ԵԷԴ/0070/01/11

Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը՝

ՆԱԽԱԳԱՀՈւԹՅԱՄԲ ԴԱՏԱՎՈՐ` Ա. ԳԱԲՐԻԵԼՅԱՆ
ՔԱՐՏՈւՂԱՐՈւԹՅԱՄԲ` Լ. ՄԻՐԶՈՅԱՆ

Մասնակցությամբ`

ՄԵՂԱԴՐՈՂ` Պ. ԳՅՈւԼՈւՄՅԱՆ
ՊԱՇՏՊԱՆ` Ա. ԱՎԱԳՅԱՆ
ՏՈւԺՈՂ` Զ. ՄԵԼԻՔՅԱՆ

2011թ. հուլիսի 11-ին դատարանում
Դռնբաց դատական նիստում դատական քննության արագացված կարգի կիրառմամբ քննեց քրեական գործն ըստ մեղադրանքի` Մնացական Քաջիկի Կարապետանի, ծնված 01.01.1959թ., Արարատի մարզ գ.Կանաչուտ, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, բնակվում է Արարատի մարզի Կանաչուտ գյուղում։
Մեղադրվում է ՀՀ քր. օր-ի 178 հոդվածի 2-րդ մասի 2-րդ կետով։
Սույն գործով կալանքի տակ չի եղել։
Դատաքննությամբ և գործի տվյալներով պարզվեց հետևյալը.
Ամբաստանյալ Մնացական Քաջիկի Կարապետյանը, 2009թ. դեկտեմբեր ամսվա սկզբներին, գտնվելով Երևան քաղաքի Աճեմյան փողոցի 3-րդ նրբանցքի, 8 տանը, մորաքրոջ` Զ. Մելիքյանի հետ խոսակցության ժամանակ տեղեկացել է, որ վերջինս ցանկացել է թոռանը` 02.01.1995թ. ծնված Գարեգին Եղիշեի Գևորգյանին ժամկետային զինվորական ծառայությունից ազատել, խոստացել է օգնել, իսկ գործարքը կատարելու համար պահանջել է 7.000 ԱՄՆ դոլարին համարժեք ՀՀ դրամ։ Այդ նույն օրը խնամակալության փաստաթղթեր ձևակերպելու և վերցնելու համար Զ. Մելիքյանից ստացել է 1.000 ԱՄՆ դոլարին համարժեք 385.440 ՀՀ դրամ, իսկ 2010թ. ապրիլի 17-ին` 3.000 ԱՄՆ դոլարին համարժեք 1.182.330 ՀՀ դրամ, սակայն Գ Գևորգյանին ժամկետային զինվորական ծառայությունից ազատելու ուղղությամբ որևէ գործողություն չի կատարել և խաբեությամբ, վստահությունը չարաշահելով հափշտակել է այն` Զ. Մելիքյանին պատճառելով խոշոր չափի` 4.000 ԱՄՆ դոլարին համարժեք 1.567.770 ՀՀ դրամի վնաս։
Վերը նշված հանցավոր արարքի կատարման համար Մնացական Քաջիկի Կարապետյանին մեղադրանք է առաջադրվել ՀՀ քր. օր-ի 178 հոդվածի 2-րդ մասի 2-րդ կետով։
Քրեական գործով մինչև դատաքննությունը սկսելը ամբաստանյալ Մնացական Կարապետյանը հայտնեց դատարանին, որ համաձայն է առաջադրված մեղադրանքի հետ և միջնորդեց կիրառել դատական քննության արագացված կարգ։ Մ. Կարապետյանի պաշտպան Ամալյա Ավագյանը նույնպես միջնորդեց կիրառել դատական քննության արագացված կարգ։
Հաշվի առնելով, որ մեղադրողը չի առարկել դատական քննության արագացված կարգ կիրառելու դեմ, ամբաստանյալը համաձայնվել է իրեն առաջադրված մեղադրանքի հետ և միջնորդել է կիրառել դատական քննության արագացված կարգ, ամբաստանյալին մեղսագրվող հանցագործության համար ՀՀ քրեական օրենսգրքով նախատեսված պատիժը չի գերազանցում 10 տարի ժամկետով ազատազրկումը, ամբաստանյալը գիտակցում է իր կողմից ներկայացված միջնորդության բնույթը և հետևանքները, միջնորդությունը ներկայացվել է կամավոր՝ պաշտպանի ներկայությամբ և նրա հետ խորհրդակցելուց հետո, դատարանը որոշեց միջնորդությունը բավարարել՝ կիրառել դատական քննության արագացված կարգ։
Դատարանը, ուսումնասիրելով ամբաստանյալ Մնացական Կարապետյանի անձը բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքները, գտավ, որ ամբաստանյալ Մնացական Կարապետյանի կողմից խարդախությունը` խաբեության և վստահությունը չարաշահելու եղանակով ուրիշի գույքի խոշոր չափերով հափշտակություն կատարելը հիմնավորված է, նրա արարքը ճիշտ է որակված և համապատասխանում է ՀՀ քր. օր-ի 178 հոդվածի 2-րդ մասի 2-րդ կետով նախատեսված հանցագործության հատկանիշներին։
Ամբաստանյալ Մնացական Կարապետյանի նկատմամբ պատիժ նշանակելիս դատարանը հաշվի առավ ինչպես կատարած արարքի հանրորեն վտանգավորության աստիճանն ու գործի կոնկրետ հանգամանքները, այնպես էլ նրա անձը։
Ամբաստանյալի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս 2-րդ կարգի հաշմանդամ է և աշխատանքային հաշմանդամության հետևանքով գրանցված է որպես թոշակառու Արտաշատի ՍԱՏԲ-ում, տառապում է շաքարային 2-րդ տիպի դիաբետով, համաձայն Արարատի մարզի Կանաչուտի գյուղապետարանի 16.06.2011թ. թիվ 024/102 տեղականքի վերջինիս կինը և որդին հաշմանդամ են, բնութագրվում է դրականորեն, զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Մ. Կարապետյանի նկատմամբ ընտրված խափանման միջոցը` ստորագրություն չհեռանալու մասին, պետք է վերացնել։
Տուժող Զինա Մելիքյանը քաղաքացիական հայց է ներկայացրել ընդդեմ Մնացական Կարապետյանի և խնդրել է ամբաստանյալ Մնացական Կարապետյանից հօգուտ իրեն բռնագանձել 4.500/չորս հազար հինգ հարյուր/ ԱՄՆ դոլարին համարժեք ՀՀ դրամ։ Միաժամանակ խնդրել է արգելանք դնել ամբաստանյալ Մնացական Կարապետյանին պատկանող գույքի և դրամական միջոցների վրա, քանի որ նման միջոցներ չձեռնարկելը կարող է անհնարին դարձնել կամ դժվարացնել դատական ակտի կատարումը։
Ամբաստանյալ Մնացական Կարապետյանը հայտնեց դատարանին, որ ներկայացված քաղաքացիական հայցի դեմ որևէ առարկություն չունի, և պարտավորվում է որոշակի ժամանակահատվածում մաս-մաս վճարել պատճառված վնասը։
Քննարկելով քաղաքացիական հայցի հարցը, դատարանը գտնում է, որ այն հիմնավոր է և ենթակա է բավարարման։
ՀՀ Ազգային Ժողովի կողմից 26.05.2011թ. ընդունվել է «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշումը։
Նկատի ունենալով, որ ամբաստանյալ Մնացական Կարապետյանին մեղսագրվել է արարք` ՀՀ քր. օր-ի 178 հոդվածի 2-րդ մասի 2-րդ կետով, իսկ ՀՀ քր. օր-ի 178 հոդվածի 2-րդ մասի սանկցիան նախատեսում է պատիժ տուգանք` նվազագույն աշխատավարձի հինգհարյուրապատիկից հազարապատիկի չափով, կամ ազատազրկում` երկուսից հինգ տարի ժամկետով, և հաշվի առնելով, որ վերջինս 2-րդ կարգի հաշմանդամ է, հետևաբար դատարանը գտնում է, որ այդպիսի հանգամանքների պայմաններում նրա նկատմամբ կիրառելի է ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման դրույթները։
Ելնելով վերոգրյալից և ղեկավարվելով ՀՀ քր. դատ. օր-ի 357-360, 3753 և 154, 160 և 163 հոդվածներով և ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 1-ին ենթակետով և 13 կետի 1-ին ենթակետով, դատարանը.

Վ Ճ Ռ Ե Ց

Մնացական Քաջիկի Կարապետյանին մեղավոր ճանաչել ՀՀ քր. օր-ի 178 հոդվածի 2-րդ մասի 2-րդ կետով և դատապարտել ազատազրկման` 3/երեք/ տարի ժամկետով։
Կիրառել ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 1-ին կետի 1-ին ենթակետը և Մնացական Քաջիկի Կարապետյանին ազատել 3/երեք/ տարի ժամկետով ազատազրկման ձևով նշանակված պատժից։
Մնացական Կարապետյանի նկատմամբ ընտրված խափանման միջոցը` ստորագրություն չհեռանալու մասին, վերացնել։
Մնացական Քաջիկի Կարապետյանից հօգուտ Զինա Մելիքյանի բռնագանձել 4.500/չորս հազար հինգ հարյուր/ ԱՄՆ դոլարին համարժեք ՀՀ դրամ որպես հանցագործությամբ պատճառված վնասի հատուցում։
Քաղաքացիական հայցի ապահովման նպատակով 4.500/չորս հազար հինգ հարյուր/ ԱՄՆ դոլարին համարժեք ՀՀ դրամի չափով, արգելանք դնել Մնացական Կարապետյանին սեփականության իրավունքով պատկանող գույքի կամ դրամական միջոցների վրա։
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում։


ԴԱՏԱՎՈՐ Ա. ԳԱԲՐԻԵԼՅԱՆ