ԵԷԴ/0063/01/11

Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը՝

ՆԱԽԱԳԱՀՈւԹՅԱՄԲ ԴԱՏԱՎՈՐ` Ա. ԳԱԲՐԻԵԼՅԱՆ
ՔԱՐՏՈւՂԱՐՈւԹՅԱՄԲ` Լ. ՄԻՐԶՈՅԱՆ

Մասնակցությամբ`

ՄԵՂԱԴՐՈՂ` Ա. ԲԱՐՍԵՂՅԱՆ
ՏՈւԺՈՂ` Կ. ԱԲԵԼՅԱՆ
ՏՈւԺՈՂԻ ՆԵՐԿ.` Ս. ՄԻՐԶՈՅԱՆ

2011թ. հուլիսի 13-ին դատարանում
Դռնբաց դատական նիստում քննեց քրեական գործն ըստ մեղադրանքի` Փայլակ Իշխանի Մելքոնյանի, ծնված 08.08.1991թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատել, նախկինում չդատված, բնակվել է ք.Երևան Ազատամարտիկների 28 տանը։
Մեղադրվում է ՀՀ քր. օր-ի 112 հոդվածի 1-ին մասով։
Սույն գործով կալանքի տակ է 16.11.2010թ.։
Դատաքննությամբ և գործի տվյալներով պարզվեց հետևյալը.
Երևան քաղաքի բնակիչ Սամվել Աբելյանը իր որդիներ` Կարեն և Վլադիմիր Աբելյանների հետ պարտքի գումարը Լենա Մազմանյանից պահանջելու նպատակով 2010թ. նոյեմբերի 7-ին, ժամը 2100-ի սահմաններում իրեն պատկանող «ՕՊԵԼ ԱՍՏՐԱ» ավտոմեքենայով գնացել են Երևան քաղաքի Ազատամարտիկների փողոցի 28 տուն։ Լ. Մազմանյանի տանը նշված հարցի շուրջ վիճաբանություն է ծագել Կարեն և Վլադիմիր Աբելյանների և Լ. Մազմանյանի փեսա` Հակոբ Սաղաթելյանի միջև, որի ժամանակ վերջիններս ձեռքերով և ոտքերով հարվածներ են հասցրել միմյանց։ Կ. Աբելյանը դեմքին ստացած հարվածից հետո դուրս է եկել փողոց, որտեղ հանդիպել է Լ. Մազմանյանի որդուն` Փայլակ Մելքոնյանին։ Արդեն փողոցում` Ազատամարտիկների և Ռոստովյան փողոցների հատվածում ծագած վիճաբանության ժամանակ, Փայլակ Մելքոնյանն իր մոտ եղած դանակով դիտավորությամբ հարվածել է Կարեն Աբելյանի նստատեղի ձախ հատվածին` վերջինիս պատճառելով ձախ նստատեղի շրջանի ծակած-կտրած վերք, որն ուղեկցվել է խորանիստ մկանների վնասումով, որից հետո հարվածել է որովայնին` պատճառելով որովայնի աջ կողմնային շրջանի ծակած-կտրած թափանցող վերքի ձևով, կյանքի համար վտանգավոր ծանր վնաս, որն ուղեկցվել է լյարդի վնասումով, արտաքին և ներքին արյունահոսություններով։
Վերը նշված հանցավոր արարքի կատարման համար Փայլակ Իշխանի Մելքոնյանին մեղադրանք է առաջադրվել ՀՀ քր. օր-ի 112 հոդվածի 1-ին մասով։
Դատաքննությամբ առաջադրված մեղադրանքում ամբաստանյալ Փայլակ Մելքոնյանն իրեն լիովին մեղավոր ճանաչեց և ցուցմունք տվեց այն մասին, որ մայրը` Լենա Մազմանյանը, Երևան քաղաքի Կոմիտաս փողոցի վրա ունի դեղատուն և զբաղվում է դեղորայքի վաճառքով։ Վերջինս դեղորայքը հիմնականում վերցրել է պարքով, վաճառել է դրանք, որից հետո գումարը վճարել է առաքիչներին։ Այդպիսի առաքիչ է հանդիսացել նաև Սամվել Աբելյանը։ Վերջինս մի երկու անգամ եկել է իրենց տուն և մորից պահանջել է դեղորայքի համար պարտք մնացած գումարը։ 2010թ. նոյեմբերի 7-ին զբոսնել է իրենց տան շրջակայքում։ Ժամը 2100-ի սահմաններում մոտեցել է տան դարպասներին և նկատել է, որ իրենց տան դարպասների դիմաց կայանված է Ս. Աբելյանի ավտոմնեքենան, իսկ տանից վեճի ձայներ են լսվել։ Մտնելով դարպասներից ներս, նկատել է Ս. Աբելյանի որդուն` Կարեն Աբելյանին, որը բարձրաձայն խոսել է մոր հետ։ Հասկանալով, թե ինչումն է կայանում վերջիններիս այցելության նպատակը և վեճի թեման, մտել է ավտոտնակ, որտեղ դրված սեղանի վրայից վերցրել է խոհանոցային դանակը և դուրս գալով փողոց առանց որևէ բան ասելու երկու անգամ հարվածել է Կարեն Աբելյանին։ Տեսնելով, որ ստացած մարմնական վնասվածքներից Կ. Աբելյանը արնահոսում է, վախեցել է, որից հետո մի կողմ է նետել դանակը և դիմել է փախուստի։ Հաջորդ օրը առավոտյան մեղայականով ներկայացել է ոստիկանության Էրեբունու բաժին։
Բացի ամբաստանյալի խոստովանական ցուցմունքից, նրա կատարած արարքը հիմնավորվեց գործով ձեռք բերված հետևյալ ապացույցներով.
Տուժող` Կարեն Աբելյանի ցուցմունքով այն մասին, որ 2010թ. նոյեմբերի 7-ին, ժամը 2000-ի սահմաններում հոր` Սամվել Աբելյանի և եղբոր` Վլադիմիր Աբելյանի հետ, իրենց «ՕՊԵԼ ԱՍՏՐԱ» մակնիշի ավտոմեքենայով գնացել են Երևան քաղաքի Ազատամարտիկների փողոցի 28 հասցեում գտնվող Լ. Մազմանյանի տուն։ Լ. Մազմանյանի տանը հորս պարտք եղած գումարի շուրջ վիճաբանություն է ծագել, որին մասնակցել է նաև Լ. Մազմանյանի փեսան` Հակոբ Սաղաթելյանը։ Քանի որ խոսակցությունը գնալով լարվել է, Վ. Աբելյանը առաջարկել է Հ. Սաղաթելյանին դուրս գալ և առանձին զրուցել, որից հետո նրանք դուրս են եկել։ Մոտ 5 րոպե անց, ավտոտնակից բարձր վիճաբանության ձայներ են լսվել։ Իրենք գնացել են այնտեղ և տեսել են, որ Հակոբը և Վլադիմիրը վիճում են։ Ինքը միջամտել է նրանց որպեսզի բաժանի, սակայն այդ ընթացքում Հակոբը ձեռքով հարվածել է իր դեմքին, որից հետո գլխով հարվածել է ճակատին, ինչի հետևանքով իր աչքերի դիմաց սևացել է։ Այնուհետև, իրեն կարգի բերելու նպատակով դուրս է եկել փողոց և կանգնել է իրենց ավտոմեքենայի մոտ։ Այդ ժամանակ իրեն է մոտոցել Լ. Մազմանյանի որդին` Փայլակը, և առանց որևէ բան ասելու դանակով հարվածել է սկզբում իր նստատեղին, ապա որովայնի ձախ հատվածին, որից իր մոտ արյունահոսություն է սկսել։ Տեսնելով, որ արյունահոսում է, վազքով գնացել է Ռոստովյան փողոցում բնակվող իր ծանոթ Կարենենց տուն։ Կարենենց տանը իրեն օգնություն են ցուցաբերել, որից հետո կանչել են շտապօգնության ավտոմեքենան և իրեն տեղափոխել են Էրեբունի բժշկական կենտրոն։
Վկա` Սամվել Աբելյանի ցուցմունքով այն մասին, որ 2010թ. նոյեմբերի 7-ին, ժամը 2000-ի սահմաններում իր որդիներ` Կարեն և Վլադիմիր Աբելյանների հետ պարտքի գումարը Լենա Մազմանյանից պահանջելու նպատակով իրեն պատկանող «ՕՊԵԼ ԱՍՏՐԱ» ավտոմեքենայով գնացել են Երևան քաղաքի Ազատամարտիկների փողոցի 28 տուն։ Լ. Մազմանյանի տանը պարտքի գումարի շուրջ վիճաբանություն է ծագել, որին մասնակցել է նաև Լ. Մազմանյանի փեսան` Հակոբ Սաղաթելյանը։ Քանի որ խոսակցությունը գնալով լարվել է, Վ. Աբելյանը առաջարկել է Հ. Սաղաթելյանին դուրս գալ և առանձին զրուցել, որից հետո նրանք դուրս են եկել։ Մոտ 5 րոպե անց, ավտոտնակից բարձր վիճաբանության ձայներ են լսվել։ Իրենք գնացել են այնտեղ և տեսել են, որ Հակոբը և Վլադիմիրը վիճում են։ Միջամտել են նրանց վիճաբանությանը և փորձել են նրանց բաժանել, սակայն այդ ընթացքում Հակոբը հարվածել է Կարենին, որից հետո Կարենը դուրս է եկել փողոց։ Իրենց միջամտությամբ վեճը դադարել է, որից հետո Հակոբը դուրս է եկել դարպասից։ Երբ իրենք պատրաստվել են հեռանալ, վազքով դարպասներից ներս է մտել Լ. Մազմանյանի որդին` Փայլակը, որը մտնելով տուն վերադարձել է դանակը ձեռքին և շարժվել է իրենց ուղղությամբ։ Ինքը մոտեցել, բռնել է Փայլակի ձախ ձեքում գտնվող դանակի շեղբից և վերցրել այն։ Այդ ընթացքում Փայլակը հայհոյելով ասել է իրեն. «գնա տղուտ տիրություն արա, ես խփել եմ նրան»։ Անմիջապես Վլադիմիրը փորձել է կապնվել Կարենի հետ, սակայն վերջինիս բջջային հեռախոսը չի պատասխանել։ Իրենք անմիջապես դուրս են եկել և սկսել են փնտրել Կարենին։ Ռոստովյան փողոցի մոտ իրենց է մոտեցել մի անծանոթ տարեց տղամարդ և հայտնել է, որ Կարենը գտնվում է իրենց տանը։ Մտնելով նրանց տուն, տեսել են, որ Կարենը արյունոտված պառկած է նրանց հատակին։ Այնուհետև, կանչել են շտապօգնության ավտոմեքենան և Կարենին տեղափոխել են Էրեբունի բժշկական կենտրոն։
Վկա` Վլադիմիր Աբելյանի ցուցմունքով այն մասին, որ 2010թ. նոյեմբերի 7-ին, ժամը 2000-ի սահմաններում հոր` Սամվել Աբելյանի և եղբոր` Կարեն Աբելյանի հետ պարտքի գումարը Լենա Մազմանյանից պահանջելու նպատակով իրենց պատկանող «ՕՊԵԼ ԱՍՏՐԱ» ավտոմեքենայով գնացել են Երևան քաղաքի Ազատամարտիկների փողոցի 28 տուն։ Լ. Մազմանյանի տանը պարտքի գումարի շուրջ վիճաբանություն է ծագել, որին մասնակցել է նաև Լ. Մազմանյանի փեսան` Հակոբ Սաղաթելյանը։ Քանի որ խոսակցությունը գնալով լարվել է, ինքը առաջարկել է Հ. Սաղաթելյանին դուրս գալ և առանձին զրուցել, որից հետո իրենք դուրս են եկել և գնացել են ավտոտնակ։ Զրույցի ընթացքում իրենց միջև վիճաբանություն է ծագել։ Աղմուկի ձայներից ավտոտնակ են եկել հայրը, եղբայրը և Լ. Մազմանյանի դուստրը։ Վերջիններս փորձել են բաժանել իրենց, սակայն այդ ընթացքում Հակոբը սկզբում ձեռքով, հետո գլխով հարվածել է Կարենին, որից հետո Կարենը դուրս է եկել փողոց։ Դրանից հետո վիճաբանությունը դադարել է։ Որոշ ժամանակ անց, վազքով դարպասներից ներս է մտել Լ. Մազմանյանի որդին` Փայլակը, որը մտնելով տուն հայտարարել է, որ քիչ առաջ դանակահարել է Կարենին։ Իրենք անմիջապես դուրս են եկել և սկսել են փնտրել Կարենին։ Ռոստովյան փողոցի մոտ իրենց է մոտեցել մի անծանոթ տարեց տղամարդ և հայտնել է, որ Կարենը գտնվում է իրենց տանը։ Մտնելով նրանց տուն, տեսել են, որ Կարենը արյունոտված պառկած է նրանց հատակին։ Անմիջապես կանչել են շտապօգնության ավտոմեքենան և Կարենին տեղափոխել են Էրեբունի բժշկական կենտրոն։
Վկա` Հակոբ Սաղաթելյանի ցուցմունքով այն մասին, որ 2010թ. նոյեմբերի 7-ին, ժամը 2000-ի սահմաններում գտնվել է տանը` Երևան քաղաքի Ազատամարտիկների 28 տանը։ Տանն են գտնվել նաև կինը` Նինա Մելքոնյանը և զոքանչը` Լենա Մազմանյանը, իսկ Փայլակը գտնվել է դրսում։ Այդ ընթացքում իրենց տուն են այցելել Սամվել Աբելյանը իր որդիներ` Կարեն և Վլադիմիր Աբելյանների հետ։ Ս. Աբելյանը Լ. Մազմանյանից պահանջել է պարտքի գումարը։ Խոսակցության ընթացքում վիճաբանություն է ծագել։ Այդ ընթացքում Վլադիմիր Աբելյանը առաջարկել է իրեն դուրս գալ և առանձին զրուցել, որից հետո իրենք դուրս են եկել և մտել են ավտոտնակ։ Իրենց ձայներից ավտոտնակ են մտել նաև տանը գտնվող անձիք։ Այդ ընթացքում Կարենը բռնել է իր ձեռքերից, որի ընթացքում Վլադիմիրը շարունակել է հարվածել իր մարմնի տարբեր մասերին։ Ձեռքերն ազատելու նպատակով, գլխով հարվածել է Կարենի ճակատին, որից հետո Կարենը դուրս է եկել ավտոտնակից, իսկ ինքը մտել է տուն։ Քիչ անց տուն է մտել Փայլակը և իրեն հայտնել է, որ մարդ է խփել։ Ինքը անմիջապես դուրս է եկել փողոց, և Ռոստովյան փողոցի մոտ նկատելով Սամվելի ավտոմեքենան, մոտեցել է նրանց և տեսել է, որ Կարենը դանակահարված է։
Վկա` Յուրիկ Հակոբյանի ցուցմունքով այն մասին, որ երբ 2010թ. նոյեմբերի 7-ին, ժամը 2100-ի սահմաններում մտել է իրենց տուն` Ռոստովյան 27 շենքի, 3-րդ բնակարան, տեսել է, որ մի անծանոթ երիտասարդ կքանստած ցավից գոռում է, իսկ իր կինը գտնվում է նրա կողքին։ Կնոջից հետաքրքրվել է, թե ինչ է պատահել, վերջինս պատասխանել է, որ քիչ առաջ այդ անծանոթ երիտասարդը մտել է իրենց տուն և օգնություն է խնդրել։ Կնոջից տեղեկանալով, որ շտապօգնություն է զանգահարել, ինքը իջել է բակ որպեսզի նրանց դիմավորի։ Այդ ժամանակ նկատել է, որ մի անծանոթ տղամարդ և երիտասարդ մոլորված ինչ որ մեկին են փնտրում։ Հասկացել է, որ նրանք փնտրում են իրենց տանը գտնվող երիտասարդին, ձայն է տվել նրանց և ուղակցել է իրենց տուն, որից հետո եկել է շտապօգնության ավտոմեքենան և երիտասարդին տեղափոխել են հիվանդանոց։
Վկա` Նինա Մելքոնյանը ցուցմունք է տվել այն մասին, որ ընտանիքի և ծնողների հետ միասին բնակվել է Երևան քաղաքի Ազատամարտիկների փողոցի 28 տանը։ Իրենց հետ է բնակվել նաև եղբայրը` Փայլակ Մելքոնյանը։ 2010թ. նոյեմբերի 7-ին, ժամը 2000-ի սահմաններում ինքը գտնվել է տանը։ Տանն են գտնվել նաև ամուսինը` Հակոբ Սաղաթելյանը և մայրը` Լենա Մազմանյանը, իսկ Փայլակը գտնվել է դրսում։ Այդ օրը երեկոյան, ժամը 2000-ի սահմաններում իրենց տուն են այցելել Սամվել Աբելյանը` իր երկու որդիների` Վլադիմիր և Կարեն Աբելյանների հետ։ Ամուսինը դիմավորել և վերջիններիս ուղեկցել է խոհանոց, որտեղ Ս. Աբելյանը մորից` Լ. Մազմանյանից պահանջել է պարտքի գումարը։ Նշված հարցի շուրջ ծավալվել է խոսակցություն, որի ժամանակ Վլադիմիրի առաջարկով Հակոբը դուրս է եկել և գնացել ավտոտնակ։ Արդեն ավտոտնակում նրանց միջև ծագել է վիճաբանություն, իսկ իրենք լսելով նրանց բարձր ձայները, միանգամից գնացել են ավտոտնակ։ Երբ ներս է մտել, այդ նույն պահին Վլադիմիրը բռունցքով հարվածել է Հակոբի դեմքին, կոնկերտ որ հատվածին, չի հիշում։ Կարենը միանգամից միջամտել է` բռնելով Հակոբի ձեռքերը, իսկ Վլադիմիրը շարունակել է ձեռքերով հարվածներ հասցնել ամուսնու մարմնի տարբեր մասերին։ Իրենք ևս միջամտել են, որից հետո Կարենը թողել է Հակոբի ձեռքերը և սկսել եղբոր հետ միասին հարվածել ամուսնուն։ Այդ ընթացքում Հակոբը հարվածներ հասցրել է նրանց, թե ոչ, ինքը չգիտի, սակայն հիշում է, որ մեկ անգամ գլխով հարվածել է Կարենի դեմքին, որի պատճառով վերջինս մի կողմ է գնացել, այնուհետև, դուրս գալով ավտոտնակից և բացելով իրնց տան դիմաց կայանված ավտոմեքենայի հետևի աջ դուռը` փորձել է այնտեղից ինչ-որ բան վերցնել։ Նկատելով այդ ամենը, ինքը մոր հետ դուրս է գնացել որպեսզի թույլ չտան Կարենին ներս մտնել, իսկ վերջինս ձեռքով հրել է մորը և սկսել է նրա հասցեին հայհոյանքներ տալ։ Հանկարծ ինքը նկատել է Ռոստովյան փողոցից իրենց վազքով մոտեցող եղբորը` Փայլակին, և կարծելով, որ վերջինս կհանդարտեցնի Կարենին, կրկին գնացել է ավտոտնակ, որտեղ նկատել է կքանստած Հակոբին, որի քթից ուժեղ արնահոսել է։ Ինքը ամուսնուն բարձրացրել է գետնից, տարել լոգարան, որտեղ վերջինս լվացվելով և իրեն կարգի բերելով հեռացել է, սակայն, որ ուղղությամբ չգիտի։ Դրանից մոտ 10 րոպե անց, տուն է եկել մայրը և պատմել է, որ հետևելով Սամվելին և Վլադիմիրին գնացել է Ռոստովյան 27 շենքի 1-ին մուտք, որտեղ հանդիպել է Սամվելին, որը իրեն հայտնել է, որ Փայլակը դանակով հարվածներ է հասցրել Կարենին` պատճառելով մարմնական վնասվածքներ։ Երբ Կարենին տեսնելու համար բարձրացել է աստիճանավանդակներով, Վլադիմիրը ոտքով հարվածել է որովային և հայհոյել, իսկ հարվածի հետևանքով ինքը վայր է ընկել աստիճանավանդակներից։ Երբ հետաքրքրվել է Հակոբից, մայրը պատասխանել է, որ որևէ տեղեկություն չունի։ Այդ օրը ամուսինը շատ ուշ է տուն եկել և ինքը նկատել է, որ Հակոբի ձախ աչքի մոտ առկա է վնասվածք։ Իր այն հարցին, թե ինչ է պատահել, Հակոբը իրեն պատմել է, որ Վլադիմիրը Ռոստովյան 27 շենքի բակում հարձակվել է իր վրա, պտուտակահանով մեկ անգամ նախ հարվածել է ձախ աչքի շրջանում, այնուհետև երեք անգամ` կրծքավանդակի աջ և ձախ հատվածներին։
Վկա` Զոյա Հակոբյանի նախաքննությամբ տրված և դատաքննությամբ հետազոտված ցուցմունքով այն մասին, որ տնային տնտեսուհի է և ընտանիքի հետ միասին բնակվել է Երևան քաղաքի Ռոստովյան 27 շենքի, 3-րդ բնակարանում։ 2010թ. նոյեմբերի 7-ին սովորականի պետ գտնվել է տանը։ Ժամը 2030-ի սահմաններում հանկարծակի իրենց տուն է մտել մի անծանոթ երիտասարդ, և վայր ընկնելով միջանցքում, օգնություն է խնդրել։ Երբ ինքը խոհանոցից գնացել է միջանցք, նկատել է, որ այդ երիտասարդի որովայնի ձախ հատվածից արնահոսում է։ Ինքը միանգամից զանգահարել է շտապօգնություն, սակայն մինչ շտապօգնության աշխատակիցների գալը, իրենց տուն են եկել այդ երիտասարդի հայրը և եղբայրը, որոնց իրենց տուն է ուղեկցել ամուսինը` Յուրիկ Հակոբյանը։ Քիչ հետո եկել է շտապօգնությունը և այդ տղային տեղափոխել են Էրեբունի բժշկական կենտրոն։ Ինքը այդ երիտասարդին չի ճանաչել, նախկինում երբևէ չի հանդիպել, իսկ այն հարցին, թե ինչու է հենց իրենց տուն գնացել Կ. Աբելյանը, նշել է, որ սովորության համաձայն իրենք տան դուռը, ի տարբերություն ուրիշների, երբեք կողպած չեն պահում։
Վկա` Ժաննա Ալեքսանյանի նախաքննությամբ տրված և դատաքննությամբ հետազոտված ցուցմունքով այն մասին, որ աշխատել է Երևան քաղաքի շտապօգնության 4-րդ ենթակայանի 41-րդ բրիգադում որպես բուժքույր։ 2010թ. նոյեմբերի 7-ին ինքը գտնվել է աշխատանքի վայրում, երբ երեկոյան, ժամը 2100-ի սահմաններում ահազանգ է ստացել այն մասին, որ Երևան քաղաքի Ռոստովյան 27 շենքի, 3 բնակարանում դանակահարված անձնավորություն կա։ Դիսպետչերի կողմից կանչի մասին տեղեկանալուն պես, իրենք մեկնել են դեպքի վայր, և երբ տեղ են հասել տուժող Կարեն Աբելյանը, որը եղել է շուրջ 27 տարեկան, միջին մարմնակազմությամբ, նիհար, արդեն գտնվել է շենքի բակում։ Երկու անձնավորություններ, որոնցից մեկը եղել է տարց, իսկ մյուսը` երիտասարդ, թևանցուկ արած պահել են վերջինիս։ Իրենք իջեցրել են պատգարակը, այդ անձնավորությունները տվյալ երիտասարդին դրել են պադգարակի վրա և տեղափոխել շտապօգնության ավտոմեքենան, որտեղ անմիջապես Կ. Աբելյանը ենթարկվել է աննման` առաջին բուժօգնություն ցույց տալու նպատակով, և պարզվել է, որ վնասված է վերջինիս որովայնը, ինչպես նաև նստատեղը, որից հետո անհապաղ տեղափոխվել է Էրեբունի բժշկական կենտրոն, որտեղ արդեն տեղեկացել է, որ մակերեսորեն վնասվել է նաև Կ. Աբելյանի լյարդը։ Ինքը հստակ չի հիշում, թե ինչպիսի բուժօգնություն է ցույց տրվել Կ. Աբելյանին, սակայն արնահոսությունը դադարեցնելու նպատակով հնարավոր է, որ իրենց կողմից ներարկված լիներ «Դիցինոն», որը մակարդում է արյունը։
Փայլակ Մելքոնյանի հանցանքը հիմնավորվեց նաև ՀՀ ԱՆ հանրապետական դատական բժշկության գիտագործնական կենտրոնի կողմից տրված դատաբժշկական փորձագետի թիվ 1680/Հ եզրակացությամբ, համաձայն որի Կ. Աբելյանի ստացած մարմնական վնասվածքները, ըստ բժշկական փաստաթղթերի` ձախ նստատեղի շրջանի ծակած-կտրած վերքի, որը ուղեկցվել է խորանիստ մկանների վնասումով, որովայնի աջ կողմնային շրջանի ծակած-կտրած թափանցող վերքի ձևով, որը ուղեկցվել է լյարդի վնասումով, արտաքին և ներքին արյունահոսություններով հասցվել են սուր ծակող-կտրող գործիքներով, հնարավոր է նշված ժամկետում, չի բացառվում որոշման մեջ նկարագրված գործի հանգամանքներին, որոնք պատճառել են առողջությանը ծանր վնաս` կյանքին վտանգ սպառնացող։
ՀՀ ԱՆ հանրապետական դատական բժշկության գիտագործնական կենտրոնի կողմից տրված դատակենսաբանական փորձաքննության թիվ 572 եզրակացությամբ, համաձայն որի փորձաքննությանը ներկայացված Կ. Աբելյանի արյան նմուշը ըստ արյան ABO իզոշճաբանական համակարգի պատկանում է B խմբին։ Փորձաքննությանը ներկայացված Վ. Աբելյանի արյան նմուշը ըստ արյան ABO իզոշճաբանական համակարգի պատկանում է B խմբին։ Փորձաքննությանը ներկայացված Ս. Աբելյանի արյան նմուշը ըստ արյան ABO իզոշճաբանական համակարգի պատկանում է O խմբին։ Փորձաքննությանը ներկայացված Հ. Սաղաթելյանի արյան նմուշը ըստ արյան ABO իզոշճաբանական համակարգի պատկանում է A խմբին։ Փորձաքննությանը ներկայացված Վ. Աբելյանին պատկանող վերնաշապիկի վրա տեղակայված կասկածելի հետքերում հաստատվեց արյան առկայություն, որը պատկանում է մարդու և ըստ արյան ABO իզոշճաբանական համակարգի առաջացել է B խումբ ունեցող անձից կամ անձանցից, այդ թվում նաև հնարավոր է, որ առաջանար ինչպես Վ. Աբելյանից, այնպես էլ Կ. Աբելյանից։ Փորձաքննությանը ներկայացված Հ. Սաղաթելյանի վերնազգեստի, ջինսե անդրավարտիքի վրա տեղակայված կասկածելի հետքերում հաստատվեց արյան առկայություն, որը պատկանում է մարդու և ըստ արյան ABO իզոշճաբանական համակարգի առաջացել է A խումբ ունեցող անձից կամ անձանցից, այդ թվում նաև հնարավոր է, որ առաջանար Հ. Սաղաթելյանից։ Փորձաքննությանը ներկայացված Կ. Աբելյանի հագուստների` ջինսե անդրավարտիքի, բաճկոնի, մանուշակագույն վերնազգեստի, անթև մայկայի, երկու զույգ գուլպաների վրա տեղակայված կասկածելի հետքերում հաստատվեց արյան առկայություն, որը պատկանում է մարդու և ըստ արյան ABO իզոշճաբանական համակարգի առաջացել է B խումբ ունեցող անձից կամ անձանցից, այդ թվում նաև հնարավոր է, որ առաջանար ինչպես Վ. Աբելյանից, այնպես էլ Կ. Աբելյանից։ Փորձաքննությանը ներկայացված Ազատամարտիկների 28 տանից 5 բամբակե խծուծներով վերցված, Ռոստովյան 27/3 հասցեում 4 բամբակե խծուծներով վերցված հետքերում հաստատվեց արյան առկայություն, որը պատկանում է մարդու և ըստ արյան ABO իզոշճաբանական համակարգի առաջացել է B խումբ ունեցող անձից կամ անձանցից, այդ թվում նաև հնարավոր է, որ առաջանար ինչպես Վ. Աբելյանից, այնպես էլ Կ. Աբելյանից, արյան A խումբ ունեցող անձից կամ անձանցից, հետևաբար կարող էին առաջանալ Հ. Սաղաթելյանից, իսկ օբյեկտ 33-34-ը, 37-38-ը պարունակում էին ալֆա ագլյուտինին/բնորոշ է B խմբին/, ինչպես նաև A և B խումբ ունեցող անձանց արյան խառնուրդից, այդ թվում նաև հնարավոր է, որ առաջանային ինչպես Ա. Աբելյանից և Կ. Աբելյանից, այնպես էլ Հ. Սաղաթելյանից։ Փորձաքննությանը ներկայացված դանակի վրա արյուն չհայտնաբերվեց։ Փորձաքննությանը ներկայացված աջ կոշիկի և պտուտակահանի քսվածքներում հաստատվեց արյան առկայություն, որի տեսակային պատկանելությունը հնարավոր չեղավ որոշել` հավանաբար հետքում սպիտակուցի 1։10000-ից նոսր լինելու պատճառով։
ՀՀ «Փորձագիտական կենտրոն» ՊՈԱԿ-ի կողմից 05.04.2011թ. տրված դատաբժշկական, դատաքետքաբանական համալիր և դատաքերագիտական փորձաքննության թիվ 08901102 եզրակացությամբ, համաձայն որի փորձաքննությանը ներկայացված Հ. Սաղաթելյանին պատկանող հագուստների վրա առկա են մեխանիկական բնույթի վնասվածքներ։ Փորձաքննությանը ներկայացված Կ. Աբելյանին պատկանող կոշիկների և գուլպաների վրա մեխանիկական բնույթի վնասվածքներ չկան։ Մյուս հագուստների վրա առկա են մեխանիկական բնույթի վնասվածքներ։ Փորձաքննությանը ներկայացված Հ. Սաղաթելյանին պատկանող սվիտերի առաջամասի աջ կողմում հայտնաբերված վնասվածքն իր տեղակայությամբ և բնույթով հիմնականում համապատասխանում է նրա կրծքավանդակի առաջային մակերեսի աջ կողմում` պտուկի շրջանի ծակած բնույթի վնասվածքին և այդպիսիք կարող էին պատճառվել ինչպես փորձաքննությանը ներկայացված պտուտակահանի, այնպես էլ համապատասխան չափային հատկանիշներով եզր ունեցող այլ առարկայի-գործիքի ներգործության հետևանքով։ Հ. Սաղաթելյանի մարմնի հագուստով ծակծկված մակերեսներին` կրծքավանդակի ձախ կեսի շրջանի ծակած վերքերին համապատասխանող վնասվածքներ, ներկայացված սվիտերի վրա չեն հայտնաբերվել, ինչը հնարավոր է, որ կապված լինի հագուստի գործվածքի նոսր լինելու հանգամանքի հետ։ Փորձաքննությանը ներկայացված Կ. Աբելյանին պատկանող հագուստների վրա առկա ծակած-կտրած բնույթի վնասվածքները իրենց տեղակայություններով հիմնականում համապատասխանում են նրա մարմնի` որովայնի աջ կողմնային և ձախ նստատեղի շրջանների վրա հայտնաբերված ծակած-կտրած բնույթի վնասվածքներին և այդպիսիք չէին կարող պատճառվել ներկայացված դանակով, քանի որ դանակի շեղբի երկարությունը ներթափանցման մակարդակում/շեղբի 20մմ, 17մմ լայնությունների դեպքում/ չէր ապահովի նման վերքային խողովակների առաջացումը։ Վնասվածքները ստանալու պահին Հ. Սաղաթելյանը և Կ. Աբելյանը վնասվածքները պատճառող անձանց նկատմամբ կարող էին գտնվել հնարավոր ցանկացած դիրքերում, որոնք չէին խոչընդոտի նրանց վնասվածքների առաջացմանը։ Փորձաքննությանը ներկայացված դանակը դասվում է կենցաղային` խոհանոցային դանակների շարքին և սառը զենք չի հանդիսանում։
Դեպքի վայրի զննության արձանագրությամբ և լուսանկարչական հավելվածներով այն մասին, որ Երևան քաղաքի Ազատամարտիկների 28 տան խոհանոցի մուտքի դիմացից, դարպասի դիմացի պատի մոտ դրված սեղանի դիմացից, դարպասի շեմքից, գրասեղանի և անիվների միջնամասից, գրասեղանի և միջանցքի աջ պատի միջնամասից հայտնաբերվել և առգրավվել են բամբակյա խծուծների վրա արնանման հետքեր, իսկ Ռոստովյան 27 շենքի, 3-րդ բնակարանի միջանցքի հատակին գցված գորգի վրայից, նույն 27 շենքի բակից` աստիճանավանդակների շրջակայքից հայտնաբերվել և առգրավվել են բամբակյա խծուծների վրա արնանման հետքեր։
Քննչական փորձարարության արձանագրություններով և լուսանկարչական հավելվածներով, որտեղ Փայլակ Մելքոնյանը և տուժող Կարեն Աբելյանը մատնացույց են անում հանցագործության վայրը, հանցագործության գործիք հանդիսացող դանակի գտնվելու վայրը, ինչպես նաև գործով ձեռք բերված այլ փաստական տվյալներով։
Այսպիսով դատարանը ապացուցված համարեց, որ Փայլակ Իշխանի Մելքոնյանը կատարել է արարք, որը նախատեսված է ՀՀ քր. օր-ի 112 հոդվածի 1-ին մասով, որով և պետք է ենթարկվի քրեական պատասխանատվության։
Պատիժ նշանակելիս դատարանը հաշվի է առնում արարքի հասարակական վտանգավորությունը, ամբաստանյալի ինքնությունը և գործի ողջ հանգամանքները։
Փայլակ Մելքոնյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս երիտասարդ է, նախկինում արատավորված չի եղել, մեղայականով ներկայացել է նախաքննական մարմնին և աջակցել է հանցագործության բացահայտմանը, զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Փ. Մելքոնյանի նկատմամբ ընտրված կալանք խափանման միջոցը պետք է թողնել անփոփոխ։
Տուժող Կարեն Աբելյանի ներկայացուցիչ` Սամվել Միրզոյանը հայցադիմում է ներկայացրել ընդդեմ Փայլակ Մելքոնյանի և խնդրել է ամբաստանյալ Փայլակ Մելքոնյանից հօգուտ տուժող Կարեն Աբելյանի բռնագանձել 733.000/յոթ հարյուր երեսուներեք հազար/ ՀՀ դրամ որպես հանցագործությամբ հասցված վնասի հատուցում, քանի որ տուժող Կարեն Աբելյանը հանցագործության հետևանքով վիրահատվել է, որի համար ծախսվել է 650.000 ՀՀ դրամ, բացի այդ, դանակահարության պատճառով հետագա օգտագործման համար ոչ պիտանի են դարձել դեպքի օրը Կ. Աբելյանի հագին եղած հագուստները, որոնց արժեքը կազմում է 83.000 ՀՀ դրամ։ Միաժամանակ խնդրել է կիրառել հայցի ապահովման միջոց և արգելանք դնել ամբաստանյալ Փայլակ Մելքոնյանին պատկանող գույքի և դրամական միջոցների վրա։
Ամբաստանյալ Փայլակ Մելքոնյանը հայտնեց դատարանին, որ ներկայացված քաղաքացիական հայցը ընդունում է մասնակիորեն, այն է` միայն վիրահատության համար կատարված հիվանդանոցային ծախսերը, որը կազմել է 400.000 ՀՀ դրամ։
Նկատի ունենալով, որ տուժող կողմը իր պահանջը հիմնավորող որևէ գրավոր ապացույց չի ներկայացրել դատարանին, սակայն հաշվի առնելով, որ ամբաստանյալ Փայլակ Մելքոնյանը ներկայացրած քաղաքացիական հայցից ընդունել է 400.000 ՀՀ դրամ, այն է` միայն վիրահատության համար կատարված հիվանդանոցային ծախսերը, ուստի դատարանը գտնում է, որ քաղաքացիական հայցը պետք է բավարարել մասնակիորեն։
Անդրադառնալով իրեղեն ապացույցների տնօրինման հարցին, դատարանը գտնում է, որ դատավճիռն օրինական ուժի մեջ մտնելուց հետո գործով իրեղեն ապացույց ճանաչված և Սամվել Աբելյանին ի պահ հանձնված «Օպել Աստրա» մակնիշի 01 ՏՏ 592 պետհամարանիշի ավտոմեքենան պետք է թողնել Սամվել Աբելյանի տնօրինմանը, դեպքի ժամանակ Կարեն Աբելյանի հագին եղած հագուստները` վերադարձնել Կարեն Աբելյանին, իսկ արնանման հետքերը` ոչնչացնել։
ՀՀ Ազգային Ժողովի կողմից 26.05.2011թ. ընդունվել է «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշումը։
Նկատի ունենալով, որ ամբաստանյալ Փայլակ Մելքոնյանին մեղսագրվել է արարք` ՀՀ քր. օր-ի 112 հոդվածի 1-ին մասով, իսկ համաձայն ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի` ՀՀ քր. օր-ի 112 հոդվածի 1-ին մասով հանցավոր արարք կատարած անձանց պատժաչափի չկրած մասը կրճատվում է մեկ քառորդով, հետևաբար դատարանը գտնում է, որ Փայլակ Իշխանի Մելքոնյանի պատժաչափի չկրած մասը ենթակա է կրճատման մեկ քառորդով։
Համաձայն ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 13-րդ կետի 4-րդ ենթակետի` սույն որոշման կատարումը վերապահվել է Հայաստանի Հանրապետության արդարադատության նախարարության քրեակատարողական հիմնարկների պետերին` այն անձանց նկատմամբ, որոնք պատիժը կրում են քրեակատարողական հիմնարկներում։
Հավի առնելով, որ Փայլակ Մելքոնյանը պատիժ է կրում քրեակատարողական հիմնարկում, և մեկ քառորդով պատժի կրճատման առումով համաներման կիրառումը, համաներման ակտի 13-րդ կետի 4-րդ ենթակետի հիման վրա վերապահված է ՀՀ ԱՆ համապատասխան քրեակատարողական հիմնարկի պետին, հետևաբար` պատժաչափի հաշվարկը նույնպես պետք է կատարվի քրեակատարողական հիմնարկի կողմից։
Վերոգրյալի հիման և վրա և ղեկավարվելով ՀՀ քր. դատ. օր-ի 357-360 հոդվածներով, դատարանը.

Վ Ճ Ռ Ե Ց

Փայլակ Իշխանի Մելքոնյանին մեղավոր ճանաչել ՀՀ քր. օր-ի 112 հոդվածի 1-ին մասով և դատապարտել ազատազրկման` 3/երեք/ տարի ժամկետով։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը` 16.11.2010թ.։
Կալանք խափանման միջոցը թողնել անփոփոխ մինչև դատավճռի օրինական ուժի մեջ մտնելը։
ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի հիման վրա` Փայլակ Իշխանի Մելքոնյանի պատժաչափի չկրած մասը ենթակա է կրճատման մեկ քառորդով։
Քաղաքացիական հայցը բավարարել մասնակիորեն` Փայլակ Իշխանի Մելքոնյանից հօգուտ Կարեն Աբելյանի բռնագանձել 400.000/չորս հարյուր հազար/ ՀՀ դրամ որպես հանցագործությամբ պատճառված վնասի հատուցում։
Գործով իրեղեն ապացույց ճանաչված և Սամվել Աբելյանին ի պահ հանձնված «Օպել Աստրա» մակնիշի 01 ՏՏ 592 պետհամարանիշի ավտոմեքենան դատավճիռն օրինական ուժի մեջ մտնելուց հետո թողնել Սամվել Աբելյանի տնօրինմանը, դեպքի ժամանակ Կարեն Աբելյանի հագին եղած հագուստները` վերադարձնել Կարեն Աբելյանին, իսկ արնանման հետքերը` ոչնչացնել։
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում։


ԴԱՏԱՎՈՐ Ա. ԳԱԲՐԻԵԼՅԱՆ