ԵԷԴ/0092/01/11

Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը՝

ՆԱԽԱԳԱՀՈւԹՅԱՄԲ ԴԱՏԱՎՈՐ` Ա. ԳԱԲՐԻԵԼՅԱՆ
ՔԱՐՏՈւՂԱՐՈւԹՅԱՄԲ` Ք. ԲԱԴԱԼՅԱՆ

Մասնակցությամբ`

ՄԵՂԱԴՐՈՂ` Ա. ԲԱՐՍԵՂՅԱՆ
ՊԱՇՏՊԱՆ` Մ. ՂԱԶԱՐՅԱՆ
ՏՈւԺՈՂԻ ՆԵՐԿ.` Վ. ՔՈՍՅԱՆ

2012թ. ապրիլի 26-ին դատարանում
Դռնբաց դատական նիստում քննեց քրեական գործն ըստ մեղադրանքի`
1. Արարատ Հովհաննեսի Գրիգորյանի, ծնված 26.08.1987թ., ք.Երևան, ազգությամբ հայ, ՀՀ քաղաքացի, միջնակարագ կրթությամբ, չամուսնացած, չի աշխատել, նախկինում չդատված, բնակվել է ք.Երևան Տիգրան Մեծի 54ա շենք, 30 բնակարանում։
Մեղադրանք է առաջադրվել ՀՀ քր. օր-ի 258 հոդվածի 4-րդ մասով և 235 հոդվածի 1-ին մասով։
Սույն գործով կալանքի տակ է 09.12.2010թ.։
2. Ենոք Սոսի Եղիազարյանի, ծնված 20.07.1985թ., ք.Երևան, ազգությամբ հայ, ՀՀ քաղաքացի, միջնակարագ կրթությամբ, չամուսնացած, չի աշխատել, նախկինում չդատված, բնակվել է ք.Երևան Լիսինյան 60 տանը։
Մեղադրանք է առաջադրվել ՀՀ քր. օր-ի 258 հոդվածի 4-րդ մասով և 235 հոդվածի 1-ին մասով։
Սույն գործով կալանքի տակ է 20.08.2011թ.։
Դատաքննությամբ և գործի տվյալներով պարզվեց հետևյալը.
2010թ. նոյեմբերի 24-ին, ժամը 1705-ին ՀՀ ոստիկանության Կենտրոնականի բաժնի Մարաշի բաժանմունքում 010-57-21-62 հեռախոսահամարից անհայտ քաղաքացուց ահազանգ է ստացվել, որ Տիգրան Մեծի պողոտայի վրա սպիտակ գույնի «Նիվա» մակնիշի 15 ՕՏ 195 պետհամարանիշի ավտոմեքենայից «ավտոմատով» կրակել են ու հեռացել։
Դեպքի առթիվ ՀՀ ոստիկանության ՔԳՎ Էրեբունու քննչական բաժնում նախապատրաստված նյութերով 24.11.2010թ. որոշմամբ ՀՀ քր. օր-ի 235 հոդվածի 1-ին մասի և 258 հոդվածի 4-րդ մասի հատկանիշներով հարուցվել է թիվ 12145910 քրեական գործը և կատարվել է նախաքննություն։
Արարատ Հովհաննեսի Գրիգորյանը 09.12.2010թ. մեղայականով ներկայացել է ՀՀ ոստիկանության Էրեբունու բաժին, ներկայացրել է 5.45մմ տրամաչափի «ԱԿ-74» տեսակի, 1177411 համարի ինքնաձիգը և 7.65մմ տրամաչափի «Վալտեր ՊՊ» տեսակի ատրճանակը և հայտնել, որ ինքն է նշված հրազեններով կրակոցներ արձակել։
12.12.2010թ. որոշում է կայացվել Արարատ Գրիգորյանին ՀՀ քր. օր-ի 235 հոդվածի 1-ին մասով և 258 հոդվածի 4-րդ մասով որպես մեղադրյալ ներգրավելու մասին և խափանման միջոց է կիրառվել կալանավորումը։
15.06.2011թ. որոշում է կայացվել Ենոք Եղիազարյանին ՀՀ քր. օր-ի 235 հոդվածի 1-ին մասով և 258 հոդվածի 4-րդ մասով որպես մեղադրյալ ներգրավելու մասին, խափանման միջոց է կիրառվել կալանավորումը և նրան հայտնաբերելու համար հայտարարվել է հետախուզում։
ՀՀ ոստիկանության քննչական գլխավոր վարչության Էրեբունու քննչական բաժնի 22.06.2011թ. որոշմամբ թիվ 12145910 քրեական գործից պատճենահանման եղանակով/ամբողջ ծավալով/ անջատվել է Ենոք Եղիազարյանի կողմից զենքի գործադրմամբ խուլիգանություն կատարելու վերաբերյալ մասը, առանձնացվել է առանձին վարույթում և նախաքննությունը կատարվել է թիվ 12121211 համարով։
29.06.2011թ. Արարատ Գրիգորյանի վերաբերյալ թիվ 12145910 քրեական գործը մեղադրական եզրակացությամբ ստացվել է դատարան, ընդունվել դատարանի վարույթ և նշանակվել դատաքննության։
Ենոք Սոսի Եղրազարյանը 20.08.2011թ. մեղայականով ներկայացել է ՀՀ ոստիկանության Էրեբունու բաժին։
17.09.2011թ. Ենոք Եղիազարյանի վերաբերյալ թիվ 12121211 քրեական գործը մեղադրական եզրակացությամբ ստացվել է դատարան և ընդունվել դատարանի վարույթ։
Դատարանի 20.09.2011թ. որոշմամբ թիվ ԵԷԴ/0092/01/11 և թիվ ԵԷԴ/0132/01/11 քրեական գործերը միացվել է մեկ վարույթում։
Նախաքննական մարմինն ամբաստանյալներ Արարատ Հովհաննեսի Գրիգորյանին և Ենոք Սոսի Եղիազարյանին մեղադրանք է առաջադրել ՀՀ քր. օր-ի 258 հոդվածի 4-րդ մասով և 235 հոդվածի 1-ին մասով այն բանի համար, որ քննությամբ չպարզված ժամանակահատվածում ապօրինի կերպով ձեռք են բերել և պահել 5.45մմ տրամաչափի «ԱԿ-74» տեսակի, 1177411 գործարանային համարի ինքնաձիգ, 7.65մմ տրամաչափի «Վալտեր ՊՊ» տեսակի ատրճանակ և ռազմամթերք հանդիսացող նույն տրամաչափի փամփուշտներ։
2010թ. նոյեմբերի 24-ին, կրելով ապօրինաբար ձեռք բերած ու պահած հրաազենն ու ռազմամթերքը, Արարատ Հովհաննեսի Գրիգորյանը և Ենոք Սոսի Եղիազարյանը, ժամը 1700-ի սահմաններում Էդմոնդ Ղուկասյանի կողմից շահագործվող «Նիվա» մակնիշի 15 ՕՏ 195 պետհամարանիշի ավտոմեքենայով և Արթուր Ղուկասյանի կողմից շահագործվող «Ֆորդ Էքսպլովեր» մակնիշի 03 ՕԼ 075 պետհամարանիշի «Ջիպ» ավտոմեքենայով, որոնցից առաջինի ղեկին եղել է Ա. Գրիգորյանը, իսկ երկրորդի ղեկին` Ե. Եղիազարյանը, գնացել են Երևան քաղաքի Տիգրան Մեծի պողոտայի 76 շենքի մոտ, որտեղ դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության նկատմամբ, մարդաշատ վայրում, բազմաթիվ քաղաքացիների ներկայությամբ, նրանց նկատմամբ բռնություն գործադրելու սպառնալիքով, Ե. Եղիազարյանը ատրճանակից, իսկ Ա. Գրիգորյանը` ինքնաձիգից, դիտավորությամբ անկանոն կրակոցներ են արձակել, որոնց գործողություններն իրական վնաս են ստեղծել մարդկանց կյանքի և առողջության համար, կրակոցներով դիտավորությամբ վնասել են դեպքի վայրում կայանված Մարտուն Կարապետյանին պատկանող «Մերսեդես Բենց Տ 320» մակնիշի 5886 CNV պետհամարանիշի ավտոմեքենան, որից հետո դիմել են փախուստի։ Ճանապարհին միմյանցից բաժանվելով` Ա. Գրիգորյանը, Ե. Եղիազարյանը և Ա. Խուդավերդյանը «Ֆորդ Էքսպլովեր» մակնիշի 03 ՕԼ 075 պետհամարանիշի «Ջիպ» ավտոմեքենայով գնացել են վերջինիս հոր` Համազասպ Խուդավերդյանի աշխատանքի վայր` Մասիսի շրջանի Սայաթ-Նովա գյուղում գտնվող «Բերրիություն» ՍՊ ընկերություն, իսկ Է. Ղուկասյանը «Նիվա» մակնիշի 15 ՕՏ 195 պետհամարանիշի ավտոմեքենան կայանել է Երևան քաղաքի Ներքին Չարբախ 6 փողոցի, 3-րդ տան դիմաց և «Վազ 2110» մակնիշի 23 ՍԼ 581 պետհամարանիշի տաքսի ավտոմեքենայով գնացել ու միացել է վերջիններիս։ «Բերրիություն» ՍՊ ընկերության տարածքում թաքցնելով «Ֆորդ Էքսպլովեր» մակնիշի 03 ՕԼ 075 պետհամարանիշի «Ջիպ» ավտոմեքենան` Ա. Գրիգորյանը, Ե. Եղիազարյանը, Ա. Խուդավերդյանը և Է. Ղուկասյանը, վերադարձել են Երևան։
Դատաքննությամբ առաջադրված մեղադրանքում Արարատ Գրիգորյանն իրեն մեղավոր ճանաչեց և ցուցմունք տվեց այն մասին, որ Ա. Խուդավերդյանի, Ե. Եղիազարյանի և Է. Ղուկասյանի հետ գտնվում է մտերիմ ընկերական հարաբերությունների մեջ։ Ինքնաձիգն ու ատրճանակը պատկանել է իր հանգուցյալ հորեղբորը, վերջինս դրանք պահել է իրենց նկուղում, որոնց գոյության մասին իմացել է միայն ինքը։ 2010թ. նոյեմբերի 24-ին իր ընկեր Արթուր Խուդավերդյանից վերցրել է վերջինիս պատկանող «Ֆորդ Էքսպլովեր» մակնիշի «Ջիպ» ավտոմեքենան և գնացել հորեղբոր գերեզմանին։ Այնուհետև, վերադարձել է տուն, նկուղից վերցրել է զենքերը և նույն ավտոմեքենայով ուղևորվել է դեպի կայարան։ Ճանապարհին պատահաբար հանդիպել է Ենոք Եղիազարյանին և նրան վերցրել է իր հետ։ Հասնելով կայարան, ավտոմեքենան կանգնեցրել է երթևեկելի մասում, իջել մեքենայից, և գտնվելով նյարդայնացած վիճակում, սկզբում ատրճանակից, ապա ինքնաձիգից կրակել է օդ, որից հետո նստել է ավտոմեքենան, որի ընթացքում մեքենայի սրահի մեջ ատրճանակը դնելու պահին պատահական կրակել է մեքենայի հատակին։ Այդ պահին Ա. Խուդավերդյանը, տեսնելով իր մեքենան, մոտեցել և նույնպես նստել է մեքենան, որից հետո ուղևորվել են Չարբախի ուղղությամբ։ Ճանապարհին նկատել է, որ Է. Ղուկասյանը «Նիվա» մակնիշի ավտոմեքենայով հետևում է իրենց։ Կանգնել է և վերջինս իրեն ասել է, որ վառելիքը վերջանում է, ուստի նրա մեքենան թողել են և իրենց մեքենայով միասին գնացել են Ա. Խուդավերդյանի նշած վայրը` որպեսզի ավտոմեքենան թողնեն այնտեղ։
Դատաքննությամբ առաջադրված մեղադրանքում Ենոք Եղիազարյանն իրեն մեղավոր ճանաչեց մասնակիորեն` մեղավոր չճանաչեց ՀՀ քր. օր-ի 235 հոդվածի 1-ին մասով և 258 հոդվածի 4-րդ մասով, այլ մեղավոր ճանաչեց հասարակական վայրում խուլիգանություն կատարելու համար, և օգտվելով իր սահմանադրական իրավունքից, հրաժարվեց դատաքննությամբ ցուցմունք տալուց, սակայն հայտնեց դատարանին, որ դեպքի օրը եղել է Արարատ Գրիգորյանի հետ, կատարել է խուլիգանություն, այսինքն առնչություն ունի կատարվածի հետ և մեղավոր ճանաչեց խուլիգանության մեջ, սակայն ոչ զենքի կիրառմամբ, քանի որ ինքը ընդհանրապես զենք չի կրել, չի օգտագործել և զենքի հետ ինքը կապ չի ունեցել։
Տուժող` Մարտուն Կարապետյանը նախաքննության ընթացքում ցուցմունք է տվել այն մասին, որ 2010թ. նոյեմբերի վերջերին Տ. Մեծ պողոտայով անցնելիս նկատել է անծանոթ մի աղջկա և որոշել է նրա հետ ծանոթանալ։ Այդ նպատակով իրեն պատկանող «Մերսեդես S-320» մակնիշի ավտոմեքենան կանգնեցրել է Տիգրան Մեծ պողոտայի 76 շենքի դիմաց և քայլելով շուրջ 500 մետր հետապնդել է անծանոթ աղջկան։ Երբ վերադարձել է ավտոմեքենայի մոտ, տեսել է, որ ավտոմեքենայի հետևի աջ դուռը, նույն դռան ապակին և հետևի վահանը անցքերի ձևով վնասված են։ Նույն օրը վերանորոգելու նպատակով ավտոմեքենան տարել է Նոր-Արեշ թաղամասի բնակիչ Գևորգ Սարգսյանի մոտ։
Վկա` Գևորգ Պետրոսյանը ցուցմունք է տվել այն մասին, որ աշխատում է Տիգրան Մեծ պողոտայի վրա գտնվող կրպակում որպես վաճառող։ 2010թ. նոյեմբերի 24-ին, ժամը 1700-ի սահմաններում կրակոցի ձայներ է լսել։ Անմիջապես դուրս է եկել կրպակից և տեսել է, որ մի երիտասարդ, մոտ 30 տարեկան ինքնաձիգը ձեռքին վազելով նստել է սպիտակ գույնի «Նիվա» մակնիշի ավտոմեքենայի ղեկին և հեռացել։
Վկա` Գեղամ Սիմոնյանը ցուցմունք է տվել այն մասին, որ աշխատում է ՀՀ կրթության և գիտության նախարարության կրթության ազգային ինստիտուտում որպես մասնագետ։ 2010թ. նոյեմբերի 24-ին, ժամը 1700-ի սահմաններում գտնվել է իր աշխատասենյակում։ Պատահական պատուհանից դուրս նայելիս տեսել է, որ Տիգրան Մեծ պողոտայի 76 շենքի դիմացի մայթեզրից մոտ 2-3 մետր դեպի երթևեկելի հատվածը, մոտ 30-40 տարեկան մի անձանավորություն ինքնաձիգից կրակոցներ է արձակում դեպի օդ, որից հետո նստել է «Ջիպ» տեսակի ավտոմեքենայի ղեկին և հեռացել է։
Վկա` Հայկ Մեծոյանը ցուցմունք է տվել այն մասին, որ 2010թ. նոյեմբերի 24-ին, ժամը 1700-ի սահմաններում գնումներ կատարելու նպատակով գտնվել է Տիգրան Մեծ պողոտայի թիվ 76 շենքի դիմաց։ Գնումներն ավարտելուց հետո, նստել է ավտոմեքենան և հեռանալիս նկատել է մոտ 10 մետր հեռավորության վրա գտնվող «Ֆորդ էքսպլովեր» տեսակի «Ջիպ» մակնիշի ավտոմեքենան, որի ղեկին եղել է իր հետ նույն դպրոցում սովորած Ենոք Եղիազարյանը։ Ավտոմեքենայով շարժվելուց հետո, նկատել է, որ վերջինս կայանել է իր կանգնած տեղում։
Վկա` Գագիկ Դալլաքյանը ցուցմունք է տվել այն մասին, որ 2010թ. նոյեմբերի 24-ին, ժամը 1800-ի սահմաններում գտնվել է «Բերրիություն» ՍՊ ընկերության տարածքում։ Այդ ժամանակ իրենց աշխատակից Համազասպ Խուդավերդյանին պատկանող «Ջիպ» մակնիշի ավտոմեքենայով ընկերություն են եկել երեք անծանոթ երիտասարդներ, որոնցից մեկը ներկայացել է որպես Հ. Խուդավերդյանի որդի։ Վերջինս իրեն է տվել ավտոմեքենայի բանալիները և խնդրել է այն փոխանցել տնօրինությանը, քանի որ մեքենան մի քանի օր մնալու է ընկերության տարածքում։ Այդ պահին ընկերության դարպասներին է մոտեցել տաքսի ավտոմեքենա, որը քիչ անց հեռացել է։ Այնուհետև երիտասարդները մեքենայի միջից ինչ-որ իրեր են վերցրել ու հեռացել։
Վկա` Սասնիկ Պողոսյանը ցուցմունք է տվել այն մասին, որ 2010թ. նոյեմբերի 25-ի առավոտյան եկել է «Բերրիություն» ՍՊ ընկերություն և տեսել է, որ Հ. Խուդավերդյանի ավտոմեքենան կայանված է ընկերության տարածքում։ Փոխտնօրեն Հ. Գևորգյանից տեղեկացել է, որ Հ. Խուդավերդյանի խնդրանքով նրա որդին է ավտոմեքենան բերել ընկերության տարածք։ Հ. Խուդավերդյանը մի քանի օր չի եկել ընկերություն, եկել է միայն դեկտեմբերի 3-ին և խոսակցության ժամանակ տեղեկացել է, որ վերջինիս որդին ընկերների հետ միասին կռիվ է արել, որի ընթացքում կրակոցներ են եղել և Հ. Խուդավերդյանը զբաղված այդ գործերով։
Վկա` Գագիկ Մաշատյանը ցուցմունք է տվել այն մասին, որ Ենոք Եղիազարյանը իր կնոջ եղբայրն է։ 2010թ. սեպտեմբեր-հոկտեմբեր ամիսներին լսել է Ենոքի և «թոխմախցիների» վիճաբանության մասին, որի ընթացքում Ենոքին ծեծեի են ենթարկել։
Վկաներ` Կարինե Չալիկյանը դատաքննության ընթացքում, իսկ Արտուշ Չալիկյանը նախաքննության ընթացքում նույնաբովանդակ ցուցմունքներ են տվել այն մասին, որ Ենոքը հանդիսանում է իրենց որդու` Մանուկ Չալիկյանի մտերիմ ընկերը։ 2010թ. նոյեմբերի վերջերին կայարանում տարածվար լուրերից լսել են, որ կայարանում կրակոցներ են եղել, որին մասնակից է եղել նաև Ենոքը։
Վկա` Արտուշ Ղուկասյանը ցուցմունք է տվել այն մասին, որ Ենոքը հանդիսանում է իր որդու` Էդմոն Ղուկասյանի մտերիմ ընկերը։ 2010թ. նոյեմբերի վերջերին կայարանով քայլելիս լսել է երկու անծանոթ կանանց խոսակցությունը, որոնք ասել են, որ մի քանի օր առաջ կայարանում կրակոցներ են եղել, որի ընթացքում տրվել է նաև Ենոքի անունը։ Ինքը անմիջապես զանգահարել է որդուն և տեղեկացել է, որ վերջինս կապ չունի այդ ամենի հետ։
Վկաներ` Ասատուր և Արթուր Քերոբյանները նախաքննության ընթացքում ցուցմունքներ են տվել այն մասին, որ 2010թ. նոյեմբերի 24-ին, ժամը 1600-ի սահմաններում գնացել են Տիգրան Մեծ պողոտայի վրա գտնվող «Սավ» մթերային խանութ։ Շուրջ 10 րոպե խանութում գտնվելու ընթացքում, դրսից կրակոցի ձայներ են լսել։ Վազել են դուրս և նկատել են իրար հետևից արագ ընթացող «Ջիպ» և «Նիվա» մակնիշի ավտոմեքենաներ, որոնց պետհամարանիշերը և սրահում գտնվող անձանց չեն նկատել։
Վկա` Ստեփան Միրզաբեկյանը նախաքննության ընթացքում ցուցմունք է տվել այն մասին, որ 2010թ. նոյեմբերի 24-ին, ժամը 1700-ից 1800-ի սահմաններում Ներքին Չարբախում գտնվող զինվորական հավաքակայանի դիմացով անցնելիս, առաջին խաչմերուկի մոտ իր կողմից վարվող «Վազ-2110» մակնիշի 23 ՍԼ 581 պետհամարանիշի տաքսի ավտոմեքենան կանգնեցրել է անծանոթ մի երիտասարդ, որը իրեն խնդրել է տեղափոխել Մասիս քաղաք։ Ճանապարհին պատվիրատուն իր բջջային հեռախոսահամարով զանգահարել է ինչ-որ մեկին ու պարզել գնալու կոնկրետ տեղը։ Իրենք գնացել են Սայաթ-Նովա գյուղում գտնվող պահեստներից մեկի մոտ, որտեղ անծանոթին դիմավորել են մոտ 2-3 երիտասարդներ։
Վկա` Հրայր Գևորգյանը նախաքննության ընթացքում ցուցմունք է տվել այն մասին, որ հանդիսանում է «Բերրիություն» ՍՊ ընկերության փոխտնօրենը։ 2010թ. նոյեմբերի 24-ին, ժամը 1700-ի սահմաններում Համազասպը զանգահարել է իրեն և ասել է, որ որդին իր ավտոմեքենան կբերի ու կկանգնեցի ընկերության տարածքում` պատճառաբանելով, որ որդին այն շատ է վարում։ Այդ մասին տեղեկացրել է պահակ Գ. Դալլաքյանին և հանձնարարել է, որ ավտոմեքենային ուշադրություն դարձնի։ Նոյեմբերի 29-ին Հ. Խուդավերդյանը եկել է ընկերություն և խոսակցության ժամանակ տեղեկացել է, որ նրա որդին ընկերների հետ կռիվ է արել, որի ընթացքում ավտոմեքենայից կրակոցներ են արձակել, այդ պատճառով չի ցանկանում ավտոմեքենան տանել։
Վկա` Գևորգ Սարգսյանը նախաքննության ընթացքում ցուցմունք է տվել այն մասին, որ 2010թ. նոյեմբեր ամսվա ընթացքում Մ. Կարապետյանը վերանորոգելու նպատակով իր մոտ է բերել «Մերսեդես S-320» մակնիշի ավտոմեքենա, որի հետևի աջ դուռը, նույն դռան ապակին և հետևի վահանը անցքերի ձևով վնասված են եղել։ Դուռը ամբողջությամբ փոխել է և 3-4 օրվա ընթացքում ավտոմեքենան վերանորոգել է ու հանձնել է Մ. Կարապետյանին։
Դատարանի կողմից հետազոտվեց ՀՀ ոստիկանության փորձաքրեագիտական վարչության կողմից 07.12.2010թ. տրված դատաձգաբանական փորձաքննության թիվ 2777 եզրակացությունը, համաձայն որի փորձաքննությանը ներկայացված «270-94» դրոշմվածքներով պարկուճը հանդիսանում է «ԱԿ-74» տեսակի ինքնաձիգների և «ՌՊԿ-74» տեսակի ձեռքի գնդացիրների համար նախատեսված գործարանային արտադրության 5.45մմ /5.45x39/ տրամաչափի 1974թ. նմուշի մարտական փամփուշտի մաս` կրակված պարկուճ։ Պարկուճի վրայի կրակման հետքերը բնորոշ են 5.45մմ տրամաչափի Կալաշնիկովի կոնստրուկցիայի զենքերից, կամ էլ նմանատիպ հետքաառաջացում ունեցող այլ տեսակի զենքերից կրակված պարկուճների վրա առաջացող հետքերին և պիտանի են կրակող զենքի նույնացման համար։ Գործարանային արտադրության ամբողջականություն ունեցող և կրակվելու համար պիտանի ճանաչված 5.45մմ /5.45x39/ տրամաչափի փամփուշտները, որոնց բաղկացուցիչ մասն է կազմում ներկայացված պարկուճը, հանդիսանում են ռազմամթերք։
Փորձաքննությանը ներկայացված մեկ գնդակը և «PMP 7.65» դրոշմվածքներով երեք պարկուճները հանդիսանում են 7.65մմ տրամաչափի ատրճանակների համար նախատեսված գործարանային արտադրության 7.65մմ /7.65x17/ տրամաչափի փամփուշտների մասեր` կրակված երեք պարկուճներ և կրակված-դեֆորմացված մեկ գնդակ։ Դրանց վրայի կրակման հետքերը բնորոշ են գործարանային արտադրության համապատասխան տրամաչափի ատրճանակներից կրակված պարկուճների ու գնդակների վրա առաջացող հետքերին և պիտանի են կրակող զենքի նույնացման համար։ Պարկուճները կրակվել են միևնույն զենքից։ Գործարանային արտադրության ամբողջականություն ունեցող և կրակվելու համար պիտանի ճանաչված 7.65մմ տրամաչափի փամփուշտները, որոնց բաղկացուցիչ մասերն են կազմում ներկայացված երեք պարկուճները և մեկ գնդակը, հանդիսանում են ռազմամթերք։
ՀՀ ոստիկանության փորձաքրեագիտական վարչության կողմից 10.12.2010թ. տրված դատաձգաբանական և դատաքիմիական համալիր փորձաքննության թիվ 2883 եզրակացությունը, համաձայն որի ներկայացված ինքնաձիգը հանդիսանում է 1981թ. գործարանային արտադրության 5.45մմ տրամաչափի «ԱԿ-74» տեսակի «1177411» համարի ինքնաձիգ, պիտանի է կրակելու համար և հանդիսանում է հրազեն։ Նշված ինքնաձիգից է կրակվել «290-94» դրոշմվածքներով 5.45մմ տրամաչափի պարկուճը։
Ներկայացված ատրճանակը հանդիսանում է գործարանային արտադրության 7.65մմ տրամաչափի «Վալտեր ՊՊ» մոդելի ջնջված համարով ատրճանակ, պիտանի է կրակելու համար և հանդիսանում է հրազեն։ Նշված ատրճանակից են կրակվել «PMP 7.65» դրոշմվածքներով 7.65մմ տրամաչափի երեք պարկուճները և մեկ գնդակը։
ՀՀ ոստիկանության փորձաքրեագիտական վարչության կողմից 23.12.2010թ. տրված մատնադրոշմային փորձաքննության թիվ 2892 եզրակացությունը, համաձայն որի 44x43մմ կողային չափերով դակտոժապավենի կպչուն մակերեսի վրա արտատպված մատնահետքերը թողնված է Արարատ Հովհաննեսի Գրիգորյանի ձախ ձեռքի ճկույթի կողմից։
ՀՀ ոստիկանության փորձաքրեագիտական վարչության կողմից 16.03.2011թ. տրված դատաձգաբանական, դատաքիմիական և դատահետքաբանական համալիր փորձաքննության թիվ 98 եզրակացությունը, համաձայն որի փորձաքննությանը տրամադրված «Ֆորդ էքսպլորեր» մակնիշի 03 ՕԼ 075 պետհամարանիշի ավտոմեքենայի նստատեղի և հետևի ձախ դռան պաստառի վրա առկա 3 վնասվածքները հանդիսանում են իրար շարունակությունը կազմող /մուտք-ելք-մուտք/ հրազենային գնդակային թափանցող վնասվածքներ, պատճառվել են պղինձ պարունակող հավանաբար 7.5-9մմ տրամաչափի գնդակով, լիցքի լրացուցիչ գործոնների ազդեցության սահմաններից դուրս տարածությունից կամ արգելաշերտի միջոցով, աջից ձախ, քիչ վերևից ներքև ուղղությամբ կատարված կրակոցի հետևանքով։
Փորձաքննությանը տրամադրված «Վազ 21214» մակնիշի 15 ՕՏ 195 պետհամարանիշի ավտոմեքենայի թափքի և սրահի զննությամբ հրազենային բնույթի վնասվածքներ չհայտնաբերվեցին։
Փորձաքննությանը տրամադրված «Մերսեդես S320» մակնիշի 5886CNV պետհամարանիշի ավտոմնեքենայի հետևի լայնական վահանակի վրա, նույն հատվածում ներսի կողմից ամրացված պլաստմասե դետալի վրա և բեռնախցիկի ներսում, վառելիքի բաքի ներքևի կենտրոնական մասում առկա վերը նկարագրված տեղամասերը վերանորոգված են, ինչի հետևանքով խախտվել է դրանց նախնական տեսքը, դրանք ենթարկվել են ձևաչափային փոփոխման, ջերմային ազդեցության, տվյալ տեղամասերում համապատասխան քիմիական հետազոտություն կատարելը անիմաստ է։ Ավտոմեքենայի աջ կողմի հետևի դուռը փոխված և վերանորոգված է, իսկ թափքի տարբեր մասերը, բացառությամբ` տանիքի, ձախ կողմի առջևի դռան և առջևի անվաթևի, ենթարկված են վերաներկման։
ՀՀ առողջապահության նախարարությանը կից ամբուլատոր դատահոգեբուժական փորձագիտական հանձնաժողովի կողմից 18.03.2011թ. տրված ամբուլատոր դատահոգեբուժական փորձագիտական հանձնաժողովի թիվ 37/11 եզրակացությունը, համաձայն որի Արարատ Հովհաննեսի Գրիգորյանը որևէ հոգեկան հիվանդությամբ չի տառապել և չի տառապում։ Նրա մոտ հայտնաբերվել են բնավորության փսիխոպաթիկ գծեր, որոնք չեն զրկում նրան իր գործողությունների համար իրեն հաշիվ տալու և դրանք ղեկավարելու ունակությունից ինչպես հանցագործությունը կատարելու պահին, այնպես էլ ներկայումս, ուստի Արարատ Հովհաննեսի Գրիգորյանին հարկ է ճանաչել մեղսունակ։ Իր ներկա հոգեկան վիճակով Ա. Գրիգորյանը ի վիճակի է մասնակցել դատաքննչական գործողություններին։ Որպես բնավորության փսիխոպաթիկ գծեր ունեցող անձ` դատապարտվելիս կարիք ունի նյարդահոգեբանի հսկողության կալանավայրում։
24.11.2010թ. կատարված դեպքի վայրի զննության արձանագրությունը, համաձայն որի դեպքի վայրը հանդիսանում է Երևան քաղաքի Տիգրան Մեծ պողոտայի 76 շենքի դիմացի հատվածը, զննությամբ ճանապարհի եզրի կանաչապատ գոտում հայտնաբերվել են երկու տարբեր տրամաչափի 4 պարկուճ և մեկ հրազենային գնդակ։
Վկա Գ. պետրոսյանի մասնակցությամբ կատարված դեպքի վայրի զննության արձանագրությունը, համաձայն որի Գ. պետրոսյանը մատնացույց է արել դեպքի վայրը և հայտարարել է, որ կրակոցի ձայներ լսելուց անմիջապես դուրս է եկել կրպակից և նկատել է անծանոթ մի երիտասարդ ավտոմատը ձեռքին նստել է սպիտակ գույնի «Նիվա» մակնիշի ավտոմեքենան և հեռացել։
Ա. Գրիգորյանի մասնակցությամբ կատարված քննչական փորձարարության արձանագրությունը, համաձայն որի Ա. Գրիգորյանը մատմնացույց է արել Տ. Մեծի 76 շենքի դիմացի հատվածը և հայտարարել է, որ կրակոցները կատարել է այնտեղ։
Ա. Գրիգորյանի մեղայականով ներկայանալու և 5.45մմ տրամաչափի «ԱԿ-74» տեսակի 1177411 համարի ինքնաձիգը ու 7.65մմ տրամաչափի «Վալտեր ՊՊ» մոդելի ատրճանակը ներկայացնելու մասին կազմված արձանագրությունը, համաձայն որի Ա. Գրիգորյանը հայտարարել է, որ 2010թ. նոյեմբերի 24-ին, ժամը 1600-ի սահմաններում Տ. Մեծի 76 շենքի դիմաց նշված զենքերից կատարել է անկանոն կրակոցներ։
5.45մմ տրամաչափի «ԱԿ-74» տեսակի 1177411 համարի ինքնաձիգը, 7.65մմ տրամաչափի «Վալտեր ՊՊ» մոդելի ատրճանակը, դեպքի վայրից առգրավված 4 պարկուճները և մեկ գնդակը, «Մորսեդես S320» մակնիշի և «Ֆորդ Էքսպլորեր» մակնիշի ավտոմեքենաներն իրեղեն ապացույց ճանաչելու մասին արձանագրությունները։
17.02.2011թ. «Ղ-Տելեկոմ» ՓԲ ընկերությունից ստացված հեռախոսազանգերի վերծանումների զննության արձանագրությունը, համաձայն որի 2010թ. նոյեմբերի 24-ին, ժամը 1645-ից մինչև 1705-ն ընկած ժամանակահատվածում Ա. Գրիգորյանի կողմից շահագործվող 093-00-04-06 հեռախոսահամարի հեռախոսազանգերը սպասարկվել են Տ. Մեծի 65ա հասցեում տեղադրված կայանի կողմից։
03.12.2010թ. «Ֆորդ Էքսպլորեր» մակնիշի ավտոմեքենայի և բջջային հեռախոսի զննության արձանագրությունները, համաձայն որի ավտոմեքենայի սրահից հայտնաբերվել է «Նոկիա» տեսակի բջջային հեռախոս` 077-93-00-32 համարով։ Քննությամբ հիմնավորվել է, որ նշված հեռախոսահամարը շահագործել է Ե. Եղիազարյանը։ 08.12.2010թ. «Ղ-Տելեկոմ» ՓԲ ընկերությունից ստացված հեռախոսազանգերի վերծանումները, համաձայն որի դեպքի ժամանակահատվածում Ե. Եղիազարյանի կողմից շահագործվող 077-93-00-32 հեռախոսահամարի հեռախոսազանգերը սպասարկվել են Տ. Մեծի 65ա հասցեում տեղադրված կայանի կողմից։
Վկա Հ. Մեծոյանի մասնակցությամբ կատարված փորձարարության արձանագրությունը, համաձայն որի Հ. Մեծոյանը երեք անգամ ճանաչել է ավտոմեքենայի ղեկին նստած Ենոք Եղիազարյանին, ինչպես նաև գործով ձեռք բերված այլ փաստական տվյալները։
Դատաքննությամբ հետազոտված և հաստատված հանգամանքները հաշվի առնելով մեղադրող-դատախազ Ա.Բարսեղյանը 26.04.2012թ. որոշմամբ ամբաստանյալ Ենոք Եղիազարյանի նկատմամբ ՀՀ քր. օր-ի 258 հոդվածի 4-րդ մասով և 235 հոդվածի 1-ին մասով առաջադրված մեղադրանքը փոփոխեց` պատճառաբանելով, որ դատաքննությամբ հիմնվորվել և հաստատվել է, որ Ե. Եղիազարյանը գտնվել է դեպքի վայրում, իր գործողություններով կոպիտ կերպով խախտել է հասարակական կարգը, բացահայտ անհարգալից վերաբերմունք է դրսևորել հասարակության նկատմամբ, սակայն դատաքննությամբ բավարար ապացույցներ ձեռք չեն բերվել Ե. Եղիազարյանի կողմից ապօրինի կերպով հրազեն և ռազմամթերք ձեռք բերելու, պահելու, կրելու կամ դեպքի ժամանակ գործադրելու վերաբերյալ և նոր մեղադրանք առաջադրեց և դատարանում մեղադրանքը պաշտպանեց ՀՀ քր. օր-ի 258 հոդվածի 3-րդ մասի 1-ին կետով, այն է` Ենոք Եղիազարյանը մեղադրվում է այն բանի համար, որ Մարտուն Կարապետյանի հետ նախկինում ունեցած տարաձայնությունները պարզաբանելու խուլիգանական մղումներով« հասարակության նկատմամբ բացահայտ անհարգալից վերաբերմունքի ցուցադրմամբ« ուրիշին նսեմացնելով« կոպիտ ուժի կիրառմամբ« բարոյական և իրավական նորմերով իր կաշկանդված չլինելու հանգամանքի ցուցադրմամբ իր գերազանցությունը դրսևորելու ցանկությամբ 2010թ. նոյեմբերի 24-ին Արարատ Հովհաննեսի Գրիգորյանի հետ, ժամը 1700-ի սահնաններում գնացել են Երևան քաղաքի Տիգրան Մեծի պողոտայի 76 շենքի մոտ« որտեղ դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության նկատմամբ« իր վարած «Ֆորդ էքսպլովեր» մակնիշի 03 ՕԼ 075 պետհամարանիշի ավտոմեքենան կանգնեցրել է պողոտայի երթևեկելի մասում« իջել ավտոմեքենայից« իր գործողություններով մարդաշատ վայրում ստեղծել է խառնաշփոթ« իրարանցում« ինչը զուգորդվել է քաղաքացիների նկատմամբ բռնություն գործադրելու սպառնալիքով« որի ընթացքում բազմաթիվ քաղաքացիների ներկայությամբ նրանց նկատմամբ բռնություն գործադրելու սպառնալիքով Ա.Գրիգորյանն ապօրինի կրած 5«45 մմ տրամաչափի «ԱԿ-74» տեսակի 1177411 գործարանային համարի ինքնաձիգից դիտավորությամբ անկանոն կրակոցներ է արձակել« որպիսի գործողություններն իրական վտանգ են ստեղծել մարդկանց կյանքի և առողջության համար« վնասվել է դեպքի վայրում կայանված Մարտուն Կարապետյանին պատկանող «Մերսեդես Բենց Տ 320» մակնիշի 5886 CNV պետհամարանիշի ավտոմեքենան։
Դատաքննությամբ հետազոտված և հաստատված հանգամանքները հաշվի առնելով մեղադրող-դատախազ Ա.Բարսեղյանը 26.04.2012թ. որոշմամբ ամբաստանյալ Արարատ Գրիգորյանի նկատմամբ ՀՀ քր. օր-ի 258 հոդվածի 4-րդ մասով և 235 հոդվածի 1-ին մասով առաջադրված մեղադրանքը փոփոխեց, նոր մեղադրանք առաջադրեց և դատարանում մեղադրանքը պաշտպանեց ՀՀ քր. օր-ի 258 հոդվածի 4-րդ մասով և 235 հոդվածի 1-ին մասով, այն է` Արարատ Գրիգորյանը մեղադրվում է այն բանի համար, որ 2008թ. ապօրինի կերպով ձեռք է բերել և իրենց` Երևան քաղաքի Տիգրան Մեծ պողոտայի 54ա շենքի նկուղում պահել է հրազեն հանդիսացող 5«45 մմ տրամաչափի «ԱԿ-74» տեսակի 1177411 գործարանային համարի ինքնաձիգը և ռազմամթերք հանդիսացող նույն տրամաչափի փամփուշտներ։
Ենոք Եղիազարյանի և Մարտուն Կարապետյանի միջև նախկինում եղած տարաձայնությունները պարզաբանելու խուլիգանական մղումներով« հասարակության նկատմամբ բացահայտ անհարգալից վերաբերմունքի ցուցադրմամբ« ուրիշին նսեմացնելով« կոպիտ ուժի կիրառմամբ« բարոյական և իրավական նորմերով իր կաշկանդված չլինելու հանգամանքի ցուցադրմամբ իր գերազանցությունը դրսևորելու ցանկությամբ Ա.Գրիգորյանը 2010թ. նոյեմբերի 24-ին կրելով ապօրինաբար ձեռք բերած ու պահած հրազենն ու ռազմամթերքը՝ Ենոք Սոսի Եղիազարյանի հետ« ժամը 1700-ի սահնաններում գնացել են Երևան քաղաքի Տիգրան Մեծի պողոտայի 76 շենքի մոտ« որտեղ դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության նկատմամբ« մարդաշատ վայրում« բազմաթիվ քաղաքացիների ներկայությամբ նրանց նկատմամբ բռնություն գործադրելու սպառնալիքով Ա.Գրիգոոյանն ինքնաձիգից դիտավորությամբ անկանոն կրակոցներ է արձակել« որպիսի գործողություններն իրական վտանգ են ստեղծել մարդկանց կյանքի և առողջության համար« կրակոցներով դիտավորությամբ վնասել է դեպքի վայրում կայանված, Մարտուն Կարապետյանին պատկանող «Մերսեդես Բենց Տ 320» մակնիշի 5886 CNV պետհամարանիշի ավտոմեքենան։
Գնահատելով դատաքննությամբ հետազոտված բոլոր ապացույցները, դրանք համադրելով իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված, ինչպես նաև ներքին համոզմամբ, դատարանը գտնում է, որ մեղադրող Ա. Բարսեղյանի կողմից Արարատ Գրիգորյանին` ՀՀ քր. օր-ի 258 հոդվածի 4-րդ մասով և 235 հոդվածի 1-ին մասով, իսկ Ենոք Եղիազարյանին ՀՀ քր. օր-ի 258 հոդվածի 3-րդ մասի 1-ին կետով նոր մեղադրանք առաջադրելը, հիմնավոր է, այն բխում է գործի դատաքննությամբ ձեռք բերված տվյալների ամբողջական վերլուծությունից և ապացույցների իրավական ճիշտ գնահատումից։
Դատարանը նույնպես գտնում է, որ ամբաստանյալ Ենոք Եղիազարյանի կատարած արարքին տրվել է ճիշտ իրավական որակում, քանի որ դատաքննությամբ հետազոտված բոլոր ապացույցները վկայում են, որ ամբաստանյալ Ենոք Եղիազարյանի կատարած քրեորեն հետապնդելի բոլոր գործողություններն ուղղված են եղել դիտավորությամբ հասարակական կարգը կոպիտ կերպով խախտելուն, որն արտահայտվել է հասարակության նկատմամբ բացահայտ անհարգալից վերաբերմունքով։
Այսպիսով դատարանը ապացուցված համարեց, որ ամբաստանյալներ Արարատ Հովհաննեսի Գրիգորյանը կատարել է արարք, որը նախատեսված է ՀՀ քր. օր-ի 258 հոդվածի 4-րդ մասով և 235 հոդվածի 1-ին մասով, իսկ Ենոք Սոսի Եղիազարյանը` ՀՀ քր. օր-ի 258 հոդվածի 3-րդ մասի 1-ին կետով, որով և պետք է ենթարկվեն քրեական պատասխանատվության։
Դատարանի 26.04.2012թ. որոշմամբ կիրառվել է ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 6-րդ կետի 2-րդ ենթակետը և Արարատ Հովհաննեսի Գրիգորյանի նկատմամբ ՀՀ քր. օր-ի 235 հոդվածի 1-ին մասով հարուցված քրեական գործի վարույթը կարճվել և քրեական հետապնդումը դադարեցվել է։
Պատիժ նշանակելիս դատարանը հաշվի է առնում արարքի հանրության համար վտանգավորությունը, աստիճանը և բնույթը, ամբաստանյալի անձը բնութագրող տվյալները, նրա պատասխանատվությունը և պատիժը մեղմացնող և ծանրացնող հանգամանքները։
Արարատ Գրիգորյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս երիտասարդ է, նախկինում արատավորված չի եղել, բնութագրվում է դրականորեն, մեղայականով ներկայացել է իրավապահ մարմիններին և աջակցել է հանցագործության բացահայտմանը, զղջացել է կատարած արարքի համար և ընդունել մեղքը։
Դատարանը, հաշվի առնելով Ա. Գրիգորյանի կողմից կատարած հանցանքի հասարակական վտանգավորությունը, ինչպես նաև այն, որ Ա. Գրիգորյանի կողմից կատարած արարքի համար` ՀՀ քր. օր-ի 258 հոդվածի 4-րդ մասի սանկցիայով նախատեսվում է պատիժ միայն ազատազրկման ձևով, գտնում է, որ Արարատ Գրիգորյանի նկատմամբ պատիժ պետք է սահմանվի ազատազրկման ձևով, որը նա պետք է կրի։
Քննարկելով խափանման միջոցի հարցը, դատարանը գտնում է, որ ամբաստանյալ Ա. Գրիգորյանի նկատմամբ ընտրված կալանք խափանման միջոցը պետք է թողնել անփոփոխ։
Նկատի ունենալով, որ ՀՀ առողջապահության նախարարությանը կից ամբուլատոր դատահոգեբուժական փորձագիտական հանձնաժողովի 18.03.2011թ. ամբուլատոր դատահոգեբուժական փորձագիտական հանձնաժողովի թիվ 37/11 եզրակացության համաձայն Արարատ Հովհաննեսի Գրիգորյանը որպես բնավորության փսիխոպաթիկ գծեր ունեցող անձ` դատապարտվելիս կարիք ունի նյարդահոգեբանի հսկողության կալանավայրում, հետևաբար դատարանը գտնում է, որ պատիժը կրելու ընթացքում Արարատ Գրիգորյանի նկատմամբ պետք է նշանակել նյարդահոգեբանի հսկողություն։
ՀՀ Ազգային Ժողովի կողմից 26.05.2011թ. ընդունվել է «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշումը։
Նշված որոշման 15-րդ կետի համաձայն` սույն որոշումը կիրառվում է այն անձանց նկատմամբ, որոնք հանցագործություն են կատարել մինչև 2011թ. մայիսի 1-ը ներառյալ, իսկ 9-րդ կետի 4-րդ ենթակետի համաձայն` համաներումը չկիրառել մինչև սույն որոշումն ընդունելը հետախուզման մեջ գտնվող անձանց նկատմամբ, բացառությամբ այն անձանց, որոնք մինչև 2011թ. օգոստոսի 21-ը ներառյալ կամովին կներկայանան Հայաստանի Հանրապետության իրավապահ մարմիններ, իսկ եթե գործը դատարանի վարույթում է` դատարան։
Նկատի ունենալով, որ ամբաստանյալ Արարատ Գրիգորյանը արարքը կատարել է մինչև 2011թ. մայիսի 1-ը և նրան մեղսագրվել է արարք` ՀՀ քր. օր-ի 258 հոդվածի 4-րդ մասով, իսկ համաձայն ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի` ՀՀ քր. օր-ի 258 հոդվածի 4-րդ մասով հանցավոր արարք կատարած անձանց պատժաչափի չկրած մասը կրճատվում է մեկ քառորդով, հետևաբար դատարանը գտնում է, որ Արարատ Հովհաննեսի Գրիգորյանի պատժաչափի չկրած մասը ենթակա է կրճատման մեկ քառորդով։
Համաձայն ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 13-րդ կետի 4-րդ ենթակետի` սույն որոշման կատարումը վերապահվել է Հայաստանի Հանրապետության արդարադատության նախարարության քրեակատարողական հիմնարկների պետերին` այն անձանց նկատմամբ, որոնք պատիժը կրում են քրեակատարողական հիմնարկներում։
Հաշվի առնելով, որ Արարատ Գրիգորյանը պատիժ է կրում քրեակատարողական հիմնարկում, և մեկ քառորդով պատժի կրճատման առումով համաներման կիրառումը, համաներման ակտի 13-րդ կետի 4-րդ ենթակետի հիման վրա վերապահված է ՀՀ ԱՆ համապատասխան քրեակատարողական հիմնարկի պետին, հետևաբար` պատժաչափի հաշվարկը նույնպես պետք է կատարվի քրեակատարողական հիմնարկի կողմից։
Ենոք Եղիազարյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս երիտասարդ է, նախկինում արատավորված չի եղել, մեղայականով ներկայացել է իրավապահ մարմիններին և աջակցել է հանցագործության բացահայտմանը, զղջացել է կատարած արարքի համար և ընդունել մեղքը։
Դատարանը, հաշվի առնելով Ե. Եղիազարյանի կողմից կատարած հանցանքի հասարակական վտանգավորությունը, գտնում է, որ Ենոք Եղիազարյանի նկատմամբ պատիժ պետք է սահմանվի ազատազրկման ձևով։
Նկատի ունենալով, որ ամբաստանյալ Ենոք Եղիազարյանը արարքը կատարել է մինչև 2011թ. մայիսի 1-ը, 2011թ. օգոստոսի 20-ին կամովին ներկայացել է Հայաստանի Հանրապետության իրավապահ մարմիններ և նրան մեղսագրվել է արարք` ՀՀ քր. օր-ի 258 հոդվածի 3-րդ մասի 1-ին կետով, իսկ համաձայն ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման` ՀՀ քր. օր-ի 258 հոդվածի 3-րդ մասով հանցավոր արարք կատարած անձանց նկատմամբ կիրառելի է համաներման ակտը, հետևաբար դատարանը գտնում է, որ Ենոք Սոսի Եղիազարյանի նկատմամբ պետք է կիրառել ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման դրույթները։
Քննարկելով խափանման միջոցի հարցը, դատարանը գտնում է, որ ամբաստանյալ Ե. Եղիազարյանի նկատմամբ ընտրված կալանք խափանման միջոցը պետք է վերացնել։
Տուժողի կողմից քաղաքացիական հայց չներկայացնելու պատճառով, այդ հարցը պետք է համարել լուծված։
Անդրադառնալով իրեղեն ապացույցների տնօրինման հարցին, դատարանը գտնում է, որ դատավճիռն օրինական ուժի մեջ մտնելուց հետո գործով իրեղեն ապացույց ճանաչված և Ռոման Հարությունի Հակոբքյոխվյանին ի պահ հանձնված` «Մերսեդես Բենց S320» մակնիշի 5886 CNV պետհամարանիշի ավտոմեքենան, պետք է թողնել Ռոման Հարությունի Հակոբքյոխվյանի տնօրինմանը, Համազասպ Խուդավերդյանին ի պահ հանձնված` «Ֆորդ Էքսպլովեր» մակնիշի 03 ՕԼ 075 պետհամարանիշի Ջիպ ավտոմեքենան` թողնել Համազասպ Խուդավերդյանի տնօրինմանը, իսկ 5.45մմ տրամաչափի «ԱԿ-74» տեսակի 1177411 համարի ինքնաձիգը և 7.65մմ տրամաչափի «Վալտեր ՊՊ» մոդելի ատրճանակը, 5.45մմ տրամաչափի մեկ կրակված պարկուճը, 7.65մմ տրամաչափի մեկ կրակված գնդակը և երեք կրակված պարկուճները` թողնել ՀՀ ոստիկանության փորձաքրեագիտական վարչության տնօրինմանը։
Վերոգրյալի հիման վրա և ղեկավարվելով ՀՀ քր. դատ. օր-ի 357-360 հոդվածներով, դատարանը.

Վ Ճ Ռ Ե Ց

1. Արարատ Հովհաննեսի Գրիգորյանին մեղավոր ճանաչել ՀՀ քր. օր-ի 258 հոդվածի 4-րդ մասով և դատապարտել ազատազրկման` 4/չորս/ տարի ժամկետով։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը` 09.12.2010թ.։
Արարատ Գրիգորյանի նկատմամբ ընտրված կալանք խափանման միջոցը թողնել անփոփոխ մինչև դատավճռի օրինական ուժի մեջ մտնելը։
ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի հիման վրա` Արարատ Հովհաննեսի Գրիգորյանի պատժաչափի չկրած մասը ենթակա է կրճատման մեկ քառորդով։
Պատիժը կրելու ընթացքում Արարատ Հովհաննեսի Գրիգորյանի նկատմամբ սահմանել նյարդահոգեբանի հսկողություն։
2. Ենոք Սոսի Եղիազարյանին մեղավոր ճանաչել ՀՀ քր. օր-ի 258 հոդվածի 3-րդ մասի 1-ին կետով և դատապարտել ազատազրկման` 2/երկու/ տարի ժամկետով։
Կիրառել ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 1-ին ենթակետը և Ենոք Սոսի Եղիազարյանին ազատել 2/երկու/ տարի ժամկետով ազատազրկման ձևով նշանակված պատժից։
Ենոք Եղիազարյանի նկատմամբ ընտրված կալանք խափանման միջոցը վերացնել և նրան անհապաղ ազատ արձակել դատական նիստի դահլիճում։
Քաղաքացիական հայցի հարցը համարել լուծված։
Գործով իրեղեն ապացույց ճանաչված և Ռոման Հարությունի Հակոբքյոխվյանին ի պահ հանձնված` «Մերսեդես Բենց S320» մակնիշի 5886 CNV պետհամարանիշի ավտոմեքենան, դատավճիռն օրինական ուժի մեջ մտնելուց հետո թողնել Ռոման Հարությունի Հակոբքյոխվյանի տնօրինմանը, Համազասպ Խուդավերդյանին ի պահ հանձնված` «Ֆորդ Էքսպլովեր» մակնիշի 03 ՕԼ 075 պետհամարանիշի Ջիպ ավտոմեքենան` թողնել Համազասպ Խուդավերդյանի տնօրինմանը, իսկ 5.45մմ տրամաչափի «ԱԿ-74» տեսակի 1177411 համարի ինքնաձիգը, 7.65մմ տրամաչափի «Վալտեր ՊՊ» մոդելի ատրճանակը, 5.45մմ տրամաչափի մեկ կրակված պարկուճը, 7.65մմ տրամաչափի մեկ կրակված գնդակը և երեք կրակված պարկուճները` թողնել ՀՀ ոստիկանության փորձաքրեագիտական վարչության տնօրինմանը։
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում։


ԴԱՏԱՎՈՐ Ա. ԳԱԲՐԻԵԼՅԱՆ