ԵԱՔԴ/0190/01/17

Ո Ր Ո Շ ՈՒ Մ
Քրեական հետապնդումը դադարեցնելու և քրեական գործի վարույթը
կարճելու մասին

§17¦ հունվարի 2018թ. ք. Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ նաև` Դատարան),

Նախագահությամբ` դատավոր Ա. Մաթևոսյանի,
Քարտուղարությամբ` Հ. Արտաշեսյանի,
Մասնակցությամբ`
Մեղադրող՝ Կ.Բարսեղյանի,
Տուժող՝ Մ.Սիմոնյանի,
Ամբաստանյալ՝ Գ.Հովակիմյանի,


դռնբաց դատական նիստում, քննության առնելով քրեական գործն ըստ մեղադրանքի Գագիկ Հայաստանի Հովակիմյանի` ծնված 28.09.1950թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, բնակվում է ք.Երևան, Դրոյի 56 տուն հասցեում, որպես խափանման միջոց է ընտրված ստորագրություն չհեռանալու մասին, մեղադրվում է ՀՀ քրեական օրենսգրքի 177-րդ հոդվածի 1-ին մասով,

Պ Ա Ր Զ Ե Ց

Գործի դատավարական նախապատմությունը.
2017 թվականի հոկտեմբերի 04-ին ՀՀ ոստիկանության Երևան քաղաքի վարչության Քանաքեռ-Զեյթունի բաժնում ՀՀ քրեական օրենսգրքի 177-րդ հոդվածի 1-ին մասով հարուցվել է թիվ 09182417 քրեական գործը:
Նույն օրը թիվ 09182417 քրեական գործն ուղարկվել է ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժին:
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի ավագ քննիչ Կ.Հովսեփյանի 2017 թվականի հոկտեմբերի 05-ի որոշմամբ թիվ 09182417 քրեական գործն ընդունվել է վարույթ:
Քննիչի նույն օրվա մեկ այլ որոշմամբ թիվ 09182417 քրեական գործով Մանվել Ռոբերտի Սիմոնյանը ճանաչվել է տուժող:
2017 թվականի հոկտեմբերի 13-ին Գագիկ Հայաստանի Հովակիմյանի նկատմամբ որպես խափանման միջոց է ընտրվել ստորագրություն չհեռանալու մասին:
2017 թվականի հոկտեմբերի 20-ին Գագիկ Հայաստանի Հովակիմյանը թիվ 09182417 քրեական գործով ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:
2017 թվականի նոյեմբերի 27-ին թիվ 09182417 քրեական գործով մեղադրյալ Գագիկ Հայաստանի Հովակիմյանին ՀՀ քրեական օրենսգրքի 177-րդ հոդված 1-ին մասով առաջադրված մեղադրանքը փոփոխվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:
Նույն օրը Գագիկ Հովակիմյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:
Քննիչի 2017 թվականի նոյեմբերի 28-ի որոշմամբ թիվ 09182417 քրեական գործով Գագիկ Հայաստանի Հովակիմյանի կողմից վարվող և Անժելա Մելոյանին սեփականության իրավունքով պատկանող՝ վազ 2106 մակնիշի 11 ՕՏ 624 հաշվառման համարանիշի ավտոմեքենայում կատարված խուզարկությամբ հայտնաբերված և առգրավված թվով մեկ հատ արտասահմանյան արտադրության գործիքների տուփը, որի մեջ անկանոն ձևով դրված են եղել մոտ 50 գրամ տարբեր չափերի գամեր, պտուտակներ, ամրակներ, թվով 4 հատ օգտագործված մոմիկներ, մեկ զույգ ձեռնոց, թվով 8 հատ 8-22սմ երկարությամբ պտուտակահաններ, հղկաթղթի կիսակտորներ, թվով 12 հատ 12-28 սմ երկարությամբ և 8-24սմ համարների արհեստագործական գործիք-բանալիներ, մեկ հատ 25 սմ երկարությամբ մուրճ, 3 հատ 17-21 սմ երկարությամբ հարթաշուրթ, մեկ հատ կոշկակարի դանակ, 1 հատ սև գույնի տուփ, ինչի մեջ թվով 7 հատ 9-19 համարների գործիք-բանալիներ, մեկ հատ բացովի դանակների կոմպլեկտ, թվով մեկ հատ արտասահմանյան արտադրության տուփ, որն ընդհանուր սև գույնի պլաստմասե իրանով է, մոխրագույն վերնամասով, ինչի վրա դեղին գույնի բռնակով և տուփը փակելու համար նախատեսված փականներով, որի մեջ անկանոն ձևով լցված են երկու հատ լողան, 15 հատ ծանրոց, մեկ հատ մկրատ, մեկ հատ ակցան, ազդանշան, մեկանգամյա օգտագործման համար նախատեսված անձեռոցիկներ, բացովի դանակ /լանցետ/, թվով մեկ գործիք բանալի, թվով մեկ զույգ ավտոմեքենաների մարտկոցից մարտկոց սնուցման համար նախատեսված հաղորդալարեր՝ սև ու կարմիր գույների, թվով մեկ հատ ավտոմեքենայի ամբարձիչ՝ 18 սմ երկարությամբ, ճանաչվել են իրեղեն ապացույցներ:
Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Կ.Բարսեղյանը 2017 թվականի դեկտեմբերի 04-ին հաստատել է թիվ 09182417 քրեական գործի մեղադրական եզրակացությունը և քրեական գործը` հաստատված մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան, որը Դատարանում ստացվել է 2017 թվականի դեկտեմբերի 05-ին:
Դատավորների միջև քրեական գործերի բաշխման էլեկտրոնային համակարգի միջոցով քրեական գործը թիվ ԵԱՔԴ/0190/01/17 համարի ներքո մակագրվել և 2017 թվականի դեկտեմբերի 06-ին հանձնվել է դատավոր Ա.Մաթևոսյանին:
Դատավոր Ա.Մաթևոսյանի 2017 թվականի դեկտեմբերի 06-ի որոշմամբ թիվ ԵԱՔԴ/0190/01/17 քրեական գործն ընդունվել է վարույթ և նույն թվականի դեկտեմբերի 11-ի որոշմամբ նշանակվել դատական քննության:

Գործի լուծման համար էական նշանակություն ունեցող հանգամանքները.
Գագիկ Հայաստանի Հովակիմյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով՝ մեղադրանքի փաստական կողմի հետևյալ նկարագրությամբ.
§[Գագիկ Հայաստանի Հովակիմյանը] մեղադրվում է այն բանում, որ նա ուրիշի գույքի զգալի չափի գաղտնի հափշտակություն կատարելու դիտավորությամբ 2017 թվականի սեպտեմբերի 29-ին ժամը 00:30-ից մինչև ժամը 11:00-ն ընկած ժամանակահատվածում Երևան քաղաքի Յան Ռայնիսի 3 շենքի բակային հատվածում կայանված Մանվել Ռոբերտի Սիմոնյանին պատկանող «Վազ 2106» մակնիշի 33 LV 910 հաշվառման համարանիշի ավտոմեքենայի բեռնախցիկը բացելու եղանակով այնտեղից գաղտնի հափշտակել է ընդհանուր զգալի չափերի՝ 38.400 ՀՀ դրամ արժողության՝ թվով մեկ հատ պահեստային անվադող իր անվահեծով, թվով երկու հատ հոսանքի փոխանցման լարեր, թվով մեկ հատ ամբարձիչ, մեկ տուփ գործիքներ և թվով մեկ հատ ձկնորսական պարագաների տուփ:(…)»:
2017 թվականի դեկտեմբերի 11-ին Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան է ստացվել թիվ 09182417 քրեական գործով տուժող Մանվել Ռոբերտի Սիմոնյանի` Երևան քաղաքի Արաբկիր և Քանաքեռ-Զեյթուն վարչական շրջանների դատախազին հասցեագրված դիմումը, որով հայտնում է, որ հաշտվել է նույն քրեական գործով մեղադրյալ Գագիկ Հայաստանի Հովակիմյանի հետ, վերջինս հատուցել է իրեն պատճառված վնասը, նրա նկատմամբ բողոք և պահանջ չունի, չի ցանկանում, որ նա ենթարկվի քրեական պատասխանատվության, խնդրում է թիվ 09182417 քրեական գործի վարույթը կարճել:
2017 թվականի դեկտեմբերի 11-ին Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան է ստացվել նաև Երևան քաղաքի Արաբկիր և Քանաքեռ-Զեյթուն վարչական շրջանների դատախազին հասցեագրված թիվ 09182417 քրեական գործով մեղադրյալ Գագիկ Հայաստանի Հովակիմյանի դիմումը, որի համաձայն` վերջինս իրեն մեղավոր է ճանաչում, ընդունում է իր մեղքն ամբողջությամբ, հաշտվել է նույն քրեական գործով տուժող Մանվել Սիմոնյանի հետ, հատուցել է նրան պատճառված վնասը, միմյանց նկատմամբ բողոք և պահանջ չունեն և խնդրում է իրեն քրեական պատասխանատվության չենթարկել:
Դատական քննության ընթացքում՝ դատական նիստի նախապատրաստական փուլում, գործով տուժող Մ.Սիմոնյանը և ամբաստանյալ Գ.Հովակիմյանը պնդել են իրենց կողմից ներկայացված դիմումները։
Միաժամանակ տուժողն ու ամբաստանյալը հայտնել են, որ կամավոր են նման միջնորդություն ներկայացրել և որևէ մեկն ազդեցություն չի ունեցել իրենց վրա։
Իր հերթին ամբաստանյալ Գ.Հովակիմյանը հայտնել է, որ չի առարկում ոչ արդարացման հիմքով քրեական գործի վարույթը կարճելու վերաբերյալ, գիտակցում է դրա էությունը։
Մեղադրող Կ.Բարսեղյանը, հաշվի առնելով այն հանգամանքը, որ ամբաստանյալ Գ.Հովակիմյանի վերաբերյալ գործը հանդիսանում է մասնավոր հետապնդման գործ, տուժող Մ.Սիմոնյանը և ամբաստանյալ Գ.Հովակիմյանը միմյանց հետ հաշտվել են, նշել է, որ չի առարկում քրեական գործի վարույթը կարճելու կապակցությամբ, գտնում է, որ այն ենթակա է կարճման:

Դատարանի իրավական վերլուծությունը և եզրահանգումը.
Համաձայն ՀՀ քրեական դատավարության օրենսգրքի 33-րդ հոդվածի 2-րդ մասի՝ §Մասնավոր հետապնդման գործեր են հանդիսանում սույն օրենսգրքի 183 հոդվածով նախատեսված հանցագործությունների վերաբերյալ գործերը¦:
ՀՀ քրեական դատավարության օրենսգրքի 183-րդ հոդվածի 1-ին մասի համաձայն`§Հայաստանի Հանրապետության քրեական օրենսգրքի ¥...¤, 177-րդ հոդվածի 1-ին մասով, ¥...¤ նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը¦:
ՀՀ քրեական դատավարության օրենսգրքի 35-րդ հոդվածի 1-ին մասի համաձայն՝ §Քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե.
¥...¤
5. սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ.
¥...¤¦:
Համաձայն ՀՀ քրեական դատավարության օրենսգրքի 36-րդ հոդվածի՝ §Սույն օրենսգրքի 33-րդ հոդվածի երկրորդ մասում նշված հանցագործությունների վերաբերյալ գործերով վարույթը կարճվում է և փաստվում է քրեական հետապնդում իրականացնելուց հրաժարում, երբ տուժողը հաշտվում է մեղադրյալի հետ¦:
ՀՀ քրեական օրենսգրքի 73-րդ հոդվածի համաձայն`§Ոչ մեծ ծանրության հանցանք կատարած անձը կարող է ազատվել քրեական պատասխանատվությունից, եթե նա հաշտվել է տուժողի հետ և հատուցել կամ այլ կերպ հարթել է նրան պատճառած վնասը¦:
Ոչ մեծ ծանրության հանցանքի հասկացությունը տրված է ՀՀ քրեական օրենսգրքի 19-րդ հոդվածի 2-րդ մասում, որի համաձայն՝ §Ոչ մեծ ծանրության հանցագործություններ են համարվում դիտավորությամբ կատարված այն արարքները, որոնց համար սույն օրենսգրքով նախատեսված առավելագույն պատիժը չի գերազանցում երկու տարի ժամկետով ազատազրկումը, կամ որոնց համար նախատեսված է ազատազրկման հետ կապ չունեցող պատիժ, ինչպես նաև անզգուշությամբ կատարված այն արարքները, որոնց համար սույն օրենսգրքով նախատեսված առավելագույն պատիժը չի գերազանցում երեք տարի ժամկետով ազատազրկումը¦:
ՀՀ վճռաբեկ դատարանը, Աշոտ Սիմոնի Բաբայանի վերաբերյալ գործով 2013 թվականի հուլիսի 13-ի որոշմամբ, վերլուծելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի և ՀՀ քրեական օրենսգրքի 73-րդ հոդվածի ձևակերպումները, արձանագրել է, որ տուժողի և հանցանք կատարած անձի հաշտության վերաբերյալ դրանցում առկա ձևակերպումները տարբեր են: Մասնավորապես, ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետը` որպես հաշտության հիմքով անձին քրեական պատասխանատվությունից ազատելու նախապայման, նշում է հանցանք կատարած անձի հետ տուժողի հաշտվելը, իսկ ՀՀ քրեական օրենսգրքի 73-րդ հոդվածն ընդհակառակը՝ տուժողի հետ հանցանք կատարած անձի հաշտվելը: Այլ կերպ՝ ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի իմաստով հաշտության փաստի հաստատման համար բավարար է արձանագրել, որ հաշտվել է տուժողը, իսկ ՀՀ քրեական օրենսգրքի 73-րդ հոդվածի իմաստով՝ հանցանք կատարած անձը:
Նույն որոշմամբ՝ ՀՀ վճռաբեկ դատարանն իրավական դիրքորոշում է արտահայտել այն մասին, որ հաշտության կամավոր և փոխադարձ բնույթի բացակայության դեպքում վարույթն իրականացնող մարմինը չի կարող որոշում կայացնել հաշտության հիմքով քրեական գործի վարույթը կարճելու և քրեական հետապնդումը դադարեցնելու վերաբերյալ: Այլ կերպ՝ հաշտությունը երկու կողմերի փոխադարձ կամահայտնությունն է, այն երբեք չի կարող կրել միակողմանի բնույթ, և եթե տուժողը ցանկություն է հայտնում հաշտվելու, իսկ հանցանք կատարած անձը դրա դեմ առարկում է, կամ հակառակը, ապա հաշտության հիմքով քրեական գործի վարույթը կարճելու և քրեական հետապնդումը դադարեցնելու իրավական հիմքը բացակայում է: Նույն կերպ, հաշտությունը կամավոր և փոխադարձ չի կարող համարվել, հետևաբար՝ այդ հիմքով քրեական գործի վարույթը չի կարող դադարեցվել, եթե հաշտությունը հետևանք է տուժողի նկատմամբ հանցանք կատարած անձի գործադրած ոչ իրավաչափ ներգործության ¥ՀՀ վճռաբեկ դատարանի` Աշոտ Սիմոնի Բաբայանի վերաբերյալ գործով 2013 թվականի հուլիսի 13-ի որոշումը¤:
Շարադրված իրավադրույթների և ՀՀ վճռաբեկ դատարանի իրավական դիրքորոշման լույսի ներքո վերլուծելով սույն որոշման մեջ արձանագրված փաստական տվյալները՝ Դատարանը հանգում է այն հետևության, որ տուժող Մանվել Ռոբերտի Սիմոնյանի և ամբաստանյալ Գագիկ Հայաստանի Հովակիմյանի միջև հաշտությունը կամավոր է և փոխադարձ, որպիսի հանգամանքը՝ տվյալ դեպքում, այլևս բացառում է ամբաստանյալի նկատմամբ քրեական հետապնդումն ու այն ենթակա է դադարեցման, իսկ քրեական գործի վարույթը՝ կարճման:
Անդրադառնալով Գագիկ Հայաստանի Հովակիմյանի նկատմամբ ընտրված չհեռանալու մասին ստորագրություն խափանման միջոցի հարցին՝ Դատարանը գտնում է, որ ՀՀ քրեական դատավարության օրենսգրքի 151-րդ հոդվածի 2-րդ մասի հիմքով՝ այն պետք է վերացնել:
Անդրադառնալով իրեղեն ապացույցների տնօրինման հարցին` Դատարանը գտնում է, որ իրեղեն ապացույց ճանաչված` Գագիկ Հայաստանի Հովակիմյանի կողմից վարվող և Անժելա Մելոյանին սեփականության իրավունքով պատկանող՝ վազ 2106 մակնիշի 11 ՕՏ 624 հաշվառման համարանիշի ավտոմեքենայում կատարված խուզարկությամբ հայտնաբերված և առգրավված թվով մեկ հատ արտասահմանյան արտադրության գործիքների տուփը, որի մեջ անկանոն ձևով դրված են եղել մոտ 50 գրամ տարբեր չափերի գամեր, պտուտակներ, ամրակներ, թվով 4 հատ օգտագործված մոմիկներ, մեկ զույգ ձեռնոց, թվով 8 հատ 8-22սմ երկարությամբ պտուտակահաններ, հղկաթղթի կիսակտորներ, թվով 12 հատ 12-28 սմ երկարությամբ և 8-24սմ համարների արհեստագործական գործիք-բանալիներ, մեկ հատ 25 սմ երկարությամբ մուրճ, 3 հատ 17-21 սմ երկարությամբ հարթաշուրթ, մեկ հատ կոշկակարի դանակ, 1 հատ սև գույնի տուփ, ինչի մեջ թվով 7 հատ 9-19 համարների գործիք-բանալիներ, մեկ հատ բացովի դանակների կոմպլեկտ, թվով մեկ հատ արտասահմանյան արտադրության տուփ, որն ընդհանուր սև գույնի պլաստմասե իրանով է, մոխրագույն վերնամասով, ինչի վրա դեղին գույնի բռնակով և տուփը փակելու համար նախատեսված փականներով, որի մեջ անկանոն ձևով լցված են երկու հատ լողան, 15 հատ ծանրոց, մեկ հատ մկրատ, մեկ հատ ակցան, ազդանշան, մեկանգամյա օգտագործման համար նախատեսված անձեռոցիկներ, բացովի դանակ /լանցետ/, թվով մեկ գործիք բանալի, թվով մեկ զույգ ավտոմեքենաների մարտկոցից մարտկոց սնուցման համար նախատեսված հաղորդալարեր՝ սև ու կարմիր գույների, թվով մեկ հատ ավտոմեքենայի ամբարձիչ՝ 18 սմ երկարությամբ, պետք է հանձնել տուժող Մանվել Սիմոնյանի տնօրինությանը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 36-րդ, 183-րդ և 313-րդ հոդվածներով` Դատարանը.

Ո Ր Ո Շ Ե Ց

Թիվ ԵԱՔԴ/0190/01/17 քրեական գործով ամբաստանյալ Գագիկ Հայաստանի Հովակիմյանի նկատմամբ ՀՀ քրեական օրենսգրքի 177-րդ հոդվածի 1-ին մասով քրեական հետապնդումը դադարեցնել և քրեական գործի վարույթը կարճել` տուժողի հետ փոխադարձ հաշտության հիմքով:
Գագիկ Հայաստանի Հովակիմյանի նկատմամբ ընտրված չհեռանալու մասին ստորագրություն խափանման միջոցը վերացնել:
Որոշումն օրինական ուժի մեջ մտնելուց հետո նախաքննության մարմնի 2017 թվականի նոյեմբերի 28-ի որոշմամբ իրեղեն ապացույց ճանաչված առարկաները հանձնել տուժող Մանվել Սիմոնյանի տնօրինությանը:
Որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակվելու օրվանից մեկամսյա ժամկետում:


ԴԱՏԱՎՈՐ Ա. ՄԱԹԵՎՈՍՅԱՆ