ԵԷԴ/0093/01/10

Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը՝

ՆԱԽԱԳԱՀՈւԹՅԱՄԲ ԴԱՏԱՎՈՐ` Ա. ԳԱԲՐԻԵԼՅԱՆ
ՔԱՐՏՈւՂԱՐՈւԹՅԱՄԲ` Լ. ՄԻՐԶՈՅԱՆ

Մասնակցությամբ`

ՄԵՂԱԴՐՈՂ` Ա. ՄՈւՐԱԴՅԱՆ
ՊԱՇՏՊԱՆՆԵՐ` Հ. ԱՐՍԵՆՅԱՆ
Գ. ՀԱԿՈԲՅԱՆ

2010թ. սեպտեմբերի 3-ին դատարանում
Դռնբաց դատական նիստում քննեց քրեական գործն ըստ մեղադրանքի`
1. Սահակ Բաղդասարի Գորոյանի, ծնված 30.07.1972թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատել, նախկինում դատված` Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 06.11.2009թ. դատավճռով ՀՀ քր. օր-ի 266 հոդվածի 3-րդ մասի 2-րդ կետով, 266 հոդվածի 4-րդ մասով և 268 հոդվածի 2-րդ մասի 1-ին կետով, 66 հոդվածի կիրառմամբ դատապարտվել է ազատազրկման` 10 տարի ժամկետով` գույքի կեսի բռնագրավմամբ, սակայն ոչ ավելի 295.000 ՀՀ դրամ գումարից և տուգանք` 200.000 ՀՀ դրամի չափով։ Երևանի Էրեբունի և Նուբարաշեն վարչական շրջանների ընդհանուր իրավասության դատարանի 02.07.2010թ. որոշմամբ 200.000 ՀՀ դրամ տուգանք պատժատեսակը փոխարինվել է հանրային աշխատանքներ պատժատեսակով` 1.000 ժամ ժամկետով, բնակվել է ք.Երևան 1-ին Արհեստավորների 6 տանը, ներկայումս ՀՀ ԱՆ «Նուբարաշեն» քրեակատարողական հիմնարկի դատապարտյալ։
Մեղադրվում է ՀՀ քր. օր-ի 34-268 հոդվածի 2-րդ մասի 1-ին և 2-րդ կետերով։
2. Անահիտ Վարդանի Միրզոյանի, ծնված 28.09.1976թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատել, նախկինում չդատված, բնակվում է ք.Երևան 1-ին Արհեստավորների 6 տանը։
Մեղադրվում է ՀՀ քր. օր-ի 34-38-268 հոդվածի 2-րդ մասի 1-ին և 2-րդ կետերով։
Սույն գործով կալանքի տակ չի եղել։
3. Մերի Արտաշեսի Գասպարյանի, ծնված 29.03.1979թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատել, նախկինում չդատված, բնակվում է ք.Երևան Լիսինյան 4/8 տանը։
Մեղադրվում է ՀՀ քր. օր-ի 34-38-268 հոդվածի 2-րդ մասի 1-ին և 2-րդ կետերով։
Սույն գործով կալանքի տակ չի եղել։
Դատաքննությամբ և գործի տվյալներով պարզվեց հետևյալը.
Սահակ Բաղդասարի Գորոյանը Երևանի Կենտրոն և Նորք-Մարաշ վարչական շրջանների ընդհանուր իրավասութայն դատարանի 2009թ. նոյեմբերի 6-ի դատավճռով ՀՀ քր. օր-ի 266 հոդվածի 3-րդ մասի 2-րդ կետով և 266 հոդվածի 4-րդ մասով դատապարտվել է ազատազրկման` 10 տարի ժամկետով և պատիժը կրել է ՀՀ ԱՆ «Նուբարաշեն» ՔԿ հիմնարկի թիվ 06 խցում։
Մերի Արտաշեսի Գասպարյանի ամուսին Հրայր Հարությունի Հովսեփյանը Երևանի քրեական դատարանի 2008թ. դեկտեմբերի 4-ի դատավճռով ՀՀ քր. օր-ի 268 հոդվածի 3-րդ մասով դատապարտվել է ազատազրկման` 2 տարի ժամկետով և պատիժը կրել է Սահակ Գորոյանի հետ միասին` ՀՀ ԱՆ «Նուբարաշեն» ՔԿ հիմնարկի թիվ 06 խցում։
2009թ. հուլիս ամսին ամուսիններին ՀՀ ԱՆ «Նուբարաշեն» ՔԿ հիմնարկ հանձնուք տանելիս Անահիտ Միրզոյանը և Մերի Գասպարյանը ծանոթացել են միմյանց հետ և մտերմություն արել։
Սահակ Գորոյանը 2010թ. մարտի 5-ին անհայտ անձից ցանկացել է առանց իրացնելու նպատակի ձեռք բերել խոշոր չափի` 4.45 գրամ «ացետիլացված ափիոն» տեսակի թմրամիջոց, և այդ նպատակով նույն օրը, ժամը 1300-ի սահմաններում քննությամբ չպարզված անձից խնդրել է իրեն փոխանցելու համար նշված թմրանյութով փաթեթը Երևան քաղաքի Բուռնազյան փողոցի թիվ 21 տան բնակիչ, տաքսի ավտոմեքենայի վարորդ Ալեքսան Գրիգորյանի միջոցով հանձնել ՀՀ ԱՆ «Նուբարաշեն» ՔԿ հիմնարկի թիվ 6 խցում իր հետ պատիժը կրող դատապարտյալ Հրայր Հարությունի Հովսեփյանի կին` Մերի Գասպարյանին, որը բնակվել է Ալեքսան Գրիգորյանի տան հարևանությամբ` Լիսինյան փողոցի թիվ 4/8 տանը։ 05.03.2010թ. քննությամբ չպարզված անձը զանգահարել է Ալեքսան Գրիգորյանին, և վերջինիս հետ հանդիպելով «Սասունցի Դավիթ» արձանի կայարանամերձ հրապարակում, 1.000 ՀՀ դրամ վճարի դիմաց խնդրել է նշված փաթեթը հանձնել Մերի Գասպարյանին` Ալեքսան Գրիգորյանից գաղտնի պահելով փաթեթում թմրամիջոցի առկայության հանգամանքը։ Ալեքսան Գրիգորյանը նույն օրը գնացել է Մերի Գասպարյանի տուն և վերջինիս հանձնել իրեն փոխանցած փաթեթը։
Նշված թմրամիջոցով փաթեթը ՀՀ ԱՆ «Նուբարաշեն» ՔԿ հիմնարկ տեղափոխելու համար Սահակ Գորոյանը զանգահարել է կնոջը` Անահիտ Միրզոյանին և խնդրել է գնալ Մերի Գասպարյանի տուն, նրանից վերցնել թմրամիջոցով փաթեթը, այն տեղավորել հեշտոցի մեջ, ու տեղափոխելով ՀՀ ԱՆ «Նուբարաշեն» ՔԿ հիմնարկ` տեսակցության ժամանակ հանձնել իրեն։
Անահիտ Միրզոյանը, ցանկանալով օժանդակել ամուսնուն` խոշոր չափի «ացետիլացված ափիոն» տեսակի թմրամիջոց ապօրինի ձեռք բերելու հարցում, գնացել է Մերի Գասպարյանի տուն, որտեղ իմանալով փաթեթի իրական պարունակության մասին, Մերի Գասպարյանի օժանդակությամբ թաքցրել է փաթեթը իր հեշտոցում` այդպիսով փորձելով վերացնել թմրանյութը ՔԿ հիմնարկ ապօրինի առաքելու և ամուսնուն հանձնելու խոչընդոտները, գնացել է ՀՀ ԱՆ «Նուբարաշեն» ՔԿ հիմնարկ։
2010թ. մարտի 5-ին, ժամը 1630-ի սահմաններում ՀՀ ԱՆ «Նուբարաշեն» ՔԿ հիմնարկի թիվ 6 խցի դատապարտյալ Սահակ Գորոյանին տեսակցության այցելած Անահիտ Միրզոյանի անձնակն խուզարկությմբ վերջինիս հեշտոցի միջից հայտնաբերվել է վերը նշված խոշոր չափի` 4.45 գրամ «ացետիլացված ափիոն» տեսակի թմրամիջոցը և Սահակ Գորոյանը հանցագործությունն ավարտին չի հասցրել իր կամքից անկախ հանգամանքներով։
Վերը նշված հանցավոր արարքների կատարման համար Սահակ Բաղդասարի Գորոյանին մեղադրանք է առաջադրվել ՀՀ քր. օր-ի 34-268 հոդվածի 2-րդ մասի 1-ին և 2-րդ կետերով, Անահիտ Վարդանի Միրզոյանին` ՀՀ քր. օր-ի 34-38-268 հոդվածի 2-րդ մասի 1-ին և 2-րդ կետերով, իսկ Մերի Արտաշեսի Գասպարյանին` ՀՀ քր. օր-ի 34-38-268 հոդվածի 2-րդ մասի 1-ին և 2-րդ կետերով։
Դատաքննությամբ առաջադրված մեղադրանքում ամբաստանյալ Սահակ Գորոյանն իրեն լիովին մեղավոր ճանաչեց և ցուցմունք է տվեց այն մասին, որ 2010թ. մարտի 5-ին անհայտ անձից ցանկացել է առանց իրացնելու նպատակի ձեռք բերել խոշոր չափի` 4.45 գրամ «ացետիլացված ափիոն» տեսակի թմրամիջոց, և այդ նպատակով նույն օրը, ժամը 1300-ի սահմաններում անհայտ անձին խնդրել է իրեն փոխանցելու համար նշված թմրանյութով փաթեթը հանձնել ՀՀ ԱՆ «Նուբարաշեն» ՔԿ հիմնարկի թիվ 6 խցում իր հետ պատիժը կրող դատապարտյալ Հրայր Հարությունի Հովսեփյանի կնոջը` Մերի Գասպարյանին։ Նույն օրը զանգահարել է կնոջը` Անահիտ Միրզոյանին և խնդրել է գնալ Մերի Գասպարյանի տուն, նրանից վերցնել մի փաթեթ, ապա ՔԿ հիմնարկի աշխատկիցների կողմից այն չհայտնաբերելու համար, տեղավորի հեշտոցի մեջ և տեսակցության ժամանակ փոխանցի իրեն։ Ինքը կնոջը չի ասել, որ փաթեթում թմրամիջոց է, սակայն հասկացել է, որ կինը կռահել է դրա մասին, քանի որ սկզբում չի համաձայնվել կատարել իր խնդրանքը։ Երբ նույն օրը, ժամը 1700-ի սահմաններում իրենց խցում ոչ պլանային խուզարկություն է կատարվել և կնոջ հետ տեսակցությունը չի կայացել, ինքը հասկացել է, որ թմրամիջոցը հայտնաբերվել է։
Դատաքննությամբ առաջադրված մեղադրանքում ամբաստանյալ Անահիտ Միրզոյանը իրեն լիովին մեղավոր ճանաչեց, և օգտվելով իր սահմանադրական իրավունքից, հրաժարվեց դատաքննությամբ ցուցմունք տալուց։
Նախաքննության ընթացքում Անահիտ Միրզոյանը ցուցմունք է տվել այն մասին, որ ամուսինը` Սահակ Գորոյանը թմրանյութ օգտագործելու համար դատապարտվել է և պատիժը կրում է ՀՀ ԱՆ «Նուբարաշեն» ՔԿ հիմնարկի թիվ 6 խցում։ Ամուսնուն հանձնուք տանելու ընթացքում` 2009թ. հուլիսին ծանոթացել է Մերի Գասպարյանի հետ, որի ամուսինը` Հրայր Հովսեփյանը, պատիժը կրել է իր ամուսնու հետ նույն խցում։ Մերի Գասպարյանի հետ մտերիմ է եղել և հաճախակի այցելել են միմյանց։
2010թ. մարտի 5-ին Սահակ Գորոյանը զանգահարել է իրեն և խնդրել է գնալ Մերի Գասպարյանի տուն, նրանից վերցնել մի փաթեթ, այն տեղավորել հեշտոցի մեջ, ու տեղափոխելով ՀՀ ԱՆ «Նուբարաշեն» ՔԿ հիմնարկ` տեսակցության ժամանակ հանձնի նրան։ Ամուսնու խոսքերից կասկածել է, որ այդ փաթեթում թմրամիջոց է և հրաժարվել է կատարել նրա խնդրանքը, սակայն երբ Սահակ Գորոյանը հայտնել է, որ դա «կյանքի հարց է» ու պնդել է կատարել իր խնդրանքը, ինքը համաձայնվել է և նույն օրը, ժամը 1500-ի սահմաններում զանգահարել է Մերի Գասպարյանին, որի հետ հեռախոսազրույցից հասկացել է, որ վերջինս սպասում է իրեն։ Պատահական տաքսի ավտոմեքենայով գնացել է Մերի Գասպարյանի տուն, որտեղ վերջինս տեղեկանալով, որ ինքը ամուսնու խնդրանքով ցանկանում է թմրամիջոցով փաթեթը տեղավորել հեշտոցում, որ ՀՀ ԱՆ «Նուբարաշեն» ՔԿ հիմնարկում տեսակցության ժամանակ հանձնի Սահակ Գորոյանին, օգնել է իրեն նշված փաթեթը կրկին ագամ փաթեթավորելու հարցում, որից հետո ինքը, իմանալով փաթեթի իրական պարունակության մասին, մտել է Մերի Գասպարյանի տան լոգասենյակ, որտեղ վերջինիս ներկայությամբ նշված փաթեթը տեղավորել է հեշտոցում և նույն տաքսի ավտոմեքենայով մեկնել ամուսնուն տեսակցության։
Մինչ տեսակցության համար նախատեսված սենյակ մտնելը, ժամը 1630-ի սահմաններում ՔԿ հիմնարկի աշխատակցուհու կողմից ենթարկվել է խուզարկության, որի ընթացքում նշված թմրամիջոցով փաթեթը հայտնաբերվել է։
Դատաքննությամբ առաջադրված մեղադրանքում ամբաստանյալ Մերի Գասպարյանն իրեն լիովին մեղավոր ճանաչեց և ցուցմունք է տվեց այն մասին, որ ամուսինը` Հրայր Հովսեփյանը թմրանյութ օգտագործելու համար դատապարտվել է և պատիժը կրում է ՀՀ ԱՆ «Նուբարաշեն» ՔԿ հիմնարկի թիվ 6 խցում։ Ամուսնուն հանձնուք տանելու ընթացքում` 2009թ. հուլիսին ծանոթացել է Անահիտ Միրզոյանի հետ, որի ամուսինը` Սահակ Գորոյանը, պատիժը կրել է իր ամուսնու հետ նույն խցում։ Անահիտ Մրզոյանի հետ մտերիմ է եղել և հաճախակի այցելել են միմյանց։
2010թ. մարտի 5-ին, ժամը 1300-1400-ի սահմաններում գտնվել է տանը, երբ դուռը թակել են։ Բացել է դուռը, մոտ 30-35 տարեկան անծանոթ տղամարդը ներկյացել է Ալիկ անունով և իրեն է պարզել լուցկու տուփից փոքր մի փաթեթ, որի պարունակությունը չի երևացել, ասել է, որ Անահիտը կգա կտանի։ Ինքը չի ճանաչել փաթեթը բերող տղամարդուն, սակայն վերցրել է այն, քանի որ մտածել է, որ վերջինս ճանաչում է ամուսնուն և Սահակ Գորոյանին։ Փաթեթը վերցնելուց հետո զանգել է Անահիտ Միրզոյանին։ Ժամը 1500-ի սահմաններում Անահիտ Միրզոյանը եկել է իր տուն, և վերջինիս հետ խոսակցության ընթացքում հասկանալով, որ փաթեթում թմրամիջոց է և Անահիտ Միրզոյանը այն ցանկանում է ամուսնու` Սահակ Գորոյանի խնդրանքով հանձնել նրան, օգնել է նրան նշված փաթեթը կրկին ագամ փաթեթավորելու հարցում, որից հետո Անահիտ Միրզոյանը փաթեթը տեղավորել է հեշտոցում և մեկնել է ՀՀ ԱՆ «Նուբարաշեն» ՔԿ հիմնարկ։ Դրանից հետո, ժամը 1800-ի սահմաններում զանգահարել է Անահիտ Միրզոյանին, սակայն վերջինիս հեռախոսը անջատած է եղել։ Անահիտի հարազատներից տեղեկացել է, որ Ա. Միրզոյանին ՀՀ ԱՆ «Նուբարաշեն» ՔԿ հիմնարկում բռնել են։
Բացի ամբաստանյալների խոստովանական ցուցմունքներից, նրանց կատարած արարքը հիմնավորվեց գործով ձեռք բերված հետևյալ ապացույցներով.
Վկաներ` ՀՀ ԱՆ «Նուբարաշեն» քրեակատարողական հիմնարկի աշխատակիցներ Նաիրա Առաքելյանի և Օֆելյա Չարչյանի նույնաբովանդակ ցուցմունքներով այն մասին, որ 2010թ. մարտի 5-ին, ժամը 1630-ի սահմաններում ՔԿ հիմնարկի դատապարտյալներին տեսակցության այցելած քաղաքացիներին անձնական խուզարկություն կատարելու համար նախատեսված սենյակում իրականացրել են թիվ 6 խցի դատապարտյալ Սահակ Բաղդասարի Գորոյանին տեսակցության այցելած վերջինիս կնոջ` Անահիը Վարդանի Միրզոյանի անձնական խուզարկությունը, որի ընթացքում Անահիտ Միրզոյանի հեշտոցից հայտնաբերվել է սպիտակ պոլիէթիլենային թաղանթով փաթեթ, որի մեջ եղել է մուգ շագանակաույն բեկորավոր և փոշիանման զանգված և 5 հատ սպիտակ գույնի կլորավուն դեղահաբեր։ Անահիտ Միրզոյանը հայտնել է, որ փաթեթը ամուսնու` Սահակ Գորոյանի խնդրանքով դրել է հեշտոցի մեջ, որպեսզի տեսակցության ժամանակ հանձնի նրան։ Խուզարկության ընթացքի և արդյունքների մասին կազմվել է համապատասխան արձանագրություն։
Վկա` Ալեքսան Գրիգորյանի ցուցմունքով այն մասին, որ ճանաչում է իրենց թաղամասի բնակչուհի Մերի Գասպարյանին և նրա ամուսին` Հրայր Հովսեփյանին։ Տեղյակ է, որ վերջինս պատիժ է կրում քրեակատարողական հիմնարկում։ Իր անձնական օգտագործման ՎԱԶ-2107 մակնիշի 03 ՕԼ 988 պետհամարանիշի ավտոմեքենան օգտագործում է տաքսու տակ։ 2010թ. մարտի 5-ին, ժամը 1200-ի սահմաններում իր բջջային հեռախոսին է զանգահարել անծանոթ տղամարդ, և համոզվելով, որ ինքը տաքսու վարորդ Ալիկն է, հայտնել է, որ իր համարը տվել են որպեսզի իր միջոցով գումար փոխանցեն և խնդրել է հանդիպել «Սասունցի Դավիթ» արձանի կայարանամերձ հրապարակում։ Որոշ ժամանակ անց իր ավտոմեքենայով գնացել է «Սասունցի Դավիթ» արձանի մոտ, որտեղ իրեն դիմավորել է մոտ 40-50 տարեկան անծանոթ մի տղամարդ։ Վերջինս հայտնել է, որ իրեն զանգահարել են քրեակատարողական հիմնարկից և հանձնելով պոլիէթիլենային թաղանթով փաթեթավորված մի փաթեթ, խնդրել է այն 1.000 ՀՀ դրամ վճարի դիմաց փոխանցել իրենց բակի բնակչուհի Մերիին, որպեսզի վերջինս էլ այն տա Անահիտին։ Քանի որ անծանոթ տղամարդը հայտնել է, որ փաթեթում գումար է, ինքը համաձայնվել է այն փոխանցել Մերի Գասպարյանին, սակայն հետագայում տեղեկացել է, որ դրա մեջ թմրամիջոց է եղել։
Սահակ Գորոյանի, Անահիտ Միրզոյանի և Մերի Գասպարյանի հանցանքը հիմնավորվեց նաև դատաքիմիական փորձաքննության 2010թ. մարտի 6-ի թիվ 124 Ք եզրակացությամբ, համաձայն որի փորձաքննությանը ներկայացված 4.45 գրամ հաստատուն քաշով զանգվածը հանդիսանում է տնայնագործական եղանակով պատրաստված «ացետիլացված ափիոն» տեսակի թմրամիջոց, իսկ 2010թ. մարտի 10-ի թիվ 123 Ք եզրակացության համաձայն փորձաքնությանը ներկայացված դեղահաբերում թմրամիջոցներ և հոգեմետ նյութեր չեն հայտնաբերվել։
Տոկսիկոքիմիական փորձաքննության 2010թ. մարտի 18-ի թիվ 0177 եզրակացությամբ, համաձայն որի 09.03.2010թ. Ս. Գորոյանից վերցված մեզի փորձանմուշում հայտնաբերվել են ափիոնի խմբի թմրամիջոցների և բենզոդիազեպինների շարքի դեղամիջոցի հետքեր, իսկ 2010թ. մարտի 22-ի թիվ 10-0557 և թիվ 10-0556 եզրակացությունների համաձայն Ա. Միրզոյանից և Մ. Գասպարյանից վերցված մեզի փորձանմուշներում թմրամիջոցներ չեն հայտնաբերվել։
Դատանարկոլոգիական փորձաքննության 2008թ. դեկտեմբերի 2-ի թիվ 244/08 եզրակացությամբ, համաձայն որի Ս. Գորոյանը տառապում է թմրամոլությամբ, հարկադիր բուժման կարիք ունի, որի համար հակացուցումներ չկան։
«ԱրմենՏել» ՓԲԸ 31.03.2010թ. թիվ 6636 գրությամբ, համաձայն որի 2010թ. մարտի 5-ին Ս. Գորոյանի և Ա. Միրզոյանի հեռախոսահամարների միջև գրանցվել է ակտիվ հեռախոսակապ։ Ս. Գորոյանի` 099-15-87-17 և Ա. Միրզոյանի` 099-42-90-86 բջջային հեռախոսահամարներից կատարված մուտքային և ելքային հեռախոսազանգերի վերծանումներն այլ ապացույց ճանաչելու որոշմամբ։
2010թ. մարտի 5-ին ՀՀ ԱՆ «Նուբարաշեն» ՔԿ հիմնարկի դատապարտյալ Ս. Գորոյանին տեսակցության այցելած կնոջ` Ա. Միրզոյանի անձնական խուզարկությամբ վերջինիս հեշտոցից հայտնաբերված և իրեղեն ապացույց ճանաչված խոշոր չափի` 4.45 գրամ «ացետիլացված ափիոն» տեսկի թմրամիջոցի և Ա. Միրզոյանին պատկանող «Նոկիա 1202-2» տեսակի բջջային հեռախոսի և դրա մեջ տեղադրված 099-42-90-86 համարի բջջային հեռախոսաքարտի առկայությամբ։
ՀՀ ԱՆ «Նուբարաշեն» ՔԿ հիմնարկի պետ Տ.Գ.Նավասարդյանից նույն հիմնարկի դատապարտյալ Ս. Գորոյանի հետ կարճատև տեսակցություն թույլատրելու վերաբերյալ 05.03.2010թ. Ա. Միրզոյանի կողմից գրված և որպես ապացւյց ճանաչված դիմումով, համաձայն որի 2010թ. մարտի 5-ին քաղաքացի Անահիտ Միրզոյանը թույլտվություն է ստացել իր ամուսնուն` Ս. Գորոյանին կարճատև տեսակցելու։
ՀՀ ԱՆ «Նուբարաշեն» ՔԿ հիմնարկի դատապարտյալ Ս. Գորոյանին տեսակցության այցելած նրա կնոջ` Ա. Միրզոյանի անձնական խուզարկության և դրա արդյունքում 4.45 գրամ խոշոր չափի «ացետիլացված ափիոն» տեսակի թմրամիջոց հայտնաբերելու կապակցությամբ ՀՀ ԱՆ «Նուբարաշեն» ՔԿ հիմնարկի ԱԱ բաժնի 3-րդ կարգի մասնագետ Նաիրա Առաքելյանի կողմից կազմված զեկուցագրով։
Ա. Միրզոյանի անձնական խուզարկություն կատարելու վերաբերյալ կազմված արձանագրությամբ, ինչպես նաև գործով ձեռք բերված այլ փաստական տվյալներով։
Այսպիսով դատարանը ապացուցված համարեց, որ Սահակ Բաղդասարի Գորոյանը կատարել է արարք, որը նախատեսված է ՀՀ քր. օր-ի 34-268 հոդվածի 2-րդ մասի 1-ին և 2-րդ կետերով, Անահիտ Վարդանի Միրզոյանը` ՀՀ քր. օր-ի 34-38-268 հոդվածի 2-րդ մասի 1-ին և 2-րդ կետերով, իսկ Մերի Արտաշեսի Գասպարյանը` ՀՀ քր. օր-ի 34-38-268 հոդվածի 2-րդ մասի 1-ին և 2-րդ կետերով, որով և պետք է ենթարկվեն քրեական պատասխանատվության։
Պատիժ նշանակելիս դատարանը հաշվի է առնում արարքի հասարակական վտանգավորությունը, ամբաստանյալների ինքնությունը և գործի ողջ հանգամանքները։
Սահակ Գորոյանի պատասխանատվությունը և պատիժը ծանրացնող հանգամանք է դիտվում հանցանքը կատարելու ռեցիդիվը։
Դատարանն ամբաստանյալի պատասխանատվությունը և պատիժը մեղմացնող հանգամանք է համարում այն, որ վերջինս երիտասարդ է, խնամքին ունի մինչև տասնչորս տարեկան չորս երեխաներ, զղջացել է կատարած արարքի համար և ընդունել մեղքը։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 06.11.2009թ. դատավճռով Սահակ Գորոյանը ՀՀ քր. օր-ի 266 հոդվածի 3-րդ մասի 2-րդ կետով, 266 հոդվածի 4-րդ մասով և 268 հոդվածի 2-րդ մասի 1-ին կետով դատապարտվել է ազատազրկման` 10 տարի ժամկետով` գույքի կեսի բռնագրավմամբ, սակայն ոչ ավելի 295.000 ՀՀ դրամ գումարից և տուգանք` նվազագույն աշխատավարձի երկուհարյուրապատիկի` 200.000 ՀՀ դրամ գումարի չափով, նոր հանցանքը կատարել է մինչև պատժի լրիվ կրումը, ուստի դատարանը գտնում է, որ նոր նշանակվող պատժին մասնակիորեն պետք է գումարել վերը նշված դատավճռով սահմանված և նրա կողմից պատժի չկրած մասը։
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 02.07.2010թ. որոշմամբ դատապարտյալ Սահակ Բաղդասարի Գորոյանի նկատմամբ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 06.11.2009թ. դատավճռով նշանակված 200.000 ՀՀ դրամ տուգանք պատժատեսակը փոխարինվել է 1.000 ժամ տևողությամբ հանրային աշխատանքներ պատժատեսակով։
Նկատի ունենալով, որ ՀՀ ԱՆ «Հոգեբուժական բժշկական կենտրոն» ՓԲԸ նարկոլոգիական կլինիկայի դատանարկոլոգիական հանձնաժողովի 02.12.2008թ. եզրակացության համաձայն Սահակ Բաղդասարի Գորոյանը տառապում է թմրամոլությամբ, ուստի հարկադիր բուժման կարիք ունի, որի համար հակացուցումներ չկան, հետևաբար դատարանը գտնում է, որ պատիժը կրելու ընթացքում Սահակ Գորոյանի նկատմամբ պետք է նշանակել հարկադիր բուժում` թմրամոլության դեմ։
Անահիտ Միրզոյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող հանգամանք է համարում այն, որ վերջինս երիտասարդ է, նախկինում արատավորված չի եղել, բնութագրվում է դրականորեն, խնամքին են գտնվում մինչև տասնչորս տարեկան չորս երեխաները, ամուսինը դատապարտված է և ներկա պահին պատիժ է կրում է քրեակատարողական հիմնարկում` ընտանիքի միակ կերակրողն է, զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Ա. Միրզոյանի նկատմամբ ընտրված խափանման միջոցը` ստորագրություն չհեռանալու մասին, պետք է թողնել անփոփոխ։
Հաշվի առնելով ամբաստանյալ Ա. Միրզոյանի պատասխանատվությունը և պատիժը ծանրացնող հանգամանքների բացակայությունը, ինչպես նաև պատասխանատվությունն ու պատիժը մեղմացնող վերոհիշյալ բոլոր հանգամանքներն իրենց համակցության մեջ, դատարանը գտնում է, որ նպատակահարմար չէ ամբաստանյալ Անահիտ Միրզոյանին մեկուսացնել հասարակությունից, և որ նրա ուղղվելը հնարավոր է առանց ազատազրկման ձևով պատիժ կրելու, հետևաբար դատարանը գտնում է, որ նրա նկատմամբ պետք է կիրառել ՀՀ քր. օր-ի 70 հոդվածը և պատիժը պայմանականորեն չկիրառել։
Մերի Գասպարյանի պատասխանատվությունը և պատիժը ծանրացնող հանգամանքներ չկան։
Դատարանն ամբաստանյալի պատասխանատվությունը և պատիժը մեղմացնող հանգամանք է համարում այն, որ վերջինս երիտասարդ է, նախկինում արատավորված չի եղել, բնութագրվում է դրականորեն, խնամքին ունի մինչև տասնչորս տարեկան երկու երեխաներ, ամուսինը դատապարտված է և ներկա պահին պատիժ է կրում է քրեակատարողական հիմնարկում` ընտանիքի միակ կերակրողն է, զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Մ. Գասպարյանի նկատմամբ ընտրված խափանման միջոցը` ստորագրություն չհեռանալու մասին, պետք է թողնել անփոփոխ։
Հաշվի առնելով ամբաստանյալ Մ. Գասպարյանի պատասխանատվությունը և պատիժը ծանրացնող հանգամանքների բացակայությունը, ինչպես նաև պատասխանատվությունն ու պատիժը մեղմացնող վերոհիշյալ բոլոր հանգամանքներն իրենց համակցության մեջ, դատարանը գտնում է, որ նպատակահարմար չէ ամբաստանյալ Մերի Գասպարյանին մեկուսացնել հասարակությունից, և որ նրա ուղղվելը հնարավոր է առանց ազատազրկման ձևով պատիժ կրելու, հետևաբար դատարանը գտնում է, որ նրա նկատմամբ պետք է կիրառել ՀՀ քր. օր-ի 70 հոդվածը և պատիժը պայմանականորեն չկիրառել։
Անդրադառնալով իրեղեն ապացույցների տնօրինման հարցին, դատարանը գտնում է, որ դատավճիռն օրինական ուժի մեջ մտնելուց հետո գործով իրեղեն ապացույց ճանաչված 4.45 գրամ «ացետիլացված ափիոն» տեսակի թմրամիջոցը պետք է ոչնչացնել, «Նոկիա 1202-2» տեսակի բջջային հեռախոսն իր 099-42-90-86 բաժանորդային քարտով` վերադարձնել Անահիտ Միրզոյանին, իսկ քրեական գործին կցված և ապացույց ճանաչված այլ փաստաթուղթ հանդիսացող` «Նուբարաշեն» ՔԿ հիմնարկի պետ Տ.Գ.Նավասարդյանից նույն հիմնարկի դատապարտյալ Ս.Գորոյանի հետ կարճատև տեսակցություն թույլատրելու վերաբերյալ 05.03.2010թ. Ա.Միրզոյանի կողմից գրված դիմումը և «ԱրմենՏել» ՓԲ ընկերությունից 31.03.2010թ. թիվ ԱԾ 00/6636 գրությամբ ստացված 6 թերթից բաղկացած վերծանումները` թողնել քրեական գործում։
ՀՀ ոստիկանության ՔԳՎ Էրեբունու քննչական բաժնի 23.06.2010թ. որոշմամբ թիվ 12110910 քրեական գործից պատճենահանման եղանակով անջատվել և առանձին վարույթ է առանձնացվել անհայտ անձի կողմից 05.03.2010թ. Ս. Գորոյանին խոշոր չափի` 4.45 գրամ «ացետիլացված ափիոն» տեսակի թմրամիջոց և Սահակ Գորոյանին ու Հրայր Հովսեփյանին ափիոնի խմբի թմրամիջոցներ իրացնելու վերաբերյալ ՀՀ քր. օր-ի 266 հոդվածի 2-րդ մասի 2-րդ և 3-րդ կետերով մասը։
Ղեկավարվելով ՀՀ քր. դատ. օր-ի 357-360 հոդվածներով, դատարանը.

Վ Ճ Ռ Ե Ց

1. Սահակ Բաղդասարի Գորոյանին մեղավոր ճանաչել ՀՀ քր. օր-ի 34-268 հոդվածի 2-րդ մասի 1-ին և 2-րդ կետերով և դատապարտել ազատազրկման` 2/երկու/ տարի ժամկետով։
ՀՀ քր. օր-ի 67 հոդվածի կիրառմամբ նոր նշանակված պատժի ժամկետին մասնակիորեն գումարել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 06.11.2009թ. դատավճռով ազատազրկման ձևով նշանակված պատժի չկրած մասից` 8/ութ/ տարի ժամկետը և վերջնական պատիժ սահմանել ազատազրկում` 10/տաս/ տարի ժամկետով` գույքի կեսի բռնագրավմամբ, սակայն ոչ ավելի 295.000 ՀՀ դրամ գումարից և հանրային աշխատանքներ` 1.000 ժամ ժամկետով։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը հաշվել դատավճռի հրապարակման օրվանից` 03.09.2010թ.։
Պատիժը կրելու ընթացքում Սահակ Բաղդասարի Գորոյանի նկատմամբ ՀՀ քր. օր-ի 97 հոդվածով նշանակել հարկադիր բուժում` թմրամոլության դեմ։
2. Անահիտ Վարդանի Միրզոյանին մեղավոր ճանաչել ՀՀ քր. օր-ի 34-38-268 հոդվածի 2-րդ մասի 1-ին և 2-րդ կետերով և դատապարտել ազատազրկման` 1/մեկ/ տարի ժամկետով։
ՀՀ քր. օր-ի 70 հոդվածի կիրառմամբ Անահիտ Միրզոյանի նկատմամբ նշանակված պատիժը պայմանականորեն չկիրառել՝ սահմանելով փորձաշրջան՝ 1/մեկ/ տարի 6/վեց/ ամիս ժամկետով։
Ա. Միրզոյանի վարքագծի նկատմամբ վերահսկողությունը հանձնարարել ՀՀ ԱՆ ՔԿՎ այլընտրանքային պատիժների կատարման բաժնին։
Փորձաշրջանի սկիզբը հաշվել հաշվառման վերցնելու պահից։
Անահիտ Միրզոյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ մինչև դատավճռի օրինական ուժի մեջ մտնելը։
3. Մերի Արտաշեսի Գասպարյանին մեղավոր ճանաչել ՀՀ քր. օր-ի 34-38-268 հոդվածի 2-րդ մասի 1-ին և 2-րդ կետերով և դատապարտել ազատազրկման` 1/մեկ/ տարի ժամկետով։
ՀՀ քր. օր-ի 70 հոդվածի կիրառմամբ Մերի Գասպարյանի նկատմամբ նշանակված պատիժը պայմանականորեն չկիրառել՝ սահմանելով փորձաշրջան՝ 1/մեկ/ տարի 6/վեց/ ամիս ժամկետով։
Մ. Գասպարյանի վարքագծի նկատմամբ վերահսկողությունը հանձնարարել ՀՀ ԱՆ ՔԿՎ այլընտրանքային պատիժների կատարման բաժնին։
Փորձաշրջանի սկիզբը հաշվել հաշվառման վերցնելու պահից։
Մերի Գասպարյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ մինչև դատավճռի օրինական ուժի մեջ մտնելը։
Գործով իրեղեն ապացույց ճանաչված 4.45 գրամ «ացետիլացված ափիոն» տեսակի թմրամիջոցը դատավճիռն օրինական ուժի մեջ մտնելուց հետո ոչնչացնել, «Նոկիա 1202-2» տեսակի բջջային հեռախոսն իր 099-42-90-86 բաժանորդային քարտով` վերադարձնել Անահիտ Միրզոյանին, իսկ քրեական գործին կցված և ապացույց ճանաչված այլ փաստաթուղթ հանդիսացող` «Նուբարաշեն» ՔԿ հիմնարկի պետ Տ.Գ.Նավասարդյանից նույն հիմնարկի դատապարտյալ Ս.Գորոյանի հետ կարճատև տեսակցություն թույլատրելու վերաբերյալ 05.03.2010թ. Ա.Միրզոյանի կողմից գրված դիմումը և «ԱրմենՏել» ՓԲ ընկերությունից 31.03.2010թ. թիվ ԱԾ 00/6636 գրությամբ ստացված 6 թերթից բաղկացած վերծանումները, թողնել քրեական գործում։
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում։


ԴԱՏԱՎՈՐ Ա. ԳԱԲՐԻԵԼՅԱՆ