Գործ հ. ԵԷԴ/0141/01/09

Ո Ր Ո Շ ՈՒ Մ
Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն

08 հունիսի 2010թ. ք.Երևան

Հայաստանի Հանրապետության վերաքննիչ քրեական դատարանը
/այսուհետª Վերաքննիչ դատարան/ հետևյալ կազմով`

ՆԱԽԱԳԱՀՈՂ ԴԱՏԱՎՈՐ` Ա.ՀՈՎՀԱՆՆԻՍՅԱՆ
ԴԱՏԱՎՈՐՆԵՐ` Ե.ԴԱՐԲԻՆՅԱՆ
Ս.ՉԻՉՈՅԱՆ
ՔԱՐՏՈՒՂԱՐՈՒԹՅԱՄԲ` Ա.ՄՈՒՐԱԴՅԱՆԻ
ՄԱՍՆԱԿՑՈՒԹՅԱՄԲ`
ՄԵՂԱԴՐՈՂ` Ա.ԲԵԳԻՆՅԱՆԻ
ՏՈՒԺՈՂ-ՔԱՂՀԱՅՑՎՈՐ` Հ.ԲԱԴԱԼՅԱՆԻ
ՊԱՇՏՊԱՆՆԵՐ` Հ.ԲԱՂԴԱՍԱՐՅԱՆԻ
Վ.ԱԹՈՅԱՆԻ
ՕՐԻՆԱԿԱՆ ՆԵՐԿԱՅԱՑՈՒՑԻՉՆԵՐ` Ա. ԱՐՇԱԿՅԱՆԻ
Մ. ՀՈՎՀԱՆՆԻՍՅԱՆԻ
Ա. ՀՈՎՀԱՆՆԻՍՅԱՆԻ
Հ. ՀԱՐՈւԹՅՈւՆՅԱՆԻ
Հ. ՀՈՎՍԵՓՅԱՆԻ

Դռնբաց դատական նիստում վճռաբեկ վարույթի կանոններով քննության առնելով Ռազմիկ Լևոնի Սարգսյանի, Նվեր Գագիկի Հովսեփյանի, Էդգար Արամի Արշակյանի, Միքայել Ստեփանի Հովհաննիսյանի վերաբերյալՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 2-րդ, 3րդ և 4-րդ կետերով և Միքայել Արթուրի Հովհաննիսյանի վերաբերյալ ՀՀ քրեական օրենսգրքի 34-177-րդ հոդվածի 2-րդ մասի 1-ին, 2-րդ և 3-րդ կետերով` ՀՀ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 16.03.2010 թվականի դատավճռի դեմ տուժող, քաղաքացիական հայցվոր, ՙԱգրոարդտարա՚ ԲԲԸ-ի ներկայացուցիչ Հրաչյա Բադալյանի բերած վերաքննիչ բողոքը

Պ Ա Ր Զ Ե Ց

1. Գործի դատավարական նախապատմությունը
Անհայտ անձի կողմից ՙԱգրոարդտարա՚ ԲԲ ընկերության արտադրամասից գողություն կատարելու դեպքի առթիվ 01.06.2009թ. ՀՀ Ոստիկանության ՔԳՎ Էրեբունու քննության բաժնում ՀՀ Քրեական օրենսգրքի 177 հոդվածի 2-րդ մասի 3-րդ կետի հատկանիշներով քրեական գործ է հարուցվել։
12.06.2009թ. որոշմամբ Ռազմիկ Լևոնի Սարգսյանը որպես մեղադրյալ է ներգրավվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով նախատեսված հանցագործություն կատարելու համար։
12.06.2009թ. որոշմամբ Նվեր Գագիկի Հովսեփյանը որպես մեղադրյալ է ներգրավվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով նախատեսված հանցագործություն կատարելու համար։
12.06.2009թ. որոշմամբ Էդգար Արամի Արշակյանը որպես մեղադրյալ է ներգրավվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով նախատեսված հանցագործություն կատարելու համար։
12.06.2009թ. որոշմամբ Միքայել Ստեփանի Հովհաննիսյանը որպես մեղադրյալ է ներգրավվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով նախատեսված հանցագործություն կատարելու համար։
12.06.2009թ. որոշմամբ Միքայել Արթուրի Հովհաննիսյանը որպես մեղադրյալ է ներգրավվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով նախատեսված հանցագործություն կատարելու համար։
18.12.2009թ. որոշմամբ Ռազմիկ Լևոնի Սարգսյանը, Նվեր Գագիկի Հովսեփյանը, Էդգար Արամի Արշակյանը, Միքայել Ստեփանի Հովհաննիսյանը ներգրավվել են որպես մեղադրյալներ և նրանց մեղադրանք է առաջադրվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով, 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով, իսկ Միքայել Արթուրի Հովհաննիսյանին մեղադրանք է առաջադրվել ՀՀ Քրեական օրենսգրքի 34-177 հոդվածի 2-րդ մասի 1-ին, 2-րդ և 3-րդ կետերով:
Քրեական գործը մեղադրական եզրակացությամբ 29.12.2009թ-ին ուղարկվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը, կիրառելով դատաքննության արագացված կարգ, 2010թվականի մարտի 16-ի դատավճռով Ռազմիկ Լևոնի Սարգսյանին մեղավոր է ճանաչել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով և 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով։
ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով դատապարտել է ազատազրկման 2 /երկու/ տարի ժամկետով։
ՀՀ Քրեական օրենսգրքի 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով դատապարտել է ազատազրկման 2 /երկու/ տարի ժամկետով։
ՀՀ Քրեական օրենսգրքի 66 հոդվածի 4-րդ մասի համաձայն` պատիժները մասնակի գումարելու միջոցով, վերջնական պատիժ է նշանակել ազատազրկում 2 /երկու/ տարի, 6 /վեց/ ամիս ժամկետով։
Կիրառել է ՀՀ Ազգային Ժողովի կողմից 19.06.2009թ. ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և Ռազմիկ Լևոնի Սարգսյանին ազատել է պատժից։
Ռ.Սարգսյանի նկատմամբ ընտրված խափանման միջոցը` ծնողի հսկողությանը հանձնելը, թողնվել է անփոփոխ մինչև դատավճռի օրինական ուժի մեջ մտնելը։
Նվեր Գագիկի Հովսեփյանին մեղավոր է ճանաչել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով և 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով։
ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով դատապարտել է ազատազրկման 2 /երկու/ տարի ժամկետով։
ՀՀ Քրեական օրենսգրքի 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով դատապարտել է ազատազրկման 2 /երկու/ տարի ժամկետով։
ՀՀ Քրեական օրենսգրքի 66 հոդվածի 4-րդ մասի համաձայն` պատիժները մասնակի գումարելու միջոցով, վերջնական պատիժ է նշանակել ազատազրկում 2 /երկու/ տարի 6 /վեց/ ամիս ժամկետով։
Կիրառել է ՀՀ Ազգային Ժողովի կողմից 19.06.2009թ. ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և Նվեր Գագիկի Հովսեփյանին ազատել է պատժից։
Ն.Հովսեփյանի նկատմամբ ընտրված խափանման միջոցը` ծնողի հսկողությանը հանձնելը, թողնվել է անփոփոխ մինչև դատավճռի օրինական ուժի մեջ մտնելը։
Էդգար Արամի Արշակյանին մեղավոր է ճանաչել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով և 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով։
ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով դատապարտել է ազատազրկման 2 /երկու/ տարի ժամկետով։
ՀՀ Քրեական օրենսգրքի 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով դատապարտել է ազատազրկման 2 /երկու/ տարի ժամկետով։
ՀՀ Քրեական օրենսգրքի 66 հոդվածի 4-րդ մասի համաձայն պատիժները մասնակի գումարելու միջոցով վերջնական պատիժ է նշանակել ազատազրկում 2 /երկու/ տարի 6 /վեց/ ամիս ժամկետով։
Կիրառել է ՀՀ Ազգային Ժողովի կողմից 19.06.2009թ. ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և Էդգար Արամի Արշակյանին ազատել է պատժից։
Էդ.Արշակյանի նկատմամբ ընտրված խափանման միջոցը ` ծնողի հսկողությանը հանձնելը, թողնվել է անփոփոխ, մինչև դատավճռի օրինական ուժի մեջ մտնելը։
Միքայել Ստեփանի Հովհաննիսյանին մեղավոր է ճանաչել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով և 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով։
ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով դատապարտել է ազատազրկման 2 /երկու/ տարի ժամկետով։
ՀՀ Քրեական օրենսգրքի 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով դատապարտել է ազատազրկման 2 /երկու/ տարի ժամկետով։
ՀՀ Քրեական օրենսգրքի 66 հոդվածի 4-րդ մասի համաձայն` պատիժները մասնակի գումարելու միջոցով, վերջնական պատիժ է նշանակել ազատազրկում 2 /երկու/ տարի 6 /վեց/ ամիս ժամկետով։
Կիրառել է ՀՀ Ազգային Ժողովի կողմից 19.06.2009թ. ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և Միքայել Ստեփանի Հովհաննիսյանին ազատել է պատժից։
Մ.Ս.Հովհաննիսյանի նկատմամբ ընտրված խափանման միջոցը` ծնողի հսկողությանը հանձնելը, թողնվել է անփոփոխ, մինչև դատավճռի օրինական ուժի մեջ մտնելը։
Միքայել Արթուրի Հովհաննիսյանին մեղավոր է ճանաչել ՀՀ Քրեական օրենսգրքի 34-177 հոդվածի 2-րդ մասի 1-ին, 2-րդ և 3-րդ կետերով և դատապարտել է ազատազրկման 2 /երկու/ տարի ժամկետով։
Կիրառել է ՀՀ Ազգային Ժողովի կողմից 19.06.2009թ. ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և Միքայել Արթուրի Հովհաննիսյանին ազատել է պատժից։
Մ.Ա.Հովհաննիսյանի նկատմամբ ընտրված խափանման միջոցը` ծնողի հսկողությանը հանձնելը, թողնվել է անփոփոխ, մինչև դատավճռի օրինական ուժի մեջ մտնելը։
Տուժող /քաղաքացիական հայցվոր/` ՙԱգրոարդտարա՚ ԲԲ ընկերության ներկայացուցիչ` ընկերության տնօրեն Հրաչյա Բադալյանի քաղաքացիական հայցը թողնվել է առանց քննության։
Վճռվել է նաև տուժող` ՙԱրթուն՚ ԲԲ ընկերությանն իրավունք վերապահել քաղաքացիական հայցի պահանջի դեպքում քաղաքացիական դատավարության կարգով դիմել դատարան։
Դատավճիռն օրինական ուժի մեջ մտնելուց հետո իրեղեն ապացույցներ ճանաչված տարբեր չափերի պղնձյա մալուխների նմուշները, 4/չորս/ հատ միկրոսխեմաները և լուսային ազդանշանային լամպերը վճռվել է վերադարձնել ՙԱգրոարդտարա՚ ԲԲ ընկերությանը։
Երևանի Էրեբունի և Նուբարաշեն վարչական շրջանների ընդհանուր իրավասության դատարանի 16.03.2010 թվականի դատավճռի դեմ վերաքննիչ բողոք է բերել քաղ. հայցվոր Հրաչյա Բադալյանը:
Դատավարության մյուս մասնակիցներից այլ վերաքննիչ բողոքներ և գրավոր պատասխաններ չեն ներկայացվել:
Վերաքննիչ բողոքը Վերաքննիչ քրեական դատարանի 29.04.2010թ. որոշմամբ ընդունվել է վարույթ:
Քրեական գործը ՀՀ Վերաքննիչ քրեական դատարան է մուտք եղել 23.04.2010թ.-ին:

2.Գործի փաստական հանգամանքները.
Անչափահաս Ռազմիկ Լևոնի Սարգսյանը որպես մեղադրյալ է ներգրավվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով և նրան մեղադրանք է առաջադրվել այն բանի համար, որ 2009թ. ապրիլ ամսին, գույքի գաղտնի հափշտակություն կատարելու նպատակով, նախնական համաձայնության գալով անչափահասներ Էդգար Արամի Արշակյանի, Միքայել Ստեփանի Հովհաննիսյանի, Նվեր Գագիկի Հովսեփյանի հետ, երկաթբետոնյա պարսպի բաց հատվածով ապօրինի մուտք են գործել Երևանի Արին-Բերդի 4/4 հասցեում գտնվող ՙԱրթուն՚ ԲԲ ընկերության տարածք, ապա պատուհանից մուտք են գործել ընկերության ավտոանգար և այնտեղից գաղտնի հափշտակել զգալի չափի` 20.000 ՀՀ դրամ արժողությամբ 12 մետր երկարությամբ պղնձյա մալուխ։ 2009թ. մայիսի 28-ից 29-ն ընկած ժամանակահատվածում, կրկին անգամ գույքի գաղտնի հափշտակություն կատարելու նպատակով, նախնական համաձայնության գալով Էդգար Արամի Արշակյանի, Միքայել Ստեփանի Հովհաննիսյանի և Նվեր Գագիկի Հովսեփյանի հետ, ցերեկային ժամերին, բաց դարպասից ապօրինի մոտք են գործել Երևան քաղաքի Արին-Բերդի 27 հասցեում գտնվող ՙԱգրոարդտարա՚ ԲԲ ընկերության տարածք, ապա պատուհանից ապօրինի մուտք գործելով արտադրամաս գողացել են զգալի չափի` 79.840 ՀՀ դրամ ընդհանուր արժողության գույք, այն է` 74.800 ՀՀ դրամ ընդհանուր արժողության 34 մետր երկարությամբ պղնձյա մալուխ և 5.040 ՀՀ դրամ արժողության 6 հատ էլ. անջատիչ։ 2009թ. մայիսի 30-ից 31-ն ընկած ժամանակահատվածում, կրկին անգամ խոշոր չափի գույքի գաղտնի հափշտակություն կատարելու շուրջ նախնական համաձայնության գալով Էդգար Արամի Արշակյանի, Միքայել Ստեփանի Հովհաննիսյանի, Միքայել Արթուրի Հովհաննիսյանի և Նվեր Գագիկի Հովսեփյանի հետ, ցերեկային ժամերին ապօրինի մուտք են գործել Երևան քաղաքի Արին-Բերդ 27 հասցեում գտնվող ՙԱգրոարդտարա՚ ԲԲ ընկերության տարածք, ապա պատուհանից ապօրինի մուտք գործելով արտադրամաս, գաղտնի հափշտակության համար նախապատրաստել են 642.800 ՀՀ դրամ ընդհանուր արժողության գույք։ 132.000 ՀՀ դրամ արժողության 60 մետր երկարությամբ պղնձյա մալուխը, 250.000 ՀՀ դրամ արժողության 4 հատ միկրոսխեմաները, 400 ՀՀ դրամ արժողության լուսային լամպերն, այսինքն` 382.400 ՀՀ դրամ արժողության գույքը գաղտնի հափշտակել են, իսկ 260.400 ՀՀ դրամ ընդհանուր արժողության 102 մետր ընդհանուր երկարության պղնձյա մալուխը արտադրամասից հանել են, սակայն հափշտակությունն ավարտին չեն հասցրել իրենց կամքից անկախ հանգամանքներով, այն է` նկատվել են արտադրամասի պահակի դստեր կողմից և փախչել են դեպքի վայրից։
Անչափահաս Նվեր Գագիկի Հովսեփյանը որպես մեղադրյալ է ներգրավվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով և նրան մեղադրանք է առաջադրվել այն բանի համար, որ 2009թ. ապրիլ ամսին, գույքի գաղտնի հափշտակություն կատարելու նպատակով, նախնական համաձայնության գալով անչափահասներ Էդգար Արամի Արշակյանի, Միքայել Ստեփանի Հովհաննիսյանի, Ռազմիկ Լևոնի Սարգսյանի հետ, երկաթբետոնյա պարսպի բաց հատվածով ապօրինի մուտք են գործել Երևանի Արին-Բերդի 4/4 հասցեում գտնվող ՙԱրթուն՚ ԲԲ ընկերության տարածք, ապա պատուհանից մուտք են գործել ընկերության ավտոանգար և այնտեղից գաղտնի հափշտակել զգալի չափի` 20.000 ՀՀ դրամ արժողությամբ 12 մետր երկարությամբ պղնձյա մալուխ։ 2009թ. մայիսի 28-ից 29-ն ընկած ժամանակահատվածում կրկին անգամ գույքի գաղտնի հափշտակություն կատարելու նպատակով, նախնական համաձայնության գալով Էդգար Արամի Արշակյանի, Միքայել Ստեփանի Հովհաննիսյանի և Ռազմիկ Լևոնի Սարգսյանի հետ, ցերեկային ժամերին, բաց դարպասից ապօրինի մոտք են գործել Երևան քաղաքի Արին-Բերդի 27 հասցեում գտնվող ՙԱգրոարդտարա՚ ԲԲ ընկերության տարածք, ապա պատուհանից ապօրինի մուտք գործելով արտադրամաս գողացել են զգալի չափի` 79.840 ՀՀ դրամ ընդհանուր արժողության գույք, այն է` 74.800 ՀՀ դրամ ընդհանուր արժողության 34 մետր երկարությամբ պղնձյա մալուխ և 5.040 ՀՀ դրամ արժողության 6 հատ էլ. անջատիչ։ 2009թ. մայիսի 30-ից 31-ն ընկած ժամանակահատվածում, կրկին անգամ խոշոր չափի գույքի գաղտնի հափշտակություն կատարելու շուրջ նախնական համաձայնության գալով Էդգար Արամի Արշակյանի, Միքայել Ստեփանի Հովհաննիսյանի, Միքայել Արթուրի Հովհաննիսյանի և Ռազմիկ Լևոնի Սարգսյանի հետ, ցերեկային ժամերին ապօրինի մուտք են գործել Երևան քաղաքի Արին-Բերդ 27 հասցեում գտնվող ՙԱգրոարդտարա՚ ԲԲ ընկերության տարածք, ապա պատուհանից ապօրինի մուտք գործելով արտադրամաս, գաղտնի հափշտակության համար նախապատրաստել են 642.800 ՀՀ դրամ ընդհանուր արժողության գույք։ 132.000 ՀՀ դրամ արժողության 60 մետր երկարությամբ պղնձյա մալուխը, 250.000 ՀՀ դրամ արժողության 4 հատ միկրոսխեմաները, 400 ՀՀ դրամ արժողության լուսային լամպերն, այսինքն` 382.400 ՀՀ դրամ արժողության գույքը գաղտնի հափշտակել են, իսկ 260.400 ՀՀ դրամ ընդհանուր արժողության 102 մետր ընդհանուր երկարության պղնձյա մալուխը արտադրամասից հանել են, սակայն հափշտակությունն ավարտին չեն հասցրել իրենց կամքից անկախ հանգամանքներով, այն է` նկատվել են արտադրամասի պահակի դստեր կողմից և փախչել են դեպքի վայրից։
Անչափահաս Էդգար Արամի Արշակյանը որպես մեղադրյալ է ներգրավվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով և նրան մեղադրանք է առաջադրվել այն բանի համար, որ 2009թ. ապրիլ ամսին, գույքի գաղտնի հափշտակություն կատարելու նպատակով, նախնական համաձայնության գալով անչափահասներ Նվեր Գագիկի Հովսեփյանի, Միքայել Ստեփանի Հովհաննիսյանի, Ռազմիկ Լևոնի Սարգսյանի հետ, երկաթբետոնյա պարսպի բաց հատվածով ապօրինի մուտք են գործել Երևանի Արին-Բերդի 4/4 հասցեում գտնվող ՙԱրթուն՚ ԲԲ ընկերության տարածք, ապա պատուհանից մուտք են գործել ընկերության ավտոանգար և այնտեղից գաղտնի հափշտակել զգալի չափի` 20.000 ՀՀ դրամ արժողությամբ 12 մետր երկարությամբ պղնձյա մալուխ։ 2009թ. մայիսի 28-ից 29-ն ընկած ժամանակահատվածում կրկին անգամ գույքի գաղտնի հափշտակություն կատարելու նպատակով, նախնական համաձայնության գալով Նվեր Գագիկի Հովսեփյանի, Միքայել Ստեփանի Հովհաննիսյանի և Ռազմիկ Լևոնի Սարգսյանի հետ, ցերեկային ժամերին, բաց դարպասից ապօրինի մոտք են գործել Երևան քաղաքի Արին-Բերդի 27 հասցեում գտնվող «Ագրոարդտարաե ԲԲ ընկերության տարածք, ապա պատուհանից ապօրինի մուտք գործելով արտադրամաս գողացել են զգալի չափի` 79.840 ՀՀ դրամ ընդհանուր արժողության գույք, այն է` 74.800 ՀՀ դրամ ընդհանուր արժողության 34 մետր երկարությամբ պղնձյա մալուխ և 5.040 ՀՀ դրամ արժողության 6 հատ էլ. անջատիչ։ 2009թ. մայիսի 30-ից 31-ն ընկած ժամանակահատվածում, կրկին անգամ խոշոր չափի գույքի գաղտնի հափշտակություն կատարելու շուրջ նախնական համաձայնության գալով Նվեր Գագիկի Հովսեփյանի, Միքայել Ստեփանի Հովհաննիսյանի, Միքայել Արթուրի Հովհաննիսյանի և Ռազմիկ Լևոնի Սարգսյանի հետ, ցերեկային ժամերին ապօրինի մուտք են գործել Երևան քաղաքի Արին-Բերդ 27 հասցեում գտնվող ՙԱգրոարդտարա՚ ԲԲ ընկերության տարածք, ապա պատուհանից ապօրինի մուտք գործելով արտադրամաս, գաղտնի հափշտակության համար նախապատրաստել են 642.800 ՀՀ դրամ ընդհանուր արժողության գույք։ 132.000 ՀՀ դրամ արժողության 60 մետր երկարությամբ պղնձյա մալուխը, 250.000 ՀՀ դրամ արժողության 4 հատ միկրոսխեմաները, 400 ՀՀ դրամ արժողության լուսային լամպերն, այսինքն` 382.400 ՀՀ դրամ արժողության գույքը գաղտնի հափշտակել են, իսկ 260.400 ՀՀ դրամ ընդհանուր արժողության 102 մետր ընդհանուր երկարության պղնձյա մալուխը արտադրամասից հանել են, սակայն հափշտակությունն ավարտին չեն հասցրել իրենց կամքից անկախ հանգամանքներով, այն է` նկատվել են արտադրամասի պահակի դստեր կողմից և փախել են դեպքի վայրից։
Անչափահաս Միքայել Ստեփանի Հովհաննիսյանը որպես մեղադրյալ է ներգրավվել ՀՀ Քրեական օրենսգրքի 177 հոդվածի 2-րդ մասի 1-ին, 3-րդ և 4-րդ կետերով 34-177 հոդվածի 2-րդ մասի 1-ին, 2-րդ, 3-րդ և 4-րդ կետերով և նրան մեղադրանք է առաջադրվել այն բանի համար, որ 2009թ. ապրիլ ամսին, գույքի գաղտնի հափշտակություն կատարելու նպատակով, նախնական համաձայնության գալով անչափահասներ Էդգար Արամի Արշակյանի, Նվեր Գագիկի Հովսեփյանի, Ռազմիկ Լևոնի Սարգսյանի հետ, երկաթբետոնյա պարսպի բաց հատվածով ապօրինի մուտք են գործել Երևանի Արին-Բերդի 4/4 հասցեում գտնվող ՙԱրթուն՚ ԲԲ ընկերության տարածք, ապա պատուհանից մուտք են գործել ընկերության ավտոանգար և այնտեղից գաղտնի հափշտակել զգալի չափի` 20.000 ՀՀ դրամ արժողությամբ 12 մետր երկարությամբ պղնձյա մալուխ։ 2009թ. մայիսի 28-ից 29-ն ընկած ժամանակահատվածում կրկին անգամ գույքի գաղտնի հափշտակություն կատարելու նպատակով, նախնական համաձայնության գալով Էդգար Արամի Արշակյանի, Նվեր Գագիկի Հովսեփյանի և Ռազմիկ Լևոնի Սարգսյանի հետ, ցերեկային ժամերին, բաց դարպասից ապօրինի մոտք են գործել Երևան քաղաքի Արին-Բերդի 27 հասցեում գտնվող «Ագրոարդտարաե ԲԲ ընկերության տարածք, ապա պատուհանից ապօրինի մուտք գործելով արտադրամաս գողացել են զգալի չափի` 79.840 ՀՀ դրամ ընդհանուր արժողության գույք, այն է` 74.800 ՀՀ դրամ ընդհանուր արժողության 34 մետր երկարությամբ պղնձյա մալուխ և 5.040 ՀՀ դրամ արժողության 6 հատ էլ. անջատիչ։ 2009թ. մայիսի «30ե-ից «31ե-ն ընկած ժամանակահատվածում, կրկին անգամ խոշոր չափի գույքի գաղտնի հափշտակություն կատարելու շուրջ նախնական համաձայնության գալով Էդգար Արամի Արշակյանի, Նվեր Գագիկի Հովսեփյանի, Միքայել Արթուրի Հովհաննիսյանի և Ռազմիկ Լևոնի Սարգսյանի հետ, ցերեկային ժամերին ապօրինի մուտք են գործել Երևան քաղաքի Արին-Բերդ 27 հասցեում գտնվող ՙԱգրոարդտարա՚ ԲԲ ընկերության տարածք, ապա պատուհանից ապօրինի մուտք գործելով արտադրամաս, գաղտնի հափշտակության համար նախապատրաստել են 642.800 ՀՀ դրամ ընդհանուր արժողության գույք։ 132.000 ՀՀ դրամ արժողության 60 մետր երկարությամբ պղնձյա մալուխը, 250.000 ՀՀ դրամ արժողության 4 հատ միկրոսխեմաները, 400 ՀՀ դրամ արժողության լուսային լամպերն, այսինքն` 382.400 ՀՀ դրամ արժողության գույքը գաղտնի հափշտակել են, իսկ 260.400 ՀՀ դրամ ընդհանուր արժողության 102 մետր ընդհանուր երկարության պղնձյա մալուխը արտադրամասից հանել են, սակայն հափշտակությունն ավարտին չեն հասցրել իրենց կամքից անկախ հանգամանքներով, այն է` նկատվել են արտադրամասի պահակի դստեր կողմից և փախչել են դեպքի վայրից։
Արչափահաս Միքայել Արթուրի Հովհաննիսյանը որպես մեղադրյալ է ներգրավվել ՀՀ Քրեական օրենսգրքի 34-177 հոդվածի 2-րդ մասի 1-ին, 2-րդ և 3-րդ կետերով և նրան մեղադրանք է առաջադրվել այն բանի համար, որ 2009թ. մայիսի 30-ից 31-ն ընկած ժամանակահատվածում, կրկին անգամ խոշոր չափի գույքի գաղտնի հափշտակություն կատարելու շուրջ նախնական համաձայնության գալով Էդգար Արամի Արշակյանի, Միքայել Ստեփանի Հովհաննիսյանի, Նվեր Գագիկի Հովսեփյանի և Ռազմիկ Լևոնի Սարգսյանի հետ, ցերեկային ժամերին ապօրինի մուտք են գործել Երևան քաղաքի Արին-Բերդ 27 հասցեում գտնվող ՙԱգրոարդտարա՚ ԲԲ ընկերության տարածք, ապա պատուհանից ապօրինի մուտք գործելով արտադրամաս, գաղտնի հափշտակության համար նախապատրաստել են 642.800 ՀՀ դրամ ընդհանուր արժողության գույք։ 132.000 ՀՀ դրամ արժողության 60 մետր երկարությամբ պղնձյա մալուխը, 250.000 ՀՀ դրամ արժողության 4 հատ միկրոսխեմաները, 400 ՀՀ դրամ արժողության լուսային լամպերն, այսինքն` 382.400 ՀՀ դրամ արժողության գույքը գաղտնի հափշտակել են, իսկ 260.400 ՀՀ դրամ ընդհանուր արժողության 102 մետր ընդհանուր երկարության պղնձյա մալուխը արտադրամասից հանել են, սակայն հափշտակությունն ավարտին չեն հասցրել իրենց կամքից անկախ հանգամանքներով, այն է` նկատվել են արտադրամասի պահակի դստեր կողմից և փախչել են դեպքի վայրից։


3.Վերաքննիչ բողքի հիմքերը, հիմնավորումները և պահանջը
Բողոք բերած անձ, տուժող/քաղաքացիական հայցվոր Հրաչյա Բադալյանը իր վերաքննիչ բողոքում նշել է, որ վճիռը կայացվել է նյութական և դատավարական իրավունքի նորմերի խախտումներով, որոնք ազդել են սույն գործի ելքի վրա:
Դատարանը համակցված կերպով խախտել է քրեական օրենսգրքի մի շարք նորմեր, որն էլ իր հերթին հանգեցրել է սույն քրեական գործի ոչ ճիշտ և օբյեկտիվ լուծմանը` ոտնահարելով իր` տուժողի իրավունքները: Տուժող Հ. Բադալյանը, միաժամանակ, մատնանշել է ՀՀ քրեական դատավարության օրենսգրքի մի շարք հոդվածներ, մասնավորապես` 58, 59, 60, 61, 79, 104, 358, 367, 376, 3761, 377, 378, 3801, 381, 395 և 396:
Վերաքննիչ բողոքում տուժողը նշում է, որ ստեղծված իրավիճակի մեջ խելամիտ լուծումը կլինի այն, որ երեխաների ծնողները վերականգնեն գոնե մեկ հաստոց, ինչին համաձայնվել են նաև ամբաստանյալների օրինական ներկայացուցիչները: Սակայն ավելի ուշ, ամիսներ անց տուժողը հասկացել և որոշ տեղեկութուններ է ստացել, որ գտնվել են նոր ՙխորհրդատուներ՚, որոնք խոստացել են անչափահասների ծնողներին` լուծել իրենց խնդիրները` առանց հաշվի առնելու տուժողի շահերը:
Համաձայն չլինելով ընդհանուր իրավասության դատարանի որոշման հետ, տուժողը նշում է, որ դատարանը կիրառել է արագացված դատական քննության կարգ, սակայն հաշվի չի առել իր առարկությունները արագացված դատաքննություն կիրառելու վերաբերյալ: Վերաքննիչ բողոքում տուժողը մատնանշում է նաև մեղադրական եզրակացության բովանդակությունը, համաձայն որի` անչափահասները գողացված պղնձյա մալուխները տեղափոխել են բաց դաշտ և այրելու միջոցով առանձնացրել են պղինձը, որից հետո տարել և հանձնել են գունավոր մետաղների ընդունման կետ: Մեղադրական եզրակացությունում գրված է նաև, որ առաջին դեպքում հանձնել են ուղիղ 34 մետր մալուխ, իսկ երկրորդ դեպքում ուղիղ և ամենաէժան տեսակի 60 մետր մալուխ: Ըստ տուժողի` դատավարության մասնակիցներից ոչ մեկը, չի փորձել պարզել, թե դատախազը որտեղից է ձևակերպել իբր ապացույց 34 գումարած 60 մետր ամենաէժան տեսակի մալուխ, որը գողացել էին անչափահասները: Դատարանը չի ցանկացել պարզել, որ սույն քրեական գործով հայտնաբերված, իբրև իրեղեն ապացույց միկրոսխեմաները ջարդված, ծռմռված և ժանգոտած տեսքով չէին կարող վերադարձվել տուժող ընկերությանը` որպես շահագործման համար պիտանի դետալներ, այսինքն` 642 հազար դրամ հասցրած վնասից չէր կարող հանվել 250 հազար ՀՀ դրամ արժողությամբ միկրոսխեմաների արժեքը: Ըստ տուժողի` դատարանը նաև չի նկատել, որ 102 մետր յոթ տեսակի մալուխները, որոնք անչափահասների կողմից հանվել էին արտադրամասից, սակայն չէին գողացվել, բաղկացած էին ավելի քան 30 կտորից և տեղավորված հինգ պարկերում, այսինքն` ոչնչի պիտանի չէին: Դատարանը չի ցանկացել համեմատել դատախազի ներկայացրած մեղադրական եզրակացությունը և ամբաստանյալ Ռազմիկ Սարգսյանի ցուցմունքը, որտեղ վերջինս գրում է, որ մալուխները կոտրել են իրենք` ամբաստանյալները, իսկ դատախազը իր մեղադրական եզրակացությունում գրում է, որ նրանք հավաքել են գետնին թափված տարբեր չափերի երկարության պղնձե մալուխներ:
Ելնելով վերոգրյալից և հիմք ընդունելով ՀՀ Սահմանադրության, ՀՀ քրեական և ՀՀ քրեական դատավարության օրենսդրության պահանջները, տուժողը խնդրել է սույն վերաքննիչ բողոքն ընդունել վարույթ, ամբողջությամբ բեկանել Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 16.03.2010թ. դատավճիռը և գործն ուղարկել նոր քննության:


4.Վերաքննիչ դատարանի պատճառաբանությունները և եզրահանգումը.
Վերաքննիչ բողոքում նշված հիմքերի ու հիմնավորումների սահմաններում վերլուծելով գործի նյութերը, քննության առնելով տուժող /քաղ. հայցվոր/ Հրաչյա Բադալյանի կողմից իր վերաքննիչ բողոքի փաստարկները, լսելով անչափահաս ամբաստանյալների պատճառաբանությունները,նրանց օրինական ներկայացուցիչներին և պաշտպաններին, դատական ակտը չբողոքարկած հակառակ կողմի` մեղադրողի պատասխանը, ՀՀ Վերաքննիչ քրեական դատարանը գտնում է, որ քաղ. հայցվորի վերաքննիչ բողոքը պետք է մերժել` ՀՀ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 16.03.2010թ. դատական ակտը թողնելով օրինական ուժի մեջ` հետևյալ պատճառաբանությամբ:
Վերաքննիչ բողոքի` ՙՎերաքննիչ բողոքի հիմքերը և հիմնավորումները՚ բաժնում Վերաքննիչ բողոքի հեղինակը առանձնացրել է ընդհանուր իրավասության դատարանի կողմից թույլ տրված խախտումների երկու խումբ` նյութական և դատավարական:
Նշելով, որ ընդհանուր իրավասության դատարանը համակցված կերպով խախտել է քրեական օրենսգրքի մի շարք նորմեր, որն էլ իր հերթին հանգեցրել է սույն քրեական գործի ոչ ճիշտ լուծմանը` ոտնահարելով իր իրավունքները, տուժողը լայն հղումներ է կատարել ՀՀ քր. դատ. օր.-ի 58-րդ, 59-րդ, 61-րդ, 79-րդ, 358-րդ, 104-րդ, 367-րդ, 376-րդ, 376-1-րդ, 377-րդ, 378-րդ, 380-1-րդ, 381-րդ, 395-րդ, 396-րդ հոդվածների վրա:
Սույն քրեական գործն ըստ մեղադրանքի` Ռազմիկ Լևոնի Սարգսյանի ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 2-րդ, 3րդ և 4-րդ կետերով, Նվեր Գագիկի Հովսեփյանի ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 2-րդ, 3րդ և 4-րդ կետերով, Էդգար Արամի Արշակյանի ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 2-րդ, 3րդ և 4-րդ կետերով, Միքայել Ստեփանի Հովհաննիսյանի ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 2-րդ, 3րդ և 4-րդ կետերով, Միքայել Արթուրի Հովհաննիսյանի ՀՀ քրեական օրենսգրքի 34-177-րդ հոդվածի 2-րդ մասի 1-ին, 2-րդ, 3րդ կետերով, հաստատված մեղադրական եզրակացությամբ, մուտք է եղել ՀՀ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան, նախագահող դատավոր Ա.Օհանյանի 29.12.2009թ. որոշմամբ ՀՀ քր. դատ. օր.-ի 291 հդ.-ի պահանջների պահպանմամբ ընդունվել է վարույթ, իսկ 12.01.2010թ. որոշմամբ ՀՀ քր. դատ. օր.-ի 292-293-րդ հոդվածների պահանջների պահպանմամբ, նշանակվել է դատական քննության:
Սույն քրեական գործով կազմված մեղադրական եզրակացությամբ քրեական հետապնդման մարմինը հաստատված է համարել, որ 2009թ. ապրիլ ամսին, գույքի գաղտնի հափշտակություն կատարելու նպատակով, միմյանց հետ նախնական համաձայնության գալով, անչափահասներ Էդգար Արամի Արշակյանը, Միքայել Ստեփանի Հովհաննիսյանը, Նվեր Գագիկի Հովսեփյանը և Ռազմիկ Լևոնի Սարգսյանը երկաթբետոնյա պարսպի բաց հատվածով ապօրինի մուտք են գործել Երևան քաղաքի Արին-Բերդի 4/4 հասցեում գտնվող ՙԱրթուն՚ ԲԲ ընկերության տարածք, ապա պատուհանից մուտք են գործել ընկերության ավտոանգար և այնտեղից գաղտնի հափշտակել զգալի չափի` 20.000/քսան հազար/ ՀՀ դրամ արժողությամբ 12 մետր երկարությամբ պղնձյա մալուխ, որը տարել են բաց դաշտ, այրելու միջոցով առանձնացրել պղինձը և այն հանձնել Երևան քաղաքի Ազատամարտիկների փողոցի 133 հասցեում գործող գունավոր մետաղների ընդունման կետում և ստացած գումարը ծախսել են իրենց անձնական կարիքների համար։
Այնուհետև, 2009թ. մայիսի 28-ից 29-ն ընկած ժամանակահատվածում, կրկին անգամ գույքի գաղտնի հափշտակություն կատարելու նպատակով, միմյանց հետ նախնական համաձայնության գալով, Էդգար Արամի Արշակյանը, Միքայել Ստեփանի Հովհաննիսյանը, Ռազմիկ Լևոնի Սարգսյանը և Նվեր Գագիկի Հովսեփյանը, ցերեկային ժամերին, բաց դարպասից ապօրինի մոտք են գործել Երևան քաղաքի Արին-Բերդի 27 հասցեում գտնվող ՙԱգրոարդտարա՚ ԲԲ ընկերության տարածք, ապա պատուհանից ապօրինի մուտք գործելով արտադրամաս` գողացել են զգալի չափի` 79.840 ՀՀ դրամ ընդհանուր արժողության գույք, այն է` 74.800 ՀՀ դրամ ընդհանուր արժողության 34 մետր երկարությամբ պղնձյա մալուխ և 5.040 ՀՀ դրամ արժողության 6 հատ էլ. անջատիչ։
Գողացված պղնձյա մալուխները և էլ. անջատիչները տեղափոխել են բաց դաշտ` այրելու և կոտրելու միջոցով առանձնացրել են պղինձը և այն հանձնել Երևան քաղաքի Ազատամարտիկների փողոցի 133 հասցեում գործող գունավոր մետաղների ընդունման կետում և ստացած գումարը ծախսել են իրենց անձնական կարիքների համար։
Այնուհետև, 2009թ. մայիսի 30-ից 31-ն ընկած ժամանակահատվածում, կրկին անգամ խոշոր չափի գույքի գաղտնի հափշտակություն կատարելու շուրջ միմյանց հետ նախնական համաձայնության գալով, Էդգար Արամի Արշակյանը, Ռազմիկ Լևոնի Սարգսյանը, Միքայել Ստեփանի Հովհաննիսյանը և Նվեր Գագիկի Հովսեփյանը, խմբի կազմում ընդգրկելով նաև Միքայել Արթուրի Հովհաննիսյանին, ցերեկային ժամերին ապօրինի մուտք են գործել Երևան քաղաքի Արին-Բերդ 27 հասցեում գտնվող ՙԱգրոարդտարա՚ ԲԲ ընկերության տարածք, ապա պատուհանից ապօրինի մուտք գործելով արտադրամաս` գաղտնի հափշտակության համար նախապատրաստել են 642.800 ՀՀ դրամ ընդհանուր արժողության գույք։132.000 ՀՀ դրամ արժողության 60 մետր երկարությամբ պղնձյա մալուխը, 250.000 ՀՀ դրամ արժողության 4 հատ միկրոսխեմաները, 400 ՀՀ դրամ արժողության լուսային լամպերն, այսինքն` 382.400 ՀՀ դրամ արժողության գույքը գաղտնի հափշտակել են, իսկ 260.400 ՀՀ դրամ ընդհանուր արժողության 102 մետր ընդհանուր երկարության պղնձյա մալուխը արտադրամասից հանել են, սակայն հափշտակությունն ավարտին չեն հասցրել իրենց կամքից անկախ հանգամանքներով, այն է` նկատվել են արտադրամասի պահակի դստեր կողմից և փախչել են դեպքի վայրից։
Գողացված պղնձյա մալուխները և անջատիչները տեղափոխել են բաց դաշտ` այրելու, և կոտրելու միջոցով առանձնացրել են պղինձը և այն հանձնել Երևան քաղաքի Ազատամարտիկների փողոցի 133 հասցեում գործող գունավոր մետաղների ընդունման կետում և ստացած գումարը ծախսել են իրենց անձնական կարիքների համար։
Նախաքննության ընթացքում Ռ. Սարգսյանի և մյուսների կողմից ՙԱգրոարդտարա՚ ԲԲ Ընկերության արտադրամասից դուրս բերված և Ընկերության տարածքում թողնված 102 մետր ընդհանուր երկարության պղնձյա մալուխները հայտնաբերվել և ի պահ են հանձնվել տուժողին, իսկ գողացված լուսային լամպերը և 4 հատ միկրոսխեմաները Ն. Հովսեփյանի մոտից առգրավվել են:
ՀՀ քր. դատ. օր.-ի 309հդ.-ի 1-ին մասի համաձայն` գործի քննությունը դատարանում կատարվում է միայն ամբաստանյալի նկատմամբ և միայն այն մեղադրանքի սահմաններում, որով նրան մեղադրանք է առաջադրվել:
ՀՀ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը, գտնելով, որ նախաքննական մարմնի կողմից ամբաստանյալների կատարած արարքներին տրվել է քրեաիրավական ճիշտգնահատական, որն ընդունել են ամբաստանյալներն ու նրանց պաշտպանները, ՀՀ քր. դատ. օր.-ի 375-1-375-3-րդ հոդվածների պահանջների պահպանմամբ, կիրառել է դատական քննության արագացված կարգ և ամբաստանյալների նկատմամբ կայացրել դատավճիռ:
ՀՀ Վերաքննիչ քրեական դատարանը գտնում է, որ և նախաքննական մարմինը և ընդհանուր իրավասության դատարանը ճիշտ են կիրառել քրեական օրենքը ամբաստանյալների կատարած արարքներին քրեաիրավական գնահատական տալիս, այս առումով` վերաքննիչ բողոքի հեղինակի պատճառաբանությունները այն մասին, որ ընդհանուր իրավասության դատարանը համակցված կերպով խախտել է քրեական օրենսգրքի մի շարք նորմեր, անհիմն են:
Քննության առնելով վերաքննիչ բողոքի պատճառաբանությունները` ընդհանուր իրավասության դատարանի կողմից դատական ակտ կայացնելիս դատավարական իրավունքի նորմերի խախտումների, հակառակ իր առարկությունների` դատական քննության արագացված կարգ կիրառելու մասին, ՀՀ Վերաքննիչ քրեական դատարանը արձանագրում է հետևյալը:
ՀՀ քր. դատ. օր.-ի 385հդ.-ի 1-ին մասի համաձայն` Վերաքննիչ դատարանը դատական ակտը վերանայում է Վերաքննիչ բողոքի հիմքերի և հիմնավորումների սահմաններում, նույն հոդվածի 3-րդ մասի համաձայն` Վերաքննիչ դատարանում բողոքի քննության ժամանակ առաջին ատյանի դատարանում հաստատված փաստական հանգամանքներն ընդունվում են որպես հիմք, բացառությամբ այն դեպքի, երբ բողոքում վիճարկվում է որևէ փաստական հանգամանք և Վերաքննիչ դատարանը հանգում է այն հետևության, որ տվյալ փաստական հանգամանքի վերաբերյալ եզրակացության հանգելիս առաջին ատյանի դատարանն այն ճիշտ չի գնահատել:
Քրեական գործի, ընդհանուր իրավասության դատարանի դատական ակտի ուսումնասիրությունից երևում է, որ ընդհանուր իրավասության դատարանում ամբաստանյալները, խորհրդակցելով իրենց պաշտպանների հետ, որին չեն առարկել ամբաստանյալների օրինական ներկայացուցիչները և դատախազը, հայտնել են, որ համաձայն են առաջադրված մեղադրանքին, առաջադրված մեղադրանքում իրենց լիովին մեղավոր են ճանաչում, արագացված դատական քննություն անցկացնելու միջնորդությունը ներկայացրել են կամավոր, գիտակցում են դրա բնույթն ու հետևանքները:
ՀՀ քր. դատ. օր.-ի 375-1հդ.-ի 1-ին մասի համաձայն` եթե մեղադրողը մեղադրական եզրակացությունում չի առարկել արագացված կարգ կիրառելու միջնորդության դեմ, ապա ամբաստանյալը կամ մեղադրյալն իրեն առաջադրված մեղադրանքի հետ համաձայնվելու դեպքում իրավունք ունի միջնորդելու արագացված դատական քննության կարգ կիրառելու մասին այն հանցագործություններով, որոնց համար Հայաստանի Հանրապետության քրեական օրենսգրքով նախատեսված պատիժը չի գերազանցում 10 տարի ժամկետով ազատազրկումը, նույն հոդվածի 2-րդ մասի համաձայն` սույն հոդվածի առաջին մասով նախատեսված դեպքում դատարանը կիրառում է դատական քննության արագացված կարգ, եթե`
1/ ամբաստանյալը գիտակցում է իր կողմից ներկայացված միջնորդության բնույթն ու հետևանքները, և
2/ միջնորդությունը ներկայացված է կամավոր, և
3/ պաշտպանի հետ խորհրդակցելուց հետո, եթե ամբաստանյալն ունի այդպիսին:
Ամբաստանյալներ Ռազմիկ Լևոնի Սարգսյանին, Նվեր Գագիկի Հովսեփյանին, Էդգար Արամի Արշակյանին, Միքայել Ստեփանի Հովհաննիսյանին, Միքայել Արթուրի Հովհաննիսյանին մեղսագրված հանցանքների համար ՀՀ քրեական օրենսգրքով նախատեսված պատիժը չի գերազանցում 10/տաս/ տարի ժամկետով ազատազրկումը:
Այս առումով ևս ՀՀ քրեադատավարական օրենսդրության պահանջները պահպանված են:
ՀՀ քր. դատ. օր.-ի 375-1հդ.-ի 3-րդ մասի համաձայն` դատարանը, գտնելով, որ ամբաստանյալի կողմից միջնորդություն ներկայացնելիս չեն պահպանվել սույն հոդվածի առաջին կամ երկրորդ մասերով նախատեսված պայմանները, որոշում է ընդունում ընդհանուր կարգով դատաքննություն անցկացնելու մասին, նշված մասի հաջորդ պարբերության համաձայն` դատարանը արագացված կարգ կիրառելու միջնորդությունը մերժում է նաև, եթե պարզում է, որ ամբաստանյալի արարքի իրավաբանական որակումը ճիշտ չէ: Այս դեպքում դատարանն իր նախաձեռնությամբ սույն օրենսգրքի 309-1 հոդվածի հինգերորդ մասով սահմանված կարգով և ժամկետով հետաձգում է դատական նիստը` առաջարկելով Գլխավոր դատախազին կամ նրա տեղակալին վերահաստատելու մեղադրական եզրակացությունը: Ամբաստանյալի կամ մեղադրյալի անմեղսունակության առնչությամբ հիմնավոր կասկածների առկայության դեպքում դատարանը մերժում է արագացված կարգ կիրառելու միջնորդությունը` անցնելով ընդհանուր կարգով գործի քննությանը:
ՀՀ քրեադատավարական օրենսդրության` դատական քննության արագացված կարգի կիրառմանը վերաբերող վերը նշված դրույթների բովանդակային վերլուծությունից երևում է, որ դատական քննության արագացված կարգ կիրառելու համար տուժողի համաձայնությունը պարտադիր չէ, այս մասով ևս ընդհանուր իրավասության դատարանի գործողությունները կատարված են քրեադատավարական օրենքին համապատասխան:
Քրեական գործի նյութերի ուսումնասիրությունից երևում է, որ ՀՀ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի դատաքննությամբ տուժող /քաղաքացիական հայցվոր/ ՙԱգրոարդտարա՚ ԲԲ Ընկերության ներկայացուցիչ, Ընկերության տնօրեն Հրաչյա Բադալյանը ներկայացրել է 9.825.000 ՀՀ դրամի քաղաքացիական հայցի պահանջ, որն ամբաստանյալների կողմից չի ընդունվել:
Անդրադառնալով վերաքննիչ բողոքի պատճառաբանություններին այն մասին, որ 2009թ. մայիսի 28-ից 30-ն ընկած ժամանակահատվածում ամբաստանյալներ Լևոն Սարգսյանը, Նվեր Հովսեփյանը, Էդգար Արշակյանը, Միքայել Ստեփանի Հովհաննիսյանը, Միքայել Արթուրի Հովհաննիսյանը գույքի գաղտնի հափշտակություն կատարելու նպատակով ապօրինի մուտք են գործել ՙԱգրոարդտարա՚ ԲԲ Ընկերության տարածք և գողություն կատարելու ճանապարհով նշված ընկերությանը պատճառել են 9.825.000/ինը միլիոն ութ հարյուր քսանհինգ հազար/ ՀՀ դրամի վնաս, ՀՀ Վերաքննիչ քրեական դատարանը արձանագրում է, որ վնասի նշված չափը չի ընդգրկվում ամբաստանյալներին մեղսագրված արարքների` այսինքն` մեղադրանքի ծավալի մեջ:
Բացի այդ, ՀՀ Վերաքննիչ քրեական դատարանը արձանագրում է, որ ՀՀ Ոստիկանության ՔԳՎ Էրեբունու քննչական բաժնի պետի կողմից նույն բաժնի ոստիկանության պետին ՀՀ քր. դատ. օր.-ի 55հդ.-ի կարգով տրված հանձնարարականից երևում է, որ առկա են կասկածներ առ այն, որ ՙԱգրոարդտարա՚ ԲԲ Ընկերությունից հնարավոր է, որ գողություններ կատարած լինեն նաև այլ անձինք, այդ կապակցությամբ նախաքննական մարմնի 18.12.2009թ. որոշմամբ սույն քրեական գործից առանձնացվել է ՙԱգրոարդտարա՚ ԲԲ Ընկերությունից անհայտ անձի կամ անձանց կատարված առանձնապես խոշոր չափի գողության վերաբերյալ մասը` ՀՀ քր. օր.-ի 177հդ.-ի 3-րդ մասի 1-ին կետի հատկանիշներով, որին շնորհվել է 12143609 համարը:
ՀՀ քր. դատ. օր.-ի 375-1հդ.-ի 6-րդ մասի վերջին պարբերության համաձայն` ... այն դեպքում, երբ ամբաստանյալը կամ քաղաքացիական պատասխանողը քաղաքացիական հայցը չի ընդունում, ապա դատարանը քաղաքացիական հայցը թողնում է առանց քննության` քաղաքացիական հայցվորին բացատրելով քաղաքացիական դատավարության կարգով հայց ներկայացնելու նրա իրավունքը:
Ընդհանուր իրավասության դատարանը դատավճռով տուժող /քաղաքացիական հայցվոր/ ՙԱգրոարդտարա՚ ԲԲ Ընկերության ներկայացուցիչ, Ընկերության տնօրեն Հրաչյա Բադալյանի ներկայացրած քաղաքացիական հայցը թողել է առանց քննության` կատարելով քրեադատավարական օրենքի նշված պահանջը:
Իրավական ստուգման և գնահատության ենթարկելով վերը նշված հանգամանքները, ՀՀ Վերաքննիչ քրեական դատարանը հանգում է այն հետևության, որ ՀՀ Էրեբունի և Նուբարաշեն վարչական շրջանների ընդհանուր իրավասության դատարանի` տուժողի/քաղաքացիական հայցվոր/ կողմից բողոքարկվող դատական ակտը օրինական, հիմնավորված, պատճառաբանված է, նախաքննական մարմինը և ընդհանուր իրավասության դատարանը ճիշտ են կիրառել քրեական օրենքը, գործի քննության և լուծման ընթացքում քրեադատավարական իրավունքի նորմերի խախտումներ թույլ չեն տվել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 376-1-րդ, 385-րդ, 386-րդ, 390-րդ, 391-րդ, 393-րդ, 394-րդ, 402-րդ հոդվածներով, ՀՀ Վերաքննիչ քրեական դատարանը

Ո Ր Ո Շ Ե Ց

Տուժող, քաղաքացիական հայցվոր ՙԱգրոարդտարա՚ ԲԲԸ-ի ներկայացուցիչ Հրաչյա Բադալյանի վերաքննիչ բողոքը մերժել:
ՀՀ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2010 թվականի մարտի 16-ի դատավճիռն քրեական գործով ըստ մեղադրանքի` Ռազմիկ Լևոնի Սարգսյանի ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 2-րդ, 3րդ և 4-րդ կետերով, Նվեր Գագիկի Հովսեփյանի ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 2-րդ, 3րդ և 4-րդ կետերով, Էդգար Արամի Արշակյանի ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 2-րդ, 3րդ և 4-րդ կետերով, Միքայել Ստեփանի Հովհաննիսյանի ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, 34-177-րդ հոդվածի 2-րդ մասի 1-ին, 2-րդ, 3րդ և 4-րդ կետերով, Միքայել Արթուրի Հովհաննիսյանի ՀՀ քրեական օրենսգրքի 34-177-րդ հոդվածի 2-րդ մասի 1-ին, 2-րդ, 3րդ կետերով` թողնել օրինական ուժի մեջ:
Որոշումը կարող է բողոքարկվել ՀՀ Վճռաբեկ դատարան` հրապարակման պահից մեկամսյա ժամկետում:

ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ

ՆԱԽԱԳԱՀՈՂ ԴԱՏԱՎՈՐ` Ա. ՀՈՎՀԱՆՆԻՍՅԱՆ