Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0159/01/10
2011թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐՆԵՐ՝ Ս. ԴԱՐԲԻՆՅԱՆ
Շ. ԴՈւՐՅԱՆ
ՄԵՂԱԴՐՈՂ-ԴԱՏԱԽԱԶ՝ Ջ. ՖԱՐԽՈՅԱՆ
ՊԱՇՏՊԱՆ` Վ. ԳԵՎՈՐԳՅԱՆ
ՏՈւԺՈՂԻ
ՆԵՐԿԱՅԱՑՈւՑԻՉՆԵՐ` Ս. ՔՈՉԱՐՅԱՆ
Գ. ՇԻՐԻՆՅԱՆ
Հ. ԱԼԵԶՅԱՆ
2011թ. Հուլիսի «26»-ին Երևան քաղաքում.
Դռնբաց դատական նիստում քննեց քրեական գործն, ըստ մեղադրանքի՝ Հակոբ Գեորգիի Բաղյանի /ծնված՝ 18.08.1957թ. Ադրբեջանի Հանրապետությունում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին մեկ անձ, չի աշխատել, նախկինում չդատապարտված ֆիզիկապես առողջ, հաշվառված է ՀՀ Կոտայքի մարզի Աբովյան քաղաքի 3-րդ միկրոշրջանի 17 շենքի հմ 65 հասցեի բնակարանում, փաստացի բնակվել է ՀՀ Կոտայքի մարզի Աբովյան քաղաքի 8-րդ միկրոշրջանի հմ.83 հասցեի տանը, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 01.07.2010թ-ից։
Մեղադրվում է ՀՀ Քրեական օրենսգրքի 177 հոդվածի 3-րդ մասի 1-ին կետով։

Արմեն Շավարշի Նահապետյանի /ծնված՝ 11.08.1960թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին ոչ ոք անձ, աշխատել է «Սոկոլ-օյլ» ՍՊ ընկերության պահակ, նախկինում չդատապարտված, ֆիզիկապես առողջ, հաշվառված բնակվել է ք.Երևան, ՀԱԹ Օգանովի փողոցի 8-րդ շենքի, հմ.36 հասցեի բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 01.07.2010թ-ից։
Մեղադրվում է ՀՀ Քրեական օրենսգրքի 177 հոդվածի 3-րդ մասի 1-ին կետով։

1. Գործի դատավարական նախապատմությունը

Հակոբ Գեորգիի Բաղյանի և Արմեն Շավարշի Նահապետյանի կողմից «Սոկոլ-օյլ» ՍՊ ընկերության բազայից առանձնապես խոշոր չափերի հասնող դիզելային վառելիք գաղտնի հափշտակելու դեպքի առթիվ 01.07.2010թ. ՀՀ Ոստիկանության քննչական գլխավոր վարչության Հատկապես կարևոր գործերով քննության վարչությունում ՀՀ Քրեական օրենսգրքի 177 հոդվածի 3-րդ մասի 1-ին կետերի հատկանիշներով հարուցվել է հմ. 69105510 քրեական գործը։
02.07.2010թ. որոշմամբ Հակոբ Գեորգիի Բաղյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 177 հոդվածի 3-րդ մասի 1-ին կետով։ 06.12.2010թ. Հակոբ Բաղյանի առաջադրված մեղադրանքը փոփոխվել է և նրան մեղադրանք է առաջադրվել ՀՀ Քրեական օրենսգրքի 177 հոդվածի 3-րդ մասի 1-ին կետով, որով և 06.12.2010թ. որոշմամբ ներգրավվել է որպես մեղադրյալ։ Հ.Բաղյանին մեղադրանք է առաջադրվել այն բանի համար, որ նա. «2005թ. դեկտեմբերից աշխատելով «Սոկոլ օյլ» ՍՊ ընկերությունում որպես վարորդ, իրեն հատկացված «ԿԱՄԱԶ» մակնիշի 03 ՍՍ 332 համարանիշի ավտոցիստերնով, ընկերության` Երևան քաղաքի Արին-Բերդի 3-րդ փակուղի 9/1 հասցեում գտնվող բազա և հակառակ ուղղությամբ իրականացրել է դիզելային վառելիքի և քսայուղերի բեռնափոխադրումներ։ Օգտվելով այն առիթից, որ ընկերության հիշյալ բազան հսկվում է միակ պահակ, Երևան քաղաքի բնակիչ` Արմեն Շավարշի Նահապետյանի կողմից, օգտագործելով այդ հանգամանքը, 2008թ. սկզբներին վերջինիս հետ նախնական համաձայնության են եկել բազայից առանձնապես խոշոր չափերի հասնող դիզելային վառելիքի և շարժիչային յուղի գաղտնի հափշտակություն կատարելու շուրջ։ Ըստ պայմանավորվածության, դիզելային վառելիքի և շարժիչի յուղի յուրաքանչյուր խմբաքանակը հափշտակելու համար Հ.Բաղյանը բազային մոտենալիս զանգահարել է բազայի պահակակետ ու պահակ Արմեն Նահապետյանին զգուշացրել բազայի դարպասները բացելու մասին, որից հետո տարբեր բենզատարներով մուտք է գործել բազայի տարածք և կատարել հափշտակությունը։ Իրականացնելով իրենց հանցավոր մտադրությունը` 2008թ. հունվար-փետրվար ամիսներից մինչև 2009թ. ապրիլի ամիսը ներառյալ, Արմեն Նահապետյանի հետ նախապես համաձայնության գալով, Հակոբ Բաղյանն իրեն ամրագրված, ընկերությանը պատկանող «ԿԱՄԱԶ» մակնիշի 03 ՍՍ 332 համարանիշի և «ՄԱԶ» մակնիշի 43 ՕՕ 715 համարանիշի ավտոցիստերներով մինչև 2008թ. մայիսը, իսկ դրանից հետո մինչև 2009թ. ապրիլը քննությամբ չպարզված «ՄԱԶ» մակնիշի ավտոցիստերնով տարբեր օրերի, ժամը 01։00-ից 04։00-ի սահմաններում, ընկերության Արին-Բերդի 3-րդ փակուղի 9/1 հասցեում գտնվող դիզելային վառելիքի մեծածախ բազայի գաղտնի հափշտակել են շուրջ 23 խմբաքանակ ընդհանուր 32.365.000 դրամ արժողությամբ 107.883 լիտր դիզելային վառելիք և 1.957.003 դրամ արժողությամբ 3203 լիտր շարժիչային յուղ` «Սոկոլ»օյլ» ՍՊ ընկերությանը պատճառելով առանձնապես խոշոր չափերի` 34.322.033 դրամի գույքային վնաս, այսինքն` Հակոբ Բաղյանը կատարել է հանցավոր արարք, որը նախատեսված է ՀՀ քրեական օրենսգրքի 177 հոդվածի 3-րդ մասի 1-ին կետով։ Բացի այդ Հակոբ Բաղյանը նախապես համաձայնության գալով Արմեն Նահապետյանի հետ կրկին անգամ նույն եղանակով 2010թ. մայիսից` հունիս ամսին ընկած ժամանակահատվածում 4 տարբեր օրերի ժամը 02։00-ից 03։00-ի սահմաններում, իր վարած «ԳԱԶ-53» մակնիշի 062 ՏՍ 43 համարանիշի 4835 լիտր ավտոմեքենայով մուտք գործելով բազայի տարածք` նավթահորից պոմպերով յուրաքանչյուր անգամ ավտոցիստերնը լրիվ բարձել և գաղտնի հափշտակել է ընդհանուր 5.802.000 դրամ արժողությամբ 19.340 լիտր դիզելային վառելիք։ Գողացված դիզելային վառելիքի իրացումից ստացված գումարը Հ.Բաղյանը ծախսել է իր կարիքների համար, իսկ Ա.Նահապետյանին յուրաքանչյուր ավտոցիստերնի խմբաքանակի դիմաց վճարել 120.000-ից 170.000 դրամ գումար, այսինքն` Հակոբ Բաղյանը կատարել է հանցավոր արարք, որը նախատեսված է ՀՀ քրեական օրենսգրքի 177 հոդվածի 3-րդ մասի 1-ին կետով»։
02.07.2010թ. որոշմամբ Արմեն Շավարշի Նահապետյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 177 հոդվածի 3-րդ մասի 1-ին կետով։ 06.12.2010թ. Արմեն Նահապետյանին առաջադրված մեղադրանքը փոփոխվել է և նրան մեղադրանք է առաջադրվել ՀՀ Քրեական օրենսգրքի 177 հոդվածի 3-րդ մասի 1-ին կետով, որով և 06.12.2010թ. որոշմամբ ներգրավվել է որպես մեղադրյալ։ Ա.Նահապետյանին մեղադրանք է առաջադրվել այն բանի համար, որ նա. «2006թ. հունվարի 1-ից աշխատելով «Սոկոլ օյլ» ՍՊ ընկերությունում որպես պահակ իրականացրել է ընկերության` Երևան քաղաքի Արին-Բերդի 3-րդ փակուղի 9/1 հասցեում գտնվող բազայի տարածքի հսկողությունը։ Օգտվելով այն առիթից, որ ընկերության հիշյալ բազան հսկվում է միայն իր կողմից, օգտագործելով այդ հանգամանքը, 2008թ. սկզբներին ընկերության նախկին վարորդ, Աբովյան քաղաքի բնակիչ Հակոբ Բաղյանի հետ նախնական համաձայնության են եկել բազայից առանձնապես խոշոր չափերի հասնող դիզելային վառելիքի և շարժիչային յուղի գաղտնի հափշտակություն կատարելու շուրջ։ Ըստ պայմանավորվածության, դիզելային վառելիքի և շարժիչի յուղի յուրաքանչյուր խմբաքանակը հափշտակելու համար Հ.Բաղյանը բազային մոտենալիս զանգահարել է բազայի պահակակետ ու պահակ Արմեն Նահապետյանին զգուշացրել բազայի դարպասները բացելու մասին, որից հետո տարբեր բենզատարներով մուտք է գործել բազայի տարածք և կատարել հափշտակությունը։ Իրականացնելով իրենց հանցավոր մտադրությունը` Արմեն Նահապետյանի հետ նախնական համաձայնության գալով, 2008թ. հունվար-փետրվար ամիսներից մինչև 2009թ. ապրիլի ամիսը ներառյալ, Հակոբ Բաղյանն իրեն ամրագրված, ընկերությանը պատկանող «ԿԱՄԱԶ» մակնիշի 03 ՍՍ 332 համարանիշի և «ՄԱԶ» մակնիշի 43 ՕՕ 715 համարանիշի ավտոցիստերներով մինչև 2008թ. մայիսը, իսկ դրանից հետո մինչև 2009թ. ապրիլը քննությամբ չպարզված «ՄԱԶ» մակնիշի ավտոցիստերնով տարբեր օրերի, ժամը 01։00-ից 04։00-ի սահմաններում, ընկերության Արին-Բերդի 3-րդ փակուղի 9/1 հասցեում գտնվող դիզելային վառելիքի մեծածախ բազայից գաղտնի հափշտակել են շուրջ 23 խմբաքանակ ընդհանուր 32.365.000 դրամ արժողությամբ 107.883 լիտր դիզելային վառելիք և 1.957.003 դրամ արժողությամբ 3203 լիտր շարժիչային յուղ` «Սոկոլ»օյլ» ՍՊ ընկերությանը պատճառելով առանձնապես խոշոր չափերի` 34.322.033 դրամի գույքային վնաս, այսինքն` Արմեն Նահապետյանը կատարել է հանցավոր արարք, որը նախատեսված է ՀՀ քրեական օրենսգրքի 177 հոդվածի 3-րդ մասի 1-ին կետով։ Բացի այդ Արմեն Նահապետյանը նախապես համաձայնության գալով Հակոբ Բաղյանի հետ կրկին անգամ նույն եղանակով 2010թ. մայիսից` հունիս ամսին ընկած ժամանակահատվածում 4 տարբեր օրերի ժամը 02։00-ից 03։00-ի սահմաններում, Հակոբ Բաղյանի կողմից վարած «ԳԱԶ-53» մակնիշի 062 ՏՍ 43 համարանիշի 4835 լիտր ավտոմեքենայով բազայի նավթահորից պոմպերով յուրաքանչյուր անգամ ավտոցիստերնը լրիվ բարձելով` գաղտնի հափշտակել են ընդհանուր 5.802.000 դրամ արժողությամբ 19.340 լիտր դիզելային վառելիք։ Գողացված դիզելային վառելիքի յուրաքանչյուր ավտոցիստերնի խմբաքանակի դիմաց Ա.Նահապետյանը Հ.Բաղյանից ստացել է 120.000-ից 170.000 դրամ գումար, այսինքն` Արմեն Նահապետյանը կատարել է հանցավոր արարք, որը նախատեսված է ՀՀ քրեական օրենսգրքի 177 հոդվածի 3-րդ մասի 1-ին կետով»։
Քրեական գործն, ըստ մեղադրանքի Հակոբ Գեորգիի Բաղյանի` ՀՀ Քրեական օրենսգրքի 177 հոդվածի 3-րդ մասի 1-ին կետով և Արմեն Շավարշի Նահապետյանի` ՀՀ Քրեական օրենսգրքի 177 հոդվածի 3-րդ մասի 1-ին կետով, 10.12.2010թ. կազմված 13.12.2010թ. հաստատված մեղադրական եզրակացությամբ 16.12.2010թ. ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Ապացույցների հետազոտում և գնահատում

Դատարանի հետևությունները հիմնված են դատաքննությամբ հետազոտված հետևյալ ապացույցների վրա։
Տուժողի ներկայացուցիչ, վկա` Սևան Սերգեյի Քոչարյանի ցուցմունքով այն մասին, որ հանդիսանում է տուժող` դիզելային վառելիքի և քսայուղերի ներկրմամբ և իրացմամբ զբաղվող «Սոկոլ-օյլ» ՍՊ ընկերության տնօրեն։ Ամբաստանյալներից Հակոբ Բաղյանն աշխատել է ընկերության վարորդ, իսկ Արմեն Նահապետյանը` պահակ։ 2007թ-ից ընկերության` Երևան քաղաքի, Արին-Բերդ փողոցի 9/1 հասցեում գտնվող բազայում նկատել է տարածքը տեսաձայնագրող սարքերի ընդհատումներով աշխատանք, կապարակնիքների խախտումներ, պոմպի և ռետինե խողովակների տեղակայման դիրքերի խախտումներ, սակայն կասկածները տարբեր պատճառաբանություններով փարատվել են։ 2010թ. բազայի թվով 4 նավթահորերից 80.000 լիտր դիզելային վառելիք այլ նավթահոր տեղափոխելու ընթացքում պարզվել է, որ նավթահորերից պակասում են մոտ 20.000 լիտր դիզելային վառելիք։ Բազայից կորուստների պատճառները պարզաբանելու ընթացքում Արմեն Նահապետյանը խոստովանել է, որ ընկերության վարորդներից Հակոբ Բաղյանի հետ երեք տարիների ընթացքում, գիշերային ժամերին վառելանյութի հափշտակություն են կատարել։ Իր կողմից համապատասխան հրամանով ստեղծված հանձնաժողովի կողմից կատարված գույքագրման արդյունքում 2010թ. հուլիսի «01»-ի դրությամբ ընկերությունում գրանցվել է 127.223 լիտր դիզելային վառելիքի և 3.203 լիտր շարժիչային յուղի պակասորդ, ինչի հետևանքով ընկերությանը պատճառվել է 40.124.033 ՀՀ դրամի գույքային վնաս։
Վկա` Սամվել Վոլոդիայի Ենոքյանի ցուցմունքով այն մասին, որ ճանաչում է ամբաստանյալներից Հակոբ Բաղյանին, ում հետ 2008-2009թթ. համատեղ աշխատանքներ են կատարել և գումարի դիմաց վերջինս իրեն մետ 60-100 լիտր դիզելային վառելիք է տվել։
Վկա` Թովմաս Խաչիկի Խաչատրյանի ցուցմունքով այն մասին, որ «ԿԱՄԱԶ» մակնիշի ինքնաթափ ավտոմեքենայի վարորդ է և ճանաչում է ամբաստանյալներից Հակոբ Բաղյանին, ումից 20 լիտրը 4000 ՀՀ դրամով ձեռք է բերել 60-80 լիտր դիզելային վառելիք։
Վկա` Ռոբերտ Բաղիշի Ծատուրյանի ցուցմունքով այն մասին, որ իմանալով, որ Հակոբ Բաղյանը դիզելային վառելիք է վաճառում, նրանից 2008-2009թթ. մեկ անգամ մոտ 40 լիտր դիզելային վառելիք է գնել։
Վկա` Սայադ Անդրանիկի Հակոբյանի ցուցմունքով այն մասին, որ աշխատում է ավտոդպրոցում և ճանաչում է ամբաստանյալներից Հակոբ Բաղյանին, ումից 2008-2009թթ. կատարած աշխատանքի դիմաց վարձահատույց լինելու համար վերջինիս վերամբարձ կռունկից մեկ անգամ 60 լիտր դիզելային վառելիք է գնել։
Վկա` Հակոբ Շրջանիկի Հակոբյանի ցուցմունքով այն մասին, որ, որպես անհատ ձեռնարկատեր ՀՀ Կոտայքի մարզի Արամուս գյուղի Տիգրանաձոր խճուղում գտնվող բենզալցակայանում իրականացնում է վառելիքի վաճառք։ 2010թ. իր մտերիմ, ամբաստանյալ Հակոբ Բաղյանը դիզելային վառելիք տեղափոխելու համար իր «ԳԱԶ 53» մակնիշի 062 ՏՍ 43 համարանիշի բենզատար ավտոմեքենան է խնդրել և ինքը չի մերժել։ Հաջորդ օրը Հակոբ Բաղյանը վերադարձրել է արդեն դիզելային վառելիքով բարձված ավտոմեքենան և առաջարկել է 1 լիտրը 275 դրամով գնել այն։ Ինքը համաձայնել է և ձեռք բերած 4835 լիտր դիզելային վառելիքի դիմաց Հակոբ Բաղյանին կանխիկ վճարել է 335.000 դրամ, իսկ մնացած 1.000.000 դրամը պայմանավորվել է վճարել դիզելային վառելիքի վաճառքից հետո։ Այնուհետև մոտ տաս օր անց Հակոբ Բաղյանը կրկին անգամ իրենից ավտոմեքենան է խնդրել ու յուրաքանչյուր անգամ վերադարձրել հաջորդ օրը։ Դիզելային վառելիքը ինքը խառնելով իր ունեցածի հետ սկսել է վերավաճառել։ 2010թ. հունիսի «30»-ին իր բենզալցակայան են այցելել ԿՀԴՊ վարչության աշխատակիցները և առգրավվել են պահեստարանում եղած 1500 լիտր դիզելային վառելիքը։ Ինքը ոստիկանության աշխատակիցներից տեղեկանալով, որ Հակոբ Բաղյանի կողմից իրեն վաճառած դիզելային վառելիքը գողացված է, ամբողջ` 1.335.000 դրամ գումարը վճարել է «Սոկոլ-օյլ» ՍՊ ընկերության դրամարկղ, որից հետո հետ է ստացել իրենից առգրավված դիզելային վառելիքը։
Վկա` Անդրանիկ Վարդգեսի Ազաբյանի ցուցմունքով այն մասին, որ ամբաստանյալներից ճանաչում է Հակոբ Բաղյանին, ով 2008-2009թթ. ընթացքում 20 լիտրը 4000 ՀՀ դրամով առաջարկել է դիզելային վառելիք գնել և ինքը 80-100 լիտր գնել է, սակայն անորակ լինելու պատճառով այլևս չի գնել։
Վկա` Սևան Մադաթի Երիցյանի ցուցմունքով այն մասին, որ ամբաստանյալներից Հակոբ Բաղյանն իր հարևանն է, ումից 2008-2009թթ. ընթացքում իր «ԿԱՄԱԶ» մակնիշի ինքնաթափ ավտոմեքենայի համար 20 լիտրը 4000 ՀՀ դրամով ձեռք է բերել մոտ 80 լիտր դիզելային վառելիք։
Վկա` Կարեն Անդրանիկի Ազաբյանի ցուցմունքով այն մասին, որ ամբաստանյալներից ճանաչում է Հակոբ Բաղյանին։ 2008թ. Հակոբ Բաղյանի տանից 20 լիտրը 4000 ՀՀ դրամով ձեռք է բերել ընդհանուրը 100 լիտր դիզելային վառելիք։
Վկա` Դանիել Գևորգի Մաճկալյանի ցուցմունքով այն մասին, որ ամբաստանյալներին ճանաչում է, որպես աշխատակիցներ։ 2010թ. «Սոկոլ-օյլ» ՍՊ ընկերության տնօրենի հրամանով ընկերության կենտրոնական բազայում իրականացրել են փաստացի չափագրումներ և կազմված գույքագրման արդյունքները համեմատելով հաշվապահական տվյալների հետ պարզել են, որ առկա է դիզելային վառելիքի 127.223 լիտր և շարժիչային յուղի 3.203 լիտր պակասորդ, որոնք կազմել են դիզելային վառելիքի համար 38.167.000 դրամ, իսկ շարժիչային յուղի համար 1.957.033 դրամ։
Վկա` Արամ Ալբերտի Խոջոյանի ցուցմունքով այն մասին, որ աշխատում է «Սոկոլ-օյլ» ՍՊ ընկերությունում, որպես պահեստապետ և 2010թ. ընկերության տնօրենի հրամանով ընկերության կենտրոնական բազայում իրականացված գույքագրման արդյունքում պարզել են, որ առկա է 127.223 լիտր դիզելային վառելիքի և 3.203 լիտր շարժիչային յուղի պակասորդ, այսինքն` 38.167.000 դրամ դիզելային վառելիքի և 1.957.033 դրամ շարժիչային յուղի։
Վկա` Սեպուհ Սերգեյի Քոչարյանի ցուցմունքով այն մասին, որ աշխատել է «Սոկոլ-օյլ» ՍՊ ընկերությունում, որպես բաժնի վարիչ և ճանաչում է ամբաստանյալներին։ 2010թ. ընկերության տնօրենի հրամանով ընկերության կենտրոնական բազայում իրականացրել են գույքագրում, որի արդյունքները համեմատելով հաշվապահական տվյալների հետ պարզել են, որ առկա է դիզելային վառելիքի 127.223 լիտր և 3.203 լիտր շարժիչային յուղի պակասորդ, որոնք գումարային առումով կազմել են դիզելային վառելիքի համար 38.167.000 դրամ և շարժիչային յուղի համար 1.957.033 դրամ։
Վկա` Վանյա Սարգսի Զախարյանի ցուցմունքով այն մասին, որ 2008-2009թթ. ընթացքում 20 լիտրը 4000 ՀՀ դրամով Հակոբ Բաղյանից մոտ 60-80 լիտր դիզելային վառելիք է գնել։
Վկա` Դավիթ Բորիկի Դավթյանի ցուցմունքով այն մասին, որ ճանաչում է ամբաստանյալներից Հակոբ Բաղյանին։ Վկան հայտնեց, որ որպես անհատ ձեռնարկատեր Աբովյան-Արզնի խճուղու վրա գտնվող բենզալցակայանում իրականացնում է վառելանյութի առուվաճառք։ 2010թ. հունիս ամսին Հակոբ Բաղյանը հետո վճարելու պայմանով առաջարկել է 1 լիտրը 260 դրամով դիզելային վառելիք գնել։ Ինքը համաձայնվել է և նույն օրը Հակոբ Բաղյանը բենզալցակայան է տարել առաջին անգամ 4830 լիտր դիզելային վառելիք, իսկ երկրորդ անգամ` 4870 լիտր։ Ձեռք բերած դիզելային վառելիքի համար ինքը Հակոբ Բաղյանին վճարել է 25.000 դրամ, իսկ մնացած 2.500.000 դրամը պետք է հետագայում վճարեր։ Գնած դիզելային վառելիքից 6.680 լիտրն ինքը վերավաճառել է, իսկ մնացած 3.020 լիտրը 2010թ. հուլիսի «01»-ին առգրավվել է ԿՀԴՊ գլխավոր վարչության աշխատակիցների կողմից և ի պահ է հանձնվել իրեն։ Հետագայում, երբ ոստիկանության աշխատակիցներից տեղեկացել է, որ Հակոբ Բաղյանի կողմից իրեն վաճառված դիզելային վառելիքը գողացված է եղել, նրան պարտք մնացած 2.500.000 դրամ գումարը վճարել է «Սոկոլ-օյլ» ՍՊ ընկերության դրամարկղ, որից հետո հետ է ստացել իրենից առգրավված դիզելային վառելիքը։
Վկա` Կարեն Սևանի Քոչարյանի ցուցմունքով այն մասին, որ աշխատել է «Սոկոլ-օյլ» ՍՊ ընկերությունում, որպես փոխտնօրեն և ամբաստանյալներին ճանաչում է, որպես ընկերության աշխատակիցներ։ 2010թ. ընկերության տնօրենի հրամանով գույքագրում են իրականացրել, որի արդյունքում պարզվել է, որ առկա է դիզելային վառելիքի 127.223 լիտր և 3.203 լիտր շարժիչային յուղի պակասորդ։
Ամբաստանյալ Արմեն Շավարշի Նահապետյանը դատաքննությամբ հրաժարվեց ցուցմունքներ տալուց, սակայն առաջադրված մեղադրանքում իրեն մեղավոր ճանաչեց և ընդունեց, որ Հակոբ Բաղյանի հետ համաձայնության գալով «Սոկոլ-օյլ» ՍՊ ընկերությունից դիզելային վառելիք են հափշտակել։
Ամբաստանյալ Հակոբ Գեորգիի Բաղյանը դատաքննությամբ հրաժարվեց ցուցմունքներ տալուց, սակայն առաջադրված մեղադրանքում իրեն մեղավոր ճանաչեց և ընդունեց, որ «Սոկոլ-օյլ» ՍՊ ընկերությունից Արմեն Նահապետյանի հետ նախնական համաձայնությամբ դիզելային վառելիք են հափշտակել։
Դատահաշվապահական փորձաքննության հմ. 10-2846 եզրակացությամբ այն մասին, որ քանակագումարային առումով «Սոկոլ-օյլ» ՍՊ ընկերության կողմից 01.01.2008թ-ից մինչև 01.07.2010թ. ընկած ժամանակահատվածում ձեռք բերված և բազայում պահեստավորված դիզելային վառելիքի քանակը կազմում է` 8.937.402 լիտր, գումարով` 2.681.220.600 (8.937.402x300) դրամ։
- Քանակագումարային առումով «Սոկոլ-օյլ» ՍՊ ընկերության կողմից 01.01.2008թ-ից մինչև 01.07.2010թ. ընկած ժամանակահատվածում ձեռք բերված և բազայում պահեստավորված դիզելային շարժիչային յուղի քանակը կազմում է` 64.660 լիտր, գումարով` 39.507.260 (64.660x611) դրամ։
- Քանակագումարային առումով «Սոկոլ-օյլ» ՍՊ ընկերության կողմից 01.01.2008թ-ից մինչև 01.07.2010թ. ընկած ժամանակահատվածում բազայից ելքագրված /իրացված, այլ բազա տեղափոխված/ դիզելային վառելիքի քանակը կազմում է 9.551.493 լիտր, գումարով` 2.865.447.900 (9.551.493x300) դրամ։
- Քանակագումարային առումով «Սոկոլ-օյլ» ՍՊ ընկերության կողմից 01.01.2008թ-ից մինչև 01.07.2010թ. ընկած ժամանակահատվածում բազայից ելքագրված /իրացված, այլ բազա տեղափոխված/ շարժիչային յուղի քանակը կազմում է 25.377 լիտր, գումարով` 15.505.347 (25.377x611) դրամ։
- 01.01.2008թ. դրությամբ «Սոկոլ-օյլ» ՍՊ ընկերության կենտրոնական բազայի դիզելային վառելիքի գրքային մնացորդը կազմում է` 182.750 լիտր, իսկ շարժիչային յուղի գրքային մնացորդը կազմում է` 39.283 լիտր։
- Փորձաքննությանը ներկայացված քրեական գործի նյութերում և «Սոկոլ-օյլ» ՍՊ ընկերության անալիտիկ ու սինթետիկ հաշվառման փաստաթղթերում արտացոլված տվյալներով, «Սոկոլ-օյլ» ՍՊ ընկերությունում 01.07.2010թ. դրությամբ առաջացած դիզելային վառելիքի և շարժիչային յուղի պակասորդների հետևանքով ընկերությունը կրել է 40.124.033 դրամ գումարի չափով վնաս։
- Հաշվի առնելով, որ գույքագրմամբ և սույն փորձաքննությամբ 01.07.2010թ. դրությամբ հաշվարկված դիզելային վառելիքի 127.223 լիտր և շարժիչային յուղի 3.203 լիտր պակասորդների չափը չեն գերազանցում հետազոտվող ժամանակաշրջանի` 2008-2010թթ. յուրաքանչյուր ամսվա «01»-ի դրությամբ դուրս բերված գույքային /հաշվապահական/ մնացորդներին և բացի այդ 01.01.2008թ-ից մինչև 01.07.2010թ. ընկած ժամանակահատվածում ընկերությունում գույքագրում կատարվել է միայն 01.07.2010թ. դրությամբ, ուստի նման պայմաններում, սույն փորձաքննությամբ, զուտ հաշվապահական հաշվառման տեսանկյունից դիտվում է, որ 01.07.2010թ. դրությամբ դիզելային վառելիքի 127.223 լիտր, գումարով` 38.167.000 դրամ և շարժիչային յուղի 3.203 լիտր, գումարով` 1.957.033 դրամ պակասորդների ժամանակահատված կարող է հանդիսանալ 2008թ., 2009թ., 2010թ. ժամանակաշրջանի յուրաքանչյուր ամիս։
Դիզելային վառելիք և շարժիչային յուղ ներկայացնելու մասին 30.06.2010թ. կազմված արձանագրությամբ այն մասին, որ Հակոբ Բաղյանը իր` Աբովյան քաղաքի 8-րդ միկրոշրջանի հմ.83 տան հարակից շինությունից ՀՀ Ոստիկանության ԿՀԴՊ ԳՎ աշխատակիցներին է ներկայացրել 8 /ութ/ հատ երկաթյա և 7 /յոթ/ հատ պոլիէթիլենե 20լ-ոց տարրաներով դիզելային վառելիք, 21 /քսանմեկ/ հատ 20լ-ոց պոլիէթիլենե տարրաներով շարժիչային յուղ, 1 /մեկ/ հատ 200լ-ոց մետաղյա տարրայով յուղ, 3 /երեք/ հատ 200լ-ոց տարրաներով շարժիչային յուղ` հայտարարելով, որ դիզելային վառելիքը և շարժիչային յուղից մոտ 300լ հափշտակել է «Սոկոլ-օյլ» ՍՊ ընկերությունից, իսկ մնացած յուղն իրեն է պատկանում։ Ներկայաված դիզելային վառելիքը և շարժիչային յուղը տեղադրվել են հարակից շինություններում և ի պահ են հանձնվել Հակոբ Բաղյանի որդի Արթուր Բաղյանին, իսկ շինությունների դռները կնքվել են։
«Սոկոլ-օյլ» ՍՊ ընկերության կողմի տրված տեղեկանքով այն մասին, որ ընկերության կողմից մեծածախ վաճառքի համար նախատեսված դիզելային վառելիքի 1լ միջին շուկայական արժեքը 01.05.2010թ.-13.06.2010թ. ժամանակահատվածում կազմել է 300 դրամ։
20.07.2010թ. և 27.27.2010թ. կազմված «Ղ-Տելեկոմ» ՓԲ ընկերությունից և «ԱրմենՏել» ՓԲ ընկերությունից ստացված Հակոբ Բաղյանի և «Սոկոլ-օյլ» ՍՊ ընկերության բազաների պահակակետերի հեռախոսահամարների հեռախոսազանգերի ելքային և մուտքային զանգերի վերծանումները պարունակող լազերային կրիչների զննության արձանագրություններով։
Իրեղեն ապացույց ճանաչված Հակոբ Բաղյանի կողմից ներկայացված դիզելային վառելիքով և շարժիչային յուղով։
Այլ ապացույց ճանաչված «Ղ-Տելեկոմ» ՓԲ ընկերությունից և «ԱրմենՏել» ՓԲ ընկերությունից ստացված Հակոբ Բաղյանի և «Սոկոլ-օյլ» ՍՊ ընկերության բազաների պահակակետերի հեռախոսահամարների հեռախոսազանգերի ելքային և մուտքային զանգերի վերծանումները պարունակող լազերային 2 /երկու/ կրիչներով, «Սոկոլ-օյլ» ՍՊ ընկերության տնօրենի 08.07.2010թ. հմ.9/1 հրամանով ստեղծված հանձնաժողովի կողմից ընկերության կենտրոնական բազայում կատարված գույքագրման հիման վրա 08.07.2010թ. կազմված գույքագրման ակտով, «Սոկոլ-օյլ» ՍՊ ընկերության կենտրոնական բազայում 2008թ-ից մինչև 2010թ. հուլիսի «01»-ն ընկած ժամանակահատվածում դիզելային վառելիքի և շարժիչային յուղի շարժի հաշվապահական փաստաթղթերով։
«Սոկոլ-օյլ» ՍՊ ընկերությանը պատկանող Երևան քաղաքի Արին-Բերդ փողոցի 9/1 և 3/7 հասցեներում գտնվող կենտրոնական բազաների տարածքների զննության արձանագրություններով, վկա` Հարություն Ռազմիկի Արսենյանի նախաքննական ցուցմունքներով։

3. Դատարանի իրավական վերլուծությունը

ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։
ՀՀ Քրեական օրենսգրքի 177 հոդվածի 1-ին մասի համաձայն հանցագործություն է համարվում գողությունը, այսինքն` ուրիշի գույքի զգալի չափերով գաղտնի հափշտակությունը։ Նույն հոդվածի 3-րդ մասի 1-ին կետով քրեորեն հետապնդելի է համարվում գողությունը, որը կատարվել է առանձնապես խոշոր չափերով, ինչպիսի հատկանիշ առկա է Հակոբ Բաղյանի և Արմեն Նահապետյանի կողմից կատարված գործողությունում։
Համաձայն ՀՀ քրեական օրենսգրքի 3-րդ հոդվածի` քրեական պատասխանատվության միակ հիմքը հանցանք, այսինքն այնպիսի արարք կատարելն է, որն իր մեջ պարունակում է քրեական օրենքով նախատեսված հանցակազմի բոլոր հատկանիշները։
Համաձայն ՀՀ քրեական օրենսգրքի 4-րդ հոդվածի` Հայաստանի Հանրապետության քրեական օրենսգիրքը հիմնվում է օրինականության, օրենքի առաջ հավասարության, պատասխանատվության անխուսափելիության, անձնական պատասխանատվության, ըստ մեղքի պատասխանատվության, արդարության և պատասխանատվության անհատականացման ու մարդասիրության սկզբունքների հիման վրա։ Նույն օրենսգրք 8-րդ հոդվածի համաձայն` անձը ենթակա է քրեական պատասխանատվության միայն անձամբ իր կատարած հանցանքի համար։
Այսպիսով, դատաքննությամբ հետազոտված ապացույցների բազմակողմանի, լրիվ և օբյեկտիվ հետազոտության վրա հիմնված ներքին համոզմամբ և բոլոր ապացույցների` միմյանց հետ համադրելու և դրանք վերաբերելիության և թույլատրելիության սահմաններում գնահատելու արդյունքում, դատարանը գտնում է, որ ամբաստանյալներ Հակոբ Գեորգիի Բաղյանը և Արմեն Շավարշի Նահապետյանը կատարել են արարք, որը նախատեսված է ՀՀ Քրեական օրենսգրքի 177 հոդվածի 3-րդ մասի 1-ին կետով, որի համապատասխան էլ պետք է ենթարկվեն քրեական պատասխանատվության։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալները նախկինում արատավորված չեն եղել, բնութագրվում են դրականորեն, զղջացել են կատարածի համար և տվել են ինքնախոստովանական ցուցմունքներ, վատառողջ են, վերականգնել են հանցագործությամբ պատճառված վնասը, նաև այն, որ գործով բացակայում են ամբաստանյալների պատասխանատվությունը և պատիժը ծանրացնող հանգամանքները։
Դատարանը քննարկելով ամբաստանյալներ Հակոբ Բաղյանի և Արմեն Նահապետյանի նկատմամբ նշանակվող պատժի հարցը գտնում է, որ նրանց նկատմամբ պետք է ՀՀ Քրեական օրենսգրքի 177 հոդվածի 3-րդ մասի սանկցիայով նախատեսված ազատազրկման ձևով պատիժ նշանակել։ Միաժամանակ հաշվի առնելով, որ հանցագործությամբ պատճառված գույքային վնասը և հանցավոր ճանապարհով ձեռք բերված օգուտը ամբաստանյալների կողմից վերականգնվել և վերադարձվել է, դատարանը գտնում է, որ անհրաժեշտություն չկա վերջիններիս նկատմամբ ՀՀ Քրեական օրենսգրքի 177 հոդվածի 3-րդ մասի սանկցիայով նախատեսված լրացուցիչ` գույքի բռնագրավում պատիժը կիրառել։ Բացի այդ, հիմք ընդունելով ՀՀ Ազգային ժողովի կողմից 26.05.2011թ-ին ընդունված «ՀՀ անկախության հռչակման 20-րդ տարեդարձի կապակցությամբ համաներում հայտարարելու մասին» որոշման 8-րդ կետի 5-րդ ենթակետը, որի համաձայն պատժաչափի չկրած մասը ՀՀ Քրեական օրենսգրքի 177 հոդվածի 3-րդ մասով նախատեսված հանցագործությունները կատարելու համար դատապարտված անձանց նկատմամբ կրճատվում է մեկ քառորդով, դատարանը գտնում է, որ ամբաստանյալներ Հակոբ Բաղյանի և Արմեն Նահապետյանի նկատմամբ նշանակվող պատժի չկրած մասը ենթակա է կրճատման մեկ քառորդ մասով։ Քանի որ նույն համաներման որոշման 13-րդ կետի 4-րդ ենթակետի համաձայն պատիժը քրեակատարողական հիմնարկում կրող անձանց նկատմամբ որոշման կատարումը վերապահվում է ՀՀ Արդարադատության նախարարության քրեակատարողական հիմնարկների պետերին հետևաբար` պատժաչափի վերջնական հաշվարկը նույնպես պետք է կատարվի քրեակատարողական հիմնարկի կողմից։
Քննարկելով իրեղեն ապացույցների հարցը, դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված 8 /ութ/ հատ երկաթյա և 7 /յոթ/ հատ պոլիէթիլենե 20լ-ոց տարրաներով դիզելային վառելիքը, 21 /քսանմեկ/ հատ 20լ-ոց պոլիէթիլենե տարրաներով շարժիչային յուղը, 1 /մեկ/ հատ 200լ-ոց մետաղյա տարրայով յուղը, 3 /երեք/ հատ 200լ-ոց տարրաներով շարժիչային յուղը պետք է հանձնել տուժող «Սոկոլ-օյլ» ՍՊ ընկերությանն` նպատակաուղղելով հանցագործությամբ պատճառված վնասի վերականգնմանը, իսկ դատարկ` 8 /ութ/ հատ երկաթյա 20լ-ոց, 7 /յոթ/ հատ պոլիէթիլենե 20լ-ոց դիզելային վառելիքի տարրաները, 21 /քսանմեկ/ հատ 20լ-ոց պոլիէթիլենե շարժիչային յուղի տարրան, 1 /մեկ/ հատ 200լ-ոց մետաղյա յուղի տարրան, 3 /երեք/ հատ 200լ-ոց շարժիչային յուղի տարրաները պետք է վերադարձնել Հակոբ Գեորգիի Բաղյանին։
Քննարկելով այլ ապացույցների հարցը, դատարանը գտնում է, որ դատավճիռն օրինական ուժի մեջ մտնելուց հետո այլ ապացույց ճանաչված «Ղ-Տելեկոմ» ՓԲ ընկերությունից և «ԱրմենՏել» ՓԲ ընկերությունից ստացված Հակոբ Բաղյանի և «Սոկոլ-օյլ» ՍՊ ընկերության բազաների պահակակետերի հեռախոսահամարների հեռախոսազանգերի ելքային և մուտքային զանգերի վերծանումները պարունակող լազերային 2 /երկու/ կրիչները, «Սոկոլ-օյլ» ՍՊ ընկերության տնօրենի 08.07.2010թ. հմ.9/1 հրամանով ստեղծված հանձնաժողովի կողմից ընկերության կենտրոնական բազայում կատարված գույքագրման հիման վրա 08.07.2010թ. կազմված գույքագրման ակտը պետք է պահել քրեական գործի հետ, իսկ ՀՀ Ոստիկանության Քննչական գլխավոր վարչության հատկապես կարևոր գործերով քննության վաչությունում պահվող «Սոկոլ-օյլ» ՍՊ ընկերության կենտրոնական բազայում 2008թ-ից մինչև 2010թ. հուլիսի «01»-ն ընկած ժամանակահատվածում դիզելային վառելիքի և շարժիչային յուղի շարժի հաշվապահական փաստաթղթերը պետք է վերադարձնել «Սոկոլ-օյլ» ՍՊ ընկերությանը։
Դատարանը քննարկելով տուժող «Սոկոլ-օյլ» ՍՊ ընկերության ներկայացուցիչ Սևան Սերգեյի Քոչարյանի կողմից դատաքննությամբ ներկայացրած քաղաքացիական հայցի հարցը և նկատի ունենալով, որ վերջինս հրաժարվեց քաղաքացիական հայցից հայտարարելով, որ հանցագործությամբ պատճառված վնասի վերաբերյալ ամբաստանյալների հետ հաշտության համաձայնություն է կնքել և ներկայումս վերջիններիցս որևէ պարտք ու պահանջ չունի, դատարանը գտնում է, որ ՀՀ Քրեական դատավարության օրենսգրքի 161 հոդվածի 2-րդ մասի պահանջներով քրեական դատավարությունում քաղաքացիական հայցի վարույթը պետք է կարճել։
Քննարկելով արգելադրված գույքի հարցը դատարանը գտնում է, որ դատավճիռն օրինական ուժի մեջ մտնելուց հետո ՀՀ Ոստիկանության ՔԳՎ ՀԿԳ քննության վարչության քննիչ Թ.Նալբանդյանի 06.07.2010թ. որոշմամբ Արմեն Շավարշի Նահապետյանի և Հակոբ Գեորգիի Բաղյանի անվամբ սեփականության իրավունքով գրանցված անշարժ գույքերի և տրանսպորտային միջոցների վրա դրված կալանքները պետք է վերացնել։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360 հոդվածներով, դատարանը
Վ Ճ Ռ Ե Ց

Հակոբ Գեորգիի Բաղյանին մեղավոր ճանաչել ՀՀ Քրեական օրենսգրքի 177 հոդվածի 3-րդ մասի 1-ին կետով և դատապարտել ազատազրկման` 4 /չորս/ տարի ժամկետով` առանց գույքի բռնագրավման։
ՀՀ Ազգային ժողովի կողմից 26.05.2011թ-ին ընդունված «ՀՀ անկախության հռչակման 20-րդ տարեդարձի կապակցությամբ համաներում հայտարարելու մասին» որոշման 8-րդ կետի 5-րդ ենթակետի համաձայն պատժաչափի չկրած մասը կրճատել մեկ քառորդով` պատժաչափի հաշվարկը վերապահելով քրեակատարողական հիմնարկությանը։
Պատժի սկիզբը հաշվել 2010թ-ի հուլիսի «01»-ից։
Հ.Բաղյանի նկատմամբ ընտրված` կալանավորում խափանման միջոցը թողնել անփոփոխ, մինչև դատավճռի օրինական ուժի մեջ մտնելը։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։

Արմեն Շավարշի Նահապետյանին մեղավոր ճանաչել ՀՀ Քրեական օրենսգրքի 177 հոդվածի 3-րդ մասի 1-ին կետով և դատապարտել ազատազրկման` 4 /չորս/ տարի ժամկետով` առանց գույքի բռնագրավման։
ՀՀ Ազգային ժողովի կողմից 26.05.2011թ-ին ընդունված «ՀՀ անկախության հռչակման 20-րդ տարեդարձի կապակցությամբ համաներում հայտարարելու մասին» որոշման 8-րդ կետի 5-րդ ենթակետի համաձայն պատժաչափի չկրած մասը կրճատել մեկ քառորդով` պատժաչափի հաշվարկը վերապահելով քրեակատարողական հիմնարկությանը։
Պատժի սկիզբը հաշվել 2010թ-ի հուլիսի «01»-ից։
Ա.Նահապետյանի նկատմամբ ընտրված` կալանավորում խափանման միջոցը թողնել անփոփոխ, մինչև դատավճռի օրինական ուժի մեջ մտնելը։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։

Դատավճիռն օրինական ուժի մեջ մտնելուց հետո իրեղեն ապացույց ճանաչված 8 /ութ/ հատ երկաթյա և 7 /յոթ/ հատ պոլիէթիլենե 20լ-ոց տարրաներով դիզելային վառելիքը, 21 /քսանմեկ/ հատ 20լ-ոց պոլիէթիլենե տարրաներով շարժիչային յուղը, 1 /մեկ/ հատ 200լ-ոց մետաղյա տարրայով յուղը, 3 /երեք/ հատ 200լ-ոց տարրաներով շարժիչային յուղը հանձնել տուժող «Սոկոլ-օյլ» ՍՊ ընկերությանն` նպատակաուղղելով հանցագործությամբ պատճառված վնասի վերականգնմանը, իսկ դատարկ` 8 /ութ/ հատ երկաթյա 20լ-ոց, 7 /յոթ/ հատ պոլիէթիլենե 20լ-ոց դիզելային վառելիքի տարրաները, 21 /քսանմեկ/ հատ 20լ-ոց պոլիէթիլենե շարժիչային յուղի տարրան, 1 /մեկ/ հատ 200լ-ոց մետաղյա յուղի տարրան, 3 /երեք/ հատ 200լ-ոց շարժիչային յուղի տարրաները վերադարձնել Հակոբ Գեորգիի Բաղյանին։
Դատավճիռն օրինական ուժի մեջ մտնելուց հետո այլ ապացույց ճանաչված «Ղ-Տելեկոմ» ՓԲ ընկերությունից և «ԱրմենՏել» ՓԲ ընկերությունից ստացված Հակոբ Բաղյանի և «Սոկոլ-օյլ» ՍՊ ընկերության բազաների պահակակետերի հեռախոսահամարների հեռախոսազանգերի ելքային և մուտքային զանգերի վերծանումները պարունակող լազերային 2 /երկու/ կրիչները, «Սոկոլ-օյլ» ՍՊ ընկերության տնօրենի 08.07.2010թ. հմ.9/1 հրամանով ստեղծված հանձնաժողովի կողմից ընկերության կենտրոնական բազայում կատարված գույքագրման հիման վրա 08.07.2010թ. կազմված գույքագրման ակտը պահել քրեական գործի հետ, իսկ ՀՀ Ոստիկանության Քննչական գլխավոր վարչության հատկապես կարևոր գործերով քննության վաչությունում պահվող «Սոկոլ-օյլ» ՍՊ ընկերության կենտրոնական բազայում 2008թ-ից մինչև 2010թ. հուլիսի «01»-ն ընկած ժամանակահատվածում դիզելային վառելիքի և շարժիչային յուղի շարժի հաշվապահական փաստաթղթերը վերադարձնել «Սոկոլ-օյլ» ՍՊ ընկերությանը։
Դատավճիռն օրինական ուժի մեջ մտնելուց հետո վերացնել ՀՀ Ոստիկանության ՔԳՎ ՀԿԳ քննության վարչության քննիչ Թ.Նալբանդյանի 06.07.2010թ. որոշմամբ Արմեն Շավարշի Նահապետյանի և Հակոբ Գեորգիի Բաղյանի անվամբ սեփականության իրավունքով գրանցված անշարժ գույքերի և տրանսպորտային միջոցների վրա դրված կալանքները։
Քրեական դատավարությունում քաղաքացիական հայցի վարույթը պետք է կարճել։
Դատավճիռը կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։

ԴԱՏԱՎՈՐ Ա. ՕՀԱՆՅԱՆ