Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0007/01/10
2010թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Ք. ԱԼԵՔՍԱՆՅԱՆ
ՄԵՂԱԴՐՈՂ-ԴԱՏԱԽԱԶ՝ Վ.ՄՈւՐԱԴՅԱՆ
ՊԱՇՏՊԱՆ` ՅՈւ. ԽԱՉԱՏՐՅԱՆ
ԹԱՐԳՄԱՆԻՉ` Ա. ԽԱՆԻԿՅԱՆ


2010թ. Մայիսի «03»-ին, Երևան քաղաքում.
Դռնբաց դատական նիստում քննեց քրեական գործն ըստ մեղադրանքի՝ Գարուշ Վարազդատի Բարսեղյանի /ծնված՝ 02.01.1964թ. ՀՀ Արագածոտնի մարզի Բազմաղբյուր գյուղում, ազգությամբ հայ, Հայաստանի Հանրապետության քաղաքացի, բարձրագույն կրթությամբ, ամուսնալուծված, խնամքին երկու անձ, աշխատել է ՀՀ ԱՆ «Նուբարաշեն» քրեակատարողական հիմնարկի ցմահ դատապարտյալների պահպանության բաժնում, որպես գլխավոր մասնագետ, արդարադատության կապիտան, նախկինում չդատապարտված, վատառողջ, բնակվել է ՀՀ Արագածոտնի մարզի Բազմաղբյուր գյուղում, ներկայումս ՀՀ ԱՆ «Վարդաշեն» քրեակատարողական հիմնարկության կալանավոր/։
Սույն գործով արգելանքի տակ է 25.11.2009թ-ից։
Մեղադրվում է ՀՀ Քր. օր-ի 266 հոդվածի 2-րդ մասի 2-րդ, 21-ին, 3-րդ կետերով և 308 հոդվածի 1-ին մասով։
Անդրոնիկ Գեորգիի Թորոսյանի /ծնված՝ 16.02.1978թ. Վրաստանի Հանրապետության Թբիլիսի քաղաքում, ազգությամբ հայ, Վրաստանի Հանրապետության քաղաքացի, միջնակարգ կրթությամբ, ամուսնացած, խնամքին երկու անձ, չի աշխատել, նախկինում դատապարտված /1) 01.02.1999թ. Վրաստանի Հանրապետության /այսուհետ` ՎՀ/ քր. օր-ի 92 հոդ-ի 2-րդ մասով դատապարտվել է ազատազրկման 3 /երեք/ տարի ժամկետով, 2) 04.06.2003թ. ՎՀ քր. օր-ի 181 հոդ-ի 2-րդ մասի «ա» և «բ» կետերով դատապարտվել է ազատազրկման 1 /մեկ/ տարի, 6 /վեց/ ամիս ժամկետով, 3) 23.06.2004թ. ՎՀ քր. օր-ի 273 հոդ-ով դատապարտվել է ազատազրկման 6 /վեց/ ամիս ժամկետով, 4) Երևանի Կենտրոն և Նորք-Մարաշ համայնքների առաջին ատյանի դատարանի 04.06.2007թ. դատավճռով ՀՀ քր. օր-ի 104 հոդ-ի 2-րդ մասի 7-րդ, 8-րդ կետերով, 222 հոդ-ի 1-ին մասով, 235 հոդ-ի 1-ին մասով, 215 հոդ-ի 2-րդ մասով դատապարտվել է ցմահ ազատազրկման, ՀՀ Վերաքննիչ քրեական դատարանի 21.11.2007թ. որոշմամբ 04.06.2007թ. դատավճիռը թողնվել է անփոփոխ/, ֆիզիկապես առողջ, հաշվառված է եղել ՎՀ Թբիլիսի քաղաքի, Վարկեթիլի 3-րդ թաղամասի, 4-րդ միկրոշրջանի, 410 մասնաշենքի, թիվ 42 բնակարանում, փաստացի բնակվել է ՎՀ Թբիլիսի քաղաքի Ցիտելցկարոյի 1-ին նրբանցքի, թիվ 9 հասցեի տանը, ներկայումս ՀՀ ԱՆ «Նուբարաշեն» քրեակատարողական հիմնարկության ցմահ ազատազրկման դատապարտված դատապարտյալ/։
Սույն գործով խափանման միջոց չի կիրառվել։
Մեղադրվում է ՀՀ Քր. օր-ի 268 հոդվածի 2-րդ մասի 1-ին կետով և 34-268 հոդվածի 2-րդ մասի 1-ին և 2-րդ կետերով։


1. Գործի դատավարական նախապատմությունը


Գարուշ Բարսեղյանի կողմից պաշտոնեական լիազորությունները չարաշահելու միջոցով դատապարտյալներին թմրամիջոցներ իրացնելու դեպքի առթիվ 25.11.2009թ. ՀՀ հատուկ քննչական ծառայությունում ՀՀ Քրեական օրենսգրքի 266 հոդվածի 2-րդ մասի 2-րդ կետով և 308 հոդվածի 1-ին մասով քրեական գործ է հարուցվել։
27.11.2009թ. որոշմամբ Գարուշ Վարազդատի Բարսեղյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 266 հոդվածի 2-րդ մասի 2-րդ և 3-րդ կետերով, 308 հոդվածի 1-ին մասով։
28.12.2009թ. որոշմամբ Գարուշ Վարազդատի Բարսեղյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ Քրեական օրենսգրքի 266 հոդվածի 2-րդ մասի 2-րդ, 21–ին և 3-րդ կետով և 308 հոդվածի 1-ին մասով, որով և 28.12.2009թ. որոշմամբ ներգրավվել է որպես մեղադրյալ։ Գարուշ Վարազդատի Բարսեղյանին մեղադրանք է առաջադրվել այն բանի համար, որ նա. «Աշխատելով ՀՀ ԱՆ «Նուբարաշեն» քրեակատարողական հիմնարկի ցմահ դատապարտյալների պահպանության բաժնի գլխավոր մասնագետի պաշտոնում, հանդիսանալով պաշտոնատար անձ, չարաշահելով պաշտոնեական լիազորությունները և դրանք ծառայության շահերին հակառակ օգտագործելով, անձնական շահագրգռվածությունից ելնելով, նախնական համաձայնության է եկել ՔԿՀ-ում պատիժ կրող դատապարտյալ Անդրոնիկ Թորոսյանի հետ և վերջինիս թմրամիջոցներ իրացնելու նպատակով 2009թ. հոկտեմբեր-նոյեմբեր ամիսներին Աշտարակ քաղաքում, մի քանի դեպքով, քննությամբ չպարզված անձից ձեռք է բերել զգալի չափի` 5-ական գրամ քաշով «մարիխուանա» տեսակի թմրամիջոց, հոգեմետ նյութեր և դրանք իրացրել Անդրոնիկ Թորոսյանին, ինչի դիմաց, որպես վարձավճար ստացել է ընդհանուր` 22.000 ՀՀ դրամ գումար։
Բացի այդ` 2009թ. նոյեմբերի «23»-ին և «24»-ին Գարուշ Բարսեղյանն Աշտարակում, քննությամբ չպարզված անձից, կրկին անգամ ապօրինի ձեռք է բերել ու պահել է խոշոր չափի` 0,0186 գրամ քաշով «բուպրենորֆին» տեսակի թմրամիջոց, խոշոր չափի` 0,402 գրամ քաշով «ացետիլացված ափիոն» տեսակի թմրամիջոց և զգալի չափի` 1,983 գրամ քաշով «մարիխուանա» տեսակի թմրամիջոց։ Այնուհետև, հաջորդ օրը` նոյեմբերի «25»-ին, ապօրինի ձեռք բերած` վերը նշված թմրամիջոցները Գարուշ Բարսեղյանը թացրել է համազգեստի փողկապի մեջ և Անդրոնիկ Թորոսյանին իրացնելու նպատակով փորձել է փոխադրել «Նուբարաշեն» ՔԿՀ-ի տարածք, սակայն ՀՀ ԱԱԾ աշխատակիցները նույն պահին դրանք նրա մոտից հայտնաբերել և առգրավել են։ Գարուշ Բարսեղյանի վերը նկարագրված արարքների հետևանքով հեղինակազրկվել և խաթարվել է քրեակատարողական ոլորտում պետական մարմինների բնականոն գործունեությունը` դրանով իսկ պետության օրինական շահերին պատճառվել է էական վնաս»։
07.12.2009թ. որոշմամբ Անդրոնիկ Գեորգիի Թորոսյանը ներգրավվել է, որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 34-268 հոդվածի 2-րդ մասի 1-ին և 2-րդ կետերով նախատեսված հանցագործություն կատարելու համար։
29.12.2009թ. որոշմամբ Անդրոնիկ Գեորգիի Թորոսյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ Քրեական օրենսգրքի 268 հոդվածի 2-րդ մասի 1-ին կետով և 34-268 հոդվածի 2-րդ մասի 1-ին և 2-րդ կետերով, որով և 29.12.2009թ. որոշմամբ ներգրավվել է որպես մեղադրյալ։ Անդրոնիկ Թորոսյանին մեղադրանք է առաջադրվել այն բանի համար, որ նա. «Դատապարտված լինելով ցմահ ազատազրկման և պատիժը կրելով «Նուբարաշեն» քրեակատարողական հիմնարկում, առանց իրացնելու նպատակի` գործածելու համար, կրկին անգամ ձեռք է բերել զգալի չափի թմրամիջոց, այնուհետև ապօրինի թմրամիջոց օգտագործելու նպատակով փորձել է ձեռք բերել խոշոր չափի թմրամիջոց։ Այսպես` 2009թ. հոկտեմբեր-սեպտեմբեր ամիսներին Անդրոնիկ Թորոսյանը հանցավոր համաձայնության է եկել ՀՀ ԱՆ «Նուբարաշեն» քրեակատարողական հիմնարկի ցմահ դատապարտյալների պահպանության բաժնի գլխավոր մասնագետ Գարուշ Բարսեղյանի հետ, որպեսզի վերջինս գործով չպարզված իր ծանոթից Աշտարակ քաղաքում ձեռք բերի թմրամիջոց և վարձավճարի դիմաց իրացնի իրեն։ 2009թ. հոկտեմբեր-նոյեմբեր ամիսներին Աշտարակ քաղաքում Գարուշ Բարսեղյանը գործով չպարզված անձից ձեռք է բերել և մի քանի դեպքով Անդրոնիկ Թորոսյանին իրացրել զգալի չափի` 5-ական գրամ «մարիխուանա» տեսակի թմրամիջոց և հոգեմետ նյութեր։
Բացի այդ 2009թ. նոյեմբերի «23»-ին` ժամը «22»-ի սահմաններում, Աշտարակում, ըստ նախնական պայմանավորվածության, Գարուշ Բարսեղյանն Անդրոնիկ Թորոսյանի` գործով չպարզված ընկերոջից Անդրոնիկ Թորոսյանին իրացնելու նպատակով կրկին անգամ ապօրինի ձեռք է բերել և իր մոտ պահել խոշոր չափի` 0,0186 գրամ քաշով «բուպրենորֆին» տեսակի թմրամիջոց։ Հաջորդ օրը` նոյեմբերի «24-ին, ժամը «22»-ի սահմաններում, դարձյալ Աշտարակում նույն անձից և նույն նպատակով Գարուշ Բարսեղյանն ապօրինի ձեռք է բերել խաշոր չափի` 0,402 գրամ քաշով «ացետիլացված ափիոն» տեսակի թմրամիջոց և զգալի չափի` 1,983 գրամ քաշով «մարիխուանա» տեսակի թմրամիջոց։ Այնուհետև` նոյեմբերի «25»-ին, ապօրինի ձեռք բերված վերը նշված թմրամիջոցները Գարուշ Բարսեղյանը թաքցրել է համազգեստի փողկապի մեջ և Անդրոնիկ Թորոսյանին իրացնելու նպատակով փորձել է փոխադրել «Նուբարաշեն» ՔԿՀ-ի տարածք, սակայն ՀՀ ԱԱԾ աշխատակիցները նույն պահին դրանք նրա մոտից հայտնաբերել և առգրավել են, այդ հանգամանքից ելնելով, իր կամքից անկախ` Անդրոնիկ Թորոսյանը չի կարողացել հանցագործությունը հասցնել ավարտին ու կրկին անգամ ապօրինի ձեռք բերել խոշոր չափի` 0,0186 գրամ քաշով «բուպրենորֆին» տեսակի, խոշոր չափի` 0,402 գրամ քաշով «ացետիլացված ափիոն» տեսակի և զգալի չափի` 1,983գրամ քաշով «մարիխուանա» տեսակի թմրամիջոցները»։
Քրեական գործն ըստ մեղադրանքի Գարուշ Վարազդատի Բարսեղյանի` ՀՀ Քրեական օրենսգրքի 266 հոդվածի 2-րդ մասի 2-րդ, 21–ին 3-րդ կետով, 308 հոդվածի 1-ին մասով և Անդրոնիկ Գեորգիի Թորոսյանի` ՀՀ Քրեական օրենսգրքի 268 հոդվածի 2-րդ մասի 1-ին կետով և 34-268 հոդվածի 2-րդ մասի 1-ին և 2-րդ կետերով 12.01.2010թ. կազմված և 13.01.2010թ. հաստատված մեղադրական եզրակացությամբ 18.01.2010թ. ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Ապացույցների հետազոտում և գնահատում




Վերլուծելով ու գնահատելով դատաքննության ընթացքում հետազոտված ապացույցները՝ գործի հանգամանքների, մեղադրանքի ապացուցվածության և ամբաստանյալների մեղավորության մասին, դատարանն եկավ հետևության, որ արարքները, որոնց կատարման մեջ մեղադրվում են ամբաստանյալներն՝ ապացուցված է։
Դատարանի հետևությունները հիմնված են դատաքննությամբ հետազոտված հետևյալ ապացույցների վրա։
Ամբաստանյալ Գարուշ Վարազդատի Բարսեղյանի դատաքննական ցուցմունքով այն մասին, որ նախաքննության ընթացքում իր տված ցուցմունքները պնդում է մասնակի` չի ընդունում թմրամիջոցները շահադիտական նպատակներով իրացնելու մասը, մնացած մասով տված ցուցմունքները խնդրեց դատարանին հիմք ընդունել, որոնցով հայտնել էր, որ 2009թ. հոկտեմբեր-նոյեմբեր ամիսներին, ընդհանուր առմամբ հինգ անգամ, դատապարտյալ Անդրոնիկ Թորոսյանի առաջարկով և նրա ցուցումներով Աշտարակ քաղաքում տարբեր տաքսու վարորդներից թմրամիջոցներ է վերցրել։ Երեք անգամ իրեն հանձնված թմրամիջոցները փոխանցել է Անդրոնիկ Թորոսյանին, սակայն վերջին երկու անգամները` 2009թ. նոյեմբերի «23»-ին և «24»-ին վերցրածներն Անդրոնիկ Թորոսյանին չի կարողացել փոխանցել, քանի որ դրանք իր անձնական խուզարկության ընթացքում հայտնաբերվել են ՀՀ ԱԱԾ աշխատակիցների կողմից։ Ամբաստանյալ Գ.Բարսեղյանն առանց գումարային շահագրգռվածության թմրամիջոցներ իրացնելու մեջ իրեն լիովին մեղավոր ճանաչեց և զղջաց։
Ամբաստանյալ Անդրոնիկ Գեորգիի Թորոսյանը դատաքննությամբ հրաժարվեց քրեական գործի վարույթին ներգրավված հանրային պաշտպանից և հայտարարեց, որ իր շահերի պաշտպանությունը կիրականացնի անձամբ, իսկ դատաքննական ցուցմունքով հայտնեց, որ թմրամիջոցներ ստանալու նպատակով փոխադարձ համաձայնության է եկել Գարուշ Բարսեղյանի հետ և նրա միջոցով մի քանի անգամ թմրամիջոցներ է ստացել։ Վերջին անգամ` 2009թ. նոյեմբերի «25»-ին, ևս պետք է թմրամիջոց ստանար, սակայն չի ստացել, քանի որ դրանք Գարուշ Բարսեղյանի մոտից հայտաբերել և առգրավել են։
Վկա` Արսեն Վարդանի Մանուկյանի ցուցմունքով այն մասին, որ ամբաստանյալներից Գարուշ Բարսեղյանն իր մորեղբայրն է, ով 2009թ. նոյեմբերի «16»-ին, ժամը «21-22»-ի սահմաններում զանգահարել է իր բջջային հեռախոսին և խնդրել է Աշտարակ քաղաքի հանրախանութի մոտ սպասող սպիտակ ավտոմեքենայի վարորդից իր համար նախատեսված փաթեթը վերցնի և բերի իրեն` Բազմաղբյուր գյուղ։ Ինքը կատարել է մորեղբոր խնդրանքը և վերցնելով փաթեթն այն փոխանցել է վերջինիս` առանց իմանալու դրա պարունակության մասին։
Անձնական խուզարկության ենթարկելու մասին արձանագրությամբ այն մասին, որ 2009թ. նոյեմբերի «25»-ին ՀՀ ԱՆ «Նուբարաշեն» ՔԿՀ անձնական խուզարկության ենթարկված ՀՀ ԱՆ «Նուբարաշեն» ՔԿՀ ցմահ դատապարյալների պահպանության բաժնի գլխավոր մասնագետ, արդարադատության կապիտան Գարուշ Վարազդատի Բարսեղյանի զինվորական համազգեստի փողկապի օձիքի կապի մեջ հայտնաբերվել է երեք տարբեր չափի` մոտ 1 գրամ սպիտակագորշ փոշի, փաթեթավորված սպիտակ պոլիէթիլենային թաղանթով, մոտ 3 գրամ կանաչ գույնի զանգված` փաթեթավարված ֆոլգայի մեջ, 3 հատ սպիտակ գույնի հաբ` B-8, փաթեթավորված կապույտ գույնի պոլիէթիլենային թաղանթով։
Նյութագիտական փորձաքննության թիվ 09-2466 եզրակացությամբ այն մասին, որ փորձաքննության ներկայացված սպիտակ գույնի, թվով երկու ամբողջական դեղահաբերում և թվով մեկ դեղահաբի կտորում առկա է բուպրենորֆին թմրաակտիվ բաղադրատարր, որի ընդհանուր պարունակությունը կազմում է 0,0186 գրամ /յուրաքանչյուր ամբողջական դեղահաբում` 0,008 գրամ, մեկ կոտրված դեղահաբի կտորում` 0,0026 գրամ/, բաց բեժ գույնի, յուրահատուկ հոտով փոշենման զանգվածն իրենից ներկայացնում է 0,402 գրամ մաքուր քաշով «ացետիլացված ափիոն», խցանի տեսքով, կանաչ գույնի չոր բուսական զանգվածը հանդիսանում է 1,983 գրամ մաքուր քաշով «մարիխուանա»։
Տոքսիկոքիմիական փորձաքննության թիվ 09-2693 եզրակացությամբ այն մասին, որ Անդրոնիկ Գեորգիի Թորոսյանից վերցված մեզի փորձանմուշների մեջ հայտնաբերվել են ափիոն և կանաբինոիդների խմբին պատկանող թմրամիջոցի թմրալկալոիդներ, իսկ մազի փորձանմուշի մեջ հայտնաբերվել է ափիոիդների շարքի բուպրենորֆին տեսակի թմրամիջոցի հետքեր, որոնց օգտագործման ժամանակահատվածը համապատասխանում է մոտ 1 /մեկ/ ամսվա վաղեմության։
Համակարգչատեխնիկական փորձաքննության թիվ 09-2523 եզրակացությամբ այն մասին, որ փորձաքննությանը ներկայացված «SAMSUNG» SGH-X530 մակնիշի բջջային հեռախոսի հիշողության մեջ գործածողի կողմից ստեղծված և գործի հետ առնչություն ունեցող ֆայլեր չեն հայտնաբերվել։
- Փորձաքննությանը ներկայացված «MOTOROLA W220» մակնիշի բջջային հեռախոսի հիշողության մեջ առկա է գործածողի կողմից ստեղծված և գործի հետ առնչություն ունեցող թվով 3 /երեք/ ֆայլ։
- Փորձաքննությանը ներկայացված «SAMSUNG» SGH-E200 մակնիշի բջջային հեռախոսի հիշողության մեջ առկա է գործածողի կողմից ստեղծված և գործի հետ առնչություն ունեցող թվով 5 /հինգ/ ֆայլ։ Փորձաքննությանը ներկայացված «SAMSUNG» SGH-E200 մակնիշի բջջային հեռախոսի հիշողության քարտում առկա են գործածողի կողմից ստեղծված և գործածողի կողմից նախկինում ստեղծված և ջնջված, գործի հետ առնչություն ունեցող թվով 71 /յոթանասունմեկ/ ֆայլ։
- Փորձաքննությանը ներկայացված «SAMSUNG» SGH-E740 մակնիշի բջջային հեռախոսի հիշողության մեջ առկա է գործածողի կողմից ստեղծված և գործի հետ առնչություն ունեցող թվով 37 /երեսունյոթ/ ֆայլ։ Փորձաքննությանը ներկայացված «SAMSUNG» SGH-E740 մակնիշի բջջային հեռախոսի հիշողության քարտում առկա են գործածողի կողմից ստեղծված և գործածողի կողմից նախկինում ստեղծված և ջնջված, գործի հետ առնչություն ունեցող թվով 76 /յոթանասունվեց/ ֆայլ։
- Փորձաքննությանը ներկայացված «NOKIA» 6300 մակնիշի բջջային հեռախոսի հիշողության մեջ առկա է գործածողի կողմից ստեղծված և գործի հետ առնչություն ունեցող թվով 1 /մեկ/ ֆայլ։ Փորձաքննությանը ներկայացված «NOKIA» 6300 մակնիշի բջջային հեռախոսի հիշողության քարտում առկա են գործածողի կողմից ստեղծված և գործածողի կողմից նախկինում ստեղծված և ջնջված, գործի հետ առնչություն ունեցող թվով 148 /մեկ հարյուր քառասունութ/ ֆայլ։
Տեսաձայնագրային փորձաքննության թիվ 45480901/06/ եզրակացությամբ այն մասին, որ փորձաքննությանը տրամադրված «imation» ֆիրմային արտադրության լազերային սկավառակի (սերիական համարը` 7274 125 M B 43757) և «TDK» ֆիրմային արտադրության լազերային սկավառակի (սերիական համարը` LH3121 LK0730519 D1) վրա ձայնագրված խոսակցությունները` ընդհանուր համակցության մեջ, պիտանի են նույնացմանն ուղղված հետազոտություններ անցկացնելու համար։ «imation» ֆիրմային արտադրության լազերային սկավառակի վրա առկա` /093/09-16-13 հեռախոսահամարի և /094/26-29-26; /077/81-51-43; /098/51-80-03; /077/55-51-32 հեռախոսահամարների միջև կայացած խոսակցություններին /թվով 16 ֆայլ/ մասնակցում են Գարուշ Բարսեղյանը և Անդրոնիկ Թորոսյանը։ «imation» ֆիրմային արտադրության լազերային սկավառակի մնացած` թվով 30 ֆայլերի,ձայնագրված հեռախոսային խոսակցությունների մասնակիցներից մեկի ձայնը /բանավոր խոսք/ պատկանում է Գարուշ Բարսեղյանին։ «TDK» ֆիրմային արտադրության լազերային սկավառակի վրա առկա /099/77-59-29 բջջային հեռախոսահամարի հետ ձայնագրված թվով ինը խոսակցությունների մասնակիցներից մեկի ձայնը /բանավոր խոսքը/ պատկանում է Անդրոնիկ Թորոսյանին։
Ապացույց ճանաչված 2009թ. դեկտեմբերի «14»-ին «Վիվասել» ՓԲԸ-ից ստացված «Verbatim, CD-R, 700MBMO, 52x speed vitess, 80 min» գրառումներով լազերային սկավառակով և դրանում պարունակվող տվյալներից կատարված քաղվածքով` 6 թերթից, /093/09-16-13 հեռախոսահամարից կայացած խոսակցությունների TDK-80 ձայներիզով ձայնագրառումներով և 25 թերթից թղթային տարբերակով, իրեղեն ապացույցներ ճանաչված` անձնական խուզարկությամբ Գարուշ Բարսեղյանի մոտից հայտնաբերված խոշոր չափի` 0,0186 գրամ քաշով «բուպրենորֆին» տեսակի թմրամիջոցով, խոշոր չափի` 0,402 գրամ քաշով «ացետիլացված ափիոն» տեսակի թմրամիջոցով և զգալի չափի` 1,983 գրամ քաշով «մարիխուանա» տեսակի թմրամիջոցով, Գարուշ Բարսեղյանի մոտից առգրավված «SAMSUNG-E200» տեսակի, 357948/01/084858/7 գործարանային համարով հեռախոսով, որի մեջ տեղադրված է եղել /093/09-16-13 հեռախոսահամարը, վերջինիս պատկանող «MOTOROLA W200» տեսակի բջջային հեռախոսով IMEI։ 353006-639433-0, որում տեղադրված է եղել /094/73-10-08 հեռախոսահամարը, ՀՀ ԱՆ «Նուբարաշեն» ՔԿՀ թիվ 93 խցում կատարված խուզարկությամբ հայտնաբերված և առգրավված «SAMSUNG» SGH-X530 մոդելի բջջային հեռախոսով։ IMEI։ 354710/01/117114/3, «ԱԼՈ» բաժանորդային քարտով, որի համարն է 8937493305000981094, «SAMSUNG» SGH-E740 մոդելի բջջային հեռախոսով, IMEI։ 354876/01/467249/8, 8937493308014197681 համարի «ԱԼՈ» բաժանորդային քարտով, «NOKIA» 6300 մոդելի բջջային հեռախոսով, IMEI։ 353511/02/424391/6, «ԱԼՕ» բաժանորդային քարտով, որի համարն է 8937493208008500330, 8937493309019384449 համարի բաժանորդային քարտով։

3. Դատարանի իրավական վերլուծությունը


ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։ ՀՀ Քրեական օրենսգրքի 266 հոդվածի 1-ին մասի համաձայն հանցագործություն է համարվում` իրացնելու նպատակով թմրամիջոցներ, հոգեմետ նյութեր ապoրինի պատրաuտելը, վերամշակելը, ձեռք բերելը, պահելը, փոխադրելը, առաքելը կամ դրանք ապoրինի իրացնելը, իսկ նույն հոդվածի 2-րդ մասի 2-րդ, 21-ին և 3-րդ կետերի համաձայն հանցագործություն են համարվում` նույն արարքները, որոնք կատարվել են` խոշոր չափերով, կրկին անգամ և ազատազրկման կամ կալանքի ձևով պատիժը կրելու վայրերում կամ կալանավորվածներին պահելու վայրերում։
ՀՀ Քրեական օրենսգրքի 308 հանցագործություն է համարվում` պաշտոնատար անձի կողմից իր պաշտոնեական դիրքը ծառայության շահերին հակառակ oգտագործելը կամ ծառայողական պարտականությունները չկատարելը` շահադիտական, անձնական այլ շահագրգռվածությունից կամ խմբային շահերից ելնելով, որն էական վնաu է պատճառել անձանց, կազմակերպությունների իրավունքներին ու oրինական շահերին, հաuարակության կամ պետության oրինական շահերին (գույքային վնաuի դեպքում` հանցագործության պահին uահմանված նվազագույն աշխատավարձի հինգհարյուրապատիկի չափը գերազանցող գումարը կամ դրա արժեքը)։
ՀՀ Քրեական օրենսգրքի 268 հոդվածի 1-ին մասի համաձայն հանցագործություն է համարվում` առանց իրացնելու նպատակի զգալի չափերով թմրամիջոցներ կամ հոգեմետ նյութեր ապoրինի պատրաuտելը, վերամշակելը, ձեռք բերելը, պահելը, փոխադրելը կամ առաքելը։ Նույն հոդվածի 2-րդ մասին 1-ին և 2-րդ կետի համաձայն հանցագործություն է համարում նույն արարքը, որը կատարվել է կրկին անգամ և խոշոր չափերով։
ՀՀ Քրեական օրենսգրքի 34 հոդվածի համաձայն` հանցափորձ է համարվում ուղղակի դիտավորությամբ կատարված այն գործողությունը (անգործությունը), որն անմիջականորեն ուղղված է հանցանք կատարելուն, եթե հանցագործությունն ավարտին չի հաuցվել անձի կամքից անկախ հանգամանքներով։
Այսպիսով, դատարանը գտնում է, որ Գարուշ Վարազդատի Բարսեղյան կատարել է արարքներ, որոնք նախատեսված են ՀՀ Քրեական օրենսգրքի 266 հոդվածի 2-րդ մասի 2-րդ, 21-ին, 3-րդ կետերով և 308 հոդվածի 1-ին մասով, իսկ Անդրոնիկ Գեորգիի Թորոսյանը կատարել է արարքներ, որոնք նախատեսված են ՀՀ Քրեական օրենսգրքի 268 հոդվածի 2-րդ մասի 1-ին կետով և 34-268 հոդվածի 2-րդ մասի 1-ին և 2-րդ կետերով որոնցով և պետք է ենթարկվեն քրեական պատասխանատվության։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալներից Գարուշ Բարսեղյանը նախկինում արատավորված չի եղել, բնութագրվում է դրականորեն, վատառողջ է` տառապել է 12-մատնյա աղու խոցային, սուր կոմպենսացված ստենոզ, կախոքսիա հիվանդությամբ, ըստ Բիլռոդ 2-ի ենթարկվել է ստամոքսի 2/3-ի մասնահատման, ստամոքսահաստաղիքային և իրանային անաստամոզներով, որովայնի խոռոչի դրենավորման, խնամքին են գտնվում թոշակառու մայրը և դուստրը, դատարանը գտնում է, որ ամբաստայալ Գարուշ Բարսեղյանի պատասխանատվությունը և պատիժը ծանրացնող հանգամանքները բացակայում են։ Դատարանը հաշվի է առնում, որ ամբաստանյալ Անդրոնիկ Թորոսյանն, ըստ իր հայտարարության, ամուսնացած է և խնամքին ունի երկու փոքրահասակ երեխա, վատառողջ է, դատարանն ամբաստանյալ Անդրոնիկ Թորոսյանի պատասխանատվությունը և պատիժը ծանրացնող հանգամանք է դիտում հանցանքը կատարելու առանձնապես վտանգավոր ռեցիդիվը, գործով այլ` պատասխանատվությունը և պատիժը ծանրացնող հանգամանքները բացակայում են։
Դատարանը վերոգրյալները հաշվի առնելով, գտնում է, որ ամբաստանյալ Գարուշ Բարսեղյանի նկատմամբ ՀՀ Քրեական օրենսգրքի 266 հոդվածի 2-րդ մասի 2-րդ, 21-ին, 3-րդ կետերով և 308 հոդվածի 1-ին մասով պետք է ազատազրկման ձևով պատիժ նշանակել, սակայն հաշվի առնելով, որ բացակայում է հանցագործությամբ պատճառված գույքային վնասը և հանցավոր ճանապարհով ձեռք բերված օգուտը, դատարանը գտնում է, որ ՀՀ Քրեական օրենսգրքի 266 հոդվածի 2-րդ մասի սանկցիայով նախատեսված լրացուցիչ` գույքի բռնագրավում պատիժը կիրառելու անհրաժեշտություն չկա։
Դատարանը գտնում է, որ Անդրոնիկ Թորոսյանի նկատմամբ պետք է ազատազրկման ձևով պատիժ նշանակել և նկատի ունենալով, որ վերջինս Երևանի Կենտրոն և Նորք-Մարաշ համայնքների առաջին ատյանի դատարանի 04.06.2007թ. թիվ 1-31 դատավճռով ՀՀ քրեական օրենսգրքի 104 հոդ-ի 2-րդ մասի 7-րդ, 8-րդ կետերով, 222 հոդ-ի 1-ին մասով, 235 հոդ-ի 1-ին մասով, 215 հոդ-ի 2-րդ մասով և 66 հոդվածի 4-րդ մասի կիրառմամբ դատապարտվել է ցմահ ազատազրկման, գտնում է, որ պետք է կիրառել ՀՀ քրեական օրենսգրքի 67 հոդվածի 6-րդ մասի դրույթը և Անդրոնիկ Թորոսյանի նկատմամբ նոր նշանակվող պատիժը կլանել նրա նկատմամբ նշանակված ցմահ ազատազրկմամբ։
Քննարկելով իրեղեն ապացույցների հարցը, դատարանը գտնում է, որ իրեղեն ապացույց ճանաչված 0,0186 գրամ քաշով «բուպրենորֆին» տեսակի թմրամիջոցը, խոշոր չափի` 0,402 գրամ քաշով «ացետիլացված ափիոն» տեսակի թմրամիջոցը և զգալի չափի` 1,983 գրամ քաշով «մարիխուանա» տեսակի թմրամիջոցը դատավճիռն օրինական ուժի մեջ մտնելուց հետո պետք է ոչնչացնել։
Քննարկելով ապացույցների հարցը, դատարանը գտնում է, որ ապացույց ճանաչված 2009թ. դեկտեմբերի «14»-ին «Վիվասել» ՓԲԸ-ից ստացված «Verbatim, CD-R, 700MBMO, 52x speed vitess, 80 min» գրառումներով լազերային սկավառակը և դրանում պարունակվող տվյալներից կատարված քաղվածքը` 6 թերթից, /093/09-16-13 հեռախոսահամարից կայացած խոսակցությունների TDK-80 ձայներիզով ձայնագրառումները և 25 թերթից թղթային տարբերակը պետք է թողնել քրեական գործում։
Դատարանը քննարկելով Գարուշ Բարսեղյանի մոտից և ՀՀ ԱՆ «Նուբարաշեն» ՔԿՀ թիվ 93 խցում կատարված խուզարկությամբ հայտնաբերված, առգրավված և իրեղեն ապացույցներ ճանաչված իրերի` բաժանորդային քարտերի և բջջային հեռախոսների հարցը և հաշվի առնելով, որ դրանք քրեակատարողական հիմնարկության ներքին կանոնակարգի համաձայն կարող են դատապարտյալներին հանձնելու համար արգելված առարկաներ հանդիսանալ, ուստի աննպատակահարմար համարելով դրանց վերադարձն ամբաստանյալներին գտնում է, որ` Գարուշ Բարսեղյանի մոտից առգրավված «SAMSUNG-E200» տեսակի, 357948/01/084858/7 գործարանային համարով հեռախոսը, որի մեջ տեղադրված է եղել /093/09-16-13 հեռախոսահամարը և «MOTOROLA W200» տեսակի բջջային հեռախոսը IMEI։ 353006-639433-0, որում տեղադրված է եղել /094/73-10-08 հեռախոսահամարը դատավճիռն օրինական ուժի մեջ մտնելուց հետո պետք է վերադարձնել նրա հարազատներին, իսկ ՀՀ ԱՆ «Նուբարաշեն» ՔԿՀ թիվ 93 խցում կատարված խուզարկությամբ հայտնաբերված և առգրավված «SAMSUNG» SGH-X530 մոդելի բջջային հեռախոսը` IMEI։ 354710/01/117114/3, «ԱԼՈ» բաժանորդային քարտով, որի համարն է 8937493305000981094, «SAMSUNG» SGH-E740 մոդելի բջջային հեռախոսը` IMEI։ 354876/01/467249/8, 8937493308014197681 համարի «ԱԼՈ» բաժանորդային քարտով, «NOKIA» 6300 մոդելի բջջային հեռախոսը` IMEI։ 353511/02/424391/6, «ԱԼՕ» բաժանորդային քարտով, որի համարն է 8937493208008500330 և 8937493309019384449 համարի բաժանորդային քարտը դատավճիռն օրինական ուժի մեջ մտնելուց հետո, հաշվի առնելով, որ Անդրոնիկ Թորոսյանը հանդիսանում է Վրաստանի Հանրապետության քաղաքացի, սակայն պատիժը կրում է Հայաստանի Հանրապետությունում և նրա հարազատների վերաբերյալ տեղեկատվություն դատարանի հայտնի չէ, ուստի դատարանը նպատակահարմար է գտնում այդ իրերը վերադարձնել Անդրոնիկ Գեորգիի Թորոսյանի կողմից լիազորված անձին։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360 հոդվածներով, դատարանը
Վ Ճ Ռ Ե Ց



Գարուշ Վարազդատի Բարսեղյանին մեղավոր ճանաչել ՀՀ Քրեական օրենսգրքի 266 հոդվածի 2-րդ մասի 2-րդ, 21-ին, 3-րդ կետերով և 308 հոդվածի 1-ին մասով։
ՀՀ Քրեական օրենսգրքի 266 հոդվածի 2-րդ մասի 2-րդ, 21-ին, 3-րդ կետերով դատապարտել ազատազրկման` 5 /հինգ/ տարի 6 /վեց/ ամիս ժամկետով` առանց գույքի բռնագրավման։
ՀՀ Քրեական օրենսգրքի հոդվածի 308 հոդվածի 1-ին մասով դատապարտել ազատազրկման` 1 /մեկ/ տարի ժամկետով։
ՀՀ Քրեական օրենսգրքի 66 հոդվածի 3-րդ մասի համաձայն պատիժները մասնակի գումարելու միջոցով վերջնական պատիժ նշանակել ազատազրկում 6 /վեց/ տարի ժամկետով` առանց գույքի բռնագրավման։
Պատժի սկիզբը հաշվել «25» նոյեմբերի 2009թ-ից։
Խափանման միջոց` կալանքը, թողնել անփոփոխ մինչև դատավճռի օրինական ուժի մեջ մտնելը։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։

Անդրոնիկ Գեորգիի Թորոսյանին մեղավոր ճանաչել ՀՀ Քրեական օրենսգրքի 268 հոդվածի 2-րդ մասի 1-ին կետով և 34-268 հոդվածի 2-րդ մասի 1-ին և 2-րդ կետերով։
ՀՀ Քրեական օրենսգրքի 268 հոդվածի 2-րդ մասի 1-ին կետով դատապարտել ազատազրկման` 1 /մեկ/ տարի ժամկետով։
ՀՀ Քրեական օրենսգրքի 34-268 հոդվածի 2-րդ մասի 1-ին և 2-րդ կետերով դատապարտել ազատազրկման` 9 /ինը/ ամիս ժամկետով։
ՀՀ Քրեական օրենսգրքի 66 հոդվածի 3-րդ մասի համաձայն պատիժները մասնակի գումարելու միջոցով վերջնական պատիժ նշանակել ազատազրկում 1 /մեկ/ տարի, 3 /երեք/ ամիս ժամկետով։
ՀՀ Քրեական օրենսգրքի 67 հոդվածի 6-րդ մասի կիրառմամբ, դատավճիռների համակցությամբ, նոր նշանակված պատիժը կլանել` Երևանի Կենտրոն և Նորք-Մարաշ համայնքների առաջին ատյանի դատարանի 04.06.2007թ. թիվ 1-31 դատավճռով նշանակված ցմահ ազատազրկման պատժով և վերջնական պատիժ նշանակել` ցմահ ազատազրկում։
Պատժի սկիզբը հաշվել «28» հունվարի 2006թ-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։

Դատավճիռն օրինական ուժի մեջ մտնելուց հետո իրեղեն ապացույց ճանաչված 0,0186 գրամ քաշով «բուպրենորֆին» տեսակի թմրամիջոցը, խոշոր չափի` 0,402 գրամ քաշով «ացետիլացված ափիոն» տեսակի թմրամիջոցը և զգալի չափի` 1,983 գրամ քաշով «մարիխուանա» տեսակի թմրամիջոցը` ոչնչացնել։
Ապացույց ճանաչված 2009թ. դեկտեմբերի «14»-ին «Վիվասել» ՓԲԸ-ից ստացված «Verbatim, CD-R, 700MBMO, 52x speed vitess, 80 min» գրառումներով լազերային սկավառակը և դրանում պարունակվող տվյալներից կատարված քաղվածքը` 6 թերթից, /093/09-16-13 հեռախոսահամարից կայացած խոսակցությունների TDK-80 ձայներիզով ձայնագրառումները և 25 թերթից թղթային տարբերակը` թողնել քրեական գործում։
Դատավճիռն օրինական ուժի մեջ մտնելուց հետո Գարուշ Բարսեղյանի մոտից հայտնաբերված և առգրավված «SAMSUNG-E200» տեսակի, 357948/01/084858/7 գործարանային համարով հեռախոսը, որի մեջ տեղադրված է եղել /093/09-16-13 հեռախոսահամարը և «MOTOROLA W200» տեսակի բջջային հեռախոսը IMEI։ 353006-639433-0, որում տեղադրված է եղել /094/73-10-08 հեռախոսահամարը` վերադարձնել Գարուշ Բարսեղյանի հարազատներին։
Դատավճիռն օրինական ուժի մեջ մտնելուց հետո ՀՀ ԱՆ «Նուբարաշեն» ՔԿՀ թիվ 93 խցում կատարված խուզարկությամբ հայտնաբերված և առգրավված «SAMSUNG» SGH-X530 մոդելի բջջային հեռախոսը` IMEI։ 354710/01/117114/3, «ԱԼՈ» բաժանորդային քարտով, որի համարն է 8937493305000981094, «SAMSUNG» SGH-E740 մոդելի բջջային հեռախոսը` IMEI։ 354876/01/467249/8, 8937493308014197681 համարի «ԱԼՈ» բաժանորդային քարտով, «NOKIA» 6300 մոդելի բջջային հեռախոսը` IMEI։ 353511/02/424391/6, «ԱԼՕ» բաժանորդային քարտով, որի համարն է 8937493208008500330 և 8937493309019384449 համարի բաժանորդային քարտը` վերադարձնել Անդրոնիկ Գեորգիի Թորոսյանի կողմից լիազորված անձին։
Դատավճիռն օրինական ուժի մեջ մտնելուց հետո վերացնել ՀՀ Հատուկ քննչական ծառայության հատկապես կարևոր գործերի քննիչ Գ.Գևորգյանի կողմից 11.01.2010թ. որոշմամբ Գարուշ Վարազդատի Բարսեղյանի գույքի վրա դրված կալանքը։
Դատավճիռը կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։




ԴԱՏԱՎՈՐ Ա. ՕՀԱՆՅԱՆ