ԵԷԴ/0086/01/11

Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը՝

ՆԱԽԱԳԱՀՈւԹՅԱՄԲ ԴԱՏԱՎՈՐ` Ա. ԳԱԲՐԻԵԼՅԱՆ
ՔԱՐՏՈւՂԱՐՈւԹՅԱՄԲ` Լ. ՄԻՐԶՈՅԱՆ

Մասնակցությամբ`

ՄԵՂԱԴՐՈՂ` Ա. ԱՓԻՅԱՆ
ՊԱՇՏՊԱՆ` Վ. ԳՐԻԳՈՐՅԱՆ

2011թ. սեպտեմբերի 14-ին դատարանում
Դռնբաց դատական նիստում դատական քննության արագացված կարգի կիրառմամբ քննեց քրեական գործն ըստ մեղադրանքի`
1. Կարեն Քաջիկի Հակոբյանի, ծնված 09.02.1984թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում չդատված, բնակվում է ք.Երևան Նուբարաշեն 11 փողոց 10 շենք, 8 բնակարանում։
Մեղադրվում է ՀՀ քր. օր-ի 177 հոդվածի 2-րդ մասի 1-ին և 3-րդ կետերով։
Սույն գործով կալանքի տակ չի եղել։
2. Տիգրան Դավիթի Սիմոնյանի, ծնված 29.10.1990թ., ք.Վանաձոր, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում չդատված, բնակվում է ք.Երևան Նուբարաշեն 11 փողոց 10 շենք, 34 բնակարանում։
Մեղադրվում է ՀՀ քր. օր-ի 177 հոդվածի 2-րդ մասի 1-ին և 3-րդ կետերով։
Սույն գործով կալանքի տակ չի եղել։
Դատաքննությամբ և գործի տվյալներով պարզվեց հետևյալը.
Կարեն Միշայի Վարդանյանը իրեն պատկանող բեռնատար «Ֆորդ» մակնիշի 62 ՍՏ 429 պետհամարանիշի ավտոմեքենայով զբաղվել է մետաղի ջարդոնի առք ու վաճառքով, նրա հետ աշխատել է նաև Կարեն Քաջիկի Հակոբյանը։ 2011թ. ապրիլի 19-ին հերթական անգամ երկաթյա իրեր գնելու համար վերջիններս գնացել են Երևան քաղաքի Նուբարաշեն 12 փողոցի, 2-րդ շենքի բնակիչ Աղավնի Գրիգորյանի տուն և նրա նկուղից դուրս բերել և նրանից գնել երկաթյա իրերի ջարդոն, որից հետո Ա. Գրիգորյանի ուղղեկցությամբ գնացել են Երևան քաղաքի Նուբարաշեն 9 փողոցում գտնվող` վերջինիս պատկանող հողամաս և այնտեղից նույնպես գնել երկաթյա իրեր։ Հողամասում գտնվելու ժամանակ վերջիններս նկատել են հողամասի կողքին գտնվող` Սուսաննա Մկրտչյանին պատկանող, թիվ 56 հողամասում առկա երկաթյա իրերը և որոշել են դրանք գաղտնի հափշտակել։ Նույն օրը, երեկոյան, գտնվելով Կ. Վարդանյանի տան բակում, նրանց է միացել նաև իրենց ընկեր Տիգրան Դավիթի Սիմոնյանը, որից հետո, ժամը 2330-ի սահմաններում Կ. Վարդանյանին պատկանող «Ֆորդ» մակնիշի 62 ՍՏ 429 պետհամարանիշի ավտոմեքենայով գնացել են Սուսաննա Բրիտանի Մկրտչյանին պատկանող` Երևան քաղաքի Նուբարաշեն 9 փողոցում գտնվող թիվ 56 հողամասի մոտ, որտեղ Տիգրան Սիմոնյանն ու Կարեն Հակոբյանը հողամասի մետաղալարերով և մոշի թփերով ցանկապատը վնասելու միջոցով ապօրինի մուտք են գործել հողամաս, իսկ Կարեն Վարդանյանն ավտոմեքենայով կանգնել է ցանկապատի մոտ` գողացված ապրանքները ցանկապատի վրայից վերցնելու և ավտոմեքենայի մեջ դասավորելու համար։ Տիգրան Սիմոնյանն ու Կարեն Հակոբյանը հողամասից վերցրել և Կարեն Վարդանյանին են փոխանցել երկաթյա ջեռուցման մարտկոցներ, երկաթյա խողովակներ և այլ երկաթյա իրեր, որոնք վերջինս դասավորել է ավտոմեքենայի մեջ։
Դուրս գալով նշված հողամասից, Տիգրան Սիմոնյանը մետաղյա ցանկապատի վրա մագլցելով, այս անգամ ապօրինի մուտք է գործել Սուսաննա Բրիտանի Մկրտչյանին պատկանող` Երևան քաղաքի Նուբարաշեն 9 փողոցում գտնվող, թիվ 56 հողամասի դիմաց գտնվող մյուս հողակտորը, իսկ Կարեն Վարդանյանն ու Կարեն Հակոբյանը կանգնել են դրսում` ցանկապատի մոտ` գողացված ապրանքները ցանկապատի վրայից վերցնելու և ավտոմեքենայի մեջ դասավորելու համար։ Տիգրան Սիմոնյանը հողամասից վերցրել և ցանկապատի վրայով Կարեն Վարդանյանին և Կարեն Հակոբյանին է փոխանցել մետաղյա ջեռուցման մարտկոցներ և երկաթյա ամրալար։
Այսպիսով, վերջիններս գաղտնի հափշտակել են 50.000 ՀՀ դրամ ընդհանուր արժողությամբ գույք։
Վերը նշված հանցավոր արարքների կատարման համար Կարեն Քաջիկի Հակոբյանին, Տիգրան Դավիթի Սիմոնյանին և Կարեն Միշայի Վարդանյանին մեղադրանք է առաջադրվել ՀՀ քր. օր-ի 177 հոդվածի 2-րդ մասի 1-ին և 3-րդ կետերով։
ՀՀ ոստիկանության ՔԳՎ Էրեբունու քննչական բաժնի 14.06.2011թ. որոշմամբ Կարեն Միշայի Վարդանյանի նկատմամբ ՀՀ քր. օր-ի 177 հոդվածի 2-րդ մասի 1-ին և 3-րդ կետերով քրեական հետապնդումը դադարեցվել է համաներման ակտ ընդունվելու հիմքով։
Քրեական գործով մինչև դատաքննությունը սկսելը ամբաստանյալներ Կարեն Հակոբյանը և Տիգրան Սիմոնյանը հայտնեցին դատարանին, որ համաձայն են առաջադրված մեղադրանքի հետ և միջնորդեցին կիրառել դատական քննության արագացված կարգ։ Կ. Հակոբյանի և Տ. Սիմոնյանի պաշտպան Վարդան Գրիգորյանը նույնպես միջնորդեց կիրառել դատական քննության արագացված կարգ։
Հաշվի առնելով, որ մեղադրողը չի առարկել դատական քննության արագացված կարգ կիրառելու դեմ, ամբաստանյալները համաձայնվել են իրեն առաջադրված մեղադրանքի հետ և միջնորդել են կիրառել դատական քննության արագացված կարգ, ամբաստանյալներին մեղսագրվող հանցագործության համար ՀՀ քրեական օրենսգրքով նախատեսված պատիժը չի գերազանցում 10 տարի ժամկետով ազատազրկումը, ամբաստանյալները գիտակցում են իրենց կողմից ներկայացված միջնորդության բնույթը և հետևանքները, միջնորդությունը ներկայացրել են կամավոր՝ պաշտպանի ներկայությամբ և նրա հետ խորհրդակցելուց հետո, դատարանը որոշեց միջնորդությունը բավարարել՝ կիրառել դատական քննության արագացված կարգ։
Դատարանը, ուսումնասիրելով ամբաստանյալներ Կարեն Հակոբյանի և Տիգրան Սիմոնյանի անձը բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքները, գտավ, որ ամբաստանյալներ Կարեն Հակոբյանի և Տիգրան Սիմոնյանի կողմից նախնական համաձայնությամբ կատարված զգալի չափերով գաղտնի հափշտակությունը` շինություն ապօրինի մուտք գործելով, հիմնավորված է, նրանց արարքը ճիշտ է որակված և համապատասխանում է ՀՀ քր. օր-ի 177 հոդվածի 2-րդ մասի 1-ին և 3-րդ կետերով նախատեսված հանցագործության հատկանիշներին։
Ամբաստանյալներ Կարեն Հակոբյանի և Տիգրան Սիմոնյանի նկատմամբ պատիժ նշանակելիս դատարանը հաշվի առավ ինչպես կատարած արարքի հանրորեն վտանգավորության աստիճանն ու գործի կոնկրետ հանգամանքները, այնպես էլ նրանց անձը։
Ամբաստանյալ Կարեն Հակոբյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս երիտասարդ է, երրորդ խմբի հաշմանդամ է, նախկինում արատավորված չի եղել, բնութագրվում է դրականորեն, զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Կ. Հակոբյանի նկատմամբ ընտրված խափանման միջոցը` ստորագրություն չհեռանալու մասին, պետք է վերացնել։
Ամբաստանյալ Տիգրան Սիմոնյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս երիտասարդ է, նախկինում արատավորված չի եղել, բնութագրվում է դրականորեն, զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Տ. Սիմոնյանի նկատմամբ ընտրված խափանման միջոցը` ստորագրություն չհեռանալու մասին, պետք է վերացնել։
Տուժողի կողմից քաղաքացիական հայց չներկայացնելու պատճառով, այդ հարցը պետք է համարել լուծված։
Անդրադառնալով իրեղեն ապացույցների տնօրինման հարցին, դատարանը գտնում է, որ դատավճիռն օրինական ուժի մեջ մտնելուց հետո գործով իրեղեն ապացույց ճանաչված և տուժող Ս. Մկրտչյանին ի պահ հանձնված 7 հատ 30/105սմ, 2 հատ 30/60սմ, 1 հատ 30/40սմ չափերով երկաթյա ջեռուցման մարտկոցները, տարբեր չափերի և հաստության երկաթյա ամրալարերը` ընդհանուր 92կգ քաշով, և 1 հատ 143սմ երկարությամբ, 5մմ հաստության երկաթյա անկյունակը, 2 հատ 150սմ երկարությամբ 3.6սմ տրամաչափի երկաթյա խողովակները, 1 հատ 150սմ երկարության 3սմ տրամաչափի երկաթյա խողավակը, 1 հատ 148սմ երկարության 5.8սմ տրամաչափի երկաթյա խողովակը, 1 հատ 2.18սմ երկարության 7.4 տրամաչափի երկաթյա խողավակը պետք է թողնել Սուսաննա Մկրտչյանի տնօրինմանը։
ՀՀ Ազգային Ժողովի կողմից 26.05.2011թ. ընդունվել է «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշումը։
Նկատի ունենալով, որ ամբաստանյալներ Կարեն Հակոբյանը և Տիգրան Սիմոնյանը հանցագործությունները կատարել են մինչև 2011թ. մայիսի 1-ը, հետևաբար դատարանը գտնում է, որ այդպիսի հանգամանքների պայմաններում նրանց նկատմամբ կիրառելի է ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման դրույթները։
Վերոգրյալի հիման վրա և ղեկավարվելով ՀՀ քր. դատ. օր-ի 357-360 և 3753 հոդվածներով և ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 1-ին ենթակետով և 13 կետի 1-ին ենթակետով, դատարանը.

Վ Ճ Ռ Ե Ց

1. Կարեն Քաջիկի Հակոբյանին մեղավոր ճանաչել ՀՀ քր. օր-ի 177 հոդվածի 2-րդ մասի 1-ին և 3-րդ կետերով և դատապարտել ազատազրկման` 2/երկու/ տարի ժամկետով։
Կիրառել ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 1-ին ենթակետը և Կարեն Քաջիկի Հակոբյանին ազատել 2/երկու/ տարի ժամկետով ազատազրկման ձևով նշանակված պատժից։
Կարեն Հակոբյանի նկատմամբ ընտրված խափանման միջոցը` ստորագրություն չհեռանալու մասին, վերացնել։
2. Տիգրան Դավիթի Սիմոնյանին մեղավոր ճանաչել ՀՀ քր. օր-ի 177 հոդվածի 2-րդ մասի 1-ին և 3-րդ կետերով և դատապարտել ազատազրկման` 2/երկու/ տարի ժամկետով։
Կիրառել ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 1-ին ենթակետը և Տիգրան Դավիթի Սիմոնյանին ազատել 2/երկու/ տարի ժամկետով ազատազրկման ձևով նշանակված պատժից։
Տիգրան Սիմոնյանի նկատմամբ ընտրված խափանման միջոցը` ստորագրություն չհեռանալու մասին, վերացնել։
Քաղաքացիական հայցի հարցը համարել լուծված։
Գործով իրեղեն ապացույց ճանաչված և տուժող Ս. Մկրտչյանին ի պահ հանձնված 7 հատ 30/105սմ, 2 հատ 30/60սմ, 1 հատ 30/40սմ չափերով երկաթյա ջեռուցման մարտկոցները, տարբեր չափերի և հաստության երկաթյա ամրալարերը` ընդհանուր 92կգ քաշով, և 1 հատ 143սմ երկարությամբ, 5մմ հաստության երկաթյա անկյունակը, 2 հատ 150սմ երկարությամբ 3.6սմ տրամաչափի երկաթյա խողովակները, 1 հատ 150սմ երկարության 3սմ տրամաչափի երկաթյա խողավակը, 1 հատ 148սմ երկարության 5.8սմ տրամաչափի երկաթյա խողովակը, 1 հատ 2.18սմ երկարության 7.4 տրամաչափի երկաթյա խողավակը դատավճիռն օրինական ուժի մեջ մտնելուց հետո թողնել Սուսաննա Մակրտչյանի տնօրինմանը։
Դատավճիռը, բացառությամբ ՀՀ քր. դատ. օր-ի 395 հոդվածի 1-ին կետով նախատեսված հիմքի, կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում։


ԴԱՏԱՎՈՐ Ա. ԳԱԲՐԻԵԼՅԱՆ