ԵԱՔԴ/0039/01/17




Ո Ր Ո Շ Ու Մ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ ՔՐԵԱԿԱՆ
ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՎԵՐԱԲԵՐՅԱԼ

Երևան քաղաքի առաջին ատյանի ընդհանուր իրավասության քրեական դատարանը
(այսուհետ նաև` Դատարան)
Նախագահությամբ
դատավոր Դ.Հարությունյանի
քարտուղարությամբ Մ.Թովմասյանի
մասնակցությամբ՝
մեղադրող Վ.Հարությունյանի
պաշտպան Ս.Անդրեասյանի
ամբաստանյալներ Է.Մելքոնյանի
Հ.Ավետիսյանի

2023 թվականի ապրիլի 27-ին ք. Երևանում
դռնբաց դատական նիստում քննության առնելով ամբաստանյալներ Էդիկ Անակի Մելքոնյանի (ծնված 1967 թվականի մայիսի 12-ին, Երևան քաղաքում, ազգությամբ հայ, ՀՀ քաղաքացի, միջնակարգ-մասնագիտական կրթությամբ, ամուսնացած, չի աշխատում, նախկինում չդատված, հաշվառված և փաստացի բնակվում է՝ ք.Երևան, Մոլդովական փողոց, 38-րդ շենք, բն. 45) և Հասմիկ Խաչիկի Ավետիսյանի (ծնված 1972 թվականի հունիսի 8-ին, Արագածոտնի մարզի Մռավյան գյուղում, ազգությամբ հայ, ՀՀ քաղաքացի, միջնակարգ կրթությամբ, այրի, ՀՀ ՊՆ 93353 զորամասի ԹՏՆՎԳ ԻԾՏՄՆ և ԳՆ վաշտի ավագ վարպետ, նախկինում չդատված, հաշվառված և փաստացի բնակվում է՝ Կոտայքի մարզ, գ.Քասախ, Վ.Սարգսյան 1-ին փողոց, 1-ին փակուղի, 8-րդ շենք, բն. 4) նկատմամբ քրեական հետապնդումը դադարեցնելու և քրեական գործի վարույթը կարճելու հարցը.

Պ Ա Ր Զ Ե Ց
2013 թվականի դեկտեմբերի 28-ին ՀՀ ՊՆ քննչական ծառայության ՀԿԳ քննչական բաժնի ՀԿԳ քննիչ Գ.Խաչիկյանի կողմից 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետի և 376-րդ հոդվածի 2-րդ մասի հատկանիշներով հարուցվել և վերջինիս վարույթ է ընդունվել թիվ 90154613 քրեական գործն, այն փաստի առթիվ, որ. «զոհված ազատամարտիկների ընտանիքների բնակարանային պայմանների բարելավման նպատակով ՀՀ ՊՆ կողմից դրամական միջոցներ հատկացնելու գործընթացում արձանագրված խախտումների վերաբերյալ ՀՀ զինվորական կենտրոնական դատախազության պետական շահերի պաշտպանության բաժնի կողմից իրականացված ուսումնասիրությունների արդյունքների հիման վրա ՀՀ ՊՆ ՀԿԳ քննչական բաժնում նախապատրաստված նյութերով պարզվել է հետևյալը`
25.04.2012թ. ՀՀ պաշպանության նախարարությունը մի կողմից և քաղաքացուհի Անյուտա Ազատի Աղաջանյանը մյուս կողմից կնքել են բնակարան գնելու համար անհատույց պետական ֆինանսական աջակցություն տրամադրելու մասին պայմանագիր, համաձայն որի զոհված ազատամարտիկ Կամո Սերգեյի Աղաջանյանի ընտանիքին 4 սենյականոց բնակարան գնելու համար հատկացվել է 25.562.000 ՀՀ դրամ:
Բացի այդ 28.06.2012թ. ՀՀ պաշտպանության նախարարությունը մի կողմից և զոհված ազատամարտիկ Վալերիկ Խուրշուդի Եղյանի այրի` Կարինե Եղյանի լիազորված անձ Արևիկ Աղաջանյանը մյուս կողմից կնքել են բնակարան գնելու համար անհատույց պետական ֆինանսական աջակցություն տրամադրելու մասին պայմանագիր, համաձայն որի զոհված ազատամարտիկ Վալերիկ Եղյանի ընտանիքին 4 սենյականոց բնակարան գնելու համար հատկացվել է 25.562.000 ՀՀ դրամ:
Բացի այդ 15.11.2012թ. ՀՀ պաշտպանության նախարարությունը մի կողմից և զոհված ազատամարտիկ Վալերիկ Մամիկոնի Խաչատրյանի այրի` Սիլվա Աղաջանյանի լիազորված անձ Մինաս Աղաջանյանը մյուս կողմից կնքել են բնակարան գնելու համար անհատույց պետական ֆինանսական աջակցություն տրամադրելու մասին պայմանագիր, համաձայն որի Վալերիկ Խաչատրյանի այրուն 1 սենյականոց բնակարան գնելու համար հատկացվել է 11.641.000 ՀՀ դրամ:
Բացի այդ 26.04.2012թ. ՀՀ պաշտպանության նախարարությունը մի կողմից և զոհված ազատամարտիկ Երվանդ Իսահակի Սիմոնյանի մայր` Արփենիկ Սիմոնյանի լիազորված անձ Սերգեյ Աղաջանյանը մյուս կողմից կնքել են բնակարան գնելու համար անհատույց պետական ֆինանսական աջակցություն տրամադրելու մասին պայմանագիր, համաձայն որի Արփենիկ Սիմոնյանին 1 սենյականոց բնակարան գնելու համար հատկացվել է 11.304.000 ՀՀ դրամ:
Վերը նշված բոլոր թվարկված դեպքերում իրական տվյալների ոչ լրիվ լրացմամբ, թերի փաստաթղթերում առկա անճշտությունների և հակասությունների պայմաններում պաշտպանության նախարարության և քաղաքացիների միջև կնքված պայմանագրերի հիման վրա զոհված ազատամարտիկներ` Կամո Սերգեյի Աղաջանյանի, Վալերիկ Խուրշուդի Եղյանի, Վալերիկ Մամիկոնի Խաչատրյանի և Երվանդ Իսահակի Սիմոնյանի ընտանիքների բնակարանային պայմանների բարելավման նպատակով ՀՀ ՊՆ կողմից անհատույց հատկացվել է, ընդհանուր առմամբ 74.069.000 (յոթանասունչորս միլիոն վաթսունինը հազար) ՀՀ դրամ գումար պետական ֆինանսական աջակցություն բնակարաններ գնելու համար, դրանով իսկ պետությանը պատճառվել է առանձնապես խոշոր չափերով գույքային վնաս:»
2014 թվականի հունիսի 30-ի որոշմամբ թիվ 90154413,90154613, 90150614, 90150814, 90151114, 90151514, 90151614, 90151714, 90151914, 90152214, 90152314, 90152414, 90152614, 90152914, 90153014 քրեական գործերը միացվել են մեկ վարույթում և նախաքննությունը շարունակվել է թիվ 90154613 համարով:
2014 թվականի օգոստոսի 23-ի որոշմամբ թիվ 90154613 քրեական գործն ընդունվել է ՀԿԳ քննիչ Հ.Մարգարյանի վարույթ:
2014 թվականի հոկտեմբերի 16-ի որոշմամբ թիվ 90154613 քրեական գործն ընդունվել է ՀԿԳ քննիչ Վ.Սարգսյանի վարույթ:
2014 թվականի հոկտեմբերի 27-ի որոշմամբ թիվ 90154613 քրեական գործն ընդունվել է ՀԿԳ քննիչ Հ.Մարգարյանի վարույթ:
2015 թվականի մարտի 7-ի որոշմամբ թիվ 90154613 քրեական գործն ընդունվել է ՀԿԳ քննիչ Ա.Ավետիսյանի վարույթ:
2015 թվականի ապրիլի 10-ի որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ քննիչներ Ա.Ավետիսյանը և Կ.Համբարձումյանը: Քննչական խմբի ղեկավար է նշանակվել ՀԿԳ քննիչ Ա.Ավետիսյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ քննիչ Ա.Ավետիսյանի վարույթ:
2015 թվականի հունիսի 2-ի որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ քննիչ Ա.Ավետիսյանը և քննիչ Ն.Շահինյանը: Քննչական խմբի ղեկավար է նշանակվել ՀԿԳ քննիչ Ա.Ավետիսյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ քննիչ Ա.Ավետիսյանի վարույթ:
2015 թվականի հուլիսի 27-ի որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ քննիչ Լ.Թաթոյանը, քննչական բաժնի պետի տեղակալ Դ.Ֆլջյանը, ՀԿԳ քննիչ Գ.Ներսիսյանը և քննիչ Ն.Շահինյանը: Քննչական խմբի ղեկավար է նշանակվել ՀԿԳ քննիչ Լ.Թաթոյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ քննիչ Լ.Թաթոյանի վարույթ:
2015 թվականի օգոստոսի 10-ի որոշմամբ թիվ 90154613 քրեական գործն ընդունվել է ՀԿԳ ավագ քննիչ Ս.Սարգսյանի վարույթ:
Նույն օրվա մեկ այլ որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ ավագ քննիչ Ս.Սարգսյանը, քննչական բաժնի պետի տեղակալ Դ.Ֆլջյանը, ՀԿԳ քննիչ Գ.Ներսիսյանը և քննիչ Ն.Շահինյանը: Քննչական խմբի ղեկավար է նշանակվել ՀԿԳ քննիչ Ս.Սարգսյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ ավագ քննիչ Ս.Սարգսյանի վարույթ:
2015 թվականի սեպտեմբերի 15-ի որոշմամբ թիվ 90154613 քրեական գործն ընդունվել է ՀԿԳ քննիչ Լ.Թաթոյանի վարույթ:
2015 թվականի սեպտեմբերի 18-ի որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ քննիչ Լ.Թաթոյանը, ՀԿԳ քննիչ Գ.Ներսիսյանը և քննիչ Ն.Շահինյանը: Քննչական խմբի ղեկավար է նշանակվել ՀԿԳ քննիչ Լ.Թաթոյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ քննիչ Լ.Թաթոյանի վարույթ:
2015 թվականի հոկտեմբերի 12-ի որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ քննիչ Լ.Թաթոյանը, ՀԿԳ ավագ քննիչ Ս.Գասպարյանը, Պ.Պետրոսյանը, ՀԿԳ քննիչ Գ.Ներսիսյանը և քննիչ Ն.Շահինյանը: Քննչական խմբի ղեկավար է նշանակվել ՀԿԳ քննիչ Լ.Թաթոյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ քննիչ Լ.Թաթոյանի վարույթ:
2015 թվականի նոյեմբերի 14-ի որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ քննիչ Լ.Թաթոյանը, ՀԿԳ ավագ քննիչ Ս.Գասպարյանը, Պ.Պետրոսյանը, ՀԿԳ քննիչ Գ.Ներսիսյանը, ՀԿԳ քննիչ Ա.Սարգսյանը և ավագ քննիչ Ն.Շահինյանը: Քննչական խմբի ղեկավար է նշանակվել ՀԿԳ քննիչ Լ.Թաթոյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ քննիչ Լ.Թաթոյանի վարույթ:
2016 թվականի մարտի 3-ի որոշմամբ Հասմիկ Ավետիսյանի նկատմամբ որպես խափանման միջոց է ընտրվել ստորագրություն չհեռանալու մասին:
Նույն օրվա մեկ այլ որոշմամբ Էդիկ Մելքոնյանի նկատմամբ որպես խափանման միջոց է ընտրվել ստորագրություն չհեռանալու մասին:
2016 թվականի մարտի 5-ի որոշմամբ Կոտայքի մարզի Քասախ համայնքի Վ.Սարգսյան 1-ին փողոցի 1-ին փակուղու 8-րդ շենքի 4 բնակարանի /1/21 բնակարան/՝ Հասմիկ Ավետիսյանի մասնաբաժնի վրա դրվել է արգելանք:
2016 թվականի մարտի 9-ի որոշմամբ Հասմիկ Ավետիսյանին մեղադրանք է առաջադրվել 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով:
Նույն օրվա մեկ այլ որոշմամբ Էդիկ Մելքոնյանին մեղադրանք է առաջադրվել 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով:
2016 թվականի հոկտեմբերի 18-ի որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ քննիչ Լ.Թաթոյանը, ՀԿԳ քննիչ Ա.Սարգսյանը և ՀԿԳ քննիչ Ն.Շահինյանը: Քննչական խմբի ղեկավար է նշանակվել ՀԿԳ քննիչ Լ.Թաթոյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ քննիչ Լ.Թաթոյանի վարույթ:
2016 թվականի դեկտեմբերի 5-ի որոշմամբ 90154613 քրեական գործն ընդունվել է ՀԿԳ քննիչ Ն.Շահինյանի վարույթ:
2016 թվականի դեկտեմբերի 9-ի որոշմամբ թիվ 90153215 քրեական գործը միացվել է թիվ 90154613 քրեական գործին և նախաքննություն շարունակվել թիվ 90154613 համարով:
2017 թվականի հունվարի 24-ի որոշմամբ թիվ 90154613 քրեական գործն ընդունվել է ՀԿԳ քննիչ Լ.Թաթոյանի վարույթ:
Նույն օրվա մեկ այլ որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ քննիչ Լ.Թաթոյանը, ՀԿԳ քննիչ Ա.Սարգսյանը և ՀԿԳ քննիչ Ն.Շահինյանը: Քննչական խմբի ղեկավար է նշանակվել ՀԿԳ քննիչ Լ.Թաթոյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ քննիչ Լ.Թաթոյանի վարույթ:
2017 թվականի փետրվարի 20-ի որոշմամբ թիվ 90154613 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ քննիչ Լ.Թաթոյանը, ՀԿԳ քննիչ Ա.Սարգսյանը, ՀԿԳ ավագ քննիչներ Ա.Գաբրիելյանը, Դ.Իգիթյանը և Ն.Շահինյանը: Քննչական խմբի ղեկավար է նշանակվել ՀԿԳ քննիչ Լ.Թաթոյանը:
Նույն օրվա մեկ այլ որոշմամբ թիվ 90154613 քրեական գործն ընդունվել է ՀԿԳ քննիչ Լ.Թաթոյանի վարույթ:
2017 թվականի մարտի 6-ի որոշմամբ ՀՀ պաշտպանության նախարարությունը ճանաչվել է տուժող:
2017 թվականի մարտի 16-ի որոշմամբ Վ.Զաքարյանը ճանաչվել է տուժողի ներկայացուցիչ:
2017 թվականի մարտի 17-ի որոշմամբ Էդիկ Մելքոնյանին առաջադրված մեղադրանքը փոփոխվել և վերջինիս կրկին մեղադրանք է առաջադրվել 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով:
2017 թվականի մարտի 18-ի որոշմամբ Հասմիկ Ավետիսյանին առաջադրված մեղադրանքը փոփոխվել և վերջինիս կրկին մեղադրանք է առաջադրվել 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով:
2017 թվականի մարտի 20-ի որոշմամբ որպես այլ փաստաթուղթ ապացույց է ճանաչվել Ասատուր Անակի Մելքոնյանի անհատույց պետական ֆինանսական աջակցություն տրամադրելու կապակցությամբ կազմված բնակարանային գործը, «Ղ-Տելեկոմ» ՓԲ ընկերությունից 2016 թվականի փետրվարի 19-ին ստացված թիվ 115 համարի լազերային սկավառակը, ՀՀ Կենտրոնական բանկից 2015 թվականի փետրվարի 20-ին առգրավված, մեղադրյալներ Էդիկ Անակի Մելքոնյանի և Հասմիկ Խաչիկի Ավետիսյանի և 2017 թվականի մարտի 15-ին ՀՀ Կենտրոնական բանկից առգրավված, մեղադրյալ Հասմիկ Ավետիսյանի վերաբերյալ «Արարատբանկ» ԲԲ ընկերությունից տրամադրված բանկային գաղտնիք պարունակող տեղեկություններով փաստաթղթերը:
2017 թվականի մարտի 25 կազմվել է մեղադրական եզրակացությունը ու քրեական գործն` ըստ մեղադրանքի Հասմիկ Խաչիկի Ավետիսյանի՝ 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով, 312-րդ հոդվածի 3-րդ մասի 1-ին կետով և Էդիկ Անակի Մելքոնյանի՝ 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով ուղարկվել է Երևան քաղաքի ընդհանուր իրավասության Դատարան, որը 2017 թվականի մարտի 31-ին ընդունվել է դատավոր Ա.Նիկողոսյանի վարույթ:
ՀՀ Նախագահի 2018 թվականի մայիսի 17-ի թիվ ՆՀ-322-Ա հրամանագրով դատավոր Ա.Նիկողոսյանը նշանակվել է ՀՀ վերաքննիչ քրեական դատարանի դատավոր:
2018 թվականի մայիսի 31-ի որոշմամբ թիվ ԵԱՔԴ/0039/01/17 քրեական գործն ընդունվել է դատավոր Դ.Հարությունյանի վարույթ:
Հասմիկ Խաչիկի Ավետիսյանին մեղադրանք է առաջադրվել 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով՝ այն արարքների համար, որ նա. «իր ամուսնու եղբայր Էդիկ Անակի Մելքոնյանի հետ նախնական համաձայնությամբ, խաբեությամբ հաշվառվել է որպես ծառայության ընթացքում մահացած զինծառայողի՝ բնակարանի կարիք ունեցող ընտանիքի անդամ և պետական միջոցներից հափշտակել առանձնապես խոշոր չափի գումար, ինչպես նաև պաշտոնատար անձանց կողմից իր օգտին գործողություն կատարելու՝ նշված գումարի հատկացումն արագ կազմակերպելու համար, համաձայն նախնական պայմանավորվածության, տվել է առանձնապես խոշոր չափի կաշառք:
Այսպես.
Հասմիկ Ավետիսյանը, որդիների հետ բնակվելով սեփականության իրավունքով իրենց պատկանող՝ Կոտայքի մարզի Քասախ գյուղի Վ.Սարգսյան 1-ին փողոցի 1-ին փակուղու 8-րդ շենքի թիվ 4 բնակարանում, տեղյակ լինելով, որ զոհված մահացած զինծառայողների անօթևան ընտանիքներին ՀՀ պաշտպանության նախարարության կողմից բնակարան գնելու համար տրամադրվում է անհատույց պետական ֆինանսական աջակցություն, Էդիկ Մելքոնյանի հետ նախնական համաձայնությամբ 09.06.2008թ. բնակարանի կարիքավորների ցուցակում ընդգրկվելու վերաբերյալ դիմում է ներկայացրել Երևանի Նոր Նորքի թաղապետարան, որով հայտնել է իրականությանը չհամապատասխանող տեղեկություններ այն մասին, թե իբր իր ընտանիքի անդամ է հանդիսանում նաև իր սկեսուր Նուսյա Սողոմոնյանը, որի և որդիների հետ բնակվում է վարձակալական հիմունքներով, այնուհետև Էդիկ Մելքոնյանի կազմակերպմամբ 08.07.2008p. կնքված առուվաճառքի պայմանագրով սեփականության իրավունքով իր ընտանիքին պատկանող վերոհիշյալ բնակարանը ձևականորեն տարել է ամուսնու քրոջ որդի Արսեն Պետրոսյանին, ինչի արդյունքում ընդգրկվել է բնակարանի կարիքավորների ցուցակում։
Հասմիկ Ավետիսյանի ընտանիքին անհատույց պետական ֆինանսական աջակցություն տրամադրելու կապակցությամբ կազմված բնակարանային գործի՝ ՀՀ պաշտպանության նախարարության զինծառայողների սոցիալական պաշտպանության վարչություն ուղարկվելուց հետո՝ 2012թ. հունիս ամսին վերջինս Էդիկ Մելքոնյանի միջոցով համաձայնություն է ձեռք բերել ՀՀ ՊՆ զինծառայողների սոցիալական պաշտպանության վարչության սոցիալական օգնությունների կազմակերպման հասարակական կազմակերպությունների հետ համագործակցության բաժանմունքի պետ, անհատույց պետական ֆինանսական աջակցություն տրամադրող հանձնաժողովի քարտուղար, պաշտոնատար անձ Կարեն Դավիթի Հարությունյանի հետ կաշառքի դիմաց իր ընտանիքին անհատույց պետական ֆինանսական աջակցության տրամադրումն արագ կազմակերպելու հարցի շուրջ, որից հետո ստացել և խարդախությամբ հափշտակել է ՀՀ պաշտպանության նախարարության կողմից 03.07.2012p. փոխանցված առանձնապես խոշոր չափի՝ 21.115.000 ՀՀ դրամ գումարը։
Հաջորդ օրը, Հասմիկ Ավետիսյանը կանխիկացրել է հատկացված գումարի մի մասը և պայմանավորված կաշառքը Կարեն Հարությունյանին փոխանցելու համար տվել է Էդիկ Մելքոնյանին, վերջինիս հետ գնացել Երևան քաղաքի Բաբայան 6 հասցեում գտնվող ՀՀ պաշտպանության նախարարության զինծառայողների սոցիալական պաշտպանության վարչության վարչական շենքի մոտ, որտեղ Էդիկ Մելքոնյանը նախնական պայմանավորվածության համաձայն որպես կաշառք Կարեն Հարությունյանին է տվել առանձնապես խոշոր չափի՝ 2.000.000 ՀՀ դրամ գումար։
Այսինքն՝ Հասմիկ Խաչիկի Ավետիսյանը կատարել է հանցավոր արարքներ, որոնք նախատեսված են ՀՀ քրեական օրենսգրքի 178 հոդվածի 3-րդ մասի 1-ին կետով և 312 հոդվածի 3-րդ մասի 1-ին կետով:»
Էդիկ Անակի Մելքոնյանին մեղադրանք է առաջադրվել 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով՝ այն արարքների համար, որ նա. «նախնական համաձայնության գալով իր եղբոր այրի Հասմիկ Խաչիկի Ավետիսյանի հետ, աջակցել է վերջինիս՝ խաբեությամբ հաշվառվել որպես ծառայության ընթացքում մահացած զինծառայողի՝ բնակարանի կարիք ունեցող ընտանիքի անդամ և նրա հետ պետական միջոցներից հափշտակել է առանձնապես խոշոր չափի գումար, ինչպես նաև պաշտոնատար անձանց կողմից իր ներկայացրած անձի օգտին գործողություն կատարելու՝ նշված գումարի հատկացումն արագ կազմակերպելու համար, համաձայն նախնական պայմանավորվածության, տվել է առանձնապես խոշոր չափի կաշառք:
Այսպես.
Էդիկ Մելքոնյանը, տեղյակ լինելով, որ զոհված /մահացած/ զինծառայողների անօթևան ընտանիքներին ՀՀ պաշտպանության նախարարության կողմից բնակարան գնելու համար տրամադրվում է անհատույց պետական ֆինանսական աջակցություն, խորհուրդ է տվել Հասմիկ Ավետիսյանին բնակարանի կարիքավորների ցուցակում ընդգրկվելու վերաբերյալ դիմում ներկայացնել Երևանի Նոր Նորքի թաղապետարան, միաժամանակ 2008թ. հունիսին համաձայնություն է ձեռք բերել իր քրոջ որդի Արսեն Պետրոսյանի հետ սեփականության իրավունքով Հասմիկ Ավետիսյանի ընտանիքին պատկանող՝ Կոտայքի մարզի Քասախ գյուղի Վ.Սարգսյան 1-ին փողոցի 1-ին փակուղու 8-րդ շենքի թիվ 4 բնակարանը ձևական առուվաճառքի պայմանագրով՝ Ա.Պետրոսյանի անունով գրանցելու վերաբերյալ և կազմակերպել համապատասխան պայմանագրի կնքումն ու իրավունքի գրանցումը, ինչի արդյունքում Հասմիկ Ավետիսյանի ընտանիքն ընդգրկվել է բնակարանի կարիքավորների ցուցակում:
Հասմիկ Ավետիսյանի ընտանիքին անհատույց պետական ֆինանսական աջակցություն տրամադրելու կապակցությամբ կազմված բնակարանային գործի՝ ՀՀ պաշտպանության նախարարության զինծառայողների սոցիալական պաշտպանության վարչություն ուղարկվելուց հետո Էդիկ Մելքոնյանը Հասմիկ Ավետիսյանի գիտությամբ 2012թ. հունիսին համաձայնություն է ձեռք բերել ՀՀ ՊՆ զինծառայողների սոցիալական պաշտպանության վարչության սոցիալական օգնությունների կազմակերպման և հասարակական կազմակերպությունների հետ համագործակցության բաժանմունքի պետ, անհատույց պետական ֆինանսական աջակցություն տրամադրող հանձնաժողովի քարտուղար, պաշտոնատար անձ Կարեն Դավիթի Հարությունյանի հետ կաշառքի դիմաց Հասմիկ Ավետիսյանի ընտանիքին անհատույց պետական ֆինանսական աջակցության տրամադրումն արագ կազմակերպելու հարցի շուրջ, որից հետո վերջինիս հետ ստացել և խարդախությամբ հափշտակել է ՀՀ պաշտպանության նախարարության կողմից 03.07.2012թ. Հասմիկ Ավետիսյանի անվամբ փոխանցված առանձնապես խոշոր չափի՝ 21.115.000 ՀՀ դրամ գումարը։
Հաջորդ օրը՝ Էդիկ Մելքոնյանը Հասմիկ Ավետիսյանից վերցրել է փոխանցված գումարի մի մասը, նրա հետ գնացել Երևան քաղաքի Բաբայան 6 հասցեում գտնվող ՀՀ պաշտպանության նախարարության զինծառայողների սոցիալական պաշտպանության վարչության վարչական շենքի մոտ, որտեղ Կարեն Հարությունյանին է փոխանցել նախապես խոստացված առանձնապես խոշոր չափի՝ 2.000.000 ՀՀ դրամ կաշառքը։
Այսինքն՝ Էդիկ Անակի Մելքոնյանը կատարել է հանցավոր արարքներ, որոնք նախատեսված են ՀՀ քրեական օրենսգրքի 178 հոդվածի 3-րդ մասի 1-ին կետով և 312 հոդվածի 3-րդ մասի 1-ին կետով:»
2018 թվականի հունիսի 15-ի որոշմամբ թիվ ԵԱՔԴ/0039/01/17 քրեական գործը նշանակվել է դատական քննության:
2023 թվականի ապրիլի 27-ի դատական նիստում պաշտպան Ս.Անդրեասյանը ներկայացրել է միջնորդություն՝ քրեական պատասխանատվության ենթարկելու վաղեմության ժամկետները անցնելու հիմքով ամբաստանյալներ Հ.Ավետիսյանի և Է.Մելքոնյանի նկատմամբ քրեական հետապնդումը դադարեցնելու և թիվ ԵԱՔԴ/0039/01/17 քրեական գործի վարույթը կարճելու մասին, միաժամանակ նշելով, որ իր վստահորդներին պարզաբանել է նշված հիմքով քրեական հետապնդումը դադարեցնելու հետևանքները:
Ամբաստանյալ Հ.Ավետիսյանը միացել է պաշտպանի կողմից ներկայացված միջնորդությանը: Միաժամանակ նշել է նաև, որ մեղադրանքում առկա գումարից իրեն հասել է ընդամենը 1 500 000 ՀՀ դրամը, իսկ գումարի մնացած մասը տնօրինել է Էդիկ Մելքոնյանը, ուստի չի ընդունում իրեն առաջադրված մեղադրանքը:
Ամբաստանյալ Է.Մելքոնյանը միացնել է պաշտպանի կողմից ներկայացված միջնորդությանը:
Լսելով կողմերի դիրքորոշումները` Դատարանը գտնում է, որ ամբաստանյալներ Հասմիկ Ավետիսյանի և Էդիկ Մելքոնյանի նկատմամբ 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով քրեական հետապնդումն ենթակա է դադարեցման և թիվ ԵԱՔԴ/0039/01/17 քրեական գործի վարույթը՝ կարճման՝ քրեական պատասխանատվության ենթարկելու վաղեմության ժամկետներն անցած լինելու հիմքով՝ հետևյալ պատճառաբանությամբ.
2003 թվականի ապրիլի 18-ին ընդունված ՀՀ քրեական օրենսգրքի 19-րդ հոդվածի համաձայն՝
1. Ըստ բնույթի և հանրության համար վտանգավորության աստիճանի՝ հանցագործությունները դասակարգվում են՝ ոչ մեծ ծանրության, միջին ծանրության, ծանր և առանձնապես ծանր հանցագործությունների:
(…)
4. Ծանր հանցագործություններ են համարվում դիտավորությամբ կատարված այն արարքները, որոնց համար սույն օրենսգրքով նախատեսված առավելագույն պատիժը չի գերազանցում տասը տարի ժամկետով ազատազրկումը:
(…)
2003 թվականի ապրիլի 18-ին ընդունված ՀՀ քրեական օրենսգրքի 75-րդ հոդվածի համաձայն՝
1. Անձն ազատվում է քրեական պատասխանատվությունից, եթե հանցանքն ավարտված համարելու օրվանից անցել են հետևյալ ժամկետները.
(…)
3) տասը տարի՝ ծանր հանցանքն ավարտված համարելու օրվանից.
(…)
2. Վաղեմության ժամկետը հաշվարկվում է հանցանքն ավարտված համարելու օրվանից մինչև դատավճռի օրինական ուժի մեջ մտնելու պահը: Տևող հանցագործության դեպքում վաղեմության ժամկետը հաշվարկվում է արարքը դադարելու, իսկ շարունակվող հանցագործության դեպքում` վերջին արարքը կատարելու պահից:
3. Վաղեմության ժամկետի ընթացքն ընդհատվում է, եթե մինչև նշված ժամկետներն անցնելն անձը կատարում է միջին ծանրության, ծանր կամ առանձնապես ծանր նոր հանցանք: Այս դեպքում վաղեմության ժամկետի հաշվարկն սկսվում է նոր հանցանքի ավարտված համարելու պահից:
4. Վաղեմության ժամկետի ընթացքը կասեցվում է, եթե անձը խուսափում է քննությունից կամ դատից: Այս դեպքում վաղեմության ընթացքը վերսկսվում է անձին ձերբակալելու կամ մեղայականով նրա ներկայանալու պահից: Ընդ որում, անձը չի կարող քրեական պատասխանատվության ենթարկվել, եթե ոչ մեծ ծանրության կամ միջին ծանրության հանցանքն ավարտված համարելու օրվանից անցել է տասը տարի, իսկ ծանր կամ առանձնապես ծանր հանցանքն ավարտված համարելու օրվանից՝ քսան տարի, և վաղեմության ժամկետի ընթացքն ընդհատված չի եղել նոր հանցագործությամբ:
1998 թվականի հուլիսի 1-ին ընդունված ՀՀ քրեական դատավարության օրենսգրքի (այսուհետ նաև` Օրենսգիրք) 35-րդ հոդվածի 1-ին մասի 6-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե անցել են վաղեմության ժամկետները:
Օրենսգրքի 35-րդ հոդվածի 6-րդ մասի համաձայն` սույն հոդվածի առաջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետապնդման դադարեցում չի թույլատրվում, եթե դրա դեմ առարկում է մեղադրյալը: Այս դեպքում գործի վարույթը շարունակվում է սովորական կարգով:
Վերոհիշյալ իրավանորմերի համալիր վերլուծությունից հետևում է, որ քրեական օրենսդրությամբ, կապված արարքի բնույթից և հանրության համար վտանգավորության աստիճանից, նախատեսված են քրեական պատասխանատվության ենթարկելու տարբեր ժամկետներ, որոնց անցնելու դեպքում կատարված արարքը կորցնում է իր վտանգավորությունը, և անձն ազատվում է քրեական պատասխանատվությունից:
Վերոգրյալի հիման վրա քրեադատավարական օրենքը վաղեմության ժամկետն անցնելը դիտում է որպես քրեական գործի վարույթը և քրեական հետապնդումը բացառող հանգամանք` սահմանելով, որ քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե անցել են վաղեմության ժամկետները:
Միևնույն ժամանակ քրեադատավարական օրենքը վաղեմության ժամկետն անցնելու հիմքով քրեական պատասխանատվությունից ազատելու պարտադիր նախապայման է դիտում մեղադրյալի համաձայնությունը, որի բացակայությունը ենթադրում է վարույթի շարունակում ընդհանուր կարգով (նման իրավական դիրքորոշում է արտահայտել ՀՀ վճռաբեկ դատարանն իր` 2011 թվականի հոկտեմբերի 20-ի թիվ ԳԴ5/0022/01/10 որոշմամբ):
2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի համաձայն՝
(…)
3. Խարդախությունը, որը կատարվել է՝
1) առանձնապես խոշոր չափերով,
(…)
պատժվում է ազատազրկմամբ՝ չորսից ութ տարի ժամկետով՝ գույքի բռնագրավմամբ կամ առանց դրա:
Նույն օրենսգրքի 312-րդ հոդվածի համաձյան՝
(…)
3. Կաշառք տալը, որը կատարվել է՝
1) առանձնապես խոշոր չափերով,
(…)
պատժվում է ազատազրկմամբ՝ երեքից յոթ տարի ժամկետով:
Վերոհիշյալ իրավանորմերի համալիր վերլուծությունից կարելի է կատարել հետևյալ եզրահանգումները, մասնավորապես,
ա) 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով նախատեսված հանցագործությունները դասվում են ծանր հանցանքների շարքին,
բ) եթե 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով նախատեսված հանցագործությունները կատարելու պահից անցել է տասը տարի, ապա քրեական գործով վարույթը ենթակա է կարճման, իսկ քրեական հետապնդումը` դադարեցման, եթե վաղեմության ժամկետն ընդհատված կամ կասեցված չի եղել,
գ) վաղեմության ժամկետն անցնելու հիմքով քրեական գործով վարույթը ենթակա չէ կարճման, իսկ քրեական հետապնդումը` դադարեցման, եթե դրա դեմ առարկում է մեղադրյալը (կասկածյալ/ամբաստանյալ):
Անդրադառնալով ամբաստանյալ Հասմիկ Խաչիկի Ավետիսյանի նկատմամբ վաղեմության ժամկետներն անցնելու հիմքով քրեական հետապնդումը դադարեցնելու հարցին, Դատարանն արձանագրում է հետևյալը.
Տվյալ պարագայում ամբաստանյալ Հասմիկ Խաչիկի Ավետիսյանին մեղադրանք է առաջադրվել 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով, այսինքն` վերջինիս մեղսագրվում է ծանր հանցագործություններ, նրան մեղսագրվող ենթադրյալ արարքն ավարտված համարելու օրվանից` 2012 թվականի մարտ ամսից, անցել է տասը տարուց ավելի ժամանակ, նրան առաջադրված մեղադրանքով առկա չէ օրինական ուժի մեջ մտած մեղադրական դատավճիռ, վաղեմության ժամկետը ՀՀ քրեական օրենսգրքով նախատեսված հիմքերով ընդհատված կամ կասեցված չի եղել (հիմք դատվածության վերաբերյալ տեղեկություններ պարունակող Ձև 8 տեղեկանք), ինչպես նաև այն, որ վերջինս ցանկանում է վաղեմության ժամկետն անցնելու հիմքով իր նկատմամբ քրեական հետապնդումը դադարեցվի և թիվ ԵԱՔԴ/0039/01/17 քրեական գործի վարույթը կարճվի:
Դատարանը գտնում է, որ ամբաստանյալ Հասմիկ Խաչիկի Ավետիսյանի նկատմամբ 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով քրեական հետապնդումը ենթակա է դադարեցման քրեական պատասխանատվության ենթարկելու վաղեմության ժամկետներն անցնելու հիմքով:
Անդրադառնալով ամբաստանյալ Էդիկ Անակի Մելքոնյանի նկատմամբ վաղեմության ժամկետներն անցնելու հիմքով քրեական հետապնդումը դադարեցնելու հարցին, Դատարանն արձանագրում է հետևյալը.
Տվյալ պարագայում ամբաստանյալ Էդիկ Անակի Մելքոնյանին մեղադրանք է առաջադրվել 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով, այսինքն` վերջինիս մեղսագրվում է ծանր հանցագործություններ, նրան մեղսագրվող ենթադրյալ արարքն ավարտված համարելու օրվանից` 2012 թվականի մարտ ամսից, անցել է տասը տարուց ավելի ժամանակ, նրան առաջադրված մեղադրանքով առկա չէ օրինական ուժի մեջ մտած մեղադրական դատավճիռ, վաղեմության ժամկետը ՀՀ քրեական օրենսգրքով նախատեսված հիմքերով ընդհատված կամ կասեցված չի եղել (հիմք դատվածության վերաբերյալ տեղեկություններ պարունակող Ձև 8 տեղեկանք), ինչպես նաև այն, որ վերջինս ցանկանում է վաղեմության ժամկետն անցնելու հիմքով իր նկատմամբ քրեական հետապնդումը դադարեցվի և թիվ ԵԱՔԴ/0039/01/17 քրեական գործի վարույթը կարճվի:
Դատարանը գտնում է, որ ամբաստանյալ Էդիկ Անակի Մելքոնյանի նկատմամբ 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով քրեական հետապնդումը ենթակա է դադարեցման և թիվ ԵԱՔԴ/0039/01/17 քրեական գործի վարույթը կարճման` քրեական պատասխանատվության ենթարկելու վաղեմության ժամկետներն անցնելու հիմքով:
1998 թվականի հուլիսի 1-ին ընդունված ՀՀ քրեական դատավարության օրենսգրքի 294-րդ հոդվածի 2-րդ մասի համաձայն` գործով վարույթը կարճելու կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոցները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում է իրեղեն ապացույցների ճակատագիրը:
Անդրադառնալով Հասմիկ Խաչիկի Ավետիսյանի նկատմամբ կիրառված խափանման միջոցի հարցին, Դատարանը գտնում է, որ վերջինիս նկատմամբ որպես խափանման միջոց կիրառված ստորագրություն չհեռանալու մասին պետք է վերացնել: Բացի այդ, Դատարանը գտնում է նաև, որ Հասմիկ Խաչիկի Ավետիսյանի վերաբերյալ «ՍԷԿՏ» համակարգում բացառապես սույն գործով առկա արգելանքը պետք է վերացնել՝ այդպիսին առկա լինելու դեպքում:
Անդրադառնալով Էդիկ Անակի Մելքոնյանի նկատմամբ կիրառված խափանման միջոցի հարցին, Դատարանը գտնում է, որ վերջինիս նկատմամբ որպես խափանման միջոց կիրառված ստորագրություն չհեռանալու մասին պետք է վերացնել: Բացի այդ, Դատարանը գտնում է նաև, որ Էդիկ Անակի Մելքոնյանի վերաբերյալ «ՍԷԿՏ» համակարգում բացառապես սույն գործով առկա արգելանքը պետք է վերացնել՝ այդպիսին առկա լինելու դեպքում:
Անդրադառնալով Հասմիկ Խաչիկի Ավետիսյանի գույքի վրա դրված կալանքի հարցին, Դատարանը գտնում է, որ Կոտայքի մարզի Քասախ համայնքի Վ.Սարգսյան 1-ին փողոցի 1-ին փակուղու 8-րդ շենքի 4-րդ բնակարանի /1/21 բնակարան/ իր մասնաբաժնի վրա դրված կալանքը պետք է վերացնել:
Դատարանն արձանագրում է, որ սույն գործով իրեղեն ապացույցներ, դատական ծախսեր և քաղաքացիական հայց առկա չեն:
Ելնելով վերոգրյալից և ղեկավարվելով 1998 թվականի հուլիսի 1-ին ընդունված ՀՀ քրեական դատավարության օրենսգրքի 41-րդ, 35-րդ, 294-րդ, 376.1-րդ և 379-րդ հոդվածներով` Դատարանը`

Ո Ր Ո Շ Ե Ց
Ամբաստանյալ Հասմիկ Խաչիկի Ավետիսյանի նկատմամբ 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով քրեական հետապնդումը դադարեցնել:
Հասմիկ Խաչիկի Ավետիսյանի նկատմամբ որպես խափանման միջոց կիրառված ստորագրություն չհեռանալու մասին վերացնել:
Հասմիկ Խաչիկի Ավետիսյանի վերաբերյալ «ՍԷԿՏ» համակարգում բացառապես սույն գործով առկա արգելանքը վերացնել:
Ամբաստանյալ Էդիկ Անակի Մելքոնյանի նկատմամբ 2003 թվականի ապրիլի 18-ին ընդունված ՀՀ քրեական օրենսգրքի 178-րդ հոդվածի 3-րդ մասի 1-ին կետով և 312-րդ հոդվածի 3-րդ մասի 1-ին կետով քրեական հետապնդումը դադարեցնել:
Էդիկ Անակի Մելքոնյանի նկատմամբ որպես խափանման միջոց կիրառված ստորագրություն չհեռանալու մասին վերացնել:
Էդիկ Անակի Մելքոնյանի վերաբերյալ «ՍԷԿՏ» համակարգում բացառապես սույն գործով առկա արգելանքը վերացնել:
Թիվ ԵԱՔԴ/0039/01/17 քրեական գործի վարույթը կարճել:
Հասմիկ Խաչիկի Ավետիսյանի գույքի՝ Կոտայքի մարզի Քասախ համայնքի Վ.Սարգսյան 1-ին փողոցի 1-ին փակուղու 8-րդ շենքի 4-րդ բնակարանի /1/21 բնակարան/ իր մասնաբաժնի վրա դրված կալանքը վերացնել:
Իրեղեն ապացույցների, քաղաքացիական հայցի, դատական ծախսերի հարցերը համարել լուծված։
Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո մեկամսյա ժամկետում:

ԴԱՏԱՎՈՐ` Դ.ՀԱՐՈՒԹՅՈՒՆՅԱՆ