Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0026/01/10
2010թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Ք. ԱԼԵՔՍԱՆՅԱՆ
ՄԵՂԱԴՐՈՂ-ԴԱՏԱԽԱԶ՝ Հ. ՀԱՐՈւԹՅՈւՆՅԱՆ
ՊԱՇՏՊԱՆ` Ռ. ՌԵՎԱԶՅԱՆ
ԹԱՐԳՄԱՆԻՉ` Ա. ԽԱՆԻԿՅԱՆ

2010թ. Հունիսի «07»-ին, Երևան քաղաքում.
Դռնբաց դատական նիստում քննեց քրեական գործն, ըստ մեղադրանքի՝ Մհեր Դավթի Ենոքյանի /ծնված՝ 26.12.1975թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, չամուսնացած, խնամքին մեկ անձ, չի աշխատել, նախկինում դատապարտված /1) ՀՀ Գերագույն դատարանի քրեական գործերի դատական կոլեգիայի 29.11.1996թ. դատավճռով ՀՀ քր. օր-ի 99 հոդ-ի 1-ին, 6-րդ մասերով դատապարտվել է մահապատժի, ՀՀ Նախագահի 01.08.2003թ. թիվ 103Ա հրամանագրով Մհեր Ենոքյանին ներում է շնորհվել և նրա նկատմամբ նշանակված պատիժը փոխարինվել է ցմահ ազատազրկմամբ, պատժի սկիզբը հաշվարկվել է 13.07.1996թ-ից, ՀՀ Սյունիքի մարզի առաջին ատյանի դատարանի 11.08.2006թ. որոշմամբ արարքը համապատասխանեցվել է 18.04.2003թ. ընդունված ՀՀ քր. օր-ի 104 հոդ-ի 2-րդ մասի 1-ին, 5-րդ, 8-րդ և 11-րդ կետերին, 175 հոդ-ի 2-րդ մասի 3-րդ կետին և պատիժը թողնվել է անփոփոխ` ցմահ ազատազրկում;
2) Երևանի Կենտրոն և Նորք-Մարաշ համայնքների առաջին ատյանի դատարանի 01.06.2005թ. թիվ 1-143 դատավճռով ՀՀ քր. օր-ի 355 հոդ-ի 2-րդ մասի 1-ին կետով դատապարտվել է ազատազրկման 7/յոթ/ տարի ժամկետով, ՀՀ քր. օր-ի 67 հոդ-ի 6-րդ մասի կիրառմամբ վերջնական պատիժ է սահմանվել` ցմահ ազատազրկում, պատժի սկիզբը հաշվարկվել է 20.12.2004թ-ից, ՀՀ Քրեական և Զինվորական գործերով վերաքննիչ դատարանի 22.07.2005թ. դատավճռով Երևանի Կենտրոն և Նորք-Մարաշ համայնքների առաջին ատյանի դատարանի 01.06.2005թ. դատավճիռը թողնվել է անփոփոխ;
3) Երևանի Էրեբունի և Նուբարաշեն համայնքների առաջին ատյանի դատարանի 13.10.2005թ. թիվ 1-62 դատավճռով ՀՀ քր. օր-ի 35-355 հոդ-ի 1-ին մասով դատապարտվել է ազատազրկման 6/վեց/ ամիս ժամկետով, ՀՀ քր. օր-ի 67 հոդ-ի 6-րդ մասի կիրառմամբ վերջնական պատիժ է սահմանվել` ցմահ ազատազրկում, պատժի սկիզբը հաշվարկվել է 13.10.2005թ-ից/,
պատիժը չկրած, ֆիզիկապես առողջ, բնակվել է ք.Երևան Նորքի 5-րդ զանգվածի, Մ.Գալշոյան փողոցի 57 շենքի, թիվ 54 հասցեի բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկության ցմահ ազատազրկման դատապարտված դատապարտյալ/։
Սույն գործով 29.11.2009թ. որոշմամբ կիրառված կալանք խափանման միջոցը Մ.Ենոքյանի 18.12.2009թ. ձերբակալվելուց հետո 21.12.2009թ-ի որոշմամբ վերացվել է։
Մեղադրվում է ՀՀ Քրեական օրենսգրքի 355 հոդվածի 2-րդ մասի 1-ին կետով։

Սողոմոն Արկադիի Քոչարյանի /ծնված՝ 19.12.1966թ. Ադրբեջանի Հանրապետության Բաքու քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուսնալուծված, խնամքին մեկ անձ, չի աշխատել, ըստ ամբաստանյալի հայտարարության` 2-րդ կարգի հաշմանդամ, ՀՀ սահմանների պաշտպանության և ԼՂՀ ազատագրական պայքարի ակտիվ մասնակից, նախկինում դատապարտված /1) Թբիլիսիի կայազորի զինվորական տրիբունալի 01.08.1986թ. դատավճռով ՎՀ քր. օր-ի 91 հոդ-ի 3-րդ մասով, 95 հոդ-ի 1-ին մասով դատապարտվել է ազատազրկման 3 /երեք/ տարի, 6/վեց/ ամիս ժամկետով, 14.11.1988թ. պատժի կրումից ազատվել է;
2) Տաշիրի շրջանի ժողդատարանի 29.01.1993թ. դատավճռով ՀՀ քր. օր-ի 86 հոդ-ի 2-րդ մասով, 203 հոդ-ի 1-ին մասով, ՀՀ քր. օր-ի 37 հոդ-ի կիրառմամբ դատապարտվել է ազատազրկման 3/երեք/ տարի ժամկետով, ՀՀ քր. օր-ի 41 հոդ-ի կիրառմամբ սահմանվել է փորձաշրջան 1/մեկ/ տարի ժամկետով;
3) ՀՀ Գերագույն դատարանի քրեական գործերի դատական կոլեգիայի 01.12.1995թ. դատավճռով ՀՀ քր. օր-ի 99 հոդ-ի 1-ին մասով, 88 հոդ-ի 2-րդ մասով, 232 հոդ-ի 1-ին մասով և 37 հոդ-ի կիրառմամբ դատապարտվել է մահապատժի` գույքի 1/4 բռնագրավմամբ, ՀՀ Գերագույն դատարանի նախագահության վճռաբեկ ատյանի 16.02.1996թ. որոշմամբ դատավճիռը թողնվել է անփոփոխ, ՀՀ Նախագահի 01.08.2003թ. թիվ 103Ա հրամանագրով Սողոմոն Քոչարյանին ներում է շնորհվել և նրա նկատմամբ նշանակված պատիժը փոխարինվել է ցմահ ազատազրկմամբ, պատժի սկիզբը հաշվվել է 24.08.1995թ-ից;
4) Երևանի Կենտրոն և Նորք-Մարաշ համայնքների առաջին ատյանի դատարանի 01.06.2005թ. թիվ 1-143 դատավճռով ՀՀ քր. օր-ի 355 հոդ-ի 2-րդ մասի 1-ին կետով դատապարտվել է ազատազրկման 7/յոթ/ տարի ժամկետով, ՀՀ քր. օր-ի 67 հոդ-ի 6-րդ մասի կիրառմամբ վերջնական պատիժ է սահմանվել` ցմահ ազատազրկում, պատժի սկիզբը հաշվարկվել է 15.01.2005թ-ից, ՀՀ Քրեական և Զինվորական գործերով վերաքննիչ դատարանի 22.07.2005թ. դատավճռով Երևանի Կենտրոն և Նորք-Մարաշ համայնքների առաջին ատյանի դատարանի 01.06.2005թ. դատավճիռը թողնվել է անփոփոխ/,
պատիժը չկրած, ֆիզիկապես առողջ, բնակվել է ՀՀ Սյունիքի մարզի Գորիս քաղաքի Կոմերիտական փողոցի 2-րդ շենքի, թիվ 601 հասցեի սենյակում, ներկայումս ՀՀ ԱՆ «Նուբարաշեն» քրեակատարողական հիմնարկության ցմահ ազատազրկման դատապարտված դատապարտյալ/։
Սույն գործով 29.11.2009թ. որոշմամբ կիրառված կալանք խափանման միջոցը Ս.Քոչարյանի 18.12.2009թ. ձերբակալվելուց հետո 21.12.2009թ-ի որոշմամբ վերացվել է։
Մեղադրվում է ՀՀ Քրեական օրենսգրքի 355 հոդվածի 2-րդ մասի 1-ին կետով։


1. Գործի դատավարական նախապատմությունը

ՀՀ ԱՆ «Նուբարաշեն» քրեակատարողական հիմնարկի առանձին աշխատակիցների կողմից ծառայության նկատմամբ անփույթ վերաբերմունք ցուցաբերելու և իրենց ծառայողական պարտականությունները ոչ պատշաճ կատարելու հետևանքով ցմահ ազատազրկման դատապարտվածներ Մհեր Դավթի Ենոքյանի և Սողոմոն Արկադիի Քոչարյանի կողմից 2009թ. նոյեմբերի «27»-ի, ժամը «17»-ի սահմաններում ազատազրկման վայրից փախուստի դիմելու դեպքերի առթիվ 28.11.2009թ. ՀՀ հատուկ քննչական ծառայությունում ՀՀ Քրեական օրենսգրքի 355 հոդվածի 2-րդ մասի 1-ին կետով և 315 հոդվածի 1-ին մասով հարուցվել է թիվ 62208609 քրեական գործը։
28.11.2009թ. որոշմամբ Մհեր Դավթի Ենոքյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 355 հոդվածի 2-րդ մասի 1-ին կետով այն բանի համար, որ նա. «Առանձնապես ծանր հանցագործություն կատարելու համար դատապարտված լինելով ցմահ ազատազրկման և պատիժ կրելով ՀՀ ԱՆ «Նուբարաշեն» քրեակատարողական հիմնարկի թիվ 77 խցում, հանցավոր համաձայնության գալով նույն խցում ցմահ ազատազրկման դատապարտված Սողոմոն Քոչարյանի հետ, նախապես պլանավորել և 2009թ. նոյեմբերի «27»-ին, ժամը «17»-ի սահմաններում, օգտվելով նաև հիշյալ քրեակատարողական հիմնարկի աշխատակիցների ոչ պատշաճ և անփույթ հսկողություն իրականացնելու հանգամանքից, այն է` մնալով առանց հսկողության հիշյալ քրեակատարողական հիմնարկի թիվ 1 զբոսախցի տանիքի մետաղյա ճաղավանդակը կտրել-ջարդելու եղանակով, պարանների օգտագործմամբ Սողոմոն Քոչարյանի հետ անցել են ահազանգման համակարգի և արտաքին քողարկող պատի վրայով ու ազատազրկման վայրից դիմել փախուստի»։
28.11.2009թ. որոշմամբ Մհեր Դավթի Ենոքյանի նկատմամբ հայտարարվել է հետախուզում։
28.11.2009թ. որոշմամբ Սողոմոն Արկադիի Քոչարյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 355 հոդվածի 2-րդ մասի 1-ին կետով այն բանի համար, որ նա. «Առանձնապես ծանր հանցագործություն կատարելու համար դատապարտված լինելով ցմահ ազատազրկման և պատիժ կրելով ՀՀ ԱՆ «Նուբարաշեն» քրեակատարողական հիմնարկի թիվ 77 խցում, հանցավոր համաձայնության գալով նույն խցում ցմահ ազատազրկման դատապարտված Մհեր Ենոքյանի հետ, նախապես պլանավորել և 2009թ. նոյեմբերի «27»-ին, ժամը «17»-ի սահմաններում, օգտվելով նաև հիշյալ քրեակատարողական հիմնարկի աշխատակիցների ոչ պատշաճ և անփույթ հսկողություն իրականացնելու հանգամանքից, այն է` մնալով առանց հսկողության հիշյալ քրեակատարողական հիմնարկի թիվ 1 զբոսախցի տանիքի մետաղյա ճաղավանդակը կտրել-ջարդելու եղանակով, պարանների օգտագործմամբ Մհեր Ենոքյանի հետ անցել են ահազանգման համակարգի և արտաքին քողարկող պատի վրայով ու ազատազրկման վայրից դիմել փախուստի»։
28.11.2009թ. որոշմամբ Սողոմոն Արկադիի Քոչարյանի նկատմամբ հայտարարվել է հետախուզում։
19.01.2010թ. որոշմամբ քրեական գործից անջատվել է ՀՀ ԱՆ «Նուբարաշեն» քրեակատարողական հիմնարկի աշխատակիցներ Աղասի Սմբատյանի, Արա Աթաբեկյանի, Վանիկ Հարությունյանի, Սերժիկ Թամրազյանի և Սեդրակ Արթենյանի վերաբերյալ` պաշտոնեական անփութություն ցուցաբերելու հետևանքով ՀՀ Քրեական օրենսգրքի 315 հոդվածի 1-ին մասով հարուցված մասը, որին շնորհվել է 62204410 համարը։
18.02.2010թ. որոշմամբ հանցակազմի բացակայության հիմքով ազատազրկման վայրից փախուստ կատարելու և հետախուզման մեջ գտնվելու ընթացքում Սողոմոն Քոչարյանի` Գուրգեն Շահբազյանի տանը թաքնվելու, Մհեր Ենոքյանի` ինքնասպանության փորձ կատարելու, Կիմ Հայրապետյանի կողմից փախուստ կատարելուն օժանդակելու դրվագներով քրեական հետապնդում չի իրականացվել։
Քրեական գործն ըստ մեղադրանքի Մհեր Դավթի Ենոքյանի և Սողոմոն Արկադիի Քոչարյանի` ՀՀ Քրեական օրենսգրքի 355 հոդվածի 2-րդ մասի 1-ին կետով 24.02.2010թ. կազմված և 26.02.2010թ. հաստատված մեղադրական եզրակացությամբ 26.02.2010թ. ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Ապացույցների հետազոտում և գնահատում

Վերլուծելով ու գնահատելով դատաքննության ընթացքում հետազոտված ապացույցները՝ գործի հանգամանքների, մեղադրանքի ապացուցվածության և ամբաստանյալների մեղավորության մասին, դատարանն եկավ հետևության, որ արարքը, որի կատարման մեջ մեղադրվում են ամբաստանյալներն՝ ապացուցված է։
Դատարանի հետևությունները հիմնված են դատաքննությամբ հետազոտված հետևյալ ապացույցների վրա։
Ամբաստանյալ Մհեր Դավթի Ենոքյանի դատաքննական ցուցմունքով այն մասին, որ նախաքննության ընթացքում տրված իր ցուցմունքները պնդում է, որով հայտնել է, որ 2009թ. նոյեմբերի «27»-ին խցակից դատապարտյալ Սողոմոն Քոչարյանի հետ փախուստ են կատարել ՀՀ ԱՆ «Նուբարաշեն» քրեակատարողական հիմնարկից։ Փախուստը ծրագրել են 2009թ. ամռանից, ինչ նպատակով ուսումնասիրել են տեղանքը և որոշել, որ առավել հեշտ է փախուստի դիմել զբոսախցից։ Քանի որ թիվ 76 խցի դատապարտյալները հազվադեպ են դուրս եկել զբոսանքի, ինչ պատճառով իրենց զբոսանքի են տարել հիմնականում 6-րդ հարկի թիվ 1 զբոսախուց, ուստի որոշել են փախուստը հենց այդտեղից կատարել։ Ուսումնասիրելով զբոսախուցը որոշել են սղոցել զբոսախցի վերին ճաղավանդակի երկու եզրերը, իսկ մյուս երկուսը` կոտրել զոդման տեղերից, ինչն էլ իրագործել են և չորս ամիս շարունակ ընտրելով այնպիսի պահեր, երբ զբոսախցի տանիքի հատվածը և խցի մուտքի դուռը չի հսկվել, սղոցել են ճաղավանդակը։ Ճաղերի վրայի կտրվածքները ծածկել են նախապես թանաքի մածուկով մգացված հացի խմորով։ Փախուստից մոտ մեկ ամիս առաջ 5-րդ հարկի իրենց թիվ 77 խցում կոճի թելերից և տարբեր հագուստներից պարաններ են գործել, որոնք թաքցրել են խցի սանհանգույցի օդափոխման խողովակի մեջ, իսկ վերջին օրերին իրենց մարմնի վրա են կրել։ 2009թ. նոյեմբերի «26»-ին փախուստի համար նախատեսված անցքն արդեն պատրաստ է եղել, սակայն միջանցքում ակտիվ շարժի պատճառով, այդ օրը փախուստի չեն դիմել։ 2009թ. նոյեմբերի «27»-ին, ժամը «17»-ին դուս են եկել զբոսանքի ու երբ մոտ 15-20 րոպեից միջանցի շարժը դադարել է` պոկել են կտրված ճաղերն ու պարանի միջոցով, սկզբում ինքն, այնուհետև Սողոմոն Քոչարյանը, դուրս են եկել տանիք։ Թեթև լինելու համար հանել են անթև բաճկոնները, որից հետո պարաններից մեկը կապել են տանիքի եզրային ճաղավանդակից և իջել են կից տանիքի վրա, մեկուսիչի միջոցով շրջանցելով ազդանշանային համակարգը և հայտնվելով վարչական շենքի տանիքին` մետաղյա հենակից կապել են մյուս պարանը և իջնելով քրեակատարողական հիմնարկի տարածքից դուրս` դիմել են փախուստի։
Ամբաստանյալը դատաքննությամբ հայտնեց, որ իր փախուստի դիմելու միակ նպատակն իր նկատմամբ ՀՀ Գերագույն դատարանի քրեական գործերի դատական կոլեգիայի կողմից 29.11.1996թ. կայացված դատավճիռը վերանայելն է, որի համար ինքը բազմից դիմել է տարբեր ատյանների, սակայն` մերժվել է, փախուստը միայն դատավճռի վերանայմանն ուղղված բողոք է, որպես դրա ապացույց ամբաստանյալը նշեց, որ շուրջ 21 օր ազատության մեջ մնալու ընթացքում որևէ իրավախախտում չի կատարել։
Ամբաստանյալ Սողոմոն Արկադիի Քոչարյանի դատաքննական ցուցմունքով, որով վերջինս հայտնեց, որ փախուստի մանրամասները դեռևս նախաքննության ընթացքում են պարզաբանվել և անդրադառնալով փախուստի դրդապատճառներին հայտնեց, որ այն իր նկատմամբ ՀՀ Գերագույն դատարանի քրեական գործերի դատական կոլեգիայի 01.12.1995թ. դատավճիռը չվերանայելու դեմ ուղղված բողոքի գործողություն է և իր միակ նպատակն այդ դատավճիռը վերանայելն է։
Ամբաստանյալները հատնեցին, որ ցավում են փախուստի հետևանքով ճաղերից այն կողմ հայտնված քրեակատարողական հիմնարկի աշխատակիցների համար, նրանց վնասելու նպատակ իրենք չեն ունեցել։
Վկա` Արսեն Ժորայի Ավագյանի ցուցմունքով այն մասին, որ 2008թ. մարտից աշխատել է ՀՀ ԱՆ «Նուբարաշեն» քրեակատարողական հիմնարկում, որպես անվտանգության ապահովման կրտսեր մասնագետ։ Դեպքի օրը` 2009թ. նոյեմբերի «27»-ին, հիմնարկում ծառայություն է իրականացրել Աղասի Սմբատյանի, Արա Աթաբեկյանի և Վանիկ Հարությունյանի հետ։ Այդ օրը զբոսանքի ցանկություն են հայտնել 77 խցի ցմահ դատապարտյալներ` ամբաստանյալներ Մհեր Ենոքյանը և Սողոմոն Քոչարյանը։ Դատապարտյալներին զբոսախուց տեղավորելուց հետո ինքը և Վանիկ Հարությունյանը Աղասի Սմբատյանի կարգադրության համաձայն գնացել են 2-րդ մասնաշենք` պլանային խուզարկություն կատարելու, իսկ զբոսախցերում դատապարտյալների նկատմամբ հսկողության իրականացման ու նրանց անվտանգության ապահովման իրականացման համար մնացել է միայն Արա Աթաբեկյանը, քանի որ այլ աշխատակիցներ չեն եղել։ Մոտ մեկ ժամ անց պլանային խուզարկությունն ավարտելուց հետո Աղասի Սմբատյանի և Վանիկ Հարությունյանի հետ գնացել են 5-րդ հարկ` դատապարտյալներին զբոսախցից բանտախուց տեղափոխելու համար, վերջիններս դատապարտյալներին ընդունելու համար մնացել են այդ հարկում, իսկ ինքը բարձրացել է 6-րդ հարկ, որտեղից Արա Աթաբեկյանի հետ պետք է դատապարտյալներին տեղափոխեր 5-րդ հարկ։ Երբ բացել է զբոսախցի դուռը տեսել է, որ դատապարտյալներն այնտեղ չեն ու նկատելով, որ վանդակաճաղի քառակուսի հատվածը բացակայում է, անմիջապես հասկացել է, որ դատապարտյալները դիմել են փախուստի ու տագնապ է բարձրացրել, որից հետո բոլորով բարձրացել են տանիք, որտեղ էլ հայտնաբերվել են դատապարտյալների հագին եղած հագուստները ու պարանի կտորները։ Վկան հայտնեց, որ քրեակատարողական հիմնարկում զբոսախցերը 20-ն են, որոնք 6-րդ հարկում են տեղակայված և, որ թիվ 76 խցի դատապարտյալներին հիմնականում 1-ին զբոսախցում են տեղավորում, իսկ 77-ի դատապարտյալներ Մհեր Ենոքյանին և Սողոմոն Քոչարյանին` 2-րդում, սակայն, երբ թիվ 76 խցի դատապարտյալները զբոսանքի դուրս չեն գալիս, թիվ 77 խցի դատապարտյալներին տեղավորում են 1-ին զբոսախցում, ինչպես պատահեց նաև դեպքի օրը։ Դեպքի օրը դատապարտյալներին զբոսախուց ինքն անձամբ է տեղավորել ու եթե ճաղավանդակը կոտրված լիներ ինքն անպայման կնկատեր, քանի որ զբոսախցի դուռը բացելուց հետո ներսը նայել է ու նոր նրանց ներս ուղեկցել։
Վկա` Գուրգեն Անուշավանի Շահբազյանի ցուցմունքով այն մասին, որ ամբաստանյալ Սողոմոն Քոչարյանը, որին ճանաչել է «Սաշա» անունով, իր մարտական ընկերն է, որի հետ մասնակցել են ՀՀ Սահմանների պաշտպանության և Լեռնային Ղարաբաղի ազատագրման համար մղվող մարտերին։ Վերջին անգամ Սողոմոն Քոչարյանին հանդիպել է 1994թ., որից հետո մեկնել է Ռուսաստանի Դաշնություն։ Վերադառնալուց հետո` 2009թ. դեկտեմբեր ամսվա սկզբներին որդին զանգահարել է իրեն աշխատանքի վայր և հայտնել, որ հյուր ունեն։ Աշխատանքից հետո գնալով տուն տեսել է, որ հյուրը Սողոմոն Քոչարյանն է, ով խնդրել է մի քանի օր իր տանը մնալ, պատճառաբանելով, որ Ռուսաստանի Դաշնությունից փաստաթղթերի հետ կապված խնդիրները կարգավորելու համար վերադարձել է ու մնալու տեղ չունի։ Ինքը բնականաբար ընկերոջը չի մերժել, հատկապես եթե դրա պատճառը չուներ։ Իրենց տանը մնալու ընթացքում Սողոմոն Քոչարյանի կողմից կասկածելի վարքագիծ չի նկատել, քանի որ վերջինս իրեն շատ հանգիստ է պահել, ազատ շփվել է իր ընտանիքի անդամների ու իրենց տուն այցելած հյուրերի հետ, ազատ ելումուտ է արել։ 2009թ. նոյեմբերի «27»-ի ազատազրկման վայրից դատապարտյալների փախուստի մասին իմացել է միայն 2009թ. դեկտեմբերի «18»-ին, երբ կինն իրեն աշխատավայր զանգահարելով շտապ տուն է կանչել և պատմել, թե ինչպես են Ազգային անվտանգության ծառայության աշխատակիցներն իրենց տանից ձերբակալել Սողոմոն Քոչարյանին, իսկ երբ ձերբակալել են նաև իրեն, նոր իմացել է, որ Սողոմոն Քոչարյանը դատապարտված է եղել ցմահ ազատազրկման։
Դեպքի վայրի` ՀՀ ԱՆ «Նուբարաշեն» քրեակատարողական հիմնարկության 6-րդ հարկի աստիճանավանդակներից ձախ տեղակայված թիվ 1 զբոսախցում 2009թ. նոյեմբերի «27»-ին կատարված զննության արձանագրությամբ, այն մասին, որ զբոսախցի դռան վերևի հատվածում, պատից մոտ 15սմ դեպի կենտրոն ճաղավանդակի մի ճաղը բացակայում է, իսկ մյուս մասն ամրացված չէ, այլ ուղղակի դրված է։ Զննությամբ նշված ճաղավանդակի մոտ 35սմ երկարությամբ կտորը հանվել և առգրավվել է։ Քրեակատարողական հիմնարկի տանիքի, նույն զբոսախցի տանիքային հատվածից հայտնաբերվել է մոտ 27սմ երկարությամբ ճաղավանդակի կտոր։ Զբոսախցից մոտ 4մ հեռավորության վրա գետնին հայտնաբերվել են երկու անթև բաճկոններ, մեկ հատ սպորտային տաբատ և մեկ հատ սվիտր։ Հագուստների գրպանից հայտնաբերվել են մեկուսիչ ժապավեններ, երկու սե թելի կծիկ, մեկ կրակայրիչ։ Զբոսախցի տանիքից մոտ 5մ հեռավորության վրա հայտնաբերվել է տանիքից կապված մոտ 9մ երկարության պարան, իսկ մոտ 1մ հեռավորության վրա դրված է եղել մոտ 2մ-ոց երկտակ պարան, մոտ 5,20սմ երկարության պարան է հայտնաբերվել նաև ՀՀ ԱՆ «Նուբարաշեն» քրեակատարողական հիմնարկի հյուսիսային պատի և դրան հարող հատվածից կախված։ Հայտնաբերված իրերը փաթեթավորվել և առգրավվել են։
ՀՀ ԱՆ «Նուբարաշեն» քրեակատարողական հիմնարկության թիվ 1 զբոսախցում 28.11.2009թ. կատարված զննության արձանագրությամբ այն մասին, որ զբոսախցի մուտքից ձախ` անկյունում դրված աղբարկղի շուրջ անկանոն թափված աղբի շրջակայքից հայտնաբերվել է սև թելի կտոր, իսկ զբոսախցի մուտքի դռան առջևի հատվածից մագնիսական վրձնի գործադրմամբ հայտնաբերվել է մետաղական փոշի։ Զննությամբ հայտնաբերվածները փաթեթավորվել, կնքվել և առգրավվել են։
ՀՀ ԱՆ «Նուբարաշեն» քրեակատարողական հիմնարկության թիվ 1 զբոսախցի 19.12.2009թ. կազմված լրացուցիչ զննություն կատարելու արձանագրությամբ այն մասին, որ զբոսախցի մուտքից ներս` դիմացի և աջ պատերի հատման անկյունում, գետնին առկա ջրահեռացման համար նախատեսված խողովակի միջից երկաթյա լինգի միջոցով հանվել է աղբ, որում հայտնաբերվել են 1 հատ մոտ 8սմ և 1 հատ մոտ 2սմ երկարությամբ մետաղ կտրելու համար նախատեսված սղոցի շեղբի կտորներ, որոնք փաթեթավորվել, կնքվել և առգրավվել են։
ՀՀ ԱՆ «Նուբարաշեն» քրեակատարողական հիմնարկության 5-րդ հարկի թիվ 77 խցում 27.11.2009թ. կազմված զննության արձանագրությամբ այն մասին, որ զննությամբ խցից հայտնաբերվել և առգրավվել է 6 կծիկ սև բարակ պարան, 1 կծիկ բարակ պարան, 1 կծիկ սև թել, երեք սպիտակ էլ. սարքավորումների համար նախատեսված եզրերը կտրված լարեր, 50 միավոր տաքսաֆոնի` «0060 072804/ 100 K 0905» գրառմամբ հեռախոսաքարտ, երկու տետր, 1 լազերային սկավառակ «windows XP SRI» գրառմամբ տուփով, «Pracison» ֆիրմայի 9x5 սմ չափերի ռադիո ընդունիչ` երկու մարտկոցով և ականջակալներով, սև կաշվի 12 կտորներ, եղունգկտրիչ, 2009թ. օրացույց։
ՀՀ ԱՆ «Նուբարաշեն» քրեակատարողական հիմնարկության վարչական մասնաշենքի տանիքի հակափախուստային համակարգի զննության արձանագրությամբ այն մասին, որ ՀՀ ԱՆ «Նուբարաշեն» քրեակատարողական հիմնարկության վարչական շենքի տանիքի հակափախուստային համակարգն իրենից ներկայացնում է տանիքի ողջ երկայնքով ձգվող և միմյանցից 15սմ հեռավորությամբ հորիզոնական դիրքով անցկացված էլեկտրական լարման տակ գտնվող մետաղական լարեր։ Քրեակատարողական հիմնարկության հավաքակայանի և վարչական տանիքի միացման հատվածում հակափախուստային համակարգի ստորին առաջին մետաղալարի վրա հայտնաբերվեց մետաղալարից կախված թափանցիկ կպչուն թաղանթով միմյանց ամրացված երկու հատ «Ֆոռբս» անվանմամբ ամսագիր, որոնք միջնամասից բացված և ամրացված են եղել թափանցիկ կպչուն ժապավենով, որով և այն հարմարեցված է եղել մետաղալարին կախելու համար։ Հայտաբերված ամսագրերը լուսանկարահանվել, փաթեթավորվել, կնքվել և առգրավվել են։
Անձին բերման ենթարկելու արձանագրությամբ այն մասին, որ 2009թ. դեկտեմբերի «18»-ին, ժամը 17-ի սահմաններում Երևան քաղաքի Ամիրյան և Զաքյան փողոցների հատման անկյունում ՀՀ ԱԱԾ վարչական շենք բերման է ենթարկվել հետախուզման մեջ գտնվող Մհեր Դավթի Ենոքյանն, ով ԱԱԾ վարչական շենքի թիվ 375 աշխատասենյակում անձնական խուզարկություն կատարելիս իր մոտից հայտնաբերված գաղտնի փականով դանակով ինքն իրեն պարանոցի շրջանում մարմնական վնասվածք է հասցրել և տեղափոխվել Երևանի թիվ 1 Կլինիկական հիվանդանոց։
Հագուստներն ու իրերը ներկայացնելու արձանագրությամբ այն մասին, որ 2009թ. դեկտեմբերի «18»-ին Երևանի թիվ 1 կլինկական հիվանդանոցի բուժքույր Վ.Թորոսյանը ներկայացրել է Մհեր Ենոքյանին պատկանող իրերը, որոնք են` մուգ կապույտ վիլվետե տաբատ, որի գրպաններից հայտնաբերվել են կանաչ պլաստմասե կրակայրիչ, դեղին մետաղից փականից պոկված շղթա, երկու մուգ կապույտ նախշազարդ թաշկինակներ, կաշվենման դրամապանակ, որի մեջ առկա են եղել` 5 հատ ՀՀ 20.000, 2 հատ ՀՀ 10.000 և 3 հատ ՀՀ 5.000 թղթադրամներ, 2 հատ ԱՄՆ 100 դոլար, 4 հատ 50 Եվրո թղթադրամներ, վանդակավոր և տողավոր տետրի գրառումներով թերթեր, առջևի հատվածը պատռված սև գործվածքից սվիտր, սպիտակ գործվածքից բազմաթիվ պատռվածքներով և կարմիր գույնի հետքերով սվիտր, սպիտակ գործվածքից կարմիր հետքերով շապիկ, մեկ զույգ երկարաճիտք սև կաշվենման կոշիկներ։
ԱԱԾ վարչական շենքի 3-րդ հարկի թիվ 375 աշխատասենյակում 18.12.2009թ. կազմված զննության արձանագրությամբ այն մասին, որ սենյակի զննությամբ դիմադիր սեղանի վրա առկա են եղել Մհեր Ենոքյանի մոտից հայտնաբերված մանուշակագույն թանաքով ձեռագիր գրառմամբ սպիտակ թղթի կտոր, «Վիվասել-ՄՏՍ» բջջային օպերատորի կանխավճարային քարտ` փաթեթավորման մասով /«PUK 1»-53804186, «PUK 2»-35183105/, «Բիլայն» բջջային օպերատորական քարտ` փաթեթավորման մասով «PUK 1»-57705832, «PUK 2»-69274891, «Արմենտել» ՓԲԸ տաքսոֆոնի զանգեր կատարելու համար 50 միավորանոց վճարման քարտ, /0060 095069/100k 0905/, երեք բանալի, մեկ հատ «OSO7109 59 13-120» գրառմամբ արևային ակնոց, էլեկտրոնային ժամացույց, կտորե պատյան, շագանակագույն շապիկով նոթատետր, 1 հատ ՀՀ 1000 դրամանոց թղթադրամ, մեկ 4սմx5սմ չափելի Մհեր Ենոքյանին նմանվող տղամարդու գունավոր լուսանկար, նույն չափերի կնոջ լուսանկար, ՀՀ քաղաքացու AE 0419647 համարի, 14.07.1999թ. 005-ի կողմից 06.06.1973թ. տրված Արսեն Աբրիկի Աղայանին տրված անձնագիր, որում պատկերված է Մհեր Ենոքյանին նմանվող լուսանկար, «IMPRESS» թերթի ձեռագիր գրառումներով էջեր, «G1, AIRSOFTGUN MADI IN CHINA» գրառմամբ սև մետաղից դատարկ պահունակով ատրճանակ, ծառովի դանակ, որի բացված շեղբի վրա առկա են եղել արնանման հետքեր, «NOKIA» մակնիշի 358396006549141 գործարանային համարով բջջային հեռախոս, մեկ պոլիէթիլենային տոպրակ, որում հայտնաբերվել են մեկ զույգ կաշվենման ձեռնոց, մեկ սև գործվածքից գլխարկ, թվեր և ռուսերեն տառեր գրելու համար նախատեսված երեք շերտաքանոններ։ Դիմադիր սեղանին, պոլիէթիլենային տոպրակում հայտնաբերված իրերը, ինչպես նաև Մհեր Ենոքյանին պատկանող «adidas» գրառմամբ մուգ կապույտ և մոխրագույն սպորտային կիսապաճկոնը, Մհեր Ենոքյանի ինքնավնասման հետևանքով գետնին հայտնաբերված արնանման հետքից բամբակով վերցված նմուշը լուսանկարվել, փաթեթավորվել, կնքվել և առգրավվել են։
Անձնական խուզարկության ենթարկելու արձանագրությամբ այն մասին, որ 2009թ. դեկտեմբերի «18»-ին, ՀՀ ԱՆ «Նուբարաշեն» ՔԿՀ բերման ենթարկված ցմահ դատապարյալ Սողոմոն Արկադիի Քոչարյանի անձնական խուզարկությամբ անդրավարտիքի կողային գրպանից հայտնաբերվել է 1 հատ ՀՀ 500, 1 հատ ՀՀ 200, 3 հատ ՀՀ 100, 1 հատ ՀՀ 50, 2 հատ ՀՀ 20 դրամանոց մետաղադրամներ, 2 հատ ՀՀ 5.000, 4 հատ ՀՀ 1.000 դրամանոց թղթադրամներ, 1 հատ «Նոկիա-1200» մոդելի` IMEI։ 356869/2/490794/9 բջջայի հեռախոս «VivaCell» հեռախոսակապի «Ալո» բաժանորդային /077/52-64-91 համարի քարտով, 1 հատ ծալովի դանակ, 1 հատ կաշվենման կազմով /կազմի մեջ հայելի/ գրառումներով նոթատետր, տողանի տետրի թերթով ոմն «Հայկազին» հասցեագրված նամակ, 1 հատ կապույտ գույնի ջինսե անդրավարտիք, 1 հատ մուգ շագանակագույն կաշվենման գոտի, 1 հատ երկարաթև բաց շագանակագույն, սև և սպիտակ նախշերով սվիտր, 1 զույգ սև գույնի կիսաճտքավոր շղթայաձև փականով ձմեռային կոշիկներ, 1 զույգ սև գույնի սպիտակ նախշերով գուլպաներ, 1 հատ երկարաթև բաց և մուգ մոխրագույն նախշերով վերնաշապիկ, 1 հատ սև գույնի կարճաթև առաջամասում «Սան Ֆրացիսկո» գրառմամբ շապիկ, 1 հատ պատռված երկարաթև շապիկ, 1 հատ մոխրագույն անթև շապիկ, 1 հատ կապույտ վարտիք, 1 հատ «Ռոլեքս» գրառմամբ երկաթյա շղթայով ձեռքի ժամացույց, որոնք փաթեթավորվել, կնքվել և առգրավվել են։
Ցմահ դատապարտյալ Սողոմոն Արկադիի Քոչարյանի սպորտային պայուսակի և դրա պարունակության զննության 19.12.2009թ. կազմված արձանագրությամբ այն մասին, որ Սողոմոն Քոչարյանի սպորտային պայուսակից հայտնաբերվել են մեկ հատ սև կտորից հովհար, մեկ հատ դեզոդորանտ, մեկ հատ էմալապատ բաժակ, մեկ հատ ֆիքսվող շեղբով դանակ, մեկ հատ սպիտակ մետաղից եղունգկտրիչ, մեկ զույգ կաշվենման ձեռնոցներ, մեկ հատ 3,2սմx10,8սմ չափերի հղկաթուղթ, երեք հատ մոմ, 10 և 8 չոր վառելիքի տափօղակի փաթեթներ, մեկ վարտիք, մեկ ատամի մածուկ և խոզանակ, մեկ զույգ սև գուլպա, երկու հատ «BIG» տեսակի ածելի, մեկ հատ սափրվելու համար նախատեսված «ARKO» տեսակի կրեմ։ Հայտնաբերված իրերը փաթեթավորվել, կնքվել և առգրավվել են։
Դատաբժշկական փորձաքննության թիվ 1869/հ եզրակացությամբ այն մասին, որ Մհեր Ենոքյանի ստացած մարմնական վնասվածնքները` պարանոցի ձախ կեսի կողմնային մակերեսի կտրած-ծակած վերքերի ձևերով` լծային երակի, ենթալեզվային զարկերակի, մկանների վնասումներով ուղեկցված սուր արյունահոսությամբ, 3-րդ աստիճանի հեմոռագիկ շոկով, նախահոգեվարգային վիճակով պատճառվել են սուր ծակող-կտրող գործիքի /ների/ ներգործության հետևանքով, կյանքին վտանգ սպառնացող։ Եթե հետագայում ներկայացվեն տուժողը, ինչպես նաև դեպքի վայրից հայտնաբերված դանակը և ի հայտ գան նոր տվյալներ հնարավոր է փոփոխություններ հետևություններում։
Դատաբժշկական փորձաքննության թիվ 707 եզրակացությամբ այն մասին, որ փորձաքննության ներկայացված Մհեր Դավթի Ենոքյանի արյան նմուշն ըստ արյան ABO իզոշճաբանական համակարգի պատկանում է A խմբին։
- Փորձաքննության ներկայացված բամբակյա երկու խծուծներով դեպքի վայրից` «աշխատասենյակի հատակից» վերցված կասկածելի նյութի հետքերում հաստատվեց արյան առկայություն, որը պատկանում է մարդու և այն ըստ արյան ABO իզոշճաբանական համակարգի առաջացել է A խմբի արյուր ունեցող անձից, կամ անձանցից, այդ թվում կարող էր առաջանալ Մհեր Դավթի Ենոքյանից։
- Փորձաքննությանը ներկայացված գաղտնի փականով ծալովի դանակի բռնակի և շեղբի վրա հայտնաբերված կասկածելի հետքերում հաստատվեց արյան առկայություն, որը պատկանում է մարդու և այն ըստ արյան ABO իզոշճաբանական համակարգի առաջացել է A խմբի արյուն ունեցող անձից կամ անձանցից, այդ թվում նաև կարող էր առաջանալ Մհեր Դավթի Ենոքյանից։
- Փորձաքննությանը ներկայացված Մհեր Դավթի Ենոքյանի հագուստները` նախքին անթև մայկայի, կաթնագույն և սև երկարավիզ նախքին ջեմպերի, վիլպետից սև գույնի անդրավարտիքի վրա տեղակայված կասկածելի հետքերում հաստատվեց արյան առկայություն, որը պատկանում է մարդու և ըստ արյան ABO իզոշճաբանական համակարգի առաջացել է A խմբի արյուն ունեցող անձից կամ անձանցից, այդ թվում նաև կարող էր առաջանալ Մհեր Դավթի Ենոքյանից։
Դատահետքաբանական և մանրաթելային համալիր փորձաքննության թիվ 09-2502 եզրակացությամբ այն մասին, որ փորձաքննության ներկայացված պարանները պատրաստված են տնայնագործական /արհեստակցական/ եղանակով։
- Քրեակատարողական հիմնարկի տանիքի վրայից հայտնաբերված զբոսախցի ճաղավանդակների երկու կտորները կտրված են կտրելու /սղոցելու/ եղանակով, ինչի համար կարող էին օգտագործվել, ինչպես հատուկ պատրաստված գործիք այնպես էլ մետաղ կտրելու համար նախատեսված սղոցի շեղբ։
- Փորձաքննությանը լրացուցիչ ներկայացված 85մմ և 22մմ մետաղական թիթեղները հանդիսանում են մետաղ կտրելու սղոցի շեղբի մաս, որի օգտագործմամբ հնարավոր է կտրել փորձաքննությանը ներկայացված ճաղավանդակի մետաղական ձողերը, սակայն ներկայացված սղոցի շեղբի մասի վրա առկա շփման թույլ մակերեսը հնարավորություն է տալիս եզրահանգել, որ նշված մետաղաձողերի կտրելու համար միայն այս 85մմ երկարությամբ շեղբի հատվածով կտրել հնարավոր չէր։ Պարզել, թե ներկայացված շեղբի մասով մետաղաձողի որ հատվածներն են կտրվել` հնարավոր չէ, քանի որ կտրող առարկայի կողմից բազմակի շփումների դեպքում անտեսանելի են դառնում կտրող եզրի կողմից թողնված հետքերը, բացի դրանից կտրված հատվածներում չեն արտահայտվել կտրող առարկայի /գործիքի/ թողնված առանձնահատուկ հատկանիշներ, որոնք հնարավորւթյուն կտային նույնականացում կատարել։
- Փորձաքննության ներկայացված մոտ 9մ, 5մ երկարություններով և աստիճանաձև գործվածք ունեցեղ պարանների կազմի մեջ մտնող թելերի մորֆոլոգիական հատկանիշները /գույն, բնույթ, հաստություն/ բերված են աղյուսակում /հատոր 3, ԳԹ 175-176/։
- դեպքի վայրից հայտնաբերված երկու բաճկոնների, տաբատի և սվիտրի վրա հայտնաբերվել են օտար բնական և քիմիական մարնաթելեր, որոն պիտանի են համեմատական հետազոտության համար։
- Փորձաքննության ներկայացված մոխրագույն բաճկոնի վրա հայտնաբերված օտար բնական բամբակյա մոխրագույն մանրաթելերն իրենց մորֆոլոգիական հատկանիշներով համընկնում են աստիճանաձև գործվածք ունեցող պարանի կազմի մեջ մտնող նմանատիպ մանրաթելերի հետ, այսինքն դրանք ունեն ընդհանուր սեռային պատկանելություն։ Փորձաքննության ներկայացված տաբատի վրա հայտնաբերված օտար քիմիական փայլատված կանաչ գույնի մանրաթելերն իրենց մորֆոլոգիական հատկանիշներով համընկնում են մոտ 5մ և աստիճանաձև գործվածք ունեցող պարանների կազմերի մեջ մտնող նմանատիպ մանրաթելերի հետ, այսինքն դրանք ունեն ընդհանուր սեռային պատկանելություն։ Փորձաքննության ներկայացված սվիտրի վրա հայտնաբերված օտար քիմիական փայլատված սև գույնի մանրաթելերն իրենց մորֆոլոգիական հատկանիշներով համընկնում են մոտ 9մ երկարություն ունեցող պարանի կազմի մեջ մտնող նմանատիպ մանրաթելերի հետ, այսինքն դրանք ունեն ընդհանուր սեռային պատկանելություն։ Փորձաքննության ներկայացված ճաղավանդակի երկու կտորների վրա հայտնաբերված օտար քիմիական փայլատված անգույն և կանաչ գույնի մանրաթելերն իրենց մորֆոլոգիական հատկանիշներով համընկնում են մոտ 5մ երկարություն ունեցող պարանի և աստիճանաձև գործվածք ունեցող պարանի գործվածքների կազմերի մեջ մտնող նմանատիպ մանրաթելերի հետ, այսինքն դրանք ունեն ընդհանուր սեռային պատկանելություն։
- Ի լրումն ՀՀ Հատուկ քննչական ծառայության վարույթում քննվող թիվ 62208609 քրեական գործով 30.11.2009թ. նշանակված մանրաթելային և հետքաբանական համալիր փորձաքննությանը և 11.12.2009թ. ստացված վեց փաթեթներում առկա մանրաթելերը օբյեկտավորված են փորձագետների կողմից և դրանց կազմի մեջ մտնող թելերի մորֆոլոգիական հատկանիշները բերված են աղյուսակում։
- Խտացված և օբյեկտավորված մանրաթելերից և ոչ մեկն իրենց մորֆոլոգիական հատկանիշներով չեն համընկնում մոտ 2մ աստիճանաձև գործվածք ունեցող պարանի կազմի մեջ մտնող թելերի հետ, այսինքն դրանք չունեն ընդհանուր սեռային պատկանելություն, իսկ թիվ 77 խցից հայտնաբերված սև թելերն իրենց մորֆոլոգիական հատկանիշներով համընկնում են մոտ 9մ երկարություն ունեցող պարանի կազմի մեջ մտնող նմանատիպ մանրաթելերի հետ, այսինքն դրանք ունեն ընդհանուր սեռային պատկանելություն։
- Սողոմոն Քոչարյանին և Մհեր Ենոքյանին պատկանող երկու անթև բաճկոնների գրպաններից հայտնաբերված երեք կծիկ սև կպչուն ժապավենները և զբոսախցի մետաղական ճաղավանդակի վրայից` ճաղավանդակի կտրված և ջարդված եզրերից հայտնաբերված երկու սև կպչուն ժապավենի կտորներն իրենց մորֆոլոգիական հատկանիշներով համընկնում են, այսինքն դրանք ունեն ընդհանուր սեռային պատկանելություն։
Ապացույց ճանաչված ՀՀ ԱՆ «Նուբարաշեն» քրեակատարողական հիմնարկի պետ Ա.Աֆրիկյանի 2009թ. նոյեմբերի «9»-ի թիվ 43-Լ հրամանով և դրան կից ծանոթացման թերթիկով։
Իրեղեն ապացույց ճանաչված Մհեր Ենոքյանին և Սողոմոն Քոչարյանին պատկանող երկու անթև բաճկոններով, մեկ տաբատով, մեկ սվիտրով, անթև բաճկոնի գրպաններից հայտնաբերված երկու կծիկ սև թելով, երեք կծիկ սև և մեկ կծիկ կապույտ կպչուն ժապավեններով, քրեակատարողական հիմնարկի տանիքի եզրային ճաղավանդակի հենակից հայտնաբերված սև և սպիտակ թելերով մոտ 9մ երկարությամբ կապված պարանով, նույն տանիքի վրայից հայտնաբերված մոտ 2մ երկարությամբ աստիճանաձև պարանով, քրեակատարողական հիմնարկի վարչական շենքի և պարսպի անկյունային հատվածից հայտնաբերված մոտ 5մ երկարությամբ պարանով, «Ֆոռբս» անվանմամբ ամսագրերից թափանցիկ կպչուն ժապավենով ամրացման միջոցով պատրաստված մեկուսիչով, քրեակատարողական հիմնարկի տանիքի վրայից հայտնաբերված զբոսախցի ճաղավանդակի կտրված երկու մետաղական հատվածներով, քրեակատարողական հիմնարկի թիվ 1 զբոսախցի ճաղավանդակի կտրված մետաղական եզրերի վրա փաթաթված մուգ և բաց կպչուն ժապավեններով և թելերով, թիվ 77 խցի զննությամբ հայտնաբերված վեց կծիկ սև և մեկ կծիկ սպիտակ բարակ պարաններով և մեկ կծիկ սև թելով, թիվ 1 զբոսախցի հատակի վրայից հայտնաբերված սև թելի կտորով, թիվ 1 զբոսախցի մետաղական ճաղավանդակի վրայից` ճաղավանդակի կտրված և ջարդված եզրերից հայտնաբերված սև թելի կտորով ու երկու սև գույնի կպչուն ժապավենի կտորով, քրեակատարողական հիմնարկի թիվ 1 զբոսախցի լրացուցիչ զննությամբ զբոսախցի անձրևաջրերի հեռացման խողովակից հայտնաբերված մետաղ կտրելու սղոցի շեղբի 8սմ և 2սմ երկարությամբ երկու կտորներով, Մհեր Ենոքյանի մոտից հայտնաբերված և ինքնավնասման գործիք հանդիսացող դանակով։
Ամբաստանյալներ Մհեր Ենոքյանին և Սողոմոն Քոչարյանին մեղսագրվող հանցանքները հիմնավորվեցին նաև վկաներ` մեկ այլ քրեական գործով ամբաստանյալներ Աղասի Ռաֆայելի Սմբատյանի, Սերժիկ Հրաչիկի Թամազյանի, Սեդրակ Յուրիկի Արթենյանի, Արա Ալեքսանդրի Աթաբեկյանի, Վանիկ Աշոտի Հարությունյանի և վկա` դատապարտյալ Կիմ Հայրապետյանի նախաքննական ցուցմունքներով, ինչպես նաև գործով ձեռք բերված այլ փաստական տվյալներով։

3. Դատարանի իրավական վերլուծությունը

ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։ ՀՀ Քրեական օրենսգրքի 355 հոդվածի 1-ին մասի համաձայն հանցագործություն է համարվում` փախուuտն ազատազրկման վայրից, կալանավորվածներին պահելու վայրից կամ ձերբակալվածներին պահելու վայրից, իսկ նույն հոդվածի 2-րդ մասի 1-ին կետի համաձայն հանցագործություն են համարվում` նույն գործողությունը, որը կատարվել է` մի խումբ անձանց կողմից։
Դատարանը գտնում է, որ Մհեր Դավթի Ենոքյանը և Սողոմոն Արկադիի Քոչարյանը 2009թ. նոյեմբերի «27»-ին, ժամը «17»-ի սահմաններում ՀՀ ԱՆ «Նուբարաշեն» քրեակատարողական հիմնարկից փախուստ գործելով կատարել են արարք, որը նախատեսված է ՀՀ Քրեական օրենսգրքի 355 հոդվածի 2-րդ մասի 1-ին կետով որով և պետք է ենթարկվեն քրեական պատասխանատվության։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալներն աջակցել են հանցագործության բացահայտմանը և տվել են ինքնախոստովանական ցուցմունքներ, ամբաստանյալներից Սողոմոն Քոչարյանն ակտիվորեն մասնակցել է ՀՀ սահմանների պաշտպանության և ԼՂՀ ազատագրման համար մղվող մարտերին, խնամքին ունի թոշակառու մայր, ամբաստանյալ Մհեր Ենոքյանը խնամքին ունի թոշակառու հայր։ Դատարանն ամբաստանյալների պատասխանատվությունը և պատիժը ծանրացնող հանգամանք է դիտում հանցանքը կատարելու առանձնապես վտանգավոր ռեցիդիվը։
Դատարանը գտնում է, որ ամբաստանյալ Մհեր Ենոքյանի նկատմամբ պետք է ազատազրկման ձևով պատիժ նշանակել և նկատի ունենալով, որ վերջինս Երևանի Էրեբունի և Նուբարաշեն համայնքների առաջին ատյանի դատարանի 13.10.2005թ. թիվ 1-62 դատավճռով ՀՀ քրեական օրենսգրքի 35-355 հոդվածի 1-ին մասով և ՀՀ քրեական օրենսգրքի 67 հոդվածի 6-րդ մասի կիրառմամբ դատապարտվել է ցմահ ազատազրկման, գտնում է, որ պետք է կիրառել ՀՀ քրեական օրենսգրքի 67 հոդվածի 6-րդ մասի դրույթը և Մհեր Ենոքյանի նկատմամբ նոր նշանակվող պատիժը կլանել նրա նկատմամբ նշանակված ցմահ ազատազրկմամբ։
Դատարանը քննարկելով ամբաստանյալ Սողոմոն Քոչարյանի նկատմամբ նշանակվող պատժատեսակի հարցը, գտնում է, որ նրա նկատմամբ ևս պետք է ազատազրկման ձևով պատիժ նշանակել և նկատի ունենալով, որ վերջինս Երևանի Կենտրոն և Նորք-Մարաշ համայնքների առաջին ատյանի դատարանի 01.06.2005թ. թիվ 1-143 դատավճռով ՀՀ քրեական օրենսգրքի 355 հոդվածի 1-ին մասով և ՀՀ քրեական օրենսգրքի 67 հոդվածի 6-րդ մասի կիրառմամբ դատապարտվել է ցմահ ազատազրկման, գտնում է, որ պետք է կիրառել ՀՀ քրեական օրենսգրքի 67 հոդվածի 6-րդ մասի դրույթը և Սողոմոն Քոչարյանի նկատմամբ նոր նշանակվող պատիժը կլանել նրա նկատմամբ նշանակված ցմահ ազատազրկմամբ։
Քննարկելով իրեղեն ապացույցների հարցը, դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված Մհեր Ենոքյանին և Սողոմոն Քոչարյանին պատկանող երկու անթև բաճկոնները, մեկ տաբատը, մեկ սվիտրը պետք է վերադարձնել վերջիններիս, ըստ պատկանելիության, իսկ քրեակատարողական հիմնարկի տանիքի եզրային ճաղավանդակի հենակին կապված մոտ 9մ երկարությամբ պարանը, նույն տանիքի վրայից հայտնաբերված մոտ 2մ երկարությամբ աստիճանաձև պարանը, քրեակատարողական հիմնարկի վարչական շենքի և պարսպի անկյունային հատվածից հայտնաբերված մոտ 5մ երկարությամբ պարանը, քրեակատարողական հիմնարկի թիվ 1 զբոսախցի լրացուցիչ զննությամբ զբոսախցի անձրևաջրերի հեռացման խողովակից հայտնաբերված մետաղ կտրելու սղոցի շեղբի 8սմ և 2սմ երկարությամբ երկու կտորները, մետաղական փոշին, թիվ 1 զբոսախցի հատակի վրայից հայտնաբերված սև թելի կտորը, թիվ 1 զբոսախցի մետաղական ճաղավանդակի վրայից` ճաղավանդակի կտրված և ջարդված եզրերից հայտնաբերված սև թելի կտորն ու երկու սև գույնի կպչուն ժապավենի կտորը, թիվ 77 խցի զննությամբ հայտնաբերված վեց կծիկ սև և մեկ կծիկ սպիտակ բարակ պարանները և մեկ կծիկ սև թելը, անթև բաճկոնների գրպաններից հայտնաբերված երկու կծիկ սև թելը, երեք կծիկ սև և մեկ կծիկ կապույտ կպչուն ժապավենները, քրեակատարողական հիմնարկի տանիքի վրայից հայտնաբերված զբոսախցի ճաղավանդակի կտրված երկու մետաղական հատվածները, «Ֆոռբս» անվանմամբ ամսագրերի` թափանցիկ կպչուն ժապավենով ամրացման միջոցով պատրաստված մեկուսիչը, ինքնավնասման գործիք հանդիսացող դանակը պետք է ոչնչացնել։
Քննարկելով քրեական գործով ապացույց ճանաչված ՀՀ ԱՆ «Նուբարաշեն» քրեակատարողական հիմնարկի պետ Ա.Աֆրիկյանի 2009թ. նոյեմբերի «9»-ի թիվ 43-Լ հրամանը և դրան կից ծանոթացման թերթիկը տնօրինելու հարցը և նկատի ունենալով, որ այդ ապացույցը սույն քրեական գործից անջատված մասով /գործ հմ. 62204410/ Երևանի Էրեբունի և Նուբարաշեն վարչական շրջանների ընդհանուր իրավասության դատարանի կողմից 25.05.2010թ. հրապարակված թիվ ԵԷԴ /0013/01/10 դատավճռով արդեն իսկ տնօրինվել է, դատարանը գտնում է, որ սույն գործով այդ ապացույցի տնօրինմանը կրկին անդրադառնալու անհրաժեշտություն չկա։
Դատարանը քննարկելով Մհեր Ենոքյանի և Սողոմոն Քոչարյանի մոտից հայտնաբերված և առգրավված իրերի, ինչպես նաև ՀՀ ԱՆ «Նուբարաշեն» ՔԿՀ թիվ 77 խցում կատարված խուզարկությամբ հայտնաբերված և առգրավված իրերի հարցը գտնում է, որ դատավճիռն օրինական ուժի մեջ մտնելուց հետո ՀՀ ԱՆ «Նուբարաշեն» ՔԿՀ թիվ 77 խցից առգրավված սև կաշվի 12 /տասներկու/ կտորները, 3 /երեք/ սպիտակ էլ.սարքավորումների համար նախատեսված եզրերը կտրված լարերը պետք է ոչնչացնել, իսկ, երկու տետրը, 1 մեկ/ հատ «Windows XP SRI» /«Վինդոուզ Էքս-ի ԵսԵռԱյ»/ գրառմամբ տուփով լազերային սկավառակը, «Pracison» /Փռեյցիսոն»/ ֆիրմայի 9x5 սմ չափերի երկու մարտկոցով և ականջակալներով ռադիո ընդունիչը, եղունգկտրիչը և 2009թ. օրացույցը պետք է վերադարձնել Մհեր Ենոքյանին և Սողոմոն Քոչարյանին` ըստ պատկանելիության։ Մհեր Ենոքյանի մոտից առգրավված վանդակավոր և տողավոր տետրի գրառումներով թերթերը, կաշվենման դրամապանակը, մանուշակագույն թանաքով ձեռագիր գրառմամբ սպիտակ թղթի կտորը, էլեկտրոնային ժամացույցը, կտորե պատյանը, շագանակագույն շապիկով նոթատետրը, «IMPRESS» /«Իմպրես»/ թերթի ձեռագիր գրառումներով էջերը, մեկ զույգ երկարաճիտք սև կաշվենման կոշիկները, մուգ կապույտ վիլվետե տաբատը, 2 /երկու/ մուգ կապույտ նախշազարդ թաշկինակները, մեկ հատ «OSO7109 59 13-120» գրառմամբ արևային ակնոցը, մեկ հատ 9սմx6,5սմ չափերի հայելին, 1 /մեկ/ զույգ կաշվենման ձեռնոցը, 1/մեկ/ սև գործվածքից գլխարկը, թվեր և ռուսերեն տառեր գրելու համար նախատեսված երեք շերտաքանոնները, «adidas» /«ադիդաս»/ գրառմամբ մուգ կապույտ և մոխրագույն սպորտային կիսաբաճկոնը, պետք է վերադարձնել Մհեր Ենոքյանին, իսկ «G1, Airsoftgun madin China» /«Ջի 1, Եյրսոֆթգան մեյդին Չինա»/ գրառմամբ սև մետաղից դատարկ պահունակով խաղալիք օդամղիչ ատրճանակն, ինչպես նաև ԱԱԾ վարչական շենքի 3-րդ հարկի թիվ 375 աշխատասենյակում Մ.Ենոքյանի ինքնավնասման հետևանքով գետնի արնանման հետքից բամբակով վերցված նմուշ-խծուծները պետք է ոչնչացնել։
Սողոմոն Արկադիի Քոչարյանից առգրավված 1 /մեկ/ հատ ծալովի դանակը, տողանի տետրի թերթով ոմն «Հայկազին» հասցեագրված նամակը և 1 /մեկ/ հատ ֆիքսվող շեղբով դանակը պետք է ոչնչացնել, իսկ 1 /մեկ/ հատ կաշվենման կազմով /կազմի մեջ հայելի/ գրառումներով նոթատետրը, 1 /մեկ/ հատ «Ռոլեքս» գրառմամբ երկաթյա շղթայով ձեռքի ժամացույցը, 1 /մեկ/ հատ կապույտ գույնի ջինսե անդրավարտիքը, 1 մեկ/ հատ մուգ շագանակագույն կաշվենման գոտի, 1 /մեկ/ զույգ սև գույնի կիսաճտքավոր շղթայաձև փականով ձմեռային կոշիկները, 1 /մեկ/ զույգ սև գույնի սպիտակ նախշերով գուլպաները, 1 /մեկ/ հատ երկարաթև բաց և մուգ մոխրագույն նախշերով վերնաշապիկը, 1 /մեկ/ հատ սև գույնի կարճաթև` առաջամասում «Սան Ֆրացիսկո» գրառմամբ շապիկը, 1 /մեկ/ հատ երկարաթև բաց շագանակագույն, սև և սպիտակ նախշերով սվիտրը, 1 /մեկ/ հատ մոխրագույն անթև շապիկը, 1 /մեկ/ հատ կապույտ վարտիքը, սպորտային պայուսակը, սև կտորից հովհարը, 1 /մեկ/ հատ դեզոդորանտը, 1 /մեկ/ հատ էմալապատ բաժակ, 1 /մեկ/ հատ սպիտակ մետաղից եղունգկտրիչը, 1 /մեկ/ զույգ կաշվենման ձեռնոցները, 3/երեք/ հատ մոմերը, 10 և 8 չոր վառելիքի տափօղակի փաթեթները, 1 /մեկ/ վարտիքը, 1 /մեկ/ ատամի մածուկը և խոզանակը, 1 /մեկ/ զույգ սև գուլպան, 1/մեկ/ հատ սափրվելու համար նախատեսված «ARKO» տեսակի կրեմը պետք է վերադարձնել Սողոմոն Քոչարյանին։
Դատարանը քննարկելով Մհեր Ենոքյանի մոտից առգրավված իրերի` 5 /հինգ/ հատ ՀՀ 20.000, 2 /երկու/ հատ ՀՀ 10.000 և 3 /երեք/ հատ ՀՀ 5.000 թղթադրամների, 2 /երկու/ հատ ԱՄՆ 100 դոլար, 4 /չորս/ հատ 50 Եվրո թղթադրամների, կանաչ պլաստմասե կրակայրիչի, դեղին մետաղից` փականից պոկված շղթայի, «Վիվասել-ՄՏՍ» բջջային` փաթեթավորման մասով /«PUK 1»-53804186, «PUK 2»-35183105/ օպերատորի կանխավճարային քարտի, «Բիլայն» բջջային` փաթեթավորման մասով /«PUK 1»-57705832, «PUK 2»-69274891/ օպերատորական քարտի, «Արմենտել» ՓԲԸ տաքսոֆոնի զանգեր կատարելու համար 50 միավորանոց 2 /երկու/ հատ` /0060 095069/100k 0905/ «0060 072804/ 100k 0905» գրառումներով հեռախոսաքարտերի, «NOKIA» մակնիշի IMEI։ 358396/00/654914/1 գործարանային համարով բջջային հեռախոսի, առջևի հատվածը պատռված սև գործվածքից սվիտրի, սպիտակ գործվածքից բազմաթիվ պատռվածքներով և կարմիր գույնի հետքերով սվիտրի, սպիտակ գործվածքից կարմիր հետքերով շապիկի, երեք բանալու, 1 /մեկ/ հատ ՀՀ 1000 դրամանոց թղթադրամի, 1 /մեկ/ 4սմx5սմ չափելի Մհեր Ենոքյանի գունավոր լուսանկարի տնօրինման հարցը և հաշվի առնելով, որ դրանք քրեակատարողական հիմնարկության ներքին կանոնակարգի համաձայն կարող են դատապարտյալներին հանձնելու համար արգելված առարկաներ, իսկ դրանց մի մասը նաև իրենցից անժեք չներկայանող իրեր հանդիսանալ, ուստի աննպատակահարմար համարելով դրանց վերադարձն ամբաստանյալին գտնում է, որ դրանք դատավճիռն օրինական ուժի մեջ մտնելուց հետո պետք է հանձնվեն Մհեր Դավթի Ենոքյանի հարազատներին։
Դատարանը քննարկելով Սողոմոն Արկադիի Քոչարյանի մոտից առգրավված իրերի` 1 /մեկ/ հատ ՀՀ 500, 2 /երկու/ հատ ՀՀ 200, 3/երեք/ հատ ՀՀ 100, 1 /մեկ/ հատ ՀՀ 50, 2/երկու/ հատ ՀՀ 20 դրամանոց մետաղադրամների, 2 /երկու/ հատ ՀՀ 5.000, 4 /չորս/ հատ ՀՀ 1.000 դրամանոց թղթադրամների, 1 /մեկ/ հատ «NOKIA-1200» մոդելի` IMEI։ 356869/02/490794/9 բջջայի հեռախոսի, «VivaCell» հեռախոսակապի «Ալո» բաժանորդային /077/52-64-91 համարի քարտի, 1 /մեկ/ հատ պատռված երկարաթև շապիկի, 2 /երկու/ հատ մեկանգամյա օգտագործման «BIG» տեսակի ածելին տնօրինման հարցը և հաշվի առնելով, որ դրանք քրեակատարողական հիմնարկության ներքին կանոնակարգի համաձայն կարող են դատապարտյալներին հանձնելու համար արգելված առարկաներ, իսկ դրանց մի մասը նաև իրենցից անժեք չներկայանող իրեր հանդիսանալ, ուստի աննպատակահարմար համարելով դրանց վերադարձն ամբաստանյալին գտնում է, որ դատավճիռն օրինական ուժի մեջ մտնելուց հետո դրանք պետք է հանձնվեն Սողոմոն Արկադիի Քոչարյանի հարազատներին։
Դատարանը քննարկելով Մհեր Ենոքյանի մոտից առգրավված 06.06.1973թ. ծնված Արսեն Աբրիկի Աղայանին 14.07.1999թ. 005-ի կողմից տրված ՀՀ քաղաքացու AE 0419647 համարի անձնագրի հարցը, որում պատկերված է Մհեր Ենոքյանին նմանվող անձ, պետք է հանձնել ՀՀ Ոստիկանության անձնագրերի և վիզաների վարչությանը։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360 հոդվածներով, դատարանը
Վ Ճ Ռ Ե Ց


Մհեր Դավթի Ենոքյանին մեղավոր ճանաչել ՀՀ Քրեական օրենսգրքի 355 հոդվածի 2-րդ մասի 1-ին կետով և դատապարտել ազատազրկման` 7 /յոթ/ տարի 6 /վեց/ ամիս ժամկետով։
ՀՀ Քրեական օրենսգրքի 67 հոդվածի 6-րդ մասի կիրառմամբ, դատավճիռների համակցությամբ, նոր նշանակված պատիժը կլանել` Երևան քաղաքի Էրեբունի և Նուբարաշեն համայնքների առաջին ատյանի դատարանի 13.10.2005թ. հմ. 1-62 դատավճռով նշանակված ցմահ ազատազրկման պատժով և վերջնական պատիժ նշանակել` ցմահ ազատազրկում։
Պատժի սկիզբը հաշվել «18» դեկտեմբերի 2009թ-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Սողոմոն Արկադիի Քոչարյանին մեղավոր ճանաչել ՀՀ Քրեական օրենսգրքի 355 հոդվածի 2-րդ մասի 1-ին կետով և դատապարտել ազատազրկման` 7 /յոթ/ տարի 6 /վեց/ ամիս ժամկետով։
ՀՀ Քրեական օրենսգրքի 67 հոդվածի 6-րդ մասի կիրառմամբ, դատավճիռների համակցությամբ, նոր նշանակված պատիժը կլանել` Երևանի Կենտրոն և Նորք-Մարաշ համայնքների առաջին ատյանի դատարանի 01.06.2005թ. թիվ 1-143 դատավճռով նշանակված ցմահ ազատազրկման պատժով և վերջնական պատիժ նշանակել` ցմահ ազատազրկում։
Պատժի սկիզբը հաշվել «18» դեկտեմբերի 2009թ-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռն օրինական ուժի մեջ մտնելուց հետո իրեղեն ապացույց ճանաչված Մհեր Ենոքյանին և Սողոմոն Քոչարյանին պատկանող երկու անթև բաճկոնները, մեկ տաբատը, մեկ սվիտրը, ըստ պատկանելիության, վերադարձնել վերջիններիս, իսկ 9մ, 2մ և 5մ երկարությամբ պարանները, սղոցի շեղբի 8սմ և 2սմ երկարությամբ երկու կտորները, մետաղական փոշին, զբոսախցի հատակի վրայից հայտնաբերված սև թելի կտորը, ճաղավանդակի կտրված և ջարդված եզրերից հայտնաբերված սև թելի կտորն ու երկու սև գույնի կպչուն ժապավենի կտորը, 6 /վեց/ կծիկ սև և 1 /մեկ/ կծիկ սպիտակ բարակ պարանները և 1 /մեկ/ կծիկ սև թելը, անթև բաճկոնների գրպաններից հայտնաբերված 2 /երկու/ կծիկ սև թելը, 3 /երեք/ կծիկ սև և 1 /մեկ/ կծիկ կապույտ կպչուն ժապավենները, ճաղավանդակի կտրված երկու մետաղական հատվածները, «Ֆոռբս» անվանմամբ ամսագրերի` թափանցիկ կպչուն ժապավենով ամրացման միջոցով պատրաստված մեկուսիչը, ինքնավնասման գործիք հանդիսացող դանակը`ոչնչացնել։
Դատավճիռն օրինական ուժի մեջ մտնելուց հետո Մհեր Ենոքյանի, Սողոմոն Քոչարյանի մոտից և ՀՀ ԱՆ «Նուբարաշեն» ՔԿՀ թիվ 77 խցից հայտնաբերված և առգրավված իրերը` սև կաշվի 12 /տասներկու/ կտորները, 3 /երեք/ սպիտակ էլ. սարքավորումների համար նախատեսված եզրերը կտրված լարերը` ոչնչացնել, երկու տետրը, 1 մեկ/ հատ «Windows XP SRI» /«Վինդոուզ Էքս-փի ԵսԵռԱյ»/ գրառմամբ տուփով լազերային սկավառակը, «Pracison» /Փռեյցիսոն»/ ֆիրմայի 9x5սմ չափերի երկու մարտկոցով և ականջակալներով ռադիո ընդունիչը, եղունգկտրիչը և 2009թ. օրացույցը` վերադարձնել ըստ պատկանելիության։ Մհեր Ենոքյանի մոտից առգրավված վանդակավոր և տողավոր տետրի գրառումներով թերթերը, կաշվենման դրամապանակը, մանուշակագույն թանաքով ձեռագիր գրառմամբ սպիտակ թղթի կտորը, էլեկտրոնային ժամացույցը, կտորե պատյանը, շագանակագույն շապիկով նոթատետրը, «IMPRESS» /«Իմպրես»/ թերթի ձեռագիր գրառումներով էջերը, 1 /մեկ/ զույգ երկարաճիտք սև կոշիկները, մուգ կապույտ վիլվետե տաբատը, 2 /երկու/ մուգ կապույտ նախշազարդ թաշկինակները, 1 /մեկ/ հատ «OSO7109 59 13-120» գրառմամբ արևային ակնոցը, 1 /մեկ/ զույգ կաշվենման ձեռնոցը, 1/մեկ/ սև գործվածքից գլխարկը, թվեր և ռուսերեն տառեր գրելու համար նախատեսված երեք շերտաքանոնները, «adidas» /«ադիդաս»/ գրառմամբ մուգ կապույտ և մոխրագույն սպորտային կիսաբաճկոնը` վերադարձնել Մհեր Ենոքյանին, իսկ «G1, Airsoftgun madin China» /«Ջի 1, Եյրսոֆթգան մեյդին Չինա»/ գրառմամբ սև մետաղից դատարկ պահունակով խաղալիք օդամղիչ ատրճանակը, ինչպես նաև ԱԱԾ վարչական շենքի 3-րդ հարկի թիվ 375 աշխատասենյակում Մ.Ենոքյանի ինքնավնասման հետևանքով գետնի արնանման հետքից բամբակով վերցված նմուշ-խծուծները` ոչնչացնել։ Սողոմոն Արկադիի Քոչարյան մոտից առգրավված 1 /մեկ/ հատ ծալովի դանակը, տողանի տետրի թերթով ոմն «Հայկազին» հասցեագրված նամակը և 1 /մեկ/ հատ ֆիքսվող շեղբով դանակը` ոչնչացնել, 1 /մեկ/ հատ կաշվենման կազմով /կազմի մեջ հայելի/ գրառումներով նոթատետրը, 1 /մեկ/ հատ «Ռոլեքս» գրառմամբ երկաթյա շղթայով ձեռքի ժամացույցը, 1 /մեկ/ հատ կապույտ գույնի ջինսե անդրավարտիքը, 1 մեկ/ հատ մուգ շագանակագույն կաշվենման գոտին, 1 /մեկ/ զույգ սև գույնի կիսաճտքավոր շղթայաձև փականով ձմեռային կոշիկները, 1 /մեկ/ զույգ սև գույնի սպիտակ նախշերով գուլպաները, 1 /մեկ/ հատ երկարաթև բաց և մուգ մոխրագույն նախշերով վերնաշապիկը, 1 /մեկ/ հատ սև գույնի կարճաթև` առաջամասում «Սան Ֆրացիսկո» գրառմամբ շապիկը, 1 /մեկ/ հատ երկարաթև բաց շագանակագույն, սև և սպիտակ նախշերով սվիտրը, 1 /մեկ/ հատ մոխրագույն անթև շապիկը, 1 /մեկ/ հատ կապույտ վարտիքը, սպորտային պայուսակը, սև կտորից հովհարը, 1 /մեկ/ հատ դեզոդորանտը, 1 /մեկ/ հատ էմալապատ բաժակը, 1 /մեկ/ հատ սպիտակ մետաղից եղունգկտրիչը, 1 /մեկ/ զույգ կաշվենման ձեռնոցները, 3/երեք/ հատ մոմերը, 10 և 8 չոր վառելիքի տափօղակի փաթեթները, 1 /մեկ/ վարտիքը, 1 /մեկ/ ատամի մածուկը և խոզանակը, 1 /մեկ/ զույգ սև գուլպան, 1/մեկ/ հատ սափրվելու համար նախատեսված «ARKO» տեսակի կրեմը` վերադարձնել Սողոմոն Արկադիի Քոչարյանին։
Դատավճիռն օրինական ուժի մեջ մտնելուց հետո Մհեր Ենոքյանի մոտից առգրավված իրերի` 5 /հինգ/ հատ ՀՀ 20.000, 2 /երկու/ հատ ՀՀ 10.000 և 3 /երեք/ հատ ՀՀ 5.000 թղթադրամները, 2 /երկու/ հատ ԱՄՆ 100 դոլար, 4 /չորս/ հատ 50 Եվրո թղթադրամները, կանաչ պլաստմասե կրակայրիչը, դեղին մետաղից` փականից պոկված շղթան, «Վիվասել-ՄՏՍ» բջջային` փաթեթավորման մասով /«PUK 1»-53804186, «PUK 2»-35183105/ օպերատորի կանխավճարային քարտը, «Բիլայն» բջջային` փաթեթավորման մասով /«PUK 1»-57705832, «PUK 2»-69274891/ օպերատորական քարտը, «Արմենտել» ՓԲԸ տաքսոֆոնի զանգեր կատարելու համար 50 միավորանոց 2 /երկու/ հատ` /0060 095069/100k 0905/ «0060 072804/ 100k 0905» գրառումներով հեռախոսաքարտերը, «NOKIA» մակնիշի IMEI։ 358396/00/654914/1 գործարանային համարով բջջային հեռախոսը, առջևի հատվածը պատռված սև գործվածքից սվիտրը, սպիտակ գործվածքից բազմաթիվ պատռվածքներով և կարմիր գույնի հետքերով սվիտրը, սպիտակ գործվածքից կարմիր հետքերով շապիկը, երեք բանալին, 1 /մեկ/ հատ ՀՀ 1000 դրամանոց թղթադրամը, 1 /մեկ/ 4սմx5սմ չափելի Մհեր Ենոքյանի գունավոր լուսանկարը` հանձնել Մհեր Դավթի Ենոքյանի հարազատներին։
Դատավճիռն օրինական ուժի մեջ մտնելուց հետո Սողոմոն Արկադիի Քոչարյանի մոտից առգրավված իրերը` 1 /մեկ/ հատ ՀՀ 500, 2 /երկու/ հատ ՀՀ 200, 3/երեք/ հատ ՀՀ 100, 1 /մեկ/ հատ ՀՀ 50, 2/երկու/ հատ ՀՀ 20 դրամանոց մետաղադրամները, 2 /երկու/ հատ ՀՀ 5.000, 4 /չորս/ հատ ՀՀ 1.000 դրամանոց թղթադրամները, 1 /մեկ/ հատ «NOKIA-1200» մոդելի` IMEI։ 356869/02/490794/9 բջջայի հեռախոսը, «VivaCell» հեռախոսակապի «Ալո» բաժանորդային /077/52-64-91 համարի քարտը, 1 /մեկ/ հատ պատռված երկարաթև շապիկը, 2 /երկու/ հատ մեկանգամյա օգտագործման «BIG» տեսակի ածելին` հանձնել Սողոմոն Արկադիի Քոչարյանի հարազատներին։
Դատավճիռն օրինական ուժի մեջ մտնելուց հետո 06.06.1973թ. ծնված Արսեն Աբրիկի Աղայանին 14.07.1999թ. 005-ի կողմից տրված ՀՀ քաղաքացու AE 0419647 համարի անձնագիրը, որում պատկերված է Մհեր Ենոքյանին նմանվող լուսանկարը` հանձնել ՀՀ Ոստիկանության անձնագրերի և վիզաների վարչությանը։
Դատավճիռը կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։


ԴԱՏԱՎՈՐ Ա. ՕՀԱՆՅԱՆ