Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ
Գործ հմ. ԵԷԴ/0134/01/09
2009թ.
ք. Երևան
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Շ. ԴՈւՐՅԱՆ
ՄԵՂԱԴՐՈՂ-ԴԱՏԱԽԱԶ՝ Ա. ԲԵԳԻՆՅԱՆ
ՊԱՇՏՊԱՆ` Ս. ՀՈՎՀԱՆՆԻՍՅԱՆ
ՏՈւԺՈՂ` Կ. ԲԱԳՐԱՏՈւՆՅԱՆ

2009թ. Դեկտեմբերի «29»-ին« Երևան քաղաքում.
Դռնբաց դատական նիստում քննեց գործն ըստ մեղադրանքի՝ Արսեն Ուլյանովի Գրիգորյանի /ծնված՝ 01.08.1970թ. Երևան քաղաքում« ազգությամբ հայ« Հայաստանի Հանրապետության քաղաքացի« միջնակարգ կրթությամբ« ամուսնացած« խնամքին երեք անձ« չի աշխատել« ֆիզիկապես առողջ« նախկինում դատապարտված« դատվածությունը չմարված« հաշվառված և բնակվել է ք.Երևան« Բագրատունյաց փողոցի« 22 շենքի« թիվ 98 հասցեի բնակարանում« ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 24.07.2009թ-ից։
Մեղադրվում է ՀՀ Քրեական օրենսգրքի 235 հոդվածի 1-ին մասով։

1. Գործի դատավարական նախապատմությունը

Անհայտ անձի կողմից խուլիգանություն կատարելու դեպքի առթիվ 24.07.2009թ. ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 235 հոդվածի 1-ին մասի և 258 հոդվածի 4-րդ մասի հատկանիշներով քրեական գործ է հարուցվել։
Նախաքննության մարմնի 25.07.2009թ. որոշմամբ Արսեն Ուլյանովի Գրիգորյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 235 հոդվածի 1-ին մասով և 258 հոդվածի 4-րդ մասով։
Նախաքննության մարմնի քրեական հետապնդումը դադարեցնելու մասին 14.12.2009թ. որոշմամբ Արսեն Գրիգորյանի կողմից խուլիգանություն կատարելու դրվագով ՀՀ Քրեական օրենսգրքի 258 հոդվածի 4-րդ մասով հարուցված քրեական հետապնդումը դադարեցվել է` խուլիգանությանը նրա մասնակցությունը ապացուցված չլինելու հիմքով, և խուլիգանության դրվագով քրեական հետապնդումը դադարեցվել է հանցագործության դեպքի բացակայության հիմքով։ Միաժամանակ որոշվել է տուժող Կարեն Բագրատունյանի կրծքավանդակի, ձախ բազկի շրջաններում քերծվածքների, արյունազեղման ու սալջարդի առկայության դրվագով ՀՀ Քրեական օրենսգրքի 118 հոդվածով քրեական հետապնդում չիրականացնել` հանցադեպի բացակայության հիմքով։
14.12.2009թ. որոշմամբ Արսեն Գրիգորյանին առաջադրված մեղադրանքի ծավալը փոփոխվել է և նրան նոր մեղադրանք է առաջադրվել ՀՀ Քրեական օրենսգրքի 113 հոդվածի 2-րդ մասի 6-րդ կետով և 235 հոդվածի 1-ին մասով, որով և ներգրավվել է որպես մեղադրյալ։
15.12.2009թ. որոշմամբ անհայտ անձի կողմից ապօրինի կերպով մակարով տեսակի BE 1275 L համարի զենք և ռազմամթերք իրացնելու դեպքի առթիվ ՀՀ Քրեական օրենսգրքի 235 հոդվածի 1-ին մասի հատկանիշներով առանձնացված վարույթով նոր քրեական գործ է հարուցվել։
Արսեն Ուլյանովի Գրիգորյանին ՀՀ Քրեական օրենսգրքի 113 հոդվածի 2-րդ մասի 6-րդ կետով և 235 հոդվածի 1-ին մասով մեղադրանք է առաջադրվել այն բանի համար, որ. «2009թ. հուլիսի 23-ին, ժամը 17։30-ի սահմաններում Երևան քաղաքի Աթոյան փողոցը Ռոստովյան փողոցի թիվ 17 և 19 շենքերի հատվածում հատելիս լսել է Մ.Թովմասյանի վարած Պրադո մակնիշի 184 ՕՏ 64 պետհամարանիշի ավտոմեքենայի ձայնային ազդանշանը և շարունակել հատել ճանապարհը։ Ավտոմեքենան այդ պահին կանգնել է, ուղևոր Կարեն Բագրատունյանն իջել է ավտոմեքենայից, պարզաբանում պահանջել ձայնային ազդանշանից հետո Ա.Գրիգորյանի բարձրաձայն արած արտահայտության մասին։ Ա.Գրիգորյանը պատասխանել է, որ ինքը որևէ արտահայտություն չի արել, իսկ Կ.Բագրատունյանը մոտենալով ` կրկին պահանջել է պարզաբանում։ Ա.Գրիգորյանը խուլիգանական դրդումներով, այն է` հիշյալ աննշան առիթն օգտագործելով և իր անձի առավերությունն ընդգծելու մղումով, ապօրինաբար «Մակարով» տեսակի BE 1275 L համարի ատճանակով դիտավորությամբ երեք անգամ կրակոց է արձակել Կ.Բագրատունյանի աջ և ձախ ոտքերին, աջ ոտնաթաթի կույր, կրունկոսկրի մանրբեկորային կոտրվածքի, ձախ ոտնաթաթի միջանցիկ կրկնակի 5-րդ նախագարշապարային ոսկրի հիմի և խորանարդաձև ոսկրի բեկորային տեղաշարժված, բաց կոտրվածքների ձևով նրա առողջությանը պատճառել միջին ծանրության վնաս` առողջության տևական քայքայումով։ Այսպիսով Ա.Գրիգորյանն ապօրինի կերպով հրազեն և ռազմաթերք ձեռք բերելով, պահելով և կրակելով կատարել է ՀՀ Քրեական օրենսգրքի 235 հոդվածի 1-ին մասով նախատեսված հանցանք, իսկ դիտավորությամբ խուլիգանական դրդումներով Կ.Բագրատունյանի առողջությանը միջին ծանրության վնաս պատճառելով` կատարել է հանցանք` նախատեսված ՀՀ Քրեական օրենսգրքի 113 հոդվածի 2-րդ մասի 6-րդ կետով»։
Քրեական գործը 15.12.2009թ. կազմված և 16.12.2009թ. հաստատված մեղադրական եզրակացությամբ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան է ստացվել 17.12.2009թ.-ին։
Դատաքննությամբ մեղադրող դատախազը հրաժարվեց Արսեն Ուլյանովի Գրիգորյանին ՀՀ Քրեական օրենսգրքի 113 հոդվածի 2-րդ մասի 6-րդ կետով առաջադրված մեղադրանքից և այդ մասով Ա.Գրիգորյանի նկատմամբ քրեական հետապնդում իրականացնելուց` միաժամանակ միջնորդելով արարքը ՀՀ Քրեական օրենսգրքի 113 հոդվածի 2-րդ մասի 6-րդ կետից վերաորակել ՀՀ Քրեական օրենսգրքի 113 հոդվածի 1-ին մասով։
Դատական նիստում ամբաստանյալը և տուժողը հաշտվեցին, վերջինս իր միջնորդությամբ հայտնեց, որ չի ցանկանում որպեսզի քրեական հետապնդում իրականացվի և խնդրեց ՀՀ Քրեական օրենսգրքի 113 հոդվածի 1-ին մասով կարճել քրեական գործի վարույթը։ Դատարանը փաստելով տուժողի կողմից քրեական հետապնդում իրականացնելուց հրաժարումը և ղեկավարվելով ՀՀ Քրեական դատավարության օրենսգրքի 36 և 183 հոդվածներով ՀՀ Քրեական օրենսգրքի 113 հոդվածի 1-ին մասով քրեական գործի վարույթը կարճեց և դադարեցրեց Ա.Գրիգորյանի նկատմամբ քրեական հետապնդումը։ Դատաքննությունը շարունակվեց ՀՀ Քրեական օրենսգրքի 235 հոդվածի 1-ին մասի մեղադրանքի մասով։

2. Ապացույցների հետազոտում և գնահատում

Վերլուծելով ու գնահատելով դատաքննության ընթացքում հետազոտված ապացույցները՝ գործի հանգամանքների, մեղադրանքի ապացուցվածության և ամբաստանյալի մեղավորության մասին, դատարանն եկավ հետևության, որ արարքը, որի կատարման մեջ մեղադրվում է ամբաստանյալն՝ ապացուցված է։
Դատարանի հետևությունները հիմնված են դատաքննությամբ հետազոտված հետևյալ ապացույցների վրա։
Ամբաստանյալ Արսեն Ուլյանովի Գրիգորյանը դատաքննությամբ ցուցմունք տվեց այն մասին, որ 2009թ. հուլիսի «23»-ին, ժամը «16»-ի սահմաններում Նորագավիթում գտնվող գերեզմանատանը հոր շիրիմին այցելելիս ատրճանակ է գտել, որը ոստիկանությանը հանձնելու նպատակով ուղևորվել է դեպի Էրեբունու համայնք։ Երևան քաղաքի Էրեբունու համայնքի Աթոյան-Ռոստովյան փողոցները հատելիս լսել է Պրադո մակնիշի ավտոմեքենայի ազդանշան, սակայն չի կանգնել, այլ շարունակել է հատել փողոցը։ Մեքենայից արագ դուրս է եկել Կարեն Բագրատունյանն ու մոտեցել է իրեն։ Ինքը ճանաչել է վերջինիս, քանի որ որոշ ժամանակ առաջ անձնական թեմայով վիճաբանություն է ունեցել նրա հետ և մտածելով, որ հնարավոր է վերջինս նախկին խնդիրների պատճառով է իրեն մոտենում, վախից գոտկատեղից դուրս է հանել գտած ատրճանակը և վախեցնելու նպատակով մի քանի կրակոց է արձակել գետնին ու դիմել փախուստի։ Հաջորդ օրը ներկայացել է ոստիկանություն խոստովանել է արարքը և հանձնել է ատրճանակը, իսկ հետագայում իմացել է, որ իր կրակոցների արդյունքում տուժողի ոտքերը վնասվել են։ Դատաքննությամբ ամբաստանյալ Արսեն Գրիգորյանը հայտնեց նաև, որ դեպքի օրը տուժողի հետ չի վիճաբանել և նրան վնասվածք պատճառելու նպատակ չի ունեցել, իսկ նախաքննության ընթացքում դեպքի որոշ մանրամասներ չի ներկայացրել, քանի որ ոչ կարևոր համարելով ուշադրություն չի դարձրել և անձնական նպատակներով չի ցանկացել կնոջ պահը գործում հիշատակել։ Դատաքննությամբ ամբաստանյալը զղջաց կատարած արարքի համար և խնդրեց դատարանի մեղմ վարվել հաշվի առնելով, որ տուժողի հետ միմյանց հասկացել և հաշտվել են։
Տուժող` Կարեն Ռոստոմի Բագրատունյանի դատաքննական ցուցմունքով այն մասին, որ ամիսներ առաջ Անահիտ անունով անձնավորության պատճառով իր և ամբաստանյալ Արսեն Գրիգորյանի միջև վիճաբանություն է եղել։ 2009թ. հուլիսի «23»-ին, ժամը «16։30»-ի սահմաններում Երևան քաղաքի Աթոյան-Ռոստովյան փողոցների խաչմերուկում նկատել է Արսեն Գրիգորյանին և մեքենայի ձայնային ազդանշանով կանգնելու հրահանգ է տվել, սակայն վերջինս չի կանգնել։ Ինքը դուրս գալով մեքենայից շարժվել է դեպի Ա.Գրիգորյանը։ Հանկարծ անսպասելի վերջինս ատրճանակով սկսել է կրակել գետնին ու փախել։ Կրակոցների արդյունքում իր ոտքերը վնասվել են, որից հետո իր ընկեր Մարատ Թովմասյանն իրեն տեղափոխել է հիվանդանոց։ Տուժողը հայտնեց, որ դեպքի օրը որևէ հայհոյանք չի հնչել, ամբաստանյալի հետ չի վիճաբանել, իսկ կրակոցներից մարդիկ չեն հավաքվել։ Ներկայումս ամբաստանյալի հետ հաշտվել է, նրանից որևէ պարտք ու պահանջ չունի և չի ցանկանում, որ նա դատապարտվի։ Տուժողը հայտնեց նաև, որ նախաքննության ընթացքում ցուցմունք չի տվել, քանի որ բուժման ժամանակ դեղերի ազդեցության տակ հիշողությունն աղոտ է եղել, իսկ ներկայումս դեպքի կապակցությամբ ամեն բան հիշում է։
Վկա` Մարատ Մուշեղի Թովմասյանի նախաքննության ընթացքում տված ցուցմունքով այն մասին, որ 2009թ. հուլիսի «23»-ին, ժամը «16։30»-ի սահմաններում իր կողմից վարվող «Պրադո» մակնիշի 184 ՕՍ 64 պետհամարանիշի ավտոմեքենայով Կարեն Բագրատունյանի հետ դուրս են եկել վերջինիս Երևան քաղաքի Գ.Մահարու թիվ 2 հասցեից և ուղևորվել են դեպի Երևան քաղաքի Նոր Արեշ փողոցում գտնվող իր ընկեր Կարեն Պապիկյանի տուն։ Երևան քաղաքի Աթոյան-Ռոստովյան փողոցների խաչմերուկում մի անծանոթ երիտասարդ կանգնեցրել է ավտոմեքենան ու իրեն դուրս է կանչել, իրենք զրուցելով քայլել են դեպի Ռոստովյան 17 շենքի մոտ։ Այդ ընթացքում կրակոցի ձայներ է լսել։ Արագ մոտենալով տեսել է ավտոմեքենային հենված վիրավոր Կարեն Բագրատունյանին ու նրան շտապ տեղափոխել է Էրեբունի Բժշկական կենտրոն։
Արսեն Գրիգորյանի մեղայականով ներկայանալու վերաբերյալ 24.07.2009թ. կազմված արձանագրությամբ, այն մասին, որ վերջինս ներկայացնելով «ըժ 1275 խ» համարի ատրճանակը հայտնել է, որ նախորդ օրը դրանով կրակել է անծանթ անձի ուղղությամբ։
Արսեն Գրիգորյանի մասնակցությամբ կատարված քննչական փորձարարության արձանագրությամբ այն մասին, որ Արսեն Գրիգորյանը մատնացույց է արել Երևան քաղաքի Ռոստովյան փողոցի 17 և 19 շենքերի հատվածը և հայտնել, որ այդ վայրում է հրազենով կրակել Կարեն Բագրատունյանի ուղղությամբ։
Դեպքի վայրի զննության արձանագրությամբ այն մասին, որ Երևան քաղաքի Ռոստովյան փողոցի 17 և 19 շենքերի հատվածում հայտնաբերվել են արնանման նյութի հետքեր։
«Պրադո» մակնիշի 184 ՕՍ 64 պետհամարանիշի ավտոմեքենայի զննությամբ այն մասին, որ ավտոմեքենայի առջևի աջակողմյան հատվածում` ռետինե կտորի վրա հայտնաբերվել են արնանման նյութի հետքեր։
«Էրեբունի» բժշկական կենտրոնի ընդունարանի դեպքերի վերաբերյալ մատյանի զննության արձանագրությամբ այն մասին, որ 2009թ. հուլիսի «23»-ին, ժամը «17։50»-ին Կարեն Բագրատունյանը զույգ ոտնաթաթերի հրազենային վնասվածքներով ընդունվել է բժշկական կենտրոն։
Դատաբժշկական փորձաքննության թիվ 1057/հ եզրակացությամբ այն մասին, որ Կարեն Բագրատունյանի մարմնական վնասվածքները` կրծքավանդակի« ձախ բազկի շրջանի քերծվածքների« արյունազեղման« սալջարդի« աջ ոտնաթաթի կույր« կրունկոսկրի մանրբեկորային կոտրվածքի« ձախ ոտնաթաթի միջանցիկ« կրկնակի« 5-րդ նախագարշապարային ոսկրի հիմի և խորանարդաձև ոսկրի բեկորային տեղաշարժված« բաց կոտրվածքներով հրազենային« գնդակային« վիրավորումների ձևով« պատճառվել են կրծքավանդակի« ձախ բազկի շրջանի քերծվածքները« արյունազեղումը« սալջարդը` բութ« կոշտ առարկաներով« աջ ոտնաթաթկի կույր« կրունկոսկրի մանրբեկորային կոտրվածքի« ձախ ոտնաթաթի միջանցիկ« կրկնակի« 5-րդ նախագարշապարային ոսկրի հիմի և խորանարդաձև ոսկրի բեկորային« տեղաշարժված« բաց կոտրվածքներով հրազենային« գնդակային վիրավորումները` գնդակով լիցքավորված հրազենից արձակված կրակոցներով« հնարավոր է նշված ժամկետում։
Ի լրումն դատաբժշկական փորձաքննության թիվ 1057/հ եզրակացության տրված հետևությամբ այն մասին« որ Կարեն Բագրատունյանի մարմնական վնասվածքները առաջացրել են առողջությանը միջին ծանրության վնաս` առողջության տևական քայքայումով« նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը` 21 օրից ավելի։ Ինչ վերաբերվում է մարմնական վնասվածքների աստիճաններին առանձին-առանձին« ապա աջ ոտնաթաթի կույր« ձախ ոտնաթաթի միջանցիկ« կրկնակի հրազենային« գնդակային« վիրավորումներն ինչպես առանձին-առանձին« այնպես էլ միասին վերցված« պատճառել են առողջությանը միջին ծանրության վնաս` առողջության տևական քայքայումով« իսկ մնացած վնասվածքներն« ինչպես առանձին-առանձին« այնպես էլ միասին վերցված` առողջության թեթև վնասի հատկանիշներ չեն պարունակում։
Դատաձգաբանական և դատաքիմիական համալիր փորձաքննության թիվ 2386 եզրակացությամբ այն մասին« որ փորձաքննությանը ներկայացված գործարանային արտադրության «ըժ 1275 խ» համարի 9մմ տրամաչափի «Մակարով» տեսակի ատրճանակը պիտանի է կրակոցներ կատարելու համար և հանդիսանում է ակոսափող հրազեն։ Նրանից կրակված օբյեկտներ /գնդակ և պարկուճ/ չբացահայտված հանցագործությունների Հանրապետական գնդակապարկուճադարանում չեն հայտնաբերվել։
Ատրճանակի հետ փորձաքննությանը ներկայացված պահունակը հանդիսանում է գործարանային արտադրության 9մմ տրամաչափի «Մակարով» տեսակի ատրճանակների համար նախատեսված պահունակ« որը պիտանի է նպատակային օգտագործման համար« սակայն չի հանդիսանում ռազմամթերք։
Փորձաքննությանը ներկայացված գնդակը հանդիսանում է գործարանային արտադրության 9մմ տրամաչափի /9x18 ՊՄ/ ատրճանակային փամփուշտի բաղկացուցիչ մաս` կրակված գնդակ և կրակված է փորձաքննությանը ներկայացված 9մմ տրամաչափի «ըժ 1275 խ» համարի «Մակարով» տեսակի ատրճանակի փողից։ Գնդակի վրա առկա կրակման հետքերը պիտանի են կրակող զենքի կոնկրետ նույնացման համար։ Փորձաքննությանը ներկայացված ատրճանակի փողում առկա են կրակոցի արգասիքներ։
Կարեն Բագրատունյանի փորձաքննությանը ներկայացված հագուստների վրա հայտնաբերված վնասվածքները հրազենային-գնդակային են` պատճառված պղինձ պարունակող հավանաբար 9մմ տրամաչափի գնդակներով` լիցքի լրացուցիչ գործոնների ազդեցության սահմաններից դուրս տարածությունից /մոտ 120սմ և ավելի հեռավորությունից« որոնցից հմ.1 և հմ.2 վնասվածքները անդրավարտիքի ձախ փողքի ստորին հատվածի վրա« հմ.1.1 և հմ.1.2. վնասվածքները ձախ կոշիկի վրա և հմ.1.2. և հմ.2.2. վնասվածքները ձախ ոտքի գուլպայի կողային մակերեսի վրա հանդիսանում են մուտքի« իսկ դրանց հնարավոր շարունակությունները կազմող հմ.1.3. և հմ.2.3. վնասվածները ձախ ոտքի գուլպայի տակամասային մակերեսի վրա և հմ.1.4. և հմ.2.4. վնասվածնքները ձախ ոտքի կոշիկի տակամասային հատվածի վրա` ելքի հրազենային-գնդակային բնույթի միջանցիկ վնասվածքներ` պատճառված դրսից ներս« քիչ առջևից հետ« վերևից ներքև ուղղությամբ` երկու առանձին կրակոցների անդյունքում։ Հմ.3 վնասվածքը անդրավարտիքի աջ փողքի ստորին հատվածում և հմ.3.1. վնասվածքը աջ ոտքի գուլպայի վրա« հանդիսանում են մուտքի կույր հրազենային գնդակային բնույթի միջանցիկ վնասվածքներ` պատճառված դրսից ներս ուղղությամբ` մեկ կրակոցի հետևանքով։ Կարճաթև վերնաշապիկի հետևի ձախ հատվածում արտահայտված պատռվածքատիպ վնասվածքը` հավանաբար որևէ օտար առարկայից ունեցած կառչման արդյունքում առաջացած ոչ հրազենային բնույթի վնասվածք է։ Կրակոցի պահին զենքի փողը` դիմային կտրվածքով ուղղված է եղել դեպի տուժողի հագուստների վրա հայտնաբերած մուտքի հրազենային-գնդակային վնասվածքները։
Դատաբժշկական փորձաքննության թիվ 555 եզրակացությամբ այն մասին, որ փորձաքննության ներկայացված տուժող կարեն Բագրատունյանի արյան նմուշն, ըստ արյան ABO իզոշճաբանական համակարգի պատկանում է AB խմբին։ Փորձաքննության ներկայացված` նախկին անդրավարտիքի, կիսաթև վերնաշապիկի, անթև շապիկի, զույգ գուլպաների, զույգ կոշիկների, «… դեպքի վայրի զննությամբ…» հայտնաբերված քարերի վրա և հողանման զանգվածում տեղակայված կասկածելի հետքերում հաստատվեց մարդկային ծագման արյան առկայություն, որն առաջացել է, ըստ արյան ABO իզոշճաբանական համակարգի AB խմբի արյուն ունեցող որևէ անձից կամ անձանցից, այդ թվում նաև կարող էր առաջանալ Կարեն Բագրատունյանից։
Իրեղեն ապացույց ճանաչված և ՀՀ Ոստիկանության Փորձաքրեագիտական վարչությունում պահվող «ըժ 1275 խ» համարի «Մակարով» տեսակի ատրճանակով, Կարեն Բագրատունյանի աջ ոտքից վիրահատությամբ հանված 9մմ տրամաչափի կրակված գնդակով, փարձարարական կրակոցների արդյունքում ստացված նմուշներ` մեկ գնդակով և մեկ պարկուճով, Կարեն Բագրատունյանի մեկ հատ սև ջինսե անդրավարտիքով« մեկ հատ կարճաթև վերնաշապիկով, մեկ հատ անթև շապիկով, մեկ զույգ կոշիկներով, մեկ զույգ գուլպաներով։

3. Դատարանի իրավական վերլուծությունը

ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։
ՀՀ Քրեական օրենսգրքի 235 հոդվածի 1-ին մասը, որով և նախաքննության մարմնի կողմից ամբաստանյալին մեղադրանք է առաջադրվել, պատասխանատվություն է նախատեսում ապoրինի կերպով հրազեն, բացի ողորկափող հրազենից և դրա փամփուշտներից, ռազմամթերք, ակոuափող հրազենի փամփուշտներ, պայթուցիկ նյութեր կամ պայթուցիկ uարքեր «ձեռք բերելու», «իրացնելու», «պահելու», «փոխադրելու» կամ «կրելու» համար։ ՀՀ Քրեական օրենսգրքի 235 հոդվածի 1-ին մասն ունի բարդ` երկընտրելի հանցակազմ, որում նկարագրվում են հինգ ինքնուրույն գործողություններ և երկընտրելիությունը կայանում է նրանում, որ արարքներից թեկուզև մեկի կատարումը բավարար է արարքն ավարտված հանցագործություն ճանաչելու համար։
Ինչպես վկայում են սույն գործի հանգամանքներն« ամբաստանյալ Արսեն Գրիգորյանը գործով չբացահայտված պայմաններում ձեռք է բերել և ապօրինաբար գոտկատեղում կրել է ակոսափող հրազեն հանդիսացող «ըժ 1275 խ» համարի 9մմ տրամաչափի «Մակարով» տեսակի ատրճանակ« որպիսի օրենքով չթույլատրված արարքը նախատեսված է ՀՀ քրեական օրենսգրքի 235 հոդվածի 1-ին մասով։
Այսպիսով« դատարանը գործով ձեռք բերված բոլոր ապացույցները գնահատելով իրենց համակցության մեջ և դրանց բազմակողմանի« լրիվ« օբյեկտիվ քննության վրա հիմնված ներքին համոզմամբ գտնում է« որ Արսեն Գրիգորյանը կատարել է արարք, որը նախատեսված է ՀՀ Քրեական օրենսգրքի 235 հոդվածի 1-ին մասով« որով և պետք է ենթարկվի քրեական պատասխանատվության։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով« հանցավորի անձը բնութագրող տվյալներով« այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում« որ ամբաստանյալը« բնութագրվում է դրականորեն« կատարած արարքի համար իրեն մեղավոր է ճանաչել և զղջացել է« որն արտահայտվում է նրանով, որ վերջինս մեղայականով ներկայացել է վարույթն իրականացնող մարմին, տվել է ինքնախոստովանական ցուցմունքներ, աջակցել է հանցագործությունը բացահայտելուն, կամովին ներկայացրել է հանցագործության առարկա հանդիսացող «Մակարով» տեսակի ատրճանակը, հաշտվել է տուժողի հետ« բացի այդ ամբաստանյալի խնամքին են գտնվում «Ստենոկարդիա, հիպերտոնիկ հիվանդություն 2-րդ աստիճանի սիրտուղեղային ձև, կրիզային ընթացքով» հիվանդությամբ տառապող և մշտական խնամքի կարիք ունեցող մայրը, «Ինֆեկցիոն-ալերգիկ բրոնխիալ ասթմա հորմոնակախյալ, հաճախակի նոպաներով նեյրո-ցիրկուլյատոր դիարենիա» հիվանդությամբ տառապող կինը, անչափահաս որդին, այսպիսով ամբաստանյալն ունի բազմանդամ, մշտական խնամք պահանջող ընտանիք, որի միակ կերակրողն ինքն է։
Դատարանը վերը նշվածները հաշվի առնելով և նկատի ունենալով, որ ՀՀ Քրեական օրենսգրքի 235 հոդվածի 1-ին մասի սանկցիան, որպես պատժատեսակ նախատեսում է միայն անազատության մեջ պահելու` կալանքի և ազատազրկման ձևով պատիժ, գտնում է, որ ամբաստանյալ Արսեն Գրիգորյանի նկատմամբ պետք է ազատազրկման ձևով պատիժ նշանակել։ Սակայն հանցավորի անձը բնութագրող տվյալները, գործի հանգամանքները, պատաuխանատվությունը և պատիժը մեղմացնող հանգամանքների համակցությունն իր ամբողջության մեջ դիտելով և հիմք ընդունելով ՀՀ Քրեական օրենսգրքի 70 հոդվածի 1-ին և 2-րդ մասերն, ըստ որոնց` եթե դատարանը ... ազատազրկման... ձևով պատիժ նշանակելիս հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին։ Պատիժը պայմանականորեն չկիրառելիս դատարանը հաշվի է առնում հանցավորի անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքները, գտնում է, որ Արսեն Գրիգորյանի ուղղվելը հնարավոր է առանց նրան անազատության մեջ պահելու ձևով հասարակությունից մեկուսացնելու, ուստի նրա նկատմամբ նշանակվող ազատազրկման ձևով պատիժը հարկ է պայմանականորեն չկիրառել և սահմանել փորձաշրջան։ Դատարանը սոցիալական արդարության վերականգնման տեսանկյունից հաշվի է առնում այն, որ տուժողը հաշտվել է ամբաստանյալի հետ և նրանից որևէ պարտք ու պահանջ չունի և ավելի քան հինգ ամիս է գտնվում է անազատության մեջ։
Բացի այդ դատարանը հարկ է համարում արձանագրել, որ ՀՀ քրեական օրենգրքի 70 հոդվածի կիրառման վերաբերյալ ՀՀ Վճռաբեկ դատարանն արտահայտել է իր իրավական դիրքորոշումն առ այն, որ ՀՀ քրեական օրենգրքի 70 հոդվածի կիրառումը հանցագործության տեսակի հետ կապված որևէ սահմանափակում չի ենթադրում և դրա կիրառումը հանցավոր արարքի վտանգավորության աստիճանից, բնույթից կամ անձանց շրջանակից կախվածության մեջ գտնվել չի կարող և իր 12.06.2007թ. թիվ ՎԲ-124/07 որոշմամբ նշել, որ «ՀՀ քրեական օրենգրքի 70 հոդվածի կիրառման հիմնական պայմանը պատճառաբանված լինելն է։ Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի, ինչպես հանցագործության կատարման, այնպես էլ հանցավորի անձին վերաբերվող բոլոր հանգամանքները։ Կարևորն այն է, որ հանգի հիմնավոր եզրակացության, որ դատապարտյալի ուղղումը հնարավոր է առանց նշանակված պատիժը կրելու»։ Իսկ մեկ այլ 01.02.2008թ. թիվ ՎԲ-01/08 որոշմամբ ՀՀ Վճռաբեկ դատարանն արձանագրել է, որ պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենգրքի 70 հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենգրքի 48 հոդվածի 2-րդ մասով ամրագրված պատժի նպատակների համատեքստում, այսինքն` պատիժը պայմանականորեն չկիրառելու որոշում կայացնելիս իրավասու դատարանը յուրաքանչյուր դեպքում պետք է քննարկի նաև պատժի` սոցիալական արդարության վերականգնման և պատժի ենթարկված անձի ուղղվելու նպատակների իրացման հարցը։
ՀՀ Քրեական դատավարության օրենսգրքի 374 հոդվածի համաձայն` եթե ամբաuտանյալը կալանքի տակ է գտնվում, ապա դատարանն ամբաuտանյալի նկատմամբ նշանակված պատիժը պայմանականորեն չկիրառելու դեպքում նրան անհապաղ ազատում է կալանքից դատական նիuտի դահլիճում։
Ելնելով վերոգրյալներից դատարանը գտնում է, որ հաշվի առնելով այն հանգամանքը, որ Արսեն Գրիգորյանը 2009թ. հուլիսի «24»-ից գտնվում է նախնական կալանքի տակ, ուստի ՀՀ քրեական օրենսգրքի 70 հոդվածի կիրառմամբ պատիժը պայմանականորեն չկիրառելու պայմաններում նրան պետք է անհապաղ ազատ արձակել դատական նիստերի դահլիճից։
Քննարկելով իրեղեն ապացույցների հարցը« դատարանը գտնում է« որ դատավճիռն օրինական ուժի մեջ մտնելուց հետո իրեղեն ապացույց ճանաչված և ՀՀ Ոստիկանության Փորձաքրեագիտական վարչությունում պահվող «БЕ 1275 Л» համարի «Մակարով» տեսակի ատրճանակը պետք է թողնել ՀՀ Ոստիկանության Փորձաքրեագիտական վարչության տնօրինմանը, Կարեն Բագրատունյանի աջ ոտքից վիրահատությամբ հանված 9մմ տրամաչափի կրակված գնդակը, փարձարարական կրակոցների արդյունքում ստացված նմուշներ` մեկ գնդակը և մեկ պարկուճը պետք է ոչնչացնել, իսկ Կարեն Ռոստոմի Բագրատունյանին պատկանող մեկ հատ սև ջինսե անդրավարտիքը« մեկ հատ կարճաթև վերնաշապիկը, մեկ հատ անթև շապիկը, մեկ զույգ կոշիկները, մեկ զույգ գուլպաները պետք է վերադարձնել վերջինիս։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360 հոդվածներով« դատարանը
Վ Ճ Ռ Ե Ց

Արսեն Ուլյանովի Գրիգորյանին մեղավոր ճանաչել ՀՀ Քրեական օրենսգրքի 235 հոդվածի 1-ին մասով և դատապարտել ազատազրկման` 1 /մեկ/ տարի 6 /վեց/ ամիս ժամկետով։
Կիրառել ՀՀ Քրեական օրենսգրքի 70 հոդվածը, նշանակված` ազատազրկում 1 /մեկ/ տարի 6 /վեց/ ամիս ժամկետով պատիժը պայմանականորեն չկիրառել, սահմանել փորձաշրջան 2/երկու/ տարի ժամկետով։
Ա.Գրիգորյանի նկատմամբ ընտրված կալանք խափանման միջոցը վերացնել և նրան անհապաղ ազատ արձակել դատական նիստերի դահլիճից։
Ա.Գրիգորյանի վարքի նկատմամբ վերահսկողությունը դնել ՀՀ Արդարադատության նախարարության քրեակատարողական վարչության ազատությունից զրկելու հետ չկապված պատիժների կատարման բաժնի համապատասխան ստորաբաժանման վրա։
Դատավճիռն օրինական ուժի մեջ մտնելուց հետո իրեղեն ապացույց ճանաչված և ՀՀ Ոստիկանության Փորձաքրեագիտական վարչությունում պահվող «БЕ 1275 Л» համարի «Մակարով» տեսակի ատրճանակը թողնել ՀՀ Ոստիկանության Փորձաքրեագիտական վարչության տնօրինմանը, Կարեն Բագրատունյանի աջ ոտքից վիրահատությամբ հանված 9մմ տրամաչափի կրակված գնդակը, փարձարարական կրակոցների արդյունքում ստացված նմուշներ` մեկ գնդակը և մեկ պարկուճը` ոչնչացնել, իսկ տուժողին պատկանող մեկ հատ սև ջինսե անդրավարտիքը« մեկ հատ կարճաթև վերնաշապիկը, մեկ հատ անթև շապիկը, մեկ զույգ կոշիկները, մեկ զույգ գուլպաները վերադարձնել Կարեն Ռոստոմի Բագրատունյանին։
Դատավճիռը կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։

ԴԱՏԱՎՈՐ Ա. ՕՀԱՆՅԱՆ