Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0080/01/11
2011թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐՆԵՐ՝ Ս. ԴԱՐԲԻՆՅԱՆ
Շ. ԴՈւՐՅԱՆ
ՄԵՂԱԴՐՈՂ-ԴԱՏԱԽԱԶ՝ Հ. ՀԱՐՈւԹՅՈւՆՅԱՆ
ՊԱՇՏՊԱՆ` Գ. ՄԵԼՔՈՆՅԱՆ

2011թ. Հուլիսի «19»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն ըստ մեղադրանքի՝ Մեսրոպ Համլետի Պողոսյանի /ծնված՝ 08.01.1971թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ֆիզիկապես առողջ, ամուսնացած, խնամքին երեք անձ, նախկինում չդատապարտված, աշխատել է ՀՀ ԱՆ «Նուբարաշեն» քրեակատարողական հիմնարկի սոցիալական, հոգեբանական և իրավական աշխատանքների բաժնի առաջատար մասնագետ, կոչումով արդարադատության լեյտենանտ, բնակվում է ք.Երևան, Դավիթաշեն 2-րդ փողոցի, հմ.6 հասցեի տանը։
Սույն գործով արգելանքի տակ չի եղել։
Մեղադրվում է ՀՀ Քրեական օրենսգրքի 308 հոդվածի 1-ին մասով։

1. Գործի դատավարական նախապատմությունը

ՀՀ ԱՆ «Նուբարաշեն» քրեակատարողական հիմնարկի սոցիալական, հոգեբանական և իրավական աշխատանքների բաժնի առաջատար մասնագետ, արդարադատության լեյտենանտ Մեսրոպ Համլետի Պողոսյանի կողմից պաշտոնեական լիազորությունները չարաշահելու դեպքի առթիվ ՀՀ Հատուկ քննչական ծառայությունում 11.05.2011թ. ՀՀ Քրեական օրենսգրքի 308 հոդվածի 1-ին մասի հատկանիշներով հարուցվել է հմ.62203511 քրեական գործը։
02.06.2011թ. որոշմամբ Մեսրոպ Համլետի Պողոսյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 308 հոդվածի 1-ին մասով այն բանի համար, որ նա. «Հանդիսանալով պաշտոնատար անձ, շահադիտական շահագրգռվածությունից ելնելով, պաշտոնեական դիրքն օգտագործել է ծառայության շահերին հակառակ և իր գործողություններով էական վնաս պատճառել պետության օրինական շահերին, ինչը դրսևորվել է հետևյալում. 2010թ. մայիսի 3-ից զբաղեցնելով ՀՀ ԱՆ «Նուբարաշեն» քրեակատարողական հիմնարկի սոցիալական, հոգեբանական և իրավական աշխատանքների բաժնի առաջատար մասնագետի պաշտոնը, հանդիսանալով իշխանության ներկայացուցչի գործառույթներ իրականացնող պաշտոնատար անձ, չարաշահել է «Քրեակատարողական ծառայության մասին» ՀՀ օրենքով և ՀՀ Արդարադատության նախարարի 2008թ. մայիսի 30-ի թիվ 44-Ն հրամանով հաստատված, կալանավորվածների և դատապարտյալների հետ սոցիալական, հոգեբանական և իրավական աշխատանքներ իրականացնող կառուցվածքային ստորաբաժանումների գործունեության կարգի 30-րդ հոդվածով սահմանված իր լիազորությունները. նա, ի պաշտոնե իրավունք ունենալով առանց անձնական զննման մուտք գործել քրեակատարողական հիմնարկի ռեժիմային գոտի և այցելել դատապարտյալներին, անթույլատրելի կապի մեջ է մտել նույն հիմնարկում պատիժը կրող դատապարտյալ Արթուր Խանոյանի հետ, վերջինիս պատվերով և համապատասխան վարձատրության դիմաց 2011թ. մարտ-ապրիլ ամիսներին դատապարտյալների հարազատներից ստացել, ապա քրեակատարողական հիմնարկ է տեղափոխել ՀՀ ԱՆ քրեակատարողական ծառայության` կալանավորվածներին պահելու վայրերի և ուղղիչ հիմնարկների ներքին կանոնակարգի 23-րդ կետի համաձայն արգելված իր հանդիսացող բջջային հեռախոսներ։ Այսպես, 2011թ. մարտի 31-ին Մեսրոպ Պողոսյանը, Երևանի Դավիթաշեն թաղամասում հանդիպելով դատապարտյալ Արտյոմ Արշակյանի հարազատներ Նառա Սուքիասյանին և Վարսենիկ Արշակյանին, նրանցից ստանալով «ՄՏՍ» տեսակի 2 բջջային հեռախոս և որպես վարձատրություն` 20000 դրամ, հաջորդ օրը «Նուբարաշեն» ՔԿՀ-ում հեռախոսները տվել է դատապարտյալ Արթուր Խանոյանին, իսկ վերջինս էլ դրանք փոխանցել է Արտյոմ Արշակյանին։ Այնուհետև` 2011թ. ապրիլի 5-ին դարձյալ Դավիթաշեն թաղամասում հանդիպելով մեկ այլ դատապարտյալ Մանուկ Մանուկյանի կնոջ` Անուշ Թովմասյանին, Մեսրոպ Պողոսյանը նրանից ստացել է «Նոկիա» և «Բիլայն» տեսակի 2 բջջային հեռախոս ու դրանց լիցքավորման էլեկտրական լար, որոնք հաջորդ օրն իր հետ տարել է «Նուբարաշեն» քրեակատարողական հիմնարկ, սակայն հեռախոսներն ու լարը դատապարտյալ Արթուր Խանոյանին փոխանցելը և դրա դիմաց որպես վարձատրություն 20000 դրամ ստանալը քրեակատարողական հիմնարկի օպերատիվ բաժնի աշխատակիցները զննության են ենթարկել Մեսրոպ Պողոսյանին, որի ընթացքում վերջինս կամովին ներկայացրել է հեռախոսները և լարը։ Վերը նկարագրված արարքով Մեսրոպ Պողոսյանն արատավորել է քրեակատարողական ծառայողի անունն ու բարի համբավը, հեղինակազրկել է քրեակատարողական ծառայությունն, ինչով էական վնաս է հասցրել պետության օրինական շահերին»։
Քրեական գործը 07.06.2011թ. կազմված և 10.06.2011թ. հաստատված մեղադրական եզրակացությամբ 16.06.2011թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Արագացված դատական քննություն

Ամբաստանյալ Մեսրոպ Համլետի Պողոսյանը խորհրդակցելով իր պաշտպան` ՀՀ փաստաբանների պալատի փաստաբան Գևորգ Մելքոնյանի հետ /փաստաբանական գործունեության արտոնագիր հմ.224/, դատարանին արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները, միաժամանակ խնդրեց իր նկատմամբ կիրառել ՀՀ Ազգային ժողովի կողմից 26.05.2011թ-ին ընդունված` «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշումը։
Մեղադրող-դատախազ Հ.Հարությունն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշեց կիրառել դատական քննության արագացված կարգ։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Մեսրոպ Համլետի Պողոսյանը կատարել է արարք, որը նախատեսված է ՀՀ Քրեական օրենսգրքի 308 հոդվածի 1-ին մասով, որով և պետք է ենթարկվի քրեական պատասխանատվության։

3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 18 հոդվածի 1-ին մասի դրույթների համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է քրեական oրենuգրքով։
ՀՀ Քրեական օրենսգրքի 308 հոդվածի 1-ին մասի համաձայն հանցագործություն է համարվում` պաշտոնատար անձի կողմից իր պաշտոնեական դիրքը ծառայության շահերին հակառակ oգտագործելը կամ ծառայողական պարտականությունները չկատարելը` շահադիտական, անձնական այլ շահագրգռվածությունից կամ խմբային շահերից ելնելով, որն էական վնաu է պատճառել անձանց, կազմակերպությունների իրավունքներին ու oրինական շահերին, հաuարակության կամ պետության oրինական շահերին (գույքային վնաuի դեպքում` հանցագործության պահին uահմանված նվազագույն աշխատավարձի հինգհարյուրապատիկի չափը գերազանցող գումարը կամ դրա արժեքը)։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով, իսկ ՀՀ Քրեական օրենսգրքի 48 հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Պատիժ նշանակելիս դատարանը հաշվի է առնում, որ ամբաստանյալը նախկինում դատապարտված չի եղել, բնութագրվում է դրականորեն, նախաքննության մարմնին տվել է ինքնախոստովանական ցուցմունքներ, իրեն լիովին մեղավոր է ճանաչել և զղջացել է կատարածի համար, խնամքին են գտնվում մինչև տասնչորս տարեկան դուստրը և 3-րդ կարգի հաշմանդամ ծնողները, ընտանիքի միակ կերակրողն է, գործով բացակայում են պատասխանատվությունը և պատիժը ծանրացնող հանգամանքները։
Քննարկելով ապացույց ճանաչված Մեսրոպ Պողոսյանի կողմից «Բիլայն» մակնիշի և «Նոկիա» մակնիշի բջջային հեռախոսները և լիցքավորման լարի կտորը ներկայացնելու և Արտյոմ Արշակյանի «ՄՏՍ» տեսակի երկու բջջային հեռախոսները ներկայացնելու մասին ՀՀ ԱՆ «Նուբարաշեն» քրեակատարողական հիմնարկի օպերատիվ բաժնի աշխատակիցների կողմից 06.04.2011թ. կազմված արձանագրությունների հարցը դատարանը գտնում է, դրանք պետք է պահել քրեական գործի հետ։
Դատարանը քննարկելով իրեղեն ապացույցներ` Արտյոմ Արշակյանի կողմից ներկայացված «MTC» /«ՄՏՍ»/ ապրանքանիշի IMEI 357112032280952 և 357112038382133 գործարանային անհատական համարներով առանց բաժանորդային քարտերի երկու բջջային հեռախոսների, «Билайн» /«Բիլայն»/ ապրանքանիշի IMEI 864912007879779 գործարանային անհատական համարով և «Օrange» /«Օրանժ»/ տեսակի 0911044025880 համարը կրող բաժանորդային քարտով թվով մեկ բջջային հեռախոսի, «NOKIA» /«Նոկիա»/ ապրանքանիշի 2330 c-2 մոդելի 355947/04/044979/8 գործարանային անհատական համարով առանց բաժանորդային քարտի թվով մեկ բջջային հեռախոսի և լիցքավորման լարի կտորի տնօրինման հարցը, գտնում է, որ դատավճիռն օրինական ուժի մեջ մտնելուց հետո բոլոր բջջային հեռախոսները պետք է որպես եկամուտ հանձնել պետությանն, իսկ «Օrange» /«Օրանժ»/ տեսակի 0911044025880 համարը կրող թվով մեկ բաժանորդային քարտը պետք է ոչնչացնելու նպատակով հանձնել «Օրանժ Արմենիա» ՓԲ ընկերությանն, իսկ լիցքավորման լարի կտորը պետք է ոչնչացնել։
Ելնելով վերոգրյալներից և ղեկավարվելով ՀՀ Քրեական դատավարության օրենսգրքի 357-360, 3753 հոդվածներով, ՀՀ Ազգային Ժողովի կողմից 26.05.2011թ. ընդունված «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշմամբ դատարանը

Վ Ճ Ռ Ե Ց
Մեսրոպ Համլետի Պողոսյանին մեղավոր ճանաչել ՀՀ Քրեական օրենսգրքի 308 հոդվածի 1-ին մասով և դատապարտել ազատազրկման 1 /մեկ/ տարի ժամկետով։
ՀՀ Ազգային Ժողովի կողմից 26.05.2011թ. ընդունված «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշման 1-ին կետի 1-ին ենթակետի կիրառմամբ Մեսրոպ Համլետի Պողոսյանին ազատել պատժից։
Մ.Պողոսյանի նկատմամբ ընտրված խափանման միջոցը թողնել անփոփոխ, մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո «MTC» /«ՄՏՍ»/ ապրանքանիշի IMEI 357112032280952 և 357112038382133 գործարանային անհատական համարներով առանց բաժանորդային քարտերի թվով երկու բջջային հեռախոսները, «Билайн» /«Բիլայն»/ ապրանքանիշի IMEI 864912007879779 գործարանային անհատական համարով առանց բաժանորդային քարտի թվով մեկ բջջային հեռախոսը, «NOKIA» /«Նոկիա»/ ապրանքանիշի 2330 c-2 մոդելի 355947/04/044979/8 գործարանային անհատական համարով առանց բաժանորդային քարտի թվով մեկ բջջային հեռախոսը որպես եկամուտ հանձնել պետությանը։
Դատավճիռն օրինական ուժի մեջ մտնելուց հետո լիցքավորման լարի կտոր ոչնչացնել, իսկ «Օrange» /«Օրանժ»/ տեսակի 0911044025880 համարը կրող բաժանորդային քարտը ոչնչացնելու նպատակով հանձնել «Օրանժ Արմենիա» ՓԲ ընկերությանը։
Ապացույց ճանաչված Մեսրոպ Պողոսյանի կողմից «Բիլայն» մակնիշի և «Նոկիա» մակնիշի բջջային հեռախոսները և լիցքավորման լարի կտորը ներկայացնելու և Արտյոմ Արշակյանի «ՄՏՍ» տեսակի երկու բջջային հեռախոսները ներկայացնելու մասին ՀՀ ԱՆ «Նուբարաշեն» քրեակատարողական հիմնարկի օպերատիվ բաժնի աշխատակիցների կողմից 06.04.2011թ. կազմված արձանագրությունները պահել քրեական գործի հետ։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։

ԴԱՏԱՎՈՐ Ա. ՕՀԱՆՅԱՆ