Թիվ. ԵԷԴ/0060/01/11/
Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.
Նախագահող դատավոր Վ.Ա.ԳՐԻԳՈՐՅԱՆ
Քարտուղարությամբ Թ.ՇԱՀՎԵՐԴՅԱՆԻ
Մասնակցությամբ`
Մեղադրող Ս.ՄԿՐՏՉՅԱՆԻ
Տուժող Ա.ՄՈՐՈԶՈՎԻ
Պաշտպան Ս.ՀԱՐՈւԹՅՈւՆՅԱՆԻ
Թարգման Ա.ԽԱՆԻԿՅԱՆԻ
2011թվականի հունիսի 22–ին, Էրեբունի և Նուբարաշեն վարչական շրջանների դատարանում, դռնբաց դատական նիստում, արագացված դատական քննության կարգով քննեց գործն ըստ մեղադրանքի
Արման Էդիկի Պետրոսյանի, ծնված 10.08.1982թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ մի անձ, նախկինում չդատված, ֆիզիկապես առողջ, չի աշխատել, զբաղվել է մասնավոր գործունեությամբ, հավառված է Արմավիրի մարզ գյուղ Այգեկ 6/1 փողոցի թիվ. 18 տանը, փաստացի բանակվել է ք.Երևան, 16 թաղամաս 16 շենք բն. 31, ներկայումս գտնվում է ՀՀ ԱՆ ՙՆուբարաշեն՚ քրեակատարողական հիմնարկում, սույն գործով արգելանքի տակ է 2011թվականի մարտի 10-ից:
Մեղադրվում է ՀՀ քրեական օրենսգրքի 112 հոդվածի 1-ին մասով: Առաջադրված մեղադրանքում իրեն մեղավոր է ճանաչել:
Գործի դատավարական նախապատմությունը.
Նախաքննական մարմնի կողմից Արման Պետրոսյանին ՀՀ քրեական օրենսգրքի 112 հոդվածի 1-ին մասով մեղադրանք է առաջադրվել այն բանի համար, որ 2010թվականի դեկտեմբերի 17-ին ժամը 04-ի սահմաններում ընկերուհու, գործով վկա Քրիստինե Սարգսյանի հետ, իր տաքսի ավտոմեքենայով գտնվել է Երևանի Տիգրան Մեծ պողոտայի թիվ. 76 շենքի մոտ, որի ընթացքում նրան է կանգնեցրել ուղևոր, գործով տուժող Ալեքսեյ Մորոզովը: Ամբաստանյալ Ա.Պետրոսյանը համաձայնվել է կատարել վերջինիս պատվերը, սակայն Ա.Մորոզովը գտնվելով ոգելից խմիչք օգտագործած` հարբած վիճակում, նստելով մեքենան չի ցանկացել որևէ տեղ գնալ և մնացել է հետևի նստատեղում նստած: Այդ կապակցությամբ նրանց միջև վիճաբանություն է ծագել, որի ընթացքում ամբաստանյալ Ա.Պետրոսյանը բռունցքով հարվածել է Ա.Մորոզովին և գանգուղեղային տրավմայի` գլխուղեղի սալջարդի, ենթաոստայնային արյունազեղման, ձախից ճակատոսկրի գանգի հիմի, ճակատի շրջանի սալջարդ վերքի, մաղոսկրի և քթոսկրի կոտրվածքների, ձախ ակնակապճի արյունազեղման, զույգ դաստակների
շրջանների քերծվածքների ձևով, վերջինիս առողջությանը պատճառել է ծանր վնաս`
կյանքին վտանգ սպառնացող և դեպքի վայրից դիմել է փախուստի:
Արագացված դատական քննություն.
Առաջադրված մեղադրանքում ամբաստանյալ Ա.Պետրոսյանն իրեն լիովին մեղավոր ճանաչեց և մինչ դատաքննություն սկսելը միջնորդեց դատարանին` դատական քննություն անցկացնել արագացված կարգով, հայտարարելով, որ միջնորդությունը ներկայացնում է կամավոր, խորհրդակցելով պաշտպան Ս.Հարությունյանի հետ, գիտակցում է արագացված կարգով դատաքննություն իրականացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ և իրեն լիովին մեղավոր է ճանաչում:
2011թվականի հունիսի 9–ի դատական նիստում, չնայած այն հանգամանքին, որ տուժող Ա.Մորոզովը դատարանում հրաժարվեց քաղաքացիական հայցի պահանջ ներկայացնել, սակայն ամբաստանյալ Արման Պետրոսյանը դատարանի դատական նիստերի դահլիճում, կամովին վերջինիս տրամադրեց 50.000 ՀՀ դրամ գումար, որպես պատճառված գույքային վնասի հատուցում, որն ընդունվեց տուժող Ա.Մորոզովի կողմից:
Մեղադրող Ս.Մկրտչյանը չառարկեց արագացված կարգով դատական քննություն անցկացնելու մասին ամբաստանյալ Ա.Պետրոսյանի և նրա պաշտպան Ս.Հարությունյանի միջնորդության դեմ:
Դատարանի իրավական վերլուծությունը.
Դատարանն արագացված կարգով իրականացված դատական քննության ընթացքում ուսումնասիրելով ամբաստանյալի անձը բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքները, հաշվի առնելով առաջադրված մեղադրանքի հետ ամբաստանյալ Ա.Պետրոսյանի համաձայն լինելու փաստը, գտնում է, որ ամբաստանյալ Ա.Պետրոսյանը կատարել է հանցանք, որը նախատեսված է ՀՀ քրեական օրենսգրքի 112 հոդվածի 1-ին մասով և նշված հոդվածով պետք է ենթարկվի պատասխանատվության:
Պատժի տեսակ և չափ նշանակելիս, դատարանը հաշվի է առնում կատարված հանցագործության բնույթն ու հանրության համար վտանգավորության աստիճանը, ամբաստանյալի անձն այն, որ ամբաստանյալ Ա.Պետրոսյանը նախկինում արատավորված և դատապարտված չի եղել, ամուրի է, խնամքին որևէ անձ չունի, անկեղծորեն զղջում է կատարածի համար, դատաքննության ընթացքում 50.000 ՀՀ դրամի չափով վերականգնել է տուժողին պատճառված գույքային վնասը: Որպես պատասխանատվությունը մեղմացնող հանգամանք դատարանը համարում է տուժողի վարքագծի հակաօրինականությունը, որով պայմանավորվել է հանցագործությունը և հանցագործությամբ տուժողին պատճառված գույքային վնասը կամովին հատուցելը: Պատասխանատվությունը ծանրացնող հանգամանքներ դատարանը դատաքննությամբ չհայտնաբերեց: Միաժամանակ, դատարանը գտնում է, որ ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ Ազգային Ժողովի 26.05.2011թ. որոշման 8-րդ կետի 5-րդ ենթակետի համաձայն, ամբաստանյալ Ա.Պետրոսյանի նկատմամբ նշանակվող պատժաչափը պետք է կրճատել մեկ քառորդով: Նույն որոշման 13-րդ կետի 4-րդ ենթակետի համաձայն, մեկ քառորդով պատժի կրճատման առումով համաներման կիրառումը վերապահված է ՀՀ ԱՆ համապատասխան քրեակատարողական հիմնարկի պետին, հետևաբար պատժաչափի հաշվարկը նույնպես պետք է կատարվի համապատասխան քրեակատարողական հիմնարկի կողմից:
Քննարկելով խափանման միջոցի հարցը, դատարանը գտնում է, որ ամբաստանյալ Արման Էդիկի Պետրոսյանի նկատմամբ որպես կալանք կիրառված խափանման միջոցը պետք է թողնել անփոփոխ:
Տուժող Ալեքսեյ Մորոզովի կողմից քաղաքացիական հայցի պահանջ չներկայացնելու կապակցությամբ, դատարանը գտնում է, որ քաղաքացիական հայցի հարցը գործով պետք է համարել լուծված:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357–360, 365, 3751-4 հոդվածներով, դատարանը.
Վ Ճ Ռ Ե Ց
Արման Էդիկի Պետրոսյանին ճանաչել մեղավոր ՀՀ քրեական օրենսգրքի 112 հոդվածի 1-ին մասով նախատեսված հանցաքում և դատապարտել ազատազրկման 3 /երեք/ տարի ժամկետով, որը պետք է կրի ՀՀ Արդարադատության նախարարության համապատասխան հիմնարկում:
ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ Ազգային Ժողովի 26.05.2011թ. որոշման 8-րդ կետի 5-րդ ենթակետի համաձայն, Արման Էդիկի Պետրոսյանի նկատմամբ նշանակված պատժաչափը կրճատել մեկ քառորդով:
Արման Էդիկի Պետրոսյանի նկատմամբ որպես կալանք կիրառված խափանման միջոցը թողնել անփոփոխ և պատժի սկիզբը հաշվել 2011թվականի մարտի 10-ից:
Քաղաքացիական հայցի հարցը գործով համարել լուծված:
Դատավարության մասնակիցների կողմից դատավճիռը կարող է բողոքարկվել հրապարակման պահից մեկամսյա ժամկետում ՀՀ վերաքննիչ քրեական դատարան:
ԴԱՏԱՎՈՐ ԳՐԻԳՈՐՅԱՆ Վ.Ա.