Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0033/01/11
2011թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Ս. ԴԱՐԲԻՆՅԱՆ
ՄԵՂԱԴՐՈՂ-ԴԱՏԱԽԱԶ՝ Տ. ՀԱՐՈւԹՅՈւՆՅԱՆ
ՊԱՇՏՊԱՆ` Գ. ՄԵԼՔՈՆՅԱՆ

2011թ. Ապրիլի «12»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն ըստ մեղադրանքի՝ Հովհաննես Սարգսի Ղուկասյանի /ծնված՝ 17.03.1983թ. ՀՀ Շիրակի մարզի Բանդիվան գյուղում, ազգությամբ հայ, Հայաստանի Հանրապետության քաղաքացի, բարձրագույն կրթությամբ, ֆիզիկապես առողջ, ամուսնացած, խնամքին մեկ անձ, ՀՀ ՊՆ 68617 զորամասի 2-րդ գումարտակի 6-րդ վաշտի 2-րդ դասի հրամանատար, կոչումով ավագ լեյտենանտ, նախկինում չդատապարտված, բնակվել է ք.Երևան, Նոր Նորքի 4-րդ զանգվածի Գյուլիքեխվյան փողոցի 5-րդ շենքի, հմ.42 հասցեի բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 19.11.2010թ-ից։
Մեղադրվում է ՀՀ Քրեական օրենսգրքի 178 հոդվածի 2-րդ մասի 2-րդ և 5-րդ կետերով, 361 հոդվածի 4-րդ մասով։

1. Գործի դատավարական նախապատմությունը

Հովհաննես Սարգսի Ղուկասյանի կողմից Էդիկ Դավթյանից խաբեությամբ խոշոր չափի գումար հափշտակելու և երեք օրից ավելի բայց մեկ ամսից ոչ ավելի տևողությամբ ծառայության չներկայանալու փաստի առթիվ ՀՀ ՊՆ քննչական ծառայության 4-րդ կայազորային քննչական բաժնում 11.10.2010թ. ՀՀ Քրեական օրենսգրքի 178 հոդվածի 2-րդ մասի 2-րդ կետի և 361 հոդվածի 3-րդ մասի հատկանիշներով հարուցվել է հմ.90265710 քրեական գործը։
20.11.2010թ. որոշմամբ Հովհաննես Սարգսի Ղուկասյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 178 հոդվածի 2-րդ մասի 2-րդ կետով և 361 հոդվածի 4-րդ մասով։ 21.02.2011թ. որոշմամբ Հ.Ղուկասյանին առաջադրված մեղադրանքի ծավալը լրացվել ու փոփոխվել է և նրան մեղադրանք է առաջադրվել ՀՀ Քրեական օրենսգրքի 178 հոդվածի 2-րդ մասի 2-րդ ու 5-րդ կետերով և 361 հոդվածի 4-րդ մասով այն բանի համար, որ. «Հանդիսանալով ՀՀ ՊՆ 68617 զորամասի 2-րդ գումարտակի 6-րդ վաշտի 2-րդ դասի հրամանատար, կոչումով ավագ լեյտենանտ, Արարատի մարզի Վերին Արտաշատ գյուղի բնակիչ Էդիկ Դավթյանի որդուն` Անդրանիկ Դավթյանին ԼՂՀ ՊԲ-ի զորամասից Երևան քաղաքում տեղակայված զորամաս տեղափոխելու համար, խաբեության եղանակով, կաշառք ստանալու պատրվակով Էդ.Դավթյանից 2010թ. հուլիս ամսին ստացել է խոշոր չափ կազմող` 908376 ՀՀ դրամին համարժեք 2.500 ԱՄՆ դոլար գումար և հափշտակել այն։ Բացի այդ Հ.Ղուկասյանը 2010թ. սեպտեմբերի «17»-ից մեկ ամսից ավելի տևողությամբ, բայց զինծառայությունից ժամանակավորապես խուսափելու նպատակով ծառայության վայր չի ներկայացել, իսկ 2010թ. նոյեմբերի «19»-ին հայտնաբերվել և բերման է ենթարկվել ՀՀ ՊՆ ՌՈ ՀՕԾԶԻԼ բաժանմունք»։
18.02.2011թ. որոշմամբ Էդիկ Անդրանիկի Դավթյանի նկատմամբ ՀՀ Քրեական դատավարության օրենսգրքի 35 հոդվածի 1-ին մասի 12-րդ կետի հատկանիշներով քրեական հետապնդումը չի իրականացվել։
18.02.2011թ. որոշմամբ Հովհաննես Սարգսի Ղուկասյանի կողմից երկու օր ծառայության չներկայանալու մասով քրեական հետապնդումը չի իրականացվել արարքում հանցակազմի բացակայության պատճառաբանությամբ։
Քրեական գործը 21.02.2011թ. կազմված և 28.02.2011թ. հաստատված մեղադրական եզրակացությամբ 02.03.2011թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։
2. Արագացված դատական քննություն
Ամբաստանյալ Հովհաննես Սարգսի Ղուկասյանը խորհրդակցելով իր պաշտպան Գևորգ Մելքոնյանի հետ /փաստաբանական գործունեության արտոնագիր հմ. 224/, դատարանին արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Տ.Հարությունյանն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշեց կիրառել դատական քննության արագացված կարգ։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Հովհաննես Ղուկասյանը կատարել է արարքներ, որոնք նախատեսված են ՀՀ Քրեական օրենսգրքի 178 հոդվածի 2-րդ մասի 2-րդ և 5-րդ մասերով և 361 հոդվածի 4-րդ մասով, որոնցով և պետք է ենթարկվի քրեական պատասխանատվության։
3. Դատարանի իրավական վերլուծությունը
Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 18 հոդվածի 1-ին մասի դրույթների համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է քրեական oրենuգրքով։
ՀՀ Քրեական օրենսգրքի 178 հոդվածի 1-ին մասի համաձայն հանցագործություն է համարվում` խարդախությունը` խաբեության կամ վuտահությունը չարաշահելու եղանակով ուրիշի գույքի զգալի չափերով հափշտակությունը կամ ուրիշի գույքի նկատմամբ իրավունք ձեռք բերելը։ Նույն հոդվածի 2-րդ մասի 2-րդ և 5-րդ մասերի համաձայն հանցագործություն է համարվում խարդախությունը, որը կատարվել է`խոշոր չափերով, կաշառք uտանալու պատրվակով։
ՀՀ Քրեական օրենսգրքի 361 հոդվածի 1-ին մասի համաձայն հանցագործություն է համարվում` զորակոչի կամ պայմանագրային հիմունքներով զինվորական ծառայություն անցնող զինծառայողի կողմից զորամաuը կամ ծառայության վայրն ինքնակամ թողնելը, ինչպեu նաև առանց հարգելի պատճառների ժամանակին ծառայության չներկայանալը երեք oրից ավելի, բայց մեկ ամuից ոչ ավելի տևողությամբ, ինչպեu նաև երեք ամuվա ընթացքում երեք և ավելի անգամ մինչև երեք oր տևողությամբ։ Նույն հոդվածի 4-րդ մասի համաձայն հանցագործություն է համարվում` հոդվածի առաջին կամ երկրորդ կամ երրորդ մաuով նախատեuված արարքները, եթե ինքնակամ բացակայությունը տևել է մեկ ամuից ավելի, բայց
զինվորական ծառայությունից ժամանակավորապեu խուuափելու նպատակով, որպիսի հատկանիշներ և առկա են ամբաստանյալ Հովհաննես Շահինյանի կողմից կատարված գործողությունում։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով, իսկ ՀՀ Քրեական օրենսգրքի 48 հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Դատարանը հաշվի է առնում, որ ամբաստանյալը նախկինում դատապարտված չի եղել, զղջացել է կատարածի համար, իրեն լիովին մեղավոր է ճանաչել, խնամքին է գտնվում փոքրահասակ երեխան և 3-րդ կարգի հաշմանդամ մայրը, ամբողջությամբ վերականգնել է Էդիկ Դավթյանին պատճառած վնասը, գործով բացակայում են պատասխանատվությունը և պատիժը ծանրացնող հանգամանքները։
Ելնելով վերոգրյալներից և ղեկավարվելով ՀՀ Քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց

Հովհաննես Սարգսի Ղուկասյանին մեղավոր ճանաչել ՀՀ Քրեական օրենսգրքի 178 հոդվածի 2-րդ մասի 2-րդ և 5-րդ կետերով և ՀՀ Քրեական օրենսգրքի 361 հոդվածի 4-րդ մասով։
ՀՀ Քրեական օրենսգրքի 178 հոդվածի 2-րդ մասի 2-րդ և 5-րդ կետերով դատապարտել ազատազրկման 2 /երկու/ տարի 6 /վեց/ ամիս ժամկետով։
ՀՀ Քրեական օրենսգրքի 361 հոդվածի 4-րդ մասով դատապարտել ազատազրկման 1 /մեկ/ տարի ժամկետով։
ՀՀ Քրեական օրենսգրքի 66 հոդվածի կիրառմամբ պատիժները մասնակի գումարելու միջոցով վերջնական պատիժ նշանակել ազատազրկում 3 /երեք/ տարի ժամկետով։
Պատժի սկիզբը հաշվել «19» նոյեմբերի 2010թ-ից։
Կալանավորում խափանման միջոցը թողնել անփոփոխ մինչև դատավճռի օրինական ուժի մեջ մտնելը։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։
ԴԱՏԱՎՈՐ Ա. ՕՀԱՆՅԱՆ