Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0132/01/09
2010թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐՆԵՐ՝ Լ. ՄՈՎՍԻՍՅԱՆ
Ք. ԱԼԵՔՍԱՆՅԱՆ
ՄԵՂԱԴՐՈՂ-ԴԱՏԱԽԱԶ՝ Ա. ԲԵԳԻՆՅԱՆ
ՊԱՇՏՊԱՆՆԵՐ` Ա. ՔՈՉԱՐՅԱՆ
Ա. ՄԱՐՏԻՐՈՍՅԱՆ
ԹԱՐԳՄԱՆԻՉ` Գ. ԱՍԱՏՐՅԱՆ


2010թ. Ապրիլի «01»-ին, Երևան քաղաքում.
Դռնբաց դատական նիստում քննեց քրեական գործն ըստ մեղադրանքի՝ Ալլա Գեորգիի Մախովայի /ծնված՝ 01.03.1979թ. Ուզբեկստանի հանրապետության Տաշկենտ քաղաքում, ազգությամբ ռուս, Ուզբեկստանի Հանրապետության քաղաքացի, միջնակարգ կրթությամբ, ամուսնացած, խնամքին ոչ ոք, աշխատել է «Լունա» գիշերային ակումբում, նախկինում չդատապարտված, վատառողջ, բնակվել է ք.Երևան, Գ.Մահարի փողոցի թիվ 18 հասցեի տանը, ներկայումս ՀՀ ԱՆ «Աբովյան» քրեակատարողական հիմնարկության կալանավոր/։
Սույն գործով արգելանքի տակ է 22.07.2009թ-ից։
Մեղադրվում է ՀՀ Քր. օր-ի 268 հոդվածի 2-րդ մասի 1-ին կետով։
Ռուբեն Վրեժի Առաքելյանի /ծնված՝ 17.02.1961թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին մեկ անձ, չի աշխատել, նախկինում դատապարտված, դատվածությունը մարված, ֆիզիկապես առողջ, բնակվել է ք.Երևան, Վարդաշեն 9-րդ փողոցի, 9ա շենքի, թիվ 17 հասցեի բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 11.08.2009թ-ից։
Մեղադրվում է ՀՀ Քր. օր-ի 38-268 հոդվածի 2-րդ մասի 1-ին կետով։


1. Գործի դատավարական նախապատմությունը


Ալլա Մախովայի կողմից առանց իրացնելու նպատակի ապօրինաբար զգալի չափի թմրամիջոց և հոգեմետ նյութ ձեռք բերելու և պահելու դեպքի առթիվ 22.07.2009թ. ՀՀ Ոստիկանության ՔԳՎ Էրեբունու քննչական բաժնում ՀՀ Քրեական օրենսգրքի 268 հոդվածի 1-ին մասով քրեական գործ է հարուցվել։
24.07.2009թ. որոշմամբ Ալլա Գեորգիի Մախովային մեղադրանք է առաջադրվել ՀՀ Քրեական օրենսգրքի 268 հոդվածի 2-րդ մասի 1-ին կետով։ 03.12.2009թ. որոշմամբ Ալլա Գեորգիի Մախովային առաջադրված մեղադրանքը լրացվել է և նույն օրը նրան մեղադրանք է առաջադրվել ՀՀ Քրեական օրենսգրքի 268 հոդվածի 2-րդ մասի 1-ին կետով այն բանի համար, որ նա. «Ողնաշարի շրջանում ունեցած սուր ցավերը մեղմելու համար 2009թ. հուլիս ամսին նպատակադրվել է ապօրինաբար թմրամիջոցներ ձեռք բերել և գործածել։ Իր մտերիմ` Վարդաշեն թաղամասի բնակիչ Ռուբեն Առաքելյանից տեղյակ լինելով, որ վերջինս բարեկամ ունի, որը քաղցկեղով հիվանդ է և օրինական կարգով ստանում է «Օմնոպոն» տեսակի թմրամիջոց, 2009թ. հուլիսի «15»-ին, իր այդ մտադրության մասին հայտնել է նրան և խնդրել է օգնել իր գործածման համար թմրամիջոցներ ձեռք բերել` առաջարկելով նաև գնել այդպիսիք։ Տեսնելով, որ Ա.Մախովան ցավերից կապտել է` Ա.Առաքելյանը համաձայնվել է, հնարավորության սահմաններում, օգնել վերջինիս թմրամիջոց ձեռք բերելու հարցում և այդ նպատակով գնացել է իր քենակալ Արմեն Ռաֆիկի Մխիթարյանի տուն, որը հիվանդ է եղել քաղցկեղով և օրինական կարգով ՀՀ ոստիկանության բուժվարչության պոլիկլինիկայից ստացել է «Օմնոպոն» տեսակի թմրամիջոց և «Տրամադոլ» տեսակի հոգեմետ նյութ պարունակող դեղահաբեր։ Վերջինիս Ռ.Առաքելյանը պատմել է ցավերը մեղմացնելու նպատակով գործածելու համար թմրամիջոցներ ձեռք բերելու Ա.Մախովայի ցանկության մասին և առաջարկել է թմրամիջոցներ տալ այդ աղջկան։ Ա.Մխիթարյանը համաձայնվել է. 2009թ. հուլիսի «15»-ին Երևան քաղաքի Վարդաշեն թաղամասում Ա.Մախովան, Ռ.Առաքելյանի օժանդակությամբ, վերջինիս քենակալ Ա.Մխիթարյանից ապօրինի ձեռք է բերել և պահել է զգալի չափի` 0,0206 գրամ քաշով, մեկ սրվակ «Օմնոպոն» տեսակի թմրամիջոց, որը նույն օրը ներարկման միջոցով գործածել է։ Հետագայում Ա.Մախովան, Ռ.Առաքելյանի միջոցով, դրա դիմաց Ա.Մխիթարյանին վճարել է 5.000 դրամ։ 2009թ. հուլիսի «18»-ին, ժամը «21»-ի սահմաններում Երևան քաղաքի Վարդաշեն թաղամասում Ա. Մախովան, Ռ.Առաքելյանի օժանդակմամբ, վերջինիս քենակալ Ա.Մխիթարյանից, կրկին անգամ ապօրինի ձեռք է բերել և պահել է զգալի չափի` 0,0206 գրամ քաշով, մեկ սրվակ «Օմնոպոն» տեսակի թմրամիջոց, որը նույն օրը ներարկման միջոցով գործածել է` հետագայում Ռ.Առաքելյանի միջոցով դրա դիմաց Ա.Մխիթարյանին վճարելով 5.000 ՀՀ դրամ։ 2009թ. հուլիս «21»-ին, ժամը «22»-ի սահմաներում, Երևան քաղաքի Վարդաշեն թաղամասում Ա.Մախովան, Ռ.Առաքելյանի օժանդակմամբ, վերջինիս քենակալ Ա.Մխիթարյանից կրկին անգամ ապօրինի ձեռք է բերել և պահել զգալի չափի` 0,0412 գրամ քաշով, «Օմնոպոն» տեսակի թմրամիջոցի երկու սրվակ և զգալի չափի` 0,05 գրամ քաշով «Տրամադոլ» տեսակի հոգեմետ նյութ պարունակող դեղահաբ` դրա դիմաց Ռ.Առաքելյանին վճարելով 10.000 ՀՀ դրամ։ Նշված զգալի չափի «Օմնոպոն» տեսակի թմրամիջոցը և «Տրամադոլ» տեսակի հոգեմետ նյութ պարունակող դեղահաբը ս/թ հուլիսի «22»-ի, ժամը «00։20»-ին հայտնաբերվել են ՀՀ Ոստիկանության Էրեբունու բաժնում կատարված Ա.Մախովայի անձնական խուզարկությամբ»։
13.08.2009թ. որոշմամբ Ռուբեն Վրեժի Առաքելյանը ներգրավվել է, որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 266 հոդվածի 2-րդ մասի 2.1-ին կետով։ 26.11.2009թ. որոշմամբ Ռուբեն Առաքելյանին առաջադրված մեղադրանքը փոփոխվել է և նրան մեղադրանք է առաջադրվել ՀՀ Քրեական օրենսգրքի 38-268 հոդվածի 2-րդ մասի 1-ին կետով, որով 27.11.2009թ. ներգրավվել է որպես մեղադրյալ։ Ռուբեն Առաքելյանին մեղադրանք է առաջադրվել այն բանի համար, որ նա. «2009թ. հուլիս ամսին այցելելով իր մտերիմ` Երևան քաղաքի Գ.Մահարի փողոցի, թիվ 18 տան բնակչուհի Ա.Մախովային, տեղեկացել է, որ վերջինս մեջքի շրջանում ունեցած սուր ցավերը մեղմելու համար ցանկանում է ապօրինի ձեռք բերել և գործածել թմրամիջոցներ։ Նույն օրը տեղի ունեցած խոսակցության ընթացքում Ա.Մախովան Ռ.Առաքելյանին հայտնել է, որ տեղեկացված է քաղցկեղով տառապող վերջինիս ազգականի կողմից օրինական կարգով «Օմնոպոն» տեսակի թմրամիջոց ստանալու մասին, ապա` խնդրել է օգնել և ցավերը մեղմելու համար գործածման համար թմրամիջոց ձեռք բերել` առաջարկելով նաև գնել այդպիսիք։ Ռ.Առաքելյանը խոստացել է հնարավորության սահմաններում օգնել Ա.Մախովային ապօրինի թմրամիջոց ձեռք բերելու հարցում և այդ նպատակով գնացել է իր քենակալ, քաղցկեղ հիվանդությամբ տառապող, օրինական կարգով «Օմնոպոն» տեսակի թմրամիջոց ստացող Ա.Մխիթարյանի տուն։ Վերջինիս Ռ.Առաքելյանը պատմել է ցավերը մեղմելու նպատակով գործածելու համար թմրամիջոցներ ձեռք բերելու Ա.Մախովայի ցանկության մասին և առաջարկել է թմրամիջոցներ տալ նրան, ինչին վերջինս համաձայնել է։ 2009թ. հուլիսի «15»-ին Ռ.Առաքելյանն օժանդակելով Ա.Մախովային ապօրինի ձեռք է բերելու հարցում, գնացել է իր քենակալ Արմեն Ռաֆիկի Մխիթարյանի բնակարան, որտեղ նրանից վերցրել է զգալի չափի` 0,0206 գրամ քաշով, մեկ սրվակ «Օմնոպոն» տեսակի թմրամիջոց, որը փոխադրել է Երևան քաղաքի Վարդաշեն թաղամաս և հանձնել Ա.Մախովային` դրա դիմաց Ա.Մխիթարյանին վճարելով Ա.Մախովայի տված 5.000 ՀՀ դրամը։ 2009թ. հուլիսի «18»-ին, ժամը «21»-ի սահմաններում Ռ.Առաքելյանը կրկին անգամ Ա.Մախովային ապօրինի թմրամիջոց ձեռք բերելու հարցում օժանդակելու նպատակով գնացել է Ա.Մխիթարյանի բնակարան, որտեղ նրանից ապօրինի ձեռք է բերել զգալի չափի` 0,0206 գրամ քաշով «Օմնոպոն» տեսակի թմրամիջոց, որը նույն օրը փոխադրել է Երևան քաղաքի Վարդաշեն թաղամաս և հանձնել Ա.Մախովային` դրա դիմաց Ա.Մխիթարյանին վճարելով Ա.Մախովայի տված 5.000 ՀՀ դրամը։ 2009թ. հուլիս «21»-ին, ժամը «22»-ի սահմաներում Ռ.Առաքելյանը Ա.Մախովային ապօրինի թմրամիջոց ձեռք բերելու հարցում օժանդակելու նպատակով Ա.Մխիթարյանից կրկին անգամ ապօրինի ձեռք է բերել զգալի չափի` 0,0412 գրամ քաշով «Օմնոպոն» տեսակի թմրամիջոց և զգալի չափի` 0,05 գրամ քաշով «Տրամադոլ» տեսակի հոգեմետ նյութ պարունակող դեղահաբ, որը նույն օրը փոխադրել է Երևան քաղաքի Վարդաշեն թաղամաս և հանձնել Ա.Մախովային` դրա դիմաց հետագայում Ա.Մխիթարյանին վճարելով Ա.Մախովայի տված 10.000 ՀՀ դրամը»։
01.12.2009թ. որոշմամբ «Օմնոպոն» տեսակի թմրամիջոցի և «Տրամադոլ» տեսակի հոգեմետ նյութ պարունակող դեղահաբի համար Արմեն Ռաֆիկի Մխիթարյանի նկատմամբ ՀՀ քրեական օրենսգրքի 266 հոդվածի 2-րդ մասի 2.1 կետով քրեական հետապնդումը դադարեցվել է` հանցագործությանը վերջինիս մասնակցությունն ապացուցված չլինելու հիմքով։
Քրեական գործն ըստ մեղադրանքի Ալլա Գեորգիի Մախովայի` ՀՀ Քրեական օրենսգրքի 268 հոդվածի 2-րդ մասի 1-ին կետով և Ռուբեն Վրեժի Առաքելյանի` ՀՀ Քրեական օրենսգրքի 38-268 հոդվածի 2-րդ մասի 1-ին կետով 04.12.2009թ. կազմված և 04.12.2009թ. հաստատված մեղադրական եզրակացությամբ 07.12.2009թ. ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 03.02.2010թ. որոշմամբ քրեական գործի քննությունը հետաձգվել է և առաջարկվել է ՀՀ Գլխավոր դատախազին վերահաստատել Ռուբեն Վրեժի Առաքելյանի մասով մեղադրական եզրակացությունը։
Քրեական գործը 15.02.2010թ. մեղադրական եզրակացությունը վերահաստատելու որոշմամբ 24.02.2010թ. ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Ապացույցների հետազոտում և գնահատում




Վերլուծելով ու գնահատելով դատաքննության ընթացքում հետազոտված ապացույցները՝ գործի հանգամանքների, մեղադրանքի ապացուցվածության և ամբաստանյալների մեղավորության մասին, դատարանն եկավ հետևության, որ արարքը, որի կատարման մեջ մեղադրվում են ամբաստանյալներն՝ ապացուցված է։
Դատարանի հետևությունները հիմնված են դատաքննությամբ հետազոտված հետևյալ ապացույցների վրա։
Ամբաստանյալ Ալլա Գեորգիի Մախովայի ցուցմունքով այն մասին, որ իմանալով Ռուբեն Առաքելյանի բարեկամներից մեկի քաղցկեղով հիվանդ լինելու և «Օմնոպոն» տեսակի թմրամիջոց ստանալու մասին, իր ողնաշարի շրջանում սուր ցավերը մեղմելու նպատակով Ռուբեն Առաքելյանին խնդրել է օգնել «Օմնոպոն» տեսակի թմրամիջոց ձեռք բերելու հարցում։ Վերջինս խոստացել է բարեկամի համաձայնությունը ստանալու դեպքում տեղեկացնել իրեն, իսկ որոշ ժամանակ անց հայտնել է, որ բարեկամը համաձայն է միայն թմրադեղի դատարկ սրվակները վերադարձնելու պայմանով։ Ինքը համաձայնվել է և 2009թ. հուլիսի «15»-ին` առաջին անգամ, 2009թ. հուլիսի «18»-ին` երկրորդ անգամ, Ռուբեն Առաքելյանից ձեռք է բերել մեկական սրվակ «Օմնոպոն» տեսակի թմրամիջոցներ, որի դիմաց վճարել է ՀՀ 5.000-ական դրամ գումար, որոնք ներարկման միջոցով օգտագործելուց հետո դատարկ սրվակները վերադարձրել է Ռուբեն Առաքելյանին։ Վերջին անգամ 2009թ. հուլիսի «21»-ին Ռուբեն Առաքելյանն իրեն փոխանցել է երկու սրվակ «Օմնոպոն» տեսակի թմրամիջոց և մեկ հատ «Տրամադոլ» տեսակի դեղահաբ, որի դիմաց ինքը վերջինիս ՀՀ 10.000 դրամ գումար է տվել։ Սակայն, երբ նստել է տաքսի ավտոմեքենա և մոտ 20 մետր հեռացել է հանդիպման վայրից մեքենան կանգնեցրել են ոստիկանության աշխատակիցներն ու իրենց տեղափոխել Էրեբունու ոստիկանության բաժանմունք, որտեղ իր մոտից հայտնաբերել են մեկ սրվակ «Օմնոպոն» տեսակի թմրամիջոց և մեկ հատ «Տրամադոլ» տեսակի դեղահաբը, իսկ տաքսի ավտոմեքենայից հայտնաբերել են «Օմնոպոն» տեսակի թմրամիջոցի մյուս սրվակը։ Ամբաստանյալը հայտնեց, որ ընդհանուր առմամբ Ռուբեն Առաքելյանի օգնությամբ, երեք անգամ, ընդհանուր առմամբ ձեռք է բերել չորս սրվակ «Օմնոպոն» տեսակի թմրամիջոց և մեկ հատ «Տրամադոլ» տեսակի դեղահաբ, որոնց դիմաց վճարել է ՀՀ 20.000 դրամ գումար, «Օմնոպոն» տեսակի թմրամիջոցներից ներարկման միջոցով օգտագործել է երկու սրվակը և վերադարձրել դատարկ սրվակներն, իսկ մյուս երկու սրվակները և «Տրամադոլ» տեսակի դեղահաբը չի հասցրել օգտագործել։ Դատաքննությամբ ամբաստանյալ Ալլա Մախովան առաջադրված մեղադրանքում իրեն լիովին մեղավոր ճանաչեց և զղջաց։
Ամբաստանյալ Ռուբեն Վրեժի Առաքելյանը դատաքննությամբ հրաժարվեց ցուցմունք տալուց, սակայն պնդեց նախաքննության ընթացքում տված իր ցուցմունքներն այն մասին, որ Ալլա Մախովայի խնդրանքով և նրան օգնելու նպատակով իր քենակալ Արմեն Մխիթարյանից վերցնելով «Օմնոպոն» տեսակի, ընդհանուր առմամբ չորս սրվակ թմրամիջոցներ և մեկ «Տրամադոլ» տեսակի դեղահաբ դրանք փոխանցել է Ալլա Մախովային, որի դիմաց նրանից յուրաքանչյուր սրվակի դիմաց վերցրել է ՀՀ 5.000-ական դրամ գումար և օգտագործած թմրամիջոցի դատարկ սրվակները, որոնք տվել է Արմեն Մխիթարյանին։ Դատաքննությամբ ամբաստանյալ Ռուբեն Առաքելյանն առաջադրված մեղադրանքում իրեն լիովին մեղավոր ճանաչեց և զղջաց։
Վկա` Արմեն Ռաֆիկի Մխիթարյանի ցուցմունքով այն մասին, որ տառապում է օնկոլոգիական հիվանդություններով և օրինական կարգով ստանում է «Օմնոպոն», «Տրամադոլ», «Անալգին», «Դիմիդրոլ» և այլ դեղամիջոցներ։ Վկան հայտնեց, որ 2009թ. գարնանը կամ ամռանը պատահական հանդիպել է Ռուբեն Առաքելյանին, ով իրենից իր մտերիմներից մեկի համար հանգստացնող հաբ է ուզել, ինքը գրպանում պարունակվող իր դեղահաբերից մեկը տվել է Ռուբեն Առաքելյանին, սակայն վկան չբացառեց, որ տրամադրված հաբը «Տրամադոլ», «Դիմեդրոլ» կամ այլ հանգստացնող է եղել։
Վկա` Հրայր Նորիկի Աբրահամյանի ցուցմունքով այն մասին, որ աշխատում է «Ռելաքս» տաքսի ծառայությունում, որպես վարորդ և ճանաչում է ամբաստանյալ Ալլա Մախովային, ում կանչով հաճախակի մատուցել է ծառայություններ։ 2009թ. հուլիսի «21»-ին, երեկոյան ժամը «21»-ի սահմաններում իրեն զանգարարել է Ալլա Մախովան և խնդրել Նոր Նորքի 9-րդ զանգվածից իրեն տեղափոխել Վարդաշեն թաղամաս, 80 համարի երթուղային տաքսու վերջին կանգառի մոտ և ինքը կատարել է պատվերը։ Ալլան մեքենայից դուրս է եկել և խնդրել է սպասել։ Որոշ ժամանակ անց Ալլա Մախովան վերադարձել և պահանջել է իրեն տեղափոխել աշխատանքի վայր` «Լունա» գիշերային ակումբ։ Սակայն մոտ 100 մետր անցնելուց հետո մեքենան ոստիկանության աշխատակիցները կանգնեցրել են ու իրեն, Ալլա Մախովային ու մեքենան տեղափոխել են Ոստիկանության բաժանմունք, որտեղ Ալլա Մախովայի մոտից մեկ սրվակ և դեղահաբ են հայտնաբերել, իսկ ավտոմեքենայի միջից հայտնաբերել են մեկ սրվակ, որոնց վերաբերյալ Ալլա Մախովան հայտարարել է, որ դրանք պատկանում են իրեն։

Անձնական խուզարկության ենթարկելու մասին արձանագրությամբ այն մասին, որ 2009թ. հուլիսի «22»-ին խուզարկության ենթարկված Ալլա Գեորգիի Մախովայի մոտից հայտնաբերվել է մեկ հատ 1մլ տարողությամբ փակ սրվակ և դեղահաբ, որոնց վերաբերյալ Ալլա Մախովան հայտարարել է, որ դրանք «Օմնոպոն» և «Տրամադոլ» տեսակի թմրամիջոցներ են որոնք իր գործածման համար ձեռք է բերել ոմն Ռուբոյից։
Ավտոմեքենայի զննության արձանագրությամբ այն մասին, որ 22.07.2009թ. «Դեյվու» մակնիշի ավտոմեքենայի առջևի աջ նստատեղի վրայից հայտնաբերվել է մեկ հատ 1մլ տարողությամբ փակ սրվակ որի վերաբերյալ Ալլա Մախովան հայտարարել է, որ դա «Օմնոպոն» տեսակի թմրամիջոց է որոնք իր գործածման համար ձեռք է բերել ոմն Ռուբոյից։
23.07.2009թ. կազմված մարմնի քննում կատարելու վերաբերյալ արձանագրությամբ այն մասին, որ Ալլա Մախովայի աջ և ձախ ձեռքերի դաստակների արտաքին մակերեսներին առկա են կապտուկ վերքեր, որոնք ըստ Ալլա Մախովայի հայտարարության «Օմնոպոն» տեսակի թմրամիջոցը ներարկելու տեղերն են։
Նյութագիտական փորձաքննության թիվ 09-1431 եզրակացությամբ այն մասին, որ փորձաքննության ներկայացված գործարանային փակ վիճակում գտնվող թվով երկու հատ ապակյա սրվակներից յուրաքանչյուրում առկա 1մլ ծավալով անգույն թափանցիկ հեղուկները հանդիսանում են «Օմնոպոն» տեսակի թմրամիջոցի լուծույթներ, որոնցից յուրաքանչյուրի մեջ «Օմնոպոնի» չոր քաշը կազմում է 0,0206 գրամ, որը պարունակում է 0,0134 գրամ «մորֆին», 0,005 գրամ «ներկոտին», 0.0014 գրամ «կոդեին», 0,0007 գրամ «պապավերին», 0,0001 գրամ «տեբաին»։ Փորձաքննությանը ներկայացված պոլիէթիլենային թաղանթի մեջ փաթաթված մեկ հատ սպիտակ գույնի, օվալաձև դեղահատում պարունակվում է 0,05 գրամ տրամադոլ տեսակի ակտիվ բաղադրատարր։ «Օմնոպոնը», «Մորֆինը», «Կոդեինը» և «Տրամադոլը» ներառված են «Հայաստանի Հանրապետության հսկման ենթակա թմրամիջոցների, հոգեմետ նյութերի և դրանց պրեկուրսորների» կազմում։
Դատաքիմիական փորձաքննության թիվ 09-1431 եզրակացությամբ այն մասին, որ Ալլա Մախովայի մոտ հայտնաբերված և փորձաքննությանը ներկայացված երկու հատ ապակյա սրվակներից յուրաքանչյուրում առկա են «Օմնոպոն» տեսակի թմրամիջոցներ, որոնցից յուրաքանչյուրի մեջ «Օմնոպոնի» չոր քաշը կազմում է 0,0206 գրամ, իսկ մեկ հատ սպիտակ գույնի օվալաձև դեղահատում առկա է 0,05 գրամ «Տրամադոլ» տեսակի հոգեմետ նյութ պարունակող բաղադրատարր։
Տոքսիկոքիմիական փորձաքննության թիվ 09-1506 եզրակացությամբ այն մասին, որ փորձաքննությանը ներկայացված Ալլա Մախովայի մազի փորձանմուշի մեջ հայտնաբերվել են ափիոնային շարքի թմրամիջոցի թմրալկալոիդների հետքեր։
Տոքսիկոքիմիական փորձաքննության թիվ 09-1709 եզրակացությամբ այն մասին, որ փորձաքննությանը ներկայացված Ռուբեն Վրեժի Առաքելյանի մազի փորձանմուշի մեջ թմրամիջոցներ չեն հայտնաբերվել։
Դատանարկոլոգիական ամբուլատոր փորձաքննության թիվ 195/09 եզրակացությամբ այն մասին, որ Ալլա Գեորգիի Մախովան տառապում է թմրամոլությամբ, հարկադիր բուժման կարիք ունի, որի համար հակացուցումներ չկան։
Դատանարկոլոգիական ամբուլատոր փորձաքննության թիվ 216/09 եզրակացությամբ այն մասին, որ Ռուբեն Վրեժի Առաքելյանը թմրամոլությամբ չի տառապում, ուստի հարկադիր բուման կարիք չունի։
Իրեղեն ապացույց ճանաչված զգալի չափի 0,0412 գրամ քաշով «Օմնոպոն» տեսակի թմրամիջոցով և 0,05 գրամ քաշով «Տրամադոլ» տեսակի հոգեմետ նյութ պարունակող դեղահաբով։

3. Դատարանի իրավական վերլուծությունը


Դատարանը վերլուծելով գործով ձեռք բերված և դատաքննությամբ հետազոտված ապացույցները, գտնում է, որ գործի փաստական տվյալները վկայում են, որ ամբաստանյալ Ալլա Մախովան գործով մյուս ամբաստանյալ Ռուբեն Առաքելյանին խնդրել է առանց իրացման նպատակի, իր գործածման համար ձեռք բերել թմրամիջոց, իսկ Ռուբեն Առաքելյանն Ալլա Մախովային թմրամիջոց ձեռք բերելու գործում օժանդակելու նպատակով գործով չպարզված անձից 2009թ. հուլիսի «15»-ին և «18»-ին ձեռք է բերել «Օմնոպոն» տեսակի թմրամիջոցի երկու սրվակ, որոնք փոխանցել է Ալլա Մախովային, վերջինս սրվակների պարունակությունն օգտագործել է ներարկման միջոցով։ 2009թ. հուլիսի «21»-ին Ալլա Մախովան կրկին անգամ խնդրել է Ռուբեն Առաքելյանին օգնել իրեն թմրամիջոց ձեռք բերելու գործում, վերջինս նույն եղանակով ձեռք է բերել երկու սրվակ «Օմնոպոն» տեսակի թմրամիջոց և «Տրամադոլ» տեսակի հոգեմետ դեղահաբ, որոնք փոխանցել է Ալլա Մախովային, սակայն Ա.Մախովան դրանք օգտագործել չի հասցրել, քանի որ ոստիկանության աշխատակիցների կողմից բերման է ենթարկվել ոստիկանության բաժին, որտեղ և հայտնաբերվել են «Օմնոպոն» տեսակի թմրամիջոցի երկու սրվակները և «Տրամադոլ» տեսակի հոգեմետ դեղահաբը։
ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։
Համաձայն 18.04.2003թ. ընդունված ՀՀ քրեական օրենսգրքի` թմրամամիջոցների և հոգեմետ նյութերի զգալի, խոշոր և առանձնապես խոշոր չափերը սահմանող հավելվածի 32-րդ և 53-րդ տողերի` «Տրամադոլի» զգալի չափ է համարվում 0,05 գրամից մինչև 0,5 գրամն, իսկ «Օմնոպոնի» զգալի չափ է համարվում 0,02 գրամից մինչև 0,2 գրամը։
ՀՀ Քրեական օրենսգրքի 268 հոդվածի 1-ին մասի համաձայն հանցագործություն է համարվում` առանց իրացնելու նպատակի զգալի չափերով թմրամիջոցներ կամ հոգեմետ նյութեր ապoրինի պատրաuտելը, վերամշակելը, ձեռք բերելը, պահելը, փոխադրելը կամ առաքելը։ Նույն հոդվածի 2-րդ մասին 2-րդ կետի համաձայն հանցագործություն է համարում և առավելագույնը երեք տարի ժամկետով ազատազրկման ձևով պատիժ է նախատեսում նույն արարքը, որը կատարվել է կրկին անգամ, որպիսի հատկանիշ և առկա է ամբաստանյալներ Ալլա Մախովայի և Ռուբեն Առաքելյանի կողմից կատարված գործողությունում։
ՀՀ Քրեական օրենսգրքի 38 հոդվածի 5-րդ մասի համաձայն` օժանդակող է համարվում այն անձը, … ով նախապեu խոuտացել է պարտակել հանցագործին, հանցագործության միջոցները կամ գործիքները, հանցագործության հետքերը կամ հանցավոր ճանապարհով ձեռք բերված առարկաները, ինչպեu նաև այն անձը, ով նախապեu խոuտացել է ձեռք բերել կամ իրացնել այդպիuի առարկաները։
Այսպիսով, դատարանը գտնում է, որ Ալլա Գեորգիի Մախովան կատարել է արարք, որը նախատեսված է ՀՀ Քրեական օրենսգրքի 268 հոդվածի 2-րդ մասի 1-ին կետով, իսկ Ռուբեն Վրեժի Առաքելյանը կատարել է արարք, որը նախատեսված է ՀՀ Քրեական օրենսգրքի 38-268 հոդվածի 2-րդ մասի 1-ին կետով որով և պետք է ենթարկվեն քրեական պատասխանատվության։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալները երիտասարդ են, բնութագրվում են դրականորեն, կատարած արարքի համար իրենց մեղավոր են ճանաչել և զղջացել են, ամբաստանյալ Ալլա Մախովան նախկինում արատավորված չի եղել, ոստիկանության բաժին բերման ենթարկվելուց հետո անմիջապես տվել է ինքնախոստովանական ցուցմունքներ, աջակցել է հանցագործությունը բացահայտելուն, իսկ ամբաստանյալ Ռուբեն Առաքելյանը թեպետ նախկինում դատապարտված է եղել, սակայն դատվածությունը մարվել է, իսկ համաձայն ՀՀ Քրեական օրենսգրքի 84 հոդվածի 8-րդ կետի` դատվածությունը հանելը կամ մարելը վերացնում է դատվածության հետ կապված իրավական բոլոր հետևանքները, Ռուբեն Առաքելյանը խնամքին ունի 8-ամյա դուստր և ընտանիքի միակ կերակրողն է։ Դատարանը գտնում է, որ գործով պատասխանատվությունը և պատիժը ծանրացնող հանգամանքները բացակայում են։
Քննարկելով Ալլա Գեորգիի Մախովայի նկատմամբ բժշկական բնույթի հարկադրանքի միջոցներ կիրառելու հարցը և հիմք ընդունելով դատանարկոլոգիական փորձաքննության թիվ 195/09 եզրակացությունն այն մասին, որ Ալլա Գեորգիի Մախովան տառապում է թմրամոլությամբ, ուստի հարկադիր բուժման կարիք ունի, որի համար հակացուցումներ չկան, դատարանը գտնում է, որ անհրաժեշտ է Ալլա Գեորգիի Մախովայի նկատմամբ բժշկական բնույթի հարկադրանքի միջոցներ կիրառել։
Քննարկելով Ռուբեն Վրեժի Առաքելյանի նկատմամբ բժշկական բնույթի հարկադրանքի միջոցներ կիրառելու հարցը և հաշվի առնելով դատանարկոլոգիական փորձաքննության թիվ 216/09 եզրակացությունն, ըստ որի Ռուբեն Վրեժի Առաքելյանը թմրամոլությամբ չի տառապում և հարկադիր բուժման կարիք չունի, գտնում է, որ Ռուբեն Վրեժի Առաքելյանի նկատմամբ բժշկական բնույթի հարկադրանքի միջոցներ կիրառելու անհրաժեշտություն չկա։
Քննարկելով իրեղեն ապացույցների հարցը, դատարանը գտնում է, որ իրեղեն ապացույց ճանաչված 0,0412 գրամ քաշով «Օմնոպոն» տեսակի թմրամիջոցը և 0,05 գրամ քաշով «Տրամադոլ» տեսակի հոգեմետ նյութ պարունակող դեղահաբը դատավճիռն օրինական ուժի մեջ մտնելուց հետո պետք է ոչնչացնել։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360 հոդվածներով, դատարանը
Վ Ճ Ռ Ե Ց


Ալլա Գեորգիի Մախովային մեղավոր ճանաչել ՀՀ Քրեական օրենսգրքի 268 հոդվածի 2-րդ մասի 1-ին կետով և դատապարտել ազատազրկման` 9 /ինը/ ամիս ժամկետով։
Պատժի սկիզբը հաշվել 22.07.2009թ-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
ՀՀ Քրեական օրենսգրքի 97 հոդվածի համաձայն Ալլա Գեորգիի Մախովայի նկատմամբ նշանակել թմրամոլության դեմ բժշկական հարկադրանքի միջոցներ։

Ռուբեն Վրեժի Առաքելյանին մեղավոր ճանաչել ՀՀ Քրեական օրենսգրքի 38-268 հոդվածի 2-րդ մասի 1-ին կետով և դատապարտել ազատազրկման` 9 /ինը/ ամիս ժամկետով։
Պատժի սկիզբը հաշվել 11.08.2009թ-ից։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռն օրինական ուժի մեջ մտնելուց հետո իրեղեն ապացույց ճանաչված 0,0412 գրամ քաշով «Օմնոպոն» տեսակի թմրամիջոցը և 0,05 գրամ քաշով «Տրամադոլ» տեսակի հոգեմետ նյութ պարունակող դեղահաբը` ոչնչացնել։
Դատավճիռը կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։


ԴԱՏԱՎՈՐ Ա. ՕՀԱՆՅԱՆ