Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

Գործ հմ. ԵԷԴ/0047/01/09
2009թ.
ք. Երևան

Երևան քաղաքի Էրեբունի և Նուբարաշեն համայնքների ընդհանուր իրավասության
դատարանը հետևյալ կազմով՝

ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Լ. ՄՈՎՍԻՍՅԱՆ
ՄԵՂԱԴՐՈՂ-ԴԱՏԱԽԱԶ՝ Զ. ՍՏԵՓԱՆՅԱՆ
ՊԱՇՏՊԱՆ` Վ. ԳՈւԼՔԱՆՅԱՆ


2009թ. Հունիսի «18»-ին, Երևան քաղաքում.
Դռնբաց դատական նիստում, արագացված դատական քննության կարգի կիրառմամբ, քննեց քրեական գործն ըստ մեղադրանքի՝ Բրո Օմարի Ալյասովի /ծնված՝ 04.08.1981թ. ՀՀ Արարատի մարզի Վ.Արտաշատ գյուղում, ազգությամբ եզդի, Հայաստանի Հանրապետության քաղաքացի, միջնակարգ կրթությամբ, չամուսնացած, խնամքին ոչ ոք, չի աշխատում, ֆիզիկապես առողջ, նախկինում երեք անգամ դատապարտված /1.ԼՂՀ դատարանի 27.08.2001թ. դատավճռով ԼՂՀ քր. օր-ի 104 հոդ. 2-րդ մասով, 175 հոդ. 2-րդ մասի 3-րդ կետով դատապարտվել է ազատազրկման 15 /տասնհինգ/ տարի ժամկետով։ 2.Արագածոտնի մարզի առաջին ատյանի դատարանի 16.03.2005թ. դատավճռով ՀՀ Քր. օր-ի 34-104 հոդ. 2-րդ մասով և ՀՀ Քր. օր-ի 67 հոդ. կիրառմամբ դատապարտվել է ազատազրկման 13/տասներեք/ տարի ժամկետով։ 3.Երևանի Էրեբունի և Նուբարաշեն համայնքների ընդհանուր իրավասության դատարանի 13.11.2008թ. դատավճռով ՀՀ Քր. օր-ի 268 հոդ. 1-ին մասով դատապարտվել է ազատազրկման 9/ինը/ ամիս ժամկետով, ՀՀ քր. օր-ի 67 հոդվածի 1-ին մասի կիրառմամբ դատավճիռների համակցությամբ վերջնական պատիժ է նշանակվել` ազատազրկում 9/ինը/ տարի, 9/ինը/ ամիս, 16/տասնվեց/ օր ժամկետով, պատժի սկիզբը հաշվարկվել է 13.11.2008թ-ից/, դատվածությունը չկրած, ներկայումս ՀՀ ԱՆ «Նուբարաշեն» քրեակատարողական հիմնարկության դատապարտյալ/։
Սույն գործով խափանման միջոց չի կիրառվել։
Մեղադրվում է ՀՀ Քր. օր-ի 34-268 հոդվածի 2-րդ մասի 1-ին և 2-րդ կետերով։

1. Գործի դատավարական նախապատմությունը

Գեղեցիկ Գառնիկի Մինասյանի կողմից ՀՀ ԱՆ «Նուբարաշեն» քրեակատարողական հիմնարկության դատապարտյալ Բրո Օմարի Ալյասովի անվամբ բերված հանձնուքում թմրամիջոց հայտնաբերելու դեպքի առթիվ 27.12.2008թ. ՀՀ Ոստիկանության քննչական գլխավոր վարչության Էրեբունու քննչական բաժնում ՀՀ Քրեական օրենսգրքի 266 հոդվածի 2-րդ մասի 2-րդ և 3-րդ կետերի հատկանիշներով քրեական գործ է հարուցվել։
Նախաքննության մարմնի 29.01.2009թ. որոշմամբ Բրո Օմարի Ալյասովը ներգրավվել է որպես մեղադրյալ և նրան ՀՀ Քրեական օրենսգրքի 34-268 հոդվածի 2-րդ մասի 1-ին և 2-րդ կետերով մեղադրանք է առաջադրվել այն բանի համար, որ. «Նախապես պայմանավորվածություն ունենալով քննությամբ չպարզված անձի հետ 2008թ. դեկտեմբերի «24»-ին զանգահարել է Գեղեցիկ Մինասյանին և խնդրել իր համար հանձնուք պատրաստել, իր ծանոթից վերցնել նաև մեկ այլ հանձնուք և տեղափոխել ՀՀ ԱՆ «Նուբարաշեն» քրեակատարողական հիմնարկ։ 25.01.2008թ. Գ.Մինասյանը քննությամբ չպարզված անձից վերցնելով հանձնուքը, այն տեղափոխել է ՀՀ ԱՆ «Նուբարաշեն» քրեակատարողական հիմնարկ` չիմանալով դրանում եղած պարունակության մասին։ ՀՀ ԱՆ «Նուբարաշեն» քրեակատարողական հիմնարկի աշխատակիցների կողմից կատարված զննությամբ «Խաշլամա» տեսակի կերակուրի միջից հայտնաբերվել է 2 հատ մուգ շագանակագույն պոլիէթիլենային թաղանթով փաթեթավորված 0,26 և 0,21 գրամ մաքուր քաշով տնայնագործական եղանակով պատրաստված «Ացետիլացված ափիոն» տեսակի թմրամիջոց և 0,0034 գրամ «Բուպրենորֆին» տեսակի թմրաակտիվ բաղադրատարր պարունակող թմրալկալոիդներ և հանցագործությունն ավարտին չի հասցվել Բ.Ալյասովի կամքից անկախ հանգամանքներում»։
Քրեական գործը 10.05.2009թ. կազմված և 12.05.2009թ. հաստատված մեղադրական եզրակացությամբ 14.05.2009թ-ին ստացվել է Երևան քաղաքի Էրեբունի և Նուբարաշեն համայնքների ընդհանուր իրավասության դատարան։

2. Արագացված դատական քննություն

Մինչ դատաքննությունն, ամբաստանյալ Բրո Օմարի Ալյասովը խորհրդակցելով իր պաշտպան Վասպուրական Գուլքանյանի հետ /փաստաբանական գործունեության արտոնագիր հմ.` 93/, դատարանին՝ արագացված դատական քննության կարգ կիրառելու համար գրավոր միջնորդություն ներկայացրեց, հայտնելով, որ համաձայն է իրեն առաջադրված մեղադրանքի հետ, նրանում իրեն լիովին մեղավոր է ճանաչում և զղջում է կատարածի համար, նշեց նաև, որ արագացված դատական քննության կարգ կիրառելու մասին միջնորդությունը ներկայացնում է կամավոր և գիտակցում է դրա բնույթն ու հետևանքները։
Մեղադրող-դատախազ Զ.Ստեփանյանն ամբաստանյալի միջնորդության դեմ չառարկեց։
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին։
Դատարանն արագացված դատական քննությամբ հիմք ընդունելով մինչդատական վարույթն իրականացնող մարմնի կողմից հաստատված փաստական հանգամանքները, եկավ այն եզրահանգման, որ Բրո Օմարի Ալյասովը կատարել է արարք, որը նախատեսված է ՀՀ Քրեական օրենսգրքի 34-268 հոդվածի 2-րդ մասի 1-ին և 2-րդ կետով, որով և պետք է ենթարկվի քրեական պատասխանատվության։

3. Դատարանի իրավական վերլուծությունը

Համաձայն ՀՀ Քրեական դատավարության օրենսգրքի 3753 հոդվածի 5-րդ կետի`դատարանն արագացված կարգով դատական քննություն անցկացնելիu քրեական գործով ձեռք բերված ապացույցների ընդհանուր կարգով uահմանված հետազոտություն չի կատարում։ Uակայն ուuումնաuիրում է ամբաuտանյալի անձը բնութագրող տվյալները, պատաuխանատվությունը և պատիժը մեղմացնող ու ծանրացնող հանգամանքները։
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և չափը որոշվում են հանցագործության` հանրության համար վտանգավորության աuտիճանով և բնույթով, հանցավորի անձը բնութագրող տվյալներով, այդ թվում` պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալը դատաքննությամբ ընդունել է մեղքը, զղջացել է կատարածի համար, իսկ պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու ռեցիդիվը։
Դատարանը վերոգրյալները հաշվի առնելով, գտնում է, որ ամբաստանյալ Բրո Ալյասովի նկատմամբ պետք է ազատազրկման ձևով պատիժ նշանակել, որին ՀՀ Քր. օր-ի 67 հոդվածի 1-ին և 4-րդ մասերի կարգով պետք է մասնակիորեն գումարել Երևան քաղաքի Էրեբունի և Նուբարաշեն համայնքների ընդհանուր իրավասության դատարանի 13.11.2008թ. թիվ ԵԷԴ 0053/01/08 դատավճռով նշանակված 9 /ինը/ տարի, 9 /ինը/ ամիս, 16 /տասնվեց/ օր ազատազրկման ձևով նշանակված պատժի չկրած` ազատազրկում 9 /ինը/ տարի, 2 /երկու/ ամիս, 11 /տասնմեկ/ օր մասը, իսկ նկատի ունենալով, որ նախաքննության մարմնի կողմից Բրո Ալյասովի նկատմամաբ խափանման միջոց չի կիրառվել, նրա անազատության մեջ գտնվելու պատճառաբանությամբ, ուստի խափանման միջոցի հարցին պետք է չանդրադառնալ և այն համարել լուծված։
Քննարկելով իրեղեն ապացույցների հարցը դատարանը գտնում է, որ իրեղեն ապացույց ճանաչված 0,26 և 0,21 գրամ մաքուր քաշով տնայնագործական եղանակով պատրաստված «Ացետիլացված ափիոն» տեսակի թմրամիջոցը և 0,0034 գրամ «Բուպրենորֆին» տեսակի թմրաակտիվ բաղադրատարր պարունակող թմրալկոլոիդները դատավճիռն օրինական ուժի մեջ մտնելուց հետո պետք է ոչնչացնել, իսկ ինչ վերաբերվում է Բրո Օմարի Ալյասովին պատկանող «Նոկիա» տեսակի 352951/00/462695/6 գործարանային համարով բջջային հեռախոսին, ապա հաշվի առնելով, որ այն քրեակատարողական հիմնարկության ներքին կանոնակարգի համաձայն կարող է դատապարտյալին հանձնելու համար արգելված առարկա հանդիսանալ և աննպատակահարմար համարելով դրա վերադարձն ամբաստանյալ Բրո Ալյասովին, գտնում է, որ` «Նոկիա» տեսակի 352951/00/462695/6 գործարանային համարով և բաժանորդային քարտով բջջային հեռախոսը պետք է վերադարձնել Բրո Օմարի Ալյասովի հարազատներից որևէ մեկին։
Քննարկելով բժշկական բնույթի հարկադրանքի միջոցներ կիրառելու հարցը և հաշվի առնելով դատանարկոլոգիական փորձաքննության թիվ 36/09 եզրակացությունն այն մասին, որ Բրո Օմարի Ալյասովի մոտ թմրանյութերի գործածումը կրում է էպիզոդիկ բնույթ և վերջինս հարկադիր բուժման կարիք չունի, դատարանը գտնում է, որ Բրո Ալյասովի նկատմամբ բժշկական բնույթի հարկադրանքի միջոցներ կիրառելու անհրաժեշությունը բացակայում է։
Ելնելով վերոգրյալներից և ղեկավարվելով ՀՀ Քր. դատ. օր-ի 357-360, 3753 հոդվածներով, դատարանը
Վ Ճ Ռ Ե Ց

Բրո Օմարի Ալյասովին մեղավոր ճանաչել ՀՀ Քրեական օրենսգրքի 34-268 հոդվածի 2-րդ մասի 1-ին և 2-րդ կետով և դատապարտել ազատազրկման 1 /մեկ/ տարի ժամկետով։
ՀՀ Քրեական օրենսգրքի 67 հոդվածի 1-ին և 4-րդ մասերի կիրառմամբ դատավճիռների համակցությամբ նոր նշանակված պատժին մասնակիորեն գումարել Երևան քաղաքի Էրեբունի և Նուբարաշեն համայնքների ընդհանուր իրավասության դատարանի 13.11.2008թ. թիվ ԵԷԴ 0053/01/08 դատավճռով նշանակված պատժի չկրած` ազատազրկում 9 /ինը/ տարի, 2 /երկու/ ամիս, 11 /տասնմեկ/ օր մասը և վերջնական պատիժ նշանակել ազատազրկում` 10 /տաս/ տարի ժամկետով։
Պատժի սկիզբը հաշվել18.06.2009թ.։
Պատիժը պետք է կրի ՀՀ Արդարադատության նախարարության համապատասխան քրեակատարողական հիմնարկում։
Դատավճիռն օրինական ուժի մեջ մտնելուց հետո իրեղեն ապացույցներ ճանաչված 0,26 և 0,21 գրամ մաքուր քաշով տնայնագործական եղանակով պատրաստված «Ացետիլացված ափիոն» տեսակի թմրամիջոցը և 0,0034 գրամ «Բուպրենորֆին» տեսակի թմրաակտիվ բաղադրատարր պարունակող թմրալկոլոիդները` ոչնչացնել, իսկ «Նոկիա» տեսակի 352951/00/462695/6 գործարանային համարով և բաժանորդային քարտով բջջային հեռախոսը վերադարձնել Բրո Օմարի Ալյասովի հարազատներից որևէ մեկին։
Դատավճիռը, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով, կարող է բողոքարկվել ՀՀ Վերաքննիչ քրեական դատարանին՝ հրապարակվելու օրվանից հետո` մեկամսյա ժամկետում։

ԴԱՏԱՎՈՐ Ա. ՕՀԱՆՅԱՆ