Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0143/01/10
2010թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Ս. ԴԱՐԲԻՆՅԱՆ
ՄԵՂԱԴՐՈՂ-ԴԱՏԱԽԱԶ՝ ԱԼ. ՄՈւՐԱԴՅԱՆ

2010թ. Դեկտեմբերի «27»-ին, Երևան քաղաքում.
Դռնբաց դատական նիստում քննեց քրեական գործն, ըստ մեղադրանքի՝ Հակոբ Գուրգենի Կարապետյանի /ծնված՝ 09.01.1973թ. ՀՀ Արագածոտնի մարզի Աշտարակ քաղաքում, ազգությամբ հայ, Հայաստանի Հանրապետության քաղաքացի, 8-ամյա կրթությամբ, ամուսնալուծված, խնամքին ոչ ոք, նախկինում դատապարտված /1. Երևանի Շենգավիթ շրջանի ժողդատարանի 17.06.1996թ. դատավճռով ՀՀ նախկին քր. օր-ի 86 հոդ-ի 4-րդ մասով դատապարտվել է ազատազրկման 6 /վեց/ տարի ժամկետով, 22.04.1998թ. որոշմամբ նրա արարքը ՀՀ նախկին քր. օր-ի 86 հոդ-ի 4-րդ մասից վերաորակվել է 86 հոդ-ի 2-րդ մաս և պատիժ է նշանակվել ազատազրկում 2 երկու/ տարի 6 /վեց/ ամիս ժամկետով, ՀՀ ԱԺ 26.09.1995թ. որոշման կիրառմամբ ազատվել է պատժի կրումից,
2. Երևանի Շենգավիթ համայնքի առաջին ատյանի դատարանի 27.04.2000թ. դատավճռով ՀՀ նախկին քր. օր-ի 87 հոդ-ի 2-րդ մասով, 89 հոդ-ի 2-րդ մասով և 37 հոդվածի կիրառմամբ դատապարտվել է ազատազրկման 4 /չորս/ տարի ժամկետով,
3. Երևանի Արաբկիր և Քանաքեռ-Զեյթուն համայնքների առաջին ատյանի դատարանի 15.01.2002թ. դատավճռով ՀՀ նախկին քր. օր-ի 86 հոդ-ի 2-րդ մասով և 38-39 հոդ-երի կիրառմամբ դատապարտվել է ազատազրկման 5 /հինգ/ տարի ժամկետով,
4. Երևանի Արաբկիր և Քանաքեռ-Զեյթուն համայնքների առաջին ատյանի դատարանի 09.12.2002թ. դատավճռով ՀՀ նախկին քր. օր-ի 173 հոդ-ի 3-րդ մասով և 37 հոդվածի կիրառմամբ դատապարտվել է ազատազրկման 5 /հինգ/ տարի ժամկետով, նույն դատարանի 08.08.2003թ. որոշմամբ դատավճիռներով որակված արարքները համապատասխանեցվել են ՀՀ գործող քրեական օրենսգրքին և 66 հոդ-ի 6-րդ կետի կիրառմամբ վերջնական պատիժ է նշանակվել ազատազրկում 5 /հինգ/ տարի ժամկետով, պատժի կրումից պայմանական վաղաժամկետ ազատվել է 05.02.2004թ-ին,
5. ՀՀ Հյուսիսային քրեական դատարանի 17.12.2008թ. դատավճռով ՀՀ գործող քր. օր-ի 177 հոդ-ի 3-րդ մասի 3-րդ կետով, 235 հոդ-ի 4-րդ մասով և 66 հոդ-ի կիրառմամբ դատապարտվել է
ազատազրկման 5 /հինգ/ տարի ժամկետով` անձնական գույքի բռնագրավմամբ, սակայն ոչ ավել քան 16.000 ՀՀ դրամը,
6. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 20.04.2010թ. հմ. ԵԿԴ/0033/01/10 դատավճռով ՀՀ քր. օր-ի 268 հոդ-ի 2-րդ մասի 2-րդ կետով և 67 հոդ-ի կիրառմամբ դատապարտվել է ազատազրկման 4 /չորս/ տարի, 6 /վեց/ ամիս ժամկետով,
7. Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 23.07.2010թ. հմ.ԵԷԴ/0081/01/10 դատավճռով ՀՀ քր. օր-ի 34-268 հոդ-ի 3-րդ մասով դատապարտվել է ազատազրկման 3 /երեք/ տարի ժամկետով, ՀՀ քր. օր-ի 66 հոդ-ի 6-րդ և 4-րդ մասերի կիրառմամբ վերջնական պատիժ է նշանակվել 6 /վեց/ տարի 6 /վեց/ ամիս ժամկետով, պատժի սկիզբը հաշվարկվել է 17.12.2009թ-ից/,
պատիժը չկրած, բնակվել է ք.Երևան, Իսակովի պողոտայի 44 շենքի, թիվ 4 հասցեի բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի միջոց չի կիրառվել։
Մեղադրվում է ՀՀ Քրեական օրենսգրքի 34-268 հոդվածի 2-րդ մասի 1-ին կետով։
1. Գործի դատավարական նախապատմությունը

ՀՀ ԱՆ «Նուբարաշեն» քրեակատարողական հիմնարկում զգալի չափի` 0,0034 գրամ ընդհանուր քաշով, «Բուպրենորֆին» տեսակի թմրամիջոց հայտնաբերելու դեպքի առթիվ 20.07.2010թ-ին ՀՀ Ոստիկանության ՔԳՎ Էրեբունու քննչական բաժնում ՀՀ Քրեական օրենսգրքի 266 հոդվածի 2-րդ մասի 3-րդ կետով և 34-268 հոդվածի 1-ին մասի հատկանիշներով հարուցվել է թիվ 12126010 քրեական գործը։
14.09.2010թ. որոշմամբ Հակոբ Գուրգենի Կարապետյանը որպես մեղադրյալ է ներգրավվել ՀՀ Քրեական օրենսգրքի 34-268 հոդվածի 2-րդ մասի 1-ին կետով այն բանի համար, որ. «2010թ. հունիս ամսից Էրեբունի և Նուբարաշեն վարչական շրջանների ընդհանուր իրավասության դատարանի կողմից մեղադրվելով ՀՀ քր. օր-ի 34-268 հոդվածի 3-րդ մասով կալանքը ՀՀ ԱՆ «Նուբարաշեն» քրեակատարողական հիմնարկում կրելու ընթացքում փորձել է անձնական օգտագործման համար, առանց իրացնելու նպատակի, կրկին անգամ ձեռք բերել զգալի չափերի 0,0034 գրամ քաշով «Բուպրենորֆին» տեսակի թմրամիջոց, սակայն իր կամքից անկախ հանգամանքներից չի կարողացել իրականացնել իր հանցավոր մտադրությունը։ Այսպես` քննությամբ չպարզված անձից և հանգամանքներում Հակոբ Կարապետյանը 2010թ. հուլիսի «13»-ին, ժամը «15»-ի սահմաններում Էրեբունի և Նուբարաշեն վարչական շրջանների ընդհանուր իրավասության դատարանից վերադառնալիս, ՀՀ ԱՆ «Նուբարաշեն» քրեակատարողական հիմնարկում օգտվելով այն հանգամանքից, որ իրեն ուղեկցողը փաստաթղթեր է լրացնում, մոտեցել է թիվ 55 խցին, այնտեղից ինչ-որ բան վերցրել ու թաքցրել է իր մոտ։ Նկատելով այդ քրեակատարողական հիմնարկի աշխատակիցները վերջինիս ենթարկել են խուզարկության, որի ժամանակ Հ.Կարապետյանի մոտ գտնվող «Նոյ» տեսակի ծխախոտի մեջ թաքցված հայտնաբերվել է մեկ փաթեթ` 0,0034 ընդհանուր քաշով «Բուպրենորֆին» տեսակի թմրամիջոց։
14.10.2010թ. որոշմամբ անհայտ անձի կողմից Հակոբ Կարապետյանին զգալի չափի` 0,0034 գրամ քաշով «Բուպրենորֆին» տեսակի թմրամիջոց իրացնելու վերաբերյալ գործի մասն անջատվել է սույն` թիվ 12126010 քրեական գործից, որին շնորհվել է թիվ 12139410 համարը։ Թիվ 12126010 քրեական գործով իրեղեն ապացույց ճանաչված 0,0034 ընդհանուր քաշով «Բուպրենորֆին» տեսակի թմրամիջոցը կցվել է առանձնացված թիվ 12139410 քրեական գործին։
Քրեական գործը 20.10.2010թ. կազմված և 20.10.2010թ. հաստատված մեղադրական եզրակացությամբ 09.11.2010թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Ապացույցների հետազոտում և գնահատում

Վերլուծելով ու գնահատելով դատաքննության ընթացքում հետազոտված ապացույցները՝ գործի հանգամանքների, մեղադրանքի ապացուցվածության և ամբաստանյալի մեղավորության մասին, դատարանն եկավ հետևության, որ արարքը, որի կատարման մեջ մեղադրվում է ամբաստանյալն՝ ապացուցված է։
Դատարանի հետևությունները հիմնված են դատաքննությամբ հետազոտված հետևյալ ապացույցների վրա։
Վկա` ՀՀ ԱՆ «Նուբարաշեն» քրեակատարողական հիմնարկության օպերատիվ բաժնի առաջատար մասնագետ Գագիկ Արամայիսի Հարությունյանի ցուցմունքով այն մասին, որ 2010թ. հուլիսի 13-ին, երբ գտնվել է աշխատավայրում նկատել է, որ այն ընթացքում, երբ ՀՀ ԱՆ «Նուբարաշեն» քրեակատարողական հիմնարկության աշխատակից Գևորգ Հակոբյանն ուղեկցվող կալանավոր Հակոբ Կարապետյանի խցիկային քարտն է հանձնել, կալանավոր Հակոբ Կարապետյանը մոտեցել է թիվ 55 խցի կերակրադռնակին և ինչ-որ բան վերցնելով դրել է այն գրպանը։ Իր` գրպանի պարունակությունը հանելու պահանջին Հակոբ Կարապետյանը գրպանից հանել է միայն «Մալբորո» տեսակի ծխախոտը և կրակայրիչը։ Սակայն, երբ վերջինիս խուզարկության են ենթարկել նրա գրպանից հայտնաբերել են նաև «Նոյ» տեսակի ծխախոտի տուփ, որի մեջ թաքցրած է եղել փաթեթավորված դեղահատ, ինչն էլ առգրավվել է։
Վկա` ՀՀ ԱՆ «Նուբարաշեն» քրեակատարողական հիմնարկության անվտանգության ապահովման 3-րդ կարգի մասնագետ Ջիվան Վարդգեսի Օհանյանի ցուցմունքով այն մասին, որ 2010թ. հուլիսի 13-ին ՀՀ ԱՆ «Նուբարաշեն» քրեակատարողական հիմնարկության կենտրոնական հավաքակայանի խուզարկության համար նախատեսված խցում խուզարկության է ենթարկել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանից վերադարձած ամբաստանյալ Հակոբ Կարապետյանին, որի մոտից միայն «Մալբորո» տեսակի ծխախոտ և կրակայրիչ է հայտնաբերել, որից հետո Գևորգ Հակոբյանը նրան ուղեկցել է դեպի կալանախուց։ Նույն օրը տեղեկացել է, որ Հակոբ Կարապետյանին կրկին խուզարկության են ենթարկել, որի ընթացքում նրա մոտից հայտնաբերել են մեկ հատ դեղահատ։
Վկա` ՀՀ ԱՆ «Նուբարաշեն» քրեակատարողական հիմնարկության անվտանգության ապահովման բաժնի կրտսեր մասնագետ Գևորգ Սպարտակի Հակոբյանի ցուցմունքով այն մասին, որ 2010թ. հուլիսի 13-ին, Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանից վերադառնալուց հետո ՀՀ ԱՆ «Նուբարաշեն» քրեակատարողական հիմնարկությունում ամբաստանյալ Հակոբ Կարապետյանին հավաքակայանից ուղեկցել է դեպի 3-րդ մասնաշենք` թիվ 41 խուց։ Այն ընթացքում, երբ ինքը խցիկային քարտը հանձնել է ծառայություն իրականացնող Միհրան Ներսիսյանին, Գագիկ Հարությունյանը նկատել է, որ ամբաստանյալ Հակոբ Կարապետյանը մոտեցել է թիվ 55 խցի կերակրադռնակին և ինչ-որ բան վերցնելով դրել է գրպանը։ Այնուհետև, երբ իրենք խուզարկության են ենթարկել Հակոբ Կարապետյանին, վերջինիս գրպանից հայտնաբերել են «Նոյ» տեսակի ծխախոտի տուփ, որի միջից զննությամբ հայտնաբերել են փաթեթավորված հաբ։
Վկա` ՀՀ ԱՆ «Նուբարաշեն» քրեակատարողական հիմնարկության անվտանգության ապահովման բաժնի 2-րդ կարգի մասնագետ Միհրան Ալյոշայի Ներսիսյանի ցուցմունքով այն մասին, որ 2010թ. հուլիսի 13-ին, երբ ծառայության մեջ է գտնվել ՀՀ ԱՆ «Նուբարաշեն» քրեակատարողական հիմնարկության աշխատակից Գևորգ Հակոբյանի ուղեկցությամբ 3-րդ մասնաշենք է մտել ամբաստանյալ Հակոբ Կարապետյանը։ Մյուս աշխատակից Գագիկ Հարությունյանը նկատել է, որ կալանավոր Հակոբ Կարապետյանը մոտեցել է թիվ 55 խցի կերակրադռնակին և ինչ-որ բան վերցնելով դրել է գրպանը։ Երբ Հակոբ Կարապետյանին խուզարկության են ենթարկել նրա գրպանից հայտնաբերել են «Նոյ» տեսակի ծխախոտի տուփ, որի միջից փաթեթավորված դեղահատ են հայտնաբերել, որն առգրավվել են։
Ամբաստանյալ Հակոբ Գուրգենի Կարապետյանը դատաքննությամբ հրաժարվեց ցուցմունքներ տալուց, սակայն կատարած արաքի համար իրեն լիովին մեղավոր ճանաչեց, զղջաց և խնդրեց դատարանին հնարավորինս մեղմ պատիժ նշանակել։
Անձնական զննություն կատարելու վերաբերյալ 13.07.2010թ. կազմված արձանագրությամբ այն մասին, որ 2010թ. հուլիսի «13»-ին, ժամը «15»-ի սահմաններում թիվ 41 խցի կալանավոր Հակոբ Գուրենի Կարապետյանի անձնական զննությամբ տաբատի ձախ գրպանից հայտնաբերվել է «Նոյ» տեսակի ծխախոտի տուփ, որի միջից, երկու կոտրված գլանակների վերջնամասից հայտնաբերվել է պոլիէթիլենային փաթեթով և փայլաթիթեղով փաթեթավորված մեկ հատ «8» նշագրումով հաբ, որն առգրավվել, փաթեթավորվել և կնքվել է։
Թմրանյութերի քրեագիտական փորձաքննության թիվ 23111005 եզրակացության համաձայն փորձաքննության ներկայացված 0,17 գրամ սպիտակ գույնի, օվալաձև դեղահատի կտորը գործարանային արտադրության է և իր բաղադրության մեջ պարունակում է 0,0034 գրամ ընդհանուր քաշով «Բուպրենորֆին» տեսակի թմրամիջոց։
Տոքսիկոքիմիական փորձաքննության թիվ 0503 եզրակացության համաձայն Հակոբ Գուրգենի Կարապետյանից վերցված մեզի փորձանմուշում հայտնաբերվել են ափիոիդային շարքի` բուպրենորֆինի հետքեր։
Համաձայն դատանարկոլոգիական ամբուլատոր փորձաքննության թիվ 288/10 եզրակացության Հակոբ Գուրգենի Կարապետյանը տառապում է «Ափիոնային թմրամոլությամբ» և հարկադիր բուժման կարիք ունի, որի համար հակացուցումներ չկան։
Իրեղեն ապացույց ճանաչված Հակոբ Գուրգենի Կարապետյանի խուզարկությամբ հայտնաբերված «Նոյ» ծխախոտի տուփով։

3. Դատարանի իրավական վերլուծությունը

Դատարանը վերլուծելով դատաքննության ընթացքում հետազոտված ապացույցները, գտնում է, որ գործով փաստերը վկայում են, որ 2010թ. հուլիսի «13»-ին ամբաստանյալ Հակոբ Գուրգենի Կարապետյանը ՀՀ ԱՆ «Նուբարաշեն» քրեակատարողական հիմնարկությունում խուց տեղափոխվելիս օգտվելով այն հանգամանքից, որ իրեն ուղեկցող ՀՀ ԱՆ «Նուբարաշեն» քրեակատարողական հիմնարկության աշխատակիցը զբաղված է խցիկային քարտը հանձնելով, մոտեցել է թիվ 55 խցի կերակրադռնակին և այնտեղից փորձել է անձնական օգտագործման նպատակով ձեռք բերել «Նոյ» ծխախոտի տուփում թաքցրած «Բուպրենորֆին» պարունակող դեղահատ, սակայն քրեակատարողական հիմնարկության անվտանգության ապահովման բաժնի աշխատակիցների կողմից «Նոյ» տեսակի ծխախոտի տուփում թաքցրած թմրադեղը հայտնաբերվել և առգրավվել, ինչի հետևանքով իր կամքին անկախ պատճառներով Հակոբ Կարապետյանն իր հանցավոր մտադրությունն ավարտին հասցնել չի կարողացել։
ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։
ՀՀ Քրեական օրենսգրքի 34 հոդվածի համաձայն` հանցափորձ է համարվում ուղղակի դիտավորությամբ կատարված այն գործողությունը /անգործությունը/, որն անմիջականորեն ուղղված է հանցանք կատարելուն, եթե հանցագործությունն ավարտին չի հասցվել անձի կամքից անկախ հանգամանքներով։
ՀՀ Քրեական օրենսգրքի 268 հոդվածի 1-ին մասի համաձայն հանցագործություն է համարվում` առանց իրացնելու նպատակի զգալի չափերով թմրամիջոցներ կամ հոգեմետ նյութեր ապoրինի պատրաuտելը, վերամշակելը, ձեռք բերելը, պահելը, փոխադրելը կամ առաքելը։ Նույն հոդվածի 2-րդ մասին 1-ին կետի համաձայն հանցագործություն են համարում և առավելագույնը երեք տարի ժամկետով ազատազրկման ձևով պատիժ են նախատեսում նույն արարքները, որոնք կատարվել են կրկին անգամ։
Համաձայն 18.04.2003թ. ընդունված ՀՀ քրեական օրենսգրքի` թմրամամիջոցների և հոգեմետ նյութերի զգալի, խոշոր և առանձնապես խոշոր չափերը սահմանող հավելվածի 6-րդ տողի` Բուպրենորֆինիզգալի չափ է համարվում 0,002 գրամը գերազանցող չափից մինչև 0,02 գրամը ներառյալ։
Այսպիսով, դատարանը գործով ձեռք բերված բոլոր ապացույցները գնահատելով իրենց համակցության մեջ և դրանց բազմակողմանի, լրիվ, օբյեկտիվ քննության վրա հիմնված ներքին համոզմամբ գտնում է, որ Հակոբ Գուրենի Կարապետյանը կատարել է արարք, որը նախատեսված է ՀՀ Քրեական օրենսգրքի 34-268 հոդվածի 2-րդ մասի 1-ին կետով, որով և պետք է ենթարկվի քրեական պատասխանատվության։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առում, որ ամբաստանյալն ընդունել է մեղքը և զղջացել է կատարածի համար, իսկ ամբաստանյալի պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու առանձնապես վտանգավոր ռեցիդիվը։
Դատարանը վերոգրյալները հաշվի առնելով, գտնում է, որ ամբաստանյալ Հակոբ Գուրենի Կարապետյանի նկատմամբ պետք է ազատազրկման ձևով պատիժ նշանակել և նկատի ունենալով, որ վերջինս Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 23.07.2010թ. հմ.ԵԷԴ/0081/01/10 դատավճռով ՀՀ քրեական օրենսգրքի 34-268 հոդվածի 3-րդ մասով դատապարտվել է ազատազրկման 3 /երեք/ տարի ժամկետով, իսկ ՀՀ քրեական օրենսգրքի 66 հոդվածի 4-րդ մասի կիրառմամբ վերջնական պատիժ է նշանակվել 6 /վեց/ տարի 6 /վեց/ ամիս ժամկետով և պատժի սկիզբը հաշվարկվել է 17.12.2009թ-ից, գտնում է, որ պետք է կիրառել ՀՀ քրեական օրենսգրքի 67 հոդվածի 1-ին և 4-րդ մասերի դրույթները և դատավճիռների համակցությամբ Հակոբ Կարապետյանի նկատմամբ նոր նշանակվող պատժին մասնակիորեն գումարել հիշյալ դատավճռով նշանակված ազատազրկման ձևով պատժի չկրած 5 /հինգ/ տարի, 5 /հինգ/ ամիս, 20 /քսան/ օր մասից 5 /հինգ/ տարին։
Քննարկելով ամբաստանյալ Հակոբ Կարապետյանի նկատմամբ բժշկական բնույթի հարկադրանքի միջոց կիրառելու հարցը և հաշվի առնելով, որ դատանարկոլոգիական փորձաքննության եզրակացության համաձայն Հակոբ Գուրգենի Կարապետյանը տառապում է «Ափիոնային թմրամոլությամբ» և հարկադիր բուժման կարիք ունի, ուստի դատարանը գտնում է, որ պետք է կիրառել ՀՀ քրեական օրենսգրքի 97 հոդվածի 1-ին մասի 4-րդ կետի դրույթը և Հակոբ Կարապետյանի նկատմամբ թմրամոլության դեմ հարկադիր բուժում նշանակել։
Քննարկելով իրեղեն ապացույցի հարցը, դատարանը գտնում է, որ իրեղեն ապացույց ճանաչված «Նոյ» ծխախոտի տուփը դատավճիռն օրինական ուժի մեջ մտնելուց հետո պետք է ոչնչացնել։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360 հոդվածներով, դատարանը
Վ Ճ Ռ Ե Ց

Հակոբ Գուրգենի Կարապետյանին մեղավոր ճանաչել ՀՀ Քրեական օրենսգրքի 34-268 հոդվածի 2-րդ մասի 1-ին կետով և դատապարտել ազատազրկման` 1 /մեկ/ տարի 6 /վեց/ ամիս ժամկետով։
ՀՀ Քրեական օրենսգրքի 67 հոդվածի 1-ին և 4-րդ մասերի կիրառմամբ, դատավճիռների համակցությամբ, նոր նշանակված պատժին մասնակիորեն գումարել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 23.07.2010թ. հմ.ԵԷԴ/0081/01/10 դատավճռով նշանակված ազատազրկման ձևով պատժի չկրած մասը և վերջնական պատիժ նշանակել ազատազրկում 6 /վեց/ տարի 6 /վեց/ ամիս ժամկետով։
Պատժի սկիզբը հաշվել 2010թ-ի դեկտեմբերի «27»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
ՀՀ Քրեական օրենսգրքի 97 հոդվածի 1-ին մասի 4-րդ կետի կիրառմամբ Հակոբ Գուրգենի Կարապետյանի նկատմամբ թմրամոլության դեմ հարկադիր բուժում նշանակել։
Դատավճիռն օրինական ուժի մեջ մտնելուց հետո իրեղեն ապացույց ճանաչված «Նոյ» ծխախոտի տուփը` ոչնչացնել։
Դատավճիռը կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։


ԴԱՏԱՎՈՐ Ա. ՕՀԱՆՅԱՆ