Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0098/01/09
2009թ.
ք. Երևան

Երևան քաղաքի Էրեբունի և Նուբարաշեն համայնքների ընդհանուր իրավասության
դատարանը հետևյալ կազմով՝
ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Շ. ԴՈւՐՅԱՆ
ՄԵՂԱԴՐՈՂ-ԴԱՏԱԽԱԶ՝ Տ. ՈւԶՈՅԱՆ
ՀԱՆՐԱՅԻՆ ՊԱՇՏՊԱՆ` Ռ.ՍԻՐԵԿԱՆՅԱՆ
ՏՈւԺՈՂՆԵՐ` Գ. ԱԹՈՅԱՆ
Գ. ԱՎԵՏԻՍՅԱՆ
ՏՈւԺՈՂԻ ՆԵՐԿԱՅԱՑՈւՑԻՉ` Ս. ԲԵՐԲԵՐՅԱՆ

2009թ. Հոկտեմբերի «06»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն ըստ մեղադրանքի՝ Գարեգին Կարապետի Սահակյանի /ծնված՝ 15.04.1983թ. ք.Երևանում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին երկու անձ, չի աշխատել, ֆիզիկապես առողջ, նախկինում դատապարտված /Երևան քաղաքի Կենտրոն և Նորք-Մարաշ համայնքների առաջին ատյանի դատարանի 26.04.2006թ. դատավճռով ՀՀ Քր. օր-ի 177 հոդ-ի 2-րդ մասի 1-ին, 2-րդ և 3-րդ կետերով դատապարտվել է ազատազրկման 2/երկու/ տարի ժամկետով։ ՀՀ Ազգային ժողովի կողմից 07.07.2006թ. ընդունված համաներման ակտի կիրառմամբ 12.07.2006թ. ազատվել է պատժից/, դատվածությունը չմարված, բնակվել է Մ.Խորենացի փողոցի 2-րդ նրբանցքի, թիվ 19 տանը, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 27.06.2009թ-ից։
Մեղադրվում է ՀՀ Քր. օր-ի 177 հոդվածի 2-րդ մասի 3-րդ և 4-րդ կետերով և 34-177 հոդվածի 2-րդ մասի 3-րդ և 4-րդ կետերով։


1. Գործի դատավարական նախապատմությունը

Անհայտ անձի կողմից Երևանի թիվ 53 միջնակարգ դպրոցից գողության փորձ կատարելու դեպքի առթիվ Սիրանուշ Անդրանիկի Բերբերյանի հաղորդման հիման վրա 28.04.2009թ. ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 34-177 հոդվածի 2-րդ մասի 3-րդ կետի հատկանիշներով քրեական գործ է հարուցվել։
Գեորգի Ռոբերտի Ավետիսյանի հաղորդման հիման վրա նախապատրաստված նյութերով 25.05.2009թ. ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 177 հոդվածի 2-րդ մասի 3-րդ կետի հատկանիշներով քրեական գործ է հարուցվել։
28.06.2009թ. որոշմամբ Գարեգին Կարապետի Սահակյանը ներգրավվել է որպես մեղադրյալ և նրան մեղադրանք է առաջադրվել ՀՀ Քրեական օրենսգրքի 177 հոդվածի 2-րդ մասի 3-րդ կետով և 34-177 հոդվածի 2-րդ մասի 3-րդ և 4-րդ կետերով նախատեսված հանցագործություն կատարելու համար։
15.08.2009թ. Գարեգին Կարապետի Սահակյանին առաջադրված մեղադրանքը փոփոխվել և լրացվել է և Գ.Սահակյանին նոր մեղադրանք է առաջադրվել ՀՀ Քրեական օրենսգրքի 177 հոդվածի 2-րդ մասի 3-րդ և 4-րդ կետերով և 34-177 հոդվածի 2-րդ մասի 3-րդ և 4-րդ կետերով նախատեսված հանցագործություն կատարելու համար։
Նախաքննության մարմնի կողմից Գարեգին Կարապետի Սահակյանին մեղադրանք է առաջադրվել այն բանի համար, որ նա «2006թ. ապրիլի 06-ին Կենտրոն և Նորք-Մարաշ համայնքների առաջին ատյանի դատարանի 06.04.2006թ. դատավճռով ՀՀ քր. օր-ի 177 հոդվածի 2-րդ մասի 1-ին, 2-րդ, 3-րդ կետերով դատապարտված լինելով և դատվածությունը չմարված 2009թ. ապրիլի վերջին, քննությամբ չպարզված օրը, ժամը 22։30-ի սահմաններում, կրկին անգամ գողություն կատարելու դիտավորությամբ ապօրինի մուտք է գործել Տ.Մեծ 3-րդ նրբանցքի 34 տան բակ, այնտեղից վերցրած մետաղի կտորով կոտրել է ավտոտնակի մուտքի դռան փականը, մուտք գործել ավտոտնակ և գաղտնի հափշտակել հեռուստացույցի դատարկ արկղի վրա դրված` Գ.Ավետիսյանի կողմից վարվող «Համեր» մակնիշի ավտոմեքենայի զգալի չափի` 100.000 ՀՀ դրամ արժողության, հեռակառավարման վահանակն` իր բանալիով։ Ավտոտնակից դուրս գալով Գ.Սահակյանը նույն մետաղյա ձողով տեղահան է արել տան հյուրասենյակի պատուհանի մետաղյա ճաղավանդակը, բացել պատուհանն, ապօրինի մուտք գործել ներս և գաղտնի հափշտակել 25.000 ՀՀ դրամ արժողությամբ «ԼՋ» ֆիրմայի ԴՎԴ տեսաձայնագրիչը, 30.000 ՀՀ դրամ արժողության հոսանքի միացման և անջատման տուփերը, 50.000 ՀՀ դրամ արժողության 40 կտոր գրքեր։ 2009թ. ապրիլի լույս 28-ի գիշերը Գ.Սահակյանը գողություն կատարելու դիտավորությամբ ապօրինի մուտք է գործել Տ.Մեծ 26ա հասցեում գտնվող թիվ 53 դպրոց, ուսուցչանոցից փորձել է հափշտակել 53.000 ՀՀ դրամ ընդհանուր արժողության համակարգիչը, մկնիկը, ստեղնաշարը, հոսանք սնուցող տուփը, սակայն հանցագործությունն ավարտին չի հասցրել իր կամքից անկախ հանգամանքներով, այն է` նկատելով դպրոցի գիշերապահակին փախել է հափշտակելով 4.000 ՀՀ դրամ արժողության հոսանք սնուցող տուփը։»։
Քրեական գործը 18.08.2009թ. կազմված և 24.08.2009թ. հաստատված մեղադրական եզրակացությամբ 26.08.2009թ-ին ստացվել է Երևան քաղաքի Էրեբունի և Նուբարաշեն համայնքների ընդհանուր իրավասության դատարան։

2. Արագացված դատական քննություն

Մինչ դատաքննությունն, ամբաստանյալ Գարեգին Կարապետի Սահակյանը խորհրդակցելով իր պաշտպան` հանրային պաշտպանի գրասենյակի փաստաբան Ռուզաննա Սիրեկանյանի հետ, դատարանին՝ արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Տ.Ուզոյանն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Գարեգին Սահակյանը կատարել է արարքներ, որոնք նախատեսված են ՀՀ Քրեական օրենսգրքի 177 հոդվածի 2-րդ մասի 3-րդ և 4-րդ կետերով և 34-177 հոդվածի 2-րդ մասի 3-րդ և 4-րդ կետերով, որոնցով և պետք է ենթարկվի քրեական պատասխանատվության։

3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալը երիտասարդ է, բնութագրվում է դրականորեն, զղջացել է կատարածի համար, որպես պատաuխանատվությունը և պատիժը մեղմացնող հանգամանք դատարանը դիտում է այն, որ ամբաստանյալն աջակցել է հանցագործության բացահայտմանը, մասնակցել է քննչական փորձարարություններին, վերջինիս խնամքին են գտնվում փոքրահասակ մեկամյա որդին և երրորդ կարգի հաշմանդամ մայրը, իսկ պատաuխանատվությունը և պատիժը ծանրացնող հանգամանք դատարանը դիտում հանցանքը կատարելու ռեցիդիվը։
ՀՀ Քրեական օրենսգրքի 177 հոդվածի 2-րդ մասի սանկցիան ազատազրկում երկուսից վեց տարի ժամկետով պատիժ է նախատեսում գողության` ուրիշի գույքի գաղտնի հափշտակության, կրկին անգամ կատարելու` քրեորեն հետապնդելի արարքի համար։
ՀՀ Ազգային Ժողովի կողմից 19.06.2009թ. ընդունված «Համաներում հայտարարելու մասին» որոշման 8-րդ կետի 2-րդ ենթակետի համաձայն համաներում չի կիրառվում` այն անձանց նկատմամբ որոնց հանդեպ նշանակված պատժաչափը կրճատվել է, կամ որոնք դիտավորությամբ կատարած հանցագործության համար պատիժը կրելուց ազատվել են ներում շնորհելու մասին Հայաստանի Հանրապետության Նախագահի հրամանագրերով կամ Հայաստանի Հանրապետության Ազգային ժողովի համաներման մասին որոշումներով…, բացառությամբ այն դեպքերի, երբ այդ հանցագործությունների համար դատվածությունը մարելուց հետո անցել է 10 տարի։
Վերոգրյալներից ելնելով դատարանը գտնում է, որ ամբաստանյալ Գարեգին Սահակյանի նկատմամբ պետք է ազատազրկման ձևով պատիժ նշանակել և հաշվի առնելով այն հանգամանքը, որ Գարեգին Սահակյանը Երևան քաղաքի Կենտրոն և Նորք-Մարաշ համայնքների առաջին ատյանի դատարանի 26.04.2006թ. դատավճռով ՀՀ Քր. օր-ի 177 հոդ-ի 2-րդ մասի 1-ին, 2-րդ և 3-րդ կետերով դատապարտվել է ազատազրկման 2/երկու/ տարի ժամկետով
վերջինիս նկատմամբ կիրառվել է ՀՀ Ազգային Ժողովի կողմից 07.07.2006թ. ընդունված համաներման որոշումը և 12.07.2006թ. ազատվել է պատժից, իսկ նշված հանցագործության համար դատվածությունը մարելուց հետո ՀՀ Ազգային Ժողովի կողմից 19.06.2009թ. ընդունված «Համաներում հայտարարելու մասին» որոշման 8-րդ կետի 2-րդ ենթակետով սահմանված 10 տարի ժամկետը չի անցել, ուստի Գարեգին Սահակյանի նկատմամբ ՀՀ Ազգային Ժողովի կողմից 19.06.2009թ. ընդունված «Համաներում հայտարարելու մասին» որոշումը կիրառելի չէ։
Դատարանը քննարկելով քաղաքացիական հայցի պահանջի հարցը և նկատի ունենալով, որ դատաքննությամբ տուժող Գեորգի Ավետիսյանը և տուժողի ներկայացուցիչ Սիրանուշ Բերբերյանը քաղաքացիական հայց չհարուցեցին, գտնում է, որ ՀՀ Քր. դատ. օր-ի 155 հոդվածի 2-րդ մասի համաձայն նրանց պետք է իրավունք վերապահել քաղաքացիական հայցի պահանջի դեպքում քաղաքացիական դատավարության կարգով դիմել դատարան, իսկ քննարկելով տուժող Գառնիկ Աթոյանի քաղաքացիական հայցի հարցը և նկատի ունենալով, որ վերջինս պատճառված վնասը վերականգնված լինելու պատճառով հրաժարվել է քաղաքացիական հայցից, դատարանը գտնում, որ քաղաքացիական հայցի հարցն այս մասով պետք է համարել լուծված։
Քննարկելով ամբաստանյալ Գարեգին Սահակյանի գույքի վրա դրված արգելանքի հարցը, դատարանը գտնում է, որ դատավճիռն օրինական ուժի մեջ մտնելուց հետո պետք է վերացնել ՀՀ Ոստիկանության քննչական գլխավոր վարչության Էրեբունու քննչական բաժնի քննիչ Է.Արամյանի կողմից 16.08.2009թ. կայացված որոշմամբ Գարեգին Կարապետի Սահակյանին պատկանող գույքի վրա դրված արգելանքը։
Ելնելով վերոգրյալներից և ղեկավարվելով ՀՀ Քր. դատ. օր-ի 357-360, 3753 հոդվածներով, դատարանը
Վ Ճ Ռ Ե Ց


Գարեգին Կարապետի Սահակյանին մեղավոր ճանաչել ՀՀ Քրեական օրենսգրքի 177 հոդվածի 2-րդ մասի 3-րդ և 4-րդ կետերով և 34-177 հոդվածի 2-րդ մասի 3-րդ և 4-րդ կետերով։
ՀՀ Քրեական օրենսգրքի 177 հոդվածի 2-րդ մասի 3-րդ և 4-րդ կետերով դատապարտել ազատազրկման 2 /երկու/ տարի 6 /վեց/ ամիս ժամկետով։
ՀՀ Քրեական օրենսգրքի 34-177 հոդվածի 2-րդ մասի 3-րդ և 4-րդ կետերով դատապարտել ազատազրկման 2 /երկու/ տարի ժամկետով։
ՀՀ Քրեական օրենսգրքի 66 հոդվածի 4-րդ մասի կիրառմամբ հանցանքների համակցությամբ պատիժները մասնակի գումարելու միջոցով վերջնական պատիժ նշանակել ազատազրկում` 3 /երեք/ տարի ժամկետով։
Պատժի սկիզբը հաշվել 27.06.2009թ.։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Տուժող Գեորգի Ավետիսյանին և տուժողի ներկայացուցիչ Սիրանուշ Բերբերյանին իրավունք վերապահել քաղաքացիական հայցի պահանջի դեպքում քաղաքացիական դատավարության կարգով դիմել դատարան, իսկ տուժող Գառնիկ Աթոյանի քաղաքացիական հայցի հարցը համարել լուծված։
Դատավճիռն օրինական ուժի մեջ մտնելուց հետո վերացնել ՀՀ Ոստիկանության քննչական գլխավոր վարչության Էրեբունու քննչական բաժնի քննիչ Է.Արամյանի կողմից 16.08.2009թ. կայացված որոշմամբ Գարեգին Կարապետի Սահակյանին պատկանող գույքի վրա դրված արգելանքը։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։


ԴԱՏԱՎՈՐ Ա. ՕՀԱՆՅԱՆ