Հիմնական
Գործի համար:
ԵԷԴ/0012/01/10
Վիճակագրական տողի համար :
6.3
Պատասխանող
Մովսես Միհրանյան Ռաֆիկի
Մովսես Միհրանյան Ռաֆիկի
Մովսես Միհրանյան
Դատավոր
Էրեբունի և Նուբարաշեն
Վլադիմիր Գրիգորյան
Դատավոր
Էրեբունի և Նուբարաշեն
Վլադիմիր Գրիգորյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Էրեբունի և Նուբարաշեն | 2010-02-23 | 11:00 | 1 | |||
| Էրեբունի և Նուբարաշեն | 2010-03-23 | 14:00 | 1 |
Գործ թիվ ԵԷԴ/0012/01/10
2010թ
Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.
Նախագահող դատավոր Վ.Թ.ԳՐԻԳՈՐՅԱՆ
Քարտուղարությամբ Ա.ԱՐՂԱՄԱՆՅԱՆԻ
Մասնակցությամբ`
Մեղադրող Տ.ՈՒԶՈՅԱՆԻ
Տուժող Ն.ՍԻՄՈՆՅԱՆԻ
Ամբաստանյալ Մ.ՄԻՀՐԱՆՅԱՆԻ
Պաշտպան Վ.ԱԹՈՅԱՆԻ
2010 թվականի մարտի 23-ին Երևանի Էրեբունի և Նուբարաշեն վարչական շրջանների դատարանում, դռնբաց դատական նիստում քննեց քրեական գործն ըստ մեղադրանքի
Մովսես Ռաֆիկի Միհրանյանի ծնված 16.12.1968թ. Երևան քաղաքում,
ազգությամբ հայ, Հայաստանի Հանրապետության քաղաքացի,
միջնակարգ կրթությամբ, ամուրի, չի աշխատում, նախկինում դատված
1. Սպանդարյանի շրջանի ժողդատարանի 09.11.1992թ. դատավճռով ՀՀ քրեական օրենսգրքի 232-րդ հոդվածի 1-ին մասով և 15, 86 հոդվածի 3-րդ մասով 3 տարի 6 ամիս ժամկետով ազատազրկման,
2. Սպանդարյանի շրջանի ժողդատարանի 15.07.1994թ. դատավճռով ՀՀ քրեական օրենսգրքի 86 հոդվածի 2-րդ մասով 2 տարի ժամկետով ազատազրկման, քրեական օրենսգրքի 38 հոդվածի կիրառմամբ` սահմանվել է ազատազրկում 2 տարի 2 ամիս ժամկետով,
3. Էջմիածնի շրջանի ժողդատարանի 24.10.1996թ. դատավճռով ՀՀ քրեական օրենսգրքի 229 հոդվածի 4-րդ մասով` քրեական օրենսգրքի 38 հոդվածի կիրառմամբ 1 տարի 6 ամիս ժամկետով ազատազրկման։ Դատվածությունը մարված։
Բնակվում է Երևանի Կաշեգործների փողոցի 283 տանը։ Խափանման միջոցը` ստորագրություն չհեռանալու մասին։
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին կետով։ Առաջադրված մեղադրանքում իրեն լիովին մեղավոր է ճանաչել։
1. Գործի դատավարական նախապատմությունը
Դատապարտյալ Գեղամ Վաղարշակյանը և ամբաստանյալ Մովսես Միհրանյանը, հանցավոր համաձայնության գալով և պայմանավորվելով գույքի գաղտնի հափշտակություն կատարելու հարցի և իրենցից յուրաքանչյուրի դերակատարության շուրջ, 2009թ. մայիսի 7-ին ժ. 1630-ի սահմաններում կանգնել են Երևանի Տիգրան Մեծ պողոտայի 51 շենքի դիմացի ավտոկանգառում և հետևել են տրանսպորտային միջոցին սպասող ուղևորներին, սպասելով հարմար առիթի։
Նրանց ուշադրությանն է արժանացել երթուղային տաքսի ավտոմեքենային սպասող ուղևոր, տուժող Նարինե Սիմոնյանը։ Վերջինս իր հետ ունեցել է երկու տոպրակների մեջ լցված ուղեբեռ, այդ պատճառով մինչև 62-րդ երթուղային տաքսի ավտոմեքենայի գալը ցանկացել է նախապատրաստվել ու ձեռքին ունենալ երթևեկության համար վճարվելիք մանրադրամը։
Այդ նպատակով նա նախապես բացել է իր ուսին գցած կաշվե պայուսակը, հանել է դրամապանակը և վերցրել մետաղադրամը։ Այնուհետև դրամապանակը տեղադրելով պայուսակի մեջ, այն գցել է ուսին և սպասել 62 երթուղային տաքսի ավտոմեքենային։
Տուժող Ն. Սիմոնյանի նշված գործողությունները գրավել են Գեղամ Վաղարշակյանի և Մովսես Միհրանյանի ուշադրությունը։
Այդ պահին կանգառին է մոտեցել 62 երթուղային տաքսի ավտոմեքենան։ Տուժող Ն. Սիմոնյանը, պայուսակը ուսին գցած, վերցրել է երկու տոպրակներով ուղեբեռը և ցանկացել է բարձրանալ երթուղային տաքսի ավտոմեքենան։
Դատապարտյալ Գեղամ Վաղարշակյանը և ամբաստանյալ Մովսես Միհրանյանն այդ պահին նույնպես երթուղային տաքսի բարձրանալու տպավորություն են ստեղծել, արհեստականորեն առաջացրել են հրմշտոց, մի պահ տուժողին խոչընդոտելով մեքենա բարձրանալու և նստելու հնարավորությունից։ Օգտվելով ստեղծված խառնաշփոթությունից, Գեղամ Վաղարշակյանը տուժող Ն. Սիմոնյանի ձեռքի պայուսակից գաղտնի հափշտակել է 4000 դրամ արժողության դրամապանակը, որի մեջ եղել են ընդամենը 47.000 ՀՀ դրամ կանխիկ գումար, «Հայէկոնոմբանկի» ավանդատուի վճարման պլաստիկ քարտը և սոցիալական քարտը, որի վրա գրված է եղել ավանդատուի գաղտնահամարը (կոդը)։ Հաջորդ կանգառում Գեղամ Վաղարշակյանն իջել է երթուղային տաքսուց և ոտքով գնացել դեպի «Տաշիր» առևտրի կենտրոն։
Ամբաստանյալ Մովսես Միհրանյանը, ով մասնակցելով տուժողի նկատմամբ իրականացված հրմշտոցին ու արհեստական խոչընդոտներ ստեղծելուն և դրանով իսկ` նախնական պայմանավորվածության համաձայն, գույքի գաղտնի հափշտակության համար նպաստավոր պայմաններ ստեղծելով Գեղամ Վաղարշակյանի համար, երթուղային տաքսի ավտոմեքենայից նախապես իջնելով ու երթևեկությունը չշարունակելով, ոտքով գնացել է «Տաշիր» առևտրի կենտրոնի մոտ ու սպասել է Գեղամ Վաղարշակյանին։
Հանդիպելով միմյանց, նրանք մոտեցել են Տիգրան Մեծ պողոտայի 49 հասցեում գտնվող «Հայէկոնոմբանկի» բանկոմատին։ Գեղամ Վաղարշակյանը չի տիրապետել բանկոմատից պլաստիկ քարտով գումար հանելու տեխնիկային։ Մինչդեռ Մովսես Միհրանյանը, որը 2000-2006թթ. բնակվել է ԱՄՆ-ում, իմացել է պլաստիկ քարտով բանկոմատից կանխիկ գումար ստանալու կարգը։
Տուժողի սոցիալական քարտի վրա գրված գաղտնաթիվը հավաքելով, նրա պլաստիկ քարտի օգտագործմամբ Մովսես Միհրանյանը պարզել է, որ տուժողի հաշվի վրա կա 104.000 ՀՀ դրամի մնացորդ։ Տուժողի հաշվարկային հաշվից գաղտնի հանելով 100.000 ՀՀ դրամ գումար, Գեղամ Վաղարշակյանն ու Մովսես Միհրանյանը տիրացել են դրան։ Հանցագործությամբ նրանք տուժողին պատճառել են ընդամենը 151.000 ՀՀ դրամի նյութական վնաս։
Բանկոմատից Գեղամ Վաղարշակյանի և Մովսես Միհրանյանի կողմից կանխիկ գունարն ստանալու գործընթացը ֆիքսվել է բանկի արտաքին տեխնիկական հսկողության սարքավորումներով։
Գեղամ Վաղարշակյանի և Մովսես Միհրանյանի կողմից բանկոմատից կանխիկ գումարը գաղտնի հափշտակելուց որոշ ժամանակ անց միայն տուժող Ն. Սիմոնյանին հայտնի է դարձել իր ձեռքի պայուսակից դրամապանակի, 47.000 ՀՀ դրամի ու պլաստիկ քարտի հափշտակության փաստը։ Դիմելով բանկ, նա տեղեկացել է, որ հափշտակվել է նաև իր հաշվեհամարի վրա փոխանցված գումարից 100.000 ՀՀ դրամը։
Վերոշարադրյալի մասին տուժող Ն. Սիմոնյանը 08.05.09թ. հայտարարություն է տվել ՀՀ ոստիկանության Էրեբունի բաժին։
Փաստի առթիվ ՀՀ ոստիկանության ՔԳՎ Էրեբունու քննչական բաժնի կողմից 11.05.09թ. ՀՀ քրեական օրենսգրքի 177-րդ հոդվածի 1-ին մասով և 324-րդ հոդվածի 1-ին մասով հարուցվել է 12117009 քրեական գործը և նախաքննություն է կատարվել։
Ձեռնարկված միջոցառումների շնորհիվ Գեղամ Վաղարշակյանը հայտնաբերվել և կալանավորվել է, նա մեղադրվել է ՀՀ քրեական օրենսգրքի 177-րդ հոդվածի 3-րդ մասի 3-րդ կետով։
Էրեբունի և Նուբարաշեն վարչական շրջանների ընդհանուր իրավասության դատարանի 21.10.2009թ. դատավճռով Գեղամ Վաղարշակյանը դատապարտվել է ազատազրկման 5(հինգ) տարի ժամկետով։
Հանցավոր խմբի անդամ, Գեղամ Վաղարշակյանին հանցակից, ինքնությունը չպարզված ոմն Մոսոյի մասով քրեական գործից մաս է անջատվել, որին շնորհվել է 12132709 համարը։ Նշված քրեական գործի վարույթը 20.10.09թ. կասեցվել է ՀՀ քրեական դատավարության օրենսգրքի 31-րդ հոդվածի 1-ին մասի 1-ին կետի հիմքով։
23.10.09թ. ՀՀ ոստիկանության Էրեբունու բաժին բերման է ենթարկվել Երևանի Կաշեգործների փող. 283 տան բնակիչ Մովսես Ռաֆիկի Միհրանյանը։ Էրեբունու քննչական բաժնին հայտնվել է, որ նա հանդիսանում է Գեղամ Վաղարշակյանի հանցակից Մոսոն։ Քրեական գործի վարույթը վերսկսվել է։
Մովսես Միհրանյանը 23.10.09թ. հարցաքննվել է որպես վկա և ցուցմունք է տվել այն մասին, որ ինքը Գեղամ Վաղարշակյանի հետ հանցավոր համաձայնության չի եկել և գողություն չի կատարել, այլ պատահաբար հանդիպել է Գեղամ Վաղարշակյանին, վերջինս ցանկացել է պլաստիկ քարտով բանկոմատից գումար հանել։ Ինքը չի իմացել, որ դա գողացված քարտ է։ Քանի որ երկար տարիներ ապրել է ԱՄՆ-ում, տիրապետել է պլաստիկ քարտից օգտվելու տեխնիկային, ինքը միայն օգնել է Գեղամին` քարտով նրա հայտնած գաղտնահամարով (կոդով) գումարը հանելուն, գումարը բանկոմատից ստացել և հանձնել է Գեղամին։
19.01.2010թ. որոշում է կայացվել ՀՀ քրեական օրենսգրքի 177-րդ հոդվածի 2-րդ մասի 1-ին կետով Մովսես Միհրանյանին որպես մեղադրյալ ներգրավելու մասին։
Մովսես Միհրանյանն առաջադրված մեղադրանքում իրեն մեղավոր չի ճանաչել և հրաժարվել է ցուցմունք տալ։
Մեղադրական եզրակացությամբ ստացված քրեական գործը 02.02.10թ. Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի որոշմամբ ՀՀ քրեական դատավարության օրենսգրքի 292-րդ հոդվածի 4-րդ կետի և 296-րդ հոդվածի հիմքով վերադարձվել է մեղադրողին։
08.02.2010թ. Էրեբունի և Նուբարաշեն վարչական շրջանների դատախազությունը քրեական գործը վերադարձվել է դատարան, այն դատարանում մուտք է եղել 09.02.2010թ.։
09.02.2010թ. դատարանում ստացվել է նաև Մովսես Միհրանյանի դիմումն այն մասին, որ առաջադրված մեղադրանքում իրեն մեղավոր է ճանաչում, ինքը և Գ. Վաղարշակյանն են գողացել տուժողի դրամապանակը, որի մեջ եղել է 2000դրամ և տուժողից գաղտնի հափշտակված պլաստիկ քարտի օգտագործմամբ բանկոմատից հանել են գումարը։
2. Դատաքննությամբ ձեռք բերված ու հետազոտված ապացույցները
Դատաքննությամբ հետազոտվել են մեղադրանքի հիմքում դրված բոլոր այն ապացույցները, որոնք թվարկված են մեղադրական եզրակացության մեջ։
Ապահովելով դատաքննության լրիվությունը, բազմակողմանիությունն ու օբյեկտիվությունը և ղեկավարվելով գործի արդար քննությանը վերաբերող սահմանադրական և դատավարական նորմերի դրույթներով, հիմնվելով պատշաճ ընթացակարգի շրջանակներում դատական քննության ընթացքում գործի հանգամանքների հետազոտման արդյունքի վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, դատարանը գտնում է, որ սույն քրեական գործով ամբաստանյալի մեղքը հիմնավորված է։
Նշված եզրահանգման համար հիմք են հանդիսանում հետևյալ ապացույցները.
տուժող Նարինե Սիմոնյանը ցուցմունք է տվել, որ ուսուցչուհի է, իր աշխատավարձը փոխանցվում է «Հայէկոնոմբանկ»-ում ունեցած իր հաշվարկային հաշվին, բանկի պլաստիկ քարտը պահում է իր դրամապանակում սոցիալական քարտի հետ միասին, որի վրա չմոռանալու համար գրել է բանկի իր գաղտնահամարը (կոդը)։
Ինքը բնակվում է 16-րդ թաղամասում, խնամքին ունի հաշմանդամ երեխա և ազատամարտիկ հաշմանդամ ամուսին։ Աշխատանքից տուն է գնում Տիգրան Մեծ պողոտայից թիվ 62 երթուղային տաքսի ավտոմեքենաներով։
2009թ. մայիսի 07-ին աշխատանքից դուրս գալուց հետո գնումներ է կատարել, ապրանքը լցրել է երկու տոպրակների մեջ և ուսին գցելով ձեռքի կաշվե պայուսակը` Տիգրան Մեծ պողոտայի 51 շենքի դիմացի ավտոկանգառում սպասել է երթուղային տաքսի ավտոմեքենային։
Իր դրամապանակում ունեցել է ընդամենը 47.000 ՀՀ դրամ կանխիկ գումար, որից 45.000 ՀՀ դրամը ավարտական դասարանի աշակերտների ալբոմի (վինետկա) համար հավաքված գումարն է եղել։
Մինչև երթուղային տաքսու մոտենալն ինքը ցանկացել է նախապես դրամապանակից հանել մանր մետաղադրամը։ Այդ նպատակով ուսից իջեցրել է ձեռքի պայուսակը, շղթան բացել, հանել է դրամապանակը, վերցրել մետաղադրամները, ապա դրամապանակը փակելով, դրել է պայուսակի մեջ, փակել շղթան և պայուսակը գցել է ուսին։
Տուժող Ն. Սիմոնյանը հայտնել է, որ այդ պահին նկատել է իրենից ոչ հեռու ծառի տակ կանգնած 2 տղամարդու, որից մեկը սափրված չի եղել, ովքեր ուշադիր հետևել են իրեն ու իր կատարած գործողություններին։
Եկել է երթուղային տաքսին, ինքը վերցրել է տոպրակները և ցանկացել է բարձրանալ և նստել ավտոմեքենայի մեջ։ Սակայն այդ պահին մի անծանոթ տղամարդ իրենից առաջ բարձրացել է մեքենայի մեջ և կանգնելով սրահում, իրեն մի պահ զրկել է առաջ գնալու և նստելու հնարավորությունից, իսկ ինչ-որ մեկը իր թիկունքի մասին հրմշտոց է ստեղծել։ Անակնկալի գալով առաջացած խառնաշփոթությունից, ինքը մի կերպ կարողացել է տեղավորվել նստարանին։ Մեքենայի մեջ նկատել է, որ քիչ առաջ ծառի տակ կանգնած չսափրված անձնավորությունը, որին ինքը հետագայում դատարանում ճանաչել է, նա 12117009 քրեական գործով դատապարտյալ Գեղամ Վաղարշակյանն էր, նստած էր վարորդի ետնամասի նստատեղին, ապա իջել է ավտոմեքենայից «Այրարատ» տոնավաճառի կանգառում։ Մյուս անձնավորությունը երթուղային տաքսի չի բարձրացել։
Մոտ 30 րոպե անց, հասնելով 16-րդ թաղամաս, հաց գնելու նպատակով մտնելով խանութ, նկատել է, որ դրամապանակը 47.000 ՀՀ դրամի, բանկի և սոցիալական քարտերի հետ միասին գողացել են։ Դրամապանակն արժեր 4000 ՀՀ դրամ։
Դիմել է «Հայէկոնոմբանկ»-ին, իրեն հայտնել են, որ իր հաշվեհամարի վրա փոխանցված 104.000 ՀՀ դրամ աշխատավարձի գումարից 100.000 ՀՀ դրամ գումարը բանկոմատից արդեն հանվել է իրենից հափշտակված պլաստիկ քարտի օգտագործմամբ։
Հանցագործությամբ տուժողին պատճառվել է 151.000 ՀՀ դրամ նյութական վնաս, որը վերականգնելու պահանջով քաղհայց է ներկայացվել նրա կողմից։
Գ. Թ. 11-12, 61, 169-171 և դատաքննության արձանագրություն
Դատապարտյալ Գեղամ Վաղարշակյանի նախաքննական և դատաքննության ընթացքում տված ցուցմունքներով այն մասին, որ դեպքի օրը ինքն է հետևել տուժողին ավտոկանգառում, երթուղային տաքսի ավտոմեքենա բարձրանալիս ստեղծել է հրմշտոց և խառնաշփոթություն, որի ընթացքում տուժողի պայուսակից գաղտնի հափշտակել է նրա դրամապանակը` 2000 ՀՀ դրամ կանխիկ գումարով։ Դրամապանակի մեջ եղել են նաև «Հայէկոնոմբանկի» պլաստիկ քարտ ու սոցիալական քարտ` քառանիշ թվի նշագրմամբ։
Քայլելով դեպի «Տաշիր» առևտրի կենտրոն` պատահաբար հանդիպել է իր ծանոթ Մոսոյին։ Նրան խնդրել է բանկոմատից գումար հանել, քանի որ ինքը դրա տեխնիկային չի տիրապետել, իսկ Մոսոն տիրապետել է, քանի որ նախկինում բնակվել է ԱՄՆ-ում և իմացել է բանկոմատից գումար հանելու կարգը։
Տիգրան Մեծ 49 շենքի մոտ գտնվող բանկոմատում ստուգելով գումարի մնացորդը, հանել են 100.000 ՀՀ դրամ կանխիկ գումար, որը վերցրել է ինքը և Մոսոյին գումար չի տվել, քանի որ վերջինս չի իմացել, որ քարտը գողացված է։
Գ. Թ. 56-58, դատաքննության սկավառակ
Գեղամ Վաղարշակյանի նկատմամբ Էրեբունի և Նուբարաշեն վարչական շրջանների ընդհանուր իրավասության դատարանի կողմից 21.10.09թ. կայացվել է դատավճիռ, որով հաստատված է համարվել խմբով` նրա և ոմն Մոսոյի նախնական համաձայնությամբ նշված գույքի գաղտնի հափշտակության փաստը։ Գ. Վաղարշակյանը դատապարտվել է ազատազրկման 5 (հինգ) տարի ժամկետով։
Գ. Թ. 138-139
Ոմն Մոսոյի անձը չբացահայտելու նպատակով, ինչպես նաև` հանցագործության կատարմանը նրա մասնակցությունը բացառելու համար դատապարտյալ Գ. Վաղարշակյանը տվել է սուտ ցուցմունք` նպատակ հետապնդելով իր հանցակից ամբաստանյալ Մովսես Միհրանյանին զերծ պահել քրեական պատասխանատվությունից։
Գեղամ Վաղարշակյանի և Մովսես Միհրանյանի կողմից տուժողի պայուսակից դրամապանակը գողանալուց հետո «Հայէկոնոմբանկի» Երևանի Տիգրան Մեծի 49 շենքի բանկոմատից անհատական պլաստիկ քարտով 100.000 ՀՀ դրամը գաղտնի հանելու գործառնությունը տեսագրվել է հսկիչ սարքերի միջոցով, տեսագրության տեսասկավառակը ճանաչվել է իրեղեն ապացույց և կցվել է քրեական գործին։
Գ. Թ. 21-22, 23, 31, 33, 34, 74
«Հայէկոնոմբանկից» ստացված և քրեական գործին կցված փաստաթղթերով այն մասին, որ նշված բանկի Տիգրան Մեծ պողոտայի 49 հասցեում տեղադրված բանկոմատից 07.05.09թ. ժ. 17։04-ին Նարինե Սիմոնյանի հաշվեհամարից կանխիկ ստացվել է 100.000 ՀՀ դրամ։
Գ. Թ. 21-22
Լազերային տեսասկավառակի զննությամբ այն մասին, որ բանկոմատից գումարն ստանում են Գեղամ Վաղարշակյանն ու Մովսես Միհրանյանը։
Գ. Թ. 23, 34, 35
Նշված տեսասկավառակն ուղարկվել է ոստիկանության բաժիններ, իրականացված օպերատիվ-հետախուզական միջոցառումների շնորհիվ պարզվել է դատապարտյալ Գեղամ Վաղարշակյանի հանցակից Մովսես Միհրանյանի անձը և ինքնությունը։
Գ. Թ. 35, 36, 92
Դատաքննության ընթացքում ամբաստանյալ Մովսես Ռաֆիկի Միհրանյանը տվել է խոստովանական ցուցմունք և առաջադրված մեղադրանքում իրեն մեղավոր է ճանաչել։
Նա հայտնել է, որ գողություն կատարելու առաջարկն արել է Գեղամ Վաղարշակյանը։ Ինքը համաձայնվել է, քանի որ հիվանդ հոր համար դեղ գնելու փող չի ունեցել։ Ինքը հրմշտոց է ստեղծել այն պահին, երբ տուժողը ցանկացել է բարձրանալ երթուղային տաքսի ավտոմեքենա, ինքը մեքենա չի բարձրացել, այլ բարձրացել է Գեղամ Վաղարշակյանը, վերջինս էլ գողացել է դրամապանակը։ Որոշ ժամանակ անց ինքն ու Գեղամը հանդիպել են «Տաշիր» առևտրի կենտրոնի մոտ, Գեղամն ասել է, որ տուժողի պայուսակից գողացված դրամապանակի մեջ եղել է 2000 ՀՀ դրամ։ Գեղամն իրեն չի հայտնել, որ դրամապանակում եղել է ևս 45.000 ՀՀ դրամ։ Գեղամի մոտ են գտնվել տուժողի բանկոմատի պլաստիկ քարտը և սոցիալական քարտը` վրան նշված կոդով։ Միասին գնացել են Տիգրան Մեծ պողոտայի 49 շենքի մոտ տեղադրված «Հայէկոնոմբանկի» բանկոմատի մոտ, կոդը հավաքելով ինքը պլաստիկ քարտով ստուգել է մնացորդ գումարի չափը, այն շատ քիչ է գերազանցել 100.000 ՀՀ դրամը, բանկոմատից հանել և Գեղամին է տվել 100.000 ՀՀ դրամ կանխիկ թղթադրամները, Գեղամն իրեն է տվել 50.000 ՀՀ դրամ գումար։
/Դատաքննության արձանագրություն/
Դատաքննության ժամանակ ամբաստանյալ Մովսես Միհրանյանը տուժողին է հանձնել 50.000 ՀՀ դրամ, իսկ 05.03.10թ. դիմումին կից դատարան է ներկայացրել 25.000 ՀՀ դրամ, որը ստացականով հանձնվել է տուժող Նարինե Սիմոնյանին։
/Դատաքննության արձանագրություն և կից փաստաթղթեր/
Գեղամ Վաղարշակյանի և Մովսես Միհրանյանի կողմից խմբով նախնական հանցավոր համաձայնությամբ կատարվել է տուժողին պատկանող գույքի գաղտնի հափշտակություն ընդամենը 151.000 ՀՀ դրամ գումարի չափով։ Նշված չափով պատճառված գույքային վնասը վերականգնելու հայց է ներկայացվել տուժող Ն. Սիմոնյանի կողմից։
Հանցագործությամբ տուժողին պատճառված գույքային վնասի հատուցման համար պատճառված գույքային վնասի ամբողջ ծավալի չափով համապարտ գույքային պատասխանատվություն են կրում հանցավոր խմբի բոլոր անդամները` դատապարտյալ Գեղամ Վաղարշակյանը և ամբաստանյալ Մովսես Միհրանյանը։
Էրեբունի և Նուբարաշեն վարչական շրջանների ընդհանուր իրավասության դատարանը 21.10.09թ. դատավճռով Գեղամ Վաղարշակյանին ՀՀ քրեական օրենսգրքի 177-րդ հոդվածի 3-րդ մասի 3-րդ կետով նախատեսված հանցանքը կատարելու համար դատապարտելով ազատազրկման 5 (հինգ) տարի ժամկետով, վճռել է տուժող Նարինե Սիմոնյանի օգտին բռնագանձել 151.000 ՀՀ դրամ գումար` որպես հանցագործությամբ պատճառված գույքային վնասի հատուցում։
Ամբաստանյալ Մովսես Միհրանյանի կողմից դատաքննության ընթացքում մասամբ` 75.000 (յոթանասունհինգ հազար) ՀՀ դրամի կանխիկ հատուցման պայմաններում հանցագործությամբ տուժողին պատճառված գույքային վնասից մնում է չհատուցված 76.000 (յոթանասունվեց հազար) ՀՀ դրամ գումար, որի բռնագանձման հարցը ՀՀ քրեական դատավարության օրենսգրքի 360-րդ հոդվածի 10-րդ կետի կարգով պետք է լուծվի դատարանի դատավճռով։
Դատարանը գտնում է, որ քաղ. հայցի չհատուցված մասի բռնագանձումը պետք է կատարվի դատապարտյալ Գեղամ Վաղարշակյանից։
3. Դատարանի իրավական վերլուծությունը.
Դատաքննությամբ բազմակողմանի և օբյեկտիվ ստուգելով գործով ձեռք բերված ապացույցները, դրանք միմյանց հետ համադրելով և դրանք գնահատելով իրենց վերաբերելիության, թույլատրելիության և իրենց համակցությամբ` գործի լուծման համար բավարարության տեսանկյունից և հիմնված ներքին համոզմամբ, դատարանը գտնում է, որ ամբաստանյալ Մովսես Միհրանյանի մեղքը ՀՀ քրեական օրենսգրքի 177-րդ հոդվածի 2-րդ մասի 1-ին կետով նախատեսված հանցագործություն կատարելու մեջ հիմնավորված է և նա պետք է ենթարկվի քրեական պատասխանատվության ու նշված հոդվածի սանկցիայով պետք է պատիժ նշանակվի։
Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունը մեղմացնող ու ծանրացնող հանգամանքները։ Դրանք բնութագրում են հանցավորի անձնավորությունն ու կատարված հանցագործության հանրային վտանգավորության աստիճանը, հնարավորություն են տալիս կոնկրետ գործով անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։
Այս առումով դատարանը գտնում է, որ կոնկրետ դեպքով և ամբաստանյալ Մովսես Ռաֆիկի Միհրանյանի նկատմամբ պատասխանատվությունը ծանրացնող հանգամանքներ առկա չեն։ Ամբաստանյալի նախկին դատվածությունը մարված է, այն չի կարող ռեցիդիվ առաջացնել։ Իսկ հանցանքը խմբի կազմում կատարելը ՀՀ քր. օր-ի 63-րդ հոդվածի 4-րդ մասի հիմքով չի կարող ծանրացուցիչ հանգամանք դիտվել, քանի որ այն հանցագործությունը ՀՀ քր. օր-ի 177 հոդվածի 2-րդ մասով որակելու համար քրեաիրավական հատկանիշ է։
Որպես մեղմացուցիչ հանգամանք դատարանը գնահատում է այն, որ ամբաստանյալի խնամքին է գտնվում նրա զառամյալ հայրը, որն այլ խնամող չունի, ինչպես նաև այն, որ ամբաստանյալը տուժողին պատճառված վնասը հատուցելու համար տուժողին է հանձնել 75.000 ՀՀ դրամ։
ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ անհրաժեշտ է գործով ամբաստանյալ Մովսես Միհրանյանի նկատմամբ նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։
Գնահատելով վերոշարադրյալը, դատարանը տվյալ գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս հանգում է այն հիմնավոր եզրակացության, որ ամբաստանյալ Մովսես Միհրանյանի նկատմամբ որպես պատիժ անհրաժեշտ է նշանակել ազատազրկում։
Իրեղեն ապացույց ճանաչված տեսագրության սկավառակն անհրաժեշտ է պահպանել քրեական գործում։
Ամբաստանյալ Մովսես Միհրանյանի նկատմամբ որպես խափանման միջոց ընտրված չհեռանալու մասին ստորագրությունն անհրաժեշտ է փոխել և որպես խափանման միջոց ընտրել կալանավորումը։
Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 357-358, 360, 365, 368-372-րդ հոդվածներով, դատարանը.
Վ Ճ Ռ Ե Ց
Ամբաստանյալ Մովսես Ռաֆիկի Միհրանյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին կետով նախատեսված հանցանքը կատարելու մեջ և նշված հոդվածի սանկցիայով նշանակել քրեական պատիժ` ազատազրկում 3 (երեք) տարի 6 (վեց) ամիս ժամկետով։
Ամբաստանյալ Մովսես Միհրանյանի նկատմամբ ընտրված խափանման միջոց չհեռանալու մասին ստորագրությունը փոխել, որպես խափանման միջոց ընտրել կալանավորումը և Մովսես Ռաֆիկի Միհրանյանին կալանավորել դատական նիստերի դահլիճից։
Նշանակված պատժի սկիզբը հաշվել 2010թ-ի մարտի 23-ից։
Դատապարտյալ Գեղամ Հարությունի Վաղարշակյանից հօգուտ տուժող Նարինե Գարսիկի Սիմոնյանի բռնագանձել 76.000 (յոթանասունվեց հազար) ՀՀ դրամ գումար, որպես քաղ. հայցի չհատուցված մաս։
Ամբաստանյալ Մովսես Ռաֆիկի Միհրանյանի մասով քաղ. հայցի հարցը համարել լուծված՝ տուժող Նարինե Սիմոնյանին 75.000 (յոթանասունհինգ հազար) ՀՀ դրամ գումարը փոխհատուցելու պատճառով։
Իրեղեն ապացույց ճանաչված՝ «Հայէկոնոմբանկից» ստացված տեսագրությունների սկավառակը թողնել քրեական գործում։
Դատավարության մասնակիցների կողմից դատավճիռը կարող է բողոքարկվել ՀՀ քրեական վերաքննիչ դատարան՝ հրապարակման պահից մեկամսյա ժամկետում։
ԴԱՏԱՎՈՐ Վ. Թ. ԳՐԻԳՈՐՅԱՆ
2010թ
Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն
ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.
Նախագահող դատավոր Վ.Թ.ԳՐԻԳՈՐՅԱՆ
Քարտուղարությամբ Ա.ԱՐՂԱՄԱՆՅԱՆԻ
Մասնակցությամբ`
Մեղադրող Տ.ՈՒԶՈՅԱՆԻ
Տուժող Ն.ՍԻՄՈՆՅԱՆԻ
Ամբաստանյալ Մ.ՄԻՀՐԱՆՅԱՆԻ
Պաշտպան Վ.ԱԹՈՅԱՆԻ
2010 թվականի մարտի 23-ին Երևանի Էրեբունի և Նուբարաշեն վարչական շրջանների դատարանում, դռնբաց դատական նիստում քննեց քրեական գործն ըստ մեղադրանքի
Մովսես Ռաֆիկի Միհրանյանի ծնված 16.12.1968թ. Երևան քաղաքում,
ազգությամբ հայ, Հայաստանի Հանրապետության քաղաքացի,
միջնակարգ կրթությամբ, ամուրի, չի աշխատում, նախկինում դատված
1. Սպանդարյանի շրջանի ժողդատարանի 09.11.1992թ. դատավճռով ՀՀ քրեական օրենսգրքի 232-րդ հոդվածի 1-ին մասով և 15, 86 հոդվածի 3-րդ մասով 3 տարի 6 ամիս ժամկետով ազատազրկման,
2. Սպանդարյանի շրջանի ժողդատարանի 15.07.1994թ. դատավճռով ՀՀ քրեական օրենսգրքի 86 հոդվածի 2-րդ մասով 2 տարի ժամկետով ազատազրկման, քրեական օրենսգրքի 38 հոդվածի կիրառմամբ` սահմանվել է ազատազրկում 2 տարի 2 ամիս ժամկետով,
3. Էջմիածնի շրջանի ժողդատարանի 24.10.1996թ. դատավճռով ՀՀ քրեական օրենսգրքի 229 հոդվածի 4-րդ մասով` քրեական օրենսգրքի 38 հոդվածի կիրառմամբ 1 տարի 6 ամիս ժամկետով ազատազրկման։ Դատվածությունը մարված։
Բնակվում է Երևանի Կաշեգործների փողոցի 283 տանը։ Խափանման միջոցը` ստորագրություն չհեռանալու մասին։
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին կետով։ Առաջադրված մեղադրանքում իրեն լիովին մեղավոր է ճանաչել։
1. Գործի դատավարական նախապատմությունը
Դատապարտյալ Գեղամ Վաղարշակյանը և ամբաստանյալ Մովսես Միհրանյանը, հանցավոր համաձայնության գալով և պայմանավորվելով գույքի գաղտնի հափշտակություն կատարելու հարցի և իրենցից յուրաքանչյուրի դերակատարության շուրջ, 2009թ. մայիսի 7-ին ժ. 1630-ի սահմաններում կանգնել են Երևանի Տիգրան Մեծ պողոտայի 51 շենքի դիմացի ավտոկանգառում և հետևել են տրանսպորտային միջոցին սպասող ուղևորներին, սպասելով հարմար առիթի։
Նրանց ուշադրությանն է արժանացել երթուղային տաքսի ավտոմեքենային սպասող ուղևոր, տուժող Նարինե Սիմոնյանը։ Վերջինս իր հետ ունեցել է երկու տոպրակների մեջ լցված ուղեբեռ, այդ պատճառով մինչև 62-րդ երթուղային տաքսի ավտոմեքենայի գալը ցանկացել է նախապատրաստվել ու ձեռքին ունենալ երթևեկության համար վճարվելիք մանրադրամը։
Այդ նպատակով նա նախապես բացել է իր ուսին գցած կաշվե պայուսակը, հանել է դրամապանակը և վերցրել մետաղադրամը։ Այնուհետև դրամապանակը տեղադրելով պայուսակի մեջ, այն գցել է ուսին և սպասել 62 երթուղային տաքսի ավտոմեքենային։
Տուժող Ն. Սիմոնյանի նշված գործողությունները գրավել են Գեղամ Վաղարշակյանի և Մովսես Միհրանյանի ուշադրությունը։
Այդ պահին կանգառին է մոտեցել 62 երթուղային տաքսի ավտոմեքենան։ Տուժող Ն. Սիմոնյանը, պայուսակը ուսին գցած, վերցրել է երկու տոպրակներով ուղեբեռը և ցանկացել է բարձրանալ երթուղային տաքսի ավտոմեքենան։
Դատապարտյալ Գեղամ Վաղարշակյանը և ամբաստանյալ Մովսես Միհրանյանն այդ պահին նույնպես երթուղային տաքսի բարձրանալու տպավորություն են ստեղծել, արհեստականորեն առաջացրել են հրմշտոց, մի պահ տուժողին խոչընդոտելով մեքենա բարձրանալու և նստելու հնարավորությունից։ Օգտվելով ստեղծված խառնաշփոթությունից, Գեղամ Վաղարշակյանը տուժող Ն. Սիմոնյանի ձեռքի պայուսակից գաղտնի հափշտակել է 4000 դրամ արժողության դրամապանակը, որի մեջ եղել են ընդամենը 47.000 ՀՀ դրամ կանխիկ գումար, «Հայէկոնոմբանկի» ավանդատուի վճարման պլաստիկ քարտը և սոցիալական քարտը, որի վրա գրված է եղել ավանդատուի գաղտնահամարը (կոդը)։ Հաջորդ կանգառում Գեղամ Վաղարշակյանն իջել է երթուղային տաքսուց և ոտքով գնացել դեպի «Տաշիր» առևտրի կենտրոն։
Ամբաստանյալ Մովսես Միհրանյանը, ով մասնակցելով տուժողի նկատմամբ իրականացված հրմշտոցին ու արհեստական խոչընդոտներ ստեղծելուն և դրանով իսկ` նախնական պայմանավորվածության համաձայն, գույքի գաղտնի հափշտակության համար նպաստավոր պայմաններ ստեղծելով Գեղամ Վաղարշակյանի համար, երթուղային տաքսի ավտոմեքենայից նախապես իջնելով ու երթևեկությունը չշարունակելով, ոտքով գնացել է «Տաշիր» առևտրի կենտրոնի մոտ ու սպասել է Գեղամ Վաղարշակյանին։
Հանդիպելով միմյանց, նրանք մոտեցել են Տիգրան Մեծ պողոտայի 49 հասցեում գտնվող «Հայէկոնոմբանկի» բանկոմատին։ Գեղամ Վաղարշակյանը չի տիրապետել բանկոմատից պլաստիկ քարտով գումար հանելու տեխնիկային։ Մինչդեռ Մովսես Միհրանյանը, որը 2000-2006թթ. բնակվել է ԱՄՆ-ում, իմացել է պլաստիկ քարտով բանկոմատից կանխիկ գումար ստանալու կարգը։
Տուժողի սոցիալական քարտի վրա գրված գաղտնաթիվը հավաքելով, նրա պլաստիկ քարտի օգտագործմամբ Մովսես Միհրանյանը պարզել է, որ տուժողի հաշվի վրա կա 104.000 ՀՀ դրամի մնացորդ։ Տուժողի հաշվարկային հաշվից գաղտնի հանելով 100.000 ՀՀ դրամ գումար, Գեղամ Վաղարշակյանն ու Մովսես Միհրանյանը տիրացել են դրան։ Հանցագործությամբ նրանք տուժողին պատճառել են ընդամենը 151.000 ՀՀ դրամի նյութական վնաս։
Բանկոմատից Գեղամ Վաղարշակյանի և Մովսես Միհրանյանի կողմից կանխիկ գունարն ստանալու գործընթացը ֆիքսվել է բանկի արտաքին տեխնիկական հսկողության սարքավորումներով։
Գեղամ Վաղարշակյանի և Մովսես Միհրանյանի կողմից բանկոմատից կանխիկ գումարը գաղտնի հափշտակելուց որոշ ժամանակ անց միայն տուժող Ն. Սիմոնյանին հայտնի է դարձել իր ձեռքի պայուսակից դրամապանակի, 47.000 ՀՀ դրամի ու պլաստիկ քարտի հափշտակության փաստը։ Դիմելով բանկ, նա տեղեկացել է, որ հափշտակվել է նաև իր հաշվեհամարի վրա փոխանցված գումարից 100.000 ՀՀ դրամը։
Վերոշարադրյալի մասին տուժող Ն. Սիմոնյանը 08.05.09թ. հայտարարություն է տվել ՀՀ ոստիկանության Էրեբունի բաժին։
Փաստի առթիվ ՀՀ ոստիկանության ՔԳՎ Էրեբունու քննչական բաժնի կողմից 11.05.09թ. ՀՀ քրեական օրենսգրքի 177-րդ հոդվածի 1-ին մասով և 324-րդ հոդվածի 1-ին մասով հարուցվել է 12117009 քրեական գործը և նախաքննություն է կատարվել։
Ձեռնարկված միջոցառումների շնորհիվ Գեղամ Վաղարշակյանը հայտնաբերվել և կալանավորվել է, նա մեղադրվել է ՀՀ քրեական օրենսգրքի 177-րդ հոդվածի 3-րդ մասի 3-րդ կետով։
Էրեբունի և Նուբարաշեն վարչական շրջանների ընդհանուր իրավասության դատարանի 21.10.2009թ. դատավճռով Գեղամ Վաղարշակյանը դատապարտվել է ազատազրկման 5(հինգ) տարի ժամկետով։
Հանցավոր խմբի անդամ, Գեղամ Վաղարշակյանին հանցակից, ինքնությունը չպարզված ոմն Մոսոյի մասով քրեական գործից մաս է անջատվել, որին շնորհվել է 12132709 համարը։ Նշված քրեական գործի վարույթը 20.10.09թ. կասեցվել է ՀՀ քրեական դատավարության օրենսգրքի 31-րդ հոդվածի 1-ին մասի 1-ին կետի հիմքով։
23.10.09թ. ՀՀ ոստիկանության Էրեբունու բաժին բերման է ենթարկվել Երևանի Կաշեգործների փող. 283 տան բնակիչ Մովսես Ռաֆիկի Միհրանյանը։ Էրեբունու քննչական բաժնին հայտնվել է, որ նա հանդիսանում է Գեղամ Վաղարշակյանի հանցակից Մոսոն։ Քրեական գործի վարույթը վերսկսվել է։
Մովսես Միհրանյանը 23.10.09թ. հարցաքննվել է որպես վկա և ցուցմունք է տվել այն մասին, որ ինքը Գեղամ Վաղարշակյանի հետ հանցավոր համաձայնության չի եկել և գողություն չի կատարել, այլ պատահաբար հանդիպել է Գեղամ Վաղարշակյանին, վերջինս ցանկացել է պլաստիկ քարտով բանկոմատից գումար հանել։ Ինքը չի իմացել, որ դա գողացված քարտ է։ Քանի որ երկար տարիներ ապրել է ԱՄՆ-ում, տիրապետել է պլաստիկ քարտից օգտվելու տեխնիկային, ինքը միայն օգնել է Գեղամին` քարտով նրա հայտնած գաղտնահամարով (կոդով) գումարը հանելուն, գումարը բանկոմատից ստացել և հանձնել է Գեղամին։
19.01.2010թ. որոշում է կայացվել ՀՀ քրեական օրենսգրքի 177-րդ հոդվածի 2-րդ մասի 1-ին կետով Մովսես Միհրանյանին որպես մեղադրյալ ներգրավելու մասին։
Մովսես Միհրանյանն առաջադրված մեղադրանքում իրեն մեղավոր չի ճանաչել և հրաժարվել է ցուցմունք տալ։
Մեղադրական եզրակացությամբ ստացված քրեական գործը 02.02.10թ. Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի որոշմամբ ՀՀ քրեական դատավարության օրենսգրքի 292-րդ հոդվածի 4-րդ կետի և 296-րդ հոդվածի հիմքով վերադարձվել է մեղադրողին։
08.02.2010թ. Էրեբունի և Նուբարաշեն վարչական շրջանների դատախազությունը քրեական գործը վերադարձվել է դատարան, այն դատարանում մուտք է եղել 09.02.2010թ.։
09.02.2010թ. դատարանում ստացվել է նաև Մովսես Միհրանյանի դիմումն այն մասին, որ առաջադրված մեղադրանքում իրեն մեղավոր է ճանաչում, ինքը և Գ. Վաղարշակյանն են գողացել տուժողի դրամապանակը, որի մեջ եղել է 2000դրամ և տուժողից գաղտնի հափշտակված պլաստիկ քարտի օգտագործմամբ բանկոմատից հանել են գումարը։
2. Դատաքննությամբ ձեռք բերված ու հետազոտված ապացույցները
Դատաքննությամբ հետազոտվել են մեղադրանքի հիմքում դրված բոլոր այն ապացույցները, որոնք թվարկված են մեղադրական եզրակացության մեջ։
Ապահովելով դատաքննության լրիվությունը, բազմակողմանիությունն ու օբյեկտիվությունը և ղեկավարվելով գործի արդար քննությանը վերաբերող սահմանադրական և դատավարական նորմերի դրույթներով, հիմնվելով պատշաճ ընթացակարգի շրջանակներում դատական քննության ընթացքում գործի հանգամանքների հետազոտման արդյունքի վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, դատարանը գտնում է, որ սույն քրեական գործով ամբաստանյալի մեղքը հիմնավորված է։
Նշված եզրահանգման համար հիմք են հանդիսանում հետևյալ ապացույցները.
տուժող Նարինե Սիմոնյանը ցուցմունք է տվել, որ ուսուցչուհի է, իր աշխատավարձը փոխանցվում է «Հայէկոնոմբանկ»-ում ունեցած իր հաշվարկային հաշվին, բանկի պլաստիկ քարտը պահում է իր դրամապանակում սոցիալական քարտի հետ միասին, որի վրա չմոռանալու համար գրել է բանկի իր գաղտնահամարը (կոդը)։
Ինքը բնակվում է 16-րդ թաղամասում, խնամքին ունի հաշմանդամ երեխա և ազատամարտիկ հաշմանդամ ամուսին։ Աշխատանքից տուն է գնում Տիգրան Մեծ պողոտայից թիվ 62 երթուղային տաքսի ավտոմեքենաներով։
2009թ. մայիսի 07-ին աշխատանքից դուրս գալուց հետո գնումներ է կատարել, ապրանքը լցրել է երկու տոպրակների մեջ և ուսին գցելով ձեռքի կաշվե պայուսակը` Տիգրան Մեծ պողոտայի 51 շենքի դիմացի ավտոկանգառում սպասել է երթուղային տաքսի ավտոմեքենային։
Իր դրամապանակում ունեցել է ընդամենը 47.000 ՀՀ դրամ կանխիկ գումար, որից 45.000 ՀՀ դրամը ավարտական դասարանի աշակերտների ալբոմի (վինետկա) համար հավաքված գումարն է եղել։
Մինչև երթուղային տաքսու մոտենալն ինքը ցանկացել է նախապես դրամապանակից հանել մանր մետաղադրամը։ Այդ նպատակով ուսից իջեցրել է ձեռքի պայուսակը, շղթան բացել, հանել է դրամապանակը, վերցրել մետաղադրամները, ապա դրամապանակը փակելով, դրել է պայուսակի մեջ, փակել շղթան և պայուսակը գցել է ուսին։
Տուժող Ն. Սիմոնյանը հայտնել է, որ այդ պահին նկատել է իրենից ոչ հեռու ծառի տակ կանգնած 2 տղամարդու, որից մեկը սափրված չի եղել, ովքեր ուշադիր հետևել են իրեն ու իր կատարած գործողություններին։
Եկել է երթուղային տաքսին, ինքը վերցրել է տոպրակները և ցանկացել է բարձրանալ և նստել ավտոմեքենայի մեջ։ Սակայն այդ պահին մի անծանոթ տղամարդ իրենից առաջ բարձրացել է մեքենայի մեջ և կանգնելով սրահում, իրեն մի պահ զրկել է առաջ գնալու և նստելու հնարավորությունից, իսկ ինչ-որ մեկը իր թիկունքի մասին հրմշտոց է ստեղծել։ Անակնկալի գալով առաջացած խառնաշփոթությունից, ինքը մի կերպ կարողացել է տեղավորվել նստարանին։ Մեքենայի մեջ նկատել է, որ քիչ առաջ ծառի տակ կանգնած չսափրված անձնավորությունը, որին ինքը հետագայում դատարանում ճանաչել է, նա 12117009 քրեական գործով դատապարտյալ Գեղամ Վաղարշակյանն էր, նստած էր վարորդի ետնամասի նստատեղին, ապա իջել է ավտոմեքենայից «Այրարատ» տոնավաճառի կանգառում։ Մյուս անձնավորությունը երթուղային տաքսի չի բարձրացել։
Մոտ 30 րոպե անց, հասնելով 16-րդ թաղամաս, հաց գնելու նպատակով մտնելով խանութ, նկատել է, որ դրամապանակը 47.000 ՀՀ դրամի, բանկի և սոցիալական քարտերի հետ միասին գողացել են։ Դրամապանակն արժեր 4000 ՀՀ դրամ։
Դիմել է «Հայէկոնոմբանկ»-ին, իրեն հայտնել են, որ իր հաշվեհամարի վրա փոխանցված 104.000 ՀՀ դրամ աշխատավարձի գումարից 100.000 ՀՀ դրամ գումարը բանկոմատից արդեն հանվել է իրենից հափշտակված պլաստիկ քարտի օգտագործմամբ։
Հանցագործությամբ տուժողին պատճառվել է 151.000 ՀՀ դրամ նյութական վնաս, որը վերականգնելու պահանջով քաղհայց է ներկայացվել նրա կողմից։
Գ. Թ. 11-12, 61, 169-171 և դատաքննության արձանագրություն
Դատապարտյալ Գեղամ Վաղարշակյանի նախաքննական և դատաքննության ընթացքում տված ցուցմունքներով այն մասին, որ դեպքի օրը ինքն է հետևել տուժողին ավտոկանգառում, երթուղային տաքսի ավտոմեքենա բարձրանալիս ստեղծել է հրմշտոց և խառնաշփոթություն, որի ընթացքում տուժողի պայուսակից գաղտնի հափշտակել է նրա դրամապանակը` 2000 ՀՀ դրամ կանխիկ գումարով։ Դրամապանակի մեջ եղել են նաև «Հայէկոնոմբանկի» պլաստիկ քարտ ու սոցիալական քարտ` քառանիշ թվի նշագրմամբ։
Քայլելով դեպի «Տաշիր» առևտրի կենտրոն` պատահաբար հանդիպել է իր ծանոթ Մոսոյին։ Նրան խնդրել է բանկոմատից գումար հանել, քանի որ ինքը դրա տեխնիկային չի տիրապետել, իսկ Մոսոն տիրապետել է, քանի որ նախկինում բնակվել է ԱՄՆ-ում և իմացել է բանկոմատից գումար հանելու կարգը։
Տիգրան Մեծ 49 շենքի մոտ գտնվող բանկոմատում ստուգելով գումարի մնացորդը, հանել են 100.000 ՀՀ դրամ կանխիկ գումար, որը վերցրել է ինքը և Մոսոյին գումար չի տվել, քանի որ վերջինս չի իմացել, որ քարտը գողացված է։
Գ. Թ. 56-58, դատաքննության սկավառակ
Գեղամ Վաղարշակյանի նկատմամբ Էրեբունի և Նուբարաշեն վարչական շրջանների ընդհանուր իրավասության դատարանի կողմից 21.10.09թ. կայացվել է դատավճիռ, որով հաստատված է համարվել խմբով` նրա և ոմն Մոսոյի նախնական համաձայնությամբ նշված գույքի գաղտնի հափշտակության փաստը։ Գ. Վաղարշակյանը դատապարտվել է ազատազրկման 5 (հինգ) տարի ժամկետով։
Գ. Թ. 138-139
Ոմն Մոսոյի անձը չբացահայտելու նպատակով, ինչպես նաև` հանցագործության կատարմանը նրա մասնակցությունը բացառելու համար դատապարտյալ Գ. Վաղարշակյանը տվել է սուտ ցուցմունք` նպատակ հետապնդելով իր հանցակից ամբաստանյալ Մովսես Միհրանյանին զերծ պահել քրեական պատասխանատվությունից։
Գեղամ Վաղարշակյանի և Մովսես Միհրանյանի կողմից տուժողի պայուսակից դրամապանակը գողանալուց հետո «Հայէկոնոմբանկի» Երևանի Տիգրան Մեծի 49 շենքի բանկոմատից անհատական պլաստիկ քարտով 100.000 ՀՀ դրամը գաղտնի հանելու գործառնությունը տեսագրվել է հսկիչ սարքերի միջոցով, տեսագրության տեսասկավառակը ճանաչվել է իրեղեն ապացույց և կցվել է քրեական գործին։
Գ. Թ. 21-22, 23, 31, 33, 34, 74
«Հայէկոնոմբանկից» ստացված և քրեական գործին կցված փաստաթղթերով այն մասին, որ նշված բանկի Տիգրան Մեծ պողոտայի 49 հասցեում տեղադրված բանկոմատից 07.05.09թ. ժ. 17։04-ին Նարինե Սիմոնյանի հաշվեհամարից կանխիկ ստացվել է 100.000 ՀՀ դրամ։
Գ. Թ. 21-22
Լազերային տեսասկավառակի զննությամբ այն մասին, որ բանկոմատից գումարն ստանում են Գեղամ Վաղարշակյանն ու Մովսես Միհրանյանը։
Գ. Թ. 23, 34, 35
Նշված տեսասկավառակն ուղարկվել է ոստիկանության բաժիններ, իրականացված օպերատիվ-հետախուզական միջոցառումների շնորհիվ պարզվել է դատապարտյալ Գեղամ Վաղարշակյանի հանցակից Մովսես Միհրանյանի անձը և ինքնությունը։
Գ. Թ. 35, 36, 92
Դատաքննության ընթացքում ամբաստանյալ Մովսես Ռաֆիկի Միհրանյանը տվել է խոստովանական ցուցմունք և առաջադրված մեղադրանքում իրեն մեղավոր է ճանաչել։
Նա հայտնել է, որ գողություն կատարելու առաջարկն արել է Գեղամ Վաղարշակյանը։ Ինքը համաձայնվել է, քանի որ հիվանդ հոր համար դեղ գնելու փող չի ունեցել։ Ինքը հրմշտոց է ստեղծել այն պահին, երբ տուժողը ցանկացել է բարձրանալ երթուղային տաքսի ավտոմեքենա, ինքը մեքենա չի բարձրացել, այլ բարձրացել է Գեղամ Վաղարշակյանը, վերջինս էլ գողացել է դրամապանակը։ Որոշ ժամանակ անց ինքն ու Գեղամը հանդիպել են «Տաշիր» առևտրի կենտրոնի մոտ, Գեղամն ասել է, որ տուժողի պայուսակից գողացված դրամապանակի մեջ եղել է 2000 ՀՀ դրամ։ Գեղամն իրեն չի հայտնել, որ դրամապանակում եղել է ևս 45.000 ՀՀ դրամ։ Գեղամի մոտ են գտնվել տուժողի բանկոմատի պլաստիկ քարտը և սոցիալական քարտը` վրան նշված կոդով։ Միասին գնացել են Տիգրան Մեծ պողոտայի 49 շենքի մոտ տեղադրված «Հայէկոնոմբանկի» բանկոմատի մոտ, կոդը հավաքելով ինքը պլաստիկ քարտով ստուգել է մնացորդ գումարի չափը, այն շատ քիչ է գերազանցել 100.000 ՀՀ դրամը, բանկոմատից հանել և Գեղամին է տվել 100.000 ՀՀ դրամ կանխիկ թղթադրամները, Գեղամն իրեն է տվել 50.000 ՀՀ դրամ գումար։
/Դատաքննության արձանագրություն/
Դատաքննության ժամանակ ամբաստանյալ Մովսես Միհրանյանը տուժողին է հանձնել 50.000 ՀՀ դրամ, իսկ 05.03.10թ. դիմումին կից դատարան է ներկայացրել 25.000 ՀՀ դրամ, որը ստացականով հանձնվել է տուժող Նարինե Սիմոնյանին։
/Դատաքննության արձանագրություն և կից փաստաթղթեր/
Գեղամ Վաղարշակյանի և Մովսես Միհրանյանի կողմից խմբով նախնական հանցավոր համաձայնությամբ կատարվել է տուժողին պատկանող գույքի գաղտնի հափշտակություն ընդամենը 151.000 ՀՀ դրամ գումարի չափով։ Նշված չափով պատճառված գույքային վնասը վերականգնելու հայց է ներկայացվել տուժող Ն. Սիմոնյանի կողմից։
Հանցագործությամբ տուժողին պատճառված գույքային վնասի հատուցման համար պատճառված գույքային վնասի ամբողջ ծավալի չափով համապարտ գույքային պատասխանատվություն են կրում հանցավոր խմբի բոլոր անդամները` դատապարտյալ Գեղամ Վաղարշակյանը և ամբաստանյալ Մովսես Միհրանյանը։
Էրեբունի և Նուբարաշեն վարչական շրջանների ընդհանուր իրավասության դատարանը 21.10.09թ. դատավճռով Գեղամ Վաղարշակյանին ՀՀ քրեական օրենսգրքի 177-րդ հոդվածի 3-րդ մասի 3-րդ կետով նախատեսված հանցանքը կատարելու համար դատապարտելով ազատազրկման 5 (հինգ) տարի ժամկետով, վճռել է տուժող Նարինե Սիմոնյանի օգտին բռնագանձել 151.000 ՀՀ դրամ գումար` որպես հանցագործությամբ պատճառված գույքային վնասի հատուցում։
Ամբաստանյալ Մովսես Միհրանյանի կողմից դատաքննության ընթացքում մասամբ` 75.000 (յոթանասունհինգ հազար) ՀՀ դրամի կանխիկ հատուցման պայմաններում հանցագործությամբ տուժողին պատճառված գույքային վնասից մնում է չհատուցված 76.000 (յոթանասունվեց հազար) ՀՀ դրամ գումար, որի բռնագանձման հարցը ՀՀ քրեական դատավարության օրենսգրքի 360-րդ հոդվածի 10-րդ կետի կարգով պետք է լուծվի դատարանի դատավճռով։
Դատարանը գտնում է, որ քաղ. հայցի չհատուցված մասի բռնագանձումը պետք է կատարվի դատապարտյալ Գեղամ Վաղարշակյանից։
3. Դատարանի իրավական վերլուծությունը.
Դատաքննությամբ բազմակողմանի և օբյեկտիվ ստուգելով գործով ձեռք բերված ապացույցները, դրանք միմյանց հետ համադրելով և դրանք գնահատելով իրենց վերաբերելիության, թույլատրելիության և իրենց համակցությամբ` գործի լուծման համար բավարարության տեսանկյունից և հիմնված ներքին համոզմամբ, դատարանը գտնում է, որ ամբաստանյալ Մովսես Միհրանյանի մեղքը ՀՀ քրեական օրենսգրքի 177-րդ հոդվածի 2-րդ մասի 1-ին կետով նախատեսված հանցագործություն կատարելու մեջ հիմնավորված է և նա պետք է ենթարկվի քրեական պատասխանատվության ու նշված հոդվածի սանկցիայով պետք է պատիժ նշանակվի։
Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունը մեղմացնող ու ծանրացնող հանգամանքները։ Դրանք բնութագրում են հանցավորի անձնավորությունն ու կատարված հանցագործության հանրային վտանգավորության աստիճանը, հնարավորություն են տալիս կոնկրետ գործով անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։
Այս առումով դատարանը գտնում է, որ կոնկրետ դեպքով և ամբաստանյալ Մովսես Ռաֆիկի Միհրանյանի նկատմամբ պատասխանատվությունը ծանրացնող հանգամանքներ առկա չեն։ Ամբաստանյալի նախկին դատվածությունը մարված է, այն չի կարող ռեցիդիվ առաջացնել։ Իսկ հանցանքը խմբի կազմում կատարելը ՀՀ քր. օր-ի 63-րդ հոդվածի 4-րդ մասի հիմքով չի կարող ծանրացուցիչ հանգամանք դիտվել, քանի որ այն հանցագործությունը ՀՀ քր. օր-ի 177 հոդվածի 2-րդ մասով որակելու համար քրեաիրավական հատկանիշ է։
Որպես մեղմացուցիչ հանգամանք դատարանը գնահատում է այն, որ ամբաստանյալի խնամքին է գտնվում նրա զառամյալ հայրը, որն այլ խնամող չունի, ինչպես նաև այն, որ ամբաստանյալը տուժողին պատճառված վնասը հատուցելու համար տուժողին է հանձնել 75.000 ՀՀ դրամ։
ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ անհրաժեշտ է գործով ամբաստանյալ Մովսես Միհրանյանի նկատմամբ նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։
Գնահատելով վերոշարադրյալը, դատարանը տվյալ գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս հանգում է այն հիմնավոր եզրակացության, որ ամբաստանյալ Մովսես Միհրանյանի նկատմամբ որպես պատիժ անհրաժեշտ է նշանակել ազատազրկում։
Իրեղեն ապացույց ճանաչված տեսագրության սկավառակն անհրաժեշտ է պահպանել քրեական գործում։
Ամբաստանյալ Մովսես Միհրանյանի նկատմամբ որպես խափանման միջոց ընտրված չհեռանալու մասին ստորագրությունն անհրաժեշտ է փոխել և որպես խափանման միջոց ընտրել կալանավորումը։
Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 357-358, 360, 365, 368-372-րդ հոդվածներով, դատարանը.
Վ Ճ Ռ Ե Ց
Ամբաստանյալ Մովսես Ռաֆիկի Միհրանյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին կետով նախատեսված հանցանքը կատարելու մեջ և նշված հոդվածի սանկցիայով նշանակել քրեական պատիժ` ազատազրկում 3 (երեք) տարի 6 (վեց) ամիս ժամկետով։
Ամբաստանյալ Մովսես Միհրանյանի նկատմամբ ընտրված խափանման միջոց չհեռանալու մասին ստորագրությունը փոխել, որպես խափանման միջոց ընտրել կալանավորումը և Մովսես Ռաֆիկի Միհրանյանին կալանավորել դատական նիստերի դահլիճից։
Նշանակված պատժի սկիզբը հաշվել 2010թ-ի մարտի 23-ից։
Դատապարտյալ Գեղամ Հարությունի Վաղարշակյանից հօգուտ տուժող Նարինե Գարսիկի Սիմոնյանի բռնագանձել 76.000 (յոթանասունվեց հազար) ՀՀ դրամ գումար, որպես քաղ. հայցի չհատուցված մաս։
Ամբաստանյալ Մովսես Ռաֆիկի Միհրանյանի մասով քաղ. հայցի հարցը համարել լուծված՝ տուժող Նարինե Սիմոնյանին 75.000 (յոթանասունհինգ հազար) ՀՀ դրամ գումարը փոխհատուցելու պատճառով։
Իրեղեն ապացույց ճանաչված՝ «Հայէկոնոմբանկից» ստացված տեսագրությունների սկավառակը թողնել քրեական գործում։
Դատավարության մասնակիցների կողմից դատավճիռը կարող է բողոքարկվել ՀՀ քրեական վերաքննիչ դատարան՝ հրապարակման պահից մեկամսյա ժամկետում։
ԴԱՏԱՎՈՐ Վ. Թ. ԳՐԻԳՈՐՅԱՆ
Դատական գործ N: ԵԷԴ/0012/01/10
Էրեբունի և Նուբարաշեն
Նոր քրեական գործ
| Երբ է գործը ստացվել | 29-01-2010 |
|---|---|
| Քրեական գործի համարը | 0012/01/10 |
| Ինչ կարգով է գործը ստացվել | Առաջին անգամ |
| Դատախազություն | Էրեբունի և Նուբարաշեն վարչական շրջանների դատախազություն |
| Նախաքննական գործի համարը | 12132709 |
| Մեղադրական եզրակացության համառոտ բովանդակություն | 07.05.2009թ. թիվ 62 երթուղային տաքսու սրահում գողացել է ուղևոր Ն. Սիմոնյանի պայուսյակում գտնվող դրամապանակը, որի մեջ եղել է զգալի չափի` 47000 դրամ գումար, վերջինիս սոց. քարտը և 104000 դրամ պարունակությամբ Հայէկոնոմբանկի պլաստիկ քարտը: |
| Մեղադրյալ | |
| Անձ | |
| Անուն | Մովսես |
| Ազգանուն | Միհրանյան |
| Հայրանուն | Ռաֆիկի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Հոդված_1 | |
| Հոդված | 177 Մաս 2 Կետ 1 |
| Դատվածություն | |
| Դատվածություն | չդատված |
| Վիճակագրական տողի համարը | 6.3 |
Մակագրել
| Երբ | 29-01-2010 |
|---|---|
| Նախագահող դատավոր | |
| Անուն | Վլադիմիր |
| Ազգանուն | Գրիգորյան |
Ընդունվել է վարույթ
| Երբ | 01-02-2010 |
|---|---|
| Որոշումը ուղարկվել է կողմերին | 01-02-2010 |
| Ուղարկվել է հուշաթերթիկ/որոշումը | 01-02-2010 |
Վերադարձվել է մեղադրողին
| Երբ | 02-02-2010 |
|---|---|
| Քրեական դատավորության օրենսգրքի հոդված |
Գործը ստացվել է մեղադրողին վերադարձնելուց հետո
| Ամսաթիվ | 09-02-2010 |
|---|---|
| Քրեական գործի համարը | 0012/01/10 |
| Դատախազություն | Էրեբունի և Նուբարաշեն վարչական շրջանների դատախազություն |
| Նախաքննական գործի համարը | 12132709 |
| Մեղադրական եզրակացության համառոտ բովանդակություն | 07.05.2009թ. թիվ 62 երթուղային տաքսու սրահում գողացել է ուղևոր Ն. Սիմոնյանի պայուսակում գտնվող դրամապանակը, որի մեջ եղել է զգալի չափի` 47000 դրամ գումար, վերջինիս սոց. քարտը և 104000 դրամ պարունակությամբ Հայէկոնոմբանկի պլաստիկ քարտը: |
| Մեղադրյալ | |
| Անձ | |
| Անուն | Մովսես |
| Ազգանուն | Միհրանյան |
| Հայրանուն | Ռաֆիկի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Հոդված_1 | |
| Հոդված | 177 Մաս 2 Կետ 1 |
| Դատվածություն | |
| Դատվածություն | չդատված |
| Վիճակագրական տողի համարը | 6.3 |
Ընդունվել է վարույթ
| Երբ | 10-02-2010 |
|---|---|
| Որոշումը ուղարկվել է կողմերին | 10-02-2010 |
| Ուղարկվել է հուշաթերթիկ/որոշումը | 10-02-2010 |
Նշանակվել է դատական քննություն
| Երբ | 23-02-2010 |
|---|---|
| Դատավարության կողմեր | Մեղադրյալ |
| Դատավարության կողմեր | Տուժող |
| Դատավարության կողմեր | |
| Անուն | Մովսես |
| Ազգանուն | Միհրանյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Նարինե |
| Ազգանուն | Սիմոնյան |
| Հասցե | --------------- |
| Սեռ | 2 |
| Ժամ | 11:00 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 03-03-2010 |
|---|---|
| Ժամ | 09:30 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 09-03-2010 |
|---|---|
| Ժամ | 15:00 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 15-03-2010 |
|---|---|
| Ժամ | 10:30 |
| Նիստերի դահլիճի համարը | 1 |
Նշանակվել է դատական նիստ/դատական քննություն
| Երբ | 23-03-2010 |
|---|---|
| Ժամ | 14:00 |
| Նիստերի դահլիճի համարը | 1 |
Կայացվել է դատավճիռ
| Ամսաթիվ | 23-03-2010 |
|---|
Մեղադրական
| Մեղադրյալ | |
|---|---|
| Անուն | Մովսես |
| Ազգանուն | Միհրանյան |
| Հասցե | --------------- |
| Սեռ | 1 |
| Ամսաթիվ | 23-03-2010 |
| Առավել ծանր հանցագործության հոդված | |
| Առավել ծանր հանցագործության հոդվածով | Դատապարտվել է |
| Հիմնական պատիժ | Որոշակի ժամկետով ազատազրկում |
Դատական ակտ
| Դատական ակտի բովանդակությունը | Գործ թիվ ԵԷԴ/0012/01/10 2010թ Դ Ա Տ Ա Վ Ճ Ի Ռ Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն ԵՐԵՎԱՆԻ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ. Նախագահող դատավոր Վ.Թ.ԳՐԻԳՈՐՅԱՆ Քարտուղարությամբ Ա.ԱՐՂԱՄԱՆՅԱՆԻ Մասնակցությամբ` Մեղադրող Տ.ՈՒԶՈՅԱՆԻ Տուժող Ն.ՍԻՄՈՆՅԱՆԻ Ամբաստանյալ Մ.ՄԻՀՐԱՆՅԱՆԻ Պաշտպան Վ.ԱԹՈՅԱՆԻ 2010 թվականի մարտի 23-ին Երևանի Էրեբունի և Նուբարաշեն վարչական շրջանների դատարանում, դռնբաց դատական նիստում քննեց քրեական գործն ըստ մեղադրանքի Մովսես Ռաֆիկի Միհրանյանի ծնված 16.12.1968թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուրի, չի աշխատում, նախկինում դատված 1. Սպանդարյանի շրջանի ժողդատարանի 09.11.1992թ. դատավճռով ՀՀ քրեական օրենսգրքի 232-րդ հոդվածի 1-ին մասով և 15, 86 հոդվածի 3-րդ մասով 3 տարի 6 ամիս ժամկետով ազատազրկման, 2. Սպանդարյանի շրջանի ժողդատարանի 15.07.1994թ. դատավճռով ՀՀ քրեական օրենսգրքի 86 հոդվածի 2-րդ մասով 2 տարի ժամկետով ազատազրկման, քրեական օրենսգրքի 38 հոդվածի կիրառմամբ` սահմանվել է ազատազրկում 2 տարի 2 ամիս ժամկետով, 3. Էջմիածնի շրջանի ժողդատարանի 24.10.1996թ. դատավճռով ՀՀ քրեական օրենսգրքի 229 հոդվածի 4-րդ մասով` քրեական օրենսգրքի 38 հոդվածի կիրառմամբ 1 տարի 6 ամիս ժամկետով ազատազրկման։ Դատվածությունը մարված։ Բնակվում է Երևանի Կաշեգործների փողոցի 283 տանը։ Խափանման միջոցը` ստորագրություն չհեռանալու մասին։ Մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին կետով։ Առաջադրված մեղադրանքում իրեն լիովին մեղավոր է ճանաչել։ 1. Գործի դատավարական նախապատմությունը Դատապարտյալ Գեղամ Վաղարշակյանը և ամբաստանյալ Մովսես Միհրանյանը, հանցավոր համաձայնության գալով և պայմանավորվելով գույքի գաղտնի հափշտակություն կատարելու հարցի և իրենցից յուրաքանչյուրի դերակատարության շուրջ, 2009թ. մայիսի 7-ին ժ. 1630-ի սահմաններում կանգնել են Երևանի Տիգրան Մեծ պողոտայի 51 շենքի դիմացի ավտոկանգառում և հետևել են տրանսպորտային միջոցին սպասող ուղևորներին, սպասելով հարմար առիթի։ Նրանց ուշադրությանն է արժանացել երթուղային տաքսի ավտոմեքենային սպասող ուղևոր, տուժող Նարինե Սիմոնյանը։ Վերջինս իր հետ ունեցել է երկու տոպրակների մեջ լցված ուղեբեռ, այդ պատճառով մինչև 62-րդ երթուղային տաքսի ավտոմեքենայի գալը ցանկացել է նախապատրաստվել ու ձեռքին ունենալ երթևեկության համար վճարվելիք մանրադրամը։ Այդ նպատակով նա նախապես բացել է իր ուսին գցած կաշվե պայուսակը, հանել է դրամապանակը և վերցրել մետաղադրամը։ Այնուհետև դրամապանակը տեղադրելով պայուսակի մեջ, այն գցել է ուսին և սպասել 62 երթուղային տաքսի ավտոմեքենային։ Տուժող Ն. Սիմոնյանի նշված գործողությունները գրավել են Գեղամ Վաղարշակյանի և Մովսես Միհրանյանի ուշադրությունը։ Այդ պահին կանգառին է մոտեցել 62 երթուղային տաքսի ավտոմեքենան։ Տուժող Ն. Սիմոնյանը, պայուսակը ուսին գցած, վերցրել է երկու տոպրակներով ուղեբեռը և ցանկացել է բարձրանալ երթուղային տաքսի ավտոմեքենան։ Դատապարտյալ Գեղամ Վաղարշակյանը և ամբաստանյալ Մովսես Միհրանյանն այդ պահին նույնպես երթուղային տաքսի բարձրանալու տպավորություն են ստեղծել, արհեստականորեն առաջացրել են հրմշտոց, մի պահ տուժողին խոչընդոտելով մեքենա բարձրանալու և նստելու հնարավորությունից։ Օգտվելով ստեղծված խառնաշփոթությունից, Գեղամ Վաղարշակյանը տուժող Ն. Սիմոնյանի ձեռքի պայուսակից գաղտնի հափշտակել է 4000 դրամ արժողության դրամապանակը, որի մեջ եղել են ընդամենը 47.000 ՀՀ դրամ կանխիկ գումար, «Հայէկոնոմբանկի» ավանդատուի վճարման պլաստիկ քարտը և սոցիալական քարտը, որի վրա գրված է եղել ավանդատուի գաղտնահամարը (կոդը)։ Հաջորդ կանգառում Գեղամ Վաղարշակյանն իջել է երթուղային տաքսուց և ոտքով գնացել դեպի «Տաշիր» առևտրի կենտրոն։ Ամբաստանյալ Մովսես Միհրանյանը, ով մասնակցելով տուժողի նկատմամբ իրականացված հրմշտոցին ու արհեստական խոչընդոտներ ստեղծելուն և դրանով իսկ` նախնական պայմանավորվածության համաձայն, գույքի գաղտնի հափշտակության համար նպաստավոր պայմաններ ստեղծելով Գեղամ Վաղարշակյանի համար, երթուղային տաքսի ավտոմեքենայից նախապես իջնելով ու երթևեկությունը չշարունակելով, ոտքով գնացել է «Տաշիր» առևտրի կենտրոնի մոտ ու սպասել է Գեղամ Վաղարշակյանին։ Հանդիպելով միմյանց, նրանք մոտեցել են Տիգրան Մեծ պողոտայի 49 հասցեում գտնվող «Հայէկոնոմբանկի» բանկոմատին։ Գեղամ Վաղարշակյանը չի տիրապետել բանկոմատից պլաստիկ քարտով գումար հանելու տեխնիկային։ Մինչդեռ Մովսես Միհրանյանը, որը 2000-2006թթ. բնակվել է ԱՄՆ-ում, իմացել է պլաստիկ քարտով բանկոմատից կանխիկ գումար ստանալու կարգը։ Տուժողի սոցիալական քարտի վրա գրված գաղտնաթիվը հավաքելով, նրա պլաստիկ քարտի օգտագործմամբ Մովսես Միհրանյանը պարզել է, որ տուժողի հաշվի վրա կա 104.000 ՀՀ դրամի մնացորդ։ Տուժողի հաշվարկային հաշվից գաղտնի հանելով 100.000 ՀՀ դրամ գումար, Գեղամ Վաղարշակյանն ու Մովսես Միհրանյանը տիրացել են դրան։ Հանցագործությամբ նրանք տուժողին պատճառել են ընդամենը 151.000 ՀՀ դրամի նյութական վնաս։ Բանկոմատից Գեղամ Վաղարշակյանի և Մովսես Միհրանյանի կողմից կանխիկ գունարն ստանալու գործընթացը ֆիքսվել է բանկի արտաքին տեխնիկական հսկողության սարքավորումներով։ Գեղամ Վաղարշակյանի և Մովսես Միհրանյանի կողմից բանկոմատից կանխիկ գումարը գաղտնի հափշտակելուց որոշ ժամանակ անց միայն տուժող Ն. Սիմոնյանին հայտնի է դարձել իր ձեռքի պայուսակից դրամապանակի, 47.000 ՀՀ դրամի ու պլաստիկ քարտի հափշտակության փաստը։ Դիմելով բանկ, նա տեղեկացել է, որ հափշտակվել է նաև իր հաշվեհամարի վրա փոխանցված գումարից 100.000 ՀՀ դրամը։ Վերոշարադրյալի մասին տուժող Ն. Սիմոնյանը 08.05.09թ. հայտարարություն է տվել ՀՀ ոստիկանության Էրեբունի բաժին։ Փաստի առթիվ ՀՀ ոստիկանության ՔԳՎ Էրեբունու քննչական բաժնի կողմից 11.05.09թ. ՀՀ քրեական օրենսգրքի 177-րդ հոդվածի 1-ին մասով և 324-րդ հոդվածի 1-ին մասով հարուցվել է 12117009 քրեական գործը և նախաքննություն է կատարվել։ Ձեռնարկված միջոցառումների շնորհիվ Գեղամ Վաղարշակյանը հայտնաբերվել և կալանավորվել է, նա մեղադրվել է ՀՀ քրեական օրենսգրքի 177-րդ հոդվածի 3-րդ մասի 3-րդ կետով։ Էրեբունի և Նուբարաշեն վարչական շրջանների ընդհանուր իրավասության դատարանի 21.10.2009թ. դատավճռով Գեղամ Վաղարշակյանը դատապարտվել է ազատազրկման 5(հինգ) տարի ժամկետով։ Հանցավոր խմբի անդամ, Գեղամ Վաղարշակյանին հանցակից, ինքնությունը չպարզված ոմն Մոսոյի մասով քրեական գործից մաս է անջատվել, որին շնորհվել է 12132709 համարը։ Նշված քրեական գործի վարույթը 20.10.09թ. կասեցվել է ՀՀ քրեական դատավարության օրենսգրքի 31-րդ հոդվածի 1-ին մասի 1-ին կետի հիմքով։ 23.10.09թ. ՀՀ ոստիկանության Էրեբունու բաժին բերման է ենթարկվել Երևանի Կաշեգործների փող. 283 տան բնակիչ Մովսես Ռաֆիկի Միհրանյանը։ Էրեբունու քննչական բաժնին հայտնվել է, որ նա հանդիսանում է Գեղամ Վաղարշակյանի հանցակից Մոսոն։ Քրեական գործի վարույթը վերսկսվել է։ Մովսես Միհրանյանը 23.10.09թ. հարցաքննվել է որպես վկա և ցուցմունք է տվել այն մասին, որ ինքը Գեղամ Վաղարշակյանի հետ հանցավոր համաձայնության չի եկել և գողություն չի կատարել, այլ պատահաբար հանդիպել է Գեղամ Վաղարշակյանին, վերջինս ցանկացել է պլաստիկ քարտով բանկոմատից գումար հանել։ Ինքը չի իմացել, որ դա գողացված քարտ է։ Քանի որ երկար տարիներ ապրել է ԱՄՆ-ում, տիրապետել է պլաստիկ քարտից օգտվելու տեխնիկային, ինքը միայն օգնել է Գեղամին` քարտով նրա հայտնած գաղտնահամարով (կոդով) գումարը հանելուն, գումարը բանկոմատից ստացել և հանձնել է Գեղամին։ 19.01.2010թ. որոշում է կայացվել ՀՀ քրեական օրենսգրքի 177-րդ հոդվածի 2-րդ մասի 1-ին կետով Մովսես Միհրանյանին որպես մեղադրյալ ներգրավելու մասին։ Մովսես Միհրանյանն առաջադրված մեղադրանքում իրեն մեղավոր չի ճանաչել և հրաժարվել է ցուցմունք տալ։ Մեղադրական եզրակացությամբ ստացված քրեական գործը 02.02.10թ. Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի որոշմամբ ՀՀ քրեական դատավարության օրենսգրքի 292-րդ հոդվածի 4-րդ կետի և 296-րդ հոդվածի հիմքով վերադարձվել է մեղադրողին։ 08.02.2010թ. Էրեբունի և Նուբարաշեն վարչական շրջանների դատախազությունը քրեական գործը վերադարձվել է դատարան, այն դատարանում մուտք է եղել 09.02.2010թ.։ 09.02.2010թ. դատարանում ստացվել է նաև Մովսես Միհրանյանի դիմումն այն մասին, որ առաջադրված մեղադրանքում իրեն մեղավոր է ճանաչում, ինքը և Գ. Վաղարշակյանն են գողացել տուժողի դրամապանակը, որի մեջ եղել է 2000դրամ և տուժողից գաղտնի հափշտակված պլաստիկ քարտի օգտագործմամբ բանկոմատից հանել են գումարը։ 2. Դատաքննությամբ ձեռք բերված ու հետազոտված ապացույցները Դատաքննությամբ հետազոտվել են մեղադրանքի հիմքում դրված բոլոր այն ապացույցները, որոնք թվարկված են մեղադրական եզրակացության մեջ։ Ապահովելով դատաքննության լրիվությունը, բազմակողմանիությունն ու օբյեկտիվությունը և ղեկավարվելով գործի արդար քննությանը վերաբերող սահմանադրական և դատավարական նորմերի դրույթներով, հիմնվելով պատշաճ ընթացակարգի շրջանակներում դատական քննության ընթացքում գործի հանգամանքների հետազոտման արդյունքի վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, դատարանը գտնում է, որ սույն քրեական գործով ամբաստանյալի մեղքը հիմնավորված է։ Նշված եզրահանգման համար հիմք են հանդիսանում հետևյալ ապացույցները. տուժող Նարինե Սիմոնյանը ցուցմունք է տվել, որ ուսուցչուհի է, իր աշխատավարձը փոխանցվում է «Հայէկոնոմբանկ»-ում ունեցած իր հաշվարկային հաշվին, բանկի պլաստիկ քարտը պահում է իր դրամապանակում սոցիալական քարտի հետ միասին, որի վրա չմոռանալու համար գրել է բանկի իր գաղտնահամարը (կոդը)։ Ինքը բնակվում է 16-րդ թաղամասում, խնամքին ունի հաշմանդամ երեխա և ազատամարտիկ հաշմանդամ ամուսին։ Աշխատանքից տուն է գնում Տիգրան Մեծ պողոտայից թիվ 62 երթուղային տաքսի ավտոմեքենաներով։ 2009թ. մայիսի 07-ին աշխատանքից դուրս գալուց հետո գնումներ է կատարել, ապրանքը լցրել է երկու տոպրակների մեջ և ուսին գցելով ձեռքի կաշվե պայուսակը` Տիգրան Մեծ պողոտայի 51 շենքի դիմացի ավտոկանգառում սպասել է երթուղային տաքսի ավտոմեքենային։ Իր դրամապանակում ունեցել է ընդամենը 47.000 ՀՀ դրամ կանխիկ գումար, որից 45.000 ՀՀ դրամը ավարտական դասարանի աշակերտների ալբոմի (վինետկա) համար հավաքված գումարն է եղել։ Մինչև երթուղային տաքսու մոտենալն ինքը ցանկացել է նախապես դրամապանակից հանել մանր մետաղադրամը։ Այդ նպատակով ուսից իջեցրել է ձեռքի պայուսակը, շղթան բացել, հանել է դրամապանակը, վերցրել մետաղադրամները, ապա դրամապանակը փակելով, դրել է պայուսակի մեջ, փակել շղթան և պայուսակը գցել է ուսին։ Տուժող Ն. Սիմոնյանը հայտնել է, որ այդ պահին նկատել է իրենից ոչ հեռու ծառի տակ կանգնած 2 տղամարդու, որից մեկը սափրված չի եղել, ովքեր ուշադիր հետևել են իրեն ու իր կատարած գործողություններին։ Եկել է երթուղային տաքսին, ինքը վերցրել է տոպրակները և ցանկացել է բարձրանալ և նստել ավտոմեքենայի մեջ։ Սակայն այդ պահին մի անծանոթ տղամարդ իրենից առաջ բարձրացել է մեքենայի մեջ և կանգնելով սրահում, իրեն մի պահ զրկել է առաջ գնալու և նստելու հնարավորությունից, իսկ ինչ-որ մեկը իր թիկունքի մասին հրմշտոց է ստեղծել։ Անակնկալի գալով առաջացած խառնաշփոթությունից, ինքը մի կերպ կարողացել է տեղավորվել նստարանին։ Մեքենայի մեջ նկատել է, որ քիչ առաջ ծառի տակ կանգնած չսափրված անձնավորությունը, որին ինքը հետագայում դատարանում ճանաչել է, նա 12117009 քրեական գործով դատապարտյալ Գեղամ Վաղարշակյանն էր, նստած էր վարորդի ետնամասի նստատեղին, ապա իջել է ավտոմեքենայից «Այրարատ» տոնավաճառի կանգառում։ Մյուս անձնավորությունը երթուղային տաքսի չի բարձրացել։ Մոտ 30 րոպե անց, հասնելով 16-րդ թաղամաս, հաց գնելու նպատակով մտնելով խանութ, նկատել է, որ դրամապանակը 47.000 ՀՀ դրամի, բանկի և սոցիալական քարտերի հետ միասին գողացել են։ Դրամապանակն արժեր 4000 ՀՀ դրամ։ Դիմել է «Հայէկոնոմբանկ»-ին, իրեն հայտնել են, որ իր հաշվեհամարի վրա փոխանցված 104.000 ՀՀ դրամ աշխատավարձի գումարից 100.000 ՀՀ դրամ գումարը բանկոմատից արդեն հանվել է իրենից հափշտակված պլաստիկ քարտի օգտագործմամբ։ Հանցագործությամբ տուժողին պատճառվել է 151.000 ՀՀ դրամ նյութական վնաս, որը վերականգնելու պահանջով քաղհայց է ներկայացվել նրա կողմից։ Գ. Թ. 11-12, 61, 169-171 և դատաքննության արձանագրություն Դատապարտյալ Գեղամ Վաղարշակյանի նախաքննական և դատաքննության ընթացքում տված ցուցմունքներով այն մասին, որ դեպքի օրը ինքն է հետևել տուժողին ավտոկանգառում, երթուղային տաքսի ավտոմեքենա բարձրանալիս ստեղծել է հրմշտոց և խառնաշփոթություն, որի ընթացքում տուժողի պայուսակից գաղտնի հափշտակել է նրա դրամապանակը` 2000 ՀՀ դրամ կանխիկ գումարով։ Դրամապանակի մեջ եղել են նաև «Հայէկոնոմբանկի» պլաստիկ քարտ ու սոցիալական քարտ` քառանիշ թվի նշագրմամբ։ Քայլելով դեպի «Տաշիր» առևտրի կենտրոն` պատահաբար հանդիպել է իր ծանոթ Մոսոյին։ Նրան խնդրել է բանկոմատից գումար հանել, քանի որ ինքը դրա տեխնիկային չի տիրապետել, իսկ Մոսոն տիրապետել է, քանի որ նախկինում բնակվել է ԱՄՆ-ում և իմացել է բանկոմատից գումար հանելու կարգը։ Տիգրան Մեծ 49 շենքի մոտ գտնվող բանկոմատում ստուգելով գումարի մնացորդը, հանել են 100.000 ՀՀ դրամ կանխիկ գումար, որը վերցրել է ինքը և Մոսոյին գումար չի տվել, քանի որ վերջինս չի իմացել, որ քարտը գողացված է։ Գ. Թ. 56-58, դատաքննության սկավառակ Գեղամ Վաղարշակյանի նկատմամբ Էրեբունի և Նուբարաշեն վարչական շրջանների ընդհանուր իրավասության դատարանի կողմից 21.10.09թ. կայացվել է դատավճիռ, որով հաստատված է համարվել խմբով` նրա և ոմն Մոսոյի նախնական համաձայնությամբ նշված գույքի գաղտնի հափշտակության փաստը։ Գ. Վաղարշակյանը դատապարտվել է ազատազրկման 5 (հինգ) տարի ժամկետով։ Գ. Թ. 138-139 Ոմն Մոսոյի անձը չբացահայտելու նպատակով, ինչպես նաև` հանցագործության կատարմանը նրա մասնակցությունը բացառելու համար դատապարտյալ Գ. Վաղարշակյանը տվել է սուտ ցուցմունք` նպատակ հետապնդելով իր հանցակից ամբաստանյալ Մովսես Միհրանյանին զերծ պահել քրեական պատասխանատվությունից։ Գեղամ Վաղարշակյանի և Մովսես Միհրանյանի կողմից տուժողի պայուսակից դրամապանակը գողանալուց հետո «Հայէկոնոմբանկի» Երևանի Տիգրան Մեծի 49 շենքի բանկոմատից անհատական պլաստիկ քարտով 100.000 ՀՀ դրամը գաղտնի հանելու գործառնությունը տեսագրվել է հսկիչ սարքերի միջոցով, տեսագրության տեսասկավառակը ճանաչվել է իրեղեն ապացույց և կցվել է քրեական գործին։ Գ. Թ. 21-22, 23, 31, 33, 34, 74 «Հայէկոնոմբանկից» ստացված և քրեական գործին կցված փաստաթղթերով այն մասին, որ նշված բանկի Տիգրան Մեծ պողոտայի 49 հասցեում տեղադրված բանկոմատից 07.05.09թ. ժ. 17։04-ին Նարինե Սիմոնյանի հաշվեհամարից կանխիկ ստացվել է 100.000 ՀՀ դրամ։ Գ. Թ. 21-22 Լազերային տեսասկավառակի զննությամբ այն մասին, որ բանկոմատից գումարն ստանում են Գեղամ Վաղարշակյանն ու Մովսես Միհրանյանը։ Գ. Թ. 23, 34, 35 Նշված տեսասկավառակն ուղարկվել է ոստիկանության բաժիններ, իրականացված օպերատիվ-հետախուզական միջոցառումների շնորհիվ պարզվել է դատապարտյալ Գեղամ Վաղարշակյանի հանցակից Մովսես Միհրանյանի անձը և ինքնությունը։ Գ. Թ. 35, 36, 92 Դատաքննության ընթացքում ամբաստանյալ Մովսես Ռաֆիկի Միհրանյանը տվել է խոստովանական ցուցմունք և առաջադրված մեղադրանքում իրեն մեղավոր է ճանաչել։ Նա հայտնել է, որ գողություն կատարելու առաջարկն արել է Գեղամ Վաղարշակյանը։ Ինքը համաձայնվել է, քանի որ հիվանդ հոր համար դեղ գնելու փող չի ունեցել։ Ինքը հրմշտոց է ստեղծել այն պահին, երբ տուժողը ցանկացել է բարձրանալ երթուղային տաքսի ավտոմեքենա, ինքը մեքենա չի բարձրացել, այլ բարձրացել է Գեղամ Վաղարշակյանը, վերջինս էլ գողացել է դրամապանակը։ Որոշ ժամանակ անց ինքն ու Գեղամը հանդիպել են «Տաշիր» առևտրի կենտրոնի մոտ, Գեղամն ասել է, որ տուժողի պայուսակից գողացված դրամապանակի մեջ եղել է 2000 ՀՀ դրամ։ Գեղամն իրեն չի հայտնել, որ դրամապանակում եղել է ևս 45.000 ՀՀ դրամ։ Գեղամի մոտ են գտնվել տուժողի բանկոմատի պլաստիկ քարտը և սոցիալական քարտը` վրան նշված կոդով։ Միասին գնացել են Տիգրան Մեծ պողոտայի 49 շենքի մոտ տեղադրված «Հայէկոնոմբանկի» բանկոմատի մոտ, կոդը հավաքելով ինքը պլաստիկ քարտով ստուգել է մնացորդ գումարի չափը, այն շատ քիչ է գերազանցել 100.000 ՀՀ դրամը, բանկոմատից հանել և Գեղամին է տվել 100.000 ՀՀ դրամ կանխիկ թղթադրամները, Գեղամն իրեն է տվել 50.000 ՀՀ դրամ գումար։ /Դատաքննության արձանագրություն/ Դատաքննության ժամանակ ամբաստանյալ Մովսես Միհրանյանը տուժողին է հանձնել 50.000 ՀՀ դրամ, իսկ 05.03.10թ. դիմումին կից դատարան է ներկայացրել 25.000 ՀՀ դրամ, որը ստացականով հանձնվել է տուժող Նարինե Սիմոնյանին։ /Դատաքննության արձանագրություն և կից փաստաթղթեր/ Գեղամ Վաղարշակյանի և Մովսես Միհրանյանի կողմից խմբով նախնական հանցավոր համաձայնությամբ կատարվել է տուժողին պատկանող գույքի գաղտնի հափշտակություն ընդամենը 151.000 ՀՀ դրամ գումարի չափով։ Նշված չափով պատճառված գույքային վնասը վերականգնելու հայց է ներկայացվել տուժող Ն. Սիմոնյանի կողմից։ Հանցագործությամբ տուժողին պատճառված գույքային վնասի հատուցման համար պատճառված գույքային վնասի ամբողջ ծավալի չափով համապարտ գույքային պատասխանատվություն են կրում հանցավոր խմբի բոլոր անդամները` դատապարտյալ Գեղամ Վաղարշակյանը և ամբաստանյալ Մովսես Միհրանյանը։ Էրեբունի և Նուբարաշեն վարչական շրջանների ընդհանուր իրավասության դատարանը 21.10.09թ. դատավճռով Գեղամ Վաղարշակյանին ՀՀ քրեական օրենսգրքի 177-րդ հոդվածի 3-րդ մասի 3-րդ կետով նախատեսված հանցանքը կատարելու համար դատապարտելով ազատազրկման 5 (հինգ) տարի ժամկետով, վճռել է տուժող Նարինե Սիմոնյանի օգտին բռնագանձել 151.000 ՀՀ դրամ գումար` որպես հանցագործությամբ պատճառված գույքային վնասի հատուցում։ Ամբաստանյալ Մովսես Միհրանյանի կողմից դատաքննության ընթացքում մասամբ` 75.000 (յոթանասունհինգ հազար) ՀՀ դրամի կանխիկ հատուցման պայմաններում հանցագործությամբ տուժողին պատճառված գույքային վնասից մնում է չհատուցված 76.000 (յոթանասունվեց հազար) ՀՀ դրամ գումար, որի բռնագանձման հարցը ՀՀ քրեական դատավարության օրենսգրքի 360-րդ հոդվածի 10-րդ կետի կարգով պետք է լուծվի դատարանի դատավճռով։ Դատարանը գտնում է, որ քաղ. հայցի չհատուցված մասի բռնագանձումը պետք է կատարվի դատապարտյալ Գեղամ Վաղարշակյանից։ 3. Դատարանի իրավական վերլուծությունը. Դատաքննությամբ բազմակողմանի և օբյեկտիվ ստուգելով գործով ձեռք բերված ապացույցները, դրանք միմյանց հետ համադրելով և դրանք գնահատելով իրենց վերաբերելիության, թույլատրելիության և իրենց համակցությամբ` գործի լուծման համար բավարարության տեսանկյունից և հիմնված ներքին համոզմամբ, դատարանը գտնում է, որ ամբաստանյալ Մովսես Միհրանյանի մեղքը ՀՀ քրեական օրենսգրքի 177-րդ հոդվածի 2-րդ մասի 1-ին կետով նախատեսված հանցագործություն կատարելու մեջ հիմնավորված է և նա պետք է ենթարկվի քրեական պատասխանատվության ու նշված հոդվածի սանկցիայով պետք է պատիժ նշանակվի։ Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունը մեղմացնող ու ծանրացնող հանգամանքները։ Դրանք բնութագրում են հանցավորի անձնավորությունն ու կատարված հանցագործության հանրային վտանգավորության աստիճանը, հնարավորություն են տալիս կոնկրետ գործով անհատական մոտեցում ցուցաբերելով` որոշել նշանակվող պատժի տեսակն ու չափը և լուծել այն կրելու նպատակահարմարության հարցը։ Այս առումով դատարանը գտնում է, որ կոնկրետ դեպքով և ամբաստանյալ Մովսես Ռաֆիկի Միհրանյանի նկատմամբ պատասխանատվությունը ծանրացնող հանգամանքներ առկա չեն։ Ամբաստանյալի նախկին դատվածությունը մարված է, այն չի կարող ռեցիդիվ առաջացնել։ Իսկ հանցանքը խմբի կազմում կատարելը ՀՀ քր. օր-ի 63-րդ հոդվածի 4-րդ մասի հիմքով չի կարող ծանրացուցիչ հանգամանք դիտվել, քանի որ այն հանցագործությունը ՀՀ քր. օր-ի 177 հոդվածի 2-րդ մասով որակելու համար քրեաիրավական հատկանիշ է։ Որպես մեղմացուցիչ հանգամանք դատարանը գնահատում է այն, որ ամբաստանյալի խնամքին է գտնվում նրա զառամյալ հայրը, որն այլ խնամող չունի, ինչպես նաև այն, որ ամբաստանյալը տուժողին պատճառված վնասը հատուցելու համար տուժողին է հանձնել 75.000 ՀՀ դրամ։ ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում քննարկելով հարցը, այն է` պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել հանցագործությունները, դատարանը գտնում է, որ անհրաժեշտ է գործով ամբաստանյալ Մովսես Միհրանյանի նկատմամբ նշանակել այնպիսի պատիժ, որը բխում է ՀՀ քրեական օրենսգրքի 10-րդ և 61-րդ հոդվածներից, այն է` արդարադատության արդյունավետության շահերից և պատասխանատվության անհատականացման սկզբունքից, որն անհրաժեշտ և բավարար է անձին ուղղելու և նրա կողմից նոր հանցանք կատարելը կանխելու համար։ Գնահատելով վերոշարադրյալը, դատարանը տվյալ գործով անհատական մոտեցում ցուցաբերելով, պատժի տեսակը և չափը որոշելիս և այն կրելու նպատակահարմարության հարցը լուծելիս հանգում է այն հիմնավոր եզրակացության, որ ամբաստանյալ Մովսես Միհրանյանի նկատմամբ որպես պատիժ անհրաժեշտ է նշանակել ազատազրկում։ Իրեղեն ապացույց ճանաչված տեսագրության սկավառակն անհրաժեշտ է պահպանել քրեական գործում։ Ամբաստանյալ Մովսես Միհրանյանի նկատմամբ որպես խափանման միջոց ընտրված չհեռանալու մասին ստորագրությունն անհրաժեշտ է փոխել և որպես խափանման միջոց ընտրել կալանավորումը։ Հիմք ընդունելով վերոգրյալը և ղեկավարվելով ՀՀ քրեական դատավարության օրենսգրքի 357-358, 360, 365, 368-372-րդ հոդվածներով, դատարանը. Վ Ճ Ռ Ե Ց Ամբաստանյալ Մովսես Ռաֆիկի Միհրանյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին կետով նախատեսված հանցանքը կատարելու մեջ և նշված հոդվածի սանկցիայով նշանակել քրեական պատիժ` ազատազրկում 3 (երեք) տարի 6 (վեց) ամիս ժամկետով։ Ամբաստանյալ Մովսես Միհրանյանի նկատմամբ ընտրված խափանման միջոց չհեռանալու մասին ստորագրությունը փոխել, որպես խափանման միջոց ընտրել կալանավորումը և Մովսես Ռաֆիկի Միհրանյանին կալանավորել դատական նիստերի դահլիճից։ Նշանակված պատժի սկիզբը հաշվել 2010թ-ի մարտի 23-ից։ Դատապարտյալ Գեղամ Հարությունի Վաղարշակյանից հօգուտ տուժող Նարինե Գարսիկի Սիմոնյանի բռնագանձել 76.000 (յոթանասունվեց հազար) ՀՀ դրամ գումար, որպես քաղ. հայցի չհատուցված մաս։ Ամբաստանյալ Մովսես Ռաֆիկի Միհրանյանի մասով քաղ. հայցի հարցը համարել լուծված՝ տուժող Նարինե Սիմոնյանին 75.000 (յոթանասունհինգ հազար) ՀՀ դրամ գումարը փոխհատուցելու պատճառով։ Իրեղեն ապացույց ճանաչված՝ «Հայէկոնոմբանկից» ստացված տեսագրությունների սկավառակը թողնել քրեական գործում։ Դատավարության մասնակիցների կողմից դատավճիռը կարող է բողոքարկվել ՀՀ քրեական վերաքննիչ դատարան՝ հրապարակման պահից մեկամսյա ժամկետում։ ԴԱՏԱՎՈՐ Վ. Թ. ԳՐԻԳՈՐՅԱՆ |
|---|---|
| Դատական ակտի ամսաթիվը | 23-03-2010 |
Դատավճռի, որոշման կատարում
| Ամսաթիվ | 26-04-2010 |
|---|
Գործը հանձնվել է գրասենյակ
| Գործը հանձնվել է գրասենյակ | 27-04-2010 |
|---|---|
| Էջերի քանակ | 1-հատորը՝ 192 թերթից, 2-րդ հարտոը՝ 75 թերթից։ |
Գործը հանձնվել է դատարանի արխիվ
| Ամսաթիվ | 06-05-2010 |
|---|---|
| Էջերի քանակը | 1-հատորը՝ 192 թերթից, 2-րդ հարտոը՝ 75 թերթից |