Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0145/01/10
2011թ.
ք. Երևան
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Ս. ԴԱՐԲԻՆՅԱՆ
ՄԵՂԱԴՐՈՂ-ԴԱՏԱԽԱԶ՝ ԱԼ. ՄՈւՐԱԴՅԱՆ
ՀԱՆՐԱՅԻՆ ՊԱՇՏՊԱՆ` Ս. ՀԱՐՈւԹՅՈւՆՅԱՆ

2011թ. Հունվարի «11»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն, ըստ մեղադրանքի՝ Սևակ Վազգենի Սահակյանի /ծնված՝ 27.10.1987թ. ՀՀ Գեղարքունիքի մարզի Վերին Գետաշեն գյուղում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, չամուսնացած, խնամքին ոչ ոք, նախկինում դատապարտված` Գեղարքունիքի մարզի ընդհանուր իրավասության դատարանի 11.06.2010թ. հմ. ԳԴ1/0014/01/10 դատավճռով ՀՀ քր. օր-ի 112 հոդ-ի 1-ի մասով դատապարտվել է ազատազրկման 4 /չորս/ տարի ժամկետով, պատժի սկիզբը հաշվարկվել է 27.04.2010թ-ից/, պատիժը չկրած, բնակվել է ՀՀ Գեղարքունիքի մարզի Վերին Գետաշեն գյուղում, ՀՀ ԱՆ «Նուբարաշեն» քրեակատարողական հիմնարկության դատապարտյալ/։
Սույն գործով արգելանքի միջոց չի կիրառվել։
Մեղադրվում է ՀՀ Քրեական օրենսգրքի 268 հոդվածի 2-րդ մասի 2-րդ կետով։


1. Գործի դատավարական նախապատմությունը


ՀՀ ԱՆ «Նուբարաշեն» քրեակատարողական հիմնարկի թիվ 65 խցում թմրանյութ հայտնաբերելու դեպքի առթիվ 09.09.2010թ-ին ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 266 հոդվածի 2-րդ մասի 2-րդ, 3-րդ կետերի և 268 հոդվածի 2-րդ մասի 2-րդ կետի հատկանիշներով հարուցվել է թիվ 12134710 քրեական գործը։
27.09.2010թ. որոշմամբ Սևակ Վազգենի Սահակյանը որպես մեղադրյալ է ներգրավվել և նրան մեղադրանք է առաջադրվել ՀՀ Քրեական օրենսգրքի 268 հոդվածի 2-րդ մասի 2-րդ կետով այն բանի համար, որ. «ՀՀ քր. օր-ի 112 հոդվածի 1-ին մասով նախատեսված հանցագործություն կատարելու համար Գեղարքունիքի մարզի ընդհանուր իրավասության դատարանի կողմից 11.06.2010թ. դատապարտվել է չորս տարի ժամկետով ազատազրկման և 30.04.2010թ. պատիժը ՀՀ ԱՆ «Նուբարաշեն» քրեակատարողական հիմնարկում կրելու ընթացքում, առանց իրացնելու նպատակի, իր օգտագործման համար ապօրինի ձեռք է բերել և պահել է խոշոր չափի` 0,517 գրամ «Ացետիլացված ափիոն» տեսակի թմրամիջոց։ Այսպես` Ս.Սահակյանը ՀՀ քր. օր-ի 112 հոդվածի 1-ին մասով նախատեսված հանցագործություն կատարելու համար դատապարտվել է չորս տարի ժամկետով ազատազրկման և 30.04.2010թ. պատիժը ՀՀ ԱՆ «Նուբարաշեն» քրեակատարողական հիմնարկի թիվ 65 խցում կրելու ընթացքում, գործով չպարզված հանգամանքներում, առանց իրացնելու նպատակի, իր օգտագործման համար ապօրինի ձեռք է բերել և պահել է խոշոր չափի` 0,517 գրամ «Ացետիլացված ափիոն» տեսակի թմրամիջոց, որը 2010թ. սեպտեմբերի «02»-ին ժամը «18։15»-ի սահմաններում հայտնաբերվել է ՀՀ ԱՆ «Նուբարաշեն» քրեակատարողական հիմնարկի աշխատակիցների կողմից թիվ 65 խցում կատարած խուզարկության ընթացքում»։
01.11.2010թ. որոշմամբ անհայտ անձի կողմից Սևակ Սահակյանին խոշոր չափի` 0,517 գրամ «Ացետիլացված ափիոն» տեսակի թմրամիջոց իրացնելու վերաբերյալ գործի մասն անջատվել է սույն` թիվ 12134710 քրեական գործից, որին շնորհվել է թիվ 12142210 համարը։ Իրեղեն ապացույց ճանաչված «Ացետիլացված ափիոն» տեսակի թմրամիջոցով լցված երկու հատ ներարկիչները և «Ացետիլացված ափիոն» տեսակի թմրամիջոցի պարունակությամբ մեկ հատ մետաղյա բաժակն ու բամբակյա խծուծը կցվել են անջատված` թիվ 12142210 քրեական գործին։
Քրեական գործը 04.11.2010թ. կազմված և 10.11.2010թ. հաստատված մեղադրական եզրակացությամբ 16.11.2010թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։


2. Արագացված դատական քննություն




Ամբաստանյալ Սևակ Վազգենի Սահակյանը խորհրդակցելով իր պաշտպան` հանրային պաշտպանի գրասենյակի փաստաբան Սիրանուշ Հարությունյանի հետ, դատարանին արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Ալ.Մուրադյանն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշեց կիրառել դատական քննության արագացված կարգ։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Սևակ Սահակյանը կատարել է արարք, որը նախատեսված է ՀՀ Քրեական օրենսգրքի 268 հոդվածի 2-րդ մասի 2-րդ կետով, որով և պետք է ենթարկվի քրեական պատասխանատվության։


3. Դատարանի իրավական վերլուծությունը




Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 18 հոդվածի 1-ին մասի դրույթների համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է քրեական oրենuգրքով։
ՀՀ Քրեական օրենսգրքի 268 հոդվածի 1-ին մասի համաձայն հանցագործություն է համարվում` առանց իրացնելու նպատակի զգալի չափերով թմրամիջոցներ կամ հոգեմետ նյութեր ապoրինի պատրաuտելը, վերամշակելը, ձեռք բերելը, պահելը, փոխադրելը կամ առաքելը։ Նույն հոդվածի 2-րդ մասին 2-րդ կետի համաձայն հանցագործություն է համարում և առավելագույնը երեք տարի ժամկետով ազատազրկման ձևով պատիժ է նախատեսվում նույն արարքի համար, որը կատարվել է խոշոր չափերով, որպիսի հատկանիշ և առկա է ամբաստանյալ Սևակ Սահակյանի արարքում։
Համաձայն 18.04.2003թ. ընդունված ՀՀ քրեական օրենսգրքի` թմրամամիջոցների և հոգեմետ նյութերի զգալի, խոշոր և առանձնապես խոշոր չափերը սահմանող հավելվածի 3-րդ տողի` ացետիլացված ափիոնի, այդ թվում ուղեկցող նյութերի առկայությամբ, անկախ դրանց դեղագործական բնութագրերից, խոշոր չափ է համարվում 0,2 գրամից մինչև 5,0 գրամը, իսկ մինչդատական վարույթն իրականացնող մարմնի կողմից հաստատված փաստական հանգամանքի համաձայն Սևակ Սահակյանի կողմից ձեռք բերված, պահված և խուզարկությամբ հայտնաբերված «Ացետիլացված ափիոն» տեսակի թմրամիջոցը կազմել է 0,517 գրամ։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով, իսկ ՀՀ Քրեական օրենսգրքի 48 հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Դատարանը հաշվի է առում, որ ամբաստանյալն ընդունել է մեղքը և զղջացել է կատարածի համար և բացակայում են վերջինիս պատասխանատվությունը և պատիժը ծանրացնող հանգամանքները։
Դատարանը վերոգրյալները հաշվի առնելով, գտնում է, որ ամբաստանյալ Սևակ Վազգենի Սահակյանի նկատմամբ պետք է ազատազրկման ձևով պատիժ նշանակել, սակայն նկատի ունենալով, որ վերջինս Գեղարքունիքի մարզի ընդհանուր իրավասության դատարանի 11.06.2010թ. հմ. ԳԴ1/0014/01/10 դատավճռով ՀՀ քրեական օրենսգրքի 112 հոդվածի 1-ին մասով դատապարտվել է ազատազրկման 4 /չորս/ տարի ժամկետով և պատժի սկիզբը հաշվարկվել է 27.04.2010թ-ից, գտնում է, որ պետք է կիրառել ՀՀ քրեական օրենսգրքի 67 հոդվածի 1-ին և 4-րդ մասերի դրույթները և Սևակ Սահակյանի նկատմամբ նոր նշանակվող պատժին մասնակիորեն գումարել նախորդ դատավճռով նշանակված ազատազրկման ձևով պատժի չկրած` 3 /երեք/ տարի, 3 /երեք/ ամիս 15 /տասնհինգ/ օր մասից, 2 /երկու/ տարի 10 /տաս/ ամիսը։
Ելնելով վերոգրյալներից և ղեկավարվելով ՀՀ Քրեական դատավարության օրենսգրքի 357-360, 3753 հոդվածներով, դատարանը
Վ Ճ Ռ Ե Ց


Սևակ Վազգենի Սահակյանին մեղավոր ճանաչել ՀՀ Քրեական օրենսգրքի 268 հոդվածի 2-րդ մասի 2-րդ կետով և դատապարտել ազատազրկման` 1/մեկ/ տարի, 8/ութ/ ամիս ժամկետով։
ՀՀ Քրեական օրենսգրքի 67 հոդվածի 1-ին և 4-րդ մասերի կիրառմամբ նոր նշանակված պատժին մասնակիորեն գումարել Գեղարքունիքի մարզի ընդհանուր իրավասության դատարանի 11.06.2010թ. հմ. ԳԴ1/0014/01/10 դատավճռով նշանակված ազատազրկման ձևով պատժի չկրած մասը և վերջնական պատիժ նշանակել ազատազրկում 4 /չորս/ տարի, 6 /վեց/ ամիս ժամկետով։
Պատժի սկիզբը հաշվել 2011թ-ի հունվարի «11»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։

ԴԱՏԱՎՈՐ Ա. ՕՀԱՆՅԱՆ