Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0119/01/09
2009թ.
ք. Երևան
Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝
ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Շ. ԴՈւՐՅԱՆ
ՄԵՂԱԴՐՈՂ-ԴԱՏԱԽԱԶ՝ Տ. ՀԱՐՈւԹՅՈւՆՅԱՆ
ՀԱՆՐԱՅԻՆ ՊԱՇՏՊԱՆ` Վ. ԳՐԻԳՈՐՅԱՆ

2009թ. Դեկտեմբերի «24»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն ըստ մեղադրանքի՝ Մհեր Վանիկի Ղազանչյանի /ծնված՝ 04.05.1990թ. Կոտայքի մարզի Չարենցավան քաղաքում, ազգությամբ հայ, Հայաստանի Հանրապետության քաղաքացի, 8-ամյա կրթությամբ, չամուսնացած, խնամքին ոչ ոք, չի աշխատում, վատառողջ, նախկինում չդատապարտված, բնակվել է Կոտայքի մարզի Չարենցավան քաղաքի 3-րդ թաղամասի, 8-րդ շենքի, թիվ 35 բնակարանում, ՀՀ ՊՆ 54574 զորամասի ժամկետային զինծառայող, կոչումով շարքային, ներկայումս ՀՀ ԱՆ «Նուբարաշեն» քրեակատարողական հիմնարկի կալանավոր/։
Սույն գործով արգելանքի տակ է 25.09.2009թ-ից։
Մեղադրվում է ՀՀ Քր. օր-ի 361 հոդվածի 1-ին մասով և 363 հոդվածի 1-ին մասով։



1. Գործի դատավարական նախապատմությունը



ՀՀ ՊՆ 54574 զորամասի ժամկետային զինծառայող, շարքային Մհեր Վանիկի Ղազանչյանի կողմից զինվորական ծառայության պարտականությունները կատարելուց ժամանակավորապես խուսափելու նպատակով ինքնավնասումներ կատարելու փաստի առթիվ 23.07.2009թ. ՀՀ ՊՆ քննչական ծառայության 4-րդ կայազորային քննության բաժնում ՀՀ Քրեական օրենսգրքի 363 հոդվածի 1-ին մասի հատկանիշներով քրեական գործ է հարուցվել։
Նախաքննության մարմնի 13.08.2009թ. որոշմամբ Մհեր Վանիկի Ղազանչյանը որպես մեղադրյալ է ներգրավվել ՀՀ Քրեական օրենսգրքի 363 հոդվածի 1-ին մասով նախատեսված հանցագործություն կատարելու համար։ 09.09.2009թ. որոշմամբ Մհեր Վանիկի Ղազանչյանին առաջադրված մեղադրանքի ծավալը փոփոխվել է և նրան նոր մեղադրանք է առաջադրվել ՀՀ Քրեական օրենսգրքի 363 հոդվածի 1-ին և 361 հոդվածի 1-ին մասերով, որոնցով և ներգրավվել է, որպես մեղադրյալ։
23.10.2009թ. մեղադրողի որոշմամբ քրեական գործը լրացուցիչ քննություն կատարելու համար վերադարձվել է քննիչին։
Նախաքննության մարմնի 05.11.2009թ. որոշմամբ Մհեր Վանիկի Ղազանչյանը որպես մեղադրյալ է ներգրավվել ՀՀ Քրեական օրենսգրքի 363 հոդվածի 1-ին և 361 հոդվածի 1-ին մասերով, այն բանի համար, որ նա. «Հանդիսանալով ՀՀ ՊՆ 54574 զորամասի ժամկետային զինծառայող , շարքային ԿՌԲՀ-ի 17.06.2009թ. որոշմամբ «Զայնալարերի միոգեն պարարիչ, դիսֆոնիա» ախտորոշմամբ ՀՀ ՊՆ 378-06 հրամանի 67 հոդ-ի «գ» կետով ճանաչվել է պիտանի զինծառայության համար սահմանափակումով։ 20.06.2009թ. ժամը 13։30-ի սահմաններում, տեղեկանալով, որ դուրս է գրվել հոսպիտալից և պետք է տեղափոխվի զորամաս, ինքնակամ թողել է ԿԿԶՀ-ի տարածքը, ԿԿԶՀ-ի հարակից շենքի մոտ ածելիով կտրվածք է կատարել ձախ բազկի շրջանում և ինքն իրեն վնասվածք պատճառելու միջոցով ժամանակավորապես խուսափել զինվորական ծառայության պարտականությունները կատարելուց։ 22.06.2009թ. ընդունվել է ԿԿԶՀ-ի հոգեբուժական բաժանմունք «Իրավիճակային ռեակցիա ձախ բազկի մակերեսին թարմ կտրածք վերքեր» նախնական ախտորոշմամբ։ ՀՀ ՊՆ ԿՌԲՀ-ի 07.07.2009թ. որոշմամբ ճանաչվելով պիտանի շարային ծառայությանը և ԵԿԶՀ-ի հոգեբուժական բաժանմունքից դուրս գրվելուց հետո 2009թ. հուլիսի «13»ին` տեղեկանալով, որ իրեն պետք է տեղափոխեն զորամաս, ԵԿԶՀ-ի ՀԱԿ-ի մոտ աջ նախաբազկի շրջանում ածելիով դարձյալ կատարել է ինքնավնասում և ինքն իրեն վնասվածք պատճառելու միջոցով կրկին ժամանակավորապես խուսափել է զինվորական ծառայության պարտականությունները կատարելուց։ 2009թ. օգոստոսի «28»-ին, ժամը «22։40»-ին ինքնակամ թողել է զորամասը, իսկ 25.09.2009թ. «15։00»-ի բերման ենթարկվել Աբովյան ՌՈ բաժին»։
Քրեական գործը 06.11.2009թ. կազմված և 09.11.2009թ. հաստատված մեղադրական եզրակացությամբ 10.11.2009թ-ին ստացվել է Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան։

2. Արագացված դատական քննություն

Մինչ դատաքննությունն, ամբաստանյալ Մհեր Վանիկի Ղազանչյանը խորհրդակցելով իր պաշտպան` հանրային պաշտպանի գրասենյակի փաստաբան Վարդան Գրիգորյանի հետ, դատարանին՝ արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Տ.Հարությունյանն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Մհեր Ղազանչյանը կատարել է արարքներ, որը նախատեսված է ՀՀ Քրեական օրենսգրքի 361 հոդվածի 1-ին մասով և 363 հոդվածի 1-ին մասով, որոնցով և պետք է ենթարկվի քրեական պատասխանատվության։


3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
ՀՀ Քրեական օրենսգրքի 361 հոդվածի 1-ին մասի համաձայն քրեորեն հետապնդելի արարք է համարվում` զորակոչի կամ պայմանագրային հիմունքներով զինվորական ծառայություն անցնող զինծառայողի կողմից զորամաuը կամ ծառայության վայրն ինքնակամ թողնելը, ինչպեu նաև առանց հարգելի պատճառների ժամանակին ծառայության չներկայանալը երեք oրից ավելի, բայց մեկ ամuից ոչ ավելի տևողությամբ, ինչպեu նաև երեք ամuվա ընթացքում երեք և ավելի անգամ մինչև երեք oր տևողությամբ, որի համար հոդվածի սանկցիան պատիժ է նախատեսում կալանք` առավելագույնը երեք ամիu ժամկետով, կամ կարգապահական գումարտակում պահել` առավելագույնը երկու տարի ժամկետով։
ՀՀ Քրեական օրենսգրքի 363 հոդվածի 1-ին մասի համաձայն քրեորեն հետապնդելի արարք է համարվում` իրեն որևէ վնաuվածք պատճառելու (անդամախեղելու), հիվանդության uիմուլյացիայի, կեղծ փաuտաթղթեր oգտագործելու կամ խաբեության այլ միջոցով կամ ապoրինի այլ եղանակով զինծառայողի կողմից զինվորական ծառայության պարտականությունները կատարելուց ժամանակավորապեu խուuափելը, որի համար հոդվածի սանկցիան պատիժ է նախատեսում կալանք` առավելագույնը երեք ամիu ժամկետով, կամ կարգապահական գումարտակում պահելով` առավելագույնը երեք տարի ժամկետով, կամ ազատազրկում ` առավելագույնը երեք տարի ժամկետով։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով, իսկ ՀՀ Քրեական օրենսգրքի 48 հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Դատարանը հաշվի է առնում, որ ամբաստանյալը երիտասարդ է, բնութագրվում է դրականորեն, զղջացել է կատարածի համար, նախկինում արատավորված չի եղել, տառապում է «Ձայնալարերի միոգեն պարարիչ, դիսֆոնիա» ախտորոշմամբ հիվանդությամբ, միակողմանի ծնողազուրկ է։
Ելնելով վերոգրյալներից և ղեկավարվելով ՀՀ Քր. դատ. օր-ի 357-360, 3753 հոդվածներով, դատարանը
Վ Ճ Ռ Ե Ց


Մհեր Վանիկի Ղազանչյանին մեղավոր ճանաչել ՀՀ Քրեական օրենսգրքի 361 հոդվածի 1-ին մասով և 363 հոդվածի 1-ին մասով։
ՀՀ Քրեական օրենսգրքի 361 հոդվածի 1-ին մասով դատապարտել կարգապահական գումարտակում պահելով` 6 /վեց/ ամիս ժամկետով։
ՀՀ Քրեական օրենսգրքի 363 հոդվածի 1-ին մասով դատապարտել կարգապահական գումարտակում պահելով` 1 /մեկ/ տարի ժամկետով։
ՀՀ Քրեական օրենսգրքի 66 հոդվածի 2-րդ մասի կիրառմամբ պատիժները լրիվ գումարելու միջոցով վերջնական պատիժ նշանակել կարգապահական գումարտակում պահելով` 1 /մեկ/ տարի, 6 /վեց/ ամիս ժամկետով։
ՀՀ Քրեական օրենսգրքի 69 հոդվածի 3-րդ մասի կիրառմամբ նշանակված պատժի մեջ հաշվակցել 2009թ. սեպտեմբերի «25»-ից մինչև դատավճռի օրինական ուժի մեջ մտնելը կալանքի տակ գտնվելու ժամկետը` կալանքի մեկ օրը հաշվելով կարգապահական գումարտակում պահելու մեկ օրվա դիմաց։
Մ.Ղազանչյանի նկատմամբ ընտրված խափանման միջոցը թողնել անփոփոխ մինչև դատավճռի օրինական ուժի մեջ մտնելը։
Պատժի սկիզբը հաշվել 25.09.2009թ.։
Պատիժը պետք է կրի ՀՀ Պաշտպանության նախարարության Ռազմական ոստիկանության կարգապահական գումարտակում։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։


ԴԱՏԱՎՈՐ Ա. ՕՀԱՆՅԱՆ