Գործ հ. ԵԷԴ/0075/01/09


Ո Ր Ո Շ ՈՒ Մ
Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն

22 սեպտեմբերի 2009թ. ք.Երևան

Հայաստանի Հանրապետության վերաքննիչ քրեական դատարանը
/այսուհետª Վերաքննիչ դատարան/ հետևյալ կազմով`

ՆԱԽԱԳԱՀՈՂ ԴԱՏԱՎՈՐ` Ա.ՀՈՎՀԱՆՆԻՍՅԱՆ
ԴԱՏԱՎՈՐՆԵՐ` Ե.ԴԱՐԲԻՆՅԱՆ
Ա. ԽԱՉԱՏՐՅԱՆ
ՔԱՐՏՈՒՂԱՐՈՒԹՅԱՄԲ` Մ.ԱՐՏԵՄՅԱՆԻ
ՄԱՍՆԱԿՑՈՒԹՅԱՄԲ
ՄԵՂԱԴՐՈՂ` Տ. ՈՒԶՈՅԱՆԻ

Դռնբաց դատական նիստում մեղադրողի վերաքննիչ բողոքի հիման վրա վճռաբեկ վարույթի կանոններով քննության առնելով ամբաստանյալներ Կարեն Վանիկի Գալստյանի նկատմամբ ՀՀ քր. օր.-ի 34-176հդ.-ի 1-ին մասով, 34-177 հդ.-ի 2-րդ մասի 1-ին, 4-րդ կետերով, 177հդ.-ի 2-րդ մասի 1-ին, 4-րդ կետերով և Արա Անդրանիկի Կարապետյանի նկատմամբ ՀՀ քր. օր.-ի 177հդ.-ի 2-րդ մասի 1-ին, 4-րդ կետերով, 34-177հդ.-ի 2-րդ մասի 1-ին, 4-րդ կետերով` Երևան քաղաքի Էրեբունի և Նուբարաշեն համայնքների ընդհանուր իրավասության առաջին ատյանի դատարանի 11.08.2009թ. կայացված դատավճռի դեմ
ՀՀ Վերաքննիչ քրեական դատարանը դատաքննությամբ

ՊԱՐԶԵՑ

1.Գործի դատավարական նախապատմությունը.
02.04.2009թ. ՀՀ Ոստիկանության Քննչական գլխավոր վարչության Էրեբունու քննչական բաժնում հարուցվել է թիվ 12112109 քրեական գործը ՀՀ քր. օր.-ի 177հդ.-ի 2-րդ մասի հատկանիշներով, նույն օրը Կարեն Գալստյանը և Արա Կարապետյանը բերման են ենթարկվել ՀՀ Ոստիկանության Էրեբունու բաժին:
02.04.2009թ. Կարեն Գալստյանը, որպես կասկածյալ ձերբակալվել է, իսկ 03.04.2009թ. որպես կասկածյալ ձերբակալվել է Արա Կարապետյանը:
17.02.2009թ. ՀՀ Ոստիկանության Քննչական գլխավոր վարչության Էրեբունու քննչական բաժնում, Կարեն Գալստյանի կողմից Կ. Սողոմոնյանի զգալի չափի գույքը բացահայտ հափշտակելու դեպքի առթիվ հարուցվել է թիվ 12106409 քրեական գործը ՀՀ քր. օր.-ի 176հդ.-ի 1-ին մասի հատկանիշներով:
Նախաքննական մարմնի 20.02.2009թ. որոշմամբ Կարեն Գալստյանը ներգրավվել է որպես մեղադրյալ ՀՀ քր. օր.-ի 34-176հդ.-ի 1-ին մասով:
Երևան քաղաքի Էրեբունի և Նուբարաշեն համայնքների ընդհանուր իրավասության դատարանը 20.02.2009թ. մերժել է նախաքննական մարմնի միջնորդությունը մեղադրյալ Կ. Գալստյանի նկատմամբ կալանքը որպես խափանման միջոց ընտրելու մասին:
Նախաքննական մարմնի 05.04.2009թ. որոշմամբ Արա Կարապետյանը ներգրավվել է որպես մեղադրյալ ՀՀ քր. օր.-ի 177հդ.-ի 2-րդ մասի 1-ին կետով:
05.04.2009թ. Կարեն Գալստյանին առաջադրված մեղադրանքի ծավալը փոփոխվել է, նրան նոր մեղադրանք է առաջադրվել ՀՀ քր. օր.-ի 34-176հդ.-ի 1-ին մասով, 177հդ.-ի 2-րդ մասի 1-ին, 4-րդ կետերով, որով էլ նա ներգրավվել է որպես մեղադրյալ:
Երևան քաղաքի Էրեբունի և Նուբարաշեն համայնքների ընդհանուր իրավասության դատարանը 05.04.2009թ. որոշմամբ, բավարարելով նախաքննական մարմնի միջնորդությունը, մեղադրյալ Կ. Գալստյանի նկատմամբ որպես խափանման միջոց է ընտրել կալանքը երկու ամիս ժամկետով, կալանքի սկիզբը հաշվելով 2009թ. ապրիլի 02-ից, նույն դատարանի 22.05.2009թ. որոշմամբ Կ. Գալստյանի նկատմամբ ընտրված խափանման միջոց կալանքի ժամկետը երկարացվել է մինչև 2009թ. օգոստոսի 02-ը, նույն դատարանը նույն օրվա մեկ այլ որոշմամբ Արա Կարապետյանի նկատմամբ որպես խափանման միջոց է ընտրել կալանքը, կալանքի սկիզբը հաշվելով 2009թ. ապրիլի 03-ից, նույն դատարանի 22.05.2009թ. որոշմամբ Արա Կարապետյանի նկատմամբ ընտրված խափանման միջոց կալանքի ժամկետը երկարացվել է մինչև 2009թ. օգոստոսի 03-ը:
Նախաքննական մարմնի 24.06.2009թ. որոշումներով Արա Կարապետյանին առաջադրված մեղադրանքի ծավալը փոփոխվել, լրացվել է, նրան նոր մեղադրանք է առաջադրվել ՀՀ քր. օր.-ի 177հդ.-ի 2-րդ մասի 1-ին, 4-րդ կետերով, 34-177հդ.-ի 2-րդ մասի 1-ին, 4-րդ կետերով, որով էլ նա ներգրավվել է որպես մեղադրյալ:
Նախաքննական մարմնի 24.06.2009թ. որոշումներով Կարեն Գալստյանին առաջադրված մեղադրանքի ծավալը փոփոխվել, լրացվել է, նրան նոր մեղադրանք է առաջադրվել ՀՀ քր. օր.-ի 34-176հդ.-ի 1-ին մասով, 177հդ.-ի 2-րդ մասի 1-ին, 4-րդ կետերով, 34-177հդ.-ի 2-րդ մասի 1-ին, 4-րդ կետերով, որով էլ նա ներգրավվել է որպես մեղադրյալ:
Նախաքննական մարմնի 25.06.2009թ. որոշմամբ Կարեն Գալստյանի, Արա Կարապետյանի, Գագիկ Անտոնյանի նկատմամբ ինքնությունը չպարզված անձանց գույքը գաղտնի հափշտակելու, ինչպես նաև հափշտակության փորձեր կատարելու կապակցությամբ քրեական հետապնդումը դադարեցվել է` հանցագործության դեպքերի բացակայության հիմքով:
2009 թվականի հունիսի 30-ին Երևան քաղաքի Էրեբունի և Նուբարաշեն համայնքների դատախազի կողմից քրեական գործն ըստ մեղադրանքի Կարեն Վանիկի Գալստյանի ՀՀ քր. օր.-ի 34-176հդ.-ի 1-ին մասով, 34-177հդ.-ի 2-րդ մասի 1-ին, 4-րդ կետերով, 177հդ.-ի 2-րդ մասի 1-ին, 4-րդ կետերով և Արա Անդրանիկի Կարապետյանի ՀՀ քր. օր.-ի 177հդ.-ի 2-րդ մասի 1-ին, 4-րդ կետերով, 34-177հդ.-ի 2-րդ մասի 1-ին, 4-րդ կետերով` ուղարկվել է Երևան քաղաքի Էրեբունի և Նուբարաշեն համայնքների ընդհանուր իրավասության առաջին ատյանի դատարան` ըստ էության քննության առնելու համար:
Երևան քաղաքի Էրեբունի և Նուբարաշեն համայնքների ընդհանուր իրավասության առաջին ատյանի դատարանի 2009 թվականի օգոստոսի 11-ի դատավճռով, դատական քննության արագացված կարգի կիրառմամբ, ամբաստանյալ Կարեն Վանիկի Գալստյանին մեղավոր է ճանաչել ՀՀ քր. օր.-ի 34-176հդ.-ի 1-ին մասով, ՀՀ քր. օր.-ի 34-177հդ.-ի 2-րդ մասի 1-ին, 4-րդ կետերով, ՀՀ քր. օր.-ի 177հդ.-ի 2-րդ մասի 1-ին, 4-րդ կետերով նախատեսված հանցանքների կատարման մեջ և դատապարտել` ՀՀ քր. օր.-ի 34-176հդ.-ի 1-ին մասով` ազատազրկման 6/վեց/ ամիս ժամկետով, ՀՀ քր. օր.-ի 34-177հդ.-ի 2-րդ մասի 1-ին, 4-րդ կետերով` ազատազրկման 2/երկու/ տարի ժամկետով, ՀՀ քր. օր.-ի 177հդ.-ի 2-րդ մասի 1-ին, 4-րդ կետերով` ազատազրկման 2/երկու/ տարի ժամկետով:
ՀՀ քր. օր.-ի 66հդ.-ի 4-րդ մասի կիրառմամբ, հանցանքների համակցությամբ, նշանակված պատիժները մասնակի գումարելու միջոցով, ամբաստանյալ Կարեն Վանիկի Գալստյանի նկատմամբ վերջնական պատիժ է նշանակել ազատազրկում 3/երեք/ տարի ժամկետով:
ՙՀամաներում հայտարարելու մասին՚ ՀՀ Ազգային Ժողովի 19.06.2009թ. որոշման 1-ին հոդվածի 1-ին կետի կիրառմամբ, Կարեն Վանիկի Գալստյանը ազատվել է պատժից:
Կարեն Վանիկի Գալստյանի նկատմամբ ընտրված խափանման միջոց կալանքը վերացվել է և նա անհապաղ ազատ է արձակվել դատարանի դատական նիստերի դահլիճում:
Նույն դատավճռով Արա Անդրանիկի Կարապետյանը մեղավոր է ճանաչվել ՀՀ քրեական օրենսգրքի 177 հոդվածի 2-րդ մասի 1-ին, 4-րդ կետերով և ՀՀ քրեական օրենսգրքի 34-177 հոդվածի 2-րդ մասի 1-ին, 4-րդ կետերով նախատեսված հանցանքների կատարման մեջ և դատապարտվել` ՀՀ քրեական օրենսգրքի 177 հոդվածի 2-րդ մասի 1-ին, 4-րդ կետերով` ազատազրկման 2 տարի ժամկետով, ՀՀ քրեական օրենսգրքի 34-177 հոդվածի 2-րդ մասի 1-ին, 4-րդ կետերով` ազատազրկման 2 տարի ժամկետով:
ՀՀ քրեական օրենսգրքի 66 հոդվածի 4-րդ մասի կիրառմամբ, հանցանքների համակցությամբ, պատիժները մասնակի գումարելու միջոցով, Արա Անդրանիկի Կարապետյանի նկատմամբ վերջնական պատիժ է նշանակվել ազատազրկում 2 /երկու/ տարի 6 /վեց/ ամիս ժամկետով:
ՙՀամաներում հայտարարելու մասին՚ ՀՀ Ազգային Ժողովի 19.06.2009թ. որոշման 1-ին հոդվածի 1-ին կետի կիրառմամբ, Արա Անդրանիկի Կարապետյանը ազատվել է պատժից:
Արա Անդրանիկի Կարապետյանի նկատմամբ ընտրված խափանման միջոց կալանքը վերացվել է և նա անհապաղ ազատ է արձակվել դատարանի դատական նիստերի դահլիճում:
Դատավճռով նաև վճռվել է իրեղեն ապացույց հանդիսացող 44 հատ ՙCricket՚ տեսակի, 34 հատ ՙHC LIGHTER՚ տեսակի, 43 հատ ՙTOKYO՚ տեսակի կրակայրիչները և 1 հատ ՙWash & Go՚ տեսակի օճառհեղուկը վերադարձնել տուժող Էդուարդ Կարախանյանին` ըստ պատկանելիության:
Քաղաքացիական հայցի հարցը համարվել է լուծված:
Դատավճռի դեմ վերաքննիչ բողոք է բերել գործով մեղադրողը:
Դատավարության մյուս մասնակիցների կողմից վերաքննիչ բողոքներ կամ գրավոր պատասխաններ չեն ներկայացվել:


2.Գործի փաստական հանգամանքները
Նախաքննական մարմնի կողմից Կարեն Վանիկի Գալստյանին` ՀՀ քր. օր-ի 34-176 հոդվածի 1-ին մասով, ՀՀ քր. օր-ի 177 հոդվածի 2-րդ մասի 1-ին, 4-րդ կետերով, ՀՀ քր. օր-ի 34-177 հոդվածի 2-րդ մասի 1-ին, 4-րդ կետերով և Արա Անդրանիկի Կարապետյանին` ՀՀ քր. օր-ի 177 հոդվածի 2-րդ մասի 1-ին, 4-րդ կետերով, ՀՀ քր. օր-ի 34-177 հոդվածի 2-րդ մասի 1-ին, 4-րդ կետերով մեղադրանքներ է առաջադրվել այն բանի համար, որ ամբաստանյալ Կարեն Գալստյանը, չունենալով մշտական աշխատանք, նպատակադրվել է Երևան քաղաքի տարբեր թաղամասերում գործող պարենային ապրանքների խանութների մոտ կայանված մթերքներ առաքող ավտոմեքենաներից գողություններ կատարել և իր մտադրության մասին հայտնել է ընկերոջը` գործով մյուս ամբաստանյալ Արա Կարապետյանին: Միմյանց հետ գալով նախնական հանցավոր համաձայնության 2009թ. փետրվար–մարտ ամիսների ընթացքում ամբաստանյալներ Կ.Գալստյանը և Ա.Կարապետյանը կատարել են մի շարք գողություններ:
Այսպես. 2009թ. փետրվարի 17-ին ժամը 13-ի սահմաններում, ամբաստանյալ Կարեն Գալստյանը շրջելով Երևանի Խաղաղ Դոն փողոցի թիվ. 4 շենքի մոտակայքում, նկատել է այնտեղ կայանված, ՙԱվերս՚ փակ բաժնետիրական ընկերությանը պատկանող` ծխախոտներ առաքող և Կառլեն Սողոմոնյանին ամրակցված ՙՎԱԶ 21114-125՚ մակնիշի ավտոմեքենան: Գույքի գաղտնի հափշտակություն կատարելու դիտավորությամբ, ամբաստանյալ Կ.Գալստյանը մոտեցել է ավտոմեքենային, քարով հարվածել և կոտրել է մեքենայի դռան ապակին, որի հետևանքով միացել է ավտոմեքենայի պահպանության ձայնաազդանշանային համակարգը: Այդ ընթացքում ամբաստանյալ Կ.Գալստյանը ավտոմեքենայի սրահից հանել է արկղի մեջ լցված` 45.900 դրամ ընդհանուր արժողության 170 տուփ ՙԱգենդա սլիմս՚ տեսակի ծխախոտները, ապա տեսնելով հանցագործությունը խափանելու նպատակով վազելով իրեն մոտեցող վարորդին, գործով տուժող Կ.Սողոմոնյանին, փորձելով բացահայտ հափշտակել այն, ծխախոտներով լցված արկղը ձեռքին դիմել է փախուստի, սակայն Կ.Սողոմոնյանը և աղմուկից այնտեղ եկած Ռուսլան և Ալիկ Ղուբասյանները հետապնդել են նրան ու Ավանեսովի փողոցի թիվ. 26 շենքի տանիքում բռնել Կ.Գալստյանին, որի հետևանքով հանցագործությունն ավարտին չի հասցվել վերջինիս կամքից անկախ հանգամանքներով:
Այնուհետև, 2009թ. փետրվար ամսի վերջերին, նախաքննությամբ կոնկրետ օրը պարզված չէ, ամբաստանյալ Կ.Գալստյանը գնացել է Երևանի Էրեբունի փողոցի թիվ. 21 շենքի մոտ և գույքի գաղտնի հափշտակություն կատարելու հանցավոր դիտավորությամբ մոտեցել նույն շենքի մոտ կայանված, գործով տուժող Համբարձում Մարուքյանին պատկանող ՙԳԱԶԵԼ՚ մակնիշի 14 ՕՍ 715 համարանիշի ավտոմեքենային, բացել բեռնախցիկի դուռը, սակայն ոչինչ չգտնելով, հանցագործությունն ավարտին չի հասցրել իր կամքից անկախ հանգամանքներով: Դրանից անմիջապես հետո, կրկին գույքի գաղտնի հափշտակություն կատարելու հանցավոր դիտավորությամբ, ամբաստանյալ Կ.Գալստյանը մոտեցել է տուժող Հ.Մարուքյանի ավտոմեքենայի հարևանությամբ կայանված, գործով տուժող Պետրոս Մխիթարյանին պատկանող ՙԳԱԶԵԼ՚ մակնիշի 717 ԼՏ 63 համարանիշի ավտոմեքենային, բացել բեռնախցի դուռը, սակայն կրկին ոչինչ չգտնելով` հանցագործությունն ավարտին չի հասցրել իր կամքից անկախ հանգամանքներով: Շարունակելով իր հանցավոր մտադրությունը, ամբաստանյալ Կ.Գալստյանը մոտեցել է տուժող Պ.Մխիթարյանի ավտոմեքենայի մոտ կայանված, գործով տուժող Քաջիկ Պողոսյանին պատկանող ՙԳԱԶԵԼ՚ մակնիշի 04 օօ 620 համարանիշի ավտոմեքենային, բացել բեռնախցիկի դուռը և կրկին ոչինչ չգտնելով, հանցագործությունն ավարտին չի հասցրել իր կամքից անկախ հանգամանքներով:
Այնուհետև, 2009թ. փետրվար ամսի վերջերին, նախաքննությամբ կոնկրետ օրը պարզված չէ, ամբաստանյալ Կ.Գալստյանը գնացել է Երևանի Խաղաղ Դոն փողոց, որտեղ կրկին գույքի գաղտնի հափշտակություն կատարելու հանցավոր դիտավորությամբ` մոտեցել է թիվ. 13 շենքի մոտ կայանված, գործով տուժող Հարություն Հեբոյանին պատկանող ՙԳԱԶԵԼ՚ մակնիշի 09 ՏՕ 798 համարանիշի ավտոմեքենային, բացել բեռնախցիկի դուռը, սակայն ոչինչ չգտնելով հանցագործությունն ավարտին չի հասցրել իր կամքից անկախ հանգամանքներով: Դրանից անմիջապես հետո, ամբաստանյալ Կ.Գալստյանը մոտեցել է տուժող Հ.Հեբոյանի ավտոմեքենայից քիչ հեռու կայանված, գործով տուժող Հարություն Գևորգյանին պատկանող ՙԳԱԶԵԼ՚ մակնիշի 09 ՏՏ 169 համարանիշի ավտոմեքենային, բացել բեռնախցիկի դուռը, սակայն կրկին ոչինչ չգտնելով հանցագործությունն ավարտին չի հասցրել իր կամքից անկախ հանգամանքներով:
2009թ. մարտ ամսի սկզբին, նախաքննությամբ կոնկրետ օրը պարզված չէ, ամբաստանյալ Կ.Գալստյանը գնացել է Երևանի Մուրացան փողոց, որտեղ կրկին գույքի գաղտնի հափշտակություն կատարելու հանցավոր դիտավորությամբ մոտեցել է թիվ. 110 շենքի մոտ կայանված, գործով տուժող Կարեն Գրիգորյանին պատկանող ՙԳԱԶԵԼ՚ մակնիշի 006 ԼԼ 64 համարանիշի ավտոմեքենային, բացել բեռնախցիկի դուռը, սակայն ոչինչ չգտնելով հանցագործությունն ավարտին չի հասցրել իր կամքից անկախ հանգամանքներով:
Բացի այդ, 2009թ. մարտ ամսի կեսերին, նախաքննությամբ կոնկրետ օրը պարզված չէ, ժամը 14-ի սահմաններում ամբաստանյալ Կ.Գալստյանը գնացել է Երևանի Արշակունյաց պողոտայի թիվ. 13 հասցեում գործող ՙԹեմուրնոց՚ սրճարանի մոտ և գույքի գաղտնի հափշտակություն կատարելու հանցավոր դիտավորությամբ մոտեցել այնտեղ կայանված, գործով տուժող Պարույր Մկրտչյանին պատկանող ՙԳԱԶԵԼ՚ մակնիշի 511 ԼԼ 61 համարանիշի ավտոմեքենային, բացել բեռնախցիկի դուռը, սակայն ոչինչ չգտնելով հանցագործությունն ավարտին չի հասցրել իր կամքից անկախ հանգամանքներով:
Դրանից հետո, 2009թ. մարտ ամսի կեսերին, նախաքննությամբ կոնկրետ օրը պարզված չէ, ամբաստանյալ Կ.Գալստյանը կրկին գույքի գաղտնի հափշտակություն կատարելու հանցավոր դիտավորությամբ գնացել է Երևանի Կոմիտասի պողոտա, որտեղ մոտեցել է թիվ. 55 շենքի մոտ կայանված, գործով տուժող Գուրգեն Ուսեպյանին պատկանող ՙԳԱԶԵԼ՚ մակնիշի 04 ՕՍ 476 համարանիշի ավտոմեքենային, բացել բեռնախցիկի դուռը և այնտեղից հափշտակել 18.000 դրամ ընդհանուր արժողության մեկ արկղ ձու, վերջինիս պատճառելով զգալի չափի գույքային վնաս:
2009թ. մարտ ամսին, նախաքննությամբ կոնկրետ օրը պարզված չէ, ժամը 14-ի սահմաններում, ամբաստանյալ Կ.Գալստյանը գույքի գաղտնի հափշտակություն կատարելու շուրջ նախնական հանցավոր համաձայնության գալով գործով մյուս ամբաստանյալ Արա Կարապետյանի հետ, միասին գնացել են Երևանի Մուրացան փողոց, որտեղ մոտեցել են թիվ. 114 շենքի մոտ կայանված, գործով տուժող Արսեն Ռաֆյանին պատկանող ՙՎԱԶ-2106՚ մակնիշի ավտոմեքենային, բացել բեռնախցիկի դուռը և այնտեղից գաղտնի հափշտակել են 20.000 դրամ ընդհանուր արժողության թվով 28 հատ հավի ճտեր, վերջինիս պատճառելով զգալի չափի գույքային վնաս:
Այնուհետև, 2009թ. մարտ ամսին, նախաքննությամբ կոնկրետ օրը պարզված չէ, ամբաստանյալներ Կ.Գալստյանը և Ա.Կարապետյանը կրկին գույքի գաղտնի հափշտակություն կատարելու նպատակով գնացել են Երևանի Աբովյան փողոց, որտեղ մոտեցել են թիվ. 17 շենքի մոտ կայանված, ՙՄառանիկ՚ ՍՊ ընկերությանը պատկանող ՙԳԱԶԵԼ՚ մակնիշի 583 ՍԼ 62 համարանիշի ավտոմեքենային, բացել բեռնախցիկի դուռը և այնտեղից գաղտնի հափշտակել են 180.000 դրամ ընդհանուր արժողության ձավարեղեն, գործով տուժող Վարդան Բաղդասարյանին պատճառելով զգալի չափի գույքային վնաս:
Բացի այդ, 2009թ. մարտ ամսին, նախաքննությամբ կոնկրետ օրը պարզված չէ, ժամը 14-ի սահմաններում, ամբաստանյալներ Կ.Գալստյանը և Ա.Կարապետյանը, գույքի գաղտնի հափշտակություն կատարելու շուրջ նախնական հանցավոր համաձայնության գալով միմյանց հետ, գնացել են Երևանի Նալբանդյան փողոց, որտեղ մոտեցել են թիվ. 102 և 106 շենքերի միջակայքում կայանված, ՙՄառանիկ՚ ՍՊ ընկերությանը պատկանող ՙԳԱԶԵԼ՚ մակնիշի 302 օօ 62 համարանիշի ավտոմեքենային, բացել բեռնախցիկի դուռը, սակայն ոչինչ չգտնելով հեռացել են և հանցագործությունն ավարտին չեն հասցրել իրենց կամքից անկախ հանգամանքներով:
2009թ. մարտի 29-ին ժամը 14-ի սահմաններում, ամբաստանյալներ Կ.Գալստյանը և Ա.Կարապետյանը, գույքի գաղտնի հափշտակություն կատարելու շուրջ նախնական հանցավոր համաձայնության գալով միմյանց հետ գնացել են Երևանի Բագրատունյաց փողոցի թիվ. 93 հասցեում գործող ավտոպահեստամասերի շուկա, որտեղ ամբաստանյալ Կ.Գալստյանը հսկել է շրջակայքը, իսկ ամբաստանյալ Ա.Կարապետյանը մոտենալով շուկայի մոտ կայանված, գործով տուժող Արսեն Ոսկանյանին պատկանող ՙՎԱԶ-2106՚ մակնիշի ավտոմեքենային, բացել է դուռը և մեքենայի սրահից գաղտնի հափշտակել 100.000 դրամ ընդհանուր արժողության կրակայրիչներ, գրիչներ և այլ իրեր, վերջինիս պատճառելով զգալի չափի գույքային վնաս:
Այնուհետև, 2009թ. մարտի 30-ին ժամը 14-ի սահմաններում, ամբաստանյալներ Կ.Գալստյանը և Ա.Կարապետյանը, կրկին գույքի գաղտնի հափշտակություն կատարելու նպատակով, միասին շրջել են Երևանի Ավանեսով փողոցով, որի ընթացքում նկատել են, որ գործով տուժող Էդուարդ Կարախանյանն իրեն պատկանող ՙՖորդ՚ մակնիշի 65 օօ 743 համարանիշի ավտոմեքենան կանգնեցրել է նույն փողոցի թիվ. 7 շենքի մոտ և մտել խանութ: Այդ ընթացքում, ամբաստանյալ Ա.Կարապետյանը գնացել է խանութի ուղղությամբ և հետևել տուժող Է.Կարախանյանի անց ու դարձին, իսկ ամբաստանյալ Կ.Գալստյանը մոտեցել է վերջինիս ավտոմեքենային, բացել դուռը և հափշտակել ավտոմեքենայի սրահում գտնվող, 46.420 դրամ ընդհանուր արժողության ՙԲիգ՚ և ՙԺիլետ՚ տեսակի մեկանգամյա օգտագործման սափրիչներ, օճառհեղուկներ և կենցաղային օգտագործման այլ իրեր, վերջինիս պատճառելով զգալի չափի գույքային վնաս:


3. Վերաքննիչ բողոքի հիմքերը, փաստարկները և պահանջը
Վերաքննիչ բողոքը քննվում է հետևյալ հիմքերի սահմաններում` ներքոհիշյալ հիմնավորումներով.
Ըստ վերաքննիչ բողոք բերած անձի` դատարանի կողմից ամբաստանյալներ Կ. Գալստյանի և Ա. Կարապետյանի նկատմամբ նշանակվել է ակնհայտ մեղմ պատիժ, որով արհեստականորեն հիմքեր են ստեղծվել համաներման ակտ կիրառելու համար:
Դատարանը պատիժ նշանակելիս փաստորեն հաշվի չի առել ամբաստանյալների կողմից կատարված հանցագործությունների ծանրության աստիճանը, հանրային վտանգավորությունը, տարածվածությունը, պատժի նշանակման ընդհանուր սկզբունքները, այն, որ սեփականության դեմ ուղղված հանցագործություններից գողությունը ամենատարածվածն է և դրա դեմ վճռական ու անզիջում պայքարը ենթադրում է նաև ճիշտ պատժողական քաղաքականության իրականացում:
Հղումներ կատարելով ՀՀ քր. օր.-ի 48հդ.-ի 2-րդ մասի, 10-րդ հոդվածի վրա, վերաքննիչ բողոքի հեղինակը նշում է, որ Ա. Կարապետյանի և Կ. Գալստյանի նկատմամբ նշանակված պատիժը չի համապատասխանում պատժի նշանակման ընդհանուր սկզբունքներին, հետևաբար, չի կարող ծառայել պատժի նպատակներին:
Վերաքննիչ բողոքում մեղադրողը նշում է, որ Կ. Գալստյանը 17.02.2009թ. ժամը 13.00-ի սահմաններում Երևանի Խաղաղ-Դոնի 4-րդ շենքի բակում կայանված ՎԱԶ-21 մակնիշի ավտոմեքենայի հետևի դռան ապակին, գետնից վերցրած քարով, առանձին հանդգնությամբ կոտրել է, որի հետևանքով միացել է պահպանության ազդանշանը և բազմաթիվ ականատեսների ներկայությամբ կատարել է կողոպուտ, որից հետո նրան հետապնդել են և բռնել շենքի վերին հարկի հարթակում: Կ. Գալստյանը ձերբակալվել է, միջնորդություն է ներկայացվել դատարան` նրա նկատմամբ որպես խափանման միջոց կալանք կիրառելու համար, սակայն դատարանը մերժել է միջնորդությունը, Կ. Գալստյանը արգելանքից ազատվել է և նրա նկատմամբ որպես խափանման միջոց է ընտրվել ստորագրություն չհեռանալու մասին:
Դատարանի որոշման դեմ բերվել է վերաքննիչ բողոք, որը մերժվել է, առաջին ատյանի դատարանի որոշումը թողնվել է անփոփոխ:
Հայտնվելով ազատության մեջ` Կ. Գալստյանը ակտիվորեն շարունակել է հանցավոր գործունեությունը, ներգրավել է նաև Ա. Կարապետյանին և կատարել են 13 դրվագով գողության փորձեր և գողություններ:
Նշված հանգամանքները վկայում են, որ Կ. Գալստյանն ուղղվելու ճանապարհը չի բռնել:
Բազմադրվագ հանցագործություններ կատարելու համար ակնհայտ մեղմ պատժի` ՀՀ քր. օր.-ի 34-176հդ.-ի 1-ին մասով` 6/վեց/ ամիս, 177հդ.-ի 2-րդ մասի 1-ին, 4-րդ կետերով` 2/երկու/ տարի, 34-177հդ.-ի 2-րդ մասի 1-ին, 4-րդ կետերով` 2/երկու/ տարի, և ՀՀ քր. օր.-ի 177հդ.-ի 2-րդ մասի 1-ին, 4-րդ կետերով` 2/երկու/ տարի, 34-177հդ.-ի 2-րդ մասի 1-ին, 4-րդ կետերով` 2/երկու/ տարի, ՀՀ քր. օր.-ի 66հդ.-ի կանոնների կիրառմամբ` վերջնական 3/երեք/ տարի և 2/երկու/ տարի 6/վեց/ ամիս ժամկետներով ազատազրկման դատապարտվելով, համաներման ակտի կիրառմամբ պատժից ազատվելով, Կ. Գալստյանը և Ա. Կարապետյանը, փաստորեն, մնում են անպատիժ, հետևաբար, նշանակված պատիժը և համաներման կիրառումը չեն կարող ծառայել պատժի նպատակներին:
Չի վերականգնվել ամբաստանյալների կողմից տուժողներին պատճառված գույքային վնասը, չնայած քաղ. հայցի պահանջ տուժողները չեն ներկայացրել:
Այս հանգամանքները հաշվի առնելով` մեղադրողը միջնորդել է Կ. Գալստյանին դատապարտել ազատազրկման 5/հինգ/ տարի 6/վեց/ ամիս ժամկետով, իսկ Ա. Կարապետյանին` 4/չորս/ տարի 6/վեց/ ամիս ժամկետով:
Մեղադրողը վերաքննիչ բողոքում նշում է, որ դատարանի կողմից թվարկված հանգամանքները` նախկինում դատապարտված չլինելը, զղջալը, Կ. Գալստյանի ամուրի լինելը, ՙդրականորեն բնութագրվելը՚, Ա. Կարապետյանի խնամքին մեկ անչափահաս երեխայի առկայությունը, անբավարար են բազմադրվագ հանցանքներ կատարած ամբաստանյալների նկատմամբ փաստորեն նվազագույն պատիժ սահմանելու և դրանով համաներման կիրառումը ապահովելու համար:
Ըստ վերաքննիչ բողոքի հեղինակի` այս դեպքում, որպես քրեական պատասխանատվությունը և պատիժը ծանրացնող հանգամանք է հանդիսանում հանցանքը որպես արհեստ կատարելը, մինչդեռ, առաջին ատյանի դատարանը դատավճռում նշել է, որ Կ. Գալստյանի և Ա. Կարապետյանի քրեական պատասխանատվությունը և պատիժը ծանրացնող հանգամանքներ չեն հայտնաբերվել:
Կ. Գալստյանի և Ա. Կարապետյանի կատարած գործողությունները որակվել են որպես ռեալ համակցություն, ինչին դատարանը նույնպես համաձայնվել է: Արարքների որակումը կատարվել է քրեաիրավական նորմերին համապատասխան, ՙարհեստական՚ ձևակերպումներ չեն տրվել:
Սակայն դատարանը մեղադրանքի որակման նման վերլուծությանը յուրովի է անդրադարձել` ամբաստանյալների նկատմամբ ակնհայտ մեղմ պատիժ նշանակելը հիմնավորելու նպատակով:
Խնդրել է թիվ 12112109 քրեական գործով Երևան քաղաքի Էրեբունի և Նուբարաշեն համայնքների ընդհանուր իրավասության առաջին ատյանի դատարանի 11.08.2009թ. դատավճիռը Կ. Գալստյանի և Ա. Կարապետյանի նկատմամբ նշանակված պատժի մասով բեկանել և փոփոխել, նրանց դատապարտել ավելի խիստ պատժի:

4.Վերաքննիչ դատարանի պատճառաբանությունները և եզրահանգումը.
Վերաքննիչ բողոքում նշված հիմքերի ու հիմնավորումների սահմաններում վերլուծելով գործի նյութերը, լսելով մեղադրողի կողմից իր վերաքննիչ բողոքի հիմնավորումները, ամբաստանյալների պատասխանը վերաքննիչ բողոքի կապակցությամբ, Վերաքննիչ քրեական դատարանը գտավ, որ մեղադրողի վերաքննիչ բողոքը պետք է բավարարել` հետևյալ պատճառաբանությամբ.
ՀՀ քր. դատ. օր.-ի 385հդ.-ի 1-ին մասի համաձայն` Վերաքննիչ դատարանը դատական ակտը վերանայում է Վերաքննիչ բողոքի հիմքերի և հիմնավորումների սահմաններում, նույն հոդվածի 3-րդ մասի համաձայն` Վերաքննիչ դատարանում բողոքի քննության ժամանակ առաջին ատյանի դատարանում հաստատված փաստական հանգամանքներն ընդունվում են որպես հիմք, բացառությամբ այն դեպքի, երբ բողոքում վիճարկվում է որևէ փաստական հանգամանք և Վերաքննիչ դատարանը հանգում է այն եզրակացության, որ տվյալ փաստական հանգամանքի վերաբերյալ եզրակացության հանգելիս առաջին ատյանի դատարանն ակնհայտ սխալ է թույլ տվել:
Առաջին ատյանի դատարանը քրեական գործի փաստական հանգամանքների մասին եզրակացության հանգելիս սխալ թույլ չի տվել:
Կարեն Վանիկի Գալստյանի կողմից ՀՀ քրեական օրենսգրքի 34-176հդ.-ի 1-ին մասով, 34-177հդ.-ի 2-րդ մասի 1-ին, 4-րդ կետերով, 177հդ.-ի 2-րդ մասի 1-ին, 4-րդ կետերով և Արա Անդրանիկի Կարապետյանի կողմից ՀՀ քրեական օրենսգրքի 177հդ.-ի 2-րդ մասի 1-ին, 4-րդ կետերով, 34-177հդ.-ի 2-րդ մասի 1-ին, 4-րդ կետերով նախատեսված հանցանքները կատարելը և նրանց մեղքը դատավարության որևէ մասնակցի կողմից չի վիճարկվում:
Չի վիճարկվում նաև առաջին ատյանի դատարանի կողմից դատավճռով հաստատված ճանաչված որևէ փաստական հանգամանք:
Այդ իսկ պատճառով, ինչպես նաև նկատի առնելով, որ առաջին ատյանի դատարանում կիրառվել է դատական քննության արագացված կարգ` ՀՀ քր. դատ. օր.-ի 375-1-375-6 հոդվածների պահանջների պահպանմամբ, ամբաստանյալներ Կարեն Վանիկի Գալստյանին ՀՀ քրեական օրենսգրքի 34-176հդ.-ի 1-ին մասով, 34-177հդ.-ի 2-րդ մասի 1-ին, 4-րդ կետերով, 177հդ.-ի 2-րդ մասի 1-ին, 4-րդ կետերով և Արա Անդրանիկի Կարապետյանին ՀՀ քրեական օրենսգրքի 177հդ.-ի 2-րդ մասի 1-ին, 4-րդ կետերով, 34-177հդ.-ի 2-րդ մասի 1-ին, 4-րդ կետերով առաջադրված մեղադրանքի հիմնավորվածությունը Վերաքննիչ դատարանը քննության առարկա չի դարձնում:
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դատավճիռ կայացնելիս դատարանը ներկայացված հաջորդականությամբ լուծում է հետևյալ հարցերը` ենթակա է արդյոք պատժի ամբաստանյալն իր կատարած հանցանքի համար, ինչ պատիժ պետք է նշանակվի նրա նկատմամբ, ամբաստանյալն արդյոք պետք է կրի իր նկատմամբ նշանակված պատիժը:
Նշված հարցերի լուծման ընթացքում դատարանը պետք է ղեկավարվի ՀՀ քրեական օրենսգրքի Ընդհանուր մասի մի շարք դրույթներով: Մասնավորապես, ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատմամբ կիրառվող պատիժն արդարացի է, եթե համապատասխանում է հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար է անձին ուղղելու և նրա կողմից նոր հանցանքի կատարումը կանխելու համար:
ՀՀ քրեական օրենսգրքի 61-րդ հոդվածի 1-ին մասը սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է քրեական օրենսգրքի Հատուկ մասի համապատասխան հոդվածի սահմաններումª հաշվի առնելով նույն օրենսգրքի Ընդհանուր մասի դրույթները:
ՀՀ քրեական օրենսգրքի 48-րդ հոդվածի 2-րդ մասի համաձայն` հանցագործության համար մեղավոր ճանաչված անձի նկատմամբ նշանակվող պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
Պատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում նաև ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունն ու պատիժը մեղմացնող և ծանրացնող հանգամանքները:
Քրեական օրենսգրքի Ընդհանուր մասի վերը թվարկված դրույթներից հետևում է, որ հանցագործության համար մեղավոր ճանաչված անձի նկատմամբ ինչպես պատժատեսակի և պատժաչափի, այնպես էլ նշանակված պատիժը կրելու նպատակահարմարության վերաբերյալ դատարանի կողմից կայացված որոշումը պետք է հիմնված լինի կատարած հանցագործության, դրա առանձնահատկությունների, գործի կոնկրետ հանգամանքների, հանցավորի անձի, պատասխանատվությունը և պատիժը մեղմացնող կամ ծանրացնող հանգամանքների բազմակողմանի գնահատման վրա` նպատակ ունենալով ապահովել ՀՀ քրեական օրենսգրքի 48-րդ հոդվածի 2-րդ մասում նշված պատժի նպատակների իրագործման հնարավորությունը:
Երևան քաղաքի Էրեբունի և Նուբարաշեն համայնքների ընդհանուր իրավասության առաջին ատյանի դատարանի 2009 թվականի օգոստոսի 11-ի դատավճռով ամբաստանյալ Կարեն Վանիկի Գալստյանի նկատմամբ պատիժ է նշանակվել` ՀՀ քր. օր.-ի 34-176հդ.-ի 1-ին մասով` ազատազրկում 6/վեց/ ամիս ժամկետով, ՀՀ քր. օր.-ի 34-177հդ.-ի 2-րդ մասի 1-ին, 4-րդ կետերով` ազատազրկում 2/երկու/ տարի ժամկետով, ՀՀ քր. օր.-ի 177հդ.-ի 2-րդ մասի 1-ին, 4-րդ կետերով` ազատազրկում 2/երկու/ տարի ժամկետով:
ՀՀ քր. օր.-ի 66հդ.-ի 4-րդ մասի կիրառմամբ, հանցանքների համակցությամբ, նշանակված պատիժները մասնակի գումարելու միջոցով, ամբաստանյալ Կարեն Վանիկի Գալստյանի նկատմամբ վերջնական պատիժ է նշանակել ազատազրկում 3/երեք/ տարի ժամկետով:
Նույն դատավճռով Արա Անդրանիկի Կարապետյանի նկատմամբ պատիժ է նշանակվել` ՀՀ քրեական օրենսգրքի 177 հոդվածի 2-րդ մասի 1-ին, 4-րդ կետերով` ազատազրկմում` 2/երկու/ տարի ժամկետով, ՀՀ քրեական օրենսգրքի 34-177 հոդվածի 2-րդ մասի 1-ին, 4-րդ կետերով` ազատազրկում 2 տարի ժամկետով:
ՀՀ քրեական օրենսգրքի 66 հոդվածի 4-րդ մասի կիրառմամբ, հանցանքների համակցությամբ, պատիժները մասնակի գումարելու միջոցով, Արա Անդրանիկի Կարապետյանի նկատմամբ վերջնական պատիժ է նշանակվել ազատազրկում 2 /երկու/ տարի 6 /վեց/ ամիս ժամկետով:
ՙՀամաներում հայտարարելու մասին՚ ՀՀ Ազգային Ժողովի 19.06.2009թ. որոշման 1-ին հոդվածի 1-ին կետի կիրառմամբ, Արա Անդրանիկի Կարապետյանը և Կարեն Վանիկի Գալստյանը ազատվել են պատժից:
ՀՀ Քրեական օրենսդրության վերը նշված պահանջների համատեքստում քննության առնելով ամբաստանյալներ Կարեն Վանիկի Գալստյանի նկատմամբ կողմից ՀՀ քրեական օրենսգրքի 34-176հդ.-ի 1-ին մասով, 34-177հդ.-ի 2-րդ մասի 1-ին, 4-րդ կետերով, 177հդ.-ի 2-րդ մասի 1-ին, 4-րդ կետերով և Արա Անդրանիկի Կարապետյանի նկատմամբ ՀՀ քրեական օրենսգրքի 177հդ.-ի 2-րդ մասի 1-ին, 4-րդ կետերով, 34-177հդ.-ի 2-րդ մասի 1-ին, 4-րդ կետերով նշանակված պատժի հարցին, Վերաքննիչ քրեական դատարանը գտնում է, որ ամբաստանյալների նկատմամբ պատիժ նշանակելիս առաջին ատյանի դատարանը չի պահպանել պատիժ նշանակելու ընդհանուր սկզբունքների վերաբերյալ ՀՀ քրեական օրենսդրության պահանջները, լիարժեքորեն հաշվի չի առել ամբաստանյալների կատարած հանցանքների բնույթն ու հասարակական վտանգավորության աստիճանը, կատարված հանցագործությունների բազմադրվագ լինելը, այն, որ Կ. Գալստյանը 17.02.2009թ. ժամը 13.00-ի սահմաններում Երևանի Խաղաղ-Դոնի 4-րդ շենքի բակում կայանված ՎԱԶ-21 մակնիշի ավտոմեքենայի հետևի դռան ապակին, գետնից վերցրած քարով, առանձին հանդգնությամբ, կոտրելով, կատարել է կողոպուտ, որից հետո նրան հետապնդել են և բռնել շենքի վերին հարկի հարթակում: Կ. Գալստյանը ձերբակալվել է, միջնորդություն է ներկայացվել դատարան` նրա նկատմամբ որպես խափանման միջոց կալանք կիրառելու համար, սակայն դատարանը մերժել է միջնորդությունը, Կ. Գալստյանը արգելանքից ազատվել է և նրա նկատմամբ որպես խափանման միջոց է ընտրվել ստորագրություն չհեռանալու մասին: Հայտնվելով ազատության մեջ Կ. Գալստյանը հետևություններ չի արել և ակտիվորեն շարունակել է հանցավոր գործունեությունը, ներգրավել է նաև Ա. Կարապետյանին և կատարել են 13 դրվագով գողության փորձեր և գողություններ:
Նման պայմաններում Վերաքննիչ քրեական դատարանը գտնում է, որ ամբաստանյալների նկատմամբ առաջին ատյանի դատարանի դատավճռով նշանակված պատիժը համաչափ չէ, այն չի նպաստի ՀՀ քր. օր.-ի 48հդ.-ի 2-րդ մասով ամրագրված պատժի նպատակների իրականացմանը` այն է` վերականգնել սոցիալական արդարությունը, ուղղել պատժի ենթարկված անձին, կանխել հանցագործությունները:
Ինչ վերաբերվում է դատախազի վերաքննիչ բողոքի այն փաստարկին, որ առաջին ատյանի դատարանը որպես ամբաստանյալների քրեական պատասխանատվությունը և պատիժը ծանրացնող հանգամանք չի դիտել հանցագործությունը որպես արհեստ կատարելը, Վերաքննիչ քրեական դատարանը արձանագրում է, որ ամբաստանյալներ Կ. Գալստյանը և Ա. Կարապետյանը իրենց մեղսագրված հանցանքները կատարել են 2009թ. փետրվար-մարտ ամիսներին, հանցանքը որպես արհեստ կատարելը կարող է առկա լինել այն ժամանակ, երբ անձը հանցավոր գործունեությամբ զբաղվում է երկար ժամանակ, դա հանդիսանում է նրա հիմնական կամ լրացուցիչ եկամտի աղբյուրը:
Ելնելով շարադրվածից և ղեկավարվելով ՀՀ քրեական դատավարության օրենսգրքի 393-րդ, 394-րդ, 395-րդ, 402-րդ հոդվածներով,
Վերաքննիչ քրեական դատարանը


Ո Ր Ո Շ Ե Ց

Մեղադրողի վերաքննիչ բողոքը բավարարել:
Երևան քաղաքի Էրեբունի և Նուբարաշեն համայնքների ընդհանուր իրավասության առաջին ատյանի դատարանի 2009 թվականի օգոստոսի 11-ի դատավճիռը քրեական գործով ըստ մեղադրանիքի Կարեն Վանիկի Գալստյանի ՀՀ քր. օր.-ի 34-176հդ.-ի 1-ին մասով, 34-177հդ.-ի 2-րդ մասի 1-ին, 4-րդ կետերով, 177հդ.-ի 2-րդ մասի 1-ին, 4-րդ կետերով և Արա Անդրանիկի Կարապետյանի ՀՀ քր. օր.-ի 177հդ.-ի 2-րդ մասի 1-ին, 4-րդ կետերով, 34-177հդ.-ի 2-րդ մասի 1-ին, 4-րդ կետերով` նշանակված պատժի մասով բեկանել և փոփոխել:
Ամբաստանյալ Կարեն Վանիկի Գալստյանին մեղավոր ճանաչել ՀՀ քր. օր.-ի 34-176հդ.-ի 1-ին մասի, ՀՀ քր. օր.-ի 34-177հդ.-ի 2-րդ մասի 1-ին, 4-րդ կետերով, ՀՀ քր. օր.-ի Ամբաստանյալ Կարեն Վանիկի Գալստյանին մեղավոր ճանաչել ՀՀ քր. օր.-ի 34-176հդ.-ի 1-ին մասի, ՀՀ քր. օր.-ի 34-177հդ.-ի 2-րդ մասի 1-ին, 4-րդ կետերով, ՀՀ քր. օր.-ի 177հդ.-ի 2-րդ մասի 1-ին, 4-րդ կետերով նախատեսված հանցանքների կատարման մեջ և դատապարտել` ՀՀ քր. օր.-ի 34-176հդ.-ի 1-ին մասով` ազատազրկման 6/վեց/ ամիս ժամկետով, ՀՀ քր. օր.-ի 34-177հդ.-ի 2-րդ մասի 1-ին, 4-րդ կետերով` ազատազրկման` 2/երկու/ տարի ժամկետով, ՀՀ քր. օր.-ի 177հդ.-ի 2-րդ մասի 1-ին, 4-րդ կետերով` ազատազրկման` 3/երեք/ տարի ժամկետով:
ՀՀ քր. օր.-ի 66հդ.-ի 4-րդ մասի կիրառմամբ, հանցանքների համակցությամբ, նշանակված պատիժները մասնակի գումարելու միջոցով, ամբաստանյալ Կարեն Վանիկի Գալստյանի նկատմամբ վերջնական պատիժ նշանակել ազատազրկում 4/չորս/ տարի ժամկետով:
ՀՀ քրեական օրենսգրքի 69հդ.-ի 4-րդ մասի կիրառմամբ, նշանակված 4/չորս/ տարի ազատազրկում պատժի մեջ հաշվակցել ամբաստանյալ Կարեն Գալստյանի` 2009թ. ապրիլի 02-ից մինչև 2009թ. օգոստոսի 11-ը նախնական կալանքի տակ գտնված 4/չորս/ ամիս 11/տասնմեկ/ օրը և ամբաստանյալ Կարեն Գալստյանին վերջնական թողնել կրելու ազատազրկում` 3/երեք/ տարի 7/յոթ/ ամիս 19/տասնինը/ օր, որը նա պետք է կրի ՀՀ ԱՆ համապատասխան քրեակատարողական հիմնարկում:
Ամբաստանյալ Կարեն Գալստյանի նկատմամբ մինչև դատավճիռը օրինական ուժի մեջ մտնելը խափանման միջոց ընտրել ստորագրություն չհեռանալու մասին:
Պատժի կրման սկիզբը հաշվել ամբաստանյալ Կարեն Գալստյանին փաստացի արգելանքի վերցնելու պահից:
Ամբաստանյալ Արա Անդրանիկի Կարապետյանին մեղավոր ճանաչել ՀՀ քր. օր.-ի 34-177հդ.-ի 2-րդ մասի 1-ին, 4-րդ կետերով, ՀՀ քր. օր.-ի 177հդ.-ի 2-րդ մասի 1-ին, 4-րդ կետերով նախատեսված հանցանքների կատարման մեջ և դատապարտել` ՀՀ քր. օր.-ի 34-177հդ.-ի 2-րդ մասի 1-ին, 4-րդ կետերով` ազատազրկման 2/երկու/ տարի ժամկետով, ՀՀ քր. օր.-ի 177հդ.-ի 2-րդ մասի 1-ին, 4-րդ կետերով` ազատազրկման 2/երկու/ տարի 6/վեց/ ամիս ժամկետով:
ՀՀ քր. օր.-ի 66հդ.-ի 4-րդ մասի կիրառմամբ, հանցանքների համակցությամբ, նշանակված պատիժները մասնակի գումարելու միջոցով, ամբաստանյալ Արա Անդրանիկի Կարապետյանի նկատմամբ վերջնական պատիժ նշանակել ազատազրկում 3/երեք/ տարի 6/վեց/ ամիս ժամկետով:
ՀՀ քրեական օրենսգրքի 69հդ.-ի 4-րդ մասի կիրառմամբ, նշանակված 3/երեք/ տարի 6/վեց/ ամիս ազատազրկում պատժի մեջ հաշվակցել ամբաստանյալ Արա Կարապետյանի` 2009թ. ապրիլի 03-ից մինչև 2009թ. օգոստոսի 11-ը նախնական կալանքի տակ գտնված 4/չորս/ ամիս 10/տաս/ օրը և ամբաստանյալ Արա Կարապետյանին վերջնական թողնել կրելու ազատազրկում` 3/երեք/ տարի 1/մեկ/ ամիս 20/քսան/ օր, որը նա պետք է կրի ՀՀ ԱՆ համապատասխան քրեակատարողական հիմնարկում:
Ամբաստանյալ Արա Անդրանիկի Կարապետյանի նկատմամբ մինչև դատավճիռը օրինական ուժի մեջ մտնելը խափանման միջոց ընտրել ստորագրություն չհեռանալու մասին:
Պատժի կրման սկիզբը հաշվել ամբաստանյալ Արա Անդրանիկի Կարապետյանին փաստացի արգելանքի վերցնելու պահից:
Դատավճիռը մնացած մասով թողնել անփոփոխ:
Որոշումը կարող է բողոքարկվել ՀՀ Վճռաբեկ դատարան` հրապարակման պահից մեկամսյա ժամկետում:



ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ է

ՆԱԽԱԳԱՀՈՂ ԴԱՏԱՎՈՐ` Ա. ՀՈՎՀԱՆՆԻՍՅԱՆ