻ
ԹԱՐԳՄԱՆԻՉ Վ. ՇԱՀԻՆՅԱՆԻ
դռնբաց դատական նիստում, վճռաբեկ վարույթի կանոններով, քննության առնելով ամբաստանյալ Ռիմա Սիմոնյանի վերաքննիչ բողոքը` Ռիմա Գրիգորի Սիմոնյանի վերաբերյալ ՀՀ քրեական օրենսգրքի 117-րդ հոդվածով Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճռի դեմ
Պ Ա Ր Զ Ե Ց
1. Գործի դատավարական նախապատմությունը.
2011 թվականի փետրվարի 23-ին ՀՀ ոստիկանության ՔԳՎ Երևան քաղաքի քննչական վարչության Էրեբունու քննչական բաժնում ՀՀ քրեական օրենսգրքի 117-րդ հոդվածով հարուցվել է թիվ 12106311 քրեական գործը` Ռիմա Գրիգորի Սիմոնյանի կողմից Ժենյա Արտյոմի Սարդարյանին մարմնական վնասվածք պատճառելու դեպքի առթիվ:
2011 թվականի հունիսի 24-ին Ռիմա Գրիգորի Սիմոնյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 117-րդ հոդվածով, որպես խափանման միջոց կիրառվել է ստորագրություն չհեռանալու մասին:
2011 թվականի սեպտեմբերի 22-ին Երևան քաղաքի Էրեբունի և Նուբարաշեն վարչական շրջանների դատախազի կողմից քրեական գործն ըստ մեղադրանքի` Ռիմա Գրիգորի Սիմոնյանի` ՀՀ քրեական օրենսգրքի 117-րդ հոդվածով մեղադրական եզրակացությամբ ուղարկվել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան` ըստ էության քննության առնելու համար:
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճռով ամբաստանյալ Ռիմա Գրիգորի Սիմոնյանը մեղավոր է ճանաչվել ՀՀ քրեական օրենսգրքի 117-րդ հոդվածով նախատեսված հանցանքի կատարման մեջ և դատապարտվել տուգանքի նվազագույն աշխատավարձի հարյուրապատիկի չափով` 100.000 /մեկ հարյուր հազար/ ՀՀ դրամ գումարի չափով։
Կիրառվել է ՀՀ Ազգային ժողովի կողմից ընդունված <<Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին>> 26.05.2011թ. որոշման 1-ին կետի 3-րդ ենթակետը և 13-րդ հոդվածի 1-ին <<ա>> ենթակետը և ամբաստանյալ Ռիմա Գրիգորի Սիմոնյանը պատժից ազատվել է։
Մինչև դատավճռի օրինական ուժի մեջ մտնելն ամբաստանյալ Ռիմա Գրիգորի Սիմոնյանի նկատմամբ որպես խափանման միջոց կիրառված չհեռանալու մասին ստորագրությունը թողնվել է անփոփոխ։
Դատավճռի դեմ վերաքննիչ բողոք է բերել ամբաստանյալ Ռիմա Սիմոնյանը:
Քրեական գործը ՀՀ վերաքննիչ քրեական դատարան մուտք է եղել 2012 թվականի հունվարի 18-ին:
ՀՀ վերաքննիչ քրեական դատարանի 2012 թվականի հունվարի 19-ի որոշմամբ վերաքննիչ բողոքն ընդունվել է վարույթ և քրեական գործը նշանակվել է քննության վճռաբեկ դատարանում գործերի քննության համար սահմանված կանոններով:
Վերաքննիչ բողոքի դեմ գրավոր պատասխան է ստացվել տուժող Ժենյա Սարդարյանից:
2. Գործի փաստական հանգամանքները.
Ռիմա Գրիգորի Սիմոնյանը դատապարտվել է հետևյալ արարքի համար.
Ամբաստանյալ Ռիմա Սիմոնյանը և գործով տուժող Ժենյա Սարդարյանի եղբայր, այժմ հանգուցյալ Յուրա Սարդարյանն ամուսնացել են 1989 թվականին, իսկ 1999 թվականին` ամուսնալուծվել։
Երևանի Գլինկա փողոցի 2ա շենքի 38 բնակարանը բաղկացած է 3 սենյակներից։ Դրանից 14,8քմ մակերեսով սենյակի նկատմամբ գրանցված է ամբաստանյալ Ռիմա Սիմոնյանի սեփականության իրավունքը։ Մյուս 2 սենյակները պատկանել են Յուրա Սարդարյանին։ Վերջինս եղել է կույր և հաշմանդամ, նրան խնամել է քույրը` 1935թ. ծնված գործով տուժող Ժենյա Սարդարյանը, ով վճարել է ամբողջ բնակարանի կոմունալ ծախսերը։
Ամբաստանյալ Ռիմա Սիմոնյանը հաճախ իր սենյակը վարձով տվել է տարբեր անձանց, չստանալով տուժողի համաձայնությունը, վարձակալներն անխնա են օգտագործել ջուրը, որի վարձավճարի չափի և մուծման հարցերի կապակցությամբ տուժողի և ամբաստանյալի միջև հաճախակի վիճաբանություններ են ծագել, տուժողը բողոքներ է ներկայացրել իրավասու մարմիններին։
2010 թվականի օգոստոսի 14-ին, ժամը 1800-ի սահմաններում նշված բնակարանում տուժող Ժենյա Սարդարյանը խնամել է իր կույր եղբորը։ Նշված բնակարան են եկել ամբաստանյալ Ռիմա Սիմոնյանը և վերջինիս ծանոթ, ԼՂՀ <<Ստեփանակերտի տուն-ինտերնատ>> ՊՈԱԿ բնակչուհի Ռոմելա Դանիելյանը։
Տուժող Ժենյա Սարդարյանը պահանջել է, որպեսզի ամբաստանյալ Ռիմա Սիմոնյանը մուծի անխնա օգտագործված ջրի վարձի գումարը։ Նշված հարցի առիթով տուժողի և ամբաստանյալի միջև ամբաստանյալ Ռիմա Սիմոնյանի սենյակի մուտքի դռան մոտ հերթական վիճաբանություն է տեղի ունեցել, որի ընթացքում ամբաստանյալ Ռիմա Սիմոնյանը ձեռքով դիտավորությամբ հարվածել է տուժող Ժենյա Սարդարյանի ճակատին և ձեռքերով դիտավորությամբ նրան հրել է մի կողմ, որի հետևանքով տուժողը կորցրել է հավասարակշռությունը և ընկել է հատակին։ Ամբաստանյալ Ռիմա Սիմոնյանը վերցրել է տուժողի ոտքից դուրս եկած հողաթափը և դրանով հարվածներ է հասցրել տուժող Ժենյա Սարդարյանի ուսին։
Վերոնշվածի հետևանքով տուժողն ստացել է մարմնական վնասվածքներ` ձախ վերին և ստորին վերջույթների, կոնքի ձախ կեսի քերծվածքների և արյունազեղումների, ենթամաշկային արյունահավաքի ձևով, որոնք դասվում են առողջությանը պատճառված թեթև վնասի շարքին` առողջության կարճատև քայքայումով։
3. Վերաքննիչ բողոքի հիմքերը, փաստարկները և պահանջը.
Վերաքննիչ բողոքը քննվում է հետևյալ հիմքերի սահմաններում ներքոհիշյալ հիմնավորումներով:
Ամբաստանյալ Ռիմա Սիմոնյանը վերաքննիչ բողոքում նշել է, որ գործով միակ ականատես վկան հանդիսանում է ԼՂՀ <<Ստեփանակերաի տուն-իետերնատ>> ՊՈԱԿ բնակչուհի Ռոմելա Դանիելյանը, ով տառապում է <<Շիզոֆրենիա պարանոիդ ձև>> հիվանդությամբ, ուստի նախաքննության մարմինը նրան չպետք է ներգրավվեր որպես վկա։ Մեղադրական եզրակացության մեջ նշվում է, որ Ռ.Դանիելյանը տվել է իրարամերժ ցուցմունքներ, իսկ քննիչը չի փորձել ստանալ վերջնական ցուցմունք` եղելությունը հասկանալու համար:
Գործով մյուս վկա` Գլինկա փողոցի 2Ա 43 բնակարանի բնակչուհի Անժելա Գալեչյանը հանդիսանում է ոչ ականատես վկա, ուստի նա իր վկայության մեջ ասել է այն, ինչ պատմել էր Ժ.Սարդարյանը։
Այսինքն, իրեն մեղադրանք է առաջադրվել քննիչի <<ներքին>> համոզման հիման վրա։ Այդ հանգամանքները հիմք են հանդիսացել բազմաթիվ բացարկների նախաքննության ընթացքում։
Ռիմա Սիմոնյանը խնդրել է բեկանել Երևան քաղաքի էրեբունի և Նուբարաշեն վարչական շրջանների ընդհանուր իրավասության դատարանի դատավճիռը, քանի որ իրեն մեղավոր չի համարում և նման հանցավոր արարք ինքը չի կատարել։
4. Վերաքննիչ բողոքի դեմ բերված պատասխանը.
Մեղադրող, Երևան քաղաքի Էրեբունի և Նուբարաշեն վարչական շրջանների դատախազության դատախազ Հայկ Մովսեսյանը վերաքննիչ բողոքի դեմ առարկեց` նշելով, որ ամբաստանյալի գործողություններին տրվել է ճիշտ իրավական գնահատական, դատարանը բազմակողմանի հետազոտել է ապացույցները, ուստի գտնում է, որ վերաքննիչ բողոքը հիմնավոր չէ, այն պետք է մերժել, իսկ դատավճիռը` թողնել օրինական ուժի մեջ:
Տուժող Ժենյա Սարդարյանը վերաքննիչ բողոքի դեմ ներկայացրած գրավոր պատասխանում նշել է, որ Ռիմա Սիմոնյանի կատարած նախկին կեղծիքների և հանցագործությունների անպատժելիությունը հանգեցրել է նրան, որ նա դարձել է ավելի սանձարձակ, որի հետևանքն է սույն հանցանքը, ուստի խնդրել է արդարացի լուծում տալ այս հարցին և պատժել մեղավորին կատարած հանցանքի համար:
5. Վերաքննիչ դատարանի պատճառաբանությունները և եզրահանգումը.
Վերաքննիչ դատարանը ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի նորմերի պահպանումը, ներկայացված բողոքի հիմքերի ու հիմնավորումների սահմաններում վերլուծելով քրեական գործի նյութերը, հանգում է այն հետևության, որ վերաքննիչ բողոքը պետք է մերժել հետևյալ պատճառաբանությամբ.
Ինչպես նախաքննության ընթացքում, այնպես էլ դատաքննությամբ առաջադրված մեղադրանքում Ռիմա Սիմոնյանն իրեն մեղավոր չի ճանաչել, պատճառաբանելով, որ տուժողն իրեն զրպարտում է, ինքը տուժող Ժենյա Սարդարյանին չի մոտեցել, չի հրել, չի հարվածել և նրան մարմնական վնասվածք չի պատճառել։ Ռիմա Սիմոնյանը հայտնել է, որ իր և տուժողի փոխհարաբերությունները լարված են։ Երևանի Գլինկա փողոցի 2ա շենքի 38 համարի երեք սենյականոց բնակարանի սենյակներից մեկն իրեն է պատկանում սեփականության իրավունքով։
2011 թվականի օգոստոսի 14-ին, ժամը 2100-ի սահմաններում իր սենյակում են գտնվել ինքը և ընկերուհին` Ռոմելա Դանիելյանը։ Ժենյա Սարդարյանը մոտեցել է իր սենյակի մուտքի դռանը և վիճաբանել է իր հետ՝ ծախսած ջրի քանակի և դրա արժեքի վճարման հարցերի շուրջ և իր հասցեին կատարել է վիրավորական արտահայտություններ։ Ինքը, սակայն, տուժողին չի հարվածել և չի հրել, այդ կապակցությամբ տուժողի տված ցուցմունքներն իրականությանը չեն համապատասխանում, քանի որ Ժենյա Սարդարյանն է կանգնած ժամանակ կորցրել իր հավասարակշռությունը, բռնել է իր դռան դիմաց կախված վարագույրից, այն պատռվել է, տուժողն ընկել է հատակին և ստացել է մարմնական վնասվածքները։ Ինքը տուժողին հողաթափով չի հարվածել։ Ինքը ցանկացել է շտապ օգնություն կանչել, սակայն տուժողը հրաժարվել է։
ՀՀ վերաքննիչ քրեական դատարանը, իրավական գնահատական տալով ամբաստանյալ Ռիմա Սիմոնյանի ցուցմունքներին, պատճառաբանություններին, ստուգելով ապացույցների ձեռքբերման աղբյուրները, քրեական գործով ձեռք բերված յուրաքանչյուր ապացույց վերլուծելով թույլատրելիության, վերաբերելիության վերաբերյալ քրեադատավարական պահանջների, գործով ձեռք բերված ապացույցների ամբողջ համակցությունը` քրեական գործի լուծման համար բավարարության տեսանկյունից, հանգում է այն հետևության, որ Ռիմա Սիմոնյանի պատճառաբանություններն արժանահավատ չեն, մտացածին են, դրանք նպատակ են հետապնդում խուսափել քրեական պատասխանատվությունից և պատժից, Ռիմա Սիմոնյանի կողմից ՀՀ քրեական օրենսգրքի 117-րդ հոդվածով նախատեսված հանցանքը կատարելը և նրա մեղքը հաստատված, իսկ պատճառաբանությունները հերքված են քրեական գործով ձեռք բերված և դատական ակտում շարադրված հետևյալ ապացույցներով.
Տուժող Ժենյա Սարդարյանի, վկա Անժելա Գալեչյանի ցուցմունքներով, դատաբժշկական փորձաքննության 25.08.2010թ. թիվ 2064 եզրակացությամբ, դատաբժշկական փորձագետ Արսեն Բաբայանի նախաքննական ցուցմունքով:
Ինչ վերաբերում է նախաքննության ընթացքում որպես վկա հարցաքննված Ռոմելա Դանիելյանի ցուցմունքին, ապա դատարանը հաշվի առնելով այն հանգամանքը, որ վերջինս գտնվում է ԼՂՀ <<Հոգեթմրաբանական դիսպանսեր>> ՓԲԸ-ում հաշվառման մեջ <<Շիզոֆրենիա պարանոիդ ձև>> ախտորոշմամբ և նրա հիվանդության ախտորոշման պայմաններում պարզված չէ դեպքի հանգամանքներն ընկալելու և ճիշտ վերարտադրելու նրա ունակությունը, Ռոմելա Դանիելյանի նախաքննության ընթացքում տված ցուցմունքները հանել է մեղադրանքի հիմքում դրված ապացույցների շարքից։
Վերաքննիչ դատարանը հիմնավոր չի համարում վերաքննիչ բողոքի փաստարկներն առ այն, որ Ռիմա Սիմոնյանին մեղադրանք է առաջադրվել քննիչի <<ներքին>> համոզման հիման վրա, ապացույցների բացակայության պայմաններում:
ՀՀ քրեական դատավարության օրենսգրքի 104-րդ հոդվածի 1-ին մասի համաձայն` քրեական գործով ապացույցներ են ցանկացած փաստական տվյալներ, որոնց հիման վրա օրենքով որոշված կարգով հետաքննության մարմինը, քննիչը, դատախազը, դատարանը պարզում են քրեական օրենսգրքով նախատեսված արարքի առկայությունը կամ բացակայությունը, այդ արարքը կասկածյալի կամ մեղադրյալի կողմից կատարելը կամ չկատարելը և մեղադրյալի մեղավորությունը կամ անմեղությունը, ինչպես նաև գործի ճիշտ լուծման համար նշանակություն ունեցող այլ հանգամանքներ:
ՀՀ քրեական դատավարության օրենսգրքի 107-րդ հոդվածի համաձայն` միայն ապացույցների հիման վրա են հաստատվում`
1. դեպքը և հանգամանքները/կատարման ժամանակը, տեղը, եղանակը և այլն/.
2. կասկածյալի և մեղադրյալի առնչությունը դեպքին.
3. հանցագործության` քրեական օրենքով նախատեսված հատկանիշները.
4. անձի մեղավորությունը քրեական օրենքով չթույլատրված արարքը կաատրելու մեջ.
5. քրեական օրենքով նախատեսված պատասխանատվությունը մեղմացնող կամ խստացնող հանգամանքները.
6. այն հանգամանքները, որոնցով դատավարության մասնակիցը կամ քրեական դատավարությանը մասնակցող այլ անձը հիմնավորում է իր պահանջները, եթե այլ բան նախատեսված չէ օրենքով:
ՀՀ քրեական դատավարության օրենսգրքի 25-րդ հոդվածի համաձայն` դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ, նույն հոդվածի 2-րդ մասի համաձայն` քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան` մինչև դրանց հետազոտումը պատշաճ իրավական ընթացակարգի շրջանակներում:
Քննության առնելով քրեական գործով ձեռք բերված, պատշաճ իրավական ընթացակարգի շրջանակներում հետազոտված բոլոր ապացույցներն իրենց համակցության մեջ, վերաքննիչ դատարանը հիմնավորված է համարում, որ Ռիմա Սիմոնյանը դիտավորությամբ Ժենյա Սարդարյանին պատճառել է մարմնական վնասվածքներ, որոնք առաջացրել են առողջության կարճատև քայքայում, այսինքն, կատարել է հանցավոր արարք, որը համապատասխանում է ՀՀ քրեական օրենսգրքի 117-րդ հոդվածով նախատեսված հանցագործության հատկանիշներին:
Այս առումով ամբաստանյալի պատճառաբանությունները չեն կարող բավարար հիմք հանդիսանալ սույն գործի շրջանակներում արդարացման դատական ակտ կայացնելու համար:
ՀՀ վերաքննիչ քրեական դատարանը գտնում է, որ քրեական գործի քննության նախորդ փուլերի ընթացքում նյութական և դատավարական իրավունքի նորմերի խախտումներ թույլ չեն տրվել, պահպանվել են ապացույցների հավաքման, ստուգման և գնահատության վերաբերյալ ՀՀ քրեադատավարական օրենսդրությամբ սահմանված ընթացակարգերը, Ռիմա Սիմոնյանի արարքի որակման հարցում քրեական օրենքը կիրառվել է ճիշտ և կատարած հանցավոր արարքի համար ամբաստանյալը ենթակա է քրեական պատասխանատվության ու պատժի:
Քննության առնելով վերը նշված բոլոր հանգամանքներն իրենց համակցության մեջ` վերաքննիչ դատարանը գտնում է, որ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճիռն օրինական է, հիմնավորված և պատճառաբանված, հետևաբար, այն պետք է թողնել օրինական ուժի մեջ, իսկ վերաքննիչ բողոքը` մերժել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ, 402-րդ, 418-րդ հոդվածներով` ՀՀ վերաքննիչ քրեական դատարանը
Ո Ր Ո Շ Ե Ց
Ամբաստանյալ Ռիմա Սիմոնյանի վերաքննիչ բողոքը մերժել:
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճիռը քրեական գործով ըստ մեղադրանքի` Ռիմա Գրիգորի Սիմոնյանի` ՀՀ քրեական օրենսգրքի 117-րդ հոդվածով, թողնել օրինական ուժի մեջ:
Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում։
ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ է`
ՆԱԽԱԳԱՀՈՂ ԴԱՏԱՎՈՐ` Ս. ՉԻՉՈՅԱՆ
Ո Ր Ո Շ Ո Ւ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
28 մարտի 2012թ. ք.Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ
ՆԱԽԱԳԱՀՈՂ ԴԱՏԱՎՈՐ Ս. ՉԻՉՈՅԱՆ
ԴԱՏԱՎՈՐՆԵՐ Ե. ԴԱՐԲԻՆՅԱՆ
Գ. ԱՎԵՏԻՍՅԱՆ
ՔԱՐՏՈՒՂԱՐՈՒԹՅԱՄԲ Տ. ՀԱԿՈԲՅԱՆԻ
ՄԱՍՆԱԿՑՈՒԹՅԱՄԲ
ՄԵՂԱԴՐՈՂ Հ. ՄՈՎՍԵՍՅԱՆԻ
ՊԱՇՏՊԱՆ Գ. ՄԱԼԽԱՍՅԱՆԻ
ՏՈՒԺՈՂ Ժ. ՍԱՐԴԱՐՅԱՆԻ
ԹԱՐԳՄԱՆԻՉ Վ. ՇԱՀԻՆՅԱՆԻ
դռնբաց դատական նիստում, վճռաբեկ վարույթի կանոններով, քննության առնելով ամբաստանյալ Ռիմա Սիմոնյանի վերաքննիչ բողոքը` Ռիմա Գրիգորի Սիմոնյանի վերաբերյալ ՀՀ քրեական օրենսգրքի 117-րդ հոդվածով Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճռի դեմ
Պ Ա Ր Զ Ե Ց
1. Գործի դատավարական նախապատմությունը.
2011 թվականի փետրվարի 23-ին ՀՀ ոստիկանության ՔԳՎ Երևան քաղաքի քննչական վարչության Էրեբունու քննչական բաժնում ՀՀ քրեական օրենսգրքի 117-րդ հոդվածով հարուցվել է թիվ 12106311 քրեական գործը` Ռիմա Գրիգորի Սիմոնյանի կողմից Ժենյա Արտյոմի Սարդարյանին մարմնական վնասվածք պատճառելու դեպքի առթիվ:
2011 թվականի հունիսի 24-ին Ռիմա Գրիգորի Սիմոնյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 117-րդ հոդվածով, որպես խափանման միջոց կիրառվել է ստորագրություն չհեռանալու մասին:
2011 թվականի սեպտեմբերի 22-ին Երևան քաղաքի Էրեբունի և Նուբարաշեն վարչական շրջանների դատախազի կողմից քրեական գործն ըստ մեղադրանքի` Ռիմա Գրիգորի Սիմոնյանի` ՀՀ քրեական օրենսգրքի 117-րդ հոդվածով մեղադրական եզրակացությամբ ուղարկվել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան` ըստ էության քննության առնելու համար:
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճռով ամբաստանյալ Ռիմա Գրիգորի Սիմոնյանը մեղավոր է ճանաչվել ՀՀ քրեական օրենսգրքի 117-րդ հոդվածով նախատեսված հանցանքի կատարման մեջ և դատապարտվել տուգանքի նվազագույն աշխատավարձի հարյուրապատիկի չափով` 100.000 /մեկ հարյուր հազար/ ՀՀ դրամ գումարի չափով։
Կիրառվել է ՀՀ Ազգային ժողովի կողմից ընդունված <<Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին>> 26.05.2011թ. որոշման 1-ին կետի 3-րդ ենթակետը և 13-րդ հոդվածի 1-ին <<ա>> ենթակետը և ամբաստանյալ Ռիմա Գրիգորի Սիմոնյանը պատժից ազատվել է։
Մինչև դատավճռի օրինական ուժի մեջ մտնելն ամբաստանյալ Ռիմա Գրիգորի Սիմոնյանի նկատմամբ որպես խափանման միջոց կիրառված չհեռանալու մասին ստորագրությունը թողնվել է անփոփոխ։
Դատավճռի դեմ վերաքննիչ բողոք է բերել ամբաստանյալ Ռիմա Սիմոնյանը:
Քրեական գործը ՀՀ վերաքննիչ քրեական դատարան մուտք է եղել 2012 թվականի հունվարի 18-ին:
ՀՀ վերաքննիչ քրեական դատարանի 2012 թվականի հունվարի 19-ի որոշմամբ վերաքննիչ բողոքն ընդունվել է վարույթ և քրեական գործը նշանակվել է քննության վճռաբեկ դատարանում գործերի քննության համար սահմանված կանոններով:
Վերաքննիչ բողոքի դեմ գրավոր պատասխան է ստացվել տուժող Ժենյա Սարդարյանից:
2. Գործի փաստական հանգամանքները.
Ռիմա Գրիգորի Սիմոնյանը դատապարտվել է հետևյալ արարքի համար.
Ամբաստանյալ Ռիմա Սիմոնյանը և գործով տուժող Ժենյա Սարդարյանի եղբայր, այժմ հանգուցյալ Յուրա Սարդարյանն ամուսնացել են 1989 թվականին, իսկ 1999 թվականին` ամուսնալուծվել։
Երևանի Գլինկա փողոցի 2ա շենքի 38 բնակարանը բաղկացած է 3 սենյակներից։ Դրանից 14,8քմ մակերեսով սենյակի նկատմամբ գրանցված է ամբաստանյալ Ռիմա Սիմոնյանի սեփականության իրավունքը։ Մյուս 2 սենյակները պատկանել են Յուրա Սարդարյանին։ Վերջինս եղել է կույր և հաշմանդամ, նրան խնամել է քույրը` 1935թ. ծնված գործով տուժող Ժենյա Սարդարյանը, ով վճարել է ամբողջ բնակարանի կոմունալ ծախսերը։
Ամբաստանյալ Ռիմա Սիմոնյանը հաճախ իր սենյակը վարձով տվել է տարբեր անձանց, չստանալով տուժողի համաձայնությունը, վարձակալներն անխնա են օգտագործել ջուրը, որի վարձավճարի չափի և մուծման հարցերի կապակցությամբ տուժողի և ամբաստանյալի միջև հաճախակի վիճաբանություններ են ծագել, տուժողը բողոքներ է ներկայացրել իրավասու մարմիններին։
2010 թվականի օգոստոսի 14-ին, ժամը 1800-ի սահմաններում նշված բնակարանում տուժող Ժենյա Սարդարյանը խնամել է իր կույր եղբորը։ Նշված բնակարան են եկել ամբաստանյալ Ռիմա Սիմոնյանը և վերջինիս ծանոթ, ԼՂՀ <<Ստեփանակերտի տուն-ինտերնատ>> ՊՈԱԿ բնակչուհի Ռոմելա Դանիելյանը։
Տուժող Ժենյա Սարդարյանը պահանջել է, որպեսզի ամբաստանյալ Ռիմա Սիմոնյանը մուծի անխնա օգտագործված ջրի վարձի գումարը։ Նշված հարցի առիթով տուժողի և ամբաստանյալի միջև ամբաստանյալ Ռիմա Սիմոնյանի սենյակի մուտքի դռան մոտ հերթական վիճաբանություն է տեղի ունեցել, որի ընթացքում ամբաստանյալ Ռիմա Սիմոնյանը ձեռքով դիտավորությամբ հարվածել է տուժող Ժենյա Սարդարյանի ճակատին և ձեռքերով դիտավորությամբ նրան հրել է մի կողմ, որի հետևանքով տուժողը կորցրել է հավասարակշռությունը և ընկել է հատակին։ Ամբաստանյալ Ռիմա Սիմոնյանը վերցրել է տուժողի ոտքից դուրս եկած հողաթափը և դրանով հարվածներ է հասցրել տուժող Ժենյա Սարդարյանի ուսին։
Վերոնշվածի հետևանքով տուժողն ստացել է մարմնական վնասվածքներ` ձախ վերին և ստորին վերջույթների, կոնքի ձախ կեսի քերծվածքների և արյունազեղումների, ենթամաշկային արյունահավաքի ձևով, որոնք դասվում են առողջությանը պատճառված թեթև վնասի շարքին` առողջության կարճատև քայքայումով։
3. Վերաքննիչ բողոքի հիմքերը, փաստարկները և պահանջը.
Վերաքննիչ բողոքը քննվում է հետևյալ հիմքերի սահմաններում ներքոհիշյալ հիմնավորումներով:
Ամբաստանյալ Ռիմա Սիմոնյանը վերաքննիչ բողոքում նշել է, որ գործով միակ ականատես վկան հանդիսանում է ԼՂՀ <<Ստեփանակերաի տուն-իետերնատ>> ՊՈԱԿ բնակչուհի Ռոմելա Դանիելյանը, ով տառապում է <<Շիզոֆրենիա պարանոիդ ձև>> հիվանդությամբ, ուստի նախաքննության մարմինը նրան չպետք է ներգրավվեր որպես վկա։ Մեղադրական եզրակացության մեջ նշվում է, որ Ռ.Դանիելյանը տվել է իրարամերժ ցուցմունքներ, իսկ քննիչը չի փորձել ստանալ վերջնական ցուցմունք` եղելությունը հասկանալու համար:
Գործով մյուս վկա` Գլինկա փողոցի 2Ա 43 բնակարանի բնակչուհի Անժելա Գալեչյանը հանդիսանում է ոչ ականատես վկա, ուստի նա իր վկայության մեջ ասել է այն, ինչ պատմել էր Ժ.Սարդարյանը։
Այսինքն, իրեն մեղադրանք է առաջադրվել քննիչի <<ներքին>> համոզման հիման վրա։ Այդ հանգամանքները հիմք են հանդիսացել բազմաթիվ բացարկների նախաքննության ընթացքում։
Ռիմա Սիմոնյանը խնդրել է բեկանել Երևան քաղաքի էրեբունի և Նուբարաշեն վարչական շրջանների ընդհանուր իրավասության դատարանի դատավճիռը, քանի որ իրեն մեղավոր չի համարում և նման հանցավոր արարք ինքը չի կատարել։
4. Վերաքննիչ բողոքի դեմ բերված պատասխանը.
Մեղադրող, Երևան քաղաքի Էրեբունի և Նուբարաշեն վարչական շրջանների դատախազության դատախազ Հայկ Մովսեսյանը վերաքննիչ բողոքի դեմ առարկեց` նշելով, որ ամբաստանյալի գործողություններին տրվել է ճիշտ իրավական գնահատական, դատարանը բազմակողմանի հետազոտել է ապացույցները, ուստի գտնում է, որ վերաքննիչ բողոքը հիմնավոր չէ, այն պետք է մերժել, իսկ դատավճիռը` թողնել օրինական ուժի մեջ:
Տուժող Ժենյա Սարդարյանը վերաքննիչ բողոքի դեմ ներկայացրած գրավոր պատասխանում նշել է, որ Ռիմա Սիմոնյանի կատարած նախկին կեղծիքների և հանցագործությունների անպատժելիությունը հանգեցրել է նրան, որ նա դարձել է ավելի սանձարձակ, որի հետևանքն է սույն հանցանքը, ուստի խնդրել է արդարացի լուծում տալ այս հարցին և պատժել մեղավորին կատարած հանցանքի համար:
5. Վերաքննիչ դատարանի պատճառաբանությունները և եզրահանգումը.
Վերաքննիչ դատարանը ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի նորմերի պահպանումը, ներկայացված բողոքի հիմքերի ու հիմնավորումների սահմաններում վերլուծելով քրեական գործի նյութերը, հանգում է այն հետևության, որ վերաքննիչ բողոքը պետք է մերժել հետևյալ պատճառաբանությամբ.
Ինչպես նախաքննության ընթացքում, այնպես էլ դատաքննությամբ առաջադրված մեղադրանքում Ռիմա Սիմոնյանն իրեն մեղավոր չի ճանաչել, պատճառաբանելով, որ տուժողն իրեն զրպարտում է, ինքը տուժող Ժենյա Սարդարյանին չի մոտեցել, չի հրել, չի հարվածել և նրան մարմնական վնասվածք չի պատճառել։ Ռիմա Սիմոնյանը հայտնել է, որ իր և տուժողի փոխհարաբերությունները լարված են։ Երևանի Գլինկա փողոցի 2ա շենքի 38 համարի երեք սենյականոց բնակարանի սենյակներից մեկն իրեն է պատկանում սեփականության իրավունքով։
2011 թվականի օգոստոսի 14-ին, ժամը 2100-ի սահմաններում իր սենյակում են գտնվել ինքը և ընկերուհին` Ռոմելա Դանիելյանը։ Ժենյա Սարդարյանը մոտեցել է իր սենյակի մուտքի դռանը և վիճաբանել է իր հետ՝ ծախսած ջրի քանակի և դրա արժեքի վճարման հարցերի շուրջ և իր հասցեին կատարել է վիրավորական արտահայտություններ։ Ինքը, սակայն, տուժողին չի հարվածել և չի հրել, այդ կապակցությամբ տուժողի տված ցուցմունքներն իրականությանը չեն համապատասխանում, քանի որ Ժենյա Սարդարյանն է կանգնած ժամանակ կորցրել իր հավասարակշռությունը, բռնել է իր դռան դիմաց կախված վարագույրից, այն պատռվել է, տուժողն ընկել է հատակին և ստացել է մարմնական վնասվածքները։ Ինքը տուժողին հողաթափով չի հարվածել։ Ինքը ցանկացել է շտապ օգնություն կանչել, սակայն տուժողը հրաժարվել է։
ՀՀ վերաքննիչ քրեական դատարանը, իրավական գնահատական տալով ամբաստանյալ Ռիմա Սիմոնյանի ցուցմունքներին, պատճառաբանություններին, ստուգելով ապացույցների ձեռքբերման աղբյուրները, քրեական գործով ձեռք բերված յուրաքանչյուր ապացույց վերլուծելով թույլատրելիության, վերաբերելիության վերաբերյալ քրեադատավարական պահանջների, գործով ձեռք բերված ապացույցների ամբողջ համակցությունը` քրեական գործի լուծման համար բավարարության տեսանկյունից, հանգում է այն հետևության, որ Ռիմա Սիմոնյանի պատճառաբանություններն արժանահավատ չեն, մտացածին են, դրանք նպատակ են հետապնդում խուսափել քրեական պատասխանատվությունից և պատժից, Ռիմա Սիմոնյանի կողմից ՀՀ քրեական օրենսգրքի 117-րդ հոդվածով նախատեսված հանցանքը կատարելը և նրա մեղքը հաստատված, իսկ պատճառաբանությունները հերքված են քրեական գործով ձեռք բերված և դատական ակտում շարադրված հետևյալ ապացույցներով.
Տուժող Ժենյա Սարդարյանի, վկա Անժելա Գալեչյանի ցուցմունքներով, դատաբժշկական փորձաքննության 25.08.2010թ. թիվ 2064 եզրակացությամբ, դատաբժշկական փորձագետ Արսեն Բաբայանի նախաքննական ցուցմունքով:
Ինչ վերաբերում է նախաքննության ընթացքում որպես վկա հարցաքննված Ռոմելա Դանիելյանի ցուցմունքին, ապա դատարանը հաշվի առնելով այն հանգամանքը, որ վերջինս գտնվում է ԼՂՀ <<Հոգեթմրաբանական դիսպանսեր>> ՓԲԸ-ում հաշվառման մեջ <<Շիզոֆրենիա պարանոիդ ձև>> ախտորոշմամբ և նրա հիվանդության ախտորոշման պայմաններում պարզված չէ դեպքի հանգամանքներն ընկալելու և ճիշտ վերարտադրելու նրա ունակությունը, Ռոմելա Դանիելյանի նախաքննության ընթացքում տված ցուցմունքները հանել է մեղադրանքի հիմքում դրված ապացույցների շարքից։
Վերաքննիչ դատարանը հիմնավոր չի համարում վերաքննիչ բողոքի փաստարկներն առ այն, որ Ռիմա Սիմոնյանին մեղադրանք է առաջադրվել քննիչի <<ներքին>> համոզման հիման վրա, ապացույցների բացակայության պայմաններում:
ՀՀ քրեական դատավարության օրենսգրքի 104-րդ հոդվածի 1-ին մասի համաձայն` քրեական գործով ապացույցներ են ցանկացած փաստական տվյալներ, որոնց հիման վրա օրենքով որոշված կարգով հետաքննության մարմինը, քննիչը, դատախազը, դատարանը պարզում են քրեական օրենսգրքով նախատեսված արարքի առկայությունը կամ բացակայությունը, այդ արարքը կասկածյալի կամ մեղադրյալի կողմից կատարելը կամ չկատարելը և մեղադրյալի մեղավորությունը կամ անմեղությունը, ինչպես նաև գործի ճիշտ լուծման համար նշանակություն ունեցող այլ հանգամանքներ:
ՀՀ քրեական դատավարության օրենսգրքի 107-րդ հոդվածի համաձայն` միայն ապացույցների հիման վրա են հաստատվում`
1. դեպքը և հանգամանքները/կատարման ժամանակը, տեղը, եղանակը և այլն/.
2. կասկածյալի և մեղադրյալի առնչությունը դեպքին.
3. հանցագործության` քրեական օրենքով նախատեսված հատկանիշները.
4. անձի մեղավորությունը քրեական օրենքով չթույլատրված արարքը կաատրելու մեջ.
5. քրեական օրենքով նախատեսված պատասխանատվությունը մեղմացնող կամ խստացնող հանգամանքները.
6. այն հանգամանքները, որոնցով դատավարության մասնակիցը կամ քրեական դատավարությանը մասնակցող այլ անձը հիմնավորում է իր պահանջները, եթե այլ բան նախատեսված չէ օրենքով:
ՀՀ քրեական դատավարության օրենսգրքի 25-րդ հոդվածի համաձայն` դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ, նույն հոդվածի 2-րդ մասի համաձայն` քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան` մինչև դրանց հետազոտումը պատշաճ իրավական ընթացակարգի շրջանակներում:
Քննության առնելով քրեական գործով ձեռք բերված, պատշաճ իրավական ընթացակարգի շրջանակներում հետազոտված բոլոր ապացույցներն իրենց համակցության մեջ, վերաքննիչ դատարանը հիմնավորված է համարում, որ Ռիմա Սիմոնյանը դիտավորությամբ Ժենյա Սարդարյանին պատճառել է մարմնական վնասվածքներ, որոնք առաջացրել են առողջության կարճատև քայքայում, այսինքն, կատարել է հանցավոր արարք, որը համապատասխանում է ՀՀ քրեական օրենսգրքի 117-րդ հոդվածով նախատեսված հանցագործության հատկանիշներին:
Այս առումով ամբաստանյալի պատճառաբանությունները չեն կարող բավարար հիմք հանդիսանալ սույն գործի շրջանակներում արդարացման դատական ակտ կայացնելու համար:
ՀՀ վերաքննիչ քրեական դատարանը գտնում է, որ քրեական գործի քննության նախորդ փուլերի ընթացքում նյութական և դատավարական իրավունքի նորմերի խախտումներ թույլ չեն տրվել, պահպանվել են ապացույցների հավաքման, ստուգման և գնահատության վերաբերյալ ՀՀ քրեադատավարական օրենսդրությամբ սահմանված ընթացակարգերը, Ռիմա Սիմոնյանի արարքի որակման հարցում քրեական օրենքը կիրառվել է ճիշտ և կատարած հանցավոր արարքի համար ամբաստանյալը ենթակա է քրեական պատասխանատվության ու պատժի:
Քննության առնելով վերը նշված բոլոր հանգամանքներն իրենց համակցության մեջ` վերաքննիչ դատարանը գտնում է, որ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճիռն օրինական է, հիմնավորված և պատճառաբանված, հետևաբար, այն պետք է թողնել օրինական ուժի մեջ, իսկ վերաքննիչ բողոքը` մերժել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ, 402-րդ, 418-րդ հոդվածներով` ՀՀ վերաքննիչ քրեական դատարանը
Ո Ր Ո Շ Ե Ց
Ամբաստանյալ Ռիմա Սիմոնյանի վերաքննիչ բողոքը մերժել:
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճիռը քրեական գործով ըստ մեղադրանքի` Ռիմա Գրիգորի Սիմոնյանի` ՀՀ քրեական օրենսգրքի 117-րդ հոդվածով, թողնել օրինական ուժի մեջ:
Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում։
ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ է`
ՆԱԽԱԳԱՀՈՂ ԴԱՏԱՎՈՐ` Ս. ՉԻՉՈՅԱՆ
Գործ թիվ ԵԷԴ/0136/01/11
2011թ.
Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.
Նախագահող դատավոր Վլադիմիր Գրիգորյան
Քարտուղարներ Արմինե Արղամանյան
Շուշանիկ Միքայելյան
Մասնակցությամբ`
Մեղադրողներ Հայկ Մովսիսյան
Պավել Գյուլումյան
Տուժող Ժենյա Սարդարյան
Ամբաստանյալ Ռիմա Սիմոնյան
Ամբաստանյալի պաշտպան Սամվել Մարտիրոսյան
Թարգմանիչ Վարդուհի Շահինյան
2011թ-ի դեկտեմբերի 08-ին դատարանում.
Դռնբաց դատական նիստում քննության առնելով քրեական գործն ըստ մեղադրանքի
Ռիմա Գրիգորի Սիմոնյանի ծնված 07.07.1957թ. Բաքու քաղաքում, ազգությունը հայ, ունի փախստականի կարգավիճակ, կրթությունը բարձրագույն, չի աշխատում, չդատված, բնակվում է ք. Երևան, Գլինկա փողոցի 2ա շենքի 38 բնակարանում, խափանման միջոցը` ստորագրություն չհեռանալու մասին։
Մեղադրվում է ՀՀ քրեական օրենսգրքի 117-րդ հոդվածով։
Առաջադրված մեղադրանքում իրեն մեղավոր չի ճանաչել։
1. Գործի դատավարական նախապատմությունը.
Ամբաստանյալ Ռիմա Սիմոնյանը և գործով տուժող Ժենյա Սարդարյանի եղբայր, այժմ հանգուցյալ Յուրա Սարդարյանն ամուսնացել են 1989թ., իսկ 1999թվականին` ամուսնալուծվել։
Երևանի Գլինկա փողոցի 2ա շենքի 38 բնակարանը բաղկացած է 3 սենյակներից։ Դրանից 14,8քմ մակերեսով սենյակի նկատմամբ գրանցված է ամբաստանյալ Ռիմա Սիմոնյանի սեփականության իրավունքը։
Մյուս 2 սենյակները պատկանել են Յուրա Սարդարյանին։ Վերջինս եղել է կույր և հաշմանդամ, նրան խնամել է քույրը` 1935թ. ծնված գործով տուժող Ժենյա Սարդարյանը, ով վճարել է ամբողջ բնակարանի կոմունալ ծախսերը։
Ամբաստանյալ Ռիմա Սիմոնյանը հաճախ իր սենյակը վարձով տվել է տարբեր անձանց, չստանալով տուժողի համաձայնությունը, վարձակալներն անխնա են օգտագործել ջուրը, որի վարձավճարի չափի և մուծման հարցերի կապակցությամբ տուժողի և ամբաստանյալի միջև հաճախակի վիճաբանություններ են ծագել, տուժողը բողոքներ է ներկայացրել իրավասու մարմիններին։
2010թ. օգոստոսի 14-ին ժամը 18.00-ի սահմաններում նշված բնակարանում տուժող Ժենյա Սարդարյանը խնամել է իր կույր եղբորը։ Նշված բնակարան են եկել ամբաստանյալ Ռիմա Սիմոնյանը և վերջինիս ծանոթ, ԼՂՀ «Ստեփանակերտի տուն-ինտերնատ» ՊՈԱԿ բնակչուհի Ռոմելա Դանիելյանը։
Տուժող Ժենյա Սարդարյանը պահանջել է, որպեսզի ամբաստանյալ Ռիմա Սիմոնյանը մուծի անխնա օգտագործված ջրի վարձի գումարը։ Նշված հարցի առիթով տուժողի և ամբաստանյալի միջև ամբաստանյալ Ռիմա Սիմոնյանի սենյակի մուտքի դռան մոտ հերթական վիճաբանություն է տեղի ունեցել, որի ընթացքում ամբաստանյալ Ռիմա Սիմոնյանը ձեռքով դիտավորությամբ հարվածել է տուժող Ժենյա Սարդարյանի ճակատին և ձեռքերով դիտավորությամբ նրան հրել է մի կողմ, որի հետևանքով տուժողը կորցրել է հավասարակշռությունը և ընկել է հատակին։ Ամբաստանյալ Ռիմա Սիմոնյանը վերցրել է տուժողի ոտքից դուրս եկած հողաթափը և դրանով հարվածներ է հասցրել տուժող Ժենյա Սարդարյանի ուսին։
Վերոնշվածի հետևանքով տուժողն ստացել է մարմնական վնասվածքներ ձախ վերին և ստորին վերջույթների, կոնքի ձախ կեսի քերծվածքների և արյունազեղումների, ենթամաշկային արյունահավաքի ձևով, որոնք դասվում են առողջությանը պատճառված թեթև վնասի շարքին` առողջության կարճատև քայքայումով։
14.08.2010թ. Ժենյա Սարդարյանը դեպքի առթիվ հայտարարություն է տվել ՀՀ ոստիկանության Էրեբունու բաժին։
Փաստի առթիվ 23.02.2011թ. ՀՀ ոստիկանության ՔԳՎ Էրեբունու քննչական բաժնի կողմից ՀՀ քրեական օրենսգրքի 117-րդ հոդվածի հատկանիշներով հարուցվել է թիվ 12106311 քրեական գործը և նախաքննություն է կատարվել։
28.07.2011թ. որոշում է կայացվել Ռիմա Գրիգորի Սիմոնյանին որպես մեղադրյալ ներգրավելու մասին, նրան մեղարանք է առաջադրվել ՀՀ քրեական օրենսգրքի 117-րդ հոդվածով այն բանի համար, որ նա 2010թ. օգոստոսի 14-ին իր Երևանի Գլինկա փողոցի 2ա շենքի 38 բնակարանում ժամը 21.00-ի սահմաններում կենցաղային հարցերի շուրջ վիճաբանության մեջ է մտել հարևան Ժենյա Սարդարյանի հետ, որի ընթացքում դիտավորությամբ հրել է նրան, վայր գցել գետնին և հողաթափով հարվածել է նրա ուսին, որի հետևանքով Ժենյա Սարդարյանն ստացել է առողջությունը կարճատև քայքայող թեթև մարմնական վնասվածքներ` ձախ վերին և ստորին վերջույթների, կոնքի ձախ կեսի շրջանի քերծվածքների, արյունազեղումների, ենթամաշկային արյունահավաքի ձևով։
Նախաքննության և դատաքննության ընթացքում տուժողը չի հաշտվել ամբաստանյալի հետ, իսկ ամբաստանյալն առարկել է իր նկատմամբ ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հատարարելու մասին» 26.05.2011թ. որոշումը կիրառելու դեմ։
Մեղադրական եզրակացությունը հաստատվել է 22.09.2011թ.։
Քրեական գործը Երևանի Էրեբունի և Նուբարաշեն վարչական շրջանների դատարան մուտք է եղել 26.09.2011թ.։
2. Դատարանի իրավական վերլուծությունը.
ՀՀ քրեական օրենսգրքի 117-րդ հոդվածով առաջադրված մեղադրանքում ամբաստանյալ Ռիմա Սիմոնյանն իրեն մեղավոր չի ճանաչել, պատճառաբանելով, որ տուժողն իրեն զրպարտում է, ինքը տուժող Ժենյա Սարդարյանին չի մոտեցել, չի հրել, չի հարվածել և նրան մարմնական վնասվածք չի պատճառել։
Ամբաստանյալ Ռիմա Սիմոնյանը հայտնել է, որ իր և տուժողի փոխհարաբերությունները լարված են։ Երևանի Գլինկա փողոցի 2ա շենքի 38 համարի երեք սենյականոց բնակարանի սենյակներից մեկն իրեն է պատկանում սեփականության իրավունքով։
14.08.2011թ. ժամը 21.00-ի սահմաններում իր սենյակում են գտնվել ինքը և ընկերուհին` Ռոմելա Դանիելյանը։ Տուժող Ժենյա Սարդարյանը մոտեցել է իր սենյակի մուտքի դռանը և վիճաբանել է իր հետ՝ ծախսած ջրի քանակի և դրա արժեքի վճարման հարցերի շուրջ և իր հասցեին կատարել է վիրավորական արտահայտություններ։ Ինքը, սակայն, տուժողին չի հարվածել և չի հրել, այդ կապակցությամբ տուժողի տված ցուցմունքներն իրականությանը չեն համապատասխանում, քանի որ տուժող Ժենյա Սարդարյանն է կանգնած ժամանակ կորցրել իր հավասարակշռությունը, բռնել է իր դռան դիմաց կախված վարագույրից, այն պատռվել է, տուժողն ընկել է հատակին և ստացել է մարմնական վնասվածքները։ Ինքը տուժողին հողաթափով չի հարվածել։ Ինքը ցանկացել է շտապ օգնություն կանչել, սակայն տուժողը հրաժարվել է։
հատոր 1 Գ. Թ. 6, 30-31, 56, 59-61,
72-76, 114, 129, 151-152
դատաքննության արձանագրություն
Վերլուծելով և գնահատելով դատաքննությամբ ուսումնասիրված ապացույցները, դրանք գնահատելով իրենց ամբողջության մեջ և ներքին համոզմամբ, դատարանը գտնում է, որ ամբաստանյալ Ռիմա Սիմոնյանի պատճառաբանություններն անհիմն են, դրանցով նա նպատակ է հետապնդում խուսափել կատարած հանցանքի համար օրենքով նախատեսված քրեական պատասխանատվությունից և պատժից և հերքվում են հետևյալ ապացույցներով.
Տուժող Ժենյա Սարդարյանը ցուցմունք է տվել և այն առերես պնդել է ամբաստանյալ Ռիմա Սիմոնյանին այն մասին, որ Ռիմա Սիմոնյանը հանդիսանում է իր հանգուցյալ եղբոր` Յուրի Սարդարյանի նախկին կինը։ Նա եղբորից ամուսնալուծվել է 1999 թվականին, նրա հետ իր հարաբերությունները լարված են եղել այն պատճառով, որ Երևանի Գլինկա փողոցի 2ա շենքի 38 համարի 3 սենյականոց բնակարանի մեկ սենյակի նկատմամբ դատարանի վճռով ճանաչվել է Ռիմա Սիմոնյանի սեփականության իրավունքը, ինչպես նաև այն պատճառով, որ առանց իրենց համաձայնության ամբաստանյալն իր սենյակը վարձակալության է տվել տարբեր անձանց, վերջիներս անխնա օգտագործել են ջուրը, ջրի վարձը չեն մուծել, մինչդեռ կոմունալ վճարումները կատարվել են իր կողմից։
2010թ. օգոստոսի 14-ի երեկոյան նշված բնակարանում ինքը խնամել է իր հաշմանդամ և կույր եղբորը, երբ ժամը 21.00-ի սահմաններում բնակարան են եկել ամբաստանյալ Ռիմա Սիմոնյանն ու նրա ընկերուհի Ռոմելա Դանիելյանը, մտել են Ռիմա Սիմոնյանի սենյակ։ Ինքը մոտեցել է ամբաստանյալի սենյակի մուտքի դռանը և հանդիմանել Ռիմա Սիմոնյանին` ջուրն անխնա օգտագործելու և ջրի վարձը չվճարելու համար։ Նշված առիթով իրենց միջև վիճաբանություն է առաջացել։ Ռիմա Սիմոնյանը դուրս է եկել իր սենյակից և իր նկատմամբ դրսևորելով ագրեսիվ վարքագիծ՝ ձեռքով հարվածել իր ճակատին և ձեռքերով հրել է իրեն։ Այդ պատճառով ինքը կորցրել է հավասարակշռութունը և ցանկացել է բռնել սենյակի դռան դիմաց կախված վարագույրից, սակայն ձախ կողքի վրա ընկել է հատակին։ Իր ոտքից դուրս է եկել հողաթափը, ինքն այն շպրտել է Ռիմա Սիմոնյանի ուղղությամբ, իսկ Ռիմա Սիմոնյանը, հողաթափը վերցնելով, դրանով հարվածել է իր ուսին։ Ռիմա Սիմոնյանն իրեն չի օգնել հատակից վեր կենալու հարցում, այլ իր ընկերուհու հետ կանգնել ու նայել են իրեն։ Ինքը գետնին նստել է շուրջ 5 րոպե, վիրավորանքից և հոգեկան ապրումներից ճնշումը բարձրացել է, գնացել է վերևի հարևան Անժելա Գալեչյանի տուն, նրան պատմել է կատարված դեպքի մասին, պատմել, հայտնելով նրան, որ Ռիմա Սիմոնյանը հրել է իրեն, գցել է հատակին, որի հետևանքով ինքը մարմնական վնասվածքներ է ստացել և խնդրել է հայտնել ոստիկանության Էրեբունու բաժնի հեռախոսահամարը։ Անժելա Գալեչյանն իրեն ասել է, որ նշված հեռախոսահամարն ինքը չունի։ Վերադարձել է տուն, դեղորայք է օգտագործել, իր գրառումներում փնտրել և գտել է ոստիկանության Էրեբունու բաժնի հեռախոսահամարը, զանգահարել է ոստիկանություն և դեպքի մասին հայտնել նրանց, ոստիկաններն եկել են իրենց բնակարան, ինքը ոստիկաններին պատմել է դեպքի մասին և ոստիկանության բաժնին հաղորդում է տվել կատարված հանցագործության մասին։
Տուժողը հայտնել է, որ չի հաշտվել ամբաստանյալի հետ, դատարանից խնդրել է ամբաստանյալի նկատմամբ պատիժ կիրառել իրեն դիտավորությամբ մարմնական վնասվածք պատճառելու համար։
հատոր 1, Գ. Թ. 1ա, 16, 19-21, 25,
36-37, 41-44, 57-58, 72-76
Դատաքննության արձանագրություն
Դատաբժշկական փորձաքննության 25.08.2010թ. թիվ 2064 եզրակացության համաձայն` փորձաքննվող Ժենյա Սարդարյանը փորձագետին հայտնել է, որ «իրենց տանը հարևանուհու հետ առաջացել է վիճաբանություն, որի ընթացքում նա ձեռքով հարվածել է իր ճակատին, հրել վայր է գցել ձախ կողքի վրա»։
Փորձագետը եզրակացություն է տվել այն մասին, որ Ժենյա Սարդարյանի մարմնական վնասվածքները` ձախ վերին և ստորին վերջույթների, կոնքի ձախ կեսի շրջանի քերծվածքների, արյունազեղումների, ենթամաշկային արյունահավաքի ձևով, հասցվել են բութ, կոշտ առարկաներով, հնարավոր է` դեպքի օրը և հանգամանքներում, որոնք առաջացել են առողջությանը թեթև վնաս` առողջության կարճատև քայքայումով»։
հատոր 1, Գ. Թ. 14-15
Դատաբժշկական փորձագետ Արսեն Բաբայանը, պարզաբանելով իր կողմից տրված թիվ 2064 եզրակացությունը, նախաքննության ընթացքում ցուցմունք է տվել այն մասին, որ տուժող Ժենյա Սարդարյանին պատճառված մարմնական վնասվածքները, հնարավոր է, որ առաջանային նաև մեկ անգամ հատակին վայր ընկնելու հետևանքով և ամենայն հավանականությամբ` արտաքին լրացուցիչ ուժի ազդեցությունից հետո։
հատոր 1, Գ. Թ. 170
Վկա, Երևան քաղաքի Գլինկա փողոցի 2ա շենքի 43 բնակարանի բնակչուհի Անժելա Գալեչյանը ցուցմունք է տվել այն մասին, որ որպես հարևանների ճանաչում է տուժող Ժենյա Սարդարյանին և ամբաստանյալ Ռիմա Սիմոնյանին։ 2010 թվականի օգոստոսի 14-ին ժամը 22.00-ի սահմաններում իր բնակարանի դուռը թակել են։ Դուռը բացել և տեսել է հարևանուհի Ժենյա Սարդարյանին, որը գտնվում էր հուզված և այլայլված վիճակում։ Ժենյան իրենից խնդրել է հայտնել ոստիկանության Էրեբունու բաժնի հեռախոսահամարը։ Ինքը պատասխանել է, որ հեռախոսահամարը չգիտի, միաժամանակ հետաքրքրվել է Ժենյայից, թե ի՞նչ է պատահել։ Ժենյան իրեն հայտնել է, որ ջրի վարձավճարի հարցի շուրջ վիճաբանել է Ռիմայի հետ, որի ընթացքում Ռիման հարվածել և հրել է իրեն, ինքը վայր է ընկել բնակարանի միջանցքում և իրեն վատ է զգում։ Ժենյա Սարդարյանի գնալուց որոշ ժամանակ անց ինքն իջել է նրանց բնակարան, տեսել է, որ եկել են ոստիկանության աշխատակիցները։ Տեսել է նաև Ռիմային։ Ժենյան իրեն ցույց է տվել իր ստացած մարմնական վնասվածքները։
հատոր 1, Գ. Թ. 84-85
դատաքննության արձանագրություն
2. Դատարանի իրավական վերլուծությունը։
Դատաքննությամբ բազմակողմանի և օբյեկտիվ ստուգելով գործով ձեռք բերված ապացույցները, դրանք միմյանց հետ համադրելով և գնահատելով իրենց վերաբերելիության, թույլատրելիության և իրենց համակցությամբ` գործի լուծման համար բավարարության տեսանկյունից և հիմնված ներքին համոզմամբ, դատարանը գտնում է, որ ամբաստանյալ Ռիմա Գրիգորի Սիմոնյանի մեղքը ՀՀ քրեական օրենսգրքի 117-րդ հոդվածով նախատեսված հանցանքը կատարելու մեջ հիմնավորված է, և նշված հոդվածի սանկցիայով նրա նկատմամբ պետք է քրեական պատիժ կիրառվի։
Մինչև պատիժ նշանակելու հարցին անդրադառնալը դատարանը ապացույցների գնահատման առումով գտնում է հետևյալը.
Նախաքննական մարմինը Ռիմա Սիմոնյանին առաջադրված մեղադրանքը հիմնավորելու հիմքում մեղադրական եզրակացության մեջ որպես ապացույց մատնանշել է գործով որպես վկա հարցաքննված Ռոմելա Դանիելյանի ցուցմունքն այն մասին, որ ինքը տեսել է, թե ինչպես Ռիմա Սիմոնյանը քաշքշել և հրել է տուժող Ժենյա Սարդարյանին և նրան գցել հատակին։
Սակայն Ռիմա Սիմոնյանի հետ առերես հարցաքննության ժամանակ և որպես վկա լրացուցիչ հարցաքննվելիս նա փոխել է իր տված ցուցմունքը, հայտնելով, որ Ռիմա Սիմոնյանը Ժենյա Սարդարյանին չի հարվածել և չի հրել, այլ տուժողն է կորցրել հավասարակշռությունը և ընկել հատակին։
Իր ցուցմունքներում տուժող Ժենյա Սարդարյանը հայտնել է, որ Ռիմա Սիմոնյանի կողմից իրեն հարվածելու և հրելու պահին Ռոմելա Դանիելյանը գտնվել է Ռիմա Սիմոնյանի սենյակում և կատարվածի անմիջական ականատեսը չի հանդիսանում։ Դատաքննությամբ պարզվել է, որ Ռոմելա Դանիելյանը 28.11.2008 թվականից բնակվում է ԼՂՀ «Ստեփանակերտի տուն-ինտերնատ» ՊՈԱԿ-ում, ԼՂՀ «Հոգեթմրաբանական դիսպանսեր» ՓԲԸ-ում գտնվում է հաշվառման մեջ «Շիզոֆրենիա պարանոիդ ձև» ախտորոշմամբ։ Նշված կապակցությամբ նա դատաքննությանը չի մասնակցել, դատական նիստի ընթացքում ցուցմունք չի տվել, նրա հիվանդության ախտորոշման պայմաններում պարզված չէ դեպքի հանգամանքները ընկալելու և ճիշտ վերարտադրելու նրա ունակությունը, հետևաբար դատարանը գտնում է, որ նախաքննության ընթացքում որպես վկա հարցաքննված Ռոմելա Դանիելյանի ցուցմունքները պետք է հանել մեղադրանքի հիմքում դրված ապացույցների շարքից՝ բավարարելով պաշտպանական ճառի ընթացքում ամբաստանյալի պաշտպանի բերած միջնորդությունը։
Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված՝ պատասխանատվությունը և պատիժը մեղմացնող և ծանրացնող հանգամանքները։ Դրանք բնութագրում են հանցավորի անձնավորությունն ու կատարված հանցագործության հանրային վտանգավորության աստիճանը, հնարավորություն են տալիս կոնկրետ գործով անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։
Դատարանը գտնում է, որ կոնկրետ դեպքով ամբաստանյալ Ռիմա Գրիգորի Սիմոնյանի մոտ որպես պատասխանատվությունը և պատիժը ծանրացնող հանգամանք առկա չէ, իսկ պատասխանատվությունը և պատիժը մեղմացնող հանգամանք է հանդիսանում այն, որ նա կին է, նախկինում դատվածություն չունի։
ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ ամբաստանյալ Ռիմա Գրիգորի Սիմոնյանի նկատմամբ անհրաժեշտ է նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։
Գնահատելով վերոշարադրյալը, քրեական գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս դատարանը հանգում է այն հիմնավոր եզրակացությանը, որ ամբաստանյալի նկատմամբ որպես պատիժ անհրաժեշտ է նշանակել տուգանք պատժատեսակ։
Հանցանքը կատարվել է 14.08.2010թ.։
ՀՀ Ազգային ժողովի կողմից 26.05.2011թ. ընդունվել է «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին», որի 15-րդ կետի համաձայն` որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011թվականի մայիսի 1-ը ներառյալ։
Նույն որոշման 1-ին կետի 3-րդ ենթակետի համաձայն` պատժից ենթակա են ազատման այն անձինք, ում նկատմամբ նշանակվել է ազատությունից զրկելու հետ չկապված պատիժ։
Նույն որոշման 13-րդ հոդվածի 1-ին ,,ա,, ենթակետի համաձայն` որոշման կատարումը վերապահված է դատարանին այն անձանց նկատմամբ, ում վերաբերյալ գործերը գտնվում են դատարաններում, սակայն մինչև համաներման մասին ակտի ուժի մեջ մտնելը չեն քննվել կամ կան այն անձանց նկատմամբ, ում վերաբերյալ գործերը քննվել են, բայց դատավճիռներն օրինական ուժի մեջ չեն մտել։
Դատարանը գտնում է, որ համաներման ակտը սույն քրեական գործով ամբաստանյալ Ռիմա Գրիգորի Սիմոնյանի նկատմամբ կիրառելի է, քանի որ բացակայում են որոշման 9-րդ կետի ենթակետերով, 8-րդ կետի 4-րդ և 5-րդ ենթակետերով նախատեսված՝ համաներման ակտի կիրառման սահմանափակումները։
Ամբաստանյալ Ռիմա Գրիգորի Սիմոնյանի նկատմամբ կիրառված խափանման միջոց ստորագրությունը ենթակա է վերացման դատավճիռն օրինական ուժի մեջ մտնելուց հետո։
Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 41, 44, 357-358, 360,365, 368-372, 376, 3761, 379-րդ հոդվածներով և դատական օրենսգրքի 20-րդ հոդվածով, դատարանը
Վ Ճ Ռ Ե Ց
Ամբաստանյալ Ռիմա Գրիգորի Սիմոնյանին մեղավոր ճանաչել ՀՀ քրեական օրենսգրքի 117-րդ հոդվածով նախատեսված հանցանքի կատարման մեջ և նշված հոդվածի սանկցիայով նրա նկատմամբ քրեական պատիժ կիրառել` դատապարտելով նրան տուգանքի նվազագույն աշխատավարձի հարյուրապատիկի չափով` 100.000 /մեկ հարյուր հազար/ ՀՀ դրամ գումարի չափով։
Կիրառել ՀՀ Ազգային ժողովի կողմից ընդունված «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 3-րդ ենթակետը և 13-րդ հոդվածի 1-ին «ա» ենթակետը և ամբաստանյալ Ռիմա Գրիգորի Սիմոնյանին պատժից ազատել։
Մինչև դատավճռի օրինական ուժի մեջ մտնելը ամբաստանյալ Ռիմա Գրիգորի Սիմոնյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ։
Դատավարության մասնակիցների կողմից դատավճիռը կարող է վերաքննության կարգով բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում։
ԴԱՏԱՎՈՐ Վ. Թ. ԳՐԻԳՈՐՅԱՆ
2011թ.
Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.
Նախագահող դատավոր Վլադիմիր Գրիգորյան
Քարտուղարներ Արմինե Արղամանյան
Շուշանիկ Միքայելյան
Մասնակցությամբ`
Մեղադրողներ Հայկ Մովսիսյան
Պավել Գյուլումյան
Տուժող Ժենյա Սարդարյան
Ամբաստանյալ Ռիմա Սիմոնյան
Ամբաստանյալի պաշտպան Սամվել Մարտիրոսյան
Թարգմանիչ Վարդուհի Շահինյան
2011թ-ի դեկտեմբերի 08-ին դատարանում.
Դռնբաց դատական նիստում քննության առնելով քրեական գործն ըստ մեղադրանքի
Ռիմա Գրիգորի Սիմոնյանի ծնված 07.07.1957թ. Բաքու քաղաքում, ազգությունը հայ, ունի փախստականի կարգավիճակ, կրթությունը բարձրագույն, չի աշխատում, չդատված, բնակվում է ք. Երևան, Գլինկա փողոցի 2ա շենքի 38 բնակարանում, խափանման միջոցը` ստորագրություն չհեռանալու մասին։
Մեղադրվում է ՀՀ քրեական օրենսգրքի 117-րդ հոդվածով։
Առաջադրված մեղադրանքում իրեն մեղավոր չի ճանաչել։
1. Գործի դատավարական նախապատմությունը.
Ամբաստանյալ Ռիմա Սիմոնյանը և գործով տուժող Ժենյա Սարդարյանի եղբայր, այժմ հանգուցյալ Յուրա Սարդարյանն ամուսնացել են 1989թ., իսկ 1999թվականին` ամուսնալուծվել։
Երևանի Գլինկա փողոցի 2ա շենքի 38 բնակարանը բաղկացած է 3 սենյակներից։ Դրանից 14,8քմ մակերեսով սենյակի նկատմամբ գրանցված է ամբաստանյալ Ռիմա Սիմոնյանի սեփականության իրավունքը։
Մյուս 2 սենյակները պատկանել են Յուրա Սարդարյանին։ Վերջինս եղել է կույր և հաշմանդամ, նրան խնամել է քույրը` 1935թ. ծնված գործով տուժող Ժենյա Սարդարյանը, ով վճարել է ամբողջ բնակարանի կոմունալ ծախսերը։
Ամբաստանյալ Ռիմա Սիմոնյանը հաճախ իր սենյակը վարձով տվել է տարբեր անձանց, չստանալով տուժողի համաձայնությունը, վարձակալներն անխնա են օգտագործել ջուրը, որի վարձավճարի չափի և մուծման հարցերի կապակցությամբ տուժողի և ամբաստանյալի միջև հաճախակի վիճաբանություններ են ծագել, տուժողը բողոքներ է ներկայացրել իրավասու մարմիններին։
2010թ. օգոստոսի 14-ին ժամը 18.00-ի սահմաններում նշված բնակարանում տուժող Ժենյա Սարդարյանը խնամել է իր կույր եղբորը։ Նշված բնակարան են եկել ամբաստանյալ Ռիմա Սիմոնյանը և վերջինիս ծանոթ, ԼՂՀ «Ստեփանակերտի տուն-ինտերնատ» ՊՈԱԿ բնակչուհի Ռոմելա Դանիելյանը։
Տուժող Ժենյա Սարդարյանը պահանջել է, որպեսզի ամբաստանյալ Ռիմա Սիմոնյանը մուծի անխնա օգտագործված ջրի վարձի գումարը։ Նշված հարցի առիթով տուժողի և ամբաստանյալի միջև ամբաստանյալ Ռիմա Սիմոնյանի սենյակի մուտքի դռան մոտ հերթական վիճաբանություն է տեղի ունեցել, որի ընթացքում ամբաստանյալ Ռիմա Սիմոնյանը ձեռքով դիտավորությամբ հարվածել է տուժող Ժենյա Սարդարյանի ճակատին և ձեռքերով դիտավորությամբ նրան հրել է մի կողմ, որի հետևանքով տուժողը կորցրել է հավասարակշռությունը և ընկել է հատակին։ Ամբաստանյալ Ռիմա Սիմոնյանը վերցրել է տուժողի ոտքից դուրս եկած հողաթափը և դրանով հարվածներ է հասցրել տուժող Ժենյա Սարդարյանի ուսին։
Վերոնշվածի հետևանքով տուժողն ստացել է մարմնական վնասվածքներ ձախ վերին և ստորին վերջույթների, կոնքի ձախ կեսի քերծվածքների և արյունազեղումների, ենթամաշկային արյունահավաքի ձևով, որոնք դասվում են առողջությանը պատճառված թեթև վնասի շարքին` առողջության կարճատև քայքայումով։
14.08.2010թ. Ժենյա Սարդարյանը դեպքի առթիվ հայտարարություն է տվել ՀՀ ոստիկանության Էրեբունու բաժին։
Փաստի առթիվ 23.02.2011թ. ՀՀ ոստիկանության ՔԳՎ Էրեբունու քննչական բաժնի կողմից ՀՀ քրեական օրենսգրքի 117-րդ հոդվածի հատկանիշներով հարուցվել է թիվ 12106311 քրեական գործը և նախաքննություն է կատարվել։
28.07.2011թ. որոշում է կայացվել Ռիմա Գրիգորի Սիմոնյանին որպես մեղադրյալ ներգրավելու մասին, նրան մեղարանք է առաջադրվել ՀՀ քրեական օրենսգրքի 117-րդ հոդվածով այն բանի համար, որ նա 2010թ. օգոստոսի 14-ին իր Երևանի Գլինկա փողոցի 2ա շենքի 38 բնակարանում ժամը 21.00-ի սահմաններում կենցաղային հարցերի շուրջ վիճաբանության մեջ է մտել հարևան Ժենյա Սարդարյանի հետ, որի ընթացքում դիտավորությամբ հրել է նրան, վայր գցել գետնին և հողաթափով հարվածել է նրա ուսին, որի հետևանքով Ժենյա Սարդարյանն ստացել է առողջությունը կարճատև քայքայող թեթև մարմնական վնասվածքներ` ձախ վերին և ստորին վերջույթների, կոնքի ձախ կեսի շրջանի քերծվածքների, արյունազեղումների, ենթամաշկային արյունահավաքի ձևով։
Նախաքննության և դատաքննության ընթացքում տուժողը չի հաշտվել ամբաստանյալի հետ, իսկ ամբաստանյալն առարկել է իր նկատմամբ ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հատարարելու մասին» 26.05.2011թ. որոշումը կիրառելու դեմ։
Մեղադրական եզրակացությունը հաստատվել է 22.09.2011թ.։
Քրեական գործը Երևանի Էրեբունի և Նուբարաշեն վարչական շրջանների դատարան մուտք է եղել 26.09.2011թ.։
2. Դատարանի իրավական վերլուծությունը.
ՀՀ քրեական օրենսգրքի 117-րդ հոդվածով առաջադրված մեղադրանքում ամբաստանյալ Ռիմա Սիմոնյանն իրեն մեղավոր չի ճանաչել, պատճառաբանելով, որ տուժողն իրեն զրպարտում է, ինքը տուժող Ժենյա Սարդարյանին չի մոտեցել, չի հրել, չի հարվածել և նրան մարմնական վնասվածք չի պատճառել։
Ամբաստանյալ Ռիմա Սիմոնյանը հայտնել է, որ իր և տուժողի փոխհարաբերությունները լարված են։ Երևանի Գլինկա փողոցի 2ա շենքի 38 համարի երեք սենյականոց բնակարանի սենյակներից մեկն իրեն է պատկանում սեփականության իրավունքով։
14.08.2011թ. ժամը 21.00-ի սահմաններում իր սենյակում են գտնվել ինքը և ընկերուհին` Ռոմելա Դանիելյանը։ Տուժող Ժենյա Սարդարյանը մոտեցել է իր սենյակի մուտքի դռանը և վիճաբանել է իր հետ՝ ծախսած ջրի քանակի և դրա արժեքի վճարման հարցերի շուրջ և իր հասցեին կատարել է վիրավորական արտահայտություններ։ Ինքը, սակայն, տուժողին չի հարվածել և չի հրել, այդ կապակցությամբ տուժողի տված ցուցմունքներն իրականությանը չեն համապատասխանում, քանի որ տուժող Ժենյա Սարդարյանն է կանգնած ժամանակ կորցրել իր հավասարակշռությունը, բռնել է իր դռան դիմաց կախված վարագույրից, այն պատռվել է, տուժողն ընկել է հատակին և ստացել է մարմնական վնասվածքները։ Ինքը տուժողին հողաթափով չի հարվածել։ Ինքը ցանկացել է շտապ օգնություն կանչել, սակայն տուժողը հրաժարվել է։
հատոր 1 Գ. Թ. 6, 30-31, 56, 59-61,
72-76, 114, 129, 151-152
դատաքննության արձանագրություն
Վերլուծելով և գնահատելով դատաքննությամբ ուսումնասիրված ապացույցները, դրանք գնահատելով իրենց ամբողջության մեջ և ներքին համոզմամբ, դատարանը գտնում է, որ ամբաստանյալ Ռիմա Սիմոնյանի պատճառաբանություններն անհիմն են, դրանցով նա նպատակ է հետապնդում խուսափել կատարած հանցանքի համար օրենքով նախատեսված քրեական պատասխանատվությունից և պատժից և հերքվում են հետևյալ ապացույցներով.
Տուժող Ժենյա Սարդարյանը ցուցմունք է տվել և այն առերես պնդել է ամբաստանյալ Ռիմա Սիմոնյանին այն մասին, որ Ռիմա Սիմոնյանը հանդիսանում է իր հանգուցյալ եղբոր` Յուրի Սարդարյանի նախկին կինը։ Նա եղբորից ամուսնալուծվել է 1999 թվականին, նրա հետ իր հարաբերությունները լարված են եղել այն պատճառով, որ Երևանի Գլինկա փողոցի 2ա շենքի 38 համարի 3 սենյականոց բնակարանի մեկ սենյակի նկատմամբ դատարանի վճռով ճանաչվել է Ռիմա Սիմոնյանի սեփականության իրավունքը, ինչպես նաև այն պատճառով, որ առանց իրենց համաձայնության ամբաստանյալն իր սենյակը վարձակալության է տվել տարբեր անձանց, վերջիներս անխնա օգտագործել են ջուրը, ջրի վարձը չեն մուծել, մինչդեռ կոմունալ վճարումները կատարվել են իր կողմից։
2010թ. օգոստոսի 14-ի երեկոյան նշված բնակարանում ինքը խնամել է իր հաշմանդամ և կույր եղբորը, երբ ժամը 21.00-ի սահմաններում բնակարան են եկել ամբաստանյալ Ռիմա Սիմոնյանն ու նրա ընկերուհի Ռոմելա Դանիելյանը, մտել են Ռիմա Սիմոնյանի սենյակ։ Ինքը մոտեցել է ամբաստանյալի սենյակի մուտքի դռանը և հանդիմանել Ռիմա Սիմոնյանին` ջուրն անխնա օգտագործելու և ջրի վարձը չվճարելու համար։ Նշված առիթով իրենց միջև վիճաբանություն է առաջացել։ Ռիմա Սիմոնյանը դուրս է եկել իր սենյակից և իր նկատմամբ դրսևորելով ագրեսիվ վարքագիծ՝ ձեռքով հարվածել իր ճակատին և ձեռքերով հրել է իրեն։ Այդ պատճառով ինքը կորցրել է հավասարակշռութունը և ցանկացել է բռնել սենյակի դռան դիմաց կախված վարագույրից, սակայն ձախ կողքի վրա ընկել է հատակին։ Իր ոտքից դուրս է եկել հողաթափը, ինքն այն շպրտել է Ռիմա Սիմոնյանի ուղղությամբ, իսկ Ռիմա Սիմոնյանը, հողաթափը վերցնելով, դրանով հարվածել է իր ուսին։ Ռիմա Սիմոնյանն իրեն չի օգնել հատակից վեր կենալու հարցում, այլ իր ընկերուհու հետ կանգնել ու նայել են իրեն։ Ինքը գետնին նստել է շուրջ 5 րոպե, վիրավորանքից և հոգեկան ապրումներից ճնշումը բարձրացել է, գնացել է վերևի հարևան Անժելա Գալեչյանի տուն, նրան պատմել է կատարված դեպքի մասին, պատմել, հայտնելով նրան, որ Ռիմա Սիմոնյանը հրել է իրեն, գցել է հատակին, որի հետևանքով ինքը մարմնական վնասվածքներ է ստացել և խնդրել է հայտնել ոստիկանության Էրեբունու բաժնի հեռախոսահամարը։ Անժելա Գալեչյանն իրեն ասել է, որ նշված հեռախոսահամարն ինքը չունի։ Վերադարձել է տուն, դեղորայք է օգտագործել, իր գրառումներում փնտրել և գտել է ոստիկանության Էրեբունու բաժնի հեռախոսահամարը, զանգահարել է ոստիկանություն և դեպքի մասին հայտնել նրանց, ոստիկաններն եկել են իրենց բնակարան, ինքը ոստիկաններին պատմել է դեպքի մասին և ոստիկանության բաժնին հաղորդում է տվել կատարված հանցագործության մասին։
Տուժողը հայտնել է, որ չի հաշտվել ամբաստանյալի հետ, դատարանից խնդրել է ամբաստանյալի նկատմամբ պատիժ կիրառել իրեն դիտավորությամբ մարմնական վնասվածք պատճառելու համար։
հատոր 1, Գ. Թ. 1ա, 16, 19-21, 25,
36-37, 41-44, 57-58, 72-76
Դատաքննության արձանագրություն
Դատաբժշկական փորձաքննության 25.08.2010թ. թիվ 2064 եզրակացության համաձայն` փորձաքննվող Ժենյա Սարդարյանը փորձագետին հայտնել է, որ «իրենց տանը հարևանուհու հետ առաջացել է վիճաբանություն, որի ընթացքում նա ձեռքով հարվածել է իր ճակատին, հրել վայր է գցել ձախ կողքի վրա»։
Փորձագետը եզրակացություն է տվել այն մասին, որ Ժենյա Սարդարյանի մարմնական վնասվածքները` ձախ վերին և ստորին վերջույթների, կոնքի ձախ կեսի շրջանի քերծվածքների, արյունազեղումների, ենթամաշկային արյունահավաքի ձևով, հասցվել են բութ, կոշտ առարկաներով, հնարավոր է` դեպքի օրը և հանգամանքներում, որոնք առաջացել են առողջությանը թեթև վնաս` առողջության կարճատև քայքայումով»։
հատոր 1, Գ. Թ. 14-15
Դատաբժշկական փորձագետ Արսեն Բաբայանը, պարզաբանելով իր կողմից տրված թիվ 2064 եզրակացությունը, նախաքննության ընթացքում ցուցմունք է տվել այն մասին, որ տուժող Ժենյա Սարդարյանին պատճառված մարմնական վնասվածքները, հնարավոր է, որ առաջանային նաև մեկ անգամ հատակին վայր ընկնելու հետևանքով և ամենայն հավանականությամբ` արտաքին լրացուցիչ ուժի ազդեցությունից հետո։
հատոր 1, Գ. Թ. 170
Վկա, Երևան քաղաքի Գլինկա փողոցի 2ա շենքի 43 բնակարանի բնակչուհի Անժելա Գալեչյանը ցուցմունք է տվել այն մասին, որ որպես հարևանների ճանաչում է տուժող Ժենյա Սարդարյանին և ամբաստանյալ Ռիմա Սիմոնյանին։ 2010 թվականի օգոստոսի 14-ին ժամը 22.00-ի սահմաններում իր բնակարանի դուռը թակել են։ Դուռը բացել և տեսել է հարևանուհի Ժենյա Սարդարյանին, որը գտնվում էր հուզված և այլայլված վիճակում։ Ժենյան իրենից խնդրել է հայտնել ոստիկանության Էրեբունու բաժնի հեռախոսահամարը։ Ինքը պատասխանել է, որ հեռախոսահամարը չգիտի, միաժամանակ հետաքրքրվել է Ժենյայից, թե ի՞նչ է պատահել։ Ժենյան իրեն հայտնել է, որ ջրի վարձավճարի հարցի շուրջ վիճաբանել է Ռիմայի հետ, որի ընթացքում Ռիման հարվածել և հրել է իրեն, ինքը վայր է ընկել բնակարանի միջանցքում և իրեն վատ է զգում։ Ժենյա Սարդարյանի գնալուց որոշ ժամանակ անց ինքն իջել է նրանց բնակարան, տեսել է, որ եկել են ոստիկանության աշխատակիցները։ Տեսել է նաև Ռիմային։ Ժենյան իրեն ցույց է տվել իր ստացած մարմնական վնասվածքները։
հատոր 1, Գ. Թ. 84-85
դատաքննության արձանագրություն
2. Դատարանի իրավական վերլուծությունը։
Դատաքննությամբ բազմակողմանի և օբյեկտիվ ստուգելով գործով ձեռք բերված ապացույցները, դրանք միմյանց հետ համադրելով և գնահատելով իրենց վերաբերելիության, թույլատրելիության և իրենց համակցությամբ` գործի լուծման համար բավարարության տեսանկյունից և հիմնված ներքին համոզմամբ, դատարանը գտնում է, որ ամբաստանյալ Ռիմա Գրիգորի Սիմոնյանի մեղքը ՀՀ քրեական օրենսգրքի 117-րդ հոդվածով նախատեսված հանցանքը կատարելու մեջ հիմնավորված է, և նշված հոդվածի սանկցիայով նրա նկատմամբ պետք է քրեական պատիժ կիրառվի։
Մինչև պատիժ նշանակելու հարցին անդրադառնալը դատարանը ապացույցների գնահատման առումով գտնում է հետևյալը.
Նախաքննական մարմինը Ռիմա Սիմոնյանին առաջադրված մեղադրանքը հիմնավորելու հիմքում մեղադրական եզրակացության մեջ որպես ապացույց մատնանշել է գործով որպես վկա հարցաքննված Ռոմելա Դանիելյանի ցուցմունքն այն մասին, որ ինքը տեսել է, թե ինչպես Ռիմա Սիմոնյանը քաշքշել և հրել է տուժող Ժենյա Սարդարյանին և նրան գցել հատակին։
Սակայն Ռիմա Սիմոնյանի հետ առերես հարցաքննության ժամանակ և որպես վկա լրացուցիչ հարցաքննվելիս նա փոխել է իր տված ցուցմունքը, հայտնելով, որ Ռիմա Սիմոնյանը Ժենյա Սարդարյանին չի հարվածել և չի հրել, այլ տուժողն է կորցրել հավասարակշռությունը և ընկել հատակին։
Իր ցուցմունքներում տուժող Ժենյա Սարդարյանը հայտնել է, որ Ռիմա Սիմոնյանի կողմից իրեն հարվածելու և հրելու պահին Ռոմելա Դանիելյանը գտնվել է Ռիմա Սիմոնյանի սենյակում և կատարվածի անմիջական ականատեսը չի հանդիսանում։ Դատաքննությամբ պարզվել է, որ Ռոմելա Դանիելյանը 28.11.2008 թվականից բնակվում է ԼՂՀ «Ստեփանակերտի տուն-ինտերնատ» ՊՈԱԿ-ում, ԼՂՀ «Հոգեթմրաբանական դիսպանսեր» ՓԲԸ-ում գտնվում է հաշվառման մեջ «Շիզոֆրենիա պարանոիդ ձև» ախտորոշմամբ։ Նշված կապակցությամբ նա դատաքննությանը չի մասնակցել, դատական նիստի ընթացքում ցուցմունք չի տվել, նրա հիվանդության ախտորոշման պայմաններում պարզված չէ դեպքի հանգամանքները ընկալելու և ճիշտ վերարտադրելու նրա ունակությունը, հետևաբար դատարանը գտնում է, որ նախաքննության ընթացքում որպես վկա հարցաքննված Ռոմելա Դանիելյանի ցուցմունքները պետք է հանել մեղադրանքի հիմքում դրված ապացույցների շարքից՝ բավարարելով պաշտպանական ճառի ընթացքում ամբաստանյալի պաշտպանի բերած միջնորդությունը։
Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված՝ պատասխանատվությունը և պատիժը մեղմացնող և ծանրացնող հանգամանքները։ Դրանք բնութագրում են հանցավորի անձնավորությունն ու կատարված հանցագործության հանրային վտանգավորության աստիճանը, հնարավորություն են տալիս կոնկրետ գործով անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։
Դատարանը գտնում է, որ կոնկրետ դեպքով ամբաստանյալ Ռիմա Գրիգորի Սիմոնյանի մոտ որպես պատասխանատվությունը և պատիժը ծանրացնող հանգամանք առկա չէ, իսկ պատասխանատվությունը և պատիժը մեղմացնող հանգամանք է հանդիսանում այն, որ նա կին է, նախկինում դատվածություն չունի։
ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ ամբաստանյալ Ռիմա Գրիգորի Սիմոնյանի նկատմամբ անհրաժեշտ է նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։
Գնահատելով վերոշարադրյալը, քրեական գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս դատարանը հանգում է այն հիմնավոր եզրակացությանը, որ ամբաստանյալի նկատմամբ որպես պատիժ անհրաժեշտ է նշանակել տուգանք պատժատեսակ։
Հանցանքը կատարվել է 14.08.2010թ.։
ՀՀ Ազգային ժողովի կողմից 26.05.2011թ. ընդունվել է «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին», որի 15-րդ կետի համաձայն` որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011թվականի մայիսի 1-ը ներառյալ։
Նույն որոշման 1-ին կետի 3-րդ ենթակետի համաձայն` պատժից ենթակա են ազատման այն անձինք, ում նկատմամբ նշանակվել է ազատությունից զրկելու հետ չկապված պատիժ։
Նույն որոշման 13-րդ հոդվածի 1-ին ,,ա,, ենթակետի համաձայն` որոշման կատարումը վերապահված է դատարանին այն անձանց նկատմամբ, ում վերաբերյալ գործերը գտնվում են դատարաններում, սակայն մինչև համաներման մասին ակտի ուժի մեջ մտնելը չեն քննվել կամ կան այն անձանց նկատմամբ, ում վերաբերյալ գործերը քննվել են, բայց դատավճիռներն օրինական ուժի մեջ չեն մտել։
Դատարանը գտնում է, որ համաներման ակտը սույն քրեական գործով ամբաստանյալ Ռիմա Գրիգորի Սիմոնյանի նկատմամբ կիրառելի է, քանի որ բացակայում են որոշման 9-րդ կետի ենթակետերով, 8-րդ կետի 4-րդ և 5-րդ ենթակետերով նախատեսված՝ համաներման ակտի կիրառման սահմանափակումները։
Ամբաստանյալ Ռիմա Գրիգորի Սիմոնյանի նկատմամբ կիրառված խափանման միջոց ստորագրությունը ենթակա է վերացման դատավճիռն օրինական ուժի մեջ մտնելուց հետո։
Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 41, 44, 357-358, 360,365, 368-372, 376, 3761, 379-րդ հոդվածներով և դատական օրենսգրքի 20-րդ հոդվածով, դատարանը
Վ Ճ Ռ Ե Ց
Ամբաստանյալ Ռիմա Գրիգորի Սիմոնյանին մեղավոր ճանաչել ՀՀ քրեական օրենսգրքի 117-րդ հոդվածով նախատեսված հանցանքի կատարման մեջ և նշված հոդվածի սանկցիայով նրա նկատմամբ քրեական պատիժ կիրառել` դատապարտելով նրան տուգանքի նվազագույն աշխատավարձի հարյուրապատիկի չափով` 100.000 /մեկ հարյուր հազար/ ՀՀ դրամ գումարի չափով։
Կիրառել ՀՀ Ազգային ժողովի կողմից ընդունված «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 3-րդ ենթակետը և 13-րդ հոդվածի 1-ին «ա» ենթակետը և ամբաստանյալ Ռիմա Գրիգորի Սիմոնյանին պատժից ազատել։
Մինչև դատավճռի օրինական ուժի մեջ մտնելը ամբաստանյալ Ռիմա Գրիգորի Սիմոնյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ։
Դատավարության մասնակիցների կողմից դատավճիռը կարող է վերաքննության կարգով բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում։
ԴԱՏԱՎՈՐ Վ. Թ. ԳՐԻԳՈՐՅԱՆ
Դատական գործ N: ԵԷԴ/0136/01/11
Էրեբունի և Նուբարաշեն
Նոր քրեական գործ
| Երբ է գործը ստացվել | 26-09-2011 |
|---|---|
| Քրեական գործի համարը | 0136/01/11 |
| Ինչ կարգով է գործը ստացվել | Առաջին անգամ |
| Դատախազություն | Էրեբունի և Նուբարաշեն վարչական շրջանների դատախազություն |
| Նախաքննական գործի համարը | 12106311 |
| Մեղադրական եզրակացության համառոտ բովանդակություն | Ռիմա Սիմոնյանին մեղադրանք է առաջադրվել այն բանի համար, որ նա 14.08.2010թ. իր Երևան քաղաքի Գլինկա փողոցի 2ա շենքի թիվ 38 բնակարանում վիճաբանության մեջ է մտել Ժ. Սարդարյանի հետ, որի ընթացքում դիտավորությամբ հրել է նրան, վայր գցել գետնին, ինչի արդյունքում վերջինիս ստացել է թեթև մարմնական վնասվածք: |
| Մեղադրյալ | |
| Անձ | |
| Անուն | Ռիմա |
| Ազգանուն | Սիմոնյան |
| Հայրանուն | Գրիգորի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Պաշտպան | |
| Անուն | Ինեսա |
| Ազգանուն | Պետրոսյան |
| Հասցե | --------------- |
| Սոցիալական քարտ | --------------- |
| Վիճակագրական տողի համարը | 1.14 |
| Չափահաս | Այո |
Մակագրել
| Երբ | 26-09-2011 |
|---|---|
| Նախագահող դատավոր | |
| Անուն | Վլադիմիր |
| Ազգանուն | Գրիգորյան |
Ընդունվել է վարույթ
| Երբ | 27-09-2011 |
|---|---|
| Որոշումը ուղարկվել է կողմերին | 27-09-2011 |
| Ուղարկվել է հուշաթերթիկ/որոշումը | 27-09-2011 |
Նշանակվել է դատական քննություն
| Երբ | 10-10-2011 |
|---|---|
| Դատավարության կողմեր | Մեղադրյալ |
| Դատավարության կողմեր | |
| Անուն | Ռիմա |
| Ազգանուն | Սիմոնյան |
| Հասցե | --------------- |
| Սեռ | 2 |
| Ժամ | 14:00 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 25-10-2011 |
|---|---|
| Ժամ | 15:00 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 11-11-2011 |
|---|---|
| Ժամ | 15:00 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 22-11-2011 |
|---|---|
| Ժամ | 14:00 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 06-12-2011 |
|---|---|
| Ժամ | 14:00 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 08-12-2011 |
|---|---|
| Ժամ | 10:30 |
| Նիստերի դահլիճի համարը | 1 |
Կայացվել է դատավճիռ
| Ամսաթիվ | 08-12-2011 |
|---|
Մեղադրական
| Մեղադրյալ | |
|---|---|
| Անուն | Ռիմա |
| Ազգանուն | Սիմոնյան |
| Հասցե | --------------- |
| Սեռ | 2 |
| Ամսաթիվ | 08-12-2011 |
| Առավել ծանր հանցագործության հոդված | |
| Առավել ծանր հանցագործության հոդվածով | Դատապարտվել է |
| Հիմնական պատիժ | Տուգանք |
| Ազատվել է պատժի կիրառումից (Հիմքը) | Կիրառվել է ՀՀ Ազգային ժողովի կողմից ընդունված «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 3-րդ ենթակետը և 13-րդ հոդվածի 1-ին «ա» ենթակետը ազատվել է պատժից: |
Դատական ակտ
| Դատական ակտի բովանդակությունը | Գործ թիվ ԵԷԴ/0136/01/11 2011թ. Դ Ա Տ Ա Վ Ճ Ի Ռ Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ. Նախագահող դատավոր Վլադիմիր Գրիգորյան Քարտուղարներ Արմինե Արղամանյան Շուշանիկ Միքայելյան Մասնակցությամբ` Մեղադրողներ Հայկ Մովսիսյան Պավել Գյուլումյան Տուժող Ժենյա Սարդարյան Ամբաստանյալ Ռիմա Սիմոնյան Ամբաստանյալի պաշտպան Սամվել Մարտիրոսյան Թարգմանիչ Վարդուհի Շահինյան 2011թ-ի դեկտեմբերի 08-ին դատարանում. Դռնբաց դատական նիստում քննության առնելով քրեական գործն ըստ մեղադրանքի Ռիմա Գրիգորի Սիմոնյանի ծնված 07.07.1957թ. Բաքու քաղաքում, ազգությունը հայ, ունի փախստականի կարգավիճակ, կրթությունը բարձրագույն, չի աշխատում, չդատված, բնակվում է ք. Երևան, Գլինկա փողոցի 2ա շենքի 38 բնակարանում, խափանման միջոցը` ստորագրություն չհեռանալու մասին։ Մեղադրվում է ՀՀ քրեական օրենսգրքի 117-րդ հոդվածով։ Առաջադրված մեղադրանքում իրեն մեղավոր չի ճանաչել։ 1. Գործի դատավարական նախապատմությունը. Ամբաստանյալ Ռիմա Սիմոնյանը և գործով տուժող Ժենյա Սարդարյանի եղբայր, այժմ հանգուցյալ Յուրա Սարդարյանն ամուսնացել են 1989թ., իսկ 1999թվականին` ամուսնալուծվել։ Երևանի Գլինկա փողոցի 2ա շենքի 38 բնակարանը բաղկացած է 3 սենյակներից։ Դրանից 14,8քմ մակերեսով սենյակի նկատմամբ գրանցված է ամբաստանյալ Ռիմա Սիմոնյանի սեփականության իրավունքը։ Մյուս 2 սենյակները պատկանել են Յուրա Սարդարյանին։ Վերջինս եղել է կույր և հաշմանդամ, նրան խնամել է քույրը` 1935թ. ծնված գործով տուժող Ժենյա Սարդարյանը, ով վճարել է ամբողջ բնակարանի կոմունալ ծախսերը։ Ամբաստանյալ Ռիմա Սիմոնյանը հաճախ իր սենյակը վարձով տվել է տարբեր անձանց, չստանալով տուժողի համաձայնությունը, վարձակալներն անխնա են օգտագործել ջուրը, որի վարձավճարի չափի և մուծման հարցերի կապակցությամբ տուժողի և ամբաստանյալի միջև հաճախակի վիճաբանություններ են ծագել, տուժողը բողոքներ է ներկայացրել իրավասու մարմիններին։ 2010թ. օգոստոսի 14-ին ժամը 18.00-ի սահմաններում նշված բնակարանում տուժող Ժենյա Սարդարյանը խնամել է իր կույր եղբորը։ Նշված բնակարան են եկել ամբաստանյալ Ռիմա Սիմոնյանը և վերջինիս ծանոթ, ԼՂՀ «Ստեփանակերտի տուն-ինտերնատ» ՊՈԱԿ բնակչուհի Ռոմելա Դանիելյանը։ Տուժող Ժենյա Սարդարյանը պահանջել է, որպեսզի ամբաստանյալ Ռիմա Սիմոնյանը մուծի անխնա օգտագործված ջրի վարձի գումարը։ Նշված հարցի առիթով տուժողի և ամբաստանյալի միջև ամբաստանյալ Ռիմա Սիմոնյանի սենյակի մուտքի դռան մոտ հերթական վիճաբանություն է տեղի ունեցել, որի ընթացքում ամբաստանյալ Ռիմա Սիմոնյանը ձեռքով դիտավորությամբ հարվածել է տուժող Ժենյա Սարդարյանի ճակատին և ձեռքերով դիտավորությամբ նրան հրել է մի կողմ, որի հետևանքով տուժողը կորցրել է հավասարակշռությունը և ընկել է հատակին։ Ամբաստանյալ Ռիմա Սիմոնյանը վերցրել է տուժողի ոտքից դուրս եկած հողաթափը և դրանով հարվածներ է հասցրել տուժող Ժենյա Սարդարյանի ուսին։ Վերոնշվածի հետևանքով տուժողն ստացել է մարմնական վնասվածքներ ձախ վերին և ստորին վերջույթների, կոնքի ձախ կեսի քերծվածքների և արյունազեղումների, ենթամաշկային արյունահավաքի ձևով, որոնք դասվում են առողջությանը պատճառված թեթև վնասի շարքին` առողջության կարճատև քայքայումով։ 14.08.2010թ. Ժենյա Սարդարյանը դեպքի առթիվ հայտարարություն է տվել ՀՀ ոստիկանության Էրեբունու բաժին։ Փաստի առթիվ 23.02.2011թ. ՀՀ ոստիկանության ՔԳՎ Էրեբունու քննչական բաժնի կողմից ՀՀ քրեական օրենսգրքի 117-րդ հոդվածի հատկանիշներով հարուցվել է թիվ 12106311 քրեական գործը և նախաքննություն է կատարվել։ 28.07.2011թ. որոշում է կայացվել Ռիմա Գրիգորի Սիմոնյանին որպես մեղադրյալ ներգրավելու մասին, նրան մեղարանք է առաջադրվել ՀՀ քրեական օրենսգրքի 117-րդ հոդվածով այն բանի համար, որ նա 2010թ. օգոստոսի 14-ին իր Երևանի Գլինկա փողոցի 2ա շենքի 38 բնակարանում ժամը 21.00-ի սահմաններում կենցաղային հարցերի շուրջ վիճաբանության մեջ է մտել հարևան Ժենյա Սարդարյանի հետ, որի ընթացքում դիտավորությամբ հրել է նրան, վայր գցել գետնին և հողաթափով հարվածել է նրա ուսին, որի հետևանքով Ժենյա Սարդարյանն ստացել է առողջությունը կարճատև քայքայող թեթև մարմնական վնասվածքներ` ձախ վերին և ստորին վերջույթների, կոնքի ձախ կեսի շրջանի քերծվածքների, արյունազեղումների, ենթամաշկային արյունահավաքի ձևով։ Նախաքննության և դատաքննության ընթացքում տուժողը չի հաշտվել ամբաստանյալի հետ, իսկ ամբաստանյալն առարկել է իր նկատմամբ ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հատարարելու մասին» 26.05.2011թ. որոշումը կիրառելու դեմ։ Մեղադրական եզրակացությունը հաստատվել է 22.09.2011թ.։ Քրեական գործը Երևանի Էրեբունի և Նուբարաշեն վարչական շրջանների դատարան մուտք է եղել 26.09.2011թ.։ 2. Դատարանի իրավական վերլուծությունը. ՀՀ քրեական օրենսգրքի 117-րդ հոդվածով առաջադրված մեղադրանքում ամբաստանյալ Ռիմա Սիմոնյանն իրեն մեղավոր չի ճանաչել, պատճառաբանելով, որ տուժողն իրեն զրպարտում է, ինքը տուժող Ժենյա Սարդարյանին չի մոտեցել, չի հրել, չի հարվածել և նրան մարմնական վնասվածք չի պատճառել։ Ամբաստանյալ Ռիմա Սիմոնյանը հայտնել է, որ իր և տուժողի փոխհարաբերությունները լարված են։ Երևանի Գլինկա փողոցի 2ա շենքի 38 համարի երեք սենյականոց բնակարանի սենյակներից մեկն իրեն է պատկանում սեփականության իրավունքով։ 14.08.2011թ. ժամը 21.00-ի սահմաններում իր սենյակում են գտնվել ինքը և ընկերուհին` Ռոմելա Դանիելյանը։ Տուժող Ժենյա Սարդարյանը մոտեցել է իր սենյակի մուտքի դռանը և վիճաբանել է իր հետ՝ ծախսած ջրի քանակի և դրա արժեքի վճարման հարցերի շուրջ և իր հասցեին կատարել է վիրավորական արտահայտություններ։ Ինքը, սակայն, տուժողին չի հարվածել և չի հրել, այդ կապակցությամբ տուժողի տված ցուցմունքներն իրականությանը չեն համապատասխանում, քանի որ տուժող Ժենյա Սարդարյանն է կանգնած ժամանակ կորցրել իր հավասարակշռությունը, բռնել է իր դռան դիմաց կախված վարագույրից, այն պատռվել է, տուժողն ընկել է հատակին և ստացել է մարմնական վնասվածքները։ Ինքը տուժողին հողաթափով չի հարվածել։ Ինքը ցանկացել է շտապ օգնություն կանչել, սակայն տուժողը հրաժարվել է։ հատոր 1 Գ. Թ. 6, 30-31, 56, 59-61, 72-76, 114, 129, 151-152 դատաքննության արձանագրություն Վերլուծելով և գնահատելով դատաքննությամբ ուսումնասիրված ապացույցները, դրանք գնահատելով իրենց ամբողջության մեջ և ներքին համոզմամբ, դատարանը գտնում է, որ ամբաստանյալ Ռիմա Սիմոնյանի պատճառաբանություններն անհիմն են, դրանցով նա նպատակ է հետապնդում խուսափել կատարած հանցանքի համար օրենքով նախատեսված քրեական պատասխանատվությունից և պատժից և հերքվում են հետևյալ ապացույցներով. Տուժող Ժենյա Սարդարյանը ցուցմունք է տվել և այն առերես պնդել է ամբաստանյալ Ռիմա Սիմոնյանին այն մասին, որ Ռիմա Սիմոնյանը հանդիսանում է իր հանգուցյալ եղբոր` Յուրի Սարդարյանի նախկին կինը։ Նա եղբորից ամուսնալուծվել է 1999 թվականին, նրա հետ իր հարաբերությունները լարված են եղել այն պատճառով, որ Երևանի Գլինկա փողոցի 2ա շենքի 38 համարի 3 սենյականոց բնակարանի մեկ սենյակի նկատմամբ դատարանի վճռով ճանաչվել է Ռիմա Սիմոնյանի սեփականության իրավունքը, ինչպես նաև այն պատճառով, որ առանց իրենց համաձայնության ամբաստանյալն իր սենյակը վարձակալության է տվել տարբեր անձանց, վերջիներս անխնա օգտագործել են ջուրը, ջրի վարձը չեն մուծել, մինչդեռ կոմունալ վճարումները կատարվել են իր կողմից։ 2010թ. օգոստոսի 14-ի երեկոյան նշված բնակարանում ինքը խնամել է իր հաշմանդամ և կույր եղբորը, երբ ժամը 21.00-ի սահմաններում բնակարան են եկել ամբաստանյալ Ռիմա Սիմոնյանն ու նրա ընկերուհի Ռոմելա Դանիելյանը, մտել են Ռիմա Սիմոնյանի սենյակ։ Ինքը մոտեցել է ամբաստանյալի սենյակի մուտքի դռանը և հանդիմանել Ռիմա Սիմոնյանին` ջուրն անխնա օգտագործելու և ջրի վարձը չվճարելու համար։ Նշված առիթով իրենց միջև վիճաբանություն է առաջացել։ Ռիմա Սիմոնյանը դուրս է եկել իր սենյակից և իր նկատմամբ դրսևորելով ագրեսիվ վարքագիծ՝ ձեռքով հարվածել իր ճակատին և ձեռքերով հրել է իրեն։ Այդ պատճառով ինքը կորցրել է հավասարակշռութունը և ցանկացել է բռնել սենյակի դռան դիմաց կախված վարագույրից, սակայն ձախ կողքի վրա ընկել է հատակին։ Իր ոտքից դուրս է եկել հողաթափը, ինքն այն շպրտել է Ռիմա Սիմոնյանի ուղղությամբ, իսկ Ռիմա Սիմոնյանը, հողաթափը վերցնելով, դրանով հարվածել է իր ուսին։ Ռիմա Սիմոնյանն իրեն չի օգնել հատակից վեր կենալու հարցում, այլ իր ընկերուհու հետ կանգնել ու նայել են իրեն։ Ինքը գետնին նստել է շուրջ 5 րոպե, վիրավորանքից և հոգեկան ապրումներից ճնշումը բարձրացել է, գնացել է վերևի հարևան Անժելա Գալեչյանի տուն, նրան պատմել է կատարված դեպքի մասին, պատմել, հայտնելով նրան, որ Ռիմա Սիմոնյանը հրել է իրեն, գցել է հատակին, որի հետևանքով ինքը մարմնական վնասվածքներ է ստացել և խնդրել է հայտնել ոստիկանության Էրեբունու բաժնի հեռախոսահամարը։ Անժելա Գալեչյանն իրեն ասել է, որ նշված հեռախոսահամարն ինքը չունի։ Վերադարձել է տուն, դեղորայք է օգտագործել, իր գրառումներում փնտրել և գտել է ոստիկանության Էրեբունու բաժնի հեռախոսահամարը, զանգահարել է ոստիկանություն և դեպքի մասին հայտնել նրանց, ոստիկաններն եկել են իրենց բնակարան, ինքը ոստիկաններին պատմել է դեպքի մասին և ոստիկանության բաժնին հաղորդում է տվել կատարված հանցագործության մասին։ Տուժողը հայտնել է, որ չի հաշտվել ամբաստանյալի հետ, դատարանից խնդրել է ամբաստանյալի նկատմամբ պատիժ կիրառել իրեն դիտավորությամբ մարմնական վնասվածք պատճառելու համար։ հատոր 1, Գ. Թ. 1ա, 16, 19-21, 25, 36-37, 41-44, 57-58, 72-76 Դատաքննության արձանագրություն Դատաբժշկական փորձաքննության 25.08.2010թ. թիվ 2064 եզրակացության համաձայն` փորձաքննվող Ժենյա Սարդարյանը փորձագետին հայտնել է, որ «իրենց տանը հարևանուհու հետ առաջացել է վիճաբանություն, որի ընթացքում նա ձեռքով հարվածել է իր ճակատին, հրել վայր է գցել ձախ կողքի վրա»։ Փորձագետը եզրակացություն է տվել այն մասին, որ Ժենյա Սարդարյանի մարմնական վնասվածքները` ձախ վերին և ստորին վերջույթների, կոնքի ձախ կեսի շրջանի քերծվածքների, արյունազեղումների, ենթամաշկային արյունահավաքի ձևով, հասցվել են բութ, կոշտ առարկաներով, հնարավոր է` դեպքի օրը և հանգամանքներում, որոնք առաջացել են առողջությանը թեթև վնաս` առողջության կարճատև քայքայումով»։ հատոր 1, Գ. Թ. 14-15 Դատաբժշկական փորձագետ Արսեն Բաբայանը, պարզաբանելով իր կողմից տրված թիվ 2064 եզրակացությունը, նախաքննության ընթացքում ցուցմունք է տվել այն մասին, որ տուժող Ժենյա Սարդարյանին պատճառված մարմնական վնասվածքները, հնարավոր է, որ առաջանային նաև մեկ անգամ հատակին վայր ընկնելու հետևանքով և ամենայն հավանականությամբ` արտաքին լրացուցիչ ուժի ազդեցությունից հետո։ հատոր 1, Գ. Թ. 170 Վկա, Երևան քաղաքի Գլինկա փողոցի 2ա շենքի 43 բնակարանի բնակչուհի Անժելա Գալեչյանը ցուցմունք է տվել այն մասին, որ որպես հարևանների ճանաչում է տուժող Ժենյա Սարդարյանին և ամբաստանյալ Ռիմա Սիմոնյանին։ 2010 թվականի օգոստոսի 14-ին ժամը 22.00-ի սահմաններում իր բնակարանի դուռը թակել են։ Դուռը բացել և տեսել է հարևանուհի Ժենյա Սարդարյանին, որը գտնվում էր հուզված և այլայլված վիճակում։ Ժենյան իրենից խնդրել է հայտնել ոստիկանության Էրեբունու բաժնի հեռախոսահամարը։ Ինքը պատասխանել է, որ հեռախոսահամարը չգիտի, միաժամանակ հետաքրքրվել է Ժենյայից, թե ի՞նչ է պատահել։ Ժենյան իրեն հայտնել է, որ ջրի վարձավճարի հարցի շուրջ վիճաբանել է Ռիմայի հետ, որի ընթացքում Ռիման հարվածել և հրել է իրեն, ինքը վայր է ընկել բնակարանի միջանցքում և իրեն վատ է զգում։ Ժենյա Սարդարյանի գնալուց որոշ ժամանակ անց ինքն իջել է նրանց բնակարան, տեսել է, որ եկել են ոստիկանության աշխատակիցները։ Տեսել է նաև Ռիմային։ Ժենյան իրեն ցույց է տվել իր ստացած մարմնական վնասվածքները։ հատոր 1, Գ. Թ. 84-85 դատաքննության արձանագրություն 2. Դատարանի իրավական վերլուծությունը։ Դատաքննությամբ բազմակողմանի և օբյեկտիվ ստուգելով գործով ձեռք բերված ապացույցները, դրանք միմյանց հետ համադրելով և գնահատելով իրենց վերաբերելիության, թույլատրելիության և իրենց համակցությամբ` գործի լուծման համար բավարարության տեսանկյունից և հիմնված ներքին համոզմամբ, դատարանը գտնում է, որ ամբաստանյալ Ռիմա Գրիգորի Սիմոնյանի մեղքը ՀՀ քրեական օրենսգրքի 117-րդ հոդվածով նախատեսված հանցանքը կատարելու մեջ հիմնավորված է, և նշված հոդվածի սանկցիայով նրա նկատմամբ պետք է քրեական պատիժ կիրառվի։ Մինչև պատիժ նշանակելու հարցին անդրադառնալը դատարանը ապացույցների գնահատման առումով գտնում է հետևյալը. Նախաքննական մարմինը Ռիմա Սիմոնյանին առաջադրված մեղադրանքը հիմնավորելու հիմքում մեղադրական եզրակացության մեջ որպես ապացույց մատնանշել է գործով որպես վկա հարցաքննված Ռոմելա Դանիելյանի ցուցմունքն այն մասին, որ ինքը տեսել է, թե ինչպես Ռիմա Սիմոնյանը քաշքշել և հրել է տուժող Ժենյա Սարդարյանին և նրան գցել հատակին։ Սակայն Ռիմա Սիմոնյանի հետ առերես հարցաքննության ժամանակ և որպես վկա լրացուցիչ հարցաքննվելիս նա փոխել է իր տված ցուցմունքը, հայտնելով, որ Ռիմա Սիմոնյանը Ժենյա Սարդարյանին չի հարվածել և չի հրել, այլ տուժողն է կորցրել հավասարակշռությունը և ընկել հատակին։ Իր ցուցմունքներում տուժող Ժենյա Սարդարյանը հայտնել է, որ Ռիմա Սիմոնյանի կողմից իրեն հարվածելու և հրելու պահին Ռոմելա Դանիելյանը գտնվել է Ռիմա Սիմոնյանի սենյակում և կատարվածի անմիջական ականատեսը չի հանդիսանում։ Դատաքննությամբ պարզվել է, որ Ռոմելա Դանիելյանը 28.11.2008 թվականից բնակվում է ԼՂՀ «Ստեփանակերտի տուն-ինտերնատ» ՊՈԱԿ-ում, ԼՂՀ «Հոգեթմրաբանական դիսպանսեր» ՓԲԸ-ում գտնվում է հաշվառման մեջ «Շիզոֆրենիա պարանոիդ ձև» ախտորոշմամբ։ Նշված կապակցությամբ նա դատաքննությանը չի մասնակցել, դատական նիստի ընթացքում ցուցմունք չի տվել, նրա հիվանդության ախտորոշման պայմաններում պարզված չէ դեպքի հանգամանքները ընկալելու և ճիշտ վերարտադրելու նրա ունակությունը, հետևաբար դատարանը գտնում է, որ նախաքննության ընթացքում որպես վկա հարցաքննված Ռոմելա Դանիելյանի ցուցմունքները պետք է հանել մեղադրանքի հիմքում դրված ապացույցների շարքից՝ բավարարելով պաշտպանական ճառի ընթացքում ամբաստանյալի պաշտպանի բերած միջնորդությունը։ Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված՝ պատասխանատվությունը և պատիժը մեղմացնող և ծանրացնող հանգամանքները։ Դրանք բնութագրում են հանցավորի անձնավորությունն ու կատարված հանցագործության հանրային վտանգավորության աստիճանը, հնարավորություն են տալիս կոնկրետ գործով անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։ Դատարանը գտնում է, որ կոնկրետ դեպքով ամբաստանյալ Ռիմա Գրիգորի Սիմոնյանի մոտ որպես պատասխանատվությունը և պատիժը ծանրացնող հանգամանք առկա չէ, իսկ պատասխանատվությունը և պատիժը մեղմացնող հանգամանք է հանդիսանում այն, որ նա կին է, նախկինում դատվածություն չունի։ ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ ամբաստանյալ Ռիմա Գրիգորի Սիմոնյանի նկատմամբ անհրաժեշտ է նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։ Գնահատելով վերոշարադրյալը, քրեական գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս դատարանը հանգում է այն հիմնավոր եզրակացությանը, որ ամբաստանյալի նկատմամբ որպես պատիժ անհրաժեշտ է նշանակել տուգանք պատժատեսակ։ Հանցանքը կատարվել է 14.08.2010թ.։ ՀՀ Ազգային ժողովի կողմից 26.05.2011թ. ընդունվել է «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին», որի 15-րդ կետի համաձայն` որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011թվականի մայիսի 1-ը ներառյալ։ Նույն որոշման 1-ին կետի 3-րդ ենթակետի համաձայն` պատժից ենթակա են ազատման այն անձինք, ում նկատմամբ նշանակվել է ազատությունից զրկելու հետ չկապված պատիժ։ Նույն որոշման 13-րդ հոդվածի 1-ին ,,ա,, ենթակետի համաձայն` որոշման կատարումը վերապահված է դատարանին այն անձանց նկատմամբ, ում վերաբերյալ գործերը գտնվում են դատարաններում, սակայն մինչև համաներման մասին ակտի ուժի մեջ մտնելը չեն քննվել կամ կան այն անձանց նկատմամբ, ում վերաբերյալ գործերը քննվել են, բայց դատավճիռներն օրինական ուժի մեջ չեն մտել։ Դատարանը գտնում է, որ համաներման ակտը սույն քրեական գործով ամբաստանյալ Ռիմա Գրիգորի Սիմոնյանի նկատմամբ կիրառելի է, քանի որ բացակայում են որոշման 9-րդ կետի ենթակետերով, 8-րդ կետի 4-րդ և 5-րդ ենթակետերով նախատեսված՝ համաներման ակտի կիրառման սահմանափակումները։ Ամբաստանյալ Ռիմա Գրիգորի Սիմոնյանի նկատմամբ կիրառված խափանման միջոց ստորագրությունը ենթակա է վերացման դատավճիռն օրինական ուժի մեջ մտնելուց հետո։ Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 41, 44, 357-358, 360,365, 368-372, 376, 3761, 379-րդ հոդվածներով և դատական օրենսգրքի 20-րդ հոդվածով, դատարանը Վ Ճ Ռ Ե Ց Ամբաստանյալ Ռիմա Գրիգորի Սիմոնյանին մեղավոր ճանաչել ՀՀ քրեական օրենսգրքի 117-րդ հոդվածով նախատեսված հանցանքի կատարման մեջ և նշված հոդվածի սանկցիայով նրա նկատմամբ քրեական պատիժ կիրառել` դատապարտելով նրան տուգանքի նվազագույն աշխատավարձի հարյուրապատիկի չափով` 100.000 /մեկ հարյուր հազար/ ՀՀ դրամ գումարի չափով։ Կիրառել ՀՀ Ազգային ժողովի կողմից ընդունված «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 3-րդ ենթակետը և 13-րդ հոդվածի 1-ին «ա» ենթակետը և ամբաստանյալ Ռիմա Գրիգորի Սիմոնյանին պատժից ազատել։ Մինչև դատավճռի օրինական ուժի մեջ մտնելը ամբաստանյալ Ռիմա Գրիգորի Սիմոնյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ։ Դատավարության մասնակիցների կողմից դատավճիռը կարող է վերաքննության կարգով բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում։ ԴԱՏԱՎՈՐ Վ. Թ. ԳՐԻԳՈՐՅԱՆ |
|---|---|
| Դատական ակտի ամսաթիվը | 08-12-2011 |
Կիրառվել է համաներում
| Ամսաթիվ | 08-12-2011 |
|---|---|
| Որոշման բովանդակությունը | տես 08.12.2011թ. ԵԷԴ/0136/01/11 դատավճիռը |
| Համաներման մասին որոշման ընդունման ամսաթիվ | 26-05-2011 |
| Համաներման մասին որոշման հոդված | 1-ին, 13-րդ |
| Համաներման մասին որոշման մաս | 3-րդ, 1ա |
| Հոդված |
Գործը հանձնվել է գրասենյակ
| Գործը հանձնվել է գրասենյակ | 11-01-2012 |
|---|---|
| Էջերի քանակ | 1-ին հատորը՝ 224 թերթից, 2-րդ հատորը՝ 170 թերթից։ |
Գործն ուղարկվել է
| Գործը ուղարկվել է | 16-01-2012 |
|---|---|
| Էջերի քանակը | 1-224 և 2-170 թերթերից |
| ՈՒր(դատարան) | Քրեական վերաքննիչ |
| Ելքի գրության համարը | Ե-303/12 |
Գործը բողոքարկվել է
| Ամսաթիվ | 18-01-2012 |
|---|
Գործը ստացվել է (կատարումն ապահովելու համար, և ... )
| Ամսաթիվ | 18-05-2012 |
|---|
Գործն ուղարկվել է
| Գործը ուղարկվել է | 18-05-2012 |
|---|---|
| Էջերի քանակը | 1-224 և 2-303 թերթերից |
| ՈՒր(դատարան) | Վճռաբեկ |
| Ելքի գրության համարը | Ե-6379/12 |
Գործը բողոքարկվել է
| Ամսաթիվ | 24-05-2012 |
|---|
Գործը ստացվել է (կատարումն ապահովելու համար, և ... )
| Ամսաթիվ | 14-06-2012 |
|---|
Դատավճռի, որոշման կատարում
| Ամսաթիվ | 15-06-2012 |
|---|
Գործը հանձնվել է գրասենյակ
| Գործը հանձնվել է գրասենյակ | 15-06-2012 |
|---|---|
| Էջերի քանակ | 1-ին հատորը՝ 224 թերթից, 2-րդ հատորը՝ 318 թերթից։ |
Գործը հանձնվել է դատարանի արխիվ
| Ամսաթիվ | 19-06-2012 |
|---|---|
| Էջերի քանակը | 1-ին հատորը՝ 224 թերթից, 2-րդ հատորը՝ 318 թերթից։ |
Դատական գործ N: ԵԷԴ/0136/01/11
Քրեական վերաքննիչ
Ստացվել է վերաքննիչ բողոք
| Ամսաթիվ | 30-12-2011 |
|---|---|
| Ամսաթիվ | 28-12-2011 |
| Ում կողմից է բերվել բողոքը | Ամբաստանյալ |
| Բողոքը բերող անձը | |
| Անուն | Ռիմա |
| Ազգանուն | Սիմոնյան |
| Հասցե | --------------- |
| Սեռ | 0 |
| Բողոքի բովանդակությունը | Ռիմա Սիմոնյան Բեկանել Երևանի Էրեբունի և Նուբարաշեն վարչական շրջանների ընդհանուր իրավասության դատարանի` Ռիմա Գրիգորի Սիմոնյանի /ՀՀ քր. օր-ի 117 հոդվածով - տուգանք` 100.000 ՀՀ դրամի չափով , <<ՀՀ անկախության հռչակման 20-րդ տարեդարձի կապակցությամբ համաներում հայտարարելու մասին >> ՀՀ ԱԺ. 26.05.2011թ. որոշման 1-ին կետի 3-րդ ենթակետի և 13 հոդ. 1-ին <<ա>> ենթակետի կիրառմամբ ազատվել է պատժից / վերաբերյալ 08.12.2011թ. դատավճիռը` իրեն մեղավոր չճանաչելու պատճառով : |
| Բողոքի ստացման կարգը | Հանձնվել է փոստին |
| Չափահաս | Այո |
Մակագրել
| Ամսաթիվ | 12-01-2012 |
|---|---|
| Նախագահող դատավոր | |
| Անուն | Սերգեյ |
| Ազգանուն | Չիչոյան |
Քրեական գործի մուտքագրում
| Ամսաթիվ | 18-01-2012 |
|---|---|
| Կից փաստաթղթեր և իրեղեն ապացույց | ամբաստանյալի վիճակագրական քարտը |
Ընդունվել է վարույթ
| Ամսաթիվ | 19-01-2012 |
|---|
Նշանակվել է դատական քննություն
| Երբ | 01-02-2012 |
|---|---|
| Ուղարկվել է ծանուցագիր | 19-01-2012 |
| Ժամ | 11:00 |
| Նիստերի դահլիճի համարը | 2 |
| Նիստը | Կայացվել է |
Նշանակվել է դատական քննություն
| Երբ | 15-02-2012 |
|---|---|
| Ուղարկվել է ծանուցագիր | 01-02-2012 |
| Ժամ | 11:00 |
| Նիստերի դահլիճի համարը | 2 |
| Նիստը | Կայացվել է |
Նշանակվել է դատական քննություն
| Երբ | 01-03-2012 |
|---|---|
| Ժամ | 12:00 |
| Նիստերի դահլիճի համարը | 2 |
| Նիստը | Կայացվել է |
Նշանակվել է դատական քննություն
| Երբ | 14-03-2012 |
|---|---|
| Ժամ | 12:00 |
| Նիստերի դահլիճի համարը | 2 |
| Նիստը | Կայացվել է |
Նշանակվել է դատական քննություն
| Երբ | 28-03-2012 |
|---|---|
| Ժամ | 14:00 |
| Նիստերի դահլիճի համարը | 2 |
| Նիստը | Կայացվել է |
Վերաքննիչ բողոքը մերժվել է և ստորադաս դատարանի դատական ակտը թողնվել է անփոփոխ
| Անփոփոխ թողնված դատական ակտը | Պատճառաբանվել է |
|---|---|
| Ամսաթիվ | 28-03-2012 |
| Ամբաստանյալ | |
| Անուն | Ռիմա |
| Ազգանուն | Սիմոնյան |
| Հասցե | --------------- |
| Սեռ | 2 |
| Քր. դատ. օր. հոդված | |
| Քր. դատ. օր. հոդված | |
| Քր.օր. հոդված |
Դատական ակտ
| Դատական ակտ | Գործ ԵԷԴ/0136/01/11 Ո Ր Ո Շ Ո Ւ Մ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 28 մարտի 2012թ. ք.Երևան ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ ՆԱԽԱԳԱՀՈՂ ԴԱՏԱՎՈՐ Ս. ՉԻՉՈՅԱՆ ԴԱՏԱՎՈՐՆԵՐ Ե. ԴԱՐԲԻՆՅԱՆ Գ. ԱՎԵՏԻՍՅԱՆ ՔԱՐՏՈՒՂԱՐՈՒԹՅԱՄԲ Տ. ՀԱԿՈԲՅԱՆԻ ՄԱՍՆԱԿՑՈՒԹՅԱՄԲ ՄԵՂԱԴՐՈՂ Հ. ՄՈՎՍԵՍՅԱՆԻ ՊԱՇՏՊԱՆ Գ. ՄԱԼԽԱՍՅԱՆԻ ՏՈՒԺՈՂ Ժ. ՍԱՐԴԱՐՅԱՆԻ ԹԱՐԳՄԱՆԻՉ Վ. ՇԱՀԻՆՅԱՆԻ դռնբաց դատական նիստում, վճռաբեկ վարույթի կանոններով, քննության առնելով ամբաստանյալ Ռիմա Սիմոնյանի վերաքննիչ բողոքը` Ռիմա Գրիգորի Սիմոնյանի վերաբերյալ ՀՀ քրեական օրենսգրքի 117-րդ հոդվածով Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճռի դեմ Պ Ա Ր Զ Ե Ց 1. Գործի դատավարական նախապատմությունը. 2011 թվականի փետրվարի 23-ին ՀՀ ոստիկանության ՔԳՎ Երևան քաղաքի քննչական վարչության Էրեբունու քննչական բաժնում ՀՀ քրեական օրենսգրքի 117-րդ հոդվածով հարուցվել է թիվ 12106311 քրեական գործը` Ռիմա Գրիգորի Սիմոնյանի կողմից Ժենյա Արտյոմի Սարդարյանին մարմնական վնասվածք պատճառելու դեպքի առթիվ: 2011 թվականի հունիսի 24-ին Ռիմա Գրիգորի Սիմոնյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 117-րդ հոդվածով, որպես խափանման միջոց կիրառվել է ստորագրություն չհեռանալու մասին: 2011 թվականի սեպտեմբերի 22-ին Երևան քաղաքի Էրեբունի և Նուբարաշեն վարչական շրջանների դատախազի կողմից քրեական գործն ըստ մեղադրանքի` Ռիմա Գրիգորի Սիմոնյանի` ՀՀ քրեական օրենսգրքի 117-րդ հոդվածով մեղադրական եզրակացությամբ ուղարկվել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան` ըստ էության քննության առնելու համար: Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճռով ամբաստանյալ Ռիմա Գրիգորի Սիմոնյանը մեղավոր է ճանաչվել ՀՀ քրեական օրենսգրքի 117-րդ հոդվածով նախատեսված հանցանքի կատարման մեջ և դատապարտվել տուգանքի նվազագույն աշխատավարձի հարյուրապատիկի չափով` 100.000 /մեկ հարյուր հազար/ ՀՀ դրամ գումարի չափով։ Կիրառվել է ՀՀ Ազգային ժողովի կողմից ընդունված <<Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին>> 26.05.2011թ. որոշման 1-ին կետի 3-րդ ենթակետը և 13-րդ հոդվածի 1-ին <<ա>> ենթակետը և ամբաստանյալ Ռիմա Գրիգորի Սիմոնյանը պատժից ազատվել է։ Մինչև դատավճռի օրինական ուժի մեջ մտնելն ամբաստանյալ Ռիմա Գրիգորի Սիմոնյանի նկատմամբ որպես խափանման միջոց կիրառված չհեռանալու մասին ստորագրությունը թողնվել է անփոփոխ։ Դատավճռի դեմ վերաքննիչ բողոք է բերել ամբաստանյալ Ռիմա Սիմոնյանը: Քրեական գործը ՀՀ վերաքննիչ քրեական դատարան մուտք է եղել 2012 թվականի հունվարի 18-ին: ՀՀ վերաքննիչ քրեական դատարանի 2012 թվականի հունվարի 19-ի որոշմամբ վերաքննիչ բողոքն ընդունվել է վարույթ և քրեական գործը նշանակվել է քննության վճռաբեկ դատարանում գործերի քննության համար սահմանված կանոններով: Վերաքննիչ բողոքի դեմ գրավոր պատասխան է ստացվել տուժող Ժենյա Սարդարյանից: 2. Գործի փաստական հանգամանքները. Ռիմա Գրիգորի Սիմոնյանը դատապարտվել է հետևյալ արարքի համար. Ամբաստանյալ Ռիմա Սիմոնյանը և գործով տուժող Ժենյա Սարդարյանի եղբայր, այժմ հանգուցյալ Յուրա Սարդարյանն ամուսնացել են 1989 թվականին, իսկ 1999 թվականին` ամուսնալուծվել։ Երևանի Գլինկա փողոցի 2ա շենքի 38 բնակարանը բաղկացած է 3 սենյակներից։ Դրանից 14,8քմ մակերեսով սենյակի նկատմամբ գրանցված է ամբաստանյալ Ռիմա Սիմոնյանի սեփականության իրավունքը։ Մյուս 2 սենյակները պատկանել են Յուրա Սարդարյանին։ Վերջինս եղել է կույր և հաշմանդամ, նրան խնամել է քույրը` 1935թ. ծնված գործով տուժող Ժենյա Սարդարյանը, ով վճարել է ամբողջ բնակարանի կոմունալ ծախսերը։ Ամբաստանյալ Ռիմա Սիմոնյանը հաճախ իր սենյակը վարձով տվել է տարբեր անձանց, չստանալով տուժողի համաձայնությունը, վարձակալներն անխնա են օգտագործել ջուրը, որի վարձավճարի չափի և մուծման հարցերի կապակցությամբ տուժողի և ամբաստանյալի միջև հաճախակի վիճաբանություններ են ծագել, տուժողը բողոքներ է ներկայացրել իրավասու մարմիններին։ 2010 թվականի օգոստոսի 14-ին, ժամը 1800-ի սահմաններում նշված բնակարանում տուժող Ժենյա Սարդարյանը խնամել է իր կույր եղբորը։ Նշված բնակարան են եկել ամբաստանյալ Ռիմա Սիմոնյանը և վերջինիս ծանոթ, ԼՂՀ <<Ստեփանակերտի տուն-ինտերնատ>> ՊՈԱԿ բնակչուհի Ռոմելա Դանիելյանը։ Տուժող Ժենյա Սարդարյանը պահանջել է, որպեսզի ամբաստանյալ Ռիմա Սիմոնյանը մուծի անխնա օգտագործված ջրի վարձի գումարը։ Նշված հարցի առիթով տուժողի և ամբաստանյալի միջև ամբաստանյալ Ռիմա Սիմոնյանի սենյակի մուտքի դռան մոտ հերթական վիճաբանություն է տեղի ունեցել, որի ընթացքում ամբաստանյալ Ռիմա Սիմոնյանը ձեռքով դիտավորությամբ հարվածել է տուժող Ժենյա Սարդարյանի ճակատին և ձեռքերով դիտավորությամբ նրան հրել է մի կողմ, որի հետևանքով տուժողը կորցրել է հավասարակշռությունը և ընկել է հատակին։ Ամբաստանյալ Ռիմա Սիմոնյանը վերցրել է տուժողի ոտքից դուրս եկած հողաթափը և դրանով հարվածներ է հասցրել տուժող Ժենյա Սարդարյանի ուսին։ Վերոնշվածի հետևանքով տուժողն ստացել է մարմնական վնասվածքներ` ձախ վերին և ստորին վերջույթների, կոնքի ձախ կեսի քերծվածքների և արյունազեղումների, ենթամաշկային արյունահավաքի ձևով, որոնք դասվում են առողջությանը պատճառված թեթև վնասի շարքին` առողջության կարճատև քայքայումով։ 3. Վերաքննիչ բողոքի հիմքերը, փաստարկները և պահանջը. Վերաքննիչ բողոքը քննվում է հետևյալ հիմքերի սահմաններում ներքոհիշյալ հիմնավորումներով: Ամբաստանյալ Ռիմա Սիմոնյանը վերաքննիչ բողոքում նշել է, որ գործով միակ ականատես վկան հանդիսանում է ԼՂՀ <<Ստեփանակերաի տուն-իետերնատ>> ՊՈԱԿ բնակչուհի Ռոմելա Դանիելյանը, ով տառապում է <<Շիզոֆրենիա պարանոիդ ձև>> հիվանդությամբ, ուստի նախաքննության մարմինը նրան չպետք է ներգրավվեր որպես վկա։ Մեղադրական եզրակացության մեջ նշվում է, որ Ռ.Դանիելյանը տվել է իրարամերժ ցուցմունքներ, իսկ քննիչը չի փորձել ստանալ վերջնական ցուցմունք` եղելությունը հասկանալու համար: Գործով մյուս վկա` Գլինկա փողոցի 2Ա 43 բնակարանի բնակչուհի Անժելա Գալեչյանը հանդիսանում է ոչ ականատես վկա, ուստի նա իր վկայության մեջ ասել է այն, ինչ պատմել էր Ժ.Սարդարյանը։ Այսինքն, իրեն մեղադրանք է առաջադրվել քննիչի <<ներքին>> համոզման հիման վրա։ Այդ հանգամանքները հիմք են հանդիսացել բազմաթիվ բացարկների նախաքննության ընթացքում։ Ռիմա Սիմոնյանը խնդրել է բեկանել Երևան քաղաքի էրեբունի և Նուբարաշեն վարչական շրջանների ընդհանուր իրավասության դատարանի դատավճիռը, քանի որ իրեն մեղավոր չի համարում և նման հանցավոր արարք ինքը չի կատարել։ 4. Վերաքննիչ բողոքի դեմ բերված պատասխանը. Մեղադրող, Երևան քաղաքի Էրեբունի և Նուբարաշեն վարչական շրջանների դատախազության դատախազ Հայկ Մովսեսյանը վերաքննիչ բողոքի դեմ առարկեց` նշելով, որ ամբաստանյալի գործողություններին տրվել է ճիշտ իրավական գնահատական, դատարանը բազմակողմանի հետազոտել է ապացույցները, ուստի գտնում է, որ վերաքննիչ բողոքը հիմնավոր չէ, այն պետք է մերժել, իսկ դատավճիռը` թողնել օրինական ուժի մեջ: Տուժող Ժենյա Սարդարյանը վերաքննիչ բողոքի դեմ ներկայացրած գրավոր պատասխանում նշել է, որ Ռիմա Սիմոնյանի կատարած նախկին կեղծիքների և հանցագործությունների անպատժելիությունը հանգեցրել է նրան, որ նա դարձել է ավելի սանձարձակ, որի հետևանքն է սույն հանցանքը, ուստի խնդրել է արդարացի լուծում տալ այս հարցին և պատժել մեղավորին կատարած հանցանքի համար: 5. Վերաքննիչ դատարանի պատճառաբանությունները և եզրահանգումը. Վերաքննիչ դատարանը ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի նորմերի պահպանումը, ներկայացված բողոքի հիմքերի ու հիմնավորումների սահմաններում վերլուծելով քրեական գործի նյութերը, հանգում է այն հետևության, որ վերաքննիչ բողոքը պետք է մերժել հետևյալ պատճառաբանությամբ. Ինչպես նախաքննության ընթացքում, այնպես էլ դատաքննությամբ առաջադրված մեղադրանքում Ռիմա Սիմոնյանն իրեն մեղավոր չի ճանաչել, պատճառաբանելով, որ տուժողն իրեն զրպարտում է, ինքը տուժող Ժենյա Սարդարյանին չի մոտեցել, չի հրել, չի հարվածել և նրան մարմնական վնասվածք չի պատճառել։ Ռիմա Սիմոնյանը հայտնել է, որ իր և տուժողի փոխհարաբերությունները լարված են։ Երևանի Գլինկա փողոցի 2ա շենքի 38 համարի երեք սենյականոց բնակարանի սենյակներից մեկն իրեն է պատկանում սեփականության իրավունքով։ 2011 թվականի օգոստոսի 14-ին, ժամը 2100-ի սահմաններում իր սենյակում են գտնվել ինքը և ընկերուհին` Ռոմելա Դանիելյանը։ Ժենյա Սարդարյանը մոտեցել է իր սենյակի մուտքի դռանը և վիճաբանել է իր հետ՝ ծախսած ջրի քանակի և դրա արժեքի վճարման հարցերի շուրջ և իր հասցեին կատարել է վիրավորական արտահայտություններ։ Ինքը, սակայն, տուժողին չի հարվածել և չի հրել, այդ կապակցությամբ տուժողի տված ցուցմունքներն իրականությանը չեն համապատասխանում, քանի որ Ժենյա Սարդարյանն է կանգնած ժամանակ կորցրել իր հավասարակշռությունը, բռնել է իր դռան դիմաց կախված վարագույրից, այն պատռվել է, տուժողն ընկել է հատակին և ստացել է մարմնական վնասվածքները։ Ինքը տուժողին հողաթափով չի հարվածել։ Ինքը ցանկացել է շտապ օգնություն կանչել, սակայն տուժողը հրաժարվել է։ ՀՀ վերաքննիչ քրեական դատարանը, իրավական գնահատական տալով ամբաստանյալ Ռիմա Սիմոնյանի ցուցմունքներին, պատճառաբանություններին, ստուգելով ապացույցների ձեռքբերման աղբյուրները, քրեական գործով ձեռք բերված յուրաքանչյուր ապացույց վերլուծելով թույլատրելիության, վերաբերելիության վերաբերյալ քրեադատավարական պահանջների, գործով ձեռք բերված ապացույցների ամբողջ համակցությունը` քրեական գործի լուծման համար բավարարության տեսանկյունից, հանգում է այն հետևության, որ Ռիմա Սիմոնյանի պատճառաբանություններն արժանահավատ չեն, մտացածին են, դրանք նպատակ են հետապնդում խուսափել քրեական պատասխանատվությունից և պատժից, Ռիմա Սիմոնյանի կողմից ՀՀ քրեական օրենսգրքի 117-րդ հոդվածով նախատեսված հանցանքը կատարելը և նրա մեղքը հաստատված, իսկ պատճառաբանությունները հերքված են քրեական գործով ձեռք բերված և դատական ակտում շարադրված հետևյալ ապացույցներով. Տուժող Ժենյա Սարդարյանի, վկա Անժելա Գալեչյանի ցուցմունքներով, դատաբժշկական փորձաքննության 25.08.2010թ. թիվ 2064 եզրակացությամբ, դատաբժշկական փորձագետ Արսեն Բաբայանի նախաքննական ցուցմունքով: Ինչ վերաբերում է նախաքննության ընթացքում որպես վկա հարցաքննված Ռոմելա Դանիելյանի ցուցմունքին, ապա դատարանը հաշվի առնելով այն հանգամանքը, որ վերջինս գտնվում է ԼՂՀ <<Հոգեթմրաբանական դիսպանսեր>> ՓԲԸ-ում հաշվառման մեջ <<Շիզոֆրենիա պարանոիդ ձև>> ախտորոշմամբ և նրա հիվանդության ախտորոշման պայմաններում պարզված չէ դեպքի հանգամանքներն ընկալելու և ճիշտ վերարտադրելու նրա ունակությունը, Ռոմելա Դանիելյանի նախաքննության ընթացքում տված ցուցմունքները հանել է մեղադրանքի հիմքում դրված ապացույցների շարքից։ Վերաքննիչ դատարանը հիմնավոր չի համարում վերաքննիչ բողոքի փաստարկներն առ այն, որ Ռիմա Սիմոնյանին մեղադրանք է առաջադրվել քննիչի <<ներքին>> համոզման հիման վրա, ապացույցների բացակայության պայմաններում: ՀՀ քրեական դատավարության օրենսգրքի 104-րդ հոդվածի 1-ին մասի համաձայն` քրեական գործով ապացույցներ են ցանկացած փաստական տվյալներ, որոնց հիման վրա օրենքով որոշված կարգով հետաքննության մարմինը, քննիչը, դատախազը, դատարանը պարզում են քրեական օրենսգրքով նախատեսված արարքի առկայությունը կամ բացակայությունը, այդ արարքը կասկածյալի կամ մեղադրյալի կողմից կատարելը կամ չկատարելը և մեղադրյալի մեղավորությունը կամ անմեղությունը, ինչպես նաև գործի ճիշտ լուծման համար նշանակություն ունեցող այլ հանգամանքներ: ՀՀ քրեական դատավարության օրենսգրքի 107-րդ հոդվածի համաձայն` միայն ապացույցների հիման վրա են հաստատվում` 1. դեպքը և հանգամանքները/կատարման ժամանակը, տեղը, եղանակը և այլն/. 2. կասկածյալի և մեղադրյալի առնչությունը դեպքին. 3. հանցագործության` քրեական օրենքով նախատեսված հատկանիշները. 4. անձի մեղավորությունը քրեական օրենքով չթույլատրված արարքը կաատրելու մեջ. 5. քրեական օրենքով նախատեսված պատասխանատվությունը մեղմացնող կամ խստացնող հանգամանքները. 6. այն հանգամանքները, որոնցով դատավարության մասնակիցը կամ քրեական դատավարությանը մասնակցող այլ անձը հիմնավորում է իր պահանջները, եթե այլ բան նախատեսված չէ օրենքով: ՀՀ քրեական դատավարության օրենսգրքի 25-րդ հոդվածի համաձայն` դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ, նույն հոդվածի 2-րդ մասի համաձայն` քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան` մինչև դրանց հետազոտումը պատշաճ իրավական ընթացակարգի շրջանակներում: Քննության առնելով քրեական գործով ձեռք բերված, պատշաճ իրավական ընթացակարգի շրջանակներում հետազոտված բոլոր ապացույցներն իրենց համակցության մեջ, վերաքննիչ դատարանը հիմնավորված է համարում, որ Ռիմա Սիմոնյանը դիտավորությամբ Ժենյա Սարդարյանին պատճառել է մարմնական վնասվածքներ, որոնք առաջացրել են առողջության կարճատև քայքայում, այսինքն, կատարել է հանցավոր արարք, որը համապատասխանում է ՀՀ քրեական օրենսգրքի 117-րդ հոդվածով նախատեսված հանցագործության հատկանիշներին: Այս առումով ամբաստանյալի պատճառաբանությունները չեն կարող բավարար հիմք հանդիսանալ սույն գործի շրջանակներում արդարացման դատական ակտ կայացնելու համար: ՀՀ վերաքննիչ քրեական դատարանը գտնում է, որ քրեական գործի քննության նախորդ փուլերի ընթացքում նյութական և դատավարական իրավունքի նորմերի խախտումներ թույլ չեն տրվել, պահպանվել են ապացույցների հավաքման, ստուգման և գնահատության վերաբերյալ ՀՀ քրեադատավարական օրենսդրությամբ սահմանված ընթացակարգերը, Ռիմա Սիմոնյանի արարքի որակման հարցում քրեական օրենքը կիրառվել է ճիշտ և կատարած հանցավոր արարքի համար ամբաստանյալը ենթակա է քրեական պատասխանատվության ու պատժի: Քննության առնելով վերը նշված բոլոր հանգամանքներն իրենց համակցության մեջ` վերաքննիչ դատարանը գտնում է, որ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճիռն օրինական է, հիմնավորված և պատճառաբանված, հետևաբար, այն պետք է թողնել օրինական ուժի մեջ, իսկ վերաքննիչ բողոքը` մերժել: Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ, 402-րդ, 418-րդ հոդվածներով` ՀՀ վերաքննիչ քրեական դատարանը Ո Ր Ո Շ Ե Ց Ամբաստանյալ Ռիմա Սիմոնյանի վերաքննիչ բողոքը մերժել: Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011 թվականի դեկտեմբերի 08-ի դատավճիռը քրեական գործով ըստ մեղադրանքի` Ռիմա Գրիգորի Սիմոնյանի` ՀՀ քրեական օրենսգրքի 117-րդ հոդվածով, թողնել օրինական ուժի մեջ: Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում։ ՆԱԽԱԳԱՀՈՂ ԴԱՏԱՎՈՐ` ստորագրություն ԴԱՏԱՎՈՐՆԵՐ` ստորագրություններ Իսկականի հետ ճիշտ է` ՆԱԽԱԳԱՀՈՂ ԴԱՏԱՎՈՐ` Ս. ՉԻՉՈՅԱՆ |
|---|---|
| Դատական ակտի ամսաթիվը | 28-03-2012 |
Գործը հանձնվել է գրասենյակ
| Ամսաթիվ | 07-05-2012 |
|---|---|
| Էջերի քանակը | 224, 300 |
| Գործին կից նյութեր | ամբաստանյալի վիճակագրական քարտը |
Գործն ուղարկվել է
| Գործն ուղարկվել է | 07-05-2012 |
|---|---|
| Էջերի քանակը | 224, 300 թերթ |
| Ուր | Էրեբունի և Նուբարաշեն |
| Գրության համարը | Ե-6247/12 |
Դատական գործ N: ԵԷԴ/0136/01/11
Վճռաբեկ
Ստացվել է վճռաբեկ բողոք
| Բողոքի ստացման ամսաթիվ | 16-05-2012 |
|---|---|
| Բողոք բերող անձինք | Դատապարտյալ |
| Բողոք բերող անձինք | |
| Անուն | Ռիմա |
| Ազգանուն | Սիմոնյան |
| Հասցե | --------------- |
| Սեռ | 0 |
| Չափահաս | Այո |
Գործը ստացվել է վճռաբեկ դատարան
| Գործի առաքման ամսաթիվը | 18-05-2012 |
|---|---|
| Գրության համարը | Ե-6379 |
| Գործի ստացման ամսաթիվը | 24-05-2012 |
| Քրեական գործի հատորներ /փաստաթղթեր/ | 2 հատոր, 1 վիճակագրական քարտ |
| Գործի համարը | ԵԷԴ/0136/01/11 |
| Գործը ստացվել է | Էրեբունի և Նուբարաշեն |
| Պատասխանատվության ենթարկվածների թիվը | 1 |
Մակագրել
| Ամսաթիվ | 24-05-2012 |
|---|---|
| Նախագահող դատավոր | |
| Անուն | Դավիթ |
| Ազգանուն | Ավետիսյան |
| Դատավոր | |
| Անուն | Հովհաննես |
| Ազգանուն | Ղուկասյան |
Բողոքը թողնվել է առանց քննության
| Ամսաթիվ | 07-06-2012 |
|---|---|
| Հոդվածը | |
| Հիմքը | Վճռաբեկ բողոքը ժամկետանց էր |
| Որոշման բովանդակությունը | ԵԷԴ/0136/01/11 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎՃՌԱԲԵԿ ԴԱՏԱՐԱՆ Ո Ր Ո Շ ՈՒ Մ ՎՃՌԱԲԵԿ ԲՈՂՈՔՆ ԱՌԱՆՑ ՔՆՆՈՒԹՅԱՆ ԹՈՂՆԵԼՈՒ ՄԱՍԻՆ 7 հունիսի 2012 թվական ք. Երևան ՀՀ վճռաբեկ դատարանի քրեական պալատը (այսուհետ՝ Վճռաբեկ դատարան), նախագահությամբ Դ.ԱՎԵՏԻՍՅԱՆԻ մասնակցությամբ դատավորներ Հ.ՂՈՒԿԱՍՅԱՆԻ Հ.ԱՍԱՏՐՅԱՆԻ Ե.ԴԱՆԻԵԼՅԱՆԻ Ա.ՊՈՂՈՍՅԱՆԻ քննարկելով ՀՀ վերաքննիչ քրեական դատարանի 2012 թվականի մարտի 28-ի որոշման դեմ Ռիմա Գրիգորի Սիմոնյանի վճռաբեկ բողոքը վարույթ ընդունելու հարցը` պարզեց, որ այն պետք է թողնել առանց քննության հետևյալ պատճառաբանությամբ։ ՀՀ քրեական դատավարության օրենսգրքի 412-րդ հոդվածի 1-ին մասի համաձայն՝ վճռաբեկ բողոքը կարող է բերվել վերաքննիչ դատարանի՝ գործն ըստ էության լուծող դատական ակտի դեմ հրապարակման պահից մեկամսյա ժամկետում, իսկ գործն ըստ էության չլուծող դատական ակտերի դեմ՝ այդ ակտը ստանալու պահից 15-օրյա ժամկետում, եթե օրենքով այլ բան նախատեսված չէ։ ՀՀ քրեական դատավարության օրենսգրքի 6-րդ հոդվածի 101-րդ կետի համաձայն՝ գործն ըստ էության լուծող դատական ակտերն են՝ առաջին ատյանի դատարանի դատավճիռը, քրեական գործով վարույթը կարճելու կամ քրեական հետապնդումը դադարեցնելու մասին որոշումը, բժշկական բնույթի հարկադրանքի միջոցներ կիրառելու մասին որոշումը, ինչպես նաև այդ ակտերի վերաքննիչ բողոքարկման արդյունքում վերաքննիչ դատարանի կայացրած դատական ակտերը, ինչպես նաև օրենքով նախատեսված դեպքերում վճռաբեկ դատարանի դատական ակտերը։ ՀՀ վերաքննիչ քրեական դատարանի որոշումը հանդիսանում է գործն ըստ էության լուծող դատական ակտ, որը հրապարակվել է 2012 թվականի մարտի 28-ին։ Գործի նյութերից երևում է, որ Ռ.Սիմոնյանը ՀՀ վերաքննիչ քրեական դատարանից որոշման ռուսերեն թարգմանությունն ստորագրությամբ ստացել է 2012 թվականի ապրիլի 13-ին, մինչդեռ այդ ակտի դեմ վճռաբեկ բողոք է բերել 2012 թվականի մայիսի 15-ին, այսինքն՝ բաց է թողնվել վճռաբեկ բողոք բերելու համար ՀՀ քրեական դատավարության օրենսգրքի 412-րդ հոդվածի 1-ին մասով սահմանված մեկամսյա ժամկետը։ ՀՀ քրեական դատավարության օրենսգրքի 407-րդ հոդվածի 3-րդ մասը սահմանում է, որ այն դեպքում, երբ վճռաբեկ բողոքը ժամկետանց է, Վճռաբեկ դատարանի որոշմամբ այն թողնվում է առանց քննության։ Հետևաբար, դատապարտյալ Ռ.Սիմոնյանի վճռաբեկ բողոքը պետք է թողնել առանց քննության։ Ելնելով վերոգրյալից և ղեկավարվելով ՀՀ քրեական դատավարության օրենսգրքի 407-րդ հոդվածի 3-րդ մասով` Վճռաբեկ դատարանը Ո Ր Ո Շ Ե Ց ՀՀ վերաքննիչ քրեական դատարանի 2012 թվականի մարտի 28-ի որոշման դեմ Ռիմա Գրիգորի Սիմոնյանի վճռաբեկ բողոքը թողնել առանց քննության։ Որոշումն օրինական ուժի մեջ է մտնում կայացման պահից, վերջնական է և ենթակա չէ բողոքարկման։ Նախագահող՝ Դ.ԱՎԵՏԻՍՅԱՆ Դատավորներ՝ Հ.ՂՈՒԿԱՍՅԱՆ Հ.ԱՍԱՏՐՅԱՆ Ե.ԴԱՆԻԵԼՅԱՆ Ա.ՊՈՂՈՍՅԱՆ |
Գործի առաքում
| Գործի առաքման ամսաթիվ | 12-06-2012 |
|---|---|
| Դատարան | Էրեբունի և Նուբարաշեն |
| Այլ նշումներ | 2 հատոր` 224, 314 թերթ, 1 վիճակագրական քարտ: |