Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0096/01/11
2011թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ՆԵՐ` Ս. ԴԱՐԲԻՆՅԱՆ
Շ. ԴՈւՐՅԱՆ
ՄԵՂԱԴՐՈՂ-ԴԱՏԱԽԱԶ՝ Վ.ՄՈւՐԱԴՅԱՆ
ՊԱՇՏՊԱՆ` Ա. ՄԱԹԵՎՈՍՅԱՆ
ՏՈւԺՈՂԻ ԻՐԱՎԱՀԱՋՈՐԴ` Է.ՋԱՆՈՅԱՆ

2011թ. Հուլիսի «22»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն ըստ մեղադրանքի՝ Արշակ Արիստակեսի Մաթևոսյանի /ծնված՝ 24.07.1975թ. Երևան քաղաքում, ազգությամբ հայ, Հայաստանի Հանրապետության քաղաքացի, բարձրագույն կրթությամբ, ֆիզիկապես առողջ, ամուսնացած, խնամքին ոչ ոք, նախկինում չդատապարտված, աշխատել է ՀՀ ԿԱ ՊԵԿ տեղեկատվական տեխնոլոգիաների վարչության ռիսկերի գնահատման և կառավարման ավագ հարկային տեսուչ, բնակվել է ք.Երևան, Բաշինջաղյան փողոցի, 173 շենքի, հմ.39 հասցեի բնակարանում, ներկայումս ՀՀ ԱՆ «Վարդաշեն» քրեակատարողական հիմնարկության կալանավոր։
Սույն գործով արգելանքի տակ է 22.06.2011թ-ից։
Մեղադրվում է ՀՀ Քրեական օրենսգրքի 242 հոդվածի 2-րդ մասով և 244 հոդվածով։

1. Գործի դատավարական նախապատմությունը

Արշակ Արիստակեսի Մաթևոսյանի կողմից վրաերթ կատարելու հետևանքով Արարատ Գարեգինի Ջանոյանին անզգուշությամբ մահ պատճառելու և ճանապարհատրանսպորտային պատահարի վայրը թողնել-հեռանալու դեպքի առթիվ ՀՀ Երևան քաղաքի քննչական վարչության ՃՏՀ քննության բաժնում 13.05.2011թ. ՀՀ Քրեական օրենսգրքի 242 հոդվածի 2-րդ մասի և 244 հոդվածի հատկանիշներով հարուցվել է հմ.60112011 քրեական գործը։
22.06.2011թ. որոշմամբ Արշակ Արիստակեսի Մաթևոսյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 242 հոդվածի 2-րդ մասով և 244 հոդվածով այն բանի համար, որ նա. «2011թ. մայիսի «13»-ին` ժամը «01։10»-ի սահմաններում, գտնվելով ալկոհոլային հարբածության վիճակում, իրեն պատկանող «Ֆոլկսվագեն Պասատ» մակնիշի 19 SU 444 պետհամարանիշի ավտոմեքենայով գերազանցելով Երևան քաղաքում թույլատրելի առավելագույն 60 կմ/ժ արագությունը, շուրջ 70 կմ/ժ արագությամբ երթևեկել է Երևան քաղաքի Արցախի փողոցով «Երևան» կայարանի, Տիգրան Մեծ փողոցի ուղղությամբ։ Հասնելով Արցախի փողոցի թիվ 1 շենքի դիմաց` տեսել է ճանապարհն աջից ձախ արագ քայլով հատող` 1947 թվականին ծնված հետիոտն Արարատ Ջանոյանին և ունենալով երթևեկության անվտանգությունն ապահովելու, վրաերթը կանխելու տեխնիկական հնարավորություն` Արշակ Մաթևոսյանը թույլ է տվել «Ճանապարհային երթևեկության կանոնների» 65-րդ և 67-րդ կետերի պահանջներին հակասող գործողություններ, երթևեկության պայմաններից ելնելով` միջոցներ չի ձեռնարկվել ժամանակին արգելակել, ավտոմեքենայի ընթացքը դանդաղեցնել, ընդհուպ` կանգնեցնել և հետիոտնին վտանգավոր գոտուց դուրս գալու հնարավորություն տալ, որի արդյունքում ավտոմեքենայի առջևի ձախակողմյան մասով վրաերթի է ենթարկել հետիոտնին, ով պատճառված գանգուղեղային բաց, կրծքավանդակի, ողնաշարի կրծքային հատվածի, որովայնի, կոնքի փակ, և ձախ ստորին վերջույթի բաց-բութ բազմաթիվ տրավմաների հետևանքով տեղում մահացել է, իսկ վերջինս, թողնելով ճանապարհատրանսպորտային պատահարի վայրը, դիմել է փախուստի, սակայն որոշ ժամանակ անց հայտնաբերվել է ճանապարհային ոստիկանության տեսուչների կողմից և բերման ենթարկվել ոստիկանության Էրեբունու բաժին»։
Քրեական գործը 29.06.2011թ. կազմված և 29.06.2011թ. հաստատված մեղադրական եզրակացությամբ 30.06.2011թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Արագացված դատական քննություն

Ամբաստանյալ Արշակ Արիստակեսի Մաթևոսյանը խորհրդակցելով իր պաշտպան` ՀՀ փաստաբանների պալատի փաստաբան Արա Մաթևոսյանի հետ /փաստաբանական գործունեության արտոնագիր հմ.214/, դատարանին արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Վ.Մուրադյանը և տուժողի իրավահաջորդ Է.Ջանոյանն ամբաստանյալի միջնորդության դեմ չառարկեցին։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշեց կիրառել դատական քննության արագացված կարգ։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Արշակ Արիստակեսի Մաթևոսյանը կատարել է արարքներ, որոնք նախատեսված են ՀՀ Քրեական օրենսգրքի 242 հոդվածի 2-րդ մասով և 244 հոդվածով, որոնցով և պետք է ենթարկվի քրեական պատասխանատվության։

3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 18 հոդվածի 1-ին մասի դրույթների համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է քրեական oրենuգրքով։
ՀՀ Քրեական օրենսգրքի 242 հոդվածի 1-ին մասի համաձայն հանցագործություն է համարվում` ավտոմեքենա կամ մեխանիկական այլ տրանuպորտային միջոց վարող անձի կողմից ճանապարհային երթևեկության կամ տրանuպորտային միջոցների շահագործման կանոնները խախտելը, որը մարդու առողջությանն անզգուշությամբ պատճառել է ծանր կամ միջին ծանրության վնաu, իսկ նույն հոդվածի 2-րդ մասի համաձայն հանցագործություն է համարվում` նույն արարքը, որն անզգուշությամբ առաջացրել է մարդու մահ։
Համաձայն ՀՀ Քրեական օրենսգրքի 244 հոդվածի հանցագործություն է համարվում` ճանապարհատրանuպորտային պատահարի վայրը թողնելը տրանuպորտային միջոց վարող և ճանապարհային երթևեկության կամ տրանuպորտային միջոցների շահագործման կանոնները խախտած անձի կողմից` uույն oրենuգրքի 242-րդ հոդվածով նախատեuված հետևանքների առաջացման դեպքում, այսինքն` ՀՀ Քրեական օրենսգրքի համապատասխան նորմերի դիսպոցիացիաները նախատեսում են այնպիսի գործողություններ, որոնք առկա են ամբաստանվող Արշակ Մաթևոսյանին մեղսագրվող արարքներում։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով, իսկ ՀՀ Քրեական օրենսգրքի 48 հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Պատիժ նշանակելիս դատարանը հաշվի է առնում, որ ամբաստանյալը նախկինում դատապարտված չի եղել, բնութագրվում է դրականորեն, իրեն լիովին մեղավոր է ճանաչել և զղջացել է կատարածի համար, կամովին տուժողի ընտանիքի անդամներին հատուցել է հանցագործությամբ պատճառված վնասը։
Քննարկելով տուժողի իրավահաջորդ Էրիկ Արարատի Ջանոյանի քաղաքացիական հայցի հարցը և նկատի ունենալով, որ դատաքննությամբ վերջինս հրաժարվեց քաղաքացիական հայց հարուցելուց` հայտարարելով, որ պատճառված վնասը վերականգնված լինելու պատճառով ամբաստանյալ Արշակ Մաթևոսյանից որևէ պարտք ու պահանջ չունի, դատարանը գտնում է, որ ՀՀ Քրեական դատավարության օրենսգրքի 161 հոդվածի 2-րդ մասի պահանջներով քրեական դատավարությունում քաղաքացիական հայցի վարույթը պետք է կարճել։
Դատարանը քննարկելով իրեղեն ապացույցների տնօրինման հարցը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված տուժող Արարատ Ջանոյանին պատկանող սև կաշվեպատ սեզոնային վերարկուն, սև անդրավարտիքը և սև կոշիկները պետք է վերադարձնել տուժողի իրավահաջորդ Էրիկ Արարատի Ջանոյանին, դեպքի վայրից հայտնաբերված ավտոմեքենայի դետալները` թվով երկու սև գույնի փայլուն մակերևութով աղեղնաձև ցանցավոր պոլիմարային դետալը և թվով երկու սև գույնի փայլուն մակերևույթով կոտրված եզրերով անկանոն տեսքի պոլիմերային դետալը, թվով մեկ սպիտակ իրանով ավտոմեքենայի շրջադարձի լապտերը, թվով մեկ մոխրագույն կիսաթափանցիկ պոլիմերային միջադիրը պետք է ոչնչացնել, իսկ «Ֆոլկսվագեն Պասսատ» մակնիշի 19 ՏՍ 444 պետհամարանիշի ավտոմեքենան պետք է վերադարձնել Արշակ Արիստակեսի Մաթևոսյանին։
Ելնելով վերոգրյալներից և ղեկավարվելով ՀՀ Քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց

Արշակ Արիստակեսի Մաթևոսյանին մեղավոր ճանաչել ՀՀ Քրեական օրենսգրքի 242 հոդվածի 2-րդ մասով և ՀՀ Քրեական օրենսգրքի 244 հոդվածով։
ՀՀ Քրեական օրենսգրքի 242 հոդվածի 2-րդ մասով դատապարտել ազատազրկման` 1 /մեկ/ տարի ժամկետով` զրկելով տրանսպորտային միջոցներ վարելու իրավունքից 1 /մեկ/ տարի ժամկետով։
ՀՀ Քրեական օրենսգրքի 244 հոդվածով դատապարտել ազատազրկման` 6 /վեց/ ամիս ժամկետով` առանց տրանսպորտային միջոցներ վարելու իրավունքից զրկելու։
ՀՀ Քրեական օրենսգրքի 66 հոդվածի 3-րդ մասի կիրառմամբ պատիժները լրիվ գումարելու միջոցով պատիժ նշանակել ազատազրկում 1 /մեկ/ տարի 6 /վեց/ ամիս ժամկետով` զրկելով տրանսպորտային միջոցներ վարելու իրավունքից 1 /մեկ/ տարի ժամկետով։
Ա.Մաթևոսյանի նկատմամբ ընտրված` կալանավորում խափանման միջոցը թողնել անփոփոխ, մինչև դատավճռի օրինական ուժի մեջ մտնելը։
Պատժի սկիզբը հաշվել 2011թ. հունիսի «22» -ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռն օրինական ուժի մեջ մտնելուց հետո իրեղեն ապացույցներ ճանաչված սև կաշվեպատ սեզոնային վերարկուն, սև անդրավարտիքը և սև կոշիկները վերադարձնել տուժողի իրավահաջորդ Էրիկ Արարատի Ջանոյանին, ավտոմեքենայի` թվով երկու սև գույնի փայլուն մակերևութով աղեղնաձև ցանցավոր պոլիմարային դետալը, թվով երկու սև գույնի փայլուն մակերևույթով կոտրված եզրերով անկանոն տեսքի պոլիմերային դետալը, թվով մեկ սպիտակ իրանով ավտոմեքենայի շրջադարձի լապտերը, թվով մեկ մոխրագույն կիսաթափանցիկ պոլիմերային միջադիրը` ոչնչացնել, իսկ «Ֆոլկսվագեն Պասսատ» մակնիշի 19 ՏՍ 444 պետհամարանիշի ավտոմեքենան վերադարձնել Արշակ Արիստակեսի Մաթևոսյանին։
Քրեական դատավարությունում քաղաքացիական հայցի վարույթը կարճել։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։

ԴԱՏԱՎՈՐ Ա. ՕՀԱՆՅԱՆ