Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0014/01/10
2010թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Ք. ԱԼԵՔՍԱՆՅԱՆ
ՄԵՂԱԴՐՈՂ-ԴԱՏԱԽԱԶ՝ Պ. ԳՅՈւԼՈւՄՅԱՆ
ՀԱՆՐԱՅԻՆ ՊԱՇՏՊԱՆ` Ա. ՋՈւՎԱՆՈՎԱ
ՏՈւԺՈՂ /ՔԱՂ.ՀԱՅՑՎՈՐ/` Ժ. ՍԵՅՐԱՆՅԱՆ

2010թ. Ապրիլի «01»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն ըստ մեղադրանքի՝ Կարեն Լյուդվիգի Պետրոսյանի /ծնված՝ 22.11.1969թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ֆիզիկապես առողջ, ամուսնացած, խնամքին ոչ ոք, չի աշխատում, նախկինում դատապարտված, դատվածությունը մարված, փաստացի բնակվում է ք.Երևան, Խաղաղ Դոն փողոցի 31 շենքի, թիվ 272 բնակարանում/։
Սույն գործով արգելանքի տակ չի եղել։
Մեղադրվում է ՀՀ Քրեական օրենսգրքի 185 հոդվածի 1-ին մասով։


1. Գործի դատավարական նախապատմությունը


Կարեն Լյուդվիգի Պետրոսյանի կողմից Ժենյա Միքայելի Սեյրանյանին պատկանող գույքը դիտավորությամբ ոչնչացնելու դեպքի առթիվ 02.12.2009թ. ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 185 հոդվածի 1-ին մասի հատկանիշներով քրեական գործ է հարուցվել։
20.01.2010թ. որոշմամբ Կարեն Պետրոսյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 185 հոդվածի 1-ին մասով այն բանի համար, որ. «2009թ. հոկտեմբերի «09»-ին Երևանի Էրեբունի և Նուբարաշեն վարչական շրջանների ընդհանուր իրավասության դատարանի վճռով վտարվել է նախկինում սեփականության իրավունքով մորը` Անահիտ Նիկողոսյանին պատկանող Նոր Արեշ 12 փողոցի, թիվ 131 հասցեում գտնվող տնից, որի կապակցությամբ դժգոհություն և անհամաձայնություն է հայտնել և լարված փոխհարաբերությունների մեջ է գտնվել տան նոր սեփականատեր Ժենյա Սեյրանյանի հետ, որի պատճառով 2009թ. հոկտեմբերի «27»-ին, ժամը «09։30»-ի սահմաններում գտնվելով ոգելից խմիչք օգտագործած վիճակում, Ժ.Սեյրանյանի գույքը վնասելու դիտավորությամբ, քարերով հարվածել և կոտրել է վերջինիս պատկանող Էրեբունի փողոցի 18/1 հասցեում գտնվող շինության երկու պատուհանների ապակիները` վերջինիս պատճառելով զգալի չափի` 32.400 ՀՀ դրամի, գույքային վնաս։ Հաջորդ օրը, ժամը «11։30»-ի սահմաններում Կ.Պետրոսյանը գտնվելով ալկոհոլ օգտագործած վիճակում կրկին Ժ.Սեյրանյանի գույքը վնասելու դիտավորությամբ քարերով հարվածել և կոտրել է վերջինիս պատկանող Էրեբունի փողոցի 18/1 հասցեում գտնվող շինության հինգ պատուհանների ապակիները` վերջինիս պատճառելով զգալի չափի` 81.000 ՀՀ դրամ գույքային վնաս։ 2009թ. նոյեմբերի «30»-ին, ժամը «19։30»-ի սահմաններում Կ.Պետրոսյանը ոգելից խմիչք օգտագործած վիճակում, Ժ.Սեյրանյանի գույքը վնասելու դիտավորությամբ, քարերով հարվածել և կոտրել է վերջինիս պատկանող Էրեբունի փողոցի 18/1 հասցեում գտնվող շինության մուտքի դռան ապակին` վերջինիս պատճառելով զգալի չափի` 14.700 ՀՀ դրամի գույքային վնաս»։
Քրեական գործը 22.01.2010թ. կազմված և 29.01.2010թ. հաստատված մեղադրական եզրակացությամբ 01.02.2010թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Արագացված դատական քննություն

Մինչ դատաքննությունն, ամբաստանյալ Կարեն Լյուդվիգի Պետրոսյանը դիմում էր ներկայացրել դատարան արագացված դատաքննության կարգ կիրառելու վերաբերյալ, իսկ հետագայում խորհրդակցելով իր պաշտպան, վարույթին ներգրավված հանրային պաշտպանի գրասենյակի փաստաբան Աննա Ջուվանովայի հետ, պնդեց արագացված դատական քննության կարգ կիրառելու վերաբերյալ միջնորդությունը, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Պ.Գյուլումյանը և տուժող Ժ.Սեյրանյանն ամբաստանյալի միջնորդության դեմ չառարկեցին։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Կարեն Պետրոսյանը կատարել է արարք, որը նախատեսված է ՀՀ Քրեական օրենսգրքի 185 հոդվածի 1-ին մասով, որով և պետք է ենթարկվի քրեական պատասխանատվության։

3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 185 հոդվածի 1-ին մասի համաձայն քրեորեն հետապնդելի արարք է համարվում` ուրիշի գույքը դիտավորությամբ ոչնչացնելը կամ վնաuելը, որը զգալի չափերի վնաu է պատճառել, որի սանկցիան պատիժ է նախատեսում տուգանք` նվազագույն աշխատավարձի հիuնապատիկից հարյուրապատիկի չափով, կամ կալանք` առավելագույնը երկու ամիu ժամկետով, կամ ազատազրկում` առավելագույնը երկու տարի ժամկետով։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով, իսկ ՀՀ Քրեական օրենսգրքի 48 հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Դատարանը հաշվի է առնում, որ ամբաստանյալը զղջացել է կատարածի համար, նրանում իրեն լիովին մեղավոր է ճանաչել, աջակցել է հանցագործությանը բացահայտելուն, որպես պատասխանատվությունը և պատիժը ծանրացնող հանգամանք դատարանը դիտում է հանցանքն ալկոհոլի ազդեցության տակ կատարելը։
Քննարկելով տուժող, քաղաքացիական հայցվոր Ժենյա Սեյրանյանին հանցագործությամբ պատճառված վնասի հատուցման հարցը և նկատի ունենալով, որ վերջինս դատաքննությամբ քաղաքացիական հայց չհարուցեց, իսկ ՀՀ քրեական դատավարության օրենսգրքի 155 հոդվածի 2-րդ մասի համաձայն` քրեական դատավարությունում քաղաքացիական հայց չհարուցելու դեպքում անձն իրավունք ունի քաղաքացիական հայց հարուցել քաղաքացիական դատավարության կարգով, ուստի դատարանը գտնում է, որ տուժող Ժենյա Սեյրանյանին իրավունք է վերապահվում քաղաքացիական հայցի պահանջի դեպքում քաղաքացիական դատավարության կարգով դիմել դատարան։
Ելնելով վերոգրյալներից և ղեկավարվելով ՀՀ Քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց

Կարեն Լյուդվիգի Պետրոսյանին մեղավոր ճանաչել ՀՀ Քրեական օրենսգրքի 185 հոդվածի 1-ին մասով և դատապարտել տուգանքով նվազագույն աշխատավարձի 50-ապատիկի /ՀՀ 50.000 դրամի/ չափով։
Կ.Պետրոսյանի նկատմամբ ընտված, ստորագրություն չհեռանալու մասին, խափանման միջոցը թողնել անփոփոխ, մինչև դատավճռի օրինական ուժի մեջ մնելը։
Տուժող` Ժենյա Սեյրանյանին իրավունք վերապահել քաղաքացիական հայցի պահանջի դեպքում քաղաքացիական դատավարության կարգով դիմել դատարան։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։


ԴԱՏԱՎՈՐ Ա. ՕՀԱՆՅԱՆ