N-ԵԱՔԴ/0121/01/16
Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ ՔՐԵԱԿԱՆ
ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

՚18ՙ հոկտեմբերի 2016թ. ք.Երևան

ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐª Մ.ՄԵԼՔՈՆՅԱՆ
ՔԱՐՏՈՒՂԱՐՈՒԹՅԱՄԲª Դ.ԳԱՍՊԱՐՅԱՆԻ

ՄԱՍՆԱԿՑՈՒԹՅԱՄԲª
ՄԵՂԱԴՐՈՂ Ա.ԱՌԱՔԵԼՅԱՆԻ
ԱՄԲԱՍՏԱՆՅԱԼ Ա.ԳԱԲՈՅԱՆԻ
ՏՈՒԺՈՂ Պ.ՎԱՐԴԱՆՅԱՆԻ

Դռնբաց դատական նիստում քննության առնելով քրեական գործն ըստ մեղադրանքի Արման Վահագի Գաբոյանի` ծնված 12.09.1985թվականին, քաղաք Երևան, ազգությամբ հայ,ՀՀ քաղաքացի,
բարձրագույն կրթությամբ,չամուսնացած,չի աշխատում,նախկինում դատվածª Արաբկիր
և Քանաքեռ-Զեյթուն վարչական շրջանների ընդհանուր իրավասության դատարանի
19.06.2012թվականի դատավճռով ՀՀ Քրեական օրենսգրքի 258հոդվածի 3-րդ մասի 1-ին
կետով դատապարտվել է տուգանքի 300000/երեք հարյուր հազար/ դրամի չափով, 26.05.
2011թվականի համաներման կիրառմամբ ազատվել է պատժի կրումից, հաշվառված է և
բնակվում է ք.Երևան,Վաղարշյան 19/1շենք, 23բն. հասցեում,20.05.2016թվականին որպես
խափանման միջոց է ընտրվել ստորագրություն չհեռանալու մասին:
Մեղադրվում է ՀՀ Քրեական օրենսգրքի 113հոդվածի 1-ին մասով:
Դատաքննությամբ և գործի տվյալներով դատարանը

Պ Ա Ր Զ Ե Ց

Գործով ամբաստանյալ Արման Վահագի Գաբոյանը մեղադրվում է այն բանում, որ նա 2016թվականի մայիսի 8-ին ժամը 23-ի սահմաններում, Երևան քաղաքի Վաղարշյան 19շենքի բակում Պայքար Պարգևի Վարդանյանի կողմից իր հասցեին արված հայհոյանքից առաջացած վիճաբանության ժամանակ դանակով հարվածել է Պ.Վարդանյանի մարմնինª դիտավորությամբ առողջությանը պատճառելով միջին ծանրության վնաս, առողջության տևական քայքայումովª աջ դաստակի 4-րդ մատի շրջանի կտրած, միջկողային զարկերակի, մկանների վնասումով և արյունահավաքով, կրծքավանդակի աջ կեսի ծակած-կտրած, չթափանցող վերքերի ձևով:
Վերը նշված հանցավոր արարքը կատարելու համար նախաքննական մարմինը Արման Վահագի Գաբոյանին մեղադրանք է առաջադրել ՀՀ Քրեական օրենսգրքի 113հոդվածի 1-ին մասով և 27.06.2016թվականին մեղադրական եզրակացությամբ քրեական գործն ուղարկվել է ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
Մինչ դատաքննությունն սկսելը տուժող Պայքար Վարդանյանը հայտնեց, որ Արման Գաբոյանի հետ հաշտվել է և նրա նկատմամբ բողոք չունի, խնդրում է քրեական գործի վարույթը կարճել և քրեական հետապնդումը դադարեցնել, ինչի վերաբերյալ 24.09.2016թվականին նաև դիմում է ներկայացրել դատարան:
Ամբաստանյալ Արման Վահագի Գաբոյանը միջնորդության դեմ չառարկեց, հայտնելով, որ հաշտվել է գործով տուժողի հետ և համաձայն է, որ այդ հիմքով իր նկատմամբ քրեական հետապնդումը դադարեցվի և քրեական գործի վարույթը կարճվի, ինչի վերաբերյալ 24.09.2016թվականին ներկայացրել է համապատասխան դիմում:
Մեղադրողը միջնորդության դեմ չառարկեց:
ՀՀ Քրեական դատավարության օրենսգրքի 35հոդվածի 1-ին մասի 4-րդ կետի համաձայն քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե սույն օրենսգրքով նախատեսված դեպքերում բացակայում է դիմողի բողոքը, իսկ նույն հոդվածի 1-ին մասի 5-րդ կետի համաձայն` եթե տուժողը սույն օրենսգրքով նախատեսված դեպքերում հաշտվել է կասկածյալի կամ մեղադրյալի հետ:
ՀՀ Քրեական դատավարության օրենսգրքի 183հոդվածի 1-ին մասի համաձայն ՀՀ Քրեական oրենuգրքի 113հոդվածի 1-ին մասով նախատեuված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կաuկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման, իսկ համաձայն ՀՀ Քրեական դատավարության օրենսգրքի 35հոդվածի 5-րդ մասիª դատարանը, հայտնաբերելով քրեական հետա-պընդումը բացառող հանգամանքներ, լուծում է ամբաuտանյալի նկատմամբ քրեական հետապնդումը դադարեցնելու հարցը:
Նկատի ունենալով, որ ՀՀ Քրեական դատավարության օրենսգրքի 183հոդվածի 1-ին մասի համաձայն ՀՀ Քրեական oրենuգրքի 113հոդվածի 1-ին մասով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման, իսկ համաձայն ՀՀ Քրեական դատավարության օրենսգրքի 35հոդվածի 5-րդ մասիª դատարանը, հայտնաբերելով քրեական հետապնդումը բացառող հանգամանքներ, լուծում է ամբաuտանյալի նկատմամբ քրեական հետապնդումը դադարեցնելու հարցը, հետևաբար քրեական գործի վարույթը ենթակա է կարճման, իսկ քրեական հետապնդումը` դադարեցման:
Արման Վահագի Գաբոյանի նկատմամբ ընտրված խափանման միջոցըª ստորագրություն չհեռանալու մասին, պետք է վերացնել:
Քաղաքացիական հայցի պահանջ չկա:
Քննության առնելով իրեղեն ապացույցների տնօրինման հարցը, դատարանը հանգում է այն հետևության, որ իրեղեն ապացույց ճանաչված Ա.Գաբոյանի կողմից ներկայացված գործարանային արտադրության տնտեսակենցաղային նշանակության սևեռվող շեղբով ծալովի դանակը պետք է ոչնչացնել, իսկ իրեղեն ապացույց ճանաչված ՚Adidasՙ գրառմամբ սև գույնի սպորտային տաբատը, սպիտակ գույնի ՚USAՙ գրառմամբ կիսաթև շապիկը և սպիտակ գույնի շապիկը, որոնք գտնվում են ՀՀ Ոստիկանության ՓՔՎ-ում, պետք է վերադարձնել տուժող Պայքար Վարդանյանի տնօրինությանը:
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 35հոդվածի 1-ին մասի 5-րդ կետով, 5-րդ մասով, 183հոդվածի 1-ին մասով դատարանը

Ո Ր Ո Շ Ե Ց

Արման Վահագի Գաբոյանի վերաբերյալ քրեական գործի վարույթը ՀՀ Քրեական օրենսգրքի 113հոդվածի 1-ին մասով կարճել և նրա նկատմամբ քրեական հետապնդումը դադարեցնել` տուժողի հետ հաշտվելու հիմքով:
Արման Վահագի Գաբոյանի նկատմամբ ընտրված խափանման միջոցըª ստորագրություն չհեռանալու մասին, վերացնել:
Քաղաքացիական հայցի պահանջ չկա:
Գործով իրեղեն ապացույց ճանաչված գործարանային արտադրության տնտեսակենցաղային նշանակության սևեռվող շեղբով ծալովի դանակըª ոչնչացնել, իսկ իրեղեն ապացույց ճանաչված ՚Adidasՙ գրառմամբ սև գույնի սպորտային տաբատը, սպիտակ գույնի ՚USAՙ գրառմամբ կիսաթև շապիկը և սպիտակ գույնի շապիկըª վերադարձնել տուժող Պայքար Վարդանյանին:
Որոշումը կարող է բողոքարկվել ՀՀ Վերաքննիչ քրեական դատարանª հրապարակման պահից մեկամսյա ժամկետում:

ԴԱՏԱՎՈՐ` Մ.ՄԵԼՔՈՆՅԱՆ