ԵԱՔԴ/0003/01/17

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«20» օգոստոսի 2020 թվական ք. Երևան

Երևան քաղաքի առաջին ատյանի ընդհանուր իրավասության դատարանը (այսուհետ նաև` Դատարան),
նախագահությամբ` դատավոր Վ.Մարգարյանի,
քարտուղարությամբ` Ա.Գրիգորյանի,

մասնակցությամբ`
մեղադրող` Վ.Սարգսյանի,
ամբաստանյալներ` Ա.Ֆերոյանի,
Էդ.Խուդոյանի,
պաշտպաններ՝ Հ.Մաղաքյանի,
Վ.Դանիելյանի,
տուժողներ՝ Հ.Ալոյանի,
Գ.Մարգարյանի,
Ա.Նամոյանի,
Ա.Գևորգյանի,
Հ.Գիժլարյանի,
Վ.Առաքելյանի,
Գ.Գրիգորյանի,
Ա.Մովսիսյանի,
տուժողներ Հ.Ալոյանի և Ա.Նամոյանի
ներկայացուցիչ՝ Ա.Բարսեղյանի

դռնբաց դատական նիստում քննելով քրեական գործն ըստ մեղադրանքի՝
1.Էդվարդ Վազիրի Խուդոյանի` (ծնվ. 09.08.1989թ. Մասիս քաղաքում, ազգությամբ եզդի, ՀՀ քաղաքացի, ըստ իր հայտարարության կրթություն չունի, չամուսնացած, չի աշխատել, նախկինում չդատված, հաշվառված է և բնակվել է Մասիս քաղաքի 10-րդ փողոցի 29-րդ տանը, սույն քրեական գործով որպես խափանման միջոց է ընտրված կալանավորումը, կալանքի տակ է 2016 թվականի մարտի 30-ից) մեղադրվում է ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 117-րդ հոդվածով, 183-րդ հոդվածի 2-րդ մասի 2-րդ կետով, 185-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով` 2/երկու/ դրվագով,
2.Ահմեդ Խդրի Ֆերոյանի` (ծնվ. 14.01.1996թ. Մասիս քաղաքում, ազգությամբ եզդի, ՀՀ քաղաքացի, ութամյա կրթությամբ, չամուսնացած, չի աշխատել, հանդիսացել է ՀՀ ՊՆ 51191 զորամասի ժամկետային զինծառայող, սույն քրեական գործով մեղսագրվող արարքները կատարելու պահին չդատված, Արարատի և Վայոց Ձորի մարզերի ընդհանուր իրավասության դատարանի 2017 թվականի օգոստոսի 2-ի թիվ ԱՎԴ2/0014/01/17 դատավճռով՝ 2015թ. օգոստոսի 29-ին կատարած հանցանքի համար, ՀՀ քրեական օրենսգրքի 238-րդ հոդվածի 1-ին մասով դատապարտվել է ազատազրկման 3/երեք/ տարի ժամկետով՝ միաժամանակ նշանակվել է նյարդահոգեբույժի հսկողություն, տառապում է «իրավիճակով պայմանավորված կոնվերսիոն /հիստերիկ/ հակազդումներ մտավոր թերնորմալ անձի մոտ ցուցադրական վարքագծով» հիվանդությամբ, հաշվառված և բնակվել է Մասիս քաղաքի 2-րդ փողոցի 11-րդ տանը, սույն քրեական գործով որպես խափանման միջոց է ընտրված կալանավորումը, կալանքի տակ է 2016 թվականի մարտի 30-ից) մեղադրվում է ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 183-րդ հոդվածի 2-րդ մասի 2-րդ կետով,177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով՝ 2/երկու/ դրվագով.

ՊԱՐԶԵՑ

Գործի դատավարական նախապատմությունը.
1. 2016 թվականի մարտի 13-ին ՀՀ քննչական կոմիտեի Արմավիրի մարզային քննչական վարչությունում Ազնիֆ Ահմադի Նամոյանի հաղորդման վերաբերյալ նախապատրաստված նյութերով հարուցվել է թիվ 48104816 քրեական գործը՝ ՀՀ քրեական օրենսգրքի 113-րդ հոդվածի 2-րդ մասի 3-րդ կետի, 117-րդ հոդվածի և 147-րդ հոդվածի 1-ին մասի հատկանիշներով:
2016 թվականի մարտի 13-ին Ազնիֆ Ահմադի Նամոյանը և Հուտո Սուտոյի Ալոյանը ճանաչվել են տուժողներ:
2016 թվականի մարտի 17-ին ՀՀ քննչական կոմիտեի Արմավիրի մարզային քննչական վարչությունում հարուցվել է թիվ 48105016 քրեական գործը՝ ՀՀ քրեական օրենսգրքի 183-րդ հոդվածի 2-րդ մասի 1-ին կետի, 185-րդ հոդվածի 2-րդ մասի 1-ին և 2-րդ կետերի հատկանիշներով:
2016 թվականի մարտի 17-ին Հորիզոն Մարգարի Գիժլարյանը ճանաչվել է տուժող:
2016 թվականի մարտի 30-ին Ահմեդ Խդրի Ֆերոյանը և Էդվարդ Վազիրի Խուդոյան ձերբակալվել են:
2016 թվականի մարտի 31-ին որոշում է կայացվել թիվ 48105016 քրեական գործը թիվ 48104816 քրեական գործին միացնելու և նախաքննությունը մեկ վարույթում՝ 48104816 համարով շարունակելու մասին:
2016 թվականի ապրիլի 1-ին Էդվարդ Վազիրի Խուդոյանին մեղադրանք է առաջադրվել ՀՀ քրեական օրենսգրքի 175-րդ հոդվածի 3-րդ մասի 3-րդ կետով, 183-րդ հոդվածի 2-րդ մասի 1-ին և 2-րդ կետերով, 185-րդ հոդվածի 2-րդ մասի 1-ին և 2-րդ կետերով:
2016 թվականի ապրիլի 1-ին Ահմեդ Խդրի Ֆերոյանին մեղադրանք է առաջադրվել ՀՀ քրեական օրենսգրքի 175-րդ հոդվածի 3-րդ մասի 3-րդ կետով, 183-րդ հոդվածի 2-րդ մասի 2-րդ կետով:
2016 թվականի ապրիլի 2-ին Ահմեդ Խդրի Ֆերոյանի նկատմամբ որպես խափանման միջոց է ընտրվել կալանավորումը:
2016 թվականի ապրիլի 2-ին Էդվարդ Վազիրի Խուդոյանի նկատմամբ որպես խափանման միջոց է ընտրվել կալանավորումը:
2016 թվականի մարտի 30-ին ՀՀ քննչական կոմիտեի Արարատի մարզային քննչական վարչության Մասիսի քննչական բաժնում Արգամ Սամվելի Մովսիսյանի հաղորդման շուրջ նախապատրաստված նյութերով հարուցվել է թիվ 44105616 քրեական գործը՝ ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2016 թվականի մարտի 30-ին Արգամ Սամվելի Մովսիսյանը ճանաչվել է տուժող:
2016 թվականի ապրիլի 6-ին թիվ 44105616 քրեական գործն ընդունվել է ՀՀ քննչական կոմիտեի զինվորական ՔԳՎ չորրորդ կայազորային քննչական բաժնի քննիչ Ա.Վարդանյանի վարույթ:
2016 թվականի ապրիլի 7-ին թիվ 44105616 քրեական գործով Էդվարդ Վազիրի Խուդոյանին և Ահմեդ Խդրի Ֆերոյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2016 թվականի ապրիլի 7-ին թիվ 48104816 քրեական գործն ընդունվել է ՀՀ քննչական կոմիտեի զինվորական ՔԳՎ չորրորդ կայազորային քննչական բաժնի քննիչ Ա.Վարդանյանի վարույթ:
2016 թվականի ապրիլի 12-ին որոշում է կայացվել թիվ 44105616 քրեական գործը թիվ 48104816 քրեական գործին միացնելու և նախաքննությունը մեկ վարույթում՝ 48104816 համարով շարունակելու մասին:
2016 թվականի ապրիլի 2-ին ՀՀ քննչական կոմիտեի Արարատի մարզային քննչական վարչության Մասիսի քննչական բաժնում հարուցվել է թիվ 44105916 քրեական գործը՝ ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2016 թվականի ապրիլի 4-ին Գագիկ Մարտինի Գրիգորյանը ճանաչվել է տուժող:
2016 թվականի ապրիլի 12-ին որոշում է կայացվել թիվ 44105916 քրեական գործը թիվ 48104816 քրեական գործին միացնելու և նախաքննությունը մեկ վարույթում՝ 48104816 համարով շարունակելու մասին:
2016 թվականի ապրիլի 2-ին ՀՀ քննչական կոմիտեի Արարատի մարզային քննչական վարչությունում Էդվարդ Վազիրի Խուդոյանի և Ահմեդ Խդրի Ֆերոյանի կողմից նախնական համաձայնությամբ Գեղամ Բադալյանի տան դիմաց կայանված «Ազատ ՋՕԸ» պատկանող Վազ 2121 մակնիշի 476US15հ/հ-ի ավտոմեքենայի դետալները գաղտնի հափշտակելու դեպքի առթիվ հարուցվել է 27106116 քրեական գործը՝ ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2016 թվականի ապրիլի 12-ին որոշում է կայացվել թիվ 27106116 քրեական գործը թիվ 48104816 քրեական գործին միացնելու և նախաքննությունը մեկ վարույթում՝ 48104816 համարով շարունակելու մասին:
2016 թվականի ապրիլի 2-ին ՀՀ քննչական կոմիտեի Արարատի մարզային քննչական վարչությունում Էդվարդ Վազիրի Խուդոյանի և Ահմեդ Խդրի Ֆերոյանի կողմից նախնական համաձայնությամբ Գրիգոր Մնացականի Մարգարյանին պատկանող Վազ 2106 մակնիշի 34FZ080 հ/հ-ի ավտոմեքենայի դետալները գաղտնի հափշտակելու դեպքի առթիվ հարուցվել է թիվ 27106216 քրեական գործը՝ ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2016 թվականի ապրիլի 4-ին Գրիգոր Մնացականի Մարգարյանը ճանաչվել է տուժող:
2016 թվականի ապրիլի 12-ին որոշում է կայացվել թիվ 27106216 քրեական գործը թիվ 48104816 քրեական գործին միացնելու և նախաքննությունը մեկ վարույթում՝ 48104816 համարով շարունակելու մասին:
2016 թվականի փետրվարի 13-ին ՀՀ քննչական կոմիտեի զինվորական քննչական գլխավոր վարչության վեցերորդ կայազորային քննչական բաժնում հարուցվել է թիվ 90751616 քրեական գործը՝ ՀՀ քրեական օրենսգրքի 363-րդ հոդվածի 1-ին մասի հատկանիշներով:
2016 թվականի մայիսի 5-ին որոշում է կայացվել թիվ 90751616 քրեական գործը թիվ 48104816 քրեական գործին միացնելու և նախաքննությունը մեկ վարույթում՝ 48104816 համարով շարունակելու մասին:
2016 թվականի ապրիլի 7-ին ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում հարուցվել է թիվ 16115516 քրեական գործը՝ ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2016 թվականի ապրիլի 7-ին Արսեն Գևորգյանը ճանաչվել է տուժող:
2016 թվականի մայիսի 7-ին որոշում է կայացվել թիվ 16115516 քրեական գործը թիվ 48104816 քրեական գործին միացնելու և նախաքննությունը մեկ վարույթում՝ 48104816 համարով շարունակելու մասին:
2016 թվականի ապրիլի 5-ին ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում հարուցվել է թիվ 11124816 քրեական գործը՝ ՀՀ քրեական օրենսգրքի 177-րդ հոդվածի 1-ին մասով:
2016 թվականի ապրիլի 5-ին Վարդգես Յուրայի Առաքելյանը ճանաչվել է տուժող:
2016 թվականի մայիսի 25-ին որոշում է կայացվել թիվ 11124816 քրեական գործը թիվ 48104816 քրեական գործին միացնելու և նախաքննությունը մեկ վարույթում՝ 48104816 համարով շարունակելու մասին:
2016 թվականի դեկտեմբերի 20-ին որոշում է կայացվել Ահմեդ Խդրի Ֆերոյանի նկատմամբ ՀՀ քրեական օրենսգրքի 363-րդ հոդվածի 1-ին մասով քրեական հետապնդում չիրականացնելու մասին՝ արարքում հանցակազմի բացակայության հիմքով:
2016 թվականի դեկտեմբերի 20-ին որոշում է կայացվել Էդվարդ Վազիրի Խուդոյանի նկատմամբ ՀՀ քրեական օրենսգրքի 186-րդ հոդվածի 1-ին մասով քրեական հետապնդում չիրականացնելու մասին՝ արարքում հանցակազմի բացակայության հիմքով:
2016 թվականի դեկտեմբերի 21-ին որոշում է կայացվել Էդվարդ Վազիրի Խուդոյանին ՀՀ քրեական օրենսգրքի 175-րդ հոդվածի 3-րդ մասի 3-րդ կետով, ՀՀ քրեական օրենսգրքի 183-րդ հոդվածի 2-րդ մասի 1-ին և 2-րդ կետերով, ՀՀ քրեական օրենսգրքի 185-րդ հոդվածի 2-րդ մասի 1-ին և 2-րդ կետերով, ՀՀ քրեական օրենսգրքի 177-րդ հոդվածի 2-րդ մասի 1-ին կետով առաջադրված մեղադրանքը փոփոխելու, լրացնելու և նրան ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, ՀՀ քրեական օրենսգրքի 112-րդ հոդվածի 2-րդ մասի 6-րդ կետով, ՀՀ քրեական օրենսգրքի 117-րդ հոդվածով, ՀՀ քրեական օրենսգրքի 183-րդ հոդվածի 2-րդ մասի 2-րդ կետով, ՀՀ քրեական օրենսգրքի 185-րդ հոդվածի 2-րդ մասի 1-ին կետով, ՀՀ քրեական օրենսգրքի 177-րդ հոդվածի 2-րդ մասի 1-ին կետով և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով՝ 2/երկու/ դրվագով կրկին մեղադրանք առաջադրելու մասին:
2016 թվականի դեկտեմբերի 21-ին որոշում է կայացվել Ահմեդ Խդրի Ֆերոյանին ՀՀ քրեական օրենսգրքի 175-րդ հոդվածի 3-րդ մասի 3-րդ կետով, ՀՀ քրեական օրենսգրքի 183-րդ հոդվածի 2-րդ մասի 2-րդ կետով և ՀՀ քրեական օրենսգրքի 177-րդ հոդվածի 2-րդ մասի 1-ին կետով առաջադրված մեղադրանքը փոփոխելու, լրացնելու և նրան ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, ՀՀ քրեական օրենսգրքի 112-րդ հոդվածի 2-րդ մասի 6-րդ կետով, ՀՀ քրեական օրենսգրքի 183-րդ հոդվածի 2-րդ մասի 2-րդ կետով, ՀՀ քրեական օրենսգրքի 177-րդ հոդվածի 2-րդ մասի 1-ին կետով և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով՝ 2/երկու/ դրվագով կրկին մեղադրանք առաջադրելու մասին:
2017 թվականի հունվարի 11-ին նախաքննական մարմնի կողմից թիվ 48104816 քրեական գործով կազմվել է մեղադրական եզրակացություն և քրեական գործի հետ ուղարկվել է Երևանի կայազորի զինվորական դատախազություն, որը 2017 թվականի հունվարի 16-ին հաստատվել է Երևանի կայազորի զինվորական դատախազի տեղակաԼի կողմից և քրեական գործն ըստ մեղադրանքի Էդվարդ Վազիրի Խուդոյանի` ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 117-րդ հոդվածով,183-րդ հոդվածի 2-րդ մասի 2-րդ կետով, 185-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով` 2/երկու/ դրվագով, Ահմեդ Խդրի Ֆերոյանի` ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 183-րդ հոդվածի 2-րդ մասի 2-րդ կետով,177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով՝ 2/երկու/ դրվագով, ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան: Քրեական գործին շնորհվել է ԵԱՔԴ/0003/01/17 համարը և 2017 թվականի հունվարի 16-ին մակագրվել նույն դատարանի դատավոր Դ.Գրիգորյանին:
2017 թվականի հունվարի 17-ին թիվ ԵԱՔԴ/0003/01/17 քրեական գործն ընդունվել է դատավոր Դ.Գրիգորյանի վարույթ, իսկ 2017 թվականի հունվարի 19-ի որոշմամբ՝ քրեական գործն ըստ ընդդատության ուղարկվել է Երևան քաղաքի Շենգավիթ վարչական շրջանի ընդհանուր իրավասության առաջին ատյանի դատարան:
2017 թվականի հունվարի 23-ի որոշմամբ՝ թիվ ԵԱՔԴ/0003/01/17 քրեական գործն ընդունվել է Երևան քաղաքի Շենգավիթ վարչական շրջանի ընդհանուր իրավասության առաջին ատյանի դատարանի դատավոր Կ.Մարդանյանի վարույթ, իսկ 2017 թվականի հունվարի 26-ի որոշմամբ` գործը նշանակվել է դատական քննության:
ՀՀ Նախագահի 2017 թվականի փետրվարի 28-ի ՆՀ-270-Ա հրամանագրով Կ.Մարդանյանը նշանակվել է ՀՀ վերաքննիչ քրեական դատարանի դատավոր` դադարեցնելով նրա` Երևան քաղաքի Շենգավիթ վարչական շրջանի ընդհանուր իրավասության առաջին ատյանի դատարանի դատավորի լիազորությունները:
2017 թվականի մարտի 24-ին թիվ ԵԱՔԴ/0003/01/17 քրեական գործը վերամակագրվել և 2017 թվականի մարտի 27-ին հանձնվել է նույն դատարանի դատավոր Վ.Մարգարյանին:
Նույն օրը՝ 2017 թվականի մարտի 27-ին, քրեական գործն ընդունվել է վարույթ, իսկ 2017 թվականի ապրիլի 5-ի որոշմամբ՝ գործով նշանակվել է դատական քննություն:

2. 2016 թվականի դեկտեմբերի 21-ին Էդվարդ Վազիրի Խուդոյանին ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 117-րդ հոդվածով, 183-րդ հոդվածի 2-րդ մասի 2-րդ կետով, 185-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով` 2/երկու/ դրվագով՝ առաջադրվել է մեղադրանք մեղադրանքի փաստական կողմի հետևյալ նկարագրությամբ
«[Էդվարդ Վազիրի Խուդոյանը] գողություն կատարելու վերաբերյալ նախնական համաձայնության գալով իր ընկերոջ՝ ՀՀ ՊՆ 51191 զորամասի ժամկետային զինծառայող, շարքային Ահմեդ Խդրի Ֆերոյանի հետ, 2016թ. մարտի 13-ին՝ ժամը 01:00-ի սահմաններում, Արարատի մարզի Մասիս քաղաքից պատահական տաքսի ավտոմեքենայով ուղևորվել են Արմավիրի մարզի Երասխահուն գյուղ, որտեղ ցանկապատն անցնելով մուտք են գործել նույն գյուղի բնակիչ Հուտո Սուտոյի Ալոյանի առանձնատան տարածք և ժամը 02:30-ի սահմաններում ուրիշի գույքի զգալի չափերով հափշտակություն կատարելու դիտավորությամբ Էդվարդ Խուդոյանը փայտով կոտրել է Հուտո Ալոյանի առանձնատան առաջին հարկի պատուհանը, որից հետո Ահմեդ Ֆերոյանին օգնել է պատուհանով ապօրինի մուտք գործել բնակարան հանդիսացող առանձնատուն, ինչից հետո Էդվարդ Խուդոյանը ցանկացել է նույն կերպ ապօրինի մուտք գործել առանձնատուն, սակայն, լսելով տանտերեր, ամուսիններ Հուտո Ալոյանի և Ազնիֆ Նամոյանի ձայները և հասկանալով, որ նրանք արթնացել են, մուտք չի գործել, այլ թաքնվել է բակում, իսկ Ահմեդ Ֆերոյանը թաքնվել է տան բաղնիքում, ինչի արդյունքում հանցագործությունն ավարտին չի հասցվել իրենց կամքից անկախ հանգամանքներում:
Այնուհետև, դեպքի վայրից իրենց փախուստն ապահովելու նպատակով նշված առանձնատան բակում Էդվարդ Խուդոյանը փայտով դիտավորյալ հարվածներ է հասցրել Հուտո Ալոյանի մարմնի տարբեր մասերին, վայր գցել նրան, որի ընթացքում առանձնատնից դուրս է եկել Ահմեդ Ֆերոյանը և ձեռքին եղած դանակի բռնակով դիտավորությամբ, փոխլրացնելով Էդվարդ Խուդոյանի գործողությունները, խմբով հարվածներ են հասցրել Հուտո Ալոյանի գլխին և մարմնի մյուս մասերին՝ Հուտո Ալոյանին պատճառելով գլխի աջ կեսի գագաթային, գագաթաքունքային, ճակատի աջ կեսի սալջարդ վերքերի, ենթամաշկային արյունահավաքների, աջ աչքի վերին կոպի ենթամաշկային արյունահավաքի և արյունազեղման, գանգի ոսկրերի՝ աջից ճակատոսկրի անցումով քունքոսկրի խրթեշի բաց, ներհրված կոտրվածքի, աջից ճակատոսկրի և ճակատային ծոցի զույգ պատերի, աջ ակնակապճի վերին, միջային և դրսային պատերի (աջից առաջային գանգափոսի) բեկորային կոտրվածքների, աջից քթոսկրերի և քթի միջնապատի կոտրվածքների, գլխուղեղի աջից ճակատային բլթի կոնտուզիոն հեմառոգիկ օջախների, գլխուղեղի ճակատա-քունքա-գագաթային հատվածի ենթակարծրենային և վերկարծրենային արյունահավաքի, գլխուղեղի աջ կիսագնդի սուբախնոիդալ արյունազեղման, գլխուղեղի միջին աստիճանի սալջարդի, կրծքավանդակի աջ կեսի հետին մակերեսի շրջանի արյունազեղման և աջ թիակոսկրի փակ, բեկորային կոտրվածքի ձևով առողջության ծանր վնաս՝ կյանքին վտանգ սպառնացող:
Այդ պահին նրանց գործողությունները փորձել է կանխել Ազնիֆ Նամոյանը, որի ժամանակ Էդվարդ Խուդոյանը փայտով դիտավորյալ հարվածել է Ազնիֆ Նամոյանի դեմքի շրջանին՝ պատճառելով ճակատի ձախ կեսի վերհոնքային շրջանի սալջարդ վերքի, քթի մեջքի ձախից հիմի շրջանի քերծվածքի, ձախ այտային շրջանի ենթամաշկային արյունահավաքի ձևով առողջության թեթև վնաս առողջության կարճատև քայքայումով, որից հետո Էդվարդ Խուդոյանը և Ահմեդ Ֆերոյանը դիմել են փախուստի:
Այսինքն, Էդվարդ Խուդոյանին մեղսագրվում է հանցանքներ, որոնք նախատեսված են ՀՀ քրեական օրենսգրքի 34-177-րդ հոդվածի 3-րդ մասի 1.1-րդ կետով, 112-րդ հոդվածի 2-րդ մասի 6-րդ կետով և 117-րդ հոդվածով:
Այնուհետև, Էդվարդ Խուդոյանն ու Ահմեդ Ֆերոյանը 2016թ. մարտի 13-ին՝ ժամը 03:00-ի սահմաններում, Հուտո Ալոյանի և Ազնիֆ Նամոյանի առանձնատնից փախնելու ճանապարհին, նկատելով Արմավիրի մարզի Երասխահուն գյուղի բնակիչ Հորիզոն Մարգարի Գիժլարյանի առանձնատան բակում կայանված, վերջինիս պատկանող «Վազ 2103» մակնիշի 59 SL 904 հաշվառման համարանիշի ավտոմեքենան, նախնական համաձայնության գալով միմյանց հետ, առանց հափշտակելու նպատակի ապօրինաբար տիրացել են նշված ավտոմեքենային և վարելու միջոցով փախցրել այն, որից հետո, երբ հասել են Արմավիրի մարզի Արաքս գյուղից Արարատի մարզի Ռանչպար գյուղ տանող ավտոճանապարհ, ավտոմեքենայի վառելիքը վերջացել է, ինչի պատճառով Ա.Ֆերոյանը իջել է մեքենայից և վազքով շարունակել է փախուստը, իսկ Էդվարդ Խուդոյանը ուրիշի գույքը դիտավորությամբ ոչնչացնելու նպատակով հրկիզել է Հորիզոն Գիժլարյանին պատկանող ավտոմեքենան՝ վերջինիս պատճառելով զգալի չափերի՝ 320.000 ՀՀ դրամի գույքային վնաս:
Այսինքն, Էդվարդ Խուդոյանին մեղսագրվում է հանցանքներ, որոնք նախատեսված է ՀՀ քրեական օրենսգրքի 183-րդ հոդվածի 2-րդ մասի 2-րդ կետով և ՀՀ քրեական օրենսգրքի 185-րդ հոդվածի 2-րդ մասի 1-ին կետով:
Բացի այդ, Էդվարդ Խուդոյանն ու Ահմեդ Ֆերոյանը, նախնական համաձայնության գալով ավտոմեքենայից գողություն կատարելու վերաբերյալ, 2016թ. մարտի 23-ին՝ ժամը 04:00-ի սահմաններում, Մասիս քաղաքի 3-րդ փողոցի 1-ին շենքի դիմացից փախցրել են Արգամ Սամվելի Մովսիսյանին պատկանող «Վազ 2107» մակնիշի 34 PD 100 հաշվառման համարանիշի ավտոմեքենան և տեղափոխել Մասիս քաղաքի Նոր թաղամասի թիվ 2 միջնակարգ դպրոցին հարակից դաշտ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 200.000 ՀՀ դրամ արժողության 4 հատ անվադողերի՝ իրենց անվահեծերով, գազաբալոնի, ձայնարկիչի հափշտակություն:
Այսինքն, Էդվարդ Խուդոյանին մեղսագրվում է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին կետով:
Բացի այդ, Էդվարդ Խուդոյանն ու Ահմեդ Ֆերոյանը, նախնական համաձայնության գալով ավտոմեքենաներից գողություններ կատարելու վերաբերյալ, 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում, Արարատի մարզի Մրգավետ գյուղում գտնվող Գեղամ Անդրանիկի Բադալյանի առանձնատան դիմացից փախցրել են «Ազատ» ջրօգտագործողների ընկերությանը պատկանող «Վազ 21214» մակնիշի 476 US 15 հաշվառման համարանիշի ավտոմեքենան և տեղափոխել Արարատի մարզի Դարակերտ գյուղ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 500.000 ՀՀ դրամ արժողության էլեկտրական մարտկոցի, 2 խ/մ ծավալի գազաբալոնի, հետևի նստատեղի, առջևի նստատեղերի գլխի հենակների, բեռնախցիկի դռան և հողմապակու, «SONY» տեսակի ձայնարկիչի, բարձրախոսների, կողային հայելիների, ցուցիչների վահանակի, առջևի հակավթարային զույգ լուսարձակների և մեքենայի շարժիչի ջրի հովացման պտուտակների հափշտակություն:
Շարունակելով իրենց հանցավոր գործունեությունը, Էդվարդ Խուդոյանն ու Ահմեդ Ֆերոյանը 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում, Արտաշատ քաղաքի Մխչյան փողոցի 3-րդ առանձնատան դիմացից փախցրել են Գրիգոր Մնացականի Մարգարյանին պատկանող «Վազ 2106» մակնիշի 34 FZ 080 հաշվառման համարանիշի ավտոմեքենան և տեղափոխել Արարատի մարզի Այնթափ գյուղից դեպի Նուբարաշեն տանող ավտոճանապարհ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի ՝ ընդհանուր 175.000 ՀՀ դրամ արժողության էլեկտրական մարտկոցի, 1.2 մ/խ ծավալի գազաբալոնի, պահեստային անվադողի և անվահեծի, աշխատանքային գործիքների, գործարանային ամբարձիչի և կողային հայելիների հափշտակություն:
Դրանից հետո, Էդվարդ Խուդոյանն ու Ահմեդ Ֆերոյանը, շարունակելով իրենց հանցավոր մտադրությունը՝ նախնական համաձայնությամբ ավտոմեքենաներից գողություններ կատարելու վերաբերյալ, 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում Արարատի մարզի Դարակերտ գյուղի Հ.Միրզոյան փողոցի 7-րդ առանձնատան դիմացից փախցրել են Գագիկ Մարտինի Գրիգորյանին պատկանող, հաշվառումից հանված «Վազ 2102» մակնիշի կանաչ գույնի ավտոմեքենան և տեղափոխել Երևան քաղաքի Էրեբունի-Նուբարաշեն ավտոճանապարհի 6-րդ կիլոմետրի հատված, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 50.000 ՀՀ դրամ արժողության էլեկտրական մարտկոցի ու ձայնարկիչի հափշտակություն:
Այսպիսով՝ Էդվարդ Խուդոյանն ու Ահմեդ Ֆերոյանը միասնական դիտավորությամբ նախնական համաձայնության գալով ավտոմեքենաներից գողություններ կատարելու վերաբերյալ, խմբով կատարել են ուրիշի գույքի խոշոր չափերի՝ ընդհանուր 725.000 ՀՀ դրամի հափշտակություն:
Այսինքն, Էդվարդ Խուդոյանին մեղսագրվում է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով:
Բացի այդ, Էդվարդ Խուդոյանն ու Ահմեդ Ֆերոյանը 2016թ. մարտի 28-ին, նախնական համաձայնության գալով ավտոմեքենաներից գողություններ կատարելու վերաբերյալ, 2016թ. մարտի 29-ին՝ ժամը 01:30-ից 08:30-նն ընկած ժամանակահատվածում, Երևան քաղաքի Լամբրոնի 26 տան դիմացից փախցրել են Արսեն Ռաֆիկի Գևորգյանին պատկանող «Վազ 21021» մակնիշի 64 UU 161 հաշվառման համարանիշի ավտոմեքենան և տեղափոխել Արարատի մարզի Խարբերդ գյուղի գերեզմանատան մոտ, որտեղ խմբով, ապամոնտաժման եղանակով մեքենայից կատարել են ուրիշի գույքի խոշոր չափերի՝ ընդհանուր 1.000.000 ՀՀ դրամ արժողության 4 անվադողերի և անվահեծերի, 1 պահեստային անվադողի և անվահեծի, դռների ապակիների և դրանց էլեկտարական կառավարման մեխանիզմների, մեկ զույգ ապակեմաքրիչների և դրանց շարժիչների, առջևի և հետևի նստատեղերի, ցուցիչների վահանակի, հետևի լուսարձակների, «BOSH» տեսակի ձայնային ազդանշանների, էլեկտրական մարտկոցի, մեկ զույգ «SONY» տեսակի բարձրախոսների, ռադիատորի, դինամոյի, տրամլյորի, ապակեմաքրիչների ջրի տարայի, հետնամասի մեկ զույգ ռետինե ցեխապաշտպանիչների, սրահի 4 հատ ռետինե գորգերի, 2 խ/մ ծավալի գազաբալոնի և դրա կարգավորիչի, դռան բռնակների, պաստառների ու դեկորատիվ վահանի հափշտակություն:
Այնուհետև, Էդվարդ Խուդոյանն ու Ահմեդ Ֆերոյանը, շարունակելով իրենց հանցավոր մտադրությունը՝ նախնական համաձայնությամբ ավտոմեքենաներից գողություններ կատարելու վերաբերյալ, 2016թ. մարտի 29-ին՝ ժամը 01:30-ից 08:30-նն ընկած ժամանակահատվածում, Երևան քաղաքի Նորագավիթ թաղամասի 9-րդ փողոցի 42-րդ տան բակից փախցրել են նույն տան բնակիչ Վարդգես Յուրիկի Առաքելյանին պատկանող «Վազ 2106» մակնիշի 34 MU 153 հաշվառման համարանիշի ավտոմեքենան և տեղափոխել Արարատի մարզի Նորաբաց գյուղի հարակից դաշտեր, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 280.000 ՀՀ դրամ արժողության հետևի նստատեղի, բարձրախոսների, պահեստային անվադողի և շինարարական գործիքների հափշտակություն:
Այսպիսով՝ Էդվարդ Խուդոյանն ու Ահմեդ Ֆերոյանը միասնական դիտավորությամբ նախնական համաձայնության գալով ավտոմեքենաներից գողություններ կատարելու վերաբերյալ, խմբով կատարել են ուրիշի գույքի խոշոր չափերի՝ ընդհանուր 1.280.000 ՀՀ դրամի հափշտակություն:
Այսինքն, Էդվարդ Խուդոյանին մեղսագրվում է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով:
Այսինքն, Էդվարդ Խուդոյանին մեղսագրվում է հանցագործություններ, որոնք նախատեսված են ՀՀ քրեական օրենսգրքի 34-177-րդ հոդվածի 3-րդ մասի 1.1-րդ կետով, ՀՀ քրեական օրենսգրքի 112-րդ հոդվածի 2-րդ մասի 6-րդ կետով, ՀՀ քրեական օրենսգրքի 117-րդ հոդվածով, ՀՀ քրեական օրենսգրքի 183-րդ հոդվածի 2-րդ մասի 2-րդ կետով, ՀՀ քրեական օրենսգրքի 185-րդ հոդվածի 2-րդ մասի 1-ին կետով, ՀՀ քրեական օրենսգրքի 177-րդ հոդվածի 2-րդ մասի 1-ին կետով և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով (2 դրվագ):»:
2.1. 2016 թվականի դեկտեմբերի 21-ին Ահմեդ Խդրի Ֆերոյանին ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, ՀՀ քրեական օրենսգրքի 112-րդ հոդվածի 2-րդ մասի 6-րդ կետով, ՀՀ քրեական օրենսգրքի 183-րդ հոդվածի 2-րդ մասի 2-րդ կետով, ՀՀ քրեական օրենսգրքի 177-րդ հոդվածի 2-րդ մասի 1-ին կետով և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով՝ 2/երկու/ դրվագով, առաջադրվել է մեղադրանք մեղադրանքի փաստական կողմի հետևյալ նկարագրությամբ.
«[Ահմեդ Խդրի Ֆերոյանը] գողություն կատարելու վերաբերյալ նախնական համաձայնության գալով իր ընկերոջ՝ Մասիս քաղաքի բնակիչ Էդուարդ Վազիրի Խուդոյանի հետ, 2016թ. մարտի 13-ին՝ ժամը 01:00-ի սահմաններում, Մասիս քաղաքից պատահական տաքսի ավտոմեքենայով ուղևորվել են Արմավիրի մարզի Երասխահուն գյուղ, որտեղ ցանկապատն անցնելով մուտք են գործել նույն գյուղի բնակիչ Հուտո Սուտոյի Ալոյանի առանձնատան տարածք և ժամը 02:30-ի սահմաններում ուրիշի գույքի զգալի չափերով հափշտակություն կատարելու դիտավորությամբ Էդվարդ Խուդոյանը փայտով կոտրել է Հուտո Ալոյանի առանձնատան առաջին հարկի պատուհանը, որից հետո Ահմեդ Ֆերոյանին օգնել է պատուհանով ապօրինի մուտք գործել բնակարան հանդիսացող առանձնատուն, ինչից հետո Էդվարդ Խուդոյանը ցանկացել է նույն կերպ ապօրինի մուտք գործել առանձնատուն, սակայն լսելով տանտերեր՝ ամուսիններ Հուտո Ալոյանի և Ազնիֆ Նամոյանի ձայները և հասկանալով, որ նրանք արթնացել են, մուտք չի գործել, այլ թաքնվել է բակում, իսկ Ահմեդ Ֆերոյանը թաքնվել է տան բաղնիքում, ինչի արդյունքում հանցագործությունն ավարտին չի հասցվել իրենց կամքից անկախ հանգամանքներում:
Այնուհետև, դեպքի վայրից իրենց փախուստն ապահովելու նպատակով՝ նշված առանձնատան բակում Էդվարդ Խուդոյանը փայտով դիտավորյալ հարվածներ է հասցրել Հուտո Ալոյանի մարմնի տարբեր մասերին, վայր գցել նրան, որի ընթացքում առանձնատնից դուրս է եկել Ահմեդ Ֆերոյանը և ձեռքին եղած դանակի բռնակով դիտավորությամբ, փոխլրացնելով Էդվարդ Խուդոյանի գործողությունները, խմբով, հարվածներ են հասցրել Հուտո Ալոյանի գլխին և մարմնի մյուս մասերին՝ Հուտո Ալոյանին պատճառելով գլխի աջ կեսի գագաթային, գագաթաքունքային, ճակատի աջ կեսի սալջարդ վերքերի, ենթամաշկային արյունահավաքների, աջ աչքի վերին կոպի ենթամաշկային արյունահավաքի և արյունազեղման, գանգի ոսկրերի՝ աջից ճակատոսկրի անցումով քունքոսկրի խրթեշի բաց, ներհրված կոտրվածքի, աջից ճակատոսկրի և ճակատային ծոցի զույգ պատերի, աջ ակնակապճի վերին, միջային և դրսային պատերի (աջից առաջային գանգափոսի) բեկորային կոտրվածքների, աջից քթոսկրերի և քթի միջնապատի կոտրվածքների, գլխուղեղի աջից ճակատային բլթի կոնտուզիոն հեմառոգիկ օջախների, գլխուղեղի ճակատա-քունքա-գագաթային հատվածի ենթակարծրենային և վերկարծրենային արյունահավաքի, գլխուղեղի աջ կիսագնդի սուբախնոիդալ արյունազեղման, գլխուղեղի միջին աստիճանի սալջարդի, կրծքավանդակի աջ կեսի հետին մակերեսի շրջանի արյունազեղման և աջ թիակոսկրի փակ, բեկորային կոտրվածքի ձևով առողջության ծանր վնաս՝ կյանքին վտանգ սպառնացող:
Այդ պահին նրանց գործողությունները փորձել է կանխել Ազնիֆ Նամոյանը, որի ժամանակ Էդվարդ Խուդոյանը ձեռքի փայտով դիտավորյալ հարվածել է Ազնիֆ Նամոյանի դեմքի շրջանին՝ պատճառելով ճակատի ձախ կեսի վերհոնքային շրջանի սալջարդ վերքի, քթի մեջքի ձախից հիմի շրջանի քերծվածքի, ձախ այտային շրջանի ենթամաշկային արյունահավաքի ձևով առողջության թեթև վնաս առողջության կարճատև քայքայումով, որից հետո Էդվարդ Խուդոյանը և Ահմեդ Ֆերոյանը դիմել են փախուստի:
Այսինքն, Ահմեդ Ֆերոյանին մեղսագրվում է հանցանքներ, որոնք նախատեսված են ՀՀ քրեական օրենսգրքի 34-177-րդ հոդվածի 3-րդ մասի 1.1-րդ կետով և 112-րդ հոդվածի 2-րդ մասի 6-րդ կետով:
Այնուհետև, Էդվարդ Խուդոյանն ու Ահմեդ Ֆերոյանը 2016թ. մարտի 13-ին՝ ժամը 03:00-ի սահմաններում, Հուտո Ալոյանի և Ազնիֆ Նամոյանի առանձնատնից փախնելու ճանապարհին, նկատելով Արմավիրի մարզի Երասխահուն գյուղի բնակիչ Հորիզոն Մարգարի Գիժլարյանի առանձնատան բակում կայանված, վերջինիս պատկանող «Վազ 2103» մակնիշի 59 SL 904 հաշվառման համարանիշի ավտոմեքենան, նախնական համաձայնության գալով միմյանց հետ, առանց հափշտակելու նպատակի ապօրինաբար տիրացել են նշված ավտոմեքենային և վարելու միջոցով փախցրել այն, որից հետո, երբ հասել են Արմավիրի մարզի Արաքս գյուղից Արարատի մարզի Ռանչպար գյուղ տանող ավտոճանապարհ, ավտոմեքենայի վառելիքը վերջացել է, ինչի պատճառով Ա.Ֆերոյանը իջել է մեքենայից և վազքով շարունակել է փախուստը, իսկ Է.Խուդոյանը ուրիշի գույքը դիտավորությամբ ոչնչացնելու նպատակով հրկիզել է Հորիզոն Գիժլարյանին պատկանող ավտոմեքենան՝ վերջինիս պատճառելով զգալի չափերի՝ 320.000 ՀՀ դրամի գույքային վնաս:
Այսինքն, Ահմեդ Ֆերոյանին մեղսագրվում է հանցանք, որը նախատեսված է ՀՀ քրեական օրենսգրքի 183-րդ հոդվածի 2-րդ մասի 2-րդ կետով:
Բացի այդ, Էդվարդ Խուդոյանն ու Ահմեդ Ֆերոյանը, նախնական համաձայնության գալով ավտոմեքենայից գողություն կատարելու վերաբերյալ, 2016թ. մարտի 23-ին՝ ժամը 04:00-ի սահմաններում, Մասիս քաղաքի 3-րդ փողոցի 1-ին շենքի դիմացից փախցրել են Արգամ Սամվելի Մովսիսյանին պատկանող «Վազ 2107» մակնիշի 34 PD 100 հաշվառման համարանիշի ավտոմեքենան և տեղափոխել Մասիս քաղաքի Նոր թաղամասի թիվ 2 միջնակարգ դպրոցին հարակից դաշտ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 200.000 ՀՀ դրամ արժողության 4 հատ անվադողերի և անվահեծերի, գազաբալոնի, ձայնարկիչի հափշտակություն:
Այսինքն, Ահմեդ Ֆերոյանին մեղսագրվում է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին կետով:
Բացի այդ, Էդվարդ Խուդոյանն ու Ահմեդ Ֆերոյանը, նախնական համաձայնության գալով ավտոմեքենաներից գողություններ կատարելու վերաբերյալ, 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում Արարատի մարզի Մրգավետ գյուղում գտնվող Գեղամ Անդրանիկի Բադալյանի առանձնատան դիմացից փախցրել են «Ազատ» ջրօգտագործողների ընկերությանը պատկանող «Վազ 21214» մակնիշի 476 US 15 հաշվառման համարանիշի ավտոմեքենան և տեղափոխել Արարատի մարզի Դարակերտ գյուղ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 500.000 ՀՀ դրամ արժողության էլեկտրական մարտկոցի, 2 խ/մ ծավալի գազաբալոնի, հետևի նստատեղի և առջևի նստատեղերի գլխի հենակների, բեռնախցիկի դռան և հողմապակու, «SONY» տեսակի ձայնարկիչի, բարձրախոսների, կողային հայելիների, ցուցիչների վահանակի, առջևի հակավթարային զույգ լուսարձակների, մեքենայի շարժիչի ջրի հովացման պտուտակների հափշտակություն:
Շարունակելով իրենց հանցավոր գործունեությունը, Էդվարդ Խուդոյանն ու Ահմեդ Ֆերոյանը 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում, Արտաշատ քաղաքի Մխչյան փողոցի 3-րդ առանձնատան դիմացից փախցրել են Գրիգոր Մնացականի Մարգարյանին պատկանող «Վազ 2106» մակնիշի 34 FZ 080 հաշվառման համարանիշի ավտոմեքենան և տեղափոխել Արարատի մարզի Այնթափ գյուղից դեպի Նուբարաշեն տանող ավտոճանապարհ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 175.000 ՀՀ դրամ արժողության էլեկտրական մարտկոցի, 1.2 մ/խ ծավալի գազաբալոնի, պահեստային անվադողի և անվահեծի, աշխատանքային գործիքների, գործարանային ամբարձիչի, կողային հայելիների հափշտակություն:
Դրանից հետո, Էդվարդ Խուդոյանն ու Ահմեդ Ֆերոյանը, շարունակելով իրենց հանցավոր մտադրությունը, նախնական համաձայնությամբ ավտոմեքենաներից գողություններ կատարելու վերաբերյալ, 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում Արարատի մարզի Դարակերտ գյուղի Հ.Միրզոյան փողոցի 7-րդ առանձնատան դիմացից փախցրել են Գագիկ Մարտինի Գրիգորյանին պատկանող, հաշվառումից հանված «Վազ 2102» մակնիշի կանաչ գույնի ավտոմեքենան և տեղափոխել Երևան քաղաքի Էրեբունի-Նուբարաշեն ավտոճանապարհի 6-րդ կիլոմետրի հատված, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 50.000 ՀՀ դրամ արժողության էլեկտրական մարտկոցի ու ձայնարկիչի հափշտակություն:
Այսպիսով՝ Էդվարդ Խուդոյանն ու Ահմեդ Ֆերոյանը միասնական դիտավորությամբ նախնական համաձայնության գալով ավտոմեքենաներից գողություններ կատարելու վերաբերյալ, խմբով կատարել են ուրիշի գույքի խոշոր չափերի՝ ընդհանուր 725.000 ՀՀ դրամի հափշտակություն:
Այսինքն, Ահմեդ Ֆերոյանին մեղսագրվում է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով:
Բացի այդ, Էդվարդ Խուդոյանն ու Ահմեդ Ֆերոյանը 2016թ. մարտի 28-ին, նախնական համաձայնության գալով ավտոմեքենաներից գողություններ կատարելու վերաբերյալ, 2016թ. մարտի 29-ին՝ ժամը 01:30-ից 08:30-նն ընկած ժամանակահատվածում Երևան քաղաքի Լամբրոնի 26 տան դիմացից փախցրել են Արսեն Ռաֆիկի Գևորգյանին պատկանող «Վազ 21021» մակնիշի 64 UU 161 հաշվառման համարանիշի ավտոմեքենան և տեղափոխել Արարատի մարզի Խարբերդ գյուղի գերեզմանատան մոտ, որտեղ խմբով, ապամոնտաժման եղանակով մեքենայից կատարել են ուրիշի գույքի խոշոր չափերի՝ ընդհանուր 1.000.000 ՀՀ դրամ արժողության 4 անվադողերի և անվահեծերի, 1 պահեստային անվադողի և անվահեծի, դռների ապակիների և դրանց էլեկտրական կառավարման մեխանիզմների, մեկ զույգ ապակեմաքրիչների՝ իրենց շարժիչներով, առջևի և հետևի նստատեղերի, ցուցիչների վահանակի, հետևի լուսարձակների, «BOSH» տեսակի ձայնային ազդանշանների, էլեկտրական մարտկոցի, մեկ զույգ «SONYե տեսակի բարձրախոսների, ռադիատորի, դինամոի, տրամլյորի, ապակեմաքրիչների ջրի տարայի, հետնամասի մեկ զույգ ռետինե ցեխապաշտպանիչների, սրահի 4 հատ ռետինե գորգերի, 2 խ/մ ծավալի գազաբալոնի և դրա կարգավորիչի, դռան բռնակների, պաստառներն ու դեկորատիվ վահանի հափշտակություն:
Այնուհետև, Էդվարդ Խուդոյանն ու Ահմեդ Ֆերոյանը, շարունակելով իրենց հանցավոր մտադրությունը նախնական համաձայնությամբ ավտոմեքենաներից գողություններ կատարելու վերաբերյալ, 2016թ. մարտի 29-ին՝ ժամը 01:30-ից 08:30-նն ընկած ժամանակահատվածում, Երևան քաղաքի Նորագավիթ թաղամասի 9-րդ փողոցի 42-րդ տան բակից փախցրել են նույն տան բնակիչ Վարդգես Յուրիկի Առաքելյանին պատկանող «Վազ 2106» մակնիշի 34 MU 153 հաշվառման համարանիշի ավտոմեքենան և տեղափոխել Արարատի մարզի Նորաբաց գյուղի հարակից դաշտեր, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 280.000 ՀՀ դրամ արժողության հետևի նստատեղի, բարձրախոսների, պահեստային անվադողի և շինարարական գործիքների հափշտակություն:
Այսպիսով՝ Էդվարդ Խուդոյանն ու Ահմեդ Ֆերոյանը միասնական դիտավորությամբ նախնական համաձայնության գալով ավտոմեքենաներից գողություններ կատարելու վերաբերյալ, խմբով կատարել են ուրիշի գույքի խոշոր չափերի՝ ընդհանուր 1.280.000 ՀՀ դրամի հափշտակություն:
Այսինքն, Ահմեդ Ֆերոյանին մեղսագրվում է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով:
Այսպիսով, Ահմեդ Խդրի Ֆերոյանին մեղսագրվում է հանցագործություններ, որոնք նախատեսված են ՀՀ քրեական օրենսգրքի 34-177-րդ հոդվածի 3-րդ մասի 1.1-րդ կետով, ՀՀ քրեական օրենսգրքի 112-րդ հոդվածի 2-րդ մասի 6-րդ կետով, ՀՀ քրեական օրենսգրքի 183-րդ հոդվածի 2-րդ մասի 2-րդ կետով, ՀՀ քրեական օրենսգրքի 177-րդ հոդվածի 2-րդ մասի 1-ին կետով և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով (2 դրվագ):



Դատաքննությամբ հետազոտված ապացույցները.
3. Դատաքննության ընթացքում ամբաստանյալ Ահմեդ Խդրի Ֆերոյանը ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 183-րդ հոդվածի 2-րդ մասի 2-րդ կետով,177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով՝ 2/երկու/ դրվագով առաջադրված մեղադրանքում իրեն մեղավոր չի ճանաչել և ցուցմունք է տվել այն մասին, Էդուարդ Խուդոյանին ճանաչում է, նա իր ազգականն է, ինքը և Էդվարդ Խուդոյանը ոչ մի վատ բան չեն արել, գիշերները Էդվարդի հետ ոչ մի տեղ չի գնացել: Իր մայրը չի թողել իրեն գիշերները տանից դուրս գալ: Էդվարդի հետ ընդհանրապես ոչ մի տեղ չի գնացել, Երասխահուն գյուղում երբեք չի եղել: Զինվորական հոսպիտալից մայրական խնամքի արձակուրդ գնալու օրը Էդվարդին չի տեսել: Նախքան ոստիկանների կողից իրենց բռնելը, Էդվարդի հետ երբեմն շփվել է: Ինքը հեռախոս չի ունեցել, մայրական խնամքի արձակուրդ գնալու օրը ևս իր մոտ հետախոս չի եղել: Ոստիկաններն անընդհատ իրեն համոզել և ստիպել են, որ ասի, որ իրենք են կատարել գողությունները: Ինքն էլ հավատացել է ոստիկաններին և ասել, որ իրենք են կատարել: Հետո իրեն ինչ-որ տեղ են տարել, ասել, որ ձեռքով ցույց տա ու նկարահանել են: Քանի որ ինքը գրել չգիտի, ցուցմունքները քննիչն է գրել: Քննիչը չի կարդացել՝ ինչ է գրել: Իրեն ասել են, որ իր գործերի համար է ու ինքն էլ վստահելով ստորագրել է: Ինքը որևէ հանցագործություն չի կատարել:

(դատական նիստի ձայնային արձանագրում)

Դատարանը՝ նկատի ունենալով, որ էական հակասություններ կան ամբաստանյալ Ահմեդ Խդրի Ֆերոյանի դատաքննական և նախաքննական ցուցմունքների միջև, ղեկավարվելով ՀՀ քրեական դատավարության օրենսգրքի 337-րդ հոդվածի 2-րդ մասով, հրապարակել է ամբաստանյալ Ահմեդ Խդրի Ֆերոյանի կողմից նախաքննության ընթացքում տրված ցուցմունքները:
ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 183-րդ հոդվածի 2-րդ մասի 2-րդ կետով,177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով՝ 2/երկու/ դրվագով առաջադրված մեղադրանքում Ահմեդ Ֆերոյանն նախաքննության ընթացքում իրեն մեղավոր չի ճանաչել և, օգտվելով մեղադրյալի դատավարական իր իրավունքից, հրաժարվել է ցուցմունքներ տալուց և որևէ հարցի պատասխանելուց:
Մինչդեռ քրեական գործի նախաքննության ընթացքում որպես կասկածյալ հարցաքննությունների ժամանակ Ահմեդ Ֆերոյանը ցուցմունքներ է տվել այն մասին, որ 2016թ. հունվարի 30-ին զորակոչվել է ՀՀ ԶՈՒ և ժամկետային զինվորական ծառայության է նշանակվել ՀՀ ՊՆ 51191 զորամասում: Ծառայության ընթացքում իր մոտ նկատվել են հոգեկան խնդիրներ և այդ կապակցությամբ զորամասի վերադաս հրամանատարությունը իրեն բուժման է տեղափոխել ՀՀ ՊՆ 88865 զորամաս /զինհոսպիտալ/: Բուժման վերականգնողական փուլն անցնելուց հետո՝ 2016թ. մարտի 10-ին, զինհոսպիտալից իրեն տրվել է 20 օր արձակուրդ՝ մայրական խնամքի համար, որից հետո եկել է տուն: Այդ օրը մասնակցել է բարեկամի թաղման արարողության, որի ընթացքում հանդիպել է իր հեռավոր ազգական Էդվարդ Խուդոյանին: Դրանից մոտ երկու օր հետո իրեն զանգահարել է Էդվարդը և առաջարկել հանդիպել: Հեռախոսազանգից մոտ մեկ ժամ անց Մասիս քաղաքի իրենց փողոցում հանդիպել է Էդվարդին, ով ասել է, որ փողի տեղ գիտի՝ միաժամանակ նշելով, որ ինքը ոչ մի բանի հետ գործ չի ունենալու և հաջորդ օրը միլիոնատեր է դառնալու, միայն պետք է, որ գնա նրա հետ ու հարցեր չտա: Ինքը համաձայնվել է Էդվարդի առաջարկին, որից հետո Մասիս քաղաքի 4-րդ փողոցի մոտակայքից նստել են պատահական տաքսի ավտոմեքենա և ճանապարհվել են դեպի Երասխահուն գյուղ: Չհասած այնտեղ, մեքենան կանգնեցրել են ճանապարհին՝ դաշտերի մոտ, և Էդվարդը, ով նստած է եղել վարորդի կողքին, վճարել է գումարն ու իրենք իջել են մեքենայից: Ճանապարհով քայլելուց հետո շարունակել են քայլել դաշտերով և Էդվարդն իրեն ասել է, որ հարցեր չտա: Քայլելու ընթացքում Էդվարդը իր մոտ գտնվող գլխարկներից մեկը տվել է իրեն՝ դանակով աչքերի ու շուրթերի հատվածներում անցքեր բացելուց հետո, իսկ մյուս գլխարկի վրա Էդվարդը դանակով անցքեր է բացել աչքերի հատվածներում և դրել իր գլխին: Երբ հասել են տների մոտ, մտել են ցելոֆանով ծածկված մի ջերմոց, որի՝ դեպի տան կողմ նայող ցելոֆանը Էդվարդը պատռել է ու սկսել հետևել տան իրավիճակին՝ նշելով, որ այդ տուն պետք է մտնեն, փողերը այդտեղ են: Ջերմոցում պայմանավորվել են, որ երբ տան կինը դուրս գա, Էդվարդը պետք է բռնի նրան, իսկ ինքը պետք է վզնոցը վերցնի ու փախչեն: Շուրջ 10 րոպե ջերմոցում մնալուց հետո շարժվել են տան ուղղությամբ, մտել են բակ և թաքնվել տանը կից շինությունում ու սպասել, որ այդ կինը դուրս գա և հափշտակեն վզնոցը: Շուրջ կես ժամ սպասելուց հետո բակ է դուրս եկել մի կին և Էդվարդը առաջարկել է մոտենալ նրան, սակայն ինքը չի համարձակվել ու կինը մտել է տուն՝ անջատելով ներսի լույսերը, սակայն բակի լույսը մնացել է վառ: Այդ կնոջ գնալուց հետո Էդվարդը դուրս է եկել բակ, թուլացնելու եղանակով անջատել է լույսը և գնացել դռների ուղղությամբ, որ ստուգի՝ դրանք բաց են, թե փակ, իսկ դրանից մոտ 5 րոպե անց վերադարձել է թաքստոց՝ իր հետ բերելով օղի: Այն հանել է տոպրակից, շշից խմել և փոխանցել է իրեն, որպեսզի ինքն էլ խմի և դուխը ավելանա: Որոշ ժամանակ սպասելուց հետո Էդվարդը կրկին դուրս է եկել բակ, բարձրացել է տան երկրորդ հարկ, իսկ աստիճաններով իջնելուց դրանց կողքին նկատել է պատուհան ու կանչել է իրեն: Մոտենալով Էդվարդը ասել է, որ տանը գումար կա, իրենք պետք է պատուհանը բացեն, մտնեն ներս ու վերցնելով գումարը, հեռանան: Էդվարդը փորձել է դանակով բացել պատուհանը, սակայն չի կարողացել: Այնուհետև պատուհանի մոտ է բերել բակի բազմոցի վրայի ծածկոցը և թաքստոցից վերցրած փայտը, որը հավանաբար բահի պոչ է եղել: Ծածկոցը ինքը դրել է պատուհանի վրա, որ ձայն չգա, իսկ Էդվարդը բահի պոչով հարվածել ու կոտրելով բացել է պատուհանը դեպի ներս: Ծածկոցը պատուհանի վրա փռելուց հետո ինքը մտել է տուն և այդ ժամանակ Էդվարդին ասել է, որ դանակով ոչ ոքի չհարվածի, ինչից հետո Էդվարդը դանակը տվել է իրեն ու ինքը մտել է տուն: Գնալով դռան ուղղությամբ, բացել է այն ու տեսել, որ ներսում մարդ չկա: Այդ պահին դրսից խոսակցություն է լսել, որի ժամանակ տղամարդը կնոջը եզդիերեն հարցրել է, թե ինչու է ծածկոցը դրել պատուհանի մոտ և ինչու է պատուհանը բաց թողել, իսկ կինը պատասխանել է, որ ինքը չի դրել: Այդ ժամանակ ինքը դեռևս գտնվել է սենյակում, որտեղ լվացքի մեքենա է եղել, և ցանկացել է դուրս գալ պատուհանից ու փախչել, քանի որ նրանց խոսակցությունից պարզ էր, որ գլխի էին ընկել, որ տանը մարդ կա: Քիչ անց կնոջ ձայնը լսել է արդեն տան մեջ և գալով սենյակ, մտել է ներս ու տեսել իրեն՝ պատի տակ կանգնած դիրքում, դիմակով և դանակը ձեռքին: Այդ կինը իրեն տեսնելուց վախեցել և գոռալով դուրս է փախել: Ինքը նույնպես փորձել է դուրս գալ տանից և գնացել է նրա հետևից ու տեսել, որ դռան դիմաց տղամարդ կա: Երբ կինը մոտեցել է տղամարդուն, Էդվարդը թիկունքից փայտով հարվածել է այդ տղամարդու գլխին, որից վերջինս ընկել է գետնին: Ընկած ժամանակ Էդվարդը 4-5 անգամ փայտով հարվածել է տղամարդու գլխին, որից հետո ինքը մոտեցել է նրան ու հետ հրել, ասելով «հերիք է, մեռավ», ինչից հետո փախել են այդ տնից ու գնացել դեպի Մասիս տանող ճանապարհ: Վազելուց Էդվարդը Երասխահուն գյուղում՝ տան դիմացը կանգնած մի «Ժիգուլի» է նկատել, մոտեցել ու տեսել, որ բանալիները մեքենայի վրա են: Միասին հրելով մեքենան հեռացրել են տան բակից և Էդվարդը գործի է գցել շարժիչը: Վարելով հասել են Ռանչպար գյուղի մոտակայք, որտեղ մեքենայի գազը վերջացել է: Ինքը իջել է մեքենայից ու վազելով հեռացել, իսկ Էդվարդը այրել է մեքենան ու եկել իր մոտ, որից հետո ոտքով գնացել են Մասիս ու բաժանվել իրարից: Նշել է, որ վերոհիշյալ 2 դեպքերը կատարել են 2016թ. մարտի 12-13-ին և Հ.Ալոյանի տանից ոչինչ չեն կարողացել գողանալ: Նշել է, որ ինքը որևէ մեկին չի հարվածել, այլ Էդվարդն է հարվածել՝ պատճառաբանելով, որ եթե այդպես չաներ, ապա իրենց երկուսին էլ կբռնեին: Նշել է նաև, որ դեպքի ժամանակ եղել են ամբողջովին սև հագուստներով, դիմակները, ծալովի դանակը և փայտը փախչելիս տարել են իրենց հետ, բայց չի հիշում, թե ինչպես են վարվել դրանց հետ: Հայտնել է, որ դեպքի ժամանակ Էդվարդի մոտ հեռախոս չի եղել, իսկ մինչ այդ նա տարբեր համարներից է զանգել իրեն, որոնք չի հիշում, իսկ իր մոտ եղած հեռախոսը դեպքի ժամանակ պահել է անջատած վիճակում:
Բացի այդ հայտնել է նաև, որ 2016թ. մարտի 22-ի լույս 23-ի գիշերը՝ ժամը 01:00-ի սահմաններում, ինքն ու Է.Խուդոյանը հանդիպել են Մասիս քաղաքի 2-րդ փողոցում, գալով համաձայնության, ոտքով գնացել են 3-րդ փողոցի սկզբնամաս ու նախկին հացի փռի մոտակայքում նկատելով «Վազ 2107» մակնիշի սպիտակ ավտոմեքենան, այն հրելով հեռացրել են նշված վայրից, գործի գցել շարժիչն ու տեղափոխել Մասիսում գտնվող «Մորենա» սրահի դիմացի դաշտեր: Այնտեղ մեքենայից քանդել ու հանել են գազաբալոնը, ձայնարկիչը և անիվները, որոնք տեղափոխել են դեպի դաշտեր՝ շուրջ 800 մ հեռու՝ հաջորդ օրը Է.Խուդոյանի կողմից գողոնը վաճառելու և գումարը բաշխելու համար: Այդ գողությունից 2 օր անց Է.Խուդոյանը տան համարով զանգահարել է իր 077-32-72-08 հեռախոսահամարին ու առաջարկել, որ հանդիպեն, սակայն ինքը չի կարողացել: Խոսակցության ժամանակ հարցրել է, թե ինչ է արել գողացված ապրանքների հետ, իսկ նա պատասխանել է, որ հետո կասի: 2016թ. մարտի 28-ին՝ ժամը 20-ից 21-ի սահմաններում, իրենց տան բակում պատահաբար հանդիպել է Է.Խուդոյանին, ով եղել է «Վազ 2121» մակնիշի ինչ-որ ավտոմեքենայով՝ միայնակ, որի համարանիշը չի հիշում: Երբ նստել է մեքենան, Է.Խուդոյանը առաջարկել է իր մեքենայի համար մոստ գողանալ և ինքը համաձայնվել է, որից հետո միասին այդ մեքենայով գնացել են 10-րդ փողոց, որտեղ Է.Խուդոյանը տան մոտ թողել է նշված մեքենան և Մասիս-Երևան երթուղային տաքսիով գնացել են 1-ին մաս՝ շրջանաձև հրապարակ, որտեղից պատահական տաքսի են վարձել և շրջել Երևան քաղաքի թաղամասերով, մինչև որ պատահեր «Վազ 2121» մակնիշի հարմար մեքենա: Չի հիշում, թե որ թաղամասում նկատել են երկհարկանի առանձնատան դիմաց կայանված, գողանալու համար հարմար «Վազ 2121» մակնիշի ավտոմեքենա: Այդ ժամանակ՝ 29.03.2016թ.՝ ժամը 01-ից 02-ի սահմաններում, Էդվարդը տաքսիի վարորդին ասել է, որ կանգնի ու գումարը վճարելուց հետո իջել են, այնուհետև մոտեցել նշված մեքենային, որի համարանիշը չի հիշում: Էդվարդը ստուգել է, որ դռները փակ են, ինչից հետո դանակով կամ պտուտակահանով հանել է ետնամասի հողմապակին ու մտնելով ներս, բացել է դռները, այնուհետև ինքն է նստել, հողմապակին դրել է մեքենայի մեջ և Էդվարդի կողմից շարժիչը գործի գցելուց հետո մեքենայով հեռացել են այդտեղից՝ ճանապարհվելով դեպի Նորագավիթ: Երբ հասել են այնտեղ, Էդվարդը ասել է, որ իրենց ևս մեկ մեքենա է անհրաժեշտ, որպեսզի մեքենան մաս-մաս անելուց հետո կարողանան գողոնը տեղափոխել: Այդ կապակցությամբ շրջել են Նորագավիթի փողոցներով և նկատել են «Վազ 2106» մակնիշի կանաչ գույնի մեքենան: Էդվարդը իր մոտ եղած բանալիով բացել է մեքենայի դռները և կոտրելով շարժիչի գործարկման մեխանիզմը, հաղորդալարերով գործի է գցել շարժիչը և այն վարել հեռվում կայանված «Վազ 2121» մակնիշի ավտոմեքենայի մոտ: Այնուհետև ինքը վարել է «Վազ 2121» մակնիշի ավտոմեքենան, իսկ Էդվարդը՝ «Վազ 2106» մակնիշի ավտոմեքենան, որոնցով գնացել են դեպի Մասիս քաղաքի ուղղությամբ: Երբ հասել են Այնթափ գյուղի օղակաձև խաչմերուկ, Էդվարդը այդտեղից թեքվել է դեպի Սովետաշենի ուղղությամբ, իսկ ինքը՝ նրա հետևից: Մոտ 3 կմ դեպի Սովետաշեն ընթանալուց հետո մեքենաները մտցրել են աջակողմյան դաշտերը և Էդվարդի մոտ եղած գործիքներով քանդել են «Վազ 2121» մակնիշի ավտոմեքենան: Նշել է, որ քանդել են դրա գազաբալոնը, բոլոր նստատեղերը, անիվները, մարտկոցը, ձայնային ազդանշանը, հետնամասի լուսարձակները, դրանք տեղավորել են «Վազ 2106» մակնիշի ավտոմեքենայում և «Վազ 2121» մակնիշի ավտոմեքենան թողնելով այնտեղ, «Վազ 2106» մակնիշի ավտոմեքենայով ճանապարհվել են դեպի Նորաբաց գյուղ: Այդ գյուղի ձախակողմյան դաշտերում «Վազ 2106»-ից գողացել են հետևի նստատեղը, էլեկտրական սղոց և դռել: Գողացված ապրանքները թաքցրել են դաշտերում և «Վազ 2106» մակնիշի ավտոմեքենայով ճանապարհվել են դեպի Էրեբունի թաղամաս, որտեղ՝ ժամը մոտ 05-ի սահմաններում, մեքենան թողնելով անծանոթ վայրում, պատահական տաքսիով վերադարձել են Մասիս: Նշել է, որ տեղյակ չէ, թե Էդվարդը ինչպես է վարվել գողացված պահեստամասերի հետ՝ միաժամանակ նշելով, որ ինքը դրանք չի օգտագործել, չի վաճառել: Ավելացրել է, որ 2016թ. մարտի 18-ից օգտագործել է 077-32-72-08 բջջային հեռախոսահամարը:

(հատոր 1, գ.թ. 236-240, հատոր 2, գ.թ. 182-184 և դատական նիստի ձայնային արձանագրում)

Էդվարդ Խուդոյանը և Ահմեդ Ֆերոյանը որպես կասկածյալ առերես հարցաքննվել են՝ հայտնելով, որ միմյանց հետ գտնվում են նորմալ հարաբերությունների մեջ: Ա.Ֆերոյանը առերեսման ընթացքում պնդել է որպես կասկածյալ տված ցուցմունքը՝ Հ.Ալոյանին և Ա.Նամոյանին ծեծի ենթարկելու և Հ.Գիժլարյանի «Վազ 2103» մակնիշի ավտոմեքենան փախցնելու և այրելու վերաբերյալ: Ա.Ֆերոյանը հայտնել է նաև, որ թաքստոցից դուրս գալուց հետո Է.Խուդոյանը իր հետ բերել է երկու շիշ օղի, որից մեկը բացել է, սկզբից խմել է Էդվարդը, այնուհետև տվել է իրեն որպեսզի ինքը ևս խմի:
Առերես հարցաքննությանը մասնակցել են Ա.Ֆերոյանի և Է.Խուդոյանի պաշտպանները:
(հատոր 1, գ.թ. 95-96 և դատական նիստի ձայնային արձանագրում)

Նախաքննական և դատաքննական ցուցմունքների միջև առկա էական հակասությունների մասին ամբաստանյալ Ահմեդ Խդրի Ֆերոյանը հայտնել է, որ չի հիշում քննչական գործողությունները: Ինքն ընդհանրապես ցուցմունք չի տվել, քննիչն է «սարքել»: Քննիչի անունը չի հիշում, բայց դեմքով կճանաչի: Չգիտի, թե իր ու Էդվարդի մատնահետքերն ինչպես են հայտնվել օղու շշերի վրա, քննիչն է սարքել այդ ամենը: Չգիտի՝ Երասխահուն գյուղը որտեղ է գտնվում: Ինքը իրենց տանն է եղել՝ Մասիս քաղաքում, տնից դուրս է եկել, բայց իրենց բակում է գտնվել՝ տան մոտ: 2016 թվականի մարտ ամսին Էդվարդին չի տեսել, նրա հետ տեղ չի գնացել:Ինքը և Էդվարդը իրենց մեղսագրվող արարքների հետ կապ չունեն: Չի ընդունում իր դեմ ներկայացված քաղաքացիական հայցերը: Չգիտի՝ ինչու է իր հայրը գումար տվել Վարդգես Առաքելյանին: Դատարանի հարցին հայտնել է, որ նախաքննության ընթացքում իրեն չեն ծեծել, իր կողմից տված ցուցմունքների վերջում ինքը չի ստորագրել:
(դատական նիստի ձայնային արձանագրում)

ՀՀ քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 117-րդ հոդվածով, 183-րդ հոդվածի 2-րդ մասի 2-րդ կետով, 185-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով` 2/երկու/ դրվագով, առաջադրված մեղադրանքում Էդվարդ Վազիրի Խուդոյանը ինչպես նախաքննության, այնպես էլ դատաքննության ընթացքում իրեն մեղավոր չի ճանաչել, ինչպես նախաքննության, այնպես էլ դատաքննության ընթացքում օգտվելով իր իրավունքից՝ հրաժարվել է ցուցմունք տալուց: Սակայն դատարանի և դատավարության մասնակիցների հարցերին Էդվարդ Խուդոյանը պատասխանել է, որ կատարված գողությունների հետ կապ չունի: Ունեցել է «Նիվա» մակնիշի ավտոմեքենա: Կատարել է շինարարական աշխատանքներ: Իր տնից հայտնաբերված ավտոպահեստամասերը իր «Նիվա» մակնիշի ավտոմեքենային են պատկանում: Հուտո Ալոյանին մարմնական վնասվածք պատճառելու հետ առնչություն չունի: Չգիտի՝ իր մատնահետքերը ինչպես են հայտնվել Հ.Ալոյանի տան բակից հայտնաբերված շշի վրա, նախաքննության ընթացքում իրեն շշով ջուր են տվել խմելու համար: Երասխահուն գյուղում եղել է 10 տարեկան հասակում՝ 3-4 ամսով գնացել է դաշտային աշխատանքներ կատարելու: Չի հիշում՝ վերջին անգամ երբ է եղել Երասխահուն գյուղում: 2016թ. մարտ ամսին Արմավիրի մարզի Երասխահուն գյուղում չի եղել: Չի հիշում՝ ինչ հեռախոսահամար է օգտագործել: Չի կարող ասել, ինչու է իր հեռախոսահամարը սպասարկվել նշված գյուղի ալեհավաք կայանների կողմից: 098-42-39-00 հեռախոսահամարը չի հիշում: Երասխահուն գյուղում ապրում է իր քեռին՝ Էդիկ անունով: Ինքը ավտոմեխանիկի, ավտոփականագործի աշխատանքներ ևս կարող է կատարել: Չգիտի՝ ինչու է Ահմեդ Ֆերոյանը նախաքննության ընթացքում հանցանքի կատարման մեջ իրեն մերկացնող ցուցմունքներ տվել: Տեղյակ չի եղել Ահմեդի՝ բանակ գնալու, մայրական խնամքի արձակուրդ գնալու վերաբերյալ: Չի ընդունում իր դեմ ներկայացված քաղաքացիական հայցերը: Վարորդական վկայական երբեք չի ունեցել: Ավտոմեքենան վարել է առանց վարորդական վկայականի: Ահմեդի հետ ազգակցական կապ ունի: Ահմեդը մանկուց հոգեկան առողջության հետ կապված խնդիրներ է ունեցել: Երբեմն գործով գնացել է Ահմեդենց տուն: Առաջադրված մեղադրանքում իրեն մեղավոր չի ճանաչում:

(դատական նիստի ձայնային արձանագրում)

Դատարանը ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի դատաքննության ընթացքում տված ցուցմունքները դիտում է անարաժանահավատ և համարում, որ այդ կերպ ամբաստանյալներ Ահմեդ Խդրի Ֆերոյանը և Էդվարդ Վազիրի Խուդոյանը նպատակ են հետապնդում խուսափել քրեական պատասխանատվությունից և պատժից: Դատարանը անարժանահավատ է համարում նաև Ահմեդ Ֆերոյանի այն հայտարարությունը որ ցուցմունքների տակ ինքը չի գրել և ստորագրել, դատարանը նման հետևության հանգելիս հաշվի է առնում այն հանգամանքը, որ Ահմեդ Ֆերոյանի և Էդվարդ Խուդոյանի առերես հարցաքննության ժամանակ մասնակցել են նաև վերջիններիս պաշտպանները:
Ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի մեղավորությունը իրենց մեղսագրված հանցագործությունները կատարելու մեջ հիմնավորվել է, իսկ նրանց պատճառաբանությունները հերքվել է` քրեական գործով ձեռք բերված և դատական քննությամբ հետազոտված` ինչպես Ահմեդ Խդրի Ֆերոյանի նախաքննության ընթացքում տված վերը նշված ցուցմունքներով, այնպես էլ ստորև շարադրված հետևյալ ապացույցներով:
Տուժող Ազնիֆ Նամոյանը դատաքննության ընթացքում ցուցմունք է տվել այն մասին, որ ամուսնու Հոտու Ալոյանի հետ միասին բնակվում են Արմավիրի մարզի Երասխահուն գյուղում: Դեպքի օրը՝ 2016 թվականի մարտի 13-ին ժամը 02.00-ի սահմաններում գտնվել են իրենց երկհարկանի տան առաջին հարկում, ամուսինը քնած է եղել, իսկ ինքը պառկած է եղել անկողնում: Այդ ժամանակ սենյակի լույսը անջատված է եղել, իսկ բակի լույսը՝ վառ թողած են եղել: Ինքը դրսից ոտքերի ձայներ է լսել և նկատել է, որ բակի լույսը անջատված է, սակայն մտածել է, որ ընդհանուր հոսանքազրկել են, սակայն, քիչ անց կրկին ոտքերի ձայներ է լսել դրսից, նայել է պատուհանից դուրս, սակայն ոչինչ չի նկատել ու պառկել է: Որոշ ժամանակ անց դրսից բարձր ձայն են լսել, ինչից ինքն ու ամուսինը արթնացել են ու գնացել բակ և ամուսինը փորձել է միացնել դրսի լույսը, սակայն այն չի վառվել: Դրանից հետո միացրել է հակառակ կողմում գտնվող լույսը: Այդ լույսը վառելուց հետո նկատել են, որ տան 2-րդ հարկ բարձրացող աստիճանների կողքի փոքր պատուհանը գտնվում է բաց, կոտրված վիճակում, իսկ վերջինիս դիմաց առկա է բակում դրված բազմոցի ծածկոցը: Անմիջապես հասկացել են, որ ինչ-որ մեկը այդ պատուհանով մտել է իրենց տուն, ինչի կապակցությամբ ինքը գնացել է խոհանոց, իսկ ամուսինը մնացել է դրսում: Խոհանոց մտնելուց նկատել է, որ բաղնիքի դուռը բաց է, իսկ բաղնիքի ներսում դռան աջ կողմում պատին հենված դիրքում տեսել մի երիտասարդի, ով եղել է սև հագուստով, մատերը կիսով չափ բաց ձեռնոցներով, սև դիմակով՝ ում ձեռքին եղել է նաև դանակ: Ինքը վախեցել և գոռալով փախել է դեպի խոհանոց, որպեսզի դուրս գա տան բակ: Այդտեղ նկատել է ամունուն՝ Հոտու Ալոյանին, ով եկել է դեպի իրեն ընդառաջ, և այդ պահին սև հագուստով, սև դիմակով մեկ այլ տղա փայտով՝ կացինի պոչի բռնակով, հետևից հարվածել է ամուսնու գլխին և նա ընկել է գետնին և կորցրել գիտակցությունը: Այդ երիտասարդը շարունակել է հարվածել ամուսնու գլխին, որի ընթացքում ինքը փորձել է նրա դեմքից հանել դիմակը և բռնել փայտից, որ չհարվածի ամուսնուն, սակայն այդ տղան փայտով՝ մեկ անգամ հարվածել է նաև իր դեմքին, այդ ընթացքում եկել է նաև բաղնիքում եղած երիտասարդը, ով դանակի բռնակով մի քանի անգամ հարվածել է ամուսնու գլխին: Գողերից մեկը հայերեն ասել է. «բավական է, արդեն մահացել է, գնացինք»: Դրանից հետո գողերը փախել են, որից հետո ինքը դուրս է եկել և գնացել հարևանուհի Էլմիրայի տուն՝ օգնություն կանչելու: Այդ ժամանակ զանգահարել են ոստիկանություն և հայտնել կատարվածը, որից հետո հետո իրենց տեղափոխել են հիվանդանոց:
Տուժողը հայտնել է, որ այդ տղաների դիմակների վրա բացված են եղել անցքեր՝ բերանների և աչքերի մասում: Այդ տղաները իրենց գույքային պահանջ չեն ներկայացրել և որևէ իր կամ առարկա իրենց տանից չեն գողացել: Փայտը որով այդ տղաները հարվածել են իրեն և ամուսնուն այդ տղաները իրենց հետ տարել են: Իր կարծիքով գողերը եկել էին իրենց սպանելու: Տեղեկացել է նաև, որ իրենց տնից փախնելուց հետո այդ երիտասարդները իրենց համագյուղացի Հորիզոն Գիժլարյանի տան բակից գողացել են նրա <<Վազ>> մակնիշի մեքենան և այն ճանապարհին այրել են:
Տուժող Ա.Նամոյանը հայտնել է նաև, որ դրսում խոհանոցի դռան կողքը գտնվող բազմոցին եղել են ցելոֆանի մեջ դրված օղու 2 շշեր, որոնք դեպքից հետո դրանք հայտնվել են իրենց տանը կից շինությունում, և իր կարծիքով այդ օղու շշերը դիմակավորված անձինք են տեղափոխել շինություն: Այդ շշերը դեպքից մի քանի օր հետո հայտնաբերել է, դրա մասին հայտնել են ոստիկաններին, ովքեր եկել և առգրավել են դրանք:
Դեպքից հետո խոսակցություններից տեղեկացել է, որ իրենց ծեծի ենթարկող երկու երիտասարդները եզդիներ են, Մասիս քաղաքի բնակիչներ, որոնցից մեկը հանդիսանում է զինվոր, իսկ մյուսը իրենց համագյուղացի Էդո Օզմանյանի քրոջ որդին է: Դեպքից որոշ ժամանակ հետո Ահմեդ Ֆերոյանին ոստիկանները բերել են իրենց տուն, ով նկարագրել է թե ինչպես է մուտք գործել իրենց տուն: Նախքան նրան բերելը, ոստիկանները շատերին են ցույց տվել, ինքը նրանց չի ճանաչել, ասել է, որ նրանք չեն եղել իրենց տան գողերը: Ահմեդին ճանաչել է նրա կանգնելու ձևից:
Նշել է, որ ցանակնում է այդ երկու երիտասարդները, ովքեր 13.03.2016թ. ապօրինի մտել են իրենց տուն և ծեծի ենթարկել իրեն ու ամուսնուն, ենթարկվեն քրեական պատասխանատվության:

/դատական նիստի արձանագրություն/

Դատաքննության ընթացքում տուժող Հուտո Սուտոյի Ալոյանը ցուցմունք է տվել այն մասին, որ կնոջ՝ Ազնիվ Նամոյանի հետ բնակվում է Արմավիրի մարզի Երասխահուն գյուղում: 2016 թվականի մարտի 13-ին՝ ժամը 00.30-ի սահմաններում պառկել է քնելու: Իրենից հետո էլ կինն է եկել քնելու: Քնած ժամանակ ինքը ուժգին ձայն է լսել, արթնացել է, դուրս եկել սենյակից, կինն էլ իր հետևից է դուրս եկել: Ինքը ցանկացել է դրսի լույսը վառել, սակայն այն չի վառվել, ինչից կասկածել է, որ օտար մարդ է մտել իր տուն: Գնացել Է դեպի երկրորդ հարկ բարձրացող աստիճանների մոտ ու տեսել, որ դրա աջակողմյան հատվածում գտնվող բաղնիքի պատուհանը բաց է և կոտրված, իսկ աստիճանների վրա գցված է բակում դրված բազմոցի ծածկոցը: Հասկանալով, որ նշված պատուհանից մարդ է մտել տուն, դրա մասին հայտնել կնոջը , որից հետո կնոջ հետ գնացել են դեպի առաջին հարկի խոհանոց: Կինը բանալիով բացել է դուռը, վառել է լույսն ու առաջ գնացել, իսկ ինքը մնացել է դրսում՝ մուտքի մոտ: Այնուհետև կինը բղավելով եկել է իր մոտ, իսկ նրա հետևից եկել է մի դիմակավորված տղա՝ դատական նիստերի դահլիճում գտնվողներից մատնացույց է արել Ահմեդ Ֆերոյանին, որից հետո ինքը նրան հարցրել է՝ դու այստեղ ինչ ես անում: Այդ տղամարդը կարծել է, որ ինքը ճանաչել է նրան, այդ տղան սառել կանգնել էր, որից հետո եկել է դեպի իր վրա և հենց այդ պահին ինքը հետևից՝ թիկունիք հատվածից ուժեղ հարվածներ է զգացել գլխի շրջանում, որից ընկել է գետնին ուշաթափվել և միայն 3-4 օր անց արթնացել է հիվանդանոցում: Այդ տղան իրեն 7-8 անգամ հարվածել է, իսկ տան ներսում գտնվող մյուս տղան էլ դանակի հետևի մասով է հարվածել իրեն: Նրանցից մեկն ասել է՝ «հերիք է, մեռավ, փախի»: Նրանք երկուսն էլ եղել են սև դիմակով, բերանի մասը բաց, աչքերի մասը բաց, ձեռնոցներով են եղել, բայց մատների մասը բաց է եղել: Կինը սկսել է գոռալ, զանգել հարևաններին: Այդ տղաները իրենց տուն էին եկել իրեն սպանելու համար: Ծածկոցը սովորաբար դրված է լինում դրսում գտնվող բազմոցի վրա: Բայց այդ տղաները ծածկոցը բերել էին լուսամուտի մոտ գցել: Դեպքից հետո ոստիկանները եկել են իրենց տուն, օղու շշի վրայի մատնահետքերով են իմացել, որ ամբաստանյալներն են եղել իրենց տուն ներխուժած անձինք: Դեպքից հետո, երբ ոստիկանները Ահմեդին բերել են իրենց տուն, Աhմեդը ցույց է տվել, թե ինչպես է մտել իրենց տուն: Այդ ամենը տեսանկարահանվել է: Իմացել է նաև, որ իրենց տուն ներխուժած անձինք նույն օրը գողացել են իրենց համագյուղացի Հորիզոնի ավտոմեքենան: Իրենց տնից դեպքից հետո որևէ իր չի պակասել: Առաջին հարվածից ուշագնաց է եղել, մնացած հարվածները չի զգացել: Դեպքից հետո 14 օր մնացել է հիվանդանոցում:Երբ դեպքից հետո տեսել է ամբաստանյալ Ֆերոյանին, նա ճնշված վիճակում չի եղել, նրա վրա վնասվածքի հետքեր չեն եղել: Իրենց տուն ներխուժած անձինք եղել են 1.70-1.80սմ հասակով: Վստահ է, որ իր տուն մտած անձինք հանդիսանում են Ահմեդ Խդրի Ֆերոյանը և Էդվարդ Վազիրի Խուդոյանը: Պնդում է նախաքննության ընթացքում իր նախկին ներկայացուցիչ Ա.Սարգսյանի կողմից ընդդեմ ամբաստանյալների ներկայացրած՝ 3.571.450 ՀՀ դրամի չափով քաղաքացիական հայցը և ցանկանում է որ նրանք ենթարկվեն քրեական պատասխանատվության:

/դատական նիստի արձանագրություն/

Տուժող Հորիզոն Մարգարի Գիժլարյանը դատաքննության ընթացքում ցուցմունք է տվել այն մասին, որ բնակվում է Արմավիրի մարզի Երասխահուն գյուղում, 2016թ. մարտի 12-ին՝ ժամը 18-ի սահմաններում, իրեն պատկանող «Վազ 2103» մակնիշի 59 SL 904 հաշվառման համարանիշի դեղին գույնի ավտոմեքենան կայանել է իր տան բակում և սովորության համաձայն դռները թողել է բաց, իսկ շարժիչի գործարկման բանալին թողել է վրան: Նույն օրը՝ ժամը 24:00-ի սահմաններում մեքենան եղել է բակում, իսկ դրանից հետո ընտանիքի անդամներով քնել են: 13.03.2016թ. առավոտյան դուրս է եկել տան բակ ու տեսել, որ իր մեքենան չկա: Այդ մասին տեղեկացրել է գյուղապետի տեղակալ Մարգար Գալստյանին, ով զանգահարել ու հայտնել է ոստիկանություն, ինչից հետո եկել են ոստիկանության աշխատակիցները և նրանց հետ գնացել է Արարատի մարզի Ռանչպար գյուղի ուղղությամբ: Այդ ճանապարհի աջակողմյան հատվածում տեսել է իր մեքենան՝ այրված վիճակում: Դրանից հետո մեքենան տեղափոխել է տան բակ: Նշել է, որ չգիտի, թե ով է առևանգել և այրել իր մեքենան ու ինչ նպատակով: Հայտնել է, որ մեքենան այրելու հետևանքով իրեն պատճառվել է 700.000 ՀՀ դրամի նյութական վնաս:
Ավելացրել է, որ իր մեքենան միայն գազով է աշխատել, բենզոբաք չի ունեցել, իսկ մեքենայի գազի տարայում եղել է շուրջ 20-30 խորանարդ ճնշում, որով հազիվ թե իր տնից Ռանչպար հասնեին: Նշել է նաև, որ իր կարծիքով մեքենայի գազը վերջացել է և նույն տեղում էլ այն այրել են, որ հետքերը վերացնեն:

/դատական նիստի արձանագրություն/

Տուժող Արգամ Սամվելի Մովսիսյանը դատաքննության ընթացքում ցուցմունք է տվել այն մասին, 2016թ. մարտի 23-ին՝ ժամը 02-ի սահմաններում, իր «Վազ 2107» մակնիշի 34 PD 100 համարանիշի ավտոմեքենայով Երևանից վերադարձել է Մասիս և այն կայանել է 3-րդ փողոցի 1-ին շենքի դիմաց, որը նախկին հացի փռի շենքն է եղել: Մեքենայի դռները թողել է բաց և մտել է իր ծանոթի տուն: Այնտեղ մի քանի ժամ մնալուց հետո՝ ժամը 06-ի սահմաններում, իջել է բակ ու տեսել, որ մեքենան չկա: Հասկանալով, որ գողացել են, զանգահարել է եղբորը՝ Անդրանիկ Մովսիսյանին, ում հետ միասին իրենց ուժերով սկսել են փնտրել մեքենան, քանի որ գազը քիչ է եղել, իսկ բենզինով իր մեքենան չի աշխատել, ուստի ենթադրել է, որ հեռու չէին կարող տանել: Մասիսի փողոցներով, դաշտերով փնտրելու ընթացքում մեքենան հայտնաբերել են Նոր Թաղամասի թիվ 2 միջնակարգ դպրոցի հետնամասից մոտ 400 մ հեռավորության վրա՝ դաշտում: Մեքենան եղել է թալանված վիճակում: Դրանից գողացած են եղել 13 տրամաչափի անվադողերն ու անվահեծերը, «Պիոներ» տեսակի ձայնարկիչը և գազաբալոնը՝ իրեն պատճառելով 200.000 ՀՀ դրամի նյութական վնաս: Նշել է, որ մեքենան հայտնաբերելուց հետո տեղադրել են այլ անվադողեր ու իր ընկեր Հրանտի մեքենայով կցորդիչի միջոցով քաշել-տարել են 3-րդ փողոցի 1-ին շենքի բակ: Դեպքից մոտ 2 օր անց իր եղբոր հետ միասին հայտնաբերել են նաև մեքենայից գողացված ապրանքները՝ մեքենայի հայտնաբերման վայրից մոտ 200 մ հեռավորության վրա գտնվող փոսի միջից: Նշել է, որ ընդհանուր խոսակցություներից տեղյակ է, որ իր մեքենան փախցրել և դրանից ապրանքները գողացել են ազգությամբ եզդի երկու երիտասարդներ, ովքեր Մասիս քաղաքի բնակիչներ են և կալանավորված են: Նույն խոսակցություններից տեղյակ է, որ այդ երիտասարդները նմանատիպ մի քանի հանցանք են կատարել Արարատի մարզի տարածքում, սակայն այլ տեղեկություններ չգիտի:

/դատական նիստի արձանագրություն/

Տուժողի ներկայացուցիչ, նախկինում «Ազատ» ներկայումս «Արտաշատ» ջրօգտագործողների ընկերության գլխավոր հաշվապահ Արսեն Սարգսի Հովակիմյանը դատաքննության ընթացքում վկայի կարգավիճակում ցուցմունք է տվել այն մասին, որ «Ազատ ՋԸՕ»-ին պատկանող «Վազ 21214» մակնիշի 476 US 15 հերթական համարանիշի ավտոմեքենան կցված է եղել վարորդ Գեղամ Բադալյանին: 2016թ. մարտի 25-ին՝ ժամը 01-ից 08:30-նն ընկած ժամանակահատվածում, անհայտ անձինք Գեղամ Բադալյանի տան դիմացից գողացել են այդ մեքենան և տարել Արարատի մարզի Դարակերտ գյուղ, որտեղ հանել են մեքենայի մասերը և գողացել դրանք՝ «Ազատ» ջրօգտագործողների ընկերությանը պատճառելով 500.000 ՀՀ դրամի նյութական վնաս:

/դատական նիստի արձանագրություն/

Տուժող Գրիգոր Մնացականի Մարգարյանը դատաքննության ընթացքում ցուցմունք է տվել այն մասին, որ բնակվում է Արտաշատ քաղաքի Մխչյան 3 հասցեում, 2016թ. մարտի 24-ին՝ ժամը 22-ի սահմաններում, իր «Վազ 2106» մակնիշի 34 FZ 080 համարանիշի մեքենան կայանել է իր տան դիմաց: 25.03.2016թ.՝ ժամը 01-ի սահմաններում, քնել է և այդ ժամանակ ավտոմեքենան եղել է տեղում: Առավոտյան ժամը 09:30-ի սահմաններում արթնացել է ու տեսել, որ մեքենան գողացել են, ինչի մասին հաղորդում է տվել ՀՀ ոստիկանության Արտաշատի բաժնում: 25.03.2016թ.՝ ժամը 12-ի սահմաններում, ոստիկանությունից տեղեկացել է, որ իր մեքենան հայտնաբերվել է և նրանց հետ միասին գնացել է Այնթափ գյուղ՝ մեքենայի հայտնաբերման վայր, որտեղ տեսել է իր մեքենան՝ առջևի մասը վնասված: Մեքենան ուսումնասիրելուց հետո պարզել է, որ վերջինիցս գողացել են մոտ 90.000 դրամ արժողության 1.2 մ/խ ծավալի գազի բալոնը, մոտ 30.000 դրամ արժողության մարտկոցը, 15.000 դրամ արժողության պահեստային անվադողը՝ իր անվահեծով, ընդհանուր մոտ 20.000 դրամ արժողության ավտոմեքենայի գործիքները, առջևի դռների հայելիները՝ ընդհանուր 20.000 դրամ արժողության: Նշել է, որ ապրանքները գողանալու և առջևի հատվածը վնասելու հետևանքով իրեն պատճառվել է 200.000 դրամի նյութական վնաս: Նշել է նաև, որ դեպքից օրեր անց խոսակցություններից տեղեկացել է, որ իր մեքենան և «Ազատ» ջրօգտագործողների ընկերությանը պատկանող «Նիվա» մակնիշի մեքենան փախցրել ու երկու մեքենաներից ապրանքները գողացել են ազգությամբ եզդի երկու երիտասարդներ:

/դատական նիստի արձանագրություն/

Տուժող Արսեն Ռաֆիկի Գևորգյանը դատաքննության ընթացքում ցուցմունք է տվել այն մասին, որ բնակվում է Երևան քաղաքի Լամբրոնի 26 հասցեում, 2016թ. մարտի 29-ին՝ ժամը 00:10-ի սահմաններում, որդին՝ Ռաֆիկ Գևորգյանը, իր «Վազ 21021» մակնիշի 64 UU 161 հաշվառման համարանիշի ավտոմեքենան կայանել է իր տան դիմաց, դռները փակել ու եկել է տուն: Նույն օրը ժամը 01:30-ի սահմաններում մեքենան տեսել է բակում, սակայն առավոտյան՝ ժամը 06:30-ի սահմաններում, արթնացել ու տեսել է, որ իր մեքենան չկա: Մտածելով, որ որդին է տարել, գնացել է աշխատանքի: Դրանից 3 ժամ անց՝ 09:30-ի սահմաններում, իր որդին զանգահարել է ու հարցրել, թե արդյոք մեքենան իր մոտ է: Դրանից պարզվել է, որ մեքենան գողացել են, ինչի կապակցությամբ հաղորդում է տվել ՀՀ ոստիկանության Մալաթիայի բաժնում: Այնուհետև՝ այդ օրը կեսգիշերին, իրեն զանգահարել են ոստիկանության Մալաթիայի բաժնի աշխատակիցները և հայտնել, որ մեքենան հայտնաբերվել է: Դրանից հետո որդու հետ գնացել է Արարատի մարզի Խարբերդ գյուղից դեպի Նուբարաշեն տանող ճանապարհ, որից դեպի աջ՝ մոտ 300 մետր դեպի ներս ընկած հատվածում գտնվող ծիրանի այգիների մոտ կայանված է եղել իր ավտոմեքենան՝ թալանված վիճակում: Վերջինս ուսումնասիրելուց հետո պարզել է, որ դրանից գողացել են 4 անվադողերը, անվահեծերը, գործարանային արտադրության պահեստային անվադողը՝ իր անվահեծով, դռների ապակիները և դրանց կառավարման էլեկտրական համակարգերը՝ իրենց շարժիչներով, ապակեմաքրիչները և դրանց շարժիչները, առջևի և հետևի նստատեղերը, ցուցիչների վահանակը, հետևի լուսարձակները, «BOSH» մակնիշի ձայնային ազդանշանները, մարտկոցը, երաժշտական համակարգի «SONY» մակնիշի բարձրախոսները, ռադիատորը, դինամոն, տրամլյորը և ապակեմաքրիչների ջրի տարան, ռետինե սև ցեխապաշտպանիշները, սրահի ոտնատակի 4 հատ նույնանման սև գույնի ռետինե գորգերը, 2 խ/մ ծավալի գազի բալոնը և գազի կարգավորիչը՝ պատճառելով շուրջ 1.000.000 ՀՀ դրամի վնաս: Նախաքննության ընթացքում հայտնաբերվել է իր ավտոմեքենայի գազաբալոնը, անվադողը՝ իր անվահեծով և առջևի ու հետևի նստատեղերը, որոնք ինքը ճանաչել է և դրանք արժեցել են 145.000 ՀՀ դրամ: Ընդդեմ ամբաստանյալներ Ահմեդ Ֆերոյանի և Էդվարդ Խուդոյանի ներկայացրել է 845.000 ՀՀ դրամի քաղաքացիական հայց որպես հանցագործությամբ պատճառված վնասի հատուցման գումար:

/դատական նիստի արձանագրություն/

Տուժող Վարդգես Յուրիկի Առաքելյանը դատաքննության ընթացքում ցուցմունք է տվել այն մասին, որ բնակվում է Երևան քաղաքի Նորագավիթ 9-րդ փողոցի 42-րդ տանը: 2016թ. մարտի 28-ին՝ ժամը 18:00-ի սահմաններում, իր «Վազ 2106» մակնիշի 34 MU 153 համարանիշի ավտոմեքենան կայանել է իր տան դիմաց և գնացել տուն: Ժամեր անց՝ 29.03.2016թ.՝ ժամը 01:30-ի սահմաններում, արթնացել է քնից ու պատուհանից տեսել, որ մեքենան կայանված տեղում է, ինչից հետո կրկին քնել է: Առավոտյան ժամը 09:30-ին դուրս է եկել տնից ու տեսել, որ մեքենան տեղում չէ, հասկացել է, որ այն գողացել են, ինչի մասին հաղորդում է տվել ոստիկանության Շենգավիթի բաժնում: Նույն օրը երեկոյան իրեն զանգահարել են ոստիկանությունից և հայտնել, որ մեքենան հայտնաբերվել է Երևան քաղաքի Արշակունյաց պողոտայում: Ինքը գնացել է այնտեղ և մեքենան ուսումնասիրելուց հետո պարզել է, որ այն փախցնելուց հետո դրանից հափշտակել են ավտոմեքենայի հետևի նստատեղը, երաժշտական համակարգի բարձրախոսները, պահեստային անվադողը՝ իր անվահեծով, բեռնախցիկից՝ «Շտեռն» մակնիշի, կապույտ գույնի պերֆերատորը, մեծ և փոքր կտրող սարքեր /բալգարկաներ/, դռելը, պլաստմասե խողովակները միմյանց եռակցող սարքը, 30 բանալիները /կլուչ/, պտուտակահանը, ակցանը, սվերլոները և վեցանկյուն հավաքածուն՝ պատճառելով 280.000 ՀՀ դրամի նյութական վնաս: Հաջորդ օրը, տեղեկանալով, որ ոստիկանները Խարբերդում հայտնաբերել են «Վազ 21021» մակնիշի ավտոմեքենա, գնացել է այնտեղ՝ մտածելով, որ դա կարող է կապ ունենալ իր մեքենայի գողության հետ: Հասնելով Խարբերդ-Այնթափ հատված՝ ծիրանի այգիների հետնամասում տեսել է «Վազ 21021» մակնիշի ավտոմեքենան՝ թալանված վիճակում, որի կողքից հայտնաբերել և վերցրել է իր մեքենայի նստատեղը՝ հետնամասի հենակով, պահեստային անվադողը՝ անվահեծով, 5 հատ 90 աստիճան 25 մմ չափերի անկյունակները, 1 հատ 45 աստիճան 40 մմ չափերի անկյունակը, 4 հատ 45 աստիճան 20 մմ չափերի անկյունակները, 4 հատ 20 մմ չափերի անցումները և 2 հատ կլուչ-բանալիները:
Նշել է, որ դեպքից օրեր անց խոսակցություններից, չի հիշում, թե կոնկրետ ումից, տեղեկացել է, որ իր մեքենան և «Վազ 21021» մակնիշի մեքենան, որը հայտնաբերվել էր Խարբերդ-Այնթափ հատվածում, փախցրել ու երկու մեքենաներից էլ ապրանքները գողացել են ազգությամբ եզդի 2 երիտասարդները: Համացանցից տեղեկացել է, որ նրանք հանդիսանում են Ահմեդը Ֆերոյանը և Էդվարդ Խուդոյանը:
Ահմեդ Ֆերոյանի հայրը իրեն տվել է 130.000 ՀՀ դրամ որպես պատճառված վնասի հատուցման մի մասի գումար: Ընդդեմ ամբաստանյալներ Ահմեդ Ֆերոյանի և Էդվարդ Խուդոյանի ներկայացրել է 150.000 ՀՀ դրամի քաղաքացիական հայց:

/դատական նիստի արձանագրություն/

Տուժող Գագիկ Մարտինի Գրիգորյանը դատաքննության ընթացքում ցուցմունք է տվել այն մասին, որ բնակվում է Արարատի մարզի Դարակերտ գյուղում: Ունի «ՎԱԶ 2102» մակնիշի ավտոմեքենա, որը դեռևս 2 տարի առաջ հաշվառումից հանել է, սակայն այն շահագործում էր, ավտոմեքենան կայանել է տան դիմաց: 2016 թվականի՝ մարտի 26-ին, արթնացել է, տեսել իր «ՎԱԶ 2102» մակնիշի ավտոմեքենան չկա, դիմել է ոստիկանություն: Որոշ ժամանակ անց ոստիկանութունից զանգահարել են և հայտնել, որ ավտոմեքենան հայտնաբերվել է, այն է Սովետաշենի գերեզմանների մոտ է: Ինքն էլ գնացել է այնտեղ, ավտոմեքենան բերել: Գիշերը՝ ժամը 02.00-ի սահմաններում, երբ գնացել է քնելու, ավտոմեքենան տեղում է եղել: Ավտոմեքենայի մեջ եղել են մարտկոց, մագնիտոֆոն, դինամիկ, որոնք գողացել են, որի արդյունքում իրեն պատճառվել է 50.000 ՀՀ դրամի վնաս:

/դատական նիստի արձանագրություն/

Վկա Մանուկ Արմենի Ղազարյանը նախաքննության և դատաքննության ընթացքում ցուցմունք է տվել այն մասին, որ համագյուղացի Գագիկ Մարտինի Գրիգորյանին ճանաչում է մանկուց: Նա բնակվում է իրենց հարևանությամբ՝ Հ.Միրզոյան փողոցի թիվ 7 տանը: Գ.Գրիգորյանը 2006թ. ձեռք է բերել «Վազ 2102» մակնիշի կանաչ գույնի ավտոմեքենան, որը չշահագործելու պատճառով մոտ 5 տարի առաջ հանել է հաշվառումից, ուստի համարանիշ չունի: Մեքենան կայանված է եղել նրա տան դիմաց՝ ճանապարհի մայթեզրի հարևանությամբ: 2016 թվականի մարտի 25-ին՝ ցերեկը, այցելել են Գագիկի տուն և տեսել, որ վերջինիս պատկանող «Վազ 2102» մակնիշի ավտոմեքենան տան դիմացից բացակայում է: Այդ կապակցությամբ Գագիկը իրենց հայտնել է, որ նույն օրը գիշերը՝ ժամը 02-ից 08-ն ընկած ժամանակահատվածում, անհայտ անձինք իր մեքենան գողացել են: Մտածելով, որ համարանիշների բացակայության պատճառով այդ մեքենայով հանցագործը չի կարող հեռու գնալ, անմիջապես Գագիկի հետ միասին գնացել են գյուղի հարակից տարածքներ ու փնտրել մոտակա ավտոճանապարհներով ու դաշտերով, սակայն մեքենան չենք գտել: Դրանից հետո Գագիկը կատարվածի մասին հաղորդում է տվել ոստիկանության Մասիսի բաժնում: 2016 թվականի մարտի 29-ին տեղեկացել են, որ Գագիկի մեքենան նույն օրը ժամը 14-ի սահմաններում հայտնաբերվել է Երևան քաղաքի Էրեբունի-Նուբարաշեն ավտոճանապարհի դաշտամիջյան հատվածում՝ աղբանոցի մոտակայքում: Դրանից հետո, երբ զրուցել են Գագիկի հետ, տեղեկացել են, որ հանցագործները մեքենան փախցնելուց հետո գողացել են մեքենայի էլեկտրական մարտկոցը և երաժշտական ձայնարկիչը:

/դատական նիստի արձանագրություն, հատոր 5 գ. թ148-150/

Վկա Անդրանիկ Սամվելի Մովսիսյանը նախաքննության և դատաքննության ընթացքում նույնաբովանդակ ցուցմունք է տվել այն մասին, որ 2016թ. մարտի 23-ին՝ ժամը 02-ի սահմաններում, Արգամ Մովսիսյանն իրեն պատկանող «Վազ 2107» 34 PD 100 հ/հ ավտոմեքենան կայանել է Մասիս քաղաքի 3-րդ փողոցի 1-ին շենքի դիմաց: Նշված հասցեում մի քանի ժամ մնալուց հետո՝ լուսաբացին, Արգամը դուրս է եկել տան բակ ու տեսել, որ իր մեքենան չկա: Հասկանալով, որ մեքենան գողացել են, փորձել են իրենց ուժերով փնտրել այն, քանի որ Արգամը ասել է, որ մեքենայի գազը քիչ է եղել, ուստի գողացողները չէին կարող հեռու տանել, իսկ բենզինով մեքենան չի աշխատել: Մասիսի փողոցներով ու դաշտերով փնտրելու ընթացքում մեքենան թալանված վիճակում գտել են Նոր Թաղամասի թիվ 2 միջնակարգ դպրոցի հետնամասից մոտավորապես 400մ հեռավորության վրա՝ դաշտամիջյան հատվածում: Դրանից գողացած են եղել 4 անվադողերն ու անվահեծերը, «Պիոներ» տեսակի ձայնարկիչը և 1.3 ծավալի գազաբալոնը: Դրանից 2 օր անց հայտնաբերվել են նաև մեքենայից գողացված ապրանքները՝ մեքենայի հայտնաբերման վայրից մոտ 200-300մ հեռավորության վրա գտնվող փոսից:
Նշել է, որ դեպքից որոշ ժամանակ անց ընդհանուր խոսակցություններից տեղեկացել են, որ Ա.Մովսիսյանի ավտոմեքենան փախցրել և դրանից ապրանքները գողացել են Մասիս քաղաքի բնակիչներ, ազգությամբ եզդի երկու երիտասարդներ:

/դատական նիստի ձայնային արձանագրում, հատոր 5, գ.թ. 217-219 /

Վկա Սուսաննա Ֆերոյանը դատաքննության ընթացքում ցուցմունք է տվել այն մասին, որ Ահմեդ Ֆերոյանը իր որդին է: Ահմեդը ի ծնե ունեցել է առողջական խնդիրներ, մասնավորապես նա հոգեկան խնդիրներ ունի, նյարդային է: Որդուն 2016 թվականի հունվարի 26-ին զորակոչել է բանակ, սակայն առողջական խնդիրների պատճառով փետրվարի 4-ին նրան տեղափոխել են զինհոսպտալ, որտեղից 2016թ մարտի 10-ից տրամադրվել է մայրական խնամքի արձակուրդ և նա եկել է տուն: Մայրական խնամքի արձակուրդ գալուց հետո միշտ հետևել է նրան, իր հսկողության տակ է եղել: Արձակուրդի ընթացքում դժվարություններ են առաջացել, քանի որ Ահմեդը գիշերները չի քնել: Ահմեդին 20 օր արձակուրդ էին տվել: Արձակուրդը լրանալուց հետո Ահմեդը չվերադարձավ զորամաս, քանի որ նրան ձերբակալել էին: Արձակուրդի ընթացքում ինքը միշտ Ահմեդի հետ է եղել, Ահմեդը տնից դուրս չի եկել: Ահմեդը Էդվարդին ճանաչել է՝ որպես բարեկամ, բայց նրանց հետ գնալ-գալ չեն ունեցել: Ինքը չի աշխատում, միշտ տանն է եղել, տանն են եղել նաև սկեսուրը և ամուսինը: Ամուսինն է զինհոսպիտալից որդուն տուն բերել: Մարտի 30-ին որդուն պետք է նորից հոսպիտալ տանեին: Որդին նյարդային վիճակում է եղել, ինքն իրեն խոսում, ծիծաղում էր, առանձնանում: Եթե որդին տնից դուրս գար, ինքը կիմանար: Որդին երբևէ հոսպիտալից չի զանգահարել իրենց, իրենք են այցելել նրան՝ տեսակցության: Որդին զորամասում կամ հոսպիտալում բջջային հեռախոս չի ունեցել, նախքան բանակ զորակոչվելը ևս չի ունեցել: Ամուսինն ունի բջջային հեռախոս, բայց համարը չի հիշում: Որդին ոչ մի ապրանք տուն չի բերել, Էդվարդի հետ կապ չի ունեցել, որդին միշտ իր հետ է եղել՝ տանը: Որդին երբևէ չի եղել Երասխահուն գյուղում: Գիշերը որդու հետ քնել է նույն սենյակում:
Նկատի ունենալով, որ էական հակասություններ կան վկա Սուսաննա Ֆերոյանի դատաքննական և նախաքննական ցուցմունքների միջև, ուստի Դատարանը, ղեկավարվելով ՀՀ քրեական դատավարության օրենսգրքի 342-րդ հոդվածով, հրապարակել է վկա Սուսաննա Ֆերոյանի կողմից նախաքննության ընթացքում տրված ցուցմունքը:

/դատական նիստի ձայնային արձանագրում/

Նախաքննության ընթացքում վկա Սուսաննա Ֆերոյանը ցուցմունք է տվել այն մասին, որ Ահմեդ Խդրի Ֆերոյանը հանդիսանում է իր որդին: Վերջինս 2016թ. հունվարին Մասիսի ԶԿ-ից զորակոչվել է ՀՀ զինված ուժեր և ծառայության է նշանակվել Իջևանում գտնվող զորամասում: Ծառայության ընթացքում՝ 2016թ. փետրվարին, զորամասում ինքնավնասում կատարելու կապակցությամբ որդուն տեղափոխել են «Կանազի» զինհոսպիտալ, որտեղից 2016թ. մարտի 10-ին նրան տրամադրվել է արձակուրդ՝ մայրական խնամքի համար, մինչև 2016թ. մարտի 30-ը: Այդ արձակուրդի ընթացքում իր որդին 2-3 անգամ գիշերը բացակայել է տնից և վերադարձել է լուսաբացին: Բացակայություններից մեկի ժամանակ ինքը նրան գտել է ժամը 06:00-ի սահմաններում՝ ամուսնու ավտոմեքենայում քնած: Նշել է, որ 29.03.2016թ. իրենց տուն են այցելել ոստիկանության աշխատակիցները և տեղեկացել է, որ որդուն և իրենց հեռավոր ազգական Էդվարդ Խուդոյանին կասկածում են գողության մեջ, ինչի կապակցությամբ նրանց ձերբակալել, իսկ այնուհետև՝ կալանավորել են:

/հատոր 4, գ.թ. 135-138/

Նախաքննական և դատաքննական ցուցմունքների միջև առկա էական հակասությունների մասին վկա Սուսաննա Ֆերոյանը հայտնել է, որ ավտոմեքենայի մեջ քնելը, տնից բացակայելը եղել է մինչև Ահմեդի՝ բանակ գնալը, ոչ թե մայրական խնամքի արձակուրդում գտնվելու ժամանակ: Նախաքննական ցուցմունքը քննիչն է գրել, քննիչը կարդացել է ցուցմունքը, ինքը ստորագրել է: Ինքը ստրեսի մեջ է եղել, երբ ստորագրել է հարցաքննության արձանագրությունը:

/դատական նիստի ձայնային արձանագրում/

Դատարանը գնահատելով վկա Ս.Ֆերոյանի նախաքննական և դատաքննական ցուցմունքները, դրանք համադրելով քրեական գործով ձեռք բերված մյուս ապացույցների հետ, հանգում է հետևության, որ Ս. Ֆերոյանի դատաքննական ցումցունքները անարժանահավատ են, նպատակ են հետապնում Ա. Ֆերոյանին ազատել պատասխանատվությունից և պատժից:


Վկա Խդր Քալաշի Ֆերոյանը, օգտվելով ՀՀ քրեական դատավարության օրենսգրքի 86-րդ հոդվածով նախատեսված՝ իր, ամուսնու կամ մերձավոր ազգականների դեմ ցուցմունք չտալու իր իրավունքից, հրաժարվել է դատարանում ցուցմունք տալ, ուստի հրապարակվել են նրա նախաքննական ցուցմունքները:
Նախաքննության ընթացքում վկա Խդր Քալաշի Ֆերոյանը ցուցմունք է տվել այն մասին, որ Ահմեդ Ֆերոյանը հանդիսանում է իր որդին: Վերջինս 2016թ. հունվարին Մասիսի ԶԿ-ից զորակոչվել է ՀՀ զինված ուժեր և ծառայության է նշանակվել Իջևանում գտնվող զորամասում: Դրանից մոտ 10-15 օր անց Ահմեդը առողջական խնդիրների պատճառով զորամասից ուղարկվել է զինվորական հոսպիտալ՝ ընդունվելով բուժման: 2016թ. մարտի 10-ին Ահմեդին տրվել է 20 օր արձակուրդ՝ մայրական խնամքի համար, որի ավարտման օրը նա պատրաստվել է վերադառնալ զինհոսպիտալ, սակայն 30.03.2016թ. իր որդուն և իրենց հեռավոր ազգական Էդվարդ Խուդոյանին ձերբակալել են ավազակային հարձակում և գողություններ կատարելու կասկածանքով, իսկ այնուհետև՝ կալանավորել:
Նշել է, որ մայրական խնամքի մեջ գտնվելու ընթացքում Ահմեդը մոտ 3-4 անգամ գիշերը տնից բացակայել է, բայց չի հիշում, թե որ օրերին է բացակայել, ում հետ կամ որտեղ է եղել: Այդ կապակցությամբ Ահմեդին փնտրելու ընթացքում իրենց հարևան Սամվելի բջջային հեռախոսից մի քանի անգամ զանգահարել է Ահմեդին, քանի որ վերջինս իր համարներին չի պատասխանել, ուստի մտածելով, որ այլ համար լինի, զանգին կպատասխանի, Սամվելի հեռախոսով է զանգել: Այդ ընթացքում Սամվելի համարով Էդվարդին նույնպես զանգել է, որ որդուն գտնի, բայց խոսակցությունների բովանդակությունը չի հիշում, միայն հիշում է, որ ասում էին շուտով կգան: Նույն ժամանակահատվածում ինքը մի անգամ Ահմեդին վաղ առավոտյան հայտնաբերել է իր «Նիվա» մակնիշի ավտոմեքենայում՝ քնած, ով հավանաբար լուսաբացին է եկել ու չի ցանկացել այդ ժամանակ տուն մտել:

/հատոր 7, գ.թ. 231-233/

Վկա Խդր Ֆերոյանը Դատարանի և դատավարության մասնակիցների հարցերին պատասխանելով՝ հայտնել է, որ ինքը չի ասել, որ մայրական խնամքի մեջ գտնվելու ընթացքում Ահմեդը մոտ 3-4 անգամ գիշերը տնից բացակայել է, բայց չի հիշում, թե որ օրերին է բացակայել, ում հետ կամ որտեղ է եղել: Քննիչը իրեն չի սպառնացել, ճնշում չի գործադրել: Քննիչը չի գրել նաև, որ ինքը մի քանի անգամ քաղաքապետարանի այգուց է Ահմեդին տուն տարել: Եղել է, որ իրենց հարևան Սամվելի հեռախոսով զանգահարել է Ահմեդին: Մինչ ձերբակալվելը որդին հեռախոս չի ունեցել:Տանը մեկ հեռախոս է եղել, որի համարը չի հիշում, որդին գցել է, ջարդել: Ինքը Սամվելի հեռախոսից մի քանի անգամ, չի հիշում՝ որ ժամին, զանգահարել է որդու 077-32-72-08 հեռախոսահամարին: Ահմեդը չէր կարողանում հեռախոսից համարներ հավաքի: Ահմեդի՝ տնից բացակայելու դեպքում, զանգահարում էր, որպեսզի տեսնի, թե նա որտեղ է: Չի հիշում՝ քանի անգամ և որ ժամերին է զանգահարել որդուն: Ինքը զբաղվում է անասնապահությամբ: Չի հիշում՝ երբ Սամվելի հեռախոսով զանգահարել է Ահմեդին և Էդվարդին, նրանք պատասխանել են, թե՝ ոչ: Ահմեդը և Էդվարդը ընկերներ չեն, մայրական խնամքի արձակուրդում գտնվելու ընթացքում Ահմեդը և Էդվարդը չեն շփվել միմյանց հետ: Քանի որ փողոցում տեսել է Էդվարդի ավտոմեքենան, այդ պատճառով էլ նրան է զանգահարել, որպեսզի իմանա Ահմեդի տեղը:

/դատական նիստի ձայնային արձանագրում/

Վկա Գրետա Վահրամի Աբրահամյանը նախաքննության և դատաքննության ընթացքում ցուցմունք է տվել այն մասին, որ բնակվում է Արարատի մարզի Դարակերտ գյուղում: 2016թ. մարտի 25-ին՝ ժամը 07:30-ի սահմաններում տնից դուրս է եկել փողոց և կենտրոնական ճանապարհից դեպի 3-րդ փողոց տանող հատվածում նկատել է սպիտակ գույնի, <<Նիվա>> մակնիշի թալանված ավտոմեքենա: Մեքենան ուսումնասիրելուց հետո պարզել է, որ դրա վրայից բացակայում է բեռնախցիկի դուռը, գազաբալոնը և այլ մասեր, որոնք չի հիշում: Այդ կապակցությամբ զանգահարել է ոստիկանություն և տեղյակ պահել մեքենայի մասին: Քիչ անց ժամանել են ոստիկանները և կատարել զննություն: Խոսակցություններից տեղեկացել է, որ նշված մեքենան գողացել են Արարատի մարզի գյուղերից և բերել են Դարակերտ ու թալանել:

/դատական նիստի ձայնային արձանագրում,հատոր 8, գ.թ. 116-117/

Վկա Մարգար Անուշավանի Գալստյանը դատաքննության ընթացքում ցուցմունք է տվել այն մասին, որ հանդիսանում է Երասխահուն գյուղի գյուղապետարանի աշխատակազմի քարտուղարը: Չի հիշում դեպքը երբ է տեղի ունեցել, լսել է, որ գիշերը մտել են Հուտո Ալոյանի տուն, ծեծի ենթարկել իր համագյուղացի Հուտո Ալոյանին և նրան տեղափոխել են հիվանդանոց: Մի քանի օր անց քննչական գործողություն է կատարվել Հուտո Ալոյանի տան մոտ, որտեղ հավաքվել էին իրենց համագյուղացիները: Լսել է, որ ծեծի են ենթարկել նաև Հուտոյի կնոջը: Այդ օրը իրենց գյուղում նաև ավտոմեքենա են գողացել, այրել: Այդ ավտոմեքենան պատկանել է իրենց համագյուղացի Հորիզոն Գիժլարյանին: Ավտոմեքենան ամբողջությամբ այրված է եղել: Դեպքի օրը Հուտո Ալոյանին չի տեսել, սակայն լսել է, որ նրա վիճակը ծանր է եղել, նրան տեղափոխել են հիվանդանոց: Ամբաստանյալներին չի ճանաչում: Լսել է, որ Հուտոյին տան մեջ են ծեծել, լսել է, որ Հուտոն թույլ չի տվել կնոջը ծեծեն, հարվածն իր վրա է վերցրել: Երբ գյուղում ինչ-որ քննչական գործողություն են կատարում, անպայման գյուղապետարանից մարդ է ներգրավվում: Հետագայում իմացել է, որ այդ անձինք Մասիսի շրջանից են, ազգությամբ եզդի են, անունները չի լսել:
Նկատի ունենալով, որ էական հակասություններ կան վկա Մարգար Անուշավանի Գալստյանի դատաքննական և նախաքննական ցուցմունքների միջև, ուստի Դատարանը, ղեկավարվելով ՀՀ քրեական դատավարության օրենսգրքի 342-րդ հոդվածով, հրապարակել է վկա Մարգար Անուշավանի Գալստյանի կողմից նախաքննության ընթացքում տրված ցուցմունքը:

/դատական նիստի ձայնային արձանագրում/
Նախաքննության ընթացքում վկա Մարգար Անուշավանի Գալստյանը ցուցմունք է տվել այն մասին, որ հանդիսանում է Երասխահուն համայնքի ղեկավարի տեղակալը և բնակվում է նույն գյուղում: 2016թ. մարտի 13-ին, առավոտյան ժամը 09-ի սահմաններում, իրեն զանգահարել է համագյուղացի Հորիզոն Գիժլարյանը և հայտնել, որ նրան պատկանող «Վազ 2103» մակնիշի դեղին գույնի ավտոմեքենան նրա տան կողքից գողացել են՝ միաժամանակ նշելով, որ ցանկանում է այդ մասին հայտնել ոստիկանություն: Այդ կապակցությամբ ինքը զանգահարել է ոստիկանության Արմավիրի բաժին և հայտնել կատարվածի մասին: Դրանից քիչ անց տեղեկացել է, որ նույն օրը գիշերը դիմակավորված երկու երիտասարդներ մտել են համագյուղացիներ Հուտո Ալոյանի և Ազնիֆ Նամոյանի տուն և ծեծի են ենթարկել նրանց, պատճառել են վնասվածքներ և չկարողանալով ոչինչ գողանալ, դիմել են փախուստի:
Նշել է, որ Հ.Գիժլարյանը իրեն ասել է, որ մեքենան աշխատել է միայն գազով, որում եղել է 20 մթն. ճնշում, և դրանով կարող էին անցնել մոտ 15-20 կմ, ուստի փորձել են փնտրել մեքենան, բայց արդյունք չի տվել: Օրվա երկրորդ կեսին տեղեկացել է, որ ոստիկանության աշխատակիցները Ռանչպար գյուղի ճանապարհին հայտնաբերել են Հ.Գիժլարյանի մեքենան՝ այրված վիճակում: Դեպքից օրեր անց տեղեկացել է, որ նշված հանցագործությունները կատարել են Ահմեդն ու Էդվարդը, ովքեր Հ.Ալոյանի տնից փախնելուց հետո գողացել ու այրել են Հ.Գիժլարյանի մեքենան:

/հատոր 3, գ.թ. 219-220/

Նախաքննական և դատաքննական ցուցմունքների միջև առկա էական հակասությունների մասին վկա Մարգար Գալստյանը հայտնել է, որ Հուտո Ալոյանի որդիներից է լսել, որ այդ անձանց անունները եղել են Ահմեդ և Էդվարդ:

/դատական նիստի ձայնային արձանագրում/

Վկա Աբել Ռոբերտի Բուդուրյանը նախաքննության և դատաքննության ընթացքում ցուցմունք է տվել այն մասին, որ Ահմեդ Ֆերոյանը իր հարևանն է և նրան ճանաչում է մանկուց և գտնվում է նորմալ փոխհարաբերությունների մեջ, իսկ Էդվարդ Խուդոյանին ճանաչում է որպես Մասիս քաղաքի բնակիչ և Ահմեդի մտերիմ, ով հաճախ է եկել Ահմեդի մոտ, սակայն երբեք նրա հետ շփում չի ունեցել: Նշել է, որ 2016թ. մարտի 25-ին՝ ժամը 01:20-ից մինչև 03:49-ն ընկած ժամանակահատվածում, երբ Ահմեդը գտնվել է ծառայության վայրից տրված արձակուրդի մեջ, նրա հայրն ու մայրը այցելել են իրենց տուն և խնդրել, որ իր 098-84-89-68 հեռախոսահամարից զանգահարեն Ահմեդին, ով գիշերը տան չի եղել ու նրան են փնտրել: Նշել է նաև, որ Ահմեդը հոր և մոր հեռախոսազանգերին չի պատասխանել, ինչի պատճառով էլ խնդրել են, որ իր համարից զանգահարի: Հայտնել է նաև, որ այդ հեռախոսազանգերից մեկը նրա ծնողների խնդրանքով ինքը անձամբ է կատարել և խոսելու ընթացքում Ահմեդը իրեն ասել է, որ մորն ասի, թե իբրև Մասիսի քաղաքի 10-րդ փողոցում է, իսկ թե ծնողներին իրականում ինչ է ասել, ինքը չգիտի, քանի որ նրանք Ահմեդի հետ խոսել են եզդերեն, որին ինքը չի տիրապետում: Ահմեդը օգտագործել է 077-32-72-08 հեռախոսահամարը:

/դատական նիստի ձայնային արձանագրում, հատոր 7, գ.թ. 191-193/

Վկա Ռոման Նորիկի Խուդոյանը նախաքննության և դատաքննության ընթացքում ցուցմուքն է տվել այն մասին, որ 2016թ. մարտի 29-ին՝ ժամը 22:00-ի սահմաններում, Արարատի մարզի Խարբերդ գյուղից դեպի Նուբարաշեն տանող ճանապարհին՝ «Ծիրանանոցներ» կոչվող հատվածում, նկատել է «Վազ 2121» մակնիշի 64-161 համարանիշի թալանված ավտոմեքենան: Քանի որ դրանից օրեր առաջ իր ընկեր, Արարատի մարզի Մրգավետ գյուղի բնակիչ Գեղամ Բադալյանի տան դիմացից գողացել էին վերջինիս կողմից վարած, ջրմուղին պատկանող «Վազ 2121» մակնիշի ավտոմեքենան, մտածել է, որ իր տեսած ավտոմեքենան կարող է կապ ունենալ մյուս դեպքի հետ, ուստի զանգահարել է 1-02 և կատարվածի մասին հայտնել ոստիկանություն: Վերջիններս եկել են դեպքի վայր և կատարել զննություն: Այդտեղ է եկել նաև մի մարդ՝ իր որդու հետ, ով հայտարարել է, որ հայտնաբերված «Վազ 2121» մակնիշի ավտոմեքենան իրենն է, որը գողացել են իր տան մոտից՝ Երևան քաղաքի «Կիլիկիա» կոչվող թաղամասից: Տարածքը ուսումնասիրելուց հետո տեսել է նաև, որ շրջակայքում կան նաև «Վազ 2106» մակնիշի ավտոմեքենայի հետևի նստատեղ, մեկ անիվ՝ իր անվահեծով, և կոմունալ սպասարկման համար նախատեսված աշխատանքային գործիքներ:
Նշել է, որ իր տեսած «Վազ 2121» մակնիշի ավտոմեքենայից բացակայել են չորս անիվներն ու անվահեծերը, բոլոր նստատեղերը, գազաբալոնը և սարքավորումները, շարժիչի հովացուցիչները, մարտկոցը, լուսարձակները և այլ պահեստամասեր, որոնք չի հիշում:

/դատական նիստի ձայնային արձանագրում, հատոր 4, գ.թ. 129-132/

Վկա Մուշեղ Մնացականի Մարգարյանը դատաքննության ընթացքում ցուցմունք է տվել այն մասին, որ Գրիգոր Մնացականի Մարգարյանը հանդիսանում է իր հարազատ եղբայրը: 2016թ. մարտի 24-ին՝ ժամը 22-ի սահմաններում Գրիգորն իրեն պատկանող «Վազ 2106» մակնիշի 34 FZ 080 հ/հ ավտոմեքենան կայանել է տան մուտքի դարպասի դիմաց՝ մշտական տեղում: 25.03.2016թ. առավոտյան՝ ժամը 09-ի սահմաններում, երբ արթնացել են քնից, պարզվել է, որ եղբոր մեքենան գողացել են: Այդ կապակցությամբ Գրիգորը դիմել է ոստիկանության Արտաշատի բաժին: Նույն օրը կեսօրին ոստիկանությունից տեղեկացրել են, որ մեքենան հայտնաբերել են Այնթափ գյուղում: Այդ կապակցությամբ Գրիգորի հետ գնացել է Այնթափ և ճանապարհի վրա տեսել նրա մեքենան, որի առջևի հատվածը եղել է վթարված, վնասված վիճակում: Նույն տեղում՝ ճանապարհին, թափված են եղել առջևի դեկորատիվ վահանի, լուսարձակի և սպիտակ ներկանյութի հետքերը: Մեքենան ուսումնասիրելուց հետո պարզվել է, որ դրանից գողացել են գազի բալոնը, մարտկոցը, կողային հայելիները, դանգրատը, կլուչները, պահեստային անվադողը և կողային ապակիների վերնամասի 3 արևիկները:Գողացված ապրանքների մասին ավելի մանրամասն գիտի եղբայրը:

/դատական նիստի ձայնային արձանագրում/

Վկա Էլմիրա Ասադի Մամուդյանը դատաքննության ընթացքում ցուցմունք է տվել այն մասին, որ Հուտո Ալոյանը հանդիսանում է իր ազգականը և վերջինս բնակվում է կնոջ՝ Ազնիֆ Նամոյանի հետ միասին՝ իր հարևանությամբ: 2016թ. մարտի 12-ին՝ ժամը 23:00-ի սահմաններում, մանկահասակ որդու՝ Գագիկի հետ, գնացել է նույն գյուղում բնակվող իր հորեղբոր որդու՝ Ազիզ Խուդոյանի տուն: Մոտ 1 ժամ այնտեղ մնալուց հետո՝ տուն վերադառնալիս, որդին նկատել է, որ 2 հոգի բարձրացել են իր հարևան Հուտո Ալոյանի տան պատշգամբ, որից հետո ինքը 2-3 հոգու շողք է տեսել, սակայն կարծել է, թե Հուտոն է և նրա տուն հյուրեր են եկել, ուստի գնացել են տուն և քնել: Որոշ ժամանակ անց որդին արթնացրել է ու ասել, որ Ազնիֆը գոռում է: Մոտեցել է պատուհանին ու տեսել, որ Ազնիֆը արյունոտ շորերով է և նրա ձախ աչքի շրջանը վնասված է: Վերջինս բղավելով ասել է, որ Հուտոյին սպանել են: Անմիջապես զանգահարել է Ազիզ և Թելման Խուդոյաններին ու ասել, որ գան Հոտոյի տուն, իսկ ինքը Ազնիֆի հետ գնացել է նրանց տան բակ, որտեղ տեսել է Հուտոյին՝ բազմոցի մոտ կքանստած: Նրա գլխից արյուն է եկել և շորերը արյունոտված են եղել: Հուտոյին տան ներսի բազմոցին տեղափոխելուց հետո զանգահարել է համայնքի ղեկավար Արմեն Ավետիսյանին՝ պատմելով կատարվածը, իսկ այնուհետև՝ ոստիկանություն, իսկ դրանից հետո Թելմանի մեքենայով Հուտոյին ու Ազնիֆին տեղափոխել են Վաղարշապատի հիվանդանոց:
Տեղեկացել է, որ Հուտոյի տուն մուտք են գործել 2 դիմակավորված անձինք ու ծեծի ենթարկել նրանց:
/դատական նիստի ձայնային արձանագրում/

Դատաքննության ընթացքում Ինգա Վյաչեսլավի Շաքարյանը ցուցմունք է տվել այն մասին, որ լսել է, որ իրենց բակից առևանգել են Անդրանիկի եղբոր՝ Արգամի 06 կամ 07 մակնիշի ավտոմեքենան: Դեպքի ամիսը և ամսաթիվը չի հիշում: Ավտոմեքենան առևանգել են իրենց բակից՝ Մասիս քաղաքի 3-րդ փողոց, 1-ին տուն հասցեի մոտից: Ավտոմեքենայի սեփականատերն այդ հասցեում չի բնակվում, ինքն է այդտեղ բնակվում, ուղղակի ավտոմեքենայի սեփականատարը՝ Անդրանիկ Մովսիսյանը, այցելել էր իրեն: Առավոտյան ավտոմեքենայի սեփականատերը դուրս է եկել բակ և հայտնաբերել, որ ավտոմեքենան չկա, միայն սոցիալական քարտը ընկած է եղել գետնին: Այնուհետև Անդրանիկը զանգել է եղբորը՝ Արգամին: Արգամը եկել է իրենց տուն, որից հետո նրանք երկուսով գնացել են ավտոմեքենան փնտրելու: Հետո իմացել է, որ ավտոմեքենան գտել են «Մորենա» ռեստորանի մոտակայքից՝ քանդված վիճակում, անվադողերը, մագնիտոֆոնը գողացված են եղել: Անդրանիկն ասել է, որ գողացված ապրանքները հետագայում հայտնաբերվել են: Ինքը ավտոմեքենան թալանված վիճակում չի տեսել: Ինքը չի իմացել, թե ով է ավտոմեքենան առևանգել: Հիշողության հետ կապված խնդիրներ ունի:
Նկատի ունենալով, որ էական հակասություններ կան վկա Ինգա Վյաչեսլավի Շաքարյանի դատաքննական և նախաքննական ցուցմունքների միջև, ուստի Դատարանը, ղեկավարվելով ՀՀ քրեական դատավարության օրենսգրքի 342-րդ հոդվածով, հրապարակել է վկա Ինգա Վյաչեսլավի Շաքարյանի կողմից նախաքննության ընթացքում տրված ցուցմունքը:
/դատական նիստի ձայնային արձանագրում/
Նախաքննության ընթացքում վկա Ինգա Շաքարյանը ցուցմունք է տվել այն մասին, որ 2016թ. մարտի 23-ին՝ ժամը 02-ի սահմաններում, Արգամ Մովսիսյանն իրեն պատկանող «Վազ 2107» 34 PD 100 հ/հ ավտոմեքենան կայանել Մասիս քաղաքի 3-րդ փողոցի 1-ին շենքի դիմաց: Նշված հասցեում մի քանի ժամ մնալուց հետո՝ լուսաբացին, Արգամը դուրս է եկել տան բակ ու տեսել, որ իր մեքենան չկա: Հասկանալով, որ մեքենան գողացել են, փորձել են իրենց ուժերով փնտրել այն, քանի որ Արգամը ասել է, որ մեքենայի գազը քիչ է եղել, ուստի գողացողները չէին կարող հեռու տանել, իսկ բենզինով մեքենան չի աշխատել: Մասիսի փողոցներով ու դաշտերով փնտրելու ընթացքում մեքենան թալանված վիճակում գտել են Նոր Թաղամասի թիվ 2 միջնակարգ դպրոցի հետնամասից մոտավորապես 400 մ հեռավորության վրա՝ դաշտամիջյան հատվածում: Դրանից գողացած են եղել 4 անվադողերն ու անվահեծերը, «Պիոներ» տեսակի ձայնարկիչը և 1.3 ծավալի գազաբալոնը: Դրանից 2 օր անց հայտնաբերվել են նաև մեքենայից գողացված ապրանքները՝ մեքենայի հայտնաբերման վայրից մոտ 200-300մ հեռավորության վրա գտնվող փոսից:
Նշել է, որ դեպքից որոշ ժամանակ անց ընդհանուր խոսակցություններից տեղեկացել են, որ Ա.Մովսիսյանի ավտոմեքենան փախցրել և դրանից ապրանքները գողացել են Մասիս քաղաքի բնակիչներ, ազգությամբ եզդի երկու երիտասարդներ:
/հատոր 5, գ.թ. 217-219, 231-232/
Նախաքննական և դատաքննական ցուցմունքների միջև առկա էական հակասությունների մասին վկա Ինգա Շաքարյանը հայտնել է, որ իրականում Անդրանիկն է հյուրընկալվել իրենց տանը, չգիտի՝ ինչու է նախաքննական ցուցմունքում գրված, որ Արգամն է եղել:

/դատական նիստի ձայնային արձանագրում/

Տուժողի ներկայացուցիչ Ա.Բարսեղյանի կողմից միջնորդությամբ Դատարան հրավիրված վկա Սուրեն Մովսիսյանը դատաքննության ընթացքում ցուցմունք է տվել այն մասին, որ բնակվում է Արմավիրի մարզի Երասխահուն գյուղում: Ինքը ամբաստանյալներին չի ճանաչում, ինքը օգտագործում է 098-999-041 և 098-10-56-10 հեռախոսահամարները: Ամբաստանյալներից մեկի քեռին, ում անունը Էդո է և բնակվում է իրենց գյուղում իր հեռախոսից զանգահարել է նրան: Ինքը չի կարող հիշել թե իր հեռախոսահամարին ով է զանգել: Իր մայրը՝ Շուշան Սիմոնյանն օգտագործել է 094-74-30-91 հեռախոսահամարը: 098-39-00-42 հեռախոսահամարն իրեն ծանոթ չէ: Հուտո Ալոյանի տանը տեղի ունեցած դեպքի օրը գյուղում է եղել, իմացել է, որ մտել են Հուտոյի տուն, ծեծել նրան:Դեպքից հետո հստակ օրը չի հիշում իրենց համագյուղացի Էդոյից իմացել է, որ ինչ որ մեկը զանգել է նրան և ասել, որ նրա քրոջ որդին է ծեծել Հուտոյին: Չգիտի՝ քանի հոգով են ծեծել Հուտոյին: Մորաքրոջ՝ Սուսաննա Մովսիսյանի հեռախոսահամարը չգիտի: Իր մորաքույրը Արմավիրի մարզի Երասխահուն գյուղից է:

/դատական նիստի արձանագրություն/

Դատարանը միջոցներ է ձեռնարկել ապահովելու վկաներ Ազիզ Խուդոյանի, Արշակ Ավագյանի, Գեղամ Բադալյանի, Արսեն Ղազարյանի, Սամվել Բուդուրյանի, Հայկ Գիժլարյանի, Ռաֆայել Գևորգյանի, Սուրեն Հայրապետյանի՝ ներկայությունը դատական նիստերին, սակայն վերջիններս չեն ներկայացել Դատարան, ուստի Դատարանը, լսելով դատավարության մասնակիցների կարծիքը, հրապարակել է վերջիններիս՝ նախաքննության ընթացքում տված ցուցմունքները:
Վկա Ազիզ Համոյի Խուդոյանը նախաքննության ընթացքում ցուցմունք է տվել այն մասին, որ 2016թ. մարտի 13-ին՝ ժամը 02:30-ի սահմաններում, երբ քնած է եղել, հորեղբոր աղջիկը՝ Էլմիրա Մամուդյանը, զանգահարել է իրեն ու եղբորը՝ Թելման Խուդոյանին, և ասել, որ շտապ հասնեն համագյուղացի Հուտո Ալոյանի տուն, դեպք է պատահել: Ինքն ու Թելմանը քնից շտապել են այնտեղ ու մտնելով Հ.Ալոյանի տուն, վերջինիս տեսել են խոհանոցի բազմոցին՝ ամբողջությամբ արյունոտ վիճակում: Վնասվածքները եղել են գլխի շրջանում՝ պատռված վերքերի ձևով, և նրա գլխին թրջոց է դրված եղել: Խոհանոցում է եղել նաև Հ.Ալոյանի կինը՝ Ազնիֆը, ում հոնքի շրջանում վնասվածք է տեսել: Այդ ժամանակ Ազնիֆը պատմել է, որ դիմակավորված 2 երիտասարդներ մտել են իրենց տուն, նրանցից մեկը փայտով մի քանի անգամ հարվածել է Հուտոյի գլխին, որից հետո՝ իր դեմքին, իսկ այնուհետև դիմել են փախուստի: Ելնելով իրավիճակից ինքը Ազնիֆին հարցեր չի տվել և Թելմանի մեքենայով նրանց տեղափոխել են Վաղարշապատի հիվանդանոց, որտեղից էլ՝ Էրեբունի հիվանդանոց: Հաջորդ օրն առավոտյան Էլմիրայից տեղեկացել է, որ վերջինս Հուտոյի տան պատշգամբում 2-3 հոգու շողք է նկատել և մտածել է, որ մեկը Հուտոն է, իսկ մյուս երկուսը՝ նրա հյուրերը: Այնուհետև գյուղում հանդիպել է Հորիզոն Գիժլարյանին և վերջինիցս տեղեկացել, որ նույն գիշեր գողացել են նրա «Վազ 2103» մակնիշի ավտոմեքենան, որը այրված վիճակում հայտնաբերվել է Ռանչպար գյուղի մոտ:
Նշել է, որ համագյուղացիների խոսակցություններից իմացել է, որ հանցանքները կատարել են Մասիս քաղաքի բնակիչներ, ազգությամբ եզդի երկու երիտասարդներ, ովքեր, բացի նշված հանցանքներից, կատարել են նաև տարբեր մեքենաների գողություն:

/հատոր 6, գ.թ. 106-109/

Նախաքննության ընթացքում վկա Արշակ Մկրտիչի Ավագյանը ցուցմունք է տվել այն մասին, որ 2016թ. մարտի 13-ին՝ ժամը 09:30-ի սահմաններում տեսել է, որ իր հարևաններ Հուտո Ալոյանի և Ազնիֆ Նամոյանի տան բակում բազմաթիվ մեքենաներ են կայանված: Քայլել է այդ ուղղությամբ և իր հարևան Էլմիրայի տան մոտ հանդիպել է վերջինիս հորեղբոր որդուն՝ Թելմանին: Վերջինիցս տեղեկացել է, որ այդ օրը գիշերը դիմակավորված 2 անձինք մտել են Հուտոյի տուն, ծեծի ենթարկել նրան ու կնոջը, և ոչինչ չգողանալով թողել-հեռացել են:

/հատոր 1, գ.թ. 112-113/

Նախաքննության ընթացքում վկա Գեղամ Անդրանիկի Բադալյանը ցուցմունք է տվել այն մասին, որ աշխատում է «Ազատ» ջրօգտագործողների ընկերությունում որպես վարորդ: 2015թ. ապրիլի 1-ից նշված ընկերությունում իրեն է ամրակցվել 2004թ. արտադրության «Վազ 21214» մակնիշի 476 US 15 համարանիշի ավտոմեքենան: 2016թ. մարտի 24-ին՝ ժամը 21-ի սահմաններում, այդ մեքենայով վերադարձել է տուն և այն կայանել է մշտական տեղում՝ իր տան դիմաց, հանել է գործարկման բանալին, սակայն դռները թողել է բաց վիճակում: 25.03.2016թ. գիշերը՝ ժամը 01:30-ի սահմաններում, քնել է, իսկ առավոտյան ժամը 08-ի սահմաններում իրեն զանգահարել է «Ազատ» ջրօգտագործողների ընկերության հաշվապահ Արսեն Հովակիմյանը և հայտնել, որ հիշյալ ավտոմեքենան փախցրել են ու այն թալանված վիճակում հայտնաբերվել է Արարատի մարզի Դարակերտ գյուղում: Այդ կապակցությամբ ինքն ու Արսենը գնացել են Դարակերտ, որտեղ ոստիկանության աշխատակիցները կատարել են զննություն: Այդ ժամանակ պարզվել է, որ իր վարած մեքենան տան դիմացից փախցնելուց հետո այն տարել են Դարակերտ ու գողացել բեռնախցիկում տեղադրված 2 խ/մ գազի բալոնը, հետևի նստատեղը, բեռնախցիկի դուռը, ձայնարկիչը և բարձրախոսները, ցուցիչը, առջևի նստատեղերի գլխի հենակները, աջ ու ձախ հայելիները, առջևի թարթող լույսերը՝ իրենց բնիկներով, էլեկտրական մարտկոցը և ջրի հովացման պտուտակները, իսկ մեքենայի առջևի թափարգելի ձախակողմյան հատվածը եղել է վնասված, ծռմռված վիճակում, առջևի ձախ լուսարձակը՝ կոտրված: Դրանից հասկացել է, որ մեքենան իր տան դիմացից փախցնելուց հետո հանցագործները վթարի են ենթարկվել դրանով: Դարակերտում կատարված համապատասխան գործողության ավարտից հետո ոստիկանության աշխատակիցները մեքենան տեղափոխել են Արտաշատի բաժնի տուգանային հրապարակ:

/հատոր 5, գ.թ. 160-163/

Նախաքննության ընթացքում վկա Արսեն Ղազարյանը ցուցմունք է տվել այն մասին, որ համագյուղացի Գագիկ Մարտինի Գրիգորյանին ճանաչում է մանկուց: Նա բնակվում է իրենց հարևանությամբ՝ Հ.Միրզոյան փողոցի թիվ 7 տանը: Գ.Գրիգորյանը 2006թ. ձեռք է բերել «Վազ 2102» մակնիշի կանաչ գույնի ավտոմեքենան, որը չշահագործելու պատճառով մոտ 5 տարի առաջ հանել է հաշվառումից, ուստի համարանիշ չունի: Այդ ողջ ընթացքում վերջինիս մեքենան կայանված է եղել նրա տան դիմաց՝ ճանապարհի մայթեզրի հարևանությամբ: 2016 թվականի մարտի 25-ին՝ ցերեկը, այցելել են Գագիկի տուն և տեսել, որ վերջինիս պատկանող «Վազ 2102» մակնիշի ավտոմեքենան տան դիմացից բացակայում է: Այդ կապակցությամբ Գագիկը իրենց հայտնել է, որ նույն օրը գիշերը՝ ժամը 02-ից 08-ն ընկած ժամանակահատվածում, անհայտ անձինք իր մեքենան գողացել են: Մտածելով, որ համարանիշների բացակայության պատճառով այդ մեքենայով հանցագործը չի կարող հեռու գնալ, անմիջապես Գագիկի հետ միասին գնացել են գյուղի հարակից տարածքներ ու փնտրել մոտակա ավտոճանապարհներով ու դաշտերով, սակայն մեքենան չեն գտել: Դրանից հետո Գագիկը կատարվածի մասին հաղորդում է տվել ոստիկանության Մասիսի բաժնում: 2016 թվականի մարտի 29-ին տեղեկացել են, որ Գագիկի մեքենան նույն օրը՝ ժամը 14-ի սահմաններում, հայտնաբերվել է Երևան քաղաքի Էրեբունի-Նուբարաշեն ավտոճանապարհի դաշտամիջյան հատվածում՝ աղբանոցի մոտակայքում: Դրանից հետո, երբ զրուցել են Գագիկի հետ, տեղեկացել են, որ հանցագործները մեքենան փախցնելուց հետո գողացել են մեքենայի էլեկտրական մարտկոցը և երաժշտական ձայնարկիչը:

/հատոր 5, գ.թ. 145-147, 148-150/

Նախաքննության ընթացքում վկա Սամվել Ռոբերտի Բուդուրյանը ցուցմունք է տվել այն մասին, որ Ահմեդ Ֆերոյանը իր հարևանն է և նրան ճանաչում է մանկուց և գտնվում է նորմալ փոխհարաբերությունների մեջ, իսկ Էդվարդ Խուդոյանին ճանաչում է որպես Մասիս քաղաքի բնակիչ, սակայն երբեք նրա հետ շփում չի ունեցել: Նշել է, որ 2016թ. մարտի 25-ին՝ ժամը 00:48-ից մինչև 07:47-ն ընկած ժամանակահատվածում, երբ Ահմեդը գտնվել է ծառայության վայրից տրված արձակուրդի մեջ, նրա հայրն ու մայրը այցելել են իրենց տուն և խնդրել, որ իր 077-60-40-40 հեռախոսահամարից զանգահարեն Ահմեդին, ով գիշերը տանը չի եղել ու նրան են փնտրել: Նշել է նաև, որ Ահմեդը հոր և մոր հեռախոսազանգերին չի պատասխանել, ինչի պատճառով էլ խնդրել են, որ իր համարից զանգահարի:
Նշել է, որ Ա.Ֆերոյանը իր հեռախոսհամարով 18.03.2016թ ժամը 09-09-ից մինչև 09-22 երեք անգամ զանգել է Ա.Ֆերոյանի հեռախոսահամարին, որիցհետո վերջինս զանգել է Ահմեդի համարին:

/հատոր 7, գ.թ. 63-65/

Նախաքննության ընթացքում վկա Հայկ Հորիզոնի Գիժլարյանը ցուցմունք է տվել այն մասին, որ 2016թ. մարտի 12-ին՝ ժամը 18:00-ի սահմաններում, հայրը՝ Հորիզոն Գիժլարյանը, իրեն պատկանող «Վազ 2103» մակնիշի 59 SL 904 հաշվառման համարանիշի դեղին գույնի ավտոմեքենան կայանել է իրենց տան անմիջապես կողքին և ինչպես միշտ, այդ օրը նույնպես դռները չի փակել և մեքենայի գործարկման բանալին թողել է վրան: Նշել է, որ այդ օրը ժամը 24:00-ի սահմաններում մեքենան եղել է տեղում, իսկ հաջորդ օրն առավոտյան ժամը 08:30-ի սահմաններում պարզվել է, որ մեքենան գողացել են, ինչի մասին հայտնել են գյուղապետի տեղակալ Մարգար Գալստյանին: Վերջինս մեքենայի գողության մասին հայտնել է ոստիկանություն, ինչից հետո ժամանել են ոստիկանության աշխատակիցները և նրանց հետ գնացել են Արարատի մարզի Ռանչպար գյուղի ուղղությամբ: Այդ ճանապարհին հայտնաբերվել է իրենց մեքենան՝ այրված վիճակում: Հայտնել է, որ մեքենան այրելու հետևանքով իրենց պատճառվել է 700.000 ՀՀ դրամի նյութական վնաս:


/հատոր 3, գ.թ. 234-235/

Նախաքննության ընթացքում վկա Ռաֆայել Արսենի Գևորգյանը ցուցմունք է տվել այն մասին, որ 29.03.2016թ. ժամը 00:10-ի սահմաններում, իր հորը՝ Ռաֆիկ Գևորգյանին պատկանող «Վազ 21021» մակնիշի 64 UU 161 հ/հ ավտոմեքենան կայանել է իրենց տան դիմաց: Բանալիով փակել է դռները ու գնացել տուն, որից հետո՝ ժամը 01-ի սահմաններում, քնել են: Առավոտյան ժամը 09:30-ի սահմաններում արթնացել է ու տեսել, որ մեքենան բակում չէ: Մտածելով, որ դրանով հայրն է գնացել, զանգահարել է նրան ու պարզվել է, որ նա մյուս մեքենայով է գնացել, ինչից պարզ է դարձել, որ գիշերը իրենց «Վազ 21021» մակնիշի մեքենան գողացել են: Նշել, որ հորից տեղեկացել է, որ 29.03.2016թ. գիշերը՝ ժամը 01:30-ի սահմաններում, նա մեքենան տեսել է կայանված տեղում, իսկ առավոտյան ժամը 06:30-ի սահմաններում, երբ դուրս է եկել բակ, այն արդեն գողացած են եղել: Այդ կապակցությամբ հաղորդում են տվել ՀՀ ոստիկանության Մալաթիայի բաժին, որից հետո՝ նույն օրը երեկոյան, իրենց մեքենան հայտնաբերվել է Խարբերդի գերեզմանների մոտ՝ ամբողջովին թալանված վիճակում: Դրանից որոշ ժամանակ անց ոստիկանությունից տեղեկացել է, որ իրենց մեքենան փախցրել ու դրանից գողություն են կատարել երկու եզդի երիտասարդներ:

/հատոր 5, գ.թ. 157-159/

Նախաքննության ընթացքում վկա Սուրեն Սերյոժայի Հայրապետյանը ցուցմունք է տվել այն մասին, որ իր ընկեր Վարդգես Առաքելյանը բնակվում է իր տան հարևանությամբ, նույն փողոցի թիվ 42 տանը: Վարդգես Առաքելյանը 2006 թվականին ձեռք է բերել «Վազ 2106» մակնիշի 34 MU 153 համարանիշի ավտոմեքենան, որը մշտապես կայանում է ավտոտնակում: 2016 թվականի մարտի 28-ին՝ ժամը 23-ից 24-ի սահմաններում, երբ վերադարձել է տուն, տեսել է, որ Վարդգեսի մեքենան կայանված է դրսում՝ նրա տան մոտ: Հաջորդ օրը՝ 29.03.2016թ., առավոտյան ժամը 11:00-ի սահմաններում, հանդիպել է Վարդգեսին և նրանից իմացել, որ այդ օրը գիշերը՝ ժամը 01:30-ից մինչև 09-նն ընկած ժամանակահատվածում, նրա ավտոմեքենան գողացել են, ինչի մասին հայտնել է ոստիկանության Շենգավիթի բաժին: Նույն օրը երեկոյան ոստիկանության աշխատակիցներից տեղեկացել են, որ Երևան քաղաքի Արշակունյաց փողոցում հայտնաբերվել է Վարդգեսի մեքենան, ինչի կապակցությամբ գնացել են ու տեսել, որ մեքենան գողացողները այն թողել են փողոցի վրա: Ուսումնասիրելուց հետո պարզվել է, որ անհայտ անձինք մեքենայից հափշտակել էին հետևի նստատեղը, պահեստային անվադողն ու անվահեծը, իսկ բեռնախցիկից՝ բազմաթիվ աշխատանքային գործիքները՝ դռել, պերֆերատոր, կլուչներ և այլ գործիքներ:

/հատոր 5, գ.թ. 128-130/

Դատաբժշկական փորձաքննության թիվ 26/հ եզրակացությամբ այն մասին, որ Հ.Ալոյանի ստացած մարմնական վնասվածքները՝ ըստ բժշկական փաստաթղթերի և օբյեկտիվ քննության տվյալների՝ գլխի աջ կեսի գագաթային, գագաթաքունքային, ճակատի աջ կեսի սալջարդ վերքերի, ենթամաշկային արյունահավաքների, աջ աչքի վերին կոպի ենթամաշկային արյունահավաքի և արյունազեղման, գանգի ոսկրերի՝ աջից ճակատոսկրի անցումով քունքոսկրի խրթեշի բաց, ներհրված կոտրվածքի, աջից ճակատոսկրի և ճակատային ծոցի զույգ պատերի, աջ ակնակապճի վերին, միջային և դրսային պատերի (աջից առաջային գանգափոսի) բեկորային կոտրվածքների, աջից քթոսկրերի և քթի միջնապատի կոտրվածքների, գլխուղեղի աջից ճակատային բլթի կոնտուզիոն հեմառոգիկ օջախների, գլխուղեղի ճակատա-քունքա-գագաթային հատվածի ենթակարծրենային և վերկարծրենային արյունահավաքի, գլխուղեղի աջ կիսագնդի սուբախնոիդալ արյունազեղման, գլխուղեղի միջին աստիճանի սալջարդի, կրծքավանդակի աջ կեսի հետին մակերեսի շրջանի արյունազեղման և աջ թիակոսկրի փակ, բեկորային կոտրվածքի ձևով, հասցվել են բութ առարկայի /ների/ անմիջական ներգործությունների /հարվածների/ հետևանքով, հնարավոր է նշված ժամկետում, որոնք առաջացրել են առողջության ծանր վնաս, կյանքին վտանգ սպառնացող:

/հատոր 1 գ.թ. 81-83/

Դատաբժշկական փորձաքննության թիվ 74 եզրակացությամբ այն մասին, որ Ա.Նամոյանի ստացած մարմնական վնասվածքները՝ ըստ բժշկական փաստաթղթերի և օբյեկտիվ քննության տվյալների՝ ճակատի ձախ կեսի վերհոնքային շրջանի սալջարդ վերքի, քթի մեջքի ձախից հիմի շրջանի քերծվածքի, ձախ այտային շրջանի ենթամաշկային արյունահավաքի ձևով, հասցվել են բութ առարկայի /ների/ անմիջական ներգործության /հարվածի/ հետևանքով, հնարավոր է նշված ժամկետում և պատճառվել է առողջությանը թեթև վնաս, առողջության կարճատև քայքայումով, նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը ոչ պակաս 6 օրից և ոչ ավելի 21 օրից: Վերքի ապաքինումից հետո դեմքին կմնա կայուն անջնջելի սպի:

/հատոր 1 գ.թ. 84-85/

Դատամատնադրոշմային փորձաքննության թիվ 24 եզրակացությամբ այն մասին, որ փորձաքննության ներկայացված թիվ 1-ից 3 դակտոժապավենների վրայի ձեռքերի հետքերը անձի նույնացման համար պիտանի են:

/հատոր 1 գ.թ. 204-206/

Դատամատնադրոշմային փորձաքննության թիվ 25 եզրակացությամբ այն մասին, որ դատամատնադրոշմային փորձաքննության թիվ 24 եզրակացությամբ պիտանի ճանաչված թիվ 2 և 3 դակտոժապավենների վրայի մատնահետքերը, որոնք 18.03.2016թ. հայտնաբերվել և վերցվել են Հ.Ալոյանի տան օժանդակ շինության զննության ժամանակ հայտնաբերված օղու կիսադատարկ շշի վրայից թողնված են՝ թիվ 2-ը՝ Ահմեդ Խդրի Ֆերոյանի աջ ձեռքի միջնամատով, թիվ 3-ը՝ Էդվարդ Վազիրի Խուդոյանի ձախ ձեռքի բութ մատով:

/հատոր 1 գ.թ. 213-215/

Դատակենսաբանական փորձաքննության թիվ 16-0656 եզրակացությամբ այն մասին, որ փորձաքննության ներկայացված Հուտո Ալոյանի արյան նմուշը ըստ ABO իզոշճաբանական համակարգի պատկանում է A խմբին, ներկայացված սրբիչի և 5 բամբակյա խծուծների վրա տեղակայված կասկածելի հետքերում հաստատվել է արյան առկայություն, որը պատկանում է մարդու և առաջացել է ըստ արյան ABO իզոշճաբանական համակարգի՝ A խմբի արյուն ունեցող որևէ անձից կամ անձանցից, այդ թվում կարող էր առաջանալ Հ.Ալոյանից:

/հատոր 3 գ.թ. 189-192/

Դատամատնադրոշմային փորձաքննության թիվ 838-16 եզրակացությամբ այն մասին, որ 25.03.2016թ. դեպքի վայրի զննությամբ Արարատի մարզի Դարակերտ գյուղում հայտնաբերված ՎԱԶ2121 մակնիշի 476 US 15 հ/հ ավտոմեքենայի վրայից վերցված և փորձաքննության ներկայացված թիվ 1՝ 35x32 մմ կողային չափերով սպիտակ դակտոժապավենի կպչուն մակերեսի վրա արտատպված ձեռքի ափի հետքը թողնված է Ահմեդ Խդրի Ֆերոյանի կողմից՝ աջ ձեռքի ափի հիպոտենոր հատվածով: Թիվ 8՝ 79x40 մմ կողային չափերով սպիտակ դակտոժապավենի կպչուն մակերեսի վրա արտատպված ձեռքի ափի հետքը թողնված է Ահմեդ Խդրի Ֆերոյանի կողմից՝ ձախ ձեռքի ափի մատնետակային հատվածով: Թիվ 6՝ 35x26 մմ կողային չափերով սպիտակ դակտոժապավենի կպչուն մակերեսի վրա արտատպված ձեռքի ափի հետքը թողնված է Ահմեդ Խդրի Ֆերոյանի կողմից՝ աջ ձեռքի բութ մատով:

/հատոր 3 գ.թ. 198-200/

Դատակենսաբանական փորձաքննության թիվ 16-0730 եզրակացությամբ այն մասին, որ փորձաքննության ներկայացված Հ.Ալոյանի թքի, քրտինքի և արյան նմուշը ըստ ABO իզոշճաբանական համակարգի պատկանում է A խմբին: Փորձաքննության ներկայացված բացված խցանով օղու շշի խցանի ներսի հատվածից և շշի բերանից արված քսվածքում հաստատվել է թքի առկայություն, սակայն տեսակը, հետևաբար՝ նաև խումբը չի որոշվել, հավանաբար թքի քիչ քանակի պատճառով:

/հատոր 3 գ.թ. 227-230/

Դատաապրանքագիտական, դատահետքաբանական և դատաքիմիական համալիր փորձաքննության թիվ 253-ԱՊ-16 եզրակացությամբ այն մասին, որ «Վազ 2106» մակնիշի 34 FZ 080 համարանիշի ավտոմեքենան վնասելու հետևանքով պատճառված նյութական վնասի չափի ընդհանուր շուկայական արժեքը 25.03.2016թ. դրությամբ գնահատվել է 56.000 ՀՀ դրամ: Փորձաքննությանը տրամադրված «Վազ 2106» մակնիշի 34 FZ 080 համարանիշի ավտոմեքենայի առջևի աջ կողմի լուսարձակ լապտերի, վերջիններիս կողային հատվածներում առկա սև գույնի պոլիմերային նյութից պատրաստված շրջանակի մի հատվածի, դրանից անցումով դեպի ջերմափոխանակիչի երեսապատոցի, առջևի թափարգելի հետևամասի վահանակի և թափարգելի ոտնակների վրա առկա են մեխանիկական բնույթի վնասվածքներ, որոնք հնարավոր է, որ առաջացել են համեմատաբար պինդ և հարթ մակերեսներ ունեցող առարկայի ներգործության հատվածի և հետագա շփման մեջ մտնելու, հնարավոր է նաև այլ տրանսպորտային միջոցի բախվելու հետևանքով: «Վազ 2106» մակնիշի 34 FZ 080 համարանիշի ավտոմեքենայի առջևի վահանակի կենտրոնական մակերեսին հայտնաբերվել է առաջնային մորֆոլոգիական հատկանիշները կորցրած սև գույնի պոլիմերային նյութի քսվածք:

/հատոր 5 գ.թ. 168-171/

Ստացիոնար դատահոգեբուժական և ռազմաբժշկական համալիր փորձաքննության թիվ 56 եզրակացությամբ այն մասին, որ Ա.Ֆերոյանի մոտ հայտնաբերվում են «իրավիճակով պայմանավորված կոնվերսիոն /հիստերիկ/ հակազդումներ մտավոր թերնորմալ անձի մոտ ցուցադրական վարքագծով»: Վերը նշվածը արտահայտված չէ այն աստիճանի և չի ուղեկցվում ակտիվ հոգեախտաբանական ախտանիշներով, որ ինչպես իրավախախտումներ կատարելիս, այնպես էլ ներկայումս զրկել և զրկի նրան իր գործողությունների վտանգավորությունը գիտակցելու և ղեկավարելու ընդունակությունից, ուստի իրեն մեղսագրվող արարքի նկատմամբ Ահմեդ Խդրի Ֆերոյանին հարկ է ճանաչել մեղսունակ: Ներկա հոգեկան վիճակով նա կարող է մասնակցել դատաքննչական գործողություններին: Հաշվի առնելով նրա մոտ առկա «իրավիճակով պայմանավորված կոնվերսիոն /հիստերիկ/ հակազդումներ մտավոր թերնորմալ անձի մոտ ցուցադրական վարքագծով» ախտորոշումը, խորհուրդ է տրվում նյարդահոգեբույժի հսկողություն:
Ա.Ֆերոյանը որևէ խրոնիկ հոգեկան հիվանդությամբ չի տառապել և ներկայումս էլ չի տառապում: Նախքան ծառայության մեկնելը 21.01.2016թ. ԿԲՀ որոշմամբ ախտորոշվել է «սինուսային առիթմիա, միջինը 94 զարկ, ռիթմավարի միգրացիայի էպիզոդներ եզակի փորոքային 4 հատ օրական էքստրասիստոլա, ըստ ստուգիչ 15.01.2016թ. հոլտերի», ուստի և համաձայն ՀՀ ՊՆ 410-13 հրամանի 26-րդ հոդվածի Դ կետի 1-ին սյունյակի՝ ճանաչվել է զինծառայության համար պիտանի՝ սահմանափակումով: Հաշվի առնելով փորձաքննվողի կլինիկական դիտարկումը, սոմատոնևրոլոգիական և գործիքային արդյունքները, անամնեստին և քննչական նյութի տվյալները, կատարած իրավախախտումների բնույթը, Ա.Ֆերոյանի մոտ ներկայումս ախտորոշվում է «իրավիճակով պայմանավորված կոնվերսիոն /հիստերիկ/ հակազդումներ մտավոր թերնորմալ անձի մոտ ցուցադրական վարքագծով»: Տվյալ ախտորոշման համար որպես արտաքին դրսևորումներ կարելի է համարել կատարած իրավախախտումները: Հիշյալ ախտորոշումը դա հոգեկան գործունեության ոչ ախտաբանական բնույթի ժամանակավոր խանգարում է, որն արտահայտվել է զինծառայության ընթացքում անձի մտավոր թերնորմալությամբ պայմանավորված հարմարվողականության շեմի իջեցման պայմաններում, արտաքին միջավայրի և անձնային առանձնահատկությունների համատեղ ազդեցության ներքո, ուստի և զորակոչային բժշկական հանձնաժողովը այն հայտնաբերել չէր կարող: Ներկայումս Ա.Ֆերոյանը համաձայն ՀՀ ՊՆ 410-13 հրամանի 7 «բ» և 1 «գ» հոդվածների 1-ին սյունյակի՝ պիտանի չէ զինծառայության համար խաղաղ ժամանակ, պիտանի է սահմանափակումով՝ պատերազմի ժամանակ:
/հատոր 5 գ.թ. 286-293/

Դատաապրանքագիտական փորձաքննության թիվ 373-ԱՊ-16 եզրակացությամբ այն մասին, որ փորձաքննությանը տրամադրված «Վազ 2106» մակնիշի 34 MU 153 հաշվառման համարանիշի ավտոմեքենայի հետնամասի նստատեղի, անվադող և անվահեծի, 5 հատ 90 աստիճան 25 մմ չափերի անկյունակների, 1 հատ 45 աստիճան 40 մմ չափերի անկյունակի, 4 հատ 45 աստիճան 20 մմ չափերի անկյունակների, 4 հատ 20 մմ չափերի անցումների և 2 հատ բանալիների ընդհանուր շուկայական արժեքը ապրանքների առկա վիճակի հաշվառմամբ 29.03.2016թ. դրությամբ կազմում է 18.270 ՀՀ դրամ:

/հատոր 6 գ.թ. 112-113/

Դատաապրանքագիտական, դատահետքաբանական և դատաքիմիական համալիր փորձաքննության թիվ 1511-16 եզրակացությամբ այն մասին, որ փորձաքննության ներկայացված «Վազ 21214» մակնիշի 476 US 15 հ/հ և «Վազ 2106» մակնիշի 34 FZ 080 հ/հ ավտոմեքենաների վրա առկա վնասվածքները կարող էին առաջանալ միմյանց հետ բախման արդյունքում: «Վազ 21214» մակնիշի 476 US 15 հ/հ ավտոմեքենայի առջևի թափարգելի վրա առկա պոլիմերային նյութը և «Վազ 2106» մակնիշի 34 FZ 080 հ/հ ավտոմեքենայի դիմային հատվածում առկա առաջնային մորֆոլոգիական հատկանիշները կորցրած, ջերմային ազդեցության հետքերով պոլիմերային նյութի քսվածքը ըստ որակական հատկանիշների՝ լուծելիության և այլն, համընկնում են և ունեն ընդհանուր սեռային պատկանելիություն:
/հատոր 8 գ.թ. 3-7/

Դատաապրանքագիտական փորձաքննության թիվ 12081610 եզրակացությամբ այն մասին, որ փորձաքննության ներկայացված «Վազ 2103» մակնիշի 59 SL 904 հաշվառման համարանիշի ավտոմեքենային ջերմային ներգործության հետևանքով պատճառված /գույքի/ նյութական վնասի չափը արժեքային արտահայտությամբ, դեպքի օրվա դրությամբ, կարող է կազմել 320.000 ՀՀ դրամ:
/հատոր 8 գ.թ. 100-101/

Դատաապրանքագիտական փորձաքննության թիվ 28291610 եզրակացությամբ այն մասին, որ փորձաքննության տրամադրված գազաբալոնը «07/2012» թվականի արտադրության է, «MOONKING» անվանմամբ և ունի «100 լ» տարողություն: Ներկայացված գազաբալոնի արժեքը 2016թ. մարտ ամսվա դրությամբ կարող էր կազմել 80.000 ՀՀ դրամ: Փորձաքննությանը տրամադրված 185/75R16 չափերի անվադողը գրեթե նոր է, դաջվապատկերված է «NIVA 4X4 RADIAL» գրառմամբ, իսկ անվահեծին առկա են ժանգոտված տեղամասեր: Ներկայացված անվադողի և անվահեծի ընդհանուր շուկայական գինը 2016թ. մարտ ամսվա դրությամբ կարող էր կազմել 25.000 ՀՀ դրամ: Փորձաքննությանը տրամադրված ավտոմեքենայի առջևի և հետևի նստատեղերը սև գույնի կտորից պաստառներով են՝ նախատեսված «Վազ-21214» մակնիշի ավտոմեքենաների համար: Ներկայացված նստատեղերի լրակազմի գինը 2016թ. մարտ ամսվա դրությամբ կարող էր կազմել 50.000 ՀՀ դրամ:

/հատոր 8 գ.թ. 134-138/

Դատահրդեհատեխնիկական և դատաքիմիական համալիր փորձաքննության թիվ 12071604 եզրակացությամբ այն մասին, որ փորձաքննության ներկայացված «Վազ 2103» մակնիշի 59 SL 904 հաշվառման համարանիշի ավտոմոբիլում առաջացած հրդեհի օջախը գտնվել է ավտոմոբիլի սրահի առաջամասում: Հրդեհի առաջացման առավել հավանական պատճառ են հանդիսացել բաց կրակի /այրվող լուցկի, կրակայրիչ և այլն/ աղբյուրները: Բաց կրակի աղբյուրը, ընկնելով օջախային հատվածում առկա այրունակ մակերևույթների վրա, բոցավառել է դրանք՝ առաջացնելով այրման առաջային գոտի: Առաջացած բաց կրակը /բոցը/ օջախից այրունակ նյութերի միջոցով /սրահի նստատեղեր, պաստառներ և այլն/ տարածվել է տարբեր ուղղություններով: Գիտականորեն մշակված մեթոդիկայի բացակայության պատճառով հնարավոր չի եղել որոշել հրդեհի առաջացման ժամանակը և տևողությունը:
/հատոր 8 գ.թ. 147-149/

13.03.2016թ. Արմավիրի մարզի Երասխահուն գյուղում գտնվող, գործով տուժողներ Հուտո Ալոյանի և Ազնիֆ Նամոյանի առանձնատանը կատարված դեպքի վայրի զննության արձանագրությամբ, համաձայն որի տան սանհանգույցի պատուհանը կոտրված-բացված վիճակում է: Բնակարանից՝ խոհանոցի մուտքի դռան դիմացից, խոհանոցի մուտքի դռնից դեպի ներս ընկած սալիկապատ հատակից, խոհանոցի մուտքի դռանը հարող դրսային պատից, հյուրասենյակի մուտքի դռան դիմացից և գազօջաղի վրայից բամբակյա խծուծներով ստացվել են արնանման հետքերի նմուշներ, իսկ խոհանոցի բազմոցի վրայից վերցվել է արնանման տարածուն հետքերով սրբիչը, որով փակվել են տուժող Հուտո Ալոյանի արնահոսող վերքերը:
/հատոր 1, գ.թ. 1-2/

13.03.2016թ. Արմավիրի մարզի Երասխահուն գյուղում գտնվող, գործով տուժող Հորիզոն Գիժլարյանի տան բակում կատարված դեպքի վայրի զննության արձանագրությամբ, համաձայն որի Հ.Գիժլարյանին պատկանող «Վազ 2103» մակնիշի ավտոմեքենան փախցրել են կայանված տեղից:
/հատոր 2, գ.թ. 12-13/

13.03.2016թ. Արմավիրի մարզի Արաքս գյուղից Արարատի մարզի Ռանչպար գյուղ տանող ճանապարի 4-րդ կմ հատվածում կատարված դեպքի վայրի զննության արձանագրությամբ, համաձայն որի Հ.Գիժլարյանին պատկանող «Վազ 2103» մակնիշի ավտոմեքենան հայտնաբերվել է նշված վայրում՝ այրված վիճակում:
/հատոր 2, գ.թ. 21-22/

14.03.2016թ. հրդեհի վայրի զննության արձանագրությամբ, համաձայն որի գործով տուժող Հորիզոն Գիժլարյանին պատկանող «Վազ 2103» մակնիշի ավտոմեքենան այրված և ջերմային ազդեցությունից դեֆորմացված վիճակում է:
/հատոր 2, գ.թ. 55-56/

18.03.2016թ. Արմավիրի մարզի Երասխահուն գյուղում գտնվող, գործով տուժողներ Հուտո Ալոյանին և Ազնիֆ Նամոյանին պատկանող տանը կից օժանդակ շինության զննության արձանագրությամբ, համաձայն որի նշված շինությունից հայտնաբերվել են օղու 2 շշեր՝ մեկը կիսատ, իսկ մյուսը՝ լիքը, որը գտնվել է թափանցիկ պոլիեթիլենային տոպրակում: Օղու շշերը և պոլիէթիլենային տոպրակը քիմիական փոշիներով մշակվել են և սև դակտոժապավենով վերցվել՝ տոպրակի վրայից 1 ձեռքի հետք, իսկ օղու կիսատ շշի վրայից՝ 3 ձեռքի հետքեր:
/հատոր 1, գ.թ. 108/

23.03.2016թ. կազմված՝ գործով վկա, Արմավիրի մարզի Երասխահուն գյուղի բնակիչ Էլմիրա Մամուդյանի կողմից ոստիկանության 1-02 հեռախոսահամարին զանգահարելու և դեպքի մասին հայտնելու ձայնագրությունը պարունակող լազերային սկավառակի զննության արձանագրությամբ:
/հատոր 1, գ.թ. 157-158/

23.03.2016թ. գործով տուժող Արգամ Մովսիսյանին պատկանող «Վազ 2107» կանիշի ավտոմեքենայի զննության արձանագրությամբ, համաձայն որի նշված մեքենայից բացակայում են 1.3 մ/խ ծավալի գազաբալոնը, «Պիոներ» տեսակի նվագարկիչը և 13 տրամաչափի 4 անվադողերը՝ իրենց անվահեծերով:
/հատոր 2, գ.թ. 146/

25.03.2016թ. գործով տուժող Արգամ Մովսիսյանի մասնակցությամբ կազմված ներկայացնելու և զննելու արձանագրությամբ, համաձայն որի Մասիս քաղաքի Նոր թաղամասի թիվ 2 միջնակարգ դպրոցի հետնամասում՝ շուրջ 1 կմ հեռավորության վրա գտվող դաշտամիջյան հողափոսում, հայտնաբերվել են 1.3 մ/խ ծավալի գազաբալոնը, «Պիոներ» տեսակի նվագարկիչը և 13 տրամաչափի 4 անվադողերը՝ իրենց անվահեծերով:
/հատոր 2, գ.թ. 150/

25.03.2016թ. Արարատի մարզի Դարակերտ գյուղի Հ.Միրզոյան փողոցի թիվ 7 տան դիմաց կատարված դեպքի վայրի զննության արձանագրությամբ, համաձայն որի գործով տուժող Գագիկ Գրիգորյանին պատկանող, հաշվառումից հանված «Վազ 2102» մակնիշի ավտոմեքենան փախցրել են կայանված վայրից:
/հատոր 3, գ.թ. 7/

25.03.2016թ. Արարատի մարզի Մրգավետ գյուղի Մելքոնյան փողոցի թիվ 24 տան դիմաց կատարված դեպքի վայրի զննության արձանագրությամբ, համաձայն որի «Ազատ» ՋՕԸ-ին պատկանող «Վազ 21214» մակնիշի 476 US 15 հ/հ ավտոմեքենան փախցրել են կայանված վայրից:
/հատոր 3, գ.թ. 46/

25.03.2016թ. Արարատի մարզի Մրգավետ գյուղի Մելքոնյան փողոցի թիվ 13 տան դիմաց կատարված դեպքի վայրի զննության արձանագրությամբ, համաձայն որի նշված հասցեի դիմաց հայտնաբերվել է «Ազատ» ՋՕԸ-ին պատկանող «Վազ 21214» մակնիշի ավտոմեքենան, որից հափշտակվել են 2 խ/մ գազաբալոնը, հետևի նստատեղը, բեռնախցիկի դուռը, ձայնարկիչը և բարձրախոսները, ցուցիչը, առջևի նստատեղերի գլխի հենակները, աջ ու ձախ հայելիները, առջևի թարթող լույսերը՝ իրենց բնիկներով, էլ. Էարտկոցը և ջրի հովացման պտուտակները:
/հատոր 3, գ.թ. 49/

25.03.2016թ. Արտաշատ քաղաքի Մխչյան փողոցի թիվ 3 տան բակում կատարված դեպքի վայրի զննության արձանագրությամբ, համաձայն որի գործով տուժող Գրիգոր Մարգարյանին պատկանող «Վազ 2106» մակնիշի ավտոմեքենան փախցրել են կայանված վայրից:
/հատոր 3, գ.թ. 115/

25.03.2016թ. Արարատի մարզի Այնթափ գյուղում կատարված դեպքի վայրի զննության արձանագրությամբ, համաձայն որի Գրիգոր Մարգարյանին պատկանող «Վազ 2106» մակնիշի ավտոմեքենան հայտնաբերվել է նշված վայրում և պարզվել, որ վերջինիցս հափշտակվել է 1.2 մ/ծ ծավալի գազաբալոնը, պահեստային անվադողը, ամբարձիչը, տարբեր տեսակի բանալիներ /կլուչներ/, պատուհանների արևիկները, կողային հայելիները, էլ. մարտկոցը և դիմապակու մաքրման ջրի տարան: Զննությամբ պարզվել է, որ դիմացի աջ լուսարձակները և դեկորատիվ վահանը կոտրված են, իսկ մեքենայից քիչ հեռու՝ աղբանոցի մոտ, հայտնաբերվել են 2 հատ «Բլաուպունկտ» տեսակի բարձրախոսները և մեկ 10-11 համարի բանալին:
/հատոր 3, գ.թ. 118/

29.03.2016թ. գործով մեղադրյալ Էդվարդ Խուդոյանի մոր՝ Գյուլիզար Օզմանյանի մասնակցությամբ կազմված ներկայացնելու, զննելու և վերցնելու մասին արձանագրությամբ, համաձայն որի Գ.Օզմանյանը իր առանձնատան բակից ՀՀ ոստիկանության Մասիսի բաժնի աշխատակիցներին ներկայացրել է մի շարք ավտոպահեստամասեր, ապրանքներ և էլեկտրական սարքեր, որոնց շարքում եղել է գործով տուժող Արսեն Գևորգյանին պատկանող «Վազ 21021» մակնիշի ավտոմեքենայի առջևի և հետևի նստատեղերը:
/հատոր 2, գ.թ. 163/

29.03.2016թ. գործով կազմված ներկայացնելու, զննելու և վերցնելու մասին արձանագրությամբ, համաձայն որի մեղադրյալ Ահմեդ Ֆերոյանը Արարատի մարզի Նորաբաց գյուղի հարակից դաշտում գտնվող հողափոսի միջից ՀՀ ոստիկանության Մասիսի բաժնի աշխատակիցներին ներկայացրած մի շարք ապրանքատեսակների շարքում ներկայացրել է նաև գործով տուժող Արսեն Գևորգյանի «Վազ 21021» մակնիշի ավտոմեքենայից հափշտակված «CHG ONLY 12/2026» գրառմամբ գազաբալոնը և 185/75R16 չափերի անվադող՝ իր անվահեծով՝ հայտարարելով, որ դրանք գողացել են Էդվարդ Խուդոյանի հետ՝ 29.03.2016թ. Երևան քաղաքի փողոցներից մեկում կայանված «Վազ 21021» մակնիշի ավտոմեքենայից:
/հատոր 2, գ.թ. 164/

29.03.2016թ. «Վազ 2102» մակնիշի ավտոմեքենան հայտնաբերելու և զննելու մասին արձանագրությամբ, համաձայն որի նույն օրը՝ ժամը 14:30-ին, գործով տուժող Գագիկ Գրիգորյանին պատկանող, հաշվառումից հանված նշված ավտոմեքենան հայտնաբերվել է Էրեբունի-Նուբարաշեն ավտոճանապարհի 6-րդ կմ հատվածում՝ գերեզմանատան հարակից դաշտում: Զննությամբ պարզվել է, որ մեքենայից հափշտակվել է էլեկտրական մարտկոցը:

/հատոր 3, գ.թ. 10/

29.03.2016թ. Երևան քաղաքի Լամբրոնի 26 հասցեում կատարված դեպքի վայրի զննության արձանագրությամբ, համաձայն որի գործով տուժող Արսեն Գևորգյանին պատկանող «Վազ 21021>» մակնիշի ավտոմեքենան փախցրել են կայանված վայրից:
/հատոր 4, գ.թ. 85/

29.03.2016թ. Արարատի մարզի Խարբերդ գյուղում կատարված դեպքի վայրի զննության արձանագրությամբ, համաձայն որի գործով տուժող Արսեն Գևորգյանին պատկանող «Վազ 21021» մակնիշի ավտոմեքենան հայտնաբերվել է Արարատի մարզի Խարբերդ գյուղ տանող ճանապարհի աջակողմյան դաշտում՝ թալանված վիճակում:
/հատոր 4, գ.թ. 90/

29.03.2016թ. Երևան քաղաքի Արշակունյաց 25 հասցեում կատարված դեպքի վայրի զննության արձանագրությամբ, համաձայն որի գործով տուժող Վարդգես Առաքելյանին պատկանող «Վազ 2106» մակնիշի ավտոմեքենան հայտնաբերվել է նշված հասցեի դիմաց: Զննությամբ պարզվել է, որ մեքենայից հափշտակվել են հետնամասի նստատեղը՝ իր հենակով, անվադողը՝ իր անվահեծով, 5 հատ 90 աստիճան 25 մմ չափերի անկյունակները, 1 հատ 45 աստիճան 40 մմ չափերի անկյունակը, 4 հատ 45 աստիճան 20 մմ չափերի անկյունակները, 4 հատ 20 մմ չափերի անցումները և 2 հատ կլուչ-բանալիները, 2 բարձրախոսները և էլեկտրական գործիքները:
/հատոր 5, գ.թ. 6/

31.03.2016թ. կազմված՝ գործով մեղադրյալ Ահմեդ Ֆերոյանի մասնակցությամբ Արմավիրի մարզի Երասխահուն գյուղում քննչական փորձարարություն կատարելու մասին արձանագրությամբ, համաձայն որի Ա.Ֆերոյանը մատնացույց է արել դեպի տուժող Հուտո Ալոյանի տուն տանող ճանապարը, որով 13.03.2016թ. հանցանքը կատարելուց առաջ անցել են ինքն ու Էդվարդ Խուդոյանը: Այնուհետև մատնացույց է արել ջերմոցը, որում երկուսով թաքնվել են մինչև Հ.Ալոյանի տուն հասնելը, իսկ դրանից հետո ցույց է տվել Է.Խուդոյանի կողմից ջերմոցի հետնամասի ցելոֆանե հատվածում արված անցքերը, որտեղից հետևել են տան իրավիճակին: Դրանից հետո Ա.Ֆերոյանը մատնացույց է արել Հ.Ալոյանի տունը, այնուհետև՝ կից օժանդակ շինությունը, որում մինչ տուն մտնելը թաքնվել են, այդ ընթացքում Ք.Խուդոյանը դուսր է եկել տան բակի հատված և վերադառնալով իր հետ բերել է օղի ու խմել են: Այդ ամենից հետո Ա.Ֆերոյանը մատնացույց է արել տան երկրորդ հարկ բարձրացող աստիճանների կողքի փոքր պատուհանը, որը կոտրել են, բացել և ինքը այդտեղով տուն է մտել՝ միաժամանակ շարունակելով ցույց տալ տան այն սենյակները, որտեղ ինքը գտնվել է 13.03.2016թ-ին և այն հատվածը, որտեղ ինքն ու Է.Խուդոյանը հարվածել են Հ.Ալոյանին և Ա.Նամոյանին: Փորձարարության ընթացքում Ա.Ֆերոյանը մատնացույց է արել նաև փախուստի դիմելուց հետո անցած ճանապարհը, նույն գյուղի բնակիչ Հորիզոն Գիժլարյանին պատկանող «Վազ 2103» մակնիշի ավտոմեքենան փախցնելու վայրն ու այն այրելու տեղանքը:

/հատոր 1, գ.թ. 255-257/

09.04.2016թ. Արարատի մարզի Նոր Խարբերդ գյուղում կատարված դեպքի վայրի զննության արձանագրությամբ, համաձայն որի նշված գյուղի տարածքում՝ «Ծիրանանոցներ» կոչվող տեղանքում հայտնաբերված «Վազ 21214» մակնիշի 64 UU 161 համարանիշի թալանված ավտոմեքենայի շրջակայքից հայտնաբերել է գործով տուժող Վարդգես Առաքելյանին պատկանող «Վազ 2106» մակնիշի ավտոմեքենայի հետնամասի նստատեղը՝ իր հենակով, անվադողը՝ իր անվահեծով, 5 հատ 90 աստիճան 25 մմ չափերի անկյունակները, 1 հատ 45 աստիճան 40 մմ չափերի անկյունակը, 4 հատ 45 աստիճան 20 մմ չափերի անկյունակները, 4 հատ 20 մմ չափերի անցումները և 2 հատ կլուչ-բանալիները:
/հատոր 5, գ.թ. 27-29/

27.06.2016թ. կազմված առարկաների զննության արձանագրությամբ, համաձայն որի մեղադրյալ Ահմեդ Ֆերոյանի կողմից դաշտամիջյան հողափոսից ներկայացված գազաբալոնը մուգ կարմիր գույնի է, ձուլապատված է բաց դեղնավուն պոլիէթիլենային խտանյութով: Գազաբալոնի գագաթային մասում առկա է մետաղյա դետալ, որին ամրացված է «315» թվագրումով ճնշման կլոր ցուցիչը: Գազաբալոնի մուգ կարմիր հատվածում՝ դեպի գագաթային մասում, առկա է «MADE IN CHINA», «CNG ONLY, DO NOT USE AFTER 12/2026, Serial Number: I 12078039, 200 bar/15 c, test Pressure 300 bar, ISO: 11439:2000 CNG 2 100 L, Use only manufacturer-approved PRD Manufacture date: 07/2012, MOON KING» լատինատառ գրառումները, թվագրումները և գազաբալոնի վրա առկա են քերծված տեղամասեր: Անվադողը 185/75R16 չափերի է, իր գործարանային անվահեծով, որը բաց մոխրագույն է, ժանգոտված վիճակում:

/հատոր 5, գ.թ. 253-258/

16.12.2016թ. ավտոմեքենայի գազաբալոնը, անվադողը՝ իր անվահեծով, և առջևի ու հետևի նստատեղերը գործով տուժող Արսեն Գևորգյանին ճանաչման ներկայացնելու մասին արձանագրությամբ, համաձայն որի վերջինս նստատեղերը ճանաչել է դրանց ընդհանուր արտաքին տեսքից, դրանց վրա վերանորոգման արդյունքում կարված սև գույնի կտորից և վերջինիս նախշերից, հետնամասերում պատված կաշվից և հետևի նստատեղի հենակի հակառակ կողմում առկա պլաստմասե նյութից պատրաստված հատվածի քերծվածքներից, վարորդի նստատեղի ձախ հատվածի մաշված և սպիտակած տեղամասից: Գազաբալոնը ճանաչել է ընդհանուր արտաքին տեսքից, մուգ կարմիր գույնից, միջնամասի դեղնավուն ձուլվածքից, առկա լատինատառ գրառումներից և 2 խ/մ ծավալը հաստատող «2 և 100 L» թվագրումից, ստորին՝ կլորավուն հատվածի կոպիտ քերծվածքից, որն առաջացել է 2015թ. վերջերին, երբ մեքենայի բեռնախցիկում տեղադրված մետաղյա ձողեր է տեղափոխել: Պահեստային անվադողը և անվահեծը ճանաչել է արտաքին թարմ վիճակից, նախշերից, ձևից, անվահեծից և վերջինիս ժանգապատ հատվածներից:
/հատոր 8, գ.թ. 165-166/

Նախաքննության ընթացքում օրենքով սահմանված կարգով պահանջվել և ստացվել են մեղադրյալներ Էդվարդ Խուդոյանի և Ահմեդ Ֆերոյանի կողմից օգտագործած 098-42-39-00 և 077-32-72-08 բջջային հեռախոսահամարներից 2016 թվականի մարտի 1-ից մինչև մարտի 30-ն ընկած ժամանակահատվածում կատարված զանգերի վերծանումները, որոնց զննությամբ հաստատվել է, որ հանցագործության կատարման օրը՝ Ահմեդ Ֆերոյանն իր կողմից օգտագործված 077-32-72-08 բջջային հեռախոսահամարով 25.03.2016թ.՝ ժամը 00:00-ից մինչև ժամը 10:00-ն ընկած ժամանակատվածում հեռախոսակապ է պահպանել տարբեր բաժանորդների հետ, որոնց հետ ունեցել է 0-ից 4 վարկյան տևողությամբ խոսելաժամանակ, ինչի ընթացքում Ա.Ֆերոյանի բջջային հեռախոսահամարը սպասարկվել է Արարատի մարզի Մասիս և Արտաշատ քաղաքներում, Նորաբաց և Մխչյան գյուղերում և Երևան քաղաքում տեղակայված «Masis, t. Masis, Gorki str. 3», «Masis, t. Masis, Central Square 5», «Masis, Masis, 3 district, 11 bld», «Artashat, t. Artashat, Ogostos 23 str./62b.», «v. Mkhchyan», «Masis, t. Masis, district 7, str 1, 3», «v. Norabats», «Yerevan, Nubarashen, Erebuni, Nor Aresh, Titogradian, Arin-Berd Reservoir/Yerevan Jur»:
/հատոր 5. գ.թ.246-252/

Որպես ապացույց ճանաչված այլ փաստաթղթերով՝

Քրեական գործին կցված, «օկկ, 13.03.2016թ. ժ 02:58» գրառումներով լազերային սկավառակով, որն իր մեջ պարունակում է գործով վկա Էլմիրա Ասադի Մամուդյանի կողմից 1-02 հեռախոսահամարին կատարած ահազանգի ձայնագրությունը, մեղադրյալ Ահմեդ Խդրի Ֆերոյանն իր կողմից օգտագործված 077-32-72-08 բջջային հեռախոսահամարի վերծանումները և սպասարկած ալեհավաք կայանների վերաբերյալ տեղեկությունները պարունակող լազերային սկավառակով, 13.03.2016թ. Հ.Ալոյանին և Ա.Նամոյանին ծեծի ենթարկելու և վնասվածքների պատճառելու վերաբերյալ օպերատիվ հաղորդագրության թիվ 48-16-0118 քարտով, բժշկական տեղեկանքներով, «Վաղարշապատի» կենտրոնական հիվանդանոցի կրիմինալ մատյանի զննության արձանագրություններով, «Վազ 2103» մակնիշի 59 SL 904 հ/հ ավտոմեքենան այրելու վերաբերյալ թիվ 154 հեռախոսագրով և հրդեհի մասին ԱԿՏ-ով, ՀՀ ՊՆ 88865 զորամասից տրված արձակուրդի վերաբերյալ վկայականով, 25.03.2016թ. հեռախոսագրով և կատարված հանցագործությունների բացահայտման վերաբերյալ 31.03.2016թ. տեղեկանքներով:
/հատոր 1, գ.թ. 2, 41-42, 159, 170-171, հատոր 2, գ.թ. 11, 64, 158, հատոր 3, գ.թ. 38, 87, 136, հատոր 7, գ.թ. 202/

Իրեղեն ապացույցներով՝
Նախաքննության ընթացքում դեպքի վայրերի զննությամբ վերցված և փորձաքննության տրամադրված սրբիչով, բամբակյա խծուծներով արյան հետքերի 5 նմուշներով, կիսադատարկ օղու շշով և քրեական գործի նյութերին կցված թիվ 2 և թիվ 3 համարակալմամբ սև դակտոժապավեններով և թիվ 1, թիվ 6 և թիվ 8 համարակալմամբ սպիտակ դակտոժապավեններով:
/հատոր 1, գ.թ.207, հատոր 3, գ.թ.204/

Որպես ապացույց, գործով տուժող Արսեն Գևորգյանին պատկանող «Վազ 21021» մակնիշի 64 UU 161 հաշվառման համարանիշի ավտոմեքենայից հափշտակված «MOONKING» անվանմամբ «100լ» /2 խ/մ/ ծավալի մուգ կարմիր գույնի գազաբալոնով, 185/75R16 չափերի «NIVA 4X4 RADIAL» գրառմամբ անվադողով և անվահեծով, սև գույն կտորով պատված ավտոմեքենայի նստատեղերի լրակազմով, «Ազատ ՋՕ» ընկերությանը պատկանող «Վազ 21214» մակնիշի 476 US 15 հ/հ ավտոմեքենայով, «Վազ 21021» մակնիշի 64 UU 161 հ/հ ավտոմեքենայով, հաշվառումից հանված «Վազ 2102» մակնիշի, կանաչ գույնի ավտոմեքենայով, «Վազ 2103» մակնիշի 59 SL 904 հ/հ ավտոմեքենայով, «Վազ 2106» մակնիշի 34 FZ 080 հ/հ ավտոմեքենայով և «Վազ 2106» մակնիշի 34 MU 153 հ/հ ավտոմեքենայով:
Դատարանի 21.11.2019թ.-ի որոշմամբ նշանակված՝ ստացիոնար դատահոգեբուժական փորձաքննության թիվ 113 եզրակացության համաձայն՝ Էդվարդ Վազիրի Խուդոյանը իրեն մեղսագրվող արարքները կատարելու պահին կամ ներկայումս որևէ հոգեկան հիվանդությամբ չի տառապել և չի տառապում, այլ նա հանդիսանում է «Հիստերիկ տիպի շեշտված անձնավորություն, ցուցադրական վարքով, տարել է սուր փսիխոտիկ խանգարում/ըստ անամնեզի/ /Z-73.1/», որը չի ուղեկցվում հոգեախտաբանական ախտանիշներով, մտավոր հիշողական կոպիտ խանգարումներով, որ ինչպես իրավախախտումը կատարելիս, այնպես էլ ներկայումս զրկեր և զրկի նրան գիտակցել իր գործողությունների բնույթը, նշանակությունը, վտանգավորությունը, հաշիվ տալ իրեն կատարած արարքների համար և ղեկավարել դրանք: Քր.գործում առկա բուժփաստաթղթերի ուսումնասիրությամբ պարզ է դառնում, որ Էդվարդ Վազիրի Խուդոյանը մեկուսարանային պայմաններում 2019թ. օգոստոսի, սեպտեմբերի և հոկտեմբեր ամիսների ընթացքում տարել է «Սուր փսիխոտիկ խանգարում» հոգեկան գործունեության ժամանակավոր խանգարումը: Մինչ իրավախախտումները կատարելը և դրանց ընթացքում փորձաքննվողի հոգեկան վիճակի կամ հոգեկան գործունեության ժամանակավոր խանգարման որևէ տվյալ ձեռք չի բերվել, դրանք բացակայում են, առավել ևս մեղսագրվող արարքի բնույթն ու գործողությունները բացասում են վերը նշված ժամանակահատվածում սուր փսիխոտիկ խանգարման առկայությունը: Ուստի իրեն մեղսագրվող արարքի նկատմամբ Էդվարդ Վազիրի Խուդոյանին հարկ է ճանաչել՝ մեղսունակ: Իր ներկա հոգեկան վիճակով նա հասարակության և իր անձի նկատմամբ վտանգ չի ներկայացնում, կարող է մասնակցել դատաքննաչական գործողություններին:

/հատոր 19/

Դատարանի իրավական վերլուծությունը և եզրահանգումը.
4. ՀՀ քրեական դատավարության օրենսգրքի 18-րդ հոդվածի համաձայն՝
«(…) 3. Հանցանք գործելու մեջ անձի մեղավորության մասին հետևությունը չի կարող հիմնվել ենթադրությունների վրա, այն պետք է հաստատվի գործին վերաբերող փոխկապակցված հավաստի ապացույցների բավարար ամբողջությամբ:
4. Մեղադրանքն ապացուցված լինելու վերաբերյալ բոլոր կասկածները, որոնք չեն կարող փարատվել սույն օրենսգրքի դրույթներին համապատասխան պատշաճ իրավական ընթացակարգի շրջանակներում, մեկնաբանվում են հօգուտ մեղադրյալի կամ կասկածյալի: (…)»:
ՀՀ քրեական դատավարության օրենսգրքի 25-րդ հոդվածի 1-ին մասի համաձայն` «Դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ»:
ՀՀ քրեական դատավարության օրենսգրքի 107-րդ հոդվածի համաձայն` «Միայն ապացույցների հիման վրա են հաստատվում`
1) դեպքը և հանգամանքները (կատարման ժամանակը, տեղը, եղանակը և այլն).
2) կասկածյալի և մեղադրյալի առնչությունը դեպքին.
3) հանցագործության` քրեական օրենքով նախատեսված հատկանիշները.
4) անձի մեղավորությունը քրեական օրենքով չթույլատրված արարքը կատարելու մեջ.
5) քրեական օրենքով նախատեսված պատասխանատվությունը մեղմացնող կամ խստացնող հանգամանքները.
6) այն հանգամանքները, որոնցով դատավարության մասնակիցը կամ քրեական դատավարությանը մասնակցող այլ անձը հիմնավորում է իր պահանջները, եթե այլ բան նախատեսված չէ օրենքով»:
ՀՀ քրեական դատավարության օրենսգրքի 127-րդ հոդվածի համաձայն`
«1. Յուրաքանչյուր ապացույց ենթակա է գնահատման` վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից: 2. Հետաքննության մարմնի աշխատակիցը, քննիչը, դատախազը, դատավորը, ղեկավարվելով օրենքով, ապացույցները գնահատում են ապացույցների համակցության մեջ` դրանց բազմակողմանի, լրիվ և օբյեկտիվ քննության վրա հիմնված իրենց ներքին համոզմամբ»:
ՀՀ քրեական դատավարության օրենսգրքի 365-րդ հոդվածի 2-րդ մասի համաձայն՝ «Մեղադրական դատավճիռը չի կարող հիմնված լինել ենթադրությունների վրա և կայացվում է միայն այն դեպքում, երբ հանցանքը կատարելու մեջ ամբաստանյալի մեղավորությունն ապացուցված է դատական քննության ընթացքում: Հանցանքը կատարելու մեջ ամբաստանյալի մեղավորությունը կարող է համարվել ապացուցված, եթե դատարանը, ղեկավարվելով անմեղության կանխավարկածով, հիմնվելով պատշաճ իրավական ընթացակարգի շրջանակներում դատական քննության ընթացքում գործի հանգամանքների հետազոտման արդյունքների վրա, դատաքննության ժամանակ հետազոտված հավաստի ապացույցների հիման վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, սույն օրենսգրքի 360-րդ հոդվածի առաջին մասի 1-4-րդ կետերում նշված հարցերին տալիս է հաստատող պատասխաններ»:
4.1. Վերը շարադրվածի լույսի ներքո Դատարանը, Էդվարդ Վազիրի Խուդոյանին առաջադրված մեղադրանքի սահմաններում, ստուգելով և վերլուծելով դատաքննությամբ հետազոտված ապացույցները, դրանցից յուրաքանչյուրը գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ՝ գործի լուծման համար բավարարության տեսանկյունից, հանգում է այն հետևության, որ ամբաստանյալ Էդվարդ Վազիրի Խուդոյանը կատարել է սույն դատավճռի 2-րդ կետում շարադրված՝ իրեն մեղսագրվող արարքը:
Այն է, Էդվարդ Վազիրի Խուդոյանը գողություն կատարելու վերաբերյալ նախնական համաձայնության գալով իր ընկերոջ՝ ՀՀ ՊՆ 51191 զորամասի ժամկետային զինծառայող, շարքային Ահմեդ Խդրի Ֆերոյանի հետ, 2016թ. մարտի 13-ին՝ ժամը 01:00-ի սահմաններում, Արարատի մարզի Մասիս քաղաքից պատահական տաքսի ավտոմեքենայով ուղևորվել են Արմավիրի մարզի Երասխահուն գյուղ, որտեղ ցանկապատն անցնելով մուտք են գործել նույն գյուղի բնակիչ Հուտո Սուտոյի Ալոյանի առանձնատան տարածք և ժամը 02:30-ի սահմաններում ուրիշի գույքի զգալի չափերով հափշտակություն կատարելու դիտավորությամբ Էդվարդ Խուդոյանը փայտով կոտրել է Հուտո Ալոյանի առանձնատան առաջին հարկի պատուհանը, որից հետո Ահմեդ Ֆերոյանին օգնել է պատուհանով ապօրինի մուտք գործել բնակարան հանդիսացող առանձնատուն, ինչից հետո Էդվարդ Խուդոյանը ցանկացել է նույն կերպ ապօրինի մուտք գործել առանձնատուն, սակայն, լսելով տանտերեր, ամուսիններ Հուտո Ալոյանի և Ազնիֆ Նամոյանի ձայները և հասկանալով, որ նրանք արթնացել են, մուտք չի գործել, այլ թաքնվել է բակում, իսկ Ահմեդ Ֆերոյանը թաքնվել է տան բաղնիքում, ինչի արդյունքում հանցագործությունն ավարտին չի հասցվել իրենց կամքից անկախ հանգամանքներում:
Այնուհետև, դեպքի վայրից իրենց փախուստն ապահովելու նպատակով նշված առանձնատան բակում Էդվարդ Խուդոյանը փայտով դիտավորյալ հարվածներ է հասցրել Հուտո Ալոյանի մարմնի տարբեր մասերին, վայր գցել նրան, որի ընթացքում առանձնատնից դուրս է եկել Ահմեդ Ֆերոյանը և ձեռքին եղած դանակի բռնակով դիտավորությամբ, փոխլրացնելով Էդվարդ Խուդոյանի գործողությունները, խմբով հարվածներ են հասցրել Հուտո Ալոյանի գլխին և մարմնի մյուս մասերին՝ Հուտո Ալոյանին պատճառելով գլխի աջ կեսի գագաթային, գագաթաքունքային, ճակատի աջ կեսի սալջարդ վերքերի, ենթամաշկային արյունահավաքների, աջ աչքի վերին կոպի ենթամաշկային արյունահավաքի և արյունազեղման, գանգի ոսկրերի՝ աջից ճակատոսկրի անցումով քունքոսկրի խրթեշի բաց, ներհրված կոտրվածքի, աջից ճակատոսկրի և ճակատային ծոցի զույգ պատերի, աջ ակնակապճի վերին, միջային և դրսային պատերի (աջից առաջային գանգափոսի) բեկորային կոտրվածքների, աջից քթոսկրերի և քթի միջնապատի կոտրվածքների, գլխուղեղի աջից ճակատային բլթի կոնտուզիոն հեմառոգիկ օջախների, գլխուղեղի ճակատա-քունքա-գագաթային հատվածի ենթակարծրենային և վերկարծրենային արյունահավաքի, գլխուղեղի աջ կիսագնդի սուբախնոիդալ արյունազեղման, գլխուղեղի միջին աստիճանի սալջարդի, կրծքավանդակի աջ կեսի հետին մակերեսի շրջանի արյունազեղման և աջ թիակոսկրի փակ, բեկորային կոտրվածքի ձևով առողջության ծանր վնաս՝ կյանքին վտանգ սպառնացող:
Այդ պահին նրանց գործողությունները փորձել է կանխել Ազնիֆ Նամոյանը, որի ժամանակ Էդվարդ Խուդոյանը փայտով դիտավորյալ հարվածել է Ազնիֆ Նամոյանի դեմքի շրջանին՝ պատճառելով ճակատի ձախ կեսի վերհոնքային շրջանի սալջարդ վերքի, քթի մեջքի ձախից հիմի շրջանի քերծվածքի, ձախ այտային շրջանի ենթամաշկային արյունահավաքի ձևով առողջության թեթև վնաս առողջության կարճատև քայքայումով, որից հետո Էդվարդ Խուդոյանը և Ահմեդ Ֆերոյանը դիմել են փախուստի:
Այսինքն, Էդվարդ Խուդոյանը կատարել է հանցանքներ, որոնք նախատեսված են ՀՀ քրեական օրենսգրքի 34-177-րդ հոդվածի 3-րդ մասի 1.1-րդ կետով, 112-րդ հոդվածի 2-րդ մասի 6-րդ կետով և 117-րդ հոդվածով:
Այնուհետև, Էդվարդ Խուդոյանն ու Ահմեդ Ֆերոյանը 2016թ. մարտի 13-ին՝ ժամը 03:00-ի սահմաններում, Հուտո Ալոյանի և Ազնիֆ Նամոյանի առանձնատնից փախնելու ճանապարհին, նկատելով Արմավիրի մարզի Երասխահուն գյուղի բնակիչ Հորիզոն Մարգարի Գիժլարյանի առանձնատան բակում կայանված, վերջինիս պատկանող «Վազ 2103» մակնիշի 59 SL 904 հաշվառման համարանիշի ավտոմեքենան, նախնական համաձայնության գալով միմյանց հետ, առանց հափշտակելու նպատակի ապօրինաբար տիրացել են նշված ավտոմեքենային և վարելու միջոցով փախցրել այն, որից հետո, երբ հասել են Արմավիրի մարզի Արաքս գյուղից Արարատի մարզի Ռանչպար գյուղ տանող ավտոճանապարհ, ավտոմեքենայի վառելիքը վերջացել է, ինչի պատճառով Ա.Ֆերոյանը իջել է մեքենայից և վազքով շարունակել է փախուստը, իսկ Էդվարդ Խուդոյանը ուրիշի գույքը դիտավորությամբ ոչնչացնելու նպատակով հրկիզել է Հորիզոն Գիժլարյանին պատկանող ավտոմեքենան՝ վերջինիս պատճառելով զգալի չափերի՝ 320.000 ՀՀ դրամի գույքային վնաս:
Այսինքն, Էդվարդ Խուդոյանը կատարել է հանցանքներ, որոնք նախատեսված է ՀՀ քրեական օրենսգրքի 183-րդ հոդվածի 2-րդ մասի 2-րդ կետով և ՀՀ քրեական օրենսգրքի 185-րդ հոդվածի 2-րդ մասի 1-ին կետով:
Բացի այդ, Էդվարդ Խուդոյանն ու Ահմեդ Ֆերոյանը, նախնական համաձայնության գալով ավտոմեքենայից գողություն կատարելու վերաբերյալ, 2016թ. մարտի 23-ին՝ ժամը 04:00-ի սահմաններում, Մասիս քաղաքի 3-րդ փողոցի 1-ին շենքի դիմացից փախցրել են Արգամ Սամվելի Մովսիսյանին պատկանող «Վազ 2107» մակնիշի 34 PD 100 հաշվառման համարանիշի ավտոմեքենան և տեղափոխել Մասիս քաղաքի Նոր թաղամասի թիվ 2 միջնակարգ դպրոցին հարակից դաշտ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 200.000 ՀՀ դրամ արժողության 4 հատ անվադողերի՝ իրենց անվահեծերով, գազաբալոնի, ձայնարկիչի հափշտակություն:
Այսինքն, Էդվարդ Խուդոյանը կատարել է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին կետով:
Բացի այդ, Էդվարդ Խուդոյանն ու Ահմեդ Ֆերոյանը, նախնական համաձայնության գալով ավտոմեքենաներից գողություններ կատարելու վերաբերյալ, 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում, Արարատի մարզի Մրգավետ գյուղում գտնվող Գեղամ Անդրանիկի Բադալյանի առանձնատան դիմացից փախցրել են «Ազատե ջրօգտագործողների ընկերությանը պատկանող «Վազ 21214» մակնիշի 476 US 15 հաշվառման համարանիշի ավտոմեքենան և տեղափոխել Արարատի մարզի Դարակերտ գյուղ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 500.000 ՀՀ դրամ արժողության էլեկտրական մարտկոցի, 2 խ/մ ծավալի գազաբալոնի, հետևի նստատեղի, առջևի նստատեղերի գլխի հենակների, բեռնախցիկի դռան և հողմապակու, «SONY» տեսակի ձայնարկիչի, բարձրախոսների, կողային հայելիների, ցուցիչների վահանակի, առջևի հակավթարային զույգ լուսարձակների և մեքենայի շարժիչի ջրի հովացման պտուտակների հափշտակություն:
Շարունակելով իրենց հանցավոր գործունեությունը, Էդվարդ Խուդոյանն ու Ահմեդ Ֆերոյանը 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում, Արտաշատ քաղաքի Մխչյան փողոցի 3-րդ առանձնատան դիմացից փախցրել են Գրիգոր Մնացականի Մարգարյանին պատկանող «Վազ 2106» մակնիշի 34 FZ 080 հաշվառման համարանիշի ավտոմեքենան և տեղափոխել Արարատի մարզի Այնթափ գյուղից դեպի Նուբարաշեն տանող ավտոճանապարհ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի ՝ ընդհանուր 175.000 ՀՀ դրամ արժողության էլեկտրական մարտկոցի, 1.2 մ/խ ծավալի գազաբալոնի, պահեստային անվադողի և անվահեծի, աշխատանքային գործիքների, գործարանային ամբարձիչի և կողային հայելիների հափշտակություն:
Դրանից հետո, Էդվարդ Խուդոյանն ու Ահմեդ Ֆերոյանը, շարունակելով իրենց հանցավոր մտադրությունը՝ նախնական համաձայնությամբ ավտոմեքենաներից գողություններ կատարելու վերաբերյալ, 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում Արարատի մարզի Դարակերտ գյուղի Հ.Միրզոյան փողոցի 7-րդ առանձնատան դիմացից փախցրել են Գագիկ Մարտինի Գրիգորյանին պատկանող, հաշվառումից հանված «Վազ 2102» մակնիշի կանաչ գույնի ավտոմեքենան և տեղափոխել Երևան քաղաքի Էրեբունի-Նուբարաշեն ավտոճանապարհի 6-րդ կիլոմետրի հատված, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 50.000 ՀՀ դրամ արժողության էլեկտրական մարտկոցի ու ձայնարկիչի հափշտակություն:
Այսպիսով՝ Էդվարդ Խուդոյանն ու Ահմեդ Ֆերոյանը միասնական դիտավորությամբ նախնական համաձայնության գալով ավտոմեքենաներից գողություններ կատարելու վերաբերյալ, խմբով կատարել են ուրիշի գույքի խոշոր չափերի՝ ընդհանուր 725.000 ՀՀ դրամի հափշտակություն:
Այսինքն, Էդվարդ Խուդոյանը կատարել է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով:
Բացի այդ, Էդվարդ Խուդոյանն ու Ահմեդ Ֆերոյանը 2016թ. մարտի 28-ին, նախնական համաձայնության գալով ավտոմեքենաներից գողություններ կատարելու վերաբերյալ, 2016թ. մարտի 29-ին՝ ժամը 01:30-ից 08:30-նն ընկած ժամանակահատվածում, Երևան քաղաքի Լամբրոնի 26 տան դիմացից փախցրել են Արսեն Ռաֆիկի Գևորգյանին պատկանող «Վազ 21021» մակնիշի 64 UU 161 հաշվառման համարանիշի ավտոմեքենան և տեղափոխել Արարատի մարզի Խարբերդ գյուղի գերեզմանատան մոտ, որտեղ խմբով, ապամոնտաժման եղանակով մեքենայից կատարել են ուրիշի գույքի խոշոր չափերի՝ ընդհանուր 1.000.000 ՀՀ դրամ արժողության 4 անվադողերի և անվահեծերի, 1 պահեստային անվադողի և անվահեծի, դռների ապակիների և դրանց էլեկտարական կառավարման մեխանիզմների, մեկ զույգ ապակեմաքրիչների և դրանց շարժիչների, առջևի և հետևի նստատեղերի, ցուցիչների վահանակի, հետևի լուսարձակների, «BOSH» տեսակի ձայնային ազդանշանների, էլեկտրական մարտկոցի, մեկ զույգ «SONY» տեսակի բարձրախոսների, ռադիատորի, դինամոյի, տրամլյորի, ապակեմաքրիչների ջրի տարայի, հետնամասի մեկ զույգ ռետինե ցեխապաշտպանիչների, սրահի 4 հատ ռետինե գորգերի, 2 խ/մ ծավալի գազաբալոնի և դրա կարգավորիչի, դռան բռնակների, պաստառների ու դեկորատիվ վահանի հափշտակություն:
Այնուհետև, Էդվարդ Խուդոյանն ու Ահմեդ Ֆերոյանը, շարունակելով իրենց հանցավոր մտադրությունը՝ նախնական համաձայնությամբ ավտոմեքենաներից գողություններ կատարելու վերաբերյալ, 2016թ. մարտի 29-ին՝ ժամը 01:30-ից 08:30-նն ընկած ժամանակահատվածում, Երևան քաղաքի Նորագավիթ թաղամասի 9-րդ փողոցի 42-րդ տան բակից փախցրել են նույն տան բնակիչ Վարդգես Յուրիկի Առաքելյանին պատկանող «Վազ 2106» մակնիշի 34 MU 153 հաշվառման համարանիշի ավտոմեքենան և տեղափոխել Արարատի մարզի Նորաբաց գյուղի հարակից դաշտեր, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 280.000 ՀՀ դրամ արժողության հետևի նստատեղի, բարձրախոսների, պահեստային անվադողի և շինարարական գործիքների հափշտակություն:
Այսպիսով՝ Էդվարդ Խուդոյանն ու Ահմեդ Ֆերոյանը միասնական դիտավորությամբ նախնական համաձայնության գալով ավտոմեքենաներից գողություններ կատարելու վերաբերյալ, խմբով կատարել են ուրիշի գույքի խոշոր չափերի՝ ընդհանուր 1.280.000 ՀՀ դրամի հափշտակություն:
Այսինքն, Էդվարդ Խուդոյանը կատարել է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով:
Արդյունքում, Դատարանը հանգում է այն հետևության, որ Էդվարդ Վազիրի Խուդոյանի արարքները ՀՀ քրեական օրենսգրքի 112-րդ հոդվածի 2-րդ մասի 6-րդ կետով, ՀՀ քրեական օրենսգրքի 117-րդ հոդվածով, ՀՀ քրեական օրենսգրքի 183-րդ հոդվածի 2-րդ մասի 2-րդ կետով, ՀՀ քրեական օրենսգրքի 185-րդ հոդվածի 2-րդ մասի 1-ին կետով, ՀՀ քրեական օրենսգրքի 177-րդ հոդվածի 2-րդ մասի 1-ին կետով և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով (2 դրվագ) որակված են ճիշտ:
Դատարանը նաև գտնում է, որ այդ արարքները Էդվարդ Վազիրի Խուդոյանի կողմից կատարվել են մեղավորությամբ և կատարածի համար նա ենթակա է քրեական պատասխանատվության ու պատժի:
Դատարանն ամբաստանյալ Էդվարդ Վազիրի Խուդոյանի պատասխանատվությունն ու պատիժը մեղմացնող, պատասխանատվությունը և պատիժը ծանրացնող հանգամանքներ չի արձանագրում, իսկ որպես անձը բնութագրող տվյալ դիտում է, որ նա երիտասարդ է, նախկինում դատապարտված չէ, կալանքի տակ գտնվելու ժամանակ տարել է սուր փսիխոտիկ խանգարում:

4.2 Դատարանը Ահմեդ Խդրի Ֆերոյանին առաջադրված մեղադրանքի սահմաններում, ստուգելով և վերլուծելով դատաքննությամբ հետազոտված ապացույցները, դրանցից յուրաքանչյուրը գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ՝ գործի լուծման համար բավարարության տեսանկյունից, հանգում է այն հետևության, որ ամբաստանյալ Ահմեդ Խդրի Ֆերոյանը կատարել է սույն դատավճռի 2.1 կետում շարադրված իրեն մեղսագրվող արարքը: Այն է՝ Ահմեդ Խդրի Ֆերոյանը գողություն կատարելու վերաբերյալ նախնական համաձայնության գալով իր ընկերոջ՝ Մասիս քաղաքի բնակիչ Էդուարդ Վազիրի Խուդոյանի հետ, 2016թ. մարտի 13-ին՝ ժամը 01:00-ի սահմաններում, Մասիս քաղաքից պատահական տաքսի ավտոմեքենայով ուղևորվել են Արմավիրի մարզի Երասխահուն գյուղ, որտեղ ցանկապատն անցնելով մուտք են գործել նույն գյուղի բնակիչ Հուտո Սուտոյի Ալոյանի առանձնատան տարածք և ժամը 02:30-ի սահմաններում ուրիշի գույքի զգալի չափերով հափշտակություն կատարելու դիտավորությամբ Էդվարդ Խուդոյանը փայտով կոտրել է Հուտո Ալոյանի առանձնատան առաջին հարկի պատուհանը, որից հետո Ահմեդ Ֆերոյանին օգնել է պատուհանով ապօրինի մուտք գործել բնակարան հանդիսացող առանձնատուն, ինչից հետո Էդվարդ Խուդոյանը ցանկացել է նույն կերպ ապօրինի մուտք գործել առանձնատուն, սակայն լսելով տանտերեր՝ ամուսիններ Հուտո Ալոյանի և Ազնիֆ Նամոյանի ձայները և հասկանալով, որ նրանք արթնացել են, մուտք չի գործել, այլ թաքնվել է բակում, իսկ Ահմեդ Ֆերոյանը թաքնվել է տան բաղնիքում, ինչի արդյունքում հանցագործությունն ավարտին չի հասցվել իրենց կամքից անկախ հանգամանքներում:
Այնուհետև, դեպքի վայրից իրենց փախուստն ապահովելու նպատակով՝ նշված առանձնատան բակում Էդվարդ Խուդոյանը փայտով դիտավորյալ հարվածներ է հասցրել Հուտո Ալոյանի մարմնի տարբեր մասերին, վայր գցել նրան, որի ընթացքում առանձնատնից դուրս է եկել Ահմեդ Ֆերոյանը և ձեռքին եղած դանակի բռնակով դիտավորությամբ, փոխլրացնելով Էդվարդ Խուդոյանի գործողությունները, խմբով, հարվածներ են հասցրել Հուտո Ալոյանի գլխին և մարմնի մյուս մասերին՝ Հուտո Ալոյանին պատճառելով գլխի աջ կեսի գագաթային, գագաթաքունքային, ճակատի աջ կեսի սալջարդ վերքերի, ենթամաշկային արյունահավաքների, աջ աչքի վերին կոպի ենթամաշկային արյունահավաքի և արյունազեղման, գանգի ոսկրերի՝ աջից ճակատոսկրի անցումով քունքոսկրի խրթեշի բաց, ներհրված կոտրվածքի, աջից ճակատոսկրի և ճակատային ծոցի զույգ պատերի, աջ ակնակապճի վերին, միջային և դրսային պատերի (աջից առաջային գանգափոսի) բեկորային կոտրվածքների, աջից քթոսկրերի և քթի միջնապատի կոտրվածքների, գլխուղեղի աջից ճակատային բլթի կոնտուզիոն հեմառոգիկ օջախների, գլխուղեղի ճակատա-քունքա-գագաթային հատվածի ենթակարծրենային և վերկարծրենային արյունահավաքի, գլխուղեղի աջ կիսագնդի սուբախնոիդալ արյունազեղման, գլխուղեղի միջին աստիճանի սալջարդի, կրծքավանդակի աջ կեսի հետին մակերեսի շրջանի արյունազեղման և աջ թիակոսկրի փակ, բեկորային կոտրվածքի ձևով առողջության ծանր վնաս՝ կյանքին վտանգ սպառնացող:
Այդ պահին նրանց գործողությունները փորձել է կանխել Ազնիֆ Նամոյանը, որի ժամանակ Էդվարդ Խուդոյանը ձեռքի փայտով դիտավորյալ հարվածել է Ազնիֆ Նամոյանի դեմքի շրջանին՝ պատճառելով ճակատի ձախ կեսի վերհոնքային շրջանի սալջարդ վերքի, քթի մեջքի ձախից հիմի շրջանի քերծվածքի, ձախ այտային շրջանի ենթամաշկային արյունահավաքի ձևով առողջության թեթև վնաս առողջության կարճատև քայքայումով, որից հետո Էդվարդ Խուդոյանը և Ահմեդ Ֆերոյանը դիմել են փախուստի:
Այսինքն, Ահմեդ Ֆերոյանը կատարել է հանցանքներ, որոնք նախատեսված են ՀՀ քրեական օրենսգրքի 34-177-րդ հոդվածի 3-րդ մասի 1.1-րդ կետով և 112-րդ հոդվածի 2-րդ մասի 6-րդ կետով:
Այնուհետև, Էդվարդ Խուդոյանն ու Ահմեդ Ֆերոյանը 2016թ. մարտի 13-ին՝ ժամը 03:00-ի սահմաններում, Հուտո Ալոյանի և Ազնիֆ Նամոյանի առանձնատնից փախնելու ճանապարհին, նկատելով Արմավիրի մարզի Երասխահուն գյուղի բնակիչ Հորիզոն Մարգարի Գիժլարյանի առանձնատան բակում կայանված, վերջինիս պատկանող «Վազ 2103» մակնիշի 59 SL 904 հաշվառման համարանիշի ավտոմեքենան, նախնական համաձայնության գալով միմյանց հետ, առանց հափշտակելու նպատակի ապօրինաբար տիրացել են նշված ավտոմեքենային և վարելու միջոցով փախցրել այն, որից հետո, երբ հասել են Արմավիրի մարզի Արաքս գյուղից Արարատի մարզի Ռանչպար գյուղ տանող ավտոճանապարհ, ավտոմեքենայի վառելիքը վերջացել է, ինչի պատճառով Ա.Ֆերոյանը իջել է մեքենայից և վազքով շարունակել է փախուստը, իսկ Է.Խուդոյանը ուրիշի գույքը դիտավորությամբ ոչնչացնելու նպատակով հրկիզել է Հորիզոն Գիժլարյանին պատկանող ավտոմեքենան՝ վերջինիս պատճառելով զգալի չափերի՝ 320.000 ՀՀ դրամի գույքային վնաս:
Այսինքն, Ահմեդ Ֆերոյանը կատարել է հանցանք, որը նախատեսված է ՀՀ քրեական օրենսգրքի 183-րդ հոդվածի 2-րդ մասի 2-րդ կետով:
Բացի այդ, Էդվարդ Խուդոյանն ու Ահմեդ Ֆերոյանը, նախնական համաձայնության գալով ավտոմեքենայից գողություն կատարելու վերաբերյալ, 2016թ. մարտի 23-ին՝ ժամը 04:00-ի սահմաններում, Մասիս քաղաքի 3-րդ փողոցի 1-ին շենքի դիմացից փախցրել են Արգամ Սամվելի Մովսիսյանին պատկանող «Վազ 2107» մակնիշի 34 PD 100 հաշվառման համարանիշի ավտոմեքենան և տեղափոխել Մասիս քաղաքի Նոր թաղամասի թիվ 2 միջնակարգ դպրոցին հարակից դաշտ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 200.000 ՀՀ դրամ արժողության 4 հատ անվադողերի և անվահեծերի, գազաբալոնի, ձայնարկիչի հափշտակություն:
Այսինքն, Ահմեդ Ֆերոյանը կատարել է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին կետով:
Բացի այդ, Էդվարդ Խուդոյանն ու Ահմեդ Ֆերոյանը, նախնական համաձայնության գալով ավտոմեքենաներից գողություններ կատարելու վերաբերյալ, 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում Արարատի մարզի Մրգավետ գյուղում գտնվող Գեղամ Անդրանիկի Բադալյանի առանձնատան դիմացից փախցրել են ,Ազատե ջրօգտագործողների ընկերությանը պատկանող «Վազ 21214» մակնիշի 476 US 15 հաշվառման համարանիշի ավտոմեքենան և տեղափոխել Արարատի մարզի Դարակերտ գյուղ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 500.000 ՀՀ դրամ արժողության էլեկտրական մարտկոցի, 2 խ/մ ծավալի գազաբալոնի, հետևի նստատեղի և առջևի նստատեղերի գլխի հենակների, բեռնախցիկի դռան և հողմապակու, «SONY» տեսակի ձայնարկիչի, բարձրախոսների, կողային հայելիների, ցուցիչների վահանակի, առջևի հակավթարային զույգ լուսարձակների, մեքենայի շարժիչի ջրի հովացման պտուտակների հափշտակություն:
Շարունակելով իրենց հանցավոր գործունեությունը, Էդվարդ Խուդոյանն ու Ահմեդ Ֆերոյանը 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում, Արտաշատ քաղաքի Մխչյան փողոցի 3-րդ առանձնատան դիմացից փախցրել են Գրիգոր Մնացականի Մարգարյանին պատկանող «Վազ 2106» մակնիշի 34 FZ 080 հաշվառման համարանիշի ավտոմեքենան և տեղափոխել Արարատի մարզի Այնթափ գյուղից դեպի Նուբարաշեն տանող ավտոճանապարհ, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի ՝ ընդհանուր 175.000 ՀՀ դրամ արժողության էլեկտրական մարտկոցի, 1.2 մ/խ ծավալի գազաբալոնի, պահեստային անվադողի և անվահեծի, աշխատանքային գործիքների, գործարանային ամբարձիչի, կողային հայելիների հափշտակություն:
Դրանից հետո, Էդվարդ Խուդոյանն ու Ահմեդ Ֆերոյանը, շարունակելով իրենց հանցավոր մտադրությունը, նախնական համաձայնությամբ ավտոմեքենաներից գողություններ կատարելու վերաբերյալ, 2016թ. մարտի 25-ին՝ ժամը 01:00-ից 08:30-նն ընկած ժամանակահատվածում Արարատի մարզի Դարակերտ գյուղի Հ.Միրզոյան փողոցի 7-րդ առանձնատան դիմացից փախցրել են Գագիկ Մարտինի Գրիգորյանին պատկանող, հաշվառումից հանված «Վազ 2102» մակնիշի կանաչ գույնի ավտոմեքենան և տեղափոխել Երևան քաղաքի Էրեբունի-Նուբարաշեն ավտոճանապարհի 6-րդ կիլոմետրի հատված, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 50.000 ՀՀ դրամ արժողության էլեկտրական մարտկոցի ու ձայնարկիչի հափշտակություն:
Այսպիսով՝ Էդվարդ Խուդոյանն ու Ահմեդ Ֆերոյանը միասնական դիտավորությամբ նախնական համաձայնության գալով ավտոմեքենաներից գողություններ կատարելու վերաբերյալ, խմբով կատարել են ուրիշի գույքի խոշոր չափերի՝ ընդհանուր 725.000 ՀՀ դրամի հափշտակություն:
Այսինքն, Ահմեդ Ֆերոյանը կատարել է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով:
Բացի այդ, Էդվարդ Խուդոյանն ու Ահմեդ Ֆերոյանը 2016թ. մարտի 28-ին, նախնական համաձայնության գալով ավտոմեքենաներից գողություններ կատարելու վերաբերյալ, 2016թ. մարտի 29-ին՝ ժամը 01:30-ից 08:30-նն ընկած ժամանակահատվածում Երևան քաղաքի Լամբրոնի 26 տան դիմացից փախցրել են Արսեն Ռաֆիկի Գևորգյանին պատկանող «Վազ 21021» մակնիշի 64 UU 161 հաշվառման համարանիշի ավտոմեքենան և տեղափոխել Արարատի մարզի Խարբերդ գյուղի գերեզմանատան մոտ, որտեղ խմբով, ապամոնտաժման եղանակով մեքենայից կատարել են ուրիշի գույքի խոշոր չափերի՝ ընդհանուր 1.000.000 ՀՀ դրամ արժողության 4 անվադողերի և անվահեծերի, 1 պահեստային անվադողի և անվահեծի, դռների ապակիների և դրանց էլեկտրական կառավարման մեխանիզմների, մեկ զույգ ապակեմաքրիչների՝ իրենց շարժիչներով, առջևի և հետևի նստատեղերի, ցուցիչների վահանակի, հետևի լուսարձակների, «BOSH» տեսակի ձայնային ազդանշանների, էլեկտրական մարտկոցի, մեկ զույգ «SONYե տեսակի բարձրախոսների, ռադիատորի, դինամոի, տրամլյորի, ապակեմաքրիչների ջրի տարայի, հետնամասի մեկ զույգ ռետինե ցեխապաշտպանիչների, սրահի 4 հատ ռետինե գորգերի, 2 խ/մ ծավալի գազաբալոնի և դրա կարգավորիչի, դռան բռնակների, պաստառներն ու դեկորատիվ վահանի հափշտակություն:
Այնուհետև, Էդվարդ Խուդոյանն ու Ահմեդ Ֆերոյանը, շարունակելով իրենց հանցավոր մտադրությունը նախնական համաձայնությամբ ավտոմեքենաներից գողություններ կատարելու վերաբերյալ, 2016թ. մարտի 29-ին՝ ժամը 01:30-ից 08:30-նն ընկած ժամանակահատվածում, Երևան քաղաքի Նորագավիթ թաղամասի 9-րդ փողոցի 42-րդ տան բակից փախցրել են նույն տան բնակիչ Վարդգես Յուրիկի Առաքելյանին պատկանող «Վազ 2106» մակնիշի 34 MU 153 հաշվառման համարանիշի ավտոմեքենան և տեղափոխել Արարատի մարզի Նորաբաց գյուղի հարակից դաշտեր, որտեղ խմբով, ապամոնտաժման եղանակով մեքենայից կատարել են ուրիշի գույքի զգալի չափերի՝ ընդհանուր 280.000 ՀՀ դրամ արժողության հետևի նստատեղի, բարձրախոսների, պահեստային անվադողի և շինարարական գործիքների հափշտակություն:
Այսպիսով՝ Էդվարդ Խուդոյանն ու Ահմեդ Ֆերոյանը միասնական դիտավորությամբ նախնական համաձայնության գալով ավտոմեքենաներից գողություններ կատարելու վերաբերյալ, խմբով կատարել են ուրիշի գույքի խոշոր չափերի՝ ընդհանուր 1.280.000 ՀՀ դրամի հափշտակություն:
Այսինքն, Ահմեդ Ֆերոյանը կատարել է հանցանք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով:
Արդյունքում, Դատարանը հանգում է այն հետևության, որ Ահմեդ Խդրի Ֆերոյանի արարքները ՀՀ քրեական օրենսգրքի 34-177-րդ հոդվածի 3-րդ մասի 1.1-րդ կետով, ՀՀ քրեական օրենսգրքի 112-րդ հոդվածի 2-րդ մասի 6-րդ կետով, ՀՀ քրեական օրենսգրքի 183-րդ հոդվածի 2-րդ մասի 2-րդ կետով, ՀՀ քրեական օրենսգրքի 177-րդ հոդվածի 2-րդ մասի 1-ին կետով և ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով (2 դրվագ) որակված են ճիշտ:
Դատարանը նաև գտնում է, որ այդ արարքները Ահմեդ Խդրի Ֆերոյանի կողմից կատարվել են մեղավորությամբ և կատարածի համար նա ենթակա է քրեական պատասխանատվության ու պատժի:
Դատարանը որպես ամբաստանյալ Ահմեդ Խդրի Ֆերոյանի պատասխանատվությունն ու պատիժը մեղմացնող ու պատասխանատվությունը և պատիժը ծանրացնող հանգամանքներ չի արձանագրում, իսկ որպես անձը բնութագրող տվյալ դիտում է, որ երիտասարդ է ու նրա մոտ արձանագրվել է «իրավիճակով պայմանավորված կոնվերսիոն /հիստերիկ/ հակազդումներ մտավոր թերնորմալ անձի մոտ ցուցադրական վարքագծով» ախտորոշումը:

5. ՀՀ քրեական օրենսգրքի 10-րդ հոդվածի համաձայն`
«Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար»:
ՀՀ քրեական օրենսգրքի 48-րդ հոդվածի 2-րդ մասի համաձայն՝
«Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները»:
ՀՀ քրեական օրենսգրքի 61-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները»:
ՀՀ քրեական օրենսգրքի 177-րդ հոդվածի 3-րդ մասի 1.1 կետով նախատեսված հանցագործությունը դասվում է սեփականության դեմ ուղղված դիտավորությամբ կատարվող ծանր հանցագործությունների շարքին, որի համար նախատեսված է բացառապես ազատազրկման ձևով պատիժ՝ չորսից ութ տարի ժամկետով՝ գույքի բռնագրավմամբ կամ առանց դրա:
ՀՀ քրեական օրենսգրքի 112-րդ հոդվածի 2-րդ մասի 6-րդ կետով նախատեսված հանցագործությունը դասվում է կյանքի և առձողջության դեմ ուղղված դիտավորությամբ կատարվող ծանր հանցագործությունների շարքին, որի համար նախատեսված է բացառապես ազատազրկման ձևով պատիժ՝ հինգից տասը տարի ժամկետով:
ՀՀ քրեական օրենսգրքի 117-րդ հոդվածով նախատեսված հանցագործությունը դասվում է կյանքի և առողջության դեմ ուղղված դիտավորությամբ կատարվող ոչ մեծ ծանրության հանցագործությունների շարքին, որի համար նախատեսված են պատժի այլընտրանքային տեսակներ, մասնավորապես՝ տուգանք նվազագույն աշխատավարձի հիսնապատիկից հարյուրհիսնապատիկի չափով կամ կալանք՝ առավելագույնը երկու ամիս ժամկետով:
ՀՀ քրեական օրենսգրքի 183-րդ հոդվածի 2-րդ մասի 2-րդ կետով նախատեսված հանցագործությունը դասվում է սեփականության դեմ ուղղված դիտավորությամբ կատարվող միջին ծանրության հանցագործությունների շարքին, որի համար նախատեսված է բացառապես ազատազրկման ձևով պատիժ՝ առավելագույնը հինգ տարի ժամկետով:
ՀՀ քրեական օրենսգրքի 185-րդ հոդվածի 2-րդ մասի 1-ին կետով նախատեսված հանցագործությունը դասվում է սեփականության դեմ ուղղված դիտավորությամբ կատարվող միջին ծանրության հանցագործությունների շարքին, որի համար նախատեսված է բացառապես ազատազրկման ձևով պատիժ՝ առավելագույնը չորս տարի ժամկետով:
ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով նախատեսված հանցագործությունները դասվում են սեփականության դեմ ուղղված դիտավորությամբ կատարվող միջին ծանրության հանցագործությունների շարքին, որի համար նախատեսված են պատժի այլընտրանքային տեսակներ, մասնավորապես՝ տուգանք նվազագույն աշխատավարձի հինգհարյուրապատիկից հազարապատիկի չափով կամ ազատազրկում՝ երկուսից հինգ տարի ժամկետով:
Այլընտրանքային սանկցիաների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ.Մադաթյանի գործով որոշման մեջ, որում իրավական դիրքորոշում է ձևավորել այն մասին, որ. « (…) Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…) Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը, և գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը» (տե՛ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):
6. Սույն դատավճռի 5-րդ կետում շարադրված իրավադրույթների, դրանց վերլուծության արդյունքում ձևավորված դատողությունների և ՀՀ վճռաբեկ դատարանի իրավական դիրքորոշման լույսի ներքո գնահատելով ամբաստանյալ Էդվարդ Վազիրի Խուդոյանի կատարած հանցագործությունների բնույթը և հանրության համար վտանգավորության աստիճանը, այդ թվում՝ նրա կատարած կոնկրետ արարքները, հանցավոր մտադրության իրականացման աստիճանը, դրա արդյունքում պատճառված վնասը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը, հանցանքը կատարելուց հետո ամբաստանյալի դրսևորած վարքագիծը, դրանք համադրելով նրա պատասխանատվությունն ու պատիժը մեղմացնող ու ծանարցանող հանգամանքների բացակայության փաստի, անձը բնութագրող տվյալների հետ, Դատարանը հանգում է այն հետևության, որ Էդվարդ Վազիրի Խուդոյանի նկատմամբ Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 1.1 կետով՝ պետք է պատիժ նշանակել ազատազրկում 4(չորս) տարի ժամկետով՝ առանց գույքի բռնագրավման, Հայաստանի Հանրապետության քրեական օրենսգրքի 112-րդ հոդվածի 2-րդ մասի 6-րդ կետով՝ ազատազրկում 5 (հինգ) տարի ժամկետով, Հայաստանի Հանրապետության քրեական օրենսգրքի 183-րդ հոդվածի 2-րդ մասի 2-րդ կետով՝ ազատազրկում 1 (մեկ) տարի ժամկետով, Հայաստանի Հանրապետության քրեական օրենսգրքի 185-րդ հոդվածի 2-րդ մասի 1-ին կետով՝ ազատազրկում 2 (երկու) տարի ժամկետով, Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին կետով՝ ազատազրկում 2 (երկու) տարի ժամկետով, Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին և 2-րդ կետերով` 2/երկու/ դրվագով, յուրաքանչյուր դրվագով ազատազրկում 2 (երկու) տարի ժամկետով:
Դատարանը միաժամանակ հաշվի առնելով այն հանգամանքը, որ ՀՀ քրեական օրենսգրքի 117-րդ հոդվածը նույն օրենսգրքի 19-րդ հոդվածի համաձայն դասվում է ոչ մեծ ծանրության հանցագործություների շարքին, իսկ ՀՀ քրեական օրենսգրքի 75-րդ հոդվածի 1-ին մասի համաձայն անձը քրեական պատասխանատվությունից ազատվում է եթե հանցանքը ավարտված համարելու օրվանից անցել է երկու տարի և հաշվի առնելով, որ Էդվարդ Խուդոյանը ՀՀ քրեական օրենսգրքի 117-րդ հոդվածով նախատեսված հանցանքը կատարել է 2016 թվականի մարտի 13-ին, ուստի Դատարանը գտնում է, որ Էդվարդ Վազարի Խուդոյանին պետք է ազատել ՀՀ քրեական օրենսգրքի 117-րդ հոդվածով նախատեսված քրեական պատասխանատվությունից՝ քրեական պատասխանատվության վաղեմության ժամկետը լրանալու հիմքով:
Դատարանը գտնում է, որ ՀՀ քրեական օրենսգրքի 66-րդ հոդվածի 4-րդ մասի կիրառմամբ` հանցանքների համակցությամբ նշանակված պատիժները մասնակի գումարելու միջոցով Էդվարդ Վազիրի Խուդոյանի նկատմամբ վերջնական պատիժ պետք է նշանակել ազատազրկում 8 (ութ) տարի ժամկետով՝ առանց գույքի բռնագրավման:
Հաշվի առնելով ինչպես կատարված արարքների բնույթը և վտանգավորության աստիճանը, այնպես էլ սույն կետի 1-ին պարբերության մեջ նշված հանգամանքները, Դատարանը գտնում է, որ ամբաստանյալ Էդվարդ Վազիրի Խուդոյանի նկատմամբ նշանակված ազատազրկման ձևով պատիժը ՀՀ քրեական օրենսգրքի 70-րդ հոդվածի հիման վրա պայմանականորեն չկիրառելու կամ ՀՀ քրեական օրենսգրքի 64-րդ հոդվածի հիման վրա հոդվածի սանկցիայով նախատեսված նվազագույն չափից ցածր կամ ավելի մեղմ պատժատեսակ նշանակելու միջոցով հնարավոր չէ հասնել պատժի նպատակներին՝ սոցիալական արդարության վերականգնմանը, պատժի ենթարկված անձի ուղղմանը, նոր հանցագործությունների կանխմանը, ուստի Դատարանը գալիս է այն հետևության, որ ամբաստանյալի նկատմամբ նշանակվելիք պատիժը պայմանականորեն չկիրառելու և փորձաշրջան սահմանելու կամ օրենքով նախատեսվածից ավելի մեղմ պատիժ նշանակելու հիմքեր չկա, հետևաբար ՀՀ քրեական օրենսգրքի 48-րդ հոդվածով նախատեսված պատժի նպատակների իրացմանը հասնելու համար նա պետք է կրի իր նկատմամբ նշանակված պատիժը:
6.1 Սույն դատավճռի 5-րդ կետում շարադրված իրավադրույթների, դրանց վերլուծության արդյունքում ձևավորված դատողությունների և ՀՀ վճռաբեկ դատարանի իրավական դիրքորոշումների լույսի ներքո գնահատելով ամբաստանյալ Ահմեդ Խդրի Ֆերոյանի կատարած հանցագործությունների բնույթը և հանրության համար վտանգավորության աստիճանը, այդ թվում՝ նրա կատարած կոնկրետ արարքները, հանցավոր մտադրության իրականացման աստիճանը, դրա արդյունքում պատճառված վնասը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը, հանցանքը կատարելուց հետո ամբաստանյալի դրսևորած վարքագիծը, դրանք համադրելով նրա պատասխանատվությունն ու պատիժը մեղմացնող, ատասխանատվությունն ու պատիժը ծանրացնող հանգամանքների բացակայության փաստի, ինչպես նաև անձը բնութագրող տվյալների հետ` Դատարանը հանգում է այն հետևության, որ Ահմեդ Խդրի Ֆերոյանի նկատմամբ ՀՀ քրեական օրենսգրքի 34-177-րդ հոդվածի 3-րդ մասի 1.1 կետով՝ պետք է պատիժ նշանակել ազատազրկում 4(չորս) տարի ժամկետով՝ առանց գույքի բռնագրավման, Հայաստանի Հանրապետության քրեական օրենսգրքի 112-րդ հոդվածի 2-րդ մասի 6-րդ կետով՝ ազատազրկում 5 (հինգ) տարի ժամկետով, Հայաստանի Հանրապետության քրեական օրենսգրքի 183-րդ հոդվածի 2-րդ մասի 2-րդ կետով՝ ազատազրկում 1 (մեկ) տարի ժամկետով, Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին կետով՝ ազատազրկում 2 (երկու) տարի ժամկետով, Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին և 2-րդ կետերով` 2/երկու/ դրվագ, յուրաքանչյուր դրվագով ազատազրկում 2 (երկու) տարի ժամկետով:
Դատարանը գտնում է, որ ՀՀ քրեական օրենսգրքի 66-րդ հոդվածի 4-րդ մասի կիրառմամբ` հանցանքների համակցությամբ նշանակված պատիժները մասնակի գումարելու միջոցով Ահմեդ Խդրի Ֆերոյանի նկատմամբ պատիժ պետք է նշանակել ազատազրկում 7 (յոթ) տարի 6 (վեց) ժամկետով՝ առանց գույքի բռնագրավման:
Դատարանը նաև գտնում է, որ ՀՀ քրեական օրենսգրքի 66-րդ հոդվածի 6-րդ մասի կարգով հանցանքների համակցությամբ սույն դատավճռով նշանակված պատժին մասնակիորեն պետք է գումարել Արարատի և Վայոց Ձորի մարզերի ընդհանուր իրավասության դատարանի 2017 թվականի օգոստոսի 2-ի թիվ ԱՎԴ2/0014/01/17 դատավճռով նշանակված պատժից՝ 3 տարի ժամկետով ազատազրկումից 6 ամիսը և ամբաստանյալ Ահմեդ Խդրի Ֆերոյանի նկատմամբ վերջնական պատիժ նշանակել ազատազրկում 8 (ութ) տարի ժամկետով՝ առանց գույքի բռնագրավման՝ պատժի կրման սիզբը հաշվելով Ահմեդ Խդրի Ֆերոյանին ձերբակալելու օրվանից՝ 30.03.2016թ-ից:
Դատարանը միաժամանակ գտնում է, որ Ահմեդ Խդրի Ֆերոյանի մոտ առկա <<իրավիճակով պայմանավորված կոնվերսիոն /հիստերիկ/ հակազդումներ մտավոր թերնորմալ անձի մոտ ցուցադրական վարքագծով>> հիվանդության կապակցությամբ պատժի հետ մեկտեղ պետք է նշանակել նյարդահոգեբույժի հսկողություն:
Հաշվի առնելով ինչպես կատարված արարքների բնույթը և վտանգավորության աստիճանը, այնպես էլ սույն կետի 1-ին պարբերության մեջ նշված հանգամանքները, Դատարանը գտնում է, որ ամբաստանյալ Հակոբ Գագիկի Ամիրխանյանի նկատմամբ նշանակված ազատազրկման ձևով պատիժը ՀՀ քրեական օրենսգրքի 70-րդ հոդվածի հիման վրա պայմանականորեն չկիրառելու կամ ՀՀ քրեական օրենսգրքի 64-րդ հոդվածի հիման վրա հոդվածի սանկցիայով նախատեսված նվազագույն չափից ցածր կամ ավելի մեղմ պատժատեսակ նշանակելու միջոցով հնարավոր չէ հասնել պատժի նպատակներին՝ սոցիալական արդարության վերականգնմանը, պատժի ենթարկված անձի ուղղմանը, նոր հանցագործությունների կանխմանը, ուստի Դատարանը գալիս է այն հետևության, որ ամբաստանյալի նկատմամբ նշանակվելիք պատիժը պայմանականորեն չկիրառելու և փորձաշրջան սահմանելու կամ օրենքով նախատեսվածից ավելի մեղմ պատիժ նշանակելու հիմքեր չկան, հետևաբար ՀՀ քրեական օրենսգրքի 48-րդ հոդվածով նախատեսված պատժի նպատակների իրացմանը հասնելու համար նա պետք է կրի իր նկատմամբ նշանակված պատիժը:

7. ՀՀ քրեական դատավարության օրենսգրքի 154-րդ հոդվածի համաձայն`
«1. Քրեական դատավարությունում քաղաքացիական հայցը հարուցվում, ապացուցվում և լուծվում է սույն օրենսգրքի դրույթներով սահմանված կանոններով: (…)»:
2. Քաղաքացիական հայցը հարուցվում է կասկածյալի, մեղադրյալի կամ նրա դեմ, ում վրա կարող է դրվել գույքային պատասխանատվություն մեղադրյալի գործողությունների համար: (…)»:
ՀՀ քրեական դատավարության օրենսգրքի 360-րդ հոդվածի համաձայն`
«1. Դատավճիռ կայացնելիս դատարանը ներկայացված հաջորդականությամբ լուծում է հետևյալ հարցերը` (….)
10) քաղաքացիական հայցը ենթակա է արդյոք բավարարման, ում օգտին և ինչ չափով (…)»:
ՀՀ քրեական դատավարության օրենսգրքի 367-րդ հոդվածի համաձայն` «Դատավճիռ կայացնելիս դատարանը, ելնելով քաղաքացիական հայցի հիմքերի ու չափի ապացուցված լինելու հանգամանքից, հարուցված հայցը բավարարում է լրիվ կամ մասնակիորեն, կամ մերժում է դրա բավարարումը, կամ այն թողնում է առանց քննության»:
Քաղաքացիական հայցի հիմքերն ու առարկան սահմանող վերոգրյալ նորմերին ՀՀ վճռաբեկ դատարանն անդրադարձել է Ա.Վարդանյանի գործով որոշմամբ և իրավական դիրքորոշում է հայտնել առ այն, որ «(...) քրեական դատավարությունում քաղաքացիական հայցի լուծման համար պարտադիր է հանցագործության և հատուցման ենթակա վնասի միջև անմիջական պատճառահետևանքային կապի առկայությունը, ինչպես նաև քաղաքացիական հայցի հիմքի և առարկայի` պատշաճ կերպով հիմնավորված լինելը: (...) Հետևաբար, քրեական դատավարությունում հայց հարուցելու իրավունքն առկա է այն դեպքում, երբ վնասն անմիջականորեն պատճառվել է հանցագործությամբ: (...)
Քաղաքացիական հայցի առարկա չի կարող հանդիսանալ և հետևաբար, քրեական դատավարության շրջանակներում հատուցման ենթակա չէ այն վնասը, որը թեև այս կամ այն կերպ պայմանավորված է կատարված իրավախախտմամբ, սակայն չի առաջացել հանցագործությամբ անմիջականորեն պատճառված գույքային և ֆիզիկական վնասի հետևանքով: (...)
Վճռաբեկ դատարանն արձանագրում է, որ քրեական դատավարությունում քաղաքացիական հայցի քննության շրջանակներում ենթակա են հատուցման`
ա) քրեական օրենքով արգելված արարքով անմիջականորեն պատճառված գույքային վնասը,
բ) վնասված կամ ոչնչացված (կորսված) գույքը վերականգնելու, գնելու ծախսերը,
գ) տուժողի բուժման կամ հուղարկավորության համար կատարված անհրաժեշտ ծախսերը (mutatis mutandis տե՛ս Ավետիս Մկրտչյանի գործով Վճռաբեկ դատարանի 2007 թվականի նոյեմբերի 30-ի թիվ ՎԲ-150/07 որոշումը):
Վճռաբեկ դատարանը գտնում է, որ քրեական դատավարության կարգով հատուցման ենթակա են միայն վերոնշյալ վնասները, իսկ հանցագործության հետևանքով պատճառված այլ վնասների հատուցման վերաբերյալ պահանջները չեն կարող քննության առնվել քրեական գործի հետ համատեղ և պետք է թողնվեն առանց քննության, ինչը շահագրգիռ անձին հնարավորություն կտա իր գույքային պահանջները ներկայացնել քաղաքացիական դատավարության կարգով (ՀՀ քրեական դատավարության օրենսգրքի 155-րդ հոդվածի 3-րդ մաս) (տե՛ս Արկադի Արամայիսի Վարդանյանի վերաբերյալ գործով Վճռաբեկ դատարանի 2013 թվականի ապրիլի 18-ի թիվ ՇԴ2/0013/01/11 որոշման 14-15-րդ կետերը)»:
Դատարանը գտնում է, որ քաղաքացիական հայցի առարկա չի կարող հանդիսանալ և հետևաբար, քրեական դատավարության շրջանակներում հատուցման ենթակա չէ այն վնասը, որը թեև այս կամ այն կերպ պայմանավորված է կատարված իրավախախտմամբ, սակայն չի առաջացել հանցագործությամբ անմիջականորեն պատճառված գույքային և ֆիզիկական վնասի հետևանքով:
Սույն քրեական գործի քննության ընթացքում տուժող Հուտո Ալոյանի կողմից ընդդեմ ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի ներկայացվել է 3.571.450 ՀՀ դրամի չափով քաղաքացիական հայց, որպես անհրաժեշտ դեղամիջոցների ձեռք բերման և բուժման ծախս՝ 1.091.450 ՀՀ դրամ, կոտրած պատուհանի ծախս՝ 30.000 ՀՀ դրամ, հիվանդանոց գնալու ճանապարհածախս՝ 250.000 ՀՀ դրամ, բաց թողնված օգուտ՝ 2.000.000 ՀՀ դրամ, իրավաբանական ծառայության գումար՝ 200.000 ՀՀ դրամ:
Տուժող Արսեն Գևորգյանի կողմից ընդդեմ ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի ներկայացվել է 845.000 ՀՀ դրամի չափով քաղաքացիական հայց՝ որպես հանցագործությամբ անմիջականորեն պատճառված վնասի հատուցում:
Տուժող Վարդգես Առաքելյանի կողմից ընդդեմ ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի ներկայացվել է 150.000 ՀՀ դրամի չափով քաղաքացիական հայց՝ որպես հանցագործությամբ անմիջականորեն պատճառված վնասի հատուցում:
Վճռաբեկ դատարանի հիշյալ իրավական դիրքորոշման համատեքստում քննելով ներկայացված քաղաքացիական հայցերը և անկախ այն հանգամանքից թե ինչ չափով կամ ծավալով է դրանք ընդունվում ամբաստանյալների կողմից, Դատարանը գտնում է, որ տուժող Հուտո Ալոյանի կողմից ընդդեմ ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի ներկայացված քաղաքացիական հայցը պետք է բավարարել մասնակի և ամբաստանյալներ Ահմեդ Խդրի Ֆերոյանից և Էդվարդ Վազիրի Խուդոյանից համապարտության կարգով հօգուտ տուժող Հուտո Ալոյանի բռնագանձել 750450 (յոթ հարյուր հիսուն հազար չորս հայուր հիսուն) ՀՀ դրամ որպես առողջությանը պատճառված վնասի հատուցման գումար /դատարանը հիմք է ընդունել ներկայացված վճարման անդորրագրերը, մասնավորապես ՀԴՄ կտրոները/, իսկ քաղաքացիական հայցը մնացած մասով պետք է թողնել առանց քննության՝ տուժողին պարզաբանելով քաղաքացիական դատավարության կարգով դատարան դիմելու իրավունքը:
Դատարանը միաժամանակ գտնում է, որ Արսեն Գևորգյանի և Վարդգես Առաքելյանի քաղաքացիական հայցերն ընդդեմ ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի պետք է բավարարել ամբողջությամբ և ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանից համապարտության կարգով հօգուտ տուժող Արսեն Գևորգյանի պետք է բռնագանձել 845.000 ՀՀ դրամ գումար, իսկ հօգուտ տուժող Վարդգես Առաքելյանի՝ 150.000 ՀՀ դրամ գումար՝ որպես հանցագործությամբ անմիջականորեն պատճառված վնասի գումար:
Անդրադառնալով ամբաստանյալ Ահմեդ Խդրի Ֆերոյանի նկատմամբ ընտրված խափանման միջոց կալանավորման հարցին, Դատարանը գտնում է, որ այն պետք է թողնել անփոփոխ, մինչև դատավճիռն օրինական ուժի մեջ մտնելը:
Անդրադառնալով ամբաստանյալ Էդվարդ Վազիրի Խուդոյանի նկատմամբ նկատմամբ ընտրված խափանման միջոց կալանավորման հարցին, Դատարանը գտնում է, որ այն պետք է թողնել անփոփոխ, մինչև դատավճիռն օրինական ուժի մեջ մտնելը:
Անդրադառնալով նախաքննական մարմնի 24.11.2016թ.-ի որոշմամբ իրեղեն ապացույց ճանաչված՝ Երևան քաղաքի Շենգավիթ վարչական շրջանի ընդհանուր իրավասության դատարանի 20.06.2017թ.-ի որոշմամբ՝ «Արտաշատ» ՋՕ ընկերությանն ի պահ հանձնված «Վազ 21214» մակնիշի 476 US 15 հ/հ ավտոմեքենայի տնօրինման հարցին, Դատարանը գտնում է, որ դատավճիռն օրինական ուժի մեջ մտնելուց հետո այն պետք է թողնել «Արտաշատ» ՋՕ ընկերության տնօրինությանը:
Անդրադառնալով նախաքննական մարմնի 24.11.2016թ. որոշմամբ իրեղեն ապացույց ճանաչված՝ տուժող Գրիգոր Մնացականի Մարգարյանին պատկանող և Գրիգոր Մնացականի Մարգարյանին ի պահ հանձնված «Վազ 2106» մակնիշի 34FZ080 h/h ավտոմեքենայի տնօրինման հարցին, Դատարանը գտնում է, որ դատավճիռն օրինական ուժի մեջ մտնելուց հետո այն պետք է թողնել տուժող Գրիգոր Մնացականի Մարգարյանի տնօրինությանը:
Անդրադառնալով նախաքննական մարմնի 15.12.2016թ. որոշմամբ իրեղեն ապացույց ճանաչված՝ տուժող Վարդգես Յուրիկի Առաքելյանին պատկանող, վերջինիս մոտ գտնվող և նրան ի պահ հանձնված «Վազ 2106» մակնիշի 34MU153 հ/հ ավտոմեքենայի, դրա հետնամասի նստատեղի՝ իր հենակով, անվադողի՝ իր անվահեծով, 5 հատ 90 աստիճան 25մմ չափերի անկյունակների, 1 հատ 45 աստիճան 40մմ չափերի անկյունակի, 4 հատ 45 աստիճան 20մմ չափերի անկյունակների, 4 հատ 20մմ չափերի անցումների և 2 հատ կլուչ-բանալիների տնօրինման հարցին, Դատարանը գտնում է, որ դատավճիռն օրինական ուժի մեջ մտնելուց հետո դրանք պետք է թողնել Վ.Առաքելյանի տնօրինությանը:
Անդրադառնալով նախաքննական մարմնի 16.12.2016թ. որոշմամբ իրեղեն ապացույց ճանաչված՝ տուժող Գագիկ Մարտինի Գրիգորյանին պատկանող և նրան ի պահ հանձնված «Վազ 21021» մակնիշի կանաչ գույնի ավտոմեքենայի տնօրինման հարցին, Դատարանը գտնում է, որ դատավճիռն օրինական ուժի մեջ մտնելուց հետո այն պետք է թողնել տուժող Գագիկ Գրիգորյանի տնօրինությանը:
Անդրադառնալով նախաքննական մարմնի 16.12.2016թ. որոշմամբ իրեղեն ապացույց ճանաչված՝ տուժող Արսեն Ռաֆիկի Գևորգյանին պատկանող և նրան ի պահ հանձնված «Վազ 21021» մակնիշի 64UU161 հաշվառման համարանիշի ավտոմեքենայի տնօրինման հարցին, Դատարանը գտնում է, որ դատավճիռն օրինական ուժի մեջ մտնելուց հետո այն պետք է թողնել Արսեն Ռաֆիկի Գևորգյանի տնօրինությանը:
Անդրադառնալով նախաքննական մարմնի 17.12.2016թ. որոշմամբ իրեղեն ապացույց ճանաչված՝ տուժող Հորիզոն Մարգարի Գիժլարյանին պատկանող և նրան ի պահ հանձնված «Վազ 2103» մակնիշի 59SL904 հ/հ ավտոմեքենայի տնօրինման հարցին, Դատարանը գտնում է, որ դատավճիռն օրինական ուժի մեջ մտնելուց հետո այն մպետք է թողնել Հորիզոն Մարգարի Գիժլարյանի տնօրինությանը:
Անդրադառնալով նախաքննական մարմնի 19.12.2016թ.-ի որոշմամբ իրեղեն ապացույց ճանաչված՝ տուժող Արսեն Գևորգյանին պատկանող «Վազ 21021» մակնիշի 64 64UU161 հաշվառման համարանիշի ավտոմեքենայից հափշտակված «MOONKING» անվամբ «100լ» 2 խ/մ/ տարողությամբ մուգ կարմիր գույնի գազաբալոնի/փաթեթ 4/, 185/75R16 չափերի «NIVA4X4 RADIAL» գրառմամբ անվադողի՝ իր անվահեծով /փաթեթ 11/, սև գույնի կտորով պատված ավտոմեքենայի նստատեղերի լրակազմի /փաթեթ 10/ տնօրինման հարցին, որոնք Երևան քաղաքի Շենգավիթ վարչական շրջանի ընդհանուր իրավասության դատարանի 20.06.2017թ.-ի որոշմամբ վերադարձվել են սեփականատիրոջը՝ Արսեն Գևորգյանին, Դատարանը գտնում է, որ դատավճիռն օրինական ուժի մեջ մտնելուց հետո պետք է թողնել Արսեն Գևորգյանի տնօրինությանը:
Դատարանը գտնում է, որ նախաքննական մարմնի 20.12.2016թ. որոշմամբ իրեղեն ապացույց ճանաչված՝ քրեական գործին կցված դեպքի վայրերի զննությամբ վերցված սրբիչը, բամբակյա խծուծներով արյան հետքերի 5 նմուշները, կիսադատարկ օղու շիշը դատավճիռն օրինական ուժի մեջ մտնելուց հետո պետք է ոչնչացնել, իսկ թիվ 2, թիվ 3 համարակալմամբ սև դակտոժապավենները /հ.1, գ.թ. 207/, թիվ 1, թիվ 6 և թիվ 8 համարակալմամբ սպիտակ դալտոժապավենները /հ.3., գ.թ. 204/, փաթեթավորված և կնիքված ՀՀ ոստիկանության ՓՔՎ-ի և ՀՀ ԳԱԱ «Փորձաքննությունների ազգային բյուրո» ՊՈԱԿ-ի կնիքներով, պետք է թողնել քրեական գործի հետ դրա պահպանման ամբողջ ժամանակահատվածում:
Դատարանը գտնում է, որ ամբաստանյալներ Էդվարդ Վազիրի Խուդոյանից և Ահմեդ Խդրի Ֆերոյանից որպես դատական ծախսի գումար հօգուտ պետբյուջեի պետք է բռնագանձել 231.184 ՀՀ դրամ՝ որպես փորձաքննությունների գումար:
Ելնելով վերոգրյալից, ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-372-րդ հոդվածներով՝ Դատարանը

Վ Ճ Ռ Ե Ց

1. Էդվարդ Վազիրի Խուդոյանին մեղավոր ճանաչել Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 117-րդ հոդվածով, 183-րդ հոդվածի 2-րդ մասի 2-րդ կետով, 185-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով, 177-րդ հոդվածի 2-րդ մասի 1-ին և 2-րդ կետերով նախատեսված հանցանքների կատարման մեջ և նրա նկատմամբ պատիժ նշանակել.
- Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 1.1 կետով՝ ազատազրկում 4 (չորս) տարի ժամկետով՝ առանց գույքի բռնագրավման,
- Հայաստանի Հանրապետության քրեական օրենսգրքի 112-րդ հոդվածի 2-րդ մասի 6-րդ կետով՝ ազատազրկում 5 (հինգ) տարի ժամկետով,
- Հայաստանի Հանրապետության քրեական օրենսգրքի 183-րդ հոդվածի 2-րդ մասի 2-րդ կետով՝ ազատազրկում 1 (մեկ) տարի ժամկետով,
- Հայաստանի Հանրապետության քրեական օրենսգրքի 185-րդ հոդվածի 2-րդ մասի 1-ին կետով՝ ազատազրկում 2 (երկու) տարի ժամկետով,
- Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին կետով՝ ազատազրկում 2 (երկու) տարի ժամկետով,
- Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին և 2-րդ կետերով` ազատազրկում 2 (երկու) տարի ժամկետով,
- Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին և 2-րդ կետերով` ազատազրկում 2 (երկու) տարի ժամկետով,
- Էդվարդ Վազիրի Խուդոյանին Հայաստանի Հանրապետության քրեական օրենսգրքի 117-րդ հոդվածով ազատել քրեական պատասխանատվությունից՝ վաղեմության ժամկետը անցնելու հետևանքով:
ՀՀ քրեական օրենսգրքի 66-րդ հոդվածի 4-րդ մասի կիրառմամբ` հանցանքների համակցությամբ նշանակված պատիժները մասնակի գումարելու միջոցով Էդվարդ Վազիրի Խուդոյանի նկատմամբ վերջնական պատիժ նշանակել ազատազրկում 8 (ութ) տարի ժամկետով՝ առանց գույքի բռնագրավման:
Պատժի սկիզբը հաշվել 2016 թվականի մարտի 30-ից:
Էդվարդ Վազիրի Խուդոյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճիռի օրինական ուժի մեջ մտնելը:
2. Ահմեդ Խդրի Ֆերոյանին մեղավոր ճանաչել Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 1.1 կետով, 112-րդ հոդվածի 2-րդ մասի 6-րդ կետով, 183-րդ հոդվածի 2-րդ մասի 2-րդ կետով,177-րդ հոդվածի 2-րդ մասի 1-ին կետով, 177-րդ հոդվածի 2-րդ մասի 1-ին և 2-րդ կետերով՝ 2/երկու/ դրվագով նախատեսված հանցանքներ կատարելու մեջ և նրա նկատմամբ պատիժ նշանակել.
- Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 1.1 կետով՝ ազատազրկում 4 (չորս) տարի ժամկետով՝ առանց գույքի բռնագրավման,
- Հայաստանի Հանրապետության քրեական օրենսգրքի 112-րդ հոդվածի 2-րդ մասի 6-րդ կետով՝ ազատազրկում 5 (հինգ) տարի ժամկետով,
- Հայաստանի Հանրապետության քրեական օրենսգրքի 183-րդ հոդվածի 2-րդ մասի 2-րդ կետով՝ ազատազրկում 1 (մեկ) տարի ժամկետով,
- Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին կետով՝ ազատազրկում 2 (երկու) տարի ժամկետով,
- Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին և 2-րդ կետերով` ազատազրկում 2 (երկու) տարի ժամկետով,
- Հայաստանի Հանրապետության քրեական օրենսգրքի 177-րդ հոդվածի 2-րդ մասի 1-ին և 2-րդ կետերով` ազատազրկում 2 (երկու) տարի ժամկետով,
ՀՀ քրեական օրենսգրքի 66-րդ հոդվածի 4-րդ մասի կիրառմամբ` հանցանքների համակցությամբ նշանակված պատիժները մասնակի գումարելու միջոցով Ահմեդ Խդրի Ֆերոյանի նկատմամբ պատիժ նշանակել ազատազրկում 7 (յոթ) տարի 6 (վեց) ամիս ժամկետով՝ առանց գույքի բռնագրավման:
ՀՀ քրեական օրենսգրքի 66-րդ հոդվածի 6-րդ մասի կարգով հանցանքների համակցությամբ սույն դատավճռով նշանակված պատժին մասնակիորեն գումարել Արարատի և Վայոց Ձորի մարզերի ընդհանուր իրավասության դատարանի 2017 թվականի օգոստոսի 2-ի թիվ ԱՎԴ2/0014/01/17 դատավճռով նշանակված պատժից՝ 3 տարի ժամկետով ազատազրկումից 6 ամիսը և Ահմեդ Խդրի Ֆերոյանի նկատմամբ վերջնական պատիժ նշանակել ազատազրկում 8 (ութ) տարի ժամկետով՝ առանց գույքի բռնագրավման:
Ամբաստանյալ Ահմեդ Խդրի Ֆերոյանի մոտ առկա <<իրավիճակով պայմանավորված կոնվերսիոն /հիստերիկ/ հակազդումներ մտավոր թերնորմալ անձի մոտ ցուցադրական վարքագծով>> հիվանդության կապակցությամբ պատժի հետ մեկտեղ նշանակել նյարդահոգեբույժի հսկողություն:
Պատժի սկիզբը հաշվել 2016 թվականի մարտի 30-ից:
Ահմեդ Խդրի Ֆերոյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճիռի օրինական ուժի մեջ մտնելը:
Տուժող Հուտո Ալոյանի կողմից ընդդեմ ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի ներկայացված քաղաքացիական հայցը բավարարել մասնակի, ամբաստանյալներ Ահմեդ Խդրի Ֆերոյանից և Էդվարդ Վազիրի Խուդոյանից համապարտության կարգով հօգուտ տուժող Հուտո Ալոյանի բռնագանձել 750450 (յոթ հարյուր հիսուն հազար չորս հարյուր հիսուն) ՀՀ դրամ՝ որպես հանցագործությամբ տուժողի առողջությանը պատճառված վնասի հատուցման գումար: Քաղաքացիական հայցը մնացած մասով թողնել առանց քննության տուժողին պարզաբանելով քաղաքացիական դատավարության կարգով դատարան դիմելու իրավունքը:
Տուժող Արսեն Գևորգյանի կողմից ընդդեմ ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի ներկայացված քաղաքացիական հայցը բավարարել ամբողջությամբ, ամբաստանյալներ Ահմեդ Խդրի Ֆերոյանից և Էդվարդ Վազիրի Խուդոյանից համապարտության կարգով հօգուտ տուժող Արսեն Գևորգյանի բռնագանձել 845.000 (ութ հարյուր քառասունհինգ հազար) ՀՀ դրամ գումար՝ որպես հանցագործությամբ անմիջականորեն պատճառված վնասի գումար:
Տուժող Վարդգես Առաքելյանի քաղաքացիական հայցն ընդդեմ ամբաստանյալներ Ահմեդ Խդրի Ֆերոյանի և Էդվարդ Վազիրի Խուդոյանի բավարարել ամբողջությամբ, ամբաստանյալներ Ահմեդ Խդրի Ֆերոյանից և Էդվարդ Վազիրի Խուդոյանից համապարտության կարգով հօգուտ տուժող Վարդգես Առաքելյանի բռնագանձել 150.000 ( հարյուր հիսուն հազար) ՀՀ դրամ գումար՝ որպես հանցագործությամբ անմիջականորեն պատճառված վնասի գումար:
Նախաքննական մարմնի 24.11.2016թ.-ի որոշմամբ իրեղեն ապացույց ճանաչված՝ «Վազ 21214» մակնիշի 476 US 15 հ/հ ավտոմեքենան, որը դատարանի 20.06.2017թ.-ի որոշմամբ՝ ի պահ է հանձնվել «Արտաշատ» ՋՕ ընկերությանը, դատավճիռն օրինական ուժի մեջ մտնելուց հետո թողնել «Արտաշատ» ՋՕ ընկերության տնօրինությանը:
Նախաքննական մարմնի 24.11.2016թ. որոշմամբ իրեղեն ապացույց ճանաչված՝ տուժող Գրիգոր Մնացականի Մարգարյանին պատկանող և վերջինիս ի պահ հանձնված «Վազ 2106» մակնիշի 34FZ080 h/h ավտոմեքենան դատավճիռն օրինական ուժի մեջ մտնելուց հետո թողնել տուժող Գրիգոր Մնացականի Մարգարյանի տնօրինությանը:
Նախաքննական մարմնի 15.12.2016թ. որոշմամբ իրեղեն ապացույց ճանաչված՝ տուժող Վարդգես Յուրիկի Առաքելյանին պատկանող և վերջինիս ի պահ հանձնված «Վազ 2106» մակնիշի 34MU153 հ/հ ավտոմեքենան, դրա հետնամասի նստատեղը՝ իր հենակով, անվադողը՝ իր անվահեծով, 5 հատ 90 աստիճան 25մմ չափերի անկյունակները, 1 հատ 45 աստիճան 40մմ չափերի անկյունակը, 4 հատ 45 աստիճան 20մմ չափերի անկյունակները, 4 հատ 20մմ չափերի անցումները և 2 հատ կլուչ-բանալիները դատավճիռն օրինական ուժի մեջ մտնելուց հետո թողնել Վարդգես Առաքելյանի տնօրինությանը:
Նախաքննական մարմնի 16.12.2016թ. որոշմամբ իրեղեն ապացույց ճանաչված՝ տուժող Գագիկ Մարտինի Գրիգորյանին պատկանող և վերջինիս ի պահ հանձնված «Վազ 21021» մակնիշի կանաչ գույնի ավտոմեքենան դատավճիռն օրինական ուժի մեջ մտնելուց հետո թողնել տուժող Գագիկ Գրիգորյանի տնօրինությանը:
Նախաքննական մարմնի 16.12.2016թ. որոշմամբ իրեղեն ապացույց ճանաչված՝ տուժող Արսեն Ռաֆիկի Գևորգյանին պատկանող և վերջինիս ի պահ հանձնված «Վազ 21021» մակնիշի 64UU161 հաշվառման համարանիշի ավտոմեքենան դատավճիռն օրինական ուժի մեջ մտնելուց հետո թողնել Արսեն Ռաֆիկի Գևորգյանի տնօրինությանը:
Նախաքննական մարմնի 17.12.2016թ. որոշմամբ իրեղեն ապացույց ճանաչված՝ տուժող Հորիզոն Մարգարի Գիժլարյանին պատկանող և վերջինիս ի պահ հանձնված «Վազ 2103» մակնիշի 59SL904 հ/հ ավտոմեքենան դատավճիռն օրինական ուժի մեջ մտնելուց հետո թողնել Հորիզոն Մարգարի Գիժլարյանի տնօրինությանը:
Նախաքննական մարմնի 19.12.2016թ.-ի որոշմամբ իրեղեն ապացույց ճանաչված՝ տուժող Արսեն Գևորգյանին պատկանող «Վազ 21021» մակնիշի 64UU161 հաշվառման համարանիշի ավտոմեքենայից հափշտակված «MOONKING» անվամբ «100լ» 2 խ/մ/ տարողությամբ մուգ կարմիր գույնի գազաբալոնը/փաթեթ 4/, 185/75R16 չափերի «NIVA4X4 RADIAL» գրառմամբ անվադողը՝ իր անվահեծով /փաթեթ 11/, սև գույնի կտորով պատված ավտոմեքենայի նստատեղերի լրակազմը /փաթեթ 10/, որոնք դատարանի 20.06.2017թ.-ի որոշմամբ վերադարձվել են սեփականատիրոջը՝ Արսեն Գևորգյանին, դատավճիռն օրինական ուժի մեջ մտնելուց հետո թողնել Արսեն Գևորգյանի տնօրինությանը:
Նախաքննական մարմնի 20.12.2016թ. որոշմամբ իրեղեն ապացույց ճանաչված՝ քրեական գործին կցված դեպքի վայրերի զննությամբ վերցված սրբիչը, բամբակյա խծուծներով արյան հետքերի 5 նմուշները, կիսադատարկ օղու շիշը դատավճիռն օրինական ուժի մեջ մտնելուց հետո ոչնչացնել, իսկ թիվ 2, թիվ 3 համարակալմամբ սև դակտոժապավենները /հ.1, գ.թ. 207/, թիվ 1, թիվ 6 և թիվ 8 համարակալմամբ սպիտակ դակտոժապավենները /հ.3., գ.թ. 204/, թողնել քրեական գործի հետ դրա պահպանման ամբողջ ժամանակահատվածում:
Էդվարդ Վազիրի Խուդոյանից և Ահմեդ Խդրի Ֆերոյանից որպես դատական ծախսի գումար հօգուտ պետական բյուջեի բռնագանձել 231.184 (երկու հարյուր երեսուն մեկ հազար հարյուր ութսուն չորս) ՀՀ դրամ՝ որպես փորձաքննությունների գումար:
Դատավճիռը կարող է բողոքարկվել ՀՀ վերաքննիչ քրեական դատարան հրապարակման օրվանից հետո՝ մեկամսյա ժամկետում:



ԴԱՏԱՎՈՐ Վ.ՄԱՐԳԱՐՅԱՆ