Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0115/01/09
2009թ.
ք. Երևան

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Շ. ԴՈւՐՅԱՆ
ՄԵՂԱԴՐՈՂ-ԴԱՏԱԽԱԶ՝ Ն. ԱՎԱԳՅԱՆ
ՏՈւԺՈՂԻ /ՔԱՂ.ՀԱՅՑՎՈՐԻ/
ՆԵՐԿԱՅԱՑՈւՑԻՉ` Ք. ՓԱՐՍՅԱՆ

2009թ. Դեկտեմբերի «18»-ին, Երևան քաղաքում.
Դռնբաց դատական նիստում քննելով քրեական գործն ըստ մեղադրանքի՝ Պարգև Վարդանի Այդինյանի /ծնված՝ 17.01.1991թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, չամուսնացած, խնամքին ոչ ոք, չի աշխատում, ֆիզիկապես առողջ, նախկինում չդատապարտված, հաշվառված և բնակվում է Երևան քաղաքի Վ.Փափազյան փողոցի, 24 շենքի, թիվ 7 բնակարանում/։
Սույն գործով արգելանքի տակ չի եղել։
Մեղադրվում է ՀՀ Քր. օր-ի 258 հոդվածի 3-րդ մասի 1-ին կետով։
Հարություն Մկրտիչի Թանապուրյանի /ծնված՝ 06.01.1991թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, չամուսնացած, խնամքին ոչ ոք, չի աշխատում, ֆիզիկապես առողջ, նախկինում դատապարտված /Երևանի Կենտրոն և Նորք-Մարաշ համայնքների առաջին ատյանի դատարանի 30.01.2007թ. դատավճռով ՀՀ քր. օր-ի 176 հոդ. 2-րդ մասի 1-ին, 4-րդ և 5-րդ կետերով և ՀՀ քր. օր-ի 64 հոդվածի կիրառմամբ դատապարտվել է ազատազրկման 1 /մեկ/ տարի 6/վեց/ ամիս ժամկետով, պատժի սկիզբը հաշվարկվել է 27.09.2006թ-ից/, դատվածությունը չմարված, հաշվառված և բնակվում է Երևան քաղաքի Ռուսթավելի փողոցի թիվ 59 տանը/։
Սույն գործով արգելանքի տակ չի եղել։
Մեղադրվում է ՀՀ Քր. օր-ի 258 հոդվածի 3-րդ մասի 1-ին կետով։
Գարիկ Հենրիկի Գրիգորյանի /ծնված՝ 08.04.1991թ. Երևան քաղաքում, ազգությամբ հայ, Հայաստանի Հանրապետության քաղաքացի, 8-ամյա կրթությամբ, չամուսնացած, խնամքին ոչ ոք, չի աշխատում, ֆիզիկապես առողջ, նախկինում չդատապարտված, հաշվառված է Երևան քաղաքի, Ավանի Աճառյան փողոցի 7-2ա հասցեում, բնակվում է Երևան քաղաքի Նուբարաշեն 6-րդ փողոցի, 144 շենքի, թիվ 32 բնակարանում/։
Սույն գործով արգելանքի տակ չի եղել։
Մեղադրվում է ՀՀ Քր. օր-ի 258 հոդվածի 3-րդ մասի 1-ին կետով։
Ռոբերտ Կորյունի Անդրանիկյանի /ծնված՝ 28.09.1990թ. Երևան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, չամուսնացած, խնամքին ոչ ոք, չի աշխատում, ֆիզիկապես առողջ, նախկինում չդատապարտված, բնակվում է Երևան քաղաքի Նոր-Նորքի 1-ին զանգվածի, Գայի 2-րդ փողոցի 93/94 շենքի, թիվ 90 բնակարանում/։
Սույն գործով արգելանքի տակ չի եղել։
Մեղադրվում է ՀՀ Քր. օր-ի 258 հոդվածի 3-րդ մասի 1-ին կետով։


1. Գործի դատավարական նախապատմությունը


ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում խուլիգանություն կատարելու դեպքի առթիվ Գևորգ Շահբազյանի կողմից տրված հաղորդման հիման վրա 20.05.2009թ. ՀՀ Ոստիկանության քննչական վարչության Էրեբունու քննչական բաժնում ՀՀ Քրեական օրենսգրքի 258 հոդվածի 2-րդ մասի հատկանիշներով քրեական գործ է հարուցվել։

2009թ. մայիսի «20»-ին, ժամը 03։00 սահմաններում ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում հետազոտվող զինակոչիկների կողմից Գևորգ Շահբազյանին ծեծի ենթարկելու և մարմնական վնասվածք պատճառելու փաստի առթիվ Գևորգ Շահբազյանի կողմից տրված հաղորդման հիման վրա 20.05.2009թ. ՀՀ Ոստիկանության քննչական վարչության Էրեբունու քննչական բաժնում ՀՀ Քրեական օրենսգրքի 258 հոդվածի 3-րդ մասի 1-ին կետի հատկանիշներով քրեական գործ է հարուցվել։
29.06.2009թ. որոշմամբ Պարգև Վարդանի Այդինյանը որպես մեղադրյալ է ներգրավվել ՀՀ Քրեական օրենսգրքի 258 հոդվածի 3-րդ մասի 1-ին կետով նախատեսված հանցագործություն կատարելու համար և նախաքննության մարմնի կողմից Պ.Այդինյանին մեղադրանք է առաջադրվել այն բանի համար, որ նա. «2009թ. մայիսի «20»-ին, ժամը «03։00»-ի սահմաններում Ռոբերտ Անդրանիկյանի, Հարություն Թանապուրյանի և Գարիկ Գրիգորյանի հետ ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում կատարել է խուլիգանություն։
Այսպես Պ.Այդինյանը ՀՀ զինված ուժերում ծառայության անցնելու համար բժշկական հետազոտության ենթարկվելու նպատակով 2009թ. մայիսի «18»-ին Երևան քաղաքի Արաբկիրի զինկոմիսարիատի կողմից ուղարկվել է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկա։ 2009թ. մայիսի «20»-ին, ժամը «03։00»-ի սահմաններում Պ.Այդինյանը ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում հետազոտվող զինակոչիկներ Ռոբերտ Անդրանիկյանի, Հարություն Թանապուրյանի և Գարիկ Գրիգորյանի հետ վիճաբանել են բաժանմունքի սանիտար Գ.Շահբազյանի հետ, որի ընթացքում կոպիտ կերպով խախտելով հասարակական կարգը, որն արտահայտվել է հասարակության նկատմամբ բացահայտ անհարգալից վերաբերմունք ցուցաբերելով, ծեծի են ենթարկել վերջինիս` նրա առողջությանը դիտավորությամբ պատճառել թեթև վնաս, կոտրել են բաժանմունքի պատուհանի ապակիները` ՓԲ ընկերությանը պատճառելով զգալի չափի` 68.800 ՀՀ դրամի գույքային վնաս, շուրջ 15 րոպե տևողությամբ աղմկել են և հայհոյել, իրենց դիտավորյալ գործողություններով խանգարել են բուժաշխատակիցների և հիվանդների հանգիստը, խաթարելով կլինիկայի բնականոն աշխատանքը»։
Նախաքննական մարմնի 29.06.2009թ. որոշմամբ Հարություն Մկրտչի Թանապուրյանը ՀՀ Քրեական օրենսգրքի 258 հոդվածի 3-րդ մասի 1-ին կետով ներգրավվել է որպես մեղադրյալ և նրան մեղադրանք է առաջադրվել այն բանի համար, որ. «2009թ. մայիսի «20»-ին, ժամը «03։00»-ի սահմաններում Պարգև Այդինյանի, Գարիկ Գրիգորյանի և Ռոբերտ Անդրանիկյանի հետ ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում կատարել է խուլիգանություն։
Այսպես Հ.Թանապուրյանը ՀՀ զինված ուժերում ծառայության անցնելու համար բժշկական հետազոտության ենթարկվելու նպատակով 2009թ. մայիսի «18»-ին Երևան քաղաքի Կենտրոնի զինկոմիսարիատի կողմից ուղարկվել է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկա։ 2009թ. մայիսի «20»-ին, ժամը «03։00»-ի սահմաններում Հ.Թանապուրյանը ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում հետազոտվող զինակոչիկներ Պարգև Այդինյանի, Գարիկ Գրիգորյանի և Ռոբերտ Անդրանիկյանի հետ վիճաբանել են բաժանմունքի սանիտար Գ.Շահբազյանի հետ, որի ընթացքում կոպիտ կերպով խախտելով հասարակական կարգը, որն արտահայտվել է հասարակության նկատմամբ բացահայտ անհարգալից վերաբերմունք ցուցաբերելով, ծեծի են ենթարկել վերջինիս` նրա առողջությանը դիտավորությամբ պատճառել թեթև վնաս, կոտրել են բաժանմունքի պատուհանի ապակիները` ՓԲ ընկերությանը պատճառելով զգալի չափի` 68.800 ՀՀ դրամի գույքային վնաս, շուրջ 15 րոպե տևողությամբ աղմկել են և հայհոյել, իրենց դիտավորյալ գործողություններով խանգարել են բուժաշխատակիցների և հիվանդների հանգիստը, խաթարելով կլինիկայի բնականոն աշխատանքը»։
Նախաքննության մարմնի 24.06.2009թ. որոշմամբ Գարիկ Հենրիկի Գրիգորյանը ներգրավվել է որպես մեղադրյալ և նրան ՀՀ Քրեական օրենսգրքի 258 հոդվածի 3-րդ մասի 1-ին կետով մեղադրանք է առաջադրվել այն բանի համար, որ. «2009թ. մայիսի «20»-ին, ժամը «03։00»-ի սահմաններում Պարգև Այդինյանի, Հարություն Թանապուրյանի և Ռոբերտ Անդրանիկյանի հետ ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում կատարել է խուլիգանություն։
Այսպես` Գ.Գրիգորյանը ՀՀ զինված ուժերում ծառայության անցնելու համար բժշկական հետազոտության ենթարկվելու նպատակով 2009թ. մայիսի «18»-ին Երևան քաղաքի Նոր-Նորքի զինկոմիսարիատի կողմից ուղարկվել է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկա։ 2009թ. մայիսի «20»-ին, ժամը «03։00»-ի սահմաններում Գ.Գրիգորյանը ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում հետազոտվող զինակոչիկներ Պարգև Այդինյանի, Հարություն Թանապուրյանի և Ռոբերտ Անդրանիկյանի հետ վիճաբանել են բաժանմունքի սանիտար Գ.Շահբազյանի հետ, որի ընթացքում կոպիտ կերպով խախտելով հասարակական կարգը, որն արտահայտվել է հասարակության նկատմամբ բացահայտ անհարգալից վերաբերմունք ցուցաբերելով, ծեծի են ենթարկել վերջինիս` նրա առողջությանը դիտավորությամբ պատճառել թեթև վնաս, կոտրել են բաժանմունքի պատուհանի ապակիները` ՓԲ ընկերությանը պատճառելով զգալի չափի` 68.800 ՀՀ դրամի գույքային վնաս, շուրջ 15 րոպե տևողությամբ աղմկել են և հայհոյել, իրենց դիտավորյալ գործողություններով խանգարել են բուժաշխատակիցների և հիվանդների հանգիստը, խաթարելով կլինիկայի բնականոն աշխատանքը»։
Նախաքննության մարմնի 24.06.2009թ. որոշմամբ Ռոբերտ Կորյունի Անդրանիկյանը ՀՀ Քրեական օրենսգրքի 258 հոդվածի 3-րդ մասի 1-ին կետով նախատեսված հանցագործություն կատարելու համար ներգրավվել է որպես մեղադրյալ և նրան մեղադրանք է առաջադրվել այն բանի համար, որ. «2009թ. մայիսի «20»-ին, ժամը «03։00»-ի սահմաններում Պարգև Այդինյանի, Հարություն Թանապուրյանի և Գարիկ Գրիգորյանի հետ ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում կատարել է խուլիգանություն։
Այսպես` Ռ.Անդրանիկյանը ՀՀ զինված ուժերում ծառայության անցնելու համար բժշկական հետազոտության ենթարկվելու նպատակով 2009թ. մայիսի «18»-ին Երևան քաղաքի Նոր-Նորքի զինկոմիսարիատի կողմից ուղարկվել է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկա։ 2009թ. մայիսի «20»-ին, ժամը «03։00»-ի սահմաններում Ռ.Անդրանիկյանը ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում հետազոտվող զինակոչիկներ Պարգև Այդինյանի, Հարություն Թանապուրյանի և Գարիկ Գրիգորյանի հետ վիճաբանել են բաժանմունքի սանիտար Գ.Շահբազյանի հետ, որի ընթացքում կոպիտ կերպով խախտելով հասարակական կարգը, որն արտահայտվել է հասարակության նկատմամբ բացահայտ անհարգալից վերաբերմունք ցուցաբերելով, ծեծի են ենթարկել վերջինիս` նրա առողջությանը դիտավորությամբ պատճառել թեթև վնաս, կոտրել են բաժանմունքի պատուհանի ապակիները` ՓԲ ընկերությանը պատճառելով զգալի չափի` 68.800 ՀՀ դրամի գույքային վնաս, շուրջ 15 րոպե տևողությամբ աղմկել են և հայհոյել, իրենց դիտավորյալ գործողություններով խանգարել են բուժաշխատակիցների և հիվանդների հանգիստը, խաթարելով կլինիկայի բնականոն աշխատանքը»։
Քրեական գործը 15.10.2009թ. կազմված և 19.11.2009թ. հաստատված մեղադրական եզրակացությամբ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան է ստացվել 27.10.2009թ.-ին։
Դատարանի 03.11.2009թ. որոշմամբ մեղադրական եզրակացության մեջ առկա թերությունները վերացնելու համար քրեական գործը վերադարձվել է մեղադրողին։
05.11.2009թ. քրեական գործը հաստատված մեղադրական եզրակացությամբ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարան է ստացվել 06.11.2009թ.-ին։



2. Ապացույցների հետազոտում և գնահատում


Վերլուծելով ու գնահատելով դատաքննության ընթացքում հետազոտված ապացույցները՝ գործի հանգամանքների, մեղադրանքի ապացուցվածության և ամբաստանյալների մեղավորության մասին, դատարանն եկավ հետևության, որ արարքը, որի կատարման մեջ մեղադրվում են ամբաստանյալները՝ ապացուցված է։
Դատարանի հետևությունները հիմնված են դատաքննությամբ հետազոտված հետևյալ ապացույցների վրա։
Տուժողի ներկայացուցիչ Քաջիկ Ասլանի Փարսյանի ցուցմունքով այն մասին, որ աշխատում է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայում, որպես տնօրենի տեղակալ։ 2009թ. մայիսի «20»-ին, ժամը «03։00»-ին ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայում տեղի ունեցած միջադեպի ընթացքում հոգեբուժարանում հետազոտվող զինակոչիկները կոտրել են 3-րդ բաժանմունքի պատուհանի ապակիները և սանհանգույքի դուռը, որի արդյունքում ընկերությանը նյութական վնաս է պատճառվել, ուստի ներկայացրած հայցադիմումով խնդրեց ամբաստանյալներից համապարտության կարգով բռնագանձել 68.800 ՀՀ դրամ կազմող նյութական վնասը։
Ամբաստանյալ Պարգև Վարդանի Այդինյանի ցուցմունքով այն մասին, որ 2009թ. մայիսի «20»-ին հետազոտման նպատակով գտնվել է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայում, երբ ժամը «03։00»-ի սահմաններում աղմուկի ձայներ լսելով սենյակից դուրս է եկել և իմանալով, որ Սանիտար Գևորգ Շահբազյանը հայհոյել է բոլորի հասցեին ինքը նրան ևս հայհոյել ու ուժգին հրել է։ Այնուհետև լսելով, որ ոստիկանության աշխատակիցները գալիս են դիմել է փախուստի։ Դատաքննությամբ ամբաստանյալը կատարածի համար իրեն մեղավոր ճանաչեց, հայտնեց, որ գիտակցում է արարքի բնույթը և զղջում է։
Ամբաստանյալ Հարություն Մկրտիչի Թանապուրյանի ցուցմունքով այն մասին, որ 2009թ. մայիսի «20»-ին հետազոտման նպատակով գտնվել է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայում, երբ ժամը «03։00»-ի սահմաններում աղմուկի ձայներ է լսել ու սենյակից ցանկացել է դուրս գալ, սակայն սանիտար Գևորգ Շահբազյանը թույլ չի տվել, ինչի պատճառով ինքը նրան հրել է, իսկ երբ իմացել է, որ վերջինս հայհոյել է բոլորի հասցեին ինքը նրան ևս հայհոյել ու ուժգին հրել է։ Հիվանդանոցում տիրող խառնաշփոթից դիմել է փախուստի, սակայն հետագայում ինքնակամ ներկայացել է։ Դատաքննությամբ ամբաստանյալը կատարածի համար իրեն մեղավոր ճանաչեց, հայտնեց, որ գիտակցում է կատարած արարքը, զղջաց և խնդրեց դատարանին հնարավորինս մեղմ վարվել։
Ամբաստանյալ Գարիկ Հենրիկի Գրիգորյանի ցուցմունքով այն մասին, որ 2009թ. մայիսի «20»-ին հետազոտման նպատակով գտնվել է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայում, երբ ժամը «03։00»-ի սահմաններում աղմուկի ձայներից սենյակից դուրս գալով լսել է, որ սանիտար Գևորգ Շահբազյանը հայհոյել է, ինչից զայրացել ու ցանկացել է հարվածել նրան, սակայն վրիպել է և բարկությունից վերցրել ու աթոռն է շպրտել, որը դիպել է պատուհանին ու կոտրել ապակին, որից հետո դիմել է փախուստի։ Դատաքննությամբ ամբաստանյալը կատարածի համար իրեն մեղավոր ճանաչեց, հայտնեց, որ գիտակցում է կատարած արարքը և զղջում է։
Ամբաստանյալ Հարություն Մկրտիչի Թանապուրյանի ցուցմունքով այն մասին, որ 2009թ. մայիսի «20»-ին հետազոտման նպատակով գտնվել է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայում, երբ ժամը «03։00»-ի սահմաններում հիվանդանոցում խառնաշփոթ իրավիճակ է ստեղծվել, որի պատճառ հանդիսացել է սանիտար Գևորգ Շահբազյանի հայհոյանքը, ինչը իմանալով ինքը հարվածել է նրա դեմքին։ Դատաքննությամբ ամբաստանյալը կատարածի համար իրեն մեղավոր ճանաչեց, հայտնեց, որ գիտակցում է կատարած արարքը, զղջաց և խնդրեց դատարանին հնարավորինս մեղմ վարվել։
Վկա` Մերի Համազասպի Պողոսյանի ցուցմունքով այն մասին, որ աշխատում է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում բուժքույր։ 2009թ. մայիսի «20»-ի գիշերը հետազոտման նպատակով իրենց բաժանմունք բերված զինակոչիկների` ամբաստանյալների և մի քանի այլ հետազոտվողների միջև վիճաբանություն է սկսվել, բաժանմունքի սանիտարներ Գևորգ Շահբազյանը և Վարդան Պետրոսյանը նրանց դիտողություն են արել, որից հետո նանցից երկուսը հարձակվել են Գևորգ Շահբազյանի վրա ու հարվածել նրան, անմիջապես խառնաշփոթ է ստեղծվել, որի ընթացքում հետազոտվողները տեղահան անելով դռները և կոտրելով պատուհանների ապակիները մինչև ոստիկանության գալը դուրս են եկել բաժանմունքից ու հեռացել։
Վկա` Վահե Հենրիկի Բաբայանի ցուցմունքով այն մասին, որ աշխատում է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում բժիշկ։ 2009թ. մայիսի «19»-ին, իր հերթապահության ժամանակ, ժամը «21»-ի սահմաններում աղմուկի ձայնել է լսել ու գնալով տեսել է, որ հետազոտման նպատակով իրենց բաժանմունք բերված զինակոչիկների, որոնց թվում նաև ամբաստանյալները, վիճաբանում են, միմյանց քաշքշում ու հայհոյում։ Սանիտարների միջամտությամբ վեճը կանխվել է։ Սակայն գիշերը կրկին աղմուկի ու հայհոյանքի ձայնել է լսել, որի համար սանիտարները մի քանի անգամ կրկին դիտողություն են արել, ինչի համար էլ զինակոչիկները հայհոյանքներ են տվել սանիտար Գևորգ Շահբազյանին ու վրա պրծնելով սկսել են հարվածել նրան։ Ստեղծված խառնաշփոթի ընթացքում զինակոչիկները կոտրել են պատուհանների ապակիները, շրջել աթոռները, մահճակալները և դիմել փախուստի։
Վկա` Ներսիկ Խաչատուրի Ամիրզադյանի ցուցմունքով այն մասին, որ աշխատում է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում սանիտար։ 2009թ. մայիսի «19»-ին ինքը գտնվել է աշխատանքի վայրում և այդ ողջ ընթացքում հետազոտվող զինակոչիկները շարունակ աղմկել ու հայհոյել են։ Մի քանի անգամ ինքը և մյուս սանիտարներ Վարդան Պետրոսյանը և Գևորգ Շահբազյանը նրանց նկատողություն են արել։ Գիշերը զինակոչիկները կրկին աղմուկ են բարձրացրել ու հայհոյանքներ տվել և իրենք կրկին նկատողություն են արել, այդ ընթացքում իրեն է մոտեցել ամբաստանյալ Պարգև Այդինյանը և խոստացել, որ տղաներին կարգի կհրավիրի, այդ ժամանակ ուժգին աղմուկի ձայն է լսել ու դուրս գալով տեսել է, որ զինակոչիկները հարձակվել ու ձեռքերով հարվածում են սանիտար Գևորգ Շահբազյանին, այդ ընթացքում բարձրաձայն հայհոյանքներ տալով։ Ինքն ու մյուս սանիտար Վարդան Պետրոսյանը փորձել են հանգստացնել նրանց, սակայն վերջիններս սկսել են կոտրել պատուհանների ապակիներն ու աթոռները, տեղահան անել դռները, որից հետո դուրս են եկել ու հեռացել։
Վկա` Վարդան Երջանիկի Պետրոսյանի ցուցմունքով այն մասին, որ աշխատում է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում սանիտար։ Դեպքի օրը զինակոչիկներին նկատողություն անելու պատճառով վերջիններս հարձակվել են Գևորգ Շահնազարյանի վրա, ձեռքերով հարվածել նրան, այնուհետև դառնալով անկառավարելի սկսել են կոտրել պատուհանների ապակիներն ու աթոռները, տեղահան անել դռները։ Իրենք հասկանալով, որ ստեղծված խառնաշփոթը անձամբ կանխել չեն կարող ոստիկանություն են զանգարել, այդ ընթացքում զինակոչիկները դուրս են եկել ու հիվանդանոցից հեռացել են։
Դատաբժշկական փորձաքննության թիվ 1093 եզրակացությամբ այն մասին, որ Գևորգ Շահբազյանի ստացած մարմնական վնասվածքները` գլխի, կրծքավանդակի, ձախ սրունքի շրջանների քերծվածքի, սալջարդ վերքի ձևով, հասցվել են սուր եզր ունեցող կամ բութ կոշտ առարկաներով, որոնք առաջացրել են առողջության թեթև վնաս` առողջության կարճատև քայքայումով։
20.05.2009թ. դեպքի վայրի զննության արձանագրությամբ այն մասին, որ ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքում զննության ժամանակ բացակայել են մուտքի և դեպի աստիճանահարթակ տանող դռները, միջանցքի աջ եզրային մասում տեղադրված ալյումինե երկփեղկ դռան աջ փեղկը, սանհանգույցի դուռը, կոտրված է եղել ահազանգման կոճակը, գետնին անկանոն թափված են եղել կոտրված ապակիներ, պատի ծեփի կտորներ, թիվ 2 սենյակի մոտքի դուռը ևս բացակայել է, սենյակի պատուհանագոգերին կոտրված ապակիներ են եղել, իսկ սենյակների հատակներին թափված են եղել ներքնակներ, ծածկոցներ, սավաններ, բարձեր, շրջված մահճակալներ, սեղան և աթոռներ, իսկ ննջասենյակներից մեկում առկա են եղել արնանման հետքեր, որոնցից բամբակյա խծուծներով նմուշներ են վերցվել և փաթեթավորվել` հետագա փորձաքննություն իրականացնելու համար։
Փորձաքննության թիվ 299, 315, 328 եզրակացությամբ այն մասին, որ Գևորգ Շահբազյանի և Պարգև Այդինյանի արյան նմուշներն, ըստ արյան ABO իզոշճաբանական համակարգի պատկանում են O խմբին։ Գարիկ Գրիգորյանի և Հարություն Թանապուրյանի արյան նմուշներն, ըստ արյան ABO իզոշճաբանական համակարգի պատկանում են A խմբին։ Ռոբերտ Անդրանիկյանի արյան նմուշն, ըստ արյան ABO իզոշճաբանական համակարգի պատկանում է B խմբին։ Փորձաքննությանը ներկայացված քերուկում և ապակու կտորի վրա տեղակայված կասկածելի հետքերում հաստատվել է մարդկային ծագման արյան առկայություն, որն առաջացել է, ըստ ABO իզոշճաբանական համակարգի O խմբի արյուն ունեցող որևէ անձից, կամ անձանցից, այդ թվում նաև կարող էր առաջանալ Գևորգ Շահբազյանից և Պարգև Այդինյանից։ Փորձաքննությանը ներկայացված մարլյայի խծուծների` թիվ 6-ից-11-րդ փաթեթներից, ինչպես նաև 1 /մեկ/ բամբակյա խծուծի վրա թիվ 12-րդ փաթեթից և թիվ 5-րդ փաթեթից ապակու կտորի վրա տեղակայված կասկածելի հետքերում հաստատվել է արյան առկայություն, որը պատկանում է մարդու և առաջացել է, ըստ արյան ABO իզոշճաբանական համակարգի, A խմբի արյուր ունեցող անձից կամ անձանցից, այդ թվում նաև կարող էր առաջանալ Գարիկ Գրիգորյանից և Հարություն Թանապուրյանից։ Փորձաքննությանը ներկայացված թիվ 4-րդ և 5-րդ գրառումով փաթեթներում եղած մարլյայի խծուծների վրա տեղակայված կասկածելի հետքերում /դեղին գույնի չորացած ցեխանման խառը հետքեր/ հաստատվել է նոսր խտության մարդկային ծագման արյան առկայություն, որի խմբային պատկանելիությունը որոշելիս նա չբացահայտվեց` չորոշվեց, հավանաբար հետքերում արյան նոսր խտության լինելու պատճառով։
Դատաբժշկական փորձաքննության թիվ 1050 եզրակացությամբ այն մասին, որ Պարգև Այդինյանի ստացած մարմնական վնասվածքները` աջ թիակային շրջանի, ձախ գոտկային շրջանի քերծվածքների, ձախ նախաբազկի առաջային մակերեսի շրջանի կտրած վերքերի, կրծքավանդակի աջ կեսի հետին մակերեսի շրջանի սալջարդ վերքի ձևով, հասցվել են քերծվածքները սալջարդ վերքը բութ առարկաներով, կտրված վերքերը` սուր կտրող գործիքով /ներով/, հնարավոր են որոշման մեջ և փարձաքննվողի կողմից նշված ժամկետներում, քերծվածքները, սալջարդ վերքը առողջության թեթև վնասի հատկանիշներ չեն պարունակում, իսկ կտրված վերքերը պատճառել են առողջությանը թեթև վնաս` առողջության կարճատև քայքայումով, նկատի ունենալով վնասվածքների հետ անմիջական կապի մեջ եղած հետևանքների տևողությունը ոչ պակաս 6 օրից և ոչ ավել 21 օրից։
Դատաբժշկական փորձաքննության թիվ 1128 եզրակացությամբ այն մասին, որ Գարիկ Գրիգորյանի մարմնական վնասվածքը` աջ դաստակի 3-րդ մատի միջային ֆալանգի թիկնային մակերեսի քերծվածքի ձևով պատճառվել է բութ, կոշտ առարկայով, հնարավոր նշված ժամկետին, որն առողջության թեթև վնասի հատկանիշներ չի պարունակում, սակայն բժշկական փաստաթղթերի բացակայության և փորձաքննվողին ուշ դատաբժշկակակն փորձաքննության ներկայացնելու հետ կապված, ներկայումս կոնկրետ ասել, թե դեպքի օրը Գ.Գրիգորյանի մոտ այլ մարմնական վնասվածքներ եղել են թե` ոչ, հնարավոր չէ, քանի որ վերջիններս կարող են եղած լինել, բայց այդ օրերի ընթացքում անհետանային։
Դատաբժշկական փորձաքննության թիվ 1093 եզրակացությամբ այն մասին, որ Գևորգ Շահբազյանի մարմնական վնասվածքները` գլխի, կրծքավանդակի, ձախ սրունքի շրջանների քերծվածքների, սալջարդ վերքերի ձևով, հասցվել են` սուր եզրեր կամ ծայրեր ունեցող, և բութ, կոշտ առարկաներով, հնարավոր է որոշման մեջ նշված ժամկետում, որոնք առաջացրել են առողջությանը թեթև վնաս` առողջության կարճատև քայքայումով, նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը` ոչ պակաս 6-օրից և ոչ ավելի, քան` 21-օր։
05.06.2009թ. Անձին ճանաչման ներկայացնելու վերաբերյալ արձանագրությամբ այն մասին, որ Ներսիկ Ամիրզադյանը ճանաչման ներկայացված անձանցից ճանաչել է Ռոբերտ Անդրանիկյանին, որպես հոգեբուժարանում գտնվող զինակոչիկ, որը դեպքի օրը կոտրված ապակիներ է նետել իրենց ուղղությամբ։
05.06.2009թ. Անձին ճանաչման ներկայացնելու վերաբերյալ արձանագրություններով այն մասին, որ Գևորգ Շահբազյանը ճանաչման ներկայացված անձանցից ճանաչել է Ռոբերտ Անդրանիկյանին և Հարություն Թանապուրյանին, ովքեր դեպքի օրը հարվածել են իրեն և հայհոյանքներ տվել։
05.06.2009թ. Անձին ճանաչման ներկայացնելու վերաբերյալ արձանագրություններով այն մասին, որ Վարդան Պետրոսյանը ճանաչման ներկայացված անձանցից ճանաչել է Հարություն Թանապուրյանին և Ռոբերտ Անդրանիկյանին, ովքեր դեպքի օրը զինակոչիկների հետ վիճաբանում էին, աղմկում, ինչից և խառնաշփոթ է սկսվել, իսկ այդ ընթացքում լսել է միայն նրանց հայհոյանքների ձայնը։
Դատաապրանքագիտական փորձաքննության թիվ 442 եզրակացությամբ այն մասին, որ ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայի 3-րդ բաժանմունքի պատուհանների ապակիները կոտրելու, մուտքի դռան շրջանակին հարող հատվածները վնասելու, զուգարանի դուռը և մուտքի զանգը կոտրելու հետևանքով պատճառված նյութական վնասի չափի ընդհանուր շուկայական գինը, 2009թ. մայիսի «20»-ի դրությամբ, գնահատվում է ՀՀ 68.800 /վաթսունութ հազար ութ հարյուր/ դրամ։
Ամբաստանյալներ Ռոբերտ Անդրանիկյանին, Գարիկ Գրիգորյանին, Պարգև Այդինյանին և Հարություն Թանապուրյանին մեղսագրվող հանցանքը հիմնավորվեց նաև վկաներ Աղասի Լևոնի Մարտիրոսյանի, Ռուզաննա Լիպարիտի Ուստյանի, Դավիթ Վաչիկի Ավետիսյանի նախաքնության ընթացում տրված ցուցմունքներով։

3. Դատարանի իրավական վերլուծությունը


ՀՀ Քրեական օրենսգրքի 18 հոդվածի 1-ին մասի համաձայն հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է ՀՀ քրեական օրենսգրքով։
ՀՀ Քրեական օրենսգրքի 258 հոդվածի 3-րդ մասի 1-ին կետը, որով և նախաքննության մարմնի կողմից ամբաստանյալներին մեղադրանք է առաջադրվել, պատասխանատվություն է նախատեսում մի խումբ անձանց կամ կազմակերպված խմբի կողմից խուլիգանություն կատարելու, այսինքն, դիտավորությամբ հասարակական կարգը կոպիտ կերպով խախտելու համար, որն արտահայտվել է հասարակության նկատմամբ բացահայտ անհարգալից վերաբերմունքով և զուգորդվել է անձի նկատմամբ բռնություն գործադրելով կամ դա գործադրելու սպառնալիքով, ինչպես նաև ուրիշի գույքը ոչնչացնելով կամ վնասելով, կամ հասարարական կարգը կոպիտ կերպով խախտելու համար, որը զուգորդվել է բացառիկ ցինիզմով։
ՀՀ Քրեական օրենսգրքի 41 հոդվածի 1-ին մասի համաձայն հանցանքը համարվում է մի խումբ անձանց կողմից առանց նախնական համաձայնության կատարված, եթե դրան մասնակցել են այնպիսի համակատարողներ, ովքեր չեն պայմանավորվել հանցանքը համատեղ կատարելու համար։
Նույն հոդվածի 3-րդ մասի համաձայն` հանցանքը համարվում է կազմակերպված խմբի կողմից կատարված, եթե դա կատարվել է այնպիսի անձանց կայուն խմբի կողմից, ովքեր նախապես միավորվել են մեկ կամ մի քանի հանցանքներ կատարելու համար։
Ինչպես վկայում են գործի հանգամանքներն, ամբաստանյալները դիտավորությամբ կոպիտ կերպով խախտել են հասարակական կարգը, որն արտահայտվել է հասարակության նկատմամբ բացահայտ անհարգալից վերաբերմունքով և զուգորդվել է անձի նկատմամբ բռնություն գործադրելով, ուրիշի գույքը վնասելով, որպիսի օրենքով չթույլատրված արարքը նախատեսված է ՀՀ քրեական օրենսգրքի 258 հոդվածով։ Միաժամանակ դատարանը գտնում է, որ ամբաստանյալների արարքը որակյալ դարձնող հատկանիշ պետք է դիտել արարքը «մի խումբ անձանց կողմից կատարելու» հատկանիշը, քանի որ գործի փաստերից երևում է, որ ամբաստանյալները հանցանքը համատեղ կատարելու համար նախնական համաձայնություն չեն ունեցել և այն կատարել են հանգամանքների պատահական զուգորդմամբ, որը դուրս է կազմակերպված խմբով գործելու հասկացությունից։
Այսպիսով, դատարանը գործով ձեռք բերված բոլոր ապացույցները գնահատելով իրենց համակցության մեջ և դրանց բազմակողմանի, լրիվ, օբյեկտիվ քննության վրա հիմնված ներքին համոզմամբ գտնում է, որ Ռոբերտ Կորյունի Անդրանիկյանը, Գարիկ Հենրիկի Գրիգորյանը, Պարգև Վարդանի Այդինյանը և Հարություն Մկրտիչի Թանապուրյանը կատարել են արարք, որը նախատեսված է ՀՀ Քրեական օրենսգրքի 258 հոդվածի 3-րդ մասի 1-ին կետով, որով և պետք է ենթարկվեն քրեական պատասխանատվության։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալները երիտասարդ են, բնութագրվում են դրականորեն, միջին ծանրության հանցանքը կատարել են առաջին անգամ հանգամանքների պատահական զուգորդմամբ, կատարած արարքի համար իրենց լիովին մեղավոր են ճանաչել և զղջացել են, բացակայում են պատասխանատվությունը և պատիժը ծանրացնող հանգամանքները։
Քննարկելով Հարություն Թանապուրյանի կողմից նախկինում դիտավորությամբ կատարած հանցանքի համար դատվածություն ունենալու հանգամանքը, որպես վերջինիս պատասխանատվությունը և պատիժը ծանրացնող հանգամանք դիտելու մեղադրողի միջնորդությունը, դատարանը գտնում է, որ Հ.Թանապուրյանի նախկին դատվածությունը ռեցիդիվը գնահատելիս հաշվի առնվել չի կարող, քանի որ վերջինս հանցանքը կատարել է մինչև տասնութ տարին լրանալը, իսկ համաձայն ՀՀ քրեական օրենսգրքի 22 հոդվածի 4-րդ մասի` այն հանցանքների համար դատվածությունը, … որոնք կատարվել են մինչև անձի տաuնութ տարին լրանալը, ռեցիդիվը գնահատելիu հաշվի չեն առնվում։
Դատարանը հաշվի առնելով այն, որ ՀՀ քրեական օրենսգրքի 258 հոդվածի 3-րդ մասի 1-ին կետի սանկցիան պատիժ է նախատեսում թե’ ազատազրկման և թե’ ազատազրկման հետ չկապված պատժի ձևով, ինչպես նաև սույն գործի հանգամանքները, ամբաստանյալների անձը բնութագրող տվյալները և նրանց պատաuխանատվությունը և պատիժը մեղմացնող հանգամանքերը և ծանրացնող հանգամանքների բացակայությունը հաշվի առնելով, գտնում է, որ ամբաստանյալների ուղղվելը հնարավոր է առանց նրանց անազատության մեջ պահելու ձևով հասարակությունից մեկուսացնելու։
ՀՀ Քրեական դատավարության օրենսգրքի 154 հոդվածի 3-րդ կետի` քաղաքացիական հայցով որոշումն ընդունվում է քաղաքացիական օրենսդրության նորմերին համապատասխան։
ՀՀ Քաղաքացիական օրենսգրքի 1058 հոդվածի 1-ին մասի համաձայն` քաղաքացու անձին կամ գույքին, ինչպեu նաև իրավաբանական անձի գույքին պատճառված վնաuը լրիվ ծավալով ենթակա է հատուցման այն պատճառած անձի կողմից։
Քննարկելով քաղաքացիական հայցի հարցը, և հաշվի առնելով, որ տուժողի ներկայացուցիչ Քաջիկ Ասլանի Փարսյանը ՀՀ 68.800 դրամ գումարի քաղաքացիական հայցի պահանջ է ներկայացրել, դատարանը գտնում է, որ հիմք ընդունելով դատաապրանքագիտական փորձաքննության թիվ 442 եզրակացությունը, որով հիմնավորվել է ՀՀ ԱՆ «Հոգեբուժական բժշկական կենտրոն» ՓԲ ընկերությանը հանցագործությամբ ՀՀ 68.800 դրամ նյութական վնաս պատճառելու հանգամանքը, քաղաքացիական հայցը պետք է բավարարել ամբողջությամբ և ամբաստանյալներից համապարտության կարգով բռնագանձել ՀՀ 68.800 /վաթսունութ հազար ութ հարյուր/ դրամ գումար, որպես հանցագործությամբ պատճառված վնասի հատուցում։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360 հոդվածներով, դատարանը
Վ Ճ Ռ Ե Ց



Պարգև Վարդանի Այդինյանին մեղավոր ճանաչել ՀՀ Քրեական օրենսգրքի 258 հոդվածի 3-րդ մասի 1-ին կետով և դատապարտել տուգանքով` նվազագույն աշխատավարձի 200-ապատիկի /ՀՀ 200.000 դրամի/ չափով։
Պ.Այդինյանի նկատմամբ ընտված, ստորագրություն չհեռանալու մասին, խափանման միջոցը թողնել անփոփոխ, մինչև դատավճռի օրինական ուժի մեջ մնելը։

Գարիկ Հենրիկի Գրիգորյանին մեղավոր ճանաչել ՀՀ Քրեական օրենսգրքի 258 հոդվածի 3-րդ մասի 1-ին կետով և դատապարտել տուգանքով` նվազագույն աշխատավարձի 200-ապատիկի /ՀՀ 200.000 դրամի/ չափով։
Գ.Գրիգորյանի նկատմամբ ընտված, ստորագրություն չհեռանալու մասին, խափանման միջոցը թողնել անփոփոխ, մինչև դատավճռի օրինական ուժի մեջ մնելը։

Ռոբերտ Կորյունի Անդրանիկյանին մեղավոր ճանաչել ՀՀ Քրեական օրենսգրքի 258 հոդվածի 3-րդ մասի 1-ին կետով և դատապարտել տուգանքով` նվազագույն աշխատավարձի 200-ապատիկի /ՀՀ 200.000 դրամի/ չափով։
Ռ.Անդրանիկյանի նկատմամբ ընտված, ստորագրություն չհեռանալու մասին, խափանման միջոցը թողնել անփոփոխ, մինչև դատավճռի օրինական ուժի մեջ մնելը։

Հարություն Մկրտիչի Թանապուրյանին մեղավոր ճանաչել ՀՀ Քրեական օրենսգրքի 258 հոդվածի 3-րդ մասի 1-ին կետով և դատապարտել տուգանքով` նվազագույն աշխատավարձի 200-ապատիկի /ՀՀ 200.000 դրամի/ չափով։
Հ.Թանապուրյանի նկատմամբ ընտված, ստորագրություն չհեռանալու մասին, խափանման միջոցը թողնել անփոփոխ, մինչև դատավճռի օրինական ուժի մեջ մնելը։

Քաղաքացիական հայցը բավարարել` Ռոբերտ Կորյունի Անդրանիկյանից, Գարիկ Հենրիկի Գրիգորյանից, Պարգև Վարդանի Այդինյանից և Հարություն Մկրտիչի Թանապուրյանից համապարտության կարգով հօգուտ ՀՀ ԱՆ «Հոգեբուժական բժշկական կենտրոն» ՓԲ ընկերության բռնագանձել ՀՀ 68.800 /վաթսունութ հազար ութ հարյուր/ դրամ գումար, որպես հանցագործությամբ պատճառված վնասի հատուցում։
Դատավճիռը կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։



ԴԱՏԱՎՈՐ Ա. ՕՀԱՆՅԱՆ