Ո Ր Ո Շ Ո Ւ Մ ԵԱՔԴ/0169/01/17
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ ՔՐԵԱԿԱՆ
ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

Նախագահությամբ դատավոր` Դ. Գրիգորյան
քարտուղարությամբ` Գ.Վարդանյանի

մասնակցությամբ`
մեղադրող` Գ.Ներսիսյանի
պաշտպաններ` Վ.Եփրիկյանի,
Ա.Գրիգորյանի
ամբաստանյալներ` Վ.Ղալեչյանի
Ա.Հակոբյանի

Դռնբաց դատական նիստում 2019 թվականի հունվարի 17-ին, Երևան քաղաքում, քննության առնելով քրեական գործով ըստ մեղադրանքի Վլադիմիր Անդրանիկի Ղալեչյանի` ՀՀ քրեական օրենսգրքի 359-րդ հոդվածի 1-ին մասով և Արա Պարույրի Հակոբյանի` ՀՀ քրեական օրենսգրքի 359-րդ հոդվածի 1-ին մասով, ամբաստանյալներ Վլադիմիր Ղալեչյանի և Արա Հակոբյանի նկատմամբ <<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 2-րդ հոդվածի 5-րդ մասի 1-ին կետի հիմքով ՀՀ քրեական օրենսգրքի 359-րդ հոդվածի 1-ին մասով քրեական հետապնդումը դադարեցնելու և քրեական գործի վարույթը կարճելու կիրառելիության հարցը.

. Պ Ա Ր Զ Ե Ց

Երևանի կայազորի զինվորական դատախազության դատախազ Հ.Ղարիբյանի 2017 թվականի օգոստոսի 17-ի որոշմամբ ՀՀ քրեական օրենսգրքի 359-րդ հոդվածի 1-ին մասի հատկանիշներով հարուցվել է թիվ 90205217 քրեական գործը:
ՀՀ քննչական կոմիտեի ԶՔԳՎ չորրորդ կայազորային քննչական բաժնի քննիչ Ա.Հարությունյանի 2017 թվականի օգոստոսի 22-ի որոշմամբ թիվ 90205217 քրեական գործն ընդունվել է վարույթ:
Նախաքննության մարմնի կողմից ամբաստանյալ Վլադիմիր Անդրանիկի Ղալեչյանին 2017 թվականի սեպտեմբերի 16-ին մեղադրանք է առաջադրվել ՀՀ քրեական օրենսգրքի 359-րդ հոդվածի 1-ին մասով հետևյալ արարքի համար. նա հանդիսանալով ՀՀ ՊՆ 31549 զորամասի 2-րդ կապի գումարտակի 4-րդ կապի վաշտի ռադիոռելեային և հեռավոր կապի դասակի 2-րդ Պ-257 սարքասրահի վարորդ-էլեկտրամեխանիկ, ժամկետային զինծառայող, կոչումով շարքային, 2017 թվականի օգոստոսի 8-ին նշանակված լինելով որպես գումարտակի օրապահ, նույն օրը ժամը 22:00-ի սահմաններում, գտնվելով վերոհիշյալ գումարտակի միջանցքում, խախտելով ՀՀ ԶՈւ ներքին ծառայության կանոնագրքի 13-րդ, 16-րդ և 65-րդ հոդվածներով սահմանված` զինվորական ընկերասիրությունը բարձր պահելու, նրանցից յուրաքանչյուրի պատիվն ու արժանապատվությունը հարգելու, զինծառայողների նկատմամբ կոպտություն և ծաղրուծանակ թույլ չտալու, անարժան քայլերից նրանց հեռու պահելու, զինծառայողների նկատմամբ հարգանք տածելու, զինծառայողների փոխհարաբերությունների կանոնագրքային կանոնները, տվյալ իրավահարաբերության շրջանակում նրանց միջև ստորադասության /ենթակայության/ հարաբերությունների բացակայության դեպքում, իրեն <<Վլադիկ>> դիմելու կապակցությամբ վիճաբանել է միևնույն վերակարգում օրապահ նշանակված, նույն զորամասի 2-րդ կապի վաշտի հեռախոսային և համակարգչային կապի դասակի Պ-240 սարքասրահի ավագ հեռախոսավար, ժամկետային զինծառայող, եֆրետոր Արա Պարույրի Հակոբյանի հետ, որի ընթացքում, այլ բռնի գործողություն է կատարել Արա Հակոբյանի նկատմամբ` ձեռքերով հրել է նրա կրծքավանդակից և քաշքշել համազգեստից, պատճառելով ձախ ուսահոդի շրջանի քերծվածքների ձևով` առողջության թեթև վնասի հատկանիշներ պարունակող մարմնական վնասվածքներ:
Ամբաստանյալ Վլադիմիր Անդրանիկի Ղալեչյանի նկատմամբ 2017 թվականի սեպտեմբերի 5-ի որոշմամբ որպես խափանման միջոց է կիրառվել ՀՀ ՊՆ 31549 զորամասի հրամանատարության հսկողության հանձնելը:
Նախաքննության մարմնի կողմից ամբաստանյալ Արա Պարույրի Հակոբյանին 2017 թվականի սեպտեմբերի 22-ին մեղադրանք է առաջադրվել ՀՀ քրեական օրենսգրքի 359-րդ հոդվածի 1-ին մասով հետևյալ արարքի համար. նա հանդիսանալով ՀՀ ՊՆ 31549 զորամասի 2-րդ կապի գումարտակի 5-րդ կապի վաշտի հեռախոսային և համակարգչային կապի դասակի Պ-240 սարքասրահի ավագ հեռախոսավար, ժամկետային զինծառայող, կոչումով եֆրեյտոր, 2017 թվականի օգոստոսի 8-ին նշանակված լինելով որպես գումարտակի օրապահ, նույն օրը ժամը 22:00-ի սահմաններում, գտնվելով վերոհիշյալ գումարտակի միջանցքում, խախտելով ՀՀ ԶՈւ ներքին ծառայության կանոնագրքի 13-րդ, 16-րդ և 65-րդ հոդվածներով սահմանված` զինվորական ընկերասիրությունը բարձր պահելու, նրանցից յուրաքանչյուրի պատիվն ու արժանապատվությունը հարգելու, զինծառայողների նկատմամբ կոպտություն և ծաղրուծանակ թույլ չտալու, անարժան քայլերից նրանց հեռու պահելու, զինծառայողների նկատմամբ հարգանք տածելու, զինծառայողների փոխհարաբերությունների կանոնագրքային կանոնները, տվյալ իրավահարաբերության շրջանակում նրանց միջև ստորադասության /ենթակայության/ հարաբերությունների բացակայության դեպքում, <<Վլադիկ>> դիմելու կապակցությամբ վիճաբանել է միևնույն վերակարգում օրապահ նշանակված, նույն զորամասի 2-րդ կապի գումարտակի 4-րդ կապի վաշտի ռադիոռելեային և հեռավոր կապի դասակի 2-րդ Պ-257 սարքասրահի վարորդ-էլեկտրիկ, ժամկետային զինծառայող, շարքային Վլադիմիր Անդրանիկի Ղալեչյանի հետ, որի ընթացքում, այլ բռնի գործողություն է կատարել Վլադիմիր Ղալեչյանի նկատմամբ` ձախ ձեռքով մեկ անգամ հարվածել է վերջինիս ձախ աչքի շրջանին, պատճառելով ձախ ակնակապճի շրջանի քերծվածքի ձևով` առողջության թեթև վնասի հատկանիշներ չպարունակող մարմնական վնասվածք:
Ամբաստանյալ Արա Պարույրի Հակոբյանի նկատմամբ 2017 թվականի սեպտեմբերի 15-ի որոշմամբ որպես խափանման միջոց է կիրառվել ՀՀ ՊՆ 31549 զորամասի հրամանատարության հսկողության հանձնելը:
2017 թվականի նոյեմբերի 9-ին Վլադիմիր Անդրանիկի Ղալեչյանի և Արա Պարույրի Հակոբյանի վերաբերյալ քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան, որտեղ քրեական գործին շնորհվել է թիվ ԵԱՔԴ/0169/01/17 համարը:
Դատական նիստի ընթացքում ամբաստանյալներ Վլադիմիր Անդրանիկի Ղալեչյանը և Արա Պարույրի Հակոբյանը նշեցին, որ <<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 2-րդ հոդվածի 5-րդ մասի 1-ին կետի հիմքով իրենց նկատմամբ ՀՀ քրեական օրենսգրքի 359-րդ հոդվածի 1-ին մասով քրեական հետապնդումը դադարեցնելու և քրեական գործի վարույթը կարճելու դեմ չեն առարկում:
Մեղադրող Գ.Ներսիսյանը, պաշտպաններ Վ.Եփրիկյանը և Ա.Գրիգորյանը նշեցին, որ ամբաստանյալներ Վլադիմիր Անդրանիկի Ղալեչյանի և Արա Պարույրի Հակոբյանի նկատմամբ <<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 2-րդ հոդվածի 5-րդ մասի 1-ին կետի կիրառման վերաբերյալ սահմանափակումներ չկան:
Դատարանը գտնում է, որ ամբաստանյալներ Վլադիմիր Անդրանիկի Ղալեչյանի և Արա Պարույրի Հակոբյանի նկատմամբ կիրառելի է <<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 2-րդ հոդվածի 5-րդ մասի 1-ին կետը և վերջիններիս նկատմամբ պետք է ՀՀ քրեական օրենսգրքի 359-րդ հոդվածի 1-ին մասով քրեական հետապնդումը դադարեցնել և քրեական գործի վարույթը կարճել հետևյալ պատճառաբանությամբ.
<<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 2-րդ հոդվածի 1-ին մասում սահմանված են պատժից ազատելու հիմքերը, իսկ նույն օրենքի 2-րդ հոդվածի 5-րդ մասի 1-ին կետն ամրագրում է, որ քրեական գործի հարուցումը մերժվում է, հարուցված քրեական գործը կարճվում է, ինչպես նաև դադարեցվում են քրեական հետապնդումը կամ չի իրականացվում քրեական հետապնդում 2018 թվականի հոկտեմբերի 21-ը ներառյալ կատարած հանցագործությունների դեպքերով (բացառությամբ անմիջականորեն մարդու մահվան հանգեցրած դեպքերի, որոնցով առկա է տուժողի իրավահաջորդի առարկությունը), որոնցով՝ անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան չորս տարի ժամկետով ազատազրկում:
Համաձայն ՀՀ քրեական օրենսգրքի 82-րդ հոդվածի` <<հանցանք կատարած անձն օրենսդիր մարմնի կողմից ընդունվող համաներման ակտով կարող է ազատվել քրեական պատասխանատվությունից ….>>:
Համաձայն ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի`<<Քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման մասին օրենք>>:
Համաձայն ՀՀ քրեական դատավարության օրենսգրքի 35-րդ հոդվածի 5-րդ մասի`<<Դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցը>>, իսկ համաձայն 6-րդ մասի` սույն հոդվածի առաջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետապնդման դադարեցում չի թույլատրվում, եթե դրա դեմ առարկում է մեղադրյալը /…/:
Ամբաստանյալներ Վլադիմիր Անդրանիկի Ղալեչյանը և Արա Պարույրի Հակոբյանը մեղադրվում են ՀՀ քրեական օրենսգրքի 359-րդ հոդվածի 1-ին մասով նախատեսված հանցանք կատարելու մեջ, որի սանկցիան նախատեսում է պատիժ` կարգապահական գումարտակում պահելով՝ առավելագույնը երկու տարի ժամկետով, կամ ազատազրկմում՝ առավելագույնն երկու տարի ժամկետով:
<<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 2-րդ հոդվածի 5-րդ մասի 1-ին կետի համաձայն` քրեական գործի հարուցումը մերժել, հարուցված քրեական գործը կարճել, ինչպես նաև դադարեցնել քրեական հետապնդումը կամ չիրականացնել քրեական հետապնդում 2018 թվականի հոկտեմբերի 21-ը ներառյալ կատարած հանցագործությունների դեպքերով (բացառությամբ անմիջականորեն մարդու մահվան հանգեցրած դեպքերի, որոնցով առկա է տուժողի իրավահաջորդի առարկությունը), որոնցով՝ անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան չորս տարի ժամկետով ազատազրկում:
Ամբաստանյալ Վլադիմիր Անդրանիկի Ղալեչյանը և Արա Պարույրի Հակոբյանը մեղադրվում են մինչև 2018թ. հոկտեմբերի 21-ը կատարած` /2017 թվականի օգոստոսի 8-ին/ ՀՀ քրեական օրենսգրքի 359-րդ հոդվածի 1-ին մասով նախատեսված հանցանք կատարելու մեջ, որի համար նախատեսված առավել խիստ` ազատազրկման ձևով պատժի առավելագույն ժամկետն երկու տարի է:
<<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 4-րդ հոդվածի 9-րդ մասի 1-ին կետի <<ա>> ենթակետի համաձայն.
Սույն օրենքի կատարումը վերապահել՝
1) Հայաստանի Հանրապետության ընդհանուր իրավասության առաջին ատյանի և վերաքննիչ քրեական դատարաններին`
ա. այն անձանց նկատմամբ, որոնց վերաբերյալ գործերը Հայաստանի Հանրապետության ընդհանուր իրավասության առաջին ատյանի կամ վերաքննիչ քրեական դատարանում են, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն օրինական ուժի մեջ չեն մտել:
Հիմք ընդունելով վերը շարադրվածը և նկատի ունենալով, որ ամբաստանյալներ Վլադիմիր Անդրանիկի Ղալեչյանի և Արա Պարույրի Հակոբյանի նկատմամբ Համաներում հայտարարելու մասին ՀՀ օրենքի կիրառման սահմանափակումները գործի նյութերում բացակայում են, դատարանը գտնում է, որ ամբաստանյալներ Վ.Ղալեչյանի և Ա.Հակոբյանի նկատմամբ ՀՀ քրեական օրենսգրքի 359-րդ հոդվածի 1-ին մասով քրեական հետապնդումը պետք է դադարեցնել և քրեական գործի վարույթը կարճել` <<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 2-րդ հոդվածի 5-րդ մասի 1-ին կետի հիմքով:
Անդրադառնալով ամբաստանյալներ Վլադիմիր Անդրանիկի Ղալեչյանի և Արա Պարույրի Հակոբյանի նկատմամբ կիրառված խափանման միջոցի հարցին, դատարանը գտնում է, որ վերջիններիս նկատմամբ որպես խափանման միջոց կիրառված ՀՀ ՊՆ 31549 զորամասի հրամանատարության հսկողության հանձնելը պետք է վերացնել:
Ելնելով վերոգրյալից և ղեկավարվելով ՀՀ քրեական օրենսգրքի 82-րդ, ՀՀ քրեական դատավարության օրենսգրքի 41-րդ, 151-րդ, 313-րդ, 379-րդ, 427-րդ հոդվածներով, 35-րդ հոդվածի 1-ին մասի 13-րդ կետով ու <<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 2-րդ հոդվածի 5-րդ մասի 1-ին կետով, դատարանը

Ո Ր Ո Շ Ե Ց

Ամբաստանյալ Վլադիմիր Անդրանիկի Ղալեչյանի (ծնված 24.02.1998թ. Լոռու մարզ, ք.Վանաձոր, ազգությամբ հայ, ՀՀ քաղաքացի, միջնակարգ մասնակիտական կրթությամբ, ամուրի, դատվածություն չունեցող, ծառայել է ՀՀ ՊՆ 31549 զորամասում` որպես ժամկետային զինծառայող, հաշվառված և բնակվում է Տավուշի մարզ, գյուղ Այգեձոր, 7-րդ փողոց, տուն 14) նկատմամբ ՀՀ քրեական օրենսգրքի 359-րդ հոդվածի 1-ին մասով և ամբաստանյալ Արա Պարույրի Հակոբյանի (ծնված 27.01.1998թ. Կոտայքի մարզ, գյուղ Քասախ, ազգությամբ հայ, ՀՀ քաղաքացի, միջնակարգ կրթությամբ, ամուրի, նախկինում չդատված, ծառայել է ՀՀ ՊՆ 31549 զորամասում` որպես ժամկետային զինծառայող, հաշվառված և բնակվում է Կոտայքի մարզ, գյուղ Քասախ, Վ.Սարգսյան փողոց, 9-րդ շենք, բնակարան 21) նկատմամբ ՀՀ քրեական օրենսգրքի 359-րդ հոդվածի 1-ին մասով քրեական հետապնդումը դադարեցնել և քրեական գործի վարույթը կարճել` <<Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին>> 01.11.2018թ. ՀՀ օրենքի 2-րդ հոդվածի 5-րդ մասի 1-ին կետի հիմքով:
Վլադիմիր Անդրանիկի Ղալեչյանի նկատմամբ որպես խափանման միջոց կիրառված ՀՀ ՊՆ 31549 զորամասի հրամանատարության հսկողությանը հանձնելը վերացնել:
Արա Պարույրի Հակոբյանի նկատմամբ որպես խափանման միջոց կիրառված ՀՀ ՊՆ 31549 զորամասի հրամանատարության հսկողությանը հանձնելը վերացնել:
Որոշումը կարող է բողոքարկվել ՀՀ քրեական վերաքննիչ դատարան` մեկամսյա ժամկետում:



ԴԱՏԱՎՈՐ` Դ. ԳՐԻԳՈՐՅԱՆ