Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0116/01/09
2011թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐՆԵՐ՝ Լ. ՄՈՎՍԻՍՅԱՆ
Ք. ԱԼԵՔՍԱՆՅԱՆ
Ս. ԴԱՐԲԻՆՅԱՆ
ՄԵՂԱԴՐՈՂ-ԴԱՏԱԽԱԶ՝ Ա. ԲԵԳԻՆՅԱՆ
ՊԱՇՏՊԱՆՆԵՐ` Ա.ԱԼՎԱՆԴՅԱՆ
Ի. ՊԵՏՐՈՍՅԱՆ
Ռ. ՍԻՐԵԿԱՆՅԱՆ
Ա. ՂԱԶԱՐՅԱՆ
ԹԱՐԳՄԱՆԻՉ` Վ. ՇԱՀԻՆՅԱՆ
ՏՈւԺՈՂՆԵՐ` Գ. ԳՐԻԳՈՐՅԱՆ
Կ. ՀԱԿՈԲՅԱՆ
Հ. ԴԱՆԻԵԼՅԱՆ
2011թ. Փետրվարի «16»-ին, Երևան քաղաքում.
Դռնբաց դատական նիստում քննեց քրեական գործն, ըստ մեղադրանքի՝ Արմեն Գառնիկի Չոլոյանի /ծնված՝ 19.03.1963թ. Արմավիրի մարզի Հոկտեմբեր գյուղում, ազգությամբ հայ, Հայաստանի Հանրապետության քաղաքացի, 8-ամյա կրթությամբ, ամուսնալուծված, խնամքին ոչ ոք, չի աշխատել, նախկինում դատապարտված /1.Լենինյանի շրջանի ժողդատարանի 22.08.1978թ. դատավճռով նախկին ՀՍՍՀ քր. օր-ի 86 հոդվածի 2-րդ մասով դատապարտվել է ազատազրկման 2 /երկու/ տարի, 6 /վեց/ ամիս ժամկետով, 21.06.1979թ. պատժից պայմանական վաղաժամկետ ազատվել է 1 /մեկ/ տարի, 6/վեց/ ամիս, 7/յոթ/ օր շուտ։
2. Լենինյանի շրջանի ժողդատարանի 21.01.1981թ. դատավճռով նախկին ՀՍՍՀ քր. օր-ի 143 հոդվածի 2-րդ մասով և 37 հոդվածի կիրառմամբ դատապարտվել է ազատազրկման 6 /վեց/ տարի ժամկետով, 07.02.1985թ. պատժից պայմանական վաղաժամկետ ազատվել է 1 /մեկ/ տարի, 10 /տաս/ ամիս, 7/յոթ/ օր շուտ։
3. Լենինյանի շրջանի ժողդատարանի 26.02.1987թ. դատավճռով նախկին ՀՍՍՀ քր. օր-ի 143 հոդվածի 2-րդ մասով դատապարտվել է ազատազրկման 4 /չորս/ տարի ժամկետով։
4. Շենգավիթի շրջանի ժողդատարանի 31.03.1992թ. դատավճռով ՀՀ նախկին քր. օր-ի 229 հոդվածի 3-րդ, 5-րդ մասերով դատապարտվել է ազատազրկման 1 /մեկ/ տարի ժամկետով, պատժից ազատվել է 18.02.1993թ-ին։
5. Շենգավիթի շրջանի ժողդատարանի 08.08.1994թ. դատավճռով ՀՀ նախկին քր. օր-ի 86 հոդվածի 3-րդ մասով դատապարտվել է ազատազրկման 4 /չորս/ տարի ժամկետով, 24.03.1995թ. որոշմամբ արարքը վերաորակվել է ՀՀ նախկին քր. օր-ի 86 հոդվածի 2-րդ մաս և պատիժ է սահմանվել ազատազրկում 3 /երեք/ տարի ժամկետով, պատժից ազատվել է 25.02.1998թ-ին։
6.Սպանդարյանի շրջանի ժողդատարանի 19.08.1998թ. դատավճռով ՀՀ նախկին քր. օր-ի 86 հոդվածի 2-րդ, 3-րդ մասերով, 15-86 հոդվածի 2-րդ մասով, 88 հոդվածի 2-րդ մասով, 112 հոդվածի 2-րդ մասով, 180 հոդվածի 2-րդ մասով և 37 հոդվածի կիրառմամբ դատապարտվել է ազատազրկման 10 /տաս/ տարի ժամկետով, Կենտրոն համայնքի առաջին ատյանի դատարանի 12.08.2003թ. որոշմամբ ՀՀ քր. օր-ի 138 հոդվածի 1-ին մասով պատիժ է սահմանվել ազատազրկում 6 /վեց/ տարի ժամկետով, 20.09.2003թ. պատժից պայմանական վաղաժամկետ ազատվել է։
7. Կենտրոն և Նորք-Մարաշ համայնքների առաջին ատյանի դատարանի 12.03.2004թ. դատավճռով ՀՀ քր. օր-ի 34-177 հոդվածի 3-րդ մասի 3-րդ կետով և 67 հոդվածի կիրառմամբ դատապարտվել է ազատազրկման 6 /վեց/ տարի, 3 /երեք/ ամիս ժամկետով, ՀՀ Վերաքննիչ դատարանի 15.04.2004թ. որոշմամբ պատժաչափը կրճատվել է` սահմանվել է ազատազրկում 5 /հինգ/ տարի, 3 /երեք/ ամիս ժամկետով, ՀՀ Կոտայքի մարզի ընդհանուր իրավասության դատարանի 04.04.2008թ. որոշմամբ պատժից պայմանական վաղաժամկետ ազատվել է 5 /հինգ/ ամիս, 12 /տասներկու/ օր շուտ/,
դատվածությունը չմարված, ֆիզիկապես առողջ, փաստացի բնակվել է ք. Երևան Վարդաշեն 6-րդ փողոցի, 68ա շենքի, թիվ 443 բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 12.05.2009թ-ից։
Մեղադրվում է ՀՀ Քրեական օրենսգրքի 177 հոդվածի 3-րդ մասի 3-րդ կետով և 175 հոդվածի 3-րդ մասի 4-րդ կետով։

Ալեքսեյ Յուրևիչ Նագայցևի /ծնված՝ 21.06.1978թ. Ռուսաստանի Դաշնությունում, ազգությամբ ռուս, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին երկու անձ, չի աշխատել, նախկինում դատապարտված /1.Կոտայքի մարզի առաջին ատյանի դատարանի 30.07.2002թ. դատավճռով ՀՀ քր. օր-ի 86 հոդվածի 2-րդ մասով, 92 հոդվածի 1-ին մասով դատապարտվել է ազատազրկման 2 /երկու/ տարի, 6 /վեց/ ամիս ժամկետով, 15.09.1998թ. ԱԺ կողմից ընդունված համաներման ակտով ազատվել է պատժից։
2. Կոտայքի մարզի առաջին ատյանի դատարանի 30.12.2002թ. դատավճռով ՀՀ քր. օր-ի 92 հոդվածի 2-րդ մասով դատապարտվել է տուգանքով 50.000 դրամի չափով։
3. Կենտրոն և Նորք Մարաշ համայնքների առաջին ատյանի դատարանի 22.03.2004թ. դատավճռով ՀՀ քր. օր-ի 112 հոդվածի 2-րդ մասի 4-րդ կետով, 177 հոդվածի 3-րդ մասի 3-րդ կետով և 66 հոդվածի կիրառմամբ դատապարտվել է ազատազրկման 7 /յոթ/ տարի ժամկետով, 29.12.2006թ. պատժից ազատվել է 3 /երեք/ տարի, 4 /չորս/ ամիս, 29 /քսանինը/ օր շուտ/,
պատիժը չկրած, ֆիզիկապես առողջ, չունի մշտական բնակության վայր, փաստացի բնակվել է ք.Երևան, Բաբաջանյան փողոցի 26/4 շենքի, թիվ 23 բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 13.05.2010թ-ից։
Մեղադրվում է ՀՀ Քրեական օրենսգրքի 175 հոդվածի 3-րդ մասի 4-րդ կետով։
Գառնիկ Արմենի Չոլոյանի /ծնված՝ 27.02.1986թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին մեկ անձ, չի աշխատել, նախկինում դատապարտված /1.Շենգավիթ համայնքի առաջին ատյանի դատարանի 09.09.2005թ. դատավճռով ՀՀ քր. օր-ի 361 հոդվածի 4-րդ մասով դատապարտվել է ազատազրկման 1 /մեկ/ տարի ժամկետով, ՀՀ քր. օր-ի 70 հոդվածի կիրառմամբ պատիժը պայմանականորեն չի կիրառվել սահմանվել է փորձաշրջան 1 /մեկ/ տարի ժամկետով,
2. Էրեբունի և Նուբարաշեն համայնքների առաջին ատյանի դատարանի 17.02.2006թ. հմ.1-22 դատավճռով ՀՀ քր. օր-ի 362 հոդվածի 1-ին մասով և 67 հոդվածի կիրառմամբ դատապարտվել է ազատազրկման 1 /մեկ/ տարի 6 /վեց/ ամիս ժամկետով, 07.07.2006թ. որոշմամբ պատժից ազատվել է 11.07.2006թ/,
դատվածությունը մարված, ֆիզիկապես առողջ, փաստացի բնակվել է Բաշինջաղյան 1-ին նրբանցքի 24 շենքի, թիվ 36 բնակարանում, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 12.05.2009թ-ից։
Մեղադրվում է ՀՀ Քրեական օրենսգրքի 34-175 հոդվածի 3-րդ մասի 4-րդ կետով։

1. Գործի դատավարական նախապատմությունը


Երկու անհայտ, դիմակավորված անձանց կողմից, 2009թ. մայիսի «03»-ին, ժամը «03։50»-ին Երևան քաղաքի Սարի Թաղի 6-րդ շարքի թիվ 14 հասցեում գտնվող տուն մուտք գործելու և որպես զենք օգտագործվող առարկայով` դանակով Հրայր Դանիելյանի և Կիմա Դանիելյանի կյանքի և առողջության համար վտանգավոր բռնություն գործադրելով, ոսկյա զարդեր հափշտակելու դեպքի առթիվ 03.05.2009թ. ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 175 հոդվածի 2-րդ մասի 1-ին, 3-րդ և 4-րդ կետերի հատկանիշներով հարուցվել է թիվ 12115409 քրեական գործը։
15.05.2009թ. որոշմամբ Արմեն Գառնիկի Չոլոյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 175 հոդվածի 3-րդ մասի 4-րդ կետով։ 06.08.2009թ. Ա.Չոլոյանին առաջադրված մեղադրանքի ծավալը փոփոխվել է և նրան նոր մեղադրանք է առաջադրվել ՀՀ Քրեական օրենսգրքի 175 հոդվածի 3-րդ մասի 4-րդ կետով և 177 հոդվածի 3-րդ մասի 3-րդ կետով, որով և վերջինս ներգրավվել է որպես մեղադրյալ։ Ա.Չոլոյանին մեղադրանք է առաջադրվել այն բանի համար, որ նա. «նախկինում հափշտակություն կատարելու համար ունենալով երկու և ավելի դատվածություն, դատվածությունը դեռևս չմարված, կրկին անգամ կատարել է համասեռ հանցագործություններ։ Այսպես` 2009թ. մարտի կեսերին, Ա.Չոլոյանը, գողություն կատարելու նպատակով, գիշերային ժամերին գնացել է Երևան-Աշտարակ խճուղու վրա գտնվող, քաղաքացի Գրիգոր Սուրենի Գրիգորյանին պատկանող քարաշեն պահեստարանի մոտ, որտեղ պահեստարանի պատուհանի մետաղյա ճաղավանդակից ապօրինի մուտք է գործել պահեստ և այնտեղից գաղտնի հափշտակել զգալի չափի` 300.000 ՀՀ դրամ ընդհանուր արժողությամբ 40 հատ մանկական կոստյումներ և 20 հատ «Պումա» տեսակի մարզական տաբատներ։
Ա.Չոլոյանը 2009թ. մայիսի «01»-ին այցելել է Երևան քաղաքի Բաշինջաղյան 1-ին փողոցի, 24 շենքի հմ.36 բնակարանում բնակվող որդուն` Գառնիկ Չոլոյանին, և խոսակցության ընթացքում հայտնելով հափշտակություն կատարելու մտադրության մասին, վերջինիս խնդրել է տեղեկություններ տրամադրել ծանոթների շրջանում նյութապես ապահվված մարդկանց վերաբերյալ։ Գ.Չոլոյանը հորը հայտնել է, որ իր նախկին բնակության վայրի հարևանությամբ` Երևան քաղաքի Սարի թաղ 6-րդ շարքի հմ.14 հասցեում, բնակվում են ֆինանսական բարվոք վիճակում գտնվող ամուսիններ` Հրայր Դանիելյանը և Կիմա Հակոբյանը, որից հետո վերջիններիս գույքն ավազակությամբ հափշակելու շուրջ Արմեն և Գառնիկ Չոլոյանները նախնական համաձայնության են եկել։ Հաջորդ օրը, ժամը «11։00»-ի սահմաններում Գառնիկ և Արմեն Չոլոյանները Երևան քաղաքի Մ.Խորենացի փողոցում գործող «Տաշիր» առևտրի կենտրոնի մոտակայքում հանդիպել են վերջինիս ծանոթ` նրա հետ նույն քրեակատարողական հիմնարկում պատիժը կրած Ալեքսեյ Նագայցևին, որին հայտնել են իրենց հանցավոր մտադրության մասին, ապա` առաջարկել են այն համատեղ իրականացնել, ինչին վերջինս համաձայնել է։ 2009թ. մայիսի «02»-ին, ժամը «23։00»-ի սահմաններում, պայմանավորվածության համաձայն, Արմեն և Գառնիկ Չոլոյաններն ու Ալ.Նագայցևը, վերջինիս պատկանող «Օպել» մակնիշի ավտոմեքենայով գնացել են Սարի թաղ 6-րդ շարք, որտեղ Գ.Չոլոյանն ավտոմեքենայի սրահից մատնացույց է արել Հ.Դանիելյանին պատկանող հմ.14 տունը։ Այնուհետև, 2009թ. մայիսի «03»-ին, ժամը «03։00»-ի սահմաններում Արմեն և Գառնիկ Չոլոյաններն ու Ալ.Նագայցևը հանցավոր դիտավորությունն իրականացնելու նպատակով վերջինիս պատկանող «Օպել» մակնիշի ավտոմեքենայով կրկին գնացել են Սարի թաղ 6-րդ շարք և ավտոմեքենան կանգնեցրել Հ.Դանիելյանի տնից շուրջ 200 մետր հեռավորության վրա։ Դրանից հետո պայմանավորվածության համաձայն Գ.Չոլոյանը սպասել է ավտոմեքենայի սրահում, իսկ Ա.Չոլոյանը և Ալ.Նագայցևը գլխարկներից պատրաստած դիմակներով քողարկել են դեմքերը և ցանկապատի վրայից ցատկելով` մտել են Հ.Դանիելյանի տան բակ, դռան շղթան բացելու միջոցով ապօրինի մուտք են գործել Հ.Դանիելյանի տուն, որտեղ ամուսինների կյանքի և առողջության համար վտանգավոր բռնություն գործադրելով ծեծի է ենթարկել Կ.Հակոբյանին և Հ.Դանիելյանին։ Կ.Հակոբյանին թողել են տան առաջին հարկում, Ա.Չոլոյանը որպես զենք օգտագործվող առարկայի` իր հետ նախապես վերցրած դանակի գործադրման սպառնալիքներ տալով Ալ.Նագայցևի հետ Հ.Դանիելյանին բարձրացրել են տան 2-րդ հարկ, որտեղ Հ.Դանիելյանը սպառնալիքի տակ տրամադրելով 1.210.000 ՀՀ դրամ ընդհանուր արժողությամբ տարբեր տեսակի ոսկյա զարդերով լի զարդատուփը, որը վերցնելով Ա.Չոլոյանը և Ալ.Նագայցևը հեռացել են և դրսում սպասող Գ.Չոլոյանի հետ` ավտոմեքենայով փախել»։
15.05.2009թ. որոշմամբ Ալեքսեյ Յուրևիչ Նագայցևը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 175 հոդվածի 3-րդ մասի 4-րդ կետով։ 06.08.2009թ. Ալ.Նագայցևին առաջադրված մեղադրանքի ծավալը փոփոխվել է և նրան նոր մեղադրանք է առաջադրվել ՀՀ Քրեական օրենսգրքի 175 հոդվածի 3-րդ մասի 4-րդ կետով, որով և 07.08.2009թ. որոշմամբ ներգրավվել է որպես մեղադրյալ։ Ալ.Նագայցևին մեղադրանք է առաջադրվել այն բանի համար, որ նա. «նախկինում հափշտակություն կատարելու համար երկու և ավելի անգամ դատապարտված լինելով, դատվածությունը դեռևս չմարած, կրկին անգամ կատարել է համասեռ հանցագործություն։ Այն է` 2009թ. մայիսի «01»-ին Ա.Չոլոյանն այցելել է Երևան քաղաքի Բաշինջաղյան 1-ին փողոցի, 24 շենքի հմ. 36 բնակարանում բնակվող որդուն` Գառնիկ Չոլոյանին և խոսակցության ընթացքում հայտնելով հափշտակություն կատարելու մտադրության մասին, վերջինիս խնդրել է տեղեկություններ տրամադրել ծանոթների շրջանում նյութապես ապահվված մարդկանց վերաբերյալ։ Գ.Չոլոյանը հորը հայտնել է, որ իր նախկին բնակության վայրի հարևանությամբ` Երևան քաղաքի Սարի թաղ 6-րդ շարքի հմ.14 հասցեում, բնակվում են ֆինանսական բարվոք վիճակում գտնվող ամուսիններ` Հրայր Դանիելյանը և Կիմա Հակոբյանը, որից հետո վերջիններիս գույքն ավազակությամբ հափշակելու շուրջ Արմեն և Գառնիկ Չոլոյանները նախնական համաձայնության են եկել։ Հաջորդ օրը, ժամը «11։00»-ի սահմաններում Գառնիկ և Արմեն Չոլոյանները Երևան քաղաքի Մ.Խորենացի փողոցում գործող «Տաշիր» առևտրի կենտրոնի մոտակայքում հանդիպել են վերջինիս ծանոթ` նրա հետ նույն քրեակատարողական հիմնարկում պատիժը կրած Ալեքսեյ Նագայցևին, որին հայտնել են իրենց հանցավոր մտադրության մասին, ապա` առաջարկել են այն համատեղ իրականացնել, ինչին վերջինս համաձայնել է։
2009թ. մայիսի «02»-ին, ժամը «23։00»-ի սահմաններում, պայմանավորվածության համաձայն, Արմեն և Գառնիկ Չոլոյաններն ու Ալ.Նագայցևը, վերջինիս պատկանող «Օպել» մակնիշի ավտոմեքենայով գնացել են Սարի թաղ 6-րդ շարք, որտեղ Գ.Չոլոյանն ավտոմեքենայի սրահից մատնացույց է արել Հ.Դանիելյանին պատկանող հմ.14 տունը։ Այնուհետև, 2009թ. մայիսի «03»-ին, ժամը «03։00»-ի սահմաններում Արմեն և Գառնիկ Չոլոյաններն ու Ալ.Նագայցևը հանցավոր դիտավորությունն իրականացնելու նպատակով վերջինիս պատկանող «Օպել» մակնիշի ավտոմեքենայով կրկին գնացել են Սարի թաղ 6-րդ շարք և ավտոմեքենան կանգնեցրել Հ.Դանիելյանի տնից շուրջ 200 մետր հեռավորության վրա։ Դրանից հետո պայմանավորվածության համաձայն Գ.Չոլոյանը սպասել է ավտոմեքենայի սրահում, իսկ Ա.Չոլոյանը և Ալ.Նագայցևը գլխարկներից պատրաստած դիմակներով քողարկել են դեմքերը և ցանկապատի վրայից ցատկելով` մտել են Հ.Դանիելյանի տան բակ։ Այնուհետև Ա.Չոլոյանը և Ալ.Նագայցևը դռան շղթան բացելու միջոցով ապօրինի մուտք են գործել Հ.Դանիելյանի տուն, որտեղ Ալ.Նագայցևը Կիմա Հակոբյանի կյանքի և առողջության համար վտանգավոր բռնություն գործադրելով ծեծի է ենթարկել նրան, իսկ Ա.Չոլոյանը ծեծի է ենթարկել Հ.Դանիելյանին, որից հետո որպես զենք օգտագործվող առարկայի` իր հետ նախապես վերցրած դանակի գործադրման սպառնալիքներ տալով Հ.Դանիելյանին, վերջինիս ուղեկցությամբ բարձրացրել են տան 2-րդ հարկ, որտեղ Հ.Դանիելյանը սպառնալիքի տակ տրամադրելով 1.210.000 ՀՀ դրամ ընդհանուր արժողությամբ տարբեր տեսակի ոսկյա զարդերով լի զարդատուփը և ավազակությամբ հափշտակելով դրանք` դիմել են փախուստի»։
15.05.2009թ. որոշմամբ Գառնիկ Արմենի Չոլոյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 175 հոդվածի 2-րդ մասի 1-ին, 2-րդ, 3-րդ և 4-րդ կետերով։ 06.08.2009թ. Գ.Չոլոյանին առաջադրված մեղադրանքի ծավալը փոփոխվել է և նրան նոր մեղադրանք է առաջադրվել ու 07.08.2009թ. որոշմամբ վերջինս ՀՀ Քրեական օրենսգրքի 38-175 հոդվածի 3-րդ մասի 4-րդ կետով ներգրավվել է որպես մեղադրյալ։ Գ.Չոլոյանին մեղադրանք է առաջադրվել այն բանի համար, որ նա. «Իրազեկ լինելով հոր` Արմեն Չոլոյանի և նրա հետ նախկինում նույն քրեակատարողական հիմնարկում պատիժ կրած Ալեքսեյ Նագայցևի կողմից նախկինում հափշտակություններ կատարելու համար երկու և ավելի անգամ դատվածություն ունենալու մասին` օժանդակել է նրանց ավազակություն կատարելուն։ Այն է` 2009թ. մայիսի «01»-ին Ա.Չոլոյանն անցել է Երևան քաղաքի Բաշինջաղյան 1-ին փողոցի 24 շենքի հմ. 36 բնակարանում բնակվող որդուն` Գառնիկ Չոլոյանին և խոսակցության ընթացքում հայտնելով հափշտակություն կատարելու մտադրության մասին, վերջինիս խնդրել է տեղեկություններ տրամադրել ծանոթների շրջանում նյութապես ապահովված մարդկանց վերաբերյալ։ Գ.Չոլոյանը տրամադրել է անհրաժեշտ տեղեկատվություն` հորը հայտնել է, որ իր նախկին բնակության վայրի հարևանությամբ` Երևան քաղաքի Սարի թաղ 6-րդ շենքի հմ.14 հասցեում, բնակվում են ֆինանսական բարվոք վիճակում գտնվող ամուսիններ` Հրայր Դանիելյանը և Կիմա Հակոբյանը, որից հետո վերջիններիս գույքն ավազակությամբ հափշտակելու շուրջ Արմեն և Գառնիկ Չոլոյանները նախնական համաձայնության են եկել։ Հաջորդ օրը, ժամը «11։00»-ի սահմաններում Գառնիկ և Արմեն Չոլոյանները Երևան քաղաքի Մ.Խորենացի փողոցում գործող «Տաշիր» առևտրի կենտրոնի մոտակայքում հանդիպել են վերջինիս ծանոթ` նրա հետ նույն քրեկատարողական հիմնարկում պատիժը կրած Ալեքսեյ Նագայցևին, որին հայտնել են իրենց հանցավոր մտադրության մասին, ապա` առաջարկել են այն համատեղ իրականացնել, ինչին վերջինս համաձայնել է։ 2009թ. մայիսի «02»-ին, ժամը «23։00»-ի սահմաններում, պայմանավորվածության համաձայն, Արմեն և Գառնիկ Չոլոյաններն ու Ալ.Նագայցևը, վերջինիս պատկանող «Օպել» մակնիշի ավտոմեքենայով գնացել են Սարի թաղ 6-րդ շարք, որտեղ Գ.Չոլոյանը, հանցագործության կատարմանը օժանդակելով, տեղեկատվություն է տրամադրել, այն է` որպես ավազակային հարձակման օբյեկտ, ավտոմեքենայի սրահից մատնացույց է արել Հ.Դանիելյանին պատկանող հմ. 14 տունը։ Այնուհետև, 2009թ. մայիսի «03»-ին, ժամը «03։00»-ի սահմաններում, Արմեն և Գառնիկ Չոլոյաններն ու Ալ.Նագայցևը հանցավոր դիտավորությունն իրականացնելու նպատակով վերջինիս պատկանող «Օպել» մակնիշի ավտոմեքենայով կրկին գնացել են Սարի թաղ 6-րդ շարք և ավտոմեքենան կանգնեցրել Հ.Դանիելյանի տնից շուրջ 200 մետր հեռավորության վրա։ Դրանից հետո պայմանավորվածության համաձայն Գ.Չոլոյանը սպասել է ավտոմեքենայի սրահում, իսկ Ա.Չոլոյանը և Ալ.Նագայցևը, գլխարկներից պատրաստած դիմակներով քողարկել են դեմքերը, և ցանկապատի վրայից ցատկելով` մտել են Հ.Դանիելյանի տան բակ։ Այնուհետև Ա.Չոլոյանը և Ալ.Նագայցևը դռան շղթան բացելու միջոցով ապօրինի մուտք են գործել Հ.Դանիելյանի տուն, որտեղ Ալ.Նագայցևը Կիմա Հակոբյանի կյանքի և առողջության համար վտանգավոր բռնություն գործադրելով ծեծի է ենթարկել նրան, Կ.Հակոբյանը մնացել է տան 1-ին հարկում, իսկ Ա.Չոլոյանը, որպես զենք օգտագործվող առարկայի` իր հետ նախապես վերցրած դանակի գործադրման սպառնալիքներ տալով, Ալ.Նագայցևի և Հ.Դանիելյանի հետ բարձրացրել են տան 2-րդ հարկ, որտեղ Հ.Դանիելյանը սպառնալիքի տակ տվել է 1.210.000 ՀՀ դրամ ընդհանուր արժեղությամբ տարբեր տեսակի ոսկյա զարդերով լի զարդատուփը և ավազակությամբ հափշտակել ոսկյա զարդերը` դիմել են փախուստի»։
Քրեական գործն ըստ մեղադրանքի Արմեն Գառնիկի Չոլոյանի` ՀՀ Քրեական օրենսգրքի 177 հոդվածի 3-րդ մասի 3-րդ կետով և 175 հոդվածի 3-րդ մասի 4-րդ կետով, Ալեքսեյ Յուրևիչ Նագայցևի` ՀՀ Քրեական օրենսգրքի 175 հոդվածի 3-րդ մասի 4-րդ կետով և Գառնիկ Արմենի Չոլոյանի` ՀՀ Քրեական օրենսգրքի 175 հոդվածի 3-րդ մասի 4-րդ կետով 19.10.2009թ. կազմված 23.10.2009թ. հաստատված մեղադրական եզրակացությամբ 28.10.2009թ. ստացվել է Երևան քաղաքի Էրեբունի և Նուբարաշեն համայնքների ընդհանուր իրավասության դատարան։

2. Ապացույցների հետազոտում և գնահատում




Դատարանի հետևությունները հիմնված են դատաքննությամբ հետազոտված հետևյալ ապացույցների վրա։
Տուժող` Գրիգոր Սուրենի Գրիգորյանի ցուցմունքով այն մասին, որ «Այրարատ» տոնավաճառում զբաղվում է հագուստի մանրածախ առևտրով և Աշտարակի խճուղուն հարող Վանահովիտ թաղամասում գտնվող և իր կողմից վարձակալած ապրանքների պահեստից 2009թ. սկզբներին գողություն էր կատարվել, որի մասին ոստիկանությանը չէր հայտնել։ 2009թ. մարտ ամսին, երբ գնացել է աշխատավայր` առևտրի տաղավար, ծնողները հայտնել են, որ տոնավաճառում երկու անծանոթներ մանկական հագուստ վաճառելու առաջարկ են կատարել և իրենք վերջիններիցս հեռախոսահամար են վերցրել։ Աշխատանքից հետո ինքը զանգահարել է այդ համարով և առաջարկել է հանդիպել։ Երբ այդ տղամարդիկ եկել և ապրանքները ցույց են տվել, ինքն անմիջապես ճանաչել է իր ապրանքները և հայտնել է, որ դրանք իր պահեստից գողացված հագուստներն են։ Այդ իմանալով նրանցից մեկը, ով հետագայում պարզվել է Արմեն Չոլոյանն է, խոստովանել է, որ ապրանքները գողացված են և խոստացել է վերադարձնել դրանց դեռ չվաճառված մասը, իսկ վաճառված մասի դիմաց գումար վճարել։ Այնուհետև իրեն վերադարձրել են հագուստների չվաճառված մասը, իսկ արդեն վաճառված ապրանքների դիմաց չեն վճարել։ Դատաքննությամբ տուժողը հայտնեց, որ հրաժարվում է Արմեն Չոլոյանի նկատմամբ քաղաքացիական հայցի պահանջից։
Տուժող Կիմա Սասնիկի Հակոբյանի ցուցմունքով այն մասին, որ 2009թ. մայիսի «03»-ին, ժամը «03»-ի սահմաններում արթնացել է գլխին ուժգին հարվածներից և կրծքավանդակի ծանրությունից ու հասկացել, որ իրենց` Երևան քաղաքի Սարի-Թաղի 6-րդ շարքի հմ.14 հասցեի տուն անձիք են ներխուժել, որոնցից մեկը հարձակվել ու սկսել է իրեն ծեծել, մյուսն` ամուսնուն` Հրայր Դանիելյանին։ Երկարատև հարվածներից հետո, ամուսնու «ի՞նչ եք ուզում» հարցին հացագործներից ամուսնուն հարվածողը «ոսկի ու փող» է պահանջել։ Երբ ամուսինը հայտնել է, որ գումար չունեն, սակայն կարող է տանն ունեցած ոսկիները տալ հանցագործները դադարեցրել են ծեծը։ Այնուհետև նրանցից մեկը դանակն ամուսնու վրա պահելով և վերջինիս ուղեկցությամբ բարձրացել են տան երկրորդ հարկ։ Որոշ ժամանակ անց ամուսինը միայնակ վերադարձել է և երբ միացրել են սենյակի լույսն ինքը տեսել է, որ թե’ իր և թե’ ամուսնու գլուխներն ամբողջությամբ արյունաշաղախ են։ Սթափվելով ամուսինն անմիջապես ոստիկանություն է զանգահարել։ Հետագայում տեղեկացել է, որ հանցագործությունը կատարել են իրենց նախկին հարևան Գառնիկ Չոլոյանը` հոր` Արմեն Չոլոյանի և հոր ընկերոջ` Ալեքսեյ Նագայցևի հետ։ Տուժողը հայտնեց նաև, որ մթության պատճառով չի կարողացել տեսնել հանցագործներին, հնարավոր էլ չէր լինի, քանի որ հարվածներից խուսափելու նպատակով անկողնում գլուխը բռնած կուչ էր եկել։
Տուժող Հրայր Հակոբի Դանիելյանի ցուցմունքով այն մասին, որ 2009թ. մայիսի «03»-ին, ժամը «03»-ի սահմաններում արթնացել է մարմնին ուժգին հարվածներից և կրծքավանդակի ծանրությունից և հասկացել, որ իրենց` Երևան քաղաքի Սարի-Թաղի 6-րդ շարքի հմ.14 հասցեի տուն մարդ է ներխուժել, որը հարձակվելով իր վրա սկսել է ծեծել։ Հարձակվողի հետ ձեռնամարտի է բռնվել ու ինքը ևս նրան հարվածելուց հասկացել է, որ հանցագործը դիմակավորված է։ Քիչ անց կնոջ անկողնու կողմից աղմուկ ու լացի ձայն լսելով հասկացել է, որ հանցագործները երկուսն են, որոնցից մեկն էլ կնոջ վրա է հարձակվել։ Ձեռնամարտի ընթացքում իրեն հաջողվել է բռնել իր վրա հաձակված հանցագործի կոկորդը և հանել դիմակը, սակայն մթության պատճառով իրեն չի հաջողվել տեսնել նրա դեմքը։ Իր «ի՞նչ եք ուզում» հարցից հետո, իր վրա հարձակված տղամարդը պատասխանել է «փող ու ոսկի»։ Ինքը պատասխանել է, որ գումար չունի, սակայն ոսկի ունի կտա միայն դադարեն ծեծել իրեն ու կնոջը։ Հանցագործները համաձայնվել են և վերջիններիս ուղեկցությամբ ու դանակի սպառնալիքով, մթության մեջ խարխափելով բարձրացել է տան երկրորդ հարկի հյուրասենյակ, որտեղ պահարանի միջից հանել է զարդերի երկաթե տուփը ու հանձնել նրանց։ Այդ ընթացքում պատեհ առիթ գտնելով ցանկացել է վառել սենյակի լույսը, սակայն հանցագործներից մեկը հարվածել ու գետնին է տապալել իրեն, որից հետո հանցագործները վերցնելով զարդերը, տան երկրորդ հարկի դռնից դիմել են փախուստի։ Ուշքի գալով և իջնելով ներքև վառել է սենյակի լույսերը և իրեն ու կնոջը տեսնելով արնաշաղախ շտապ զանգահարել է ոստիկանություն։ Հետագայում իմացել է, որ հանցագործություն կատարողները եղել են իրենց նախկին հարևան Գառնիկ Չոլոյանը` հոր` Արմեն Չոլոյանի և հոր ընկերոջ` Ալեքսեյ Նագայցևի հետ։ Տուժողը հայտնեց նաև, որ իրենց տան այն հատվածը, որտեղից հանցագործները բակ են ներխուժել, այնուհետև` բնակարան, կարող էր հայտնի լիներ միայն տան կառուցվածքին ծանոթ անձի, ինչպիսին հանդիսացել է Գառնիկ Չոլոյանը։
Վկա` Սվետլանա Կիմիկի Մելքոնյանի դատաքննական ցուցմունքով այն մասին, որ ամբաստանյալներից ճանաչում է միայն Ալեքսեյ Նագայցևին, ով 2009թ. մայիսի «03»-ին, ժամը «16»-ից «16։30»-ի սահմաններում գալով իր աշխատավայր` Երևան քաղաքի Սեբաստիա փողոցի թիվ 64/2 հասցեում գտնվող ոսկյա զարդերի վաճառքի տաղավար, չորս կտոր ոսկյա զարդ է առաջարկել գնել, որի դիմաց ինքը վերջինիս վճարել է ՀՀ 100.000 դրամ գումար, իսկ որպես անձը հաստատող փաստաթուղթ Ալ.Նագայցևը ներկայացրել է վարորդական իրավունքի վկայական։ Հետագայում ոստիկանության աշխատակիցներից տեղեկացել է, որ ոսկյա զարդերը հափշտակված են եղել, սակայն դրանք ինքն արդեն վերավաճառած է եղել։ Վկան հայտնեց նաև, որ դեռևս նախաքննության ժամանակ, իր ցուցմունքներից հետո Ալ.Նագայցևի կինն այցելել է իրեն խնդրել է փոխել ցուցմունքները և հայտնել, որ ոսկյա իրերը իրեն այլ մարդ է վաճառել։
Վկա` Լևոն Վոլոդիայի Գինոսյանի ցուցմունքով այն մասին, որ աշխատում է «Ժպիտ» մանկապարտեզում, որպես պահակ։ 2009թ. գարնան սկզբին իր մոտ է եկել իր մանկության ընկեր Արմեն Չոլոյանը և հայտնելով, որ պատիժը կրելու վայրից նոր է վերադարձել ու բնակարան չունի և խնդրել է մի քանի օր մնալու տեղ հատկացնել։ Ինքը մերժելու պատճառ չունենալով` համաձայնել է։ Մայիս ամսին Արմեն Չոլոյանը տոպրակներով իրեր է բերել` հայտելով, որ մայրն է Թուրքիայից ուղարկել և նույնիսկ իրեն տաբատ է նվիրել և քանի որ ըստ իր գիտության վերջինիս մայրը Թուրքիայում է եղել, հայտնածն իրեն կասկածի տեղիք չի տվել։ Այնուհետև Արմեն Չոլոյանը մի քանի անծանոթ տղամարդկանց հետ մանկապարտեզ է եկել և տարել այդ իրերը, որից հետո Արմեն Չոլոյանին այլևս չի հանդիպել։ Հետագայում, երբ ոստիկանության աշխատակիցները եկել են մանկապարտեզ ու խուզարկություն կատարելու ընթացքում դիմակներ են հայտնաբերել` տեղեկացել է, որ Արմեն Չոլոյանի բերած իրերը գողացված են եղել։
Ամբաստանյալ Արմեն Գառնիկի Չոլոյանն առաջադրված մեղադրանքում իրեն մեղավոր ճանաչեց և ցուցմունքներով հայտնեց, որ 2009թ. գարնան սկզբներին, գիշերը, օրը հստակ չի հիշում, «Վանահովիտ» ավանի մոտակայքում գտնվող պահեստներից մեկի ճաղավանդակից մուտք գործելով, հագուստներ է հափշտակել ու դրանք պատահական տաքսի ավտոմեքենայով տեղափոխել «Ժպիտ» մանկապարտեզ։ Ապրանքների մի մասը վաճառել է, իսկ մյուս մասը վերադարձրել է տիրոջը։ Ավազակային հարձակման դրվագով ամբաստանյալ Արմեն Չոլոյանը ցուցմունք տվեց այն մասին, որ ավազակային հարձակում իրականացնելու մտադրությունն իրենն է եղել, իսկ տուժողների տան տեղն իրեն ոմն «Լյովիկն» է հայտնել, որի անունը նախաքննության ընթացքում շփոթվել ու «Վարդան» է ասել, ում հետ էլ իրականացրել է հանցագործությունը։ Ամբաստանյալը հայտնեց նաև, որ այդ անձնավորության վերաբերյալ որևէ տեղեկություն չունի և նրան պատահական է հանդիպել, իսկ իր որդի Գառնիկ Չոլոյանն ու Ալեքսեյ Նագայցևն ընդհանրապես առնչություն չունեն կատարված հանցագործության հետ։ Որդին դեպքի օրը` 2009թ. մայիսի «03»-ին, իրեն սպասել է դրսում։ Ամբաստանյալը հայտնեց նաև, որ նախաքննության ընթացքում Ալեքսեյ Նագայցևի և որդու` Գառնիկ Չոլոյանի անունները հայտնել է ոստիկանության աշխատակիցների ճնշման տակ։ Իր վերջին խոսքում ամբաստանյալ Արմեն Չոլոյանը դատարանին խնդրեց Ալեքսեյ Նագայցևի և Գառնիկ Չոլոյանի նկատմամբ հնարավորինս մեղմ վերաբերվել։
Ամբաստանյալ Գառնիկ Արմենի Չոլոյանը դատաքննությամբ առաջադրված մեղադրանքում իրեն մեղավոր չճանաչեց և ցուցմունք տվեց այն մասին, որ ինքն ավազակային հարձակում չի կատարել, այլ 2009թ. մայիսի «03»-ի գիշերը, հոր` Արմեն Չոլոյանի հետ գնացել է Սարի Թաղ, որտեղ հայրը պահանջել է իրեն սպասել։ Մոտ 25 րոպե անց Արմեն Չոլոյանը վերադարձել է և իրենք միասին հեռացել են։ Դատաքննությամբ ամբաստանյալ Գառնիկ Չոլոյանը հայտնեց, որ նախաքննության ընթացքում ցուցմունքները տվել է բռնության և սպառնալիքի ազդեցության տակ։
Ամբաստանյալ Ալեքսեյ Յուրևիչ Նագայցևը դատաքննությամբ առաջադրված մեղադրանքում իրեն մեղավոր չճանաչեց, հայտնեց, որ ինքն ավազակային հարձակում չի կատարել և իր դեմ որևէ ապացույց չկա։
03.05.2010թ. կազմված դեպքի վայրի զննության արձանագրությամբ այն մասին, որ դեպքի վայր հանդիսացող` Երևան քաղաքի Սարի Թաղ 6-րդ շարքի թիվ 14 հասցեի տան հյուրասենյակում գտնվող զարդատուփի վրայից վերցվել է մեկ հատ մատնահետք, հայտնաբերվել է դռան մետաղյա շղթա, մեկ հատ մուգ շագանակագույն գործվածքով դիմակ, մետաղական շրջանակով «UANO» տեսակի արևային ակնոցներ, «CricKet» տեսակի սև գույնի կրակայրիչ, Հ.Դանիելյանի արյունանման հետքերով ներքնաշորը և սավանը։
Արմեն Չոլոյանի ցուցմունքները ճշտելու և ստուգելու նպատակով 13.05.2009թ. կատարված քննչական փորձարարության արձանագրությամբ այն մասին, որ Արմեն Չոլոյանը մատնացույց անելով Երևան քաղաքի Սարի Թաղ 6-րդ շարքի թիվ 14 տունը հայտարարել է, որ նույն թվականի մայիսի «03»-ին, ժամը «03»-ի սահմաններում Ալեքսեյ Նագայցևի հետ ավազակություն կատարելու նպատակով անցնելով տան եզրային ցանցի վրայից մուտք են գործել նշված տան բակ, այնուհետև տան ճակատային մասից ձախ դռան շղթան բացելու միջոցով մուտք են գործել տուն, աստիճաններով բարձրացել երկրորդ հարկ, սակայն այնտեղ տանտերերին չգտնելով նորից իջել են ներքև ու հյուրասենյակում քնած գտել տանտերերին։ Իրենց մուտքից տանտերերն արթնացել են ու ինքը մոտեցել է ամուսնուն ու փակել բերանը, իսկ Ալ.Նագայցևը զբաղվել է տիկնոջով։ Երբ իր` ոսկի ու գումար պահանջին ամուսինը պատասխանել է, որ չունեն, իքնը մի քանի անգամ հարվածել է նրան, որից հետո նրանք համաձայնվել են տալ ոսկիները և իրենք բարձրացել են երկրորդ հարկ, որտեղ տղամարդը պահարանի միջից մետաղյա տուփ է հանել ու միջի ոսկեղենը իրեն տվել, որից հետո իրենք հեռացել են։
Գառնիկ Չոլոյանի ցուցմունքները ճշտելու և ստուգելու նպատակով 13.05.2009թ. կատարված քննչական փորձարարության արձանագրությամբ այն մասին, որ Գառնիկ Չոլոյանը Երևան քաղաքի Սարի Թաղ 6-րդ շարքի թիվ 14 հասցեում հայտարարել է, որ դեպքի նախորդ օրը իր հայր Արմեն Չոլոյանին և Ալեքսեյ Նագայցևին հայտնել է, որ հիշյալ հասցեում նյութապես ապահովված մարդիկ են ապրում։ Փորձարարության ժամանակ Գ.Չոլոյանը հայտարարել է նաև, որ ավազակություն կատարելու ընթացքում ինքը գտնվել է Ալեքսեյ Նագայցևի «OPEL vectra» մակնիշի ավտոմեքենայում, իսկ տուն մտել են միայն Ալեքսեյ Նագայցևը և իր հայր Արմեն Չոլոյանը։
14.05.2009թ. անձին ճանաչման ներկայացնելու մասին արձանագրությամբ այն մասին, որ տուժող Հրայր Դանիելյանը չի ճանաչել Ալեքսեյ Նագայցևի ձայնը։
14.05.2009թ. անձին ճանաչման ներկայացնելու մասին արձանագրությամբ այն մասին, որ տուժող Հրայր Դանիելյանը Գառնիկ Չոլոյանին մարմնակազմությամբ, հասակով և ձայնով նմանեցրել է իրենց տանը ավազակային հարձակում գործած և իր վրա հարձակված անձնավորությանը։
13.05.2009թ. անձին ճանաչման ներկայացնելու արձանագրությամբ այն մասին, որ վկա Սվետլանա Մելքոնյանը մարմնակազմությունով, հասակով և դեպքի դիմագծերով ճանաչել է Ալեքսեյ Նագայցևին և հայտարարել, որ վերջինս այն անձնավորությունն է, ով 2009թ. մայիսի «03»-ին, ժամը «16»-ի սահմաններում վաճառքի համար ոսկյա զարդեր է առաջարկել։
03.06.2009թ. դեպքի վայրի զննության արձանագրությամբ այն մասին, որ դեպքի վայր հանդիսացող Երևան քաղաքի Ֆրունզե փողոցի թիվ 14 հասցեում գտնվող մանկապարտեզի 2-րդ հարկի աստիճանահարթակից աջ գտնվող սենյակի մահճակալի ներքնակի տակից հայտնաբերվել և առգրավվել է կապույտ գույնի ձմեռային գլխարկ, որի վրա առկա են եղել երկու բացվածքներ և «NIKA» /«Նիկա»/ գրառում։
03.06.2009թ. առգրավում կատարելու արձանագրությամբ և որոշմամբ այն մասին, որ Լևոն Գինոսյանի մոտից առգրավվել է վերջինիս կողմից ներկայացված «Puma» /«պումա»/ տեսակի սպորտային կապույտ գույնի տաբատ։
16.06.2009թ. քննչական փորձարարություն կատարելու արձանագրությամբ այն մասին, որ Արմեն Չոլոյանը մատնացույց է արել Երևան-Աշտարակ խճուղու ձախակողմյան հատվածում գտնվող այն պահեստի երկաթե ճաղավանդակով պատուհանը որտեղից ներս մտնելով պահեստ հափշտակել է երկու պարկ հագուստ, որը պատահական տաքսի ավտոմեքենայով տեղափոխել է մանկապարտեզ։
14.05.2009թ. առերես հարցաքննության արձանագրությամբ այն մասին, որ Արմեն Չոլոյանը և Ալեքսեյ Նագայցևը առերես հարցաքննվել են, որի ընթացքում Արմեն Չոլոյանը պնդելով իր նախկինում տրված ցուցմունքները հայտնել է, որ Ալեքսեյ Նագայցևն այն անձն է, ում հետ ինքը 2009թ. մայիսի «03»-ին ժամը «03»-ի սահմաններում մուտք գործելով Սարի թաղի 6-րդ շարքի հմ. 14 տուն ավազակային հարձակում է գործել տանտերերի վրա։
14.05.2009թ. առերես հարցաքննության արձանագրությամբ այն մասին, որ Գառնիկ Չոլոյանը և Ալեքսեյ Նագայցևն առերես հարցաքննվել են, որի ընթացքում Գառնիկ Չոլոյանը պնդելով իր նախկինում տրված ցուցմունքները հայտնել է, որ Ալեքսեյ Նագայցևն այն անձն է, ում հետ 2009թ. մայիսի «03»-ին ժամը «03»-ի սահմաններում գնացել են Սարի թաղ, որտեղ ինքը մնացել է Ալ.Նագայցևի «Օփել» մակնիշի ավտոմեքենայում, իսկ հայրը` Ա.Չոլոյանը և Ալ.Նագայցևը մուտք գործելով Սարի թաղի 6-րդ շարքի հմ. 14 տուն ավազակային հարձակում են գործել տանտերերի վրա, իսկ հաջորդ օրը իրենք միասին գնացել են և հափշտակված ոսկյա զարդերի մի քանի կտոր վաճառել։
Մանրաթելային փորձաքննության թիվ 09-0848 եզրակացությամբ այն մասին, որ փորձաքննության ներկայացված դիմակի և ակնոցի վրա հայտնաբերվել են օտար բնական և քիմիական մանրաթելեր, որոնք պիտանի են հետագա համեմատական հետազոտության համար։ Փորձաքննության ներկայացված դիմակի և ակնոցի վրա հայտնաբերված բնական բամբակյա սև և կապույտ գույնի մանրաթելերը չեն տարբերվում միմյանցից, այսինքն ունեն ընդհանուր սեռային պատկանելիություն։ Հայտնաբերված մանրաթելերն իրենց բնույթով հանդիսանում են հագուստից անջատված մանրաթելեր։
Դատահետքաբանական փորձաքննության թիվ 09-0849 եզրակացությամբ այն մասին, որ փորձաքննության ներկայացված շղթայի և տարրի վրա առկա են մեխանիկական բնույթի վնասվածքներ և հետքեր, որոնք իրենց համակցությամբ կարող են առաջանալ տարրն իր ամրացման տեղից` հիմքից դուրս գալու ընթացքում մեխանիկական ձգվածության հետևանքով։
Մատնադրոշմային փորձաքննության թիվ 1593 եզրակացությամբ այն մասին, որ ներկայացված 32x44մմ կողային չափերով սպիտակ դակտոժապավենի կպչուն մակերեսի վրա արտատպված մատնահետքը պիտանի է անձի նույնացման համար և թողնված են ոչ թե Հ.Դանիելյանի կամ Կ.Հակոբյանի, Ա.Չոլոյանի, Գ.Չոլոյանի և Ա.Նագայցևի, այլ մեկ ուրիշ անձի կամ անձանց կողմից։ 32x44մմ կողային չափերով կպչուն մակերեսի վրա արտատպվածմատնահետքը համեմատվեց ՀՀ Ոստիկանության ՓքՎ մատնադրոշմային քարտադարանում հաշվառված մատնահետքերի, ինչպես նաև քարտադարանում հաշվառված անձանց մատնադրոշմների հետ և համընկնում չի հայտնաբերվել։
Դատաբժշկական փորձաքննության թիվ 277 եզրակացությամբ այն մասին, որ փորձաքննության ներկայացված տուժող Հրայր Դանիելյանի արյան նմուշն ըստ ABO իզոշճաբանական համակարգի պատկանում է ուղեկցող H հակածինով A խմբին։ Փորձաքննությանը ներկայացված սավանի և երկարաթև ներքնաշապիկի վրա տեղակայված կասկածելի հետքերում հաստատվել է արյան առկայություն, որը պատկանում է մարդու և առաջացել է ըստ արյան ABO իզոշճաբանական համակարգի ուղեկցող H հակածինով A խումբ ունեցող որևէ անձից կամ անձանցից, այդ թվում նաև կարող էր առաջանալ Հրայր Դանիելյանից։
Մանրաթելային փորձաքննության թիվ 09-1091 եզրակացությամբ այն մասին, որ փորձաքննության ներկայացված դիմակի վրա հայտնաբերվել են օտար բնական և քիմիական մանրաթելեր, որոնք պիտանի են հետագա համեմատական հետազոտության համար։ Հայտնաբերված օտար մանրաթելերը միմյանց հետ չունեն ընդհանուր սեռային պատկանելիություն։
Նյութագիտական և ապրանքագիտական համալիր փորձաքննության թիվ 09-1140 եզրակացությամբ այն մասին, որ փորձաքննությանը տրամադրված 5,035 գրամ քաշով կանացի մատանին պատրաստված է 585օ հարգի ոսկուց, որի շուկայական արժեքը 03.05.2009թ. դրությամբ կարող է կազմել շուրջ 34.000 /երեսունչորս հազար/ ՀՀ դրամ։
Դատաբժշկական փորձաքննության թիվ 383 եզրակացությամբ այն մասին, որ փորձաքննության ներկայացված դիմակից հայտնաբերված թիվ 1 և 2 մազանման թելիկները հանդիսանում են գլխի թափված մազեր, ներկված մազեր` կարող էին թողնվել նույն անձի գլխի մազերի հաշվին, սակայն մազերի ներկվածության հանգամանքը թույլ է տալիս համարել ոչ նպատակահարմար անցկացնելու համեմատական ուսումնասիրություն փորձաքննության ներկայացված Արմեն Չոլոյանի, Գառնիկ Չոլոյանի և Ալեքսեյ Նագայցևի գլխի մազերի նմուշների հետ։ Փորձաքննության ներկայացված դիմակից հայտնաբերված թիվ 3 և 4 մազանման թելիկները կենդանու մազեր են, իսկ հայտնաբերված մնացած մազանման թելիկները արհեստական թելիկներ են։
Դատաբժշկական փորձաքննության թիվ 982 եզրակացության լրացման այն մասին, որ Հ.Դանիելյանի մարմնական վնասվածքները առկա տվյալներով գլխի ձախ կողմնային շրջանի սալջարդ վերքի /ներկայիս սպիի/, գլխի կողմնային շրջանի քերծվածքների /ներկայիս մաշկի գունավորված տեղամասերի/ ձևով պատճառվել են բութ կոշտ առարկաներով, հնարավոր է նշված ժամկետին, պատճառվել են առողջությանը թեթև վնաս` առողջության կարճատև քայքայումով, նկատի ունենալով վնասվածքների հետանմիջական պատճառական կապի մեջ գտնվող հետևանքների տևողությունը որ պակաս վեց օրից և ոչ ավելի քսանմեկ օրից։ Եթե հետագայում Հ.Դանիելյանը ենթարկվի ռենտգեն հետազոտության և ի հայտ գան նոր տվյալներ, ապա հնարավոր են փոփոխություններ հետևություններում։
Դատաբժշկական փորձաքննության թիվ 983 եզրակացության լրացմամբ այն մասին, որ Կ.Հակոբյանի մարմնական վնասվածքները առկա տվյալներով ձախ աչքի վերին և ստորին կոպերի արյունազեղման ձևով պատճառվել են բութ կոշտ առարկաներով, հնարավոր է նշված ժամկետին, որոնք առողջության թեթև վնասի հատկանիշներ չեն պարունակում։ Եթե հետագայում Կ.Հակոբյանը ենթարկվի ռենտգեն հետազոտության և ի հայտ գան նոր տվյալներ, ապա հնարավոր են փոփոխություններ հետևություններում։
Ալեքսեյ Նագայցևի կողմից օգտագործվող /094/11-52-32, /077/53-90-63; Արմեն Չոլոյանի` /093/ 00-56-82; Գառնիկ Չոլոյանի`/093/00-75-32 հեռախոսազանգերի մուտքային և ելքային զանգերի վերծանումներով։
Այլ ապացույց ճանաչված 15.05.2009թ. կալանավորումը որպես խափանման միջոց կիրառելու միջնորդությունը քննության առնելու մասին Էրեբունի և Նուբարաշեն համայնքների ընդհանուր իրավասության դատարանի դատական նիստի արձանագրությամբ, «Ֆաստ կրեդիտ» գրավատան անդորրագրով և վկա Սվետլանա Մելքումյանի կողմից լրացված գնման ակտով։
16.05.2009թ. առգրավվում կատարելու որոշմամբ այն մասին, որ «Ֆաստ Կրեդիտ» ՍՊ ընկերության թիվ 4 գրավատնից առգրավվել է Գառնիկ Չոլոյանի անվամբ գրավադրված 3 /երեք/ կտոր ասկյա զարդ։
Իրեղեն ապացույց ճանաչված և ՀՀ Ոստիկանության Էրեբունու բաժնի տուգանային հարթակում «Opel vectra» /«Օփել վեկտրա»/ մակնիշի 04 ՏԼ 091 պետհամարանիշի ավտոմեքենայով, 3 /երեք/ ոսկյա մատանիներով, երկու դիմակներով, «Պումա» տեսակի սպորտային տաբատով, 13.05.2009թ. Արմեն Գառնիկի Չոլոյանի մասնակցությամբ կատարված քննչական փորձարարությունը պատկերող լազերային տեսասկավառակով։
Պաշտպանական կողմի միջնորդությամբ ՀՀ «Փորձաքննությունների ազգային բյուրո» ՊՈԱԿ կողմից ստացված հմ. 10-2900 եզրակացությամբ այն մասին, որ փորձաքննությանը ներկայացրած հմ. ԵԷԴ/0116/01/09 քրեական գործի հատորի 81-րդ թերթում առկա ««13» 05 2009թ.» գրառման «13» թիվը ենթարկվել է փոփոխության։ «13» գրառման «1» թվի փոխարեն նախկինում կատարված է եղել «0» թիվը, իսկ «3» թվի փոխարեն նախկինում կատարված է եղել «5» թիվը։ Ներկայացված հմ. ԵԷԴ/0116/01/09 քրեական գործի հատորի 81-րդ թերթում առկա «Սկսվել է ժամը 0900» գրառումների «09» գրառումը ենթարկվել է փոփոխության։ «09» գրառման փոխարեն նախկինում կատարված է եղել «11» թվանշանը։ Ներկայացված հմ. ԵԷԴ/0116/01/09 քրեական գործի հատորի 81-րդ թերում առկա «Ավարտվել է ժամը 1000» գրառումների «10» գրառման առաջին և երկրորդ «0» թվերը ենթարկվել են փոփոխության։ «1000» գրառման առաջին «0» թվի փոխարեն նախկինում կատարված է եղել «2» թիվը, իսկ երկրորդ «0» թվի հատվածում մեկ այլ թվի կամ գրառման հատկանիշը չի հայտնաբերվել երկրորդ «0» թվի գրաֆիկական նյութի սակավության և կրկնագծված լինելու պատճառով։ Ներկայացված հմ.ԵԷԴ/0116/01/09 քրեական գործի հատորի 82-րդ թերթի վերին աջ անկյունային հատվածում առկա մատիտով կատարված «82» գրառման «8» թվի վերին աջ և ձախ հատվածներում առկա են համապատասխանաբար «1» և «3» թվերը, իսկ «82» գրառման «2» թվի հատվածում առկա է «9» թվանշանը, իսկ հատորում առկա 81-րդ և 82-րդ թերթերը կրկնապատկված են։
Պաշտպանական կողմի միջնորդությամբ «ՎիվաՍել» ՄՏՍ», «Ղ-Տելեկոմ» ՓԲ ընկերության կողմի ստացված գրության համաձայն հեռախոսազանգ կատարող բաժանորդի գտնվելու վայրը տվյալ տարածքներում ընկերությանը պատկանող կայաններով կարելի է որոշել մեկ կիլոմետր ճշտությամբ` ութսուն տոկոս հավանականությամբ։

3. Դատարանի իրավական վերլուծությունը


ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։
ՀՀ քրեական դատավարության օրենսգրքի 353 հոդվածի համաձայն դատավճիռ կայացնելիս դատարանն իրավունք ունի հիմնվել միայն դատաքննությամբ հետազոտված ապացույցների վրա, իսկ ՀՀ քրեական դատավարության օրենսգրքի 104 հոդվածի համաձայն` քրեական գործով ապացույցներ են ցանկացած փաuտական տվյալները, որոնց հիման վրա oրենքով որոշված կարգով հետաքննության մարմինը, քննիչը, դատախազը, դատարանը պարզում են քրեական oրենuգրքով նախատեuված արարքի առկայությունը կամ բացակայությունը, այդ արարքը կաuկածյալի կամ մեղադրյալի կողմից կատարելը կամ չկատարելը և մեղադրյալի մեղավորությունը կամ անմեղությունը, ինչպեu նաև գործի ճիշտ լուծման համար նշանակություն ունեցող այլ հանգամանքներ։ Քրեական դատավարությունում որպեu ապացույցներ թույլատրվում են`կասկածյալի ցուցմունքները, մեղադրյալի ցուցմունքները, տուժողի ցուցմունքները, վկայի ցուցմունքները,... փորձագետի եզրակացությունը, իրեղեն ապացույցները, քննչական և դատական գործողությունների արձանագրությունները, այլ փաuտաթղթերը։
Ամբաստանյալ Ալեքսեյ Յուրևիչ Նագայցևի պաշտպան Ի.Սարգսյանը միջնորդություն է ներկայացրել դատարանին` Ալեքսեյ Նագայցևին` վկա Սվետլանա Մելքոնյանին ճանաչման ներկայացնելու վերաբերյալ արձանագրությունը, Ալեքսեյ Նագայցևի և Սվետլանա Մելքոնյանի առերես հարցաքննության արձանագրությունը և Սվետլանա Մելքոնյանի, որպես վկա թե' նախաքննության և թե' դատաքննության ընթացքում տրված ցուցմունքներն անթույլատրելի ապացույց ճանաչելու վերաբերյալ, որի հիմնավորման հիմքում դրել է այն հանգամանքը, որ Ալեքսեյ Նագայցևը 13.05.2009թ. ժամը «10։10»-ին ճանաչման է ներկայացվել վկա Սվետլանա Մելքոնյանին, այն դեպքում, երբ վերջինս, որպես վկա հարցաքննվել է միայն 15.05.2009թ. ժամը 11։10-ին։ Սակայն նախաքննական մարմինը հետագայում այդ փաստը հայտնաբերելով կեղծիք է կատարել և ջնջման միջոցով փորձել է համապատասխանեցնել Սվետլանա Մելքոնյանի հարցաքննության օրն ու ժամը Ալեքսեյ Նագայցևի ճանաչման արձանագրությանը։ Այսինքն` նախաքննական մարմինը ջնջումների միջոցով փորձել է վերականգնել կատարված քրեադատավարական էական խախտումը։
Դատարանը քննարկելով պաշտպան Ի.Սարգսյանի կողմից հարուցված միջնորդության հարցը, գտնում է, որ. պաշտպանական կողմի միջնորդությամբ նշանակված փաստաթղթաբանական փորձաքննության եզրակացությամբ պարզ է դարձել, որ, իսկապես, քրեական գործի 1-ին հատորի ԳԹ 81-82-ում գտնվող վկա Սվետլանա Կիմիկի Մելքոնյանի, որպես վկա հարցաքննության արձանագրության մեջ առկա ամսաթիվը և ժամը ենթարկվել են փոփոխության, սակայն նախնական գրառումը եղել է ոչ թե «15.05.2009թ.» ամսաթվին ժամը «11։10-ից 12։00-ը», ինչպես նշել է պաշտպանը, այլ` «05.05.2009թ.»-ին ժամը «11։10-ից 12։00-ն» ընկած ժամանակահատվածում, ինչպես հաստատել է փորձաքննության եզրակացությունը։
Անձին ճանաչման ներկայացնելու քննչական գործողությունն իրավական խիստ կարգավորման ենթարկված քրեադատավարական գործողություն է, որն իրականացնելու կարգն օրենսդիրը սահմանել է ՀՀ Քրեական դատավարության օրենսգրքի 221 հոդվածով, որի 1-8-րդ մասերի համաձայն` ճանաչման համար որևէ անձի վկային, … ներկայացնելու անհրաժեշտության դեպքում քննիչը վերջիններիu նախապեu հարցաքննում է այդ անձի արտաքին տեuքի ու նշանների և այն հանգամանքների մաuին, որոնցում ճանաչողը տեuել է այդ անձին։ Եթե ճանաչողը վկա կամ տուժող է, նա նախապեu նախազգուշացվում է ցուցմունքներ տալուց հրաժարվելու կամ խուuափելու, ակնհայտ uուտ ցուցմունքներ տալու համար uահմանված պատաuխանատվության, ինչպեu նաև իր, ամուuնու և մերձավոր ազգականների դեմ չվկայելու իր իրավունքի մաuին։ Ճանաչման ենթակա անձը ներկայացվում է ճանաչողին նույն uեռի և արտաքինով ու հագուuտով ճանաչվողին հնարավորին չափ նման առնվազն երեք այլ անձանց հետ։ Ճանաչումն uկuելուց առաջ քննիչը ճանաչվողին առաջարկում է այլ անձանց միջև զբաղեցնել ցանկացած տեղը։ Քննիչի հայեցողությամբ կամ ճանաչողի ցանկությամբ անձի ճանաչումը կարող է կատարվել ճանաչվողի տեuողական դիտարկումից դուրu։ Ճանաչում չի կատարվում, իuկ կատարվածը չի կարող ճանաչվել հիմնավորված, եթե ճանաչողը նշել է այնպիuի հատկանիշներ, որոնք իրենց անորոշության պատճառով բավարար չեն ճանաչվողի անձի նույնացման համար։ Անհրաժեշտության դեպքում ճանաչումը կարող է կատարվել արտաքինով և հագուuտով ճանաչվողին նման տարբեր անձանց լուuանկարներով։ Անձին ճանաչման ներկայացնելը կատարվում է ընթերակաների մաuնակցությամբ։
Համաձայն ՀՀ Քրեական դատավարության օրենսգրքի 105 հոդվածի 1-ին կետի 5-րդ ենթակետի ` քրեական գործով վարույթում մեղադրանքի հիմքում չեն կարող դրվել և որպեu ապացույց oգտագործվել այն նյութերը, որոնք ձեռք են բերվել` քննչական կամ այլ դատավարական գործողության կատարման կարգի էական խախտմամբ։
Այսինքն, օրենսդրի դիրքորոշումն ուղղված է կոնկրետ քննչական գործողության կատարման կարգին, իսկ ինչպես փորձագետի եզրակացությունը հիմնավորեց, քննչական գործողության կատարման վերաբերյալ կազմված արձանագրության մեջ քննչական գործողություն կատարող անձը կատարել է ջնջում, որն, ի հարկե, դատարանի կողմից չի անտեսվել և լրացուցիչ որոշման կայացման հիմք է դարձել, սակայն, չնայած դրան, քննչական գործողության կատարման իրական ժամանակագրությունը համապատասխանում է տվյալ քննչական գործողության կատարման կարգին։ Այսինքն` նախ, Սվետլանա Մելքոնյանը, գործով որպես վկա հարցաքննվել է մինչև անձին ճանաչման ներկայացնելու քննչական գործողության կատարումը` 05.05.2009թ-ին, երկրորդ` վկան հարցաքննվել է հանգամանորեն, ըստ էության և քրեադատավարական կանոններով սահմանված կարգով, ուստի վերոգրյալի հիման վրա դատարանը գտնում է, որ ամբաստանյալ Ալեքսեյ Նագայցևի պաշտպան Ի.Սարգսյանի միջնորդությունը` Ալեքսեյ Նագայցևին` վկա Սվետլանա Մելքոնյանին ճանաչման ներկայացնելու վերաբերյալ արձանագրությունը, Ալեքսեյ Նագայցևի և Սվետլանա Մելքոնյանի առերես հարցաքննության արձանագրությունը և Սվետլանա Մելքոնյանի, որպես վկա տրված թե' նախաքննության և թե' դատաքննության ցուցմունքները անթույլատրելի ապացույց ճանաչելու վերաբերյալ, պետք է մերժել։
Դատաքննությամբ պաշտպանական կողմը միջնորդեց, որպես լրացուցիչ վկաներ դատարան հրավիրել` Էլոնա Դանիելյանին, Հենրիկ Դանիելյանին, Արման Գևորգյանին` մեղադրյալի անմեղությունը և վերջինիս արդարացնող, պատասխանատվությունը մեղմացնող ապացույցների առընչությամբ, իսկ ՀՀ Ոստիկանության Էրեբունու բաժնի քրեական հետախուզության բաժանմունքի պետ Գրիգոր Կարապետյանին և ՀՀ Ոստիկանության Էրեբունու բաժնի պետ Ավետիս Մկրտչյանին` խոշտանգումների և բռնությունների առնչությամբ։ Դատարանը քննարկելով միջնորդությունը գտավ, որ համաձայն ՀՀ քրեական դատավարության օրենսգրքի 340 հոդվածի` վկաները պետք է հարցաքննվեն միմյանցից անջատ և դեռևս չհարցաքննված վկաների բացակայությամբ, այնինչ որպես վկա լսելու համար միջնորդված Էլոնա Դանիելյանը դատական քննության ողջ ընթացքին ներկա է գտնվել, բացի այդ դատաքննությամբ, հարցաքննության ընթացքում, վկա Սվետլանա Մելքոնյանի ցուցմունքների արժանահավատությունը գնահատելու նպատակով, դատարանի կողմից արված հարցադրմանն ի պատասխան, դատական նիստի դահլիճում, վերջինս ճանաչեց և մատնացույց արեց Էլոնա Դանիելյանին, հայտարարելով, որ նա, այն անձնավորությունն է, ով դեռևս նախաքննության ընթացքում ներկայանալով, որպես Ալեքսեյ Նագայցևի կին, խնդրել է իրեն փոխել արդեն տրված ցուցմունքները։ Դատական նիստի դահլիճում է գտնվել նաև միջնորդության մեջ նշված Արման Գևորգյանը, իսկ Հենրիկ Դանիելյանը` Էլոնա Դանիելյանի հայրը, դեռևս նախաքննության ընթացքում հարցաքննվել է և ըստ էության գործով պարզելու ենթակա հանգամանք չհայտնելու հետևանքով դատակոչի ցուցակում չի ընդգրկվել։ Վերոգրյալ հանգամանքերը հաշվի առնելով, ինչպես նաև հաշվի առնելով, որ ամբաստանյալների նկատմամբ բռնություններ կիրառելու առնչությամբ ՀՀ Հատուկ քննչական ծառայությունում արդեն իսկ նախապատրաստված նյութերով քննություն է կատարվել, գտել է, որ միջնորդությունները բավարարման ենթակա չեն։
Դատարանը քննարկելով պաշտպանական կողմի ներկայացրած` նախաքննության ընթացքում Արմեն Չոլոյանի և Ալեքսեյ Նագայցևի առերես հարցաքննության արձանագրությունը և Արմեն Չոլոյանի նախաքննության ընթացքում տրված ցուցմունքները` բռնությամբ ձեռք բերելու և Ա.Չոլոյանի պաշտպանության իրավունքը խախտելու պատճառաբանություններով անթույլատրելի ապացույց ճանաչելու վերաբերյալ միջնորդությունների հարցը, գտնում է, որ դրանք նույնպես ենթակա են մերժման հետևյալ պատճառաբանությամբ`
Համաձայն ՀՀ Քրեական դատավարության օրենսգրքի 105 հոդվածի 1-ին կետի 1-ին և 2-րդ ենթակետերի` քրեական գործով վարույթում մեղադրանքի հիմքում չեն կարող դրվել և որպեu ապացույց oգտագործվել այն նյութերը, որոնք ձեռք են բերվել` բռնությամբ, սպառնալիքով, խաբեությամբ, անձանց ծաղրի ենթարկելով, ինչպես նաև այլ անօրինական գործողություններով և կասկածյալի կամ մեղադրյալի պաշտպանության իրավունքի, դատավարության լեզվին չտիրապետող անձանց իրավունքների` սույն օրենսգրքով նախատեսված իրավունքների խախտմամբ։
Դատաքննությամբ հետազոտված Արմեն Չոլոյանի և Ալեքսեյ Նագայցևի 14.05.2009թ. առերեսման վերաբերյալ կազմված արձանագրության վերջում առկա ստորագրությունները վկայում են, որ հարցաքննությանը մասնակցել են Ալ.Նագայցևի պաշտպան Ս.Մարտիրոսյանը, թարգմանիչ Ա.Չալկադրյանը և 12.05.2009թ-ից Արմեն Չոլոյանի պաշտպանությունը ստանձնած` Վ.Աթոյանը։ Ըստ Արմեն Չոլոյանի պաշտպանի պատճառաբանության առերեսման արձանագրության ներածական մասում Արմեն Չոլոյանի պաշտպան Վ.Աթոյանի ազգանվան նշված չլինելը ենթադրում է վերջինիս բացակայությունը։ Սակայն համաձայն ՀՀ Քրեական դատավարության օրենսգրքի 216 հոդվածի 5-րդ մասի` առերեսմանը, սույն օրենսգրքով նախատեսված դեպքում, կարող են մասնակցել պաշտպանը, թարգմանիչը և հարցաքննվողի օրինական ներկայացուցիչը, որոնք նույնպես ստորագրում են արձանագրությունը, բացի այդ հենց արձանագրության ձևանմուշը մասնակիցների կազմը ներկայացնող տող չի նախատեսում։ Դատարանը չհիմնավորված է համարում նաև նախաքննության ընթացքում ապացույցների բռնությամբ, սպառնալիքով, ծաղրի ենթարկելով կամ այլ անօրինական գործողություններով ձեռք բերելու պաշտպանի պատճառաբանությունը, քանի որ նշված հիմքով ամբաստանյալների հայտարարություների հիման վրա ՀՀ Հատուկ քննչական ծառայությունում նախապատրաստված նյութերով քրեական գործի հարուցումը 27.08.2010թ. որոշմամբ մերժվել է, որը չի բողոքարկվել և մտել է օրինական ուժի մեջ։
Այսպիսով, դատաքննությամբ հիմնավորվեց, որ ամբաստանյալ Արմեն Գառնիկի Չոլոյանը 2009թ. մարտ ամսին Երևան-Աշտարակ խճուղու վրա գտնվող «Վանահովիտ» թաղամասի հարևանությամբ գտնվող պահեստներից մեկի պատուհանի ճաղավանդակից ապօրինի մուտք գործելով պահեստ, այնտեղից գաղտնի հափշտակել է Գրիգոր Սուրենի Գրիգորյանին պատկանող ապրանքները` մանկական կոստյումներ և «Պումա» տեսակի մարզական տաբատներ։
ՀՀ Քրեական օրենսգրքի 177 հոդվածի 1-ին մասի համաձայն հանցագործություն է համարվում գողությունը, այսինքն` ուրիշի գույքի գաղտնի հափշտակությունը զգալի չափերով։ Նույն հոդվածի 3-րդ մասի 3-րդ կետով քրեորեն հետապնդելի է համարվում գողությունը, որը կատարվել է սույն օրենսգրքի 175-182-րդ, 222-րդ, 234-րդ, 238-րդ, 269-րդ հոդվածներով նախատեսված հանցանքների համար երկու կամ ավելի դատվածություն ունեցող անձի կողմից, ինչպիսի հատկանիշ առկա է Արմեն Չոլոյանի կողմից կատարված գործողությունում։
Դատաքննությամբ պարզվեց, որ 2009թ. մայիսի «03»-ին, ժամը «03։00»-ի սահմաններում Արմեն Գառնիկի Չոլոյանը, Գառնիկ Արմենի Չոլոյանն ու Ալեքսեյ Յուրևիչ Նագայցևը նախնական համաձայնությամբ ավազակության միջոցով գույք հափշտակելու հանցավոր դիտավորություն իրականացնելու նպատակով Ալ.Նագայցևին պատկանող «Օպել» մակնիշի ավտոմեքենայով գնացել են Սարի Թաղ, որտեղ Գառնիկ Չոլոյանը մնացել է ավտոմեքենայի սրահում, իսկ Արմեն Չոլոյանը և Ալեքսեյ Նագայցևը գլխարկներից պատրաստած դիմակներով դիմակավորված մուտք են գործել Երևան քաղաքի Սարի Թաղ 6-րդ շարքի հմ.14 հասցեի տուն և տանտերերի` տուժողներ Կիմա Հակոբյանի և Հրայր Դանիելյանի նկատմամբ բռնություն գործադրելով, վերջիններից հափշտակել են 1.210.000 ՀՀ դրամ ընդհանուր արժեղությամբ տարբեր տեսակի ոսկյա զարդեր, այնուհետև դիմել են փախուստի։
ՀՀ Քրեական օրենսգրքի 175 հոդվածի 1-ին մասի համաձայն հանցագործություն է համարվում ավազակությունը, այսինքն` ուրիշի գույքը հափշտակելու նպատակով հարձակումը, որը կատարվել է կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով։ Իսկ նույն հոդվածի 3-րդ մասի 4-րդ կետի համաձայն, հանցագործություն է համարվում ավազակությունը, որը կատարվել է սույն օրենսգրքի 175-182-րդ, 222-րդ, 234-րդ, 238-րդ, 269-րդ հոդվածներով նախատեսված հանցանքների համար երկու կամ ավելի դատվածություն ունեցող անձի կողմից։
Այսպիսով, դատարանը հաշվի առնելով, որ ամբաստանյալներ Արմեն Գառնիկի Չոլոյանը և Ալեքսեյ Յուրևիչ Նագայցևը նախկինում երկու և ավելի անգամներ դատապարտվել են գույքի հափշտակության հանցակազմերով, գտնում է, որ նրանց կողմից կատարված արարքը համապատասխանում է ՀՀ Քրեական օրենսգրքի 175 հոդվածի 3-րդ մասի 4-րդ կետին։
Նախաքննության մարմինը Գառնիկ Արմենի Չոլոյանին մեղադրանք է առաջադրել ՀՀ Քրեական օրենսգրքի 38-175 հոդվածի 3-րդ մասի 4-րդ կետով, իսկ արարքի որակման հիմքում դրել է այն հանգամանքը, որ նա «իրազեկ լինելով հոր` Արմեն Չոլոյանի և նրա հետ նախկինում նույն քրեակատարողական հիմնարկում պատիժ կրած Ալեքսեյ Նագայցևի կողմից նախկինում հափշտակություններ կատարելու համար երկու և ավելի անգամ դատվածություն ունենալու մասին` օժանդակել է նրանց ավազակություն կատարելուն»։ Ինչպես արդեն նշել ենք ՀՀ քրեական օրենսգրքի 175 հոդվածի 3-րդ մասի 4-րդ կետով որակվում է այն ավազակությունը, որը կատարվել է քրեական օրենսգրքի 175-182-րդ, 222-րդ, 234-րդ, 238-րդ, 269-րդ հոդվածներով նախատեսված հանցանքների համար երկու կամ ավելի դատվածություն ունեցող անձի կողմից։ Դատաքննությամբ հետազոտված նյութերի համաձայն Գառնիկ Արմենի Չոլոյանը նախկինում դատապարտվել է ՀՀ Քրեական օրենսգրքի 361 և 362 հոդվածներով, այսինքն վերջինս ՀՀ քրեական օրենսգրքի 175-182-րդ, 222-րդ, 234-րդ, 238-րդ, 269-րդ հոդվածներով նախատեսված և ոչ մի հանցանքի համար դատապարտված չի եղել։ Ինչ վերաբերվում է այն հանգամանքին, որ Գառնիկ Չոլոյանն օժանդակել է անձանց, ովքեր հանդիսանում են ՀՀ Քրեական օրենսգրքի 175 հոդվածի 3-րդ մասի 4-րդ կետով նախատեսված հանցագործության սուբյեկտ, ապա նման հանգամանքը չի կարող դրվել Գառնիկ Չոլոյանի արարքը քրեական օրենսգրքի 175 հոդվածի 3-րդ մասի 4-րդ կետով որակելու հիմքում, քանի որ ՀՀ Քրեական օրենսգրքի 175 հոդվածի 3-րդ մասի 4-րդ կետը վերաբերվում է միայն այն անձին, ով ունի համապատասխան հանցակազմերով երկու և ավելի դատվածություն։
Համաձայն ՀՀ քրեական օրենսգրքի 3-րդ հոդվածի` քրեական պատասխանատվության միակ հիմքը հանցանք, այսինքն այնպիսի արարք կատարելն է, որն իր մեջ պարունակում է քրեական օրենքով նախատեսված հանցակազմի բոլոր հատկանիշները։
Համաձայն ՀՀ քրեական օրենսգրքի 4-րդ հոդվածի` Հայաստանի Հանրապետության քրեական օրենսգիրքը հիմնվում է օրինականության, օրենքի առաջ հավասարության, պատասխանատվության անխուսափելիության, անձնական պատասխանատվության, ըստ մեղքի պատասխանատվության, արդարության և պատասխանատվության անհատականացման ու մարդասիրության սկզբունքների հիման վրա։ Նույն օրենսգրք 8-րդ հոդվածի համաձայն` անձը ենթակա է քրեական պատասխանատվության միայն անձամբ իր կատարած հանցանքի համար։
ՀՀ Քրեական օրենսգրքի 38 հոդվածի 1-ին մասի համաձայն` օժանդակող է համարվում այն անձը, ով հանցագործությանն oժանդակել է խորհուրդներով, ցուցումներով, տեղեկատվություն կամ միջոցներ, գործիքներ տրամադրելով կամ խոչընդոտները վերացնելով, ինչպեu նաև այն անձը, ով նախապեu խոuտացել է պարտակել հանցագործին, հանցագործության միջոցները կամ գործիքները, հանցագործության հետքերը կամ հանցավոր ճանապարհով ձեռք բերված առարկաները, ինչպեu նաեւ այն անձը, ով նախապեu խոuտացել է ձեռք բերել կամ իրացնել այդպիuի առարկաները։
Վերոգրյալի հիման վրա դատարանը գտնում է, որ Գառնիկ Արմենի Չոլոյանի կատարած և ՀՀ Քրեական օրենսգրքի 38-175 հոդվածի 3-րդ մասի 4-րդ կետով որակված արարքը պետք է վերաորակել, որպես մի խումբ անձանց կողմից, նախնական համաձայնությամբ, խոշոր չափով գույքի հափշտակություն կատարելու նպատակով բնակարան ապօրինի մուտք գործելու հանցագործությանը օժանդակող, այսինքն` ՀՀ Քրեական օրենսգրքի 38-175 հոդվածի 2-րդ մասի 1-ին, 2-րդ և 3-րդ մասերով։
Այսպիսով, գործով ձեռք բերված բոլոր ապացույցները գնահատելով իրենց համակցության մեջ և դրանց բազմակողմանի, լրիվ, օբյեկտիվ քննության վրա հիմնված ներքին համոզմամբ դատարանը գտնում է, որ ամբաստանյալներից Արմեն Գառնիկի Չոլոյանը կատարել է արարքներ, որոնք նախատեսված են ՀՀ Քրեական օրենսգրքի 175 հոդվածի 3-րդ մասի 4-րդ կետով և 177 հոդվածի 3-րդ մասի 3-րդ կետով, Ալեքսեյ Յուրևիչ Նագայցևը կատարել է արարք, որը նախատեսված է ՀՀ Քրեական օրենսգրքի 175 հոդվածի 3-րդ մասի 4-րդ կետով, իսկ Գառնիկ Արմենի Չոլոյանը կատարել է արարք, որը նախատեսված է ՀՀ Քրեական օրենսգրքի 38-175 հոդվածի 2-րդ մասի 1-ին, 2-րդ և 3-րդ կետերով, որոնց համապատասխան էլ ամբաստանյալները պետք է ենթարկվեն քրեական պատասխանատվության։
Ինչ վերաբերվում է ամբաստանյալների այն պնդումներին, որ արգելանքի են վերցվել 05.05.2009թ-ից սակայն ձերբակալման արձանագրությունները կազմվել են Արմեն Չոլոյանի և Գառնիկ Չոլոյանի համար 12.05.2009թ-ից, իսկ Ալեքսեյ Նագայցևի համար` 13.05.2009թ-ից, հերքվում են, քանի որ, ըստ Գառնիկ Չոլոյանի դատաքննությամբ արված հայտարարության իրեն և Արմեն Չոլոյանին նույն օրն են արգելանքի վերցրել ու առգրավել են բջջային հեռախոսները։ Սակայն, ըստ քրեական գործում առկա Արմեն և Գառնիկ Չոլոյանների ու Ալեքսեյ Նագայցևի կողմից օգտագործվող հեռախոսներից կատարված ելքային ու մուտքային զանգերի վերծանումների, վերջիններիս կողմից օգտագործվող հեռախոսները «արգելանքի տակ գտնվելու ժամանակամիջոցում» հեռախոսազանգերի ելքային և մուտքային զանգեր են կատարել, նույնիսկ այնպիսի բաժանորդների, ում հետ հեռախոսակապի մեջ են գտնվել մինչև հանցագործության կատարումը։ Բացի այդ գործում առկա են Արմեն և Գառնիկ Չոլոյանների կողմից ՀՀ ԱՆ «Նուբարաշեն» քրեկատարողական հիմնարկում արգելանքի տակ գտնվելու ընթացքում, ՀՀ Երևան քաղաքի քննչական գլխավոր վարչության պետին, Ալեքսեյ Նագայցևի պաշտպանին և ՀՀ Գլխավոր դատախազին հասցեագրված դիմում-բողոքներ, որոցում վերջիններս, որպես իրենց բերման ենթարկելու ամսաթիվ նույնիսկ նշել են «13» մայիսի 2009թ. ամսաթիվը։
Դատարանն առավել արժանահավատ է համարում ամբաստանյաների կողմից նախաքննության ընթացքում տրված ցուցմունքները, քանի որ դատաքննությամբ նրանց կողմից տրված ցուցմունքների հիմքում ընկած հանգամանքները հերքվեցին դատաքննությամբ և նախաքննությամբ ձեռք բերված ու դատաքննութամբ հետազոտված ապացույցներով։ Դատաքննությամբ ամբաստանյալ Ալեքսեյ Նագայցևի այն պնդումները, թե` «Չոլոյանների զանգերին պատասխանելուց խուսափել է», «2009թ. մայիսի «02»-ին նրանց պատահական է հանդիպել և նույն օրը երեկոյան տաքսի ծառայության պատվերը կատարելուց հետո մայիսի «03»-ին ժամը «02»-ի սահմաններում տուն է վերադարձել ու գիշերել տանը», հերքվեցին հեռախոսազանգերի մուտքային և ելքային զանգերի վերծանումներով, որոնցով պարզվեց, որ Նագայցև և Չոլոյաններ եռյակն ակտիվ հեռախոսային զրույցներ են ունեցել ոչ միայն 2009թ. մայիսի «02»-ին, այլև դրանից առաջ և հանցագործության կատարման օրը։ Իսկ մայիսի «03»-ին ժամը 01։34-02։40-նն ընկած ժամանակահատվածում Ալ.Նագայցևի կողմից օգտագործվող /077/53-90-63 հեռախոսին զանգ է մուտքագվել վերջինիս կնոջ` Էլոնա Դանիելյանի կողմից օգտագործվող /093/82-57-07 հեռախոսից, նույն հեռախոսից 55 վայրկյան տևողությամբ մուտքային զանգ է գրանցվել նաև ժամը «08։33»-ին, այսինքն այն ժամանակ, երբ, ըստ Ալ.Նագայցևի պնդման, ինքը գտնվել է տանը։
Դատարանն անարժանահավատ է համարում նաև ամբաստանյալ Արմեն Գառնիկի Չոլոյանի այն պնդումը, թե հանցանքը կատարել է ոմն «Լևիկի» կամ «Վարդանի» հետ, ում վերաբերյալ որևէ տվյալ իրեն հայտնի չէ, և որ ոչ Ալեքսեյ Նագայցևը և ոչ Գառնիկ Չոլոյանը դեպքի հետ որևէ առնչություն չունեն։ Դատարանը գտնում է, որ նման դիրքորոշմամբ ամբաստանյալը միայն դատաքննությունն ապակողմնորոշելու և ամբաստնյալներ Ալ.Նագայցևին և Գ.Չոլոյանին պատասխանատվությունից ազատելու նպատակ է հետապնդում։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալներից Գառնիկ Չոլոյանը երիտասարդ է, խնամքին ունի փոքրահասակ երեխա, Ալեքսեյ Նագայցևը խնամքին ունի երկու փոքրահասակ երեխա, բնութագրվում է դրականորեն, վատառողջ է, տառապում է «Աջ թոքի ստորին բլթի ինֆիլտրատիվ տուբերկուլյոզ» հիվանդությամբ, Արմեն Չոլոյանը վատառողջ է տառապում է «Թոքերի վերին բլթերի ինֆիլտրատիվ տուբերկուլյոզ քայքայումով։ ԹԿԲ-բացասական» ախտորոշմամբ հիվանդությամբ։
Դատարանը գտնում է, որ ամբաստայալ Գառնիկ Չոլոյանի պատասխանատվությունը և պատիժը ծանրացնող հանգամանքները բացակայում են, իսկ ամբաստանյալներ Արմեն Չոլոյանի և Ալեքսեյ Նագայցևի պատասխանատվությունը և պատիժը ծանրացնող հանգամանք է դիտում հանցանքը կատարելու առանձնապես վտանգավոր ռեցիդիվը։
Դատարանը վերոգրյալները հաշվի առնելով, գտնում է, որ ամբաստանյալների նկատմամբ պետք է ազատազրկման ձևով պատիժ նշանակել, սակայն Ալեքսեյ Նագայցևի նկատմամբ պատիժ նշանակելիս դատարանը գտնում է, որ պետք է հաշվի առնել, որ վերջինս Կենտրոն և Նորք Մարաշ համայնքների առաջին ատյանի դատարանի 22.03.2004թ. դատավճռով ՀՀ քր. օր-ի 112 հոդվածի 2-րդ մասի 4-րդ կետով, 177 հոդվածի 3-րդ մասի 3-րդ կետով և 66 հոդվածի կիրառմամբ դատապարտվել է ազատազրկման 7 /յոթ/ տարի ժամկետով, 29.12.2006թ. պատժից ազատվել է 3 /երեք/ տարի, 4 /չորս/ ամիս, 29 /քսանինը/ օր շուտ/, և կիրառելով ՀՀ քրեական օրենսգրքի 67 հոդվածի 1-ին և 4-րդ մասերի դրույթները Ալեքսեյ Նագայցևի նկատմամբ նոր նշանակվող պատժին մասնակիորեն գումարել նախորդ դատավճռով նշանակված պատժի չկրած մասը։
Քննարկելով իրեղեն ապացույցների հարցը, դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված 3 /երեք/ ոսկյա մատանիները պետք է վերադարձնել տուժողներ Կիմա Հակոբյանին և Հրայր Դանիելյանին, «Պումա» տեսակի սպորտային տաբատը պետք է վերադարձնել Լևոն Գինոսյանին, 13.05.2009թ. Արմեն Գառնիկի Չոլոյանի մասնակցությամբ կատարված քննչական փորձարարությունը պատկերող լազերային տեսասկավառակը պետք է պահել քրեական գործի հետ, ՀՀ Ոստիկանության Էրեբունու բաժնի տուգանային հարթակում գտնվող «Opel vectra» /«Օփել վեկտրա»/ մակնիշի 04 ՏԼ 091 պետհամարանիշի ավտոմեքենան պետք է վերադարձնել օրինական տիրապետողներին, իսկ երկու դիմակները պետք է ոչնչացնել։
Քննարկելով այլ ապացույցների հարցը, դատարանը գտնում է, որ այլ ապացույց ճանաչված 15.05.2009թ. կալանավորումը որպես խափանման միջոց կիրառելու միջնորդությունը քննության առնելու մասին Էրեբունի և Նուբարաշեն համայնքների ընդհանուր իրավասության դատարանի դատական նիստի արձանագրությունը, «Ֆաստ կրեդիտ» գրավատան անդորրագիրը և վկա Սվետլանա Մելքումյանի կողմից լրացված գնման ակտը պետք է պահել քրեական գործի հետ։
Քննարկելով տուժողներ Կիմա Հակոբյանի և Հրայր Դանիելյանի քաղաքացիական հայցի հարցը դատարանը գտնում է, որ այն պետք է բավարարել և ամբաստանյալներ Արմեն Գառնիկի Չոլոյանից, Գառնիկ Արմենի Չոլոյանից և Ալեքսեյ Յուրևիչ Նագայցևից համապարտության կարգով հօգուտ տուժողներ Կիմա Հակոբյանի և Հրայր Դանիելյանի բռնագանձել ՀՀ 1.210.000 /մեկ միլիոն երկու հարյուր տաս հազար/ դրամ, որպես հանցագործությամբ պատճառված վնասի հատուցում։
Քննարկելով տուժող Գրիգոր Սուրենի Գրիգորյանի քաղաքացիական հայցի հարցը և նկատի ունենալով, որ դատաքննությամբ տուժող Գ.Գրիգորյանը հրաժարվեց քաղաքացիական հայց ներկայացնելուց և դատաքննությամբ հայտնեց, որ ամբաստանյալ Արմեն Չոլոյանից որևէ պարտք ու պահանջ չունի, ուստի դատարանը գտնում է, որ ՀՀ քրեական դատավարության օրենսգրքի 161 հոդվածի 2-րդ մասի պահանջներով քրեական դատավարությունում քաղաքացիական հայցի այս մասով վարույթը պետք է կարճել։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360 հոդվածներով, դատարանը
Վ Ճ Ռ Ե Ց


Արմեն Գառնիկի Չոլոյանին մեղավոր ճանաչել ՀՀ Քրեական օրենսգրքի 175 հոդվածի 3-րդ մասի 4-րդ կետով և 177 հոդվածի 3-րդ մասի 3-րդ կետով։
ՀՀ Քրեական օրենսգրքի 175 հոդվածի 3-րդ մասի 4-րդ կետով դատապարտել ազատազրկման` 11 /տասնմեկ/ տարի ժամկետով` առանց գույքի բռնագրավման։
ՀՀ Քրեական օրենսգրքի հոդվածի 177 հոդվածի 3-րդ մասի 3-րդ կետով դատապարտել ազատազրկման` 5 /հինգ/ տարի ժամկետով` առանց գույքի բռնագրավման։
ՀՀ Քրեական օրենսգրքի 66 հոդվածի 4-րդ մասի կիրառմամբ պատիժները մասնակի գումարելու միջոցով վերջնական պատիժ նշանակել ազատազրկում 12 /տասներկու/ տարի ժամկետով` առանց գույքի բռնագրավման։
Պատժի սկիզբը հաշվել «12» մայիսի 2009թ-ից։
Խափանման միջոց` կալանքը, թողնել անփոփոխ մինչև դատավճռի օրինական ուժի մեջ մտնելը։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։

Ալեքսեյ Յուրևիչ Նագայցևին մեղավոր ճանաչել ՀՀ Քրեական օրենսգրքի 175 հոդվածի 3-րդ մասի 4-րդ կետով և դատապարտել ազատազրկման` 9 /ինը/ տարի ժամկետով` առանց գույքի բռնագրավման։
ՀՀ Քրեական օրենսգրքի 67 հոդվածի 1-ին և 4-րդ մասերի կիրառմամբ, դատավճիռների համակցությամբ, նոր նշանակված պատժին մասնակիորեն գումարել Կենտրոն և Նորք Մարաշ համայնքների առաջին ատյանի դատարանի 22.03.2004թ. դատավճռով նշանակված պատժի չկրած` մասը և վերջնական պատիժ նշանակել ազատազրկում 10 /տաս/ տարի ժամկետով` առանց գույքի բռնագրավման։
Պատժի սկիզբը հաշվել «13» մայիսի 2009թ-ից։
Խափանման միջոց` կալանքը, թողնել անփոփոխ մինչև դատավճռի օրինական ուժի մեջ մտնելը։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։

Գառնիկ Արմենի Չոլոյանին մեղավոր ճանաչել ՀՀ Քրեական օրենսգրքի 38-175 հոդվածի 2-րդ մասի 1-ին, 2-րդ և 3-րդ կետերով և դատապարտել ազատազրկման` 7 /յոթ/ տարի ժամկետով` առանց գույքի բռնագրավման։
Պատժի սկիզբը հաշվել «12» մայիսի 2009թ-ից։
Խափանման միջոց` կալանքը, թողնել անփոփոխ մինչև դատավճռի օրինական ուժի մեջ մտնելը։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռն օրինական ուժի մեջ մտնելուց հետո իրեղեն ապացույց ճանաչված 3 /երեք/ ոսկյա մատանիները վերադարձնել տուժողներ Կիմա Հակոբյանին և Հրայր Դանիելյանին, «Պումա» տեսակի սպորտային տաբատը վերադարձնել Լևոն Գինոսյանին, 13.05.2009թ. Արմեն Գառնիկի Չոլոյանի մասնակցությամբ կատարված քննչական փորձարարությունը պատկերող լազերային տեսասկավառակը պահել քրեական գործի հետ, ՀՀ Ոստիկանության Էրեբունու բաժնի տուգանային հարթակում գտնվող «Opel vectra» /«Օփել վեկտրա»/ մակնիշի 04 ՏԼ 091 պետհամարանիշի ավտոմեքենան վերադարձնել օրինական տիրապետողներին, իսկ երկու դիմակները ոչնչացնել։
Դատավճիռն օրինական ուժի մեջ մտնելուց հետո այլ ապացույց ճանաչված 15.05.2009թ. կալանավորումը որպես խափանման միջոց կիրառելու միջնորդությունը քննության առնելու մասին Էրեբունի և Նուբարաշեն համայնքների ընդհանուր իրավասության դատարանի դատական նիստի արձանագրությունը, «Ֆաստ կրեդիտ» գրավատան անդորրագիրը և վկա Սվետլանա Մելքումյանի կողմից լրացված գնման ակտը պահել քրեական գործի հետ։
Քաղաքացիական հայցը բավարարել և համապարտության կարգով Արմեն Գառնիկի Չոլոյանից, Գառնիկ Արմենի Չոլոյանից և Ալեքսեյ Յուրևիչ Նագայցևից հօգուտ տուժողներ Կիմա Սասնիկի Հակոբյանի և Հրայր Հակոբի Դանիելյանի բռնագանձել ՀՀ 1.210.000 /մեկ միլիոն երկու հարյուր տաս հազար/ դրամ, որպես հանցագործությամբ պատճառված վնասի հատուցում։
Դատավճիռը կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։

ԴԱՏԱՎՈՐ Ա. ՕՀԱՆՅԱՆ