Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0061/01/09
2009թ.
ք. Երևան

Երևան քաղաքի Էրեբունի և Նուբարաշեն համայնքների ընդհանուր իրավասության
դատարանը հետևյալ կազմով՝
ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Լ. ՄՈՎՍԻՍՅԱՆ
ՄԵՂԱԴՐՈՂ-ԴԱՏԱԽԱԶ՝ Վ. ՄՈւՐԱԴՅԱՆ
ՊԱՇՏՊԱՆ` Ս. ՀՈՎՀԱՆՆԻՍՅԱՆ


2009թ. Հուլիսի «29»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն ըստ մեղադրանքի՝ Դանիել Իշխանի Խաչատրյանի /ծնված՝ 14.09.1975թ. ք.Երևանում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին երեք անձ, չի աշխատում, ֆիզիկապես առողջ, նախկինում չդատապարտված, բնակվել է ք.Երևանի, Երկաթուղայինների 9-րդ փողոցի, թիվ 3 տանը, ներկայումս ՀՀ ԱՆ «Նուբարաշեն» քրեակատարողական հիմնարկության կալանավոր/։
Սույն գործով արգելանքի տակ է 30.03.2009թ-ից։
Մեղադրվում է ՀՀ Քր. օր-ի 268 հոդվածի 2-րդ մասի 1-ին և 2-րդ կետերով և 266 հոդվածի 4-րդ մասով։

1. Գործի դատավարական նախապատմությունը

Թմրամիջոցների և հոգեներգործուն նյութերի ապօրինի շրջանառության դեպքի առթիվ 10.02.2006թ. ՀՀ Գլխավոր դատախազության քննչական վարչությունում ՀՀ Քրեական օրենսգրքի 266 հոդվածի 4-րդ մասի և 271 հոդվածի 1-ին մասի հատկանիշներով հարուցվել է թիվ 62200906 քրեական գործը։ 16.01.2008թ. նշված քրեական գործից թիվ 62204307 համարով անջատվել է Հարություն Կիրակոսյանի, Պետրոս Եղիազարյանի, Էմիլ Ավագյանի, Արա Շահբազյանի, Ռոստոմ Սիմոնյանի, Դանիել Խաչատրյանի, Թելման Հովհաննիսյանի, Արմեն Հակոբյանի, Լիպարիտ Համբարձումյանի, Արթուր և Արմեն Աֆթանդիլյանների վերաբերյալ մասերը։ 16.01.2008թ. որոշմամբ քրեական գործն, ըստ ենթակայության ուղարկվել, իսկ 29.01.2008թ. քրեական գործի նախաքննության շարունակումը հանձնարարվել է ՀՀ ոստիկանության ՔԳՎ ՀԿԳ քննության վարչությանը։ Գործի նախաքննության ընթացքում Ռոստոմ Սիմոնյանի, Թելման Հովհաննիսյանի, Արա Շահբազյանի, Հարություն Կիրակոսյանի, Պետրոս Եղիազարյանի, Էմիլ Ավագյանի վերաբերյալ մասերն անջատվել են թիվ 62204307 քրեական գործից և մեղադրական եզրակացություններով ուղարկվել են դատարաններ, մայր քրեական գործին շնորհվել է 62204307Ա/Մ համարն, իսկ Արմեն Հակոբյանի, Լիպարիտ Համբարձումյանի, Արթուր և Արմեն Աֆթանդիլյանների նկատմամբ քրեական հետապնդումները դադարեցվել են` նրանց արարքներում հանցակազմի բացակայության պատճառաբանությամբ։ 04.06.2009թ. Դանիել Խաչատրյանի վերաբերյալ մասը 62204307/2 Ա/Մ քրեական գործի համարով անջատվել է մայր` 62204307Ա/Մ քրեական գործից։
Նախաքննության մարմնի կողմից Դանիել Իշխանի Խաչատրյանին մեղադրանք է առաջադրվել ՀՀ Քրեական օրենսգրքի 268 հոդվածի 2-րդ մասի 1-ին ու 2-րդ կետերով և 266 հոդվածի 4-րդ մասով այն բանի համար, որ. «Նա 2007թ. մարտ ամսին, քննությամբ չպարզված օրերի, առանց իրացնելու նպատակի, 5-անգամյա իր գործածման համար, թմրամիջոց ձեռք բերելու նպատակով Երևան քաղաքի, ինչպես Ս.Դավիթ փողոցում, այնպես էլ մետրոպոլիտենի «Սասունցի Դավիթ» կայարանի կայարանամերձ հրապարակում, իր ծանոթ Պետրոս Սոսի Եղիազարյանից մեկ չափաբաժինը` 0,3 գրամը, 10.000 ՀՀ դրամով գնել, այսինքն ապօրինի ձեռք է բերել ընդհանուրը, 1,5 գրամ խոշոր չափի «Ափիոն» տեսակի թմրամիջոց և թմրամիջոցներ պատրաստելու համար պրեկուրսոր հանդիսացող ընդհանուրը 10 մ/գ ծավալով քացախաթթվի անհիդրիդ։ Այնուհետև 2007թ. ապրիլ-հունիս ամիսներին, քննությամբ չպարզված օրերի, առանց իրացնելու նպատակի, իր գործածման համար, Երևան քաղաքի նույն վայրերում, Պետրոս Եղիազարյանից կրկին անգամ, ընդհանուր 5 դեպքով, յուրաքանչյուր անգամ 10.000 ՀՀ դրամով, գնել, այսինքն ապօրինի ձեռք է բերել զգալի չափի` 0,3 գրամ «Ափիոն» տեսակի թմրամիջոց և թմրամիջոցներ պատրաստելու համար պրեկուրսոր հանդիսացող, ընդհանուրը` 10 մ/գ ծավալով քացախաթթվի անհիդրիդ։ Ապօրինի ձեռք բերած թմրամիջոցը և քացախաթթվի անհիդրիդը Դ.Խաչատրյանն ամեն անգամ հագուստի գրպանում ապօրինի պահել և փոխադրել է Երևանի «Էրեբունի» թանգարանին հարակից այգի, որտեղ թմրամիջոցը լուծելով քացախաթթվի անհիդրիդի հետ ապօրինի պատրաստել է ներկրման համար պիտանի հեղուկ թմրամիջոց և նույն վայրում առանց բժշկի թույլտվության, ձեռքերի երակներում ներարկելու միջոցով ամբողջությամբ գործածել է»։
Քրեական գործը 05.06.2009թ. կազմված և 08.06.2009թ. հաստատված մեղադրական եզրակացությամբ 15.06.2009թ-ին ստացվել է Երևան քաղաքի Էրեբունի և Նուբարաշեն համայնքների ընդհանուր իրավասության դատարան։

2. Արագացված դատական քննություն

Մինչ դատաքննությունն, ամբաստանյալ Դանիել Իշխանի Խաչատրյանը խորհրդակցելով իր պաշտպան` փաստաբան Սրբուհի Հովհաննիսյանի հետ /փաստաբանական գործունեության արտոնագիր հմ. 600/, դատարանին արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Վ.Մուրադյանն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Դանիել Խաչատրյանը կատարել է արարքներ, որոնք նախատեսված են ՀՀ Քրեական օրենսգրքի 268 հոդվածի 2-րդ մասի 1-ին և 2-րդ կետերով և 266 հոդվածի 4-րդ մասով, որոնցով և պետք է ենթարկվի քրեական պատասխանատվության։

3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալը երիտասարդ է, նախկինում արատավորված չի եղել, կատարած արարքի համար իրեն մեղավոր է ճանաչել, զղջացել է, բնութագրվում է դրականորեն, խնամքին են գտնվում երկու մանկահասակ երեխաները և 2-րդ խմբի հաշմանդամ մայրը, ընտանիքի միակ կերակրողն է, մարտական գործողությունների մասնակից է եղել, պարգևատրվել է «1992-1994թթ. մարտական գործողությունների մասնակից» կրծքանշանով, բացի այդ բացակայում են ամբաստանյալի պատաuխանատվությունը և պատիժը ծանրացնող հանգամանքները։
Ելնելով վերոգրյալներից և ղեկավարվելով ՀՀ Քր. դատ. օր-ի 357-360, 3753 հոդվածներով, դատարանը
Վ Ճ Ռ Ե Ց


Դանիել Իշխանի Խաչատրյանին մեղավոր ճանաչել ՀՀ Քրեական օրենսգրքի 268 հոդվածի 2-րդ մասի 1-ին և 2-րդ կետերով և 266 հոդվածի 4-րդ մասով։
ՀՀ Քրեական օրենսգրքի 268 հոդվածի 2-րդ մասի 1-ին և 2-րդ կետերով դատապարտել ազատազրկման 6 /վեց/ ամիս ժամկետով։
ՀՀ Քրեական օրենսգրքի 266 հոդվածի 4-րդ մասով դատապարտել տուգանքով` նվազագույն աշխատավարձի 50-ապատիկի / ՀՀ 50.000 դրամի/ չափով։
ՀՀ Քրեական օրենսգրքի 66 հոդվածի 3-րդ մասի կիրառմամբ հանցանքների համակցությամբ պատիժները լրիվ գումարելու միջոցով վերջնական պատիժ նշանակել ազատազրկում` 6 /ամիս/ ամիս ժամկետով և տուգանք` նվազագույն աշխատավարձի 50-ապատիկի /ՀՀ 50.000 դրամի/ չափով։
Պատժի սկիզբը հաշվել 30.03.2009թ.։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքի, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։


ԴԱՏԱՎՈՐ Ա. ՕՀԱՆՅԱՆ