Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0044/01/10
2010թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Ք. ԱԼԵՔՍԱՆՅԱՆ
ՄԵՂԱԴՐՈՂ-ԴԱՏԱԽԱԶ՝ ԱԼ. ՄՈւՐԱԴՅԱՆ
ՊԱՇՏՊԱՆ` Ա. ԱԶԱՏՅԱՆ

2010թ. Հունիսի «01»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն ըստ մեղադրանքի՝ Արման Սահակի Ազատյանի /ծնված՝ 10.05.1984թ. Երևան քաղաքում, ազգությամբ հայ, Հայաստանի Հանրապետության քաղաքացի, 8-ամյա կրթությամբ, ֆիզիկապես առողջ, ըստ ամբաստանյալի հայտարարության` ամուսնացած, խնամքին ոչ ոք, չի աշխատել, նախկինում երկու անգամ դատապարտված /1. Երևան քաղաքի Շենգավիթ համայնքի առաջին ատյանի դատարանի 17.05.2004թ. դատավճռով ՀՀ քր. օր-ի 104 հոդ. 2-րդ մասի 1-ին, 7-րդ կետերով և 117 հոդ., 66 հոդ-ի կիրառմամբ դատապարտվել է ազատազրկման 12 /տասներկու/ տարի ժամկետով և տուգանքով 50.000 ՀՀ դրամի չափով; 2. ՀՀ Արագածոտնի մարզի առաջին ատյանի դատարանի 15.05.2009թ. դատավճռով ՀՀ քր. օր-ի 319 հոդ. 1-ին մասով և 67 հոդ-ի կիրառմամբ դատապարտվել է ազատազրկման 7 /յոթ/ տարի, 1 /մեկ/ ամիս 20 /քսան/ օր ժամկետով, պատժի սկիզբը հաշվարկվել է 13.03.2009թ-ից, պատժից կրել է 1 /մեկ/ տարի, 2 /երկու/ ամիս, 18 /տասնութ/ օր/, պատիժը չկրած, բնակվել է Երևան քաղաքի Արցախի փողոցի 10ա շենքի, թիվ 10 բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկության դատապարտյալ/։
Սույն գործով խափանման միջոց չի կիրառվել։
Մեղադրվում է ՀՀ Քրեական օրենսգրքի 268 հոդվածի 2-րդ մասի 2-րդ կետերով։


1. Գործի դատավարական նախապատմությունը

ՀՀ ԱՆ «Նուբարաշեն» քրեակատարողական հիմնարկում զգալի չափի թմրամիջոց հայտնաբերելու դեպքի առթիվ 15.02.2010թ. ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 268 հոդվածի 2-րդ մասի 2-րդ կետի հատկանիշներով հարուցվել է թիվ 12105910 քրեական գործը։
09.04.2010թ. որոշմամբ Արման Սահակի Ազատյանը որպես մեղադրյալ է ներգրավվել ՀՀ Քրեական օրենսգրքի 268 հոդվածի 2-րդ մասի 2-րդ կետով, որով և վերջինիս մեղադրանք է առաջադրվել այն բանի համար, որ նա. «2009թ. մայիսի «15»-ին ՀՀ Արագածոտնի մարզի առաջին ատյանի ընդհանուր իրավասության դատարանի կողմից ՀՀ քր. օր-ի 319 հոդվածի 1-ին մասով, 67 հոդվածով ազատազրկման 7 տարի, 1 ամիս, 20 օր ժամկետով և 50.000 ՀՀ դրամի չափով տուգանքով դատապարտված լինելով, ՀՀ ԱՆ «Նուբարաշեն» ՔԿ հիմնարկում պատիժը կրելու ընթացքում, գործով չպարզված անձից և հանգամանքներում, առանց իրացնելու նպատակի, իր գործածման համար ապօրինի ձեռք է բերել խոշոր չափի` 0,032 գրամ ընդհանուր քաշով, «Բուպրենորֆին» տեսակի թմրամիջոց և պահել իր մոտ, որը 2010թ. փետրվարի «12»-ին, ժամը «13։35»-ին նրա ձախ ոտքի գուլպայի միջից հայտնաբերվել է քրեակատարողական հիմնարկի անվտանգության ապահովման բաժնի աշխատակիցների կողմից կատարված անձնական խուզարկությամբ»։
09.04.2010թ. որոշմամբ թիվ 12105910 քրեական գործից անջատվել է անհայտ անձի կողմից Արմեն Ազատյանին ապօրինաբար խոշոր չափի «Բուպրենորֆին» տեսակի թմրամիջոց իրացնելու վերաբերյալ մասը, որին շնորհվել է 12115310 համարը։
Քրեական գործը 10.04.2010թ. կազմված և 14.04.2010թ. հաստատված մեղադրական եզրակացությամբ 19.04.2010թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Արագացված դատական քննություն

Մինչ դատաքննությունն, ամբաստանյալ Արման Սահակի Ազատյանը խորհրդակցելով իր պաշտպան` հանրային պաշտպանի գրասենյակի փաստաբան Անտոն Ղազարյանի հետ, դատարանին՝ արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Ալ.Մուրադյանն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Արման Ազատյանը կատարել է արարք, որը նախատեսված է ՀՀ Քրեական օրենսգրքի 268 հոդվածի 2-րդ մասի 2-րդ կետով, որով և պետք է ենթարկվի քրեական պատասխանատվության։

3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։ ՀՀ Քրեական օրենսգրքի 268 հոդվածի 1-ին մասի համաձայն հանցագործություն է համարվում` առանց իրացնելու նպատակի զգալի չափերով թմրամիջոցներ կամ հոգեմետ նյութեր ապoրինի պատրաuտելը, վերամշակելը, ձեռք բերելը, պահելը, փոխադրելը կամ առաքելը։ Նույն հոդվածի 2-րդ մասին 2-րդ կետի համաձայն հանցագործություն են համարում և առավելագույնը երեք տարի ժամկետով ազատազրկման ձևով պատիժ են նախատեսում նույն արարքները, որոնք կատարվել են խոշոր չափերով, որպիսի հատկանիշ և առկա է ամբաստանյալ Արման Ազատյանի կողմից կատարված գործողությունում։

Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով, իսկ ՀՀ Քրեական օրենսգրքի 48 հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Դատարանը հաշվի է առնում, որ ամբաստանյալը զղջացել է կատարածի համար, ամբաստանյալի պատասխանատվությունը և պատիժը ծանրացնող հանգամանք է դատարանը դիտում հանցանքը կատարելու ռեցիդիվը։
Դատարանը վերոգրյալները հաշվի առնելով, գտնում է, որ ամբաստանյալ Արման Ազատյանի նկատմամբ պետք է ազատազրկման ձևով պատիժ նշանակել և նկատի ունենալով, որ վերջինս ՀՀ Արագածոտնի մարզի առաջին ատյանի ընդհանուր իրավասության դատարանի 15.05.2009թ. հմ. ԱՐԱԴ 1/0005/01/09 դատավճռով ՀՀ Քրեական օրենսգրքի 319 հոդվածի 1-ին մասով և 67 հոդվածի կիրառմամբ դատապարտվել է ազատազրկման 7 /յոթ/ տարի, 1 /մեկ/ ամիս, 20 /քսան/ օր ժամկետով և տուգանքով ՀՀ 50.000 դրամի չափով, պատժի սկիզբը հաշվարկվել է 13.03.2009թ-ից, գտնում է, որ պետք է կիրառել ՀՀ Քրեական օրենսգրքի 67 հոդվածի 1-ին և 4-րդ մասերի դրույթները և Արման Ազատյանի նկատմամբ նոր նշանակվող պատժին մասնակիորեն գումարել ՀՀ Արագածոտնի մարզի առաջին ատյանի ընդհանուր իրավասության դատարանի 15.05.2009թ. դատավճռով նշանակված ազատազրկման ձևով պատժի չկրած` ազատազրկում 5 /հինգ/ տարի, 11 /տասնմեկ/ ամիս, 2 /երկու/ օր մասը։
Քննարկելով իրեղեն ապացույցների հարցը, դատարանը գտնում է, որ իրեղեն ապացույց ճանաչված ընդհանուրը 0,032 գրամ չորացված «Բուպրենորֆին» տեսակի թմրամիջոցը դատավճիռն օրինական ուժի մեջ մտնելուց հետո պետք է ոչնչացնել։
Ելնելով վերոգրյալներից և ղեկավարվելով ՀՀ Քրեական դատավարության օրենսգրքի 357-360, 3753 հոդվածներով, դատարանը
Վ Ճ Ռ Ե Ց


Արման Սահակի Ազատյանին մեղավոր ճանաչել ՀՀ Քրեական օրենսգրքի 268 հոդվածի 2-րդ մասի 2-րդ կետերով և դատապարտել ազատազրկման` 1/մեկ/ տարի ժամկետով։
ՀՀ Քրեական օրենսգրքի 67 հոդվածի 1-ին և 4-րդ մասերի կիրառմամբ, դատավճիռների համակցությամբ, նոր նշանակված պատժին մասնակիորեն գումարել` ՀՀ Արագածոտնի մարզի առաջին ատյանի ընդհանուր իրավասության դատարանի 15.05.2009թ. դատավճռով նշանակված պատժի չկրած` ազատազրկում 5 /հինգ/ տարի, 11 /տասնմեկ/ ամիս, 2 /երկու/ օր ժամկետով և տուգանք` նվազագույն աշխատավարձի 50-ապատիկի /ՀՀ 50.000 դրամի/ չափով մասը և վերջնական պատիժ նշանակել ազատազրկում` 6 /վեց/ տարի, 6 /վեց/ ամիս ժամկետով և տուգանք` նվազագույն աշխատավարձի 50-ապատիկի /ՀՀ 50.000 դրամի/ չափով։
Պատժի սկիզբը հաշվել 2010թ. հունիսի «01»-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռն օրինական ուժի մեջ մտնելուց հետո իրեղեն ապացույց ճանաչված «Բուպրենորֆին» տեսակի թմրամիջոցը` ոչնչացնել։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։


ԴԱՏԱՎՈՐ Ա. ՕՀԱՆՅԱՆ