Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0149/01/10
2011թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Ս. ԴԱՐԲԻՆՅԱՆ
ՄԵՂԱԴՐՈՂ-ԴԱՏԱԽԱԶ՝ ԱԼ. ՄՈւՐԱԴՅԱՆ
ՀԱՆՐԱՅԻՆ ՊԱՇՏՊԱՆ` Ս. ՀԱՐՈւԹՅՈւՆՅԱՆ


2011թ. Հունվարի «11»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն, ըստ մեղադրանքի՝ Ալեքսանդր Ռաֆայելի Վանեցյանի /ծնված՝ 09.09.1980թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին ոչ ոք, նախկինում դատապարտված` Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 29.06.2010թ. դատավճռով ՀՀ քր. օր-ի 131 հոդ-ի 2-րդ մասի 2-րդ, 3-րդ, 7-րդ կետերով, 138 հոդ-ի 1-ին մասով, 175 հոդ-ի 2-րդ մասի 4-րդ կետով և 66 հոդ-ի կիրառմամբ դատապարտվել է ազատազրկման 8 /ութ/ տարի ժամկետով` առանց գույքի բռնագրավման, պատժի սկիզբը հաշվարկվել է 11.06.2009թ-ից/, պատիժը չկրած, բնակվել է ՀՀ Լոռու մարզի Այրում գյուղում, ներկայումս ՀՀ ԱՆ «Նուբարաշեն» քրեակատարողական հիմնարկության դատապարտյալ/։
Սույն գործով արգելանքի միջոց չի կիրառվել։
Մեղադրվում է ՀՀ Քրեական օրենսգրքի 34-268 հոդվածի 2-րդ մասի 2-րդ կետով։


1. Գործի դատավարական նախապատմությունը


ՀՀ ԱՆ «Նուբարաշեն» քրեակատարողական հիմնարկ խոշոր չափի թմրամիջոց իրացնելու դեպքի առթիվ 02.08.2010թ-ին ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 266 հոդվածի 2-րդ մասի 2-րդ, 3-րդ կետերի և 34-268 հոդվածի 2-րդ մասի 2-րդ կետի հատկանիշներով հարուցվել է թիվ 12127810 քրեական գործը։
23.09.2010թ. որոշմամբ Ալեքսանդր Ռաֆայելի Վանեցյանը որպես մեղադրյալ է ներգրավվել և նրան մեղադրանք է առաջադրվել ՀՀ Քրեական օրենսգրքի 34-268 հոդվածի 2-րդ մասի 2-րդ կետով այն բանի համար, որ. «2009թ. հունիսի «11»-ին ՀՀ քր. օր-ի 138 հոդվածի 1-ին մասով և 175 հոդվածի 2-րդ մասի 4-րդ կետով նախատեսված հանցավոր արարքները կատարելու համար կալանավորված լինելով և կալանքը ՀՀ ԱՆ «Նուբարաշեն» քրեակատարողական հիմնարկում կրելու ընթացքում 2010թ. հուլիսի «26»-ին գործով չպարզված Կարեն անունով անձնավորությունից, առանց իրացնելու նպատակի, իր գործածման համար փորձել է ապօրինի ձեռք բերել խոշոր չափերի` 0,024 գրամ քաշով «Բուպրենորֆին» տեսակի թմրամիջոց, սակայն քրեակատարողական հիմնարկի աշխատակիցները Մամիկոն Պապիկի Հովհաննիսյանի կողմից բերված հանձնուքի զննությամբ «քամեյ» տեսակի օճառի միջից հայտնաբերել են թմրամիջոցը և հանցագործությունն ավարտին չի հասցվել Ա.Վանեցյանի կամքից անկախ հանգամանքներով»։
15.11.2010թ. որոշմամբ անհայտ անձի կողմից Ալեքսանդր Վանեցյանին խոշոր չափի` 0,024 գրամ քաշով «Բուպրենորֆին» տեսակի թմրամիջոց իրացնելու վերաբերյալ գործի մասն անջատվել է սույն` թիվ 12127810 քրեական գործից, որին շնորհվել է թիվ 12144310 համարը։
Քրեական գործը 16.11.2010թ. կազմված և 18.11.2010թ. հաստատված մեղադրական եզրակացությամբ 23.11.2010թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Արագացված դատական քննություն

Ամբաստանյալ Ալեքսանդր Ռաֆայելի Վանեցյանը խորհրդակցելով իր պաշտպան` հանրային պաշտպանի գրասենյակի փաստաբան Սիրանուշ Հարությունյանի հետ, դատարանին արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Ալ.Մուրադյանն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշեց կիրառել դատական քննության արագացված կարգ։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Ալեքսանդր Վանեցյանը կատարել է արարք, որը նախատեսված է ՀՀ Քրեական օրենսգրքի 34-268 հոդվածի 2-րդ մասի 2-րդ կետով, որով և պետք է ենթարկվի քրեական պատասխանատվության։

3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 34 հոդվածի համաձայն` հանցափորձ է համարվում ուղղակի դիտավորությամբ կատարված այն գործողությունը /անգործությունը/, որն անմիջականորեն ուղղված է հանցանք կատարելուն, եթե հանցագործությունն ավարտին չի հասցվել անձի կամքից անկախ հանգամանքներով։
ՀՀ Քրեական օրենսգրքի 268 հոդվածի 1-ին մասի համաձայն հանցագործություն է համարվում` առանց իրացնելու նպատակի զգալի չափերով թմրամիջոցներ կամ հոգեմետ նյութեր ապoրինի պատրաuտելը, վերամշակելը, ձեռք բերելը, պահելը, փոխադրելը կամ առաքելը։ Նույն հոդվածի 2-րդ մասին 2-րդ կետի համաձայն հանցագործություն են համարում և առավելագույնը երեք տարի ժամկետով ազատազրկման ձևով պատիժ են նախատեսում նույն արարքները, որոնք կատարվել են խոշոր չափով։
Համաձայն 18.04.2003թ. ընդունված ՀՀ քրեական օրենսգրքի` թմրամամիջոցների և հոգեմետ նյութերի զգալի, խոշոր և առանձնապես խոշոր չափերը սահմանող հավելվածի 6-րդ տողի` Բուպրենորֆինի խոշոր չափ է համարվում 0,02 գրամը գերազանցող չափից մինչև 0,2 գրամը ներառյալ, իսկ մինչդատական վարույթն իրականացնող մարմնի կողմից հաստատված փաստական հանգամանքի համաձայն ՀՀ ԱՆ «Նուբարաշեն» քրեակատարողական հիմնարկի աշխատակիցների կողմից հանձնուքի զննությամբ հայտնաբերված թմրամիջոցը հանդիսացել է 0,024 գրամ քաշով «Բուպրենորֆին» տեսակի թմրամիջոց։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առում, որ ամբաստանյալն ընդունել է մեղքը և զղջացել է կատարածի համար, իսկ վերջինիս պատասխանատվությունը և պատիժը ծանրացնող հանգամանքները բացակայում են։
Դատարանը վերոգրյալները հաշվի առնելով, գտնում է, որ ամբաստանյալ Ալեքսանդր Ռաֆայելի Վանեցյանի նկատմամբ պետք է ազատազրկման ձևով պատիժ նշանակել, սակայն հաշվի առնելով, որ վերջինս Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 29.06.2010թ. դատավճռով ՀՀ քրեական օրենսգրքի 131 հոդվածի 2-րդ մասի 2-րդ, 3-րդ, 7-րդ կետերով, 138 հոդվածի 1-ին մասով, 175 հոդվածի 2-րդ մասի 4-րդ կետով և 66 հոդվածի կիրառմամբ դատապարտվել է ազատազրկման 8 /ութ/ տարի ժամկետով` առանց գույքի բռնագրավման և պատժի սկիզբը հաշվարկվել է 11.06.2009թ-ից, գտնում է, որ պետք է կիրառել ՀՀ քրեական օրենսգրքի 67 հոդվածի 1-ին և 4-րդ մասերի դրույթները և Ալեքսանդր Վանեցյանի նկատմամբ նոր նշանակվող պատժին մասնակիորեն գումարել նախորդ դատավճռով նշանակված ազատազրկման ձևով պատժի չկրած` 6 /վեց/ տարի, 5 /հինգ/ ամիս, մասից 6 /վեց/ տարին։
Դատարանը քննարկելով ամբաստանյալ Ալեքսանդր Վանեցյանի նկատմամբ բժշկական բնույթի հարկադրանքի միջոց կիրառելու հարցը և հաշվի առնելով, որ դատանարկոլոգիական փորձաքննության թիվ 301/10 եզրակացության համաձայն Ալեքսանդր Ռաֆայելի Վանեցյանը թմրամոլությամբ չի տառապում և հարկադիր բուժման կարիք չունի, ուստի գտնում է, որ բացակայում է Ալեքսանդր Ռաֆայելի Վանեցյանի նկատմամբ բժշկական բնույթի հարկադրանքի միջոց կիրառելու անհրաժեշտությունը։
Քննարկելով իրեղեն ապացույց ճանաչված 0,024 գրամ քաշով «Բուպրենորֆին» տեսակի թմրամիջոցի տնօրինման հարցը, դատարանը գտնում է, որ այն պետք ոչնչացնել, սակայն հաշվի առնելով, որ վերջինս իրեղեն ապացույց է ճանաչվել սույն` հմ. ԵԷԴ0149/01/10 /նախաքննության համարը 12127810/ քրեական գործով, սակայն առկա է անհայտ անձի կողմից Ալեքսանդր Վանեցյանին թմրամիջոց իրացնելու վերաբերյալ սույն գործից անջատված թիվ 12144310 համարով մաս, որի նախաքննությունը դեռևս ավարտված չէ և իրեղեն ապացույց ճանաչված «Բուպրենորֆին» տեսակի թմրամիջոցի առարկայական առկայությունը կարող է կարևոր ապացուցողական նշանակություն ունենալ քործի օբյեկտիվ և բազմակողմանի քննության համար, գտնում է, որ սույն դատավճիռն օրինական ուժի մեջ մտնելուց հետո 0,024 գրամ քաշով «Բուպրենորֆին» տեսակի թմրամիջոցը պետք է ի պահ հանձնել թիվ 12144310 քրեական գործի նախաքննությունն իրականացնող` ՀՀ Ոստիկանության քննչական գլխավոր վարչության Էրեբունու քննչական բաժնին, իսկ թմրամիջոցի ոչնչացումն իրականացնել թիվ 12144310 քրեական գործով վերջնական դատական ակտ կայացվելուց հետո։
Ելնելով վերոգրյալներից և ղեկավարվելով ՀՀ Քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց

Ալեքսանդր Ռաֆայելի Վանեցյանին մեղավոր ճանաչել ՀՀ Քրեական օրենսգրքի 34-268 հոդվածի 2-րդ մասի 2-րդ կետով և դատապարտել ազատազրկման` 1 /մեկ/ տարի, 6 /վեց/ ամիս ժամկետով։
ՀՀ Քրեական օրենսգրքի 67 հոդվածի 1-ին և 4-րդ մասերի կիրառմամբ նոր նշանակված պատժին մասնակիորեն գումարել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 29.06.2010թ. դատավճռով նշանակված ազատազրկման ձևով պատժի չկրած մասը և վերջնական պատիժ նշանակել ազատազրկում 7 /յոթ/ տարի, 6 /վեց/ ամիս ժամկետով։
Պատժի սկիզբը հաշվել 2011թ-ի հունվարի «11»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռն օրինական ուժի մեջ մտնելուց հետո իրեղեն ապացույց ճանաչված 0,024 գրամ քաշով «Բուպրենորֆին» տեսակի թմրամիջոցն ի պահ հանձնել ՀՀ Ոստիկանության քննչական գլխավոր վարչության Էրեբունու քննչական բաժնին, իսկ թիվ 12144310 քրեական գործով վերջնական դատական ակտ կայացվելուց հետո իրեղեն ապացույց ճանաչված 0,024 գրամ քաշով «Բուպրենորֆին» տեսակի թմրամիջոցը ոչնչացնել։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։



ԴԱՏԱՎՈՐ Ա. ՕՀԱՆՅԱՆ