Ո Ր Ո Շ ՈՒ Մ

15 մայիսի 2012 թ. Հ ԵԷԴ/0068/01/08 Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ` Կ. ՂԱԶԱՐՅԱՆ
ՔԱՐՏՈՒՂԱՐՈՒԹՅԱՄԲ` Լ. ՓՈԼԱԴՅԱՆԻ
ՄԱՍՆԱԿՑՈՒԹՅԱՄԲ
ԴԱՏԱԽԱԶ` Ա. ՄՈՒՐԱԴՅԱՆԻ
ՊԱՇՏՊԱՆ` Վ. ԱԹՈՅԱՆԻ


Դռնբաց դատական նիստում դատապարտյալի վերաքննիչ բողոքի հիման վրա դատական ստուգման ենթարկելով <<ՀՀ ԱՆ <<Նուբարաշեն>> ՔԿՀ-ի դատապարտյալ Մանուկ Սուրենի Մանուկյանի նկատմամբ կայացված դատավճիռը <<Հայաստանի Հանրապետության քրեական օրենսգրքում փոփոխություններ և լրացումներ կատարելու մասին>> 23.05.2011թ. ՀՕ-143-Ն օրենքի համաձայն վերանայելու մասին>> Երևանի Էրեբունի և Նուբարաշեն վարչական շրջանների ընդհանուր իրավասության դատարանի /այսուհետ` Դատարան/ 18.07.2011թ. որոշման օրինականությունը և հիմնավորվածությունը

Պ Ա Ր Զ Ե Ց

1. Գործի դատավարական նախապատմությունը և փաստական հանգամանքները.
Երևանի Էրեբունի և Նուբարաշեն վարչական շրջանների ընդհանուր իրավասության դատարանի 02.06.2009թ. դատավճռով Մանուկ Մանուկյանը մեղավոր է ճանաչվել ՀՀ քրեական օրենսգրքի 268 հոդվածի 2-րդ մասի 1-ին և 2-րդ կետերով և դատապարտվել ազատազրկման 2 տարի ժամկետով։ ՀՀ քրեական օրենսգրքի 67 հոդվածի 1-ին և 4-րդ մասերի կիրառմամբ, դատավճիռների համակցությամբ, նոր նշանակված պատժին մասնակիորեն գումարվել է ՀՀ Արմավիրի մարզի առաջին ատյանի դատարանի 17.04.2007թ. դատավճռով նշանակված պատժի չկրած` ազատազրկում 2 տարի 1 ամիս, 22 օր մասը և վերջնական պատիժ է նշանակվել ազատազրկում 4 տարի ժամկետով` պատժի սկիզբը հաշվելով 02.06.2009թ.։
Մանուկ Մանուկյանը մեղավոր է ճանաչվել այն բանի համար, որ նա ՀՀ ԱՆ <<Նուբարաշեն>> ՔԿՀ-ում պատիժը կրելու ընթացքում` 12.10.2008թ., գործով չպարզված անձից և հանգամանքներում, առանց իրացնելու նպատակի, իր գործածման համար, կրկին անգամ, ձեռք է բերել ու պահել խոշոր չափի` 0,92 գրամ <<Ափիոն>> տեսակի և զգալի չափի` 1,635 գրամ չորացած <<Մարիխուանա>> տեսակի թմրամիջոցներ, որոնք 13.10.2008թ. վերջինիս մոտ հայտնաբերվել են ՔԿՀ-ի աշխատակիցների կողմից կատարված անձնական խուզարկության ընթացքում:
06.07.2011թ. դատապարտյալ Մանուկ Մանուկյանը դիմում է ներկայացրել Դատարան` իր նկատմամբ Դատարանի 02.06.2009թ. թիվ. ԵԷԴ/0068/01/08/ և 22.06.2010թ. թիվ. ԵԷԴ/0040/01/10/ դատավճիռները <<Հայաստանի Հանրապետության քրեական օրենսգրքում փոփոխություններ և լրացումներ կատարելու մասին>> 23.05.2011թ. ԱԺ օրենքի համաձայն վերանայելու խնդրանքով:
Դատարանի 18.07.2011թ. որոշմամբ Դատարանի 02.06.2009թ. թիվ. ԵԷԴ/0068/01/08/ դատավճիռը վերանայվել է: <<ՀՀ քրեական օրենսգրքում փոփոխություններ և լրացումներ կատարելու մասին>> 23.05.2011թ. օրենքի համաձայն, Մանուկ Մանուկյանին առաջադրված մեղադրանքից հանվել է արարքի կրկնակիությամբ` ՀՀ քրեական օրենսգրքի 268 հոդվածի 2-րդ մասի 1-ին կետով առաջադրված մեղադրանքը և դատավճիռը համապատասխանեցվել է ՀՀ քրեական օրենսգրքի 268 հոդվածի 2-րդ մասի 2-րդ կետին: Դատավճիռը պատժի և մնացած մասով թողնվել է անփոփոխ:
Վերանայվել է Դատարանի 22.06.2010թ. թիվ. ԵԷԴ/0040/01/10/ դատավճիռը: <<ՀՀ քրեական օրենսգրքում փոփոխություններ և լրացումներ կատարելու մասին>> 23.05.2011թ. օրենքի համաձայն, Մանուկ Մանուկյանին ՀՀ քրեական օրենսգրքի 268 հոդվածի 2-րդ մասի 1-ին կետով առաջադրված մեղադրանքը փոփոխվել և այն համապատասխանեցվել է ՀՀ քրեական օրենսգրքի 268 հոդվածի 1-ին մասին: ՀՀ քրեական օրենսգրքի 268 հոդվածի 1-ին մասով նա դատապարտվել է ազատազրկման 1 տարի ժամկետով:
ՀՀ քրեական օրենսգրքի 66 հոդվածի 6-րդ և 4-րդ կետերի կիրառմամբ, հանցանքների համակցությամբ պատիժները մասնակիորեն գումարելու միջոցով, նշանակված պատժից 6 ամիս ժամկետով ազատազրկումը գումարվել է Դատարանի 01.12.2009թ. դատավճռով նշանակված 8 տարի ժամկետով ազատազրկմանը և Մանուկ Մանուկյանի նկատմամբ վերջնական պատիժ է նշանակվել ազատազրկում 8 տարի 6 ամիս ժամկետով` վերջնական պատժի ժամկետին հաշվակցելով 01.12.2009թ. թիվ. ԵԷԴ/0024/01/09/ դատավճռով նշանակված պատժի կրած մասը: Պատժի սկիզբը հաշվվել է 02.06.2009թ.-ից: Դատավճիռը մնացած մասով թողնվել է անփոփոխ:
Վերաքննիչ դատարանի 26.01.2012թ. որոշմամբ Դատարանի 18.07.2011թ. որոշման դեմ դատապարտյալի բերած վերաքննիչ բողոքը թողնվել է առանց քննության` ժամկետանց լինելու պատճառով:
Դատապարտյալի դիմումի հիման վրա 18.07.2011թ. որոշումը վերաքննության կարգով բողոքարկելու բաց թողնված ժամկետը համարվել է հարգելի Դատարանի 26.03.2012թ. որոշմամբ:
2 .Վերաքննիչ բողոքի հիմքերը և հիմնավորումները.
Դատարանի 18.07.2011թ. որոշման դեմ վերաքննիչ բողոք է բերել դատապարտյալ Մանուկ Մանուկյանը:
Վերաքննիչ բողոքի կապակցությամբ գրավոր պատասխան չի ներկայացվել:
Վերաքննիչ բողոքը քննվում է հետևյալ հիմքերի սահմաններում` ներքոհիշյալ հիմնավորումներով.
Մանուկ Մանուկյանն իր վերաքննիչ բողոքում նշել է, որ վատառողջ է, տառապում է 5 տեսակի միջին և ծանր հիվանդություններով, որոնք օրինական հաստատված են, խնամքին են 4 մանկահասակ երեխաները, որոնք ունեն իր խնամքի կարիքը` ճնշված լինելով սոցիալապես անապահով վիճակից:
Բողոքաբերը խնդրում է <<Մարդկային մոտեցման, խղճի և բարության նկատառումներին համահունչ` իր գործերը, պատժաժամկետները վերանայել օբյեկտիվորեն, ճիշտ ու բարության մոտեցումներով, պատիժը կրճատել համապատասխան օրենքի փոփոխման դրույթներին համապատասխան և խղճալ իր 4 մանկահաս զավակներին>>:
3.Վերաքննիչ դատարանի պատճառաբանությունները և եզրահանգումը.
Վերաքննիչ դատարանը ուսումնասիրելով գործի նյութերը, վերաքննիչ բողոքի հիմքերն ու հիմնավորումները, լսելով պաշտպանի հիմնավորումները և դատախազի պատասխանը, հանգում է այն հետևության, որ դատապարտյալի վերաքննիչ բողոքը պետք է մերժել` հետևյալ պատճառաբանությամբ.
Համաձայն <<ՀՀ քրեական օրենսգրքում փոփոխություններ և լրացումներ կատարելու մասին>> 23.05.2011թ. ԱԺ օրենքի 2-րդ և 26-րդ հոդվածների համաձայն, ՀՀ քրեական օրենսգրքի 21-րդ հոդվածը և ՀՀ քրեական օրենսգրքի 268 հոդվածի 2-րդ մասի 1-ին կետը ճանաչվել են ուժը կորցրած:
ՀՀ քրեական օրենսգրքի 12 հոդվածի 1-ին մասի համաձայն, արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով:
ՀՀ քրեական օրենսգրքի 13 հոդվածի 1-ին մասի համաձայն, արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն:
ՀՀ Սահմանադրության 22 հոդվածի 5-րդ կետի համաձայն, արարքի պատժելիությունը վերացնող կամ պատիժը մեղմացնող օրենքն ունի հետադարձ ուժ:
Դատապարտյալ Մանուկ Մանուկյանը Դատարանի 02.06.2009թ. դատավճռով մեղավոր է ճանաչվել ՀՀ քրեական օրենսգրքի 268 հոդվածի 2-րդ մասի 1-ին և 2-րդ կետերով, իսկ նույն դատարանի 22.06.2010թ. դատավճռով` ՀՀ քրեական օրենսգրքի 268 հոդվածի 2-րդ մասի 1-ին կետով նախատեսված հանցանքներում: ՀՀ քրեական օրենսգրքի 268 հոդվածի 2-րդ մասի 1-ին կետն ճանաչվել է ուժը կորցրած:
23.05.2011թ. վերը նշված օրենքի կիրառմամբ, դատապարտյալի կատարած հանցանքները համապատասխանում են ՀՀ քրեական օրենսգրքի 268 հոդվածի 2-րդ մասի 2-րդ կետով և ՀՀ քրեական օրենսգրքի 268 հոդվածի 1-ին մասով նախատեսված հանցագործության հատկանիշներին:
Վերանայելով 02.06.2009թ. դատավճիռը` Դատարանն իրավացիորեն գտել է, որ 23.05.2011թ. թիվ. ՀՕ-143-Ն ՀՀ օրենքի համաձայն, դատապարտյալ Մանուկ Մանուկյանի կատարած հանցանքը ՀՀ քրեական օրենսգրքի 268 հոդվածի 2-րդ մասի 1-ին և 2-րդ կետերից պետք է համապատասխանեցնել ՀՀ քրեական օրենսգրքի 268 հոդվածի 2-րդ մասի 2-րդ կետին, իսկ դատավճիռը պատժի և մնացած մասով պետք է թողնել անփոփոխ:
Վերանայելով 22.06.2010թ. դատավճիռը` Դատարանը պատճառաբանված կերպով գտել է, որ 23.05.2011թ. Օրենքի համաձայն, դատապարտյալ Մանուկ Մանուկյանի կատարած հանցանքը ՀՀ քրեական օրենսգրքի 268 հոդվածի 2-րդ մասի 1-ին կետից պետք է համապատասխանեցնել ՀՀ քրեական օրենսգրքի 268 հոդվածի 1-ին մասին և տվյալ հոդվածի սանկցիայի սահմաններում նշանակել է համաչափ պատիժ:
Վերոգրյալ հիմքերի առկայության պայմաններում, Վերաքննիչ դատարանը հանգում է այն հետևության, որ վերաքննիչ բողոքն անհիմն է, սույն գործով թույլ չեն տրվել նյութական և դատավարական իրավունքի այնպիսի խախտումներ, որոնք կհանգեցնեին դատական սխալի, ուստի գտնում է, որ Դատարանի որոշումը օրինական է ու հիմնավորված և այն բեկանելու, իսկ բերված վերաքննիչ բողոքը բավարարելու օբյեկտիվ հիմքեր առկա չեն:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 393-րդ և 394-րդ հոդվածներով, վերաքննիչ դատարանը



Ո Ր Ո Շ Ե Ց

Դատապարտյալի վերաքննիչ բողոքը մերժել:
<<ՀՀ ԱՆ <<Նուբարաշեն>> ՔԿՀ-ի դատապարտյալ Մանուկ Սուրենի Մանուկյանի նկատմամբ կայացված դատավճիռը <<Հայաստանի Հանրապետության քրեական օրենսգրքում փոփոխություններ և լրացումներ կատարելու մասին>> 23.05.2011թ. ՀՕ-143-Ն օրենքի համաձայն վերանայելու մասին>> Երևանի Էրեբունի և Նուբարաշեն վարչական շրջանների ընդհանուր իրավասության դատարանի 18.07.2011թ. որոշումը թողնել օրինական ուժի մեջ:
Որոշումը կարող է բողոքարկվել ՀՀ Վճռաբեկ դատարան` այն ստանալու պահից 15-օրյա ժամկետում:


ՆԱԽԱԳԱՀՈՂ ԴԱՏԱՎՈՐ Կ. ՂԱԶԱՐՅԱՆ

1
Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ
Գործ հմ. ԵԷԴ/0068/01/08
2009թ.
ք. Երևան
Երևան քաղաքի Էրեբունի և Նուբարաշեն համայնքների ընդհանուր
իրավասության
դատարանը հետևյալ կազմով՝
ՆԱԽԱԳԱՀՈՂ ԴԱՏԱՎՈՐ՝ Ա. ՕՀԱՆՅԱՆ
ՔԱՐՏՈւՂԱՐ՝ Լ. ՄՈՎՍԻՍՅԱՆ
ՄԵՂԱԴՐՈՂ-ԴԱՏԱԽԱԶ՝ Վ. ԱՎԵՏԻՍՅԱՆ
ՊԱՇՏՊԱՆ` Վ. ԱԹՈՅԱՆ
2009թ. Հունիսի «02»-ին, Երևան քաղաքում.
Դռնբաց դատական նիստում քննեց գործն ըստ մեղադրանքի՝ Մանուկ Սուրենի
Մանուկյանի /ծնված՝ 22.05.1981թ. Էջմիածին քաղաքում,
ազգությամբ հայ, ՀՀ քաղաքացի, միջնակարգ կրթությամբ,
ամուսնացած, խնամքին չորս անձ, չի աշխատել, վատառողջ,
նախկինում դատապարտված, դատվածությունը չկրած, բնակվել
է ք.Էջմիածին, Արա Մանուկյանի փողոցի, թիվ 22 տանը,
ներկայումս ՀՀ ԱՆ «Նուբարաշեն» քրեակատարողական
հիմնարկության դատապարտյալ/։
Սույն գործով արգելանքի միջոց չի կիրառվել։
Մեղադրվում է ՀՀ Քրեական օրենսգրքի 268 հոդվածի 2-րդ մասի
1-ին և 2-րդ կետերով։
1. Գործի դատավարական նախապատմությունը
ՀՀ ԱՆ «Նուբարաշեն» քրեակատարողական հիմնարկության դատապարտյալ Մանուկ
Մանուկյանի կողմից կրկին անգամ խոշոր չափի թմրամիջոց ձեռք բերելու և պահելու
դեպքի առթիվ 16.10.2008թ. ՀՀ Ոստիկանության քննչական գլխավոր վարչության
Էրեբունու քննչական բաժնում ՀՀ Քրեական օրենսգրքի 268 հոդվածի 2-րդ մասի 1-ին և 2-
րդ կետերի հատկանիշներով քրեական գործ է հարուցվել։
28.10.2008թ. որոշմամբ Մանուկ Սուրենի Մանուկյանը ներգրավվել է որպես մեղադրյալ
և նրան մեղադրանք է առաջադրվել ՀՀ Քրեական օրենսգրքի 268 հոդվածի 2-րդ մասի 1-
ին և 2-րդ կետերով։
Նախաքննության մարմնի կողմից Մանուկ Սուրենի Մանուկյանին մեղադրանք է
առաջադրվել այն բանի համար, որ նա. «2007թ. ապրիլի 17-ին ՀՀ Արմավիրի մարզի
2
առաջին ատյանի դատարանի կողմից ՀՀ Քրեական օրենսգրքի 266 հոդվածի 1-ին
մասով և 271 հոդվածի 1-ին մասով 4 տարի, 6 ամիս ժամկետով ազատազրկման
դատապարտվելով և պատիժը ՀՀ ԱՆ «Նուբարաշեն» ՔԿ հիմնարկում կրելու ընթացքում`
2008թ. հոկտեմբերի 12-ին, գործով չպարզված անձից և հանգամանքներում, առանց
իրացնելու նպատակի, իր գործածման համար, կրկին անգամ ձեռք է բերել և պահել
խոշոր չափի` 0,92 գրամ «Ափիոն» տեսակի և զգալի չափի` 1,635 գրամ չորացած
«Մարիխուանա» տեսակի թմրամիջոցներ, որոնք վերջինիս մոտ հայտնաբերվել են 2008թ.
հոկտեմբերի 13-ին, ժամը 00։00-ին ՔԿ հիմնարկի աշխատակիցների կողմից կատարած
անձնական խուզարկության ընթացքում»։
Քրեական գործը 19.12.2008թ. կազմված և 23.12.2008թ. հաստատված մեղադրական
եզրակացությամբ Երևան քաղաքի Էրեբունի և Նուբարաշեն համայնքների ընդհանուր
իրավասության դատարան է ստացվել 24.12.2008թ-ին։
Դատարանի 18.03.2009թ. որոշմամբ նշանակվել է դատաձեռագրաբանական
փորձաքննություն։
2. Ապացույցների հետազոտում և գնահատում
Վ եր լ ուծելով ու գնահատելով դատաքննության ընթացքում հետազոտված
ապացույցները՝ գործի հանգամանքների, մեղադրանքի ապացուցվածության և
ամբաստանյալի մեղավորության մասին, դատարանն եկավ հետևության, որ արարքը,
որի կատարման մեջ մեղադրվում է ամբաստանյալն՝ ապացուցված է։
Դատարանի հետևությունները հիմնված են դատաքննությամբ հետազոտված հետևյալ
ապացույցների վրա։
Վկա` Աշոտ Արամայիսի Մոսինյանի ցուցմունքով այն մասին, որ աշխատում է ՀՀ
ԱՆ «Նուբարաշեն» քրեակատարողական հիմնարկում, որպես հերթապահ։ 2008թ.
հոկտեմբերի 12-ին, ժամը 24-ի սահմաններում, նույն քրեակատարողական
հիմնարկության աշխատակիցներ Ա.Գալստյանի, Հ.Ալեքսանյանի և Վ.Առաքելյանի հետ
խուզարկության են ենթարկել հիմնարկության դատապարտյալ Մանուկ Մանուկյանին,
որի ընթաքում վերջինիս տաբատի գրպանից հայտնաբերել են երկու սպիտակ թղթերի
մեջ փաթեթավորված, յուրահատուկ հոտով զանգված և ևս մեկ փայլաթղթով
փաթեթավորված կանաչ գույնի չորացած զանգված, որոնց կապակցությամբ
Մ.Մանուկյանը հայտնել է, որ դրանք հանդիսանում են «Ափիոն» և «Մարիխուանա»
տեսակի թմրամիջոցներ, որոնք ձեռք է բերել ինքը և անձնական գործածության համար
պահել է իր մոտ։
Վկա` Վազգեն Համլետի Առաքելյանի ցուցմունքով այն մասին, որ աշխատում է ՀՀ ԱՆ
քրեակատարողական վարչությունում, որպես օպերատիվ բաժնի պետի տեղակալ և
2008թ. հոկտեմբերի 12-ին, ժամը 24-ի սահմաններում, «Նուբարաշեն»
քրեակատարողական հիմնարկության աշխատակիցներ Ա.Գալստյանի, Հ.Ալեքսանյանի
և Ա.Մոսինյանի հետ խուզարկության են ենթարկել հիմնարկության դատապարտյալ
Մանուկ Մանուկյանին, որի ընթացքում վերջինիս տաբատի գրպանից հայտնաբերել են
երկու սպիտակ թղթերի մեջ փաթեթավորված, յուրահատուկ _________հոտով իր և ևս մեկ
փայլաթղթով փաթեթավորված կանաչ գույնի խոտանման չորացած զանգվածորոնք,
ըստ Մ.Մանուկյանի հայտարարության, հանդիսանում են «Ափիոն» և «Մարիխուանա»
տեսակի թմրամիջոցներ, որոնք ինքը ձեռք է բերել և անձնական գործածության համար
պահել իր մոտ։
3
Վկա ` Հովիկ Ալեքսանի Ալեքսանյանի ցուցմունքով այն մասին, որ աշխատում է ՀՀ
ԱՆ «Նուբարաշեն» քրեակատարողական հիմնարկությունում, որպես ԱԱԲ
աշխատակիցներ։ 2008թ. հոկտեմբերի 12-ին, ժամը 24-ի սահմաններում, նույն
քրեակատարողական հիմնարկության աշխատակիցներ Ա.Գալստյանի, Վ.Առաքելյանի և
Ա.Մոսինյանի հետ խուզարկության են ենթարկել դատապարտյալ Մանուկ
Մանուկյանին, որի ընթաքում վերջինիս մոտից հայտնաբերել են երկու սպիտակ թղթերի
մեջ փաթեթավորված, յուրահատուկ հոտով և ևս մեկ փայլաթղթով փաթեթավորված
կանաչ գույնի չորացած զանգվածներ, և ըստ Մ.Մանուկյանի հայտարարության
հայտնաբերված զանգվածները հանդիսանում են «Ափիոն» և «Մարիխուանա» տեսակի
թմրամիջոցներ, որոնք ձեռք է բերել ինքը և օգտագործելու նպատակով պահել իր մոտ։
Վկա` Ալբերտ Ասատուրի Գալստյանի ցուցմունքով այն մասին, որ աշխատում է ՀՀ ԱՆ
«Նուբարաշեն» քրեակատարողական հիմնարկությունում, որպես ԱԱԲ աշխատակից։
2008թ. հոկտեմբերի 12-ին, ժամը 24-ի սահմաններում քրեակատարողական վարչության
աշխատակիցների կողմից միջոցառում է իրականացվել, որի ընթացքում
խուզարկության է ենթարկվել դատապարտյալ Մանուկ Մանուկյանը և ըստ
վերջիններիս ասելու Մ.Մանուկյանի մոտից թմրամիջոցներ են հայտնաբերել։
Վկա` Անուշ Վանիկի Թովմասյանի նախաքննական ցուցմունքով այն մասին, որ
2008թ. հոկտեմբերի 16-ին անծանոթ հեռախոսահամարից իր բջջային
հեռախոսահամարին է զանգահարել Մանուկ Մանուկյանը և հայտնել, որ 2008թ.
հոկտեմբերի 13-ին, քրեակատարողական հիմնարկի աշխատակիցները խուզարկության
են ենթարկել իրեն և գրպանից թմրանյութ հայտնաբերել, իսկ գործի վերաբերյալ այլ
մանրամասներ իրեն հայտնի չեն։ Դատաքննությամբ վկան հայտնեց, որ
նախաքննության ընթացքում ցուցմունքներ տալուց իրեն ոչ ոք չի ստիպել, սակայն
չգիտի, թե ինչու է նման ցուցմունք տվել, քանի որ նման բան չի եղել։
Դ ա տա րանը գնահատելով վկա Ա.Թովմասյանի ցուցմունքներն առավել
արժանահավատ է համարում վերջինիս կողմից նախաքննության ընթացքում տրված
ցուցմունքները։
Ամբաստանյալ u1348 .անուկ Սուրենի Մանուկյանը դատաքննությամբ հրաժարվեց
ցուցմունքներ տալուց, սակայն կատարած արաքի համար իրեն լիովին մեղավոր
ճանաչեց, զղջաց և խնդրեց դատարանին հնարավորինս մեղմ պատիժ նշանակել։
Դ ա տ աքննությամբ ամբաստանյալ Մ.Մանուկյանը միջնորդել է նշանակել
դատաձեռագրաբանական փորձաքննություն, քանի որ, ըստ վերջինիս
հայտարարության, քրեական գործի նյութերի ԳԹ 6-ում առկա` խուզարկությամբ
հայտնաբերված և առգրավված իրերի ծրարավորման և կնքման վերաբերյալ
արձանագրության վերջում դրված ստորագրությունը և ազգանվան գրառումն իր կողմից
չեն իրականացվել։
1 3 .10.2008թ. Խուզարկություն կատարելու և խուզարկությամբ հայտնաբերված և
առգրավված իրերի փաթեթավորման արձանագրություններով այն մասին, որ
դատապարտյալ Մանուկ Սուրենի Մանուկյանի մոտից խուզարկությամբ հայտաբերվել և
առգրավվել են «NOKIA» տեսակի IMEI 352910/02/351304/1 նույնացման համարով և ALO
տեսակի 077-05-11-99 համարի բաժանորդային քարտով բջջային հեռախոս, ՀՀ 125.000
/մեկ հարյուր քսանհինգ հազար/ դրամ, 2 սպիտակ թղթով փաթեթավորված
յուրահատուկ հոտով զանգված, ծխախոտի տուփի ներսի փայլաթղթով փաթեթավորված
խոտանման զանգված, պոլիէթիլենային թաղանթով փաթեթավորված 2 բամբակ և 6
«Դիմեդրոլ» գրառմամբ դեղահաբ։
4
Դատաձեռագրաբանական փորձաքննության թիվ 09-0526 եզրակացությամբ
հաստատվեց, որ 13.10.2008թ. դատապարտյալ Մ.Մանուկյանի մոտից խուզարկությամբ
հայտնաբերված և առգրավված իրերի ծրարավորման և կնքման վերաբերյալ
արձանագրության հակառակ երեսի ստորին մասում «Դատապարտյալ» բառի դիմաց
տեղավորված ստորագրությունը կատարվել է Մանուկ Մանուկյանի կողմից, իսկ
ստորագրության դիմաց տեղավորված «Մանուկյան» ձեռագիր գրառումը ևս կատարվել է
Մանուկ Մանուկյանի կողմից։
Դատաքիմիական փորձաքննության թիվ 40460805 եզրակացությամբ այն մասին, որ
փորձաքննությանը ներկայացված 0,52 գրամ և 0,4 գրամ մաքուր քաշով, ընդհանուրը 0,92
գրամ քաշով, յուրահատուկ հոտով, գորշ գույնի զանգվածները հանդիսանում են
տնայնագործական եղանակով պատրաստված «Ափիոն» տեսակի թմրամիջոցներ, որոնք
իրենց բաղադրության մեջ պարունակում են ափիոնային շարքի ալկալոիդներ և
թմրալկալոիդներ, մասնավորապես` կոդեին և մորֆին բաղադրատարրը։
Փորձաքննությանը ներկայացված բամբակյա խծուծների վրա առկա են ացետիլացված
«Ափիոն» տեսակի թմրամիջոցի հետքեր։ Փորձաքննությանը ներկայացված
դեղահատերն իրենց բաղադրության մեջ թմրանյութեր, հոգեմետ ակտիվ
բաղադրատարրեր և դրանց հետքեր չեն պարունակում։ Փորձաքննությանը
ներկայացված 1,645 գրամ մաքուր քաշով անհամասեռ մանրացված չոր բուսական
զանգվածն իրենից ներկայացնում է 1,635 գրամ հաստատուն կշռով չորացված
«Մարիխուանա» տեսակի թմրամիջոց։
Տոքսիկոքիմիական փորձաքննության թիվ 0627 եզրակացությամբ այն մասին, որ
Մանուկ Սուրենի Մանուկյանի մեզի փորձանմուշում հայտնաբերվել է ափիոն խմբի
թմրամիջոցի թմրալկոլոիդներ։
Դատանարկոլոգիական փորձաքննության թիվ 232/08 եզրակացությամբ այն մասին, որ
Մանուկ Սուրենի Մանուկյանի մոտ թմրանյութերի գործածումը կրում է էպիզոդիկ
բնույթ, ուստի վերջինս հարկադիր բուժման կարիք չունի։
Իրեղեն ապացույց ճանաչված 0,92 գրամ քաշով «Ափիոն» տեսակի թմրամիջոցով, 1,635
գրամ չորացված «Մարիխուանա» տեսակի թմրամիջոցով և բամբակյա խծուծներով։
3. Դատարանի իրավական վերլուծությունը
ՀՀ Քրեական օրենսգրքի 18 հոդվածի 1-ին մասի համաձայն հանցագործություն է
համարվում մեղավորությամբ կատարված` հանրության համար վտանգավոր այն
արարքը, որը նախատեuված է ՀՀ քրեական օրենսգրքով։ Իսկ ՀՀ Քրեական օրենսգրքի
268 հոդվածի 1-ին մասի համաձայն հանցագործություն է համարվում` առանց
իրացնելու նպատակի զգալի չափերով թմրամիջոցներ կամ հոգեմետ նյութեր ապoրինի
պատրաuտելը, վերամշակելը, ձեռք բերելը, պահելը, փոխադրելը կամ առաքելը։ Նույն
հոդվածի 2-րդ մասին 1-ին և 2-րդ կետերի համաձայն հանցագործություն են համարում
նույն արարքները, որոնք կատարվել են կրկին անգամ և խոշոր չափերով, որպիսի
հատկանիշներ և առկա են ամբաստանյալ Մանուկ Մանուկյանի կողմից կատարված
գործողություններում։
Դատարանը գործով ձեռք բերված բոլոր ապացույցները գնահատելով իրենց
համակցության մեջ և դրանց բազմակողմանի, լրիվ, օբյեկտիվ քննության վրա հիմնված
ներքին համոզմամբ գտնում է, որ Մանուկ Սուրենի Մանուկյանը կատարել է արարք, որը
նախատեսված է ՀՀ Քրեական օրենսգրքի 268 հոդվածի 2-րդ մասի 1-ին և 2-րդ կետերով,
որով և պետք է ենթարկվի քրեական պատասխանատվության։
5
Համաձայն ՀՀ Քրեական օրենսգրքի 61 հոդվածի 2-րդ կետի` պատժի տեuակը և
չափը որոշվում են հանցագործության` հանրության համար վտանգավորության
աuտիճանով և բնույթով, հանցավորի անձը բնութագրող տվյալներով, այդ թվում`
պատաuխանատվությունը և պատիժը մեղմացնող կամ ծանրացնող հանգամանքներով։
Դատարանը հաշվի է առնում, որ ամբաստանյալը բնակության վայրից բնութագրվել է
դրականորեն, վատառողջ է` տառապում է «Քրոնիկական պիելոնեֆրիտ։ Քրոնիկական
C-հեպատիտ» հիվանդությամբ, խնամքին ունի չորս անձ, որոնցից երեքն իր
անչափահաս երեխաներն են, իսկ մեկը թոշակառու մայրն է։
Դատարանը վերոգրյալները հաշվի առնելով, գտնում է, որ ամբաստանյալ Մանուկ
Մանուկյանի նկատմամբ պետք է ազատազրկման ձևով պատիժ նշանակել և նկատի
ունենալով, որ Մանուկ Մանուկյանը ՀՀ Արմավիրի մարզի առաջին ատյանի դատարանի
17.04.2007թ. հմ. 1-61 դատավճռով ՀՀ Քրեական օրենսգրքի 266 հոդվածի 1-ին մասով և
271 հոդվածի 1-ին մասով դատապարտվել է ազատազրկման 4 /չորս/ տարի, 6 /վեց/ ամիս
ժամկետով, պատժի սկիզբը հաշվարկվել է 25.01.2007թ-ից, իսկ պատիժը կրում է ՀՀ ԱՆ
«Նուբարաշեն» քրեակատարողական հիմնարկությունում, գտնում է, որ պետք է կիրառել
ՀՀ Քրեական օրենսգրքի 67 հոդվածի 1-ին և 4-րդ մասերի դրույթները և Մանուկ
Մանուկյանի նկատմամբ նոր նշանակված պատժին մասնակիորեն գումարել ՀՀ
Արմավիրի մարզի առաջին ատյանի դատարանի 17.04.2007թ. դատավճռով նշանակված
ազատազրկման ձևով պատժի չկրած` ազատազրկում 2 /երկու/ տարի, 1 /մեկ/ ամիս, 22
/քսաներկու/ օր մասը։
Քննարկելով իրեղեն ապացույցների հարցը, դատարանը գտնում է, որ իրեղեն
ապացույց ճանաչված 0,92 գրամ քաշով «Ափիոն» տեսակի թմրամիջոցը, 1,635 գրամ
չորացված «Մարիխուանա» տեսակի թմրամիջոցը և բամբակյա խծուծները դատավճիռն
օրինական ուժի մեջ մտնելուց հետո պետք է ոչնչացնել։
Քննարկելով դատական ծախսերի հարցը, դատարանը գտնում է, որ ՀՀ Քրեական
դատավարության օրենսգրքի 167-168 հոդվածների համաձայն ամբաստանյալ Մանուկ
Սուրենի Մանուկյանից հօգուտ ՀՀ ԳԱԱ «Փորձաքննությունների ազգային բյուրո»
պետական ոչ առևտրային կազմակերպության պետք է բռնագանձել ՀՀ 41.220
/քառասունմեկ հազար երկու հարյուր քսան/ դրամ, որպես դատաձեռագրաբանական
փորձաքննության /եզրակացություն հմ. 09-0526/ աշխատանքների կատարման ծախսերի
գումար։
Դատարանը քննարկելով 13.10.2008թ. խուզարկությամբ Մանուկ Մանուկյանի մոտից
հայտնաբերված և առգրավված իրերի, դրանք են` «NOKIA» տեսակի IMEI
352910/02/351304/1 նույնացման համարով և ALO տեսակի 077-05-11-99 համարի
բաժանորդային քարտով բջջային հեռախոսի, ՀՀ 125.000 /մեկ հարյուր քսանհինգ հազար/
դրամ գումարի հարցը և հաշվի առնելով, որ դրանք քրեակատարողական
հիմնարկության ներքին կանոնակարգի համաձայն կարող են դատապարտյալներին
հանձնելու համար արգելված առարկաներ հանդիսանալ, ուստի աննպատակահարմար
համարելով դրանց վերադարձն ամբաստանյալ Մանուկ Մանուկյանին, գտնում է, որ`
«NOKIA» տեսակի IMEI 352910/02/351304/1 նույնացման համարով և ALO տեսակի 077-05-
11-99 համարի բաժանորդային քարտով բջջային հեռախոսը պետք է վերադարձնել
Մանուկ Մանուկյանի հարազատներից մորը` Եվգենիա Տիգրանի Գյուլնազարյանին, իսկ
ինչ վերաբերվում է առգրավված ՀՀ 125.000 /մեկ հարյուր քսանհինգ հազար/ դրամ
գումարին, դատարանը գտնում է, որ այդ գումարից ՀՀ 41.220 /քառասունմեկ հազար
երկու հարյուր քսան/ դրամ գումարը պետք է փոխանցել ՀՀ ԳԱԱ «Փորձաքննությունների
ազգային բյուրո» պետական ոչ առևտրային կազմակերպության /«Կոնվերս Բանկ» ՓԲԸ Հ/Հ
6
1930003316710100, ՀՎՀՀ 01836525/ հաշվեհամարին, որպես դատաձեռագրաբանական
փորձաքննության /եզրակացություն հմ. 09-0526/ աշխատանքների կատարման ծախսերի
գումարի հատուցում, իսկ արդեն մնացած ՀՀ 83.780 դրամ գումարը պետք է
վերադարձնել Մանուկ Մանուկյանի հարազատներից մորը` Եվգենիա Տիգրանի
Գյուլնազարյանին։
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-
360 հոդվածներով, դատարանը
Վ Ճ Ռ Ե Ց
Մանուկ Սուրենի Մանուկյանին մեղավոր ճանաչել ՀՀ Քրեական օրենսգրքի 268
հոդվածի 2-րդ մասի 1-ին և 2-րդ կետերով և դատապարտել ազատազրկման` 2/երկու/
տարի ժամկետով։
ՀՀ Քրեական օրենսգրքի 67 հոդվածի 1-ին և 4-րդ մասերի կիրառմամբ, դատավճիռների
համակցությամբ, նոր նշանակված պատժին մասնակիորեն գումարել` ՀՀ Արմավիրի
մարզի առաջին ատյանի դատարանի 17.04.2007թ. հմ. 1-61 դատավճռով նշանակված
պատժի չկրած` ազատազրկում 2 /երկու/ տարի, 1 /մեկ/ ամիս, 22 /քսաներկու/ օր մասը և
վերջնական պատիժ նշանակել ազատազրկում` 4 /չորս/ տարի ժամկետով։
Պատժի սկիզբը հաշվել 02.06.2009թ.։
Պատիժը պետք է կրի ՀՀ Արդարադատության նախարարության համապատասխան
քրեակատարողական հիմնարկում։
Դատավճիռն օրինական ուժի մեջ մտնելուց հետո իրեղեն ապացույց ճանաչված 0,92
գրամ քաշով «Ափիոն» տեսակի թմրամիջոցը, 1,635 գրամ չորացված «Մարիխուանա»
տեսակի թմրամիջոցը և բամբակյա խծուծները` ոչնչացնել։
Դատավճիռն օրինական ուժի մեջ մտնելուց հետո 13.10.2008թ. խուզարկությամբ
Մանուկ Սուրենի Մանուկյանի մոտից հայտնաբերված և առգրավված ՀՀ 125.000 /մեկ
հարյուր քսանհինգ հազար/ դրամ գումարից ՀՀ 41.220 /քառասունմեկ հազար երկու
հարյուր քսան/ դրամ գումարը փոխանցել ՀՀ ԳԱԱ «Փորձաքննությունների ազգային
բյուրո» պետական ոչ առևտրային կազմակերպության /«Կոնվերս Բանկ» ՓԲԸ Հ/Հ
1930003316710100, ՀՎՀՀ 01836525/ հաշվեհամարին, որպես դատաձեռագրաբանական
փորձաքննության /եզրակացություն հմ. 09-0526/ աշխատանքների կատարման ծախսերի
գումարի հատուցում։
Դատավճիռն օրինական ուժի մեջ մտնելուց հետո 13.10.2008թ. խուզարկությամբ
Մանուկ Մանուկյանի մոտից հայտնաբերված և առգրավված «NOKIA» տեսակի IMEI
352910/02/351304/1 նույնացման համարով և ALO տեսակի 077-05-11-99 համարի
բաժանորդային քարտով բջջային հեռախոսը և ՀՀ 125.000 /մեկ հարյուր քսանհինգ
հազար/ դրամ գումարից ՀՀ 83.780 /ութսուներեք հազար յոթ հարյուր ութսուն/ դրամ
գումարը վերադարձնել Մանուկ Մանուկյանի մորը` Եվգենիա Տիգրանի
Գյուլնազարյանին։
Դատավճիռը կարող է բողոքարկվել ՀՀ Վերաքննիչ քրեական դատարանին՝
հրապարակվելու օրվանից հետո` մեկամսյա ժամկետում։
ԴԱՏԱՎՈՐ Ա. ՕՀԱՆՅԱՆ