Գործ հա.ԵԷԴ/0068/01/11
2011թ.

ՈՐՈՇՈՒՄ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ ՔՐԵԱԿԱՆ
ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով.
Նախագահող դատավոր Վլադիմիր Գրիգորյան
Քարտուղար Արմինե Արղամանյան
Մասնակցությամբ՝
Ամբաստանյալ Ալվարդ Սեդրակյան
Ամբաստանյալի պաշտպան Ռաֆիկ Սաֆարյան
Տուժող, միաժամանակ ամբաստանյալի
օրինական ներկայացուցիչ Սոֆյա Գրիգորյան
Մեղադրող Ավետիս Ափիյան

2011թ-ի հունիսի 15-ին դատարանում.
Դռնբաց դատական նիստում դատական նիստում քննության առնելով ամբաստանյալ Ալվարդ Գագիկի Սեդրակյանի միջնորդությունը` իր նկատմամբ ՀՀ Ազգային ժողովի 26.05.2011թ. ընդունած «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշումը կիրառելու, թիվ ԵԷԴ/0068/01/11 քրեական գործի վարույթը կարճելու և քրեական հետապնդումը դադարեցնելու մասին

ՊԱՐԶԵՑ

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի վարույթում քննվող թիվ ԵԷԴ/0068/01/11 քրեական գործով ամբաստանյալ Ալվարդ Գագիկի Սեդրակյանը /ծնվ. 06.05.1995թ. Երևան քաղաքում, ազգությունը հայ, Հայաստանի Հանրապետության քաղաքացի, միջնակարգ կրթությամբ, ամուրի, չի աշխատում, նախկինում չդատված, բնակ. Երևան, Խաղաղ-Դոնի փող. 5 շենք 176 բնակ./ մեղադրվում է ՀՀ քրեական օրենսգրքի 177-րդ հոդվածի 2-րդ մասի 2-րդ կետով այն բանում, որ նա իր հորաքրոջ որդի Արմեն Աշոտի Պետրոսյանի դրդմամբ 2009թ. հոկտեմբերին իրենց` Խաղաղ-Դոնի 5-րդ շենքի 176-րդ բնակարանից գաղտնի հափշտակել է տատի` Սոֆյա Գրիգորյանի խոշոր չափի` 1.450.000 ՀՀ դրամ արժողության 130 գրամ ընդհանուր քաշով ոսկյա զարդերը և նույն օրը գողացված զարդերը հանձնել է Արմեն Պետրոսյանին։
Փաստի առթիվ ՀՀ ՔԳՎ Էրեբունու քննչական բաժնի կողմից 26.04.2011թ. ՀՀ քրեական օրենսգրքի 177-րդ հոդվածի 2-րդ մասի 2-րդ կետով հարուցվել է թիվ 12113711 քրեական գործը և նախաքննություն է կատարվել։
Թիվ 12148310 քրեական գործի վարույթը ըստ մեղադրանքի Արմեն Պետրոսյանի ՀՀ քրեական օրենսգրքի 141-րդ հոդվածով, 165-րդ հոդվածի 4-րդ մասով և 38-177-րդ հոդվածի 2-րդ մասի 2-րդ կետով կասեցվել է մեղադրյալի գտնվելու վայրն անհայտ լինելու պատճառաբանությամբ, Արմեն Պետրոսյանի նկատմամբ որպես խափանման միջոց է ընտրվել կալանավորումը, նրա նկատմամբ հետախուզում է հայտարարվել։
22.04.2011թ. որոշում է կայացվել Ալվարդ Գագիկի Սեդրակյանին ՀՀ քրեական օրենսգրքի 177-րդ հոդվածի 2-րդ մասի 2-րդ կետով որպես մեղադրյալ ներգրավելու մասին, խափանման միջոց է կիրառվել նրան ծնողի` տատի Սոֆյա Բարսեղի Գրիգորյանի հսկողությանը հանձնելը։
Առաջադրված մեղադրանքում Ալվարդ Գագիկի Սեդրակյանն իրեն լիովին մեղավոր է ճանաչել։
Մեղադրական եզրակացությունը հաստատվել է 13.05.2011թ։
Քրեական գործը 16.05.2011թ. մուտք է եղել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։
Քրեական գործով դատաքննությունն սկսվել է 31.05.2011թ.։
Հերթական դատական նիստի ժամանակ` 15.06.2011թ., ամբաստանյալ Ալվարդ Գագիկի Սեդրակյանը միջնորդել է դատարանին` իր նկատմամբ կիրառել ՀՀ Ազգային ժողովի 26.05.2011թ. ընդունած «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշումը և թիվ ԵԷԴ/0068/01/11 քրեական գործի վարույթը կարճել և իր նկատմամբ քրեական հետապնդումը դադարեցնել։
Քննության առնելով ամբաստանյալ Ալվարդ Գագիկի Սեդրակյանի միջնորդությունը և լսելով դատավարության մյուս մասնակիցների կարծիքը, դատարանը գտնում է, որ ամբաստանյալ Ալվարդ Գագիկի Սեդրակյանի միջնորդությունը հիմնավոր է և այն պետք է բավարարել։
ՀՀ քրեական օրենսգրքի 177-րդ հոդվածի 2-րդ մասի 2-րդ կետի սանկցիան նախատեսում է ազատազրկում` երկուսից վեց տարի ժամկետով։
«ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքը /ընդունվել է 23.05.2011թ., ստորագրվել է 23.05.2011թ., հրապարակվել է 24.05.2011թ., ուժի մեջ է մտել 25.05.2011թ./ փոփոխություն է մտցվել ՀՀ քրեական օրենսգրքի 2-րդ մասի սանկցիայում, այն շարադրելով հետևյալ խմբագրությամբ, «պատժվում է տուգանքով նվազագույն աշխատավարձի հինգհարյուրապատիկից հազարապատիկի չափով, կամ ազատազրկմամբ երկուսից հինգ տարի ժամկետով»։
ՀՀ Ազգային ժողովի 26.05.2011թ. «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշման 6-րդ կետի 3-րդ ենթակետի պահանջի համաձայն` պետք է կարճվեն դատարանի վարույթում գտնվող այն քրեական գործերը, դադարեցնելով քրեական հետապնդումը մինչև 01.05.2011թ. կատարված հանցագործությունների այն դեպքերով, որոնցով հանցանք կատարած անձինք մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան հինգ տարի ժամկետով ազատազրկում։
Նույն որոշման 13-րդ կետի 1-ին կետի «ա» ենթակետի համաձայն` որոշման կատարումը վերապահվել է դատարաններին այն անձանց նկատմամբ, որոնց վերաբերյալ գործերը գտնվում են դատարաններում, սակայն մինչև համաներում հայտարարելու մասին որոշումն ուժի մեջ մտնելը չեն քննվել։ Թիվ ԵԷԴ/0068/01/11 քրեական գործի դատաքննությունը դեռևս չի ավարտվել։
Դատարանը գտնում է, որ գործով բացակայում են ՀՀ ԱԺ 26.05.2011թ. «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշման կիրառումը բացառող հիմքերը, որոնք նախատեսված են նշված որոշման 9-րդ կետի 1-12-րդ ենթակետերում, մասնավորապես` տուժողի կողմից ամբաստանյալ Ալվարդ Գագիկի Սեդրակյանի նկատմամբ քաղհայց չի ներկայացվել։
ՀՀ քրեական օրենսգրքի 35-րդ հոդվածի 1-ին մասի 13-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ։
ՀՀ քրեական դատավարության օրենսգրքի 35-րդ հոդվածի 6-րդ մասի համաձայն, նույն հոդվածի 1-ին մասի 13-րդ կետում նշված հիմքով գործի վարույթի կարճում և քրեական հետապնդման դադարեցում չի թույլատրվում, եթե դրա դեմ առարկում է մեղադրյալը։ Այդ դեպքում գործի վարույթը շարունակվում է սովորական կարգով։
ՀՀ քրեական դատավարության օրենսգրքի 313-րդ հոդվածի համաձայն` այն բոլոր հարցերի կապակցությամբ, որոնք լուծվում են դատարանի կողմից դատական քննության ժամանակ, դատարանը որոշումներ է կայացնում։
Քրեական գործի վարույթը կարճելու մասին որոշումը դատարանը կայացնում է խորհրդակցական սենյակում։
Այսպիսով, վերոգրյալի հիմնավորմամբ դատարանը գտնում է, որ գործով ամբաստանյալ Ալվարդ Գագիկի Սեդրակյանի միջնորդությունը` իր նկատմամբ համաներում կիրառելու, քրեական գործի վարույթը կարճելու և իր նկատմամբ քրեական հետապնդումը դադարեցնելու մասին, հիմնավոր է և ենթակա է բավարարման։
Հիմք ընդունելով ՀՀ ԱԺ 26.05.2011թ. «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշման 6-րդ կետի 2-րդ ենթակետը և 13-րդ կետի 1-ին կետի «ա» ենթակետը և ղեկավարվելով ՀՀ քրեական դատավարության օրենսգրքի 41-րդ, 44-րդ հոդվածների, 35-րդ հոդվածի 1-ին մասի 13-րդ կետի և նույն հոդվածի 6-րդ մասի, 313-րդ, 376-րդ, 3761-րդ և 379-րդ հոդվածների պահանջներով, ՀՀ դատական օրենսգրքի 20-րդ հոդվածով, դատարանը

ՈՐՈՇԵՑ

Դատարանի վարույթում քննվող թիվ ԵԷԴ/0068/01/11 քրեական գործով ամբաստանյալ Ալվարդ Գագիկի Սեդրակյանի միջնորդությունը բավարարել, քրեական գործի վարույթը կարճել և նրա նկատմամբ ՀՀ քրեական օրենսգրքի 177-րդ հոդվածի 2-րդ մասի 2-րդ կետի մեղադրանքով քրեական հետապնդումը դադարեցնել` համաներման ակտ ընդունվելու հիմքով։
Ամբաստանյալ Ալվարդ Գագիկի Սեդրակյանի նկատմամբ որպես խափանման միջոց ընտրված ծնողի` տատի Սոֆյա Բարսեղի Գրիգորյանի հսկողությանը հանձնելը վերացնել։
Դատավարությանը մասնակցող անձանց կողմից որոշումը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում։

ԴԱՏԱՎՈՐ` Վ. Թ. ԳՐԻԳՈՐՅԱՆ