Գործ թիվ ԵԷԴ/0058/01/11
2011թ.

Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.

Նախագահող դատավոր Վլադիմիր Գրիգորյան
Քարտուղարությամբ Արմինե Արղամանյան
Մասնակցությամբ`
Մեղադրող Ալեքսան Մուրադյան
Ամբաստանյալ Ալբերտ Փիլոսյան
Ամբաստանյալի պաշտպան Լուսինե Ավագյան
Թարգմանիչ Վարդուհի Շահինյան

2011 թվականի հունիսի 27-ին Երևանի Էրեբունի և Նուբարաշեն վարչական շրջանների ընդհանուր իրավասության դատարանում, դռնբաց դատական նիստում, արագացված դատական քննության կարգի կիրառմամբ քննեց քրեական գործն ըստ մեղադրանքի
Ալբերտ Գեորգիի Փիլոսյանի ծնված 25.10.1968թ. Վրաստանի Հանրապետության Ցխալտուբո քաղաքում, ազգությունը հայ, Հայաստանի Հանրապետության քաղաքացի, բարձրագույն կրթությամբ, ամուսնացած, խնամքին մինչև 14 տարեկան երկու երեխա` ծնված 05.04.2005թ. և 08.09.2008թ., նախկինում դատված`
1. Երևանի Էրեբունի և Նուբարաշեն վարչական շրջանների ընդհանուր իրավասության դատարանի 23.04.2009թ. դատավճռով ՀՀ քրեական օրենսգրքի 268-րդ հոդվածի 2-րդ մասի 1-ին կետով, քրեական օրենսգրքի 69-րդ հոդվածի կարգով դատապարտվել է ազատազրկման 11 /տասնմեկ/ ամիս 26 /քսանվեց/ օր ժամկետով։ ՀՀ քրեական օրենսգրքի 70-րդ հոդվածի կիրառմամբ պատիժը պայմանականորեն չի կիրառվել, նշանակվել է փորձաշրջան երկու տարի ժամկետով։
2. Երևանի Մալաթիա-Սեբաստիա վարչական շրջանի ընդհանուր իրավասության դատարանի 30.06.2010թ. դատավճռով Ալբերտ Փիլոսյանը մեղավոր է ճանաչվել ՀՀ քրեական օրենսգրքի 266-րդ հոդվածի 1-ին մասով և դատապարտվել ազատազրկման 3 /երեք/ տարի ժամկետով։ ՀՀ քրեական օրենսգրքի 70-րդ հոդվածի 7-րդ մասի ուժով վերացվել է ՀՀ վերաքննիչ քրեական դատարանի 2009թ. ապրիլի 03-ին Ալբերտ Փիլոսյանի նկատմամբ պատիժը պայմանականորեն չկիրառելը և պատիժ է նշանակվել ՀՀ քրեական օրենսգրքի 67-րդ հոդվածով նախատեսված կանոններով։ ՀՀ քրեական օրենսգրքի 67-րդ հոդվածի համաձայն, դատավճիռների համակցությամբ, ՀՀ վերաքննիչ քրեական դատարանի 2009թ. ապրիլի 03-ի որոշմամբ Ալբերտ Փիլոսյանի նկատմամբ 1 /մեկ/ տարի ազատազրկման ձևով նշանակված պատժից նոր նշանակված պատժին մասնակիորեն գումարելով 1 /մեկ/ ամիս, վերջնականապես թողնվել է կրելու ազատազրկում 3 /երեք/ տարի 1 /մեկ/ ամիս ժամկետով։ Պատժի հետ մեկտեղ ՀՀ քրեական օրենսգրքի 97-րդ, 98-րդ, 103-րդ հոդվածների կիրառմամբ Ալբերտ Փիլոսյանի նկատմամբ կիրառվել է բժշկական բնույթի հարկադրանքի միջոց, նշանակվել է հոգեբույժի մոտ արտահիվանդանոցային հսկողություն և հարկադիր բուժում։
ՀՀ վերաքննիչ քրեական դատարանի 01.09.2010թ. որոշմամբ Երևանի Մալաթիա-Սեբաստիա վարչական շրջանի ընդհանուր իրավասության դատարանի 30.06.2010թ. ԵՄԴ/0048/01/10 դատավճիռը Ալբերտ Գեորգիի Փիլոսյանի նկատմամբ նշանակված հարկադիր բուժման մասով փոփոխվել է։ Ալբերտ Գեորգիի Փիլոսյանի նկատմամբ հոգեբույժի մոտ արտահիվանդանոցային հսկողության և հարկադիր բուժման փոխարեն դատավճռով նշանակված պատժի հետ մեկտեղ ՀՀ քրեական օրենսգրքի 97-րդ հոդվածի կիրառմամբ նշանակվել է հարկադիր բուժում` թմրամոլության դեմ։
ՀՀ ԱՆ «Նուբարաշեն» ՔԿ հիմնարկի դատապարտյալ, մեղադրվում է ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով։
Առաջադրված մեղադրանքում իրեն լիովին մեղավոր է ճանաչել։
Ամբաստանյալի նկատմամբ խափանման միջոց չի կիրառվել։

1. Գործի դատավարական նախապատմությունը
Ամբաստանյալ Ալբերտ Փիլոսյանը ՀՀ քրեական օրենսգրքի 266-րդ հոդվածի 1-ին մասով նախատեսված հանցանք կատարելու համար 30.06.2010թ. Մալաթիա-Սեբաստիա վարչական շրջանի ընդհանուր իրավասության դատարանի դատավճռով դատապարտվել է 3 տարի 1 ամիս ժամկետով ազատազրկման, 2010թ. փետրվարի 10-ից պատիժը կրել է ՀՀ ԱՆ «Նուբարաշեն» ՔԿ հիմնարկի թիվ 61 խցում։ Նույն խցում վերջինիս հետ պատիժ են կրել նաև Արտակ Հակոբյանը և Էդուարդ Վարագյանը։ Պատիժը կրելու ընթացքում դատապարտյալ Էդուարդ Վարագյանը իր և իր խցակից Ալբերտ Փիլոսյանի համար նախատեսված հանձնուքները ՔԿ հիմնարկ տեղափոխելու համար հաճախակի բջջային հեռախոսակապով դիմել է իր մանկության ընկեր` Երևան քաղաքի Նոր-Արեշ 32 փողոցի թիվ 2 տան բնակիչ Մարտիրոս Ղասաբյանին։ Վերջինս, ընդառաջելով Է. Վարագյանի խնդրանքին, 2010թ. սեպտեմբեր ամսին 2 անգամ հանձնուք է տեղափոխել «Նուբարաշեն» ՔԿ հիմնարկ և Էդուարդ Վարագյանի խնդրանքով հանձնել վերջինիս խցակից Ալբերտ Փիլոսյանի անվամբ։ Բացի այդ Մարտիրոս Ղասաբյանը 2010թ. նոյեմբերի 19-ին կրկին հանձնուք է տարել նույն ՔԿ հիմնարկ և Էդուարդ Վարագյանի խնդրանքով այս անգամ հանձնել դատապարտյալ Արտակ Հակոբյանի անվամբ, որի մասին վերջինս տեղյակ չի եղել։ Նշված բոլոր հանձնուքներն ընդունվել են սահմանված կարգով, դրանցում արգելված իր կամ նյութ չի հայտնաբերվել, իսկ Մարտիրոս Ղասաբյանի 094-548-199 հեռախոսահամարի հետ Էդուարդ Վարագյանը կապ է պահպանել «Նուբարաշեն» ՔԿ հիմնարկի թիվ 61 խցում գտնվող 098-966-117 բջջային հեռախոսահամարի քարտով։ 22.11.2010թ. դատապարտյալ Էդուարդ Վարագյանը հետագա պատիժը կրելու համար տեղափոխվել է ՀՀ ԱՆ «Էրեբունի» ՔԿ հիմնարկ, իսկ նշված 098-966-117 համարի քարտը մնացել է «Նուբարաշեն» ՔԿ հիմնարկի թիվ 61 խցում։
Ալբերտ Փիլոսյանը պատիժը ՀՀ ԱՆ «Նուբարաշեն» ՔԿ հիմնարկի թիվ 61 խցում կրելու ընթացքում 2010թ. նոյեմբերի 26-ին անհայտ անձից ցանկացել է առանց իրացնելու նպատակի, իր գործածման համար ձեռք բերել խոշոր չափի 0,023 գրամ «Բուպրենորֆին» տեսակի թմրամիջոց։ Այդ նպատակով քննությամբ չպարզված անձից խնդրել է իրեն փոխանցելու համար նշված թմրամիջոցը թաքցնել «Սնիկերս» տեսակի քաղցրավենիքի մեջ և փոխանցել իր նախկին խցակից Էդուարդ Վարագյանի ընկերոջը` Մարտիրոս Ղասաբյանին։ Այդ նպատակով Ալբերտ Փիլոսյանը 2010թ. նոյեմբերի 25-ի երեկոյան ժամը 21-ի սահմաններում թիվ 61 խցում գտնվող 098-966-117 բջջային հեռախոսահամարից զանգահարել է իր նախկին խցակից Էդուարդ Վարագյանի ընկեր Մարտիրոս Ղասաբյանի 094-54-81-99 հեռախոսահամարին ու ներկայանալով որպես Էդուարդ Վարագյանի խցակից-ընկեր Ալիկ` խնդրել է հաջորդ օրը իր համար հանձնուք բերել։ Վերջինս համաձայնվել է։ Ալբերտ Փիլոսյանը նրան խնդրել է գնալ Երևան քաղաքի Էրեբունի վարչական շրջանում գործող «Սթար» սուպերմարկետի մոտ, այնտեղ իր ընկերոջից վերցնել հանձնուքը և տեղափոխելով «Նուբարաշեն» ՔԿ հիմնարկ` հանձնել իր խցակից Արտակ Հակոբյանի անվամբ, սակայն վերջինիս Ալբերտ Փիլոսյանը չի հայտնել իր համար նախատեսված հանձնուքը նրա անվամբ ընդունելու իր մտադրության մասին։
Մարտիրոս Ղասաբյանը կատարել է Ալբերտ Փիլոսյանի խնդրանքը` գնացել է Երևան քաղաքի Էրեբունի վարչական շրջանի շուկայի տարածքում գործող «Սթար» խանութի մոտ։ Միաժամանակ գործով չպարզված անձը Ալբերտ Փիլոսյանի խնդրանքով հանձնուք է պատրաստել, որի մեջ առկա «Սնիկերս» տեսակի թվով 4 հատ քաղցրավենիքների մեջ թաքցրել է խոշոր չափի 0,023 գրամ «բուպրենորֆին» տեսակի թմրամիջոցի պարունակությամբ դեղահատերի կտորներ և 5000 ՀՀ դրամի հետ միասին փոխանցել Մարտիրոս Ղասաբյանին, քանի որ վերջինս անհրաժեշտ գումար չի ունեցել հանձնուքը ՔԿ հիմնարկ տանելու ճանապարհածախսը հոգալու համար։ Վերջինս Ալբերտ Փիլոսյանի խնդրանքով վերցրել է նշված հանձնուքը և դրանում թմրամիջոցի առկայության մասին անտեղյակ լինելով` գնացել է «Նուբարաշեն» ՔԿ հիմնարկ։
2010թ. նոյեմբերի 26-ին ժամը 10.15-ի սահմաններում Մարտիրոս Ղասաբյանի կողմից «Նուբարաշեն» ՔԿ հիմնարկի թիվ 61 խցի դատապարտյալ Արտակ Հակոբյանի անվամբ ներկայացված հանձնուքի ստուգմամբ «Սնիկերս» տեսակի քաղցրավենիքների միջից հայտնաբերվել են խոշոր չափի 0,023 գրամ «բուպրենորֆին» տեսակի թմրամիջոցի պարունակությամբ դեղահատերի կտորները, որի հետևանքով Ալբերտ Փիլոսյանն հանցագործությունն ավարտին չի հասցրել իր կամքից անկախ հանգամանքներով։
Փաստի առթիվ ՀՀ ոստիկանության ՔԳՎ Էրեբունու քննչական բաժնի կողմից 03.12.2010թ. ՀՀ քրեական օրենսգրքի 266-րդ հոդվածի 2-րդ մասի 2-րդ և 3-րդ կետերով հարուցվել է 12147210 քրեական գործը և նախաքննություն է կատարվել։
10.03.2011թ. որոշում է կայացվել Ալբերտ Գեորգիի Փիլոսյանին ՀՀ քրեական օրենսգրքի 34-268-րդ հոդվածի 2-րդ մասի 1-ին և 2-րդ կետերով որպես մեղադրյալ ներգրավելու մասին։
16.03.2011թ. քրեական գործից իրացնողի մասով անջատված նյութերով հարուցվել է թիվ 12108811 քրեական գործը ՀՀ քրեական օրենսգրքի 266-րդ հոդվածի 2-րդ մասի 3-րդ կետով, քննվում է առանձին վարույթով։
Մեղադրական եզրակացությունը հաստատվել է 14.04.2011թ.։
Քրեական գործը 15.04.2011թ. մուտք է եղել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։
Դատական նիստի նախապատրաստական փուլում մեղադրող Ա. Մուրադյանը ՀՀ քրեական դատավարության օրենսգրքի 3091 հոդվածի կարգով կայացրել է որոշում Ալբերտ Փիլոսյանին ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով նոր մեղադրանք առաջադրելու մասին` հիմք ընդունելով ՀՀ Ազգային ժողովի կողմից 23.05.2011թ. ընդունված ՀՀ օրենքը «ՀՀ քրեական օրենսգրքում փոփոխություններ և լրացումներ կատարելու մասին»։
Առաջադրված մեղադրանքում ամբաստանյալն իրեն լիովին մեղավոր է ճանաչել։

2. Արագացված դատական քննություն.
Ամբաստանյալ Ալբերտ Գեորգիի Փիլոսյանը մինչ դատաքննությունն սկսելը միջնորդեց դատարանին` կիրառել դատական քննության արագացված կարգ, հայտարարելով, որ միջնորդությունը ներկայացնում է կամավոր, խորհրդակցելով պաշտպան Լուսինե Ավագյանի հետ, գիտակցում է արագացված կարգով դատաքննություն իրականացնելու հետևանքները, առաջադրված մեղադրանքը ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով իրեն պարզ է, համաձայն է մեղադրանքի հետ և իրեն լիովին մեղավոր է ճանաչում։
Թեև մեղադրող Ա. Մուրադյանը մեղադրական եզրակացությունը հաստատելիս առարկել էր գործով դատական քննության արագացված կարգ կիրառելու դեմ, սակայն նա փոխեց իր դիրքորոշումը և մինչև դատաքննությունն սկսելը չառարկեց արագացված կարգով դատական քննություն անցկացնելու մասին ամբաստանյալ Ալբերտ Գեորգիի Փիլոսյանի միջնորդության դեմ։
Ուսումնասիրելով քրեական գործի նյութերը, գտնելով, որ ամբաստանյալ Ալբերտ Գեորգիի Փիլոսյանին առաջադրված մեղադրանքը ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով հիմնավորված է, ամբաստանյալի միջնորդությունը բխում է ՀՀ քրեական դատավարության օրենսգրքի 3751, 3752-րդ հոդվածների պահանջներից, դատարանը բավարարել է ամբաստանյալի միջնորդությունը և ՀՀ քրեական դատավարության օրենսգրքի 3753-րդ հոդվածի 4-րդ մասի կարգով որոշում է կայացրել արագացված կարգով դատական քննություն անցկացնելու մասին։

3. Դատարանի իրավական վերլուծությունը
Դատարանը արագացված կարգով իրականացված դատական քննության ընթացքում ուսումնասիրելով ամբաստանյալի անձը բնութագրող տվյալները, պատասխանատվությունը մեղմացնող ու ծանրացնող հանգամանքները, հաշվի առնելով այն, որ առաջադրված մեղադրանքում ամբաստանյալ Ալբերտ Գեորգիի Փիլոսյանի մեղքը ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով նախատեսված հանցանքը կատարելու մեջ հիմնավորված է, գտնում է, որ ամբաստանյալի նկատմամբ նշված հոդվածի սանկցիայով պետք է քրեական պատիժ նշանակվի։
Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված` պատասխանատվությունը և պատիժը մեղմացնող ու ծանրացնող հանգամանքները։ Դրանք բնութագրելով ամբաստանյալի անձնավորության ու կատարված հանցագործության հանրային վտանգավորության աստիճանը, հնարավորություն են տալիս անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։
Դատարանը գտնում է, որ կոնկրետ դեպքով ամբաստանյալ Ալբերտ Գեորգիի Փիլոսյանի մոտ, որպես պատասխանատվությունը և պատիժը ծանրացնող հանգամանք, առկա է հանցանքը կատարելու ռեցիդիվը, քանի որ ամբաստանյալի նախկին դատվածությունը մարված չէ, ինչպես նաև` հանցագործության մեջ առանձնապես ակտիվ դերը։
Քրեական գործով Ալբերտ Գեորգիի Փիլոսյանի նկատմամբ պատասխանատվությունը և պատիժը մեղմացնող հանգամանք է ամբաստանյալի խնամքին մինչև 14 տարեկան երկու անչափահաս` 05.04.2005թ. և 08.09.2008թ. ծնված երեխաներ ունենալը, անկեղծորեն զղջալը։
ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ ամբաստանյալ Ալբերտ Գեորգիի Փիլոսյանի նկատմամբ անհրաժեշտ է նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածների պահանջներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։
Գնահատելով վերոշարադրյալը, տվյալ գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս դատարանը հանգում է այն հիմնավոր եզրակացության, որ ամբաստանյալի նկատմամբ որպես պատիժ անհրաժեշտ է նշանակել ազատազրկում որոշակի ժամկետով։
Պատիժ նշանակելիս և պատժաչափը որոշելիս դատարանը նկատի է առնում ՀՀ քրեական օրենսգրքի 65-րդ հոդվածի պահանջը` չավարտված հանցագործության, կոնկրետ` հանցափորձի համար պատիժ նշանակելու վերաբերյալ, ինչպես նաև այն, որ պատիժ պետք է նշանակվի ՀՀ քրեական օրենսգրքի 67-րդ հոդվածի պահանջների պահպանմամբ` դատավճիռների համակցությամբ, քանի որ գործով քննարկվող հանցագործության դեպքը կատարվել է 26.11.2011թ.` Ալբերտ Փիլոսյանի կողմից Երևանի Մալաթիա-Սեբաստիա վարչական շրջանի ընդհանուր իրավասության դատարանի 30.06.2010թ. ԵՄԴ/0048/01/10 դատավճռով նշանակված պատիժը կրելու ընթացքում, որի պայմաններում դատարանը նոր նշանակված պատժին լրիվ կամ մասնակիորեն գումարում է նախորդ դատավճռով նշանակված պատժի չկրած մասը։
Դատարանը հաշվի է առնում այն հանգամանքը, որ ՀՀ Ազգային ժողովի կողմից 23.05.2011թ. ընդունվել է «ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքը, այն ստորագրվել է ՀՀ Նախագահի կողմից 23.05.2011թ., հրապարակվել է 24.05.2011թ. և ուժի մեջ է մտել 25.05.2011թ.։
Նշված օրենքով ուժը կորցրած է համարվել ՀՀ քրեական օրենսգրքի 21-րդ հոդվածը հանցագործությունների կրկնակիության մասին, դրանով իսկ կրկնակիությունը, որպես հանցանքը որակյալ դարձնող հատկանիշ, ՀՀ քրեական օրենսգրքի Հատուկ մասի հոդվածներում կորցրել է իր ուժը, այսինքն` տեղի է ունեցել ապաքրեականացում ՀՀ քրեական օրենսգրքի Հատուկ մասի այն հոդվածների գծով, որոնցով կրկնակիությունը, որպես որակյալ հատկանիշ, արարքի հանցավորությունը սահմանելու, պատիժը խստացնելու, հանցանք կատարած անձի վիճակը վատթարացնելու քրեաիրավական հետևանքներ էր առաջացնում։
Վերոնշվածի հիմքով վերացվել է ՀՀ քրեական օրենսգրքի 268-րդ հոդվածի 2-րդ մասի 1-ին կետը /արարքը կրկին անգամ կատարելը/։
ՀՀ քրեական օրենսգրքի 12-րդ հոդվածը սահմանում է, որ արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով։
ՀՀ քրեական օրենսգրքի 13-րդ հոդվածի 1-ին մասը սահմանում է, որ արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն։
Վերոգրյալի հիմքով անհրաժեշտ է Երևանի Էրեբունի և Նուբարաշեն վարչական շրջանների ընդհանուր իրավասության դատարանի 23.04.2009թ. դատավճիռը համապատասխանեցնել «ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքին և նշված դատավճռով Ալբերտ Փիլոսյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով, ՀՀ քրեական օրենսգրքի 69-րդ հոդվածի կիրառմամբ անփոփոխ թողնել դատավճռով նշանակված պատիժը` ազատազրկումը 11 ամիս 26 օր ժամկետով։
Վերոնշված համապատասխանեցումը որևէ իրավական հետևանք չի առաջացնում նշված դատավճիռը ՀՀ վերաքննիչ քրեական դատարանի 03.04.2009թ. որոշմամբ Ալբերտ Փիլոսյանի նկատմամբ պատժի մասով փոփոխելու հարցում, այն է` Ալբերտ Փիլոսյանը նշված որոշմամբ դատապարտվել էր ազատազրկման մեկ տարի ժամկետով և ՀՀ քրեական օրենսգրքի 70-րդ հոդվածի կիրառմամբ նշանակված պատիժը պայմանականորեն չի կիրառվել և սահմանվել է փորձաշրջան 2 տարի ժամկետով։
Ամբաստանյալ Ալբերտ Փիլոսյանը սույն ԵԷԴ/0058/01/11 քրեական գործով մեղսագրվող հանցանքը կատարել է 26.11.2010թ. այն է` նախորդ` ԵՄԴ/0048/01/10 քրեական գործով 30.06.2010թ. Մալաթիա-Սեբաստիա վարչական շրջանի ընդհանուր իրավասության դատարանի դատավճռով նշանակված պատիժը կրելու ընթացքում։
ՀՀ քրեական օրենսգրքի 67-րդ հոդվածի հիմքով` դատավճիռների համակցությամբ` դատարանը նոր դատավճռով նշանակված պատժին լրիվ կամ մասնակիորեն գումարում է նախորդ դատավճռով նշանակված պատժի չկրած մասը։
Մալաթիա-Սեբաստիա վարչական շրջանի ընդհանուր իրավասության դատարանի 30.06.2010թ. ԵՄԴ/0048/01/10 դատավճռով և ՀՀ վերաքննիչ քրեական դատարանի 01.09.2010թ. որոշմամբ կատարված փոփոխությամբ Ալբերտ Փիլոսյանը ՀՀ քրեական օրենսգրքի 266-րդ հոդվածի 1-ին մասով, քրեական օրենսգրքի 67-րդ հոդվածի կիրառմամբ, դատապարտվել է ազատազրկման 3 /երեք/ տարի 1 /մեկ/ ամիս ժամկետով, ՀՀ քրեական օրենսգրքի 97-րդ հոդվածի կիրառմամբ պատժի կատարման հետ միացված բժշկական բնույթի հարկադրանքի միջոցի կիրառում թմրամոլության դեմ։ Պատժի սկիզբը հաշվվել է 2010թ. փետրվարի 06-ից, այսինքն` սույն ԵԷԴ/0058/01/11 քրեական գործով դատավճիռ կայացնելու օրվա դրությամբ ամբաստանյալ Ալբերտ Փիլոսյանը նշանակված ազատազրկում պատժից կրել է 1 տարի 4 ամիս 21 օր, մնացել է կրելու 1 տարի 8 ամիս 09 օր։
Դատարանը գտնում է, որ սույն գործով ամբաստանյալ Ալբերտ Փիլոսյանի նկատմամբ պետք է նշանակել պատիժ 1 /մեկ/ տարի ժամկետով և ՀՀ քրեական օրենսգրքի 67-րդ հոդվածի 1-ին և 4-րդ մասերի հիմքով նոր դատավճռով նշանակված պատժին մասնակիորեն գումարել նախորդ դատավճռով նշանակված պատժի չկրած մասից 1 տարի 6 ամիս ժամկետով ազատազրկում պատիժը, միաժամանակ նույնը թողնելով նախորդ գործով ՀՀ վերաքննիչ քրեական դատարանի 01.09.2010թ. որոշմամբ ՀՀ քրեական օրենսգրքի 97-րդ հոդվածի կիրառմամբ նշանակված պատժի կատարման հետ միացված բժշկական բնույթի հարկադրանքի միջոցի կիրառումը թմրամոլության դեմ։
Պատիժը պետք է կրի ՀՀ ԱՆ ՔԿՎ համապատասխան ՔԿ հիմնարկում։
Դատավճիռն օրինական ուժի մեջ մտնելուց հետո գործով իրեղեն ապացույց ճանաչված «Սնիկերս» տեսակի քաղցրավենիքը ենթակա է ոչնչացման, վկա Մարտիրոս Ղասաբյանից առգրաված «Ֆլայ» տեսակի բջջային հեռախոսը 077-54-81-99 բջջային հեռախոսաքարտով պետք է վերադարձնել տիրոջը, իսկ ՀՀ ԱՆ «Նուբարաշեն» ՔԿ հիմնարկի 61 խցի ստուգմամբ հայտնաբերված «Սամսունգ-GT-E1081T» տեսակի 3592420373/7695 նույնականացման համարով բջջային հեռախոսը ենթակա է բռնագրավման հօգուտ պետության` որպես ՔԿ հիմնարկում արգելված առարկա։
Գործով իրեղեն ապացույց ճանաչված 0,023 գրամ քաշով «բուպրենորֆին» տեսակի թմրամիջոցը քննիչի 16.03.2011թ. որոշման համաձայն գտնվում է Էրեբունու քննչական բաժնում` ՀՀ քրեական օրենսգրքի 266-րդ հոդվածով հարուցված 12108811 քրեական գործին կից։
Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 41, 44, 357-358, 360, 365, 368-372, 376, 3761, 379-րդ հոդվածների և ՀՀ դատական օրենսգրքի 20-րդ հոդվածի պահանջներով, դատարանը.

Վ Ճ Ռ Ե Ց

Ամբաստանյալ Ալբերտ Գեորգիի Փիլոսյանին մեղավոր ճանաչել ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով նախատեսված հանցանքի կատարման մեջ և նշված հոդվածի սանկցիայով նրա նկատմամբ քրեական պատիժ կիրառել` նշանակելով ազատազրկում 1 /մեկ/ տարի ժամկետով։
Երևանի Էրեբունի և Նուբարաշեն վարչական շրջանների ընդհանուր իրավասության դատարանի 23.04.2009թ. դատավճիռը համապատասխանեցնել ՀՀ ԱԺ կողմից 23.05.2011թ. ընդունած «ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքին և նշված դատավճռով Ալբերտ Փիլոսյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով նախատեսված հանցանքը կատարելու մեջ, ՀՀ քրեական օրենսգրքի 69-րդ հոդվածի կիրառմամբ նշված դատավճռով նշանակված 11 ամիս 26 օր ժամկետով ազատազրկում պատիժը և նույն գործով ՀՀ վերաքննիչ քրեական դատարանի` նշված դատավճիռը պատժի մասով փոփոխություն կատարելու, Ալբերտ Փիլոսյանին 1 տարի ժամկետով ազատազրկման դատապարտելու և ՀՀ քրեական օրենսգրքի 70-րդ հոդվածի կիրառմամբ նշանակված պատիժը պայմանականորեն չկիրառելու և 2 տարի ժամկետով փորձաշրջան նշանակելու մասին 03.04.2009թ. որոշումը թողնել նույնը։
Երևանի Մալաթիա-Սեբաստիա վարչական շրջանի ընդհանուր իրավասության դատարանի 26.11.2010թ. ԵՄԴ/0048/01/10 դատավճռով Ալբերտ Փիլոսյանի նկատմամբ նշանակված պատիժը 3 /երեք/ տարի 1 /մեկ/ ամիս ժամկետով և նույն գործով ՀՀ վերաքննիչ քրեական դատարանի 01.09.2010թ. որոշումը` դատավճիռը հարկադիր բուժման մասով փոփոխելու և ՀՀ քրեական օրենսգրքի 97-րդ հոդվածի կիրառմամբ թմրամոլության դեմ բժշկական բնույթի հարկադրանքի միջոց կիրառելու մասին, թողնել նույնը։
ՀՀ քրեական օրենսգրքի 67-րդ հոդվածի 1-ին և 4-րդ մասերի հիմքով սույն թիվ ԵԷԴ/0058/01/11 քրեական գործով նշանակված 1/ մեկ/ տարի ժամկետով նշանակված ազատազրկում պատժին մասնակի գումարել Մալաթիա-Սեբաստիա վարչական շրջանի ընդհանուր իրավասության դատարանի 30.06.2010թ. թիվ ԵՄԴ/0048/01/10 դատավճռով նշանակված 3 /երեք/ տարի 1 /մեկ/ ամիս ազատազրկում պատժից չկրած 1 /մեկ/ տարի 8 /ութ/ ամիս 9 /ինը/ օր ազատազրկում պատժից 1 /մեկ/ տարի 6 /վեց/ ամիս ազատազրկում պատիժը և վերջնական պատիժ նշանակել ազատազրկում 2 /երկու/ տարի 6 /վեց/ ամիս ժամկետով, պատժի սկիզբը հաշվելով 2011 թվականի հունիսի 27-ը։
Պատիժը պետք է կրի ՀՀ ԱՆ ՔԿՎ համապատասխան ՔԿ հիմնարկում։
Դատավճիռն օրինական ուժի մեջ մտնելուց հետո իրեղեն ապացույց ճանաչված «Սնիկերս» տեսակի քաղցրավենիքը ոչնչացնել, «Ֆլայ» տեսակի բջջային հեռախոսը 077-54-81-99 բջջային հեռախոսաքարտով վերադարձնել տիրոջը` Մարտիրոս Ղասաբյանին, իսկ ՀՀ ԱՆ «Նուբարաշեն» ՔԿ հիմնարկի 61 խցի ստուգմամբ հայտնաբերված «Սամսունգ-GT-E1081T» տեսակի 3592420373/7695 նույնականացման համարով բջջային հեռախոսը բռնագրավել հօգուտ պետության` որպես ՔԿ հիմնարկում արգելված առարկա։
Իրեղեն ապացույց 0,023 գրամ քաշով «բուպրենորֆին» տեսակի թմրամիջոցը թողնել Էրեբունու քննչական բաժնի տրամադրության տակ` 12108811 քրեական գործին կից։
Դատավարությանը մասնակցող անձանց կողմից դատավճիռը կարող է վերաքննության կարգով բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում։

ԴԱՏԱՎՈՐ Վ. Թ. ԳՐԻԳՈՐՅԱՆ