Գործ ԵԱՔԴ/0227/01/17


Ո Ր Ո Շ ՈՒ Մ
ՔՐԵԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ և ՔՐԵԱԿԱՆ
ԳՈՐԾՈՎ ՎԱՐՈՒՅԹԸ ԿԱՐՃԵԼՈՒ ՎԵՐԱԲԵՐՅԱԼ

27.11.2018թ. ք.Երևան

Երևան քաղաքի ընդհանուր իրավասության դատարանը (այսուհետև` Դատարան)՝ նախագահությամբ դատավոր Ռ. Պապոյանի, քարտուղարությամբ Տ. Առաքելյանի, Մ. Մաղաքյանի, մասնակցությամբ` մեղադրող Ա.Մելիքյանի, ամբաստանյալներ Ա. Ավագյանի, Գ.Դարբինյանի, Վ.Պետրոսյանի, պաշտպան Ա.Գրիգորյանի, տուժող Մ. Ղազարյանի, քրեական գործով ըստ մեղադրանքի` Արփինե Իվանի Ավագյանի, Վառվարա Վարդանի Պետրոսյանի և Գայանե Սմբատի Դարբինյանի՝ ՀՀ քրեական օրենսգրքի 333-րդ հոդվածի 1-ին մասով, դռնբաց դատական նիստում քննության առնելով ամբաստանյալներ Արփինե Ավագյանի, Վառվարա Պետրոսյանի և Գայանե Դարբինյանի նկատմամբ ՀՀ քրեական օրենսգրքի 333-րդ հոդվածի 1-ին մասով հարուցված քրեական գործով քրեական հետապնդումը <<Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> ՀՀ օրենքի կիրառման հիմքով դադարեցնելու և քրեական գործով վարույթը կարճելու վերաբերյալ միջնորդությունը,

Պ Ա Ր Զ Ե Ց՝

1. գործի դատավարական նախապատմությունը.
2017 թվականի նոյեմբերի 16-ին ՀՀ գլխավոր դատախազության հատկապես կարևոր գործերով քննության վարչության ավագ դատախազ Ա.Շահբազյանը որոշում է կայացրել ՀՀ քրեական օրենսգրքի 333-րդ հոդվածի 1-ին մասով թիվ 61208417 քրեական գործը հարուցելու մասին:(h.1, հ.թ.108-109)
Նույն օրը ՀՀ գլխավոր դատախազության հատկապես կարևոր գործերով քննության վարչության ավագ դատախազ Ա.Շահբազյանը որոշում է կայացրել թիվ 61208417 և թիվ 16186417 քրեական գործերը միացնելու և նախաքննությունը մեկ վարույթում` 16186417 համարով շարունակելու մասին(h.1, հ.թ. 109-110)
2017 թվականի նոյեմբերի 24-ին ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնի ավագ քննիչ Ա.Արմենակյանը որոշում է կայացրել թիվ 16186417 քրեական գործը վարույթ ընդունելու մասին:(հ.1, գ.թ.112-113)
Քննիչի՝ 2017 թվականի նոյեմբերի 24-ի որոշմամբ թիվ 16186417 քրեական գործով Մարիամ Ղազարյանը ճանաչվել է տուժող (հ.1գ.թ.114-115)
2017 թվականի դեկտեմբերի 14-ին ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնի ավագ քննիչ Ա.Բեգլարյանը(այսուհետ նաև ՝ քննիչ) որոշում է կայացրել թիվ 16186417 քրեական գործը վարույթ ընդունելու մասին:(հ.1, գ.թ.125-126)
2017 թվականի դեկտեմբերի 14-ին քննիչը որոշում է կայացրել թիվ 16186417 քրեական գործից թիվ 61208417 քրեական գործն (այսուհետև` քրեական գործ) առանձնացնելու և վարույթ ընդունելու մասին:(հ.1, գ.թ.1-5)
Քննիչի` 2017 թվականի դեկտեմբերի 26-ի որոշմամբ Արփինե Իվանի Ավագյանը քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 333-րդ հոդվածի 1-ին մասով:
Համաձայն անձին որպես մեղադրյալ ներգրավելու մասին որոշման. << (…) գործով ձեռք են բերվել հանցանքի կատարումը վկայող բավարար ապացույցների համակցություն, որոնք հիմք են տալիս որպես մեղադրյալ ներգրավելու և մեղադրանք առաջադրելու Արփինե Իվանի Ավագյանին (…) այն արարքի համար, որ նա, գիտակցելով, որ իր տրամադրած տեղեկությունը կեղծ է, կատարել է հանցագործության մասին սուտ մատնություն՝ այն է, Երևան քաղաքի Վ. Վաղարշյան 13Ա հասցեում գտնվող Հայաստանի Հանրապետության հատուկ քննչական ծառայությունում քննվող թիվ 16186417 քրեական գործի նախաքննության ընթացքում՝ 2017 թվականի սեպտեմբերի 12-ին՝ ժամը 10:30-ից 11:30-ն ընկած ժամանակահատվածում, որպես վկա հարցաքննության ժամանակ, գիտակցելով, որ իր տրամադրած տեղեկությունը կեղծ է, ցուցմունք է տվել այն մասին, որ ՀՀ ոստիկանության Մալաթիայի բաժնի հետաքննության բաժանմունքի հետաքննիչ Մարիամ Ղազարյանին հայտնել է, որ Սերյոժա Առաքելյանի և Սոս Բարսեղյանի միջև 17.07.2017 թվականին տեղի ունեցած վիճաբանությանն ինքը, Գայանե Դարբինյանը և Վառվարա Պետրոսյանն ականատես չեն եղել, սակայն հետաքննիչի թելադրանքով Գայանե Դարբինյանը և Վառվարա Պետրոսյանը անձամբ, իսկ իր փոխարեն՝ հետաքննիչը, գրել են իրականությանը չհամապատասխանող բացատրություն, որով հետաքննիչին մեղադրել է պաշտոնեական դիրքը չարաշահելու մեջ: Սակայն, նախաքննության ընթացքում հայտնել է, որ նախորդ ցուցմունքով սխալ է հայտնել, իրականում մինչև ոստիկանություն գնալը պայմանավորվել են և ոստիկանությունում՝ հետաքննիչին պատմել են, թե իբր ականատես են եղել դեպքին, իսկ հետաքննիչին էլ արձանագրել է իր պատմածը:
Այսինքն, Արփինե Ավագյանին մեղսագրվում է հանցավոր արարք, որը նախատեսված է ՀՀ քրեական օրենսգրքի 333-րդ հոդվածի 1-ին մասով(…)>>: (հ.1,գ.թ. 136-137, 140)
Նույն օրվա որոշմամբ Արփինե Ավագյանի նկատմամբ խափանման միջոց է կիրառվել չհեռանալու մասին ստորագրությունը: (հ.1, գ.թ.172-143)
Քննիչի` 2017 թվականի դեկտեմբերի 26-ի որոշմամբ Գայանե Սմբատի Դարբինյանը քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 333-րդ հոդվածի 1-ին մասով:
Համաձայն անձին որպես մեղադրյալ ներգրավելու մասին որոշման.<< (…) գործով ձեռք են բերվել հանցանքի կատարումը վկայող բավարար ապացույցների համակցություն, որոնք հիմք են տալիս որպես մեղադրյալ ներգրավելու և մեղադրանք առաջադրելու Գայանե Սմբատի Դարբինյանին (…)այն արարքի համար, որ նա, գիտակցելով, որ իր տրամադրած տեղեկությունը կեղծ է, կատարել է հանցագործության մասին սուտ մատնություն՝ այն է, Երևան քաղաքի Վ. Վաղարշյան 13Ա հասցեում գտնվող Հայաստանի Հանրապետության հատուկ քննչական ծառայությունում քննվող թիվ 16186417 քրեական գործի նախաքննության ընթացքում՝ 2017 թվականի օգոստոսի 7-ին՝ ժամը 15:41-ից 17:05-ն ընկած ժամանակահատվածում, որպես վկա հարցաքննության ժամանակ, գիտակցելով, որ իր տրամադրած տեղեկությունը կեղծ է, ցուցմունք է տվել այն մասին, որ ՀՀ ոստիկանության Մալաթիայի բաժնի հետաքննության բաժանմունքի հետաքննիչ Մարիամ Ղազարյանին հայտնել է, որ Սերյոժա Առաքելյանի և Սոս Բարսեղյանի միջև 17.07.2017 թվականին տեղի ունեցած վիճաբանությանն ինքը, Վառվարա Պետրոսյանը և Արփինե Ավագյանն ականատես չեն եղել, սակայն հետաքննիչի թելադրանքով ինքը և Վառվարա Պետրոսյանն անձամբ, իսկ Արփինե Ավագյանի փոխարեն՝ հետաքննիչը, գրել են իրականությանը չհամապատասխանող բացատրություն, որով հետաքննիչին մեղադրել են պաշտոնեական դիրքը չարաշահելու մեջ: Սակայն, նախաքննության ընթացքում հայտնել է, որ նախորդ ցուցմունքով սխալ է հայտնել, իրականում մինչև ոստիկանություն գնալը պայմանավորվել են և ոստիկանությունում՝ հետաքննիչին, պատմել են, թե իբր ականատես են եղել դեպքին և գրել բացատրություն, իսկ հետաքննիչին էլ արձանագրել է իր պատմածը:
Այսինքն, Գայանե Դարբինյանին մեղսագրվում է հանցավոր արարք, որը նախատեսված է ՀՀ քրեական օրենսգրքի 333-րդ հոդվածի 1-ին մասով: (...)>>:(հ.1, գ.թ.145-146, 149-150)
Նույն օրվա որոշմամբ Գայանե Դարբինյանի նկատմամբ խափանման միջոց է կիրառվել չհեռանալու մասին ստորագրությունը: (հ.1, գ.թ.151-152)
Քննիչի` 2017 թվականի դեկտեմբերի 26-ի որոշմամբ Վառվարա Վարդանի Պետրոսյանը քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 333-րդ հոդվածի 1-ին մասով:
Համաձայն անձին որպես մեղադրյալ ներգրավելու մասին որոշման.<< (…) գործով ձեռք են բերվել հանցանքի կատարումը վկայող բավարար ապացույցների համակցություն, որոնք հիմք են տալիս որպես մեղադրյալ ներգրավելու և մեղադրանք առաջադրելու Վառվարա Վարդանի Պաետրոսյանին (…) այն արարքի համար, որ նա, գիտակցելով, որ իր տրամադրած տեղեկությունը կեղծ է, կատարել է հանցագործության մասին սուտ մատնություն՝ այն է, Երևան քաղաքի Վ. Վաղարշյան 13Ա հասցեում գտնվող Հայաստանի Հանրապետության հատուկ քննչական ծառայությունում քննվող թիվ 16186417 քրեական գործի նախաքննության ընթացքում՝ 2017 թվականի օգոստոսի 7-ին՝ ժամը 17:20-ից 18:20-ն ընկած ժամանակահատվածում, որպես վկա հարցաքննության ժամանակ, գիտակցելով, որ իր տրամադրած տեղեկությունը կեղծ է, ցուցմունք է տվել այն մասին, որ ՀՀ ոստիկանության Մալաթիայի բաժնի հետաքննության բաժանմունքի հետաքննիչ Մարիամ Ղազարյանին հայտնել է, որ Սերյոժա Առաքելյանի և Սոս Բարսեղյանի միջև 17.07.2017 թվականին տեղի ունեցած վիճաբանությանն ինքը, Գայանե Դարբինյանը և Արփինե Ավագյանն ականատես չեն եղել, սակայն հետաքննիչի թելադրանքով ինքը և Գայանե Դարբինյանն անձամբ, իսկ Արփինե Ավագյանի փոխարեն՝ հետաքննիչը, գրել են իրականությանը չհամապատասխանող բացատրություն, որով հետաքննիչին մեղադրել է պաշտոնեական դիրքը չարաշահելու մեջ: Սակայն, նախաքննության ընթացքում հայտնել է, որ նախորդ ցուցմունքով սխալ է հայտնել, իրականում մինչև ոստիկանություն գնալը պայմանավորվել են և ոստիկանությունում՝ հետաքննիչին, պատմել են, թե իբր ականատես են եղել դեպքին և գրել բացատրություն, իսկ հետաքննիչին էլ արձանագրել է իր պատմածը:
Այսինքն, Վառվարա Պետրոսյանին մեղսագրվում է հանցավոր արարք, որը նախատեսված է ՀՀ քրեական օրենսգրքի 333-րդ հոդվածի 1-ին մասով:>> (h.1, գ.թ. 154-155,158)
Նույն օրվա որոշմամբ Վառվարա Պետրոսյանի նկատմամբ խափանման միջոց է կիրառվել չհեռանալու մասին ստորագրությունը: (հ.1, գ.թ.159-160)
2017 թվականի դեկտեմբերի 27-ին Երևան քաղաքի Մալաթիա-Սեբաստիա վարչական շրջանի դատախազության դատախազ Ա.Մելիքյանը որոշում է կայացրել մեղադրական եզրակացությունը հաստատելու մասին:(հ.2, գ.թ.4-5)
Քրեական գործն ըստ մեղադրանքի` Արփինե Ավագյանի, Վառվարա Պետրոսյանի և Գայանե Դարբինյանի՝ ՀՀ քրեական օրենսգրքի 333-րդ հոդվածի 1-ին մասով, ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան, որը նույն դատարանում մուտք է եղել 2017 թվականի դեկտեմբերի 28-ին(հ.2, գ.թ.1) և դեկտեմբերի 29-ին դատավոր Ա.Նիկողոսյանի կողմից ընդունվել է վարույթ (հ.2, գ.թ.6):
Դատավոր Ա.Նիկողոսյանի՝ 23.05.2018թ.-ի զեկուցագրի հիման վրա 2018 թվականի մայիսի 25-ին քրեական գործը վերամակագրվել է Երևան քաղաքի ընդհանուր իրավասության դատարանի դատավոր Ռ.Պապոյանին, որը հանձնվել է 2018 թվականի մայիսի 29-ին և նույն օրն ընդունվել է վարույթ: (h.3. գ.թ.2, 4)
2018 թվականի հունիսի 11-ին Դատարանը որոշում է կայացրել քրեական գործը դատական քննություն նշանակելու մասին: (հ.3, գ.թ.20-21)
2018 թվականի նոյեմբերի 11-ին ամբաստանյալների պաշտպան Ա.Գրիգորյանը դիմում է հասցեագրել Դատարանին, հայտնելով, որ 2018 թվականի նոյեմբերի 18-ից 28-ը ներառյալ գտնվելու է ամենամյա հերթական արձակուրդում և չի կարող մասնակցել նոյեմբերի 27-ին կայանալիք դատական նիստին: (հ.3, գ.թ.169)
Դիմումին կից պաշտպան Ա.Գրիգորյանը ներկայացրել է միջնորդություն, որով միջնորդել է ամբաստանյալների նկատմաբ կիրառել <<Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> օրենքը: (հ.3, գ.թ.170-171)
Դատական քննության ընթացքում ամբաստանյալներ Արփինե Ավագյանը, Վառվարա Պետրոսյանը և Գայանե Դարբինյանը միացան միջնորդությանը, հայտնեցին, որ չեն առարկում դատական նիստը պաշտպանի բացակայությամբ շարունակվելու դեմ, խնդրեցին կիրառել <<Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> օրենքը(այսուհետ նաև` համաներման մասին օրենք), և իրենց նկատմամբ քրեական հետապնդումը դադարեցնել:
2. Միջնորդության դեմ ներկայացված դիրքորոշումն ու հիմնավորումները.
Ամբաստանյալներ Արփինե Ավագյանը, Վառվարա Պետրոսյանը և Գայանե Դարբինյանը միացան պաշտպանի միջնորդությանը, հայտնեցին, որ չեն առարկում համաներան մասին օրենքի կիրառման դեմ, խնդրեցին իրենց նկատմամբ քրեական հետապնդումը դադարեցնել:
Մեղադրող Ա.Մելիքյանը և տուժող Մ.Ղազարյանն իրենց հերթին չառարկեցին միջնորդության դեմ:
3.Միջնորդության քննության համար էական նշանակություն ունեցող հանգամանքները.
Ամբաստանյալներ Վառվարա Պետրոսյանին, Գայանե Դարբինյանին և Արփինե Ավագյանին մեղադրանք է առաջադրվել ՀՀ քրեական օրենսգրքի 333-րդ հոդվածի 1-ին մասով, ենթադրյալ հանցագործության դեպքերը տեղի են ունեցել 2017 թվականի օգոստոսի 7-ին, Արփինե Ավագյանի դեպքում` 2017 թվականի սեպտեմբերի 12-ին:
2018 թվականի նոյեմբերի 16-ին ՀՀ ոստիկանության ԻԿ-ից ստսցված տեղեկանքների համաձայն Վառվարա Պետրոսյանը և Արփինե Ավագյանը նախկինում դատապարտված չեն եղել, Գայանե Դարբինյանի նախկին դատվածությունը մարվել է, այլ հանցագործությունների կատարման մեջ ամբաստանյալները չեն մեղադրվում, նրանց նախկինում Հայաստանի Հանրապետության նախագահի հրամանագրով ներում չի շնորհվել, նրան նկատմամբ ՀՀ Ազգային ժողովի` համաներում հայտարարելու մասին որոշում չի կիրառվել: (հ.3, գ.թ.175-179),
4.Դատարանի իրավական վերլուծությունը և եզրահանգումը.
ՀՀ քրեական օրենսգրքի 82-րդ հոդվածի համաձայն` հանցանք կատարած անձն օրենսդիր մարմնի կողմից ընդունվող համաներման ակտով կարող է ազատվել քրեական պատասխանատվությունից, իսկ դատապարտյալը կարող է լրիվ կամ մասնակիորեն ազատվել ինչպես հիմնական, այնպես էլ լրացուցիչ պատժից, կամ պատժի չկրած մասը կարող է փոխարինվել ավելի մեղմ պատժատեսակով, կամ կարող է վերացվել դատվածությունը:
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման մասին օրենք:
Նույն հոդվածի 6-րդ մասի համաձայն.
<< 6. Սույն հոդվածի առաջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետապնդման դադարեցում չի թույլատրվում, եթե դրա դեմ առարկում է մեղադրյալը: Այս դեպքում գործի վարույթը շարունակվում է սովորական կարգով:
Սույն հոդվածի առաջին մասի 13-րդ կետում նշված հիմքով գործի հարուցման մերժում, վարույթի կարճում և քրեական հետապնդման դադարեցում չի թույլատրվում, եթե չի հատուցվել կամ այլ կերպ չի հարթվել պատճառված վնասը, կամ առկա է վեճ հատուցման ենթակա վնասի կապակցությամբ: Այս դեպքում ևս գործի վարույթը շարունակվում է սովորական կարգով: Սույն պարբերությամբ նախատեսված կարգավորումը գործում է, եթե համաներման մասին օրենքով այլ բան նախատեսված չէ:>>:
<<Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> ՀՀ օրենքի 1-ին հոդվածի համաձայն.
<<1. Սույն օրենքը կարգավորում է 2018 թվականի հոկտեմբերի 21-ը ներառյալ հանցագործություն կատարելու մեջ կասկածվող, մեղադրվող կամ հանցագործություն կատարած անձանց նկատմամբ համաներում հայտարարելու հետ կապված հարաբերությունները:>>:
Համաներման մասին օրենքի 2-րդ հոդվածի 5-րդ մասի համաձայն.
<<(...)հարուցված քրեական գործը կարճել, ինչպես նաև դադարեցնել քրեական հետապնդումը կամ չիրականացնել քրեական հետապնդում 2018 թվականի հոկտեմբերի 21-ը ներառյալ կատարած հանցագործությունների դեպքերով(...), որոնցով
1) անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ՝ ոչ ավելի, քան չորս տարի ժամկետով ազատազրկում.
(...)>>:
Դատարանն արձանագրում է, որ ամբաստանյալներ Վառվարա Պետրոսյանին, Գայանե Դարբինյանին և Արփինե Ավագյանին մեղադրանք է առաջադրվել սուտ մատնության` գիտակցելով տրամադրված տեղեկատվության կեղծ լինելու մասին հանցագործության մասին սուտ մատնություն կատարելու համար, կատարված հանցագործություններից յուրաքանչյուրը որակվել է ՀՀ քրեական օրենսգրքի 333-րդ հոդվածի 1-ին մասով, որոնք, համապատասխանաբար, տեղի են ունեցել 2017 թվականի օգոստոսի 7-ին, Արփինե Ավագյանի դեպքում` 2017 թվականի սեպտեմբերի 12-ին:
Միևնույն ժամանակ դատարանն արձանագրում է, որ ՀՀ քրեական օրենսգրքի 333-րդ հոդվածի 1-ին մասով հանցագործության համար պատիժ է նախատեսվում տուգանքի ձևով՝ նվազագույն աշխատավարձի երկուհարյուրապատիկից չորսհարյուրապատիկի չափով, կամ կալանքի ձևով՝ մեկից երեք ամիս ժամկետով, կամ ազատազրկման ձևով՝ առավելագույնը երկու տարի ժամկետով:
Մեջբերված իրավադրույթների բովանդակության ներքո գնահատելով սույն քրեական գործով ձեռք բերված փաստական հանգամանքները` Դատարանն արձանագրում է, որ ամբաստանյալներ Վառվարա Պետրոսյանի, Գայանե Դարբինյանի և Արփինե Ավագյանի նկատմամբ կիրառելի է <<Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> ՀՀ օրենքի 2-րդ հոդվածի 5-րդ մասի 1-ին կետը` հաշվի առնելով նաև այն փաստը, որ կատարված հանցագործություններով գույքային վնաս չի պատճառվել:
Անդրադառնալով համաներման մասին օրենքի 2-րդ հոդվածի 8-րդ կետում նշված բացառություններին` Դատարանն արձանագրում է, որ նշված կետում օրենսդրի կողմից ամրագրվել են այն հանցագործությունների վերաբերյալ հոդվածներն ու դրանց համապատասխան մասերը, որոնց պարագայում` համաներման մասին օրենքի 2-րդ հոդվածի 12-րդ համաձայն, անձանց համար սահմանվում է միայն պատժաչափի կրճատում:
Դրանց թվում բացակայում է ՀՀ քրեական օրենսգրքի 333-րդ հոդվածի 1-ին մասով նախատեսված հանցագործությունը, ուստի համաներման մասին օրենքի նշված դրույթը Վառվարա Պետրոսյանին, Գայանե Դարբինյանին և Արփինե Ավագյանին վերաբերելի չեն:
Բացի այդ, համաներման մասին oրենքի 2-րդ հոդվածի 10-րդ մասով սահմանվել են նաև մնացած այն դեպքերը, որոնց առկայության պայմաններում օրենսդիրն այդ օրենքի կիրառումը բացառել է: Մասնավորապես, համաներման մասին oրենքի 2-րդ հոդվածի 10-րդ մասի 5-րդ կետում թվարկվել են ՀՀ քրեական օրենսգրքի այն հոդվածներն ու հոդվածների համապատասխան մասերը, որոնցով նախատեսված արարքների համար համաներման մասին օրենքի կիրառումը բացառվել է: Դրանց շարքում ևս ՀՀ քրեական օրենսգրքի 333-րդ հոդվածի 1-ին մասն առկա չէ, և այդ հոդվածի նշված մասով նախատեսված արարքը կատարած անձանց նկատմամբ համաներման մասին օրենքը կիրառելի է:
Միևնույն ժամանակ, ամբաստանյալներ Վառվարա Պետրոսյանի, Գայանե Դարբինյանի և Արփինե Ավագյանի վերաբերյալ քրեական գործի նյութերում բացակայում են նաև համաներման մասին օրենքի 2-րդ հոդվածի 10-րդ մասի մյուս կետերով նախատեսված սահմանափակումները, որոնք կարող են արգելք հանդիսանալ նրանց նկատմամբ համաներման մասին օրենքի կիրառման համար` հաշվի առնելով այն հանգամանքը, որ ամբաստանյալններն ինչպես նախկինում, այնպես էլ ենթադրյալ հանցագործության կատարումից հետո քրեական օրենսգրքով նախատեսված արարքներ չեն կատարել, Գայանե Դարբինյանի դեպքում նախկին դատվածությունը մարվել է, նրանց նախկինում Հայաստանի Հանրապետության նախագահի հրամանագրով ներում չի շնորհվել, նրաց նկատմամբ ՀՀ Ազգային ժողովի` համաներում հայտարարելու մասին որոշում չի կիրառվել:
Համաներման մասին օրենքի 4-րդ հոդվածի 9-րդ մասի 1-ին կետի <<ա>> ենթակետի համաձայն.
<<Սույն օրենքի կատարումը վերապահել Հայաստանի Հանրապետության ընդհանուր իրավասության առաջին ատյանի և վերաքննիչ քրեական դատարաններին՝ այն անձանց նկատմամբ, որոնց վերաբերյալ գործերը ՀՀ ընդհանուր իրավասության առաջին ատյանի կամ վերաքննիչ քրեական դատարանում են, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնք պատիժը կրում են, որոնց վերաբերյալ գործերը քննվել են, սակայն դատավճիռներն օրինական ուժի մեջ չեն մտել:>:
Սույն որոշման մեջ վկայակոչված իրավադրույթների ու դրանց վերլուծության արդյունքում ձևավորված դատողությունների ներքո գնահատելով սույն քրեական գործով ձեռք բերված փաստական տվյալները` Դատարանը հանգում է այն հետևության, որ ամբաստանյալներ Վառվարա Պետրոսյանի, Գայանե Դարբինյանի և Արփինե Ավագյանի նկատմամբ կիրառելի է <<Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> ՀՀ օրենքի 2-րդ հոդվածի 5-րդ մասի 1-ին կետը, որպիսի պայմաններում նրանց նկատմամբ ՀՀ քրեական օրենսգրքի 333-րդ հոդվածի 1-ին մասով հարուցված քրեական հետապնդումը ենթակա է դադարեցման, քրեական գործով վարույթը`կարճման, ինչին չեն առարկել նաև ամբաստանյալները:
ՀՀ քրեական դատավարության օրենսգրքի 261-րդ հոդվածի 4-րդ մասի համաձայն.
<<4. Որոշման եզրափակիչ մասում շարադրվում են քրեական գործը կարճելու հիմքերը, օրենքի նորմը, որի հիման վրա կայացվում է որոշումը, խափանման միջոցը վերացնելու, կալանքի տակ գտնվող գույքի և սույն օրենսգրքով սահմանված կարգով իրեղեն ապացույցների տնօրինման վերաբերյալ հարցերը։>>:
Անդրադառնալով ամբաստանյալներ Վառվարա Պետրոսյանի, Գայանե Դարբինյանի և Արփինե Ավագյանի նկատմամբ չհեռանալու մասին ստորագրության ձևով կիրառված խափանման միջոցի հարցին` Դատարանը գտնում է, որ ՀՀ քրեական դատավարության օրենսգրքի 261-րդ հոդվածի 4-րդ մասի պահանջով այն ենթակա է վերացման:
4.Եզրափակիչ մաս.
Ելնելով վերոգրյալից, ղեկավարվելով <<Էրեբունի-Երևան հիմնադրամ 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> ՀՀ օրենքի 2-րդ հոդվածի 5-րդ մասի 1-ին կետի, 4-րդ հոդվածի 9-րդ մասի 1-ին կետի <<ա>> ենթակետի, ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի, 6-րդ մասի և 313-րդ հոդվածի պահանջներով` Դատարանը.

Ո Ր Ո Շ Ե Ց՝

<<Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> ՀՀ օրենքի 2-րդ հոդվածի 5-րդ մասի 1-ին կետի կիրառմամբ ամբաստանյալներ Արփինե Իվանի Ավագյանի(ծնվ.15.05.1974թ., ք.Երևան, ազգությամբ` հայ, ՀՀ քաղաքացի, բնակվում է քաղաք Երևան, Ոսկանյան 109 հասցեում), Վառվարա Վարդանի Պետրոսյանի(ծնվ.16.04.1966թ., ք.Երևան, ազգությամբ` հայ, ՀՀ քաղաքացի, բնակվում է քաղաք Երևան, Անդրանիկի 115/48 հասցեում) և Գայանե Սմբատի Դարբինյանի (ծնվ.11.05.1972թ., Տավուշի մարզի Այգեհովիտ գյուղում, ազգությամբ` հայ, ՀՀ քաղաքացի, բնակվում է Երևան քաղաքի Ծերենցի 2-րդ նրբանցք տուն 3 հասցեում) նկատմամբ ՀՀ քրեական օրենսգրքի 333-րդ հոդվածի 1-ին մասով հարուցված քրեական հետապնդումը դադարեցնել և քրեական գործով վարույթը կարճել:
Ամբաստանյալներ Վառվարա Պետրոսյանի, Գայանե Դարբինյանի և Արփինե Ավագյանի նկատմամբ չհեռանալու մասին ստորագրության վերացնել:
Որոշման պատճենը տրամադրել կողմերին:
Որոշումը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:


ԴԱՏԱՎՈՐ ՝ Ռ. Լ. ՊԱՊՈՅԱՆ