Հիմնական
Գործի համար:
ԵԷԴ/0062/01/10
Վիճակագրական տողի համար :
11.3
Պատասխանող
Կարեն Դեմիրչյան Ժորիկի
Կարեն Դեմիրչյան
Կարեն Դեմիրչյան
Դատավոր
Էրեբունի և Նուբարաշեն
Վլադիմիր Գրիգորյան
Դատավոր
Էրեբունի և Նուբարաշեն
Վլադիմիր Գրիգորյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Էրեբունի և Նուբարաշեն | 2010-06-01 | 12:00 | 1 | |||
| Էրեբունի և Նուբարաշեն | 2010-06-21 | 15:00 | 1 |
Գործ թիվ ԵԷԴ/0062/01/10
2010թ
Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.
Նախագահող դատավոր Վ.Թ.ԳՐԻԳՈՐՅԱՆ
Քարտուղարությամբ Ա.ԱՐՂԱՄԱՆՅԱՆ
Մասնակցությամբ`
Մեղադրող Ա.ՄՈՒՐԱԴՅԱՆ
Ամբաստանյալ Կ.ԴԵՄԻՐՉՅԱՆ
2010 թվականի հունիսի 21-ին Երևանի Էրեբունի և Նուբարաշեն վարչական շրջանների ընդհանուր իրավասության դատարանում, դռնբաց դատական նիստում քննեց քրեական գործն ըստ մեղադրանքի
Կարեն Ժորիկի Դեմիրչյանի ծնված 23.03.1975թ. Կրասնոսելսկի շրջանի Արծվաշեն գյուղում, ազգությամբ հայ, Հայաստանի Հանրապետության քաղաքացի, ութամյա կրթությամբ, ամուրի, հաշվառված է Երևան, Բաբաջանյան փող. 87 շենքի 50 բնակարանում, դատված.
1. ՀՀ Գերագույն դատարանի քրեական գործերի դատական կոլեգիայի 30.04.1996թ. դատավճռով ՀՀ քրեական օրենսգրքի 88-րդ հոդվածի 2-րդ մասով ազատազրկման 9 տարի ժամկետով,
2. Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ, 4-րդ կետերով և 34-177-րդ հոդվածի 2-րդ մասի 3-րդ, 4-րդ կետով, ՀՀ քրեական օրենսգրքի 66-րդ հոդվածի կարգով ազատազրկման 5 տարի ժամկետով, «Նուբարաշեն» ՔԿ հիմնարկի դատապարտյալ, մեղադրվում է ՀՀ քրեական օրենսգրքի 268-րդ հոդվածի 1-ին մասով։
Առաջադրված մեղադրանքում իրեն մեղավոր է ճանաչել լիովին։
1. Գործի դատավարական նախապատմությունը
Ամբաստանյալ Կարեն Ժորիկի Դեմիրչյանը մեղադրվել է ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ, 4-րդ կետերով և 34-177-րդ հոդվածի 2-րդ մասի 3-րդ, 4-րդ կետերով։ Նրա վերաբերյալ ԵՄԴ/0135/01/10 քրեական գործը քննվել է Երևանի Մալաթիա-Սեբաստիա վարչական շրջանի ընդհանուր իրավասության դատարանի վարույթում։ 09.02.2010թ. ամբաստանյալ Կարեն Դեմիրչյանը հերթական դատական նիստից հետո փոխադրվել է ՀՀ ԱՆ «Նուբարաշեն» ՔԿ հիմնարկ։ 09.02.2010թ. ժ.1830-ին «Նուբարաշեն» ՔԿ հիմնարկ ընդունվելիս կալանավոր Կարեն Դեմիրչյանը ենթարկվել է անձնական խուզարկության, որի ընթացքում նրա ձախ ոտքի գուլպայի միջից հայտնաբերվել են «ալո» բաժանորդային քարտ և 2 փաթեթներ։ Դրանցից թափանցիկ պոլիէթիլենային փաթեթում, որի եզրերը փակված են եղել հալեցման միջոցով, կաթնագույն թղթով փաթեթավորված է եղել կանաչ և շագանակագույն մանրացված բուսական զանգված յուրահատուկ հոտով, իսկ 2-րդ փաթեթը` նույնպես պոլիէթիլենային թաղանթից, իր մեջ ունեցել է փայլաթղթի մեջ լցված սպիտակ փոշենման զանգված։ Հայտնաբերվածը դատավարական կարգի պահպանմամբ կշռվել, փաթեթավորվել, կնքվել և առգրավվել է։ Հայտնաբերվել է նաև 5000 ՀՀ դրամ գումար։
Անձնական խուզարկության ընթացքում Կարեն Դեմիրչյանը հայտարարել է, որ կանաչ գույնի բուսական զանգվածը «Մարիխուանա», իսկ սպիտակ փոշենման զանգվածը` «սուբուտեքս» տեսակի թմրամիջոցներ են, դրանք պատկանում են իրեն, իր անձնական օգտագործման համար դրանք վերցրել է Մալաթիա-Սեբաստիա վարչական շրջանի ընդհանուր իրավասության դատարանի կալանավոր ամբաստանյալների արգելախցից։
Դատաքիմիական փորձաքննությամբ պարզվել է, որ ամբաստանյալ Կարեն Դեմիրչյանի անձնական խուզարկությամբ հայտնաբերված 1,41գրամ մաքուր քաշով յուրահատուկ հոտով կանաչ գույնի չոր բուսական զանգվածը հանդիսանում է տնայնագործական եղանակով պատրաստված 1,305գրամ հաստատուն քաշով «չորացված մարիխուանա» տեսակի թմրամիջոց, իսկ 0,35գրամ մաքուր քաշով փոշեզանգվածն իր բաղադրության մեջ պարունակում է 0,007գրամ «բուպրենորֆին» տեսակի թմրամիջոց։
Փաստի առթիվ 18.02.2010թ. ՀՀ ոստիկանության ՔԳՎ Էրեբունու քննչական բաժնի կողմից ՀՀ քրեական օրենսգրքի 268-րդ հոդվածի 1-ին մասով հարուցվել է 12107210 քրեական գործը և նախաքննություն է կատարվել։
11.03.2010թ. Կարեն Ժորիկի Դեմիրչյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, քրեական գործը մեղադրական եզրակացությամբ 10.05.2010թ. մուտք է եղել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։
2. Դատաքննությամբ ձեռք բերված ու հետազոտված ապացույցները
Դատաքննությամբ հետազոտվել են մեղադրանքի հիմքում դրված բոլոր այն ապացույցները, որոնք թվարկված են մեղադրական եզրակացության մեջ։
Ապահովելով դատաքննության լրիվությունը, բազմակողմանիությունն ու օբյեկտիվությունը և ղեկավարվելով գործի արդար քննությանը վերաբերող սահմանադրական և դատավարական նորմերի դրույթներով, հիմնվելով պատշաճ ընթացակարգի շրջանակներում դատական քննության ընթացքում գործի հանգամանքների հետազոտման արդյունքի վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, դատարանը գտնում է, որ սույն քրեական գործով ամբաստանյալի մեղքը հիմնավորված է։
Կարեն Ժորիկի Դեմիրչյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա, հանդիսանալով ՀՀ ԱՆ «Նուբարաշեն» ՔԿ հիմնարկի կալանավոր, առանց իրացնելու նպատակի` իր անձնական օգտագործման համար չպարզված հանգամանքներում ապօրինաբար ձեռք բերել և իր մոտ պահել է զգալի չափերի` 1,305գրամ քաշով «չորացված մարիխուանա» և 0,007գրամ քաշով «բուպրենորֆին» տեսակի թմրամիջոցներ, որոնք 09.02.2010թ. ժ.1830-ի սահմաններում Մալաթիա-Սեբաստիա վարչական շրջանի ընդհանուր իրավասության դատարանից ՀՀ ԱՆ «Նուբարաշեն» ՔԿ հիմնարկ տեղափոխվելիս հայտնաբերվել են անձնական խուզարկության ժամանակ նրա հագի գուլպայի մեջ թաքցված վիճակում։
Ամբաստանյալ Կարեն Դեմիրչյանն առաջադրված մեղադրանքում իրեն մեղավոր է ճանաչել լիովին և ցուցմունք է տվել այն մասին, որ թմրամիջոցը ձեռք է բերել Մալաթիա-Սեբաստիա վարչական շրջանների ընդհանուր իրավասության դատարանի կալանավորների արգելախցից, այն նախատեսված է եղել իր անձնական օգտագործման համար։
Ամբաստանյալ Կարեն Դեմիրչյանին առաջադրված մեղադրանքը հիմնավորվել է հետևյալ ապացույցներով.
ՀՀ ԱՆ «Նուբարաշեն» ՔԿ հիմնարկի աշխատակից Ա. Այվազյանի զեկուցագրով, 09.02.2010թ. կազմված արձանագրությամբ այն մասին, որ 2010թվականի փետրվարի 09-ին Մալաթիա-Սեբաստիա վարչական շրջանի ընդհանուր իրավասության դատարանից ՀՀ ոստիկանության Երևան քաղաքի վարչության ուղեկցող գումարտակի աշխատակիցները հատուկ մեքենայով ՀՀ ԱՆ «Նուբարաշեն» ՔԿ հիմնարկ են տեղափոխել կալանավոր Կարեն Դեմիրչյանին։ «Նուբարաշեն» ՔԿ հիմնարկ ընդունելիս սահմանված կարգի համաձայն կալանավորը ենթարկվել է անձնական խուզարկության, որի արդյունքում Կարեն Դեմիրչյանի ձախ ոտքի գուլպայի միջից հայտնաբերվել են մեկ հատ «ալո» բաժանորդային քարտ, պոլիէթիլենային թաղանթով 2 փաթեթներ, որոնցից մեկում հայտնաբերվել է կանաչ և շագանակագույն յուրահատուկ հոտով բուսական զանգված 1,9գրամ քաշով, իսկ երկրորդում` փայլաթղթի մեջ լցված սպիտակ փոշենման զանգված` փայլաթղթի հետ միասին 0,7գրամ քաշով, իսկ տաբատի գրպանից հայտնաբերվել են 5 հատ 1000 դրամանոց թղթադրամներ։ Կարեն Դեմիրչյանը հայտարարել է, որ հայտնաբերվածը թմրամիջոց է, դրանք պատկանում են իրեն, նախատեսված են իր անձնական օգտագործման համար, փաթեթները վերցրել է Մալաթիա-Սեբաստիա վարչական շրջանի ընդհանուր իրավասության դատարանի կալանավորների խցից։
Վերոնշվածը դատավարական կարգի պահպանմամբ առգրավվել, փաթեթավորվել և կնքվել են։
Գ. Թ. 1-2
Նշանակվել է դատաքիմիական փորձաքննություն, բուսական զանգվածը չորացվել է։ Փորձագետի 11.02.2010թ. թիվ 03461005 եզրակացության համաձայն` անձնական խուզարկությամբ հայտնաբերված և առգրավված բուսական չոր զանգվածը հանդիսանում է տնայնագործական եղանակով պատրաստված 1,305գրամ հաստատուն քաշով «չորացված մարիխուանա» տեսակի թմրամիջոց։ Իսկ սպիտակ գույնի 0,35գրամ մաքուր քաշով փոշեզանգվածն իր բաղադրության մեջ պարունակում է 0,007գրամ «բուպրենորֆին» տեսակի թմրամիջոց։
Գ. Թ. 25-29
Ամբաստանյալ Կարեն Դեմիրչյանից վերցված մեզի փորձանմուշի տոքսիկոքիմիական փորձաքննության 16.02.2010թ. թիվ 0098 եզրակացությամբ հայտնաբերվել են ափիոնի և կանաբիսի խմբերի թմրամիջոցների թմրալկալոիդներ։
Գ. Թ. 47
Վկաներ, ՀՀ ԱՆ «Նուբարաշեն» ՔԿ հիմնարկի աշխատակիցներ Գեղամ Ալեքսանյանը և Արթուր Այվազյանը ցուցմունքներ են տվել այն մասին, որ 09.02.2010թ. ժ.1830-ի սահմաններում ՀՀ ոստիկանության Երևան քաղաքի ուղեկցող գումարտակի ոստիկան Արտեմ Գասպարյանի ուղեկցությամբ Մալաթիա-Սեբաստիա վարչական շրջանի ընդհանուր իրավասության դատարանից «Նուբարաշեն» ՔԿ հիմնարկ է վերադարձվել 28խցի կալանավոր Կարեն Դեմիրչյանը։ Վերջինիս անձնական խուզարկության ընթացքում նրա ձախ ոտքի գուլպայի մեջից հայտնաբերվել են երկու փաթեթներ, որոնցից առաջինում հայտնաբերվել է կանաչ գույնի բուսական, իսկ երկրորդում` սպիտակ գույնի փոշենման զանգված, կազմվել է արձանագրություն, հայտնաբերվածն առգրավվել, կշռվել, փաթեթավորվել և կնքվել է։ Հետագայում իրենց հայտնի է դարձել, որ հայտնաբերվածը «չորացված մարիխուանա» և «բուպրենորֆին» տեսակի թմրամիջոցներ են։
Գ. Թ. 53-54, 48-49, դատաքննության արձանագրություն
Վկաներ, ՀՀ ոստիկանության Երևան քաղաքի վարչության ուղեկցող գումարտակի ոստիկաններ Արտեմ Գասպարյանի, Գագիկ Գրիգորյանի ցուցմունքներով այն մասին, որ 09.02.2010թ. «Նուբարաշեն» ՔԿ հիմնարկի կալանավոր Կարեն Դեմիրչյանին անձնական խուզարկության ենթարկելուց հետո տեղափոխել են Մալաթիա-Սեբաստիա վարչական շրջանի ընդհանուր իրավասության դատարան։ Իրենք նախապես զննել են կալանավորին տեղավորելու խցիկը, որևէ կասկածելի իր չի հայտնաբերվել։ Դատաքննությունից հետո դատական կարգադրիչների խնդրանքով, սահմանված կարգի խախտմամբ, կալանավոր Կարեն Դեմիրչյանին տուփով թխվածք է տրվել։ Իսկ երբ Կարեն Դեմիրչյանին տեղափոխել են «Նուբարաշեն» ՔԿ հիմնարկ, նրա անձնական խուզարկությամբ կիսագուլպայի միջից հայտնաբերվել են պոլիէթիլենի 2 փաթեթներ` թմրամիջոցներով, ինչպես նաև` 5000 դրամ կանխիկ գումար և բջջային հեռախոսային խոսակցության քարտ։ Այս ամենը անակնկալ է եղել իրենց համար։ Իրենք չգիտեն, թե ի՞նչ ճանապարհով և ումի՞ց է կալանավորը ձեռք բերել նշվածը։
Գ. Թ. 56-62, 64-69, 14-15, 158-159
դատաքննության արձանագրություն
Վկա, «Նուբարաշեն» ՔԿ հիմնարկի անվտանգության ապահովման բաժնի աշխատակից Անդրանիկ Սարգսյանը ցուցմունք է տվել այն մասին, որ 09.02.2010թ. ժ.1200-ին թիվ 28 խցի կալանավոր Կարեն Դեմիրչյանը Մալաթիա-Սեբաստիա վարչական շրջանի ընդհանուր իրավասության դատարանի հայտով տեղափոխվել է նշված դատարան։ Մինչև տեղափոխվելը կալանավորը ենթարկվել է անձնական խուզարկության, իր մոտ որևէ արգելված իր չի ունեցել։ Նույն օրը երեկոյան կալանավոր Կարեն Դեմիրչյանը վերադարձվել է ՔԿ հիմնարկ, նրա անձնական խուզարկությամբ հայտնաբերվել և առգրավվել է թմրամիջոց։
Գ. Թ. 44-45, դատաքննության արձանագրություն
Վկաներ, Մալաթիա-Սեբաստիա վարչական շրջանի ընդհանուր իրավասության դատարանի կարգադրիչներ Լևոն Դավթյանը, Արման Եղիազարյանը և Հրաչիկ Ասոյանը ցուցմունք են տվել այն մասին, որ 09.12.2010թ. տեղափոխվել է Մալաթիա-Սեբաստիա վարչական շրջանի ընդհանուր իրավասության դատարան` դատաքննության։
Դատաքննությունից հետո դատարանի գրասենյակի պետ Հեղինե Սաֆարյանը, տեսնելով միջանցքում լացող մի կնոջ, իմացել է, որ նա կալանավոր Կարեն Դեմիրչյանի մայրն է, որը խմորեղեն է բերել որդուն։ Խղճալով նրան, Հեղինե Սաֆարյանը դատական կարգադրիչներին խնդրել է հնարավորության դեպքում տուփով խմորեղենը հանձնել կալանավորին։ Թեև դա արգելված է, սակայն շատ հարգելով գրասենյակի պետին և կասկած չունենալով, խմորեղենը և մեկ շիշ կոկա-կոլան հանձնել են Կարեն Դեմիրչյանին։
Նույն օրը երեկոյան իմացել են, որ «Նուբարաշեն» ՔԿ հիմնարկ ընդունելիս Կարեն Դեմիրչյանի անձնական խուզարկությամբ նրա մոտ թմրամիջոց և այլ արգելված իրեր են հայտնաբերել։
Գ. Թ. 71-74, 105-108, 129-131,
դատաքննության արձանագրություն
Նախաքննության ժամանակ նույնաբովանդակ ցուցմունք է տվել նաև որպես վկա հարցաքննված Հեղինե Սաֆարյանը։
Գ. Թ. 156-157
Ամբաստանյալ Կարեն Դեմիրչյանի անձնական խուզարկությամբ առգրաված 1,305գրամ հաստատուն քաշով տնայնագործական եղանակով պատրաստված «չորացված մարիխուանա» տեսակի թմրամիջոցը և 0,35գրամ մաքուր քաշով փոշեզանգվածը, որն իր բաղադրության մեջ պարունակում է 0,007գրամ «բուպրենորֆին» տեսակի թմրամիջոց, ճանաչվել են իրեղեն ապացույց։
Գ. Թ. 2, 42-43, 25-27
Դատանարկոլոգիական փորձաքննության 01.04.2010թ. թիվ 106/10 եզրակացության համաձայն, ամբաստանյալ Կարեն Դեմիրչյանը տառապում է ափիոնային թմրամոլությամբ, ունի հարկադիր բուժման կարիք, որի համար հակացուցումներ չկան։
Գ. Թ. 194-195
3. Դատարանի իրավական վերլուծությունը
Դատաքննությամբ բազմակողմանի և օբյեկտիվ ստուգելով գործով ձեռք բերված ապացույցները, դրանք միմյանց հետ համադրելով և դրանք գնահատելով իրենց վերաբերելիության, թույլատրելիության և իրենց համակցությամբ` գործի լուծման համար բավարարության տեսանկյունից և հիմնված ներքին համոզմամբ, դատարանը գտնում է, որ ամբաստանյալ Կարեն Ժորիկի Դեմիրչյանի մեղքը ՀՀ քրեական օրենսգրքի 268-րդ հոդվածի 1-ին մասով նախատեսված հանցանքը կատարելու մեջ հիմնավորված է և նշված հոդվածի սանկցիայով պետք է պատիժ նշանակվի։
Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունը մեղմացնող ու ծանրացնող հանգամանքները։ Դրանք բնութագրում են հանցավորի անձնավորությունն ու կատարված հանցագործության հանրային վտանգավորության աստիճանը, հնարավորություն են տալիս կոնկրետ գործով անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։
Դատարանը գտնում է, որ կոնկրետ դեպքով և ամբաստանյալ Կարեն Ժորիկի Դեմիրչյանի մոտ, որպես պատասխանատվությունը և պատիժը ծանրացնող հանգամանք, առկա է հանցանքը կատարելու ռեցիդիվը, քանի որ ամբաստանյալի նախկին դատվածությունը մարված չէ։
Քրեական գործով Կարեն Ժորիկի Դեմիրչյանի նկատմամբ պատասխանատվությունը և պատիժը մեղմացնող հանգամանքներ առկա չեն։
ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ անհրաժեշտ է գործով ամբաստանյալ Կարեն Ժորիկի Դեմիրչյանի նկատմամբ նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։
Գնահատելով վերոշարադրյալը, դատարանը տվյալ գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս հանգում է այն հիմնավոր եզրակացության, որ ամբաստանյալի նկատմամբ որպես պատիժ անհրաժեշտ է նշանակել ազատազրկում որոշակի ժամկետով։
Նկատի ունենալով Երևան քաղաքի Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով նշանակված պատիժը, սույն գործով հանցանքը կատարելուց հետո նշված դատավճիռը կայացնելու հանգամանքը, դատարանը պատիժ նշանակելիս ղեկավարվում է հանցանքների համակցությամբ` ՀՀ քրեական օրենսգրքի 66-րդ հոդվածի 6-րդ և 4-րդ մասերի պահանջներով։
ՀՀ քրեական օրենսգրքի 97-րդ հոդվածի 1-ին մասի 4-րդ կետի և 103-րդ հոդվածի հիմքով և ՀՀ քրեակատարողական օրենսգրքի 123-րդ և 126-րդ հոդվածների սահմանված կարգով ամբաստանյալ Կարեն Ժորիկի Դեմիրչյանի նկատմամբ պետք է նշանակվի պատժի կատարման հետ միացված բժշկական բնույթի հարկադրանքի միջոց ազատազրկումը կրելու վայրում ափիոնային թմրամոլության դեմ, բուժման ժամկետը հաշվակցելով նշանակված պատժի ժամկետի մեջ։
Իրեղեն ապացույց ճանաչված 1,305գրամ քաշով տնայնագործական եղանակով պատրաստված «չորացված մարիխուանա» տեսակի թմրամիջոցը և 0,007գրամ «բուպրենորֆին» տեսակի թմրամիջոց պարունակող 0,35գրամ քաշով փոշենման զանգվածը ենթակա են ոչնչացման դատավճիռն օրինական ուժի մեջ մտնելուց հետո։
Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 357-358, 360, 365, 368-372-րդ հոդվածներով և ՀՀ դատական օրենսգրքի 20-րդ հոդվածով, դատարանը.
Վ Ճ Ռ Ե Ց
Ամբաստանյալ Կարեն Ժորիկի Դեմիրչյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով նախատեսված հանցանքի կատարման մեջ և նշված հոդվածի սանկցիայով նրա նկատմամբ քրեական պատիժ կիրառել ազատազրկում 1/մեկ/ տարի ժամկետով։
ՀՀ քրեական օրենսգրքի 66-րդ հոդվածի 6-րդ և 4-րդ մասերի կիրառմամբ նոր նշանակված պատժին լրիվ գումարել Երևանի Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով նշանակված 5/հինգ/ տարի ժամկետով ազատազրկմանը և վերջնական պատիժ սահմանել ազատազրկում 6/վեց/ տարի ժամկետով, նշանակված պատժի ժամկետին հաշվակցել 11.02.2010թ. դատավճռով նշանակված պատժի կրած մասը և պատժի սկիզբը հաշվել 2009թվականի օգոստոսի 13-ից։
Ամբաստանյալ Կարեն Ժորիկի Դեմիրչյանի նկատմամբ նշանակել պատժի կատարման հետ միացված բժշկական բնույթի հարկադրանքի միջոց ազատազրկումը կրելու վայրում` ափիոնային թմրամոլության դեմ, բուժման ժամկետը հաշվակցելով նշանակված պատժի ժամկետի մեջ։
Իրեղեն ապացույց ճանաչված 1,305գրամ քաշով տնայնագործական եղանակով պատրաստված «չորացված մարիխուանա» տեսակի թմրամիջոցը և 0,007գրամ «բուպրենորֆին» տեսակի թմրամիջոց պարունակող 0,35գրամ քաշով փոշենման զանգվածը դատավճիռն օրինական ուժի մեջ մտնելուց հետո ոչնչացնել։
Դատավարության մասնակիցների կողմից դատավճիռը վերաքննության կարգով կարող է բողոքարկվել ՀՀ քրեական վերաքննիչ դատարան` հրապարակման պահից մեկ ամսվա ընթացքում։
ԴԱՏԱՎՈՐ Վ. Թ. ԳՐԻԳՈՐՅԱՆ
2010թ
Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.
Նախագահող դատավոր Վ.Թ.ԳՐԻԳՈՐՅԱՆ
Քարտուղարությամբ Ա.ԱՐՂԱՄԱՆՅԱՆ
Մասնակցությամբ`
Մեղադրող Ա.ՄՈՒՐԱԴՅԱՆ
Ամբաստանյալ Կ.ԴԵՄԻՐՉՅԱՆ
2010 թվականի հունիսի 21-ին Երևանի Էրեբունի և Նուբարաշեն վարչական շրջանների ընդհանուր իրավասության դատարանում, դռնբաց դատական նիստում քննեց քրեական գործն ըստ մեղադրանքի
Կարեն Ժորիկի Դեմիրչյանի ծնված 23.03.1975թ. Կրասնոսելսկի շրջանի Արծվաշեն գյուղում, ազգությամբ հայ, Հայաստանի Հանրապետության քաղաքացի, ութամյա կրթությամբ, ամուրի, հաշվառված է Երևան, Բաբաջանյան փող. 87 շենքի 50 բնակարանում, դատված.
1. ՀՀ Գերագույն դատարանի քրեական գործերի դատական կոլեգիայի 30.04.1996թ. դատավճռով ՀՀ քրեական օրենսգրքի 88-րդ հոդվածի 2-րդ մասով ազատազրկման 9 տարի ժամկետով,
2. Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ, 4-րդ կետերով և 34-177-րդ հոդվածի 2-րդ մասի 3-րդ, 4-րդ կետով, ՀՀ քրեական օրենսգրքի 66-րդ հոդվածի կարգով ազատազրկման 5 տարի ժամկետով, «Նուբարաշեն» ՔԿ հիմնարկի դատապարտյալ, մեղադրվում է ՀՀ քրեական օրենսգրքի 268-րդ հոդվածի 1-ին մասով։
Առաջադրված մեղադրանքում իրեն մեղավոր է ճանաչել լիովին։
1. Գործի դատավարական նախապատմությունը
Ամբաստանյալ Կարեն Ժորիկի Դեմիրչյանը մեղադրվել է ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ, 4-րդ կետերով և 34-177-րդ հոդվածի 2-րդ մասի 3-րդ, 4-րդ կետերով։ Նրա վերաբերյալ ԵՄԴ/0135/01/10 քրեական գործը քննվել է Երևանի Մալաթիա-Սեբաստիա վարչական շրջանի ընդհանուր իրավասության դատարանի վարույթում։ 09.02.2010թ. ամբաստանյալ Կարեն Դեմիրչյանը հերթական դատական նիստից հետո փոխադրվել է ՀՀ ԱՆ «Նուբարաշեն» ՔԿ հիմնարկ։ 09.02.2010թ. ժ.1830-ին «Նուբարաշեն» ՔԿ հիմնարկ ընդունվելիս կալանավոր Կարեն Դեմիրչյանը ենթարկվել է անձնական խուզարկության, որի ընթացքում նրա ձախ ոտքի գուլպայի միջից հայտնաբերվել են «ալո» բաժանորդային քարտ և 2 փաթեթներ։ Դրանցից թափանցիկ պոլիէթիլենային փաթեթում, որի եզրերը փակված են եղել հալեցման միջոցով, կաթնագույն թղթով փաթեթավորված է եղել կանաչ և շագանակագույն մանրացված բուսական զանգված յուրահատուկ հոտով, իսկ 2-րդ փաթեթը` նույնպես պոլիէթիլենային թաղանթից, իր մեջ ունեցել է փայլաթղթի մեջ լցված սպիտակ փոշենման զանգված։ Հայտնաբերվածը դատավարական կարգի պահպանմամբ կշռվել, փաթեթավորվել, կնքվել և առգրավվել է։ Հայտնաբերվել է նաև 5000 ՀՀ դրամ գումար։
Անձնական խուզարկության ընթացքում Կարեն Դեմիրչյանը հայտարարել է, որ կանաչ գույնի բուսական զանգվածը «Մարիխուանա», իսկ սպիտակ փոշենման զանգվածը` «սուբուտեքս» տեսակի թմրամիջոցներ են, դրանք պատկանում են իրեն, իր անձնական օգտագործման համար դրանք վերցրել է Մալաթիա-Սեբաստիա վարչական շրջանի ընդհանուր իրավասության դատարանի կալանավոր ամբաստանյալների արգելախցից։
Դատաքիմիական փորձաքննությամբ պարզվել է, որ ամբաստանյալ Կարեն Դեմիրչյանի անձնական խուզարկությամբ հայտնաբերված 1,41գրամ մաքուր քաշով յուրահատուկ հոտով կանաչ գույնի չոր բուսական զանգվածը հանդիսանում է տնայնագործական եղանակով պատրաստված 1,305գրամ հաստատուն քաշով «չորացված մարիխուանա» տեսակի թմրամիջոց, իսկ 0,35գրամ մաքուր քաշով փոշեզանգվածն իր բաղադրության մեջ պարունակում է 0,007գրամ «բուպրենորֆին» տեսակի թմրամիջոց։
Փաստի առթիվ 18.02.2010թ. ՀՀ ոստիկանության ՔԳՎ Էրեբունու քննչական բաժնի կողմից ՀՀ քրեական օրենսգրքի 268-րդ հոդվածի 1-ին մասով հարուցվել է 12107210 քրեական գործը և նախաքննություն է կատարվել։
11.03.2010թ. Կարեն Ժորիկի Դեմիրչյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, քրեական գործը մեղադրական եզրակացությամբ 10.05.2010թ. մուտք է եղել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։
2. Դատաքննությամբ ձեռք բերված ու հետազոտված ապացույցները
Դատաքննությամբ հետազոտվել են մեղադրանքի հիմքում դրված բոլոր այն ապացույցները, որոնք թվարկված են մեղադրական եզրակացության մեջ։
Ապահովելով դատաքննության լրիվությունը, բազմակողմանիությունն ու օբյեկտիվությունը և ղեկավարվելով գործի արդար քննությանը վերաբերող սահմանադրական և դատավարական նորմերի դրույթներով, հիմնվելով պատշաճ ընթացակարգի շրջանակներում դատական քննության ընթացքում գործի հանգամանքների հետազոտման արդյունքի վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, դատարանը գտնում է, որ սույն քրեական գործով ամբաստանյալի մեղքը հիմնավորված է։
Կարեն Ժորիկի Դեմիրչյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա, հանդիսանալով ՀՀ ԱՆ «Նուբարաշեն» ՔԿ հիմնարկի կալանավոր, առանց իրացնելու նպատակի` իր անձնական օգտագործման համար չպարզված հանգամանքներում ապօրինաբար ձեռք բերել և իր մոտ պահել է զգալի չափերի` 1,305գրամ քաշով «չորացված մարիխուանա» և 0,007գրամ քաշով «բուպրենորֆին» տեսակի թմրամիջոցներ, որոնք 09.02.2010թ. ժ.1830-ի սահմաններում Մալաթիա-Սեբաստիա վարչական շրջանի ընդհանուր իրավասության դատարանից ՀՀ ԱՆ «Նուբարաշեն» ՔԿ հիմնարկ տեղափոխվելիս հայտնաբերվել են անձնական խուզարկության ժամանակ նրա հագի գուլպայի մեջ թաքցված վիճակում։
Ամբաստանյալ Կարեն Դեմիրչյանն առաջադրված մեղադրանքում իրեն մեղավոր է ճանաչել լիովին և ցուցմունք է տվել այն մասին, որ թմրամիջոցը ձեռք է բերել Մալաթիա-Սեբաստիա վարչական շրջանների ընդհանուր իրավասության դատարանի կալանավորների արգելախցից, այն նախատեսված է եղել իր անձնական օգտագործման համար։
Ամբաստանյալ Կարեն Դեմիրչյանին առաջադրված մեղադրանքը հիմնավորվել է հետևյալ ապացույցներով.
ՀՀ ԱՆ «Նուբարաշեն» ՔԿ հիմնարկի աշխատակից Ա. Այվազյանի զեկուցագրով, 09.02.2010թ. կազմված արձանագրությամբ այն մասին, որ 2010թվականի փետրվարի 09-ին Մալաթիա-Սեբաստիա վարչական շրջանի ընդհանուր իրավասության դատարանից ՀՀ ոստիկանության Երևան քաղաքի վարչության ուղեկցող գումարտակի աշխատակիցները հատուկ մեքենայով ՀՀ ԱՆ «Նուբարաշեն» ՔԿ հիմնարկ են տեղափոխել կալանավոր Կարեն Դեմիրչյանին։ «Նուբարաշեն» ՔԿ հիմնարկ ընդունելիս սահմանված կարգի համաձայն կալանավորը ենթարկվել է անձնական խուզարկության, որի արդյունքում Կարեն Դեմիրչյանի ձախ ոտքի գուլպայի միջից հայտնաբերվել են մեկ հատ «ալո» բաժանորդային քարտ, պոլիէթիլենային թաղանթով 2 փաթեթներ, որոնցից մեկում հայտնաբերվել է կանաչ և շագանակագույն յուրահատուկ հոտով բուսական զանգված 1,9գրամ քաշով, իսկ երկրորդում` փայլաթղթի մեջ լցված սպիտակ փոշենման զանգված` փայլաթղթի հետ միասին 0,7գրամ քաշով, իսկ տաբատի գրպանից հայտնաբերվել են 5 հատ 1000 դրամանոց թղթադրամներ։ Կարեն Դեմիրչյանը հայտարարել է, որ հայտնաբերվածը թմրամիջոց է, դրանք պատկանում են իրեն, նախատեսված են իր անձնական օգտագործման համար, փաթեթները վերցրել է Մալաթիա-Սեբաստիա վարչական շրջանի ընդհանուր իրավասության դատարանի կալանավորների խցից։
Վերոնշվածը դատավարական կարգի պահպանմամբ առգրավվել, փաթեթավորվել և կնքվել են։
Գ. Թ. 1-2
Նշանակվել է դատաքիմիական փորձաքննություն, բուսական զանգվածը չորացվել է։ Փորձագետի 11.02.2010թ. թիվ 03461005 եզրակացության համաձայն` անձնական խուզարկությամբ հայտնաբերված և առգրավված բուսական չոր զանգվածը հանդիսանում է տնայնագործական եղանակով պատրաստված 1,305գրամ հաստատուն քաշով «չորացված մարիխուանա» տեսակի թմրամիջոց։ Իսկ սպիտակ գույնի 0,35գրամ մաքուր քաշով փոշեզանգվածն իր բաղադրության մեջ պարունակում է 0,007գրամ «բուպրենորֆին» տեսակի թմրամիջոց։
Գ. Թ. 25-29
Ամբաստանյալ Կարեն Դեմիրչյանից վերցված մեզի փորձանմուշի տոքսիկոքիմիական փորձաքննության 16.02.2010թ. թիվ 0098 եզրակացությամբ հայտնաբերվել են ափիոնի և կանաբիսի խմբերի թմրամիջոցների թմրալկալոիդներ։
Գ. Թ. 47
Վկաներ, ՀՀ ԱՆ «Նուբարաշեն» ՔԿ հիմնարկի աշխատակիցներ Գեղամ Ալեքսանյանը և Արթուր Այվազյանը ցուցմունքներ են տվել այն մասին, որ 09.02.2010թ. ժ.1830-ի սահմաններում ՀՀ ոստիկանության Երևան քաղաքի ուղեկցող գումարտակի ոստիկան Արտեմ Գասպարյանի ուղեկցությամբ Մալաթիա-Սեբաստիա վարչական շրջանի ընդհանուր իրավասության դատարանից «Նուբարաշեն» ՔԿ հիմնարկ է վերադարձվել 28խցի կալանավոր Կարեն Դեմիրչյանը։ Վերջինիս անձնական խուզարկության ընթացքում նրա ձախ ոտքի գուլպայի մեջից հայտնաբերվել են երկու փաթեթներ, որոնցից առաջինում հայտնաբերվել է կանաչ գույնի բուսական, իսկ երկրորդում` սպիտակ գույնի փոշենման զանգված, կազմվել է արձանագրություն, հայտնաբերվածն առգրավվել, կշռվել, փաթեթավորվել և կնքվել է։ Հետագայում իրենց հայտնի է դարձել, որ հայտնաբերվածը «չորացված մարիխուանա» և «բուպրենորֆին» տեսակի թմրամիջոցներ են։
Գ. Թ. 53-54, 48-49, դատաքննության արձանագրություն
Վկաներ, ՀՀ ոստիկանության Երևան քաղաքի վարչության ուղեկցող գումարտակի ոստիկաններ Արտեմ Գասպարյանի, Գագիկ Գրիգորյանի ցուցմունքներով այն մասին, որ 09.02.2010թ. «Նուբարաշեն» ՔԿ հիմնարկի կալանավոր Կարեն Դեմիրչյանին անձնական խուզարկության ենթարկելուց հետո տեղափոխել են Մալաթիա-Սեբաստիա վարչական շրջանի ընդհանուր իրավասության դատարան։ Իրենք նախապես զննել են կալանավորին տեղավորելու խցիկը, որևէ կասկածելի իր չի հայտնաբերվել։ Դատաքննությունից հետո դատական կարգադրիչների խնդրանքով, սահմանված կարգի խախտմամբ, կալանավոր Կարեն Դեմիրչյանին տուփով թխվածք է տրվել։ Իսկ երբ Կարեն Դեմիրչյանին տեղափոխել են «Նուբարաշեն» ՔԿ հիմնարկ, նրա անձնական խուզարկությամբ կիսագուլպայի միջից հայտնաբերվել են պոլիէթիլենի 2 փաթեթներ` թմրամիջոցներով, ինչպես նաև` 5000 դրամ կանխիկ գումար և բջջային հեռախոսային խոսակցության քարտ։ Այս ամենը անակնկալ է եղել իրենց համար։ Իրենք չգիտեն, թե ի՞նչ ճանապարհով և ումի՞ց է կալանավորը ձեռք բերել նշվածը։
Գ. Թ. 56-62, 64-69, 14-15, 158-159
դատաքննության արձանագրություն
Վկա, «Նուբարաշեն» ՔԿ հիմնարկի անվտանգության ապահովման բաժնի աշխատակից Անդրանիկ Սարգսյանը ցուցմունք է տվել այն մասին, որ 09.02.2010թ. ժ.1200-ին թիվ 28 խցի կալանավոր Կարեն Դեմիրչյանը Մալաթիա-Սեբաստիա վարչական շրջանի ընդհանուր իրավասության դատարանի հայտով տեղափոխվել է նշված դատարան։ Մինչև տեղափոխվելը կալանավորը ենթարկվել է անձնական խուզարկության, իր մոտ որևէ արգելված իր չի ունեցել։ Նույն օրը երեկոյան կալանավոր Կարեն Դեմիրչյանը վերադարձվել է ՔԿ հիմնարկ, նրա անձնական խուզարկությամբ հայտնաբերվել և առգրավվել է թմրամիջոց։
Գ. Թ. 44-45, դատաքննության արձանագրություն
Վկաներ, Մալաթիա-Սեբաստիա վարչական շրջանի ընդհանուր իրավասության դատարանի կարգադրիչներ Լևոն Դավթյանը, Արման Եղիազարյանը և Հրաչիկ Ասոյանը ցուցմունք են տվել այն մասին, որ 09.12.2010թ. տեղափոխվել է Մալաթիա-Սեբաստիա վարչական շրջանի ընդհանուր իրավասության դատարան` դատաքննության։
Դատաքննությունից հետո դատարանի գրասենյակի պետ Հեղինե Սաֆարյանը, տեսնելով միջանցքում լացող մի կնոջ, իմացել է, որ նա կալանավոր Կարեն Դեմիրչյանի մայրն է, որը խմորեղեն է բերել որդուն։ Խղճալով նրան, Հեղինե Սաֆարյանը դատական կարգադրիչներին խնդրել է հնարավորության դեպքում տուփով խմորեղենը հանձնել կալանավորին։ Թեև դա արգելված է, սակայն շատ հարգելով գրասենյակի պետին և կասկած չունենալով, խմորեղենը և մեկ շիշ կոկա-կոլան հանձնել են Կարեն Դեմիրչյանին։
Նույն օրը երեկոյան իմացել են, որ «Նուբարաշեն» ՔԿ հիմնարկ ընդունելիս Կարեն Դեմիրչյանի անձնական խուզարկությամբ նրա մոտ թմրամիջոց և այլ արգելված իրեր են հայտնաբերել։
Գ. Թ. 71-74, 105-108, 129-131,
դատաքննության արձանագրություն
Նախաքննության ժամանակ նույնաբովանդակ ցուցմունք է տվել նաև որպես վկա հարցաքննված Հեղինե Սաֆարյանը։
Գ. Թ. 156-157
Ամբաստանյալ Կարեն Դեմիրչյանի անձնական խուզարկությամբ առգրաված 1,305գրամ հաստատուն քաշով տնայնագործական եղանակով պատրաստված «չորացված մարիխուանա» տեսակի թմրամիջոցը և 0,35գրամ մաքուր քաշով փոշեզանգվածը, որն իր բաղադրության մեջ պարունակում է 0,007գրամ «բուպրենորֆին» տեսակի թմրամիջոց, ճանաչվել են իրեղեն ապացույց։
Գ. Թ. 2, 42-43, 25-27
Դատանարկոլոգիական փորձաքննության 01.04.2010թ. թիվ 106/10 եզրակացության համաձայն, ամբաստանյալ Կարեն Դեմիրչյանը տառապում է ափիոնային թմրամոլությամբ, ունի հարկադիր բուժման կարիք, որի համար հակացուցումներ չկան։
Գ. Թ. 194-195
3. Դատարանի իրավական վերլուծությունը
Դատաքննությամբ բազմակողմանի և օբյեկտիվ ստուգելով գործով ձեռք բերված ապացույցները, դրանք միմյանց հետ համադրելով և դրանք գնահատելով իրենց վերաբերելիության, թույլատրելիության և իրենց համակցությամբ` գործի լուծման համար բավարարության տեսանկյունից և հիմնված ներքին համոզմամբ, դատարանը գտնում է, որ ամբաստանյալ Կարեն Ժորիկի Դեմիրչյանի մեղքը ՀՀ քրեական օրենսգրքի 268-րդ հոդվածի 1-ին մասով նախատեսված հանցանքը կատարելու մեջ հիմնավորված է և նշված հոդվածի սանկցիայով պետք է պատիժ նշանակվի։
Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունը մեղմացնող ու ծանրացնող հանգամանքները։ Դրանք բնութագրում են հանցավորի անձնավորությունն ու կատարված հանցագործության հանրային վտանգավորության աստիճանը, հնարավորություն են տալիս կոնկրետ գործով անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։
Դատարանը գտնում է, որ կոնկրետ դեպքով և ամբաստանյալ Կարեն Ժորիկի Դեմիրչյանի մոտ, որպես պատասխանատվությունը և պատիժը ծանրացնող հանգամանք, առկա է հանցանքը կատարելու ռեցիդիվը, քանի որ ամբաստանյալի նախկին դատվածությունը մարված չէ։
Քրեական գործով Կարեն Ժորիկի Դեմիրչյանի նկատմամբ պատասխանատվությունը և պատիժը մեղմացնող հանգամանքներ առկա չեն։
ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ անհրաժեշտ է գործով ամբաստանյալ Կարեն Ժորիկի Դեմիրչյանի նկատմամբ նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։
Գնահատելով վերոշարադրյալը, դատարանը տվյալ գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս հանգում է այն հիմնավոր եզրակացության, որ ամբաստանյալի նկատմամբ որպես պատիժ անհրաժեշտ է նշանակել ազատազրկում որոշակի ժամկետով։
Նկատի ունենալով Երևան քաղաքի Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով նշանակված պատիժը, սույն գործով հանցանքը կատարելուց հետո նշված դատավճիռը կայացնելու հանգամանքը, դատարանը պատիժ նշանակելիս ղեկավարվում է հանցանքների համակցությամբ` ՀՀ քրեական օրենսգրքի 66-րդ հոդվածի 6-րդ և 4-րդ մասերի պահանջներով։
ՀՀ քրեական օրենսգրքի 97-րդ հոդվածի 1-ին մասի 4-րդ կետի և 103-րդ հոդվածի հիմքով և ՀՀ քրեակատարողական օրենսգրքի 123-րդ և 126-րդ հոդվածների սահմանված կարգով ամբաստանյալ Կարեն Ժորիկի Դեմիրչյանի նկատմամբ պետք է նշանակվի պատժի կատարման հետ միացված բժշկական բնույթի հարկադրանքի միջոց ազատազրկումը կրելու վայրում ափիոնային թմրամոլության դեմ, բուժման ժամկետը հաշվակցելով նշանակված պատժի ժամկետի մեջ։
Իրեղեն ապացույց ճանաչված 1,305գրամ քաշով տնայնագործական եղանակով պատրաստված «չորացված մարիխուանա» տեսակի թմրամիջոցը և 0,007գրամ «բուպրենորֆին» տեսակի թմրամիջոց պարունակող 0,35գրամ քաշով փոշենման զանգվածը ենթակա են ոչնչացման դատավճիռն օրինական ուժի մեջ մտնելուց հետո։
Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 357-358, 360, 365, 368-372-րդ հոդվածներով և ՀՀ դատական օրենսգրքի 20-րդ հոդվածով, դատարանը.
Վ Ճ Ռ Ե Ց
Ամբաստանյալ Կարեն Ժորիկի Դեմիրչյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով նախատեսված հանցանքի կատարման մեջ և նշված հոդվածի սանկցիայով նրա նկատմամբ քրեական պատիժ կիրառել ազատազրկում 1/մեկ/ տարի ժամկետով։
ՀՀ քրեական օրենսգրքի 66-րդ հոդվածի 6-րդ և 4-րդ մասերի կիրառմամբ նոր նշանակված պատժին լրիվ գումարել Երևանի Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով նշանակված 5/հինգ/ տարի ժամկետով ազատազրկմանը և վերջնական պատիժ սահմանել ազատազրկում 6/վեց/ տարի ժամկետով, նշանակված պատժի ժամկետին հաշվակցել 11.02.2010թ. դատավճռով նշանակված պատժի կրած մասը և պատժի սկիզբը հաշվել 2009թվականի օգոստոսի 13-ից։
Ամբաստանյալ Կարեն Ժորիկի Դեմիրչյանի նկատմամբ նշանակել պատժի կատարման հետ միացված բժշկական բնույթի հարկադրանքի միջոց ազատազրկումը կրելու վայրում` ափիոնային թմրամոլության դեմ, բուժման ժամկետը հաշվակցելով նշանակված պատժի ժամկետի մեջ։
Իրեղեն ապացույց ճանաչված 1,305գրամ քաշով տնայնագործական եղանակով պատրաստված «չորացված մարիխուանա» տեսակի թմրամիջոցը և 0,007գրամ «բուպրենորֆին» տեսակի թմրամիջոց պարունակող 0,35գրամ քաշով փոշենման զանգվածը դատավճիռն օրինական ուժի մեջ մտնելուց հետո ոչնչացնել։
Դատավարության մասնակիցների կողմից դատավճիռը վերաքննության կարգով կարող է բողոքարկվել ՀՀ քրեական վերաքննիչ դատարան` հրապարակման պահից մեկ ամսվա ընթացքում։
ԴԱՏԱՎՈՐ Վ. Թ. ԳՐԻԳՈՐՅԱՆ
Դատական գործ N: ԵԷԴ/0062/01/10
Էրեբունի և Նուբարաշեն
Նոր քրեական գործ
| Երբ է գործը ստացվել | 10-05-2010 |
|---|---|
| Քրեական գործի համարը | 0062/01/10 |
| Ինչ կարգով է գործը ստացվել | Առաջին անգամ |
| Դատախազություն | ՀՀ Գլխավոր դատախազություն |
| Նախաքննական գործի համարը | 12107210 |
| Մեղադրական եզրակացության համառոտ բովանդակություն | հանդիսանալով ՀՀ ԱՆ Նուբարաշեն ՔԿՀ-ի կալանավոր, առանց իրացնելու նպատակի իր գործածման համար, դեռևս չպարզված ժամանակ և հանգամանքներում ապօրինաբար ձեռք է բերել և իր մոտ պահել զգալի չափերի` 1,305 գրամ չորացված մարիխուանա և 0,007 գրամ բուպրենորֆին տեսակի թմրամիջոցներ: |
| Մեղադրյալ | |
| Անձ | |
| Անուն | Կարեն |
| Ազգանուն | Դեմիրչյան |
| Հայրանուն | Ժորիկի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Հոդված_1 | |
| Դատվածություն | |
| Դատվածություն | դատված |
| Վիճակագրական տողի համարը | 11.3 |
| Չափահաս | Այո |
Մակագրել
| Երբ | 10-05-2010 |
|---|---|
| Նախագահող դատավոր | |
| Անուն | Վլադիմիր |
| Ազգանուն | Գրիգորյան |
Ընդունվել է վարույթ
| Երբ | 12-05-2010 |
|---|---|
| Որոշումը ուղարկվել է կողմերին | 12-05-2010 |
| Ուղարկվել է հուշաթերթիկ/որոշումը | 12-05-2010 |
Նշանակվել է դատական քննություն
| Երբ | 01-06-2010 |
|---|---|
| Դատավարության կողմեր | Մեղադրյալ |
| Դատավարության կողմեր | |
| Անուն | Կարեն |
| Ազգանուն | Դեմիրչյան |
| Հասցե | --------------- |
| Սեռ | 1 |
| Ժամ | 12:00 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 10-06-2010 |
|---|---|
| Ժամ | 14:30 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 21-06-2010 |
|---|---|
| Ժամ | 15:00 |
| Նիստերի դահլիճի համարը | 1 |
Կայացվել է դատավճիռ
| Ամսաթիվ | 21-06-2010 |
|---|
Մեղադրական
| Մեղադրյալ | |
|---|---|
| Անուն | Կարեն |
| Ազգանուն | Դեմիրչյան |
| Հասցե | --------------- |
| Սեռ | 1 |
| Ամսաթիվ | 21-06-2010 |
| Առավել ծանր հանցագործության հոդված | |
| Առավել ծանր հանցագործության հոդվածով | Դատապարտվել է |
| Հիմնական պատիժ | Որոշակի ժամկետով ազատազրկում |
Դատական ակտ
| Դատական ակտի բովանդակությունը | Գործ թիվ ԵԷԴ/0062/01/10 2010թ Դ Ա Տ Ա Վ Ճ Ի Ռ Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ. Նախագահող դատավոր Վ.Թ.ԳՐԻԳՈՐՅԱՆ Քարտուղարությամբ Ա.ԱՐՂԱՄԱՆՅԱՆ Մասնակցությամբ` Մեղադրող Ա.ՄՈՒՐԱԴՅԱՆ Ամբաստանյալ Կ.ԴԵՄԻՐՉՅԱՆ 2010 թվականի հունիսի 21-ին Երևանի Էրեբունի և Նուբարաշեն վարչական շրջանների ընդհանուր իրավասության դատարանում, դռնբաց դատական նիստում քննեց քրեական գործն ըստ մեղադրանքի Կարեն Ժորիկի Դեմիրչյանի ծնված 23.03.1975թ. Կրասնոսելսկի շրջանի Արծվաշեն գյուղում, ազգությամբ հայ, Հայաստանի Հանրապետության քաղաքացի, ութամյա կրթությամբ, ամուրի, հաշվառված է Երևան, Բաբաջանյան փող. 87 շենքի 50 բնակարանում, դատված. 1. ՀՀ Գերագույն դատարանի քրեական գործերի դատական կոլեգիայի 30.04.1996թ. դատավճռով ՀՀ քրեական օրենսգրքի 88-րդ հոդվածի 2-րդ մասով ազատազրկման 9 տարի ժամկետով, 2. Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ, 4-րդ կետերով և 34-177-րդ հոդվածի 2-րդ մասի 3-րդ, 4-րդ կետով, ՀՀ քրեական օրենսգրքի 66-րդ հոդվածի կարգով ազատազրկման 5 տարի ժամկետով, «Նուբարաշեն» ՔԿ հիմնարկի դատապարտյալ, մեղադրվում է ՀՀ քրեական օրենսգրքի 268-րդ հոդվածի 1-ին մասով։ Առաջադրված մեղադրանքում իրեն մեղավոր է ճանաչել լիովին։ 1. Գործի դատավարական նախապատմությունը Ամբաստանյալ Կարեն Ժորիկի Դեմիրչյանը մեղադրվել է ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ, 4-րդ կետերով և 34-177-րդ հոդվածի 2-րդ մասի 3-րդ, 4-րդ կետերով։ Նրա վերաբերյալ ԵՄԴ/0135/01/10 քրեական գործը քննվել է Երևանի Մալաթիա-Սեբաստիա վարչական շրջանի ընդհանուր իրավասության դատարանի վարույթում։ 09.02.2010թ. ամբաստանյալ Կարեն Դեմիրչյանը հերթական դատական նիստից հետո փոխադրվել է ՀՀ ԱՆ «Նուբարաշեն» ՔԿ հիմնարկ։ 09.02.2010թ. ժ.1830-ին «Նուբարաշեն» ՔԿ հիմնարկ ընդունվելիս կալանավոր Կարեն Դեմիրչյանը ենթարկվել է անձնական խուզարկության, որի ընթացքում նրա ձախ ոտքի գուլպայի միջից հայտնաբերվել են «ալո» բաժանորդային քարտ և 2 փաթեթներ։ Դրանցից թափանցիկ պոլիէթիլենային փաթեթում, որի եզրերը փակված են եղել հալեցման միջոցով, կաթնագույն թղթով փաթեթավորված է եղել կանաչ և շագանակագույն մանրացված բուսական զանգված յուրահատուկ հոտով, իսկ 2-րդ փաթեթը` նույնպես պոլիէթիլենային թաղանթից, իր մեջ ունեցել է փայլաթղթի մեջ լցված սպիտակ փոշենման զանգված։ Հայտնաբերվածը դատավարական կարգի պահպանմամբ կշռվել, փաթեթավորվել, կնքվել և առգրավվել է։ Հայտնաբերվել է նաև 5000 ՀՀ դրամ գումար։ Անձնական խուզարկության ընթացքում Կարեն Դեմիրչյանը հայտարարել է, որ կանաչ գույնի բուսական զանգվածը «Մարիխուանա», իսկ սպիտակ փոշենման զանգվածը` «սուբուտեքս» տեսակի թմրամիջոցներ են, դրանք պատկանում են իրեն, իր անձնական օգտագործման համար դրանք վերցրել է Մալաթիա-Սեբաստիա վարչական շրջանի ընդհանուր իրավասության դատարանի կալանավոր ամբաստանյալների արգելախցից։ Դատաքիմիական փորձաքննությամբ պարզվել է, որ ամբաստանյալ Կարեն Դեմիրչյանի անձնական խուզարկությամբ հայտնաբերված 1,41գրամ մաքուր քաշով յուրահատուկ հոտով կանաչ գույնի չոր բուսական զանգվածը հանդիսանում է տնայնագործական եղանակով պատրաստված 1,305գրամ հաստատուն քաշով «չորացված մարիխուանա» տեսակի թմրամիջոց, իսկ 0,35գրամ մաքուր քաշով փոշեզանգվածն իր բաղադրության մեջ պարունակում է 0,007գրամ «բուպրենորֆին» տեսակի թմրամիջոց։ Փաստի առթիվ 18.02.2010թ. ՀՀ ոստիկանության ՔԳՎ Էրեբունու քննչական բաժնի կողմից ՀՀ քրեական օրենսգրքի 268-րդ հոդվածի 1-ին մասով հարուցվել է 12107210 քրեական գործը և նախաքննություն է կատարվել։ 11.03.2010թ. Կարեն Ժորիկի Դեմիրչյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, քրեական գործը մեղադրական եզրակացությամբ 10.05.2010թ. մուտք է եղել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։ 2. Դատաքննությամբ ձեռք բերված ու հետազոտված ապացույցները Դատաքննությամբ հետազոտվել են մեղադրանքի հիմքում դրված բոլոր այն ապացույցները, որոնք թվարկված են մեղադրական եզրակացության մեջ։ Ապահովելով դատաքննության լրիվությունը, բազմակողմանիությունն ու օբյեկտիվությունը և ղեկավարվելով գործի արդար քննությանը վերաբերող սահմանադրական և դատավարական նորմերի դրույթներով, հիմնվելով պատշաճ ընթացակարգի շրջանակներում դատական քննության ընթացքում գործի հանգամանքների հետազոտման արդյունքի վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, դատարանը գտնում է, որ սույն քրեական գործով ամբաստանյալի մեղքը հիմնավորված է։ Կարեն Ժորիկի Դեմիրչյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա, հանդիսանալով ՀՀ ԱՆ «Նուբարաշեն» ՔԿ հիմնարկի կալանավոր, առանց իրացնելու նպատակի` իր անձնական օգտագործման համար չպարզված հանգամանքներում ապօրինաբար ձեռք բերել և իր մոտ պահել է զգալի չափերի` 1,305գրամ քաշով «չորացված մարիխուանա» և 0,007գրամ քաշով «բուպրենորֆին» տեսակի թմրամիջոցներ, որոնք 09.02.2010թ. ժ.1830-ի սահմաններում Մալաթիա-Սեբաստիա վարչական շրջանի ընդհանուր իրավասության դատարանից ՀՀ ԱՆ «Նուբարաշեն» ՔԿ հիմնարկ տեղափոխվելիս հայտնաբերվել են անձնական խուզարկության ժամանակ նրա հագի գուլպայի մեջ թաքցված վիճակում։ Ամբաստանյալ Կարեն Դեմիրչյանն առաջադրված մեղադրանքում իրեն մեղավոր է ճանաչել լիովին և ցուցմունք է տվել այն մասին, որ թմրամիջոցը ձեռք է բերել Մալաթիա-Սեբաստիա վարչական շրջանների ընդհանուր իրավասության դատարանի կալանավորների արգելախցից, այն նախատեսված է եղել իր անձնական օգտագործման համար։ Ամբաստանյալ Կարեն Դեմիրչյանին առաջադրված մեղադրանքը հիմնավորվել է հետևյալ ապացույցներով. ՀՀ ԱՆ «Նուբարաշեն» ՔԿ հիմնարկի աշխատակից Ա. Այվազյանի զեկուցագրով, 09.02.2010թ. կազմված արձանագրությամբ այն մասին, որ 2010թվականի փետրվարի 09-ին Մալաթիա-Սեբաստիա վարչական շրջանի ընդհանուր իրավասության դատարանից ՀՀ ոստիկանության Երևան քաղաքի վարչության ուղեկցող գումարտակի աշխատակիցները հատուկ մեքենայով ՀՀ ԱՆ «Նուբարաշեն» ՔԿ հիմնարկ են տեղափոխել կալանավոր Կարեն Դեմիրչյանին։ «Նուբարաշեն» ՔԿ հիմնարկ ընդունելիս սահմանված կարգի համաձայն կալանավորը ենթարկվել է անձնական խուզարկության, որի արդյունքում Կարեն Դեմիրչյանի ձախ ոտքի գուլպայի միջից հայտնաբերվել են մեկ հատ «ալո» բաժանորդային քարտ, պոլիէթիլենային թաղանթով 2 փաթեթներ, որոնցից մեկում հայտնաբերվել է կանաչ և շագանակագույն յուրահատուկ հոտով բուսական զանգված 1,9գրամ քաշով, իսկ երկրորդում` փայլաթղթի մեջ լցված սպիտակ փոշենման զանգված` փայլաթղթի հետ միասին 0,7գրամ քաշով, իսկ տաբատի գրպանից հայտնաբերվել են 5 հատ 1000 դրամանոց թղթադրամներ։ Կարեն Դեմիրչյանը հայտարարել է, որ հայտնաբերվածը թմրամիջոց է, դրանք պատկանում են իրեն, նախատեսված են իր անձնական օգտագործման համար, փաթեթները վերցրել է Մալաթիա-Սեբաստիա վարչական շրջանի ընդհանուր իրավասության դատարանի կալանավորների խցից։ Վերոնշվածը դատավարական կարգի պահպանմամբ առգրավվել, փաթեթավորվել և կնքվել են։ Գ. Թ. 1-2 Նշանակվել է դատաքիմիական փորձաքննություն, բուսական զանգվածը չորացվել է։ Փորձագետի 11.02.2010թ. թիվ 03461005 եզրակացության համաձայն` անձնական խուզարկությամբ հայտնաբերված և առգրավված բուսական չոր զանգվածը հանդիսանում է տնայնագործական եղանակով պատրաստված 1,305գրամ հաստատուն քաշով «չորացված մարիխուանա» տեսակի թմրամիջոց։ Իսկ սպիտակ գույնի 0,35գրամ մաքուր քաշով փոշեզանգվածն իր բաղադրության մեջ պարունակում է 0,007գրամ «բուպրենորֆին» տեսակի թմրամիջոց։ Գ. Թ. 25-29 Ամբաստանյալ Կարեն Դեմիրչյանից վերցված մեզի փորձանմուշի տոքսիկոքիմիական փորձաքննության 16.02.2010թ. թիվ 0098 եզրակացությամբ հայտնաբերվել են ափիոնի և կանաբիսի խմբերի թմրամիջոցների թմրալկալոիդներ։ Գ. Թ. 47 Վկաներ, ՀՀ ԱՆ «Նուբարաշեն» ՔԿ հիմնարկի աշխատակիցներ Գեղամ Ալեքսանյանը և Արթուր Այվազյանը ցուցմունքներ են տվել այն մասին, որ 09.02.2010թ. ժ.1830-ի սահմաններում ՀՀ ոստիկանության Երևան քաղաքի ուղեկցող գումարտակի ոստիկան Արտեմ Գասպարյանի ուղեկցությամբ Մալաթիա-Սեբաստիա վարչական շրջանի ընդհանուր իրավասության դատարանից «Նուբարաշեն» ՔԿ հիմնարկ է վերադարձվել 28խցի կալանավոր Կարեն Դեմիրչյանը։ Վերջինիս անձնական խուզարկության ընթացքում նրա ձախ ոտքի գուլպայի մեջից հայտնաբերվել են երկու փաթեթներ, որոնցից առաջինում հայտնաբերվել է կանաչ գույնի բուսական, իսկ երկրորդում` սպիտակ գույնի փոշենման զանգված, կազմվել է արձանագրություն, հայտնաբերվածն առգրավվել, կշռվել, փաթեթավորվել և կնքվել է։ Հետագայում իրենց հայտնի է դարձել, որ հայտնաբերվածը «չորացված մարիխուանա» և «բուպրենորֆին» տեսակի թմրամիջոցներ են։ Գ. Թ. 53-54, 48-49, դատաքննության արձանագրություն Վկաներ, ՀՀ ոստիկանության Երևան քաղաքի վարչության ուղեկցող գումարտակի ոստիկաններ Արտեմ Գասպարյանի, Գագիկ Գրիգորյանի ցուցմունքներով այն մասին, որ 09.02.2010թ. «Նուբարաշեն» ՔԿ հիմնարկի կալանավոր Կարեն Դեմիրչյանին անձնական խուզարկության ենթարկելուց հետո տեղափոխել են Մալաթիա-Սեբաստիա վարչական շրջանի ընդհանուր իրավասության դատարան։ Իրենք նախապես զննել են կալանավորին տեղավորելու խցիկը, որևէ կասկածելի իր չի հայտնաբերվել։ Դատաքննությունից հետո դատական կարգադրիչների խնդրանքով, սահմանված կարգի խախտմամբ, կալանավոր Կարեն Դեմիրչյանին տուփով թխվածք է տրվել։ Իսկ երբ Կարեն Դեմիրչյանին տեղափոխել են «Նուբարաշեն» ՔԿ հիմնարկ, նրա անձնական խուզարկությամբ կիսագուլպայի միջից հայտնաբերվել են պոլիէթիլենի 2 փաթեթներ` թմրամիջոցներով, ինչպես նաև` 5000 դրամ կանխիկ գումար և բջջային հեռախոսային խոսակցության քարտ։ Այս ամենը անակնկալ է եղել իրենց համար։ Իրենք չգիտեն, թե ի՞նչ ճանապարհով և ումի՞ց է կալանավորը ձեռք բերել նշվածը։ Գ. Թ. 56-62, 64-69, 14-15, 158-159 դատաքննության արձանագրություն Վկա, «Նուբարաշեն» ՔԿ հիմնարկի անվտանգության ապահովման բաժնի աշխատակից Անդրանիկ Սարգսյանը ցուցմունք է տվել այն մասին, որ 09.02.2010թ. ժ.1200-ին թիվ 28 խցի կալանավոր Կարեն Դեմիրչյանը Մալաթիա-Սեբաստիա վարչական շրջանի ընդհանուր իրավասության դատարանի հայտով տեղափոխվել է նշված դատարան։ Մինչև տեղափոխվելը կալանավորը ենթարկվել է անձնական խուզարկության, իր մոտ որևէ արգելված իր չի ունեցել։ Նույն օրը երեկոյան կալանավոր Կարեն Դեմիրչյանը վերադարձվել է ՔԿ հիմնարկ, նրա անձնական խուզարկությամբ հայտնաբերվել և առգրավվել է թմրամիջոց։ Գ. Թ. 44-45, դատաքննության արձանագրություն Վկաներ, Մալաթիա-Սեբաստիա վարչական շրջանի ընդհանուր իրավասության դատարանի կարգադրիչներ Լևոն Դավթյանը, Արման Եղիազարյանը և Հրաչիկ Ասոյանը ցուցմունք են տվել այն մասին, որ 09.12.2010թ. տեղափոխվել է Մալաթիա-Սեբաստիա վարչական շրջանի ընդհանուր իրավասության դատարան` դատաքննության։ Դատաքննությունից հետո դատարանի գրասենյակի պետ Հեղինե Սաֆարյանը, տեսնելով միջանցքում լացող մի կնոջ, իմացել է, որ նա կալանավոր Կարեն Դեմիրչյանի մայրն է, որը խմորեղեն է բերել որդուն։ Խղճալով նրան, Հեղինե Սաֆարյանը դատական կարգադրիչներին խնդրել է հնարավորության դեպքում տուփով խմորեղենը հանձնել կալանավորին։ Թեև դա արգելված է, սակայն շատ հարգելով գրասենյակի պետին և կասկած չունենալով, խմորեղենը և մեկ շիշ կոկա-կոլան հանձնել են Կարեն Դեմիրչյանին։ Նույն օրը երեկոյան իմացել են, որ «Նուբարաշեն» ՔԿ հիմնարկ ընդունելիս Կարեն Դեմիրչյանի անձնական խուզարկությամբ նրա մոտ թմրամիջոց և այլ արգելված իրեր են հայտնաբերել։ Գ. Թ. 71-74, 105-108, 129-131, դատաքննության արձանագրություն Նախաքննության ժամանակ նույնաբովանդակ ցուցմունք է տվել նաև որպես վկա հարցաքննված Հեղինե Սաֆարյանը։ Գ. Թ. 156-157 Ամբաստանյալ Կարեն Դեմիրչյանի անձնական խուզարկությամբ առգրաված 1,305գրամ հաստատուն քաշով տնայնագործական եղանակով պատրաստված «չորացված մարիխուանա» տեսակի թմրամիջոցը և 0,35գրամ մաքուր քաշով փոշեզանգվածը, որն իր բաղադրության մեջ պարունակում է 0,007գրամ «բուպրենորֆին» տեսակի թմրամիջոց, ճանաչվել են իրեղեն ապացույց։ Գ. Թ. 2, 42-43, 25-27 Դատանարկոլոգիական փորձաքննության 01.04.2010թ. թիվ 106/10 եզրակացության համաձայն, ամբաստանյալ Կարեն Դեմիրչյանը տառապում է ափիոնային թմրամոլությամբ, ունի հարկադիր բուժման կարիք, որի համար հակացուցումներ չկան։ Գ. Թ. 194-195 3. Դատարանի իրավական վերլուծությունը Դատաքննությամբ բազմակողմանի և օբյեկտիվ ստուգելով գործով ձեռք բերված ապացույցները, դրանք միմյանց հետ համադրելով և դրանք գնահատելով իրենց վերաբերելիության, թույլատրելիության և իրենց համակցությամբ` գործի լուծման համար բավարարության տեսանկյունից և հիմնված ներքին համոզմամբ, դատարանը գտնում է, որ ամբաստանյալ Կարեն Ժորիկի Դեմիրչյանի մեղքը ՀՀ քրեական օրենսգրքի 268-րդ հոդվածի 1-ին մասով նախատեսված հանցանքը կատարելու մեջ հիմնավորված է և նշված հոդվածի սանկցիայով պետք է պատիժ նշանակվի։ Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունը մեղմացնող ու ծանրացնող հանգամանքները։ Դրանք բնութագրում են հանցավորի անձնավորությունն ու կատարված հանցագործության հանրային վտանգավորության աստիճանը, հնարավորություն են տալիս կոնկրետ գործով անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։ Դատարանը գտնում է, որ կոնկրետ դեպքով և ամբաստանյալ Կարեն Ժորիկի Դեմիրչյանի մոտ, որպես պատասխանատվությունը և պատիժը ծանրացնող հանգամանք, առկա է հանցանքը կատարելու ռեցիդիվը, քանի որ ամբաստանյալի նախկին դատվածությունը մարված չէ։ Քրեական գործով Կարեն Ժորիկի Դեմիրչյանի նկատմամբ պատասխանատվությունը և պատիժը մեղմացնող հանգամանքներ առկա չեն։ ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ անհրաժեշտ է գործով ամբաստանյալ Կարեն Ժորիկի Դեմիրչյանի նկատմամբ նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։ Գնահատելով վերոշարադրյալը, դատարանը տվյալ գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս հանգում է այն հիմնավոր եզրակացության, որ ամբաստանյալի նկատմամբ որպես պատիժ անհրաժեշտ է նշանակել ազատազրկում որոշակի ժամկետով։ Նկատի ունենալով Երևան քաղաքի Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով նշանակված պատիժը, սույն գործով հանցանքը կատարելուց հետո նշված դատավճիռը կայացնելու հանգամանքը, դատարանը պատիժ նշանակելիս ղեկավարվում է հանցանքների համակցությամբ` ՀՀ քրեական օրենսգրքի 66-րդ հոդվածի 6-րդ և 4-րդ մասերի պահանջներով։ ՀՀ քրեական օրենսգրքի 97-րդ հոդվածի 1-ին մասի 4-րդ կետի և 103-րդ հոդվածի հիմքով և ՀՀ քրեակատարողական օրենսգրքի 123-րդ և 126-րդ հոդվածների սահմանված կարգով ամբաստանյալ Կարեն Ժորիկի Դեմիրչյանի նկատմամբ պետք է նշանակվի պատժի կատարման հետ միացված բժշկական բնույթի հարկադրանքի միջոց ազատազրկումը կրելու վայրում ափիոնային թմրամոլության դեմ, բուժման ժամկետը հաշվակցելով նշանակված պատժի ժամկետի մեջ։ Իրեղեն ապացույց ճանաչված 1,305գրամ քաշով տնայնագործական եղանակով պատրաստված «չորացված մարիխուանա» տեսակի թմրամիջոցը և 0,007գրամ «բուպրենորֆին» տեսակի թմրամիջոց պարունակող 0,35գրամ քաշով փոշենման զանգվածը ենթակա են ոչնչացման դատավճիռն օրինական ուժի մեջ մտնելուց հետո։ Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 357-358, 360, 365, 368-372-րդ հոդվածներով և ՀՀ դատական օրենսգրքի 20-րդ հոդվածով, դատարանը. Վ Ճ Ռ Ե Ց Ամբաստանյալ Կարեն Ժորիկի Դեմիրչյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով նախատեսված հանցանքի կատարման մեջ և նշված հոդվածի սանկցիայով նրա նկատմամբ քրեական պատիժ կիրառել ազատազրկում 1/մեկ/ տարի ժամկետով։ ՀՀ քրեական օրենսգրքի 66-րդ հոդվածի 6-րդ և 4-րդ մասերի կիրառմամբ նոր նշանակված պատժին լրիվ գումարել Երևանի Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով նշանակված 5/հինգ/ տարի ժամկետով ազատազրկմանը և վերջնական պատիժ սահմանել ազատազրկում 6/վեց/ տարի ժամկետով, նշանակված պատժի ժամկետին հաշվակցել 11.02.2010թ. դատավճռով նշանակված պատժի կրած մասը և պատժի սկիզբը հաշվել 2009թվականի օգոստոսի 13-ից։ Ամբաստանյալ Կարեն Ժորիկի Դեմիրչյանի նկատմամբ նշանակել պատժի կատարման հետ միացված բժշկական բնույթի հարկադրանքի միջոց ազատազրկումը կրելու վայրում` ափիոնային թմրամոլության դեմ, բուժման ժամկետը հաշվակցելով նշանակված պատժի ժամկետի մեջ։ Իրեղեն ապացույց ճանաչված 1,305գրամ քաշով տնայնագործական եղանակով պատրաստված «չորացված մարիխուանա» տեսակի թմրամիջոցը և 0,007գրամ «բուպրենորֆին» տեսակի թմրամիջոց պարունակող 0,35գրամ քաշով փոշենման զանգվածը դատավճիռն օրինական ուժի մեջ մտնելուց հետո ոչնչացնել։ Դատավարության մասնակիցների կողմից դատավճիռը վերաքննության կարգով կարող է բողոքարկվել ՀՀ քրեական վերաքննիչ դատարան` հրապարակման պահից մեկ ամսվա ընթացքում։ ԴԱՏԱՎՈՐ Վ. Թ. ԳՐԻԳՈՐՅԱՆ |
|---|---|
| Դատական ակտի ամսաթիվը | 21-06-2010 |
Դատավճռի, որոշման կատարում
| Ամսաթիվ | 22-07-2010 |
|---|
Գործը հանձնվել է գրասենյակ
| Գործը հանձնվել է գրասենյակ | 23-07-2010 |
|---|---|
| Էջերի քանակ | 1-ին հատորը՝ 212 թերթից, 2-րդ հատորը՝ 62 թերթից։ |
Գործը հանձնվել է դատարանի արխիվ
| Ամսաթիվ | 02-08-2010 |
|---|---|
| Էջերի քանակը | 1-ին հատորը՝ 212 թերթից, 2-րդ հատորը՝ 62 թերթից |
ՀՀ քրեական օրենսգրքի փոփոխություններին և լրացումներին համապատասխանեցում
| Ամսաթիվ | 27-06-2011 |
|---|---|
| Ամբաստանյալ/Դատապարտյալ | |
| Անուն | Կարեն |
| Ազգանուն | Դեմիրչյան |
| Հասցե | --------------- |
| Սեռ | 1 |
Գործը հանձնվել է դատավորին
| Ամսաթիվ | 27-06-2011 |
|---|---|
| Դատարան | Էրեբունի և Նուբարաշեն |
| Հանձնվել է դատավորին | |
| Անուն | Վլադիմիր |
| Ազգանուն | Գրիգորյան |
Նշանակվել է դատաքննություն
| Ամսաթիվ | 09-07-2011 |
|---|
Կայացվել է որոշում
| Ամսաթիվ | 09-07-2011 |
|---|---|
| Որոշման բովանդակություն | Գործ թիվ ԵԷԴ/0062/01/10 2011թ ՈՐՈՇՈՒՄ ԴԱՏԱՎՃԻՌԸ ՀԱՄԱՊԱՏԱՍԽԱՆԵՑՆԵԼՈՒ ՄԱՍԻՆ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով. Նախագահող դատավոր Վլադիմիր Գրիգորյան Քարտուղար Արմինե Արղամանյան Դատախազ Ալեքսան Մուրադյան 2011թ-ի հուլիսի 09-ին դատարանում. Դռնբաց դատական նիստում քննության առնելով ՀՀ ԱՆ «Սևան» ՔԿ հիմնարկի դատապարտյալ Կարեն Ժորիկի Դեմիրչյանի դիմումը` ՀՀ Ազգային ժողովի կողմից 23.05.2011թ. ընդունված «ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքի կիրառմամբ իր նկատմամբ Երևանի Էրեբունի և Նուբարաշեն վարչական շրջանների ընդհանուր իրավասության դատարանի 21.06.2010թ. թիվ ԵԷԴ/0062/01/10 դատավճիռը վերանայելու մասին. ՊԱՐԶԵՑ Կարեն Ժորիկի Դեմիրչյանը /ծնված 23.03.1975թ. Երևան քաղաքում, ազգությունը հայ, Հայաստանի Հանրապետության քաղաքացի, ութամյա կրթությամբ, ամուրի, հաշվառված է Երևան, Բաբաջանյան փող. 87 շենքի 50 բնակարանում, դատված. 1. ՀՀ Գերագույն դատարանի 30.04.1996թ. դատավճռով ՀՀ քրեական օրենսգրքի 88-րդ հոդվածի 2-րդ մասով ազատազրկման 9 տարի ժամկետով, 2. Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ, 4-րդ կետերով և 34-177-րդ հոդվածի 2-րդ մասի 3-րդ, 4-րդ կետերով, ՀՀ քրեական օրենսգրքի 66-րդ հոդվածի կարգով ազատազրկման 5 տարի ժամկետով, Երևանի Էրեբունի և Նուբարաշեն վարչական շրջանների ընդհանուր իրավասության դատարանի 21.06.2010թ. թիվ ԵԷԴ/0062/01/10 դատավճռով մեղավոր է ճանաչվել ՀՀ քրեական օրենսգրքի 268-րդ հոդվածի 1-ին մասով նախատեսված հանցանքի կատարման մեջ և նշված հոդվածի սանկցիայով դատապարտվել է ազատազրկում 1/մեկ/ տարի ժամկետով։ ՀՀ քրեական օրենսգրքի 66-րդ հոդվածի 6-րդ և 4-րդ մասերի կիրառմամբ նոր նշանակված պատժին լրիվ գումարվել է Երևանի Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. դատավճռով նշանակված 5/հինգ/ տարի ժամկետով ազատազրկումը և վերջնական պատիժ է նշանակվել ազատազրկում 6/վեց/ տարի ժամկետով, նշանակված պատժի ժամկետին հաշվակցվել է 11.02.2010թ. դատավճռով նշանակված պատժի կրած մասը, պատժի սկիզբը հաշվվել է 13.08.2009թ.։ Կարեն Ժորիկի Դեմիրչյանի նկատմամբ նշանակվել է պատժի կատարման հետ միացված բժշկական բնույթի հարկադրանքի միջոց ազատազրկումը կրելու վայրում` ափիոնային թմրամոլության դեմ, բուժման ժամկետը հաշվակցելով նշանակված պատժի ժամկետի մեջ։ Դատավճիռը չի բողոքարկվել, մտել է օրինական ուժի մեջ, դատապարտյալը պատիժը կրում է ՀՀ ԱՆ «Կոշ» ՔԿ հիմնարկում։ 27.06.2011թ. Երևանի Էրեբունի և Նուբարաշեն վարչական շրջանների ընդհանուր իրավասության դատարանում մուտք է եղել ՀՀ ԱՆ ՔԿՎ «Կոշ» ՔԿ հիմնարկի դատապարտյալ Կարեն Ժորիկի Դեմիրչյանի դիմումը։ Դիմելով դատարան, դատապարտյալը խնդրել է առանց իր մասնակցության քննության առնել իր դիմումը և վերանայել իր նկատմամբ կայացրած դատավճիռը` հիմք ընդունելով ՀՀ ԱԺ կողմից 23.05.2011թ. ընդունված «ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքը։ Դատական նիստում քննության առնելով դատապարտյալ Կարեն Ժորիկի Դեմիրչյանի դիմումը, լսելով դատախազի կարծիքը, ուսումնասիրելով քրեական գործի նյութերը, դատարանը պարզեց հետևյալը. ՀՀ Ազգային ժողովը 23.05.2011թ. ընդունել է «ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքը, այն ստորագրվել է ՀՀ Նախագահի կողմից 23.05.2011թ., հրապարակվել է 24.05.2011թ., ուժի մեջ է մտել 25.05.2011թ.։ Նշված օրենքով ուժը կորցրած է համարվել ՀՀ քրեական օրենսգրքի 21-րդ հոդվածը հանցագործությունների կրկնակիության մասին, դրանով իսկ` կրկնակիությունը, որպես հանցանքը որակյալ դարձնող հատկանիշ, ՀՀ քրեական օրենսգրքի Հատուկ մասի հոդվածներում կորցրել է իր ուժը, այսինքն` տեղի է ունեցել ապաքրեականացում ՀՀ քրեական օրենսգրքի այն հոդվածների գծով, որոնցով կրկնակիությունը, որպես հատկանիշ, արարքի հանցավորությունը սահմանելու, պատիժը խստացնելու, հանցանք կատարած անձի վիճակը վատթարացնելու քրեաիրավական հետևանքներ էր առաջացնում։ Վերոնշվածի հիմքով վերացվել է ՀՀ քրեական օրենսգրքի 177-րդ հոդվածի 2-րդ մասի 4-րդ կետը /գողությունը կրկին անգամ կատարելը/։ ՀՀ քրեական օրենսգրքի 12-րդ հոդվածը սահմանում է, որ արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով։ ՀՀ քրեական օրենսգրքի 13-րդ հոդվածի 1-ին մասը սահմանում է, որ արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն։ Նշված օրենսդրական փոփոխությունները չեն առնչվում ՀՀ քրեական օրենսգրքի 268-րդ հոդվածի 1-ին մասի որակմանը, որով 21.06.2010թ. կայացվել է թիվ ԵԷԴ/0062/01/10 դատավճիռը։ Օրենսդրական փոփոխություններն առնչվում են Երևանի Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. թիվ ԵՄԴ/0135/01/09 դատավճռով հանցանքների քրեաիրավական որակմանը, որոնցով վերջնական պատիժ է նշանակվել ազատազրկում 5 /հինգ/ տարի ժամկետով։ Նշված դատավճռով Կարեն Ժորիկի Դեմիրչյանը մեղավոր է ճանաչվել ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ, 4-րդ կետերով և 34-177-րդ հոդվածի 2-րդ մասի 3-րդ, 4-րդ կետերով նախատեսված հանցանքների կատարման մեջ։ ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ, 4-րդ կետերով նշանակվել է ազատազրկում 4 /չորս/ տարի ժամկետով, ՀՀ քրեական օրենսգրքի 34-177-րդ հոդվածի 2-րդ մասի 3-րդ և 4-րդ կետերով` ազատազրկում 2 /երկու/ տարի ժամկետով։ ՀՀ քրեական օրենսգրքի 66-րդ հոդվածի հիմքով հանցագործությունների համակցությամբ պատիժները մասնակիորեն գումարելու միջոցով վերջնական պատիժ է նշանակվել ազատազրկում 5 /հինգ/ տարի ժամկետով, պատժի սկիզբը հաշվվել է 13.08.2009թ.։ Դատավճիռը չի բողոքարկվել, մտել է օրինական ուժի մեջ։ 23.05.2011թ. օրենսդրական փոփոխության ուժով ՀՀ քրեական օրենսգրքի 177-րդ հոդվածի 2-րդ մասի 4-րդ կետը /հանցանքը կրկին անգամ կատարելը/ կորցրել է իր ուժը, հետևաբար` Կարեն Ժորիկի Դեմիրչյանի կատարած հանցանքը ենթակա է որակման ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով և ՀՀ քրեական օրենսգրքի 34-177-րդ հոդվածի 2-րդ մասի 3-րդ և 4-րդ կետերով։ Օրենսդրական վերը նշված ակտով ՀՀ քրեական օրենսգրքի 177-րդ հոդվածի 2-րդ մասի սանկցիան շարադրվել է հետևյալ խմբագրությամբ. «պատժվում է տուգանքով` նվազագույն աշխատավարձի հինգհարյուրապատիկից հազարապատիկի չափով, կամ ազատազրկմամբ` երկուսից հինգ տարի ժամկետով»։ Քննության առնելով օրենսդրական փոփոխություններին Երևանի Մալաթիա-Սեբաստիա վարչական շրջանի դատարանի 11.02.2010թ. թիվ ԵՄԴ/0135/01/09 դատավճռի և Երևանի Էրեբունի և Նուբարաշեն վարչական շրջանների ընդհանուր իրավասության դատարանի 21.06.2010թ. թիվ ԵԷԴ/0062/01/10 դատավճռի համապատասխանեցման հարցը, դատարանը գտնում է, որ թիվ ԵՄԴ/0135/01/09 քրեական գործով Կարեն Ժորիկի Դեմիրչյանին անհրաժեշտ է մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով և ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նախատեսված հանցանքները կատարելու մեջ և նշված հոդվածների սանկցիաներով քրեական պատիժ կիրառել` ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նշանակել ազատազրկում 4 /չորս/ տարի ժամկետով, ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նշանակել ազատազրկում 2 /երկու/ տարի ժամկետով։ ՀՀ քրեական օրենսգրքի 66-րդ հոդվածի կարգով հանցագործությունների համակցությամբ պատիժները մասնակիորեն գումարելու միջոցով վերջնական պատիժ նշանակվել ազատազրկում 5 /հինգ/ տարի ժամկետով։ Վերոնշվածի հիմքով` Երևանի Էրեբունի և Նուբարաշեն վարչական շրջանների ընդհանուր իրավասության դատարանի 21.06.2010թ. թիվ ԵԷԴ/0062/01/10 դատավճիռը Կարեն Ժորիկի Դեմիրչյանի նկատմամբ պետք է թողնել նույնը։ Նկատի ունենալով վերոգրյալը և ղեկավարվելով ՀՀ քրեական դատավարության օրենսգրքի 41, 44, 102, 313, 437-438, 376, 3761 և 379-րդ հոդվածների պահանջներով, ՀՀ դատական օրենսգրքի 20-րդ հոդվածով, դատարանը ՈՐՈՇԵՑ ՀՀ ԱՆ «Կոշ» ՔԿ հիմնարկի դատապարտյալ Կարեն Ժորիկի Դեմիրչյանի դիմումը` թիվ ԵԷԴ/0062/01/10 քրեական գործով իր նկատմամբ 2010 թվականի հունիսի 21-ի դատավճիռը ՀՀ ԱԺ 23.05.2011թ. ընդունած «ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքին համապատասխանեցնելու մասին, բավարարել։ ՀՀ Ազգային ժողովի կողմից 23.05.2011թ. ընդունված «ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքի կիրառմամբ Երևանի Մալաթիա-Սեբաստիա վարչական շրջանի ընդհանուր իրավասության դատարանի 11.02.2010թ. թիվ ԵՄԴ/0135/01/09 դատավճիռը և Երևանի Էրեբունի և Նուբարաշեն վարչական շրջանների ընդհանուր իրավասության դատարանի 21.06.2010թ. թիվ ԵԷԴ/0062/01/10 դատավճիռը համապատասխանեցնել գործող օրենսդրությանը։ 11.02.2010թ. թիվ ԵՄԴ/0135/01/09 դատավճռով Կարեն Ժորիկի Դեմիրչյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով և ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նախատեսված հանցանքների կատարման մեջ և նրա նկատմամբ քրեական պատիժ կիրառել` ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նշանակել ազատազրկում 4 /չորս/ տարի ժամկետով և ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով` ազատազրկում 2 /երկու/ տարի ժամկետով։ ՀՀ քրեական օրենսգրքի 66-րդ հոդվածի կարգով հանցագործությունների համակցությամբ պատիժները մասնակիորեն գումարելու միջոցով վերջնական պատիժ նշանակվել ազատազրկում 5 /հինգ/ տարի ժամկետով։ 21.06.2010թ. թիվ ԵԷԴ/0062/01/10 դատավճիռը` ՀՀ քրեական օրենսգրքի 268-րդ հոդվածի 1-ին մասով Կարեն Ժորիկի Դեմիրչյանի նկատմամբ 1 /մեկ/ տարի ժամկետով ազատազրկում պատիժ նշանակելու, ՀՀ քրեական օրենսգրքի 66-րդ հոդվածի 4-րդ և 6-րդ մասերի հիմքով նշանակված պատժին 11.02.2010թ. թիվ ԵՄԴ/0135/01/09 դատավճռով նշանակված 5 /հինգ/ տարի ժամկետով ազատազրկում պատիժը գումարելու և որպես վերջնական պատիժ 6 /վեց/ տարի ազատազրկում պատիժ նշանակելու մասով թողնել նույնը։ 21.05.2010թ. թիվ ԵԷԴ/0062/01/10 դատավճիռը մնացած մասով թողնել նույնը։ Որոշման պատճեններն ուղարկել դատապարտյալ Կարեն Ժորիկի Դեմիրչյանին և ՀՀ ԱՆ ՔԿՎ «Կոշ» ՔԿ հիմնարկ։ Որոշումը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից տասնօրյա ժամկետում։ ԴԱՏԱՎՈՐ` Վ. Թ. ԳՐԻԳՈՐՅԱՆ |
Գործը հանձնվել է գրասենյակ
| Գործը հանձնվել է գրասենյակ | 14-07-2011 |
|---|---|
| Էջերի քանակ | 1-ին հատորը՝ 212 թերթից, 2-րդ հատորը՝ 79 թերթից |
Գործը հանձնվել է դատարանի արխիվ
| Ամսաթիվ | 18-07-2011 |
|---|---|
| Էջերի քանակը | 1-ին հատորը՝ 212 թերթից, 2-րդ հատորը՝ 80 թերթից |