N-ԵԱՔԴ/0227/01/16

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

<<08>> մայիսի 2019թ. ք.Երևան

ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ՝ Մ.ՄԵԼՔՈՆՅԱՆ
ՔԱՐՏՈՒՂԱՐՈՒԹՅԱՄԲ՝ Լ.ՄԱՐՏԻՐՈՍՅԱՆԻ

ՄԱՍՆԱԿՑՈՒԹՅԱՄԲ՝
ՄԵՂԱԴՐՈՂ Ա.ՉԱԽՈՅԱՆԻ
ԱՄԲԱՍՏԱՆՅԱԼՆԵՐ Վ.ԳԱՍՊԱՐՅԱՆԻ
Ա.ՔԱՐԱՄՅԱՆԻ
Ա.ՍԱՐԳՍՅԱՆԻ
ՊԱՇՏՊԱՆՆԵՐ Ա.ՄԽԻԹԱՐՅԱՆԻ
Հ.ԲԱԲԱՅԱՆԻ
Մ.ՎԱՐԴԱՆՅԱՆԻ

Դռնբաց դատական նիստում քննության առնելով քրեական գործն ըստ մեղադրանքի Աշոտ Արամի Գևորգյանի` ծնված 18.03.1960թվականին, Սյունիքի մարզ, քաղաք Կապան, ազգությամբ
հայ, ՀՀ քաղաքացի, բարձրագույն կրթությամբ, ամուսնացած,չի աշխատում, նախկինում չդատված, հաշվառված է և բնակվում է Սյունիքի մարզ, քաղաք Կապան, Դավիթ Բեկի փողոց, 12շենք 18բնակարան հասցեում, անազատության մեջ է գտնվել 01.10.2016թվականից, 03.10.2016թվականին ՀՀ Քրեական դատավարության օրենսգրքի 142հոդվածի 1-ին մասի 3-րդ կետի հիմքով ազատվել է արգելանքից և որպես խափանման միջոց է ընտրվել ստորագրություն չհեռանալու մասին:
Մեղադրվում է ՀՀ Քրեական օրենսգրքի 275հոդվածի 2-րդ մասի 1-ին կետով, 34-275հոդվածի 2-րդ մասի 1-ին կետով:
Արամ Բորիկի Քարամյանի` ծնված 01.02.1971թվականին,Սյունիքի մարզ, քաղաք Մեղրի, ազգությամբ հայ, ՀՀ քաղաքացի, ութամյա կրթությամբ, ամուսնացած, մասնավոր կերպով աշխատում է որպես տաքսու վարորդ, նախկինում չդատված, հաշվառված է Սյունիքի մարզ քաղաք Մեղրի,Ադելյան 11,21տուն հասցեում,բնակ- վում է քաղաք Երևան, Նորք-Մարաշ 6-րդ փողոց, 16տուն հասցեում, անազատության մեջ է գտնվել 01.10.2016թվականից, 03.10.2016թվականին ՀՀ Քրեական դատավարության օրենսգրքի 142հոդվածի 1-ին մասի 3-րդ կետի հիմքով ազատվել է արգելանքից և որպես խափանման միջոց է ընտրվել ստորագրություն չհեռանալու մասին:
Մեղադրվում է ՀՀ Քրեական օրենսգրքի 275հոդվածի 2-րդ մասի 1-ին կետով, 34-275հոդվածի 2-րդ մասի 1-ին կետով:
Վլադիմիր Միխայիլի Գասպարյանի` ծնված 06.01.1953թվականին, ՌԴ,Կրասնո-
դար քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, »Մետտա Գրուպ« ՍՊԸ-ի հիմնադիր, նախկինում չդատված, բնակ- վում է քաղաք Երևան, Արղության փողոց 10/1տուն հասցեում, անազատության մեջ է գտնվել 01.10.2016թվականից, 03.10.2016թվականին ՀՀ Քրեական դատավարության օրենսգրքի 142հոդվածի 1-ին մասի 3-րդ կետի հիմքով ազատվել է արգելանքից և որպես խափանման միջոց է ընտրվել ստորագրություն չհեռանալու մասին:
Մեղադրվում է ՀՀ Քրեական օրենսգրքի 34-275հոդվածի 2-րդ մասի 1-ին կետով:
Արմեն Ռոմենի Ավագյանի՝ ծնված 16.05.1963թվականին, Սյունիքի մարզ, քաղաք Կապան, ազգությամբ հայ, ՀՀ քաղաքացի, բարձրագույն կրթությամբ, ամուսնա- ցած, չի աշխատում, նախկինում չդատված, ֆիզիկապես առողջ, բնակվում է քաղաք Երևան, Ռոստոմի փողոց 29շենք 184բնակարան հասցեում, 25.11.2016 թվականին որպես խափանման միջոց է ընտրվել ստորագրություն չհեռանալու մասին:
Մեղադրվում է ՀՀ Քրեական օրենսգրքի 38-34-275հոդվածի 2-րդ մասի 1-ին կետով:
Արայիկ Պետրոսի Սարգսյանի՝ ծնված 25.01.1964թվականին, Արարատի մարզ, գյուղ Շաղափ, ազգությամբ հայ, ՀՀ քաղաքացի, միջնակարգ կրթությամբ, ամուս- նացած, չի աշխատում, նախկինում չդատված, ֆիզիկապես առողջ, հաշվառված է Արարատի մարզ, գյուղ Շաղափ, Լյովա Ղազարյան փողոց 3տուն հասցեում, անազատության մեջ է գտնվել 01.10.2016թվականից, 03.10.2016թվականին ՀՀ Քրեական դատավարության օրենսգրքի 142հոդվածի 1-ին մասի 3-րդ կետի հիմքով ազատվել է արգելանքից և որպես խափանման միջոց է ընտրվել ստորագրություն չհեռանալու մասին:
Մեղադրվում է ՀՀ Քրեական օրենսգրքի 275հոդվածի 2-րդ մասի 1-ին կետով:
Հովհաննես Ռաֆայելի Գրիգորյանի՝ ծնված 03.06.1991թվականին, քաղաք Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մեկ անչափահաս երեխա՝ ծնված 15.06.2017թվականին, նախկինում չդատված, ֆիզիկապես առողջ, չի աշխատում, հաշվառված է քաղաք Երևան, Ներքին Չարբախ, 7-րդ փողոց, 3-րդ տուն հասցեում, բնակվում է քաղաք Երևան, Էրեբունի փողոց, 27շենք, 13-րդ բնակարան հասցեում, անազատության մեջ է գտնվել 01.10.2016թվականից, 03.10.2016թվականին ՀՀ Քրեական դատավարության օրենսգրքի 142հոդվածի 1-ին մասի 3-րդ կետի հիմքով ազատվել է արգելանքից և որպես խափանման միջոց է ընտրվել ստորագրություն չհեռանալու մասին:
Մեղադրվում է ՀՀ Քրեական օրենսգրքի 275հոդվածի 2-րդ մասի 1-ին կետով:
Միքայել Գագիկի Սահրադյանի՝ ծնված 13.08.1990թվականին, քաղաք Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնացած, աշխատում է »Մեր Գյւող« պանդոկում որպես մենեջեր-գանձապահ, նախկինում չդատված, ֆիզիկապես առողջ, բնակվում է և հաշվառված է քաղաք Երևան, Բաբաջանյան փողոց 26/4շենք, 50բնակարան հասցեում, անազատության մեջ է գտնվել 01.10.2016թվականից, 03.10.2016թվականին ՀՀ Քրեական դատավարության օրենսգրքի 142հոդվածի 1-ին մասի 3-րդ կետի հիմքով ազատվել է արգելանքից և որպես խափանման միջոց է ընտրվել ստորագրություն չհեռանալու մասին:
Մեղադրվում է ՀՀ Քրեական օրենսգրքի 275հոդվածի 1-ին մասով:
Դատաքննությամբ և գործի տվյալներով դատարանը

Պ Ա Ր Զ Ե Ց

Գործով ամբաստանյալ Աշոտ Արամի Գևորգյանը մեղադրվում է այն բանում, որ նա նախապես իմանալով, որ ծանոթներից կարող է ձեռք բերել մեծ քանակության թունավոր նյութ հանդիսացող մետաղական սնդիկ, այն ապօրինի իրացնելու հանցավոր մտադրությունն իրականացնելու համար, դիմել է Արամ Քարամյանին, ով միջնորդավճարի ակնկալիքով, ստանձնել է գնորդ գտնելու պարտականությունը: Տեղեկանալով Արամ Քարամյանից, որ գտել է առնվազն 50կգ մետաղական սնդիկի գնորդ՝ կիլոգրամը 3000ԱՄՆ դոլարով, Աշոտ Գևորգյանը ՀՀ քաղաքացիներ Արայիկ Սարգսյանի և Հովհաննես Գրիգորյանի միջնորդությամբ, 2016թվականի սեպտեմբերի 30-ին ապօրինի ձեռք է բերել Երևանի բնակիչ Միքայել Սահրադյանին պատկանող 29445գրամ ընդհանուր քաշով և 2173,2մլ ընդհանուր ծավալով արծաթափայլ մետաղական սնդիկը՝ կիլոգրամը 700ԱՄՆ դոլարով և գումարը սնդիկի իրացումից հետո տալու պայմանով, որը վերջինս թողել է »Փարավոն« ռեստորանային համալիրի դիմաց գտնվող ամայի տարածքում՝ նախապես Հովհաննես Գրիգորյանի հետ պայմանավորված վայրում: Աշոտ Գևորգյանն Արամ Քարամյանի և Արայիկ Սարգսյանի հետ գնալով նշված վայրը, իրացնելու նպատակով վերցրել են մետաղական սնդիկի վերոհիշյալ խմբաքանակը, պահել այն »Մերսեդես« մակնիշի, 34AR751 համարանիշի ավտոմեքենայի սրահում և փոխադրել են դեպի Երևան քաղաքի Արղության փողոցի թիվ 10/1 հասցեում գտնվող »Մետտա Գրուպ« ՍՊ ընկերության վարչական շենք՝ ճանապարհին իջեցնելով Արայիկ Սարգսյանին: Դրա հետ մեկտեղ, նույն օրն առավոտյան, Աշոտ Գևորգյանը և Արամ Քարամյանն իրացնելու նպատակով մետաղական սնդիկի լրացուցիչ խմբաքանակ ապօրինի ձեռք բերելու համար քաղաքացի Արմեն Ռոմենի Ավագյանի միջոցով դիմել են »Մետտա Գրուպ« ՍՊ ընկերության բաժնետեր Վլադիմիր Գասպարյանին, ով համաձայնել է վերջիններիս առաջարկին, փորձանմուշ վերցնելու համար տրամադրել է »Մետտա Գրուպ« ՍՊ ընկերության հաշվեկշռին եղած 24820գրամ ընդհանուր քաշով և 1831,7մլ ընդհանուր ծավալով արծաթափայլ մետաղական սնդիկի խմբաքանակը և հեռացել: Դրանից հետո, Աշոտ Գևորգյանը և Արամ Քարամյանը »Մետտա Գրուպ« ՍՊ ընկերության վարչական շենքում՝ Վլադիմիր Գասպարյանի աշխատասենյակում, ըստ նախնական համաձայնության՝ ապօրինի ձեռք բերված ընդհանուր 54265գրամ ընդհանուր քաշով և 4004,9մլ ընդհանուր ծավալով արծաթափայլ մետաղական սնդիկը փորձել են ապօրինի իրացնել հանդիպման եկած և Աշոտ անունով ներկայացած գնորդին, ինչը բացահայտվել է ՀՀ ԱԱԾ աշխատակիցների կողմից իրականացվող »վերահսկելի գնում« օպերատիվ-հետախուզական միջոցառման արդյունքում:
Վերը նշված հանցավոր արարքները կատարելու համար նախաքննական մարմինը Աշոտ Արամի Գևորգյանին մեղադրանք է առաջադրել ՀՀ Քրեական օրենսգրքի 275հոդվածի 2-րդ մասի 1-ին կետով, 34-275հոդվածի 2-րդ մասի 1-ին կետով:
Գործով ամբաստանյալ Արամ Բորիկի Քարամյանը մեղադրվում է այն բանում, որ նա Աշոտ Գևորգյանից ստանալով իրացնելու նպատակով թունավոր նյութ հանդիսացող մետաղական սնդիկ ապօրինի ձեռք բերելու, պահելու և փոխադրելու առաջարկ, համապատասխան միջնորդավճարի դիմաց՝ ստանձնել է գնորդի փնտրման գործընթացը: Կիլոգրամը 3000ԱՄՆ դոլարով գնորդ գտնելուց հետո, տեղյակ է պահել Ա.Գևորգյանին, որից հետո ՀՀ քաղաքացիներ Արայիկ Սարգսյանի և Հովհաննես Գրիգորյանի միջնորդությամբ, 2016թվականի սեպտեմբերի 30-ին ապօրինի ձեռք են բերել Երևանի բնակիչ Միքայել Սահրադյանին պատկանող 29445գրամ ընդհանուր քաշով և 2173,2մլ ընդհանուր ծավալով արծաթափայլ մետաղական սնդիկը՝ կիլոգրամը 700ԱՄՆ դոլարով և գումարը սնդիկի իրացումից հետո տալու պայմանով, որը վերջինս թողել է »Փարավոն« ռեստորանային համալիրի դիմաց գտնվող ամայի տարածքում՝ նախապես՝ Հովհաննես Գրիգորյանի հետ պայմանավորված վայրում: Աշոտ Գևորգյանի և Արայիկ Սարգսյանի հետ մեկնելով նշված վայր՝ իրացնելու նպատակով վերցրել են մետաղական սնդիկի վերոհիշյալ խմբաքանակը, պահել իր վարած »Մերսեդես« մակնիշի 34AR751 համարանիշի ավտոմեքենայի սրահում և փոխադրել են դեպի Երևան քաղաքի Արղության փողոցի թիվ 10/1հասցեում գտնվող »Մետտա Գրուպ« ՍՊ ընկերության վարչական շենք՝ ճանապարհին իջեցնելով Արայիկ Սարգսյանին: Դրա հետ մեկտեղ, նույն օրն առավոտյան, Արամ Քարամյանը և Աշոտ Գևորգյանն իրացնելու նպատակով մետաղական սնդիկի լրացուցիչ խմբաքանակ ապօրինի ձեռք բերելու համար, վերջինիս ծանոթ Արմեն Ռոմենի Ավագյանի միջոցով դիմել են »Մետտա Գրուպ« ՍՊ ընկերության բաժնետեր Վլադիմիր Գասպարյանին, ով համաձայնել է վերջիններիս առաջարկին՝ փորձանմուշ վերցնելու համար տրամադրել է »Մետտա Գրուպ« ՍՊ ընկերության հաշվեկշռին եղած մոտ 24820 գրամ ընդհանուր քաշով և 1831,7մլ ընդհանուր ծավալով արծաթափայլ մետաղական սնդիկի խմբաքանակը և հեռացել: Դրանից հետո Արամ Քարամյանը և Աշոտ Գևորգյանը »Մետտա Գրուպ« ՍՊ ընկերության վարչական շենքում՝ Վլադիմիր Գասպարյանի աշխատասենյակում, ըստ նախնական համաձայնության՝ ապօրինի ձեռք բերված ընդհանուր 54265գրամ ընդհանուր քաշով և 4004,9մլ ընդհանուր ծավալով արծաթափայլ մետաղական սնդիկը փորձել են ապօրինի իրացնել հանդիպման եկած և Աշոտ անունով ներկայացած գնորդին, ինչը բացահայտվել է ՀՀ ԱԱԾ աշխատակիցների կողմից իրականացվող »վերահսկելի գնում« օպերատիվ-հետախուզական միջոցառման արդյունքում:
Վերը նշված հանցավոր արարքները կատարելու համար նախաքննական մարմինը Արամ Բորիկի Քարամյանին մեղադրանք է առաջադրել ՀՀ Քրեական օրենսգրքի 275հոդվածի 2-րդ մասի 1-ին կետով, 34-275հոդվածի 2-րդ մասի 1-ին կետով:
Գործով ամբաստանյալ Վլադիմիր Միխայիլի Գասպարյանը մեղադրվում է այն բանում, որ նա իր ծանոթ Արմեն Ռոմենի Ավագյանի միջնորդությամբ և օժանդակությամբ 2016թվականի սեպտեմբերի 30-ի առավոտյան Երևան քաղաքի Արղության 10հասցեում գտնվող »Մետտա Գրուպ« ՍՊ ընկերության վարչական շենքում՝ իր աշխատասենյակում, հանդիպելով ՀՀ քաղաքացիներ Աշոտ Գևորգյանի և Արամ Քարամյանի հետ, համաձայնել է վերջիններիս առաջարկությանը՝ այլ անձին իրացնելու նպատակով, ընկերության հաշվեկշռին եղած 24820գրամ ընդհանուր քաշով և 1831,7մլ ընդհանուր ծավալով արծաթափայլ մետաղական սնդիկը նրանց հանձնելու վերաբերյալ, որից հետո այդ խմբաքանակը տրամադրել է վերջիններիս՝ փորձանմուշ վերցնելու համար և հեռացել: Դրանից հետո, Աշոտ Գևորգյանը և Արամ Քարամյանը, »Մետտա Գրուպ« ՍՊ ընկերության վարչական շենքում՝ Վլադիմիր Գասպարյանի աշխատասենյակում, մետաղական սնդիկի նշված խմբաքանակը փորձել են ապօրինի իրացնել հանդիպման եկած գնորդին, ինչը բացահայտվել է ՀՀ ԱԱԾ աշխատակիցների կողմից իրականացվող »վերահսկելի գնում« օպերատիվ-հետախուզական միջոցառման արդյունքում:
Վերը նշված հանցավոր արարքը կատարելու համար նախաքննական մարմինը Վլադիմիր Միխայիլի Գասպարյանին մեղադրանք է առաջադրել ՀՀ Քրեական օրենսգրքի 34-275հոդվածի 2-րդ մասի 1-ին կետով:
Գործով ամբաստանյալ Արմեն Ռոմենի Ավագյանը մեղադրվում է այն բանում, որ նա նախապես իմանալով, որ »Մետտա Գրուպ« ՍՊ ընկերությունում առկա է մոտ 30կգ քաշով մետաղական սնդիկ, որը նշված ընկերության ղեկավարությունը ցանկություն ունի իրացնելու, և իր ծանոթ Աշոտ Գևորգյանից տեղեկանալով, որ վերջինս այդ ապրանքի գնորդ է գտել, տեղեկություններ է տրամադրել առ այն, որ վերը նշված ընկերության տարածքում պահվում է մետաղական սնդիկ, որից հետո համապատասխան վարձատրության ակնկալիքով, ստանձնել է Աշոտ Գևորգյանի և ընկերության հիմնադիր Վլադիմիր Գասպարյանի միջև մետաղական սնդիկի ապօրինի իրացման գործընթացի միջնորդի դերը: Նրա միջնորդությամբ և օժանդակությամբ ստանալով Վլադիմիր Գասպարյանի համաձայնությունը՝ Աշոտ Գևորգյանը և Արամ Քարամյանը 30.09.2016թվականին այցելել են »Մետտա Գրուպ« ՍՊ ընկերության բաժնետեր Վլադիմիր Գասպարյանին, ով փորձանմուշ վերցնելու համար տրամադրել է »Մետտա Գրուպ« ՍՊ ընկերության հաշվեկշռին եղած 24820գրամ ընդհանուր քաշով և 1831.7մլ ընդհանուր ծավալով արծաթափայլ մետաղական սնդիկի խմբաքանակն ու հեռացել, որից հետո Աշոտ Գևորգյանը և Արամ Քարամյանը, »Մետտա Գրուպ« ՍՊ ընկերության վարչական շենքում՝ Վլադիմիր Գասպարյանի աշխատասենյակում, մետաղական սնդիկի նշված խմբաքանակը փորձել են ապօրինի իրացնել հանդիպման եկած գնորդին, ինչը բացահայտվել է ՀՀ ԱԱԾ աշխատակիցների կողմից իրականացվող »վերահսկելի գնում« օպերատիվ-հետախուզական միջոցառման արդյունքում:
Վերը նշված հանցավոր արարքը կատարելու համար նախաքննական մարմինը Արմեն Ռոմենի Ավագյանին մեղադրանք է առաջադրել ՀՀ Քրեական օրենսգրքի 38-34-275հոդվածի 2-րդ մասի 1-ին կետով:
Գործով ամբաստանյալ Արայիկ Պետրոսի Սարգսյանը մեղադրվում է այն բանում, որ նա տեղյակ լինելով, որ իր ծանոթ Հովհաննես Գրիգորյանը համապատասխան գումարի դիմաց կարող է իրացնելու նպատակով ապօրինի ձեռք բերել մոտ 30կգ մետաղական սնդիկ, 30.09.2016թվականին ծանոթ Աշոտ Գևորգյանից ստացել է իրացնելու նպատակով մետաղական սնդիկ ապօրինի ձեռք բերելու առաջարկ, որից հետո դիմել է Հ.Գրիգորյանին՝ 1կգ-ն 1000ԱՄՆ դոլար գումարով իրացնելու համար սնդիկ հայթայթելու վերաբերյալ, ով, իր հերթին, հեռախոսազանգի միջոցով կապնվել է Մ.Սահրադյանի հետ և խոստանալով յուրաքանչյուր կիլոգրամի համար վճարել 700ԱՄՆ դոլար գումար՝ խնդրել է նրա մոտ ապօրինի պահվող 29445 գրամ ընդհանուր քաշով և 2173,2մլ ընդհանուր ծավալով արծաթափայլ մետաղական սնդիկը տեղափոխել Երևան-Սևան ավտոճանապարհի վրա գտնվող »Փարավոն« ռեստորանային համալիրի դիմաց գտնվող ամայի տարածք: Այնուհետև, Աշոտ Գևորգյանի և Արամ Քարամյանի հետ, վերջինիս վարած »Մերսեդես« մակնիշի 34AR751 համարանիշի ավտոմեքենայով մեկնել են Հ. Գրիգորյանի հետ նախորոք պայմանավորված վայր, վերը նշված քանակությամբ մետաղական սնդիկը տեղադրել ավտոմեքենայի սրահում և փորձել են իրացնել, ինչը չի հաջողվել, քանի որ դեպքը բացահայտվել է ՀՀ ԱԱԾ աշխատակիցների կողմից »վերահսկելի գնում« օպերատիվ հետախուզական շոցառման արդյունքում:
Վերը նշված հանցավոր արարքը կատարելու համար նախաքննական մարմինը Արայիկ Պետրոսի Սարգսյանին մեղադրանք է առաջադրել ՀՀ Քրեական օրենսգրքի 275հոդվածի 2-րդ մասի 1-ին կետով:
Գործով ամբաստանյալ Հովհաննես Ռաֆայելի Գրիգորյանը մեղադրվում է այն բանում, որ նա տեղյակ լինելով, որ իր ծանոթ Միքայել Գագիկի Սահրադյանն իրացնելու նպատակով ապօրինի պահում է 29445գրամ ընդհանուր քաշով և 2173,2մլ ընդհանուր ծավալով արծաթափայլ մետաղական սնդիկ և համապատասխան գումարի դիմաց կարող է այն իրացնել ու 30.09.2016թվականին Արարատի մարզի բնակիչ Արայիկ Սարգսյանից ստանալով մետաղական սնդիկ հայթայթելու և 1կգ 1000ԱՄՆ դոլար գումարով իրացնելու առաջարկ, հեռախոսակապի միջոցով կապնվել է Մ.Սահրադյանի հետ և խոստանալով յուրաքանչյուր կիլոգրամի համար վճարել 700ԱՄՆ դոլար գումար՝ խնդրել է 29445գրամ ընդհանուր քաշով և 2173,2մլ ընդհանուր ծավալով արծաթափայլ մետաղական սնդիկը տեղափոխել Երևան-Սևան ավտոճանապարհի վրա գտնվող »Փարավոն« ռեստորանային համալիրի դիմաց գտնվող ամայի տարածք: Այնուհետև, Արայիկ Սարգսյանն Աշոտ Գևորգյանի և Արամ Քարամյանի հետ, վերջինիս վարած »Մերսեդես« մակնիշի 34AR751 համարանիշի ավտոմեքենայով մեկնել գնացել են իր հետ նախորոք պայմանավորված վայր, վերը նշված քանակությամբ մետաղական սնդիկը տեղադրել ավտոմեքենայի սրահում և փորձել են իրացնել, ինչը չի հաջողվել, քանի որ դեպքը բացահայտվել է ՀՀ ԱԱԾ աշխատակիցների կողմից »վերահսկելի գնում« օպերատիվ հետախուզական միջոցառման արդյունքում:
Վերը նշված հանցավոր արարքը կատարելու համար նախաքննական մարմինը Հովհաննես Ռաֆայելի Գրիգորյանին մեղադրանք է առաջադրել ՀՀ Քրեական օրենսգրքի 275հոդվածի 2-րդ մասի 1-ին կետով:
Գործով ամբաստանյալ Միքայել Գագիկի Սահրադյանը մեղադրվում է այն բանում, որ նա իր բնակության վայրում ապօրինի պահելով 29445գրամ ընդհանուր քաշով և 2173,2մլ ընդհանուր ծավալով արծաթափայլ մետաղական սնդիկն ու նպատակ ունենալով այն իրացնել՝ գնելու ցանկություն հայտնած անձին, 30.09.2016թվականին ծանոթ Հովհաննես Ռաֆայելի Գրիգորյանից ստացել է առաջարկ՝ յուրաքանչյուր կիլոգրամը 700ԱՄՆ դոլարի դիմաց ապօրինի պահվող սնդիկն իրացնել: Ի կատարումն հանցավոր մտադրության՝ 30.09.2016թվականին Ռ.Գրիգորյանի խնդրանքով վերը նշված մետաղական սնդիկը բնակության վայրից տեղափոխել է Երևան-Սևան ավտոճանապարհի վրա գտնվող »Փարավոն« ռեստորանային համալիրի դիմաց գտնվող ամայի տարածք և դրել նախորոք պայմանավորված վայրում, որից հետո Հ.Գրիգորյանի ծանոթը՝ Արայիկ Սարգսյանն Աշոտ Գևորգյանի և Արամ Քարամյանի հետ, վերջինիս վարած »Մերսեդես« մակնիշի 34AR751համարանիշի ավտոմեքենայով, »Փարավոն« ռեստորանային համալիրի դիմացի ամայի վայրից վերցրել են մետաղական սնդիկը, տեղադրել ավտոմեքենայի սրահում և փորձել են իրացնել, ինչը չի հաջողվել, քանի որ դեպքը բացահայտվել է ՀՀ ԱԱԾ աշխատակիցների կողմից »վերահսկելի գնում« օպերատիվ հետախուզական-միջոցառման արդյունքում:
Վերը նշված հանցավոր արարքը կատարելու համար նախաքննական մարմինը Միքայել Գագիկի Սահրադյանին մեղադրանք է առաջադրել ՀՀ Քրեական օրենսգրքի 275հոդվածի 1-ին մասով:
Այսպիսով վերը նշված հանցավոր արարքները կատարելու համար նախաքննական մարմինը Աշոտ Արամի Գևորգյանին մեղադրանք է առաջադրել ՀՀ Քրեական օրենսգրքի 275հոդվածի 2-րդ մասի 1-ին կետով, 34-275հոդվածի 2-րդ մասի 1-ին կետով, Արամ Բորիկի Քարամյանին մեղադրանք է առաջադրել ՀՀ Քրեական օրենսգրքի 275հոդվածի 2-րդ մասի 1-ին կետով, 34-275հոդվածի 2-րդ մասի 1-ին կետով, Վլադիմիր Միխայիլի Գասպարյանին մեղադրանք է առաջադրել ՀՀ Քրեական օրենսգրքի 34-275հոդվածի 2-րդ մասի 1-ին կետով, Արմեն Ռոմենի Ավագյանին մեղադրանք է առաջադրել ՀՀ Քրեական օրենսգրքի 38-34-275հոդվածի 2-րդ մասի 1-ին կետով, Արայիկ Պետրոսի Սարգսյանին մեղադրանք է առաջադրել ՀՀ Քրեական օրենսգրքի 275հոդվածի 2-րդ մասի 1-ին կետով, Հովհաննես Ռաֆայելի Գրիգորյանին մեղադրանք է առաջադրել ՀՀ Քրեական օրենսգրքի 275հոդվածի 2-րդ մասի 1-ին կետով, Միքայել Գագիկի Սահրադյանին մեղադրանք է առաջադրել ՀՀ Քրեական օրենսգրքի 275հոդվածի 1-ին մասով 05.12.2016թվականին թիվ 58214016քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան, որին շնորհվել է թիվ ԵԱՔԴ/0227/01/16հերթական համարը և մակագրվել է դատավոր Մ.Մելքոնյանին:
Ամբաստանյալներ Միքայել Գագիկի Սահրադյանի և Հովհաննես Ռաֆայելի Գրիգորյանի միջնորդությամբ, Դատարանի 27.11.2018թվականի որոշմամբ կիրառվել է ՀՀ ԱԺ-ի կողմից 01.11.2018թվականին ընդունված և 06.11.2018թվականին ուժի մեջ մտած »Էրեբունի-Երևանի հիմնադրամի 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին« ՀՀ օրենքի 2-րդ հոդվածի 5-րդ մասի 1-ին, 2-րդ կետերը և ամբաստանյալներ Միքայել Գագիկի Սահրադյանի, Հովհաննես Ռաֆայելի Գրիգորյանի նկատմամբ քրեական հետապնդումը դադարեցվել է:
Ամբաստանյալ Արմեն Ռոմենի Ավագյանի միջնորդությամբ, Դատարանի 05.12.2018թվականի որոշմամբ կիրառվել է ՀՀ ԱԺ-ի կողմից 01.11.2018թվականին ընդունված և 06.11.2018թվականին ուժի մեջ մտած »Էրեբունի-Երևանի հիմնադրամի 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին« ՀՀ օրենքի 2-րդ հոդվածի 5-րդ մասի 1-ին կետը և ամբաստանյալ Արմեն Ռոմենի Ավագյանի նկատմամբ ՀՀ Քրեական օրենսգրքի 38-34-275հոդվածի 2-րդ մասի 1-ին կետով քրեական հետապնդումը դադարեցվել է:
Դատարանի 05.12.2018թվականի որոշմամբ Աշոտ Արամի Գևորգյանի նկատմամբ ՀՀ Քրեական օրենսգրքի 275հոդվածի 2-րդ մասի 1-ին կետով և 34-275հոդվածի 2-րդ մասի 1-ին կետով քրեական հետապնդումը դադարեցվել է՝ ՀՀ Քրեական օրենսգրքի 74հոդվածով նախատեսված՝ իրադրության փոփոխման հիմքով:
07.05.2019թվականի դատական նիստի ընթացքում մեղադրող Ա.Չախոյանը հրաժարվեց ամբաստանյալներին առաջադրված մեղադրանքից՝ հանցակազմի բացակայության հիմնավորմամբ, հետևյալ պատճառաբանությամբ.
Նախկինում, երբ կատարվել է սույն հացագործության դեպքը, այն ժամանակ ՀՀ Քրեական օրենսգրքի հավելված 2-ում սահմանված էր թունավոր նյութերի ցանկը և նշված ցանկում կար նաև մետաղական սնդիկը և դրա աղերը, սակայն դատաքննությամբ ՀՀ Տնտեսական զարգացման և ներդրումների, ՀՀ Գյուղատնտեսության, ՀՀ Բնապահպանության, ՀՀ Առողջապահության, ՀՀ Պաշտպանության, ՀՀ Ֆինանսների նախարարություններին և ՀՀ Պետական եկամուտների կոմիտեին կատարված հարցումների պատասխաններից պարզ դարձավ, որ այդ ցանկում ներառված սնդիկի միացությունները չեն պարունակում մետաղական սնդիկ, մասնավորապես բնապահպանության նախարարության 04.04.2019թվականի թիվ 5/04.1/50741գրությամբ պատասխանվել է, որ ՀՀ Կառավարության որոշման 24-րդ կետում ներառված սնդիկի միացությունները չեն նույնացվում դեպքի օրվա դրությամբ քրեական օրենսգրքի 2-րդ հավելվածի 22-րդ կետում, ինչպես նաև դա հետագայում սահմանվեց կառավարության որոշմամբ, դրանցում ներառված թունավոր նյութ, ներառված մետաղական սնդիկի և դրա աղերի հետ և մյուս պատասխանով նշվել է, որ Ռոտերդամի կոնվեցիայով կարգավորման ենթակա՝ ՀՀ-ում արգելված քիմիական նյութերի և թունաքիմիկատների ցանկում մետաղական սնդիկը ներառված չէ, իսկ սնդիկի միացությունների շրջանակն ավելի լայն է և ընդգրկում է ոչ միայն սնդիկի անօրգանական միացությունները, որոնցից են սնդիկի աղերը, այլ նաև օրգանական միացությունները: Վերը նշվածը հաշվի առնելով, կարող ենք եզրահանգել, որ ՀՀ տարածքում շրջանառության հետ կապված որևէ կարգ սահմանված չէ, այդ սահմանափակումը միայն վերաբերվում է ՀՀ մաքսային սահմանով արտահանման կամ ներմուծման համար, իսկ մյուս արգելքը, որը մեղադրանքի կողմից պատճառաբանվում էր, որ սնդիկի միացություններն իր կողմից նշված կառավարության որոշման ցանկով արգելված են ՀՀ տարածքում: Նկատի ունենալով վերոգրյալը, մեղադրանքի կողմը օգտվելով ՀՀ Քրեական դատավարության օրենսգրքով սահմանված իր լիազորություններից, հրաժարվում է Արամ Բորիկի Քարամյանին, Վլադիմիր Միխայիլի Գասպարյանին, Արայիկ Պետրոսի Սարգսյանին առաջադրված մեղադրանքներից, սակայն հաշվի առնելով սնդիկի որպես վտանգավոր, թունավոր նյութ հանդիսանալու հանգամանքը, դատարանից խնդրում է սույն գործով իրեղեն ապացույց ճանաչված մետաղական սնդիկը, որը գտնվում է ՀՀ ԱԱԾ պահեստում, ի տնօրինություն հանձնել ՀՀ Արտակարգ իրավիճակների նախարարությանը, որպեսզի հետագայում այլ վտանգավոր հետևանքներ չառաջանան:
ՀՀ Քրեական դատավարության օրենսգրքի 23հոդվածի 3-րդ մասի համաձայն` Դատարանը հանդես չի գալիս մեղադրանքի կամ պաշտպանության կողմում և արտահայտում է միայն իրավունքի շահերը:
ՀՀ Քրեական դատավարության օրենսգրքի 35հոդվածի 1-ին մասի 2-րդ կետի համաձայն` Քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե` արարքի մեջ հանցակազմ չկա.
ՀՀ Քրեական դատավարության օրենսգրքի 66հոդվածի 1-ին մասի համաձայն` Արդարացված է այն անձը, որի նկատմամբ քրեական հետապնդումը դադարեցվել կամ քրեական գործով վարույթը կարճվել է սույն օրենսգրքի 35հոդվածի առաջին մասի 1-3-րդ կետերով և երկրորդ մասով նախատեսված որևէ հիմքով, կամ որի նկատմամբ կայացվել է արդարացման դատավճիռ:
ՀՀ Քրեական դատավարության օրենսգրքի 309հոդվածի 1-ին մասի համաձայն` Գործի քննությունը դատարանում կատարվում է միայն ամբաստանյալի նկատմամբ և միայն այն մեղադրանքի սահմաններում, որով նրան մեղադրանք է առաջադրվել:
ՀՀ Քրեական դատավարության օրենսգրքի 366հոդվածի 4-րդ մասի համաձայն` Դատարանում մեղադրանքը պաշտպանող դատախազը մեղադրանքից հրաժարվելու դեպքում դատարանը մեղադրանքի այդ մասով կայացնում է արդարացնող դատավճիռ:
Մեղադրանքից հրաժարվելու դատախազի լիազորության բնութագրին, ինչպես նաև դրա իրավական հետևանքներին ՀՀ Վճռաբեկ դատարանն անդրադարձել է 31.05.2014թվականի թիվ ՏԴ2/0030/01/13 որոշմամբ, մասնավորապես արձանագրելով հետևյալ իրավական դիրքորոշումն այն մասին, որ. » (...) համապատասխան հիմքերի առկայության դեպքում (...) դատախազի` որպես պետության անունից քրեական հետապնդում իրականացնող անձի դիրքորոշումը պարտադիր է դատավարության մյուս սուբյեկտների, այդ թվում` դատարանի համար: Մեղադրանքից հրաժարվելու վերաբերյալ դատախազի կամահայտնությունը հավասարազոր է մեղադրանքի (մեղավորության մասին վեճի) բացակայության, որպիսի պայմաններում քրեական դատավարությունը չի կարող շարունակվել, և դատարանը պարտավոր է ավարտել գործի վարույթն արդարացման հիմքով: (...) Վճռաբեկ դատարանն արձանագրում է, որ ինչպես մեղադրանքի, այնպես էլ դրա պաշտպանության ծավալների վերաբերյալ մեղադրողի` որպես պետության անունից քրեական հետապնդում իրականացնող անձի դիրքորոշումը պետաիշխանական ակտ է, որը պարտադիր է դատավարության մյուս սուբյեկտների համար: Այլ խոսքով` եթե դատարանում հետազոտված փաստական տվյալների գնահատման արդյունքում մեղադրողը հրաժարվում է մեղադրանքից, ապա դատական քննությունը չի կարող շարունակվել, և դատարանը պետք է ավարտի գործի վարույթն արդարացման հիմքով` անկախ նրանից, թե համաձայն է մեղադրանքից հրաժարվելու վերաբերյալ դատախազի հայտարարության հիմքում ընկած դատողությունների հետ, կամ դրա դեմ առարկում են դատավարության այլ մասնակիցները, թե ոչ: (...) Այն դեպքում, երբ դատախազը մեղադրանքից հրաժարվելու մասին իր կամահայտնությունն արտահայտում է դատաքննությունն սկսելուց հետո, դատարանը պարտավոր է ՀՀ Քրեական դատավարության օրենսգրքի 366հոդվածի 4-րդ մասով սահմանված կարգով տվյալ դատական նիստում կայացնել արդարացման դատավճիռ:« /Կարեն Ստեփանյանի և Մկրտիչ Հովհաննիսյանի գործով Վճռաբեկ դատարանի 31.05.2014թվականի թիվ ՏԴ2/0030/01/13 որոշում/:
ՀՀ Վճռաբեկ դատարանը 31.10.2014թվականի թիվ ԼԴ/0178/01/12որոշմամբ, վերահաստատելով 31.05.2014թվականի թիվ ՏԴ2/0030/01/13որոշմամբ արտահայտած իրավական դիրքորոշումները` փաստել է, որ. »ՀՀ քրեադատավարական օրենսդրությունը պարտավորեցնում է քրեական գործով մեղադրանքը պաշտպանող դատախազին հրաժարվել մեղադրանքից, եթե դատական քննության ընթացքում հետազոտված փաստական տվյալների գնահատման արդյունքում պարզում է, որ բացակայում է հանցադեպը, հանցակազմը, կամ վնաս պատճառած արարքն օրենքով համարվում է իրավաչափ կամ կատարված հանցագործությանը մեղադրյալի մասնակցությունն ապացուցված չէ, և սպառված են նոր ապացույցներ ձեռք բերելու բոլոր հնարավորությունները: Նշված հիմքերից ցանկացածով մեղադրանքից հրաժարվելու մասին դատախազի հայտարարությունը քրեական գործի վարույթը բացառող անվերապահ հանգամանք է և պետք է հանգեցնի քրեական հետապնդումն արդարացման հիմքով դադարեցնելու մասին որոշման կամ արդարացման դատավճռի կայացմանը` կախված այն հանգամանքից, թե դատական քննության հատկապես որ փուլում է մեղադրողը հրաժարվել մեղադրանքից: Այլ խոսքով` մեղադրանքից հրաժարվելու վերաբերյալ դատախազի կամահայտնությունը քրեական վարույթի ընթացքը կանխորոշող հանգամանք է, որն առանց բացառությունների պետք է հանգեցնի արդարացման հիմքով գործն ըստ էության լուծող դատական ակտի կայացմանը` անկախ նրանից, հիմնավորված է այդ հայտարարությունը, կամ դրա հետ համաձայն են դատավարության սուբյեկտները, այդ թվում` դատարանը, թե` ոչ: Նշված դիրքորոշումը պայմանավորված է այն հանգամանքով, որ դատական քննությունը, լինելով քրեական դատավարության փուլային համակարգի վճռորոշ փուլ, միտված է մեղադրանքի հիմքում դրված ապացույցների հետազոտման արդյունքում պատասխան տալ ամբաստանյալի մեղավորության կամ անմեղության հարցին: Այլ խոսքով` դատական քննության առարկան իրավական վեճն է պետության (տուժողի) և ամբաստանյալի միջև, որը պետք է լուծվի քրեական դատավարության մի շարք սկզբունքների, այդ թվում` մրցակցության սկզբունքի պահպանմամբ: Մրցակցային դատավարությունը նախևառաջ ենթադրում է, որ մեղադրանքի և պաշտպանության գործառույթները տարանջատված և սահմանազատված են գործի լուծման գործառույթից: Քրեական գործը պետք է լուծվի անկախ և անկողմնակալ դատարանի կողմից, որը չի կարող հանդես գալ մեղադրանքի կամ պաշտպանության կողմում և պետք է արտահայտի միայն իրավունքի շահերը (...): ՀՀ Սահմանադրությամբ և քրեադատավարական օրենքով պետության քրեական քաղաքականությունն իրականացնող և դրա համար պատասխանատու պաշտոնատար անձը դատախազն է, որին վերապահված է դատարանում քրեական մեղադրանքը պաշտպանելու, փոփոխելու, ինչպես նաև` դրանից հրաժարվելու բացառիկ իրավասություն: Առաջին ատյանի դատարանում` դատական քննության ցանկացած փուլում (մինչև դատարանի խորհրդակցական սենյակ հեռանալը), դատախազը կարող է հրաժարվել մեղադրանքից, ինչն ըստ էության հավասարազոր է մեղադրանքի (մեղավորության մասին վեճի) բացակայության: Այդ պայմաններում դատական քննությունը շարունակելու, այդ թվում` մեղադրանքից հրաժարվելու վերաբերյալ դատախազի հայտարարության իրավաչափությունը պարզելու նպատակով դատավարական գործողություններ իրականացնելու դեպքում, դատարանը կստանձնի քրեական հետապնդումն իրականացնող մարմնի գործառույթ` դուրս գալով մրցակցային դատավարության սկզբունքի շրջանակներից:« /Արմեն Աբրահամյանի գործով Վճռաբեկ դատարանի 31.10.2014 թվականի թիվ ԼԴ/0178/01/12 որոշում/:
Վերոգրյալ իրավանորմերը և ՀՀ Վճռաբեկ դատարանի իրավական դիրքորոշումները կիրառելով` Դատարանը հանգում է հետևության, որ Արամ Բորիկի Քարամյանին ՀՀ Քրեական օրենսգրքի 275հոդվածի 2-րդ մասի 1-ին կետով, 34-275հոդվածի 2-րդ մասի 1-ին կետով, Վլադիմիր Միխայիլի Գասպարյանին ՀՀ Քրեական օրենսգրքի 34-275հոդվածի 2-րդ մասի 1-ին կետով և Արայիկ Պետրոսի Սարգսյանին՝ ՀՀ Քրեական օրենսգրքի 275հոդվածի 2-րդ մասի 1-ին կետով առաջադրված մեղադրանքներով պետք է արդարացնել` ճանաչելով և հռչակելով նրանց անմեղությունը` հանցակազմի բացակայության հիմքով:
ՀՀ Քրեական դատավարության օրենսգրքի 151հոդվածի 2-րդ մասի համաձայն` խափանման միջոցը վերացվում է, երբ վերանում է դրա անհրաժեշտությունը։
Անդրադառնալով Արամ Բորիկի Քարամյանի, Վլադիմիր Միխայիլի Գասպարյանի և Արայիկ Պետրոսի Սարգսյանի նկատմամբ ընտրված խափանման միջոցի հարցին` Դատարանը փաստում է, որ արդարացման դատավճիռ կայացնելու պայմաններում վերացել է նրանց նկատմամբ ընտրված խափանման միջոցը պահպանելու անհրաժեշտությունը, հետևաբար նրանց նկատմամբ ընտրված խափանման միջոցը՝ ստորագրություն չհեռանալու մասին, պետք է վերացնել:
Գործով քաղաքացիական հայցի պահանջ չկա:
Գույքի վրա կալանք դնելու մասին որոշում չի կայացվել։
Քննության առնելով իրեղեն ապացույցների տնօրինման հարցը, դատարանը հանգում է այն հետևության, որ իրեղեն ապացույց ճանաչված և ՀՀ ԱԱԾ Քննչական վարչության պահեստային մասում գտնվող 24820գրամ ընդհանուր քաշով և 1831,7մլ ընդհանուր ծավալով արծաթափայլ մետաղական սնդիկը պետք է վերադարձնել սեփականատիրոջը՝ »Մետտա Գրուպ« ՍՊԸ-ին, իսկ իրեղեն ապացույց ճանաչված 29445գրամ ընդհանուր քաշով և 2173,2մլ ընդհանուր ծավալով արծաթափայլ մետաղական սնդիկը վերադարձնել սեփականատիրոջը՝ Միքայել Գագիկի Սահրադյանին:
ՀՀ Քրեական դատավարության օրենսգրքի 360հոդվածի 1-ին մասի 14-րդ կետի համաձայն՝ դատավճիռ կայացնելիս դատարանը լուծում է նաև դատական ծախսերի հարցը:
Հաշվի առնելով այն հանգամանքը, որ վերը նշված հիմնավորումներով ճանաչվելու և հռչակվելու է ամբաստանյալների անմեղությունը, դատարանն արձանագրում է, որ տվյալ դեպքում դատական ծախսերի հարցը պետք է համարել լուծված, քանի որ ՀՀ Քրեական դատավարության օրենսգրքի 168հոդվածով նախատեսված դատական ծախսերն ամբաստանյալներին առաջադրված մեղադրանքներում արդարացնելու պատճառով նրանցից ենթակա չեն բռնագանձման:
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 35հոդվածի 1-ին մասի 2-րդ կետով, 357-360, 366, 369-375հոդվածներով՝ Դատարանը
Վ Ճ Ռ Ե Ց

Ճանաչել և հռչակել ամբաստանյալ Արամ Բորիկի Քարամյանի անմեղությունը ՀՀ Քրեական օրենսգրքի 275հոդվածի 2-րդ մասի 1-ին կետով, 34-275հոդվածի 2-րդ մասի 1-ին կետով առաջադրված մեղադրանքներով և արդարացնել՝ արարքում հանցակազմի բացակայության հիմքով:
Արամ Բորիկի Քարամյանի նկատմամբ ընտրված խափանման միջոցը՝ ստորագրություն չհեռանալու մասին, վերացնել:
Ճանաչել և հռչակել ամբաստանյալ Վլադիմիր Միխայիլի Գասպարյանի անմեղությունը ՀՀ Քրեական օրենսգրքի 34-275հոդվածի 2-րդ մասի 1-ին կետով առաջադրված մեղադրանքով և արդարացնել՝ արարքում հանցակազմի բացակայության հիմքով:
Վլադիմիր Միխայիլի Գասպարյանի նկատմամբ ընտրված խափանման միջոցը՝ ստորագրություն չհեռանալու մասին, վերացնել:
Ճանաչել և հռչակել ամբաստանյալ Արայիկ Պետրոսի Սարգսյանի անմեղությունը ՀՀ Քրեական օրենսգրքի 275հոդվածի 2-րդ մասի 1-ին կետով առաջադրված մեղադրանքով և արդարացնել՝ արարքում հանցակազմի բացակայության հիմքով:
Արայիկ Պետրոսի Սարգսյանի նկատմամբ ընտրված խափանման միջոցը՝ ստորագրություն չհեռանալու մասին, վերացնել:
Գործով իրեղեն ապացույցներ ճանաչված՝ 24820գրամ ընդհանուր քաշով և 1831,7մլ ընդհանուր ծավալով արծաթափայլ մետաղական սնդիկը վերադարձնել »Մետտա Գրուպ« ՍՊԸ-ին, իսկ 29445գրամ ընդհանուր քաշով և 2173,2մլ ընդհանուր ծավալով արծաթափայլ մետաղական սնդիկը վերադարձնել Միքայել Գագիկի Սահրադյանին:
Դատական ծախսերի հարցը համարել լուծված:
Դատավճիռը կարող է բողոքարկվել ՀՀ Վերաքննիչ քրեական դատարան՝ հրապարակման պահից մեկամսյա ժամկետում:
ԴԱՏԱՎՈՐ՝ Մ.ՄԵԼՔՈՆՅԱՆ

Դատավճիռը չի բողոքարկվել, մտել է օրինական ուժի մեջ

«--------» ------------------------- 2019թ.
ԴԱՏԱՎՈՐ՝ Մ.ՄԵԼՔՈՆՅԱՆ