N-ԵԱՔԴ/0001/01/18
Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ ՔՐԵԱԿԱՆ
ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

<<20>> օգոստոսի 2018թ. ք.Երևան

ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ՝ Մ.ՄԵԼՔՈՆՅԱՆ
ՔԱՐՏՈՒՂԱՐՈՒԹՅԱՄԲ՝ Լ.ՄԱՐՏԻՐՈՍՅԱՆԻ

ՄԱՍՆԱԿՑՈՒԹՅԱՄԲ՝
ՄԵՂԱԴՐՈՂ Լ.ՄԱՆՈՒԿՅԱՆԻ
ԱՄԲԱՍՏԱՆՅԱԼ Ա.ԲԱՂԴԱՍԱՐՅԱՆԻ
ՊԱՇՏՊԱՆ Լ.ԱՍԼԱՆՅԱՆԻ

Դռնբաց դատական նիստում քննության առնելով քրեական գործն ըստ մեղադրանքի Արմեն Աշոտի Բաղդասարյանի՝ ծնված 26.06.1981թվականին, քաղաք Երևան,ազգությամբ հայ,ՀՀ քաղա-
քացի,միջնակարգ կրթությամբ,չամուսնացած, չի աշխատում, նախկինում չդատված,
հաշվառված է և բնակվում է քաղաք Երևան, Լեփսիուսի փողոց, 11շենք, 12բնակարան
հասցեում, 10.10.2017թվականին որպես խափանման միջոց է ընտրվել ստորագրու-
թյուն չհեռանալու մասին:
Մեղադրվում է ՀՀ Քրեական օրենսգրքի 268հոդվածի 1-ին մասով:
Դատաքննությամբ և գործի տվյալներով դատարանը

Պ Ա Ր Զ Ե Ց

Գործով ամբաստանյալ Արմեն Աշոտի Բաղդասարյանը մեղադրվում է այն բանում, որ նա խախտելով »Թմրամիջոցների և հոգեմետ նյութերի մասին« 2002թվականի դեկտեմբերի 26-ի ՀՀ Օրենքի թիվ 270-Ն որոշման պահանջները, ապօրինի պատրաստել և իր մոտ է պահել զգալի չափի՝ 0,54գրամ հաստատուն քաշով բուսական ծագմամբ »մարիխուանա« տեսակի թմրամիջոց, կանեփ բույսի ցողունների կոտրատված մասեր, որոնք պարունակում են կաննաբինոիդների և թմրալկալոիդ՝ տետրահիդրոկաննաբինոլի հետքեր, իր կողմից ծաղկամանում աճեցված՝ թմրալկալոիդ՝ տետրահիդրոկանաբինոլ պարունակող կանեփ տեսակի բույս, որի տերևներից պատրաստել է թմրանյութ, օգտագործված ներարկիչներ, կաթոցիչներ և սրիչներ, որոնք էլ հայտնաբերվել են 2017թվականի սեպտեմբերի 11-ին վերջինիս՝ Երևան քաղաքի Յ.Լեփսիուսի փողոցի 11շենքի, 12բնակարանում:
Վերը նշված հանցավոր արարքը կատարելու համար նախաքննական մարմինը Արմեն Աշոտի Բաղդասարյանին մեղադրանք է առաջադրել ՀՀ Քրեական օրենսգրքի 268հոդվածի 1-ին մասով և 08.01.2018թվականին մեղադրական եզրակացությամբ թիվ 09180317քրեական գործն ուղարկվել է ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
Մինչ դատաքննությունն սկսելը, նկատի ունենալով ՀՀ Ազգային ժողովի կողմից 06.12.2017թվականին ընդունված և 27.06.2018թվականին ուժի մեջ մտած »ՀՀ Քրեական օրենսգրքում փոփոխություններ և լրացումներ կատարելու մասին« ՀՕ-241-Ն ՀՀ Օրենքը, ամբաստանյալ Արմեն Աշոտի Բաղդասարյանի պաշտպան Լ.Ասլանյանը դատաքննությամբ միջնորդություն ներկայացրեց՝ հարուցված թիվ ԵԱՔԴ/0001/01/18 քրեական գործի վարույթը՝ ՀՀ Քրեական դատավարության օրենսգրքի 35հոդվածի 1-ին մասի 2-րդ կետով հանցակազմի բացակայության հիմքով կարճելու և Արմեն Բաղդասարյանի նկատմամբ քրեական հետապնդումը դադարեցնելու վերաբերյալ:
Ամբաստանյալ Արմեն Աշոտի Բաղդասարյանը միացավ պաշտպանի միջնորդությանը և խնդրեց իր նկատմամբ քրեական գործի վարույթը կարճել և քրեական հետապնդումը դադարեցնել:
Մեղադրողը միջնորդության դեմ չառարկեց հայտնելով, որ 06.12.2017թվականին ընդունված և 27.06.2018թվականին ուժի մեջ մտած »ՀՀ Քրեական օրենսգրքում փոփոխություններ և լրացումներ կատարելու մասին« ՀՕ-241-Ն ՀՀ Օրենքի արդյունքում ՀՀ Քրեական օրենսգրքի 268հոդվածի 1-ին մասով կատարված հանցանքում բացակայում է հանցակազմը:
Դատարանը, քննության առնելով քրեական գործի վարույթը կարճելու և ամբաստանյալի նկատմամբ քրեական հետապնդումը դադարեցնելու վերաբերյալ միջնորդությունը, լսելով կողմերին, հետազոտելով քրեական գործի նյութերը, գտնում է, որ միջնորդությունը ենթակա է բավարարման հետևյալ պատճառաբանությամբ.
»ՀՀ Քրեական օրենսգրքում փոփոխություններ և լրացումներ կատարելու մասին« 06.12.2017թվականին ընդունված օրենքի 1-ին հոդվածով ամրագրված իրավակարգավորումների, այդ թվում նաև »Թմրամիջոցների և հոգեմետ (հոգեներգործուն) նյութերի մանր, զգալի, խոշոր և առանձնապես խոշոր չափերը, շրջանառությունն արգելված՝ թմրամիջոցներ, հոգեմետ (հոգեներգործուն), խիստ ներգործող կամ թունավոր նյութեր պարունակող բույսերի ցանկը, դրանց մանր, զգալի, խոշոր, առանձնապես խոշոր չափերը, թմրամիջոցների և հոգեմետ (հոգեներգործուն) նյութերի պրեկուրսորների խոշոր և առանձնապես խոշոր չափերը. թունավոր նյութերի ցանկը, խիստ ներգործող նյութերի ցանկը և դրանց խոշոր չափերը սահմանելու մասին« ՀՀ կառավարության 27.06.2018թվականի N 707-ն որոշմամբ և կից հավելվածի 78-րդ կետի /սահմանված չափերի/ համատեքստում, անդրադառնալով ամբաստանյալ Արմեն Աշոտի Բաղդասարյանի նկատմամբ ՀՀ Քրեական օրենսգրքի 268հոդվածի 1-ին մասով ներկայումս քրեական հետապնդում իրականացնելը բացառող հանգամանքի առկայությանն ու այդ առնչությամբ վերջինիս նկատմամբ քրեական հետապնդումը դադարեցնելու և քրեական գործի վարույթը կարճելու վերաբերյալ հարցին, դատարանն անհրաժեշտ է համարում փաստել հետևյալը.
ՀՀ Ազգային ժողովի կողմից 06.12.2017թվականին ընդունված և 27.06.2018թվականին ուժի մեջ մտած »ՀՀ Քրեական օրենսգրքում փոփոխություններ և լրացումներ կատարելու մասին« ՀՕ-241-Ն օրենքի 1հոդվածի 1-ին կետի համաձայն՝
Հայաստանի Հանրապետության 2003թվականի ապրիլի 18-ի քրեական օրենսգրքի (այսուհետ՝ Oրենսգիրք) 266հոդվածում՝
1) 5-րդ մասը շարադրել հետևյալ խմբագրությամբ.
5. Սույն օրենսգրքում թմրամիջոցների և հոգեմետ (հոգեներգործուն) նյութերի զգալի չափեր են համարվում, Վարչական իրավախախտումների վերաբերյալ Հայաստանի Հանրապետության օրենսգրքի համաձայն, Հայաստանի Հանրապետության կառավարության կողմից սահմանված թմրամիջոցների և հոգեմետ (հոգեներգործուն) նյութերի մանր չափերի նվազագույն շեմի հնգապատիկից մինչև քսանհինգապատիկը ներառող չափերը:
2) լրացնել հետևյալ բովանդակությամբ 5.1-5.4-րդ մասերով.
5.1. Սույն օրենսգրքում թմրամիջոցների և հոգեմետ (հոգեներգործուն) նյութերի խոշոր չափեր են համարվում, Վարչական իրավախախտումների վերաբերյալ Հայաստանի Հանրապետության օրենսգրքի համաձայն, Հայաստանի Հանրապետության կառավարության կողմից սահմանված թմրամիջոցների և հոգեմետ (հոգեներգործուն) նյութերի մանր չափերի նվազագույն շեմի քսանհինգապատիկից մինչև հարյուրքսանհինգապատիկը ներառող չափերը:
5.2. Սույն օրենսգրքում թմրամիջոցների և հոգեմետ (հոգեներգործուն) նյութերի առանձնապես խոշոր չափեր են համարվում, Վարչական իրավախախտումների վերաբերյալ Հայաստանի Հանրապետության օրենսգրքի համաձայն, Հայաստանի Հանրապետության կառավարության կողմից սահմանված թմրամիջոցների և հոգեմետ (հոգեներգործուն) նյութերի մանր չափերի նվազագույն շեմի հարյուրքսանհինգապատիկը գերազանցող չափերը:
5.3. Թմրամիջոցների և հոգեմետ (հոգեներգործուն) նյութերի զգալի, խոշոր և առանձնապես խոշոր չափերը սահմանում է Հայաստանի Հանրապետության կառավարությունը՝ հիմք ընդունելով սույն հոդվածի 5-րդ, 5.1-ին և 5.2-րդ մասերով սահմանված չափորոշիչները:
5.4. Թմրամիջոցների և հոգեմետ (հոգեներգործուն) նյութերի պրեկուրսորների խոշոր և առանձնապես խոշոր չափերը սահմանում է Հայաստանի Հանրապետության կառավարությունը:
»Թմրամիջոցների և հոգեմետ (հոգեներգործուն) նյութերի մանր, զգալի, խոշոր և առանձնապես խոշոր չափերը, շրջանառությունն արգելված՝ թմրամիջոցներ, հոգեմետ (հոգեներգործուն), խիստ ներգործող կամ թունավոր նյութեր պարունակող բույսերի ցանկը, դրանց մանր, զգալի, խոշոր, առանձնապես խոշոր չափերը, թմրամիջոցների և հոգեմետ (հոգեներգործուն) նյութերի պրեկուրսորների խոշոր և առանձնապես խոշոր չափերը. թունավոր նյութերի ցանկը, խիստ ներգործող նյութերի ցանկը և դրանց խոշոր չափերը սահմանելու մասին« ՀՀ կառավարության 27.06.2018թվականի հունիսի 27-ի N707-ն որոշման և կից հավելվածի 78-րդ կետի համաձայն` մարիխուանա տեսակի թմրամիջոցի համար որպես զգալի չափ է սահմանվել` 2.5-12.5 գրամը:
ՀՀ Քրեական օրենսգրքի 12հոդվածի համաձայն.
1.Արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով:
2.Հանցանք կատարելու ժամանակ է համարվում հանրության համար վտանգավոր գործողությունը /անգործությունը/ իրականացնելու ժամանակը` անկախ հետևանքները վրա հասնելու պահից:
ՀՀ Քրեական օրենսգրքի 13հոդվածի համաձայն.
1.Արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչ այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն:
2. Արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի:
3.Պատասխանատվությունը մասնակիորեն մեղմացնող և միաժանակյա պատասխանատվությունը մասնակիորեն խստացող օրենքը հետադարձ ուժ ունի միայն այն մասով, որը մեղմացնում է պատասխանատվությունը:
Վերը մեջ բերված իրավադրույթներից հետևում է, որ թեև արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով, սակայն արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի: Այսինքն` տարածվում է մինչ այդ օրենքն ուժի մեջ մտնելը համապատասխան արարք կատարած անձանց վրա:
ՀՀ Քրեական օրենսգրքի 3հոդվածի համաձայն` քրեական պատասխանատվության միակ հիմքը հանցանք, այսինքն` այնպիսի արարք կատարելն է, որն իր մեջ պարունակում է քրեական օրենքով նախատեսված հանցակազմի բոլոր հատկանիշները:
ՀՀ Քրեական դատավարության օրենսգրքի 35հոդվածի 1-ին մասի 2-րդ կետի համաձայն՝ քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե` /.../ արարքի մեջ հանցակազմ չկա /.../:
ՀՀ Քրեական դատավարության օրենսգրքի 35հոդվածի 5-րդ մասի համաձայն՝ Դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցը:
ՀՀ Քրեական օրենսգրքի 268հոդվածի 1-ի մասի համաձայն՝ առանց իրացնելու նպատակի զգալի չափերով թմրամիջոցներ կամ հոգեմետ (հոգեներգործուն) նյութեր ապօրինի պատրաստելը, վերամշակելը, ձեռք բերելը, պահելը, փոխադրելը կամ առաքելը՝ պատժվում է կալանքով՝ առավելագույնը երկու ամիս ժամկետով, կամ ազատազրկմամբ՝ առավելագույնը մեկ տարի ժամկետով:
Ամբաստանյալ Արմեն Աշոտի Բաղդասարյանին ՀՀ Քրեական օրենսգրքի 268հոդվածի 1-ի մասով մեղադրանք է առաջադրվել այն բանի համար, որ նա խախտելով »Թմրամիջոցների և հոգեմետ նյութերի մասին« 2002թվականի դեկտեմբերի 26-ի ՀՀ Օրենքի թիվ 270-Ն որոշման պահանջները, ապօրինի պատրաստել և իր մոտ է պահել զգալի չափի՝ 0,54գրամ հաստատուն քաշով բուսական ծագմամբ »մարիխուանա« տեսակի թմրամիջոց, կանեփ բույսի ցողունների կոտրատված մասեր, որոնք պարունակում են կաննաբինոիդների և թմրալկալոիդ՝ տետրահիդրոկաննաբինոլի հետքեր, իր կողմից ծաղկամանում աճեցված՝ թմրալկալոիդ՝ տետրահիդրոկանաբինոլ պարունակող կանեփ տեսակի բույս, որի տերևներից պատրաստել է թմրանյութ, օգտագործված ներարկիչներ, կաթոցիչներ և սրիչներ, որոնք էլ հայտնաբերվել են 2017թվականի սեպտեմբերի 11-ին վերջինիս՝ Երևան քաղաքի Յ.Լեփսիուսի փողոցի 11շենքի, 12բնակարանում:
ՀՀ Քրեական օրենսգրքի 268հոդվածի 1-ին մասով քրեական պատասխանատվություն է նախատեսվում առանց իրացնելու նպատակի զգալի չափերով թմրամիջոցներ կամ հոգեմետ /հոգեներգործուն/ նյութեր ապօրինի պատրաստելու, վերամշակելու, ձեռք բերելու, պահելու, փոխադրելու կամ առաքելու համար:
ՀՀ Քրեական օրենսգրքի 3հոդվածի համաձայն` քրեական պատասխանատվության միակ հիմքը հանցանք, այսինքն` այնպիսի արարք կատարելն է, որն իր մեջ պարունակում է քրեական օրենքով նախատեսված հանցակազմի բոլոր հատկանիշները:
Վերը շարադրված իրավադրույթները, իրավական վերլուծություններն կիրառելով սույն քրեական գործի նկատմամբ՝ Դատարանն արձանագրում է, որ ամբաստանյալ Արմեն Աշոտի Բաղդասարյանին առաջադրված մեղադրանքում ներառված 0,54գրամ քաշով մարիխուանա տեսակի թմրամիջոցը, վերը նշված հավելվածի համաձայն ներկայումս որպես այդպիսին զգալի չափ համարվել չի կարող: »ՀՀ քրեական օրենսգրքում փոփոխություններ և լրացումներ կատարելու մասին« 06.12.2017թվականին ընդունված օրենքի 1-ին հոդվածով ամրագրված իրավակարգավորումներն, այդ թվում նաև ՀՀ կառավարության 27.06.2018թվականի N 707-ն որոշմամբ և կից հավելվածի 78-րդ կետով սահմանված չափերը կիրառելին են նաև նախկինում ծագած իրավահարաբերության նկատմամբ և նշված իրավակարգավորումները հետադարձ ուժ ունեն և տարածվում են մինչ դրանց ուժի մեջ մտնելը համապատասխան արարք կատարած անձանց վրա, հետևաբար քննարկվող դեպքում, առկա չէ հանցակազմ, ինչը հիմք է Արմեն Աշոտի Բաղդասարյանի նկատմամբ ՀՀ Քրեական օրենսգրքի 268հոդվածի 1-ին մասով քրեական հետապնդումը դադարեցնելու և քրեական գործով վարույթը կարճելու համար` հանցակազմի բացակայության հիմքով:
Քննարկելով խափանման միջոցի հարցը, դատարանը գտնում է, որ Արմեն Աշոտի Բաղդասարյանի նկատմամբ ընտրված խափանման միջոցը՝ ստորագրություն չհեռանալու մասին, պետք է վերացնել, քանի որ վերացել է դրա անհրաժեշտությունը:
Գործով քաղաքացիական հայցի պահանջ չկա:
Գույքի վրա կալանք դնելու մասին որոշում չի կայացվել։
Քննության առնելով իրեղեն ապացույցների տնօրինման հարցը, դատարանը հանգում է այն հետևության, որ իրեղեն ապացույց ճանաչված բուսական ծագմամբ 0.54գրամ հաստատուն քաշով »մարիխուանա« տեսակի թմրամիջոցը, 1.39գրամ քաշով կանեփի բույսի ցողունները, ապակյա կաթոցիչը, »Пипольфен 2мл« գրառմամբ դատարկ ապակյա դեղասրվակը, մետաղական պատառաքաղին ամրացված կոտրված դատարկ ապակյա տարան,»SAFETI MATCH SCHISSORS« գրառմամբ լուցկու տուփի մեջ դրված »РАПИРА« գրառմամբ թվով 9օգտագործված մետաղական ածելիները, մեկանգամյա օգտագործման համար նախատեսված թվով 7դատարկ ներարկիչները, ասեղները, ասեղակալները, »DISCARD AFTER USE 20-22 ml« գրառմամբ մեկանգամյա օգտագործման համար նախատեսված ներարկիչը, ծաղկամանում աճած »կանեփ« բույսը պետք է ոչնչացնել:
Դատական ծախսերի հարցը համարել լուծված:
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 35հոդվածի 1-ին մասի 2-րդ կետով, 5-րդ մասով, 313հոդվածով դատարանը
Ո Ր Ո Շ Ե Ց

Արմեն Աշոտի Բաղդասարյանի վերաբերյալ քրեական գործի վարույթը ՀՀ Քրեական օրենսգրքի 268հոդվածի 1-ին մասով կարճել և նրա նկատմամբ քրեական հետապնդումը դադարեցնել` հանցակազմի բացակայության հիմքով:
Արմեն Աշոտի Բաղդասարյանի նկատմամբ ընտրված խափանման միջոցը՝ ստորագրություն չհեռանալու մասին, վերացնել:
Քաղաքացիական հայցի պահանջ չկա:
Գործով իրեղեն ապացույց ճանաչված բուսական ծագմամբ 0.54գրամ հաստատուն քաշով »մարիխուանա« տեսակի թմրամիջոցը, 1.39գրամ քաշով կանեփի բույսի ցողունները, ապակյա կաթոցիչը, »Пипольфен 2мл« գրառմամբ դատարկ ապակյա դեղասրվակը, մետաղական պատառաքաղին ամրացված կոտրված դատարկ ապակյա տարան, »SAFETI MATCH SCHISSORS« գրառմամբ լուցկու տուփի մեջ դրված »РАПИРА« գրառմամբ թվով 9օգտագործված մետաղական ածելիները, մեկանգամյա օգտագործման համար նախատեսված թվով 7դատարկ ներարկիչները, ասեղները, ասեղակալները, »DISCARD AFTER USE 20-22 ml« գրառմամբ մեկանգամյա օգտագործման համար նախատեսված ներարկիչը, ծաղկամանում աճած »կանեփ« բույսը ոչնչացնել:
Դատական ծախսերի հարցը համարել լուծված:
Որոշումը կարող է բողոքարկվել ՀՀ Վերաքննիչ քրեական դատարան՝ հրապարակման պահից մեկամսյա ժամկետում:

ԴԱՏԱՎՈՐ` Մ.ՄԵԼՔՈՆՅԱՆ


Որոշումը չի բողոքարկվել, մտել է օրինական ուժի մեջ
<<-------->> ------------------------- 2018թ.

ԴԱՏԱՎՈՐ՝ Մ.ՄԵԼՔՈՆՅԱՆ