Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0157/01/10
2011թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Ս. ԴԱՐԲԻՆՅԱՆ
ՄԵՂԱԴՐՈՂ-ԴԱՏԱԽԱԶ՝ ԱԼ. ՄՈւՐԱԴՅԱՆ
ՀԱՆՐԱՅԻՆ ՊԱՇՏՊԱՆ` Կ. ԱՂԱՋԱՆՅԱՆ

2011թ. Փետրվարի «09»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն, ըստ մեղադրանքի՝ Հայկ Հենրիկի Պետրոսյանի /ծնված՝ 01.07.1972թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, չամուսնացած, խնամքին ոչ ոք, նախկինում դատապարտված /1.Երևանի Կենտրոն և Նորք-Մարաշ համայնքների ընդհանուր իրավասության դատարանի 04.09.2009թ. դատավճռով ՀՀ քր. օր-ի 266 հոդ-ի 4-րդ մասով դատապարտվել է կալանքով 2 /երկու/ ամիս ժամկետով, պատժից ազատվել է 04.11.2009թ.,
2. Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 27.07.2010թ. դատավճռով ՀՀ քր. օր-ի 268 հոդ-ի 2-րդ մասի 1-ին և 2-րդ կետերով, 266 հոդ-ի 4-րդ մասով և 66 հոդ-ի կիրառմամբ դատապարտվել է ազատազրկման 2 /երկու/ տարի ժամկետով և տուգանքով 100.000 դրամի չափով, պատժի սկիզբը հաշվարկվել է 23.01.2010թ-ից/, պատիժը չկրած, բնակվել է ք.Երևան, Երկաթուղայինների 1-ին փողոցի թիվ 14 հասցեի տանը, ներկայումս ՀՀ ԱՆ «Նուբարաշեն» քրեակատարողական հիմնարկության դատապարտյալ/։
Սույն գործով արգելանքի միջոց չի կիրառվել։
Մեղադրվում է ՀՀ Քրեական օրենսգրքի 34-268 հոդվածի 2-րդ մասի 1-ին կետով։
1. Գործի դատավարական նախապատմությունը

Լուիզա Վասակի Սուքիասյանի կողմից իր որդու` ՀՀ ԱՆ «Նուբարաշեն» քրեակատարողական հիմնարկի դատապարտյալ Հայկ Հենրիկի Պետրոսյանի անվամբ բերված հանձնուքի ստուգմամբ զգալի չափի` 0,0067 գրամ քաշով «Բուպրենորֆին» տեսակի թմրամիջոց հայտնաբերվելու դեպքի առթիվ 15.10.2010թ-ին ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 266 հոդվածի 2-րդ մասի 3-րդ կետ հատկանիշներով հարուցվել է թիվ 12140010 քրեական գործը։
30.11.2010թ. որոշմամբ Հայկ Հենրիկի Պետրոսյանը որպես մեղադրյալ է ներգրավվել և նրան մեղադրանք է առաջադրվել ՀՀ Քրեական օրենսգրքի 34-268 հոդվածի 2-րդ մասի 1-ին կետով այն բանի համար, որ. «27.07.2010թ. Էրեբունի և Նուբարաշեն վարչական շրջանների ընդհանուր իրավասության դատարանի դատավճռով ՀՀ քր. օր-ի 268 հոդվածի 2-րդ մասի 1-ին և 2-րդ կետերով, 266 հոդվածի 4-րդ մասով դատապարտված լինելով ազատազրկման, պատիժը ՀՀ ԱՆ «Նուբարաշեն» քրեակատարողական հիմնարկում կրելու ընթացքում` 2010թ. հոկտեմբերի «06»-ին, կրկին անգամ, առանց իրացնելու նպատակի, իր օգտագործման համար, փորձել է ձեռք բերել զգալի չափի` 0,0067 գրամ «Բուպրենորֆին» տեսակի թմրամիջոց, սակայն հանցագործությունն ավարտին չի հասցրել իր կամքից անկախ հանգամանքներով։ Այսպիսով. Հայկ Պետրոսյանը 2010թ. հոկտեմբերի «01»-ից «06»-ն ընկած ժամանակահատվածում, քննությամբ չպարզված անձի հետ հեռախոսազրույցի ընթացքում համաձայնության է եկել վերջինիցս թմրամիջոց ձեռք բերելու շուրջ, այնուհետև` հոկտեմբերի «06»-ին զանգահարել է իր մորը` Լուիզա Սուքիասյանին և խնդրել հանձնուք տանել իրեն, միաժամանակ հայտնելով, որ իր ընկերը նույնպես ցանկանում է հանձնուք հանձնել իրեն և այն կփոխանցի Լ.Սուքիասյանին։ Նույն օրը քննությամբ չպարզված անձը Լ.Սուքիասյանի կողմից գնումներ կատարելու ընթացքում նրա տուն է տարել շաքարավազ, սուրճ և կոնֆետներ, որոնք հանձնել է Լ.Սուքիասյանի դստերը` Հասմիկ Պետրոսյանին։ Վերադառնալով տուն Լ.Սուքիասյանը փոխանցված հանձնուքը տարել է ՀՀ ԱՆ «Նուբարաշեն» ՔԿ հիմնարկ, որտեղ հանձնուքի ստուգմամբ կրկնակի պոլիէթիլենային տոպրակների մեջ լցված շաքարավազի զննության ընթացքում առաջին պոլիէթիլենային տոպրակի և շաքարավազով տոպրակի մեջտեղում հայտնաբերվել է 0,0067 գրամ քաշով «Բուպրենորֆին» տեսակի զգալի չափի թմրամիջոց»։
30.11.2010թ. որոշմամբ անհայտ անձի կողմից Հայկ Պետրոսյանին ապօրինաբար զգալի չափի` 0,0067 գրամ քաշով «Բուպրենորֆին» տեսակի թմրամիջոց իրացնելու վերաբերյալ գործի մասն անջատվել է սույն` թիվ 12140010 քրեական գործից, որին շնորհվել է թիվ 12146710 համարը։
Քրեական գործը 03.12.2010թ. կազմված և 08.12.2010թ. հաստատված մեղադրական եզրակացությամբ 15.12.2010թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Արագացված դատական քննություն

Ամբաստանյալ Հայկ Հենրիկի Պետրոսյանը խորհրդակցելով իր պաշտպան` հանրային պաշտպանի գրասենյակի փաստաբան Կարապետ Աղաջանյանի հետ, դատարանին արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Ալ.Մուրադյանն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշեց կիրառել դատական քննության արագացված կարգ։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Հայկ Պետրոսյանը կատարել է արարք, որը նախատեսված է ՀՀ Քրեական օրենսգրքի 34-268 հոդվածի 2-րդ մասի 1-ին կետով, որով և պետք է ենթարկվի քրեական պատասխանատվության։

3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 34 հոդվածի համաձայն` հանցափորձ է համարվում ուղղակի դիտավորությամբ կատարված այն գործողությունը /անգործությունը/, որն անմիջականորեն ուղղված է հանցանք կատարելուն, եթե հանցագործությունն ավարտին չի հասցվել անձի կամքից անկախ հանգամանքներով։
ՀՀ Քրեական օրենսգրքի 268 հոդվածի 1-ին մասի համաձայն հանցագործություն է համարվում` առանց իրացնելու նպատակի զգալի չափերով թմրամիջոցներ կամ հոգեմետ նյութեր ապoրինի պատրաuտելը, վերամշակելը, ձեռք բերելը, պահելը, փոխադրելը կամ առաքելը։ Նույն հոդվածի 2-րդ մասին 1-ին կետի համաձայն հանցագործություն են համարում և առավելագույնը երեք տարի ժամկետով ազատազրկման ձևով պատիժ են նախատեսում նույն արարքները, որոնք կատարվել են կրկին անգամ։
Համաձայն 18.04.2003թ. ընդունված ՀՀ քրեական օրենսգրքի` թմրամամիջոցների և հոգեմետ նյութերի զգալի, խոշոր և առանձնապես խոշոր չափերը սահմանող հավելվածի 6-րդ տողի` Բուպրենորֆինի զգալի չափ է համարվում 0,002 գրամ չափից մինչև 0,02 գրամը ներառյալ, իսկ մինչդատական վարույթն իրականացնող մարմնի կողմից հաստատված փաստական հանգամանքի համաձայն ՀՀ ԱՆ «Նուբարաշեն» քրեակատարողական հիմնարկի աշխատակիցների կողմից Հայկ Հենրիկի Պետրոսյանի համար նախատեսված հանձնուքի զննությամբ հայտնաբերված փոշեզանգվածն իր բաղադրության մեջ պարունակել է 0,0067 գրամ քաշով «Բուպրենորֆին» տեսակի թմրամիջոց։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առում, որ ամբաստանյալն ընդունել է մեղքը և զղջացել է կատարածի համար, իսկ վերջինիս պատասխանատվությունը և պատիժը ծանրացնող հանգամանքները բացակայում են։
Դատարանը վերոգրյալները հաշվի առնելով, գտնում է, որ ամբաստանյալ Հայկ Հենրիկի Պետրոսյանի նկատմամբ պետք է ազատազրկման ձևով պատիժ նշանակել, սակայն հաշվի առնելով, որ վերջինս Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 27.07.2010թ. հմ. ԵԷԴ/0063/01/10 դատավճռով ՀՀ քրեական օրենսգրքի 268 հոդվածի 2-րդ մասի 1-ին և 2-րդ կետերով, 266 հոդվածի 4-րդ մասով և 66 հոդվածի կիրառմամբ դատապարտվել է ազատազրկման 2 /երկու/ տարի ժամկետով և տուգանքով 100.000 /մեկ հարյուր հազար/ ՀՀ դրամի չափով և պատժի սկիզբը հաշվարկվել է 23.01.2010թ-ից, գտնում է, որ պետք է կիրառել ՀՀ քրեական օրենսգրքի 67 հոդվածի 1-ին, 4-րդ մասերի և 68 հոդվածի դրույթները և Հայկ Հենրիկի Պետրոսյանի նկատմամբ նոր նշանակվող պատժին մասնակիորեն գումարել նախորդ դատավճռով նշանակված ազատազրկման ձևով պատժի չկրած` 11 /տասնմեկ/ ամիս 13 /տասներեք/ օր մասից 6 /վեց/ ամիսը և 100.000 /մեկ հարյուր հազար/ ՀՀ դրամի չափով տուգանքը։
Դատարանը քննարկելով ամբաստանյալ Հայկ Պետրոսյանի նկատմամբ բժշկական բնույթի հարկադրանքի միջոց կիրառելու հարցը և հաշվի առնելով, որ դատանարկոլոգիական փորձաքննության թիվ 69/10 եզրակացության համաձայն Հայկ Հենրիկի Պետրոսյանը տառապում է ափիոնային թմրամոլությամբ և հարկադիր բուժման կարիք, ուստի դատարանը գտնում է, որ անհրաժեշտ է Հայկ Հենրիկի Պետրոսյանի նկատմամբ բժշկական բնույթի հարկադրանքի միջոցներ կիրառել։
Քննարկելով իրեղեն ապացույց ճանաչված 0,0067 գրամ քաշով «Բուպրենորֆին» տեսակի թմրամիջոցի տնօրինման հարցը, դատարանը գտնում է, որ այն պետք ոչնչացնել, սակայն հաշվի առնելով, որ վերջինս իրեղեն ապացույց է ճանաչվել սույն` հմ. ԵԷԴ/0157/01/10 /նախաքննության համարը 12140010/ քրեական գործով, սակայն առկա է անհայտ անձի կողմից Հայկ Հենրիկի Պետրոսյանին թմրամիջոց իրացնելու վերաբերյալ ՀՀ քրեական օրենսգրքի 266 հոդվածի 2-րդ մասի 3-րդ կետի հատկանիշներով հարուցված և սույն գործից անջատված թիվ 12146710 համարով մաս, որի նախաքննությունը դեռևս ավարտված չէ և իրեղեն ապացույց ճանաչված «Բուպրենորֆին» տեսակի թմրամիջոցի առարկայական առկայությունը կարող է կարևոր ապացուցողական նշանակություն ունենալ քործի օբյեկտիվ և բազմակողմանի քննության համար, գտնում է, որ սույն դատավճիռն օրինական ուժի մեջ մտնելուց հետո 0,0067 գրամ քաշով «Բուպրենորֆին» տեսակի թմրամիջոցը պետք է ի պահ հանձնել թիվ 12146710 քրեական գործի նախաքննությունն իրականացնող` ՀՀ Ոստիկանության քննչական գլխավոր վարչության Էրեբունու քննչական բաժնին, իսկ թմրամիջոցի ոչնչացումն իրականացնել թիվ 12146710 քրեական գործով վերջնական դատական ակտ կայացվելուց հետո։
Ելնելով վերոգրյալներից և ղեկավարվելով ՀՀ Քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց

Հայկ Հենրիկի Պետրոսյանին մեղավոր ճանաչել ՀՀ Քրեական օրենսգրքի 34-268 հոդվածի 2-րդ մասի 1-ին կետով և դատապարտել ազատազրկման` 1 /մեկ/ տարի, 6 /վեց/ ամիս ժամկետով։
ՀՀ Քրեական օրենսգրքի 67 հոդվածի 1-ին և 4-րդ մասերի կիրառմամբ նոր նշանակված պատժին մասնակիորեն գումարել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 27.07.2010թ. հմ.ԵԷԴ/0063/01/10 դատավճռով նշանակված ազատազրկման ձևով պատժի չկրած մասը և 100.000 /մեկ հարյուր հազար/ ՀՀ դրամի չափով տուգանքն ու վերջնական պատիժ նշանակել ազատազրկում 2 /երկու/ տարի ժամկետով և տուգանքով 100.000 /մեկ հարյուր հազար/ ՀՀ դրամի չափով։
Պատժի սկիզբը հաշվել 2011թ-ի փետրվարի «09»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
ՀՀ Քրեական օրենսգրքի 97 հոդվածի համաձայն Հայկ Հենրիկի Պետրոսյանի նկատմամբ նշանակել թմրամոլության դեմ բժշկական հարկադրանքի միջոցներ։
Դատավճիռն օրինական ուժի մեջ մտնելուց հետո իրեղեն ապացույց ճանաչված 0,0067 գրամ քաշով «Բուպրենորֆին» տեսակի թմրամիջոցն ի պահ հանձնել ՀՀ Ոստիկանության քննչական գլխավոր վարչության Էրեբունու քննչական բաժնին, իսկ թիվ 12146710 քրեական գործով վերջնական դատական ակտ կայացվելուց հետո իրեղեն ապացույց ճանաչված 0,0067 գրամ քաշով «Բուպրենորֆին» տեսակի թմրամիջոցը` ոչնչացնել։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։



ԴԱՏԱՎՈՐ Ա. ՕՀԱՆՅԱՆ