ԵԷԴ/0048/01/11

Դ Ա Տ Ա Վ Ճ Ի Ռ
Հ Ա Ն Ու Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ու Թ Յ Ա Ն
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը՝

ՆԱԽԱԳԱՀՈւԹՅԱՄԲ ԴԱՏԱՎՈՐ` Ա. ԳԱԲՐԻԵԼՅԱՆ
ՔԱՐՏՈւՂԱՐՈւԹՅԱՄԲ` Լ. ՄԻՐԶՈՅԱՆ

Մասնակցությամբ`

ՄԵՂԱԴՐՈՂ` Վ. ՄԻԼԻՏՈՆՅԱՆ
ՊԱՇՏՊԱՆՆԵՐ` Է. ԱՂԱՋԱՆՅԱՆ
Ա. ՀՈԲՈՍՅԱՆ
Ս. ՀԱՐՈւԹՅՈւՆՅԱՆ
Ա. ԱԼՎԱՆԴՅԱՆ
Է. ՎԱՐԴԱՆՅԱՆ

2011թ. օգոստոսի 26-ին դատարանում
Դռնբաց դատական նիստում քննեց քրեական գործն ըստ մեղադրանքի`
1. Մարատ Աշոտի Գրիգորյանի, ծնված 23.02.1953թ., ք.Երևան, ազգությամբ հայ, ՀՀ քաղաքացի, թերի բարձրագույն կրթությամբ, ամուսնալուծված, չի աշխատում, նախկինում չդատված, բնակվում է ք.Երևան Տիգրան Մեծի 33 շենք, 5 բնակարանում։
Մեղադրանք է առաջադրվել ՀՀ քր. օր-ի 266 հոդվածի 3-րդ մասի 2-րդ կետով և 268 հոդվածի 3-րդ մասով։
Սույն գործով կալանքի տակ չի եղել։
2. Ավետիք Միքայելի Խաչատրյանի, ծնված 04.11.1949թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատել, նախկինում դատված` դատվածությունը մարված, բնակվել է ք.Երևան Դավիթաշեն 2 թաղ. 19 շենք, 15 բնակարանում։
Մեղադրանք է առաջադրվել ՀՀ քր. օր-ի 266 հոդվածի 3-րդ մասի 2-րդ կետով և 268 հոդվածի 3-րդ մասով։
Սույն գործով կալանքի տակ է 27.01.2011թ.։
3. Լևոն Սաշիկի Ազարյանի, ծնված 06.02.1970թ., ք.Չարենցավան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին մեկ անչափահաս երեխա, չի աշխատել, նախկինում դատված` դատվածությունը մարված, հաշվառված է ք.Չարենցավան 3-րդ թաղ. 23 շենք, բն. 29, փաստացի բնակվել է ք.Չարենցավան 3 թաղ. 20 շենք, 6 բնակարանում։
Մեղադրանք է առաջադրվել ՀՀ քր. օր-ի 268 հոդվածի 3-րդ մասով։
Սույն գործով կալանքի տակ է 27.01.2011թ.։
4. Արամ Ռազմիկի Վլասյանի, ծնված 20.09.1970թ., ք.Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին երկու անչափահաս երեխաներ, աշխատել է ՄՀ համալիրում որպես չմշկասահքի մարզիչ, նախկինում չդատված, բնակվել է ք.Երևան Շինարարների 15/1 շենք, 104 բնակարանում։
Մեղադրանք է առաջադրվել ՀՀ քր. օր-ի 268 հոդվածի 3-րդ մասով։
Սույն գործով կալանքի տակ է 04.02.2011թ.։
5. Վարազդատ Գրիգորի Գրիգորյանի, ծնված 30.10.1970թ., ք.Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մեկ անչափահաս երեխա, չի աշխատել, նախկինում չդատված, բնակվել է ք.Երևան Արզումանյան 28 շենք, 14 բնակարանում։
Մեղադրանք է առաջադրվել ՀՀ քր. օր-ի 268 հոդվածի 3-րդ մասով։
Սույն գործով կալանքի տակ է 04.02.2011թ.։
6. Էդմոնդ Էդուարդի Վարդանեսյանի, ծնված 06.12.1970թ., ք.Երևան, ազգությամբ հայ, ՀՀ քաղաքացի, ամուսնացած, չի աշխատել, նախկինում դատված`
ա) ՌԴ Միխայլովսկի շրջանի Վոլգոգրադի շրջանային դատարանի 25.04.2001թ. դատավճռով ՌԴ քր. օր-ի 161 հոդվածի 2-րդ մասով դատապարտվել է ազատազրկման` 4 տարի ժամկետով,
բ) ՌԴ Մոսկվայի դատարանի դատավճռով ՌԴ քր. օր-ի 162 հոդվածի 2-րդ մասով դատապարտվել է ազատազրկման` 5 տարի 6 ամիս ժամկետով, հաշվառված է ք.Երևան Շինարարների 11 շենք, բն. 10, փաստացի բնակվել է ք.Երևան Ֆուչիկի 13 շենք, 34 բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկի կալանավոր։
Մեղադրանք է առաջադրվել ՀՀ քր. օր-ի 268 հոդվածի 3-րդ մասով։
Դատաքննությամբ և գործի տվյալներով պարզվեց հետևյալը.
Նախաքննական մարմինն ամբաստանյալներ Մարատ Աշոտի Գրիգորյանին մեղադրանք է առաջադրել ՀՀ քր. օր-ի 266 հոդվածի 3-րդ մասի 2-րդ կետով և 268 հոդվածի 3-րդ մասով, Ավետիք Միքայելի Խաչատրյանին` ՀՀ քր. օր-ի 266 հոդվածի 3-րդ մասի 2-րդ կետով և 268 հոդվածի 3-րդ մասով, Լևոն Սաշիկի Ազարյանին` ՀՀ քր. օր-ի 268 հոդվածի 3-րդ մասով, Արամ Ռազմիկի Վլասյանին` ՀՀ քր. օր-ի 268 հոդվածի 3-րդ մասով, Վարազդատ Գրիգորի Գրիգորյանին` ՀՀ քր. օր-ի 268 հոդվածի 3-րդ մասով և Էդմոնդ Էդուարդի Վարդանեսյանին` ՀՀ քր. օր-ի 268 հոդվածի 3-րդ մասով այն բանի համար, որ Երևան քաղաքի բնակիչ Զոհրաբ Անդրանիկի Եզգատյանը դեռևս 1990-ական թվականներից ծանոթացել և ճանաչել է Լիբանանի Հանրապետության Բեյութ քաղաքում բնակվող, ազգությամբ հայ ոմն Ափիկին։ Նույն ժամանակվանից Զոհրաբ Յեզգատյանը ճանաչել է նաև Երևան քաղաքի բնակիչ Մարատ Աշոտի Գրիգորյանին։ Այդ ընթացքում` մոտ 10 տարի Զոհրաբ Եզգատյանը բնակվել է Ամերիկայի Միացյալ Նահանգներում, որտեղից վերադարձել է 2008 թվականին։ Տևական ժամանակ Ամերիկայում է բնակվել նաև Մարատ Գրիգորյանը, որի հետ Զոհրաբը գտնվել է մտերիմ ընկերական փոխհարաբերությունների մեջ։ Մարատ Գրիգորյանը շուրջ 30 տարի օգտագործել է թմրամիջոցներ և Հայաստան վերադառնալուց հետո` 2008թ. վերջերին Զոհրաբին խնդրել է որպեսզի վերջինս, օգտագործելով շրջապատը և կապերը, իր համար որևէ տեղից թմրամիջոցի քանակություն հայթայթի։ Զոհրաբ Յեզգատյանը, ընդառաջելով թմրամիջոցից կախման մեջ գտնվող ընկերոջ բազմաթիվ խնդրանքներին, 2009թ. սեպտեմբեր ամսին, չպարզված հանգամանքներում Բեյրութում բնակվող իր ծանոթ` ազգությամբ հայ, ոմն Ափիկից հարցուփորձ է արել թմրամիջոցների հետ առնչվելու, այդպիսիք ձեռք բերելու հանգամանքների վերաբերյալ։ 2009թ. հոկտեմբերի վերջերին Ափիկը Բեյրութում բնակվող, անձը չպարզված ոմն Հովիկի հետ միասին եկել են Երևան, և պայմանավորվելով մեկ գրամի դիմաց ստանալ 25 ԱՄՆ դոլար, ապառքով` գումարը թմրամիջոցը իրացնելուց հետո ստանալու պայմանով, Զոհրաբ Յեզգատյանի` Երևան քաղաքի Նոր-Արեշ 48 փողոցի, 36 տանը, նրան են տվել մոտ մեկ կիլոգրամ` երշիկի տեսքով փաթեթավորված «հերոին» տեսակի թմրամիջոց։ Նշված թմրամիջոցը Զոհրաբ Յեզգատյանն իրացրել է Մարատ Գրիգորյանին` դրա մեկ գրամը 40 ԱՄՆ դոլարով` գումարը հետագայում ստանալու պայմանով։ Վերջինս խոստացել է կարճ ժամանակում Զոհրաբ Յեզգատյանին վճարել թմրամիջոցի ողջ գումարը, սակայն տևական ժամանակ` 2009թ. հոկտեմբերից մինչև 2010թ. ապրիլ ամիսը, դրա մի մասը` մոտ 250 գրամը գործածել է անձամբ։ Թմրամիջոցի մնացած քանակությունից մաս-մաս, տարբեր օրերի` յուրաքանչյուր անգամ 1-3 գրամ չափաբաժիններով, դրա մեկ գրամը` 35.000 ՀՀ դրամով, իր բնակության վայրում` Երևանի Տիգրան Մեծ փողոցում գտնվող «Սթար» սուպերմարկետի մոտակայքում, իրացրել է Երևան քաղաքի բնակիչներ Արամ Ռազմիկի Վլասյանին, Վարազդատ Գրիգորի Գրիգորյանին և Էդմոնդ Էդուարդի Վարդանեսյանին։ Թմրամիջոցը ձեռք բերելուց մոտ հինգ ամիս անց, Մարատ Գրիգորյանի կողմից դրա դիմաց խոստացված վճարումը չկատարելուց հետո, Զոհրաբ Յեզգատյանը ետ է պահանջել և չպարզված հանգամանքներում նույն Ափիկին վերադարձրել մնացած` մոտ 500 գրամ «հերոինի» քանակությունը։
Դրանից հետո, 2010թ. մայիսի վերջերին ամբաստանյալ Մարատ Գրիգորյանը կրկին խնդրել է Զոհրաբ Յեզգատյանին միջնորդել նույն անձանց իր համար «հերոին» ձեռք բերելու համար։ Ամբաստանյալ Զոհրաբ Յեզգատյանը այդ հարցով կրկին անգամ դիմել է Ափիկին, որը 2010թ. հունիսին, չպարզված օրը, նույն Հովիկի հետ միասին, Երևանում` Զոհրաբ Յեզգատյանի Նոր-Արեշ 48 փողոցի, 36 տանը տեղի ունեցած հանդիպման ընթացքում նույն պայմաններով Զոհրաբին իրացրել է ևս մեկ կիլոգրամ «հերոին», որից բացի նաև մեկ հատ սև գույնի ճամպրուկ` լցված թվով 33 հատ պոլիէթիլենային տոպրակներով, յուրաքանչյուրում` մոտ 1.300 հատ, ընդհանուր` մոտ 42.900 հատ կլոր, բաց շագանակագույն դեղահաբերով և հայտնել, թե վերջինն իբրև «Էքստազի» տեսակի թմրամիջոց է, որը ևս Զոհրաբը կարող է իրացնել։ «Հերոին» ձեռք բերած վերջին քանակությունից Զոհրաբ Յեզգատյանը կրկին անգամ, նույն պայմաններով, առանձնապես խոշոր չափի` 500 գրամը, մաս-մաս 2010թ. հոկտեմբերից մինչև 2011թ. հունվարի 25-ը, տարբեր չափաբաժիններով, նույն պայմաններով իրացրել է Մարատ Գրիգորյանին։ Զոհրաբ Յեզգատյանը հրաժարվել է դեղահաբերն իրացնելու մտքից, նաև` Ափիկի առաջարկից, որ դրանք կարող է որևէ ձևով ուղարկել Բեյրութ։ «Հերոինի» մնացած մասը` մոտ 500 գրամ և դեղահաբերի ընդհանուր քանակությունը Զոհրաբ Յեզգատյանն ապօրինի պահել է իր բնակության փողոցի հարևանությամբ գտնվող տներից մեկի` Նոր-Արեշ 48 փողոցի, 69 տան տանիքում` տանտիրոջից թաքցնելով դրանց թմրամիջոց հանդիսանալու հանգամանքը։ Դրանք Զոհրաբ Յեզգատյանը 2011թ. հունվարի 28-ին կամովին ներկայացրել է քննությանը և հայտարարել է, որ հերոինանման զանգվածը հանդիսանում է «հերոին» տեսակի թմրամիջոց, իսկ դեղահաբերը` «Էքստազի» տեսակի թմրամիջոց։ Միաժամանակ նշել է, որ ինքը բացի «հերոինից», այլ տեսակի թմրամիջոց Ափիկից չի խնդրել, որ բերված դեղահաբերն իր իմանալով «Էքստազի» տեսակի թմրամիջոցներ են, որոնցից ինքը երբևէ չի իրացրել, և պայմանավորվածության համաձայն, դրանք պահել է Ափիկի Հայաստան գալու դեպքում` նրան վերադարձնելու համար։ Նույն օրը` 2011թ. հունվարի 28-ին Զոհրաբ Յեզգատյանը ոստիկանության աշխատակիցներին կամովին հանձնել է նաև իր բնակարանում ապօրինի պահվող «AMADEO ROSSI» ֆիրմային արտադրության, D783014 գործարանային համարով թմբուկավոր ատրճանակ` լիցքավորված 5 փամփուշտներով և 234 հատ 7.62մմ տրամաչափի փամփուշտներ, նաև մեկ հատ փամփուշտների երկաթյա ժապավեն։
Մարատ Գրիգորյանն իր հերթին Զոհրաբ Յեզգատյանից ապօրինի ձեռք բերած «հերոինի» քանակությունից մի մասը 2010թ. հոկտեմբերից մինչև 2011թ. հունվար ամիսը գործածել է անձամբ։ Թմրամիջոցի մնացած քանակությունից առանձնապես խոշոր չափի քանակություններ մաս-մաս, տարբեր օրերի` յուրաքանչյուր անգամ` 1-3 գրամ չափաբաժիններով, դրա մեկ գրամը` 35.000 ՀՀ դրամով, իր բնակության վայրում` Երևանի Տիգրան Մեծ փողոցում գտնվող «Սթար» սուպերմարկետի մոտակայքում, կրկին անգամ իրացրել է Արամ Ռազմիկի Վլասյանին և Վարազդատ Գրիգորի Գրիգորյանին։ 2011թ. հունվարի 27-ին Մարատ Գրիգորյանն իր` Տիգրան Մեծի 33 շենքի, թիվ 5 բնակարանից կամովին ներկայացրել է մոտ 50 գրամ «հերոին» տեսակի թմրամիջոց։
Բացի այդ, Մարատ Գրիգորյանը Ավետիք Խաչատրյանին, Արամ Վլասյանին և Վարազդատ Գրիգորյանին մաս-մաս, տարբեր չափաբաժիններով իրացրել է ընդհանուր` յուրաքանչյուրին մոտ 70-ական գրամ «հերոին» տեսակի թմրամիջոց, որը վերջիններս հիշատակված ժամանակահատվածում գործածել են։
Բացի այդ, Ավետիք Խաչատրյանը Մարատ Գրիգորյանից ապօրինի ձեռք բերված «հերոինից» 2010թ. դեկտեմբեր 2011թ. հունվար ամիսներին, տարբեր օրերի, ընդհանուր` 3 դեպքով, վերջին անգամ` 2011թ. հունվարի 27-ին, կրկին անգամ, իր բնակության վայրում` Դավիթաշեն թաղամասի թիվ 19 շենքի մոտակայքում, յուրաքանչյուր անգամ 0.3-ական գրամ «հերոինի» չափաբաժինը` 10.000 ՀՀ դրամով վաճառելու եղանակով, առանձնապես խոշոր չափի` ընդհանուր 0.9 գրամ ապօրինի իրացրել է Չարենցավան քաղաքի բնակիչ Լևոն Սաշիկի Ազարյանին, մի մասը` գործով դեռևս չպարզված այլ անձանց, իսկ մնացած մասը ներարկելու եղանակով գործածել է։
Դատաքննության ընթացքում Զոհրաբ Յեզգատյանի պաշտպան` Արմինե Բեջանյանը, միջնորդություն ներկայացրել դատարան և խնդրել է Զոհրաբ Եզգատյանի նկատմամբ նշանակել դատաբժշկական փորձաքննություն` պարզելու նրա առողջական վիճակը։
Դատարանի 18.04.2011թ. որոշմամբ նշանակվել է դատաբժշկական փորձաքննություն։
30.05.2011թ. դատարան է ստացվել ՀՀ «Փորձաքննությունների ազգային բյուրո» ՊՈԱԿ-ի կողմից կատարված փորձաքննության եզրակացությունը, համաձայն որի Զոհրաբ Անդրանիկի Եզգատյանը տառապում է խրոնիկական անտրալ գաստրիտով, լյարդի ցիռոզով վիրուսային էթիոլոգիայի (HCV), որը փորձաքննության իրականացման ընթացքում եղել է դեկոմպենսացիայի փուլում, լյարդային անբավարարությամբ (երրորդ` C փուլ), պորտալ հիպերթենզիայով։ Նշված հիվանդություններից` լյարդի ցիռոզը կարող է դրսևորվել մարսողության, քանի, հիշողության խանգարումներով, քթային արյունահոսությամբ, ընդհանուր թուլությամբ և ունենալ այլ դրսևորումներ։ Հայտնաբերված հիվանդության` լյարդի ցիռոզի հետ կապված Զոհրաբ Եզգատյանն ունի տևական նեղ մասնագիտական ամբուլատոր և ստացիոնար բուժօգնության և հսկողության կարիք` հաշվի առնելով հիվանդության քրոնիկական ընթացքը։ Լյարդի ցիռոզը նշված փուլում հնարավոր է խոչընդոտ հանդիսանալ Զոհրաբ Եզգատյանի մասնակցությանը/ներկայությանը/ դատաքննության պրոցեսին։
Դատարանի 16.08.2011թ. որոշմամբ ամբաստանյալ Զոհրաբ Անդրանիկի Եզգատյանի նկատմամբ քրեական գործի վարույթը կասեցվել է։
Դատաքննությամբ առաջադրված մեղադրանքում ամբաստանյալ Մարատ Գրիգորյանը ՀՀ քր. օր-ի 266 հոդվածի 3-րդ մասի 2-րդ կետով և 268 հոդվածի 3-րդ մասով իրեն լիովին մեղավոր ճանաչեց, և օգտվելով իր սահմանադրական իրավունքից, հրաժարվեց դատաքննությամբ ցուցմունք տալուց։
Նախաքննության ընթացքում Մարատ Գրիգորյանը ցուցմունք է տվել այն մասին, որ շուրջ 20 տարի բնակվել է ԱՄՆ-ում, որտեղից վերադարձել է 2005թ.։ 1980-ական թվականներից ճանաչում է Զոհրաբ Եզգատյանին, որի հետ գտնվում է ընկերական փոխհարաբերությունների մեջ։ 2008թ. ԱՄՆ-ից Հայաստան է վերադարձել նաև Զոհրաբ Եզգատյանը, որին խնդրել է իր համար «հերոին» տեսակի թմրամիջոց ձեռք բերել։ Վերջինս իրեն ասել է, որ իր մոտ կա «հերոին» տեսակի թմրամիջոց և այն կարող է գրամը 15.000 ՀՀ դրամով վաճառել իրեն։ 2009թ. հոկտեմբերից մինչև 2010թ. ապրիլ ամսին ընկած ժամանակահատվածում Զոհրաբ Եզգատյանից ձեռք է բերել շուրջ 400 գրամ «հերոին» տեսակի թմրամիջոց։ Թե Զոհրաբը որտեղից է ձեռք բերել «հերոին» տեսակի թմրամիջոցը, ինքը տեղյակ չէ։
Զոհրաբից ձեռք բերած «հերոին» տեսակի թմրամիջոցից նույն ժամանակահատվածում մոտ 100 գրամը վաճառել է Էդմոնդ Վարդանեսյանին, տարբեր չափաբաժիններ վաճառել է նաև Արամ Վլասյանին և Վարազդատ Գրիգորյանին, իսկ մնացած մասը ինքն է օգտագործել։
2010թ. մայիս ամսին Զոհրաբի մոտի «հերոին» տեսակի թմրամիջոցը վերջացել է, և քանի որ ինքը քաղաքում չի ճանաչել թմրամիջոցի շրջանառությամբ զբաղվող այլ անձանց, ուստի կրկին Զոհրաբին համոզել է իր համար թմրամիջոց ձեռք բերել։ Սկզբում Զոհրաբը չի համաձայնվել, սակայն 2010թ. հոկտեմբեր ամսին զանգահարել է իրեն և հայտնել է, որ մոտը «հերոին» տեսակի թմրամիջոց կա։ Ինքը գնացել է Զոհրաբենց տուն և նրանից վերցրել է մոտ 1կգ «հերոին» տեսակի թմրամիջոց։ Զոհրաբը իրեն ասել է, որ այդ 1կգ «հերոին» տեսակի թմրամիջոցը իր վրա նստել է 25.000 ԱՄՆ դոլար, ինքը նրան պատասխանել է, որ դրա դիմաց կվճարի 40.000 ԱՄՆ դոլար։ Հետագայում, տեսնելով, որ չի կարողանում գումարը վճարել, իր օգտագործման համար վերցրել է մոտ 40 գրամ, իսկ մնացածը վերադարձրել է Զոհրաբին։ Այդ ժամանակ Զոհրաբն իրեն ասել է, որ թմրամիջոցը իրեն հարկավոր չէ, ուստի այն վերադարձնելու է, իսկ ինքը համոզել է նրան որպեսզի պահի իր մոտ, հետագայում ինքը քիչ քանակությամբ կվերցնի նրանից։ Երկար համոզելուց հետո, Զոհրաբը համաձայնվել է։
2010թ. նոյեմբերից մինչև 2011թ. հունվար ամսին ընկած ժամանակահատվածում նույն եղանակով Զոհրաբից ձեռք է բերել մոտ 300 գրամ «հերոին» տեսակի թմրամիջոց` յուրաքանչյուր անգամ վճարելով 1 գրամի համար 40 ԱՄՆ դոլար։
Վերջին անգամ Զոհրաբից 100 գրամ «հերոին» տեսակի թմրամիջոց ձեռք է բերել 2011թ. հունվարի 24-ին։ Վերցրած ընդհանուր` մոտ 400 գրամ «հերոին» տեսակի թմրամիջոցի դիմաց Զոհրաբին վճարել է 4.000 ԱՄՆ դոլար։ Նշված 400 գրամից մոտ 100 գրամը տվել է Արամ Վլասյանին և Վարազդատ Գրիգորյանին, 70 գրամը` Ավետիք Խաչատրյանին` 1 գրամը վաճառելով 35.000 ՀՀ դրամով, իսկ մնացածը ինքն է օգտագործել։
Ինքը ենթադրում է, որ Զոհրաբը «հերոին» տեսակի թմրամիջոցը ձեռք է բերել Բեյրութում բնակվող, ազգությամբ հայ, իր ծանոթ Հովիկից, քանի որ 2010թ., երբ Զոհրաբի մոտ թմրամիջոց չի եղել, և երբ ինքը նրան համոզել է ինչ որ տեղից ճարի, այդ ժամանակ Զոհրաբը իր ներկայությամբ զանգահարել է Հովիկին, և երբ 2010թ. հոկտեմբերին Զոհրաբի զանգով գնացել է նրանց տուն և վերցրել է թմրամիջոցը, տեղեկացել է, որ Հովիկը մի քանի օր առաջ եղել է Հայաստանում։
Դատաքննությամբ առաջադրված մեղադրանքում ամբաստանյալ Ավետիք Խաչատրյանը ՀՀ քր. օր-ի 266 հոդվածի 3-րդ մասի 2-րդ կետով իրեն մեղավոր չճանաչեց, իսկ ՀՀ քր. օր-ի 268 հոդվածի 3-րդ մասով և 38-268 հոդվածի 3-րդ մասով լիովին մեղավոր ճանաչեց և ցուցմունք տվեց այն մասին, որ 2000թ. մինչև 2010թ. բնակվել է ԱՄՆ-ում, որտեղից վերադարձել է վատառողջ մորը խնամելու նպատակով։ Երկար տարիներ ճանաչել է Մարատ Գրիգորյանին, որի հետ կապ է պահպանել նաև ԱՄՆ-ում գտնված ժամանակ։ Քանի որ ինքը տեղյակ է եղել, որ Մարատը թմրամիջոցներ է օգտագործում, ուստի համոզված է եղել, որ վերջինս իրեն թմրամիջոց կվաճառի։
2010թ. նոյեմբերից մինչև 2011թ. հունվար ամսին ընկած ժամանակահատվածում Մարատից ձեռք է բերել մոտ 70 գրամ «հերոին» տեսակի թմրամիջոց` յուրաքանչյուր անգամ վճարելով 1 գրամի համար 35.000 ՀՀ դրամ։
Այդ ընթացքում երեք անգամ իր ծանոթ Լևոն Ազարյանը դիմել է իրեն և խնդրել է իր համար ևս «հերոին» տեսակի թմրամիջոց ձեռք բերել` մոտ 0.3 գրամ` 10.000 ՀՀ դրամի չափով։ Ինքը համաձայնվել է օգնել նրան և նախապես նրանից վերացրել է գումարը։ Երբ ինքը Մարատ Գրիգորյանից իր օգտագործման համար ձեռք է բերել «հերոին» տեսակի թմրամիջոց, միաժամանակ նրանից ձեռք է բերել նաև Լ. Ազարյանի համար նախատեսված չափաբաժինը և փոխանցել է Լ. Ազարյանին` առանց հավելյալ գումար աշխատելու և այլ շահ ստանալու ակնկալիքով, ուղղակի ամեն անգամ օգնել է Լ. Ազարյանին թմրամիջոց ձեռք բերելու հարցում։
Դատաքննությամբ առաջադրված մեղադրանքում ամբաստանյալ Լևոն Ազարյանը ՀՀ քր. օր-ի 268 հոդվածի 3-րդ մասով իրեն լիովին մեղավոր ճանաչեց և ցուցմունք տվեց այն մասին, որ պատահական ծանոթացել է Ավետիք Խաչատրյանի հետ, և տեղեկանալով, որ վերջինս ևս թմրամիջոցներ է օգտագործում, դիմել է նրան և խնդրել է թմրամիջոց ձեռք բերելու հարցում օգնել իրեն։ Ավետիքը սկզբում չի համաձայնվել, սակայն իր պնդումներին, վերջինս ի վերջո համաձայնվել է օգնել իրեն։ Դրանից հետո, 2010թ. դեկտեմբեր ամսին զանգահարել է Ավետիքին և խնդրել է իր համար մոտ 0.3 գրամ` 10.000 ՀՀ դրամի չափով «հերոին» տեսակի թմրամիջոց ձեռք բերել, որից հետո հանդիպել է նրան և տվել է գումարը։ Մի քանի օր անց Ավետիքը բերել է թմրամիջոցը և ինքը օգտագործել է այն։ Նույն եղանակով ևս երկու անգամ Ավետիք Խաչատրյանը 10.000 ՀՀ դրամի դիմաց օգնել է իրեն ձեռք բերել 0.3 գրամ «հերոին» տեսակի թմրամիջոց։
Դատաքննությամբ առաջադրված մեղադրանքում ամբաստանյալ Վարազդատ Գրիգորյանը ՀՀ քր. օր-ի 268 հոդվածի 3-րդ մասով իրեն մեղավոր ճանաչեց, և օգտվելով իր սահմանադրական իրավունքից, հրաժարվեց դատաքննությամբ ցուցմունք տալուց, միայն հայտնեց դատարանին, որ Մարատից 0.5-1 գրամ չափաբաժիններով ձեռք է բերել ընդհանուր` մոտ 70 գրամ «հերոին» տեսակի թմրամիջոց։
Նախաքննության ընթացքում Վարազդատ Գրիգորյանը ցուցմունք է տվել այն մասին, որ 2010թ. մարտ ամսին Երևանի Աջափնյակ թաղամասի Շինարարների փողոցի վրա հանդիպել է իր ընկեր Արամի հորաքրոջ նախկին ամուսնուն` Մարատին։ Խոսակցության ընթացքում Մարատը գրպանից հանելով ծխախոտի ֆոլգայով փաթաթված «հերոին» տեսակի թմրամիջոցը, առաջարկել է իրեն քթով քաշել, ինչից ինքը չի հրաժվել և նույն պահին գործածել է։ Դրանից մոտ երկու օր անց զանգահարել է Մարատին և նրանից «հերոին» է խնդրել։ Նույն օրը հանդիպել է մարատին, և վերցնելով «հերոինը», գործածել է։ Մարատը մեկ անգամ «հերոինը» վաճառել է 40.000 ՀՀ դրամով։ Այդ օրվանից սկսած ինքը ընկերոջ` Արամի հետ միասին, մինչև 2010թ. դեկտեմբեր ամիսը, միասին գումար դնելով, Մարատից 0.5-1 գրամ չափաբաժիններով ձեռք են բերել «հերոին» տեսակի թմրամիջոց։
Դատաքննությամբ առաջադրված մեղադրանքում ամբաստանյալ Արամ Վլասյանը ՀՀ քր. օր-ի 268 հոդվածի 3-րդ մասով իրեն մեղավոր ճանաչեց, և օգտվելով իր սահմանադրական իրավունքից, հրաժարվեց դատաքննությամբ ցուցմունք տալուց, միայն հայտնեց դատարանին, որ Մարատից 0.5-1 գրամ չափաբաժիններով ձեռք է բերել ընդհանուր` մոտ 70 գրամ «հերոին» տեսակի թմրամիջոց։
Նախաքննության ընթացքում Արամ Վլասյանը ցուցմունք է տվել այն մասին, որ 2010թ. հոկտեմբեր ամսից մինչև 2011թ. հունվար ամիսը, կոնկերտ օրերը չի հիշում, Մարատից ընդհանուր 8 անգամ, յուրաքանչյուր անգամ` 5.000-ական ՀՀ դրամով գնել է «հերոին» տեսակի թմրամիջոց, բացի այդ Մարատն իր կողմից նույնքան քանակությամբ էլ հյուրասիրել է իրեն։ «Հերոինի» մեկ գրամը Մարատն իրեն վաճառել է 40.000 ՀՀ դրամով։
Դատաքննությամբ առաջադրված մեղադրանքում ամբաստանյալ Էդմոնդ Վարդանեսյանը ՀՀ քր. օր-ի 268 հոդվածի 3-րդ մասով իրեն մեղավոր ճանաչեց և ցուցմունք տվեց այն մասին, որ 2009թ. հոկտեմբերից մինչև 2010թ. ապրիլ ամիսն ընկած ժամանակահատվածում Մարատ Գրիգորյանից մաս-մաս, տարբեր օրերի` յուրաքանչյուր անգամ 1-3 գրամ չափաբաժիններով, դրա մեկ գրամը` 35.000 ՀՀ դրամով ձեռք է բերել «հերոին» տեսակի թմրամիջոց։ Վերջին անգամ Մարատ Գրիգորյանից «հերոին» տեսակի թմրամիջոց ձեռք է բերել 2011թ. հունվար ամսին` մոտ 100 գրամ։
Վկա` Վրեժ Պառազյանը ցուցմունք է տվել այն մասին, որ իրեն պատկանող «Վազ-2106» մակնիշի ավտոմեքենայով Հրազդան քաղաքում մատուցում է տաքսի ծառայություն։ 2011թ. հունվարի 27-ին, ժամը 1300-ի սահմաններում իրեն է մոտեցել իրենց թաղամասի բնակիչ Արմեն Յուզբաշյանը և առաջարկել է 5.000 ՀՀ դրամ վարձավճարի դիմաց միասին գնալ Չարենցավան, այնտեղից Երևան, ապա Հրազդան։ Նրա հետ միասին գնացել են Չարենցավան, որտեղ իրենց է միացել Արմենի ծանոթը` Լևոն անունով մի տղա, որից հետո երեքով ուղևորվել են Երևան` Դավիթաշեն թաղամաս, որտեղ շենքերից մեկի բակում Լևոնը իջել է մեքենայից և վերադարձել է մոտ 5 րոպե անց, որից հետո իրենք շարժվել են։ Հասնելով «Երևան Սիթի» հանրախանութի մոտ, Արմենը պատվիրել է կանգնել, որից հետո մտել է խանութ։ Քիչ անց վերադարձել է և պատվիրել է վերադառնալ Հրազդան։ Հրազդան վերադառնալու ճանապարհին իրենց մեքենան կանգնեցրել են ոստիկանության աշխատակիցները և բերման են ենթարկել ոստիկանության Երևան քաղաքի վարչություն, որտեղ կատարված անձնական խուզարկությամբ Լևոնի մոտ հայտնաբերվել է ներարկիչով «հերոին» տեսակի թմրամիջոց։ Իր մեքենայի մեջ նրանք թմրամիջոցի թեմաներով չեն զրուցել և ինքը տեղյակ չէ, թե այդ թմրամիջոցը ինչպես է հայտնվել Լևոնի մոտ։
Վկա` Գրիգոր Ղուկասյանը ցուցմունք է տվել այն մասին, որ Զոհրաբ Յեզգատյանին ճանաչում է մանկական տարիներից և նրա հետ գտնվում է մտերիմ փոխհարաբերությունների մեջ։ 2010թ. ամռանը, կոնկրետ օրը չի հիշում, Զոհրաբը սպորտային պայուսակով ինչ-որ բան է բերել և խնդրել է դնել իրենց տան տանիքում։ Քանի որ իրենք շատ մտերիմ են եղել, ինքը չի հետաքրքրվել, թե ինչ է պայուսակի մեջ և ժամանակի ընթացքում նույնիսկ մոռացել է դրա մասին։ 2011թ. հունվարի 28-ին Զոհրաբը ոստիկանության աշխատակիցների հետ միասին եկել է իրենց տուն և իրենց տան տանիքում գտնվող ճամպրուկը ներկայացրել է նրանց։ Այդ ժամանակ է միայն ինքը տեղակացել, որ պայուսակի մեջ թմրամիջոց է։
Դատարանի կողմից հետազոտվեց Լևոն Սաշիկի Ազարյանին անձնական խուզարկության ենթարկելու մասին արձանագրությունը, համաձայն որի նրա բաճկոնի աջ կողմի ծոցագրպանից հայտնաբերվել է «դեղատուն» գրառումով պոլիէթիլենային տոպրակ, որի մեջ առկա է մեկ հատ 3մլ ծավալով ներարկիչ` 0.5 գրամ լուծույթի պարունակությամբ, մեկ հատ «Վալերիաննի էքստրակտ» գրառումով ապակյա տարա` պատերին շագանակագույն հետքերով և մեկական հատ 1մլ և 6մլ ծավալով ներարկիչներ` պատերին շագանակագույն հետքերով։ Բաճկոնի գրպանից հայտնաբերվել է մեկ հատ «Նոկիա» մոդելի բջջային հեռախոս` 098-07-66-35 և 099-29-83-58 հեռախոսաքարտերով։ Հայտնաբերված լուծույթի վերաբերյալ Լ. Ազարյանը հայտարարել է, որ այն իրենից ներկայացնում է «հերոին» տեսակի թմրամիջոց, որը իր գործածման համար է։
Մարատ Աշոտի Գրիգորյանին անձնական խուզարկության ենթարկելու մասին արձանագրությունը, համաձայն որի նրա տաբատի աջ գրպանից հայտնաբերվել են թվով 16 հատ թղթե փաթեթներ` 8-ական հատով կապված ռեզիններով, յուրաքանչյուր փաթեթում մոտ 1.5 գրամ շագանակագույն հերոինանման զանգվածով, ընդհանուր` մոտ 24 գրամ։ Հայտնաբերվածի վերաբերյալ Մ. Գրիգորյանը հայտարարել է, որ այն իրենից ներկայացնում է «հերոին» տեսակի թմրամիջոց։ Սև բաճկոնի գրպանից հայտնաբերվել է «Սամսունգ» մոդելի բջջային հեռախոս` 093-27-79-46 հեռախոսաքարտով։
ՀՀ «Փորձաքննությունների ազգային բյուրո» ՊՈԱԿ-ի կողմից 07.02.2011թ. տրված դատաքիմիական փորձաքննության թիվ 11-0167 եզրակացությունը, համաձայն որի Ավետիք Միքայելի Խաչատրյանից վերցված մեզի փորձանմուշի մեջ հայտնաբերվել են ափիոնի խմբին պատկանող թմրամիջոցի թմրալկալոիդներ։
ՀՀ «Փորձաքննությունների ազգային բյուրո» ՊՈԱԿ-ի կողմից 07.02.2011թ. տրված դատաքիմիական փորձաքննության թիվ 11-0168 եզրակացությունը, համաձայն որի Լևոն Սաշիկի Ազարյանից վերցված մեզի փորձանմուշի մեջ հայտնաբերվել են ափիոնի խմբին պատկանող թմրամիջոցի թմրալկալոիդներ։
«Հոգեբուժական բժշկական կենտրոն» ՓԲԸ Նարկոլոգիական կլինիկայի կողմից 21.02.2011թ. տրված դատաքիմիական փորձաքննության թիվ 0055 եզրակացությունը, համաձայն որի Վարազդատ Գրիգորի Գրիգորյանի մեզի փորձանմուշում հայտնաբերվել են ափիոնի խմբի թմրամիջոցների թմրալկալոիդների հետքեր։ Վարազդատ Գրիգորի Գրիգորյանի մազի մոտ 1.0սմ երկարությամբ փորձանմուշում հայտնաբերվել են ափիոնի խմբի թմրամիջոցների թմրալկալոիդների հետքեր։
«Հոգեբուժական բժշկական կենտրոն» ՓԲԸ Նարկոլոգիական կլինիկայի կողմից 21.02.2011թ. տրված դատաքիմիական փորձաքննության թիվ 0054 եզրակացությունը, համաձայն որի Արամ Ռազմիկի Վլասյանի մեզի փորձանմուշում հայտնաբերվել են ափիոնի խմբի թմրամիջոցների թմրալկալոիդների հետքեր։ Արամ Ռազմիկի Վլասյանի մազի մոտ 1.5սմ երկարությամբ փորձանմուշում հայտնաբերվել են ափիոնի խմբի թմրամիջոցների թմրալկալոիդների հետքեր։
ՀՀ «Փորձաքրեագիտական վարչության» կողմից 27.01.2011թ. տրված դատաքիմիական փորձաքննության թիվ 27Ք եզրակացությունը, համաձայն որի փորձաքննությանը ներկայացված ներարկիչում առկա` 0.6մլ ծավալով լուծույթում հայտնաբերվել է «հերոին» տեսակի թմրամիջոց, որի չոր քաշը կազմում է` 0.011 գրամ։ Փորձաքննությանը ներկայացված դատարկ ներարկիչներում և ապակյա տարայում հայտնաբերվել է «հերոին» տեսակի թմրամիջոցի հետքեր։
ՀՀ «Փորձաքրեագիտական վարչության» կողմից 27.01.2011թ. տրված դատաքիմիական փորձաքննության թիվ 28Ք եզրակացությունը, համաձայն որի փորձաքննությանը ներկայացված ընդհանուր 16.53 գրամ քաշով(1.08 գրամ, 1.05 գրամ, 1.03 գրամ, 1.03 գրամ, 1.01 գրամ, 1 գրամ, 1.03 գրամ, 0.99 գրամ, 1.05 գրամ, 1 գրամ, 1.06 գրամ, 1.01 գրամ, 1.11 գրամ, 1.03 գրամ, 1 գրամ և 1.05 գրամ) բաց շագանակագույն փոշենման նյութը հանդիսանում է «հերոին» տեսակի թմրամիջոց։
ՀՀ «Փորձաքրեագիտական վարչության» կողմից 11.02.2011թ. տրված դատաքիմիական փորձաքննության թիվ 29Ք եզրակացությունը, համաձայն որի փորձաքննությանը ներկայացված 47.5 գրամ քաշով բաց շագանակագույն փոշենման նյութը հանդիսանում է «հերոին» տեսակի թմրամիջոց։
ՀՀ «Փորձաքրեագիտական վարչության» կողմից 16.02.2011թ. տրված դատաքիմիական փորձաքննության թիվ 30Ք եզրակացությունը, համաձայն որի փորձաքննությանը ներկայացված թվով 33 փաթեթներում առկա ընդհանուր 16031.8 գրամ քաշով հաբերում հայտնաբերվեց ամֆետամին տեսակի թմրամիջոց, որոնցում ամֆետամին տեսակի թմրամիջոցի քաշը կազմում է` ընդհանուր 2918.56 գրամ։ Փորձաքննությանը ներկայացված ընդհանուր 485.8 գրամ(112.1 գրամ, 92.5 գրամ, 99.1 գրամ, 96.6 գրամ և 85.5 գրամ) քաշով բաց շագանակագույն փոշենման նյութը հանդիսանում է` «հերոին» տեսակի թմրամիջոց։ Փորձաքննությանը ներկայացված թմրամիջոցները պատրաստվում են լաբորատոր պայմաններում։
«Հոգեբուժական բժշկական կենտրոն» ՓԲԸ Նարկոլոգիական կլինիկայի կողմից 28.02.2011թ. տրված դատանարկոլոգիական փորձաքննության թիվ 023-11 եզրակացությունը, համաձայն որի Լևոն Սաշիկի Ազարյանը տառապում է «Ափիոնային թմրամոլություն» ախտորոշմամբ, ուստի հարկադիր բուժման կարիք ունի, հակացուցումներ չկան։
«Հոգեբուժական բժշկական կենտրոն» ՓԲԸ Նարկոլոգիական կլինիկայի կողմից 28.02.2011թ. տրված դատանարկոլոգիական փորձաքննության թիվ 022-11 եզրակացությունը, համաձայն որի Ավետիք Միքայելի Խաչատրյանը տառապում է «Ափիոնային թմրամոլություն» ախտորոշմամբ, ուստի հարկադիր բուժման կարիք ունի, հակացուցումներ չկան։
«Հոգեբուժական բժշկական կենտրոն» ՓԲԸ Նարկոլոգիական կլինիկայի կողմից 28.02.2011թ. տրված դատանարկոլոգիական փորձաքննության թիվ 021-11 եզրակացությունը, համաձայն որի Մարատ Աշոտի Գրիգորյանը տառապում է «Թմրամոլություն» ախտորոշմամբ, ուստի հարկադիր բուժման կարիք ունի, որի համար հակացուցումներ չկան։
«Հոգեբուժական բժշկական կենտրոն» ՓԲԸ Նարկոլոգիական կլինիկայի կողմից 28.02.2011թ. տրված դատանարկոլոգիական փորձաքննության թիվ 025-11 եզրակացությամբ, համաձայն որի Արամ Ռազմիկի Վլասյանը տառապում է «Թմրամոլություն, դադարի շրջանում» ախտորոշմամբ, ուստի հարկադիր բուժման կարիք չունի։
«Հոգեբուժական բժշկական կենտրոն» ՓԲԸ Նարկոլոգիական կլինիկայի կողմից 28.02.2011թ. տրված դատանարկոլոգիական փորձաքննության թիվ 024-11 եզրակացությունը, համաձայն որի Վարազդատ Գրիգորի Գրիգորյանի մոտ թմրանյութերի գործածումը կրում է էպիզոդիկ բնույթ, ուստի հարկադիր բուժման կարիք չունի։
ՀՀ ԱՆ «Հոգեբուժական բժշկական կենտրոն» ՓԲԸ Նարկոլոգիական կլինիկայի կողմից 17.11.2010թ. տրված դատանարկոլոգիական փորձաքննության թիվ 024-11 եզրակացությունը, համաձայն որի Էդմոնդ Էդուարդի Վարդանեսյանը տառապում է «Ափիոնային թմրամոլությամբ», ուստի հարկադիր բուժման կարիք ունի, որի համար հակացուցումներ չկան։
Մարատ Աշոտի Գրիգորյանին Էդմոնդ Էդուարդի Վարդանեսյանին լուսանկարով ճանաչման ներկայացնելու մասին արձանագրությունը, համաձայն որի Մարատ Գրիգորյանն իրեն ներկայացված թվով 4 լուսանկարներում պատկերված անձանցից ճանաչել է 2-րդ լուսանկարում պատկերված անձին և հայտարարել է, որ դա նույն Էդմոնդն է, ում ինքը 2009թ. նոյեմբեր ամսից մինչև 2010թ. սեպտեմբերը, տարբեր օրերի, տարբեր չափաբաժիններով, ընդհանուր` մոտ 100 գրամ «հերոին» տեսակի թմրանյութ է տվել։
Հեռախոսազանգերի վերծանումները զննելու մասին արձանագրությունը, համաձայն որի 077-13-31-44 հեռախոսահամարը հաշվառված է Անդրանիկ Վարուժանի Եզգատյանի անվամբ, 039-27-79-46 հեռախոսահամարը` Օլգա Կարապետի Ազատյանի անվամբ, 098-95-82-77 հեռախոսահամարը` «Ղ-Տելեկոմ» ՓԲԸ-ում հաշվառված չէ, 094-64-35-65 հեռախոսահամարը` Մուշեղ Գևորգյանի անվամբ, 098-07-66-25 հեռախոսահամարը` «Ղ-Տելեկոմ» ՓԲԸ-ում հաշվառված չէ, 093-21-44-99 հեռախոսահամարը` Գրիգոր Հայրապետի Գրիգորյանի անվամբ, 099-29-83-58 հեռախոսահամարը «ԱրմենՏել» ՓԲԸ-ում հաշվառված չէ, 091-49-14-13 հեռախոսահամարը` Արամ Վլասյանի անվամբ։ Զննությամբ պարզվել է, որ 077-13-31-44 հեռախոսահամարը փաստացի գործածել է Զոհրաբ Անդրանիկի Եզգատյանը, որը գրեթե ամենօրյա կապի մեջ է եղել 093-27-79-46 հեռախոսահամարը գործածող Մարատ Աշոտի Գրիգորյանի հետ։ Հեռախոսազանգերի մուտքային և ելքային վերծանումների զննությամբ հիմնավորվել է քննությանը հետաքրքրող ժամանակահատվածում Մարատ Գրիգորյանի պարբերաբար` մուտքային և ելքային հեռախոսակապը Ավետիք Միքայելի Խաչատրյանի` 098-95-82-77 հեռախոսահամարին, Արամ ռազմիկի Վլասյանի` 091-49-14-13 և Վարազդատ Գրիգորի Գրիգորյանի` 093-21-44-99 հեռախոսահամարներին։ Վերծանումներում առկա են նաև Ավետիք Խաչատրյանի և Լևոն Ազարյանի, Զոհրաբ Եզգատյանի և Բեյրութում հաշվառված 00.961.378.44.66 հեռախոսահամարների միջև տեղի ունեցած հեռախոսակապը վկայող տեղեկություններ։
Քրեական գործով իրեղեն ապացույց ճանաչված` Մարատ Գրիգորյանի անձնական խուզարկությամբ հայտնաբերված և առգրավված առանձնապես խոշոր չափի` 16.53 գրամ «հերոին» տեսակի թմրամիջոցից փորձաքննության ընթացքում օգտագործված անհրաժեշտ քանակի նվազեցմամբ առկա 16.05 գրամ «հերոինը», Լևոն Սաշիկի Ազարյանի մոտ հայտնաբերված` փորձագետի կողմից 3մլ ներարկիչում առկա 0.6մլ լուծույթի մեջ խոշոր չափի` 0.011 գրամ չոր քաշով «հերոին» տեսակի թմրամիջոցի ամբողջությամբ ծախսելուց հետո, դրա հետքերը պարունակող 3մլ ներարկիչը, մեկական հատ 1մլ և 6մլ ներարկիչները ու պատերին շագանակագույն հետքերով ապակե տարան, Մարատ Գրիգորյանի կողմից կամովին քննությանը ներկայացրած 47.5 գրամ «հերոին» տեսակի թմրամիջոցից փորձաքննության ընթացքում օգտագործված անհրաժեշտ քանակի նվազեցմամբ առկա 47.47 գրամ «հերոինը», Զոհրաբ Եզգատյանի կողմից կամովին քննությանը ներկայացրած` ընդհանուր 2918.56 գրամ «ամֆետամին» տեսակի թմրամիջոց պարունակող` 16031.8 գրամ քաշով հաբերից փորձաքննության ընթացքում օգտագործված անհրաժեշտ քանակի նվազեցմամբ առկա 2915.56 գրամ «ամֆետամինը» ու ընդհանուր` 485.8 գրամ «հերոին» տեսակի թմրամիջոցից փորձաքննության ընթացքում օգտագործված անհրաժեշտ քանակի նվազեցմամբ առկա 485.7 գրամ «հերոինը»։
Քրեական գործով ապացույց ճանաչված այլ փաստաթղթերով` Լևոն Ազարյանի, Վրեժ Պառազյանի, Արմեն Յուզբաշյանի, Ավետիք Խաչատրյանի, Մարատ Գրիգորյանի և Զոհրաբ Եզգատյանի տված բացատրությունները, Լևոն Ազարյանին, Ավետիք Խաչատրյանին, Մարատ Գրիգորյանին և Զոհրաբ Եզգատյանին բերման ենթարկելու, նրանց անձնական խուզարկության ենթարկելու արձանագրությունները, Վարազդատ Գրիգորյանի, Արամ Վլասյանի և Էդմոնդ Վարդանեսյանի վերաբերյալ ՀՀ ոստիկանության Երևան քաղաքի վարչությունից ստացված գրությունը, նշված անձանց կողմից շահագործած հեռախոսահամարների վերծանումները, դրանք պարունակող կրիչը, Զոհրաբ Եզգատյանի և Մարատ Գրիգորյանի կողմից ինքնակամ թմրամիջոցներ ներկայացնելու վերաբերյալ կազմված արձանագրությունները, «Հոգեբուժական բժշկական կենտրոն» ՓԲԸ Նարկոլոգիական կլինիկայից 15.02.2011թ. ստացված գրությունը, ինչպես նաև գործով ձեռք բերված այլ փաստական հանգամանքները։
Դատաքննությամբ հետազոտված և հաստատված հանգամանքները հաշվի առնելով մեղադրող-դատախազ Վ.Միլիտոնյանը ամբաստանյալ Ավետիք Խաչատրյանի նկատմամբ ՀՀ քր. օր-ի 266 հոդվածի 3-րդ մասի 2-րդ կետով և 268 հոդվածի 3-րդ մասով առաջադրված մեղադրանքը փոփոխեց, նոր մեղադրանք առաջադրեց և դատարանում մեղադրանքը պաշտպանեց ՀՀ քր. օր-ի 268 հոդվածի 3-րդ մասով և 38-268 հոդվածի 3-րդ մասով, պատճառաբանելով, որ դատաքննությամբ Ավետիք Խաչատրյանի ցուցմունքով հիմնավորվեց և հաստատվեց, որ 2010թ. դեկտեմբեր-2011թ. հունվար ամիսների ընթացքում երեք անգամ Լևոն Ազարյանը դիմել է Ավետիք Խաչատրյանին իր համար «հերոին» տեսակի թմրամիջոց ձեռք բերելու համար` յուրաքանչյուր անգամ 0.3 գրամ` 10.000 ՀՀ դրամի չափով և նախապես գումարը տալով Ա. Խաչատրյանին։ Եվ, երբ Ավետիք Խաչատրյանը Մարատ Գրիգորյանից իր օգտագործման համար ձեռք է բերել «հերոին» տեսակի թմրամիջոց, ապա դրա հետ մեկտեղ նաև ձեռք է բերել Լ. Ազարյանի համար նախատեսված չափաբաժինը և փոխանցել է Լ. Ազարյանին` առանց հավելյալ գումար աշխատելու և այլ շահ ստանալու ակնկալիքով, ուղղակի ամեն անգամ օգնել է, այսինքն` օժանդակել է Լ. Ազարյանին թմրամիջոց ձեռք բերելուն։ Լ. Ազարյանը իր ցուցմունքով հաստատեց այն հանգամանքը, որ երեք անգամն էլ ինքն է Ավետիք Խաչատրյանին խնդրել որպեսզի վերջինս իր համար 10.000 ՀՀ դրամի դիմաց ձեռք բերի 0.3 գրամ «հերոին» տեսակի թմրամիջոց, այսինքն օգնի իրեն թմրամիջոց ձեռք բերելուն, հետևաբար Ավետիք Խաչատրյանը թմրամիջոցներ իրացնելու նպատակ չի հետապնդել, այլ միայն օժանդակել է թմրամիջոցի փոխանցմանը։
Գնահատելով դատաքննությամբ հետազոտված բոլոր ապացույցները, դրանք համադրելով իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված, ինչպես նաև ներքին համոզմամբ, դատարանը գտնում է, որ մեղադրող Վ. Միլիտոնյանի կողմից Ավետիք Խաչատրյանին ՀՀ քր. օր-ի 268 հոդվածի 3-րդ մասով և 38-268 հոդվածի 3-րդ մասով նոր մեղադրանք առաջադրելը, հիմնավոր է, այն բխում է գործի դատաքննությամբ ձեռք բերված տվյալների ամբողջական վերլուծությունից և ապացույցների իրավական ճիշտ գնահատումից։
Դատարանը նույնպես գտնում է, որ ամբաստանյալ Ավետիք Խաչատրյանի կատարած արարքին տրվել է ճիշտ իրավական որակում, քանի որ դատաքննությամբ հետազոտված բոլոր ապացույցները վկայում են, որ ամբաստանյալ Ավետիք Խաչատրյանի կատարած քրեորեն հետապնդելի բոլոր գործողություններն ուղղված են եղել ոչ թե իրացնելու նպատակով առանձնապես խոշոր չափերով թմրամիջոցներ ապօրինի ձեռք բերելուն և իրացնելուն, և առանց իրացնելու նպատակի առանձնապես խոշոր չափերով թմրամիջոցներ ապօրինի ձեռք բերելուն, այլ առանց իրացնելու նպատակով ապօրինաբար առանձնապես խոշոր չափի թմրամիջոց ձեռք բերելուն օժանդակելուն և առանց իրացնելու նպատակով ապօրինաբար առանձնապես խոշոր չափի թմրամիջոց ձեռք բերելուն, պահելուն և հետագայում գործածելուն։
Այսպիսով դատարանը ապացուցված համարեց, որ ամբաստանյալներ Մարատ Աշոտի Գրիգորյանը կատարել է արարք, որը նախատեսված է ՀՀ քր. օր-ի 266 հոդվածի 3-րդ մասի 2-րդ կետով և 268 հոդվածի 3-րդ մասով, Ավետիք Միքայելի Խաչատրյանը` ՀՀ քր. օր-ի 268 հոդվածի 3-րդ մասով և 38-268 հոդվածի 3-րդ մասով, Լևոն Սաշիկի Ազարյանը` ՀՀ քր. օր-ի 268 հոդվածի 3-րդ մասով, Արամ Ռազմիկի Վլասյանը` ՀՀ քր. օր-ի 268 հոդվածի 3-րդ մասով, Վարազդատ Գրիգորի Գրիգորյանը` ՀՀ քր. օր-ի 268 հոդվածի 3-րդ մասով, իսկ Էդմոնդ Էդուարդի Վարդանեսյանը` ՀՀ քր. օր-ի 268 հոդվածի 3-րդ մասով, որով և պետք է ենթարկվեն քրեական պատասխանատվության։
Ամբաստանյալների նկատմամբ պատիժ նշանակելիս դատարանը հաշվի առավ ինչպես կատարած արարքի հանրորեն վտանգավորության աստիճանը, այնպես էլ նրանց անձը, պատասխանատվությունը մեղմացնող և ծանրացնող հանգամանքները։
Ամբաստանյալ Մարատ Գրիգորյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս նախկինում արատավորված չի եղել, տառապում է հեպատիտ «C» հիվանդությամբ, անկեղծորեն զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Մարատ Գրիգորյանի նկատմամբ ընտրված խափանման միջոցը` ստորագրություն չհեռանալու մասին, պետք է փոփոխել։
Նկատի ունենալով, որ «Հոգեբուժական բժշկական կենտրոն» ՓԲԸ նարկոլոգիական կլինիկայի 28.02.2011թ. թիվ 021-11 եզրակացության համաձայն Մարատ Աշոտի Գրիգորյանը տառապում է «Թմրամոլությամբ», ուստի հարկադիր բուժման կարիք ունի, որի համար հակացուցումներ չկան, հետևաբար դատարանը գտնում է, որ պատիժը կրելու ընթացքում Մարատ Գրիգորյանի նկատմամբ պետք է նշանակել հարկադիր բուժում` թմրամոլության դեմ։
Ամբաստանյալ Ավետիք Խաչատրյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս տառապում է խրոնիկ հեպատիտ «C» հիվանդությամբ, անկեղծորեն զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Ավետիք Խաչատրյանի նկատմամբ ընտրված կալանք խափանման միջոցը պետք է թողնել անփոփոխ։
Նկատի ունենալով, որ «Հոգեբուժական բժշկական կենտրոն» ՓԲԸ նարկոլոգիական կլինիկայի 28.02.2011թ. թիվ 022-11 եզրակացության համաձայն Ավետիք Միքայելի Խաչատրյանը տառապում է «Ափիոնային թմրամոլությամբ», ուստի հարկադիր բուժման կարիք ունի, որի համար հակացուցումներ չկան, հետևաբար դատարանը գտնում է, որ պատիժը կրելու ընթացքում Ավետիք Խաչատրյանի նկատմամբ պետք է նշանակել հարկադիր բուժում` ափիոնային թմրամոլության դեմ։
Ամբաստանյալ Լևոն Ազարյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս երիտասարդ է, խնամքին ունի մինչև տասնչորս տարեկան մեկ երեխա, ՀՀ «Ազատամարտի վետերանների միասնություն» հասարակական կազմակերպության կողմից տրված տեղեկանքի համաձայն 1991-92թթ. ակտիվ մասնակցություն է ունեցել ՀՀ և ԼՂՀ սահմանների պաշտպանությանը, անկեղծորեն զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Լևոն ազարյանի նկատմամբ ընտրված կալանք խափանման միջոցը պետք է թողնել անփոփոխ։
Նկատի ունենալով, որ «Հոգեբուժական բժշկական կենտրոն» ՓԲԸ նարկոլոգիական կլինիկայի 28.02.2011թ. թիվ 023-11 եզրակացության համաձայն Լևոն Սաշիկի Ազարյանը տառապում է «Ափիոնային թմրամոլությամբ», ուստի հարկադիր բուժման կարիք ունի, որի համար հակացուցումներ չկան, հետևաբար դատարանը գտնում է, որ պատիժը կրելու ընթացքում Լևոն Ազարյանի նկատմամբ պետք է նշանակել հարկադիր բուժում` ափիոնային թմրամոլության դեմ։
Ամբաստանյալ Արամ Վլասյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս երիտասարդ է, նախկինում արատավորված չի եղել, խնամքին ունի մինչև տասնչորս տարեկան երկու երեխաներ, բնութագրվում է դրականորեն, անկեղծորեն զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Արամ Վլասյանի նկատմամբ ընտրված կալանք խափանման միջոցը պետք է թողնել անփոփոխ։
Ամբաստանյալ Վարազդատ Գրիգորյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս երիտասարդ է, նախկինում արատավորված չի եղել, խնամքին ունի մինչև տասնչորս տարեկան մեկ երեխա և վատառողջ մայրը, բնութագրվում է դրականորեն, անկեղծորեն զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Վարազդատ Գրիգորյանի նկատմամբ ընտրված կալանք խափանման միջոցը պետք է թողնել անփոփոխ։
Ամբաստանյալ Էդմոնդ Վարդանեսյանի պատասխանատվությունը և պատիժը ծանրացնող հանգամանք է դիտվում հանցանքը կատարելու վտանգավոր ռեցիդիվը։
Դատարանն ամբաստանյալի պատասխանատվությունը և պատիժը մեղմացնող, ինչպես նաև անձը բնութագրող հանգամանք է համարում այն, որ վերջինս երիտասարդ է, անկեղծորեն զղջացել է կատարած արարքի համար և ընդունել մեղքը։
Քննարկելով խափանման միջոցի հարցը և նկատի ունենալով, որ սույն գործով Էդմոնդ Էդուարդի Վարդանեսյանի նկատմամբ խափանման միջոց չի կիրառվել, դատարանը գտնում է, որ վերջինիս նկատմամբ ազատազրկման ձևով պատիժ նշանակելիս պատժի սկիզբը պետք է հաշվել դատավճռի հրապարակման օրվանից։
Նկատի ունենալով, որ ՀՀ ԱՆ «Հոգեբուժական բժշկական կենտրոն» ՓԲԸ նարկոլոգիական կլինիկայի դատանարկոլոգիական հանձնաժողովի 17.11.2010թ. թիվ 313/10 եզրակացության համաձայն Էդմոնդ Էդուարդի Վարդանեսյանը տառապում է «Ափիոնային թմրամոլությամբ», ուստի հարկադիր բուժման կարիք ունի, որի համար հակացուցումներ չկան, հետևաբար դատարանը գտնում է, որ պատիժը կրելու ընթացքում Էդմոնդ Վարդանեսյանի նկատմամբ պետք է նշանակել հարկադիր բուժում` ափիոնային թմրամոլության դեմ։
ՀՀ ոստիկանության ՔԳՎ ՀԿԳ քննության վարչության 09.03.2011թ. որոշմամբ թիվ 69100911 քրեական գործից պատճենահանման եղանակով անջատվել և թիվ 69100911/1 համարով առանձին վարույթ է առանձնացվել ոմն Ափիկի, Հովիկի, ինչպես նաև թմրամիջոցների շրջանառության հետ առնչվող այլ անձանց վերաբերյալ մասը։
ՀՀ ոստիկանության Երևան քաղաքի վարչության 27.01.2011թ. արձանագրությամբ Մարատ Աշոտի Գրիգորյանից առգրավվել և ՀՀ ոստիկանության ֆինանսատնտեսական վարչության դեպոզիտ հաշվին է վճարվել քառասուն հատ քսան հազարանոց թղթադրամներ, ընդհանուր` ութ հարյուր հազար դրամ և տաս հատ ԱՄՆ հարյուր դոլարանոց թղթադրամներ, ընդհանուր` հազար ԱՄՆ դոլար։
ՀՀ ոստիկանության ՔԳՎ ՀԿԳ քննության վարչության 10.02.2011թ. որոշումներով կալանք է դրվել Մարատ Աշոտի Գրիգորյանի և Ավետիք Միքայելի Խաչատրյանի գույքի վրա, որտեղ էլ որ այն գտնվի։
Նկատի ունենալով, որ ՀՀ քր. օր-ի 268 հոդվածի 3-րդ մասը գույքի բռնագրավում չի նախատեսում, իսկ Ավետիք Միքայելի Խաչատրյանի անվամբ հաշվառված 23 ԼՏ 804 համարանիշի OPEL-VECTRA 1.8 I ավտոմեքենայի վրա արգելանք է դրվել, հետևաբար դատարանը գտնում է, որ դատավճիռն օրինական ուժի մեջ մտնելուց հետո Ավետիք Միքայելի Խաչատրյանի գույքը` 23 ԼՏ 804 համարանիշի OPEL-VECTRA 1.8 I ավտոմեքենան պետք է ազատել կալանքից։
Նկատի ունենալով, որ Մարատ Գրիգորյանի բնակարանից առգրավված և ավագ քննիչ Գարիկ Համբարձումյանի կողմից 22.02.2011թ. թիվ 110222063590044 և թիվ 110222064033044 անդորրագրերով ՀՀ ոստիկանության ֆինանսատնտեսական վարչության դեպոզիտ հաշվին է փոխանցվել և արգելանքի տակ դրվել Մարատ Աշոտի Գրիգորյանի ֆինանսական միջոցները` քառասուն հատ քսան հազարանոց թղթադրամները, ընդհանուր` ութ հարյուր հազար դրամ և տաս հատ ԱՄՆ հարյուր դոլարանոց թղթադրամները, ընդհանուր` հազար ԱՄՆ դոլար, հետևաբար Մարատ Աշոտի Գրիգորյանի անձնական ֆինանսական միջոցները` քառասուն հատ քսան հազարանոց թղթադրամների, ընդհանուր` 800.000/ութ հարյուր հազար/ դրամ և տաս հատ ԱՄՆ հարյուր դոլարանոց թղթադրամների, ընդհանուր` 1.000/հազար/ ԱՄՆ դոլարի վրա դրված արգելանքը պետք է վերացնել և վերադարձնել Մարատ Աշոտի Գրիգորյանին։
Անդրադառնալով իրեղեն ապացույցների տնօրինման հարցին, դատարանը գտնում է, որ դատավճիռն օրինական ուժի մեջ մտնելուց հետո գործով իրեղեն ապացույց ճանաչված Լևոն Սաշիկի Ազարյանի մոտ հայտնաբերված` փորձագետի կողմից 3մլ ներարկիչում առկա 0.6մլ լուծույթի մեջ խոշոր չափի` 0.011 գրամ չոր քաշով «հերոին» տեսակի թմրամիջոցի ամբողջությամբ ծախսելուց հետո, դրա հետքերը պարունակող 3մլ ներարկիչը, մեկական հատ 1մլ և 6մլ ներարկիչները ու պատերին շագանակագույն հետքերով ապակե տարան պետք է ոչնչացնել։ Նկատի ունենալով, որ ՀՀ ոստիկանության ՔԳՎ ՀԿԳ քննության վարչության 09.03.2011թ. որոշմամբ թիվ 69100911 քրեական գործից պատճենահանման եղանակով անջատվել և թիվ 69100911/1 համարով առանձին վարույթ է առանձնացվել ոմն Ափիկի, Հովիկի, ինչպես նաև թմրամիջոցների շրջանառության հետ առնչվող այլ անձանց վերաբերյալ մասը, իսկ դատարանի 16.08.2011թ. որոշմամբ ամբաստանյալ Զոհրաբ Անդրանիկի Եզգատյանի նկատմամբ քրեական գործի վարույթը կասեցվել է, հետևաբար Մարատ Գրիգորյանի անձնական խուզարկությամբ հայտնաբերված և առգրավված առանձնապես խոշոր չափի` 16.53 գրամ «հերոին» տեսակի թմրամիջոցից փորձաքննության ընթացքում օգտագործված անհրաժեշտ քանակի նվազեցմամբ առկա 16.05 գրամ «հերոին» տեսակի թմրամիջոցը, Մարատ Գրիգորյանի կողմից կամովին քննությանը ներկայացրած 47.5 գրամ «հերոին» տեսակի թմրամիջոցից փորձաքննության ընթացքում օգտագործված անհրաժեշտ քանակի նվազեցմամբ առկա 47.47 գրամ «հերոին» տեսակի թմրամիջոցը, Զոհրաբ Եզգատյանի կողմից կամովին քննությանը ներկայացրած` ընդհանուր 2918.56 գրամ «ամֆետամին» տեսակի թմրամիջոց պարունակող` 16031.8 գրամ քաշով հաբերից փորձաքննության ընթացքում օգտագործված անհրաժեշտ քանակի նվազեցմամբ առկա 2915.56 գրամ «ամֆետամինն» ու ընդհանուր` 485.8 գրամ «հերոին» տեսակի թմրամիջոցից փորձաքննության ընթացքում օգտագործված անհրաժեշտ քանակի նվազեցմամբ առկա 485.7 գրամ «հերոին» տեսակի թմրամիջոցը պետք է թողնել քրեական գործին կից` ՀՀ ոստիկանության ՔԳՎ ՀԿԳ քննության վարչության 09.03.2011թ. որոշմամբ թիվ 69100911 քրեական գործից պատճենահանման եղանակով անջատված և թիվ 69100911/1 համարով առանձին վարույթ առանձնացված ոմն Ափիկի, Հովիկի, ինչպես նաև թմրամիջոցների շրջանառության հետ առնչվող այլ անձանց մասով և դատարանի 16.08.2011թ. կասեցման որոշմամբ ամբաստանյալ Զոհրաբ Անդրանիկի Եզգատյանի նկատմամբ քննություն կատարելու համար, իսկ քրեական գործին կցված և ապացույց ճանաչված այլ փաստաթուղթ հանդիսացող` Լևոն Ազարյանի, Վրեժ Պառազյանի, Արմեն Յուզբաշյանի, Ավետիք Խաչատրյանի, Մարատ Գրիգորյանի և Զոհրաբ Եզգատյանի տված բացատրությունները, Լևոն Ազարյանին, Ավետիք Խաչատրյանին, Մարատ Գրիգորյանին և Զոհրաբ Եզգատյանին բերման ենթարկելու, նրանց անձնական խուզարկության ենթարկելու արձանագրությունները, Վարազդատ Գրիգորյանի, Արամ Վլասյանի և Էդմոնդ Վարդանեսյանի վերաբերյալ ՀՀ ոստիկանության Երևան քաղաքի վարչությունից ստացված գրությունը, նշված անձանց կողմից շահագործած հեռախոսահամարների վերծանումները, դրանք պարունակող կրիչը, Զոհրաբ Եզգատյանի և Մարատ Գրիգորյանի կողմից ինքնակամ թմրամիջոցներ ներկայացնելու վերաբերյալ կազմված արձանագրությունները և «Հոգեբուժական բժշկական կենտրոն» ՓԲԸ Նարկոլոգիական կլինիկայից 15.02.2011թ. ստացված գրությունը, թողնել քրեական գործում։
ՀՀ Ազգային Ժողովի կողմից 26.05.2011թ. ընդունվել է «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» որոշումը։
Նկատի ունենալով, որ ամբաստանյալներ Ավետիք Խաչատրյանին մեղսագրվել է արարք` ՀՀ քր. օր-ի 268 հոդվածի 3-րդ մասով և 38-268 հոդվածի 3-րդ մասով, Լևոն Ազարյանին, Արամ Վլասյանին, Վարազդատ Գրիգորյանին և Էդմոնդ Վարդանեսյանին` ՀՀ քր. օր-ի 268 հոդվածի 3-րդ մասով, իսկ համաձայն ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի` ՀՀ քր. օր-ի 268 հոդվածի 3-րդ մասով հանցավոր արարք կատարած անձանց պատժաչափի չկրած մասը կրճատվում է մեկ քառորդով, հետևաբար դատարանը գտնում է, որ Ավետիք Միքայելի Խաչատրյանի, Լևոն Սաշիկի Ազարյանի, Արամ Ռազմիկի Վլասյանի, Վարազդատ Գրիգորի Գրիգորյանի և Էդմոնդ Էդուարդի Վարդանեսյանի պատժաչափի չկրած մասը ենթակա է կրճատման մեկ քառորդով։
Համաձայն ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 13-րդ կետի 4-րդ ենթակետի` սույն որոշման կատարումը վերապահվել է Հայաստանի Հանրապետության արդարադատության նախարարության քրեակատարողական հիմնարկների պետերին` այն անձանց նկատմամբ, որոնք պատիժը կրում են քրեակատարողական հիմնարկներում։
Հավի առնելով, որ Ավետիք Խաչատրյանը, Լևոն Ազարյանը, Արամ Վլասյանը, Վարազդատ Գրիգորյանը և Էդմոնդ Վարդանեսյանը պատիժ են կրում քրեակատարողական հիմնարկում, և մեկ քառորդով պատժի կրճատման առումով համաներման կիրառումը, համաներման ակտի 13-րդ կետի 4-րդ ենթակետի հիման վրա վերապահված է ՀՀ ԱՆ համապատասխան քրեակատարողական հիմնարկի պետին, հետևաբար` պատժաչափի հաշվարկը նույնպես պետք է կատարվի քրեակատարողական հիմնարկի կողմից։
Վերոգրյալի հիման վրա և ղեկավարվելով ՀՀ քր. դատ. օր-ի 357-360 հոդվածներով, դատարանը.

Վ Ճ Ռ Ե Ց

1. Մարատ Աշոտի Գրիգորյանին մեղավոր ճանաչել ՀՀ քր. օր-ի 266 հոդվածի 3-րդ մասի 2-րդ կետով և 268 հոդվածի 3-րդ մասով.
ՀՀ քր. օր-ի 266 հոդվածի 3-րդ մասի 2-րդ կետով դատապարտել ազատազրկման` 7/յոթ/ տարի ժամկետով` առանց գույքի բռնագրավման։
ՀՀ քր. օր-ի 268 հոդվածի 3-րդ մասով դատապարտել ազատազրկման` 2/երկու/ տարի ժամկետով։
ՀՀ քր. օր-ի 66 հոդվածի 4-րդ մասի համաձայն՝ պատիժները մասնակիորեն գումարելու միջոցով, վերջնական պատիժ նշանակել ազատազրկում՝ 7/յոթ/ տարի 3/երեք/ ամիս ժամկետով` առանց գույքի բռնագրավման։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը հաշվել դատավճռի հրապարակման օրվանից` 26.08.2011թ.։
Մարատ Գրիգորյանի նկատմամբ ընտրված խափանման միջոցը` ստորագրություն չհեռանալու մասին, փոփոխել, որպես խափանման միջոց ընտրել կալանավորումը և նրան կալանքի վերցնել դատական նիստի դահլիճում։
Պատիժը կրելու ընթացքում Մարատ Աշոտի Գրիգորյանի նկատմամբ ՀՀ քր. օր-ի 97 հոդվածով նշանակել հարկադիր բուժում` թմրամոլության դեմ։
2. Ավետիք Միքայելի Խաչատրյանին մեղավոր ճանաչել ՀՀ քր. օր-ի 268 հոդվածի 3-րդ մասով և 38-268 հոդվածի 3-րդ մասով.
ՀՀ քր. օր-ի 268 հոդվածի 3-րդ մասով դատապարտել ազատազրկման` 4/չորս/ տարի ժամկետով։
ՀՀ քր. օր-ի 38-268 հոդվածի 3-րդ մասով դատապարտել ազատազրկման` 2/երկու/ տարի ժամկետով։
ՀՀ քր. օր-ի 66 հոդվածի 4-րդ մասի համաձայն՝ պատիժները մասնակիորեն գումարելու միջոցով, վերջնական պատիժ նշանակել ազատազրկում՝ 5/հինգ/ տարի ժամկետով։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը հաշվել` 27.01.2011թ.։
Ավետիք Խաչատրյանի նկատմամբ ընտրված կալանք խափանման միջոցը թողնել անփոփոխ մինչև դատավճռի օրինական ուժի մեջ մտնելը։
ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի հիման վրա` Ավետիք Միքայելի Խաչատրյանի պատժաչափի չկրած մասը ենթակա է կրճատման մեկ քառորդով։
Պատիժը կրելու ընթացքում Ավետիք Միքայելի Խաչատրյանի նկատմամբ ՀՀ քր. օր-ի 97 հոդվածով նշանակել հարկադիր բուժում` ափիոնային թմրամոլության դեմ։
3. Լևոն Սաշիկի Ազարյանին մեղավոր ճանաչել ՀՀ քր. օր-ի 268 հոդվածի 3-րդ մասով և դատապարտել ազատազրկման` 2/երկու/ տարի ժամկետով։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը հաշվել` 27.01.2011թ.։
Լևոն Ազարյանի նկատմամբ ընտրված կալանք խափանման միջոցը թողնել անփոփոխ մինչև դատավճռի օրինական ուժի մեջ մտնելը։
ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի հիման վրա` Լևոն Սաշիկի Ազարյանի պատժաչափի չկրած մասը ենթակա է կրճատման մեկ քառորդով։
Պատիժը կրելու ընթացքում Լևոն Սաշիկի Ազարյանի նկատմամբ ՀՀ քր. օր-ի 97 հոդվածով նշանակել հարկադիր բուժում` ափիոնային թմրամոլության դեմ։
4. Արամ Ռազմիկի Վլասյանին մեղավոր ճանաչել ՀՀ քր. օր-ի 268 հոդվածի 3-րդ մասով և դատապարտել ազատազրկման` 2/երկու/ տարի ժամկետով։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը հաշվել` 04.02.2011թ.։
Արամ Վլասյանի նկատմամբ ընտրված կալանք խափանման միջոցը թողնել անփոփոխ մինչև դատավճռի օրինական ուժի մեջ մտնելը։
ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի հիման վրա` Արամ Ռազմիկի Վլասյանի պատժաչափի չկրած մասը ենթակա է կրճատման մեկ քառորդով։
5. Վարազդատ Գրիգորի Գրիգորյանին մեղավոր ճանաչել ՀՀ քր. օր-ի 268 հոդվածի 3-րդ մասով և դատապարտել ազատազրկման` 2/երկու/ տարի ժամկետով։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը հաշվել` 04.02.2011թ.։
Վարազդատ Գրիգորյանի նկատմամբ ընտրված կալանք խափանման միջոցը թողնել անփոփոխ մինչև դատավճռի օրինական ուժի մեջ մտնելը։
ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի հիման վրա` Վարազդատ Գրիգորի Գրիգորյանի պատժաչափի չկրած մասը ենթակա է կրճատման մեկ քառորդով։
6. Էդմոնդ Էդուարդի Վարդանեսյանին մեղավոր ճանաչել ՀՀ քր. օր-ի 268 հոդվածի 3-րդ մասով և դատապարտել ազատազրկման` 2/երկու/ տարի ժամկետով։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը հաշվել դատավճռի հրապարակման օրվանից` 26.08.2011թ.։
ՀՀ ԱԺ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» 26.05.2011թ. որոշման 8-րդ կետի 5-րդ ենթակետի հիման վրա` Էդմոնդ Էդուարդի Վարդանեսյանի պատժաչափի չկրած մասը ենթակա է կրճատման մեկ քառորդով։
Պատիժը կրելու ընթացքում Էդմոնդ Էդուարդի Վարդանեսյանի նկատմամբ ՀՀ քր. օր-ի 97 հոդվածով նշանակել հարկադիր բուժում` ափիոնային թմրամոլության դեմ։
Դատավճիռն օրինական ուժի մեջ մտնելուց հետո Ավետիք Միքայելի Խաչատրյանի գույքը` 23 ԼՏ 804 համարանիշի OPEL-VECTRA 1.8 I ավտոմեքենան ազատել կալանքից։ Մարատ Գրիգորյանի բնակարանից առգրավված և ավագ քննիչ Գարիկ Համբարձումյանի կողմից 22.02.2011թ. թիվ 110222063590044 և թիվ 110222064033044 անդորրագրերով ՀՀ ոստիկանության ֆինանսատնտեսական վարչության դեպոզիտ հաշվին փոխանցված և արգելանքի տակ դրված Մարատ Աշոտի Գրիգորյանի անձնական ֆինանսական միջոցների` քառասուն հատ քսան հազարանոց թղթադրամների, ընդհանուր` 800.000/ութ հարյուր հազար/ դրամ և տաս հատ ԱՄՆ հարյուր դոլարանոց թղթադրամների, ընդհանուր` 1.000/հազար/ ԱՄՆ դոլարի վրա դրված արգելանքը վերացնել և վերադարձնել Մարատ Աշոտի Գրիգորյանին։
Գործով իրեղեն ապացույց ճանաչված Լևոն Սաշիկի Ազարյանի մոտ հայտնաբերված` փորձագետի կողմից 3մլ ներարկիչում առկա 0.6մլ լուծույթի մեջ խոշոր չափի` 0.011 գրամ չոր քաշով «հերոին» տեսակի թմրամիջոցի ամբողջությամբ ծախսելուց հետո, դրա հետքերը պարունակող 3մլ ներարկիչը, մեկական հատ 1մլ և 6մլ ներարկիչները ու պատերին շագանակագույն հետքերով ապակե տարան դատավճիռն օրինական ուժի մեջ մտնելուց հետո ոչնչացնել, Մարատ Գրիգորյանի անձնական խուզարկությամբ հայտնաբերված և առգրավված առանձնապես խոշոր չափի` 16.53 գրամ «հերոին» տեսակի թմրամիջոցից փորձաքննության ընթացքում օգտագործված անհրաժեշտ քանակի նվազեցմամբ առկա 16.05 գրամ «հերոին» տեսակի թմրամիջոցը, Մարատ Գրիգորյանի կողմից կամովին քննությանը ներկայացրած 47.5 գրամ «հերոին» տեսակի թմրամիջոցից փորձաքննության ընթացքում օգտագործված անհրաժեշտ քանակի նվազեցմամբ առկա 47.47 գրամ «հերոին» տեսակի թմրամիջոցը, Զոհրաբ Եզգատյանի կողմից կամովին քննությանը ներկայացրած` ընդհանուր 2918.56 գրամ «ամֆետամին» տեսակի թմրամիջոց պարունակող` 16031.8 գրամ քաշով հաբերից փորձաքննության ընթացքում օգտագործված անհրաժեշտ քանակի նվազեցմամբ առկա 2915.56 գրամ «ամֆետամինը» ու ընդհանուր` 485.8 գրամ «հերոին» տեսակի թմրամիջոցից փորձաքննության ընթացքում օգտագործված անհրաժեշտ քանակի նվազեցմամբ առկա 485.7 գրամ «հերոին» տեսակի թմրամիջոցը` թողնել քրեական գործին կից` ՀՀ ոստիկանության ՔԳՎ ՀԿԳ քննության վարչության 09.03.2011թ. որոշմամբ թիվ 69100911 քրեական գործից պատճենահանման եղանակով անջատված և թիվ 69100911/1 համարով առանձին վարույթ առանձնացված ոմն Ափիկի, Հովիկի, ինչպես նաև թմրամիջոցների շրջանառության հետ առնչվող այլ անձանց մասով և դատարանի 16.08.2011թ. կասեցման որոշմամբ ամբաստանյալ Զոհրաբ Անդրանիկի Եզգատյանի նկատմամբ քննություն կատարելու համար, իսկ քրեական գործին կցված և ապացույց ճանաչված այլ փաստաթուղթ հանդիսացող` Լևոն Ազարյանի, Վրեժ Պառազյանի, Արմեն Յուզբաշյանի, Ավետիք Խաչատրյանի, Մարատ Գրիգորյանի և Զոհրաբ Եզգատյանի տված բացատրությունները, Լևոն Ազարյանին, Ավետիք Խաչատրյանին, Մարատ Գրիգորյանին և Զոհրաբ Եզգատյանին բերման ենթարկելու, նրանց անձնական խուզարկության ենթարկելու արձանագրությունները, Վարազդատ Գրիգորյանի, Արամ Վլասյանի և Էդմոնդ Վարդանեսյանի վերաբերյալ ՀՀ ոստիկանության Երևան քաղաքի վարչությունից ստացված գրությունը, նշված անձանց կողմից շահագործած հեռախոսահամարների վերծանումները, դրանք պարունակող կրիչը, Զոհրաբ Եզգատյանի և Մարատ Գրիգորյանի կողմից ինքնակամ թմրամիջոցներ ներկայացնելու վերաբերյալ կազմված արձանագրությունները և «Հոգեբուժական բժշկական կենտրոն» ՓԲԸ Նարկոլոգիական կլինիկայից 15.02.2011թ. ստացված գրությունը, թողնել քրեական գործում։
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում։


ԴԱՏԱՎՈՐ Ա. ԳԱԲՐԻԵԼՅԱՆ