ԵԷԴ/0034/01/11

Ո Ր Ո Շ ՈՒ Մ
ՔՐԵԱԿԱՆ ՕՐԵՆՔՈՎ ԱՐԳԵԼՎԱԾ ԱՐԱՐՔ ԿԱՏԱՐԱԾ ԱՆՁԻ ՆԿԱՏՄԱՄԲ ԲԺՇԿԱԿԱՆ ԲՆՈւՅԹԻ ՀԱՐԿԱԴՐԱՆՔԻ ՄԻՋՈՑ ԿԻՐԱՌԵԼՈւ ՄԱՍԻՆ

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈւԹՅԱՄԲ ԴԱՏԱՎՈՐ՝ Ա. ԳԱԲՐԻԵԼՅԱՆ
ՔԱՐՏՈւՂԱՐՈւԹՅԱՄԲ՝ Լ. ՄԻՐԶՈՅԱՆ

Մասնակցությամբ`

ԴԱՏԱԽԱԶ՝ Ա. ԲՈՇՆԱՂՅԱՆ
ՊԱՇՏՊԱՆ` Գ. ՄԵԼՔՈՆՅԱՆ
ՕՐԻՆԱԿԱՆ ՆԵՐԿ.` Ն. ՄԻՐԶՈՅԱՆ

2011թ. հունիսի 27-ին, դատարանում
Դռնբաց դատական նիստում քննության առնելով ՀՀ քր. օր-ի 38-205 հոդվածի 2-րդ մասով նախատեսված հանրորեն վտանգավոր արարք կատարած Արտակ Աշոտի Այվազյանի/ծնված 24.11.1980թ., ք.Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնացած, չի աշխատում, նախկինում չդատված, բնակվում է ք.Երևան Դավիթ-Բեկի 68 թաղ., 69 տանը/ նկատմամբ բժշկական բնույթի հարկադրանքի միջոց կիրառելու հարցը.

Պ Ա Ր Զ Ե Ց

Երևան քաղաքի բնակիչ Կարեն Վահանի Այվազյանը, հանդիսանալով ՀՀ ԿԱ ՊԵԿ Շահումյանի ՀՏ-ում հաշվառված անհատ ձեռնարկատեր Աղավնի Չիլյանի լիազորված անձը, 2009թ. հուլիս-սեպտեմբեր ամիսների ընթացքում, առանց ապրանքների մատակարարման ու ծառայությունների մատուցման, փոխանցվող գումարի 6-7 տոկոսի վճարման դիմաց, «ԱԱԱ Թերմոպրոֆ» ՍՊ ընկերության փաստացի ղեկավար Արտակ Աշոտի Այվազյանին տրամադրել է 130.863.860 ՀՀ դրամի կեղծ հաշիվ-ապրանքագրեր։ Նշված գումարը «ԱԱԱ Թերմոպրոֆ» ՍԸ ընկերությունը փոխանցել է Ա/Ձ Աղավնի Չիլյանի բանկային հաշվին, Կարեն Այվազյանը դրանք կանխիկացրել է, գումարի 6-7 տոկոսը պահել իրեն, մնացած գումարը առձեռն վերադարձրել է Արտակ Այվազյանին։
Անհատ ձեռնարկատեր Աղավնի Չիլյանի լիազորված անձ Կարեն Այվազյանի կողմից 2009թ. հուլիս-սեպտեմբեր ամիսների ընթացքում «ԱԱԱ Թերմոպրոֆ» ՍՊ ընկերությանը առանց ապրանքների մատակարարման կեղծ հաշիվ-ապրանքագրեր տրամադրելու հետևանքով պետությանը պատճառվել է առանձնապես խոշոր չափի` 21.879.800 դրամի վնաս։
26.03.2010թ. Կարեն Այվազյանը և Արտակ Այվազյանը ձերբակալվել են։ 29.03.2010թ. Կարեն Այվազյանին մեղադրանք է առաջադրվել ՀՀ քր. օր-ի 189 հոդվածի 3-րդ մասով նախատեսված հանցանք կատարելու համար։ Երևան քաղաքի Կենտրոն և Նորք-Մարաշ համայնքների ընդհանուր իրավասության դատարանի որոշմամբ Կարեն Այվազյանի նկատմամբ որպես խափանման միջոց է կիրառվել կալանավորումը։ Նույն օրը Արտակ Այվազյանին մեղադրանք է առաջադրվել ՀՀ քր. օր-ի 38-205 հոդվածի 2-րդ մասով նախատեսված հանցանք կատարելու համար և նրա նկատմամբ 29.03.2010թ. որպես խափանման միջոց կիրառվել է կալանավորումը, որը 16.04.2010թ. փոխարինվել է այլընտրանքային խափանման միջոց գրավով։
Առաջադրված մեղադրանքում Արտակ Այվազյանը իրեն լիովին մեղավոր է ճանաչել և որպես պետությանը պատճառված վնասի հատուցում վերականգնել է 9.000.000 ՀՀ դրամ։
30.03.2010թ. Ժիրայր Ասատրյանին մեղադրանք է առաջադրվել ՀՀ քր. օր-ի 205 հոդվածի 2-րդ մասով նախատեսված հանցանք կատարելու համար։
«ԱԱԱ Թերմոպրոֆ» ՍՊ ընկերությունում և Աղավնի Չիլյան Ա/Ձ-ում նշանակվել է բյուջեի հետ փոխհարաբերությունների և հարկային մարմինների կողմից վերահսկվող օրենսդրության առանձին պահանջների կատարման ճշտության ստուգում։
09.04.2010թ. ՀՀ ԿԱ ՊԵԿ նախագահի թիվ 1009666 հանձնարարագրի համաձայն «ԱԱԱ Թերմոպրոֆ» ՍՊ ընկերությունում նշանակվել է բյուջեի հետ փոխհարաբերությունների ճշտության ստուգում։ Ըստ ՀՀ ԿԱ ՊԵԿ ՕՀ վարչության աշխատակիցների կողմից 15.06.2010թ. կազմված թիվ 1009666 ստուգման ակտի` «ԱԱԱ Թերմոպրոֆ» ՍՊ ընկերության հարկային պարտավորությունները` տույժ ու տուգանքներով հանդերձ կազմում են 230.525.500 դրամ, այդ թվում` ԱԱՀ-ն` 22.149.000 դրամ, շահութահարկը` 34.525.500 դրամ, եկամտահարկը` 13.484.400 դրամ։ Պակասեցման ենթակա գումարը` 479.300 դրամ։
03.08.2010թ. ՀՀ ԿԱ ՊԵԿ նախագահի թիվ 1011304 հանձնարարագրի համաձայն Աղավնի Չիլյան Ա/Ձ-ում նշանակվել է բյուջեի հետ փոխհարաբերությունների ճշտության ստուգում։ Ըստ ՀՀ ԿԱ ՊԵԿ ՕՀ վարչության աշխատակիցների կողմից 25.08.2010թ. կազմված թիվ 1011304 վերստուգման ակտի` Աղավնի Չիլյան Ա/Ձ-ի հարկային պարտավորությունները` տույժ ու տուգանքներով հանդերձ կազմում են 715.287.500 դրամ, այդ թվում` ԱԱՀ-ն` 15.916.700 դրամ, եկամտահարկը` 185.426.700 դրամ և պարտադիր սոցիալական ապահովագրության վճար` 62.492.900 դրամ, իսկ «ԱԱԱ Թերմոպրոֆ» ՍՊ ընկերության և Աղավնի Չիլյան Ա/Ձ-ի անապրանք գործարքների հետևանքով պետությանը պատճառված վնասի չափը կազմել է 40.861.600 Դրամ։
Աղավնի Չիլյան Ա/Ձ-ի և «ԱԱԱ Թերմոպրոֆ» ՍՊ ընկերության անապրանք և ապրանքային գործարքների հետևանքով պետբյուջե չվճարված հարկերի և պետությանը պատճառված վնասի վերջնական չափը պարզելու համար նշանակվել է դատահաշվապահական փորձաքննություն։
Համաձայն դատահաշվապահական փորձաքննության թիվ 10-2402 եզրակացության` «ԱԱԱ Թերմոպրոֆ» ՍՊ ընկերության հարկային պարտավորություննրեն ըստ առանձին հարկատեսակների` տույժ ու տուգանքներով հանդերձ, կազմում է 213.943.900 դրամ, որից հարկի գումարը` 47.692.100 դրամ, այդ թվում շահութահարկ` 14.565.300 դրամ, եկամտահարկ` 10.977.800 դրամ, ԱԱՀ` 22.149.000 դրամ։ Հաշվարկված 22.149.000 դրամ լրացուցիչ ավելացված արժեքի գումարի մեջ ներառված է Աղավնի Չիլյան Ա/Ձ-ի կողմից «ԱԱԱ Թերմոպրոֆ» ՍՊ ընկերությանը անապրանք հաշիվ-ապրանքագրեր տրամադրելու հետևանքով պետությանը պատճառված` 21.879.700 դրամ գումարի վնասի չափը։ Աղավնի Չիլյան Ա/Ձ-ի հարկային պարտավորություններն ըստ առանձին հարկատեսակների` տույժ տուգանքներով հանդերձ, կազմում է 244.516.100 դրամ, որից հարկի գումարը` 53.473.600 դրամ, այդ թվում եկամտահարկ` 31.667.600 դրամ և պարտադիր սոցիալական ապահովագրության վճար` 21.806.000 դրամ։
Աղավի Չիլյան Ա/Ձ-ի կողմից «ԱԱԱ Թերմոպրոֆ» ՍՊ ընկերությանը անապրանք հաշիվ-ապրանքագրեր դուրս գրելու հետևանքով պետությանը պատճառվել է 21.879.700 դրամ գումարի չափով վնաս։
Նախաքննության ընթացքում պարզվել է, որ Արտակ Այվազյանը 05.05.2010թ. մինչև 27.05.2010թ. ստացիոնար բուժվել է ՀՀ ԱՆ «Հոգեբուժական բժշկական կենտրոն» ՓԲ ընկերության Ավանի հոգեբուժական կլինիկայում` «Օրգանական ծագման էմոցիոնալ անկայուն խանգարում հաճախակի դեկոմպենսացիաներով, փսիխոտիկ էպիզոդներով» ախտորոշմամբ և Արտակ Այվազյանի մոտ հոգեկան հիվանդության առկայությունն ու բնույթը որոշելու համար նշանակվել է դատահոգեբուժական ամբուլատոր փորձաքննություն։
Համաձայն ՀՀ Առողջապահության նախարարությանը կից ամբուլատոր դատահոգեբուժական փորձագիտական հանձնաժողովի կողմից 13.07.2010թ. տրված ամբուլատոր դատահոգեբուժական փորձագիտական հանձնաժողովի թիվ 226/10 եզրակացության Արտակ Աշոտի Այվազյանը նախկինում` իրեն մեղսագրվող արարքը կատարելու ժամանակաշրջանում, որևէ հոգեկան հիվանդությամբ չի տառապել և կարող էր հաշիվ տալ իրեն իր գործողությունների համար և ղեկավարել դրանք։ Նրա գործողությունները կրել են հետևողական, նպատակաուղղված բնույթ, ուստի Արտակ Աշոտի Այվազյանը իրեն մեղսագրվող արարքի նկատմամբ ճանաչվել է մեղսունակ։ Սակայն հանձնաժողովը վերլուծելով բժշկական փաստաթղթերը և ելնելով ներկա հոգեբուժական հետազոտման արդյունքներից, հանգել է եզրակացության, որ քրեական գործ հարուցելուց և կալանավորելուց հետո քրեակատարողական հիմնարկի պայմաններում Արտակ Այվազյանի մոտ զարգացել է փսիխոտիկ մակարդակի հոգեկան գործունեության ժամանակավոր հիվանդագին խանգարումը` «Սուր պոլիմորֆ փսիխոտիկ խանգարում` առանց շիզոֆրենիայի ախտանիշների» ձևով։ Հետևաբար բժշկական հանձնաժողովը, նկատի ունենալով, որ Արտակ Աշոտի Այվազյանը ներկայումս գտնվում է փսիխոտիկ մակարդակի հոգեկան գործունեության ժամանակավոր հիվանդագին խանգարման վիճակում` «Սուր պոլիմորֆ փսիխոտիկ խանգարում` առանց շիզոֆրենիայի ախտանիշների» ձևով, հանգել է հետևության, որ փորձաքննվողի նկատմամբ հարկ է կիրառել բժշկական բնույթի հարկադրական միջոցներ` ընդհանուր տիպի հոգեբուժական հիվանդանոցի պայմաններում։
01.02.2011թ. Արտակ Այվազյանի նկատմամբ քրեական գործի մասը առանձնացվել է առանձին վարույթում, որին շնորհվել է 83100910/1 համարը։
10.02.2011թ. թիվ 83100910 քրեական գործն ըստ մեղադրանքի Կարեն Վահանի Այվազյանի` ՀՀ քր. օր-ի 205 հոդվածի 2-րդ մասով և 189 հոդվածի 3-րդ մասով և Ժիրայր Ստեփանի Ասատրյանի` ՀՀ քր. օր-ի 205 հոդվածի 2-րդ մասով մեղադրական եզրակացությամբ ուղարկվել է դատարան։
ՀՀ ԿԱ պետական եկամուտների կոմիտեի քննչական վարչության 23.02.2011թ. որոշմամբ թիվ 83100910/1 քրեական գործով վարույթը կասեցվել և թիվ 83100910/1 քրեական գործը բժշկական բնույթի հարկադրական միջոցներ կիրառելու նպատակով Արտակ Աշոտի Այվազյանի վերաբերյալ դատարան ուղարկելու մասին հարցը լուծելու համար ուղարկվել է դատախազին։
25.02.2011թ. դատախազի կողմից հաստատված որոշմամբ Արտակ Աշոտի Այվազյանի վերաբերյալ թիվ 83100910/1 քրեական գործը` բժշկական բնույթի հարկադրական միջոցներ կիրառելու համար ուղարկվել է դատարան։
Նախաքննության ընթացքում ՀՀ քր. օր-ի 38-205 հոդվածի 2-րդ մասով առաջադրված մեղադրանքում Արտակ Այվազյանն իրեն լիովին մեղավոր է ճանաչել և որպես պետությանը պատճառված վնասի հատուցում վերականգնել է 9.000.000 ՀՀ դրամ։ Նախաքննության ընթացքում Աշոտ Այվազյանը ցուցմունք է տվել այն մասին, որ 2008թ. ճանաչել է Ժիրայր Ասատրյանին։ Վերջինս աշխատել է «ԱԱԱ Թերմոպրոֆ» ՍՊ ընկերությունում` սկզբնական շրջանում որպես պահեստապետ, այնուհետև իր նախաձեռնությամբ Ժ. Ասատրյանին պետ. ռեգիստրի գործակալությունում գրանցել է որպես «ԱԱԱ Թերմոպրոֆ» ՍՊ ընկերության տնօրեն, սակայն ինքն է փաստացի կազմակերպել և ղեկավարել ընկերության գործունեությունը։
2009թ. օգոստոս-սեպտեմբեր ամիսների ընթացքում` իր հանձնարարությամբ «ԱԱԱ Թերմոպրոֆ» ՍՊ ընկերության տնօրեն Ժիրայր Ասատրյանը կանխիկ վճարումով, առանց ձեռք բերումը հիմնավորող փաստաթղթերի շուկայից ձեռք է բերել շուրջ 130.000.000 ՀՀ դրամի շինարարական ապրանքներ և «ԱԱԱ Թերմոպրոֆ» ՍՊ ընկերության կողմից լրացված հաշիվ-ապրանքագրերով մատակարարել է շինարակական աշխատանքներ իրականացնող «Էրեբունու Շինվերանորոգում» ԲԲ ընկերությանը։ Շուկայից առանց փաստաթղթերի գնված շինարակական ապրանքների ձեռքբերումը հիմնավորելու նպատակով, դիմել է իր ծանոթ` անհատ ձեռնարկատեր Աղավնի Չիլյանի լիազորված անձ` Կարեն Այվազյանին և առաջարկել է նրան փոխանցվող գումարի 6-7 տոկոսի վճարման դիմաց, իրեն տալ կեղծ հաշիվ-ապրանքագրեր, թե իբր Կարեն Այվազյանը «ԱԱԱ Թերմոպրոֆ» ՍՊ ընկերությանը մատակարարել է շինարակական ապրանքներ։ Կարեն Այվազյանը համաձայնվել է և առանց ապրանքների մատակարարման շուրջ 130.000.000 ՀՀ դրամի կեղծ հաշիվ-ապրանքագրեր է տրամադրել «ԱԱԱ Թերմոպրոֆ» ՍՊ ընկերությանը։ 2009թ. հոկտեմբեր ամսին ինքը Ժիրայր Ասատրյանին տարել է Երևան քաղաքի Մաշտոցի պողոտայի «Փակ շուկայի» դիմաց գտնվող «ՎՏԲ-Հայաստան բանկ», որտեղ եղել է նաև Աղավնի Չիլյան Ա/Ձ-ի լիազորված անձ կարեն Այվազյանը։ Աղավնի Չիլյան Ա/Ձ-ի բանկային հաշվին մաս-մաս փոխանցել են շուրջ 100.000.000 դրամ գումար, որը կանխիկացվել է Կարեն Այվազյանի կողմից։ Կանխիկացված գումարի 6-7 տոկոսը նախապես պայմանավորվածության համաձայն Կարեն Այվազյանը պահել է իրեն, իսկ մնացած գումարը առձեռն վերադարձրել է իրեն։
Դատաքննությամբ որպես փորձագետ հարցաքննված Վարդան Ֆրանգուլյանը հայտնեց դատարանին, որ ամբուլատոր դատահոգեբուժական փորձաքննության են ենթարկել ՀՀ քր. օր-ի 38-205 հոդվածի 2-րդ մասով հանցավոր արարք կատարած Արտակ Աշոտի Այվազյանին և պարզել են, որ վերջինս արարքը կատարելու ժամանակաշրջանում որևէ հոգեկան հիվանդությամբ չի տառապել և կարող էր հաշիվ տալ իրեն իր գործողությունների համար և ղեկավարել դրանք։ Նրա գործողությունները կրել են հետևողական, նպատակաուղղված բնույթ, ուստի Արտակ Աշոտի Այվազյանը իրեն մեղսագրվող արարքի նկատմամբ ճանաչվել է մեղսունակ։ Սակայն հանձնաժողովը վերլուծելով բժշկական փաստաթղթերը և ելնելով ներկա հոգեբուժական հետազոտման արդյունքներից, հանգել է եզրակացության, որ քրեական գործ հարուցելուց և կալանավորելուց հետո քրեակատարողական հիմնարկի պայմաններում Արտակ Այվազյանի մոտ զարգացել է փսիխոտիկ մակարդակի հոգեկան գործունեության ժամանակավոր հիվանդագին խանգարումը` «Սուր պոլիմորֆ փսիխոտիկ խանգարում` առանց շիզոֆրենիայի ախտանիշների» ձևով։ Հետևաբար բժշկական հանձնաժողովը, նկատի ունենալով, որ Արտակ Աշոտի Այվազյանը ներկայումս գտնվում է փսիխոտիկ մակարդակի հոգեկան գործունեության ժամանակավոր հիվանդագին խանգարման վիճակում` «Սուր պոլիմորֆ փսիխոտիկ խանգարում` առանց շիզոֆրենիայի ախտանիշների» ձևով, հանգել է հետևության, որ փորձաքննվողի նկատմամբ հարկ է կիրառել բժշկական բնույթի հարկադրական միջոցներ` ընդհանուր տիպի հոգեբուժական հիվանդանոցի պայմաններում։
Դատարանը հետազոտելով և գնահատելով գործով ձեռք բերված ապացույցները հանգեց այն եզրահանգման, որ Արտակ Աշոտի Այվազյանը կատարել է իրեն մեղսագրված արարքը և կատարված արարքը իր մեջ պարունակում է ՀՀ քր. օր-ի 38-205 հոդվածի 2-րդ մասով նախատեսված հանցակազմ։
Համաձայն ՀՀ Առողջապահության նախարարությանը կից ամբուլատոր դատահոգեբուժական փորձագիտական հանձնաժողովի կողմից 13.07.2010թ. տրված ամբուլատոր դատահոգեբուժական փորձագիտական հանձնաժողովի թիվ 226/10 եզրակացության Արտակ Աշոտի Այվազյանը ներկայումս գտնվում է փսիխոտիկ մակարդակի հոգեկան գործունեության ժամանակավոր հիվանդագին խանգարման վիճակում` «Սուր պոլիմորֆ փսիխոտիկ խանգարում` առանց շիզոֆրենիայի ախտանիշների» ձևով, հետևաբար նրա նկատմամբ հարկ է կիրառել բժշկական բնույթի հարկադրական միջոցներ` ընդհանուր տիպի հոգեբուժական հիվանդանոցի պայմաններում։
Հաշվի առնելով, որ Արտակ Այվազյանի կողմից կատարած արարքը պարունակում է ՀՀ քր. օր-ի 38-205 հոդվածի 2-րդ մասի հանցակազմ, և այն, որ վերջինս հիվանդացել է «Սուր պոլիմորֆ փսիխոտիկ խանգարում` առանց շիզոֆրենիայի ախտանիշների» հիվանդությամբ, դատարանը գտավ, որ Արտակ Այվազյանը կարիք ունի բժշկական բնույթի հարկադրանքի միջոցի կիրառման` համաձայն ՀՀ Առողջապահության նախարարությանը կից ամբուլատոր դատահոգեբուժական փորձագիտական հանձնաժողովի կողմից 13.07.2010թ. տրված ամբուլատոր դատահոգեբուժական փորձագիտական հանձնաժողովի թիվ 226/10 եզրակացության, ուստի նրա նկատմամբ պետք է նշանակել բժշկական բնույթի հարկադրանքի միջոց` բուժում հոգեբուժական կազմակերպությունների ընդհանուր հսկողության հոգեբուժական բաժանմունքում։
Քննարկելով խափանման միջոցի հարցը, դատարանը գտնում է, որ Արտակ Այվազյանի նկատմամբ ընտրված խափանման միջոց գրավը պետք է թողնել անփոփոխ մինչև որոշման օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քր. օր-ի 97, 98, 100, 101 հոդվածներով և ՀՀ քր. դատ. օր-ի 466-471 հոդվածներով, դատարանը.

Ո Ր Ո Շ Ե Ց

ՀՀ քր. օր-ի 38-205 հոդվածի 2-րդ մասով արգելված արարք կատարած անձ Արտակ Աշոտի Այվազյանի/ծնված 24.11.1980թ., ք.Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնացած, չի աշխատում, նախկինում չդատված, բնակվում է ք.Երևան Դավիթ-Բեկի 68 թաղ., 69 տանը/ նկատմամբ կիրառել բժշկական բնույթի հարկադրանքի միջոց` հարկադիր բուժում ՀՀ ԱՆ «Հոգեբուժական բժշկական կենտրոն» ՓԲԸ «Նորքի» հոգեբուժական կլինիկայի ընդհանուր հսկողության հոգեբուժական բաժանմունքում։
Արտակ Այվազյանի նկատմամբ ընտրված խափանման միջոց գրավը թողնել անփոփոխ մինչև որոշումն օրինական ուժի մեջ մտնելը, որից հետո սահմանված և Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դեպոզիտ հաշվին մուծված 1.000.000/մեկ միլիոն/ ՀՀ դրամ գրավի գումարը վերադարձնել գրավատուին` Արտակ Աշոտի Այվազյանին։
Որոշումը կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում։



ԴԱՏԱՎՈՐ Ա. ԳԱԲՐԻԵԼՅԱՆ