ԵԷԴ/0033/01/10

Դ Ա Տ Ա Վ Ճ Ի Ռ
Հ Ա Ն Ու Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ու Թ Յ Ա Ն
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը՝

Նախագահությամբ դատավոր` Ա. ԳԱԲՐԻԵԼՅԱՆ
Քարտուղարությամբ` Լ. ՄԻՐԶՈՅԱՆ

Մասնակցությամբ`

Մեղադրող` Կ. ԲԱՏԻԿՅԱՆ
Պաշտպան` Ա. ԹՈՐՈՍՅԱՆ

2010թ. ապրիլի 26-ին դատարանում
Դռնբաց դատական նիստում քննեց քրեական գործն ըստ մեղադրանքի` Սամսոն Ալբերտի Ղարիբյանի, ծնված 16.10.1971թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին երկու անչափահաս երեխաներ, չի աշխատում, նախկինում երկու անգամ դատված` 1. Երևանի քրեական դատարանի 10.04.2008թ. դատավճռով ՀՀ քր. օր-ի 325 հոդվածի 1-ին մասով դատապարտվել է ազատազրկման` 1 տարի ժամկետով, 2. Երևան քաղաքի Շենգավիթ համայնքի ընդհանուր իրավասության դատարանի 09.06.2009թ. դատավճռով ՀՀ քր. օր-ի 268 հոդվածի 2-րդ մասի 1-ին և 2-րդ կետերով դատապարտվել է ազատազրկման` 1 տարի ժամկետով, բնակվում է ք.Երևան Շենգավիթ 14 փողոց 2-րդ նրբ., 15 տանը։
Մեղադրվում է ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 1-ին և 2-րդ կետերով։
Նախաքննական մարմինը Կարեն Պետրոսի Միրզոյանին՝ ՀՀ քր.օր-ի 266 հոդվածի 2-րդ մասի 2-րդ կետով և 266 հոդվածի 4-րդ մասով, Սամվել Նշանի Պետրոսյանին` ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 1-ին և 2-րդ կետերով, Արմեն Գագիկի Հակոբյանին` ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 2-րդ կետով, Սամսոն Ալբերտի Ղարիբյանին` ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 1-ին և 2-րդ կետերով և Մանվել Սամվելի Սահակյանին` ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 2-րդ կետով մեղադրանք է առաջադրել այն բանի համար, որ 2009թ. հուլիսի 23-ին, ժամը 1100-ի սահմաններում պայմանավորվածություն են ձեռք բերել յուրաքանչյուրը 5.000-ական դրամ հավաքելով` իրենց օգտագործման համար «ափիոն» տեսակի թմրամիջոցի և քացախաթթվի անհիդրիդի ձեռք բերման հարցում։ Պայմանավորվածության համաձայն` Երևան քաղաքի «Երևանյան» լճի մոտ գտնվող «Լճափ» բենզալցակայանի մոտ Մ. Սահակյանին պատկանող «Մերսեդես» մակնիշի ավտոմեքենայում վերջինս Ս. Պետրոսյանին տվել է 10.000 դրամ` իր և Ս. Ղարիբյանի փոխարեն։ Ա. Հակոբյանը իր և Ս. Պետրոսյանի համար վերջինիս տվել է ևս 10.000 դրամ։ Դրանից հետո, Ս. Պետրոսյանը Մ. Սահակյանի բջջային հեռախոսով զանգահարել է «Կակի» մականունով Կարեն Միրզոյանին, որի հետ պայմանավորվել է 20.000 դրամ գումարի դիմաց իրենց համար ձեռք բերել «ափիոն» տեսակի թմրամիջոց և քացախաթթվի անհիդրիդ։ Վերջինս համաձայնվել է և նրանք պայմանավորվել են հանդիպել Երևան քաղաքի 3-րդ մաս կոչվող թաղամասի նախկին շուկայի մոտ։ Ժամը 1400-ի սահմաններում Ս. Պետրոսյանը, Ա. Հակոբյանը, Ս. Ղարիբյանը և Մ. Սահակյանը վերջինիս մեքենայով հասնելով նշված վայր` հանդիպել են Կ. Միրզոյանին։ Վերջինս նստել է մեքենան, որտեղ Ս. Պետրոսյանը նրան տվել է իրենց կողմից հավաքված 20.000 դրամ գումարը։ Դրանից հետո, Կ. Միրզոյանի կողմից մատնանշված ուղիով հիշյալ անձինք նույն մեքենայով գնացել են Երևան քաղաքի Դավիթ-Բեկի` նախկին Ռոստովյան փողոցում գտնվող գաջի գործարանին հարող տարածք, որտեղ Կ. Միրզոյանը միայնակ իջնելով մեքենայից, գնացել է Երևան քաղաքի Դավիթ-Բեկի 51 հասցեի բնակիչ Հարություն Մոսկովյանի բնակարան, և 5-10 րոպե անց վերադառնալով, մոտեցել է մեքենային և պատուհանից ձեռքերը մեկնելով ներս` Ս. Պետրոսյանին է տվել 0.4 գրամ քաշով «ացետիլացված ափիոն» տեսակի թմրամիջոց և 0.3մլ ծավալով քացախաթթվի անհիդրիդ և հեռացել։
Դրանից հետո, Ս. Պետրոսյանի առաջարկով Ա. Հակոբյանը, Ս. Ղարիբյանը և Մ. Սահակյանը վերջինիս մեքենայով գնացել են Երևան քաղաքի Նորագավիթի 1-ին փողոցի, 1-ին փակուղի 14 տան բնակիչ Վարուժան Մանասյանի բնակարան` թմրամիջոցը պատրաստելու և ներարկման եղանակով գործածելու համար։ Հասնելով Վ. Մանասյանի բնակարան, Ս. Պետրոսյանը, Մ. Սահակյանը, Ա. Հակոբյանը և Ս. Ղարիբյանը սկսել են գազօջախի վրա պատրաստել Կ. Միրզոյանից ձեռք բերված «ափիոն» տեսակի թմրամիջոցը, որի ընթացքում բռնվել են Վ. Մանասյանի բնակարան այցելած ոստիկանության աշխատակիցների կողմից։
2009թ. հուլիսի 24-ին Մանվել Սահակյանի, Արմեն Հակոբյանի և Սամսոն Ղարիբյանի նկատմամբ որպես խափանման միջոց է ընտրվել ստորագրություն չհեռանալու մասին, իսկ 2009թ. հուլիսի 27-ին Կարեն Միրզոյանի և Սամվել Պետրոսյանի նկատմամբ որպես խափանման միջոց ընտրվել է կալանավորումը։
Թիվ ԵԷԴ/0105/01/09 քրեական գործը նշանակվել է դատական քննության 2009թ. հոկտեմբերի 22-ին։ Ամբաստանյալ՝ Սամսոն Ղարիբյանը պատշաճ ձևով տեղեկացվել է դատական նիստի ժամանակի և վայրի մասին, սակայն դատաքննությանը չի ներկայացել։ Դատական նիստին նրա ներկայությունն ապահովելու նպատակով 22.10.2009թ. կայացվել է բերման ենթարկելու մասին որոշում, սակայն պարզվել է, որ վերջինս բացակայում է բնակության վայրից։
Դատարանի 02.11.2009թ. որոշմամբ ամբաստանյալ՝ Սամսոն Ալբերտի Ղարիբյանի նկատմամբ կիրառված խափանման միջոցը՝ ստորագրություն չհեռանալու մասին, փոփոխվել և խափանման միջոց է ընտրվել կալանավորումը։ Սամսոն Ալբերտի Ղարիբյանի նկատմամբ հայտարարվել է հետախուզում, իսկ քրեական գործի վարույթը ամբաստանյալ Սամսոն Ալբերտի Ղարիբյանի մասով կասեցվել է մինչև վերջինիս հայտնաբերելը։
ՀՀ ոստիկանության քննչական գլխավոր վարչության Շենգավիթի քննչական բաժինը 16.03.2010թ. գրությամբ հայտնել է, որ Սամսոն Ալբերտի Ղարիբյանը 03.03.2010թ. ՀՀ ոստիկանության կազմակերպված հանցավորության դեմ պայքարի գլխավոր վարչության աշխատակիցների կողմից հայտնաբերվել և տեղափոխվել է ՀՀ ԱՆ «Նուբարաշեն» քրեակատարողական հիմնարկ։
Դատարանի 25.03.2010թ. որոշմամբ Սամսոն Ալբերտի Ղարիբյանի նկատմամբ` ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 1-ին և 2-րդ կետերով թիվ ԵԷԴ/0105/01/09 քրեական գործի կասեցված վարույթը վերսկվսել է։ Թիվ ԵԷԴ/0105/01/09 քրեական գործից անջատվել է Սամսոն Ալբերտի Ղարիբյանի մասը և այն քննվել է առանձին վարույթում` շնորհելով նոր համար։
Դատաքննությամբ առաջադրված մեղադրանքում ամբաստանյալ Սամսոն Ղարիբյանը իրեն լիովին մեղավոր ճանաչեց, և օգտվելով իր սահմանադրական իրավունքից, հրաժարվեց դատաքննությամբ ցուցմունք տալուց։
Նախաքննության ընթացքում Սամսոն Ղարիբյանը ցուցմունք է տվել այն մասին, որ 2009թ. հուլիսի 23-ին, ժամը 1200-ի սահմաններում իր բջջային հեռախոսով պայմանավորվածություն է ձեռք բերել Մանվել Սահակյանի և Սամվել Պետրոսյանի հետ` ափիոն տեսակի թմրամիջոցի և քացախաթթվի անհիդրիդի ձեռք բերման և օգտագործման հարցում։ Ըստ պայմանավորվածության` Երևան քաղաքի Արշակունյաց փողոցի վրա հանդիպել է Մ. Սահակյանին և վերջինիս «Մերսեդես» մակնիշի մեքենայով գնացել են Երևան քաղաքի Բագրատունյաց փողոց, որտեղ հանդիպել եմ Ս. Պետրոսյանին, իսկ հետագայում «Երևանյան» լճի մոտ` Ա. Հակոբյանին։ Ինքը և նշված 3 անձինք թմրամիջոց և անհիդրիդ ձեռք բերելու և օգտագործելու համար հավաքել են ընդհանուր 20.000 դրամ, որը տվել են Ս. Պետրոսյանին։ Դրանից հետո, Ս. Պետրոսյանը Մ. Սահակյանի բջջային հեռախոսով զանգահարել է «Կակի» մականունով Կարեն Միրզոյանին և պայմանավորվել 20.000 դրամ գումարի դիմաց իրենց համար ձեռք բերել ափիոն տեսակի թմրամիջոց և քացախաթթվի անհիդրիդ։ Վերջինս համաձայնվել է և նրանք պայմանավորվել են հանդիպել Երևան քաղաքի 3-րդ մաս կոչվող թաղամասի նախկին շուկայի մոտ։ Ժամը 1400-ի սահմաններում ինքը, Ս. Պետրոսյանի, Ա. Հակոբյանի և Մ. Սահակյանի հետ, վերջինիս մեքենայով, հասնելով նշված վայր, հանդիպել են Կ. Միրզոյանին։ Կ. Միրզոյանը նստել է մեքենան, և Ս. Պետրոսյանը նրան տվել է իրենց կողմից հավաքած 20.000 դրամը։ Դրանից հետո, Կ. Միրզոյանի կողմից մատնանշած ուղիով իրենք նույն մեքենայով գնացել են Երևան քաղաքի Դավիթ-Բեկի` նախկին Ռոստովյան փողոցում գտնվող գաջի գործարանին հարող տարածք, որտեղ Կ. Միրզոյանը միայնակ իջնելով մեքենայից, գնացել է Դավիթ-Բեկի 54 տան բնակիչ Հ. Մոսկովյանի բնակարան, և 5-10 րոպե անց վերադառնալով, մոտեցել է մեքենային և պատուհանից ձեռքերը մեկնելով ներս` Ս. Պետրոսյանին է տվել 0.4 գրամ քաշով ացետիլացված ափիոն տեսակի թմրամիջոց և 0.3մլ ծավալով քացախաթթվի անհիդրիդ և հեռացել։
Դրանից հետո, Ս. Պետրոսյանի առաջարկով ինքը, Ս. Պետրոսյանը, Ա. Հակոբյանը և Մ. Սահակյանը, վերջինիս մեքենայով գնացել են Երևան քաղաքի Նորագավիթի 1-ին փողոցի, 1-ին փակուղու 14 տան բնակիչ Վարուժան Մանասյանի բնակարան` թմրամիջոցը պատրաստելու և ներարկման միջոցով օգտագործելու համար։ Հասնելով Վ. Մանասյանի բնակարան ինքը, Ս. Պետրոսյանը, Մ. Սահակյանը և Ա. Հակոբյանը սկսել են գազօջախի վրա պատրաստել Կ. Միրզոյանից ձեռք բերված ափիոն տեսակի թմրամիջոցը, որի ընթացքում բռնվել են Վ. Մանասյանի բնակարան այցելած ոստիկանության աշխատակիցների կողմից։
Բացի ամբաստանյալի խոստովանական ցուցմունքից, նրա կատարած արարքը հիմնավորվեց գործով ձեռք բերված հետևյալ ապացույցներով.
Վկա` Վարուժան Մանասյանի նախաքննությամբ տրված և դատաքննությամբ հետազոտված ցուցմունքով այն մասին, որ 2009թ. հուլիսի 23-ին, ժամը 1530-ի սահմաններում Սամսոն Ղարիբյանի և Սամվել Պետրոսյանի հետ միասին ևս երկու իրեն անծանոթ անձինք եկել են իր տուն։ Սամվել Պետրոսյանը ասել է, որ իրենց հետ թմրանյութ են բերել որպեսզի ներարկման միջոցով օգտագործեն, սակայն պատրաստման ընթացքում տուն են մտել ոստիկանության աշխատակիցները և իրենց բերման ենթարկել ոստիկանության բաժին։
Սամսոն Ղարիբյանի հանցանքը հիմնավորվեց նաև 23.07.2009թ. Վ. Մանասյանի բնակարանում կատարված խուզարկության արձանագրությամբ, որի ընթացքում հյուրասենյակի սեղանի վրայից հայտնաբերվել և առգրավվել են շագանակագույն նյութով շերեփ և դանակ։
24.07.2009թ. Հ. Մոսկովյանի բնակարանում կատարված խուզարկության արձանագրությամբ, որի ընթացքում հայտնաբերվել և առգրավվել են 5մլ ծավալով, անգույն թափանցիկ հեղուկով ներարկիչ և մուգ շագանակագույն զանգված։
24.07.2009թ. Կ. Միրզոյանի բնակարանում կատարված խուզարկության արձանագրությամբ, որի ընթացքում հայտնաբերվել և առգրավվել են 18 հատ ներարկիչ և 1 հատ շերեփ, որոնք ներկայացվել են փորձաքննության։
Դատաքիմիական փորձաքննության թիվ 284Ք եզրակացությամբ, համաձայն որի Վ. Մանասյանի բնակարանից առգրավված և փորձաքննությանը ներկայացված շերեփի և դանակի վրա առկա ընդհանուր 0.4 գրամ քաշով նյութը հանդիսանում է ացետիլացված ափիոն տեսակի թմրամիջոց։
Դատաբժշկական փորձաքննության թիվ 1691, 1690, 1714, 1712 և 1845 եզրակացություններով, համաձայն որոնց Կ. Միրզոյանի, Ս. Պետրոսյանի, Ս. Ղարիբյանի, Ա. Հակոբյանի և Մ. Սահակյանի մոտ առկա են ներարկման հետքեր, որոնք կարող էին առաջանալ կատարված ներարկումների հետևանքով։
Դատաթմրաբանական թիվ 0547, 0542, 0544, 0545 եզրակացություններով, համաձայն որոնց Կ. Միրզոյանից, Ս. Պետրոսյանից, Ս. Ղարիբյանից և Մ. Սահակյանից վերցված մեզի և մազի նմուշներում հայտնաբերվել են ափիոն խմբի թմրամիջոցի թմրալկալոիդներ։
Դատաքիմիական փորձաքննության թիվ 296Ք եզրակացությամբ, համաձայն որի Հ. Մոսկովյանի բնակարանից առգրավված և փորձաքննությանը ներկայացված 5մլ ներարկիչում առկա 0.3մլ ծավալով հեղուկը հանդիսանում է քացախաթթվի անհիդրիդ, իսկ 1.2 գրամ հաստատուն քաշով նյութը հանդիսանում է ափիոն տեսակի թմրամիջոց։
Դատաքիմիական փորձաքննության թիվ 297Ք եզրակացությամբ, համաձայն որի Կ. Միրզոյանի բնակարանից առգրավված և փորձաքննությանը ներկայացված թվով 19 հատ ներարկիչներից 18-ում հայտնաբերվել են ափիոն շարքի թմրալկալոիդների հետքեր, իսկ շերեփում` ացետիլացված ափիոն տեսակի թմրամիջոցի հետքեր։
Դատաթմրաբանական փորձաքննության թիվ 211/09, 204/9, 202/9, 203/9 եզրակացություններով, համաձայն որոնց Կ. Միրզոյանը, Ս. Պետրոսյանը, Ս. Ղարիբյանը և Մ. Սահակյանը տառապում են թմրամոլությամբ, որոնցից Մ. Սահակյանը և Ս. Ղարիբյանը հարկադիր բուժման կարիք ունեն։
Ս. Պետրոսյանի, Ս. Ղարիբյանի, Ա. Հակոբյանի և Մ. Սահակյանի կողմից տեղանքը մատնացույց անելու վերաբերյալ արձանագրությամբ, համաձայն որի նրանք մատնացույց են արել Երևան քաղաքի Դավիթ-Բեկ փողոցի, 4-րդ նրբանցքի 65 տունը և հայտարարել, որ 2009թ. հուլիսի 23-ին, ժամը 1400-ի սահմաններում Մ. Սահակյանի «Մերսեդես» մակնիշի մեքենայով, Կ. Միրզոյանի նշած ուղիով եկել են այդ վայր, կայանել նշված տան դիմաց, որտեղ Կ. Միրզոյանը իջել է մեքենայից և վերադառնալով 5-10 րոպե հետո` իրենց է տվել ափիոն տեսակի թմրամիջոց, որի դիմաց իրենք վճարել են 20.000 դրամ գումար։
Մ. Սահակյանի, Ս. Ղարիբյանի, Ա. Հակոբյանի, Ս. Պետրոսյանի և վերջիններիս հետ Կ. Միրզոյանի առերես հարցաքննության արձանագրություններով, համաձայն որոնց Մ. Սահակյանը, Ս. Ղարիբյանը, Ա. Հակոբյանը և Ս. Պետրոսյանը առերես հարցաքննության ժամանակ պնդել են 2009թ. հուլիսի 23-ին Կ. Միրզոյանից ափիոն տեսակի թմրամիջոց և անհիդրիդ ձեռք բերելու հանգամանքը։
Վկա Վ. Մանասյանի բնակարանից առգրավված և իրեղեն ապացույց ճանաչված 0.4 գրամ քաշով ացետիլացված ափիոն տեսակի թմրամիջոցով, Կ. Միրզոյանի բնակարանից առգրավված 18 հատ ափիոն տեսակի թմրամիջոցի հետքերով ներարկիչներով և ացետիլացված ափիոն տեսակի թմրամիջոցի հետքերով շերեփով, Հ. Մոսկովյանի բնակարանից առգրավված 1.1 գրամ քաշով ափիոն տեսակի թմրամիջոցով։
Այլ ապացույց ճանաչված` «ԱրմենՏել» ՓԲԸ-ից և «Ղ-Տելեկոմ» ՓԲԸ-ից ստացված Կ. Միրզոյանի, Ս. Պետրոսյանի, Ս. Ղարիբյանի, Ա. Հակոբյանի և Մ. Սահակյանի բջջային և Հ. Մոսկովյանի բնակարանի հեռախոսահամարների մուտքային և ելքային հեռախոսազանգերի վերծանումներով, որոնցում առկա տվյալների համաձայն նշված անձիք 23.07.2009թ. իրենց բջջային հեռախոսահամարներով միմյանց կատարել են բազմաթիվ զանգեր։
Որպես ապացույց ճանաչված Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 08.12.2009թ. դատավճռով, ՀՀ քրեական վերաքննիչ դատարանի 04.02.2010թ. օրինական ուժի մեջ մտած որոշմամբ, ինչպես նաև գործով ձեռք բերված այլ փաստական տվյալներով։
Այսպիսով դատարանը ապացուցված համարեց, որ Սամսոն Ալբերտի Ղարիբյանը կատարել է արարք, որը նախատեսված է ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 1-ին և 2-րդ կետերով, որով և պետք է ենթարկվի քրեական պատասխանատվության։
Պատիժ նշանակելիս դատարանը հաշվի է առնում արարքի հասարակական վտանգավորությունը, ամբաստանյալների ինքնությունը և գործի ողջ հանգամանքները։
Սամսոն Ղարիբյանի պատասխանատվությունը և պատիժը ծանրացնող հանգամանք է դիտվում հանցանքը կատարելու վտանգավոր ռեցիդիվը և մի խումբ անձանց կողմից կատարելը։
Դատարանն ամբաստանյալ Սամսոն Ղարիբյանի պատասխանատվությունը և պատիժը մեղմացնող հանգամանք է դիտում այն, որ վերջինս երիտասարդ է, խնամքին ունի երկու անչափահաս երեխաներ, բնութագրվում է դրականորեն, զղջացել է կատարած արարքի համար և ընդունել մեղքը։
Քննարկելով խափանման միջոցի հարցը, դատարանը գտնում է, որ ամբաստանյալ Ս. Ղարիբյանի նկատմամբ ընտրված կալանք խափանման միջոցը պետք է թողնել անփոփոխ։
Նկատի ունենալով, որ ՀՀ ԱՆ «Հոգեբուժական բժշկական կենտրոն» ՓԲԸ նարկոլոգիական կլինիկայի դատանարկոլոգիական հանձնաժողովի 15.09.2009թ. եզրակացության համաձայն Սամսոն Ալբերտի Ղարիբյանը տառապում է ափիոնային թմրամոլությամբ և հարկադիր բուժման կարիք ունի, որի համար հակացուցումներ չկան, հետևաբար դատարանը գտնում է, որ պատիժը կրելու ընթացքում Սամսոն Ալբերտի Ղարիբյանի նկատմամբ պետք է նշանակել հարկադիր բուժում` ափիոնային թմրամոլության դեմ։
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույցների հարցը պետք է համարել լուծված, քանի որ թիվ ԵԷԴ/0105/0109 քրեական գործով իրեղեն ապացույց ճանաչված Հ. Մոսկովյանի բնակարանից առգրավված 1.1 գրամ քաշով ափիոն տեսակի թմրամիջոցը թողնվել է քրեական գործից անջատված մասին կից հետախուզման մեջ գտնվող Հարություն Մոսկովյանի նկատմամբ քննություն կատարելու համար, իսկ Վ. Մանասյանի բնակարանից առգրավված շերեփի վրա առկա 0.3 գրամ քաշով ացետիլացված ափիոն տեսակի թմրամիջոցը և Կ. Միրզոյանի բնակարանից առգրավված 18 հատ ափիոն թմրամիջոցի հետքերով ներարկիչները և ացետիլացված ափիոն տեսակի թմրամիջոցի հետքերով շերեփը դատարանի 08.12.2009թ. թիվ ԵԷԴ/0105/01/09 դատավճիռը օրինական ուժի մեջ մտնելուց հետո արդեն իսկ ոչնչացվել են, իսկ քրեական գործին կցված և ապացույց ճանաչված այլ փաստաթուղթ հանդիսացող` Կ. Միրզոյանի, Ս. Պետրոսյանի, Ա. Հակոբյանի, Ս. Ղարիբյանի և Մ. Սահակյանի բջջային և Հ. Մոսկովյանի բնակարանի հեռախոսահամարների մուտքային և ելքային հեռախոսազանգերի վերծանումները` թողնվել է թիվ ԵԷԴ/0105/0109 քրեական գործում։
Երևանի Շենգավիթ համայնքի ընդհանուր իրավասության դատարանի 09.06.2009թ. դատավճռով Ս. Ղարիբյանը ՀՀ քր. օր-ի 268 հոդվածի 2-րդ մասի 1-ին և 2-րդ կետերով դատապարտվել է ազատազրկման` 1 տարի ժամկետով, նոր հանցանքը կատարել է մինչև պատժի լրիվ կրումը, ուստի դատարանը գտնում է, որ նոր նշանակվող պատժին մասնակիորեն պետք է գումարել վերը նշված դատավճռով սահմանված և նրա կողմից պատժի չկրած մասը։
Ղեկավարվելով ՀՀ քր. դատ. օր-ի 357-360 հոդվածներով, դատարանը

Վ Ճ Ռ Ե Ց

Սամսոն Ալբերտի Ղարիբյանին մեղավոր ճանաչել ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 1-ին և 2-րդ կետերով.
ՀՀ քր. օր-ի 266 հոդվածի 4-րդ մասով դատապարտել տուգանքով` նվազագույն աշխատավարձի հարյուրապատիկի` 100.000/հարյուր հազար/ ՀՀ դրամի չափով։
ՀՀ քր. օր-ի 268 հոդվածի 2-րդ մասի 1-ին և 2-րդ կետերով դատապարտել ազատազրկման` 3/երեք/ տարի ժամկետով։
ՀՀ քր. օր-ի 66 հոդվածի 3-րդ մասի համաձայն՝ պատիժները լրիվ գումարելու միջոցով, պատիժ նշանակել ազատազրկում՝ 3/երեք/ տարի ժամկետով և տուգանք` նվազագույն աշխատավարձի հարյուրապատիկի` 100.000/հարյուր հազար/ ՀՀ դրամի չափով։
ՀՀ քր. օր-ի 67 հոդվածի կիրառմամբ նոր նշանակված պատժի ժամկետին մասնակիորեն գումարել Երևանի Շենգավիթ համայնքի ընդհանուր իրավասության դատարանի 09.06.2009թ. դատավճռով նշանակված պատժի չկրած մասից` 6/վեց/ ամիս ժամկետը և վերջնական պատիժ սահմանել ազատազրկում` 3/երեք/ տարի 6/վեց/ ամիս ժամկետով և տուգանք` նվազագույն աշխատավարձի հարյուրապատիկի` 100.000/հարյուր հազար/ ՀՀ դրամի չափով։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Պատժի սկիզբը հաշվել 03.03.2010թ.։
Կալանք խափանման միջոցը թողնել անփոփոխ մինչև դատավճռի օրինական ուժի մեջ մտնելը։
Պատիժը կրելու ընթացքում Սամսոն Ալբերտի Ղարիբյանի նկատմամբ նշանակել հարկադիր բուժում` ափիոնային թմրամոլության դեմ։
Իրեղեն ապացույցների հարցը համարել լուծված։
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում։


ԴԱՏԱՎՈՐ Ա. ԳԱԲՐԻԵԼՅԱՆ