ԵԷԴ/0095/01/11

Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈւՅԹԸ ԿԱՐՃԵԼՈւ ԵՎ ՔՐԵԱԿԱՆ ՀԵՏԱՊՆԴՈւՄԸ ԴԱԴԱՐԵՑՆԵԼՈւ ՄԱՍԻՆ

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈւԹՅԱՄԲ ԴԱՏԱՎՈՐ՝ Ա. ԳԱԲՐԻԵԼՅԱՆ
ՔԱՐՏՈւՂԱՐՈւԹՅԱՄԲ՝ Լ. ՄԽՈՅԱՆ

Մասնակցությամբ`

ՄԵՂԱԴՐՈՂ՝ Ա. ԲԱՐՍԵՂՅԱՆ
ՊԱՇՏՊԱՆ` Վ. ԱԲՐԱՀԱՄՅԱՆ
ՏՈւԺՈՂԻ ԻՐԱՎԱՀԱՋՈՐԴ` Լ. ՆԱԶԱՐՅԱՆ

2011թ. հուլիսի 19-ին, դատարանում
Դռնբաց դատական նիստում քննության առնելով Էդվարդ Ռոմանի Սիմոնյանի պաշտպան` Վաչագան Աբրահամյանի միջնորդությունը` ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 6-րդ կետի 4-րդ ենթակետի համաձայն Էդվարդ Սիմոնյանի նկատմամբ ՀՀ քր. օր-ի 279 հոդվածի 2-րդ մասի 3-րդ կետով հարուցված քրեական գործի վարույթը կարճելու և քրեական հետապնդումը դադարեցնելու մասին.

Պ Ա Ր Զ Ե Ց

Նախաքննական մարմինը ամբաստանյալ Էդվարդ Ռոմանի Սիմոնյանին/ծնված 17.06.1984թ., ք.Մեծամոր, ազգությամբ հայ, ՀՀ քաղաքացի, միջնակարգ կրթությամբ, աշխատում է «ԷՅ-Ի-ՋԻ սերվիս» ՍՊԸ-ի Երևանի ԳՀՏՍԾ Կենտրոն-Էրեբունի տեղամասում որպես փականագործ, նախկինում չդատված, բնակվում է Արմավիրի մարզ ք.Մեծամոր 8բ1 շենք, 6 բնակարանում/ ՀՀ քր. օր-ի 279 հոդվածի 2-րդ մասի 3-րդ կետով մեղադրանք է առաջադրել այն բանի համար, որ 2007թ. հոկտեմբերի 1-ից աշխատելով որպես «ԷՅ-Ի-ՋԻ սերվիս» ՍՊԸ-ի Երևանի ԳՀՏՍԾ Կենտրոն-Էրեբունի տեղամասի սպասարկող փականագործ, նույն ընկերության տնօրենի կողմից 23.07.2007թ. հաստատված «Բնակելի տների և օբյեկտների գազասպասարկման կենցաղային համակարգերի տեխնիկական սպասարկման տարածքային տեղամասի փականագործ» պաշտոնեական հրահանգի`
- 3.1 կետի «բ», «գ», և «ե» ենթակետերի համաձայն պարտավոր լինելով կատարել գազօգտագործող սարքավորումների միացման ճշտության ստուգում, շխաօդատար ուղիների զննում և մաքրում, ծխահեռացման խողովակների ընտրության և հավաքկցման չշտության, ծխաօդատար ուղիների քարշի առկայության ստուգում,
- 3.2 կետի համաձայն պարտավոր լինելով իրականացնել գազասպառման համակարգի, գազօգտագործող սարքավորումների տեղադրման, նորոգման, փոխարինման, ծխաօդատար ուղիների կառուցման, մաքրման ու նորոգման աշխատանքներ,
- 3.3 կետի համաձայն պարտավոր լինելով ստուգել գազասպառման համակարգերի համապատասխանությունը նախագծային փաստաթղթերին, անհամապատասխանության ու խախտումների հայտնաբերման դեպքում արձանգրել դրանք,
- 4.4 կետի համաձայն օժտված լինելով գազի տնտեսությունում անվտանգության կանոնների խախտումներ ու տեխնիկական թերություններ հայտնաբերելու դեպքում գազասպառման համակարգի սարքերի ու սարքավորումների շահագործումն արգելելու իրավասությամբ,
իր պարտականություններն անբարեխիղճ կատարելու հետևանքով իր սպասարկման տեղամասում գտնվող Ծխախոտագործների փողոցի թիվ 15 տան գազասպառման կենցաղային համակարգերին մատուցել է սպառողի կյանքի անվտանգության պահանջներին չհամապատասխանող տեխնիկական սպասարկման ծառայություն, այն է` 2008թ. մարտի 24-ից մինչև 2009թ. դեկտեմբերի 12-ն ընկած ժամանակահատվածում հաստատված ժամանակացույցի համաձայն 4 անգամ իրականացրել է նշված տան գազասպառման համակարգերի տեխնիկական սպասարկում, սակայն չի արձանագրել հայտնաբերած խախտումները, մասնավորապես`
- «Անվտանգության կանոնները գազի տնտեսությունում» տեխնիկական կանոնակարգի 4-րդ գլխի 81 կետի պահանջների խախտմամբ խոհանոցի օդատար ուղին փակված է եղել չաշխատող առանցքային էլեկտրական օդափոխիչով, օդատար և ջրատաքացուցիչ ծխատար խողովակները չեն բարձրացվել տանիքից վերև, որի պատճառով ջրատաքացուցիչ այրման արգասիքներն ամբողջությամբ չեն հեռացվել մթնոլորտ և վատ օդափոխանակության հետևանքով կուտակվել են խոհանոցում և դրան հարող տարածքում, այդ թվում և լոգարանում,
- ջրատաքացուցիչի և ջեռուցման վառարանի ծխատար խողովակների ուղղահայաց հատվածի երկարությունը` սարքի ծխահեռացման խողովակաոստի ստորին մասից մինչև հորիզոնական հատվածի առանցքը չի համապատասխանել նորմերին,
- ծխատար և օդատար խողովակները խոհանոցի արտաքին պատից դուրս են հանվել, որից հետո 90 աստիճանի անկյունակով 15սմ վեր են բարձրացվել, չհասնելով տանիքի եզրին, խախտվել են ՇՆՁ 4-12.101-04 «Գազաբաշխման համակարգերի նախագծում և շինարարություն» շինարարական նորմերի 7.8.17 կետի պահանջները (շենքերում գազային սարքավորումներից ծխնելույզները պետք է դուրս բերվեն տանիքից վեր) և 7.8.18 կետի պահանջները (ծխնելույզների մոտ գտնվող արտահոսման օդատարների բարձրությունը պետք է ընդունել ծխնելույզների բարձրությանը հավասար),
- հյուրասենյակում ջեռուցման վառարանի շահագործման համար բացակայել է արտահոս օդափոխության անցուղին, ինչպես նաև խոհանոցում` նախասրահում օդի ներհոսքի համար մուտքի դռան և հատակի միջև բացակը,
- հյուրասենյակում, որտեղ մուտք է գործվում խոհանոցից, տեղադրված պարսկական արտադրության ջեռուցման վառարանի ծխատար խողովակն անցել է հյուրասենյակի ներսով և 2-րդ հարկ բարձրանալու աստիճանավանդակի միջով ուղղաձիգ բարձրացել է տանիք, ինչով խախտվել է «Անվտանգության կանոնները գազի տնտեսությունում» տեխնիկական կանոնակարգի 3.112 կետի (արգելվում է անցումային խողովակների անցկացումը սարքերից և վառարաններից դեպքի ծխանցքները բնակելի սենյակների միջով) և ՇՆՁ 4-12-101-04 «Գազաբաշխման համակարգերի նախագծում և շինարարություն» շինարարական նորմերի 7.8.13 կետի (չի թույլատրվում գազային սարքի ծխատար խողովակները անցկացնել բնակելի սենյակներով) պահանջները։
Հիշատակված խախտումների առկայության պայմաններում խոհանոցի և հյուրասենյակի օդափոխությունը կազմակերպվել է ոչ ճիշտ, ծխաօդատար ուղիների առկա թերությունների հետևանքով գազասարքերը` հատկապես խոհանոցում տեղադրված ջրատաքացուցիչը, աշխատել են թերայրումով, որոնք տան նախասրահում առաջ են եբերել ածխածնի մոնօքսիդ և դրա հետևանքով առաջացած օրգանիզմի սուր թունավորումից նույն տան բնակիչ Հրաչ Եդոյանը 2010թ. մարտի 12-ին, ժամը 2100-ի սահմաններում տան նախասրահում մահացել է։
Քրեական գործը դատարանի վարույթ է ընդունվել 29.06.2011թ.։
Ամբաստանյալ Էդվարդ Սիմոնյանի պաշտպան Վաչագան Աբրահամյանը, հիմք ընդունելով ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշումը, խնդրել է դատարանին Էդվարդ Սիմոնյանի վերաբերյալ քրեական գործի վարույթը կարճել և քրեական հետապնդումը դադարեցնել։
Տուժողի իրավահաջորդ` Լիդա Նազարյանը, հայտնեց դատարանին, որ Էդվարդ Սիմոնյանի կողմից հատուցվել է իր հայցապահանջը, հետևաբար նրանից որևէ պարտք ու պահանջ չունի։
Մեղադրող` Ա. Բարսեղյանը, չառարկեց միջնորդության դեմ։
Դատարանը լսելով կողմերին, քննարկելով միջնորդությունը, գտնում է, որ այն պետք է բավարարել հետևյալ պատճառաբանությամբ.
Համաձայն ՀՀ քր. դատ. օր-ի 35 հոդվածի 1-ին մասի 13-րդ կետի` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ։
Համաձայն ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 6-րդ կետի 4-րդ ենթակետի` քրեական հետապնդում չհարուցել և քրեական հետապնդում չիրականացնել, ինչպես նաև կարճել մինչև 2011թ. մայիսի 1-ը կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող քրեական գործերը, բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի, որոնցով անձինք կարող են մեղադրվել կամ մեղադրվում են անզգուշությամբ հանցագործություններ կատարելու մեջ, որոնց համար նախատեսված է պատիժ` ոչ ավելի, քան հինգ տարի ժամկետով ազատազրկում։
Նկատի ունենալով, որ Էդվարդ Սիմոնյանը ՀՀ քր. օր-ի 279 հոդվածի 2-րդ մասի 3-րդ կետով նախատեսված հանցավոր արարքը կատարել է մինչև 2011թ. մայիսի 1-ը և մեղադրվում է այնպիսի հանցագործություն կատարելու մեջ, որի համար նախատեսված է պատիժ` ոչ ավելի, քան հինգ տարի ժամկետով ազատազրկում, հետևաբար դատարանը գտնում է, որ Էդվարդ Սիմոնյանի նկատմամբ պետք է կիրառել ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 6-րդ կետի 4-րդ ենթակետը և հարուցված քրեական գործի վարույթը կարճել և քրեական հետապնդումը դադարեցնել։
Ելնելով վերոգրյալից և ղեկավարվելով ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 6-րդ կետի 4-րդ ենթակետով և ՀՀ քր. դատ. օր-ի 35, 294 և 313 հոդվածներով դատարանը.

Ո Ր Ո Շ Ե Ց

Կիրառել ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 6-րդ կետի 4-րդ ենթակետը և Էդվարդ Ռոմանի Սիմոնյանի նկատմամբ ՀՀ քր. օր-ի 279 հոդվածի 2-րդ մասի 4-րդ կետով հարուցված քրեական գործի վարույթը կարճել և քրեական հետապնդումը դադարեցնել։
Էդվարդ Սիմոնյանի նկատմամբ ընտրված խափանման միջոցը` ստորագրություն չհեռանալու մասին, վերացնել։
Քրեական գործին կցված և ապացույց ճանաչված այլ փաստաթուղթ հանդիսացող` 05.10.2010թ. Լիդա Նազարյանից առգրավված կենցաղային սպառման համար բնական գազի մատակարարման թիվ 557645 պայմանագրի, ներտնային գազասպառման համակարգի տեխնիկական սպասարկման համաձայնագրի, բնակելի տան գազաֆիկացման աշխատանքային նախագծի, «ԷՅ-Ի-ՋԻ սերվիս» ՍՊԸ ներկայացուցիչ Հակոբ Ներսիսյանի կողմից կազմված 08.06.2010թ. թիվ 725984 և Երևանի ԳԳՄ աշխատակիցների կողմից կազմված 11.06.2010թ. ակտերի բնօրինակները որոշումն օրինական ուժի մեջ մտնելուց հետո վերադարձնել Լիդա Նազարյանին, իսկ լուսապատճեները կցել քրեական գործին,
18.10.2010թ. «ԷՅ-Ի-ՋԻ սերվիս» ՍՊԸ-ից առգրավված գազասպառման կենցաղային համակարգում խախտումների վերացման կամ գազամատակարարման ընդհատման/գազասարքի, հանգույցի անջատման/ 25.06.2008թ. թիվ 226130 և 12.12.2009թ. թիվ 663441 ակտերի, գազասպառման կենցաղային համակարգի տեխնիկական սպասարկման/արտապլանային նորոգման և հրահանգավորման/ 12.03.2010թ. և 17.03.2010թ. հայտերի, գազասպառման կենցաղային համակարգում խախտումների վերացման կամ գազամատակարարման ընդհատման, գազասարքի, հանգույցի անջատման 17.03.2010թ. թիվ 626966 ակտի, կենցաղային սպառման համար բնական գազի մատակարարման պայմանագրի և ներտնային համակարգի տեխնիկական սպասարկման ծառայության մատուցման վերաբերյալ ակտի բնօրինակները` վերադարձնել «ԷՅ-Ի-ՋԻ սերվիս» ՍՊԸ-ին, իսկ լուսապատճեները կցել քրեական գործին,
18.01.2011թ. Երևանի ԳԳՄ-ից ստացված Ծխախոտագործների փողոցի 15 տան գազաֆիկացման 03.03.2006թ. աշխատանքային նախագծի, տեխնիկական անձնագրի, 02.02.2006թ. Երևանի ԳԳՄ-ի կողմից տրված առանձնատան գազաֆիկացման տեխնիկական պայմանների և պահանջների, «Երևան-Գազ» հակահրդեհային մասնագիտացված ծառայության կողմից 07.11.2005թ. տրված ծխնելույզների և օդանցքների տեխնիկական վիճակի մասին թիվ 000546 ակտի բնօրինակները` վերադարձնել Երևանի ԳԳՄ-ին, իսկ լուսապատճեները կցել քրեական գործին,
իսկ 18.10.2010թ. «ԷՅ-Ի-ՋԻ սերվիս» ՍՊԸ-ից առգրավված «Հայռուսգազարդ» ՓԲԸ-ի Երևանի ԳԳՄ-ի տնօրենին հասցեագրված AEG-01/224 03.07.2008թ. և AEG-03/2-5810 17.12.2009թ. գրությունների լուսապատճեները, ներտնային գազասպառման համակարգի տեխնիկական սպասարկման համաձայնագրի լուսապատճենը և դրա հավելվածը, 23.05.2011թ. «ԷՅ-Ի-ՋԻ սերվիս» ՍՊԸ-ից ստացված Է. Սիմոնյանի 01.10.2007թ. աշխատանքային պայմանագրի և 23.07.2007թ. հաստատված «Բնակելի տների և օբյեկտների գազասպառման կենցաղային համակարգերի տեխնիկական սպասարկման տարածքային տեղամասի փականագործի» պաշտոնեական հրահանգի լուսապատճեները` թողնել քրեական գործում։
Որոշումը կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում։


ԴԱՏԱՎՈՐ Ա. ԳԱԲՐԻԵԼՅԱՆ